شبكة الإمامين الحسنين عليهما السلام الثقافية

إو بألآخره مكسبنه

ماغيرك اليطلبنه

حبك يحيدر منهج

إو منطق رساله إو حكمه

والبالجهل يتبرج

ناظر دليله أعمه

وياه من نتحاجج

نص الوحي إو ضي علمه

يالفضلك إيحچينه

والضدك إمخرسينه

إو من نحچي شيجاوبنه

ما غيرك إليطلبنه

يوم الضنك والمحنه

نتسدر المحنتنه

وإبكل خطر لو طحنه

بإسمك علت صيحتنه

مثل الضحه إتوضحنه

إبحبك عله فطرتنه

حست الوادم بينه

منك إلك تدرينه

والصاحبك صاحبنه

ما غيرك اليطلبنه

رب البريه إتلطف

بيك إو علينه إتمنن

وإبهالشرف نتعرف

بالدين والبيه آمن

إو عالگنطره من توگف

بالعبره ما نتمحن

بأمر الوصي إو تبيينه

إعله النار لو مرينه

والنار متعذبنه

ما غيرك اليطلبنه

يا بالحسن خلقتنه

من فاضلة طينتكم

وإترعرعت نشأتنه

منكم إو بيكم وإلكم

إو خلانه من ساعتنه

نتمسك إبعصمتكم

والقلم من تكوينه

يمشي إبأمر بارينه

من شيعتك كاتبنه

ما غيرك اليطلبنه

إو عين الحسد ما تحمل

هيچ إلتزام إو ملزم

إو حبل الوصل مستأصل

بيك إو أبد ما نهتم

يالما مثل ظلك ظل

نركن إبفيّه إو نسلم

لمحبتك حبينه

للعادتك عادينه

وللحاربك حاربنه

ما غيرك اليطلبنه

ما يگصر جهاده

فاروق القياده

سيف إو ساعد ألأُمه

خضب مرحب إبدمه

( إنشد رايتك وإسمع مردها)(٢)

عن الفتح خيبر

منهو المثل ما ودع إو ردها

للهادي تعذر

إو شوف إلمن رسول ألله رصدها

إتگلك ذاك حيدر

بألله إعتقاده

إو تشهدك شهاده

حيدر بإسم إبن عمه

خضب مرحب إبدمه

إنشد راتك وإسمع نداها

وإخذ الخبر منها

منهو إلي دنه الباب إو دحاها

وإهتزت حصنها

إو إيد الخيبريه من لواها

وچتفها إبمحنها

إو من سدّر إراده

جزيه لو إباده

حيدر صانع الهمه

خضب مرحب إبدمه

وأرد أنشد تواريخ الميامين

للدين إو وجوده

وإبغزوة أُحد من نگل سيفين

وإتكرس جهوده

جاوبها المعاني إبّطل صفين

إو ما ينِّكر زوده

عالدين إستناده

من عطفه إو وداده

شمل المصطفه لمـّه

خضب مرحب إبدمه

يالتاريخ أنشدك گلي إشصار

بأرباب الرياسه

يوم البرز عمر أوزاغت أبصار

جاوبها الفراسه

وإبنومة الفارس يليل إشصار

من خمد أنفاسه

والباري إلعباده

راد إلها سعاده

بإسم السجّل إمنسمه

خضب مرحب إبدمه

شيعتك تدرينه

من فضل بارينه

واعله فطرتنه

علت صيحتنه

باسمك اتسمينه

من فضل بارينه

صحيتنه يا سر الإله المكنون

واسع مداها

يالمعجزاتك روعت گلب الكون

يرهب صداها

إنته اومحمد (ص) مثل موسى او هارون

شمس او ضحاها

وانشرت رايتنه

اوعينت قبلتنه

وشرفت تعيينك

جهدك الدينك

او صدقت هادينه

من فضل بارينه

انته او محمد من فرد نور او روح

شائت الحكمه

خاواكم الخوه القلم ويه اللوح

رحمته او نعمه

الرحمه محمد وانته يانعمة نوح

عالشرك نقمه

الدينك اوديانه

سجلت عنوانه

ابشفرة الصارم

ابوبالنصر غانم

خلدت ماضينه

من فضل بارينه

تذكر الآيه التفت الساق ابساق

يوم المحاسب

او تحضر سلاسل نار يردوها اوثاق

للما تأدب

واحنه اعلى حبك بالعمل عالميثاق

يكفينه مكسب

اوغانمة مكسبنه

حبك الجاذبنه

إهواك شاغفنه

او بي تشرفنه

وهالشرف يكفينه

من فضل بارينه

واعله الصراط الناس كلها ابرجواك

ترجه العداله

او ما يجزي غير البيده صك من يمناك

يمشي ابجلاله

يالصاحبت سيد البشر صاحبناك

باسم الرساله

للچانوا يلومونه

خلهم ايشوفونه

ابروضة الجنه

اشلون نتهنه

ابو بالحلل چاسينه

من فضل بارينه

اويوم اليعض الظالم إيده وايگول

إرجعني يارب

اينادوه يالچنت ابحياتك مجهول

لجهنم إذهب

واحنه ابولاكم ياوصي المرسول

عزنه إترتب

او نسرع ابمسرانه

للخلد واجنانه

اهناك عزتنه

اهناك نعمته

او فضلك ايراعينه

من فضل بارينه

واتصرح الآيه الوعيد او موعود

يوم القيامه

اومن يحضر الشاهد أمام المشهود

ترجف اعظامه

واحنه ابولاكم حدر ظل الممدود

ننوي الإقامه

والسرر مضمونه

بالعمل مقرونه

ننشغ العنبر

نشرب الكوثر

وحبك اليروينه

من فضل بارينه

يجاحد لا تزل عن العدل وإتميل

ولا تنكر فضيلة من هده جبريل

وإسمع شيگلك تأويله

وتشهد كل آيه إبتفصيله

يجاحد شوف هذا الكون تمهيده

بيمن والفلك نزلته إو تصعيده

والدين إتأيد بوجوده

وإبسيفه إو عزمه ومجهوده

لون إتريد تعرف حيدر إو شانه

شوف الحجر منهو الثبت أركانه

يجاحد لو ردت سر موسى بن عمران

تشوفه بالهدايه إو ناظر ألإيمان

ومن حيدر آية ثعبانه

وأسراره وحكمه إوبرهانه

بالتاريخ خلد عيسى آثاره

من الطين يخلق طير بأسراره

موكب مشاة ومعتني

من كربله ليك إبخبر

دسمع يناديك إبگلب

منفجع وإبونة كدر

آجرك ألله يا علي

بالمصطفه سيد البشر

وإيناشدك عن بضعته

چم ضلع من عدها إنكسر

وإنته إبوصيته إتگيدت

إو گلبك إعله البلوه صبر

موكب مشاة إو معتني

لأرض الغري إبهذا السفر

إو حامل رساله إموسمه

من زينب إبدمٍ حمر

يابالحسن عندك علم

بالطف عله حسين إشسدر

من صوّبو گلبه إبسهم

وإبگصته إصواب الحجر

إو ظلت رميه جثته

وإمغسله إبدم النحر

إو فرهود صار إمخيمه

وإعياله يسرها الدهر

أدت مراسيم اليسر

إو عوّدت عشرين إبصفر

للغاضريه إمكدره

إو متعوبه ماخذها السهر

يا علي إو زينب حايره

من خطر وإتطيح إبخطر

بين الگبور إمحيره

إو عالمشرعه إتصد بالنظر

من گبر تگعد يم گبر

وإتنشف إدموع البصر

مصيوبه بسهام اليسر

وإمصابها إيفسر الصخر

گابلت شاطي العلگمي

صاحت يمن لختك فخر

عگبك يبو فاضل تره

رمي الدهر بيه كثر

لحد يحماي الضعن

يا من لعد هاشم گمر

ما تگعد إترد الحرم

لديار عدنان إو مضر

هالله هالله إشهالمصيبه

هالمصيبه

هالمصيبه صوبتنه

وإبفگد حيدر سبتنه

هالله هالله إشهالمصيبه

هالمصيبه

خلّت العالم إبريبه

هالمصيبه صوبتنه

يابالحسن خطارك

ضيف ونازل إبدارك

(هذه آراؤنا بالولاء

تشهد الأرضُ لنا والسماء)(٣)

هاك يا عقد الوله

هذي صرخة كربله

هاك هاك

هاك يا عقد الوله

جلجل الحقُّ في المسيحي حتى

عُدَّ من فرط وجده علويا

يجاحد لا تخف الجدم ون عاد

ذچر يوم الغدير الراح وإنعاد

إبمسيحي الحگ تجله إو لاح وإنعاد

إمن أشياع الوصي إو قر بالوصيه

يا سماء إشهدي ويا أرض قري

وإخشعي أنني ذكرت عليا

يجاحد من لزمت الحگ شهاده

منك وإجعلت حنظل شهاده

يا أرض إو سمه دونچ شهاده

من ورحي الهوت حامي الحميه

علي يالعلمت جبريل علمه

وإبخيبر ثبت جدماك علمه

إلك سيف إنتشر بالكون علمه

وإلك ساعد فتك بالجاهليه

فإنك شمسُ والملوكُ كواكبُ

إذا طلعتَ لم يبد منهنَّ كوكبُ

يصاحب بإبتسامة خير وصفاك

وحبك فرض والمعبود وصفاك

الملوك إنجوم وإنته الشمس وصفاك

من تطلع يغيب النجم ضيه

عله عقد الوحي الحيدر عقدنه

عهد والعهد بي تنحل عقدنه

من معدن رضا الباري عقدنه

جوهرة الولايه الحيدريه

يا سر الوجود يا يد العلت كل يد

يا سيف عزم الرساله إو للرساله علم

علاها رب السمه أجر الجهد واليد

(إوركزت) للدين بعيون الحواسد علم

(ومن إصطفاك النبي)(١) صفوه إمن أب ويد

سابق إبعلم ألإلهي وإبصفاتك علم

يا قدرة الله يا فخر العلى والثره

علة ألإيجاد زندك للحرب شالها

والدين من صارمك نال المجد والثره

رايات دين النبي لولاك من شالها

والعلم لولاك منهو الثبته وأثره

دهري رماني وعلتي بالچبد شالها

يا عصمة الدين يا بدر اليشع بالسمه

هالچيف دهري رماني وإنته لي راعي

يا من إبيوم الوغه إشكلما ثگل بالسمه

جارت عليّ الليالي وأنته لي راعي

من بعد الغروب ردتله الشمس بالسمه

ظليت ولهان وأكثر بالگلب راعي

يا سيف دين الرسول إو ساعده إوينته

إو رمحك الثعبان والگلب الوغه زاهره

ذات العلم بير وإنته الطيعت ينته

إو من لوح الوجود وجدان الوثن زاهره

إو آيات سيفك المصباح الحرب ينته

إو معناك يا نور رب الخالجك زاهره

حبك إبگلبي ترعرع يا علي إو راعني

يا قالع الباب يالسيفك شطر مرحب

إو راعيت كل اليحبك والمحب راعني

وخليت سبع الحرايب من شرد مرحب

لاچن جفتني الليالي والدهر راعني

وإبأُحد روح ألأمين إبنصرتك مرحب

يا بالحسن ويد فضلك بالعوالم دوه

والدهر جيَّم إو روحي إبملته ملها

وظل اليعاديك ناحر من خلاه الدوه

إو لا ملت إمن الصبر حتى الصبر ملها

إبدخلك تراني إو حيلي إمن النوايب دوه

روح اليلمها الصبر يا بالحسن ملها

دهري رماني إبغبات المشاكل ولج

صديت لأرض الغري إو ناديت أمير النحل

غرتبك گلبي من اشراك النوايب ولج

تعلم العظمي وهن والجسم مني نحل

وأركنت عالناس ما واحد حماني ولج

ناداني عيناك وأحنه للشدايد نحل

يا حيف عمري إنگضه إو يا يوم أنه صاحبه

دهري خصيمي إو تجاهر بالمخاصم ولد

متراكمه إغيوم گلبي إو ما شفت صاحبه

ما شگف عني صحيبي إو لا نفعني ولد

من يصد عالناس وجهي الصد إله صاحبه

إو ما من گرابه حفظ حگ ألأقارب ولد