شبكة الإمامين الحسنين عليهما السلام الثقافية

واَشوف اُخويه اِبها السفر يضرب الأفكار

واِدموع عينه غرّقت منه الخدّين

من هالسفر قلبي أنا اِمن الحزن مملي

مدري اِبهذا السفر ما يجري على اَهلي

خوفي على اِرجالي الشفا يا نور عقلي

الله يرد يا دار لك هذي الشياهينْ

الكون أظلم من طلع من طيبة احسين

شال ابحريمه اُو عزوته من آل ياسين

من عقب ما ودع الزهرا للحسن راح

يجذب الونّة اُو يصفق اِبراحٍ على راح

ناداه تجلس يا عضيدي ابدمع سفّاح

اِجلس يبو محمّد ترى عنّك اِمشيلين

تقعد اُودّع عزوتك ويا بنينك

واِحنا ينور العين كُلْنا اِمفارقينك

اِجلس اُودّع جاسم المعرّس ضنينك

واُولاد عمّك واخوتك ويا النّساوين

من قبر اَبو محمّد بدت ونّه قويّه

يحسين سفرتكُم ترى غصبن عليّه

لابدّ ما باجيك وادي الغاضريّه

اُو الأملاك ويّانا مع كُل النبيِّين

يا ليتني ويّاك حاضر يوم عاشور

يوم تقف يحسين بالميدان حاير

واِنته بلا فادي ولا اِمحامي اُو ناصر

يا ليتني شلتْ العلم ويّاك يحسين

اُونوى على الشيلة اُوسمعوا اَهل المدينه

والكُل أقبل يصفق اِشماله بيمينه

اِينادون يا لوالي متى الأوبه علينه

خلّيتنا كُلنا على اِفراقك حزينين

نادى عليهم موعدي عاشور محرّم

واِنكان منّي إلّا العمر حان اُو تصرّم

باتجيكم اِطيورٌ تحنْ واِملطّخة اِبدم

باتجيكم اِطيورٌ تنادي اِتصيح يحسين

اُوجتّه الحزينة اُم سلمة تبكي اُوتنعه

واِتقول وا بدرٍ غرب ما ليه رجعه

هاتف نعاكُم بالسما والكُل يسمعه

ذلّت بني هاشم اِبقتله والمسلمين

اُوجاه ابن عبّاس الحزين اُو بالعجل قال

خلِّ الحرم في وطن جدّك ويّالطفال

اُوسمع من وسط الخبا صيحة اُو زلزال

اِمخدّرة حيدر تحنْ اُوتهمل العين

واِتقول منهو اِللي على خونا الولي شار

اِيسافر اُو يتركنا حيارى في هلديار

والله ما فارق عزيزي ضحوة اِنهار

واِحنا معاهم وين ما هُم عاد ناوين

اُوجات عمّاته اُمّ هاني واُمّ لقمان

واتصيح يا سبط النّبي يا شيخ عدنان

خليت منا يا ولينا الكل حيران

نسمع هواتف بالسما يابن الميامين

راح اُومشى فيهم اُونادى ابدمع مهتون

هالنوح ما يرضى الباري لا تنوحون

ها لهاتف اللّي يا حزينة له سمعتون

ينعى على ابيوتٍ عقب فقدي خليّين

مات الحسن واستوحدوا من بعده احسين

اُونالت بني اُميّة الفرصة ابآل ياسين

واجب على كُل من توالى اِباحمد الهادي

حزنه على آل النّبي كُل يوم يزدادِ

اُويذكرمصاب اِللي اِنذكر في كاف اُوصاد

وآنا على اِمصابه حزينة طول لسنين

وآنا اِمحرم لذّتي بعده اُو شرابي

ما بي مصيبة إلّا على فرقة مصابي

من يوم عيس الحاج من طيبة حدابي

اِبعيني رأيت الحاج للعمرة محرمِين

اُو نزعوا لملابس والبسَوا للحجِّ اِحرام

اُو خلعوا الزينة واتركوها بعض ليّام

وآنا خلعتْ اِسرور قلبي طول لعوام

هل كيف مخْلَعْهاوآنا الناعي على احسين

ما ينّسى مولاي يومٌ راح مطرود

لايذ اِبقبر اُمّه اُوجدّه خيرُ لجدود

يبكي اُو يشكي اُومدمعَه جاري بلخدود

قايل يجدّي شيّبوا راسي الملاعين

يا جدُّ راسي شيبو بعدك الأرجاس

واِتكدّرت لذّات أفراحي من النّاس

واَسمع ونين اِمن القبر تصعيد لنفاس

يا نور عيني يا حبيبي يا بني اِحسين

إنته الصّبور اِعلى البلا يا مهجة اِحشاي

واِنته حقيقٌ بالبلا يا نور عيناي

اِلبس اِثياباً للبلا لنْ البلا جاي

واِمن الصّبر درعين يا نسل الميامين

في كربلا يابن النبوّة اِتموت ظامي

عطشان تقضي والنّهر بالماي طامي

اُو نسوانكم تغدي حيارى بلا محامي

واِنته بلا تغسيل مرمي اُو غير تكفين

يا بني اُوكنّي بالحريم اِتنوح يمّك

تبغي الحماية يا أبو السجّاد منّك

واِنته ينور العين متخضب اِبدمك

طايح رميّة اِعلى الثرى يا قرّة العين

واِبنك علي يحسين يستعطف من القوم

واِنته على وجه الثرى ما تقدر اِتقوم

اُوكنّي اِبزينب واليتامى واُمِّ كلثوم

شالوهم العدوان للطاغي أسيرين

هلّتْ اِعيون اِحسين لمّن سمع جدّه

منّه مقاله واِنفرت بالحزن كبده

واِحسين راد ايضمّه الهادي اِبلحده

ويّاك خذني للقبر يا حامي الدين

خذني يجدّي باللحد هالساع ويّاك

اِمصيبتي كشرة يجدّي بين إعداك

قلّه اُودمع العين فوق الخدِّ سفّاك

لا بدّ ما ترجع إليها ياضيا العين

حتّى يبو سجادنا اِتنال الشهاده

بيها تنال الفوز يا بني والسعاده

يومٌ وعى خبَّر بني هاشم السّاده

صاروا من اَقوال النّبي لجلَه حزينِين

ودّع قبر جدّه اُوغدى لمّه الحزينه

حنّ اُوجدب ونّه اُوهل اِدموع عينه

يمكسّرة لضلاع قعدي ودّعينه

يمّ الحسن اِحنا عن اِجوارك طريدين

شال اُومشى بالدولة شال اُومشى بالدُّوله

دار العلم واليها شال اُومشى بالدُّوله

يحسين اُخويه اِخذوني في كربلا ويّاكُم

وانته يخويه تدري مقدر على فرقاكُم

خوفي يخويه تنذبح من قبل ما ألقاكُم

وا حسرتي من شيخٍ شال اُومشى بالدُّوله

يا ما ضربت ابسيفي اُويا مطعنتْ باسناني

يا ما بطل أصرعته واَضربت بيه الثاني

يا ما اِبحورٍ من دما خوّضت فيها اِحصاني

في منزلي خلّاني شال اُومشى بالدُّوله

يا ما علم لفّيته والعلم بيدي شايع

يا ما بطل في حربي خلّيت راسه تاسع

وآنا الحرب مدشّه إلّا بنفسي بايع

واليوم اُخويه عافني شال اُومشى بالدُّوله

قاصد أراضي بيها عازم على استشهاده

باهله اُوكُل اِخوانه اُوجملة جميع اُولاده

اُوحاشا على من مثله ما يختلف ميعاده

خلّاني عرضه للبلا شال اُومشى بالدُّوله

ليت القضا ما عاقني والمرض ما آذاني

اِتمنّيتْ آنا وياهم لازم لظهر اِحصاني

وآنا الحرب من سابق ياخوي فنّي اُوشاني

واليوم اُخويه عافني شال اُومشى بالدُّوله

قولوا لَخويه محمّد اِيسلم عليك اِسنادك

ويقول لك يمحمّد لا تنقطع وفّادك

واِنته على ما تعهد واِنته على معتادك

اُولتقول اُخويه عافني شال اُومشى بالدُّوله

إلزم يخويه اِمضيفي اُوعينك على وفّادي

واِظهر لهم من طيبي واِظهر لهم من زادي

واَمّا أنا باسافر بهلي اُو جميع اُولادي

اُولتقول اُخويه عافني شال اُومشى بالدُّوله

إلزم يخويه اِمضيفي اُو حافظ على أطباعي

والي الرعيّة إنته اُو نعم الوليْ والرّاعي

وامّا لك اِحنا جينا وإلّا يجيك الناعي

واِنته خَلف سلطان شال اُومشى بالدُّوله

والحُرّة اللي عندك عينك عليها زينه!!

بلّغ سلامي ليها اُوعمّاتها واسكينه

وامّا لك اِحنا جينا وإلّا بعد ما جينه

والي الرعيّة إنته اُوشال اُومشى بالدُّوله

لاَرض المدينة يا ركايب ردّي احسين

إلْكربلا اِبّاقي البقيّة لا تروحين

بحسين ردّي يا ركايب للمدينه

وإلّا اِعطينا اِعهود لنِّك ترجعينه

لا ترحلي به تربة ما هي أمينه

فيها اِنصابت لأنبيا ويّا الوصيِّين

بحسين ردّي للمدينة يا مطايا

لا توصلينه كربلا اُمّ البلايا

خوفي يموت اُو نسوته تغدي سبايا

تُسبى اُو تتشهر على اَكوار البعارين

يحسين بعدك اُوحشت أوطان طيبه

وافتجع قلبٌ كان للباري حبيبه

والنّاس محزونة اُو تدعي الله يجيبه

اللهْ يعود اِحسين للدور الخليِّين

شال السبط ابعزوته اِمن اَرض المدينه

اُوخلّا الخلق تبكي على اِفراقه حزينه

واُمّ البنين اِتصيح شال اِحسين وينه

يمتى يجي الصّايح ينادي جاكُم اِحسين

أضحت منازل بيت أبوطالب خليِّين

والوفد تنهى وين من يأوي المساكين

باسايلك يا دار وين أهل العطايا

جينا على العادة اُوحثّينا المطايا

ما عوّدونا الردّ بالخيبة خلايا

في وين مُعطي العطايا والسلاطين

بالله اِخبرينا وين أصحاب العطيّاتْ

قالت يوافدْ سافروا للغاضريّاتْ

من هالسفر ما يرجعونْ الدار هيهاتْ

هيهات يرجع داره المظلوم لحسين

إنكان يلوفّاد تبغون العطيّه

حثوا مطاياكُم صُبحكُم والمسيّه

رُوحوا لَبو السجّاد وادي الغاضريّه

تلقون وادي كربلا مزهر بلحسين

حنّ اُوتأوّه واجدب الونّة خفيّه

منهو الذي في الدار ناصب للعزيّه

قالت اُخوه محمّد ابن الحنفيّه

لابس ثياب السود اِينادي آه يحسين

من راح عنّه بوعلي زايد مناحه

ناصب المأتم في مساه اُوفي صباحه

غالق عليه الدار يصفق أسف راحه

زايد حنينه اُوناصب المأتم على احسين

ويقول دار اِحسين قفره توحّشني

لَحد يخويه للشهادة رحتْ عنّي

واِنكان بعتون السّهم يحسين منّي

حافظ عليك الله يامُؤوي المساكين

كُل يوم أزور المصطفى واسمع حنينه

يغشى عليّه اِمن البكى اِمن اسمع أنينه

ويصيح في قبره عزيزي ذابحينه

في كربلا ويّاه أصحابه السَّبعين

يا مقلبين اِعلى المطايا اِنتون من وين

قالوا لها وفّاد جينا نقصد اِحسين

نادت عليهم والدمع بالخدِّ مدفوق

سمعوا جوابي يا لذي اِتحثّون لنوق

إنكان تبغوا اِحسين بيت اِحسين مغلوق

غلّق اِبيوته اُوشال يارجال اُونساوين

نادت عليهم والدمع بالخدِّ سكّاب

شوفوا المنازل خالية ردُّوا يطلّاب

راعي الكرم شال اِبحريمه اُوغلّق الباب

هذي المنازل خالية من سافر اِحسين

سمعَوا حكيها اُوريّضوا بالنوق ساعه

والكُلّ منهم صاح واتحنّتْ اَضلاعه

يمخدّرة رحنا عقب عينه اِضياعه

بانسايلك من هالسفر يمتى يجي اِحسين

ردّوا ابخيبتكُم اُوحثّوا للركايب

قلبي على شيخ العشيرة اِحسين ذايب

نازل اِطفوف الغاضريّة اُمّ المصايب

حطّ الظعينة ابكربلا واَبني الصياوين

قالوا لها يمتى يجي راعي العوايد

اُوتزهر من اَنواره المنازل والمساجد

سور اليتامى بوعلي اُو مقصد الوافد

يمتى يجي اُو ناخذ عوايدنا من اِحسين

طلبوا من الله يرجع الوالي يوفّاد

ويعود طيبة حوله اِخوانه ولولاد

يوم لمبارك من يجي بو زين العباد

واسمع النادي اِيقول قوموا جاكُم اِحسين

وَصَّل أبوك اليوم يا فاطم ولعمام

اُووصلت اِخوانك واَقبل العبّاس قدّام

إنكان في أرض المدينة [ اِنشرتْ ] اَعلام

واَقول جوني اِمن السفر ذيك السلاطين

أرض المدينة لا تروحوا لها يوفّاد

راعي الكرم منها طلع باهلَه ولا عاد

آنا قبلكُم جيت ليه أبغي العطايا

شفت المنازل موحشة ظلّت خلايا

والنّاس كُلّها لابسة اِثياب الرزايا

اُواَمّا المدينة شوفها اِيفتّت الأكباد

ما شفت فيها إلّا حزين اِيصيح بالويل

ويّا حزينة صارخة واِدموعها اِتسيل

اُواَمّا النّهار أظلم عليهم واستوى الليل

ذابت حشاهُم واصطلتْ منهمْ الأجساد

والمجلس اللي نقصده وامضيفنا فيه

واليوم خالي من هَلَه ما حدْ بقى فيه

ما شفت إلّا اليوم ينعى اِفراق واليه

اُواَمّا بني هاشم اُو غالب لبسوا سواد

هذيك تلطم راسها اُو هذي حزينه

اُوهذي تنادي مِن بقى إلنا يا ولينه

اُوهذي تنادي الله يعوده للمدينه

اُوتزهر مرابعنا على جاري المعتاد

سايلت عنّه وين راح ابن الشفيّه

قالوا مشى باهله يريد الغاضريّه

كُلهم مضوا ولا بقتْ منهم بقيّه

شال ابحريمه واِخوته وجميع الولاد

راح الذي هو تقصد الوفّاد جودَه

سافر ولادري إلى متى الله يعوده

بدرٌ تُحجّب لو بطتْ عنّا اِسعوده

الله يعوده للمنازل نسل لمجاد

إلى منزله شيخ العشيرة ليته اِيعود

لفراح تقبل والنّحس يتبدل اِسعود

والله حسافَه اِمن المدينة طلع مطرود

ضاعت يبو السجّاد من بعدك الوفّاد

يا عين هلّي الدمع لفراق الميامين

ساقوا ظعينتهم ولا دري قصدهُم وين

حاطوا حوالي الظعن باسيوفٍ مساليل

من وطن جدهُم قوّضوا في ظلمة الليل

اُوظلّت منازلهُم تحن واُدموعها اِتسيل

اِيحقّ للمنازل لو بكتْ لفراق لحسين

ظلّت منازلهُم خليّة من بعدهُم

ما هو طِيب اِمفارقين الوطن جدْهُم

من بعد جدْهُم خانت الأعدا عهدهُم

اُو خانوا مواعيد القديمة اِبيعة اِحسين

ما تسمع إلّا بدورهُم ضجّة اُوصيحه

والمصطفى زايد حنينه في ضريحه

والانبيا حولَه مدامعهُم سفوحه

والكُلّ في ضجّة ينادي آه يحسين

واَمست خليّة بعدهم ذيك المدارس

من بعدهم أمست خليّة اِبغير حارس

قفرا خليّة ما بها منهم موانس

راح الذي فيها يدرّس للمسلمين

والدور تندبهم اُوتبكيهم اُوتنعى

اِتفتّتْ كبد من شافها اُويسيل دمعه

واِتقول ما ظنّي لبو السجّاد رجعه

واشّوف من حوله الظعينة يحدي البين

طلعوا اُو طلعتهُم عجل من غير تمهيل

ساقوا المطايا اِمن الوطن في ظلمة الليل

تحدي ظعينتهُم اِبتكبيرٍ اُو تهليل

اِنهدّت اَركاني واَنحلتني شيلة اِحسين

إنهدّت أركاني من إفراق العشيره

ما كان مثلي اِمفارق اِبدورٍ مُنيره

واِفراق أبو السجّاد خلّاني اِبحيره

أبكي ونادي آه وا حزني على اِحسين

نُوحي عليه اُوعدّدي بالحزن يا دار

حتّى ترد اِسلالة الهادي المختار

اِيحق لكْ إذا نحتي اُو ندبتي يا حزينه

ماحَد بقى سلطان غيره في المدينه

اُوقولي عسى الله يرجعَك يحسين لينه

تزهر إبأرضي والمدينة تسطع أنوار

ولا بقى باَرض المدينة اليوم سلطان

سافر إباولاده اُوهلَه اُوكُل الخوان

الله يعوده اُو يرجعه سالم للوطان

هو البقيّة والخلف من آلِ لطهار

حطّوا مآتم في المدينة واِلبسوا اِسواد

واِنكان ترجوا جيّته ليكُم مهو راد

ساق الظعن واَبعد بأهله اُوكُل الولاد

اُوخيّم بأرض الغاضريّة واتّخذ دار

يهل المدينة بوعلي ما ظنّتي اِيعود

قوّض اِظعونه اُوخلّا باب الكرم مسدود

ضاع الكرم والجود من بعده وليفود

اُوكُل من لفى بيتَه اُوشافه ظلّ محتار

شوفوا المدينة موحشة من سافر اِحسين

اُوهذي المدينة خالية ويّا الدواوين

اُوكُل الهواشم أصبحوا بحالة مهو زين

كُلٌّ اِيصيح اُو ينتحب والدمع نثّار

سمعوا صوايح في السما يهل المدينه

طلعوا وكُل يصفق اِشماله اِبيمينه

شيّل اِظعونه اُوظلّت اِدياره خليّه

اُوجد السُّرى يبغي اِطفوف الغاضريّه

نُوحي على اِفراقه يفاطم يا زكيّه

اُوقولي عسى الله اِيعود والينه علينا

حنّت اُوناحتْ والدَّمع بالخدِّ سايل

من يوم شفتْ اَهلي يحثّون الرحايل

ودّعت أبويه والحزن بالقلب شاعل

اُوناديت يا وفّاد كفوا لا تجونا

لاحد يجينا في المدينة اُوجدّوا السير

روحوا اِطفوف الغاضريّة ابغير تفكير

راح الذي يعطي العطايا والمداخير

إلّا محمّد يصفق اِشماله اِبيمينه

إلى من وصلتوا كربلا نَوخوا المطايا

راعي الكرم والجود فيها والعطايا

شوفوا منازلهم بقتْ منهم خلايا

واخذوا رسالة حق أبو الكبرى الحزينه

اُو قولوا ترى بيت الكرم مغلوق بابه

من يوم عنّه بوعلي قوّض اِركابه

لاجت إله الوفّاد وقفت حول بابه

سمعوا صوايح فاطمة بنته الحزينه

قالوا لها العبّاس خبرينا اِبداره

بانروح للعبّاس يعطينا اَخباره

نادت اُودمع العين في خدها ايتجاره

شالوا هلي اُو عبّاس قدّام الظعينه

عافوا المدينة اُوطنّبوا في الغاضريّه

ولا بقى في بيت أبي طالب بقيّه

يبكي عليهم يبنت ابو طالب العالي

اِبحق إلى منّه بكاهم ظلّ خالي

يحسين ضيّعت الرعية اِبغير والي

ما عندَهُم من يلتجون ابظلِّ فيّه

زهر الربيع اِحسين لو أجدب الوادي

اُوغوث الصريخ اِحسين لو نادى المنادي

يا حيّ ذاك الوجه منّه اُوكلِّ بادي

يا حيّ ذاك الوجه من راعي الحميّه

يمتى يجي المندوب يصرخ يمِّ لبنين

قرّة اِعيونَك بالسلامة ابجية اِحسين

نفرح اُو نركض بالدرب كُلنا مسرعين

جتّك ابشارة قوم يابن الحنفيّه

جينا على العادة اُوحثينَه الركايب

سايلنا وين اِحسين قالوا اِحسين غايب

ولا بقى مندوب ليّام النوايب

راعي الكرم والجود راح الغاضريّه

الله يعود اِحسين واتعود العوايد

ويعود رأس المال واترد الغوايد

والله اِرجوع الوفد عن هالبيت كايد

راعي الكرم عنهم مشى للغاضريّه

روحوا لَعد غيره لما الله يجيبه

تخضر مرابعنا اُوتزهر أرض طيبه

ما أوحش المحبوب لو فارق حبيبه

ما يبرح إلّا اِضلوع ظهره منحنيّه

يا دار وين ابدورك يا دار وين ابدورك

ذيك البدور الزاهرة يا دار وين ابدورك

قالت بعد لا تزيدني ما قدر اعد امصابي

شوف المنازل خالية وا حسرتي وامصابي

هذا الترب والسافي سافي على اعتابي

عرج ولا تسئلني يا دار وين ابدورك

بدر الدجى من سافر ماجت لنا اَخباره

وا حسرتي وا لهفي يمتى أرى أنواره

كل من أتى سايلني وين الولي يا داره

ذيك لبدور المزهرة يا دار وين ابدورك

قالت يوافد حسبك بالنوح لا تزيدوني

آنا ابهلي مفجوعة وانتون باتفجعوني

عن بوا علي وارجاله وفّاد لا تسألوني

بس عاد لا تقولولي يا دار وين ابدورك

من يوم حث اظعونه ماجا خبر لي عنّه

ما خلّف إلّا محمّد هاللي بقى لي منّه

كُل ساع ما ذوّبني من صيحته والونّه

أقله اَنا ويقول لي يا دار وين ابدورك

اُو عنده حزينة اتجاوبه لو من جدب وناته

تنعى مثل ما ينعى ويصفق ابراحاته

زايد بكاه اُو نوحه كله لسهم فاته

كُل ساع ما يسئلني يا دار وين ابدورك

الله يسهم فاتني بيه الأجانب فازت

اِحظوظ الأقارب خابت واللي سواهاطابت

مدري يدور ابدور في وين عنّك غابت

يا دورهم قولي لي في وين غدوا ابدورك

نادت عليه اُوقالت ياللي بقي امن ابدوري

باسايلك في وينه عنّي تحجب نوري

وابغيبته محتارة عندك لقدم شوري

بوصيك لا تسئلني يا دار وين ابدورك

يا ليت طيبة ما خلت من ذيك لبدور

ولا سمعنا قول قايل هل عاشور

باسايلك عنهم اعطيني اخبار يا دار

في وين عنّك ظعن عزك قوّض اوسار

خلاك محزونة تصبّي الدمع نثّار

وابيوت حيدر خالية من ذيك لبدور

درسك تبدل يا حزينة نوح واصياح

اُودار الضيافة خالية يوم السبط راح

واسمع الدار اتعاتب المحراب بانياح

لَحد يمحراب الولي منك انطفى النور

سعدك اُو سعدي يا حزينة الكربلا سار

راح اُو ترك عندي حزينة اتنوح مدرار

ماذا بها إلّا النوح تبكي ليل وانهار

والدمع منها فوق صحن الخد منثور

راحت أهلها اُو خالية اتشوف المنازل

مثل السحابة ادموعها في الخد هاطل

يا دار ابويه وين عنّك اِحسين شايل

شال الولي ابكل العشيرة واغلق الدور

خل البكا والنوح يا محراب ليها

في يوم واحد راحت اِخوتها اوليها

ما ظنّتي من هالسفر بوها يجيها

من نوحها المحراب صبِّ الدمع منثور

اُو نادى يفاطم تسكتي لا تفجعيني

كُلهم طبق راحوا وخلوني ابحنيني

والله فلا هيد من ابكاي اوانيني

وابكي على أهل المعالي واَنصب الدور

لحد يدار اِحسين ظلّيتي خليّه

يا دار اِخويه اِحسين وين أهل الحميّه

يا دار وين اِحسين واِخوانه الصناديد

في وين فرسان الشيم ذيك الأماجيد

قالت برض مكّة الشفيّة عيّد العيد

من عقب ما عيّد مشى للغاضريّه

وفّاد عقب اِحسين لا تجون المدينه

قصدوا فيافي كربلا الحامي الظعينه

سافر وشوفه طول الغيبه علينا

يمتى يعود المنزله باقي البقيّه

يحسين بعدك دوركم ظلت خرايب

وفّادكم ليكم لفت من كُل جانب

اباب المنازل يالاُخو ناخوا الركايب

جولك على المعتاد يبغون العطيّه

وسط المنازل سمعت الوفّاد ونّه

اُوصوت ينادي يا كفيل الراح عنّه

بعدك اُخوك الضفر صار النوح فنّه

يجذب الونّة لا نظر دارك خليّه

ماظن تنساني يصنديد الحريبه

من شلت عنا اظلمت يحسين طيبه

حزني على اللي سافر اُو طول الغيبه

يمتي يجي المرسول من راعي الحميّه

نمسى اِبحزن وانقول باكر تلفي أخبار

وإلّا يجي حامي الظعينة اُوقاضى الدار

او يستر قلبي ابجيتك يا حامي الجار

الله يعود اللي مشوا للغاضريّة

باسايلك يا دار وين اَهل الحميّه

حنت اُوقالت حسرتي ردت عليّه

بالله يوافد لا تجي من بعد هالعام

ان جيت ما تلقى ابهذي الدار مطعام

راح الكريم اللي يكيل الجود وانعام

شال اُو هجرني اُو عمر ابرور خليه

ودع قبر جدّه اُوراح إيأدّي انذور

الله على جور الدهر يا ما هدم سور

وان كان يا ضيف المشايخ تقبل الشور

اقصد الوالي في اطفوف الغاضريّه

يا وفد شاب الرأس من كثر المسائل

قلنا لكم لحسين عن هالدار شايل

انتوا اطروش ليه وذوله رسائل

اُوقولوا له جينا منازلكم خليّه

قلها اخبريني عاد يا دار الأماجيد

في وين شيخك يا حزينة عيّد العيد

حنّت اُوقالت والدمع بالخد تبديد

راعي الكرم والجود راح الغاضريّه

قلها عجل يا دار سلطان المدينه

منهو الذي في الدار فاجعني ونينه

قالت اخوه محمّد اللي امخلّفينه

يبكي اُو ينعى اُولابس اثياب الرزيّه

محراب اخويه اِحسين خالي اُو موحشني

لَحد يخويه للشهاده رحت عني

وان كان بعتون السهم يحسين مني

حافظ عليك الله يا باقي البقيّه

كل يوم ازور المصطفى والزم ضريحه

كُل ساع لي غشوه على قبره اُوطيحه

وان جيت داري زلزلوا جسمي بصيحه

اُمّ البنين اُو فاطمة ويّا صفيّه

بالله يوافد روح عنّا لا تسايل

والمسألة خلها اُو طالع هالمنازل

وان كان تسأل عن وليها وين شايل

الظاهر الكوفة والأصح الغاضريّه

اخروج اَبو السجّاد خايف هدم الدين

واتزلزل الكرسي مع عرش العليّين

اُونادى باطراف السما محزون جبريل

اخروجك يبوالسجّاد خلّا مدمعي ايسيل

أحنى اضلوعي ابن النّبي اُوجسمي غداانحيل

اُوطلعوا من اجوار النّبي يقدمهم احسين

اُو فطرس عتيقه في السما زايد حنينه

والملك صلصائيل صب ادموع عينه

والكل في ضجه ينادي ياولينا

لَحد يبو السجّاد خانتك الملاعين

والجنّة اللي مزهرة اتغير ضياها

والحور والولدان امست في عزاها

واما البتولة ما تهيد من بكاها

واتقول وين اللي يساعدني على احسين

ما تبرح إلّا لابسه ثوب الرزيّه

من حولها سكان جنات العليّه

اينادون معها يا ذبيح الغاضريّه

يا كافل الايتام يا نور المسلمين

يا كافل الأيتام يا نور الشريعه

شيلتك هذي عن وطن جدّك فجيعه

مطرود من كُل الأراضين الوسيعه

ما كنّك اِبن المرتضى اللي شيّد الدين

تصبح اِبواد والمسأ في وادي غير

ما تبرح إلّا اِتصعّد اَنفاس اُو تزافير

تطلب الملجأ ما إلك في دهرك اِمجير

ولا بلد ياويك يا نور المسلمين

او تفرح بني هاشم اُو تستر اليتامى

واتنور طيبة من انوارك يا ضيا العين

راعي الحميّة سافر اُوطوّل الغيبه

سافر عسى الله يرجعه لينا اويجيبه

ويلي على اللي سافر بأهله اوجمعه

وان كان قاصد كربلا ماليه رجعه

ركن الهدى والدين والحاكم ابشرعه

للبس اثياب الذل بعده والمصيبه

ايقولون وصل مكّة اُوجاته مكاتيب

ما ظنني الا افك كلها اُو اكاذيب

ما خوفي إلّا من عدونا سهمه ايصيب

رميّه علينا من قبل كنّا نصيبه

يحسين لا تعطي انقياد اَهل الكوفه

اَهل المكر والغدر واقلوب الخلوفه

ويزيد تدري به اِلك شاهر اِسيوفه

يدعي الكوفة النصرته اُولازم تجيبه

خذلك حذر منهم ولا تعطي مواعيد

خوفي يصيرونك غنيمه ابولية ايزيد

وان سايلوك اَهل البوادي وينه اتريد

واقلوبنا من هالسفر كُلها امريبه

يا من شرع للدين والاسلام منهج

يا زين عرش الله بل يا كعبة الحج

ريّض تريث ولينا اُوتمم الحج

باتروح اُوباتخلي العوالم في امصيبه

يحسين تبكيك المنابر في المدينه

راعي المنابر والمواعظ يا ولينا

شمامة المبعوث بل يا نور عينه

مهجة اِفاده يا لولي اُوعينه اُوحبيبه

يحسين وين المصطفى ابكيت عينه

اسكنت وادي كربلا اُوعفت المدينه

حاشاك تطلع طلعة الخايف المطرود

ولا العدى حاشوك بالكثره ولجنود

لكن قضى اُو عهدك السابق المعهود

والحر يوفي بالعهد لوحان حينه

يحسين قبلك ما سمعنا الكربلا شان

قبل تجيها يا بقية آل عدنان

اوبس جيت فيهااُوجدلوك اُومتت عطشان

صارت على العرش العلي تفتخر زينه

واتقول كان العرش يتفاخر اباسمه

بالاسم حق يفتخر وانا ابجسمه

آثرني الله وانظروا قسمى اوقسمه

وايضا قصدني اُوعاف مكّة والمدينه

بالله عليكم لا احد يعتب عليّه

اتقولون مات امن الظما في الغاضريّه

واحيات اسّمه اُو فضله البادي عليّه

لانا ولا افراتي على أمره عصينا

هالشطّ هاليجري من ماي معيني

هذا الاماي منفجر من ماي عيني

اِخصومات بين الفرّقوا بينه اُوبيني

ربّ السما يوم الحشر شاهد علينا

يا هي مصيبة يوم يوقف به جواده

عنّه نزل وآمن يسر حوله اقياده

او قال نزلوني امحل قبري والشهاده

يا كربلا نوحك انا وانتي السفينه

شالوا هلي من طيبة شالوا هلي من طيبه

ولالفي لي طارش شالوا هلي من طيبه

شالوا واَنا خلّوني دابي اَهلّ ادموعي

والنوح صاير فنّي والحزن حاني اضلوعي

من حين قوّض ظعنه ما سكن عنّي روعي

يمتى يروّا عضيدي اُوتاضي مرابع طيبه

قامت تسايل فاطم يا عم وين الوالي

اَهلي اُوخوتي وينه في وين راحوا ارجالي

قلها اُودمعه جاري والصوت منه عالي

راحوا وانا خلوني وحدي حزين ابطيبه

ياحي منه ايشوفه وياه ذيك الدوله

شال ابهله وارجاله اُوكل اخوته من حوله

يا ليتني وياهم يوم الحرب والصوله

قالوا تسلى بعده واطلب عسى الله ايجيبه

هذي اليتامى ضاعت منهو الذي يحميها

اُودار العلم يا فاطم بعد الولي صكيها

شالوا بجمعهم عنها ماظن يعودوا ليها

الله يعوده لينا اُو تزهي مرابع طيبه

هيهات سلوه بعده ما ظن اُوافي وجه

سوري اُوعزي اُوحصني واللي الوذ ابكهفه

مادري نزل باي وادي اُوفي وين خيم رحله

وام البنين ابدارها حطت عزى وامصيبه

سافر وانا خلاني وحدي احن ابداره

شال ابهله وارجاله اُوكل عزوته وانصاره

يا ليتني وياهم يوم تشن الغاره

ولا لفى مرسوله يا هي عليّه امصيبه

من هالسفر خبرني يحسين يمتى العوده

ما ظنتي يعضيدي منهو اليكم عوده

مدري الولي اِبهالشيلة لا أي بلد مقصوده

واَعظم عليّه دورهم ظلّت خليّة ابطيبه

سافرعسى الله يعوده سافرعسى الله ايعوده

اُوظلت خليّة داره سافر عسى الله ايعوده

ظّليت اعاتب دهري ولا يفيد اعتابي

جار الزمان اُوفرق بيني اُوبين احبابي

وابقيت اَنا في داري والنوح شغلي اودابي

شال ابهله اُوشبانه وارجاله المعدوده

في هالسفر والشيله كاين يلاقي احمامه

اتمنيت انا بالرايه يوم الحرب قدّامه

يوم تشن الغاره اُوكل من يشد احزامه

الله باهي ساعة يوم الحرب واِرعوده

الله ياهي نصره ولا حضرنا فيها

اتمنّيت لنّي حاضر نار الحرب لاوريها

وانشر اِجيوش العسكر بيدي ورداطويها

يا ما تركت اقرومهم فوق الترب ممدوده

إتمنّيت اَنا ويّاهم في دولة معروفه

يوم العساكر دارت من شاملها والكوفه

وانا الحرايب فنّي واَفعالي الموصوفه

فاز الذي يعضيدي دونك بذل مجهوده

يمتى يجيني طارش قوم ابعجل يامحمّد

وصّل عضيدك سالم سوله ضيافه واعتد

لفرش الزينة ابطيبة وانشر علم واعيّد

من هالسفر والشيلة الله علينا ايعوده

قالوا ليه اتسلا قالهم فلانا سالي

هل كيف انااسلي اعضيدي اُوكيف انااسلي ارجالي

واشوف منزل خويه بين المنازل خالي

لجله لحن ابداري واعصابتي مشدوده

يا شايلين الراية يا شايلين الرايه

طرشوا لي واخذوني يا شايلين الرايه

ويش هالجفا يخواني اتروحو وانا اتخلوني

في داركم مستوحش انثر دموع اعيوني

ما ظنتي يخواني يوم الحرب تنسوني

يوم الجمل والبصرة بيدي العلم والرايه

لا بارك الله فيها عين رمتني ابنظره

مثل الأسد في غابه اُو كالصقر في وكره

صار البكا من ذابي يوم خطتني النصره

طرشوا الي واخذوني يا شايلين الرايه

يا ما طعنت ابرمحي اُوياما ضربت ابسيفي

اُوكلما تزيد العسكر ايطيب بيها كيفي

ماحد كفوا من اقرومهابالحرب ياخذحيفي

ياما حملت ابرايه اُوفرت امني رايه

ياما علم نكسته اُوياما علم حطيته

اُوياما شجاع ابدمه يوم الحرب حنيته

اوياما هزبر ضاري فوق الترب ذبّيته

لو مَن حملت ابرايه فرّت قبلها رايه

لو مَن حملت ابفرقه قالو لفاها احمامها

في وين ما تتوجه اتشوفني قدّامها

ماهي خفيّه احروبي ابكوفانها وابشامها

كُل من يقول محمّد بيده العلم والرايه

واليوم اظل ابداري مثل الصقر في وكره

متكسره جنحانه يجلب لنفسه الحسره

ماهو كفو ايشابهني في ونتى والزفره

ابكى اسبوع عني شالوا العلم والرايه

ما واعدوني ابجيّه يا ليتهم وعدوني

حتّى اترجى ارجوعهم واقول اَهلي ايجوني

حاشى انا اسليهم اُو حاشى هلي يسلوني

الله ايعود اخواني واتعود ذيك الرايه

بيت النبوّة خالي بيت النبوّة خالي

بعدك يسبط الهادي بيت النبوّة خالي

عنا اخذت العزوه اُوعنا اخذت الدوله

واتغلق باب كانوا لوفود توقف حوله

والعز قوّض من طلع سبط النّبي واشبوله

بعدك ينور اعيوني قلبي فلا هو سالي

يحسين ما تخبرني لا اي بلد مقصودك

ويّاك خذ لك دولة من عزوتك وجنودك

في اي بلده نازل يابو علي وانعودك

يحسين هذا المنبر ينعى ابصوت عالي

اقصد يخويه مكّة اُوخلِّ الحرم في طيبه

يحسين لا توحشنا من هالسفر بالغيبه

ياهي علينا فجعه اُوياهي علينا امصيبه

كلما رأيت المنبر منك يخويه خالي

يحسين لا توحشنا اُوتوحش جميع الشيعه

تدري ابأهل الكوفة تنكت يخويه البيعه

مالي صبر فرقاكم نفسي فلا هي امطيعه

دهري رماني ابغدره وانهدم سوري العالي

اُو عند الضحيّة قولوا في وين باتعيدونه

منهو على منبركم يخطب لنا اتخلونه

السجّاد خله يخطب يحسين لا توحشونا

هذي الرعيّة ضاعت يحسين مالها والي

يحسين ماله معنى شيل الحرم ويّاكم

خل الحرم في طيبة من هالسفر تتناكم

ياراكب على ميموني اتمنيت روحي فداكم

طرش اليه طارش يحسين وارحم حالي

شيل العلم تدري بي يحسين ماخشى احموله

والسيف انا باشيله يوم الحرب والصوله

وانا الذي بحروبي زلزله اُولي جوله

وحشه عليّه الدنيا بعدك يسوري العالي

أضحت حزينة بيضة الإسلام يحسين

هذي الشيلة واللقى يابن النّبي وين

من ضجّة النسوان كادت طيبة اتمور

صارت صوايحهم تشابه نفخة الصور

كلا ولا ظلّت مصونة وسط لخدور

الا اُو طلعت والدمع يجري من العين

اُوجاله أخوه محمّد المندوب في الحرب

واظلم على افراقه ابعينه الشرق والغرب

إلى وين هالمسرا بين كشافة الكرب

تمضي اُو تتركنا عقب عينك حزينين

يحسين خبرنا متى ارجوعك علينا

باتروح اُو باتخلي المنابر في المدينه

بعدك يخويّه اقلوبنا تغدي حزينه

هذي الشيله واللقى يابن النّبي وين

نادى على اعضيده ابدمعات سكيبه

انته الخليفه يا اخي بعدي ابطيبه

وان كان بينا يالاُخو طالت الغيبه

إنصب على اِرجالك عزيّة يا ضيا العين

ودّع عضيده والدمع بالخد غدران

ودعتك الله يا بقية آل عدنان