مرثیۂ نو
اک عجب صورت حالات مرے چاروں طرف
دن میں بھی جیسے سیاہ رات مرے چاروں طرف
بے کفن لاشوں کی سوغات مرے چاروں طرف
خون میں غلطاں ہیں آیات مرے چاروں طرف
٭
اس برس کیا ہے کہ موضوعِ سخن ملتا نہیں
فکر کی شاخ پہ کیوں پھول کوئی کھلتا نہیں
**
جسم زخموں سے مرا چور ہے کیسے لکھوں
جب قلم لکھنے سے معذور ہے کیسے لکھوں
دل مدینے سے بہت دور ہے کیسے لکھوں
ظُلم یہ وعدۂ جمہور ہے کیسے لکھوں
٭
کوئی بتلاؤ ہوا عا لم ِ اسلام کو کیا
پڑھ نہیں سکتے ہیں ہم اپنے ہی انجام کو کیا
**