پروفیسر اقتدار افسرؔ (بھوپال)
مرے اللہ جینے کا ہنر دے
مجھے تو سوز دل سوز جگر دے
*
محبت سے تری معمور وہ ہو
مجھے گرچہ حیات مختصر دے
*
دعائیں ہوں مری مقبول ساری
زباں میں تو مری ایسا اثر دے
*
جلا کر راکھ کر دیں ماسوا کو
تو دل کو عشق کے ایسے شرر دے
*
بنوں پروانۂ شمع رسالت
مجھے تو الفت خیر البشر دے
*
مجھے تو عشق بس اپنا ہی دینا
تو میری کاوشوں کا یہ ثمر دے
*
مقدس ذکر میں تیرے جو گزرے
مجھے وہ روز و شب شام و سحر دے
*