(97) قَالُوا یَاأَبَانَا اسْتَغْفِرْ لَنَا ذُنُوبَنَا إِنَّا کُنَّا خَاطِئِینَ
''ان لوگوں نے عرض کی : اے بابا ہمارے گناہوں کی مغفرت کی (خدا کی بارگاہ میں )ہمارے واسطے دعا مانگئے ہم بے شک از سر تاپا گنہگار ہیں''۔
فرزندان حضرت یعقوب(ع) موحد تھے اور اپنے باپ کے والا مقام سے آگاہ تھے( یَاأَبَانَا اسْتَغْفِرْ لَنَا) بنابریں اپنے باپ کو جو ''گمراہی اور ضلالت '' کی نسبت دی تھی اس کا مقصد عقیدہ میں گمراہی نہ تھا بلکہ ان کے زعم ناقص میں حضرت یعقوب (ع)حضرت یوسف (ع)کی محبت میں غلط تشخیص کی بنا پر گمراہ تھے ۔
ظالم کے تین طرح کے دن ہوتے ہیں:
1۔ قدرت کے روز۔
2۔ مہلت کے روز۔
3۔ ندامت کے روز۔
اسی طرح مظلوم کے بھی تینطرح کے دن ہوتے ہیں:
1۔ ''روز حسرت'' جس دن اس پر ظلم ہوتا ہے۔
2۔ ''روز حیرت'' جس میں وہ کسی تدبیر کی فکر میں ہوتا ہے۔
3۔ ''روز نصرت ومدد'' چاہے وہ دنیا میں ہو یاآخرت میں۔