شبكة الإمامين الحسنين عليهما السلام الثقافية

شاله الوالي المظلوم جابه يم الخيام

والگلب منه منفطر والدمع سجام

صرخت النسوه بالبچا او ضجت الايتام

او طلعوا طبق كلهم او نصبوا للعزيّه

او رمله اطلعن تلطم صدرها ابدمع همال

اتنادي يغضن البان عني گوض او شال

ظليت حرمه ابلا ولي من غير رجّال

او صارت الضجه في اخدور الهاشميّه

وصلت لعد جاسم او منها الگلب مهموم

صاحت يعگلي يا شباب المات محروم

مرمي على الرمضا او متخضب بلدموم

لبچي على فرگاك كل صبح او مسيّه

بس لبني رچبت الخيل لا گات

موت احمر ابسيفه الگوم لاگات

لون همي علي يذبل صار لاگات

من شفته ابحضن عمّه رميّه

دم نحرك صبغ زلفك وليعود

يبني دنهض ابعزمك ولي عود

ابماي العين ربّيتك ولي عود

أمل ذاك الربه اتخلفه عليه

تعيش امك وهي تحسب وفت لك

اوييزي يا دهر غزلك وفت لك

ابدمعي لغسل اجروحك وفت لك

گلبي دُوه او مشكل ترد ليّه

حجر على عيني يمّر بها الكرى

من بعد نازلة بعترة احمدٍ

اقمار تم غالها خسف الردى

واغتالها بصروفه الزمن الردي

شتى مصائبهم فبين مكابد

سماً ومنحور وبين مصفّدِ

سل كربلا كم مهجة لمحمد

نهبت بها وكم استجذت من يدِ

وكم دم زاك اريق بها وكم

جثمان قدس بالسيوف مبدّدِ

وبها على صدر الحسين ترقرقت

عبراته حزنا لأكرم سيّدِ

وعليَّ قدر من ذوابة هاشم

عبقت شمائله بطيب المحتدِ

افديه من ريحانة ريّانه

جفّت بِحْرْ ظماً وخرّ مهندِ

بكر الذبول على نضارة غصنه

ان الذبول لآفة الغصن الندِ

لله بدر من مراق نجيعه

مزج الحسام لجينه بالعسجدِ

ماء الصبا ودم الوريد تجاريا

فيه ولاهب قلبه لم يخمدِ

لم انسه متعمّما بشبا الضبا

يين الكماة وبالأسنة مرتدِ

عليمن دارت النوبه على ابن حسين لمچنّه

طلع من خيمته اينادي اليريد الموت يتدنه

يتدنه اليريد الموت منكم يابني سفيان

كل اهل الرياسه اتگوم تحضر خطّة الميدان

لوشبچت زلم والخيل يعرف فارس الفرسان

اليوم اليوم اشب النار بيكم وعلق الدنه

صارت ضغبره بالكون من طبه علي الأكبر

ظلمت كل نواحيها او نوره بالوغه يزهر

يتلولح على الصيدات وبظهر المهر يفتر

من مثله سبق للموت وبن اثمنطعش سنّه

من مثله سبق للموت عمره اثمنطعش يا ناس

بالحومه وگف وگفه اتشابه وگفة العبّاس

بيها ينتخي وايصيح حين اللي كشف للراس

وين اليطلب الميدان يتدنه الحرب فنّه

ياحي شبل ابو السجاد لاح ابظهر ميمونه

امفرع وسطة الجيمان وجعوده على امتونه

اسطه بالحرب يدري اشلون الحرب وفنونه

من يضرب فرد ضربه ابسيفه ما بعد ثنّه

ردنه حيدر الكرار حاضر كربلا ايشوفه

من صال او ركب غوجه او كوّر عسكر الكوفه

او خلّه كربلا كلها ابروس او جثث مردوفه

او خله اخيولهم ردت خليه او تسحب العنه

جندله كل افعاعيها وخلاها تصيح الويل

كل فارس بطل مرعوبن سيفه او ينادي ادخيل

ذيچ الزلم كورها او خل الخيل فوگ الخيل

شنهي الميت الف خيال ما تگدر تگربنّه

يتنومس ابضرب السيف والعيد الحرب عنده

يطرب لو حمه الميدان چنه بالحرب جده

اشبيب ما بلغ عشرين عمره بالحرب وحده

ما واحد وگف بالسيف من دونه يذب عنه

وحده ابحومة الميدان ما واحد وگف دونه

بس احسين بالصيوان صوبه شابحه اعيونه

اوليله واگفه ابكتره او لنّه من خطف لونه

اثاري بكر بن غانم شافه من گرب منّه

لمن شافته ليله لونه انخطف وتغيّر

گالت له يبو اليمه اشمالك واگف امحيّر

خبّرنه يبو السجاد نترجّه علي الأكبر

للخيمه يرد اردود يو لا نگطع الظنّه

يبني علي هاليوم نفعك

طبع النبي المختار طبعك

زاچي الأصل محمود فرعك

گلت للسّند والصين اتبعك

عن نصر ابوك اشلون امنعك

وذّن ييمه اوخل اسمعك

واگعِد ابحضني خل اودعك

وطّيني بيدي احل درعك

حزن ليله عليها اشتد وهمها

او گلبهاعِد علي الأكبر وهمها

تدرون اشعمل بيها وهمها

على ابنيها تغيّر وجه أبيّه

يشبه المصطفى بالخلگ ونداك

تهايل طود صبري اعليك ونداك

هد حيلي صدا نخواك ونداك

على المگدور يوليدي اشبيديّه

لم تر عين نظرت مثله

من محتف يمشي ومن ناعل

لايؤثر الدنيا على دينه

ولا يبيع الحق بالباطل

شل اطرادها ابن احسين الأكبر

او خلى الخيل بالهامات تعثر

امصيت هلهلت له الخيل لو لاح

عليها او صفگت له اطراف الأرماح

او رگصت له السيوف ابروس الأقراح

او فوگ الطوس دگت ضرب الاگثر

من هاشم امنتب موش ملفوف

ابوه احسين بالميدان موصوف

او جده حيدر الكرار معروف

او عمه الحسن والعباس الازهر

اهتز ابغيرة الله وافرع الراس

تبارك بالوجه والدرع والطاس

او سيفه الشعشعاني المرهب الناس

او بالخيل الطلايع ضيق البر

اشچم حرآن من غدراته نس

مهو ابن احسين ضرب السيف اله وبس

ابرمحه چم عجيد اصپاح لبس

او خلاها ابجماجمها تعثّر

تموج الخيل من يفتر عليها

چن الخيل ابو الحسنين بيها

ذب هذا ورا او هذا لديها

مساميها او رمحه يلحق الفر

شباب ولا يهاب الموت طفّاح

بسرج عالي طويل الظهر نفاح

ارضى السيف واطاشرط الارماح

اورد ايلوج بالسانه او يفغر

او نعمين الاكبر من تشعشع

بمذهبه او للراس فرّع

وبغير گلبه ما تدرّع

صرخ بالعشاير شبه صعصع

ومذهبه اعلى الطوس يلمع

او عن طبرته ما درع يمنع

او عوده ابتهج بيه او تنشع

كلما الحملاته ايتنوع

او لعد نخوته بالطنب يسمع

كل الاسف شافه اوگع

او شافه ابمواضيها توزع

نحاه او صرخ لاچن اشينفع

مصرعك بويه اشلون مصرع

بيه الگلب ذاب او تقطع

يلقى ذوابلها بذابل معطف

ويشيم انصلها بجيد اجيدِ

خضبت ولكن من دم وفراته

فحمرَّ ريحان العذار الاسودِ

جمع الصفات العز وهي تراثه

عن كل غطريف وسهم سيد

في بأس حمزة في شجاعة حيدر

بأبا الحسين وفي مهابة أحمد

وتراه في خلق وطيب خلائق

وبليغ نطق كالنبي محمد

فيردها قسرا على اعقابها

في بأس عريس ملبدِ

ويؤب للتوديع وهو مكابد

لظما الفؤاد وللحديد المجهد

صادى الحشى وحسامه ريّان من

ماء الطلا وغليله لم يبرد

يشكو لخير أبٍ ظماه وما اشتكى

ظما الحشى الا الى الظامي الصدي

كل حشاشته كصالية الغضا

ولسانه ظمأً كشقة مبرد

فانصاع يؤثر عليه بريقه

لو كان ثمة ريقه لم يجمد

صال الاكبر او رج الميادين

اومن امذهبّه ماجت الصوبين

شباب او شمّر اردانه او نحرها

حر الصيد وبعينه صگرها

ذهلها او لا بعد تندل مفرها

يخطف روحها او منه تفر وين

وسّد شوسها اتراب الوطيه

او سسيفه تتلوّح ابحده المنيه

خلط روس أو جثث بالطف سويه

جدّه الليث حيدر كفو او نعمين

امصيت بالحرب من صغر سنّه

خله اخيولهم تسحب المنه

حتى الأرض ترجف خوف منّه

او مثل الطوف ثابت شبل الحسين

عگب ما نوو كلهم على الشرده

اولا واحد بعد يوصل الحده

شدر ومن العطش مفطور جبده

ينادي الچبد مني انجسم نصين

يصيح ابصوت بويه احسين عطشان

او ذابت مهجتي من نار الأكوان

يبويه امن الشمس والعطش خلصان

دليلي اهنا يبن سيد الوصيّين

بچه احسين او نحب واچثر نحيبه

يگله الماي يبني امنين اجيبه

ترى چبدي مثل چبدك لهيبه

يبويه اصبر واسدر للميادين

گومي تلگي ابنچ يليله

شدّي احزومه او هلهليله

لامت حرب شايل ثجيله

او من العطش ذايب دليله

واحسين اشوفه يتچيله

يروحي الذي راسي يشيله

انا علي ابن الحسين ابن علي

نحن وربُّ البيت اولى بالنبي

طبت الخيمتها الغريبه

تبچي او على ابنيها امريبه

يا لراد يوسف من مغيبه

اليعگوب ومسچن نحيبه

صيد الملوك ارانب وثعالب

واذا حملت فصيدي الأبطال

مضى العطش يابن احسين الأكبر

اورد ايلوج بلسانه او يفغر

يصيح ابصوت فت گلبي او شعبني

يبويه گوم ليه العطش ضرني

يبويه درعي اوطاسي بهضني

يبويه او نشفت ارياگي من الحر

ييبويه شربة اميّه الچبدي

ايتگوّه ورد للميدان وحدي

يبويه فطر گلبي وحق جدي

العطش والشمس والميدان والحر

يگله امنين اجيب الماي يبني

مهو حچيك بهض حيلي او شعبني

اوفت روحي او حمس چبدي اولسبني

يبويه استخلف الله العمر واصبر

يگله والدمع يجري من العين

يبعدي او بعد كل الناس يحسين

تگلي اصبر اوگلبي صار نصّين

اشلون اصبر يبويه والصبر مر

مدري اشگال ابو الشجاد منجاه

علي او عوده الخايف دوم من جاه

من برهان اريد الماي من جاه

العطش نصين طر گلبي سويّه

تعدّه حدّه الظالم وجازه

عسى الرب خاصمه ابفعله وجازه

رخصه اعلى الورد مالي وجازه

صداق امي صدگيحرم عليّه

يشبه المصطفى بالخلك ونداك

تهايل طود صبري اعليك ونداك

هد حيلي صدا نخواك ونداك

على المگدور يوليدي ابديّه

وتجلى فجرا بليل قتام

مستنيرا من الهدى بضياء

هو شيل الحسين شبل علي

حين ينمى بنجدة واباء

اشبه الناس في محمد خَلقا

خُلقا منطقا بغير خفاء

شجت الخيل والرجال ارتياعا

واستغاثت من بأسه المضاء

فاستجار بن سعد منه ببكر

فاُريع الحسين عند اللقاء

واستغاثت ليلى به لعلي

قال كوني عونا له في الدعاء

فمحاه بضربة من علي

لابن ودٍ قد اسرعت بالفناء

فأتى للحسين والقلب منه

يتلظى من الظما باصطلاء

ابتاه هل لي بشربة ماء

اتقوّى بها على الاعداء

ان ثقل الحديد اجهد نفسي

والظما قاتلي وانت رواء

قال من اين يابني وهذا

خاتمي فاستعن برب السماء

عُد الى الحرب سوف تسقى بكأس

عن قريب من خاتم الأنبياء

فاتى الحرب ايسا من حياة

ليس فيها غير العنا والشقاء

ليس يبقى سوى الشهادة فيها

بين سمرٍ تحنى وبيض وضاء

فتوارى وهو الشهيد كريما

فوق مهد منها وتحت غطاء

تسايل يا دمع لوداع الأكبر

يگلبي ذوب لوداعه او تفطر

يويلي من تلاگو عند الوداع

امشابگ طول لمن هووا للگاع

لاع ابنه لبيه والابو لاع

على ابنيّه يويلي اوداع الاگشر

يشم احسين خد ابنه او يحبّه

او دمعه مثل دمع ابنه يصبه

والنار البگلب ابنه ابگلبه

يخفيها على ابنه اونوب تظهر

يگله والدمع بالعين دفاق

ابعبره امكسره وابگلب خفاگ

يبويه اوداعة الله هذا الفراق

يبويه اشبيدنه هذا المگدّر

يبويه للسيوف اسدر او للزان

او لوح ابغاربه وشلش الميدان

يبويه اليوم مرواحك للجنان

او بالكوثر يبويه اليوم تفطر

تحسر ويل گلبي او جذب ونّه

او من الماي آه انگطع ظنّه

عرف لن المنيّه دنت منّه

خر دمعه او للميدان سدّر

الاكبر برز للميدان وحماه

وگلب ليله شجر تنّور واحماه

يمن رد يوسف اليعقوب وحماه

ترد الأكبر ابجودك عليّه

رج الاكبر الجيمه وشبها

وذاه الكهل من باسه وشبها

يشبه حيدر ابباسه وشبها

ابعزرائيل جَسّام المنيّه

يا علي يبني انوب ذليت

والموت يا خذني تمنيّت

عنمود الوسط يالشايل البيت

يبني بعد عند اشخليت

انه بيش اجيت اوبيش رديت

يا واحد للحيل هديت

ظهري انحنه ولشوفي اعميت

عساني لهاي الدار لا جيت

الحرب قد بالنت لها الحقائق

وظهرت من بعدها مصادق

والله رب العرش لانفارق

جموعكم او تغمد البوارق

شبگ على المهر لباله يودّيه

لبوه احسين عن الگوم يحميه

ويلي المهر للعدوان فر بيه

ووچب آه بموسط العسكر

داروا بالسيوف عليه والزان

مثل چتّال سبع المات فرحان

عسى ابعيد البلا ولية العدوان

اراذل او بالمعايب دوم تفخر

گعد عنده او شافه امغمّض العين

ابدمه شابح امترّب الخدين

متواصل طبر والراس نصّين

حنا ظهره على ابنه او تحسّر

يبويه گول منهو الشرگ راسك

ينور العين من خمّد انفاسك

يعگليمن نهب درعك او طاسك

يروحي اشلون اشوفنّك امطبّر

يبويه من عدل راسك او رجليك

او من غمض اعيونك واسبل ايديك

ينور العين كل سيف الوصل ليك

گطع گلبي او لعند احشاي سدّر

يبويه من سمع يمّك ونينك

او من شبحت لعند الموت عينك

للعشرين ما وصلن سنينك

او حاتفني عليك الدهر الاگشر

اجت زينب تصيح الله اكبر

يعمه ليش هالنومه ابهل الحر

هوت فوگه تشم خده او تحبه

او تطبگ طبرة الراس او تعصبه