مصروفِ حمدِ باری و مدحِ حضور تھا
مصروفِ حمدِ باری و مدحِ حضور تھا
میں بے نیازِ پرسشِ یومِ نشور تھا
٭
میں گھر میں قید اور دل اُنکے حضور تھا
کیا منظرِ تحیرِ نزدیک و دور تھا
٭
سرکار کی ولادتِ اطہر سے پیشتر
عالم تمام حلقۂ فسق و فجور تھا
٭
میں لکھ رہا تھا مدحتِ مقصودِ کائنات
میری نظر میں حسنِ غیاب و حضور تھا
٭
رہتے تھے آپ شام و سحر حق سے ہمکلام
غارِ حر ا بھی آئۂنم کوہِ طور تھا
٭
میں خاک ہوکے شہرِ نبی میں بکھر گیا
یارب یہی علاجِ دلِ ناصبور تھا
٭
فیضانِ شہرِ علم ہے ورنہ مجھے ایاز
عرفانِ حرف تھا نہ سخن کا شعور تھا
٭٭٭