متاعِ سخن ، نقدِ مدحت سلامت
متاعِ سخن ، نقدِ مدحت سلامت
یہ سرمایۂ بیش قیمت سلامت
٭
مدینے کے جلوے مِرے منتظر ہیں
مِرا جذب و شوقِ زیارت سلامت
٭
مدینے کی گلیوں میں کھو جاؤں یارب
رہے یہ سماں تا قیامت سلامت
٭
مجھے بھی نشیبِ زمںم سے اٹھا لے
تِرے سبز گنبد کی رفعت سلامت
٭
تصور میں ہے شہرِ سرکارِ والا
یہ گہوارۂ نور و نکہت سلامت
٭
مِرے آئینے کی جِلا اللہ اللہ
تمنائے مہرِ رسالت سلامت
٭
مدد کو مِری آئیں گے میرے آقا
مِرا جذبۂ استعانت سلامت
٭