امامين حسنين عليهما السلام ثقافتى اور فکر اسلامى - نيٹ ورک

تفسير راہنما جلد ۶

آیت ۹۱

( وَمَا قَدَرُواْ اللّهَ حَقَّ قَدْرِهِ إِذْ قَالُواْ مَا أَنزَلَ اللّهُ عَلَى بَشَرٍ مِّن شَيْءٍ قُلْ مَنْ أَنزَلَ الْكِتَابَ الَّذِي جَاء بِهِ مُوسَى نورا وَهُدًى لِّلنَّاسِ تَجْعَلُونَهُ قَرَاطِيسَ تُبْدُونَهَا وَتُخْفُونَ كَثِيرأى وَعُلِّمْتُم مَّا لَمْ تَعْلَمُواْ أَنتُمْ وَلاَ آبَاؤُكُمْ قُلِ اللّهُ ثُمَّ ذَرْهُمْ فِي خَوْضِهِمْ يَلْعَبُونَ )

اور ان لوگوں نے واقعى خذا كى قدر نہيں كى جب كہ يہ كہہ ديا كہ اللہ نے كسى بشر كجھ نہيں نازل كيا ہے تو ان سے پوچھئےكہ يہ كتاب جو موسى لے كر آئے تھے جونور اور لوگوں كے لئے ہدايت تھى اور جسے تم نے چند كاغذات بناديا ہے اور كچھ حصّہ ظاہر كيا اور كچھ چھپا ديا حالانكہ اس كے ذريعہ تمھيں وہ سب بتاديا گيا تھا جو تمھارے باپ دادا كو بھى نہيں معلوم تھا يہ سب كس نے نازل كيا ہے اب آپ كہہ ديجئے كہ وہ وہى اللہ ہے اور پھر انہيں چھوڑ ديجئے يہ اپنى بكواس ميں كھيلتے پھريں

۱_ جو لوگ بشر پر نزول وحى اور اسكے رسالت و نبوت حاصل كرنے كا انكار كرتے ہيں وہ خدا كو اس طرح نہيں پہنچانتے جس طرح پہنچاننے كا حق ہے_و ما قدرو الله حق قدره اذ قالوا ما انزل الله على بشر

۲_ وحى اور انسان كے مقام رسالت پر فائز ہونے كے انكار كا سبب خداوند عالم كے بارے ميں معرفت انسان كى كمى ہے_و ما قدروا الله حق قدره اذ قالوا ما انزل الله على بشر

۳_ ہر فرد كے بنيادى عقائد كى صحت خداوند كے بار ے ميں اسكى معرفت اور فكرى سطح كے ساتھ گہرا ربط ركھتى ہے_

و ما قدروا الله حق قدره اذ قالوا ما انزل الله على بشر من شيئ

چونكہ آيت ميں انكار رسالت كا سبب معرفت خدا كى كمى بتايا گيا ہے اور پھر اس عقيدے اور دوسرے عقائد ميں كوئي اصولى فرق نہيں ہے، بنابرايں تما م عقائد ميں اسى قسم كا رابطہ موجود ہے_

۴_ يہودى پيغمبر(ص) كى رسالت كا انكار كرنے كى وجہ سے، انسان پر ہر قسم كى وحى كے منكر ہوگئے ہيں _

اذ قالوا ما انزل الله على بشر من شيئ

۵_ صدر اسلام كے يہودي، دعوت پيغمبر(ص) كے مقابلے ميں غير منطقى اور ہٹ دھرمى پر مبنى موقف ركھتے تھے_

اذ قالوا ما انزل الله على بشر من شيئ

اس آيت كے بعد والے جملات قرينہ ہيں كہ يہ آيت يہوديوں كے بارے ميں نازل ہوئي ہے اگر چہ يہود، بظاہر نبوت موسى كے معتقد تھے اور دوسرے انبيائے الہى پر بھى اعتقاد ركھتے تھے_ لہذا بشر كے كسى بھى فرد پر نزول وحى سے انكارفقط بغض و دشمني، كى بناپر ہى ہوسكتاہے_

۶_ عصر پيغمبر(ص) كے يہوديوں كا بشر پر وحى نازل نہ ہونے كا دعوى ، نبوت موسىعليه‌السلام اور آپعليه‌السلام پر وحى كے نزول كے بارے ميں يہودى عقائد سے متناقض ہے_اذ قالوا ما انزل الله على بشر من شيء قل من انزل الكتب الذى جاء به موسى

۷_ موسىعليه‌السلام خداوندعالم كى جانب سے نازل شدہ كتاب (تورات) كے حامل تھے_قل من انزل الكتب الذى جاء به موسى

۸_ لوگوں كے (مختلف) طبقات كى ہدايات كرنا، انكے ليے (علم كي) روشنى پھيلانا اور (حقائق كي) وضاحت كرنا، تورات كى خصوصيات ميں سے ہے_الكتب الذى جاء به موسى نورا و هدى للناس

''نور'' كى اہم ترين خصوصيات ميں سے ايك روشنى ہے اور دوسرا اپنے پر اردگرد ميں موجود چيزوں كو روشن كرنا ہے_ تورات كى ان صفات كے ساتھ توصيف ظاہر كرتى ہے كہ يہ دونوں خصوصيات اس آسمانى كتاب ميں موجود ہيں _

۹_ كتاب ہدايت كى لازمى خصوصيت روشنى اور روشنى پھيلانا ہے_الكتب الذى جاء به موسى نورا و هدى للناس

۱۰_ تورات زمانہ بعثت ميں ، مكتوب اوراق كى صورت ميں موجود تھي_الكتب الذى جاء به موسى نورا و هدى للناس تجعلونه قراطيس

''قراطيس'' جمع ''قرطاس'' ہے جس كا معنى وہ

چيز ہے كہ جس پر لكھا جائے_ خواہ وہ چيز كاغذ كى جنس سے ہو يا چمڑے، ہڈى يا دوسرى چيزوں سے ہو_

۱۱_ يہودى علما تورات كے بعض حقائق لوگوں كے ليے بيان كرتے تھے جبكہ بہت سے حقائق لوگوں چھپاليتے تھے _

تجعلونه قراطيس تبدونها و تخفون كثيرا

۱۲_ يہودى علماء اپنى آسمانى كتاب (تورات) كے حقائق تك لوگوں كى دسترس اور رسائي كى راہ ميں ركاوٹ بنتے تھے_

هدى للناس تجعلونه قراطيس تبدونها و تخفون كثيرا

۱۳_ تورات ايسے حقائق پر مشتمل تھى كہ جنكا بيان كرنا يہودى علماكے مفادكے خلاف تھا_

تجعلونه قراطيس تبدونها و تخفون كثيرا

۱۴_ آسمانى كتابوں كے تمام حقائق اور معارف كو ہر قسم كے ذاتى مفاد سے ہٹ كر، لوگوں كے ليے بيان كرنا چاہيئے_

تجعلونه قراطيس تبدونها و تخفون كثيرا

تورات كے حقائق كے بارے ميں اپنى مرضى كے مطابق عمل كرنے پر علمائے يہود كى مذمت، تمام آسمانى كتابوں كے علماء كے ليے تنبيہہ ہے كہ ان (مقدس كتابوں ) كى تفسير و توضيح ميں اپنے شخصى ذاتى مفادات كو نظر ميں نہيں ركھنا چاہيئے_ بلكہ ان تمام حقائق سے لوگوں كو آگاہ كرنا چاہيئے جو ان كتابوں ميں ذكر ہوئے ہيں _

۱۵_ آسمانى كتابوں كے حقائق و معارف كا چھپانا ايك ناپسنديدہ اور قابل مذمت فعل ہے_

تجعلونه قراطيس تبدونها و تخفون كثيرا

۱۶_ علمائے يہود نے تورات كے بہت سے معارف و حقائق پنہان ركھ كر اس كى تحريف كى ہے_

تجعلونه قراطيس تبدونها و تخفون كثيرا

تورات كى بہت سى تحريروں كا لوگوں كى نظر سے چھپانے كا قدرتى نتيجہ يہ تھا كہ اس كے بہت سے حصے لوگ فراموش كر بيٹھے جس كے نتيجے ميں يہ آسمانى كتاب ناقص اور ادھورى شكل ميں لوگوں كے سامنے پيش كى گئي اور يہى ايك قسم كى تحريف كہلاتى ہے_

۱۷_ تورات كے نزول كے ساتھ يہوديوں كو نئے معارف و حقائق حاصل ہوئے_

و علمتم ما لم تعلموا انتم ولا اباؤكم

۱۸ _ تورات ايسے حقائق و معارف كى حامل تھى كہ جس سے نہ تو زمانہ پيغمبر(ص) كے يہودى آگاہ تھے اور نہ ہى ان كے آباؤ اجداد_و علمتم ما لم تعلموا انتم و لا اباؤكم

۱۹_ نزول تورات كے ساتھ، وحى كے ذريعے معارف بيان كرنے كا ايك جديد اور كامل مرحلہ شروع ہوا تھا_

و علمتم ما لم تعلموا انتم و لا اباؤكم

جملہ ''و لا اباؤكم'' بظاہر يہود كے آبا و اجداد كے تمام طبقات كو شامل ہے_ چونكہ بنى اسرائيل كے باپ دادا، انبيائے الہى ميں سے تھے اور ان كا سلسلہ ابراہيمعليه‌السلام اور نوحعليه‌السلام تك پہنچتاہے_ احتمال ہے كہ جو كچھ تورات ميں بيان ہوا ہے جملہ ''و لا اباؤكم'' كے مضمون كے مطابق، گذشتہ كتابوں ميں بيان نہيں ہوا، لہذا تورات اس سلسلے ميں ايك جديد و ترقى يافتہ نظريہ كى حامل ہے_

۲۰_ تورات ايسے معارف پر مشتمل تھى كہ جن سے بشر بغير وحى كے آگاہ نہيں ہوسكتاتھا_

و علمتم ما لم تعلموا انتم و لا اباؤكم

۲۱_ خدا (ہي) موسىعليه‌السلام پر كتاب تورات نازل كرنے والا ہے_قل من انزل الكتب الذى جاء به موسى قل الله

۲۲_ آسمانى كتابوں كا، انسانى علوم و تعليمات كى ترقى ميں عظيم كردار ادا كرنا_و علمتم ما لم تعلموا انتم و لا اباؤكم

۲۳_ تورات كا نزول، پيغمبر اسلام(ص) پر وحى نازل ہونے پر ايك دليل ہونے كے علاوہ بشر پر نزول وحى كے منكرين كے بطلان پر بھى گواہ ہے_اذ قالوا ما انزل الله على بشر قل من انزل الكتب قل الله

۲۴_ پيغمبر(ص) كا وظيفہ ہے كہ ان آيات ميں بيان شدہ مقدار سے زيادہ يہوديوں سے بحث و مباحثہ نہ كريں _

قل الله ثم ذرهم فى خوضهم يلعبون

مذكورہ آيت خود بخود يہوديوں كے خلاف دليل لارہى ہے اور جملہ ''ثم ذرھم'' يہود سے ترك احتجاج كا حكم دے رہاہے_ ان دونوں جملوں ميں جمع كا تقاضا يہ ہے كہ احتجاج (حجت و دليل پيش كرنا) مذكورہ حد تك ہونا چاہيئے اور اس سے زيادہ نہيں

۲۵_ جو لوگ جان بوجھ كر اور عناد و ہٹ دھرمى كى بنا پر حقائق كا انكار كرتے ہيں ان كى كوئي كى قدر و منزلت نہيں _

ما انزل الله على بشر قل الله ثم ذرهم فى خوضهم يلعبون

كلمہ ''ذر'' ان مواقع پر استعمال ہوتاہے كہ جب كسى چيز كو حقير ہونے كى بناپر چھوڑ كر اس سے گذر جائيں يہ آيہ مباركہ بھى ان يہوديوں سے بحث و مباحثہ ترك كرنے كا فرمان دے رہى ہے كہ جو پيغمبر(ص) سے عناد و دشمنى كى وجہ سے بشر پر نزول وحى كے ہى منكر ہوگئے ہيں _ لہذا ان كى حقارت و پستى كى وجہ سے يہ كلمہ (ذر) استعمال كيا گيا ہے_

۲۶_ضد اور عناد ركھنے اور حق كو قبول نہ كرنے والے افراد سے بحث و مجادلہ كرنے سے پرہيز كرتے ہوئے فقط (پيام حق) كے ابلاغ پر ہى اكتفا كرنا چاہيئے_قل الله ثم ذرهم فى خوضهم يلعبون

۲۷_ وحى اور رسالت كى مخالفت كرنے والے ضدى اور ہٹ دھرم افراد كا مجادلہ اور بحث و تكرار بے بنياد اور ايك كھيل تماشا ہے_قل الله ثم ذرهم فى خوضهم يلعبون

۲۸_ بے نتيجہ بحث و تكرارسے بچتے ہوئے، دين كے خلاف پيدا كيئے گئے شبہات كا جواب دينا ضرورى ہے_

اذ قالوا ما انزل الله قل الله ثم ذرهم فى خوضهم يلعبون

۲۹_ دين ميں مغالطہ ڈالنے والے ضدى اور ہٹ دھرم افراد كو اپنى گمراہى كى حالت ميں آزاد چھوڑ دينا چاہيئے_

اذ قالوا ما انزل الله قل الله ثم ذرهم فى خوضهم يلعبون

آسمانى كتب :آسمانى كتابوں كا كردار۲۲; آسمانى كتابوں كى تعليمات كى تبليغ ۱۴

آنحضرت(ص) :آنحضرت (ص) پر وحى كا نزول ۲۳;آنحضرت (ص) كا يہود سے احتجاج ۲۴; آنحضرت(ص) كى ذمہ دارى ۲۴; آنحضرت(ص) كى رسالت كو جھٹلانے والے ۴

احتجاج :يہود سے احتجاج كا ترك كرنا ۲۴

اديان :تعليمات اديان ميں ارتقائ۱۹

اہميت:اہميتسے مفقود لوگ ۲۵

تبليغ :تبليغ ميں مصلحت انديشى ۱۴

تورات :تاريخ تورات ۱۰; تحريف تورات ۱۶; تعليمات تورات ۱۷، ۱۸، ۱۹، ۲۰; تورات اور صدر اسلام ۱۰; تورات كا پنہان كرنا ۱۳;تورات كا كردار ۱۹;

تورات كا نزول ۱۲،۲۳; تورات كا وحى ہونا ۷،۲۱; تورات كا ہدايت كرنا ۸;تورات كى خصوصيت ۸; تورات كى نورانيت ۸; تورات ميں جدت ۱۷

جہالت :خدا سے لا علم ہونے كے آثار ۲

حق :حق قبول نہ كرنے والوں كى ہٹ دھرمى ۲۶; حق كو جھٹلانے والوں كا بے وقعت ہونا ۲۵; حق كو چھپانے پر مذمت۱۵; حق كو عمداً جھٹلانا۲۵; حق كو قبول نہ كرنے والوں سے نپٹنے كا طريقہ ۲۶

خدا تعالى :افعال خدا ۲۱;خداشناسى كے آثار ۳

دانش :علم و دانش كى رشد و ترقى كے علل و اسباب ۲۲

دين :دين كى حفاظت ۲۸; دينى تعليمات كو چھپانے پر سرزنش ۱۵

شبہات :شبہات كا جواب ۲۸

عقيدہ :صحيح عقيدے كے علل و اسباب ۳

علم :علم كے آثار ۳، ۲۵

علمائے يہود :علمائے يہود اور تورات ۱۱، ۱۲، ۱۶; علمائے يہود اور حق چھپانا ۱۱، ۱۲، ۱۳، ۱۶;علمائے يہود كا تحريف كرنا ۱۶; علمائے يہود كى روش تبليغ ۱۱;

عمل :ناپسنديدہ عمل ۱۵

كتاب ہدايت :كتاب ہدايت كى خصوصيت ۹

مجادلہ :مجادلے سے اجتناب ۲۸; حق قبول نہ كرنے والوں سے ترك مجادلہ ۲۶

مغالطہ :دين ميں مغالطہ ڈالنے والوں سے روگردانى ۲۹; دين ميں مغالطہ ڈالنے والوں كى ضد ۲۹;دين ميں مغالطہ ڈالنے والوں كى گمراہى ۲۹

موسىعليه‌السلام :

كتاب موسىعليه‌السلام ۷; موسىعليه‌السلام پر وحى ۲۱

نبوت :مخالفين نبوت كا بے منطق ہونا ۲۷; نبوت بشر كو جھٹلانے كے علل و اسباب ۱، ۲، ۴; نبوت بشر كے جھٹلانے والے ۱، ۶، ۲۳

وحى :تكذيب وحى كے اسباب ۱، ۲;مخالفين وحى كا بے منطق ہونا ۲۷; مخالفين وحى كى ہٹ دھرمى ۲۷; مكذبين وحى ۱، ۴، ۶; نزول وحى كے دلائل ۲۳; وحى كا كردار ۲۰

ہٹ دھرمى :ہٹ دھرمى كے آثار ۲۶

يہود :صدر اسلام كے يہود كا عقيدہ ۶; صدر اسلام كے يہود كا مؤقف ۵;صدر اسلام كے يہودكى جہالت ۱۸;صدر اسلام كے يہود كى لجاجت۵; عقيدہ يہود ۴;عقيدہ يہود ميں تناقض ۶; يہود اور تكذيب محمد(ص) ۴; يہود اور تورات ۱۷، ۱۸; يہود اور محمد(ص) ۵; يہود اور نبوت بشر ۴، ۶; يہود اور نبوت موسىعليه‌السلام ۶

آیت ۹۲

( وَهَـذَا كِتَابٌ أَنزَلْنَاهُ مُبَارَكٌ مُّصَدِّقُ الَّذِي بَيْنَ يَدَيْهِ وَلِتُنذِرَ أُمَّ الْقُرَى وَمَنْ حَوْلَهَا وَالَّذِينَ يُؤْمِنُونَ بِالآخِرَةِ يُؤْمِنُونَ بِهِ وَهُمْ عَلَى صَلاَتِهِمْ يُحَافِظُونَ )

اور يہ كتاب جحو ہم نے نازل كى ہے يہ بابركت ہے اور اپنے پہلے والى كتابون كى تصديق كرنے والى ہے اور يہ اس لئے ہے كہ آپ مكہ اور اس كے اطراف والوں كو ڈارئيں اور جو لوگ آخرت پر ايمان ركھتے ہيں وہ اس پر ايمان ركھتے ہيں اور اپنى نماز كى پابندى كرتے ہيں

۱_قرآ ن ا پنے زمانہ نزول كے دوران ميں ، يہانتك كہ مكہ كے لوگوں ميں بعنوان ''كتاب'' پہچانا جاتا تھا_

و هذا كتب انزلنه

۲_ قرآن خداوند متعال كى جانب سے نازل شدہ اور

ايك عظيم كتاب ہے_و هذا كتب انزلنه

۳_ قرآن ايك گراں قدر، عالى رتبہ اور مبارك كتاب ہے (كہ جو رشد و تكامل بخشنے والى اور خير كثير كى حامل ہے)_

و هذا كتب انزلنه مبارك

''بركة'' يعنى رشد اور كثرت (لسان العرب) اور ''مبارك'' وہ چيز كہ جس ميں بركت ہو (مفردات راغب)

۴_ نزول قرآن، بشر پر وحى نازل نہ ہونے كے دعوى كے بطلان پر دوسرا گواہ ہے_

ما انزل الله على بشر من انزل الكتب الذى جاء به موسى و هذا كتب

۵_ قرآن، سابقہ آسمانى كتابوں كى صداقت پر گواہ ہے_مصدق الذى بين يديه

۶_ تمام آسمانى كتابيں مشتركہ اہداف اور اصول كى حامل ہيں _مصدق الذى بين يديه

سابقہ آسمانى كتابوں كى تصديق كے لوازم ميں سے ايك يہ بھى ہے كہ وہ اصول و مبانى ميں ايك دوسرے كى ضد نہ ہوں _ كيونكہ اگر ايسا نہ ہو يعنى ان ميں تضاد پايا جاتا ہو تو وہ ايك دوسرے كى تصديق نہيں كرسكتى بلكہ ايك دوسرے كى نفى كرنے والى ہوں گي_

۷_ نزول قرآن اور بعثت پيغمبر(ص) ، گذشتہ آسمانى كتابوں ميں ايك غيبى خبر كے عنوان سے ثبت شدہ تھي_

و هذا كتب انزلنه مبارك مصدق الذى بين يديه

''مصدق'' كے احتمالى معانى ميں سے ايك ''قرآن اور پيغمبر(ص) كے آنے كے بارے ميں گذشتہ كتابوں ميں موجود اخبار كى تصديق ہے'' يعنى اس لحاظ سے كہ يہ خبريں ان قديمى كتب ميں موجود تھيں ، نزول قرآن اوربعثت پيغمبر(ص) نے ان خبروں كى صداقت كو ظاہر كرديا ہے_

۸_ نزول قرآن كے مقاصد ميں سے ايك مكہ (ام القرى ) كے لوگوں اور اس كے اطراف ميں بسنے والوں كو انذار كرنا (يعنى عذاب الھى سے ڈرانا) ہے_و هذا كتب ؤ لتنذر ام القرى و من حولها

۹_ شہر مكہ كى آبادى كا قديم ہونا_و لتنذر ام القرى و من حولها

بظاہر ''ام القري'' سے مراد، شہر مكہ ہے_ خداوند عالم كى جانب سے اس نام كا استعمال ہونا، مكہ كى اور اس كى آبادى اور اس ميں معاشرے كى تشكيل و شہرى زندگى كى قديم ہونے كى دليل ہے_

۱۰_ قرآن تمام دنيا والوں كو انذار كرنے كيلئے نازل ہوا تھا يہ كسى خاص جگہ تك محدود نہيں ہے_

و لتنذر ام القرى و من حولها

''ام القري'' كا استعمال توصيفى صورت ميں مكہ كے ليے ہونے كے باوجود دوسرے شہروں اور علاقوں كى جانب بھى متوجہ ہے_ اور پھر ''من حولھا''كا الحاق ، كہ جو تمام دوسرے علاقوں (ممالك) كو بھى شامل ہے، اس سے ظاہر ہوتاہے كہ اسلام اور قرآن كى دعوت تمام لوگوں اور تمام علاقوں كے ليے ہے_

۱۱_ ظہور اسلام كے اوائل ميں شہر مكہ سرزمين حجاز كا مركز تھا_و لتنذر ام القرى و من حولها

۱۲_ تبليغ و انذار كے دوران، مركزى حيثيت كے حامل علاقوں كو اولويت اور اہميت دينا ضرورى ہے_

و لتنذر ام القرى و من حولها

۱۳_ قرآن اور آسمانى اديان كى جانب رجحان پيدا كرنے ميں آخرت پر ايمان ركھنے كا بنيادى كردار_

و هذا كتب والذين يؤمنون بالاخرة يؤمنون به

۱۴_ قرآن اور اسلام كے بارے ميں لوگوں كے عقائد كى بنيادوں كا استحكام، آخرت پر ان كے ايمان كى مضبوطى كے ذريعے ہى ميسر ہے_والذين يؤمنون بالآخرة يومنون به

۱۵_ قرآن پر ايمان ركھنے والے مؤمنين كى خصوصيات ميں سے ہے كہ وہ اپنى نماز كى پابندى كرتے ہيں _

والذين يؤمنون بالاخرة يومنون به و هم على صلاتهم يحافظون

۱۶_ آخرت پر ايمان، نماز كى حفاظت اور اہتمام كا پيش خيمہ ہے_

والذين يؤمنون بالآخرة يومنون به و هم على صلاتهم يحافظون

۱۷_ نماز، صدر اسلام ميں عملى طور پر مسلمان ہونے كى كھلى علامت تھي_

والذين يؤمنون بالاخرة يومنون به و هم على صلاتهم يحافظون

آسمانى كتابيں :آسمانى كتابوں كا آپس ميں ہم آہنگ ہونا ۶; آسمانى كتابوں كى پيش گوئي ۷; آسمانى كتابوں كى حقانيت كے گواہ ۵

آنحضرت(ص) :آنحضرت(ص) آسمانى كتابوں ميں ۷

ام القرى : ۸

ايمان :آخرت پر ايمان كى اہميت ۱۳، ۱۴;آخرت پر ايمان كے آثار ۱۴، ۱۶; اسلام پر ايمان ۱۴; ايمان ميں اضافے كے علل و اسباب ۱۴; قرآن پر ايمان ۱۴; متعلق ايمان ۱۳، ۱۴، ۱۶

تبليغ :تبليغ ميں اوليت ۱۲; مركزى علاقوں ميں تبليغ ۱۲

جزيرة العرب :جزيرة العرب كا مركز ۱۱

ڈرانا :ڈرانے ميں اوليت ۱۲; لوگوں كو ڈرانا ۱۰

رشد :رشد و ترقى كے اسباب ۳

قرآن :آسمانى كتب ميں قرآن ۷ ; صدر اسلام ميں قرآن ۱;قرآن كا عالمگير ہونا ۱۰; قرآن كا كردار

۳،۴، ۵، ۸ ; قرآن كا نزول ۲،۴; قرآن كا وحى ہونا ۲; قرآن كا ہدايت كرنا۳ ; قرآن كى بركت ۳; قرآن كى تاريخ ۱; قرآن كى خصوصيت ۱۰; قرآن كى عظمت ۲،۳; قرآن كى گمراہى ۵; قرآن كے نزول كا فلسفہ ۸،۱۰

مسلمان :صدر اسلام كے مسلمانوں كى نشانياں ۷

مكہ :تاريخ مكہ ۹، ۱۱; مكہ كى آبادكارى ۹;مكہ كى مركزيت ۱۱;مكہ كے لوگوں كو انذاز ۸;

مومنين :مومنين كى خصوصيت ۱۵

نبوت :نبوت بشر كى تكذيب ۴

نماز :اہميت نماز ۱۷; نماز كا اہتمام ۱۵; نماز كے اہتمام كا پيش خيمہ۱۶

آیت ۹۳

( وَمَنْ أَظْلَمُ مِمَّنِ افْتَرَى عَلَى اللّهِ كَذِباً أَوْ قَالَ أُوْحِيَ إِلَيَّ وَلَمْ يُوحَ إِلَيْهِ شَيْءٌ وَمَن قَالَ سَأُنزِلُ مِثْلَ مَا أَنَزلَ اللّهُ وَلَوْ تَرَى إِذِ الظَّالِمُونَ فِي غَمَرَاتِ الْمَوْتِ وَالْمَلائكَةُ بَاسِطُواْ أَيْدِيهِمْ أَخْرِجُواْ أَنفُسَكُمُ الْيَوْمَ تُجْزَوْنَ عَذَابَ الْهُونِ بِمَا كُنتُمْ تَقُولُونَ عَلَى اللّهِ غَيْرَ الْحَقِّ وَكُنتُمْ عَنْ آيَاتِهِ تَسْتَكْبِرُونَ )

اور اس سے بڑا ظالم كون ہوگا جو خدا پر جھوٹا الزام لگا ئے يا اس كے نازل كئے بغير يہ كہہ دے كہ مجھ پر وحى نازل ہوئے ہے اور جو يہ كہہ دے كہ ميسں بھى خدا كى طرح باتيں نازل كر سكتا ہوں اور اگر آپ ديكھتے كہ ظالم موت كى سختيوں ميں ہيں اور ملائكہ اپنے ہاتھ بڑھائے ہوئے آواز دے رہے ہيں كہ اب اپنى جان نكال دو كہ آج تمھيں تمھارےجھوٹے بيانات اور الزامات پر رسوائي كا عذاب ديا جائے گا كہ تم آيات خدا سے انكار اور استكبار كررہے تھے

۱_ خداوندعالم پر افتراسب سے بڑا ظلم اور عظيم ترين گناہ ہے_و مَن اظلم ممن افترى على الله كذبا

۲_ سب سے بڑے ظالم لوگ وہ ہيں جو خدا كى طرف جھوٹى نسبت ديتے ہيں اور اس پر افترا باندھتے ہيں _

و من اظلم ممن افترى على الله كذبا

۳_ بشر پر نزول وحى كا انكار كرنا، خداوند عالم پر افترا باندھنے كے مترادف ہے_

ما انزل الله على بشر من شيئ و من اظلم ممن افترى على الله كذبا

۴_ كسى بھى انسان پر وحى نازل نہ ہونے كا دعوى كرنے كے سبب يہودى سب سے بڑے ظالم ہيں _

اذ قالوا ما انزل الله على بشر من شيئ و من اظلم ممن افترى على الله كذبا

۵_ اپنے اوپر نزول وحى كا جھوٹا دعوى كرنے والے ظالم ترين لوگ ہيں _

و من اظلم او قال اوحى الى و لم يوح اليه شيئ

۶_ وحى اور آسمانى كتابوں جيسى (كتاب اور وحي) لانے كا دعوي، سب سے بڑا ظلم ہے_

و من اظلم و من قال سانزل مثل ما انزل الله

۷_ وحى اور آسمانى كتب جيسى (كتاب اور وحي) لانے كى كسى فرد ميں بھى طاقت نہيں _

و من قال سانزل مثل ما انزل الله

۸_ ظلم گناہوں كى قباحت كا اندازہ معين كرنے كا معيار ہے اور اسكے مراتب ہيں _

و من اظلم ممن افترى على الله كذبا

''اذنب'' اور ''اعصي'' كى جگہ ''اظلم'' كا كلمہ انتخاب كرنے كا مقصد ہو سكتا يہ ہو كہ اول افترا كے ظلم ہونے كى وضاحت كے جائے دوم يہ كہ افترا اور جھوٹ كے گناہ كى جڑ اور بنياد ہونے كى جانب اشارہ كيا جائے، بنابرايں ، ظلم، گناہ كى پہچان اور اسكے مراتب معين كرنے كا ايك معيار ہے_

۹_ اسلام اور پيغمبر(ص) كے خلاف جنگ كرنے كے ليے، مخالفين كے طريقوں ميں سے ايك وحى كے نازل نہ ہوسكنے كا دعوى كرنا ، نبوت كا جھوٹا دعوى كرنا اور قرآن كى نظير لانے كا دعوى كرنا ہے_

ما انزل الله على بشر افترى على الله كذبا او قال اوحى الى سانزل مثل ما انزل الله

۱۰_ خداوند پر جھوٹ اور افترا باندھنے والے لوگ جان كنى كے وقت، انتہائي سخت حالت سے دوچار ہوں گے_

و من اظلم ممن افترى و لو ترى اذا الظلمون فى غمرات الموت

۱۱_ قرآن جيسى كتاب لانے كا دعوى كرنے والے اور وحى كے جھوٹے مدعى احتضار كى حالت ميں سختى اور بہت مشكل ميں گرفتار ہونگے_اوحى اليّ و لم يوح اليه شيء و من قال و لو ترى اذا الظلمون فى غمرات الموت

۱۲_ بڑے بڑے ظالموں كى اخروى سزا اور عذاب كا آغاز جان كنى كے ابتدائي لحظات سے ہى ہوجائےگا_

و لو ترى اذا الظلمون فى غمرات الموت

۱۳_ بڑے بڑے ظالموں كى جان كنى كا منظر، عبرت آموز اور ديكھنے كے قابل ہے_

و لو ترى اذ الظلمون فى غمرات الموت

۱۴_ بعض فرشتے، بنى آدم كى جان لينے ميں ، خداوند عالم كے كارندے ہيں _

و لو ترى اذ الظلموت فى غمرات الموت و الملاء يكة باسطوا ايديهم

۱۵_ ملائكہ، ظالموں كى جان پورى طاقت اور سختى كے ساتھ قبض كرتے ہيں _

و لو ترى اذ الظلموت فى غمرات الموت و الملاء كة باسطوا ايديهم

جملہ''باسطوا ايديهم'' ممكن ہے اس قدرت اور شدت كے ليے كنايہ ہو جسے ملائكہ ظالموں كى قبض روح كے وقت كام ميں لاتے ہيں _

۱۶_ ارواح قبض كرنے والے ملائكہ ايسے ہاتھوں كے حامل ہيں جنہيں وہ ظالموں كى جان ليتے وقت پھيلا ديتے ہيں _

اذ الظلمو فى غمرات الموت و الملاء كة باسطوا ايديهم

۱۷_ ظالمين، اپنے آپ كو موت كى سختى اور اسكے بعد ذليل و خوار كرنے والے عذاب سے نجات نہيں دلوا سكتے_

والملئكة باسطوا ايديهم اخرجوا انفسكم اليوم تجزون عذاب الهون

جملہ ''اخرجوا انفسكم'' ظالموں سے ملائكہ كا خطاب ہے كہ اگر اس مہلكہ سے اپنے آپ كو نجات دلواسكتے ہو (تو نجات حاصل كرو) ملائكہ كا يہ كلام مذاق اور ظالموں كے عجز كى بنا پر ہوگا_

۱۸_ روح قبض كرنے والے ملائكہ كا ظالموں كى جان ليتے وقت ان سے تمسخر كرنا اور ان كا موت سے نجات پانے كے بارے ميں انكے عجز و ناتوانى كا اظہار كرنا_اخرجوا انفسكم اليوم تجزون عذاب الهون

۱۹_ روح، انسان كى اصلى حقيقت ہے اور اس كے بدن سے نكل جانے كے ساتھ موت واقع ہوتى ہے_

اخرجوا انفسكم ممكن ہے ملائكہ نے ظالموں كو ان كى جانيں نكالنے كے فرمان ديتے ہوئے ''اخرجوا انفسكم'' كہا ہو_ اس صورت ميں چونكہ ''روح'' پر ''نفس'' كا اطلاق كيا گيا ہے_ لہذا يہ روح كى اصالت اور انسانى وجود ميں اسكے بنيادى كردار كا بيان ہے_

۲۰_ برزخ ميں ذليل و خوار كرنے والا عذاب ،خدا كے بارے ميں غلط باتوں كى نسبت دينے اور اس پر افترا باندھنے كى سزا ہے_اليوم تجزون عذاب الهون بما كنتم تقولون

على الله غير الحق

۲۱_ آيات الھى كے مقابلے ميں تكبّر كرنے كا نتيجہ موت كے بعد (برزخ ميں ) ذلت آميز عذاب كا سامنا كرناہے_

اليوم تجزون عذاب الهون كنتم عن ايته تستكبرون

۲۲_ انسان كو چاہيئے كہ وہ خدا كے بارے ميں اپنى زبان اور باتوں كى طرف دھيان ركھے_

بما كنتم تقولون على الله غير الحق

۲۳_ خداوند عالم كے بارے ميں ناحق بات كہنے كا نتيجہ سنگين عذاب ہے_بما كنتم تقولون على الله غير الحق

۲۴_ خداوند پر جھوٹ باندھنا، وحى دريافت كرنے كا جھوٹا دعوى كرنا اور قرآن كى مانند كتاب لانے كا دعوى كرنا، ايك ناحق بات ہے_ممن افترى على الله كذبا او قال بما كنتم تقولون على الله غير الحق

۲۵_ ظالم اور مستكبر لوگ، برزخ ميں عذاب الہى ميں گرفتار ہونگے_

و لو ترى اذ الظلمون اليوم تجزون عذاب الهون بما كنتم عن اى ته تستكبرون

بظاہر ''اليوم'' سے مراد، موت كے بعد اور قيامت سے پہلے كا زمانہ ہے جسے برزخ كہتے ہيں _

۲۶_ غرور اور تكبر كرنا، خداوند كے بارے ميں ناحق بات كہنے كا پيش خيمہ ہے_

بما كنتم تقولون على الله غير الحق و كنتم عن اى ته تستكبرون

۲۷_ آخرت ميں اعمال كى جزا، عمل كرنے والے كى كيفيت عمل اور نيت كے مطابق ہے_

اليوم تجزون عذاب الهون كنتم عن ايته تستكبرون

خداوندعالم ، ظالموں كى استكبارى نفسيات اور تكبر و غرور كے مقابلے ميں ، انھيں ذلت آميز عذاب كى خبر ديتاہے_

۲۸_عن ابى جعفر عليه‌السلام : ''و من اظلم ممن افترى على الله كذبا ...'' قال : من ادعى الامامة دون الامام (۱)

امام محمد باقرعليه‌السلام سے '' و من اظلم '' كے بارے ميں منقول ہے كہ جو شخص (منجانب اللہ) امام نہ ہو اور پھر امامت كا دعوى كرے، وہ خداوندعالم پر افترا باندھنے والا ہے_

____________________

۱) تفسير عياشى ج/ ۱ ص ۳۷۰ ح ۶۱_ نور الثقلين ج ۱ ص ۷۴۶ ح ۱۸۲_

۲۹_عن ابى عبدالله عليه‌السلام فى قوله : ''اخرجوا انفسكم اليوم تجزون عذاب الهون'' : قال : العطش (۱)

امام صادقعليه‌السلام سے اس آيت''اخرجوا انفسكم اليوم تجزون عذاب الهون'' كے بارے ميں منقول ہے كہ ذلت آميز عذاب سے مراد (جان كنى كے وقت كي) پياس ہے_

آسمانى كتابيں :آسمانى كتابوں كا بے مثل ہونا ۶، ۷; آسمانى كتابوں كى مثل لانے كا ادعا ۶

آنحضرت(ص) :آنحضرت (ص) سے جنگ ۹ ; آنحضرت(ص) كے مخالفين كا طريقہ جنگ۹

اسلام :اسلام كے خلاف جنگ كا طريقہ ۹

افترا :خدا پر افترا ۳، ۲۴، ۲۸;خدا پر افترا باندھنے كا ظلم ہونا ۱; خدا پر افترا باندھنے كے آثار ۱۰; خدا پر افترا كا پيش خيمہ ۲۶; خدا پر افترا كا گناہ ۱; خدا پر افترا كى سزا ۲۰، ۲۳

امامت :منصب امامت كادعوى كرنا ۲۸

انسان :انسان كى روح كا قبض ہونا ۱۹;انسان كى حقيقت۱۹

تكبر:تكبر كے آثار ۲۶; خدا كى آيات سے تكبر كى سزا ۲۱

جان كنى :جان كنى كے وقت پياس ۲۹;جان كنى كے وقت سختى كے اسباب ۱۰، ۱۱

خدا تعالى :خدا كے مقرر كردہ فرشتے ۱۴;خدا كے بارے ميں تكلم ۲۲، ۲۳

خدا پر افترا باندھنے والے :خدا پر افترا باندھنے كا ظلم ۲ ;خدا پر افترا باندھنے والوں كى جان كنى ۱۰

روايت : ۲۸، ۲۹

روح :روح كا كردار ۱۹

سزا:سزا كا عمل كے مطابق ہونا ۲۷ ; سزا كا نظام ۲۷; سزا كے اسباب ۲۳; سزا كے مراتب ۲۳;

____________________

۱) تفسير عياشى ج/ ۱ ص ۳۷۰ ح ۶۳، نور الثقلين ج/۱ ص ۷۴۶ ح ۱۸۴_

ظالمين : ۲، ۴، ۵ظالمين اور عالم برزخ ۲۵; ظالمين كا اخروى عذاب ۱۷ ; ظالمين كا عجز ۱۷ ،۱۸ ; ظالمين كا مذاق اڑانا ۱۸ ;ظالمين كى اخروى سزا ۱۲; ظالمين كى جان كنى كا منظر ۱۲ ، ۱۸ ;ظالمين كى ذلت آميز سزا ۱۷ ; ظالمين كى روح قبض ہونا ۱۲،۱۵،۱۶ ; ظالمين كى موت ۱۲ ،۱۸ ;ظالمين كى موت سے عبرت حاصل كرنا ۱۳; ظالمين كى ہلاكت ۱۷

ظلم :آثار ظلم ۸; سب سے بڑا ظلم ۱، ۶; ظلم كے مراتب ۱، ۸; موارد ظلم ۱

عبرت :عبرت كے اسباب ۱۳

عذاب :اہل عذاب ۱۷، ۲۵ ;برزخ كا عذاب ۲۰، ۲۱، ۲۵; ذلت آميز عذاب۰ ۲، ۲۱، ۲۹; مراتب عذاب ۲۰، ۲۱; موجبات عذاب ۲۱

عزرائيل :عزرائيل كا كردار ۱۴، ۱۵; عزرائيل كا مذاق كرنا ۱۸;عزرائيل كے ہاتھ ۱۶

عمل :عمل كى اخروى سزا و جزاء ۲۷

قدروں كا تعين :قدروں كے تعين كا معيار ۸

قرآن :قرآن كى مثل لانے كا دعوى ۹، ۱۱، ۲۴

گفتگو۴ :باطل گفتگو ۲۴،۲۶

گناہ :عظيم ترين گناہ ۱; گناہ كبيرہ ۱; گناہ كى برائي كا معيار ۸;گناہ كے مراتب ۱

متبنى (نبوت كا جھوٹا دعوى كرنے والے) :متبنى افراد كا ظلم ۵;متبنى افراد كے دعوے۹

مستكبرين :مستكبرين كا عالم برزخ ميں حشر ۲۵

ملائكہ :ملائكہ كا كردار ۱۴، ۱۵، ۱۶; ملائكہ موت۱۴، ۱۶، ۱۸

موت :موت كى حقيقت ۱۹

نبوت :نبوت كے جھوٹے مدعى ۵، ۹

وحى :بشر پر نزول وحى كى تكذيب ۳; بشر پر وحى كے نزول كى تكذيب كرنے والے ۴; وحى دريافت

كرنے كا دعوى ۲۴;وحى كا بے مثل ہونا ۷ ; وحى كا جھوٹا دعوى كرنے والوں كى جان كنى ۱۱; وحى كو جھٹلانے والے ۹

يہود:يہود اور بشر پر وحى كا نزول ۴;يہود كا دعوي۴; يہود كا ظلم ۴

آیت ۹۴

( وَلَقَدْ جِئْتُمُونَا فُرَادَى كَمَا خَلَقْنَاكُمْ أَوَّلَ مَرَّةٍ وَتَرَكْتُم مَّا خَوَّلْنَاكُمْ وَرَاء ظُهُورِكُمْ وَمَا نَرَى مَعَكُمْ شُفَعَاءكُمُ الَّذِينَ زَعَمْتُمْ أَنَّهُمْ فِيكُمْ شُرَكَاء لَقَد تَّقَطَّعَ بَيْنَكُمْ وَضَلَّ عَنكُم مَّا كُنتُمْ تَزْعُمُونَ )

اور بالآخر تم اسى طرح ہمارے پاس تنہا آئے جس طرح ہم نے تم كو پيدا كيا تھا اور جو كچھ تمھيں ديا تھا سب اپنے پيچھے چھوڑ آئے اور ہم تمھارے ساتھ تمھارے ان سفارش كرنے والوں كو بھى نہيں ديكھتے جنھيں تم نے اپنے لئے خدا كا شريك بنايا تھا _ تمھارے ان كے تعلقات قطع ہوگئے اور تمھارا خيال تم سے غائب ہوگيا

۱_ انسان موت كے بعد، اپنى اولين خلقت كى طرح، تن تنہا بارگاہ الہى ميں حاضر ہوگا_

و لقد جئتمونا فردى كما خلقنكم اول مرة

۲_ انسان مرتے ہى ہر اس چيز (اور نعمت) كو چھوڑ دے گا جو خداوند عالم نے اسے عطا كى ہوئي تھي_

و تركتم ما خولنكم وراء ظهوركم

''تحويل'' كا معنى اعطا اور تمليك ہے اور يہاں ''خولنكم'' سے مراد وہ نعمات ہيں كہ جو خدانے انسان كو دنيا ميں عطا فرمائي ہيں _

۳_ انسان كى حيات اور اسكى زندگى كے دوسرے وسائل سب كے سب خداوند متعال كى ملكيت ہيں اور اسى كے عطا كردہ ہيں _كما خلقنكم اول مرة و تركتم ما خولنكم و راء ظهوركم

۴_ مشركين كا خيال تھا كہ مرنے كے بعد اپنے خداؤں

كى شفاعت سے بہرہ مند ہونگے_و ما نرى معكم شفعاء كم الذين زعمتم انهم فيكم شركؤا

۵_ موت كے ساتھ، انسان اور اس كى طرف سے خداوند عالم كے ساتھ قرار ديئے گئے شريكوں كے درميان جدائي ہو جائے گي_لقد تقطع بينكم و ضل عنكم ما كنتم تزعمون

۶_ انسان كى غفلت اور حقائق سے دورى كا نتيجہ ہے كہ وہ اپنے خزانوں پر مغرور ہوجاتاہے اور خيالى معبودوں كى شفاعت سے بہرہ مند ہونے كا باطل خيال ركھنے لگتاہے_و تركتم ما خولنكم وراء ظهوركم و ما نرى معكم شفعاء كم الذين زعمتم

يہ آيت مشركين سے مخاطب ہے اور موت كے بعد ان كى حالت بيان كررہى ہے يہ جملات ''و تركتم ...'' اور ''ما نرى ...'' مشركين كى گمراہى اور برے انجام كے دو بڑے عوامل كا بيان ہے كہ ان ميں سے ايك ان كا دنيا پر مغرور ہوناہے اور دوسرا اپنے خيالى معبودوں كى شفاعت سے بہرہ مند ہونے كا توہم كرنا ہے_

۷_ خداوند كے ليے شريك قرار دينا اور ان شريكوں كى شفاعت سے بہرہ مند ہونے كا خيال، محض ايك خيال اور موہوم چيز ہے_الذين زعمتم انهم فيكم شركوا

۸_ موت كے آتے ہي، مشركين اپنے خيالى معبودوں كى شفاعت كے بيہودہ اور لغو ہونے كى حقيقت سے آگاہ ہوجائيں گے_و ما نرى معكم شفعآء كم الذين زعمتم انهم فيكم شركوا و ضل عنكم ما كنتم تزعمون

''لسان العرب'' كے مطابق ''ضل'' كے معانى ميں سے ايك '' پنھان اور غائب ہونا ہے بنابرايں جملہ ''و ضل عنكم'' كا معنى يہ ہے كہ ''جن كو آپ لوگ اپنى موت كے بعد اپنى شفاعت كا ذريعہ سمجھتے تھے وہ غايب اور پنہان ہوگئے ہيں _

۹_ موت كے ساتھ ہى انسان كى آنكھيں حقائق كو ديكھنے لگيں گي_و ضل عنكم ما كنتم تزعمون

انسان :انسان ابتدا ء خلقت سے ۱; انسان موت كے بعد ۱;حيات انسان ۳; موت انسان ۲

ثروت :دولت و ثروت كا فريب دينا ۶

خدا تعالى :عطائے خدا ۳; نعمات خدا ۳

خدا كى طرف بازگشت : ۱

شرك :شرك كا خلاف عقل و منطق ہونا ۷

عقيدہ :باطل عقيدے كے آثار ۶

غفلت :غفلت كے اسباب ۶

قرآن :تشبيہات قرآن ۱

مشركين :عقيدہ مشركين كا باطل ہونا۸;مشركين اور باطل معبود ۴;مشركين اور شفاعت ۴; مشركين كا عقيدہ ۴; مشركين كى موت ۵

معبودان باطل :باطل معبودوں كى شفاعت ۴، ۶، ۷، ۸

موت:موت كے آثار ۲، ۵، ۸، ۹; موت كے بعد حقائق كا ظاہر ہونا ۸، ۹

آیت ۹۵

( إِنَّ اللّهَ فَالِقُ الْحَبِّ وَالنَّوَى يُخْرِجُ الْحَيَّ مِنَ الْمَيِّتِ وَمُخْرِجُ الْمَيِّتِ مِنَ الْحَيِّ ذَلِكُمُ اللّهُ فَأَنَّى تُؤْفَكُونَ )

خدا ہى وہ ہے جو گھھلى اور دانے كا شكافتہ كرنے والا ہے _ وہ مردہ سے زندہ اور زندہ سے مردہ كو نكالتا ہے يہى تمھارا خدا ہے تم تم كدھر بہكے جارہے ہو

۱_خداوندمتعال ، بيج اور گٹھلى كو اگانے كے ليے شگافتہ كرنے والا ہے_ان الله فالق الحب والنوى

''حب'' گندم و جو كے دانوں كو كہا جاتاہے (راغب) اور ''نوى '' ''نواة'' كى جمع ہے_ جس كا معنى گٹھلى ہے_

۲_ خدا بے جان اور مردہ طبيعت كے قلب سے زندگى و حيات نكالنے والا ہے_ان الله يخرج الحى من الميت

۳_ دانوں اور گٹھليوں سے پودے اور درخت اگنا، مردہ سے زندہ موجودات كو نكالنے كا ايك نمونہ ہے_

ان الله فالق الحب و النوى يخرج الحى من الميت و مخرج الميت من الحي

۴_ زندہ موجودات كا مردہ چيزوں كے قلب سے اور زندہ چيزوں كے باطن سے مردہ كا نكلنا، عالم طبيعت كا ايك دائمى قانون ہے_يخرج الحى من الميت و مخرج الميت من الحي

جملہ ''يخرج الحي'' ايك جملہ فعليہ ہے جو فعل مضارع سے شروع ہوا ہے_ اور استمرار اور تجديد پر دلالت كررہاہے_ اسى طرح دوسرا جملہ ''مخرج الميت ...'' جو كہ جملہ اسميہ ہے، دوام اور ثبوت پر دلالت كرتاہے_

۵_ خداوند عالم جاندار موجودات كے باطن سے بے جان اور فاقد حيات موجودات كو نكالتاہے_

ان الله و مخرج الميت من الحي

۶_ مردہ دانے اور گٹھلى سے زندہ پودے اگانے پر خدا كى قدرت، موت كے بعد انسان كو زندہ كرنے پر اس كى قدرت كى ايك دليل ہے_لقد جئتمونا فردى كما خلقنكم اول مرة ان الله فالق مخرج الميت من الحي

۷_ دانوں اور گٹھليوں كے شگافتہ ہونے كى كيفيت اور پودوں كے اگنے اور موت و حيات كے پيدا ہونے ميں غور و فكر كرنا، توحيد تك رسائي اور شرك سے بچنے كا مقدمہ ہے_ان الله فالق الحب والنوى ذلكم الله

۸_ عالم طبيعت اور اس كے نظام كا مطالعہ، توحيد تك پہنچنے كا ايك راستہ ہے_ان الله فالق الحب و النوى ذلك الله فانى تؤفكون

۹_ توحيد كى جانب رجحان ايك فطرى اور معقول بات ہے اور شرك اختيار كرنا، حقيقت سے دور اور باعث تعجب ہے_ذلكم الله فانى تؤفكون

''مفردات راغب'' كے مطابق ''افك'' كا معنى جھوٹ اور ہر وہ چيز ہے كہ جو اپنے صحيح راستے پر نہ ہو_ جملہ ''فانى تؤفكون'' استفھام اور تعجب كے ساتھ شرك كے انحراف اور جھوٹ ہونے اور توحيد كى حقانيت و سچائي كى جانب اشارہ كررہاہے_

۱۰_عن ابى عبدالله عليه‌السلام : قال الله عزوجل ''يخرج الحى من الميت و مخرج الميت من الحي'' فاالحى المؤمن الذى تخرج طينته من طينة الكافر و الميت الذى يخرج من الحى هو الكافر الذى يخرج من طينة المؤمن (۱)

امام صادقعليه‌السلام سے آيت ''يخرج الحي ...'' كے بارے منقول ہے كہ ''حي'' وہ مؤمن ہے جو

____________________

۱) كافي، ج/۲ ص ۵ ح / ۷ نور الثقلين ج/ ۱ ص ۷۴۸ ح ۱۹۳_

فعرّفهم و أراهم نفسه و لو لا ذلك لم يعرف أحد ربه (۱)

زرارہ نے حضرت امام باقرعليه‌السلام سے آيہء مجيدہ ''و اذ اخذ ربك من بنى آدم ...'' كے معنى كے بارے ميں پوچھا، امامعليه‌السلام نے فرمايا: خداوند نے آدمعليه‌السلام كى پشت (صلب) سے تا قيامت آنے والى ان كى ذريت (نسل) كو مثل چيونيٹيوں كے نكالا اور انھيں اپنى معرفت كروائی اور اپنى (ربوبيت) دكھائی _ اور اگر ايسا نہ ہوتا تو كوئي بھى اپنے پروردگار كو نہ پہچانتا_

۱۶_عن ابى عبدالله عليه‌السلام : ...إن الله عزوجل أخذ من العباد ميثاقهم و هم أظلّة قبل الميلاد و هو قوله عزوجل: و إذ أخذ ربك من بنى آدم ...ألست بربكم قالوا بلي'' (۲)

حضرت امام صادقعليه‌السلام سے منقول ہے كہ: ...خداوند نے بندوں سے ان كى ولادت سے پہلے جبكہ وہ سائے كى مانند تھے، عہد و پيمان ليا_ پھر امامعليه‌السلام نے دليل كے طور پر آيہء مجيدہ ''و إذ أخذ ربك من بنى آدم'' كى تلاوت فرمائی _

۱۷_عن ابى بصير عن أبى عبدااللّه عليه‌السلام فى قول اللّه: ''ألست بربكم قالوا بلى '' قالوا بألسنتهم؟ قال: نعم و قالوا بقلوبهم (۳)

ابوبصير كہتے ہيں ميں نے امام صادقعليه‌السلام سے آيہء مجيدہ ''ألست بربكم قالوا بلى '' كے بارے ميں پوچھا كہ (آيا بنى آدمعليه‌السلام نے ميثاق كے وقت) اپنى زبان سے خدا كو جواب ديا ہے؟ آپعليه‌السلام نے فرمايا: ہاں اور اپنے قلوب سے بھى ہاں كيا ہے_

۱۸_عن ابى بصير عن أبى عبدالله عليه‌السلام قال: قلت له: أخبرنى عن اللّه عزوجل هل يراه المؤمنين يوم القى مة؟ قال: نعم و قد رأوه قبل يوم القى مة فقلت: متي؟ قال: حين قال لهم ''ألست بربكم قالوا بلي'' ...ثم قال: ...و ليست الرؤية بالقلب كالروية بالعين (۴)

ابوبصير كہتے ہيں ميں نے حضرت امام صادقعليه‌السلام سے عرض كى كہ مجھے خداوند عزوجل كے بارے ميں بتايئےہ آيا قيامت كے دن مؤمنين اسے ديكھيں گے؟ آپعليه‌السلام نے فرمايا: ہاں ، قيامت كے دن سے پہلے بھى انھوں نے اسے ديكھاہے ميں نے كہا، كب؟ آپعليه‌السلام نے فرمايا: جس دن (روز الست) خداوند نے ان سے خطاب كرتے ہوئے فرمايا

____________________

۱) كافي، ج/۲ ص ۱۳ ح ۳; نورالثقلين ج/۲ ص ۹۶ ح ۳۵۱_

۲) علل الشرايع، ص ۸۵ ح ۲، ب ۷۸; نورالثقلين ج/۲ ص ۹۵ ح ۳۴۹_

۳) تفسير عياشى ج/۲ ص ۴۰ ح ۱۱۰; نورالثقلين ج/۲ ص ۹۸ ح ۳۶۲_ ۴) توحيد صدوق ص ۱۱۷ح ۲۰ب۸; نورالثقلين ج/۲ ص ۹۷ح ۳۵۴_

(كيا ميں تمھارا پروردگار نہيں ہوں ؟) سب نے كہا ''ہاں '' ...پھر امامعليه‌السلام نے فرمايا ...ليكن قلب كے ساتھ ديكھنا آنكھ كے ساتھ ديكھنے كى مانند نہيں _

۱۹_عن أبى عبدااللّه عليه‌السلام فى قوله تعالى : '' ...ألست بربكم قالوا بلي'' ...فمنهم من اقر بلسانه فى الذّر و لم يؤمن بقلبه (۱)

حضرت امام صادقعليه‌السلام سے آيہء مجيدہ ''ألست بربكم قالوا بلى '' كے بارے ميں منقول ہے كہ ان (ذريت بنى آدمعليه‌السلام ) ميں سے بعض نے عالم ذر ميں اپنى زبان سے اقرار كيا ہے ليكن قلبى ايمان نہيں ركھتے تھے

۲۰_عن النبي صلى‌الله‌عليه‌وآله‌وسلم : إن الله أخذ الميثاق من ظهر آدم بنعمان يوم عرفه فاخرج من صلبه كل ذرية ...كالذر ...قال: ''ألست بربكم قالوا بلى '' (۲)

رسول خداصلى‌الله‌عليه‌وآله‌وسلم سے منقول ہے كہ خداوند نے آدمعليه‌السلام كى پشت سے اس كى تمام ذريت (نسل) كو چيونيٹيوں كى مانند باہر نكالا اور عرفہ كے دن سرزمين نعمان پر ان سے عہد ليا_ اور فرمايا كيا ميں تمہارا رب نہيں ہوں ؟ سب نے كہا: ہاں ''

۲۱_عبدالله بن سنان عن أبى عبدالله عليه‌السلام قال: سألته عن قول الله عزوجل: ''فطرة الله التى فطر الناس عليها'' ما تلك الفطرة؟ قال: هى الاسلام، فطرهم الله حين أخذ ميثاقهم على التوحيد، قال: ألست بربكم؟ و فيه المؤمن والكافر (۳)

عبدالله بن سنان كہتے ہيں : ميں نے حضرت امام صادقعليه‌السلام سے آيہء شريفہ''فطرة الله التى فطر الناس عليها'' كے بارے ميں پوچھا كہ: يہ فطرت كيا ہے؟ آپعليه‌السلام نے فرمايا: اسلام، خداوندنے بنى آدمعليه‌السلام سے ميثاق ليتے وقت ،فطرت توحيدى پر خلق كيا اور فرمايا: آيا ميں تمہارا ربّ نہيں ہوں ؟ اور اس ميثاق ميں مؤمن و كافر دونوں شريك تھے_

آدم:نسل آدم، ۱۲اللہ تعالى :اللہ تعالى كى ربوبيت ۲،۴،۷،۱۴;اللہ تعالى كى ربوبيت پر گواہى ۵; اللہ تعالى كى ربوبيت كا اقرار۶; اللہ تعالى كى ربوبيت كے جھٹلانے والے ۱۳;اللہ تعالى كى تدبير ۸; اللہ تعالى كى مالكيت ۸; اللہ تعالى كى وحدانيت ۴; اللہ تعالى كے افعال ۲،۵; اللہ تعالى كے اوامر ۵

____________________

۱) تفسير قمى ج/۱ ص ۲۴۸; نورالثقلين، ج/۲ ص ۹۶ ح ۳۵۳

۲)الدر المنثور ج/۳ ص ۶۰۱_۳) كافى ج/۲ ص ۱۲ ح ۲; نورالثقلين ج/۲ ص ۹۵ ح ۳۴۵_

انسان:انسان اور قيامت كا دن ۱۰; انسان عالم ذر ميں ۳، ۴، ۶، ۷، ۹ ; انسان عالم خلق ميں ۳، ۷، ۹; انسان عالم شھود ميں ۳; انسان كا اظہار حقيقت ۲; انسان كا عالم غيب ۳; انسان كا مالك ۸;انسان كا مدبر ۸; انسان كى آگاہي، ۷ ; انسان كى خداشناسى ۴، ۵، ۶، ۱۰;انسان كى خداشناسى كا منشاء ۷ ; انسان كے آباء و اجداد ۱۲; خلقت انسان ۲، ۳ ; خلقت انسان كى كيفيت ۱; صلب انسان ۱۰;عبوديت انسان ۵

عذر:قابل قبول عذر ،۱۱;ناقابل قبول عذر ۹

غفلت:ربوبيت خدا سے غفلت ۹، ۱۰;غفلت كے اثرات ۱۱

قيامت:قيامت كے دن حساب كتاب ۱۳;قيامت كے دن حقائق كا ظاہر ہونا ۱۴;قيامت كے دن علم حضورى ۱۴

آیت ۱۷۳

( أَوْ تَقُولُواْ إِنَّمَا أَشْرَكَ آبَاؤُنَا مِن قَبْلُ وَكُنَّا ذُرِّيَّةً مِّن بَعْدِهِمْ أَفَتُهْلِكُنَا بِمَا فَعَلَ الْمُبْطِلُونَ )

يا يہ كہہ دو كہ ہم سے پہلے ہمارے بزرگوں نے شرك كيا تھا اور ہم صرف ان كى اولاد ميں تھے تو كيا اہل باطل كے اعمال كى بنا پر ہم كو ہلاك كردے گا(۱۷۳)

۱_ عالم شھود كا وجود اور اس عالم ميں انسان كا خداوند كى ربوبيت اور وحدانيت سے آگاہ ہونا، شرك اختيار كرنے كيلئے ہر قسم كے بہانے اور عذر كو ختم كرديتاہے_و أشهد هم على أنفسهم ...أو تقولوا انما أشرك ء اباؤنا

۲_ اولاد كيلئے اگر عالم شہود و اقرار نہ ہوتا تو ان كے پاس عقيدہ اپنانے ميں اپنے آباء و اجداد كى تقليد و اتباع كے اور كوئي چارہ نہ ہوتا_و أشهد هم على أنفسهم ...او تقولوا انما اشرك ء اباؤنا من قبل

۳_ اگر ربوبيت خدا كے بارے ميں گواہى لينے اور اقرارلينے كا واقعہ نہ ہوتا تو بنى آدم اپنى دنيوى زندگى ميں خداوند كى ربوبيت و وحدانيت سے آگاہ نہ

ہوپاتے_و أشهد هم على أنفسهم ...او تقولوا انما اشرك ء اباؤنا

۴_ آباؤ و اجداد كا شرك اختيار كرنا، اولاد ميں شرك كا رجحان پيدا كرنے كا باعث بنتاہے_

إنما أشرك ء اباؤنا من قبل و كنا ذرية من بعدهم

۵_ آباؤ و اجداد كے شرك اختيار كرنے كى وجہ سے شرك كى طرف مائل ہونا بارگاہ الہى ميں ايك ناقابل قبول اور فضول عذر ہے_أو تقولوا إنما أشرك ء اباؤنا من قبل و كنا ذرية من بعدهم

۶_ خداوند قيامت كے دن ،مشركين سے پوچھ گچھ كرے گا اور انھيں سزا دے گا_أفتهلكنا بما فعل المبطلون

۷_ شرك اختيار كرنا ايك باطل راستہ ہے اور مشركين باطل راہ پر گامزن ہيں _أفتهلكنا بما فعل المبطلون

۸_ الہى جزا و سزا كے نظام ميں كسى سے بھى دوسرے كے گناہ كے بارے ميں پوچھ گچھ نہيں ہوگي_

أفتهلكنا بما فعل المبطلون

آباو اجداد:آباء و اجداد كا شرك ۵;آباء و اجداد كى تقليد ۲; آباؤ و اجداد كے شرك كى اولاد پر تاثير ۴; آباء و اجداد كے شرك كے اثرات ۴

انسان:انسان كا عالم ذر ميں ہونا ۱، ۲، ۳ ;انسان كى آگاہي۱; انسان كى خداشناسي۱;انسان كى خداشناسى كا سرچشمہ ۳

اللہ تعالى :اللہ تعالى كى ربوبيت ۱; اللہ تعالى كى ربوبيت كا اقرار ۳ ; اللہ تعالى كى وحدانيت ۱،۳; اللہ تعالى كے اخروى اعمال ۶

شرك:شرك كا بطلان ۷;شرك كے اسباب ۴;شرك كے موانع ،۱

عالم ذر:عالم ذر ميں اقرار ۲، ۳

عالم شہود:عالم شہود كا كردار ۲

عذر:ناقابل قبول عذر، ۱، ۵

عقيدہ:عقيدہء شرك ۵;عقيدے كا سرچشمہ ۲

كيفر :

كيفر (سزا) كا ذاتى ہونا ۸;كيفر (سزا) كى خصوصيت ۸

مشركين:قيامت كے دن مشركين ۶; مشركين كا عقيدہ ۷; مشركين كى سزا، ۶جزا و سزا: كا نظام ۸

آیت ۱۷۴

( وَكَذَلِكَ نُفَصِّلُ الآيَاتِ وَلَعَلَّهُمْ يَرْجِعُونَ )

اور اسى طرح ہم آيتوں كو مفصّل بيان كرتے ہيں اور شايد يہ لوگ پلٹ كرآجاءں (۱۷۴)

۱_ خداوند نے قرآن كى آيات كو روشن اور واضح انداز ميں لوگوں كيلئے بيان كيا ہے_و كذلك نفصل الاى ت

۲_ آيات قرآن كى تبيين كا ايك نمونہ وجود انسان كے مراتب و مراحل كا تذكرہ اور ان ميں انسان كى كاميابى كو وضاحت كے ساتھ بيان كيا جاناہے_و كذلك نفصل الاى ت

۳_ خداوند كى جانب سے آيات كى تبيين كے مقاصد ميں سے ايك، لوگوں كا شرك سے توحيد كى جانب پلٹناہے_

نفصل الآى ت و لعلهم يرجعون

۴_ تمام انسان، شرك كى جانب مائل ہونے سے پہلے موحّد تھے_و لعلهم يرجعون

آيات خدا:آيات خدا كى تبيين ۱، ۲;آيات خدا كى تبيين كا فلسفہ ۳

اللہ تعالى :اللہ تعالى كے افعال ۱

انسان:انسان شناسى ۲;انسانوں كى توحيد ابتدائی ۴;وجود انسان كے مراحل ۲

شرك:شرك سے اجتناب ۳;شرك كى پيداءش ۴

عقيدہ:عقيدہ كى تاريخ ۴;عقيدہ توحيد كے اسباب ۳

آیت ۱۷۵

( وَاتْلُ عَلَيْهِمْ نَبَأَ الَّذِيَ آتَيْنَاهُ آيَاتِنَا فَانسَلَخَ مِنْهَا فَأَتْبَعَهُ الشَّيْطَانُ فَكَانَ مِنَ الْغَاوِينَ )

اور انھيں اس شخص كى خبر سنايئےس كو ہم نے اپنى آيتيں عطا كيں پھر وہ ان سے بالكل الگ ہوگيا اور شيطان نے اس كا پيچھا پكڑ ليا تو وہ گمراہوں ميں ہوگيا(۱۷۵)

۱_ خداوند نے اپنے رسولصلى‌الله‌عليه‌وآله‌وسلم كو حكم ديا كہ آپصلى‌الله‌عليه‌وآله‌وسلم لوگوں كے سامنے بلعم باعورا كا قصہ بيان كريں _

و اتل عليهم نبا الذى ء اتينه اى تنا

اكثر مفسرين كا نظريہ ہے كہ ''الذى ء اتينہ'' سے مراد ،بلعم باعورا ہے كہ جو حضرت موسىعليه‌السلام كے زمانے ميں تھا_

۲_ خداوند نے اپنى آيات اور نشانياں بلعم باعورا كو عطا كيں اور اس نے ان كو اچھى طرح در يافت كرلياتھا_

الذى ء اتينه ء اى تنا فانسلخ منها

''انسلاخ'' كا معنى يہ ہے كہ كوئي چيز اپنى جلد ميں سے باہر نكل ائے_ اس آيہ شريفہ ميں آيات الہى كو جلد و غيرہ سے (كہ جو انسان سے لپٹى ہوئي ہو) تشبيہ دى گئي ہے بنابرايں''فانسلخ منها''

سے ظاہر ہوتاہے كہ آيات الہى جلد كى مانند بلعم پر احاطہ كيئے ہوئے تھيں اور اس پر لپٹى ہوئي تھيں يعنى اس نے اچھى طرح ان (آيات الہي) كو لمس و درك كرلياتھا_

۳_ بلعم باعورا كا قصہ، دينداروں اور علماء كيلئے ايك عبرت ناك اور فائدہ مند قصہ ہے_

و اتل عليهم نبأ الذى ء اتينه اى تنا

''نبأ'' اس خبر كو كہا جاتاہے كہ جس ميں بہت بڑا فائدہ ہو(مفردات راغب) گويا، يہ خبر نقل كرنے كا مقصد، ديندار اور علماء طبقے كو متنبّہ كرنا ہے يعنى جو لوگ آيات الہى سے بہرہ مند ہيں (انھيں عبرت دلاناہے)

۴_ بلعم باعورا نے الہى معارف كو نظر انداز كرتے ہوئے، ان سے دورى اختيار كرلى اور (اس طرح وہ) مرتد ہوگيا_ء اتينه ء اى تنا فانسلخ منها

۵_ بلعم باعورا كے معارف الہى سے دور ہوجانے كے بعد شيطان نے اس كا پيچھا كرنا شروع كرديا_فأتبعه الشيطن

''اتباع'' ( ا تبع كا مصدر ہے)جو پيچھا كرنے اور تعاقب كرنے كے معنى ميں آتاہے_

۶_ بلعم باعورا معارف الہى سے دور ہوجانے كے بعد، شيطان كے جال ميں گرفتار ہوگيا اور اس كا شمار گمراہوں ميں ہونے لگا_فأتبعه الشيطن فكان من الغاوين

''غوايہ'' مصدر ''غاوين'' ہے، جس كا معنى گمراہ ہونا ہے_

۷_ تمام انسان، حتى ہدايت يافتہ علماء، شيطان كى پيروى كے خطرے اور گمراہى كے راستے پر پڑنے كے انديشے سے دوچار ہيں _فانسلخ منها فأتبعه الشيطن فكان من الغاوين

۸_ شيطان كى پيروي، انسان كو گمراہى كے زمرے ميں داخل كرنے كا باعث بنتى ہے_

فأتبعه الشيطن فكان من الغاوين

۹_ شيطان ايك ايسا عنصر ہے كہ جس كو انسان كے باطن اور افكار سے آگاہى حاصل كرنے كى قدرت حاصل ہے_

فانسلخ منها فأتبعه الشيطن

آيات اور معارف الہى پر ايمان يا ان سے كفر، قلبى امور ميں سے ہے_ پس جب آيات و معارف الہى سے بلعم باعورا كے جدا ہوجانے كے بعد، شيطان نے اس كا پيچھا شروع كرديا تو اس سے پتہ چلتاہے كہ وہ انسان كے اعتقادات و افكار سے آگاہى حاصل كرسكتاہے_

۱۰_ شيطان، انسانوں كو گمراہوں كے گروہ ميں شامل كرنے كيلئے (ہميشہ) ان كى گھات ميں بيٹھا رہتاہے_

فانسلخ منها فاتبعه الشيطن

''فاء'' كے ذريعے جملہ ''أتبعہ'' كا''فانسلخ منها'' پر عطف اس بات پر دلالت كرتاہے كہ آيات الہى سے بلعم باعورا كى دورى اختيار كرنے اور شيطان كى طرف سے اس كے تعاقب ميں آنے كے درميان كوئي فاصلہ نہيں تھا اور اس سے ظاہر ہوتاہے كہ شيطان (ہر وقت) انسانوں كو گمراہ كرنے كيلئے ان كى گھات ميں رہتاہے_

۱۱_ شيطان، گمراہى كے عوامل ميں سے ہے_فأتبعه الشيطن فكان من الغاوين

۱۲_ شيطان، ان لوگوں كو گمراہ كرنے سے عاجز و ناتوان ہے كہ جو آيات اور معارف الہى كو اچھى طرح اخذ كرتے ہيں اور ان كى پابندى كرتے ہيں _

فانسلخ منها فأتبعه الشيطن

چونكہ شيطان نے بلعم باعورا كا پيچھا (معارف الہى كو) چھوڑنے كے بعد كيا ہے، اس سے ظاہر ہوتاہے كہ اس سے پہلے وہ اس پر دسترس نہيں ركھتا تھا اور اسے گمراہ كرنے سے عاجز تھا_

۱۳_عن ابى الحسن الرضا عليه‌السلام : إنه اعطى بلعم بن باعورا الأسم الأعظم فكان يدعو به فيستجاب له فمال إلى فرعون ...قال فرعون لبلعم: ادع الله على موسى و اصحابه ...فركب حمارته ليمرّ فى طلب موسى فامتنعت عليه حمارته فأقبل يضر بها ...حتى قتلها و انسلخ الاسم الاعظم من لسانه و هو قوله: ''فانسلخ منها ...'' (۱)

حضرت امام رضاعليه‌السلام سے منقول ہے كہ بلعم بن باعورا كو اسم اعظم عطا كيا گيا جس كے ذريعے سے جو دعا وہ مانگتا تھا، قبول ہوجاتى تھي، پس وہ فرعون كى طرف مائل ہوگيا_ پھر فرعون نے اس سے كہا: موسىعليه‌السلام اور اس كے ساتھيوں كے خلاف دعا كرو ...پس وہ اپنے گدھے پر سوار ہوا كہ موسىعليه‌السلام كى تلاش ميں نكلے_ گدھے نے چلنے سے انكار كرديا اس نے اسے مارنا شروع كرديا يہاں تك كہ وہ گدھا مرگيا_ اور وہ اسم اعظم بھى اسكى زبان سے جاتارہا_ جيسا كہ خداوند فرماتاہے:فانسلخ منها ''يعنى وہ ہمارى آيات سے جدا ہوگيا''

اللہ تعالى :اللہ تعالى كے افعال ۲; اللہ تعالى كے اوامر۱

بلعم باعورا:بلعم باعورا كا ارتداد ۴، ۵; بلعم با عورا كا قصہ ۱، ۲، ۳، ۴، ۵، ۶;بلعم باعورا كو آيات كا عطا ہونا ۲;بلعم باعورا كى گمراہى ۶

تاريخ:تاريخ سے عبرت ۳

دين:تعليمات دين سے روگردانى ۴، ۶;تعليمات دين كا علم ۱۲;علمائے دين كو متنبہ كرنا ۳، ۷دينداري:ديندارى كے اثرات ۱۲

شيطان:اطاعت شيطان كے آثار ۸;شيطان اور بلعم باعورا ۵، ۶; شيطان اور ذمہ دار علماء ۱۲; شيطان كا اضلال ۱۰، ۱۱;شيطان كا علم ۹; شيطان كا كردار ۸، ۱۰، ۱۱; شيطان كى اطاعت ۷;شيطان كى قدرت ۹ ; شيطان كى كمزورى ۱۲; شيطان كے پيروكار ۶; نفوذ شيطان كے موانع ۱۲

علم:علم كے اثرات ۱۲

____________________

۱) تفسير قمي/ج ۱ ص ۲۴۸، نورالثقلين ج/۲ ص ۱۰۲ ح ۳۶۹_

گمراہ لوگ: ۶، ۸

گمراہي:گمراہى كا خطرہ ۷;گمراہى كے عوامل ۸، ۱۰، ۱۱

محمدصلى‌الله‌عليه‌وآله‌وسلم :محمدصلى‌الله‌عليه‌وآله‌وسلم كى ذمہ دارى ۱

آیت ۱۷۶

( وَلَوْ شِئْنَا لَرَفَعْنَاهُ بِهَا وَلَـكِنَّهُ أَخْلَدَ إِلَى الأَرْضِ وَاتَّبَعَ هَوَاهُ فَمَثَلُهُ كَمَثَلِ الْكَلْبِ إِن تَحْمِلْ عَلَيْهِ يَلْهَثْ أَوْ تَتْرُكْهُ يَلْهَث ذَّلِكَ مَثَلُ الْقَوْمِ الَّذِينَ كَذَّبُواْ بِآيَاتِنَا فَاقْصُصِ الْقَصَصَ لَعَلَّهُمْ يَتَفَكَّرُونَ )

اور اگر ہم چاہتے تو اسے انھيں آيتوں كے سبب بلند كرديتے ليكن وہ خود زمين كى طرف جھك گيا اور اس نے خواہشات كى پيروى اختيار كر لى تو اب اس كى مثال كتے جيس ہے كہ اس پر حملہ كرو تو بھى زبان نكالے رہے اور چھوڑ دو تو بھى زبان نكالے رہے_ يہ اس قوم كى مثال ہے جس نے ہمارى آيات كى تكلذيب كى تو اب آپ ان قصّوں كو بيان كريں كہ شايد يہ غورو فكر كرنے لگيں (۱۷۶)

۱_ بلعم باعورا كو عطا شدہ آيات و معارف،اس كو بارگاہ الہى ميں بلند ترين مقام تك پہنچا سكتے تھے_و لو شئنا لرفعنه بها

''بھا'' ميں ''با'' استعانت كيلئے ہے اور اسكى ضمير ''آياتنا'' كى طرف پلٹتى ہے_ بنابراين جملہء ''لرفعناہ بھا'' سے ظاہر ہوتاہے كہ بلعم باعورا آيات الہى كے ذريعے بلندترين درجات و مقامات تك پہنچ سكتا تھا_

۲_ بلعم باعورا، ايك دنيا پرست اور ہوا و ہوس كا شكار عالم تھا_و لكنه أخلد إلى الأرض و اتبع هوه

''اخلاد'' ''أخلد'' كا مصدر ہے جب يہ''إلي'' كى طرف متعدى ہو تو مائل ہونے اور اعتماد كرنے كا معنى ديتاہے كلمہء ''الأرض'' كو چونكہ معنوى (روحاني) رفعت و منزلت اور تقرب خداكے مقابلے ميں لايا گيا ہے لہذا اس سے

پست و حقير اور مادى و دنيوى امور مراد ہيں _ بنابراين''أخلد إلى الأرض'' يعنى اس نے دنيوى لذتوں اور مادى امور كى طرف رجحان پيدا كرليا اور ان سے اپنا دل خوش كرنے لگا_

۳_ بلعم باعورا دنيا طلبى اور ہواپرستى كى وجہ سے قرب الہى كے بلند ترين مقام و منزلت پر فائز ہونے سے محروم ہوگيا_

و لو شئنا لرفعنه بها و لكنه أخلد إلى الأرض و اتبع هوه

۴_ الہى معارف و آيات كا عمل،بلندترين درجات تك پہنچنے كا باعث اور بارگاہ الہى ميں تقرب حاصل كرنے كا وسيلہ بنتاہے_و لو شئنا لرفعنه بها

۵_ دنيا طلبى اور نفسانى خواہشات كى پيروى الہى معارف و علوم كے مؤثر و كارساز ہونے سے مانع بنتى ہے_

و لو شئنا لرفعنه بها و لكنه أخلد إلى الأرض و اتبع هوه

۶_ قرب الہى كے مقام پر فائز ہونا، دنيا طلبى سے پرہيز كرنے اور ہوائے نفس كى پيروى نہ كرنے سے مشروط ہے_

و لو شئنا لرفعنه بها و لكنه أخلد إلى الأرض و اتبع هوه

۷_ بلند روحانى و معنوى منزلت تك پہنچنا، مشيّت الہى سے وابستہ ہے_و لو شئنا لرفعنه بها

۸_ انسانوں كو معنوى اور روحانى منزلت عطا كرنے ميں ، خداوند كى مشيت ان كے دنياطلبى اور خواہشات نفسانى سے پرہيز كرنے سے وابستہ ہے_و لو شئنا لرفعنه بها و لكنه إخلد إلى الأرض

جملہء ''و لكنہ أخلد ...'' جملہ ''و لو شئنا '' كے مفہوم كى تعليل ہے_ يعني:و لو شئنا لرفعنه بها و لكنا لم نشأ ذلك لانه أخلد إلى الأرض''

۹_ مشيت الہى ناقابل ترديد ہے_و لو شئنا لرفعنه بها

۱۰_ انسان، اپنے اوپر مشيت خدا كى حاكميت كے باوجود، اپنى سرنوشت كى تعيين ميں دخالت ركھتاہے_

و لو شئنا لرفعنه بها و لكنه أخلد إلى الأرض

جملہء ''و لو شئنا '' سے ظاہر ہوتاہے كہ انسان كى سرنوشت، مشيت الہى سے مربوط ہے_ جملہء ''و لكنہ ...'' پہلے جملے كے مفہوم كى تعليل ہے اور دلالت كررہاہے كہ انسان كى سرنوشت كى تعيين ميں مشيت الہى خود انسان كے اپنے اعمال سے وابستہ ہے_

۱۱_ جو لوگ دنيا طلب نہيں ہيں اور خواہشات نفسانى سے پرہيز كرتے ہيں ، شيطان ان كے اندر نفوذ نہيں كرسكتا_

فانسلخ منها فأتبعه الشيطن ...و لو شئنالرفعنه بها و لكنه أخلد إلى الأرض

پہلى آيت، بلعم باعورا كو گمراہى كى طرف لے جانے كا عامل، شيطان كو قرار دے رہى ہے اور مذكورہ آيت ميں ہے كہ اگر وہ (بلعم) دنياطلب اور اپنى خواہشات كا پيروكار نہ ہوتا تو بلند درجات پر فائز ہوجاتا يعنى شيطان اس كا پيچھا نہ كرتا_ بنابرايں انسان كے دنيا كى طرف مائل ہوجانے اور خواہشات كى پيروى كرنے كے بعد شيطان اسے گمراہ كرنے كى كوشش شروع كرتاہے_

۱۲_ بلعم باعورا كى دنيا طلبى اور خواہشات نفس كى پيروي، آيات الہى سے اسكى دورى اور انھيں جھٹلانے كا باعث بنى ہے_فانسلخ منها ...و لكنه أخلد إلى الأرض

ہوسكتاہے جملہء ''و لكنه اخلد '' فانسلخ منھا'' كى علت بيان كررہاہو_ يعنى بلعم بن باعورا كى دنياطلبى اور ہوا پرستي، باعث بنى ہے كہ اس نے آيات الہى سے دورى اختيار كرلي_

۱۳_ دنياطلب اور ہوا و ہوس كے پيروكار علمائے دين، آيات الہى كو جھٹلانے اور كفر كى جانب مائل ہوجانے كے خطرے سے دوچار ہوتے ہيں _فانسلخ منها ...و لكنه أخلد إلى الأرض

۱۴_ دنيا طلبى كے سبب بلعم باعورا كى حالت اس كتے كى مانند ہوگئي تھى كہ جس پر اگر حملہ كرو تو بھى زبان نكالتاہے اور آزاد چھوڑ دو تو بھى زبان نكال كر بھونكتاہے_فمثله كمثل الكلب إن تحمل عليه يلهث او تتركه يلهث

تحمل'' حملة'' سے ليا گيا ہے اور ''حملة'' كا معنى حملہ كرناہے ''مثل'' سے مراد حالت اور صفت ہے_

۱۵_ آيات الہى كو جھٹلانے والوں كى اندرونى حالت اس پياسے كتے كى مانند ہے كہ جو ہميشہ بھوں بھوں كرتا رہتاہے_

ذلك مثل القوم الذين كذبوا بأياتنا

''ذلك'' اس حالت كى طرف اشارہ ہے كہ جو جملہ ''فمثلہ ...'' ميں كتے كے بارے ميں بيان كى گئي ہے_

۱۶_ خداوند كى جانب سے پيغمبر اكرمصلى‌الله‌عليه‌وآله‌وسلم كو مامور كيا گيا كہ آپصلى‌الله‌عليه‌وآله‌وسلم آيات الہى كو جھٹلانے والوں كے سامنے بلعم باعورا كا قصہ بيان كريں _فاقصص القصص

''قصّ'' (اقصص كا مصدر ہے) جس كا معنى بيان كرنا اور سنانا ہے ''قصص''قصہ اور داستان كے معنى ميں ہے اور ''ال'' عہد ذكرى ہے اور بلعم باعورا كى داستان كى طرف اشارہ ہے_

۱۷_ بلعم باعورا نے آيات الہى پر ايمان لانے كے بعد ان كى تكذيب كر ڈالي_

فمثله كمثل الكلب ...ذلك مثل القوم الذين كذبوا بأياتنا

۱۸_ بلعم باعورا كے قصے پر توجہ اور غور و فكر انسان كو آيات الہى كى تكذيب كرنے والوں كے برے انجام كے بارے ميں سو چنے كے علاوہ، اس قصے سے ہدايت حاصل كرنے پر آمادہ كرتاہے_فاقصص القصص لعلهم يتفكرون

۱۹_ قرآنى قصوں كے اہداف و مقاصد ميں سے ايك ، انسان كو اپنى سرنوشت اور انجام كے بارے ميں غور و فكر كرنے پر آمادہ كرناہے_فاقصص القصص لعلهم يتفكرون

آيات خدا:آيات خدا كو جھٹلانے كے اسباب ۱۳;آيات خدا كو جھٹلانے كے علل و اسباب ۱۲;آيات خدا كو جھٹلانے والوں كا انجام ۱۸ ;آيات خدا كو جھٹلانے والوں كے حالات ۱۵;آيات خدا كو جھٹلانے والے ۱۷;آيات خدا كے مكذبين اور كتا، ۱۵;آيات خدا كے مكذبين كو موعظہ ۱۶

اللہ تعالى :اللہ تعالى كى مشيت ۷، ۸ ، ۱۰;اللہ تعالى كى معيشت كا حتمى ہونا ۹

انسان:انسان كا اختيار ۱۰; انسان كى سرنوشت ۱۰

بلعم باعورا:بلعم باعورا اور كتا ۱۴; بلعم باعورا كا ارتداد ۱۷;بلعم باعورا كا ايمان ۱۷; بلعم باعورا كا خواہشات نفس كى پيروى كرنا ۲، ۳، ۱۲; بلعم باعورا كا علم ۲; بلعم باعورا كا قصہ ۱۴، ۱۶، ۱۷، ۱۸ ; بلعم باعورا كو آيات كاد يا جانا ۱;بلعم باعورا كى دنياطلبى ۲، ۳، ۱۲، ۱۴ ; بلعم باعورا كى گمراہى كے اسباب ۱۲;بلعم باعورا كى محروميت ۳;بلعم باعورا كے حالات ۱۴

تاريخ:تاريخ سے عبرت ۱۶، ۱۸

تفكر:تفكر كى اہميت ۱۹;تفكر كى راہ ہموار ہونا ۱۸، ۱۹; سرنوشت ميں غور و فكر ۱۹

تقرب:تقرب كى شرائط ۶، ۷;تقرب كے علل و اسباب ۴تقرب كے موانع ۳

خواہشات نفس:خواہشات نفس سے اجتناب ۶، ۸، ۱۱خواہشات نفس كى پيروى كے اثرات ۳، ۵، ۱۲

دنيا طلبي:دنياطلبى سے اجتناب ۶، ۸، ۱۱;دنيا طلبى كے

اثرات ۳، ۵، ۱۲، ۱۴

دين:دين كا كردار، ۱;علم دين كى تاثير كے موانع ۵

دينداري:ديندارى كے اثرات ۴

رشد:رشد كے علل و اسباب ۱

شيطان:زاہد افراد اور شيطان ۱۱;شيطان كے نفوذ كے موانع ۱۱

علماء:دنيا طلب علماء ۲، ۱۳ ;ہوا پرست علماء ۱۳

قرآن:قرآن كى تشبيہات ۱۴، ۱۵;قرآنى قصص كا فلسفہ ۱۹

كتا:پياسا كتا ۱۵;كتے سے تشبيہ ۱۴

كفر:كفر كے اسباب ۱۳

محمدصلى‌الله‌عليه‌وآله‌وسلم :محمدصلى‌الله‌عليه‌وآله‌وسلم كى مسؤليت ۱۶

ہدايت:ہدايت كے عوامل ۱۸

آیت ۱۷۷

( سَاء مَثَلاً الْقَوْمُ الَّذِينَ كَذَّبُواْ بِآيَاتِنَا وَأَنفُسَهُمْ كَانُواْ يَظْلِمُونَ )

كس قدر بُرى مثال ہے اس قوم كى جس نے ہمارى آيات كى تكذيب كى اور وہ لوگ اپنے ہى نفس پر ظلم كر رہے تھے(۱۷۷)

۱_ آيات الہى كو جھٹلانے والے معاشروں كى حالت، انتہائی برى ہے_ساء مثلاً القوم الذين كذبوا بأياتنا

۲_ كفر اختيار كرنے والے افراد، آيات الہى كو جھٹلاكر ہميشہ اپنے اوپر ظلم كرتے رہتے ہيں _و ا نفسهم كانوا يظلمون

۳_ آيات الہى كو جھٹلانے والے، اپنے اس جھٹلانے سے خداوند كو كوئي نقصان و ضرر نہيں پہنچاسكيں گے_

و أنفسهم كانوا يظلمون ''يظلمون '' پر ''أنفسهم' ' كو مقدم كرنا، حصر كا فائدہ دے رہا ہے اور يہ حصر ہوسكتا خداوند كے بارے ميں بيان كيا گيا ہو، يعنى جھٹلانے والے، آيات كو جھٹلاكر خداوند كو كسى قسم كا نقصان و ضرر نہيں پہنچاتے بلكہ اپنے آپ پر ظلم كرتے ہيں _

۴_ آيات الہى كو جھٹلانے والے اپنے اس جھٹلانے سے كسى دوسرے كا نقصان نہيں كرسكيں گے_

و أنفسهم كانوا يظلمون

مندرجہ بالا مفہوم اس بنا پر ہے كہ جب حصر دوسروں كے بارے ميں بيان كيا گيا ہو، يعنى اس سے پيغمبرصلى‌الله‌عليه‌وآله‌وسلم اور دوسرے مسلمان مراد ہوں ، پس تكذيب كرنے والے، اپنى تكذيب سے پيغمبرصلى‌الله‌عليه‌وآله‌وسلم اور دوسرے مسلمانوں كا كوئي نقصان نہيں كرسكيں گے بلكہ وہ اپنے آپ كو ہى نقصان پہنچائیں گے_

۵_ جو لوگ آيات الہى كو جھٹلاكر اپنے اوپر ظلم كرتے ہيں وہ انتہائی برى حالت ميں ہيں _

ساء مثلاً القوم الذين ...أنفسهم كانوا يظلمون

مندرجہ بالا مفہوم اس بناء پر اخذ كيا گيا ہے كہ جب جملہ''أنفسهم كانوا يظلمون'' ''كذبوا باى تنا'' پر عطف ہو يعني:''ساء مثلاً القومالذين أنفسهم كانوا يظلمون'' ياد رہے كہ گذشتہ مفاہيم ميں جملہ''أنفسهم كانوا يظلمون'' كو جملہ ''ساء مثلاً ...'' پر عطف كيا گيا تھا_

آيات خدا:آيات خدا كو جھٹلانے كے اثرات ۲، ۳، ۴;آيات خدا كو جھٹلانے والوں كا ظلم ۲; آيات خدا كو جھٹلانے والوں كى حالت ۱، ۵; آيات خدا كو جھٹلانے والے ۳، ۴ ;آيات خدا كو جھٹلانے والے معاشرے ۱;آيات خدا كے مكذبين كا ظلم ۲، ۵

اللہ تعالى :اللہ تعالى كو ضرر پہنچانا ۳

خود:خود پر ظلم ۲، ۵

ظالمين: ۲قرآن:

تشبيہات قرآن ۱

كفار:كفار كا ظلم، ۲

آیت ۱۷۸

( مَن يَهْدِ اللّهُ فَهُوَ الْمُهْتَدِي وَمَن يُضْلِلْ فَأُوْلَـئِكَ هُمُ الْخَاسِرُونَ )

جس كو خدا ہدايت دے دے وہى ہدايت يافتہ اور جس كو گمراہى ميں چھوڑ دے وہى خسارہ والوں ميں ہے(۱۷۸)

۱_ لوگوں كى ہدايت اور انكا گمراہ ہونا، خداوند كے ہاتھ اور اختيار ميں ہے_من يهد الله فهو المهتدى و من يضلل

۲_ حقيقى ہدايت يافتہ وہ ہے كہ جسكى ہدايت، خود خداند كرے_من يهد الله فهو المهتدي

۳_ حقيقى گمراہ وہ ہے كہ جسكو خود خداوند گمراہ كرے_و من يضلل فأولئك هم الخسرون

جملہء ''فاولئك ...'' جواب شرط كا جانشين ہے اور صدر آيت كے قرينے سے جواب شرط ''فھو الضال'' ہے_

۴_ آيات الہى كى تصديق كرنے والے، ہدايت يافتہ اور آيات الہى كو جھٹلانے والے گمراہ پيشہ لوگ ہيں _

الذين كذبوا بايا تنا ...من يهد الله فهو المهتدى و من يضلل

گزشتہ آيت پر غور كرنے سے پتہ چلتاہے كہ ضلال كا مطلوبہ مصداق، آيات خداوند كو جھٹلاناہے اور ہدايت كا مصداق، آيات الہى كى تصديق اور ان پر ايمان لاناہے_

۵_ خدا كے ہاتھوں گمراہ ہونے والے، خسارے ميں رہنے والے اور اپنے سرمايہء عمر كو تباہ كرنے والے ہيں _

من يضلل فاولئك هم الخسرون

۶_ ہدايت يافتہ لوگوں نے اپنى زندگى تباہ نہيں كى بلكہ

اس سے بہرہ مند ہوئے ہيں _من يهد الله فهو المهتدي

جملہفأولئك هم الخسرون'' كہ جو گمراہوں كے بارے ميں بيان ہوا ہے سے سمجھ سكتے ہيں كہ يہاں ''و اولئك ھم الرابحون'' جيسا ايك جملہ ہدايت يافتہ لوگوں كيلئے، تقديراً موجود ہے_

۷_ آيات الہى كو جھٹلانا، سرمايہء زندگى كو ضاءع كرنے اور خسارہ اٹھانے كا موجب بنتاہے_

من يضلل فأولئك هم الخسرون گزشتہ آيت كے قرينے سے گمراہوں كے مطلوبہ مصاديق ميں سے ايك آيات الہى كو جھٹلانے والے افراد ہيں _

۸_ خداوند كا گمراہ كرنا، خود انسان كى كج روى اور بدكردارى كى سزا ہے_و من يضلل فأولئك هم الخسرون

آيت، ۱۷۶ ميں جملہ ''و لكنه أخلد '' كو ديكھتے ہوئے كہہ سكتے ہيں كہ ''من يضلل'' كے مصاديق ميں سے ايك دنيا طلب اور ہوا پرست لوگ ہيں _ يعنى اضلال الہى (خدا كا گمراہ كرنا) در حقيقت، خود ان كے گناہ كى سزا ہے_

۹_ دنيا كى محبت اور خواہشات نفس كى پيروى خسارے اور گمراہى كا راستہ ہموار كرتى ہے_

و لكنه أخلد إلى الأرض ...و من يضلل فأولئك هم الخسرون

آيات خدا:آيات خدا پر ايمان لانے والے ۴;آيات خدا كو جھٹلانے كے اثرات ۷;آيات خدا كو جھٹلانے والے ۴

اللہ تعالى :اللہ تعالى كا اضلال ۱; اللہ تعالى كى ہدايت ۱،۲; اللہ تعالى كے اختيارات۱; اللہ تعالى كے اضلال كے اثرات ۳،۵; اللہ تعالى كے اضلال كے علل و اسباب ۸

انحراف:انحراف كے اثرات ۸

خسارہ:زيان و خسارے كے اسباب ۷;زيان و خسارے كے عوامل ۹

خواہشات نفس كى پيروي:خواہشات نفس كى پيروى كے اثرات ۹

دنيا طلبي:دنيا طلبى كے اثرات ۹

عمر:سرمايہء عمر ۶; سرمايہء عمر كى تباہى ۵، ۷ ;عمر سے فائدہ اٹھانا ۶

گمراہ افراد: ۳، ۴گمراہوں كا خسارہ ۵

گمراہي:گمراہى كا زمينہ ۹;گمراہى كا منشاء ۱

ہدايت:ہدايت كا سرچشمہ ۱ہدايت يافتہ لوگ: ۲،۴،۶

آیت ۱۷۹

( وَلَقَدْ ذَرَأْنَا لِجَهَنَّمَ كَثِيراً مِّنَ الْجِنِّ وَالإِنسِ لَهُمْ قُلُوبٌ لاَّ يَفْقَهُونَ بِهَا وَلَهُمْ أَعْيُنٌ لاَّ يُبْصِرُونَ بِهَا وَلَهُمْ آذَانٌ لاَّ يَسْمَعُونَ بِهَا أُوْلَـئِكَ كَالأَنْعَامِ بَلْ هُمْ أَضَلُّ أُوْلَـئِكَ هُمُ الْغَافِلُونَ )

اور يقينا ہم نے انسان و جنات كى ايك كثير تعداد كو گويا جہنم كے لئے پيدا كيا ہے كہ ان كے پاس دل ہيں مگر سمجھتے نہيں ہيں اور آنكھيں ہيں مگر ديكھتے نہيں ہيں اور كان ہيں مگر سنتے نہيں ہيں _ يہ چوپايوں جيسے ہيں بلكہ ان سے بھى زيادہ گمراہ ہيں اور يہى لوگ اصل ميں غافل ہيں (۱۷۹)

۱_ بہت سے انسانوں اور جنّوں كا انجام، جہنم ہے_و لقد ذرا نا لجهنم كثيرا من الجن والإنس

۲_ خداوند نے بہت سے جن و انس كو جہنم ميں داخل ہونے كيلئے خلق كيا ہے_

و لقد ذرأنا لجهنم كثيراً من الجن والإنس''ذرأ'' (مصدر ذرا نا) كا معنى خلق كرناہے_

۳_ انسانوں اور جنات كى سرنوشت تعيين كرنے والا اور انھيں انجام تك پہنچانے والا ،فقط خداوند ہے_

و لقد ذرأنا لجهنم كثيراً من الجن والإنس

۴_ انسانوں كى طرح جنات كا بھى فريضہ ہے كہ وہ آيات الہى كى تصديق كريں اور اس كے فرامين بجا لائیں _

و لقد ذرأنا لجهنم كثيراً من الجن والإنس

گزشتہ آيت كے مطابق، وہ جنات دوزخ ميں جائیں گے كہ جنہوں نے آيات الہى كو جھٹلاياہے_ بنابراين وہ بھى ايسى مخلوق ہے كہ جن پر احكام الہى فرض ہيں _ پس ان كے فرائض ميں سے ايك، آيات الہى پر ايمان لانا ہے_

۵_ انسانوں كى طرح جنّات بھى وسائل ادراك (قلب، كان و آنكھ) كے حامل ہيں _

لهم قلوب لا يفقهون بها و لهم أعين لا يبصرون بها و لهم ء اذان لا يسمعون بها

۶_ بہت سے انسان اور جنّات، قلب اور دوسرے وسائل ادراك ركھنے كے باوجود، اپنے آپ كو الہى معارف و حقائق كے سمجھنے سے محروم ركھتے ہيں _لهم قلوب لا يفقهون بها

جملہ ''لھم قلوب'' (ان كے دل موجود ہيں ) ظاہر كرتاہے كہ گمراہ انسان اور جنات، وسائل ادراك ركھتے ہيں _ اور جملہ ''لا يفقہون بہا'' وضاحت كررہاہے كہ وہ معرفت و شناخت كے ان وسائل سے فائدہ حاصل نہيں كرتے_

۷_ انسان اور جنات اپنى سرنوشت اور انجام كى تعيين ميں مؤثر كردار ادا كرسكتے ہيں (يعنى دوزخ ميں بھى جاسكتے ہيں اور اس سے نجات بھى حاصل كرسكتے ہيں )لهم قلوب لا يفقهون بها ...و لهم ء اذان لا يسمعون بها

''لا يفقہون بہا'' اور اسى جيسے دوسرے جملات سے ظاہر ہوتاہے كہ گمراہ لوگ، معرفت و شناخت كے وسائل سے فائدہ نہ اٹھانے كى وجہ سے، گمراہى كى وادى ميں گرفتار ہوتے ہيں ، لہذا وہ خود مقصر ہيں _

۸_ بہت سے انسان اور جنّات ديكھنے والى آنكھيں اور سننے والے كان ركھنے كے باوجود، اپنے آپ كو آيات الہى كے ديكھنے اور سننے سے محروم ركھتے ہيں _و لهم أعين لا يبصرون بها لهم ء اذان لا يسمعون بها

۹_ دوزخ كے عذاب ميں گرفتارہونا ہى آيات الہى كو جھٹلانے والوں كے خسارے كى علامت ہے_

فأولئك هم الخسرون و لقد ذرأنا لجهنم كثيراً من الجن والإنس

مذكورہ آيت ہوسكتاہے اس خسارے و زيان كى وضاحت ہوكہ جسے گزشتہ آيت كے ذيل ميں ، گمراہى كے بارے ميں بيان كيا گيا ہے_

۱۰_ دنيا كے دلدادہ ، ہوا پرست اور آيات الہى كى تكذيب كرنے والے علمائے دين، اہل دوزخ ہيں _

لكنه أخلد إلى الأرض واتبع هوه ...و لقد ذرأنا لجهنم كثيراً

مذكورہ آيت كے گذشتہ آيات كے ساتھ ارتباط كے نتيجہ ميں مندرجہ بالا مفہوم اخذ ہوتاہے_

۱۱_ جہنم ان انسانوں اور جنات كا ٹھكانہ ہے كہ جنہوں نے اپنے آپ كو دينى حقائق و معارف كے ادراك سے محروم كر ركھاہے_و لقد ذرأنا لجهنم ...لهم قلوب لا يفقهون بها

۱۲_ آيات الہى كو جھٹلانے والے، معارف الہى سے محروم ہونے ميں چوپايوں كى مانند ہيں _أولئك كالأنعم

آيات الہى كو جھٹلانے والے گمراہوں كے چوپايوں كے مساوى ہونے (اور اصطلاح كے مطابق ''وجہ شبہ'') كى دليل، يہ جملہ ''لا يفقهون بها و '' ہے (يعنى معارف الہى كے ادراك سے محروميت كى وجہ سے گمراہ لوگ، چوپايوں كے مساوى ہيں )_

۱۳_ آيات الہى كو جھٹلانے والے، معارف الہى كى معرفت و شناخت كے وسائل سے استفادہ نہ كرنے كى وجہ سے چوپايوں سے بھى بدتر ہيں _بل هم أضل

حرف ''بل'' اضراب كيلئے ہے اور يہاں ايك غرض سے دوسرى اہم غرض كى طرف منتقل ہونے كے معنى ميں ہے_ پس ''بل'' كا فائدہ يہ ہے كہ اگر چہ جھٹلانے والے افراد، آيات الہى كے ادراك ميں چوپايوں كى مانند محروم ہيں _ ليكن آيات الہى كى پہچان و شناخت حاصل كرنے والے وسائل (دل، آنكھ اور كان) و غيرہ سے بہرہ مند ہيں جبكہ حيوانات ان وسائل سے خالى ہيں _ لہذا انھيں چوپايوں سے بھى پست تر ہونا چاہيئے_

۱۴_ دينى حقائق و معارف كا فہم اور حق كو ديكھنا، سمجھنا اور سننا ہى انسانيت كا معيار اور انسان كى چوپايوں پر برترى كى اصل و بنياد ہے_أولئك كالأنعم

۱۵_ معارف الہى سے ناآگاہ لوگ ہى حقيقت ميں بے خبر اور غفلت زدہ افراد ہيں _أولئك هم الغفلون

۱۶_عن أبى جعفر عليه‌السلام فى قوله: ''لهم قلوب لا يفقهون بها'' أى طبع اللّه عليها فلا تعقل'' و لهم أعين'' عليها غطاء عن الهدى ''لا يبصرون بها و لهم أذان لا يسمعون بها'' أى جعل فى أذانهم و قرا فلن يسمعوا_ الهدى (۱)

آيت ''لھم قلوب ...'' كى توضيح ميں حضرت امام باقرعليه‌السلام سے منقول ہے كہ: خداوند نے ان كے

____________________

۱_تفسير قمى ج/۱ ص ۲۴۹; نورالثقلين ج/۲ ص ۱۰۳ ح ۳۷۰_

دلوں پر مہر لگادى ہے جس كى وجہ سے وہ نہيں سمجھتے اور ان كى باطنى آنكھ پر پردہ ڈال ديا ہے لہذا (راہ) ہدايت كو نہيں ديكھتے_ اور ان كے (اندروني) كان بوجھل ہوگئے ہيں لہذا ہدايت (كى ندا) نہيں سنتے_

آيات خدا:آيات خدا كى تكذيب كرنے والوں كى سزا ۱۰;آيات خدا كى تكذيب كے اثرات ۹;آيات خدا كے فہم سے محروم افراد ۸، ۱۱، ۱۲ ;آيات خدا كے فہم سے محروميت ۶، ۸، ۱۱;آيات خدا كے مكذبين اور چوپائے ۱۲، ۱۳;آيات خدا كے مكذبين كا خسارہ ۹

ادراك:ادراك سے محروم لوگ ۸، ۱۱

اقدار كا تعيّن:اقدار معين كرنے كا معيار ۱۴

اللہ تعالى :اللہ تعالى كى خالقيت ۲; اللہ تعالى كے افعال۳; اللہ تعالى كے اوامر۴

انسان:ادراك سے محروم انسان ۶;انسان كا انجام ۳; انسان كى سرنوشت پر اثر انداز عوامل ۷;انسانوں كا جہنم ميں ہونا ،۱ ;چوپايوں پر انسان كى برترى ۱۴;خلقت انسان كا فلسفہ ۲;سرنوشت انسان كا سرچشمہ ۳

انسانيت:انسانيت كا معيار ۱۴

ايمان:آيات خدا پر ايمان ۴

جبر و اختيار: ۷

جنّات:ادراك سے محروم جنات ۶، ۸، ۱۱ ; جنات كا ادراك ۵، ۶; جنات كا انجام ۳;جنات كا جہنم ميں ہونا،۱ ; جنات كا قلب ۵، ۶ ; جنات كا كان ۵، ۸ ; جنات كى آنكھيں ۵، ۸ ; جنات كى خلقت كا فلسفہ ۲; جنات كى سرنوشت پر اثرانداز ہونے والے عوامل ۷; جنات كى سرنوشت كا منشاء ۳;جنات كى مسؤليت ۴;جنات كے فرائض ۴

جہنم:جہنم كے اسباب ۹، ۱۰، ۱۱

جہنمى افراد: ۱، ۹، ۱۰، ۱۱

حق شناسي:حق شناسى كى اہميت ۱۴

حيوانات: