آیت( ۱۵)
( وَاللاَّتِي يَأْتِينَ الْفَاحِشَةَ مِن نِّسَآئِكُمْ فَاسْتَشْهِدُواْ عَلَيْهِنَّ أَرْبَعةً مِّنكُمْ فَإِن شَهِدُواْ فَأَمْسِكُوهُنَّ فِي الْبُيُوتِ حَتَّیَ يَتَوَفَّاهُنَّ الْمَوْتُ أَوْ يَجْعَلَ اللّهُ لَهُنَّ سَبِيلاً )
اور تمھارى عورتوں ميں سے جو عورتيں بدكارى كريں ان پر اپنوں ميں سے چار گواہوں كى گواہى لو اور جب گواہى دے ديں توانھيں گھروں ميں بند كردو _ يہاں تك كہ موت آجائے يا خداان كے لئے كوئي راستہ مقرر كردے _
١_ زنا كا ارتكاب كرنے كى صورت ميں عورت كى سزا حبس ابد ہے_واللاتى يا تين الفاحشة من نسائكم فامسكوهنّ فى البيوت ' 'الفاحشة''كا معنى بُرا كام ہے اور اس كا الف و لام اس خاص عمل كى طرف ا شارہ ہے جو مورد كى مناسبت سے زنا ہے اور ''مساحقہ''كو بھى شامل ہوسكتا ہے_
٢_ مساحقہ(ہم جنس پرستي) كى صورت ميں عورت كى سزا حبس ابد ہے_*واللاّتى ياتين الفاحشة من نسائكم فامسكوهنّ فى البيوت
٣_ اگر زناكار اور ہم جنس پرست عورت مسلمان ہو تو اسكى سزا حبس ابد ہے_واللاّتى ياتين الفاحشة من نسائكم اگر ''كُم''اسلامى معاشرے سے خطاب ہو تو ''نسائ''سے مراد مسلمان عورتيں ہيں _
٤_ عورتوں كے فحشا (زنا اور ہم جنس پرستي) كے اثبات كيلئے چار مرد مسلمانوں كى گواہى ضرورى ہے_
واللاّتى يا تين الفاحشة من نسائكم فاستشهدوا عليهن اربعة منكم كلمہ ''اربعة'' كو مؤنث لانا، دلالت كرتا ہے كہ اس سے مراد رجال (مرد) ہيں اور ''منكم'' ان