شبكة الإمامين الحسنين عليهما السلام الثقافية

أمّ البنين زوجُ مولانا علي

ناهيكمو عن ذلك الفضل الجلي

والدةُ العبّاسِ ذيّاكَ الأغرْ

شمسُ الكراماتِ ونجلُها قمرْ

بها إلى اللهِ توسّل كي تنلْ

كلَّ الذي ترجو وتحظى بالأملْ

تلك التي مثّلَتِ المودّة

في آل طه في الرَّخاء والشدّة

لله صبرُها بيوم أقبَلْ

ناعي الحسينِ والدّموعَ أسبلْ

تسأُلُه كأنّها لم تَسمعِ

نعيَ شهيدِ كربلا ولم تعِ

تقولُ أخبرنيَ عن إِمامي

والطّرفُ منها بالدّموعِ هامي

أخبرها آهٍ بفقدِ الأربعة

أبنائها وهو يُهلُّ أُدمُعه

قالت هُمُ الفداءُ للحسينِ

روحِ نبيّنا ونور عيني

لا تُخفِ باللهِ عليكَ عنّي

حقيقةَ الأمرِ أهجتَ حُزني

هل الحسينُ عائدٌ فأنتظر

فعندها قالَ بدَمعٍ منهمر

آجرَكِ اللهُ قضى بكربلا

ظمآنَ مذبوحاً بهاتيك الفلا

ولا تسل عن حالِها مُذ سمعت

ذلك بالحرقةِ نادت وبكت

يا أسفا عليك يا بن المصطفى

بعدكَ مولاي على الدّنيا العفا

هيهاتَ أن أهنى بعيشٍ حتى

أكونَ عاجلاً عدادَ الموتى

فعلاً قضت أيّامها حتى قضت

حُزناً ومن كثرةِ ما فيها بكت

والتحقت لهفي لها بالزّهرا

بمهجةٍ من المُصابِ حَرّا

وفاتُها يقالُ في ثالثِ عشر

جماديَ الآخرة وذلك الشتهَر

أسمى التعازي للإمامِ المنتظر

وكلِّ من والاهُ غاب أو حضر

أُم البّنين تصيح يا بن الحنفيّة

بحسين خبّر وين نازل هالمسيّة

مستوحشة طيبه علينا بعد لحسين

من طلع من مكّة مَندري احنا نزل وين

في وين خبّرني نزل يَبن الميامين

ما جاك عنّه خبر يَبن الحنفيّة

معلوم ما عندك ضمدنا وين هيّد

يقولون طب مكّه وقضى للحج مفرد

وسافر ولا ندري بعد في وين عيّد

كلما أجي لك واسألك تخفي عليّه

قلها وقلبه من المصايب يوقد وقيد

بتسايليني وين خيّي عيّد العيد

مَدري بعزم سبط النّبي أي بلده يريد

يرجع الطيبه لو يروح الغاضريّه

لكن اخبرچ والقلب صادي وملهوف

حزنه حنى ضلوعي وخلّي الدّمع مذروف

خيّي نزل وادي يسمّى أرض لطفوف

ومن كل كتر دارت عليه علوج أُميّه

ولن الدّمع منها على الخدّين مسفوح

وتصيح يبني قوم شد رحالك نروح

نتدارك المظلوم قبل يروح مذبوح

وانصر اخوك حسين يا حر يا شفيّه

قلها وتزفّر وهمَلت بالدّمع عينه

اطراد يوم الطّف انا ويني ووينه

فاز الذي دون السّبط تقطع يمينه

مثل البطل عبّاس جيدوم السّريّه

قالت وهي قلبي وهلّت دمعة العين

فال السّلامه فالهم يَبن الميامين

الله يردهم بالسّلامة ويرجع حسين

يظلّل علينا ونلتجي يبني بفيّه

وصلوا المدينة والخلق ضجّت بلحنين

واتلاقت ابهالحال زينب وام لبنين

صار الناشد والوديعه صفقت الچف

بس الزّفير الصوت بايح والدّمع جف

بيها غدت ذيچ الأيتام اتلوذ وتحف

يم البنين تصيح شوفي فجعة البين

مقدر أسولف بالجرى لا تنشديني

قلبي موزّع والسّهر عامي عيوني

لا مال ضاعت والدّهر خيّب اظنوني

راحوا طبق كلهم چتل والتّالي حسين

قالت وحق اللّي تربّيتي ابحجرها

أدري ابعملة كربلا چايد أمرها

لكن ثَلَث نَشدات وضحي لي خبرها

أدري على شرح المصايب ما تقدرين

أريد أنشدچ فاز بالنّاموس عبّاس

وخبريني جسم حسين بخيول العدا انداس

وانتي وقفتي امچتّفه ابديوان لرجاس

بالحبل مربقوات ويّاچ النساوين

سمعي نقلها والدّمع كفّي انهماله

طيب الأصل ما ينحصى طيّب افعاله

ملهوف خاض النّهر مهتم بزلاله

جوده ملاه أوكت بداله مدمع العين

فيّض من الشّاطي وبحر دم صيّر الطّف

ابنچ تلقّاها وطوى صفٍ على صف

طارن زنوده وزاد عزمه والعلم رف

لو لا السّهم وصّل الخيمه بغير چفّين

وانچان قلتي لي الشّهيد شلون رضّوه

دفنوا خوارجهم واخويه حسين خلّوه

نخّيتهم وعناد إلي بالخيل داسوه

واللي جرى ما ينوصف غير التسمعين

يم البنين أو وقفتي ابديوان سفيان

بيه انعرفنا وانقلب ماتم الدّيوان

والفاجر يزيد افتضح ما بين لَعيان

لكن ثناين حسين كسّرهن الصوّبين

بالله استعدي للبواچي يم لبنين

ردّوا يتامى وانذبح عبّاس وحسين

يم البنني اتذبّحوا كلهم على القاع

وحسين ظل امجرّد ومكسور لضلاع

ومخدّرة حيدر علي فرّت بلا قناع

ويّا الحرم والنّار تسعر بالصّواوين

يم البنين الأربعة انذبحوا ظمايا

وظلّوا ثلثتيام بالغبرا عرايا

وليتچ نظرتي عَلى النّهر صاحب الرّايه

مفضوخ راسه مقطّعه شماله وليمين

يم البنين الأربعه محّد دفنهم

دمهم غسلهم والتّرب صاير چفنهم

ومن الصّبح زينب مشت للشّام عنهم

فوق الهزل مرّت وشافتهم مطاعين

يم البنين الأربعة تشهد لچ النّاس

ما صار بليوث الحرايب مثل عبّاس

خلّا الأرض روس وجثث ومطهّمه داست

روس الأعادي وغلّق الميدان صوبين

صاحت اولادي وكل من بالعالم يروح

ويا ليلت بعد حسين ما تبقى لنا روح

يا بشر بالله لا تقول حسين مذبوح

ما شوف بالدّنيا عوض عندي عن حسين

عبّاس واخوانه عليهم ذاب لفّاد

اعزاز عندي وحزنهم بالقلب وقّاد

وحسين فَت قلبي ونسيت ارفاق لولاد

فدوه لبو سكنه أولادي يا مسلمين

يا ليت عندي من الولد سبعين مولود

بالمرجله كلها مثل عبّاس وتزود

تنذبح وابن المصطفى لدياره يعود

سالم ولا تنضام زينب والخواتين

بقصى المدينة أُم البنين اتصيح بالويل

تندب يبو فاضل يصنديد الرّجاجيل

يقولون يبني باللوا شقّيت لصفوف

ودارت عليك القوم يبني بزان وسيوف

واوقعت يم المشرعه مقطوع لچفوف

مفضوخ راسك والدّما من جروحك تسيل

يقولون طبّيت النّهر وطلعت عطشان

وارجعت قلبك بالظّما ملتهب نيران

ما صار مثلك يا ضيا عيني بلخوان

لجلك أواصل بالبچا انهاري مع الليل

يقولون راسك يوم حطّه بحجره حسين

للقاع ردّيته يعقلي ويا ضيا العين

يا ريت مثلك يالولد تنذبح سبعين

ولا چار صدر ابن البتوله اترضّه الخيل

معلوم يبني ضيّعت زينب وليتام

حرمه وغريبه وضايعه والقوم ظلّام

والله حسافه انچان زينب دخلت الشّام

من غير والي والولي مقيّد بزنجيل

لا تهيجون احزان قلبي يا مسلمين

راحوا اولادي لا تسمّوني ام لبنين

لو راحوا اثنين وعليّ ردّوا اثنين

بَلكَت عليّ اتهون جمرة هالمچاتيل

اشبال أربعة والنّاس كلهم يحسدوني

وكل الخلق يم البنين يخاطبوني

شبّان كلهم فرد ساعه فارقوني

وظلّوا ابعرصة كربلا من غير تغسيل

لا تذكروا لي هالإسم ذايب افّادي

منين البنين وكربلا ضمّت أولادي

وراعي العلم مطروح مقطوع الأيادي

وزينب بليّا رجال حسره على المهازيل

اشهالخبر لقشر علينا اشهالمصاب اللّي جرى

ايذوّب افّادي امن اسمه ومهجتي امن اتصوّره

دم دمع عينيت جرى وبالحزن دلّالي انجرح

حس لمنادي ينادي ابكربلا حسين انذبح

وبو الفضل فوق الشّريعة مقطّعه اچفوف انطرح

وانكسر ظهر السّبط من عاينه فوق الثّرى

راعني صوت لمنادي ايصيح مذبوحه هَلي

ذوّب قليبي ينادي راح جسّام وعلي

راح عون وراح جعفر للحرم ما ظل ولي

لَشِق جيبي امن الأسف چان العزيزه اميسّره

آه يزينب يالمصونه اشلون ضيعه ضيعتچ

تركبين الجمل عاري وزجر قايد ناقتچ

بالدّهر للخق تبقى اشلون فجعه امصيبتچ

ويظل اسمچ للأبد بالفخر كلمن يذكره

قالت اسكت لا تفاول على اولادي القلب ذاب

بالسّلامه يردهم المعبود حلوين الشّباب

وتزهر الدّور ابأهلها وبعد ما ينغلق باب

وترجع ايام الهنيّة والسّعاده المزهره

ايواجه الله بينك وبين اخوتك يبن الأمين

ايرد ابو فاضل وخوته أربعتهم سالمين

انشا الله انشوف المنازل زاهية ابغرّة حسين

وترجع الوفّاد وتعود الليالي مسفره

صاح راح حسين لا تترقّبينه لچ يعود

والحرم للشّام مسبيّه وترفل بالقيود

وداروا ابذيچ الحراير حاسره ابوسط العقود

ووقّفوا زينب ابديوان آل اميّه محيّره

بدروب السفر راحو بنيني

وظلّت عالدرب مشبوحه عيني

طال أعليّه الغياب

وحشه اديار الأحباب

راحو بنيني الاربعه بهالسفره

من ودّعتهم بالدمع والحسره

گلبي يلوب اعليهم او شيصبره

وبحشاشتي نار البعد مستعره

نار احشاي وجّرها ونيني

وكلما تستعر يكثر حنيني

انه الذي اشگيت او تعبت اوياهم

أربع بنين واِضهدت حيلي اوياهم

لوّعني يا ناس اشكثر فرگاهم

شلون الگلب يگدر بعد ينساهم

آنه الوالده الما بطّل ابچاي

وحگّي من اداعي ابتعبي ورباى

شينفع بعد العتاب

وحشه اديار الأحباب

ثوب الحزن ما بدَّله او لا نزعه

وعيوني متفارگ جفنها الدمعه

ضعن المشه يا ساعه ينوي الرجعه

ومن بعد غيبه اتعود ذيچ الجَمعه

وابسد فيهم اگعد من يعودون

وبدمع الفرح خل تجري العيون

گلبي امن القهر ذاب

وحشه اديار الأحباب

طالت السفره وطوّلت غيبتهم

ولا طارش او مكتوب أجه من عدهم

ما أدري يمته تنگضي سفرتهم

ويگلّي گلبي أيسي من جيّتهم

والدهم علي عندي ذخرهم

لأبو اليمّه يضحّون أبعمرهم

ولهم أحسب أحساب

وحشه اديار الأحباب

مو لحِت من كثر البواچي اعيوني

ومنهم بعد خاب الگلب وضنوني

هم صدگ من بعد السفر يلفوني

لو بالغرب والنايبه ايعوفوني

بس حسين سالم يرد ليه

خلها تروح ويلادي ضحيّه

گلبي ابفرگته أنصاب

وحشه اديار الأحباب

صار الگلب خوفه على اوليدي حسين

وابياكتر ما أدري ودّاه البين

وين الشموس الساطعه غابت وين

يمته يجون او تكف دمعتها العين

لو رجعو نذر يصبع عليّه

ورد أزرع طريق الغاضريه

بل چ ي اتعود الاطياب

وحشه اديار الأحباب

خّذْ روحي يا روحَ الأمينْ

فِداكَ نَفسي والبنينْ

عزمت اعله السفر وگليبي ناداك

اخذ روحي يروح الهادي ويّاك

لون تمشي اشيصبّرني اعله فرگاك

ابد لتظن دليلي لحظه ينساك

حانَ الوِداعُ يا حُسينْ

أدعوكَ والقلبُ حَزينْ

تخليني او تروح او روحي متهود

واَخاف ابروحتك يوليدي متعود

هرش گلبي اويه گلبك يبني مشدود

يبواليمّه حنيني ما اِله اِحدود

يا راحلاً نحو المنون

أنعاك بالدمع الهتون

اَناديك ابدمع من دم مسيله

ييمّه الياكتر ضعنك رحيله

خَذِتْ كل عيلتك بس العليله

واخافن سفرتك تصبح طويله

نادَتهُ والدمعُ يَسيلْ

بُني إلى أينَ الرَحيلْ

رحت يبني او كثر شوگي او حنيني

وبگت يبني اعله دربك تربي عيني

الك فدوه يبواليمّه بنيني

اريدك يبني بس سالم تجيني

طالَ الفِراقُ والصُدودْ

يا غائباً متى تَعودْ

دليل اِبغيبتك هرشه تگطّع

وعله اِفراگك بگه يلعه اِو تصدّع

فداك الاربعه بس ليّه ترجع

آنه روحي اِبفگد روحگ متهجع

آنه اَربع وِلِد لجل الزچيّه

اقدّمهم الك بالطف هديّه

نِذر يوليدي بس ترجع عليّه

ابورد ازرع طريق الغاضريه

عنْ مُقلَتي غابَ الكَرىْ

لَمْ اَدرِ عنكَ ما جرى

مثل حنّي الورگ بُعدك حِناني

وعلى اِدروب السفر ظليت اَتاني

خُبَر مِنّك ولا طارش لفاني

ييمّه اِبياكثر ذبّك زماني

الحُزنُ قد أعيى الفؤادْ

والجَفنُ لا يهوى الرُقادْ

زادَ حنيني زادَ حنيني

إلى الحُسينْ زادَ حنيني

گلبي ابعذابه

يشرح مصابه

يا نُورَ عيني يا نُورَ عيني

قلبيْ حَزينْ يا نُورَ عيني

ما رد جوابه

يشرح مصابه

قد غبت عنّي قد غبت عنّي

بني حسين قد غبت عنّي

ايشجرع غيابه

يشرح مصابه

يعلو أنيني يعلو أنيني

في كلّ حين يعلو أنيني

ابدمع انتحابه

يشرح مصابه

قلبي ينادي قلبي ينادي

طال الفراق قلبي ينادي

يبعث كتابه

يشرح مصابه

فداك عمري فداك عمري

متى تعود فداك عمري

ابهاي الغرابه

يشرح مصابه

طال انتظاري طال انتظاري

أشكو العذاب طال انتظاري

هذا خطابه

يشرح مصابه

إنّ بنيني إنّ بنيني

لك الفداء إنّ بنيني

گلبي ابعتابه

يشرح مصابه

ويلادي النشامه

اتعودون ابسلامه

بيكم آنه مفتخره

وافوا الطاهره الزهره

آنه يا شبّان أُمكم

يلربيتوا ابوسط چبدي

ابذلت كل حيلي وجهودي

وابرباكم امل عندي

بيكم ارد اوفي الزچيه

يل الولد كل هذا گصدي

يا ما ليالي ساهرت

واتعاب برباكم شفت

من لبن طاهر رضّعت

وعمري صار الكم يولدي

كل ذيچ الليالي

مرسومه ابخيالي

هذا اليوم انتظره

وافوا الطاهره الزهره

اوصيّه وصاني ابوكم

حيدره حامي الحميّه

وآنه كل عمري نذرته

من اجل هاي الوصيّه

ذخر گال الولد عندچ

والوفه بالغاضريه

ويلادي ولد الغانمه

واربات حمّاي الحمه

لحسين مهجة فاطمه

خلّو وگفتكم سويّه

حيدر وصّه بيكم

وظل باله عليكم

صحت وآنه مبتشره

وافوا الطاهره الزهره

يلولد كل أُم حنينه

ثمره ترجه من سهرها

وانتو يا ثمره دليلي

او يا اصبي عيني ونظرها

آنه أُمكم يبد امكم

الرخصّت الكم عمرها

يا ثمر گلبي وطيبته

يا عمد بيتي وهيبته

انتو الدليل ودگته

كربله عدكم خبرها

انخاكم يولدي

وافو اليوم عهدي

لتخلوني بالحسره

وافوا الطاهره الزهره

انته يا عباس يبني

ساعد حسين وعضيده

كفلت زينب وانته اخوها

لا تخلّيها وحيده

اعليك يا عباس املها

نفّذ الها اشما تريده

انطاك ابو اليمّه العلم

وتكلّفت امر الحرم

ويّه اخوتك اهل الشيم

تعنوا لدروب البعيده

تحرسون العقيله

بهل السفره الطويله

عينوا زينب الكبره

وافوا الطاهره الزهره

وي ضعنكم روحي راحت

يلولد للغاضريّه

لا خبر منكم وصلني

وكثرة اهمومي عليّه

چنت اتأمّل ضعنكم

بالسلامه ايرد اليّه

ظلّيت اتاني اعله الدرب

فراگ البنين اشگد صعب

بالحسبه عايش هالگلب

اونّه ونّه خفيّه

عفتوني ابعذابي

وابلوعة مصابي

اعليّه طالت السفره

وافوا الطاهره الزهره

أُمكم آنه الهجرتوني

العشت لوعات انتظاري

گلبي ما يهجع ونينه

بالحزن ليلي ونهاري

گمت انعاكم ونادي

ودمعي عالوجنات جاري

مادرت راحوا ضحايه

اوافوا الزهره ابدماهم

حسين ابن حامي الحمه

هذا مهجة فاطمه

وافوا امّه الشافعه

يا بنيني الأربعه

تنادي والمدمع يصب

هذا سبّاح الگلب

شلون گلبي ايودّعه

يا بنيني الأربعه

اربع انجوم وگمر

اعليكم احنيت الظهر

هروش گلبي امگطّعه

يا بنيني الأربعه

لو وصلتو الكربله

ضحّوا دون العايله

لا تظل متروّعه

يا بنيني الأربعه

بيكم آنه هيبتي

وبالشدايد نخوتي

انتو شمسي الساطعه

يا بنيني الأربعه

لجل سبط المصطفه

بالدمه صار الوفه

الجود منكم منبعه

يا بنيني الاربعه

دمعة الفرگه جرت

وبولدها ما درت

صاح صوت الفاجعه

يا بنيني الأربعه

زرعت الصبر بدروبك

لمّن خظّر اورّد

وما رديت يوليدي

وعنّك كل خبر ما رد

كل غايب تگول الناس

حتماً يخلص اغيابه

وحين الّي يهزّه الشوگ

يرجع يذكر احبابه

وگلبي الجيّة الغيّاب

وللملگه فتح بابه

لا چف اليدگ بابي

وطالت سفرة احبابي

ليش الّي تريده الروح

عليّه يا خلگ ابعد

حصدني منجل الفرگه

وصبري مو لحت گاعه

ومركب حزني للطف سار

وطواني طويت اشراعه

يا يوم الفرج يلفي

واشوف احبابي يا ساعه

يمته احبابي يلفوني

هم بيهم يبشروني

ابشوفتهم يزول الهم

ونيران الصبر تخمد

مرابع عشرتي ويّاك

ارتوة من دمعة احزاني

وأيامي اصبحت جدبه

وممحل صار بستاني

ليل انهار يوليدي

بيك ايسولف الساني

وجفني ما غمض لحظه

وگلبي ابناره يتلظّه

رضيت اشلون من بعدك

عمري ايضيع يتفرهد

يل روح النبي روحك

فدوه اتروح الك روحي

حبستك دمعه بعيوني

وحظنتك الم بجروحي

حنين الدوح احنّن ليك

ونوح الفاجده نوحي

يوليدي وحمام الدوح

تعلّم مني فن النوح

وبيت احزاني من همّي

انبنه يحسين واتشيّد

ما ادري اصبّر من

روحي لو عليلتكم

وعليلتكم ضناها الشوگ

تجري ادموع فركتكم

وكل لحظه ادگ شوفي

وأسچ بدروب جيّتكم

اعله هالديدان يوميّه

عيوني شابحه اربيه

شبيدي يبني وشبيدك

دهري ودهرك اتمرّد

وديعة فاطمه انته

وبگايه عمري واسنيني

فدوه اتروح الك روحي

وبنيني يا بعد عيني

يصير الموت حال وصار

حايل بينك وبيني

يا مهجة گلب فاطم

بس كونك ترد سالم

وكل ولدي الك فدوه

والباري علي يشهد

يا روحي روح الزهره

اشما ضحيّت آنه أمقصره

وبدم ولدي

وكلما عندي

بعدك صوّب دلالي

وخيّب يحسين آمالي

دمعة وجدي

حفرت خدّي

خافن ما ترجع ليّه

وتظل اعيوني اربيّه

وابقه ابوحدي

ابجرحي اليدّي

لو كل شباني افديها

للزهره ما اوفيها

ابذل جهدي

شأملك اهدي

بعدك چا شلّي ابعمري

بأمرك محتاره او امري

ومنين ابدي

اتصوّب چبدي