شبكة الإمامين الحسنين عليهما السلام الثقافية

شمه او صاح عمرك هذا حدّه

ينور العين يوليدي يَلَكْبَرْ

المصيبه اللي صرت منها ابحيره

اشوف اجروح من جسمك چثيره

يبويه محنتي ابفگدك چبيره

او بعد كلما اعاين ليك تكبر

مدري اشلون شالوا نعش الأكبر

على صوب الخيم وحسين كبّر

زينب واجفه اعله الباب تنظر

شافت نعش ويّه الهاشميين

شالوه الهواشم للصواوين

وهو يمشي او عله ابنه شابح العين

طلعت زينب او باجي النساوين

تخمْش اخدودها او علوجه تلطم

لهفي على عقائل الرسالهْ

لّما رأينه بتلك الحالهْ

علا نحيبُهنَّ والصياحُ

فاندهش العقول والأرواحُ

لهفي لها إذ تندب الرسولا

فكادت الجبال أن تزولا

دخلّيني يخويه احسين يمَّه

احس ابدمع عيني اجروح جسمه

عَلِي اعيوني واريد الصدري اضمَّه

واشيله للخيم ويَّاك يحسين

شافه والنبل شابچ عَلَيْ راح

هوه فوگ او صفگ راح عَلَيْ راح

صاح ابصوت يا زينب عَلِي راح

يخويه اظلمت الدنيه عليه

ونادت زينبُ الكبرى بصوتٍ

على (ليلى) وأدمعُها تسيلُ

تقول لها اسرعي هذا عليٌ

شبيه المصطفى الهادي قتيل

أهو عُرسٌ أم مأتمٌ فيه يعلو

لبنات الزهراء أيُّ دويِّ

وذبيحٌ يحقُّ في كل عضو

منه أن يُفتدى بذِبحٍ زكيّ

تتوارى الأقمارُ حين تراه

من محيّاً معفرٍ قمريّ

ولقد كان أشبهَ الناس خُلقا

خَلقا منطقا بخير نبيّ

بعدما أنقذ الرشادَ عَلاه

بحسام الضلال منقذُ غيّ

فهوى البدرُ باسمَ الثغرِ بِشرا

داميَ النحرِ والجبينِ الوضيّ

فوق مهد من السيف

تحت ظلّ من القنا والقِسيّ

وهو يدعو أباه شجوا بصوت

متلاشٍ مما عراه خفيّ

أبتاه عليك مني سلامٌ

قد سقاني جدي بكأس هَنيّ

فأتاه الحسين يُسرع بالخطو

ويعدو وقورُ آل لُوَيّ

فرأى جسمَه الموزعَ أضحى

قَطعاتٍ فوقَ الصعيدِ السويّ

فرمى نفسَه عليه حزينا

بفؤادٍ دامٍ وطرفٍ خفيّ

نادباً عنده بنيّ على الدنيا

العفا يا شبيهَ خيرِ صفيّ

قتل اللهُ شرَّ قومٍ أضاعوا

حرمةّ المصطفى بقتل عليّ(١)

على الله يا ضيا اعيوني احتسبتك

لچن اشيصَبْر امك شگل لختك

شسوي العمتك وهي اعله جيتك

شبحت عينها ابّاب الصواوين

ردت ليه روحه او حنّ الأكبر

زرگ عينه على احسين او تحسَّر

ون ونَّه خفيه والدمع خر

يبويه احسين لا تعتب على البين

يبويه لا تفت روحك عليه

فدوه اتروح لك كل البريه

يبويه الساع جدي ابين ايديه

سگاني عذب ماي الكوثر الزين

حن احسين اويلي او دنّگ اعليه

يحب خده او يشم نحره ويفدّيه

اهناك اولن الأكبر سبّل ايديه

او مد رجليه اويلي او مات بالحين

گام احسين ما يعدل الگامه

ظهره منحني او يمه عمامه

ناداهم دگوموا يا نشامه

شيلوا النعش الأكبر يا ميامين

فكت عينها او شافت ولدها

يبچي او يسكب الدمعه اعله خدها

يبعد امك تگله او يا چبدها

عَلَيْ رديت روحي ابجيتك هاي

گام اگبالها ينگل اجدامه

وهي اتعاين لعد نصبت الگامه

يبعد أهلي تگله بالسلامه

عسن دايم يروحي او لِبَّة احشاي

فجيده يا علي يبني فجيده

بعيده شوفتك صارت بعيده

المدّ إيده عليك انشلت ايده

او شرابه لا هنه او لا طاب له الزاد

يا علي يبني الحين ذليت

والموت ياخذني تمنيت

عمود الوسط يلشايل البيت

يبني بعد عندي اشخليت

عله الأكبر صحت يحسين ونصار

شباب ابني او عليه بالگلب ونصار

بعد ما ظل لبوك اعوان ونصار

او بيه اگطعت يوم الغاضريه

فأتاه الحسينُ كالصقرِ منقضّاً

وكالرعدِ ماجَ فيه الفضاءُ

فرأى شبلَهُ وقد وزعته

قطعاً في سيوفها الأعداء

يرفعُ السبطَ طرفَهُ وهو يدعو

ربَّهُ في رضاكَ هذا الفداء

بقلبيَ أوقدتْ ذاتُ الوقودِ

رزايا الطف لا ذاتُ النهود

شبابٌ بالطفوف قضى شهيدا

يشيب لرزئه رأسُ الوليد

شبيهُ محمدٍ خَلقا وخُلقا

وفي مشيٍ وفي لَفتَات جيد

وفي نطقٍ لسانُ الوحي منه

يرتّله بقرآن مجيد

وفي وجهٍ يفوق البدرَ نورا

وفي سيمائِه أثرُ السجود

فما أدري اُهني أم اُعزي

عليَّ المرتضى بابن الشهيد

فطورا يا عليُّ به اُهني

وأنظم مدحَه نظم العقود

عليٌ بالطفوف أقام حرباً

كحربك يا عليُّ مع اليهود

وصيّر كربلا بدرا و اُحدا

ونادى يا حروبَ الجدِّ عودي

وقاتل بكرَهم كقتال عمروٍ

وغادر جسمَه نهبَ الحديد

وطورا يا عليُّ به اُعزي

وتبكي العينُ للعقدِ الفريد

أقول لها وقد مُلأت دموعا

ألا يا مقلتي هل من مزيد

شبابٌ ما رأى عُرسا ولكن

تخضَّب كفُّه بدم الوريد

فوا نفسي اذهبي وجدا وحزنا

ويا عيني بحُمر الدمع جودي

على حُلوِ الشباب وبدرِ تمٍّ

شبيهِ محمدٍ خيرِ الجدود

كأني بالحسين غدى ينادي

علينا يا ليالي الوصلِ عودي

رجوتُك يا عليُّ تعيشُ بعدي

وتوسدُ جثتي رمسَ اللحود

وتمشي باكيا من خلف نعشي

كما يبكي الوليدُ على الفقيد

ولم أنس النساءَ غداة فرَّت

إلى نعش الشهيدِ ابنِ الشهيد

تُقبِّل هذه وتَشَمُّ هذي

خضيبَ الكفِ او وردَ الخدود

إذا أمٌّ تنوح تقول أختٌ

أعيدي النوح معولةً أعيدي

فهنَّ على البكا متساعداتٌ

ألا فأعجَبْ لذي ثَكلٍ سعيد(١)

يا شبيه المصطفى الهادي الأمين

يا تعب گلبي او ثمر ذيچ السنين

بعد عمرك عمري يگضي بالونين

اجفون عيني امن السهر ذبلانه

آيزهرة دنيتي او شم الهوه

يا صْبَي عيني اليشع منه الضوه

يا طبيب اجروح گلبي والدوه

عشت وياك العمر فرحانه

يا علي مادامت أيام الفرح

أمل گلبي والأمل خايب صبح

آه يا عملة زماني المانصح

خذك مني او روحي إلك لهفانه

يا أعياد العمر يا طير السعد

بيك يبني تنگضي هاي الشدد

هم عليَّه يا علي ترجع بعد

او دمع عيني ينگطع جروانه

اشلون يبني اعليك ما تنحب الروح

جرح فوگ الجرح گلبي ابهل جروح

على الغبره اتنام يوليدي او تروح

يوم عاشر گصه البين اويانه

گلي ابيا سبب يبني وداعي

تصدً عني اولا تسمع وداعي

أنا ما طالب ابحگي وداعي

گلِّي اوداعة الله او هاي هيه

أفاطم لو خلت الحسين مجدلا

وقد مات عطشانا بشط فرات

إذاً للطمت الخد فاطم عنده

وأجريت دمع العين في الوجنات

يبويه اشلون ما تبچي الزچيه

وگطع يبني الدهر وصلك عليه

يبويه جدك او جدتك هيه

اعتنوا يبني يعزوني اعله فگدك

يبويه يالفجعني ابفگدك البين

يا روحي او چبدتي او شوفت العين

اشحال امك الظلت بالصواوين

تهل اعيونها او تربي اعله دربك

يبويه الماگضت العمر وياك

عزيز او يصعب اعله الروح فرگاك

يبويه يالچنت دايم ابذكراك

اسلِّي الروح وانته اگبال عيني

هسّه اشلون من اتروح عني

دگلي ابيش اسلي الروح يبني

يبويه انچان شايف غيض مني

يبويه غيض ما بينك او بيني

يبويه اشلون گلي داروا اعليك

يبويه امن الطبر ما ظل نفس بيك

دحاچيني يروحي ماني احاچيك

وحگ جدك تراه البيك بيه

كنتَ السوادَ لناظري

فعليك يبكي الناظرُ

مَن شاء بعدَك فليمُتْ

فعليك كنتُ أحاذر

لتبكِ بقاني الدمعِ بين الملاحمِ

لشبهِ رسولِ اللهِ اسيافُ هاشمِ

وتلطمُ لكن في رؤوسِ أميةٍ

عليه دوامَ الدهرِ بيضُ الصوارم

فقد وزّعت أشلاءَه في جموعهم

وما قرعتْ حربٌ له سنَّ نادم

صبيحَة أضحى السبطُ لم يرَ ناصرا

يدافع عنه غيرَ رمحٍ وصارم

هناك عليُّ الأكبرُ لاطهرُ لللقا

تحلَّى بعَضبٍ للأباطل حاسم

سطا كالعفرنا في جيوش أميةٍ

ففرت على وجهِ الثرى كالبهائم

فمِن قاتلٍ هذا هو الندْبُ حيدرٌ

ومن قائلٍ ذا أحمدٌ ذو المكارم

بدت آيةُ الفتح المبينِ لسيفِه

وللنصرِ بانت واضحاتُ العلائم

فحال القضا والسيفُ أودى لرأسه

فخرّ على الغبراءِ بين الملاحم

ودار عليه القومُ من كلّ جانبٍ

بيضِ مواضيها وسمرِ اللهاذم

فحيّا أباه بالسلام ورزؤُه

يموج كموج العَيلَمِ المتلاطم

ولبّاه سبطُ المصطفى بحُشاشةٍ

بها ظفرت أيدي الجوى والمآثم

وشتَّ صفوفَ القومِ بالسيف وانحنى

عليه بقلب في الصَبابةِ هائم

ونادى على الأيام من بعدم العفا

ولا زَهَتِ الدنيا بمُقلةِ شائم

بنيَّ فدتْك النفس نهضا فإنَّ بي

أحاط العدى من كلِّ رجسٍ وظالم

لقد فُتّتِ الأحشاءُ مني وأَوهنت

قوايَ وكلّت يا بنيَّ عزائمي

فلهفي على ذاك المحيا معفرا

ولهفي على تلك الخدودِ النواعم

ولهفي على ذاك القِوام مجدَّلا

ولهفي على تلك الثغورِ البواسم(١)

بويه علي بطّل ونينك

أدري الأعادي باهضينك

أبّيض او عوالي اموزعينك

يمهيوب يالما مش قرينك

حال الگدَر بيني او بينك

ما ريد عمري عگب عينك

على الدنيه العفه بعدك يلَكْبر

عس جسمي گبل جسمك تُوذر

اظل بعدك يبويه اشلون أگدر

وهاي انته نصب عيني امدد

يبني الدمع والونه والحنين

او طول النوح والحسره والونين

اشينفع يا وليدي بعدك احسين

الفگد يبني ابفگدك غرّة الجد

عثر الزمانُ به فغودر جسمُه

نهبَ القواضبِ والقنا المتقصدِ

ومحا الردى يا قاتلَ اللهُ الردى

منه هلالَ دجىً وغرّة فَرقد

يا نجعةَ الحيينِ هاشم والندى

وحمى الذمارينِ العُلا والسؤدد

فلتذهب الدنيا على الدنيا العفا

ما بعد يومِك من زمانٍ ارغد

يبني وحگ امي الزهره

بعدك حياتي صفت مره

الفگدك دوت بحشاي جمره

وجروح فگدك عيب تبره

يلما بلغ عشرين عمره

هذي ادموعي اعليك نثره

والله عجب يا گرة العين

نايم او يمك واجف احسين

يصفج اليسره فوگ اليمين

من الوسف ويجر الونين

يعتب عليك او نوب علبين

او تجري ادموعه اعله الوجنتين

راح اللي تعبت اعليه ربيت

ومن گلبي عليه اهموم ربيت

گلت عندي ولد ويصير ربيت

يباريني لمن تدنه المنيَّه

بنيَّ بنار الحزنِ قلبي يصطلي

عليك وأمسى خاليا منك منزلي

فانك بدرٌ في المخيم كنتَ لي

وكنتُ أراني في زفافك تنجلي

بشبهِ المصطفى جاءوا قتيلا

إلى خيم النسا فعلى العويلُ

وصاحت زينبُ الكبرى بصوتٍ

ودمعٌ مِن محاجرها يسيل

لليلى أسرعي هذا عليٌّ

شبيهُ المصطفى الهادي قتيل

فمذ سمعت بمصرعِه تحنّت

أضالعُها وقَد ذاب الغليل

غدت تمشي وتعثَرَ وهي ثكلى

عراها من مصيبتها الذهول

وجاءت تسحب الأذيالَ حزنا

وحول وحيدِها أخذت تجول

ووالدُه الحسينُ هوى عليه

وقد أدمت محاسنَه النصول

يُناديه وليس به حِراكٌ

بنيَّ اليومَ فارقنا الرّسول

على الدنيا العفا يا نورَ عيني

وبعدك غيرَ هذا لا أقول(١)

بنيَّ قضيتَ النحبَ للدين كالئا

بنفسك يا من كنتَ للدرع مائلا

فقبلك ليت الموتَ بي كان بادئا

لقد كنتُ أرجو حيث ألقاك ناشئا

او ليله اطلعت بالخدر تعثر

او صاحت ابصوت الله أكبر

يحسين وين ابني تگنطّر

الله الاحّد راح الأكبر

يحسين وين ابنك تگنطّر

أخاف المهر ذبه او تعوّر

تركض لا مره ظلّت ولابت

تگطّع ما بگه ابجسمه ولابت

خالي امن الحزن ما ظل ولابت

ابيوم الطاح الاكبر علوطيه

أشد وأعظم على ليله ولدها

ابيوم الطاح واليها ولدها

ترضه الشمر يضبها ولدها

او راحت للسبي امن الغاضريه

ما چانت بخوها تدري اسكينه

تگله چا شبيه المصطفى وينه

تدري يبتهج لو عاينه ابعينه

او تشوف احسين حاله موش عاجبها

يگلها راح شبه المصطفى امن ايدي

يسكنه البين حاتفني على اوليدي

فگد ابني هدم ركني او لوه جيدي

او كل اهلي علي جدد مصايبها

فإذا في لِقاكَ لم أر نيلا

فاعرني ولو خيالَك ليلا

هل ترى منك لي عن الصدِّ مَيلا

أَمُنى القلبِ إنَّ أمَّك ليلى

أدوّر وانشد اعله الطاح ونتاه

شباب اسمع يفت الگلب ونتاه

اوليدك ينذبح يحسين ونتاه

يجري اعبار دمك علوطيه

عفيه اعله گلب امك الما ذاب

او للسا بگت تنعه اعله الاحباب

واعظمها نورك يبني الغاب

بين المواضي او بين الأحراب

او شافتك يبني ابحر التراب

و دمك الجسمك صاير اخضاب

يشبه الرسول او داحي الباب

الفگدك جرح بالگلب ما طاب

يبني گطّعوا جسمك ولم بي

وخلّه اصوابك ابگلبي ولم بي

يلاكبر حگي اعتبنَّك ولم بي

او ردت گبلك ييمه الموت ليه

وأمُّه ما بين عماتِه

دموعُها من وجدِها جاريَهْ

تقول يا روحي ويا مهجتي

تركتَني والهةً باكيه

فتى جُمعت فيه شمائلُ أحمدٍ

وبأسُ عليٍ المرتضى وثباتُهُ

فو الله لا أنساه يوم الوغى وقد

حكتْ حملاتِ المرتضى حملاته

تخالُ إذا ما شدَّ ليثا غضنفرا

شديدَ القوى مرهوبةً سطواته

فتى لا يهاب الموتَ في حَومةِ الوغى

فسيانَ فيها موتُه وحياته

فلو شاء أفناهمْ ولكن يكفُّه

ويَثنيه عنهم حلمُه وأناته

يكُرُّ عليهم كرةَ الليثِ والظما

بأحشائِه قد اُوقدت جذواته

وجاء أباه السبطَ يشكو له الظما

وقد خفيت مما به كلماته

فلما رأى ما نابه السبطُ لم تزل

تصعّد من أحشائِه زفراته

فلهفي له ما كان أقصرَ عمرَه

ثمانا وعشرا اُحصيت سنواته

ولهفي له غضُّ الشبيبةِ قد قضى

وعارضُه ما دبَّ فيه نباته

فو الله لا أنسى الحسينَ مذِ انحنى

عليه وسالت بالدما عبراته

وحين رأى ذاك المحَّيا معفرا

بقاني الدما قد ضُرِّجت وجناته

فنادى ودمعُ العين من شدة الجوى

يسُحُّ كما سحّ الحيا قطراته