حسن رضا اطہر (بوکارو سیٹی)
متاع علم و ہنر لازوال دے اللہ
مجھے بلندیِ فکر و خیال دے اللہ
*
گداز و سوزش عشق بلال دے اللہ
شراب عشق مرے دل میں ڈال دے اللہ
*
مرا وجود ہے بے سور اس لئے مجھ سے
وہ کام لے کے زمانہ مثال دے اللہ
*
سروں پہ تان دے حفظ و اماں کی اک چادر
قصور وار ہیں رحمت کی شال دے اللہ
*
خیال سختی محشر سے مرتعش ہے بدن
کوئی نجات کی صورت نکال دے اللہ
*
وفا خلوص کی خوشبو ہی جسم سے پھیلے
سرشت بد نہ کوئی ابتذال دے اللہ
*
تو ہی تو رزاق مطلق ہے مالک و خالق
نبی کے صدقے میں رزق حلال دے اللہ
***