2%

متجاوزين : ۹

محرمات :ايام جاہليت كے محرمات ۸

مشركين :ايام جاہليت كے مشركين ۸

نعمات :نعمات سے استفادہ ۷

يہود :يہود اور بھيڑ كى چربى ۲; يہود اور حرام غذائيں ۱، ۲، ۳; يہود اور گائے كى چربى ۲;يہود اور ناخن والے حيوانات ۲; يہود كا تجاوز اور تعدى كرنا، ۹، ۱۱، ۱۲; يہود كى محرمات ۱، ۲، ۳، ۵، ۱۲; يہود كے تجاوز و تعدى كى سزا ۵، ۱۲; يہوديوں كے غذائي منابع ۴; يہود كے نزديك چربى كى اہميت ۴; يہود ميں حيوانات كى تحريم ۵، ۱۲

آیت ۱۴۷

( فَإِن كَذَّبُوكَ فَقُل رَّبُّكُمْ ذُو رَحْمَةٍ وَاسِعَةٍ وَلاَ يُرَدُّ بَأْسُهُ عَنِ الْقَوْمِ الْمُجْرِمِينَ )

پھر اگر يہ لوگ آپ كو جھٹلا ئيں تو كہہ ديجئے كہ تمھارا پروردگار بڑى وسيع رحمت والاہے ليكن اس كا عذاب مجرمين سے ٹالا بھى نہيں جاسكتا ہے

۱_ پيغمبر(ص) مامور ہيں كہ آپ(ص) ، وحى كو جھٹلانے والوں كى توجہ خداوندمتعال كى وسيع رحمت كى جانب مبذول كراتے ہوئے انھيں اس كے حتمى (ويقيني) عذاب سے ڈرائيں _فان كذبوك فقل ربكم ذو رحمة واسعة و لا يرد باسه عن القوم المجرمين

۲_ پيغمبر(ص) كو مشركين كى جانب سے جھٹلائے جانے كامنتظر اور ان كے روبرو ہونے كے ليے آمادہ رہنا چاہيئے_

فان كذبوك فقل ربكم ذو رحمة واسعة

جملہ ''ان كذبوك'' پيغمبر(ص) سے خطاب ہے_ اور آنحضرت(ص) كے مقابل مشركين كى طرف سے جھٹلائے جانے كى پيش گوئي كى گئي ہے_ اس تكذيب كا مقابلہ كرنے كے ليے، ''قل ربكم'' اور ''و لا يرد ...'' كہہ كر اس كا راہ حل بتايا گيا ہے_