يَا أَيُّهَا الَّذِينَ آمَنُواْ أَنفِقُواْ مِمَّا رَزَقْنَاكُم مِّن قَبْلِ أَن يَأْتِيَ يَوْمٌ لاَّ بَيْعٌ فِيهِ وَلاَ خُلَّةٌ وَلاَ شَفَاعَةٌ وَالْكَافِرُونَ هُمُ الظَّالِمُونَ (٢٥٤)
اے ايمان والو جو تمھيں رزق ديا گيا ہے اس ميں سے راہ خدا ميں خرچ كرو قبل اس كے كہ وہ دن آجائے جس دن نہ تجارت ہوگى نہ دوستى كام آئے گى اور نہ سفارش _ اور كافرين ہى اصل ميں ظالمين ہيں _
١_ مومنين خدا كے ديئے ہوئے رزق ميں سے كچھ حصہ اسكى راہ ميں خرچ كريں _يا ايها الذين آمنوا انفقوا مما رزقناكم
٢_ معاشرہ كى اقتصادى ضروريات اور نواقص كو پورا كرنا ضرورى ہے_يا ايها الذين آمنوا انفقوا
٣_ مسلمانوں كى ذمہ دارى ہے كہ وہ راہ خدا ميں اپنے اموال خرچ كركے اسلامى معاشرہ كى حكومتى اور دفاعى بنيادوں كو مضبوط بنائيں _يا ايها الذين آمنوا انفقوا ان سابقہ آيات كو مدنظر ركھتے ہوئے كہ جو حكمرانى اور جنگ و جدال كے بارے ميں تھيں _
٤_ انفاق فى سبيل اللہ كا دائرہ انسان كے سب خداداد وسائل و اموال كو شامل ہے_انفقوا مما رزقناكم
٥_ اس بات كو مدنظر ركھتے ہوئے كہ سب مال و متاع خدا كا ديا ہوا ہے انسان كيلئے راہ خدا ميں خرچ كرنا آسان ہوجاتاہے_انفقوا مما رزقناكم
خدا تعالى اس حقيقت كو بيان كركے كہ انسان كا سب مال و متاع خدا كا عطا كردہ ہے (رزقناكم) اسے يہ سمجھانا چاہتاہے كہ اسكے لئے راہ خدا ميں خرچ كرنا مشكل نہ ہو كيونكہ سب كچھ خداہى كا تو ہے_
٦_ راہ خدا ميں خرچ كرنا مومنين كا توشہ آخرت ہے_