شبكة الإمامين الحسنين عليهما السلام الثقافية

ميّتٌ تبكي له فاطمةٌ

وأبوها وعليٌّ ذو العلى

لو رسول الله يحيى بعده

قعد اليوم عليه للعزا(١)

ابحر الشمس ثاوي والگلب مجروح

ثلث تيام فوگ الرمل ظل مطروح

بچت زينب على افراگه ابدمع مسفوح

تگله الخيل گامت علخيم تفتر

خيل اعداك غارت على امخيمنه

او سلبت كل ملاحفنا او مشت عنه

يبو الشيمه دگوم الساع واتعنه

او شوف النار خويه بالخيم تسعر

تسعر بالخيم يحسين نار الگوم

او فرّت من خيمها زينب او كلثوم

او ظل ابنك علي ما بيه حيل ايگوم

بس ايدير بعيونه او بگه امحير

بگه محتار من شاف الحرم تنحب

ينادي ابصوت وين الينغر او يركب

ابو الغيره يخاف الحرم تتغرب

او تمشي اميسره تبرالها العسكر

سبايا لو مشت منهو اليباريها

او محد بگه امن اخوتها واهاليها

ولا واحد يحن گلبه او يحاميها

حيف اتيسرت وحسين ظل بالحر

يا أهلَ يثربَ لا مقامَ لكم بها

قُتل الحسينُ فأدمعي مدرارُ

الجسمُ منه بكربلاء مضرجٌ

والرأسُ منه على القناة يُدار

نعى سيدي ناعٍ نعاهُ فأوجعا

وأمرضني ناع نعاه فأفجعا

فعينَّي جودا بالدموع وأسكبا

وجودا بدمع بعد دمعكما معا

على من دهى عرش الجليل فزُعزعا

فأصبح هذا المجد والدين أجدعا

على ابن نبي الله وابن وصيه

وإن كان عنّا شاخصَ الدارِ أشسعا

نزل زين العباد او تهمل العين

بنى العمته او لعياله الصواوين

ناده يا بشر طب يثرب الحين

وانعه احسين حتى الناس تعلم

گصد بشر ابن حذلم للمدينه

گام ايصيح ويهل دمع عينه

يهل يثرب بعد فگدة العينه

عليكم وطن يثرب بعد يحرم

طلعت كل أهل يثرب امن الدور

تصيح ابهون يلراكب على الكور

صوتك صار يشبه نفخة الصور

اخذ منه الگلوب اولا عگل تم

ضجت فرد ضجه المدينه

الكل فرد منهم جرت عينه

العباس واحسين ابو اسكينه

الضلَّوا ابوادي الطف رهينه

مَن منشدٌ لي عن أهل هنا نزلوا

مثلُ البدورِ بها الأنوارُ تشتعل

من طيبةٍ طلعوا في كربلا أفلوا

بالأمس كانوا معي اليوم قد رحلوا

خلِّ الحزينَ بهمِّه وبلائِه

وبوجودِه وحنيِنه وبكائِه

لا تعذلِ الحمزونَ تَجرحْ قلبَه

فالبينُ أورى النارَ في أحشائه

لو نال رضوى بعضَ من قد نلتُه

هدَّ البلاءَ لصخرِه وصفائه

والله ما أجرى الدما من مقتلي

إلا الحسينُ مغسَّلا بدمائه

أبكي له أمْ لليتامى حولَه

أم للجوادِ أنوح أم لنسائه

أم أسكب الدمعَ المصونَ لفتيةٍ

عافوا الحياة وطيبها لفدائه

يا عينُ سُحِّي للغريب واُسكبي

وتعوَّدي سهرَ الدجى لنِعائه

لهفي له والشمرُ يقطع رأسَه

وخيولُهم تجري على أعضائه

والمهرُ يندبه ويلثم نحره

ويقول عاري السرج في بيدائه

قُتل الحسينُ وهُتّكت نسوانُه

وغدا يُباح المحتمى بحمائه(١)

يطيور وادي كربله روحي المدينه

او خبري النبي المبعوث والزهره الحزينه

مدري دره لو ما دره ابذبحة ولينه

معلوم لنَّه منذبح في الغاضريه

او روحي إلى مسموم جعده في بقيعه

او خبرته عن حال الذي ابجنب الشريعه

ويلي على اللي ابمهجته فادي رضيعه

واحسرتي رضت اعضامه الأعوجيه

او مُرِّي على محمد واعطيه الاشاره

او گولي خواتك في يد الأعدا يساره

او عباس اخوك امگطعه ايمينه او يساره

ابجنب الشريعه جثته ظلت رميه

اومري على اللي بالنجف مدفون جسمه

او گولي عزيزك ذبح واتخضب ابدمه

وان سايلك گولي العزيزه اتنوح يمه

من غير والي اصبحت في الغاضريه

ما تدري يبويه الشمر بي سار

العقيله آنه واروحن حيف بيسار

گمت اصفج يميني حيل بيسار

ما تلحگ يبويه الهلرزيه

محمد يعمي جيتك ايتيم

او مامش معي غي الحريم

وقفتُ على دارِ النبيِّ محمدٍ

فألفيتُها قد اُقفرت عرصاتُها

وأمستَ خلاءً من تلاوةِ قارئٍ

وعُطّل منها صومُها وصلاتها

فعيني لقتل السبطِ عبرى ولوعتي

لفقدِهُم ما تنقضي زفراتها

اشلون اطب الدار يحسين

او دارك اشوفنها ابيا عين

اشيفيد دمعي او صفگ الايدين

سطرني الدهر سطره ابسبعين

ابفگدك يسور الهاشميين

ما چنه يبن امي امحسبين

لا تلمني إنْ قلت للعين سُحِّي

بدموع على الحسين وجودي

كلُّ مَن في الوجود يبكي على مَن

جدُّه كان علةً للوجود

سبط النبي او كبد الزكيه

تالي اتدوسه اخيول اميه

وابلا دفن بالغاضريه

خلوه عزيز امه رميه

قتيلٌ بكت حزنا عليه سماؤُها

وصُبَّ لها دمعٌ عليه همول

بنفسي رؤوسا من لويِّ أنوفُها

عن الضيم مذ كان الزمان لَتَأنَفُ

أبت أن تَشمَّ الضيمَ حتى تقطّعت

بيوم به سمرُ القَنا تتقصف

وما نأتِ الاطوادُ في جبروتِها

فكيف غدا فيها ينوءُ مثقف

فيا ناعيا روحَ الخلائقِ فاتَّئِدْ

لقد أوشكت روحُ الخلائِقِ تتلف

وأيقن كلٌ منهم قام حشره

كأنك تنعى كلَّ حيِّ وتهتف

ويا رائدَ المعروفِ جُذب أصولُه

ويا طالبَ الإحسانِ لا متعطف

ألا قل لأبناءِ السبيلِ ألا اقنُطوا

فقد مات من يحنو عليكم ويعطف

ويالبني عدنانَ يومَ زعيمِها

غدت من دماه المشرِفِّيةُ تنطِف

فمَن مخبرُ المختارِ أن بقية الآ

لِ الفتى السجادَ بالقيد يرسُف

ومَن مبلغُ الزهراءُ أنّ بناتِها

عليها الرزايا والمصائبُ عُكَّف

تطوف بها الأعداءُ في كل بلدةٍ

فمن بلد أضحت لآخر تُقذَف

إذ رأتِ الأطفالَ شعثا وجوهُها

وألوانَها من دهشة الرزء تخطف

تعالى الأسى واستعبرت ومن العدى

حَذارا دموعُ المقلتينِ تكتكف

بنفسي النساءَ الفاطمياتِ أصبحت

من الأسر يسترئفن من ليس يرأف

لقد قطّع الأكبادَ حزنا مصابُها

وقد غادر الأحشاءَ تهفو وترجف(١)

بچت طول الدرب ذاكه اعله هلحال

تون اعله الهزل واتلوع الأطفال

او زين اعبادها امكتف بالاحبال

عليل او بيه ما غير النفس تم

تعاين زينب الحاله او تنادي

إبنوگ الظعن لا تسرع يحادي

هذا عالهزل مهجة الهادي

عليل او عالتعب ما هو امعلم

هدّ المرض حيله او جسمه انحيل

دشوفه امنين ما مال الهوه ايميل

يحادي اطفال عالنوگ او مداليل

هوّن بالمجد والحاله ارحم

يحادي طارف ابمسره الظعينه

وانزل من يصير الليل بينه

بلكن هالعليل اتنام عينه

تراهو ابهالدرب ما يوم سَلْهم

يحادي اعله التعب مالاش طاگه

عليل اولا يثبّت على الناگه

دشوفه الگيد حزَّه او جرح ساگه

او من عنده يسيل او ينضح الدم

امحمد يخويه الساني يگصر

من ارد اسولف لك فلا اگدر

العبره تره ابصدري تكسر

اتمنيت ذاك اليوم تحضر

واتشوف هظم اللي عَلَي مر

وانه اتعرفني الهادي مگدر

بس لخوتي عيني تفكَّر

عباس عالشاطي امطبر

امگطعه اچفوفه او راسه منطر

او عزيزك علي جسمه اموذر

او جاسم على الغبره امعفر

شسولف بعد چبدي تفطر

يخويه وخوك احسين بالحر

جسمه او راسه فوگ الأسمر

او بخيامنه نيران تسعر

او نهبوا ملاحفنه العسكر

بدينه بگينه احنه انتستر

اولا عدنه والي الوگف ينغر

غير العليل المرض غيَّر

حاله او عليه الهم تكور

كتلني الهظم يمحمد ولخواي

او جمر يسعر ابدلالي ولخواي

جيتك لا ولد عندي ولا اخواي

عفتهم جثث بارض الغاضريه

يا عمه كل اهلچ مچاتيل

واجسامهم فصلوها تفصيل

او ظلَّوا ضحايه ابلايه تغسيل

او ما صفه عدنه غير العليل

جورُ الزمانِ رماني منه العجبِ

وحكمُه جار في السادات بالعَطَبِ

لم يُبقِ ذا حسبٍ مني ولا نسبِ

أخي ذبيحٌ ورحلي قد اُبيحَ وبي

فما أنسَ لا أنسَ الحسينَ ورهطَه

وعترتَه بالطف ظلما تُصرَّعُ

ولم أنسه والشمرُ من فوق رأسِه

يُهشِّم صدار وهو للعلم مَجْمَع

ولم أنس مظلوما ذبيحا من القفا

وقد كان نورَ اللهِ في الأرض يلمع

يُقبّله الهادي الأمينُ بنحره

وموضعُ تقبيلِ النبيِّ يُقطَّع

إذا حَزَّ عضوا منه نادى بجده

وشمرٌ على تصميمِه ليس يرجع

وميَّزَ عنه الرأسَ ظلما وقسوةً

ولا عينُه تندو ولا القلبُ يخشع

وجئنَ كريماتُ الرسولِ حواسرا

ولم يبق ثوبٌ لا يُشَقُّ وبُرقع

تقبِّل جثمانَ الحسينِ سكينةُ

وشمرٌ لها بالسوط ضربا يُقنِّع

وترفع صوتا أمُ كلثومَ بالبكا

وتشكوا إلى الله العليِّ وتَفزَع

وتندب من عُظم الرزية جدَّها

فلو جدُّنا ينظرْ إلينا ويسمع

أيا جدَّنا هذا الحسينُ معفرٌ

على الترب محزوزُ الوريدينِ مُقطَع

فجثمانهُ تحت الخيول ورأسُه

عِنادا بأطراف الأسنةِ يُرفَع

أيا جدَّنا سرنا سبايا حواسرا

كأنا سبايا الرومِ بل نحن أوضع

أيا جدَّنا شمرٌ يَبُزُّ قِناعَنا

ويضربنا ضربَ الإماءِ ويُوجع

أيا جدنا زينُ العبادِ مكبَّل

عليلٌ سقيمٌ مُدنِفٌ متوجِّع

إذا ما رآنا حاسراتٍ بلا غِطا

تكاد الحشا تنفتُّ والروح تُنزَع(١)

الظعن شيل او حادي الظعن طوّح

او راس احسين فوگ الرمح لوّح

عله اظهور النياگ الحرم نُوَّح

على العباس ويلي مستهلها

المصيبه مروا اعله الجثث بيهن

او فوگ اوجوهن صكن بديهن

هُوَنْ لاكن (علي) هَوَّنْ عليهن

يصيحن يا حسين اشبعد شلها

بديهن ما حصل يبچن او ينعن

الگلب الشامت الكافر يصدعن

علي يگلهن لعند احسين ودعن

يعمه وانتن اعله اظهرو بلها

يجدي احسين هذي جثته اهناه

يجدي واهل بيته او صحبته اوياه

يجدي او راس اخوي انشال ويلاه

يجدي اعله الرماح الروس كلها

على گبر النبي طافت او ردت

او بين الگبر والمنبر تعدت

او لَمخْفيَّه الگبر بالعين صدت

او صاحت يالبتول الشمل طشار

يجدي گوم شوف اعزيزك احسين

على التربان محزوز الوريدين

او عباس النفل مگطوع الايدين

او باجي اگمارنه نومه على اصخور

يجدي گوم شوف اشلون ولياي

كلها امذبحه او ما ضاگت الماي

يجدي او تشوف اشماتة اعداي

او تشوف ابناتكم تاهت بالبرور

يجدي لو تشوف اعزيزك احسين

وهو مطعون بفّاده طعنتين

والشمر حز منه الوريدين

او گامت خيلهم بالصدر تطحن

يجدي ما رعوا بينه وصيتك

يجدي ذبّحوا كل اهل بيتك

يجدي وانهبوا والله ثنيتك

او بعد نيرانهم بالخيم شبّن

يجدي او مشَّوا ابناتك سبايه

من ظالم لعد ظالم هدايه

واعيون الحريم اتهمي اهمايه

لَمَن لارض المدينه ليك ردن

ألا يا جدنا قتلوا حسينا

ولم يرعَوا وصايا اللهِ فينا

ألا يا جدنا بلغتْ عدانا

مُناها واشتفى الأعداءُ فينا