شبكة الإمامين الحسنين عليهما السلام الثقافية

سهر بالعين يوم احسين ورّث

على امصابه دليلي ابنار ورث

هند تلبس جديد الهدم والرث

على سكنه او تطب ديوان اميه

فلو أنَّ موتا يُشتري لاشتريتُه

وعيشيَ بعد الظاعنين منكَّدُ

طفلةٌ بنتُ أربعٍ أو ثلاثٍ

يَشهَقُ العِطرُ من عبيره شذاها

هي بنتُ الحسين لم تعرفِ اليتمَ

ولم تدر كيف تنعى أباها

لم تزل تسأل الأراملَ والأيتامَ

عنه ولم تحصِّل مُناها

وغفت عينُها لتهجعَ بلواها

وتنسى مصابَها وأساها

رأتِ الوالدَ العطوفَ بعينَيها

فهبّت مذعورةً من رؤاها

وانبرت تشتكي له الذُلَّ واليتمَ

فتَذوي القلوبُ من شكواها

واستفاقت من غفوةِ الضيمِ تبكي

وتنادي ولا يُجابُ نِداها

فاستجاشت عواطفُ الثَكل بالـ

ـحزن ضجيجا من أرضها وسماها

وتعالى البكاء واستشرتِ الآهاتُ

والتاعَ في النفوس جَواها

فاستفزَّ الصُراخُ نومَ يزيدٍ

وهو في قصرِه فأبدى انتباها

قال ماذا جرى لعائلةِ الأسرِ

ألم يُنسها الكرى شجواها

قيل بنتُ الحسينِ في حُلُم النومِ

رأته فاشتط منها نُهانا

فأفاقت تريد شخصَ أبيها

فهي لم تقتنع بغير مناها

قال ذا رأسُه احملوه إليها

فعسى تستعيضُ عنه عساها

وتناديه: يا أبي أيُّ سيفٍ

جَذَّ منك الأوداجَ حتى براها

يا أبي مَن تُراه خضَّب منك الـ

ـشيب بالدمِ مَن تُرى أشقاها

واستجاشت بها العواطفُ حرّى

يُفجَر الصخر من شجى نجواها(١)

او طفله النايمه فزت او نادت

أبوي احسين اريده او عيب هادت

ابوها وين يا مَبعد الرادت

تشوفه اولا شفت يومه عساني

جابوا راس أبوها ابطشت يا ويل

گلبها والمدامع شاطره اتهيل

عن الراس ما شالوا المنديل

صاحت آه يا بويه الجفاني

هوت للراس شمت وجه أبوها

اجوا ليها اليتيمه او حرِّكوها

الروح امفارجه منها لگوها

صاحوا كل فرد مثلچ عساني

أنه من كربه ابظعني ويهلي

اليسر مو قابل السني ويهلي

يبويه اعليك صب دمعي ويهلي

اويه راسك خل يدفنوني سويه

جابوه او شافتهم امن ابعيد

او صاحت هله ابراسك يلعميد

يهلال عزنه ابليلة العيد

ليش اگطعت بينه يصنديد

يا والدي والله هظيمه

اصير من صغري يتيمه

والنوح من بعدك لجيمه

أثاري الأبو يا ناس خيمه

عمه يزينب گومي ليها

شيليها عن راسه وليها

ماتت الطفله من بچيها

واختي انكسر گلبي عليها

عمتها من گامت او شالتها بديها

من راس ابوها او عاينت ويلي عليها

لنها اليتيمه امغمضه اولا نفس بيها

صاحت يعمه امصيبتچ زادت ابچانه

گامن فرد گومه الحرم كلهن سويه

هاي التحبها وذيچه اتشمها رقيه

ظلت عليها باللطم للصبح هيه

وينادن امنين الدهر هاذه اللفانه

من جلة الوالي علينه

يضربونه او نشگف بدينه

او يشتمون حامينه او ولينه

إتمنينه أبو فاضل العينه

لا أضحك اللهُ سنَّ الدهرِ إن ضَحِكَتْ

وآلُ أحمدَ مظلومون قد قُبروا(٢)

طفله امدللة وتريد ابوها

وبعدهي ابزغر سنها ويتموها=

تعنه الگبر جده احسين ياجد

يگله بعد مثلك وين ياجد

ضمني للضريح اوياك ياجد

او خلصني امن الهم العليه

هلي دوم الإبه والعز شملهم

وعطر الكرم كل وافد شملهم

يتيمه وفاجده والگ ب مجروح

و سلوه لليتيم الدمع والنوح

اشحال العاينت والدها مذبوح

وكل اظلوع صدره هشموها

تهيد اشلون وتبطل ب چ يها

وأبوها اشما غفت طيفه يجيها

غيور و چ ان يتحنن عليها

وبيا ذنب من شوفه احرموها

عَوَّدها على اخلاقه الحميده

يهودها وينيمها عله يسمعوها

ابحلمها شافته وفزت تريده

وخفت باجي اليتامه يسمعوها

سمعوها اليتيمه تب چ ي واتحوم

وتعثر بالهظم مات گ در ات گوم

وكلهم نادبوا يحسين يا مظلوم

وعلوَن والبوا چ ي ساعدوها

ويزيد السمع صيحات الظليمه

گال اشخير هالصيحه العظيمه

لبوها اتريد گ الوله يتيمه

إخذو الراس گال او سكتوها

شافت راس والدها رقيه

يشمه هوَت والونه خفيه

وعلى راسه دنت ليها المنيه

ول گوها خامده من حركوها

شبيدي والوكت شتت شملهم

بعد جمع المثل جمع الثريه

هلي البيهم ابيوم الضيج ينشاد

عليهم ضل يحن الگلب ينشاد

كسروا خاطري او ما بعد ينشاد

ولا بيهم رجه ايعودون ليه

عليلتكم بگت تعمت كفنها

عليكم لا دمع لا ون كفنها

تريد اليحضر ايفصل كفنها

ويوسدها ابتراب الغاضرية

يبن بيت العليه الوحي ينزال

عنك يا جدك يحسين ينزال

ابهلفه ننتظر هل ليل ينزال

او نسجل ملحمه بالغاضريه

الحرب يحسين فرحتنه وعدنه

وما نرجع ولا نخلف وعدنه

نضحي ارواحنه دونك وعدنه

رجه انحصل رضه حامي الحميه

يحادي كربله دگصد وديهه

زينب لعد كافلها وديهه

يشوف امتونهه يگعد وديهه

دمتها اسياط واحبال آل اميه

يحادي اضعونه اعله النهر ونهه

زينب خل تجيهم اليوم ونهه

وتصيح اعهود راعي العلم ونهه

لفت من السبي للغاضريه

مشه أعمه قدرهم بالضحايا

عثر بالمجد بالعز بالضحايا

إشْيِدَوْرِ احسين طالع بالضحايا

يدور علشريعه اچفوف أخيه

اَرقتُ ولم ترقَ الدموعُ ولا خَبَتْ

بجنبيَّ نارٌ للجوى تَتضرَّمُ

ذكرتُ السيوفَ الغرَّ من آل هاشمٍ

غدت بسيوف الهندِ وهي تَثلَّمُ

ولم يبقَ السبطُ في الجيش مفرداً

ولا ناصرٌ إلا حسامٌ ولهذَم

لئن عاد فردا بين جيشٍ عَرمرمٍ

ففي كل عضو منه جيشٌ عرمرمُ

كأن لديه الحرب إذ شب نارها

حدائق جنات وانهارها دم

كأنَّ الحسامَ المشرفيَّ بكفِّه

عذابٌ من الجبَّار يَصلاه مُجرِمُ

كأنَّ الرماحَ الخطَّ أقلامُ كاتبٍ

يَخُطّ بها والموتُ يقضي ويحكم

إلى أنْ هوى فوق الصعيدِ فمذ هوى

هوى عَمَدُ الدينِ الحنيفُ المقوِّم

هوى ظاميا لم يُروَ منه غليلُه

ومن نحرِه يُروى الحسامُ المصمَّم

أيدري قسيمُ النارِ أنَّ سليلَه

قضى وهو للأرزاءِ فيءٌّ مقسَّم

فلهفي لخدرِ المصطفى بعد نهبِه

وسلبِ أهاليه به النارُ تُضرَم

ولفهي لربات الخدورِ وقد غدت

على خدرها الأعداءُ بالخيل تَهجِم

ولهفي لآلِ اللهِ تُسبى حواسرا

ولا ساترٌ إلا لها الصونُ يَعصم

تَكُفُّ عيونَ الناظرين أكفُّها

ويَعصمُها عن اعين الناس مِعْصَم

تشاهد رأسَ السبطِ فوقَ مُثقَّفٍ

فينهلُّ منها الدمعُ كالغيث يُسجَم(١)

عمت عيني على هظمة الخدّر

البچفوفها گامت تستَّر

او بالبلدان بيها الگوم تفتر

او تتفرج عليها الناس صوبين

تشاهد راس اخوها فوگ عسال

او فوگ الوجن منها الدمع همال

زينب تنسبي للشام من گال

عگب عباس والأكبر والحسين

عن ابچاي ما فتّر وملها

او حياة الهظم ما حبها وملها

اعيالك شافتك مرمي وملها

ترد وبسيفك اتحامي الثنيه

بتك گصدت اعله الراس راحات

وَنَه اضرب گمت بالچفين راحات

يخويه ما شفت بالشام راحات

انحنت فوگك او دركتها المنيه

امصيبة رقيه اتصدع الاجبال

(او من گبل المشيب اتشيب الاطفال)

فوگ اليتم چتفوها بحبال

او ظلت تنوح ابدمع همال

يحبل الوصل سيف البين بتك

او يليلي بالسهر والنوم بتك

على راسك هوت يحسين بتك

تشم نحرك واجت ليها المنيه

الراس الولي حضنت رقيه

ابحسرات وابدمعه جريه

لمـّن لفت ليها المنيه

زينب او كل الهاشميه

ضجَّت فرد ضجه سويه

ما اشد واعظم هلرزيه

غصبن يا حزن للناس بنتك

لونّه ايصح من الأحباب بنتك

على نحرك گضت يحسين بنتك

اشكثر صبري او اغسلها بديه

حگها لو بچت واتهل العيون

عليها او دوم ظل الگلب محزون

مهي ماتت ابغربه او سود المتون

اشيريد الگلب يحمل سهم سهمين

هذي ودائِعُك التي أودعتَها

أرجعتُها لك يا أخي بتمام

إلا رقيةَ لا تَسَلْ عن حالِها

ماتت وقد دُفنت بأرض الشام

والعذر فيه يا ابن أمي إنها

كانت وسادتُها الوريدَ الدامي

وإليك عذراً من سواد مُتونِها

سودُ المتونِ لعمَّةِ الأيتام(٢)

لَوَوا جانبا عن مورد الضيمِ فانثنوا

على الأرض صرعى سيِّداً بعد سيدِ

هَوَوا للثرى نهبَ السيوفِ جسومُهم

عوارٍ ولكن بالمكارم ترتدي

وأضحى يُدير السبطُ عينَيه لا يَرى

سوى جثثٍ منهم على الترب رُكَّد

أحاطت به سبعون ألفا فردَّها

شواردَ أمثالِ النَعام المشرَّد

وقام عديمُ النصرِ بين جموعِهم

وحيدا يحامي عن شريعة أحمد

إلى أن هوى للأرض شِلواً مبضعا

ولم يُروَ من حرِّ الظما قلبُه الصَدي

هوى فهوى التوحيدُ وانطمس الهدى

وحلَّت عُرى الدينِ الحنيفِ المشيَّد

وأضحت عوادي الخيلِ من فوقِ صدره

تروح إلى كرِّ الطِرادِ وتغتدي

وهاتفةٍ من جانبِ الخدرِ ثاكلٍ

بدت وهي حسرى تلطمُ الخدَّ باليد

وسيقت على عُجُفِ النياق أسيرةً

يُطاف بها من مشهدٍ بعدَ مشهد

سرت تتهاداها علوجُ أميةٍ

فمن ملحد تُهدى إلى شرِّ ملحد(١)

طبّن مجلس الطاغي ابيا حال

اصغار امچتفه واكبار بحبال

كلها امربّگه نسوان واطفال

او عليهن ما بچه واحد او ينغر

نشد عن وحدة وحده بسمها

او عرف زينب بسمها او اسم أمها

تجره او سب أبوها او ماحشمها

وطفى بنذال گومه او بينهم اغتر

التفتت زينب العد راس اخوها

تگلَّه صد لعد سكنه يبوها

ملاحفها العده منها اسلبوها

وهي امن ايزيد بيديها تستر

حگ الله عليك او حگ حياتك

دصد بالعين يا خويه الخواتك

ابهلمجلس او ويّاهن بناتك

يساره والعدو ليها ايتفكر

تسيل ادموعي وابكمي مشنها

بونين الخنسه دون اتون مشنها

خوات احسين چم ديره مشنها

سبايا والظعن تبرا له ميّه

كفي الحچي بالله يسكنه

ما ظل گلب يحمل الونَّه

طبرات ابوچ الصدّعنّه

واشخلَّه بعد احسين منَّه

هذا الربه ابحضن المحنَّه

تالي على التربان لنَّه

واخيول اميه هشمنَّه

والگص اصبعه لا تهنَّه

لون حاضره يحسين امَّك

وابوك النفل والطيار عمَّك

ما چان راح اضياع دمَّك

اولا نهبت بني اميه اخيمَّك

راحت هلي من بين اديه

او ظليت انخِّي اهل الحميه

عگب الخدر لني سبيه

والناس تتفرج عليه

فواطمُ من آل النبيِّ حرائرٌ

بكفِّ العدى أمست سواغبَ جوعا

ثواكلُ لم يُبقِ الزمانُ لها حمىً

يَكِنُّ ولم يترك لها الدهرُ مفرعا

سوافرُ أعياها التبرقُعُ والحَيا

يُنازعها معْ سلبها أنْ تُبرقَعا

وبقي حبيبُ محمدٍ بين العدى

فردا يذُبُّ عن الحريم ويمنعُ

كالليث منصلتا إلى أنْ غالَه

سهمُ المنونِ فخرَّ وهو المرجع

عن سرجه يرنوا إلى فِسطاطه

والعينُ منه تستهلُّ وتدمع

أسفي على النسوانِ في ذُلِّ السِبا

إذ لم يَعُد أحدٌ هنالك يسمع

ومضى الجوادُ إلى خيامِ محمحما

ينعى الحسينَ ودمعُه يتدفَّع

فسمعن رنَّته النساءُ فقلن قدْ

وقع الذي كنا له نتوقَّع

فخرجن من فسطاطهنَّ صوارخا

جَزَعا صُراخا للصُّخورِ يُصدِّع

وأتينه والشمرُ جاثٍ فوقه

بحسامه للراس منه يُقطّع

فرقى الحسينَ وقلن ويلك ياعدوَّ

الله ماذا بالمطهَّر تصنع

فاحتزَّ رأسَ السبطِ يا لكِ لوعةً

لم يَبقَ للإسلامِ شملٌ يُجمع

وجرت خيولُهُمُ على جُثمانه

حتى تحطَّمَ صدرهُ والأضلُع

يا عينُ إبكي للحسينِ وأهلِه

بدمٍ إذا ما قلَّ منكِ المدمع

إبكي عليه ورأسُه في ذابِلٍ

والجسمُ منه بالسيوف مبضَّع