قرآن ذکر ہے اس لئے کہ :
خدا کی آیات و نعمات و صفات کا یاد دلانے والا ہے ۔
انسان کے ماضی و مستقبل کویاد دلانے والا ہے ۔
سماج کی عزت و ذلت کے اسباب کو یاددلانے والا ہے۔
میدان قیامت کے احوال یاد دلانے والا ہے ۔
جہان و ہستی کی عظمتوں کو یاد دلانے والا ہے۔
تاریخ ساز شخصیتوں کی تاریخ اور زندگی یاد دلانے والا ہے۔
قرآن مجید کے معارف و احکام وہ حقائق ہیں جن کا جاننا ضروری ہے اور انہیں ہمیشہ ذہن میں رکھنا ضروری ہے کیونکہ ''ذکر'' اس علم و معرفت کو کہتے ہیں جو ذہن میں حاضر ہو اور اس سے کبھی غفلت نہ ہو۔
1۔جس طرح انبیاء (ع)،قوم سے کوئی توقع نہیں رکھتے اس طرح مبلغ کو بھی قوم سے توقع نہیں رکھنی چاہیئے(مَا تَسْأَلُهُمْ مِنْ أَجْر)
2۔اجر کی درخواست بری چیز ہے نہ اجر کا دریافت کرنا( تَسْئل)
3۔پیغمبراسلام (ص) کی رسالت تمام کائنات کے لئے ہے( لِلْعَالَمِینَ )
4۔امت کا ایک گروہ حتی اکثریت کہیں کسی وقت ایمان نہ لائے تو دینی مبلغ کو مایوس اور غمگین نہیں ہونا چاہیئے اگر زمین کے کسی حصے میں کسی گروہ نے ایمان قبول نہیں کیا تو دوسری جگہ جاکر تبلیغ کرنی چاہیئے( لِلْعَالَمِینَ )