منصور اعجاز (آکولہ)
تو زمین آسمان کا رب ہے
تو ہی سارے جہان کا رب ہے
حکم چلتا ہے بحر و بر پہ ترا
رعب ہے خیر اور شر پہ ترا
چاند تاروں میں چاندنی تیری
ہے ہواؤں میں راگنی تیری
سبزہ و گل میں جان تیری ہے
چہچہوں میں زبان تیری ہے
سارے عالم پہ مہرباں تو ہے
حق پرستوں کا نگہباں تو ہے
تیرے محکوم ہیں یہ جن و ملک
تیرے تابع بشر ہیں عرض و فلک
تیری حمد و ثنا ہو کس سے بیاں
تو نہاں ہو کے بھی ہے سب پہ عیاں
سب فنا ہے بقا ہے تیرے لئے
ساری حمد و ثنا ہے تیرے لئے
***