حمد
ڈاکٹر قمر رئیس بہرائچی (بہرائچ)
کرم وہ کر دے خدایا تری ثنا لکھوں
میں اپنے آپ کو بندہ تجھے خدا لکھوں
*
میں آرزو کوئی لکھوں یا مدعا لکھوں
نوازشوں کا تری پہلے شکریہ لکھوں
*
نہ تجھ سے پہلے کوئی اور نہ تیرے بعد کوئی
بلند سب سے ترا کیوں نہ مرتبہ لکھوں
*
صفات و ذات میں تیرا کوئی نہیں ثانی
سمجھ میں کچھ نہیں آتا کہ تجھ کو کیا لکھوں
*
یہ لوح و عرش یہ کرسی یہ آسماں یہ زمیں
تمام عمر میں صناعی خدا لکھوں
*
ہر ایک چیز کا رشتہ تو تیری ذات سے ہے
میں کس کو ذات سے تیری بھلا جدا لکھوں
*
بلا کے عرش پہ آقا کو دیکھنے والے
میں اس ادا کو تری کون سی ادا لکھوں
*