۱۴-سورہ ابراہیم
آیت ۱
( بسم الله الرحمن الرحیم )
( الَر كِتَابٌ أَنزَلْنَاهُ إِلَيْكَ لِتُخْرِجَ النَّاسَ مِنَ الظُّلُمَاتِ إِلَى النُّورِ بِإِذْنِ رَبِّهِمْ إِلَى صِرَاطِ الْعَزِيزِ الْحَمِيدِ )
بنام خدائے رحمان و رحيم
الريہ كتاب ہے جسے ہم نے آپ كى طرف نازل كياہے تا كہ آپ لوگوں كو حكم خدا سے تاريكيوں سے نكال كر نور كى طرف لے آئيں اور خدائے عزيز و حميد كے راستے پر لگاديں _
۱_''الر'' قرانى رموز ميں سے ہے_الر كتب انزلنه اليك
۲_قران ،خداوند متعال كى جانب سے پيغمبر اكرمصلىاللهعليهوآلهوسلم پر نازل ہونے والى كتاب ہے_كتب انزلنه اليك
۳_قران كريم كو خداوند متعال كى جانب سے نازل ہوتے ہى ''كتاب '' كہا جانے لگا _كتب انزلنه اليك
۴_ قران كريم انتہائي باعظمت اور رفيع مقام سے نازل ہونے والى كتاب ہے _كتب انزلنه اليك
لغت ميں نزول ،بلند مقام سے اترنے كو كہتے ہيں _ يہاں موضوع كى مناسبت سے مقام رفيع سے نزول ہوا ہے نہ بلند مكان سے _
۵_نزول قران كا مقصد ،لوگوں كو ظلمتوں (گمراہيوں ) سے نكالنا اور نور (ہدايت ) كى جانب ا ن كى راہنمائي كرنا ہے_
كتب انزلنه اليك لتخرج الناس من الظلمت الى النور
۶_پيغمبر اكرمصلىاللهعليهوآلهوسلم كى ذمہ دارى ہے كہ اپصلىاللهعليهوآلهوسلم قران كريم كے ذريعے لوگوں كو نور كى طرف ہدايت كريں اور انہيں ظلمتوں سے نكاليں _انزلنه اليك لتخرج الناس من الظلمت الى النور
۷_قران ايك عالمگير كتاب ہے اور پيغمبر اكرمصلىاللهعليهوآلهوسلم تمام انسانوں كے لئے مبعوث ہوئے ہيں _
لتخرج الناس من الظلمت الى النور
كلمہ '' الناس '' تمام لوگوں پر دلالت كرتا ہے اور كلام ميں كسى قسم كى قيد و محدوديت نہيں ہے تاكہ اس كے ذريعے '' الناس '' كوكسى خاص گروہ سے مختص كيا جائے _