مناجات
عرفان پربھنوی (پربھنی)
ترے ہیں تجھی سے کرم مانگتے ہیں
رحم کے ہیں طالب رحم مانگتے ہیں
*
تو ہی ہے عبادت کے لائق خدایا
تجھی سے مدد کے ہیں طالب خدایا
تجھی سے نگاہِ کرم مانگتے ہیں
*
تو ہی دو جہاں کا حقیقی ہے داتا
تو ہی بے نیاز اور یکتا ہے مولا
تو داتا ہے تجھ سے ہی ہم مانگتے ہیں
*
نہ دولت ہی دے اور نہ دے کوئی عہدہ
فقط اپنی رحمت کا دے تھوڑا صدقہ
یہی تجھ سے ہم دم بدم مانگتے ہیں
*
جو تڑپے تیری یاد میں وہ جگر دے
جو دیکھے تجھی کو بس ایسی نظر دے
ملا دے جو تجھ سے وہ غم مانگتے ہیں
*