شبكة الإمامين الحسنين عليهما السلام الثقافية

بوصيك بولادي عن التشتيت لمهم

إنته أبوهم يا خليصي واِنته عمّهم

لو غمّضت عيني عسى الله ايدومك اِلهُم

والعمّ بولاد الاُخو يحسين ملزوم

قله عجل سلّم على الزهرا اُوجدّك

واَخبر اُبوك المرتضى ابتقطيع كبدك

يا ليتني فدوة اُوضمني اليوم لحدك

شوف الحريم اِتنوح يمّك واُمّ كلثوم

مات الحسن يا حيدر الكرّار مسموم

والله عجايب يا علي يهنى لك النوم

شبلك يحيدر سمته جعدةالدعيّه

واَمسى يحيدر شارب الكاس المنيّه

ودّع اُولاده واَجدب الونة خفيّه

اُو حوله تحن واتنوح زينب واُم كلثوم

نادى الحسن في وين اخويه اِحسين عنّي

قصدي أباودعه وريده يودّعني

اِتمنّيت اَنا ما كان ساعة يفارقني

لكن قضى الله والذي في اللوح محتوم

واِحسين اِينادي عيشتي كشرة بليّاك

خذني يخويه بالقبر باروح ويّاك

اِيذوب قلبي لا بكت حولي يتاماك

ما اُوحش الدنيا عقب عينك يمسموم

مات الحسن واتزلزلت مكّة اُو اطيبه

اُو الأملاك تنعى مات سردال الحريبه

وآشوف حيدر بالنّجف طول الغيبه

لَحد يبو الحملات من خواتك اليوم

ويلاه يوم اِحسين ودّع للشفيّه

اُو نادى يخويه شمتتْ العدوان بيّه

إنته بارض طيبة وانا بالغاضريّه

جسمي لعجدل!والغسل من فيض لدموم

خويه ابهوادي الليل تبكيك المحاريب

خويه المنابر عقب عينك شقّت الجيب

ياخوي عيشي من عقب عينك فلايطيب

اُوعيني عقب عينك أبد ما تقبل النوم

اُو زينب تنادي الحسن خويه يا ولينه

واشمتتْ الشامات يابن اُمّي علينا

لَحد يراعي الجود يا راعي السكينه

نصبت عزاك اليوم زينب واُم كلثوم

مات الحسن وانهدم سور الهاشميّه

هذي المدارس أصبحت بعده خليّه

مات الزكيُّ ابنُ الزكي اُو ظلمّت ادياره(١)

واسمع حنين اليوم ينعى وسط داره

والمجد أضحى باكي إدموعه اتّجاره

والدين أصبح يصفق إبيَد خليّه

يومٌ دنت منّه المنيّة ابن النّبيِّين

نادى ابعباس البطل لَم النّساوين

عبّاس سرّع بالعجل نادوا لي اِحسين

يحسين خويه داستمع منّي الوصيّه

صاح الحسن وامزج اِدموع العين بالدَّم

اُوصيك لا تهرق بأمري محجمة دَم

هاللي فعل بي في القيامة سوف يندم

يومٌ تنادي اُو تشتكي الزهرا الزكيّه

قلة يخويه إخوتك واُولاد عمّك

كُلْهم يخويه يطلبون اليوم دمّك

قلي يخويه من تعدى لك اُوسمّك

اُوخلّا الكبد منا يخويه ملتظيّه

متواعدين اِقطام واجعيدة علينه

هذيك في الكوفة اُوهذي في المدينه

اُوصابت يخويه حيلة الثنتين فينه

كُلْ من علينا اِيدوّر اَسباب المنيّه

لَحد يخويه اِنكسر سيف اللي ابيميني

لَحد يخويه فرقوا بينك اُوبيني

لحد يخويه اُو شانت الدّنيا اِبعيني

معذور بعدك لا تمنّيت المنيّه

من فرقوا بيني اُو بينك ما تهنّيت

أظلم عليّه منزلي واستوحش البيت

حنّيت لفراقك يبعد أهلي اُونّيت

ما أوحش الدنيا عقب عينك عليّه

سمعتْ حبيب المصطفى جعدة اللعينه

وابقي الشهيد اِحسين من بعده ولينه

اُوجاتِ الحُميرا وقاتلتهم كُلّ القتال

اُو قالت أبد ما يندفن في بيتي اِمحال

لو تنفني عدنان كُلْها أول اُوتال

يحسين قلبي ممتلي منكُم ضغينه

ذاك الشهيد الْلي قتلتوه وسط داره

ملزوم هذا اليوم أنا أطلب اِبثاره

هذا قبر عثمان مبعد عن قراره

باقصى المدينة دافنينه

لا تشغلونا في حربكم يا مغاوير

تدرون ما أطلع أنا في ساعة الخير

وفي وسط بيتي تدفنون الحسن ما يصير

قلها أبو فاضل فلا اِحنا شايلينه

إحنا الحرايب والوقايع فننا دوم

يا ما فنينا اِصفوف واسفكنا من اِدموم

يحسين رخّصني أبا شهر سيفي اليوم

اُو نرغم اُنوف القوم لا تشمت علينه

قالوا بني عدنان ما يشفي لغلنا

يحسين خلنا اِنصول لو عن طبق نفنا

خلنا نتحالف كُلّنا اُو نوفي حلفنا

اُو عبّاس جاها اُو شاهر السيف ابيمينه

واِحسين قله بوالفضل دغمد اِحسامك

ما هوه يومك بوالفضل يومك أمامك

في يوم وقعة كربلا جرّد اِحسامك

يوم يجو ليك اِبطفلهم حاملينَه

نُوحي على الاُولاد يا زهرا الحزينَه

في كربلا واحد اُواحد في المدينه

واتفرقوا عنّك اُوصار الشّمل تبديد

واحد من اجعيدة قضى واحد من ايزيد

واحد دفن عنّك اُواحد عنّك ابعيد

قبر الحسن عندك اُو قبر اِحسين وينه

حطّوا يزهرا اليوم في دارك عزيّه

بالدار ناصبها غريب الغاضريّه

وانتي يزهرا بالصفايح مختفيّه

ليتك يزهرا اليوم حاله تنظرينه

يجدب الونه اُو ينظر ابعينه يتاماه

واِحسين عنده ينتحب ويصيح ويلاه

ليتك تشوفينه يودع جملة ابناه

واِحسين يبكي اُو بالدموع المقل عينه

ليتك تشوفين الحسن في صدر لحسين

اِمسندله ابصدره اُو يجرى مدمع العين

والكل منهم قابض الثاني بليدين

ويقول أمر كوّنه الباري علينه

ما قلت يا وارث اعلوم النبوّه

اقطع ولا تواصل عديمة هالمروه

إيّاك تاكل زاد جعدةهالعدوّه

خفنا اُومنها ما اَسلمنا ياولينه

قله شربت السم قبل الساعة أمرار

ولا شفت من هالحرارة عشر معشار

الماي لو منّي شربته ينقلب نار

ايقطع لكبدي مثل امواس السنينه

يحسين وا ويلاه من شيّ اَقاسيه

اَعظم على كبدي من اجراح المواسي

إلزم افّادي يا عزيزي اُوتاج راسي

ترا عضيدك فرقوا بينك اُوبينه

لهفي على سبط النّبي سمّوه لنذال

من زود حر السّم طاح الكبد في الحال

ما راح للمسجد قصد بيت الحزينه

قالت مهو معتاد هالساعة يجينه

معلوم يا فضّة اِنصبنا في ولينه

خوفي افتجعنا في ولينا بنت لندال

قلها يبنت المصطفى حالي مهو زين

سكتوا من الضجّة اُونادوا ليّه اِحسين

نادوا اُولادي واِخوتي والطالبيّين

قالت يخويه لا تفاولني اِبهالفال

أشفت غليل اِعداي بنت اَشقى البريّه

سكتوا من الصيحة اُونادوا حسين ليّه

مادري بعد يلحق لوما يلحق عليّه

ساعة ولن البيت ضايق ممتلي اِرجال

يبكي عليك الكرم يا أكرم هل الكون

يا أكرم الأجواد في ربعهِ المسكون

ما صار مثلك في الكرم أبداً فلا يكون

صاحتْ جميع الفقرا انقطعت الآمال

واِحسين جاله والنساء متحاولينه

اُو زينب اتنادي يا ولينا إنولينة

ما اُوحش الدنيا يبو محمّد علينه

أفنى اَهلنا الدهر ما بقى لنا اِرجال

صارت صوايح يا علي في بيتك اليوم

يا حيدر الكرّار في ثار الحسن قوم

شالوا الجنازة واقبلت ذيك العدوّه

اتنادي عليهم يا أهل بيت النبوّه

لا تدفنون الحسن في هالدار قوّه

ردّوا بولدكم من قبل يعداكم اللوم

اسمع حكيها اُو شمّر اذراعه العبّاس

اُوقالها يبنت الأوّل اللي سيّس الساس

سمعي جوابي اُو يسمعه الحاضر من النّاس

لازم حرايب لوليّه ترجع اليوم

عبّاس جاها اُو بالوعايد[ أرعد ]اِرعيد

ويقول قتّال الاُخو ما هو من اِبعيد

يحسين خلنا اليوم نفعل كلّما انريد

اُو ندفن اُوخونا بالغصب لو نُقتل اليوم

نادى عليهم يأهل السؤدد المنعوت

ليكون قتّال الاُخو إبثارنا ايفوت

حورب يقنبر في المدينة وارفع الصوت

وصيح يا ثارات الحسن هو ثاره اليوم

يهلي البكا والنوح ما هو فن الرجال

خلو البكا والنوح فن ربّات الحِجال

ولا الجباين ياهلي تدفع الآجال

والموت ما يأخذ أمس من عمره اليوم

قالت بني عدنان أبداً ما نشيله

ذاليوم حتّى ما يسيل الدم سيله

ردّي يبنت الأوّل اُوكوني ذليله

والّا حرايب لوليه ترجع اليوم

اِمن اقلوبنا يحسين ما تبرد غلايل

إلّا ابهيجة ضُمر اُوسلّت سلايل

والّا ابوقعة انخلّي فيها الدم سايل

ما تنفع الحسرة اُومش الدمع باكموم

ما تنفع الحسرة ولا يبرد لنا اغليل

إلّا ابهيجة ضمر اُوسلت مساليل

اووقعة فيها الدما يجري كما السيل

والسيف ياخذ راس كُلْ من يظهر اليوم

احنا ابجنازة اُو تشغلينا بالحرايب

واتعرفي بني عدنان ماضين الضرايب

والله لو آمر اندفنه بها لترايب

اندفنه اُولو تفنى بني هاشم اُو مخزوم

نادى اعليه حسين يازين السجايه

مثلك يخويه بوالفضل ما يطيش رايه

نقتل قتيلاً ما فعل فينا جنايه

شيلوا اُخوكم للقبر يعداكم اللوم

عبّاس يا خويه يبو النفس الأبيّه

فوّض يخويه أمرك الربِّ البريّه

واحنا يخويه امتابعين أمر الوصيّه

واسمعت اُخوك ايقول تركوا سفك لدموم

شالوا الجنازة اُوجات لهم بنت(١)

من فوق بغلتها تصكْ يمنه بلشمال

من حولها العسكر تحشّم تنتخيهم

ليكون اُولاد المرتضى اِيدفنوا أخيهم

باروح ويّاكم اُو با جرّح عليهم

ما يندفن جسم الحسن في بيتي اِمحال

من حين وصلتهم اُو نادتهم تشيلوه

يحسين شيلوا جسم اُخوكم لا تخلّوه

عثمان في أقصى المدينة اُوذا تدفنوه

في وسط بيتي يندفن هذا من اِمحال

أقبل محمّد اُويصفق اليسرى بليمين

يومٌ على ظهر الجمل لينا اِنتي لفيتين

اُو يومٌ على بغلٍ تحشمين

اُولولا الوصيّة اِمن الاُخو أبداً مينشال

ما تذكري يوم الجمل اخترق الصفوف

يا ما بطل خلّيت لا رأس ولا كفوف

وانكان ردّت للحرايب لفني اِصفوف

واَفعل فعايل تنذكر في أوّل اوتال

العبّاس لمّن سمعها أقبل إليها

والمرهف إبأيده اُوبغى يُومي عليها

واِحسين قلّه لا تدير الفكر ليها

دعها يبو فاضل ترى هي تايه البال

قلّه اُودمعه فوق وجناته تسيلي

يا سيّدي يا حسين ما تخلّي سبيلي

أشفي اِبها لساعة إبثاري غليلي

واَفعل فعايل تضرب اِبهالنّاس لمثال

نوحي على المسموم يا زهرا الحزينَه

نُوح الحمام اُوحشّمي أهل المدينه

حطّي عزا الاُولاد زهرا اُوشقّي الجيب

اُوخلّي مَد الأيام حزنك وانشري الشيب

واجري ادموعك فوق صحن الخدِّتسكيب

وانتين طول الدهر يا زهرا حزينه

لو تنظرين الحسن فوق الفرش مطروح

والسّم سرى بجسمه ويعالج نزعة الرُّوح

واِحسين عنده ينتحب والدمع مسفوح

يبكي عليه اُو يصفق اِشماله اُو ايمينه

ويقول يا ليت العمر لا طال بعدك

يا ليت حاضر ينظرك هاليوم جدّك

إيشوفك يخويه بالطّشت تايح لكبدك

يعز على جدْنا يخويه مَعْ أبونا

نادى الحسن يحسين دنِّ الطشت عندي

هالساع برمي بالطشت يحسين كبدي

صح الحديث الْلي وعدنا بيه جدّي

آنا أموت اِبسم وادفن في المدينه

لكن امصابك هوّن اِمصابي عليّه

يومٌ تسافر لا طفوف الغاضريّه

إهناك خويه اِرزيّتك أعظم رزيّه

كني اِبراسك فوق خطّي شايلينه

اُوكني اِبها لحُرّات تنعى فوق لكوار

من غير كافل يالاُخو ما بين كفّار

يا ليت ينظرها أبوها حامي الجار

اُو ينظر عليلَك فوق ناقة اِمقيدينه

يا ليتني ويّاك حاضر يوم الطفوف

أفدي اِبنفسي عن جنابك حرّ لسيوف

لكن أنا عندي وصيّه لك يملهوف

في يوم حربك زوّج الجاسم اسكينه

وداعة الله يا أبو محمّد يمسموم

رحت اُوبقي بعدك اُخوك اِحسين مهموم

واِحسين من كثر البكا ظل ايتأوّه

جعدة يزهرا من قَبل لينا عدوّه

قتلتْ أخونا المجتبى بالسّمِّ قوّه

والدين بعد اِفراق أبو الأيتام مهضوم

اِليبكي على فقدك ببو محمّد فلا يلام

يا مقصد الوفّاد يا كافل الأيتام

كمّ كتيبة طاعة ابسيفك يضرغام

بالسّم تموت اِنته وخوك اِحسين مظلوم

عندك وصيّة اِيقول اُخوك اِحسين لينه

ويقول لازم تعطي الجاسم اِسكينه

وقت الخروج اِيقود ناقتها ابيمينه

حتّى يباري حول سكنه واُمّ كلثوم

قلها اليحامي دونك الضرغام عبّاس

اِيقود ابيمينه زمام ناقتكم الفرّاس

واِنتي تعرفينه حليف الدرع والطاس

ويفرق القيمان لوهي مثل الغيوم

ليته معانا يوم نطلع بالضعينه

ويشوف جاسم نور يلمع من جبينه

في جنبه الأكبر اُو عبّاس ابيمينه

شايل البريق والهواشم حوله إتحوم

محلا علي لكبر يماشي ولد عمّه

يمشي اِبهمّه اُوهوّه قايد هودج اُمّه

اِتصير المدينة عقب طلعتهم امظلمَه

اُو يبقى محمّد من بعدهم شارب اُهموم

يَمّ الحسن مأجورة يَمّ الحسن مأجوره

غمّض عزيزك عينه يَمّ الحسن مأجوره

بدر طلع من برجه اُو عجّل عليه اِمغيبه

اُو هالوا عليه اِترابه يَمّ الحسن في طَيبه

ياهي عليكم فجعة اُوياهي عليك اِمصيبه

غمّض عزيزك عينه يَمّ الحسن مأجوره

طرّي اللحد يا زهرا اُو شوفي العزيز الغالي

اُوشوفي عضيده بعده ينعى اِبصوتٍ عالي

ظهري اِنكسر من بعدك يا يميني واِشمالي

هذا عزيز اُفّادك يَمّ الحسن مأجوره

والْلي اِبرباه إسهرتي وابفمه إتشمّينه

إيفجّر اِصخور الجلمد زهرا اِبكثر اُونينه

في الطشت تايح كبده يا ليتك تشوفينه

هذا عزيز اُفادك يَمّ الحسن مأجوره

ما تسمعين الصيحة والزلزلة والنادي

واِحسين عنده يبكي ظهري اِنكسرياسنادي

وأمّا الحزينة زينب تبكي اُوتحن واتنادي

غمّض عزيزك عينه يَمّ الحسن مأجوره

سمّه حرق لفاده اُوفي الطشت تايح كبده

واِحسين ينعي عنده ظهري اِنكسرمن بعده

يا لليت شفتي حاله زهرا اُو حضرتي عنده

غمّض عزيزك عينه يَمّ الحسن مأجوره

شيلي الصفايح قومي يَمّ الحسن نظري له

نصبي العزا في داره طول الدّهر وابكي له

إبنك يزهرا اِبشدّة وانتين ما جيتي له

غمّض عزيزك عينه يَمّ الحسن مأجوره

جبريل نادى في السما اُوهل الدمع دَم

يهل المدينة للزكي نصبوا المآتم

ثار السبط لمّن سمع صوت لمنادي

لَحّد يخويه اِنكسر ظهري يا سنادي

اِبفقدك يخويه شمْتت اِعلينا الأعادي

جاروا عليك اُوقطّعوا كبدك من السّم

ولا فتاة في خدرها اِمن المدينه

إلّا اُوطلعتْ تلطم الهامة حزينه

واِحسين حوله ما يبطّل من ونينه

اينادي انفصم ظهري يخويه يا غشمشم

كبدي قبل كبدك يخويه قطّعوها

اُوروحي قبل روحك يخويه ذوّبوها

اُوزينب اِبفقدك يا خليصي روّعوها

بالأمس اَبوها غاله الطاغي ابن ملجم

واَهل المدينة سمعوا الزهرا تنادي

ما جرمتي حتّى اتقاضوا من اُولادي

سُمّ أصاب ابني الحسن فتت اُفادي

اِيحق لي لزيد الحزن لبني واَبكي اِبدم

اُو زينب تلمّه في صدرها اُو تهمل ادموع

واتقول جسمي من اِفراقك صار موجوع

اُوجسّام منّه يا عضيدي إحتنت لضلوع

يصفق اِبراحة اُو على الخدّين يلطم

والله أنا قاسيت كُلْ اِمصاب أهلي

جدّي وبويه انقتل في فرضه يصلّي

ولا بقى غير السبط من جملة أهلي

في كربلا موعود جسمه ينخضب دم

وعبّاس نادى اُوشاهر السيف ابيمينه

اُوصوّت ثلاث أصوات في أرض المدينه

يا أهل الغيرة ثوروا الثارات أخونه

اُوخلّوا خيول العاديات اِتخوض بالدّم

نادى الحسن يحسين دنِّ الطشت منّي

ترى يخويه الكبد منّي فارقتني

والله ابهذا السم جعدةذوّبتني

كبدي تلظّت يا خليصي اِبوجة السّم

من حين راسه يا خلق للطشت دنّاه

كبده مع السم اِنزلت حين تقيّاه

صاح السبط لجْله اُوصرخ ويلاه ويلاه

يا ليت يومك قبل يومي ما تقدّم

جبريل نادى في السما يا زينب المحزونه

قومي إلى اُوداع الحسن من قبل ماتفقدونه

صارت صوايح في السماوالأرض في زلزالَه

اُو زينب لفت في ضجّه واُدموعها همّاله

بحسين أخوهانادت خُوك الحسن ماحالَه

قلها يزينب خونا وجهه تغيّر لونه

طاحت عليه اِتقبْله تبكي اِبصوتٍ عالي

يا خويه يا صيوانّه يا شيخ كُلْ اِرجالي

ضيعْتني يابن اُمّي الله اُو لَحْد يا لوالي

يا ليتني في قبرك قبلك أنا مدفونَه

فتّح اِعيونه اُونادى يحسين غمّض عيني

وقت المنيّة يالاُخو اُوصيك مد اِيديني

ليت الدهر ما فرّق ما بينك اُوما بيني

صوتي عقب هالساعةيحسين مااتسمعُونه

غمّض اِعيونه اِبروحه في حال نزعة روحه

من اِخوتَه واِعياله كثرة عليه الصّيحه

اُو زينب حزينة اِتنادي واِدموعهامسفوحه

هاليوم راح اسنادي اُو ظلّيت أنا محزونَه

وَوحش عليّه المنزل ووحش عليّه النادي

والبست ثوب الذله من يوم ارح اسنادي

في داعة الله رايح عنا يسبط الهادي

بالله يشيّال النعش خلّه هَله اِيودعونه

واِحسين ظل اِينادي والدمع منّه جاري

اِنته الضّمد يا خويه واِنته الهزبر الضّاري

اِنته تموت اِبسمّك وآنا الْلي أبقى عاري

في كربلا اِيذبحوني اُوراسي أنا ايشيلونه

أنا بغسل جسمك واَنا فلا لي غاسل

اُوجسمي يظل اِمجدّل والدم منّه سايل

نعشك أنا شيّاله اُونعشي فلا له شايل

ليتك ترى صيواني يوم العدى اِيحرقونه

مات الحسن يا زهرا ليتك حضرتي موتَه

ليتك حضرتي بدرك يوم أبلعتّه الحوتَه

ليتك حضرتي بدرك واِمنازعه واعلاجه

وامن الحشا طفّيتي نيرانه الوهّاجه

واَهل السما في ضجّة والنّاس في نزعاجه

والكُل يصيح اُويبكي ردّي القمر يا حوتَه

ليتك حضرتي بدر نور البدر من نُوره

حَوله جميع اُولاده وادموعهم منثوره

اُو بنت اجعيدة جذلانة مسروره(١)

اُو زينب تقوم اُو تقعد واِمن الحزن مبهوته

يا حور يهل الجنّة تنشدكم المحزونَه

قصر الزبرجَد لخضر لا منهوا تزينونه

قالوا الكبير اُولادك الحسن ما حَد دونه

ما تنظرين إلّا نسا راحت اِتعاين موته

طاحت يخويه كبدي واَلزم عليها بيدك

اِنته يخويه اِعضيدي واَنا يخويه اِعضيدك

آنا يخويه اشبيدي واِنته عليّ اشبيدك

كبدي أنا المتقطعة لو كبدك عليْ مفتوته

يحسين آنا وياكم باقي سواد الليله

واِمن الصبح يابن اُمّي نعش الاُخوباتشيله

نالوا المطالب فينا أهل الغدر والحيله

والموت لازم منّه مَن له سهم ما يفوته

آنا قضيت النوبة في الشربةِ المسمومه

واسّبِّبت في قتلي هالرجسة الميشومه

واقصورنا في الجنّة مبنيّة اُو معلومَه

قصري زبرجَد أخضر وقصرك إنتْ ياقوته

هذا قضى الله جاري والْلي وعدني جدّي

معلوم ثابت عندي بالسّم تقطّع كبدي

اُو هذا عليّه هيّن من حيث لنّك عندي

لكن مصابك يالاُخويدعي الكبد مفتوته

واِحسين ظلّ إينادي ابحرقة قلب وابلوعه

اِفراقك بعد يعضيدي خلا الكبد موجوعه

ياخوي بتخلّيني أحمل مذلّة اُوضيعه

اُوحزنك سطابافّادي اُوكبدي غدتْ مفتوته

حرّة عليك اُولوعة حرّة عليك اُولوعه

يا بني الحسن في قلبي حرّة عليك اُولوعه

حوّى أنا شافتني وآنا اشتكي واتلوّه

يابني بكى لك آدم يابني اُوبكتْ لكْ حوّى

كلما بغيت أتصبّر في اُوجوهم واتقوّى

حلّت عليك اِبقلبي حرّة عليك اُولوعه

أهلك كستها الرنّة وآنا كستني الرنّه

معتاد لن الفاقد النُّوح شغله اُوفنّه

وآنا هجست اِمصابك يابني ابوسطِ الجنّه

يابني الحسن صابتني حرّة عليك اُولوعه

وآنا كستني الرُّوعة واَهلك كستها الرُّوعه

معتاد لن الفاقد الحزن يحني اِضلوعه

وآنا اَصبحت في الجنّة يابني بك المفجوعه

حلّت عليك ابقلبي حرّة عليك اُولوعه

اِتمنّيت لني حاضرة يوم الكبد تقذفها

وآني أصك اِبكفّي اُو زينب تصكْ ابكفها

لَحد يراية عزّي دار الزمان اُولفْها

يا بني آنا صابتني حرّة عليك اُولوعه

هالدهر دون الاُمّة في عثرتي اِتقصّدني

ما صار مثلي فاقد ما حّد أصابه حزني

غالوا لشبلي الزاكي وامصيبته صابتني

في وسط لحدي حلّت حرّة عليك اُولوعه

يا حورماتخبروني باللي جرى اِعلى اُولادي

أصبحت أنا موجوعه من حرقةٍ بافّادي

واشوف دمع اعيوني يجري اعلى خدَي غادي

في وسط قلبي حلّت حرّة معاها لوعه

أصبحت اَنا مهمومة ولا عرفت السبّه

في وسط قلبي صارت نار غدتْ مشْتبّه

قالوا يزهرا سبطك نحبه قضاه اِبشربَه

بالسم تايح كبده وانتِ به المفجوعَه

نعش الحسن ريضوا به نعش الحسن ريضوا به

لجل الحزينة زينب نعش الحسن ريضوا به

بالهون في شيلتكُم بالهون في تنزيلَه

اِمشوا على مشيتنا والله اِطرحوه اِنشيله

طرحوا نعش والينا خلّو اليتامى اِتجي له

تتزود اِمن اُوداعه نعش الحسن ريضوا به

زينب تريد اِتشوفه اُو زينب تريد اِتْشمّه

اُو باتودّعه أيتامه قبل الْلحد ميضمّه

طرحوا نعش والينا باتجي العزيزة يمّه

لجل الحزينة زينب نعش الحسن ريضوا به

يا شايلي شيّاله اِمشوا على ممشانا

لا تزعجون الممشى واِمشو ابمهل ويّانا

ترب البقيع استبشر واحنا حرق لحشانا

لجل الحزينة زينب نعش الحسن ريضوا به

لا تسرعون الممشى بالهون با لشلتونه

اِمشواعلى مشي النّساحتّى اِنهم اِيحضرونه

ويودّعون اِجنازته من قبل ما تدفنونه

اُولجل الحزينة زينب نعش الحسن ريضوابه

اُوزينب ابحسرةاِتنادي بيك العدى صابوني

لَحد يسوري العالي خويه ويا نُور اِعيوني

اِتمنّيت أنا ياخويه من قبلك اِيدفنوني

لجلي اُولجل أيتامه نعش الحسن ريضوا به

يحسين اُخونا رايح بالعجل صَك اِمضيفَه

وامدارسه غلقوها اُوياه دفنوا سيفَه

اُوخلّوا دعي سفيانها يبطر اُو يعمل كيفَه

الإسلام ما طب قلبه الكفر لابس ثوبه

الغاضريّة ما مثلها الغاضريّه

فازت على الكعبة اُو سماوات العليّه

الغاضريّة اِتقول للكعبة اِنحطّي

عن شرفي بالْلي ثووا في جنب شطِّي

لجساد عندي اُوروسهم بالقنا الخطّي

واَرواحهم في حضرة القدس العليّه

قالت بدا منّك على المظلوم تقصير

ليتك نبعتي ماي يوم أنّه حفر بير

لو لم يكنْ إلّا رويتي الطفل لصغير

اُومنّه الشرف نلتي يأرض الغاضريّه

نزلوا على أرضك وانهتك بيها اِحماهُم

اُوماتوا عطاشى واِرتويتي من دماهم

لاويش فيك أطفالهم ماتوا اِبظماهم

والماي من شطّك تشربه بني اُميّه

قالت إليها ابهالحكي لا تخاطبيني

قصّري اِعتابك والعتب لا تعاتبيني

آثرني الله بالشرف ما تنظريني

عافك اُوطيبة عافها اُوجا قصد ليّه

آنا إلّا أرض ما سكن بيَّ الساكنْ

مالي اِسم معروف بين الناس لكنْ

لمّن نزلني اِحسين طابت بي الأماكنْ

فضلٌ من الله اُو فضل ذرّيّة نبيّه

وآنا الخلايق ما تفارقني ولا ساع

ترجى الجزا اِمن الله اُومن مكسور لضلاع

اُو تربي جعله الله شفا اِمن اِجميع لوجاع

من رحمةِ الباري اُومن جوده عليّه

ولا نبيّ ولا ملك إلّا أتاني

اُودون الأراضي بوعلي خصني اُوجاني

تعنّالي الزوّار من قاصي اُوداني

نلتْ الفخر من حلْ أبو السجّاد بيّه

يا كربلا كَم من مصايب فيكِ صارتْ

يا كربلا كم من مصونة فيكِ حارتْ

اِبحور العلم يا كربلا بارضِك توارتْ

اُو باقي البقية بوعلي شمس المضيّه

يا كربلا نلتي فخر دون الأراضين

اُو نلتي الشرف يا غاضريّة اِبذبحة اِحسين

تعنى لك الزوّار من كُلّ البلادين

لا وين يا زوّار قالوا الغاضريّه

لا وين يا زوّار قالوا أرض لطفوف

اِنزور الذي ظلوا بلا روسٍ ولا اِكفوف

واِحسين مرمي والعوادي فوقَه اِتْطوف

شالوا اِبراسه اُوظلّت الجثّة رميّه

اُو يوم القيامة اِيزلزل الباري الأراضين

واِنتي أمينة اِمن البلا ماشي تشوفين

كرامة للي ابتربكِ اِمعفّر الخدّين

والراس منّه اِنشال فوق السمهريّه

كُلْ الفخر نلتين ياَرض الغاضريّه

أرضك حوت لَقمار واشموس المضيّه

نلتي الثُّريا اُو بالأمس كنتي ثراها

اِباي وسيلة كربلا واِباي وجاها

قالت اِبدم سال في أرضي اُورواها

دم الشهيد اِحسين وارجال الحميّه

بالأمس انتي اتراب اُوصرتي اليوم تربه

تربك شفا المرضى عن اِعلاج الأطبّه

قالت اِبدم اِحسين وادموم الأحبّه

عمرت اقفاري اُودورهم ظلّت خليّه

آنا إلّا تربة من قبل ما كنت أنزار

أرض خليّه اُو ساكنيني اُوحوش لقفار

واليوم ارضي بالمشاهد تسطع أنوار

من كُلّ فجٍّ تعتني الزوّار ليّه

متهنيّة يا كربلا اِبما ربِّي أعطاك

نلتي فخر به تفتخر جملة الأملاك

لجل الذي بارضك قضى اُوعطّل الأفلاك

سبط النّبي اُو شمامة الزهرا الزكيّه

نلتين فخر كربلا ما اَحد ناله

ما نالته الكعبة ولا عرش الجلاله

اِحسين ظامي اُو بالعطش ماتت اَطفاله

والماي من شطِّك تشربه بنو اُميّه

أرضك ثوت أثمار فيها اُوغابت اِشموس

ياما جثث فوق الثّرى ظلّت بلا روس

واَرواحهم راحت إلى جنّة الفردوس

بانوارهم يا كربلا صرتي امضيّه

يا كربلا كم فيك صاحتْ من صوايح

يا كربلا كم فيك ناحتْ من نوايح

على غريب في اِترابك ظلّ طايح

وا حسرتي رضّت اِضلوعه الأعوجيّه

كُل الفخر نلتينه كُل الفخر نلتينه

يا كربلا من حظّك كُل الفخر نلتينه

أرض المدينة روضة اُو بغداد اَرضها روضه

ولا بلد نزلوها إلّا أرضها روضه

وانتي عليهم فزتي بالجثة الموضوضه

واِنتي عليهم فزتي ابجسم تضمنينه

طوبى إلك من تربة يالساطعة بانوارك

يوم القيامة الجنّة مكتوبه الزوّارك

هيهات ما يتحاسب من يندفن باِجوارك

اَكرام للي اتعفرت في تربتك خدّينه

وازيارتِك قال النّبي سبعين حجّة اِتعادل

ما تنقطع زوّارك منهم امقيم اُو شايل

يرجو الشفاعة من غريبٍ ظل دمه سايل

طوبى لهم لا مَن أتوا يوم الحشر يرجونه

لا بدّ ما يأتونه واِمن الجزا يجزيهم

من كُلّ هول اُوشدّة واِمن الفزع ينجيهم

حاشى على ابن المرتضى بالضّيق مايخلّيهم

كيف أنّهُ اِيخلّيهم اُوهم لهُ ايقصدونه

أمّا الألف آل النّبي اُو خير البريّه

والبا اِبعرصَت كربلا ذبحوا سويّه

والتا تفانت بالثرى اَنصار الحسين

والثا ثووا من غير تغسيل اُو تكفين

والجيم جدّد حزن باقلوب النساوين

والحاء حوى شبان وادي الغاضريّه

والخا خوافر بارزة من ذيك لخدور

والدال دكّت بالثرى شبّان واصقور

والذال ذوّب كبدَهم فقدان البدور

والرا رأتْ زينب إلى فقد الشفيّه

والزاي زيّد حزنهم نوح اليتامى

والسين ساقوا مخدّراته كالأيامى

والشين شبّوا نارهم وسطت اخيامهم!!

والصاد صبر اِحسين بارض الغاضريّه

والضاد ضاقت في فسحها ذيك لوهّاد

والطا طمّت وقعة كموج البحر مدّاد

والظا ظلّوا اِتدوسهم عسكر ابن زياد

والعين عرّيس اِنذبح في الغاضريّه

والغين غابت بالثرى أقمار غالب

والفاء فقد اِحسين شيّب للذوايب

والقاف قبل اِمسيرهم قاسوا مصايب

والكاف كافلهم على الغبرة رميّه

واللام لوعوا لليتامى قوم لنذال

والميم ماتوا من الظما واركوب لجمال

والنون نسوانٌ بقت من غير اِرجال

والواو والي الحرم كبده منفريّه

والها هواتف بالسما تبكي اُو تنادي

اُولام الألف لبنِ النّبي تبكي الشدادي

الله يدنيا كيف جازيتي الهادي

اُو باوقعة صارت إبارض الغاضريّه

عاشور هَلّ اِهلالَه عاشور هَلّ اِهلالَه

هلّت ادموع محمّدمن شاف هلّ اِهلالَه

إيقولون هلّ اِمحرّم واقبل لنا باحزانه

حزني على سلطان شال اُومشى ابشبانه

قاصد أراضي الغربة واَوحش علينا اَوطانه

وابقيت أحن اِبداري اُوعاشور هلّ اِهلاله

قالوا إليّه اتصبّروا إنته بعد تسليهم

قلهم فلا اتصبّر وبانصب مآتم ليهم

شبّان طلعوا عنّي هيهات أنا أسليهم

واعظم عليّه الليلة عاشور هلّ اِهلاله

قالوا إليّه تسلا إمن هالبكا واللوعه

واطلب عسى الله ايعوده واطلب من الله رجوعه

قلهم أبد والينا هيهات لينا اِرجوعه

هذي المدارس موحشة اُو عاشور هلّ اِهلاله

يا هي بقلبي امصيبة اُوياهي ابقلبي حسره

اتمنّيت أنا ويّاهم يوم الحرب والنّصره

ياما خليت اِسروجها يوم الجمل بالبصره

لكنْ قضى الله عاقني اُو عاشور هلّ اِهلاله

قالوا تسلا قلهم هيهات وين السلوه

أسلي وخويه منطرد عن دار جدّه قوّه

مادري اشصابهامن العدى والدهربيه اشسوى

شال ابحريمه واِخوته حتّى رضيعه شاله

واَنا الذي باحروبي كُلّ العدى ايعرفوني

يوم الجمل بالبصرة اُوصفّين ما ينكروني

يا ليت اَنا ويّاهم لازم ظهر ميموني

ما كاتب الله اُورايد أصير اَنا من اِرجاله

يا ليتني في الوقعة يوم الحرب ويّاهم

لَفعل فعايل ماجرت وافني ابسيفي اَعداهم

بالحرب أواسى اِخواني واتصبر روحي افداهم

لو كنت انا ويّاهم كنت العلم شيّاله

وانا الذي متهولني اِصفوف العدى اُوفرسانها

اُونفسي أبدما تكترث بابطالها اُو شجعانها

واَنا لهب بالغارة لو مَن ورث نيرانها

اُومنّي الفوارس تجفل في ملتقى الخيّاله

يبكي محمّد يوم قالوا هل لهلال

حنّ اُوتزفّر واصفك ليمنه بالشمال

قالوا تسلّا قال حاشا اَسلّي احسين

واسلّي إخواني الأربعة من اُم للبنين

واسلّي الجاسم واِخوته واسلّي العليّين

لَحّد يسلّيني ولا حدْ يطلب اِمحال

عندي خبر مثل الوحي ما فيه تكذيب

عندي من المعلوم لا شكّ ولا ريب

أنهُ يموت اُو ينذبح في كربلا اِغريب

كني اِبراسه شايلينه فوق عسّال

يا عونة الله اِعلى هضم تشتيتِ ليتام

يا غيرة الله ايسيّرون الحرم للشام

والله لا أفرح ولا اسلّي ولا اَنام

إشلون أنام الليل وانسى الدهر ميّال

راحت الدولة وانطوى الشاهر علمنا

لَحّد يخويه اُوفاتت الأعدا ابدمنا

مدري يخويه مِن بقي يرجع حرمنا

لهفي الخواتي ايركّبوها فوق لجمال

وانكان تبغون الخبر يهل المدينه

روحوا إلى قبر النّبي اُوسمعوا ونينه

ما تسمعونه اِيصيح سبطي ذابحينه

في كربلا اُو جملة اِخوانه اُو كُلّ لعيال

لا تنكروني تعرفوني ما انا اِردود

آنا محمّد والذي في الحرب معدود

لو كُنت حاضر كربلا كنت اروي العود

وافعل فعايل ما فعلها أوّل اُو تال

يا ما حملت العلَم قدّام السريّه

اُوياما بعد دارت دوايرها عليّه

ما فاتني إلّا الحرب بالغاضريّه

الله ياهى نصرة فازت اِبها اِرجال

إتمنّيت حاضر يوم تصطك الأسنّه

وارخت فوارسها لدى الهيجا الاعنّه

لا تحسبوني اِمن المرض جرّيت ونّه

لكن ذكرت الحال زينب ويا لطفال

يمتى يجي المندوب ويصيح البشاره

يهل المدينة زيّنوا الحسين داره

نذرٌ عليّه لعطي الطارش اِبشاره

وانشر بيارق في المدينة ايمين واشمال

لاحّد يسلّيني ترى مانا ابسالي

آنا مريض اِمن المرض مانا اِمبالي

واشوف منزل بوعلي يا ناس خالي

لَحّد يسلّيني ولا حدْ يطلب اِمحال

يبكي محمّد حين شاف اِهلال عاشور

حَنّ اُوتزفّر والدمع بالخد منثور

حينٍ تنظّر للهلال هل اِدموع عينه

حنّ اُوتزفّر واصفق اشمالَه ابيمينه

اينادي متى يحسين بتعودوا علينه

هذا قضى الله والذي سوّى المقدور

هذا قضى الله ما أحد يقدر يردّه

عندي خبر بالغاضريّة ما تعدّى

اُوضعن الحرم مِن يرجعه يا ناس بعدّه

مأجور يا حيدر علي باِحسين مأجور

الله يثيبك يا علي اُويحسن لك اِعزاك

باخبّرك حيدر ما بقي واحد من اَبناك

إتمنّيت روحي يا عزيزي راحت اِفداك

ويا بني عمّي اُوخوتي ذيك البدور

إيحق لي عقب عينك لخلّي النوح دأبي

والمرض موذيني واَنا ما انا اِمئابي

هذا قضى الباري علَي واللي جرى بي

أجذب الحسرة اُو مدمعي بالخدِّ منثور

اُو عندي الكبرى تنتحب واتقول عمّي

هلّ للمحرم يا شفيّه اُو زاد همّي

بس من نظرته جلب حسراتي اُو غمّي

اُو جاءتني الأحزان اُوعني راح لسرور

أقلها تسكّني من البكا لا تهيجيني

تدرين منّه زادت أحزاني اُوأنيني

مدري متى الأخبار عن خويه تجيني

يمتى يجيني خبر خوك اِحسين منصور

يبكي محمّد والدمع بالخدِّ منثور

يحسين ريّض الضّعن باودّع هلبدور

اِينادي يخويه والدمع بالخدِّ غدران

ريّض لضعن يحسين باودّع الشبّان

لاوين شايل يا بقيّة آل عدنان

يحسين من بعدك علينا موحشة الدور

اِتزفّر محمّد وانتحب واَهمل العبره

اُوضمّه ابصدر اُوحبّ راسه اُوشمّ نحره

اُونادي على اَخوانه اُوهو يجدب الحسره

دوروا على ايميني اُوعلى اِشمالي يلبدور

يا حسين اُوصيكم ترى هو علّة الكون

لَيكون يا نجوم السعد والعزِّ لا يكون

لو ضاقت احلفها عن الوالي تحيدون

جولوا على الأعداء اُوحوموا حوم للصقور

اِتزفّر أبو فاضل اُوصب الدمع هتّان

ما يحوج توصينا يخويه يوم لطعان

لازم يجيك الخبر طيبة بالذي كان

واتقر عينك من فعلنا اُو قلبك اينور

واِتزفّر العرّيس عنده اُو جدب ونّه

اُو ناداه ما يحتاج توصينا يعمنَه

هذا خلف بونا اُو هذا خلف جدّنه

والكُلّ قلبه بالفدا لحسين مسرور

واِتزفّر الأكبر اُوصب الدمع همّال

اُوناداه ما يحتاج توصينا يمفضال

ما تشوف مشيتنا عن اِيمينه اُو لشمال

سلّ القمر حفّت حوالي نوره اِبدور

واتواثبت اُولاد حيدر ترعد اِرعيد

اُونادوه ما يحتاج توصينا يصنديد

لا تخاف يوم الزعرعة عن عزّنا انحيد

تخسى العِدى تدناه يمحمّد يمبرور

اُو هذا الخبر عندك يبن حيدر يقيدوم

باتجى لك الأخبار باللي ايصير معلوم

مثل الصقور اِنحوم من فوق العدى حوم

بانزلزل الدّنيا اُوحتى الفلك ما يدور

ويش هالنخاوي يا محمّد ويش هلرجاف

لا يحتزنْ قلبك على اِعضيدك ولا يخاف

لو تبلغ الجيمان حدْها لا جبل قاف

ابعونة الله اِنخلي اِدماهم كما لبحور

حِطّ العزية اُو نوح يابن الحنفيّه

سافر عضيدك بو علي للغاضريّه

أوحشت يا لوالي منازلنا علينا

يا عزّنا العالي اُو ريحانة نبينا

الله يعودك يا ولينا للمدينه

اِسأل عسى ما تستوي الغَيبة بطيّه

الله يعودك للمنابر والمدارس

خلّيت ابيوتك والمساجد والمجالس

بعدك يبو السجّاد مَن للدين حارس

يا حامي الإسلام يا راعي الحميّه

خلّيت قلبي اِمن الحزن يحسين طاير

يمتى تجي للدار يا شيخ العشاير

ما ظنتي سيفك عن العدوان قاصر

كان القضاء بيحول دونك يا شفيّه

خذني معك يحسين من جملة اِرجالك

روحي اُو نفسي اُو عزوتي كُلّها فدا لك

خذني عن اِيمينك يخويه لو شمالك

قدّام عينك يا ولينا في السريّه

لا خير في الدنيا عقب فرقاك يحسين

اِشبيدي على دهري قصرني عَنَك يحسين

من عين صابتني عماها الله من عين

الله يعودك للمنازل يا شفيّه