شبكة الإمامين الحسنين عليهما السلام الثقافية

كُل من ابعمره للفنى متقدم ايريد

فادي له ابروحه اُوكلهم فدوة إيله

معذور فيهم بوعلي لو وقف محتار

يوم يعاينهم عرايا فوق لوعار

ما صار في الدنيا مثلهم صفوة اَنصار

ابحق له عليهم لا وقف دمعه يسيله

واقف يعاينهم اُو يجري فيض للدموع

محتار والعسكر عليه تجمع اجموع

اُو يسمع خواته للمدينة تطلب ارجوع

ردنا الوطن جدنا يا شيخ القبيله

شمّر لحفر البير عبّاس الشفيّه

ساقي العطاشى دوم اُو قيدوم السريّه

واِحسين يتناول اتراب البير بيسار

اِمشمّر الدرعانه امساعد لا عضيده

اُوجسّام والأكبر أبو النفس الحميده

والكُل ايقول اليوم كبدي ملتظيّه

اُو زينب على كفها الطفل غارت اعيونه

اتنادي يخويه امن العطش صكّت اسنونه

ودوه للعسكر عسى انهم يرحمونه

قلها الرحيم الله ابحاله يازكيّه

واِحسين ايخاطب بوالفضل يا خوي خبر

عسى وصلت الماي يا نسل الغضنفر

قلّه نداوة والقلب منه استبشر

الله ايعينك يا عضيدي يا شفيّه

اُوبس عاين الصخرة بقي في البير مبهوت

اُو نادى يخويه الماي دونه حاول الموت

قالت اسكينة امن الظما عمّي اباموت

وا ضيعتي وا قلّة الوالي إليّه

قلّه عن اليسرى اُوعن ليمنى اَنظرها

قلّه يخويه امن العمد ثوّر شررها

من كُل جانب يالأخو قاطع خبرها

ضفّق ابراحاته واستسلم للمنيّه

نادى يجاسم دنِّ منّي الدرع والجود

يابني ما ينفع عن بنات المصطفى اصدود

اُوجدّك لسوي ابكربلا ابروق وارعود

واكردس الأبطال واسقيها المنيّه

والله يزهرا ما حضرتي يوم عاشور

جيش العدى دايراُوجيش اِحسين محصور

شبّان ما عندهم سوى هذيك الاَنصار

عافوا مداينهم اُو قطعوا ابرور واقفار

ما طرّشوا ليهم ولا جولة بلخبار

عافوا الدّنيّا اُو شاهدوا الجنّات والحور

لبنك حضرتي الطفّ يوم آمر احسين

اُوشدّوا على اكحيلاتهم كلّم امسلحين

واتقدّموا للمعركة نيفٌ اُو سبعين

عزوا البيارق واظلمت هاذيك لبرور

واتقدموا كلبهم عن ايمينه اُو شماله

لكن أبو فاضل بدا اُوزادت افعاله

والسيف في يمناه والراية ابشماله

لا من تزفّر قال هذا يوم عاشور

يا ما حمل حملات يوم الغاضريّه

اُويا ما فنى ابطال عزّ الهاشميّه

سبعين الف بالترب خلاها رميّه

هز العلم والدمع فوق الخد منثور

ويزيد من فوق التخت من صرخته قام

حين رفع صوته اُومنه ماجت الشام

حاز الشجاعة من على زراق لرخام

من صال في الميدان خلا كربلا اتمور

معذور أبو فاضل إذا جاهد عن احسين

يذكر وصيّت والده في يوم صفّين

اُو ينظره عطشان ويّاه النساوين

اِحسين اينادي بوالفضل يا خوي ماجور

يوم اراد الله على تغميض عينه

صابه الرجس نوفل على اشماله اُو يمينه

تعبان من كثر الجراح الله يعينه

اتمّنيت ابوك ايجي ويشوفك كيف منحور

يحسين ضاقت كربلا بالقوم والخيل

يحسين من قبل المسيّة خلنا انشيل

شافت العسكر واصبحت زينب حزينه

اُونادت على العبّاس يا حامي الظعينه

شوروا على الوالي يرد ابنا المدينه

قبل المسا يمسي اُو قبل ايهود الليل

هل كيف انااتقدم على اخويه حسين بالشور

والأرض هذي كربلا والشهر عاشور

فوز اُو شهاده اُو مرجله اُو نور على نور

هذي مكان المرجله اُوحال الرجاجيل

خوفي يقول اِحسين ما شاروا عليّه

إلّا من الذلّة اُومن خوف المنيّه

وانا المسمّى خوك قيدوم السريّه

الموت لاهابه ولا خيّالة الخيل

هذي يزينب كربلا عزنا اُو سعدنا

لو ننطرد بالسيف عنها ما نطردنا

الله ايعينك من بلا اتقاسي بعدنا

بشري ابشد احبال واركوب المهازيل

نووا على اُورود المنيّة واسرجوا الخيل

راحوا وخلّونا حريم ابلا رجاجيل

اظلم علي البيت ووحشني محلهم

في فرد ساعة فارقوني طبق كلهم

ما دارت الدّنيا على ابدور مثلهم

ابدور لنا ياضون لا من هوّد الليل

اُو شخص البطل عبّاس يتزهي ابعيني

ايقلّي بجيب الماي يختي اترقبيني

ما يختلف وعد جرى بينك اُو بيني

ابطى عليّه ابن النجابه واخلف القيل

والله يخويه الماي ما يسوى علينا

رايح يجيبه تقطع اشماله اُو يمينه

والله حسافة راح دخر ذاخرينه

اُوماتت عليّه امن الأسف خيّالة الخيل

صوّل عليهم يشبه الضيغم الظافر

اُوفروا مثل سرب القطا الذاعر النافر

يا ما جثث خلّا على الغبرا عواثر

كلما عليهم صال قامت تسحق الخيل

اوشط الفرات ايقول سمعوا ياهل البيت

انكان تردوني إلى امخيمكم تعنيت

والله لو اقدر على الجيّه لكم جيت

انكان ما عطشت لكم حرمه ولا طفيل

حادي المنايا صاح يوم الغاضريّه

واِحسين نادى ياهل انفوس الابيّه

يغضون دولة من ابسيفه قيم الدين

واللي يذكرونه ابحرايب يوم صفّين

يحمل على العسكر اُويشق الجيش شطرين

اُويسقي الاعادي سهم كاسات المنيّه

قله ابو فاضل يخو زينب انا اللي

هاليوم كُل اجموعها عنّي تولي

باحمل ونادي يا منايا اليوم حلي

يوم لمبارك يا صباح الغاضريّه

يا غيث كُل ابروقها ابساعة عدها

كنت احسب الأيام واترقت وعدها

انا اُوعدت واهل الشيم توفي ابوعدها

هاليوم باقضي لك احقوق اللي عليّه

ما قلت لي يوم الحسن مرمي ابنعشه

اصبر ولك يوم انتظر منه البطشه

واحيات رب اللي استوى من فوق عرشه

لفني بني سفيان واسقيها المنيّه

يحسين ناولني العلم بوفي اديوني

ماحد دخره المرتضى الهليوم دوني

او دولة بني سفيان كلهم يعرفوني

اُوحقك لخليها صوايح مستويّه

اوصوّل اُوطرّ اجموعهم بالسيف شطرين

والشمس غابت والسما صارت سماوين

والشام زلزلها اُورج ارض العراقين

اُوحامت على روس العدى اطيور المنيا

سكنة العزيزة اتصيح يا عم العليّين

يا قمر هاشم يا حصنّا اُوقرّة العين

ترضى أموت امن العطش يا خير مذخور

واليوم يومك يا لولي سِل سيفك اُوثور

كبدي يعمّي امن الظما متشطرة اشطور

واعظم امصيبة عطش اطفال الرضيعين

من سمع نخوتها أبو فاضل جذبها

يمسح مدامعها اُويسلّيها اُويحبها

واعمامته من فوق راسه ابساع ذبها

اُونادى ابصوته هالبكى خفي ولحنين

تبكين وانا تنقل البتّار يمناي

لازم يسكنة تشربين اليوم للماي

أمّا انذبح لو تنفني كُل جملةعداي

اهون عليّه من اري دمعك تهلّين

ساعة ولن زينب لفت والطفل عدها

كلما تصيح الطفل زاد ابها وجدها

وادموعها امن الحزن تجري فوق خدها

ضمها ابو فاضل وجو كلهم إلى احسين

اتزفو ابو فاضل اُوقله يا عضدي

ترضى تموت امن الظما والماي بيدي

خويه اُوعدت سكنة وانا بوفي ابوعدي

بالماي باسقيها وباسقي للنساوين

قله يخويه خل حريمي اتموت كلها

اُو طفلي يموت اُو ليمتى خوفي تقلها

من بعد عينك رايتي من ينقل الها

اُومنهو يرد القوم عنّي ياضيا العين

ويلي بقى العبّاس يتوسل عضيده

نوب يحب راسه اُونوب ايقبل ايده

حتّى حصّل رخصة من اعضيده اُوسيده

ابتهج قلبه امن الفرح عمّ العليين

عبّاس نادى يوم حرب الغاضريّه

يهل الشيم خلّوا الحمل كلّه عليّه

عبّاس انا المعروف في كُلِّ الوقايع

لازم بخلي الخيل توصل للشرايع

وانكان طير البوم وسط البر جايع

يشبع من الحوم العدى في الغاضريّه

جسّام ناولني الدرع والسيف والطاس

والجود دنه لي يجاسم أي قوي الباس

يدرون أبو فاضل عليهم شارب الكاس

بويه علي بواِحسين قيدوم السريّه

شد المهر جيب الرمح والسيف والجود

يدرون ابو فاضل عليهم صاحب الزود

والله لخلي الرمح يلعب وسط لكبود

واملي الجود اُو تشرب الحرّة الزكيّه

ملزوم اخلي الخيل تردي في الاعنه

والوعد لا من تشتبك منا الاسنه

وانا الغضنفر والحرب ما هاب منه

يا هو اليفر امن الحرب خوف المنيه

اُوحدر على العسكر اُوصك الخيل بالخيل

ما كنّة إلّا صاعقة جت ابزلزال

اُوثار العجاج اُو طبّق الوادي من السيل

اُوحدر على القيمان واسقاها المنيّه

حارت العسكر واندهشت منه ابزلزال

خوّض اِحصانه بالدما اُونكّس الأبطال

سوى فعايل ما جرت في أوّل اوتال

ماله شبيه إلّا الوصي راعي الحميّه

صوّل عليهم وزلزل الأرض ابسماها

من سطوته حسّت عذاب الله جاها

ويزيد من فوق التخت خر ابئراها

قايل لفى الكرّار وادي الغاضريّه

ثار العجاج ابكربلا اُوافق السما نار

اُو عبّاس علّق رايته اُو للمشرعة غار

اُوشمس الميادين اظلمت من حمل عبّاس

اُو صاحت فراعين الكفر جاسم الفراس

اُو كسر العسكر من ردمها اشديد لمراس

ابضرب الهنادي والشلاطي وطعن خطار

اُوفرع اُومنه فرت العدوان خيفه

مثل القضا النازل اُو عزرائيل سيفه

مشهور لاطب الحريبة ابطيب كيفه

يلعب ابسيفه والثغر باسم استبشار

اُوطبّ الشريعة اُورام منها ايبرّد احشاه

لكن ذكر عطش الغريب اِحسين وانساه

واملا القربة اُومن طلع حاطت به اَعداه

فلها اُو نشرها اُوشتّت اليمنى واليسار

زلزل الكوفة يوم صال اُوماجت الشام

اُوطير المنايا فوق روس اقرومهم حام

ضنوة علي كسّر ابسيفه الطوس والهام

ذخر الوصي المرتضى حيدر الكرّار

لولا قضى الباري اُو عهده الكان معهود

من عالم التكوين ذاك اليوم ماخود

ينذبح في نصرة عضيده سر لوجود

مارجع من حربه من القيمان ديار

ذبحوا عضيده اُوظل في الميدان محتار

يجري ادموعه اُو يشتكي قلة الانصار

اِمصيبة غريب الطفِّ ياهي اتشيب الراس

بالخص يوم انه وصل مصرع العبّاس

هلّت ادموعه اُولزم باكفوفه على الراس

ويقول يا سبع الحرايب بالثرى انهار

نادي ابصوت الذل والأهوال والويل

اُوحنّ اُوتزفّر والدمع من مدمعه ايسيل

ظهري كسرته اُو بيرقي يا هوله ايشيل

اُو منهو عقيبك في الحرايب يشعل النار

يا شايل الراية يبو نفس الأبيّه

هذا الدرع والسيف حولك يا شفيّه

ظهري غدى مكسور والبيرق رميّه

حاطت بي القيمان عن اليمنى واليسار

بطل ونينك ذوبت قلبي يصنديد

يا حامي الصيوان يا نسل الأماجيد

خليت اخوك اِحسين لا ناصر ولا اعضيد

لاخير في الدّنيا عقب فقدك يمغوار

من طحت في التربان يا حامي الظعينه

لطفال ضجت بالبكاء اُوناحت اسكينة

اتقلّي يبويه حامي الصيوان وينه

ناده من العركة يجي قلبي اشتعل نار

ساقي العطاشا قوم فوق التراب لا تنام

فتح اعيونه اُوقال ما حالك يضرغام

ما حال زينب من بعد حالي وليتام

لَحد يخويه قصوا ايميني وليسار

انرفو ابو فاضل اُو نادى يا عضيدي

ودي انا انهض والعدى قصت ازنودي

من عقب ما راموا الماي اللي ابجودي

قصدي ابسقي للحريم اصغار واكبار

الله كاتب يالولي نقضي بلا ماي

نوح اليتامى يا عضيدي فتت احشاي

اشبيدي على امر جري ما هو على هواي

ودعتك الله يا سلالة حامي الجار

يا ليت عن سيفي فلا قلت يميني

ولا الاعادي فرقوا بينك اُو بيني

او سكنة يخويه لا تخليها تجيني

اُو عدتها بالماء ولا جبته يمغوار

قله يخويه اظلم الوادي عليّه

يوم شفت جسمك على حر الوطيّه

من بعد عينك راح عز الهاشميّه

اُو قلبي من افراقك يخويه يلتهب نار

او غمض اعيونه اُوفاضت النفس الشريفه

واِحسين نادى يا ذرا العليا المنيفه

بعدك يبو فاضل بقت زينب اسيفه

وانا وحيد ابكربلا ما عندي انصار

والقوم بعدك يطلبوا ثارات صفّين

وانا وحيد ابكربلا ما عندي امعين

ودعتك الله يا عضدي اُوقرة العين

يا ليت يحضرنا علي حيدر الكرّار

جاك المهر يابن اُمّي جاك المهر باصهيله

يحسين روح المعركة وادرك عضيدك شيله

عبّاس يوم اَنّه وقع نادى يخويه ادركني

سرعك ينور اعيوني خيل العدى حاطتني

قضوا العدى ذرعاني اُوفوق الثرى ذبّتني

يحسين وصّل ليّه قلّت امني الحيله

واِحسين يوم انّه سمع صوته لفاه ابسرعه

اُوعاين عضيده مرمي والدم صابغ درعه

اتخوصريويلي عنده واعلى الاُخو هل دمعه

اُونادى يشايل بيرقي منهو يخويه ايشيله

حطّ راس اُخوه ابحجره والصوت منه عالي

عبّاس اخويه اتوعى يا شيخ كُل ارجالي

منهو يشيل البيرق عبّاس يا سردالي

ياسناد ظهري عقبك منه لحملي ايشيله

فتح اعيونه اُونادى والعين منّه عبرا

منهوالذي امسندلي اُووضع لراسي ابحجره

قلّه انا اللي ابفقدك اُوهيت خويه ظهره

دقعد يشيال العلم واللي لحملي ايشيله

إنْ عد فضل الإخوة فضلك يخويه ابزوده

ماشفت انافي الإخوةمثلك بذلك مجهوده

قصوا العدى ذرعانه اُوشال العلم بزنوده

يوم وقع فوق الثرى جاني المهر باصهيله

انا السبع في الوثبة وانته النمر في الهفه

اُوتدري السبع له وثبةاُوتدري النمرله هفّه

واللي قطع كفينك ياخوي ابقطع كفّه

اُو امر قضاه الباري ما اتفيد فيه الحيله

يمشرّد الخيّالة يمشرّد الخيّاله

قم لعضيدك شيله لا تدوسه الخيّاله

حوّل عليه هاتف مثل الصقر تحويله

طاح الاخو في المعركة يحسين دسرع شيله

حين سمعت الهاتف قلت امني الحيله

اُو جيتك انا متعني اُو عاقتني الخيّاله

هذي الحرم تنخاني يحسين ودنا لعمنا

اُوخليتني يعضيدي يسرى ابليا يمنا

سبعين الف خيّالة دارت على امخيمنا

واتزلزلت نسوانا من ضجّة الخيّاله

فلت يخويه الحيلة اُوفلت امني اللزمه

سبعين الف خيّالة كلها على محتزمه

اوتدري يخويه الوحدة تبهض قوي العزمه

احمل على الخيّالة واتعوفني الرجّاله

يحسين هذي المرجله والموتت الممدوحه

اُوكل الخلايق تحكي فادي عضيده ابروحه

يحسين لا ترفعني خل جثتي مطروحه

خلها على وجه الثرى واتدوسها الخيّاله

اليوم يوم اسعودي واليوم ذا مقصودي

من يوم تحت الراية قصوا يخويه ازنودي

يحسين لو اني امقيد لفصم حديداقيودي

اُوعنك يخويه ابصدري لتصدر الخيّاله

عبّاس هذي رايتي بعدك غدت ملتفه

اُوكل الحرم تنعى لك واقلوبها ملتهفه

اوبيت الخنا والمنجس يمتى تجيه العفّه

اُوجيتك انا متعني اُوعافتني الخيّاله

حسّ المنيّة اتنادي حس المنيّة اتنادي

سرعوا بعرس الجاسم حس المنيّة اتنادي

يحسين لا تمهل به خلني اباخذ دونه

الفردوس جت ولدانها الجسام بيزفونه

وانا احرسه لما يصعد على ميمونه

سرعوا بعرس الجاسم حس المنيّة اتنادي

وانتين يم الجاسم سرعي اخضبي كفينه

وإلّا المنيّة ابتاخذه من قبل ما تخضبينه

ويّاك بس هالساعة اُوتالي فلا تشوفينه

سرعوا بعرس الجاسم حس المنيّة اتنادي

هيا يزينب هياجت الولد كم حوره

انتي به المفجوعة اُوهي به المسروره

نذر عليّه باخذه والحر يوفي اِنذوره

يحسين زف الجاسم جت المنيّة اتنادي

قولوا العروس الجاسم ثوب الحزن تلبسها

اُوتدخل ابوسط الخيمةتنعى على معرسها

هي عزونه وارجاله عين الفنا تحرسها

يحسين لا تمهل به حس المنيّة اتنادي

في الغاضريّة امعرّسين ابنك يمسموم

مازفنه إلّا عمته زينب وام كلثوم

وحدة اتخضبه اُو وحدة تجذب الونّه

اُو وحده ابفيض ادموعها تعجن الحنّه

اُوحدة تنادي وين حيدر غاب عنّه

لَحد يداحي الباب من حزّاتك اليوم

اُوصيوان عرسه ما بنوه إلّا النساوين

وحدة تخضبه اُو وحدة تلطم الخدّين

واجب عليك اتقوم يا مسموم ذا لحين

هالسا تجي ويّا بني هاشم اُو مخزوم

اُو سكنة تنادي يا خلق لا تمحنوني

خلّو بلا تخضيب كفي واتركوني

ابها لحال يا عمّة ما تسامحوني

شفتون معرس يخضبونه ابفيض الدموم

اخضب اكفوفي يا خلق واني حزينه

اُو عبّاس عمّي امقطعه اشماله اُو يمينه

شاقول لو منّه التقت عيني ابعينه

عرسي اُو ذبحك صار يا عمّي فرد يوم

والله لو انّي عشت عمر النّبي شعيب

ما نالت اكفوفي ابد يا ناس تخضيب

اُو عبّاس عمّي بالثرى دمه اخضيب

مرمي على المسنات متخضب بلدموم

والله لواني عشت عمر النّبي نوح

ما قط يا عمّة الهنا في وجنتي ايلوح

كيف الهنا اُو في المعركة سبعين مذبوح

أعرّس وانا بحدود أبو فاضل المعلوم

جاسم اُو سكنة عرّسوا في الغاضريّه

واصباح عرسه خيمته منّه خليّه

يا عرس القشر ما تهنا فرد يومين

واضحت خليّه خيمته دون الصياوين

من فيض دمه خضبوا منه الكفين

اُو طيب عرسه من اتراب الغاضريّه

في كربلا اقمار غابت قبل الغروب

واشموس غابت وانقشع صيوان منصوب

في يوم ثاني للعرس جاسم مصيوب

اُو سكنة عليه اتنوح حطت له عزيّه

واتقول واغصن انقصف من غير ميحان

حزني الجاسم من وقع من فوق لحصان

جاسم مثل بدر الدجى مرمي ابتربان

بانصب عزا جاسم اُو باجلس في العزيّه

واتقول كُل الناس ما صاروا سوانا

ناس ابفرح واسرور واحنا في عزانا

ساعة عرسنا امفارقه عزنا اودرانا

لجله لشق الجيب واجلس في العزيّه

واتقول كُل الناس ما صاروا سوانا

ناس ابفرح واسرور واحنا في عزانا

ساعة عرسنا امفارقه عزنا اودرانا

لجله لشق الجيب واجلس في العزيّه

لجلك لشق الجيب واجلس في معزاك

والقلب يا جاسم فلا يسلي بلياك

هل كيف انا صبر يا عديل الروح وانساك

لجلك لقيم النوح كُل صبح اومسيّه

زفّت الجاسم ما حضرها داحي الباب

ياليت شخصه عن محاني الطفِّ ما غاب

زفّت الجاسم وافقت ساعة مشومه

واذباح عرسه من هله ويّا اعمومه

واخضاب عرسه يا علي جاري ادمومه

يمتى سمعنا يا علي جاري الدما اخضاب

ولا سمعنا ادموم قبله اتخضب اكفوف

لبنك حضرته يوم عرسه بارض لطفوف

اوشفت الأعادي يوم عرسه تزحف ازحوف

اُو لرماح هزّوها اُوشمسنا نورها غاب

الله ياهي زفّته مامن مثلها

زفّة ولاحد من بني عدنان جالها

شفتون زفّة ما يحضروها أهلها

لا شيخ جاليها ولا كهل ولا شاب

لحد يسادات الورى يا آل ياسين

عندكم شباب مع فتاة لكم امعرسين

جاسم امعرّس ما احد زفه مع احسين

الانساء يبكون حوله ابدمع سكّاب

لوزفة الجاسم ارجاله حاضرينه

بالخيل جوله انكان يسبوع العرينه

لوهم مع المظلوم عمّه زافينه

ما كان زينب من حزنها جسمها ذاب

في يوم عرسه نصبت سكنة الماتم

واتصيح وابدر طلع نوره ولاتم

بدر لنا ياضي العين الليل اظلم

لو افلت شمس الضحى وإلّا البدر غاب

شيل العلم يا جاسم واتقدم الحربيّه

عبّاس عمّك طايح اُوجثّته مرميّه

شيل العلم يا جاسم واسلك طريق اَعمامك

دارت عليك النوبة للموت شدّ اِحزامك

حادي المنايا يحدي واتصرّمت أيّامك

خلِّ الجثث يا جاسم فوق الثرى مرميّه

حنا العرس للجاسم من فيض نحر ادمومه

واذباح عرس الجاسم من اخوته واعمومه

عبّاس عمّه طايح ويّا ضياغم قومه

واِحسين عمّه وحده دارت به الحربيّه

سكنة تقول للجاسم وقّف إلي باشمك

لجلك لهل ادموعي واخضب اكفوفي ابدمك

أنصب عزيّة لجلك واجلس حزينة يمّك

ما دمت انا بيّه نفس اُو مادام عيني جيّه

ثوب العرس يا لجاسم مثل الكفن تفصيله

مدري القمر في الذابح وانحوس ذيك الليله

يحسين لا تزفونه حتّى أبوه ايجيله

يلفي عليه ابسرعة ماهي بطبّة الجيّه

وابدور سعدي غابوا عنّي ولا الهم طلعه

لجذب الونّة اليهم طول الدهر بالفجعه

غابت جميع أقماري ما عاد ليهم رجعه

لقمار عنّي راحت كلهم ولا الهم جيّه

شيل العلم يا جاسم محلا هذيك النضره

معرّس اُو ملبس كفن من قصر ويلي عمره

أصبح اُوهوه امعرّس أمسى طريح ابقبره

ويش هالعرس هالأقشر دون الخلق جا ليّه

شيل العلم يا جاسم دارت عليك النوبه

حادي المنايا يحدي ونار الحرب مشبوبه

شيل العلم يا جاسم واتبع هوى من راحوا

واتقنطروا في الغبره فوق الوهايد طاحوا

ويلي عليهم سافروا ويلي عليهم راحوا

اتمّنيت انا من قبلك دارت عليه النوبه

بس الوصل في الدنيا هي علة للعوده

ودعي حبيب افادك دارت عليه النوبه

معلوم ليلة عرسك يا بني مهي مسعودة

فيها البلايا نازله اُو فيها الحرب معدوده

جتني المنيّة اتقول لي عندك اليه اوداعه

حل الوعد للجاسم في حال هذي الساعه

ودعي عزيز افادك واتزودي امن اُوداعه

قومي إلى ابنك ودعي دارت عليه النوبه

ياما قمر غيبته اُوياما قلب باروعه

اُوياما فتاة خليتها اعلى الولد مفجوعه

وانكان يم الجاسم تترقبين ارجوعه

سمي اسم من دونه دارت عليه النوبه

اُوقولي العروس الجاسم تدخل عليهم احدوده

حادي المنايا يجدي اُونار الحرب موقوده

وانا مهومن شاني اخذ بدر واعوده

سمي اسم من دونه دارت عليه النوبه

جاسم يقول يا عمّه باسرج على ميموني

وانا العرس ما ريده اُومن هالعرس خلّوني

معرس انا يا عمّي ابدم النحر حنوني

وانا تمام الحسبه دارت عليه النوبه

جاسم تچني يوم حرب الغاضريّه

عاف العرس واهدى النفس لبن الزكيّه

ويقول هذا العرس ما يخطر اِبالي

هل كيف انا اعرس اُو مفقوده رجالي

او عمّي وحيد اُو عزوتي صرعى اقبالي

وين العرس يهنا يخلق الله اليّه

واِحسين عمّه ايلبس الجاسم اثيابه

في صورة الأكفان ويلي اعلى شبابه

اُو سكنة لفت عنده اُولزمتلا ركابه

واتقول هالطلعة أظن بيها المنيّه

حنّت على الوالي حنين ايذيب لنفوس

عرس الأماجد يا خلايق شيّب الروس

نجم العرس أقشر اُوزفّتهم بلنحوس

عرس عبوس في اطفوف الغاضريّه

قلها استقري في مكانك يا مصونه

العرس يا سكنة انا ويني اُوينه

اُو عبّاس عمّي امقطعه اشماله اُو يمينه

العرس هذا اليوم انا ميلوق ليّه

قالت يجاسم شيّبتني ابصغر سنّي

ايحق لي يجاسم من حنيني ما أونّي

على عزيزي اُوطير سعدي فر منّي

لنصب على فقدك يبن عمّي عزيّه

أهل العرس بافراحهم وانا حزينه

هم ابقلبي مثل امواس السنينه

ظل ينتخب جاسم اُويهمل دمع عينه

ويقول ذا مكتوب وامقدّر عليّه

اِتمنّيت عرسي بالمدينة بين أهلي

دمعك يسكنة من اِعيونك عاد هلي

قالت انا اشبيدي على تشتيت شملي

يا ليتني لا عرست في الغاضريّه

شال الشهيد اِحسين جاسم للصياوين

أقدام الولد طافت على اقدام لحسين

بس ما وصل به طلعت النسوة من الخدور

داروا على الجاسم اُوصبوا الدمع منثور

كادت فيافي كربلا امن الضجّة اتمور

داروا على الجاسم خواته اُوزاد لحنين

هذي تحب جسمه اُوهذي اتقبل ايديه

اُو هذي تحب راسه اُو هذي اتحب رجليه

اوهذي على الهامه اتراب الحزن تحثيه

اُوذي تمسح اجروحه اُوهذي اتصيح يحسين

انكبت عليه اتصيح سكنة يا عمادي

جاسم ابدم نحرك لخضب للايادي

وادعي ادموعي مشربي والنوح زادي

ماتم مصابك لنصبه في طول لسنين

العرس يا جاسم اله زفات وافراح

وانته يجاسم يوم عرسك لطم وانياح

والله حسافه يا بدر سعدي يمصباح

بعد الفخر والعزّ تبقى عاري اطعين

باشق جيبي اُو باجذب الونّة خفيه

يايوم عرسه محنة في الغاضريّه

فطر ضميري اُوزيد الحسرةعليّه

كنّه يطالبني ابعرسك حادي البين

صدت إلى النسوه تصب الدمع مسفوح

قوموا تعالوا يا حريم الهاشم انوح

نبكي شباب ظل في الميدان مطروح

لجل الذي في كربلا توهم امعرسين

رحتون يهل الكرم يا اخادة الثار

خليتوا الخيمة اُونمتوا فوق لوعار

من بعدكم ظل الشهيد اِحسين محتار

من عقبكم يصفق اشماله بليمين

شبل العلم يالأكبر هاليوم من حزاتك

هذي الحراير بالظما ماتت اُوكل اخواتك

وبوك وحده ابكربلا ذبحت جميع انصاره

اُو زينب اُو سكنة بالخيم واقلوبهم سعاره

اسرج على ميمونك يا بني اُوشن الغاره

والماي جيبه للنسا هاليوم من حزاتك

شال العلم وانخى واعلى الاعادي صول

مثل الاسد في اطراده اُو كالصقر لاحول

الماء يعمّة ايجيكم لو بالثرى اتجدل

ما دام انا بيه النفس ما حد يطب خيماتك

صول ابعرصة كربلا اُونار الوغى مشتبه

كم من شجاع ضاري بالوهايد ايذبه

هذا اُو يسعر قلبه اُو كبده غدت ملتهبه

واِحسين ايشوف افعاله وايقول من حزاتك

دارت عليه الاعداء اُوماهاب كثر العسكر

مثل الوصي حملاته يوم عليهم كبر

خوض احصانه بالدما اُوخلا الجثث تتعثر

يشبيه جدّي المصطفى سريتني ابحملاتك

حاطت عليه العسكر اُوصال وحده فيها

شبّت عليه ابنارها ما حد قدر يطفيها

يا ليت جاله حيدر لجموع العدى يحميها

لَحد يحامي طيبة حرب الاعادي فاتك

او حين وقع في المعركة نادى يبويه ادركني

اسهام العدى صابتني واخيولهم داستني

حين سمع منه الندى جاه السبط متعني

سريت قلبي في الحرب وابكيتني ابطعناتك

بس ما حمل الكبر اُوهبت ريح زلزال

اُو جبريل ينعى في السما ويّاه ميكال

حاطوا عليه القوم بارماح اُونشاب

اُوصول على اجموع العدى وحده ولاهاب

وامن العطش قلب الشباب اتفطر اُوذاب

حاطت عليه اجنودها يمنى ولشمال

اودارت عليه القوم يمناته وليسار

ناس عليه انبال ترمي اُوناس بحجار

حتّى دنى له فاجر ملعون غدار

اُوصابه على راسه اُوقع في حر لرمال

حين وقع لكبر علي نادى ادركني

سرعك يبويه اِحسين حتّى اتودعني

اوجيب ليه ماي يا بويه اُوسقني

انذبح ظامي ما سقوني ماي لزلال

واِحسين واقف بالخبا ياناس ينظر

الله عوينه يوم طاح ابنه الأكبر

جاله ولنه بالثرى مرمي امعفر

جاه اُوجلس يمّه اُو بكاه ابدمع همّال

ظل ينتحب عنده اُودمع العين سكّاب

مذبوح ظامي تعتفر في حر لتراب

وينك يبويه يا علي يا داحي الباب

يا ليت تحضرنا اُو تنظرنا باي حال

ابذبحة علي الأكبر يبويه افجعوني

ذبحوا ارجالي واخوتي واستضعفوني

يا ليت جدّي واُمّي الزهرا يجوني

يا ليتهم حولي يشوفوا فعل لنذال

وركب جواده قاصد الخيمة ابحسره

محني اضلوعه اُو منفصم يا ناس ظهره

هذا اُو زينب في الخبا ترقب تنظره

ساعة ولنه قد اتاها ابغير رجال

حنت على الوالي حنين يشعب الروح

اُو نادت على خوها اُو دمع العين مسفوح

خبر عن الأكبر يخويه قال مذبوح

مرمي على حر الثرى ما فوقه اظلال

ذبحوا علي الأكبر اُوفلت دولة احسين

وابقى بعد خوته اُوولده ماله امعين

صبرك يبو السجّاد محمّد صبر مثله

أبداً ولا امصابك جرى في الدهر كلّه

العرش يبكي والسما بالدم لَجله

اُولجلَه جميع الرسل تبكي والنبيّين

لله صبرك يا غريب الغاضريّه

وامصيبتك مامن مثلها من رزيّه

العرش يبكي والسماوات العليّه

اُو يبكي النّبي ويا الوصي اُوستِّ النساوين

ويش حال من ينظر إلى اُوليده اِمبضّع

امفارق الدّنيا اُو يدري به ما يرجع

وامصيبته في كربلا اتشيب الرضّع

أبكت سماوات العليّة والأراضين

صبرك نسى صبر النّبي نوح اُو أيّوب

اُو زايد على آدم حنينه اُو نوح يعقوب

ويلا كَم قاسيت من بلوى اُومن اكروب

ظلّيت حاير ما إلك ناصر ولا امعين

يا لولد من حر الظما يرويك جدّك

يا بني على الدنيا العفا من بعد فقدك

نحبك قضيته يا لولد وابقيت بعدك

بين العدى كالطير مكسور الجناحين

اليوم قلّت حيلتي وانعدم صبري

اليوم قلّت شوكتي وانكسر ظهري

وانكسر صيوان النساء بعدك يبدري

بعدك على الدّنيا العفا يا قرّة العين

قولوا لاُمٍّ بالأمس كانت تربّيه

الله يساعدها ويعظم اجرها فيه

إتمنّيت لنها حاضرة تجلس حواليه

اتشوفه رميّة اعلى الثرى امعفّر الخدّين

إتقنطر علي لكبر اُوهبّت ريح لخسوف

واتزلزل الكرسي اُوماجت أرض لطفوف

لله صبرك يا غريب الغاضريّه

تنظر ثمانتعشر بدر صرعى رميّه

اُو تسمع بكى النسوان بخيام خليّه

اُو تنظر عساكر حايطتك الكوك والوف

لله صبره من سمع لابنه يناديه

اتعنى لجسمه لازم ظهره بياديه

اُوشاف الولد مرمي اُومن حوله أأعاديه

حن اُوجدب ونّه اُوصب الدمع مذروف

اُونادى عليّه ابصوت فتْ قلب اليسمعه

إيدٍ على ظهره اُواِيدٍ فوق ضلعه

ينثر على اجروح الولد همّاي دمعه

نوبَ يشم نحره اُو نوب ايشم لكفوف

نادى على الدّنيا العفا من بعد يومك

اسم الله على جسمك امخضّب من ادمومك

اُو مقدر أعاين لك اُومن حولك اعمومك

إمبضّع ابنشاب يبني اُوضرب لسيوف

يبني الوحدة تبهض الفارس الصنديد

بالخص لو منّه خلا من ابنه ولعضيد

كلما أرد دولة عليّه دولة اتعيد

اُوكلما افرق صف دارت حولي اصفوف

او طلعوا بنات المصطفى من ذيك لخدور

اُوليلى معاهم تنتحب والدمع منثور

اُوشافوا علي لكبر على التربان منحور

وقعت على جسمه تشم نحره ولكفوف

حين وقع لكبر اُوجاله بوه لحسين

شاله على صدره اُوجابه للصياوين

من شافته النسوان طلعت له امن لخدور

شافوا علي لكبر يون وادموعه اتثور

واِحسين من حوله يصب الدمع منثور

ويصعد التزفار ويصفق الكفين

والحرم دارت عن اشماله اُوعن يمينه

هذي تحب صدره اُوذي تلثم جبينه

اوهذيك تمسح دمه الجاري على عينه

وامه تجرونه اُوتصب الدمع كالعين

اِقعد يلكبر كلّم اِمّك يا شفيّه

اشلون عفت اِمّك اِبأرض الغاضريّه

بان الهظم والذل من بعدك عليّه

ما تسمع الصيحة ولك تلطم الخدّين

يا بني ترى قلبي تفطر من ونينك

واعلى العطش والسيف يا بني الله عوينك

يا ليت حيني يا لولد من قبل حينك

اُويومي سبق يومك يعقلي يا ضيا العين

اقعد توعّى يا عديل الروح ليّه

اشلون يحلا لك اتراب الغاضريّه

باتعود يبني لو بعد ماليك جيّه

اسم الله على هالطول عاري ابغير تكفين

اقعد يلكبر واسمع اِخواتك تناديك

اُو تلطم على الهامة واتقبل لا اياديك

ويش حال قلبي يوم حاطت بك اعاديك

وانته تجر ونه اُو تندب ابوك لحسين