آیت ۷۲
( إِنَّ الَّذِينَ آمَنُواْ وَهَاجَرُواْ وَجَاهَدُواْ بِأَمْوَالِهِمْ وَأَنفُسِهِمْ فِي سَبِيلِ اللّهِ وَالَّذِينَ آوَواْ وَّنَصَرُواْ أُوْلَـئِكَ بَعْضُهُمْ أَوْلِيَاء بَعْضٍ وَالَّذِينَ آمَنُواْ وَلَمْ يُهَاجِرُواْ مَا لَكُم مِّن وَلاَيَتِهِم مِّن شَيْءٍ حَتَّى يُهَاجِرُواْ وَإِنِ اسْتَنصَرُوكُمْ فِي الدِّينِ فَعَلَيْكُمُ النَّصْرُ إِلاَّ عَلَيا قوم بَيْنَكُمْ وَبَيْنَهُم مِّيثَاقٌ وَاللّهُ بِمَا تَعْمَلُونَ بَصِيرٌ )
بيشك جو لوگ ايمان لائے اور انھوں نے ہجرت كى اور راہ خدا ميں اپنے جان و مال سے جہاد كيا اور جنھوں نے پناہ دى اور مدد كى يہ سب آپس ميں ايك دوسرے كى ولى ميں اور جن لوگوں نے ايمان اختيار كر كے ہجرت نہيں كى ان كى ولايت سے آپ كا كوئي تعلق نہيں ہے جب تك ہجرت نہ كريں اور اگر دين كے معاملہ ميں تم سے مدد مانگيں تو تمھارا فرض ہے كہ مدد كردو علاوہ اس قوم كے مقابلہ كے جس سے تمھارا معاہدہ ہوچكا ہے كہ اللہ تمھارے اعمال و خوب ديكھنے والا ہے(۷۲)
۱_ خداوند نے مہاجر و انصار مؤمنين ميں سے ہر ايك كو دوسرے كا ولى قرار ديا اور انھيں ايك دوسرے كى ہر ميدان ميں مدد اور حمايت كرنے كى دعوت دي_إن الذين ء امنوا و هاجروا ...أولياء بعض
جملہ''ا ولئك بعضهم ا ولياء بعض'' ايك
خبر يہ جملہ ہے اور اس سے مراد ولايت كا جعل و انشاء كرناہے_
۲_ ہر شخص كيلئے خداوند كى جانب سے مقرر كردہ ولايت سے بہرہ مند ہونے كى شرط يہ تھى كہ انصار مہاجرين كى مدد كريں اور مجاہدين اپنى جان و مال كے ساتھ جہاد ميں شريك ہوں _إن الذين ء امنوا و هاجروا ...أولياء بعض
''أولئك'' كا مشاراليہ اور ''بعضھم'' كى ضمير كا مرجع، پہلا اوردوسرا ''اَلَّذيْنَ'' ہے، ان تمام صفات كے ساتھ كہ جو ان كيلئے ذكر كى گئي ہيں ، يعنى مہاجر مؤمنين اگر جہاد نہ كريں يا مدينہ ميں ساكن مؤمنين (انصار) مہاجرين كى مدد نہ كريں تو وہ ولايت كے حقوق سے بہرہ مند نہيں ہوسكيں گے_