حمد ربِ کائنات
کیفی اسماعیلی (کامٹی)
میرا اللہ تعالیٰ تو ہے رحمان بہت
مجھ گنہگار کی بخشش کا ہے امکان بہت
*
ہے رحیم اور بھی اک نام مرے مالک کا
کر رہا ہوں میں اسی نام کی گردان بہت
*
ڈوبتے ڈوبتے ایمان مرا تیر گیا؟
میں نے دل سے جو پڑھی سورۂ رحمان بہت
*
ورد آیات کریمہ کا اثر کیا کہئے
ہوتی رہتی ہیں مری مشکلیں آسان بہت
*
جس نے یونسؑ کو بچایا شکم ماہی میں
ہے بہر حال وہی میرا نگہبان بہت
*
دونوں عالم کے سمجھنے کو یہی کافی ہے
ہے ہمارے لئے اللہ کا عرفان بہت
*
سچ تو یہ ہے، کہ ہے سائنس اسی کا صدقہ
ہر مسلمان سمجھ کر پڑھے قرآن بہت
*