رُخِ ابرِ کرم عنواں ہے میرے بابِ ہجراں کا
رُخِ ابرِ کرم عنواں ہے میرے بابِ ہجراں کا
"مرا ہر داغِ دل اک تخم ہے سروِ چراغاں کا"
٭
قدم چومے ہیں جن ذروں نے خورشیدِ رسالت کے
بیاں کیا کیجیے ان ذرہ ہائے مہر ساماں کا
٭
مرے سرکار کی کملی سے ایسی روشنی پھوٹی
کہ ذروں کو بھی منصب مل گیا مہرِ درخشاں کا
٭
غریبِ دشتِ ہجراں صاحبِ شہرِ طرب ٹھہرا
مدینے مںت کھُلا جوہر مرے شوقِ فراواں کا
٭
بہارِ گنبدِ خضریٰ ، منارِ مسجدِ آقا
مری آنکھوں میں ہر منظر ہے اُس شہرِ درخشاں کا
٭
صدا صلِّ علےٰ کی دَم بہ دَم کانوں میں آتی ہے
غمِ سرکار زخمہ ہے مرے سازِ رگِ جاں کا
٭
خدارا مجھ خزاں دیدہ کو اُس گلشن میں بلوا لو
جہاں ہر وقت رہتا ہے سماں جشنِ بہاراں کا
٭