شبكة الإمامين الحسنين عليهما السلام الثقافية

لهفي لجسمِك في الصعيد مجردا

عُريان تكسوه الدماءُ ثيابا

رُزءٌ أطلَّ فجلَّ في الأرزاءِ

زفراتُه هبَّت على الغبراءِ

يا نكبة عمَّت على كلِّ الورى

عمَّت على الآفاقِ والأرجاء

تاللهِ رزءُ محمدٍ أوهى القوى

وطوى الضلوعَ ومضَّ في الأحشاء

اليومَ قد فقدت أباها فاطمٌ

فقدت أباها أرأفَ الآباء

من ذا يعزي المرتضى في المصطفى

والأنبياءَ بسيدِ الأمناء

من ذا يعزي المجتبى في جده

حسنَ الزكي وسيدَ الشهداء

ومهابطَ الوحي التي قد عُطِّلت

لرزيةٍ عمَّت على (البطحاء)

وتَعُجُّ فاطمةُ بقلب والهٍ

وحشىً مسجَّرةٍ بلا إطفاء

أبتاه قد أصبحتُ نهبَ حوادثٍ

هتكت صروفُ الدهر سِترَ عَزائي

دارت عليَّ النائباتُ بأسرها

لم يُلفَ لي جَلَدٌ على البلواء(١)

تصيح ام الحسين ابدمع جاري

يبويه اظلم على افراگك نهاري

يبو ابراهيم يا رحمة الباري

عگب عيناك ريت الكون يعدم

يبو ابراهيم يا مخدوم الاملاك

دگلي اشلون صبري اخلاف عيناك

يبويه منبرك موحش الفرگاك

او صار الفگدك المحراب أظلم

يبو ابراهيم نورك من خفه او غاب

غدت ظلمه المدينه ابكثر المصاب

عليك الحسن يبچي او گلبه انعاب

وخوه حسين يبچي ابدمع من دم

عگب عينك يبويه انگطع وحياك

أو رحمه اُوجِدَك للخلگ وحياك

لخل دارك محل للحزن وحياك

مهظومه اصبحت وانگطع بيه

ويلٍ ويل اللي يظلموها

اثنين اضلوع منها ايكسروها

او وره الباب لمن يعصروها

يموت اجنينها او تصبح عليله(١)

وأبيضُ يُستسقى الغَمام بوجهه

ثِمال اليتامى عصمةٌ للأراملِ

اسم الله اعله طولك يا جمال الهاشميه

عالمغتسل ممدود يا خير البريه

يالمرتضى اكشف لي عن الوالي او جماله

او شيل الچفين عن غرته اتودعه اشباله

هذا الحسن مشعوب گلبه انظر الحاله

او هذا الشهيد احسين عبراته جريه

ياللي تهيلون الثرى دفنوني وياه

مگدر اشوف البيت خالي من محيَّاه

گشره تراهي اتصير عيشتنه بلياه

بعد النبي ماريد هالدنيه الدنيه

تهل ابدم دمعها الفگد ابوها

او بيها اتشمَّت اخلافه عدوها

تشوف اجنازته الوادم خذوها

صاحت وين بالمختار ناوين

غابت روحها او طاحت الزهره

او شاله المرتضى او وسِّده ابگبره

رد ليها علي او گعدت ابعبره

يهل ابدم دمعها على الخدين

الموتُ لا والداً يُبقي ولا ولدا

هذا السبيل إلى أنْ لا ترى أحدا

هذا النبيُّ ولم يخلد لأمته

لو خلَّد الله خلقا قبله خلدا

للموت فينا سهام غيرُ طائشةٍ

مَن فاته اليومَ سهمٌ لم يفته غدا(١)

فأما الذي يَحيى الهدى بحياتِه

وكان لباني الدينِ سرَّ نجاته

على رأسهِ انهالت سيوفُ عِداته

ورأسٌ هوى للهِ في صلواته

مَن ذا الفقيدُ علا عليه عويلُ

فعرى جميعَ العالمينَ ذُهولُ

ولفقدِه جبريلُ نادى في السما

صوتا وجبريلٌ به مثكول

يا خاتمَ الرسلِ الكرامِ ومَن إلى

هدي الأنام مِن الإله رسول

إن البسيطة أظلمت إرجائُها

من بعد شخصِك فالَخصيبُ مَحيل

قد كنتَ يا خيرَ البريةِ حاجتي

فيها فمالي مذ رحلتَ نزول

بينا اُسايلُ إذ سمعت بأنَّ ذا

الهادي وهذا نعشُه محمول

يا من تُسايل أيُّ خطبٍ قد عَرى

وتكاد منه الراسياتُ تزول

أما ما ترى الزهراءَ تندب خلفه

ودموعُها سيلُ الغمامِ تَسيل

وتَحِنُّ من قلبٍ مليءٍ بالأسى

طورا وطورا تنثني فتَقول

حزني لفقدك سرمدٌ لا تنقضي

أيامُه حتى يَحينَ رحيل

أبتاه بعدك لا يَطيب ليَ الكرى

كلا ولا عيني إليه تميل

أبتاه تنعاك الصلاةُ وفرضُها

وكذلك التكبيرُ والتهليل(١)

ياهو ايلومني لو بچت عيناي

او گمت اصفج يميني فوگ يسراي

يبويه امصاب فگدك گطّع احشاي

ابسيف الحزن واگليبي ايتمرد

يبويه اشلون أتحمل اغيابك

واتسله او سهم البين صابك

يبويه اتجسر اعلينه اليهابك

بعدك والذي ايودنه تبعَّد

المكانك من تصد وتشاهد العين

خالي او بيه يبچي الحسن واحسين

ذيچ السا اگوم اعتب على البين

المثل الليل خلَّه انهاري اسود

شگلك عن حزن گلبي والالام

اعليك الما نزول ابشهر وابعام

ما غمَّض جفن عيني ولا نام

لحظه او لا ونيني اعليك هوَّد

اتيتم سيدي الإسلام بعداك

او طاحت بضعتك مولاي بعداك

صار اعله اليحبك كلف بعداك

حزن يومك يبو الزهره الزچيه

نفسه الطيبه فاضت، او علي بيده تلگاها

مسح وجهه اوتضوع طيب نفس المصطفى طاها

ناده والحزن چبده، لخوه، اوصال سواها

يعزي هاشم او عدنان، بالهادي او يهل دمعه

او يمه گصدت الزهره تگله والدمع يجري

سوري العالي اتهدم،يبويه وانهدم صبري

يبويه المن ابث شكواي، لوهمي شحن صدري

انگطع عنه الوحي ابموتك اوعلينه ضاگت الوسعه

وگع فوگه الحسن ويصيح يا جد

گلبي امن الحزن لجلك تمرَّد

ابعيني الكون يا جد صار اسود

اعيش ايتيم جدي ابين عدوان

شهيد الطف وگع ويلي إعله صدره

يشمه او يندبه والعين عبره

يجدي امصابك المرمر يفسره

حزني اعليك منه ايسيخ ثهلان

لله يا يومَ النبيِّ فإننا

منه أتينا بالبلاء الأشنعِ

عرِّجْ على جَدَثِ المختارِ في القِدَمِ

والمصطفى قبل خلق اللوحِ والقَلَمِ

واسقِ العراصَ من الأجفان من كَبِد

تحولت بالجوى دمعا عَقيبَ دم

وأرْسِلِ الزفراتِ القاتلاتِ شجىً

لفقده ولـِما لاقى من الأمم

لم أنسه فوق فُرشِ السُقمِ حفَّ به

أهلوه من رهطه الأدنى أولي الكرم

يُصَعِّدُ الطرفَ علما منه أنهمُ

يُمسون ما بين مسمومٍ ومهتَضم

فلم يزل تارةً يغشى عليه أسىً

وإن يُفِق تارةً يوصي الورى بِهِمِ

حتى قضى وبعينَيه قذىً وشجىً

بحلقه أسفا والقلبُ في ضرم

والهفتاه لخير المرسلينَ قضى

مقطَّعَ القلبِ من سُمٍّ(١) ومن ألم

يا راحلا زهرةُ الدنيا به رحلت

والروضُ زهرتُه من وابلِ الدِيَم

وقد بكى كلُّ شيءٍ في الوجود أسىً

حتى الحَمامُ بقَرعِ السِنِّ بالندم

كلٌّ مصابٌ به لكنَّ عترتَه

أشكى الورى فهم الأدنون في الرحم(١)

شبگ فوگ الحسن ويلي والحسين

الكل منهم يحبه او تجري العين

من بعدك يجدنه اوجوهنه وين

او هاي الناس تدري اشلون غِدَّر

من ينغر علينه اهنا يجدنه

من بعدك تراهو ايزول عزنه

من بعدك تره ايهظمون أمنه

أو يبگه المرتضى وحده امحير

اشكثر حامي الحمه صابر ويتنه

الداري اعداك متعنيه ويتنه

ابقسوه امن اوصلت لينه ويتنه

صحت يابا الحسن لحّگ عليه

فيا خيرَ مَن ضمَّ الجوانحَ والحشى

ويا خيرَ ميتٍ ضمَّه التربُ والثرى

لقد غَشِيتْنا ظلمةٌ بعد موته

نهارا فقد زادت على ظلمة الدُجى

ريته ايشاهد البضعة الزهره

او يشوف الضلع منها اشلون كسره

او يوم اللي وصيه انطبر طبره

او يشوف الدم نزل واللون مصفر

او يشوف الحسن من چبده تخذّم

ابسم واحسين يبچي ابدمع من دم

او يوم احسين ابد مثله فلا تم

انذبح عطشان وابدمه تعفَّر

قد كان بعدَك أنباءٌ وهَنْبثةٌ

لو كنتَ شاهدَها لم تكُثرِ الخُطُبُ

إنا فقدناك فقدَ الأرضِ وابلَها

واختل قومُك فاشهدْهم فقد نَكَبوا

أبدت رجالٌ لنا نجوى صدورِهمُ

لما مضيتَ وحالت دونك التُرُبُ

تجهمتنا رجال واستُخف بنا

لما فُقدتَ وكلُّ الإرثِ مغتَصب

فليت قبلَك كان الموتُ صادفنا

لما مضيتَ وحالت دونَك الكُثُب

إنّا رزينا بما لم يُرزَ ذو شَجَنٍ

من البرية لا عَجْمٌ ولا عرب(١)

يبو ابراهيم من عگبك مظلمه الدار

تدري ابيوم بويه هجمت الأشرار

البيت ابحطب رادت تحرجه ابنار

والدخان من گبّر غدت رنَّه

گمت للباب لاكن ما عليّه احجاب

اوحس بيه الرجس من لذت خلف الباب

عصرني واسگطه المحسن او صدري انعاب

اكسروا ضلعي او جنيني ايست منه

نصبوا السقيفةَ للخلافة سُلَّما

ظلما وأجروا دمعَ فاطمةٍ دما

قسما برب الخلق طُرَّا والسما

لولا سقوطُ جنينِ فاطمةٍ لَـما

عن فاطمٍ قتلُ ابنِها متفرِّعُ

وبسقطها بالطف أودتْ رُضَّعُ

وبسيل أدمُعِها اُسيلت أدمعُ

وبكسر ذاك الضِلع رُضَّت أضلُعُ

أتبكي على رسمٍ بدارةِ ثهمدِ

عفتْه الليالي فهو كالوَشْم في اليدِ

وتصبو إلى تِذكارِ مسرحِ لذةٍ

بملعب أفراحٍ لشادٍ وأغيَد

لك الويلُ فاعزُبْ عن ضلالك واتخذْ

من الوجد سِربالا لحزنٍ مجدَّد

فلستَ ترى واللهِ ما عشتَ فادحا

بأفجعَ من رزءِ النبيِّ محمد

نعمته إلى علياهُ علياءُ نفسِه

وعزّا به التوحيدُ كلِّ موحِّد

وهمّ بأن يوصي بثقلَيه قومَه

وبالعكس هُمْ فيما يريد بمقصَد

وقال اُناسٌ ظلَّ يهجُرُ أحمدٌ

ونجمِ هوىً ما ضلَّ بل وحيُ مرشد

وكم غصصٍ قد جرَّعوه أقلّها

ليُشعلَ نارا في حشى كلِّ جَلْمَد

إلى أنْ قضى فانقضَّتِ الشُهبُ للثرى

لتشييعه في بنت نعشٍ وفرقَد

قضى نحبَه فلتنتَحِبْ لافتقادِه

أراملُ كانت منه في خير مسنَد(١)

مات مهموم او گضه الهادي الأمين

مات راعي الوحي او سيد المرسلين

اليوم مفجوعه جميع المسلمين

اليوم باچي او ينتحب كرارها

اليوم شمس الدين مكسوفه اصبحت

اليوم احكام الشريعه اتعطلت

اليوم ابيات التلاوة گوضت

شال ابو ابراهيم نور اديارها

من غمض عينه او سبل رجليه

اظهرت روحه او هوت فاطم عليه

هاشم ابجنبه لطم واحتفت بيه

او فاطمه ضجَّه او نحيب ابدارها

غمَّض اعيونه المصطفى خير البريه

واسبل ايديه حين الدنت منه المنيه

الزهره تنادي او تصفج ابراحٍ على راح

اتنادي يبويه اليوم عزي گوض او راح

من بعد عينك يا ولينه اشلون نرتاح

عگبك فلا يهنه الشرب والعيش ليه

اتنادي يبو الحسنين يا حلو الجهامه

غمّض اعيونه او شيل عن راسه العمامه

سافر او خلانه عگب عينه يتامه

اشلون الصبر من بعد عينك يا شفيه

گلها او دمع العين فوگ الخد همَّال

الله يعينچ يا حزينه ابكل الأحوال

عزچ يزهره اليوم عنچ گوّض او شال

او حلّت علينه اليوم بعده كل رزيه

جلَّت علينه من عگب عينه المصايب

گلبي او گلبچ يا حزينه اليوم ذايب

من گبل لا يندفن عودچ بالترايب

اتشوفين شنهو التعمله اويانه الدنيه

واما الحسن شنهو اوصفلك احواله

من شاف جده المصطفى ابهذي الحاله

ظل ينحب او يبچي يويلي الدمع ساله

اينادي يجدي ضاگت الدنيه عليه

واما الشفيع احسين ظل ينحب ابعبره

ذب نفسه فوگ المصطفى اتمدد ابكتره

ينادي يجدي عيشتي اصبحت گشره

من بعد عينك ما بگت عيشه هنيه

واما المدينه يا خلگ ما جت بهلها

كلمن تشوفه دمعته ابخده يهلها

اينادي الف وسفه على سيد رسلها

اشلون المدينه چانت ابنوره زهيه

چانت زهيه ابنور ابو ابراهيم الأوطان

او حلَّت علينه من عگب عينه الاحزان

افراگك صعب يلمصطفى يا نور الأكوان

هاي الخلگ نصبت على امصابك عزيه

نصبت على امصابك عزيه او تهمل العين

تبچي او تحن وتنوح يا خير النبيين

بس ابنك المظلوم ظل ابكربلا اطعين

مرمي ثلث تيام برض الغاضريه

صبروا يا كربلا ما جزعوا

وعن الماءِ جميعا مُنعوا

آلُ طه أيَّ جرمٍ صنعوا

كم على تربك لما صُرِّعوا