دل روضۂ رسولؐ پہ محوِ سجود تھا
دل روضۂ رسولؐ پہ محوِ سجود تھا
پابندیوں کے رخ پہ بھی رنگِ کُشود تھا
٭
آقا نے مجھ کو دامنِ رحمت میں لے لیا
"میں ورنہ ہر لباس میں ننگِ وجود تھا "
٭
رنگِ شگفتنِ گلِ طیبہ سے پیشتر
بے نام تھی بہار چمن بے نمود تھا
٭
حدِّ نگاہ میں تھیں دو عالم کی وسعتیں
میرے لبوں پہ ذکرِ شہِ ہست و بود تھا
٭
مہکا ہوا تھا ذکرِ محمدؐ سے ہر نَفَس
اُس انجمن میں کس کو سرِ مشک و عود تھا
٭
جبریل سے سنیں شبِ اسرا کی رونقیں
انوار کے حصار میں چرخِ کبود تھا
٭
اللہ رے مدحتِ شہِ لوح و قلم ایاز
تا بامِ عرش وردِ سلام و درود تھا
٭٭٭