امامين حسنين عليهما السلام ثقافتى اور فکر اسلامى - نيٹ ورک

منزلت غدیر

خداوند عالم سب سے زیادہ آگاہ ہے کہ اپنی رسالت کو کہاں قرار دے) کیونکہ ایک انسا ن کے لئے دوسرے انسان کی شناخت مشکل ہے اور وہ ایک دوسر ے کے باطن سے آگاہی حاصل نہیں کر سکتے، لہٰذا اسی دلیل کے تحت کہ جس کے تحت خدا کے پیغمبروں کاانتخاب اور چناؤ خدا کی طرف سے ہوتا ہے ائمّۂ معصومین علیہم السّلام کا تعیّن اور انتخاب بھی خدا وند عالم کی جانب سے ہے اور فرشتۂ وحی کے توسّط سے رسول خداصلى‌الله‌عليه‌وآله‌وسلم پر ابلاغ حکم ہوا۔

واقعیت یہ ہے کہ ا س حقیقت (تعیین امامت )کا غدیر کے دن سے کوئی تعلّق نہیں ہے بلکہ آغاز بعثت ہی میں اس کو ذکر کیا جا چکا تھا،ہجرت کے دوران اور مختلف جنگوں کے درمیان رسول گرامی اسلامصلى‌الله‌عليه‌وآله‌وسلم نے امامت کا تعیّن اور تعار ف کروا دیا تھا جب حضرت زہرا علیہا سلام کے یہاں امام حسین ـ کی ولادت کا وقت نزدیک آیا تو جناب ختمی مرتبتصلى‌الله‌عليه‌وآله‌وسلم نے حضرت زہرا علیہا سلام کو خبر دی کہ تمہارے یہاں بیٹے کی ولادت ہو گی اور اسکا نام حُسین ـ ہوگا جس کا ذکر گذشتہ آسمانی کتابوںمیں آچکا ہے جناب زہرا علیہا سلام کے چہرے پر خو شی کے آثار نمودار ہوے ا ور جب آپصلى‌الله‌عليه‌وآله‌وسلم نے امام حُسین ـکی کربلا میں شہادت کی خبر دی تو جناب زہراعلیہا سلام نے فرمایا:

'' یٰا اَبَتٰا ه ُ مَنْ یَقْتُلُ وَلَدیْ وَ قُرَّةَ عَیْنیْ وَثَمَرَةَ فُؤَادیْ ؟ قٰالَ صلى‌الله‌عليه‌وآله‌وسلم ! شَرُّ اُمَّةٍ مِنْ اُمَّتیْ .قٰالَتْ! یٰا اَبَتٰا ه ُ اِقْرَء جِبْرَئیْلَ عَنّیْ السَّلٰامَ وَقُلْ لَ ه ُ فی اَیِّ مَوْضِعٍ یُقْتَلُ ؟ ( ۱ ) قال صلى‌الله‌عليه‌وآله‌وسلم فیْ مَوْضِعٍ یُقٰالَ لَ ه ُ کَرْبَلٰا !! )

اے بابا جان! میری آنکھوں کے قراراوردل کے ثمر بیٹے کو کون قتل کریگا ؟ آپصلى‌الله‌عليه‌وآله‌وسلم نے فرمایا: میری امت کے سب سے زیادہ بدترین اور برُے لوگ، دوبارہ پوچھا ؛اے بابا جان: جبرئیل کو میرا سلام کہیے اور پوچھیے کہ میرے بیٹے حُسین ـ کو کس جگہ شہید کیا جائے گا ؟ جناب رسولِ خداصلى‌الله‌عليه‌وآله‌وسلم نے فرمایا اس سر زمین پر جس کو کربلا کہا جاتا ہے ایک دوسری روایت میں ہے کہ حضرت زہراعلیہا سلام نے فرمایا :

''یٰا اَبَةَ سَلَّمْتُ وَ رَضیْتُ وَ تَوَکَّلْتُ عَلَی ﷲ ''اے بابا جان: میں خواستہ خدا پر تسلیم اور راضی ہوں اور خدا وند عالم کی ذات پر توکّل کرتی ہوں( ۲ ) جب جناب زہر کے یہاں حضرت امام حُسین ـ کی ولادت ہونے والی تھی خدا کے رسولصلى‌الله‌عليه‌وآله‌وسلم نے اپنی بیٹی کو اطلاع دیتے ہوئے فرمایا کہ: (حضرت جبرئیل نے مجھے خبر دی ہے کہ ؛ تمہار ا بیٹا کربلا میں شہید کر دیا جائے گا ۔)

جناب فاطمہ علیہا سلام نے انتہائی غم و اندوہ کے عالم میں ارشاد فرمایا:

(لَیْسَ لیْ فیْ ه ِ حٰاجَة یٰا اَبَةَ ) اے بابا جان ! مجھے ایسے بیٹے کی کوئی حاجت نہیں ہے ۔

جناب رسول خد اصلى‌الله‌عليه‌وآله‌وسلم نے فرمایا :(میری بیٹی تمہارا یہ بیٹا حُسین ـ ہے اور نو معصوم امام اسکے وجود سے پیدا ہونگے جودین خدا کی بقا کا سبب ہونگے ۔)

____________________

( ۱)۔جعفر بن محمّد القراری معنعناً عن ابی عبدﷲ ـ

(۲)۔ ( الف ) تظلم الزہراء علیہا سلام ، ص ۹۵

(ب) بحارالانوار ، ج ۴۴ ص ۲۶۴ : علّامہ مجلسی ( متوفّیٰ ۱۱۱۰ ھ )

(ج) تفسیر فرات الکوفی ، ص ۵۵ : فرات الکوفی ( متوفّیٰ ۳۰۰ ھ )

جناب زہرا علیہا سلام نے فرمایا:''یٰا رَسُوْلَ ﷲ ِ قَدْ رَضیْتُ عَنِ ﷲ ِ عَزَّ وَ جَلَّ'' (اے خدا کے رسولصلى‌الله‌عليه‌وآله‌وسلم ! میں خدا وند بزرگ و برتر سے راضی ہوں )( ۱ ) اس قسم کے اظہارات بہت سطحی فکر اور کوتاہ نظری ہیں کہ یہ کہا جائے :

غدیر خم کے دن لوگوں کی امامت مشخّص ہوئی، غدیر کا دن امامت کے تعیّن کا دن ہے ۔ غدیر کا دن ولایت کے تعیّن کا دن ہے ،کیونکہ امامت، رسالت ہی کی طرح الٰہی اصولوں میں سے ایک اصل ہے جو خلقت کے آغاز میں ہی معین ہو گئی تھی اور گذشتہ پیغمبروں کی لائی ہوئی آسمانی کتابوں میں اس کو بیان کر دیا گیا تھا ،اور بعثت سے غدیر تک سینکڑوں بار بے شمار احادیث وروایات میں پیغمبر گرامی اسلامصلى‌الله‌عليه‌وآله‌وسلم نے جہان والوں کی رہنمائی کرتے ہوئے امامت کا تعارف کر وا دیا تھا۔

۲۔ لوگ اور انتخاب :

یہ درست ہے کہ شیعوں کے امام خدا وند عالم کی طرف سے پہلے سے ہی منتخب ہو گئے تھے اور بعثت کے بعد سے ہر اہم مقام اورموقع پر خود رسول گرامی اسلامصلى‌الله‌عليه‌وآله‌وسلم کی زبانی انکا تعارف ہو چکا تھا لیکن ابھی بھی یہ کام مکمّل نہیں ہوا کہیں لوگ خود امام کا انتخاب نہ کرلیں ، اور اپنی کج فکری اور گمراہی کے سبب ائِمّہ معصومین علیہم السّلام کی امامت کو قبول نہ کریں نیز اسلام کی اصلی ثقافت اور امامت کے درمیان فاصلہ ڈال دیں اور حضرت علی ـاوربا قی ا ماموں کی بیعت نہ کریں تو رسول اکرمصلى‌الله‌عليه‌وآله‌وسلم کا

____________________

( ۱)۔ (الف) بحار الانوار ، ج ۲۵ ص ۴۴ /۲۲۱/۳۳۳ اور ج ۲۳ ص ۲۷۲ اور ج ۳۶ ص ۱۵۸ : علامہ مجلسی

(ب) علل الشرایع ، ص ۷۹ : شیخ صدوق ( متوفّیٰ ۳۸۱ ھ )

( ج ) کمال الدّین ، ج ۲ ص ۸۷ : شیخ صدوق ( متوفّیٰ ۳۸۱ ھ )

( د ) تفسیر البرہان ، ج ۴ ص ۱۷۳ : علامہ بحرانی اصفہانی ( متوفّیٰ ۱۱۰۷ ھ )

بتا یا ہوا راستہ خطرے میں پڑجائیگا اور پیغمبر اسلامصلى‌الله‌عليه‌وآله‌وسلم کی رسالت ان تمام ز حمتوں اور قربا نیو ں کے باوجود نامکمّل ر ہے، چنانچہ خدا وند عالم نے بھی ہوشیار کرنے والے کلمات کے ساتھ فرمایا:

( وَ اِنْ لَم تَفْعَلْ فَمٰا بَلَّغْتَ رِسٰا لَتَکَ )

اور اگر تم نے یہ کام نہ کیا تو میری رسالت کا کوی کام نہیں کیا اگر لوگ امام بر حق کی بیعت نہ کریں اور امام کو لوگوں کی حمایت حاصل نہ ہو تو امام سیاسی طاقت اور قدرت اپنے ہاتھ میں نہیں لے سکتا ،بعنوان امام اور حاکم دستور نہیں دے سکتا؛ امر و نہی نہیں کرسکتا حکومتی کام انجا م دینے والے افراد کا تعیّن نہیں کرسکتا۔

یہ جو سیاسی جما عتوں کے سربراہوں ، جاہ طلب منافقوں اور سقیفہ کے مکاّروں نے غدیر کے دن تک سکوت اختیار کیا اور کوئی خطرناک اقدام نہیں کیا صرف اس وجہ سے تھا کہ ابھی تک امّت کی رہنمائی و رہبری کا مسئلہ تحریرو تقریر تک محدود تھا، صرف رسول خداصلى‌الله‌عليه‌وآله‌وسلم کی تقاریر میں ولایت امیرالمؤمنین ـ کا ذکر ہوا تھا اور وہ لوگ بھی تحمّل کر رہے تھے ۔

لیکن غدیر کے دن ، اس عظیم اور کم نظیر اجتماع کے درمیان اور چونکا دینے والی خصوصیات کے ساتھ ؛ سب نے دیکھا کہ جناب رسول خداصلى‌الله‌عليه‌وآله‌وسلم نے صرف خطبہ اور بیان پر اکتفا نہیں کیا بلکہ عملاً سب سے پہلے حضرت علی ـ کا ہاتھ بلند کرکے خود بیعت کی اور اسکے بعد سب لوگوں کو حضرت علی ـ کی بیعت کرنے کا دستور دیا اور آخر کار ایک زیبا اور شانداربیعت وجود میں آئی، مخالفین اور منافقین بھی ایسے حالات اور شرائط سے دُچار ہو گئے تھیکہ اب انکے پاس سوائے بیعت کرنے کے اور کوئی چارہ باقی نہ رہ گیا تھا،یہاں انکی خواہشات کو ٹھیس پہنچی اور انہوں نے اپنی تمام سیاسی آرزوؤں اور شیطانی امیدوں پر پانی پھرتا محسوس کیا ،وہ یہ بات صاف طور پر محسوس کر رہے تھے کہ اب انکے لیے اور حکومت کے پیاسے سیاستدانوں کی لئے کوئی مقام نہیں ہے اوریہ کہہ رہے تھے کہ!

علی ـ خدا کی طرف سے بھی معیّن ہوئے ہیں اور پیغمبر اسلامصلى‌الله‌عليه‌وآله‌وسلم نے بھی انکی بیعت کی ہے اور سارے مسلمانوں نے بھی انکی بیعت کی ہے ،عقلی اور عقیدتی حمایت کے ساتھ ساتھ لوگوں کی سیاسی حمایت بھی ہے ، او ر پھر فرشتۂ وحی نے بھی ا نہی کو معیّن کیا ہے اور اس طرح حضرت علی ـکے لیے عمومی بیعت نے حقیقت کا روپ بھی دھارا ہے ۔ لہٰذا پیغمبر اسلامصلى‌الله‌عليه‌وآله‌وسلم کے بعد سیاسی طاقت اور حکومت حاصل کرنے کے تمام راستے اور طریقے بند ہیں،اب اسکے سوا کوئی چارہ نہیں کہ پیغمبرصلى‌الله‌عليه‌وآله‌وسلم کو قتل کر دیا جائے اور (سازشی اور قابل نفرین ) تحریر لکھی جائے، اسکے علاوہ کوئی چارہ باقی نہیں رہ گیا کہ ایک فوجی بغاوت کی جائے اور مخالفوں کا قتل عام کیا جائے ، اگر غدیر کے دن عمومی بیعت نہ ہوئی ہو تی تو منا فق اور سیاسی جماعتوں کے سربراہ اتنے غضب ناک نہ ہوتے اور رسول خداصلى‌الله‌عليه‌وآله‌وسلم کے مسلّحانہ قتل کا منصوبہ نہ بناتے، لہٰذ ا غدیر کا دن صرف تعیین امامت کا دن نہیں تھا بلکہ: روز غدیر '' امام اور عترت کی ولایت' کے تحقق کا دن تھا، غدیر کا دن مسلمانوں کی حضرت علی ـ کے ساتھ اور دوسرے َئمّہ کے ساتھ تا قیامت عمومی بیعت کا دن تھا۔

غدیر کا دن وہ دن ہے ! جس دن رسول خداصلى‌الله‌عليه‌وآله‌وسلم کے بعد مسلمانوں کی رہبری اور امامت کا مسئلہ روشن ہوا ؛ خاندان علی ابن ابی طالب ـ سے گیارہ ائمّہ کی تا قیامت جاری رہنے والی امامت کا اعلان ہو ا اور اس سلسلے میں عمومی بیعت لی گئی ،ولایت کے غاصبوں پر لعنت ملامت ہوئی اور امامت و رہبری کے تعیّن اور مسلمانوں کی قیامت تک کے لئے بیعت عام نے راہ رسالت کو دو ا م بخشا ۔

۳۔ تحقق امامت کے مراحل :

کچھ لوگ یہ سمجھتے ہیں چونکہ خدا وند عالم نے امام کو چنا اور معیّن فرمایا تھا اور رسول اسلامصلى‌الله‌عليه‌وآله‌وسلم نے بھی اس امر کی تبلیغ کر دی تھی تو بس یہ کافی ہے ، ائمّہ معصومین علیہم السّلام (حضرت امیرالمؤمنین ـ سے لے کر حضرت مہدی 'عجل فرجہ الشریف ' تک ) انسانوں کے امام ، رہبر اور پیشوا خدا کی طرف سے منصوب کئے گئے ہیں ۔ُمّت مسلمہ کے حقیقی اور واقعی رہبر تو ائمّہ ہیں ؛ چاہے لوگ انکو منتخب کریں یا نہ کریں ،چاہے ظاہری امامت کے حامل ہوں یانہ ہوں سیاسی قدرت کواسلامی معاشرے میں اسلامی آئین و قوانین کا اجرا کر یں یا نہ کریں یہ نظریہ اور طرز تفکّر '' شخصی اعتقاد ' 'کے لحاظ سے تو صحیح ہے حضرت علی ـ اور دیگر ائمہ معصومین علیہم السّلام جہان کی خلقت کے شروع ہونے سے بھی پہلے منتخب ہو چکے تھے اور انکے بابرکت اور نورانی اسماء دیگر آسمانی کتابوں بھی ذکر کئے گئے ہیں چاہے لوگ ان بزرگوں اور رہبران حق کو پہچانے یا نہ پہچانے کوئی فرق نہیں پڑتا۔

جب حضرت علی ـ کو غربت و فقر کی ہی زندگی گزارنی ہے اور سیاسی طاقت اپنے ہاتھ میں نہیں لینی ہے تو اس سے کیا فرق پڑتا ہے کہ لوگ انکو پہچانے یا نہ اور ا ن کے مقام و منزلت سے واقف ہوں یا نہ؟کیونکہ امام علی ـ کو خدا وندعالم نے منتخب کیا ہے اور وہ تمام لیاقتیں اور اوصاف جو ایک امام بر حق میں ہونا ضروری ہیں ان سب کے حامل ہیں ، اس بات پر یقین اور اعتقاد بھی محکم ترین عقائد میں سے ایک ہے، لیکن اس عقیدے کا اجتماعی فائدہ کیا ہے ؟مقام جراء میں اس کی کیا حیثیت ہے؟

اس کی مثا ل بالکل ایسی ہی ہے جیسے ایک ما ہر طبیب اور قابل ولائق ڈاکٹر ایک شہر میں گوشہ نشینی اختیار کر لے اور غریبانہ ، تنہا اور گمنام زندگی گزارے جبکہ مختلف امرا ض میں مبتلا ہزاروں مریض اس طبیب کے علاج و درمان سے محروم رہیں معا لجے کے لئے اس کا انتخاب نہ کریں ، اس کے پا س نہ جا ئیں اور اس کے علم ودانش سے استفادہ نہ کر یں ۔

سب سے اہم بات تو یہ ہے کہ امام اسلامی حکومت کی سیاست میں عمل دخل رکھتا ہو سیاسی قدرت اس کے ہا تھ میں ہو اور احکام دین کا اجرا ہو ، اجتماعی عدالت کاتحقق اور اس میں توسیع ہو،

وہ کون ہے جسے احکام الہی کی تفسیر کرنی چاہیے،

وہ کو ن ہے جسے اسلامی اقتدار کو اسلامی معاشرے پر حاکم بنانا چاہیے ،

وہ کون ہے جسے حدود الہی کا پاس رکھتے ہوئے اسلامی معاشرے پر قانون لاگو کرنا چاہیے وہ کون ہے جو قصاص کرے ، شرعی حد جاری کرے ،وجوہات شرعی کی جمع آوری کرے اور صلح وجنگ میں رہنمائی کرے، خدا اور اسکے فرشتے تو مسلمانوں کی سیاسی اور اجرائی قدرت کو عملاً اپنے ہاتھ میں نہیں لیتے ، لہذا خدا کے منتخب بندوں کو ہونا چاہیے جومعاشرے میں یہ سارے امور خوش اسلوبی کے ساتھ انجام دیں لیکن کو ن اور کیسے ؟۔

یہیں پر لوگوں کا انتخاب اپنا کردار ادا کرتا ہے لوگوں کا قبو ل کرنا امام کی سیاسی اور اجرائی قدرت کیے لئے موثر ہو تا ہے لھذا اس بنا پر امامت کا تحقق پانا چند مراحل میں بہت اہم اور ضروری ہے جیسے۔

اوّل ۔ انتخاب الٰہی :

کیونکہ لوگ انسان شناس نہیں ہیں اور دوسروں کے باطنی رموزو اسرارسے واقفیت نہیں رکھتے ، لہٰذا امام بر حق کا انتخاب خدا وند عالم کو کرنا چاہیے جو کہ خالق انسان بھی ہے اور اسکی باطنی کیفیت سے بھی آگاہ ہے ۔ ( ﷲ ُ َعْلَمُ حَیْثَ یَجْعَلَ رِّسٰا لَتَہُ )

(خدا وند عالم بہتر جانتا ہے کہ رسالت و امامت کو کس خاندان میں قرار دے ، خدا وند عالم نے ہی تمام قوموں کے لئے پیغمبروں اور اماموں کا انتخاب کیا ہے اور انکا تعارف کرایا ہے ۔

دوّم۔ پیغمبرا ن خدا کا اعلان :

خدا وند عالم کے انتخاب کر لینے کے بعد آسمانی رہنماؤں اور ائمّہ معصو مین علیہم السّلام کا تعارف خدا کے پیغمبروں کے توسّط سے ہونا چاہیے ،انکی اخلاقی خصوصیات کا ذکر ہونا چاہیے ،انکی اجرائی اور سربراہی طاقت کو لوگوں کے درمیان بیان ہونا چاہیے،تاکہ یہ بر گزیدہ ہستیاں پیغمبر خاتمصلى‌الله‌عليه‌وآله‌وسلم کے بعد سے تا قیام قیامت امت کی رہنمائی کر سکیں اور احکام خدا وندعالم کو معاشرے میں عام کر سکیں۔

چنانچہ جناب امیر المؤمنین ـ نے ارشاد فرمایا:

''وَخَلَّفَ فیْکُمْ مٰاخَلَّفَتِ الْاَنْبِیٰاء ُفیْ ُمَمِ ه ٰا،ِذْلَمْ یَتْرُکُوْ ه ُم ه َمَلاً، بِغَیْرٍ طَریْقٍ وَاضِحٍ وَلَا عَلَمٍ قٰائِمٍ .'' رسول گرامی اسلامصلى‌الله‌عليه‌وآله‌وسلم نے تمہارے درمیان ایسے ہی جانشین مقرر کئے جیسے کے گذشتہ پیغمبروں نے اپنی اپنی امت کے لئے مقرّر کئے کیونکہ وہ اپنی امت کو سر گردان اور لاوارث چھوڑ کر نہیں گئے ، واضح و روشن راستہ نیز محکم نشانیاں بتائے بغیرلوگوں کے درمیان سے نہیں گئے ۔( ۱ )

لیکن اب بھی منتخب َئمّہ کی ولایت عمل و اجرا کے لحاظ سے نامکمّل ہے کیونکہ اگر خدا وند عالم معصوم رہنماؤں کا انتخاب بھی کرلے اور اسکا رسولصلى‌الله‌عليه‌وآله‌وسلم انکا ابلاغ بھی کر دے لیکن مقام عمل اور میدان زندگی میں لوگ انکو قبول نہ کرتے ہوں تو ولایت کا وقوع معاشرے میں نا تمام و نا مکمّل ہے ۔ اس لئے ایک تیسرے عامل ( لوگوں کا انتخاب ) کا وجود لازمی و ضروری ہے۔

____________________

( ۱)۔ خطبۂ ۱/ ۴۴ : نہج البلاغہ معجم المفہرس مؤلّف ۔ اسناد و مدارک

۱۔ عیون المواعظ والحکم : واسطی ( ۴۵۷ میں لکھی گئی ) ۲۔ بحار الانوار ، ج ۷۷ ، ص ۳۰۰ / ۴۲۳ : مرحوم علّامہ مجلسی ( متوفّیٰ ۱۱۱۰ ھ ) ۳۔ ربیع الابرار ( باب السماء والکواکب ) : زمخشری ( متوفّیٰ ۵۳۸ ھ ) ۴۔ شرح نہج البلاغہ ، ج ۱ ،ص ۲۲ : قطب راوندی ( متوفّیٰ ۵۷۳ ھ ) ۵۔ تحف العقول : ابن شعبۂ حرانی ( متوفّیٰ ۳۸۰ ھ )۶۔ اصول کافی ، ج ۱، ص ۱۴۰/۱۳۸ : مرحوم کلینی ( متوفّیٰ ۳۲۸ ھ )۷۔ الاحتجاج ، ج ۱ ،ص ۱۵۰ /۱۹۸ /۲۰۹ : مرحوم طبرسی ( متوفّیٰ ۵۸۸ ھ )۸۔ مطالب السؤول : محمّد بن طلحہ شافعی ( متوفّیٰ ۶۵۲ ھ )

۹۔ دستور معالم الحکم ، ص ۱۵۳ : قاضی قضاعی ( متوفّیٰ ۴۵۴ ھ )۱۰۔ تفسیر فخر رازی ، ج ۲، ص ۱۶۴ : فخر رازی ( متوفّیٰ ۶۰۶ ھ ) ۱۱۔ الحکمة و المواعظ : ابن شاکر واسطی ( ۴۵۲ میں تدوین ہوئی )۱۲۔ ارشاد ، ج ۱، ص ۱۰۵/۲۱۶/۲۱۷ : شیخ مفید ( متوفّیٰ ۴۱۳ ھ ) ۱۳۔ توحید ، ص ۲۴ : شیخ صدوق ( متوفّیٰ ۳۸۰ ھ )۱۴۔ عیون الاخبار : شیخ صدوق ( متوفّیٰ ۳۸۰ ھ )۱۵۔ أمالی ، ج ۱ ،ص ۲۲ : شیخ طوسی ( متوفّیٰ ۴۶۰ ھ )۱۶۔ کتاب أمالی ، ص ۲۰۵ : شیخ صدوق ( متوفّیٰ ۳۸۰ ھ )۱۷۔ اختصاص ، ص ۲۳۶ : شیخ مفید ( متوفّیٰ ۴۱۳ ھ )۱۹۔ تذکرة الخواص ، ص ۱۵۷ : ابن جوزی ( متوفّیٰ ۶۵۴ ھ )۲۰۔ کتاب البدء والتاریخ ، ج ۱، ص ۷۴ : مقدّسی ( متوفّیٰ ۳۵۵ ھ )۲۱۔ بحار الانوار ، ج ۴، ص ۳۲/۴۴/ ۵۳/ ۵۴ : علامہ مجلسی ( متوفّیٰ ۱۱۱۰ ھ )۲۲۔ کتاب محاسن : علامہ برقی ( متوفّیٰ ۲۷۴ ھ )۲۳۔ بحارالانوار ، ج ۴ ، ص ۲۴۷/۲۸۵/۳۰۴/۳۲/۴۴/۵۲/۵۳/۵۴ : علامہ مجلسی ( متوفّیٰ ۱۱۱۰ ھ )۲۴۔ بحارالانوار ، ج ۱۰ ،ص ۱۱۸/ ج ۱۱ ،ص ۶۰/۱۲۲ : علامہ مجلسی ( متوفّیٰ ۱۱۱۰ ھ )۲۵۔ بحارالانوار ، ج ۱۶، ص ۲۸۴ / ج ۵۴ ، ص ۱۷۶ : علامہ مجلسی ( متوفّیٰ ۱۱۱۰ ھ )

۲۶۔ بحارالانوار ، ج ۶۰ ،ص ۲۱۲ : علامہ مجلسی ( متوفّیٰ ۱۱۱۰ ھ )۲۷۔ غررالحکم ، ج ۳، ص ۳۰۱/ ج ۴ ،ص ۳۸۹ : مرحوم آمدی ( متوفّیٰ ۵۸۸ ھ )۲۸۔ غررالحکم ، ج ۵ ،ص ۹۹/۱۰۲/ ج ۶ ،ص ۴۲۱ : مرحوم آمدی ( متوفّیٰ ۵۸۸ ھ )۲۹۔ بحارالانوار ، ج ۴ ،ص ۲۴۸ / ج ۵۷ ،ص ۱۷۸ : علامہ مجلسی ( متوفّیٰ ۱۱۱۰ ھ )۳۰۔ بحارالانوار ، ج ۱۸ ، ص ۲۱۷ / ج ۱۱ ،ص ۱۲۳ /۶۱طبع جدید : علامہ مجلسی ( متوفّیٰ ۱۱۱۰ ھ )۳۱۔ اصول کافی ، ج ۱، ص ۱۳۵ / ۱۳۹/ ۱۴۱ : مرحوم کلینی ( متوفّیٰ ۳۲۸ ھ ) ۳۲۔ روضۂ کافی ، ج ۸، ص ۳۱ : مرحوم کلینی ( متوفّیٰ ۳۲۸ ھ )

سوّم۔لوگوں کی بیعت عام:

اگر لوگ انتخاب الٰہی اور پیغمبر خداصلى‌الله‌عليه‌وآله‌وسلم کے ابلاغ کے بعد راستے کو پہچان لیں ، اپنے اما م بر حق کو چن لیں ، کارہائے امامت میں ممد و معاون ہوں ، اپنے امام کا دل وجان سے انتخاب کریں،اسلامی اقدار کے تحقق کے لئے سر دھڑ کی بازی لگا دیں اور شہادت کی آرزو کے ساتھ امام کے حکم جہاد کو بجا لانے میں دریغ نہ کریں ، عقیدے و یقین میں بھی اور زندگی کے میدان عمل میں بھی امام پر ایمان رکھتے ہوں تب ہی امامت کا تحقق اور ایک واقعی وجودقائم ہوتا ہے ،امام کو احکام الٰہی کے اجراء کی قدرت و طاقت ملتی ہے اور انسانوں کی میدان زندگی میں دین خدا کو وجود ملتا ہے ۔

جیسا کہ امام ـ نے فرمایا !

'' َمٰاوَالَّذِیْ فَلَقَ الْحَبَّةَ،وَبَرَاَالنَّسَمَةَ،لَوْلاَحُضُوْرُالحٰاضِر وَقِیٰامُ الْحُجَّة بِوُجُوْ دِ ا لنّٰاصِرِ،وَمٰا اَخَذَﷲ ُعَلیَ الْعُلَمٰائِ َلا یُقٰا رُّوْا عَلیٰ کِظَّة ظٰالِمٍ، وَلاَ سَغَبِ مَظْلُوْمٍ،لَاَ لْقَیْتُ حَبْلَ ه ٰا عَلیٰ غٰارِبِ ه ٰا،وَلَسَقَیْتُ آخِرَ ه ٰا بِکَاْسِ َوَّلِ ه ٰا،وَلَاَلْفَیْتُمْ دُنْیٰاکُمْ ه ٰذِ ه َ زْ ه َدَعِنْدِیْ مِنْ عَفْطَةِ عَنْزٍ!.'' ( ۱ )

اس خدا کی قسم! کہ جس نے دانے میں شگاف ڈالا اور جان کو خلق کیا ، اگر بیعت کرنے

____________________

(۱)نہج البلاغہ خطبۂ ۳/۱۶

والوں کی بڑی تعداد حاضر نہ ہوتی اور چاہنے والے مجھ پر حجّت تمام نہ کرتے اور خدا وند عالم نے علماء سے عہد و پیمان نہ لیا ہوتا کہ وہ ظالموں کی ہوس اور شکم پری، اور مظلوموں کی گرسنگی پر خاموشی اختیار نہ کریں تو میں آج بھی خلافت کی رسّی انکے گلے میں ڈال کر ہا نک دیتا اور خلافت کے آخر کو اول ہی کے کاسہ سے سیراب کرتا اور تم دیکھ لیتے کہ تمہاری دنیا میری نظر میں بکری کی چھینک سے بھی زیادہ بے قیمت ہے ۔( ۱ )

____________________

(۱)۔ اسناد و مدارک خطبۂ /۳

۱۔ کتاب الجمل ، ص ۶۲/۹۲ : شیخ مفید ( متوفّیٰ ۴۱۳ ھ )۲۔ الفہرست ، ص ۹۲ : نجاشی ( متوفّیٰ ۴۵۰ ھ )۳۔ الفہرست ، ص ۲۲۴ : ابن ندیم ( متوفّیٰ ۴۳۸ ھ )

۴۔ الانصاف فی الامامة : ابی جعفر ابن قبۂ رازی ( متوفّیٰ ۳۱۹ ھ )۵۔ معانی الاخبار ، ص ۳۴۳ : شیخ صدوق ( متوفّیٰ ۳۸۰ ھ ۶۔ علل الشرایع ، ص ۱۴۴ : شیخ صدوق ( متوفّیٰ ۳۸۰ ھ )۷۔ العقد الفرید ، ج ۴ : ابن عبد ربہ ( متوفّیٰ ۳۲۸ ھ )۸۔ بحار الانوار ، ج ۸ ص ۱۲۰ ( کمپانی ؛متوفّیٰ ۱۰۳۷ ھ ) : مرحوم مجلسی ( متوفّیٰ ۱۱۱۰ ھ )۹ شرح نہج البلاغہ : قطب راوندی ( متوفّیٰ ۵۷۳ ھ )۱۰۔ المناقب : ابن جوزی ( متوفّیٰ ۶۵۴ ھ )۱۱۔ الغارات : ابن ہلال ثقفی ( متوفّیٰ ۲۸۳ ھ )۱۲۔ الفرقة الناجیة : قطیفی ( متوفّیٰ ۹۴۵ ھ )۱۳۔ ارشاد ، ج ۱ ص ۱۳۵/۲۸۴/۲۸۶ : شیخ مفید ( متوفّیٰ ۴۱۳ ھ )۱۴۔ المغنی : قاضی عبدالجبّار ( متوفّیٰ ۴۱۵ ھ )۱۵۔ نثرالدرر : وزیر ابو سعید آبی ( متوفّیٰ ۴۲۲ ھ ) ۱۶۔ نزہة الادیب : وزیر ابو سعید آبادی ( متوفّیٰ ۴۲۲ ھ )۱۷۔ الشافی ، ص ۲۰۳ : سیّد مرتضیٰ ( متوفّیٰ ۴۳۶ ھ )۱۸۔ الامالی : ہلال بن محمد بن الحفار ( متوفّیٰ ۴۱۷ ھ )۱۹۔ الامالی : شیخ الطائفة طوسی ( متوفّیٰ ۴۶۰ ھ )۲۰۔ تذکرة الخواص ، ص ۱۳۳ : سبط ابن الجوزی ( متوفّیٰ ۶۵۴ ھ )۲۱۔ تحف العقول ، ص ۳۱۳ : ابن شعبۂ حرانی ( متوفّیٰ ۳۸۰ ھ )۲۲۔ شرح الخطبة الشقشقیة : سیّد مرتضیٰ ( متوفّیٰ ۴۳۶ ھ )۲۳۔ الافصاح فی الامامة ، ص ۱۷ : شیخ مفید ( متوفّیٰ ۴۱۳ ھ )۲۴۔ الاحتجاج ، ج ۱، ص ۲۸۱/۱۹۱ : طبرسی ( متوفّیٰ ۵۸۸ ھ )۲۵۔ المحاسن والادب : علّامہ برقی ( متوفّیٰ ۲۸۰ ھ )

۲۶۔ المستقصیٰ ، ج۱ ،ص ۳۹۳ : زمخشری ( متوفّیٰ ۵۳۸ ھ )۲۷۔ مجمع الامثال ، ج ۱، ص ۱۹۷ : میدانی ( متوفّیٰ ۵۱۸ ھ )۲۸۔ المجلی ، ص ۳۹۳ : ابن ابی جمہور احسائی ( متوفّیٰ ۹۰۹ ھ )۲۹۔ المواعظ ولزواجر ( کتاب الغدیر ، ج ۷، ص ۸۲ سے نقل ) : ابن سعید عسکری ( متوفّیٰ ۲۹۱ ھ )۳۰۔ ابن خشاب کہتا ہے ! خدا کی قسم میں نے اس خطبے کو ان کتابوں میں پڑھا ہے جو سیّد رضی کی پیدائش سے ۲۰۰/سال پہلے تدوین ہو ئی ہیں : ماھو نہج البلاغہ ، ص ۹۸ : شہرستانی۳۱۔ کتاب الانصاف : ابن کعبی بلخی ( متوفّیٰ ۳۱۹ ھ )

۳۲۔ الاوائل : ابن ہلال عسکری ( متوفّیٰ ۳۹۵ ھ )۳۳۔ غرر الحکم ، ج ۳ ، ص ۴۶ : مرحوم آمدی ( متوفّیٰ ۵۸۸ ھ )۳۴۔ غرر الحکم ، ج ۶ ،ص ۲۳۲/ ۲۵۶ : مرحوم آمدی ( متوفّیٰ ۵۸۸ ھ )۳۵۔ رسائل العشر ، ص ۱۲۴ : شیخ طوسی ( متوفّیٰ ۴۶۰ ھ )

اگرانتخاب الھی وابلاغ ر سا لت کے بعدلوگ ائمہ معصومین کو قبول نہ کریں اور امام برحق کو تنہا چھوڑ دیں یا قتل کر دیں تو اس صورت میں امامت اور ولایت کا تحقق نہیں ہو گا اور امام سیاسی طور پر لوگوں میں حاضر نہیں ہو سکتے اور کوئی بھی ان کے امر باالمعروف اور نہی عن المنکر پر عمل نہیں کرے گا اور اگرفرمان صادرفرمائیں گے تو کوئی اطاعت نہیں کرے گا۔

حضرت علی ـ نے فرما یا :

دَعُونِ وَالَتمِسُوا غَیرِی ،فَاِنَّاَا مُستَقبِلُون اَمراً لَ ه ُ وُجُو ه ُ وَاَلوَانُ، لَاتَقُومُ لَ ه القُلُوبُ،وَلَاتَثبُتُ عَلَی ه ِ العُقُولُ وَاِن الافَاقَ قَد اَغَامَت،وَالمحَجَّةَ قَدتَنَکَّرَت وَاعلَمُوا اَنَّ اِن اَجَبتُکُم رَکِبتُ بِکُم مَااَعلَمُ وَلَم اُصغِ اِ لَی قَولِ اَلقَائَل وَعَتبِ اَلعَا تِب وَاِن تَرَکتُمُونِ فَاَنَاکَاَحَدِکُم،وَلَعَلِّ اَسمَعُکُم وَاَطوَعُکُم لِمَن وَلَّیتُمُو ه ُ اَمرَکُم،وَ اَنَا لَکُم وَزِیراً ،خَیرُلَکُم مِنِّی اَمِیراً :( ۱ )

جب لوگوں نے قتل عثمان کے بعد آپ کی بیعت کا ارداہ کیا تو آپ نے فرما یا: مجھے چھوڑ دو جائو کسی اور کو تلاش کر لو( ۲ ) ہمارے سامنے وہ معاملہ ہے جس کے بہت سے رنگ اور رخ ہیں جن کی نہ دلوں میں تاب ہے اور نہ عقلیں انہیں برداشت کر سکتی ہیں دیکھو افق کس قدر ابر آلودہے اور راستے کس قدر انجانے ہیں ، یاد رکھو اگر میں نے تمہاری بیعت کی دعوت کو قبول کر لیا تو تمہیں اپنے علم ہی کے

____________________

(۱)۔خطبہ ۹۲، نہج البلاغہ معجم المفھرس

(۲)۔اس میں کوئی شک نہیں کہ حضرت علی ـ خدا وند عالم کی طرف سے امامت پر منصوب ہوئے اور اسلامی ممالک سے آئے ہوئے ایک لاکھ بیس ہزار حاجیوںنے غدیر خم کے میدان میں خدا وند عالم کے حکم سے اور پیغمبرصلى‌الله‌عليه‌وآله‌وسلم کے ابلاغ کے بعد امام کے ساتھ بیعت کی ، لیکن ۲۵سال بعد ،ان تینوں کی خلافت کے دور میں لوگوں کے سیاسی انحراف اوراقدار میں تغییر کے سبب اس وقت اتمام حجّت کرتے ہوئے فرما رہے ہیں کہ '' مجھے چھوڑ دو'یعنی تم لوگ عدل کی حکومت کا تحمّل نہیں کر سکتے۔

راستے پر چلاؤں گا اور کسی کی کوئی بات او ر سرزنش نہیں سنوں گا لیکن اگر تم نے مجھے چھوڑ دیا تو تمہارے ہی ایک فرد کی طرح زندگی گزاروں گا بلکہ شاید تم سب سے زیادہ تمہارے حاکم کے احکام کا خیال رکھوں میں تمہارے لئے وزیر کی حیثیت سے ا میر کی بہ نسبت ز یادہ بہتر رہوں گا( ۱ ) نا پختہ اور سست عقائد کے مالک کوفیوں کی سرزنش کرتے ہوئے ایک تقریر میں حضرت امیر المؤمنین ـ نے واضح طور پر اساسی اور بنیادی اصل کی طرف اشارہ فرمایا کہ اگر لوگ امام کی اطاعت نہ کریں تو امام عملاً ایک اسلامی معاشرہ میں معاشرہ ساز فعالیّت نہیں انجام دے سکتا۔

____________________

(۱)۔ خطبۂ / ۹۲ کے اسناد و مدارک :

۱۔ تاریخ طبری ، ج ۶ ص ۳۰۶ : طبری ( متوفّیٰ ۳۱۰ ھ )۲۔ النّہایة ( ۳۵ ھ کے حوادث سی مربوط ) : ابن اثیر ( متوفّیٰ ۶۰۶ ھ )۳۔ کتاب جمل ، ص ۴۸ : شیخ مفید ( متوفّیٰ ۴۱۳ ھ )

۴۔ تذکرة الخواص ، ص ۵۷ : ابن جوزی ( متوفّیٰ ۵۶۷ ھ )۵۔ شرح قطب راوندی ، ج ۱ ص ۴۱۸ : ابن راوندی ( متوفّیٰ ۵۷۳ ھ )۶۔ نسخۂ خطّی ۴۹۹ ھ ، ص ۷۳ : مؤلفہ ابن مؤدب، پانچویں صدی کے عالم دین۷۔ نسخۂ خطّی نہج البلاغہ ، ص ۷۰ : مؤلّفہ ۴۲۱ ھ۸۔تجارب الامم:، ج ۱ ، ص ۵۰۸ : ابن مسکویہ ( متوفّی ۴۲۱ ھ)۹۔ بحارالانوار ، ج ۳۲ ،ص۳۵۔ مرحوم مجلسی ( متوفی ۱۱۱۰ ھ ) ٭ : امیر المؤ منین ـ کے اس ارشاد سے تین باتوں کی مکمّل وضاحت ہوتی ہے۔ (خطبہ ۹۲ نہج البلاغہ)۱۔ آپ ـکو خلافت کے سلسلے میں کوئی حرص اور طمع نہیں تھی اور نہ ہی آپ ـ اس سلسلے میں کسی قسم کی تگ و دو کرنے کے قائل تھے ۔ الٰہی عہدہ عہدیدار کے پاس آتا ہے عہدیدار خود اسکی تلاش میں نہیں جاتا۔

۲۔ آپ ـ کسی قیمت پر اسلام کی تباہی برداشت نہیں کر سکتے تھے آپ کی نظر میں خلافت کا لفظ اپنے اندر مشکلات اور مصائب لئے تھا اور قوم کی طرف سے بغاوت کا خطرہ نگاہ کے سامنے تھا لیکن اسکے باوجود اگر ملت کی اصلاح اور اسلام کی بقا ء کا دارومدار اس خلافت کو قبول کرنے میں ہے تو آپ اس راہ میں ہر قسم کی قربانی دینے کے لئے آمادہ و تیارہیں ۔

۳۔ آ پ ـ کی نگاہ میں امت کے لئے ایک درمیانی راستہ وہی تھا جس پر آج تک چل رہی تھی کہ اپنی مرضی سے ایک امیر چن لے اور وقتاً فوقتاً ضرورت پڑنے پر آپ ـ سے مشورہ کرتی رہے آپ ـ مشورہ دینے سے بہر حال گریز نہیں کرتے ہیں جس کامسلسل تجربہ ہو چکا ہے ، اور اس مشاورت کو آپ نے وزارت سے تعبیر کیا ہے ، وزارت فقط اسلامی مفاد تک بوجھ بانٹنے کے لیے حسین ترین تعبیر ہے ، ورنہ جس حکومت کی امارت قابل قبول نہیں اسکی وزارت بھی قابل قبول نہ ہوگی ۔(مترجم)

'' یٰاَشْبٰا ه َ الرِّجٰالِ وَلاَرِجٰالَ!حُلُوْمُ الْاَطْفٰالِ،وَعُقُوْلُ رَبَّات الْحِجٰالِ لَوَدِدْتُ َا نِّیْ لَمْ َا رَکُمْ وَلَمْ َاعْرِفکُمْ مَعْرِفَةً وَﷲجَرَّتْ نَدَماً وَاَ عَقَبَت سَدَ ماً قَا تَلَکُمُ ﷲ ُ! لَقَدْ مَلَاْتُمْ قَلْبی قَیْحاً وَشَحَنْتُمْ صَدْری غَیْظاً وَجَرَعْتُمُوْنیْ نُغَبَ التَّ ه ْمٰام َنْفٰاساً وَاَفْسَدْتُمْ عَلَیَّ رْٰیِیْ بِالْعِصْیٰان وَالْخِذْلاَنِ حَتّیٰ لَقَد قٰالَتْ قُرَیْش اِنَّ أبْنَ َبیْ طٰالِبٍ رَجُل شُجٰاع ، وَلٰکِنْ لاَعِلْمَ لَ ه ُ بِالْحَرْبِ لِلّٰ ه ِ اَبُوْ ه ُمْ وَ ه َلْ اَحَدمِنْ ه ُمْ َشَدُّلَ ه ٰامِرٰاسا وَاَ قْدَمُ فیْ ه ٰامَقٰاماً مِنِّیْ لَقَدْنَ ه َضْتُ فِیْ ه ٰاوَمٰابَلَغْتُ الْعِشْرِیْنَ وَ ه ٰاَنَذَا قَدْذَرَّفْتَ عَلَی السِّتِّیْنَ وَلٰکِنْ لاَ رَاْیَ لِمَنْ لاَ یُطٰاعُ ''( ۱ )

ترجمہ ( اے مرد وں کی شکل وصورت والو! اور واقعا نا مردو ، تمہاری فکریں بچوں جیسی اور تمہاری عقلیں حجلہ نشین دلہنوں جیسی ہیں میری خواہش تھی کاش میں تمہیں نہ دیکھتا اور تم سے متعارف نہ ہوتا، جس کا نتیجہ صرف ندا مت اور رنج و ا فسوس ہے ﷲ تمہیں غارت کرے تم نے میرے دل کو پیپ سے بھر دیا، اور میرے سینہ کو رنج وغم سے چھلکا دیا ہے ، تم نے ہر سانس میں ہم و غم کے گھونٹ پلائے ، اور اپنی نافرمانی ا ور سر کشی سے میری رائے کو بھی بیکار و بے ا ثر بنا دیا ہے ،یہاں تک کہ اب قریش والے یہ کہنے لگے ہیں کہ فرزند ابو طالب ـبہادر تو ہیں لیکن انھیں فنون جنگ کا علم نہیں ہے ،

____________________

( ۱)۔اسناد و مدارک خطبۂ / ۲۷

۱۔ البیا ن و التبیین ، ج ۱ ،ص ۱۷۰ : جاحظ ( متوفّیٰ ۲۵۵ ھ ) ۲۔ البیا ن و التبیین ، ج ۲ ، ص ۶۶ : جاحظ ( متوفّیٰ ۲۵۵ ھ )

۳۔ عیون الاخبار ، ج ۲ ،ص ۲۳۶ : ابن قتیبة ( متوفّیٰ ۲۷۶ ھ ) ۴۔ اخبار الطوال ، ص ۲۱۱ : دینوری ( متوفّیٰ ۲۹۰ ھ )

۵۔ الغارات ، ج ۲ ، ص ۴۵۲/۴۹۴ : ابن ہلال ثقفی ( متوفّیٰ ۲۸۳ ھ )۶۔ الکامل ، ج ۱ ، ص ۱۳ : مبرد ( متوفّیٰ ۲۸۵ ھ )

۷۔ اغا نی ، ج ۱۵ ، ص ۴۵ : ابو الفرج اصفہانی ( متوفّیٰ ۳۵۶ ھ ) ۸۔ مقاتل الطالبین ، ص ۲۷ : ابو الفرج اصفہانی ( متوفّیٰ ۳۵۶ ھ )

۹۔ معانی الاخبار ، ص ۳۰۹ : شیخ صدوق ( متوفّیٰ ۳۸۰ ھ ) ۱۰۔ انساب الاشراف ، ج ۲ ص ۴۴۲ : بلاذری ( متوفّیٰ ۲۷۹ ھ )

۱۱۔ مروج الذہب ، ج ۲ ص ۴۰۳ : مسعودی ( متوفّیٰ ۳۴۶ ھ ) ۱۲۔ عقدالفرید ، ج ۲ ص ۱۶۳ : ابن عبد ربہ ( متوفّیٰ ۳۲۸ ھ )

۱۳۔ فروغ کافی ، ج ۵ ص ۴/۶/۵۳/۵۴ : مرحوم کلینی ( متوفّیٰ ۳۲۹ ھ ) ۱۴۔ دعائم الاسلام ، ج ۱ ص ۴۵۵ : قاضی نعمان ( متوفّیٰ ۳۶۳ ھ )

۱۵۔ احتجاج ، ج ۱ ص ۲۵۱ / ۱۷۴ : مرحوم طبرسی ( متوفّیٰ ۵۸۸ ھ ) ۱۶۔ تہذیب ، ج ۶ ص ۱۲۳ : شیخ طوسی ( متوفّیٰ ۴۶۰ ھ )

ﷲ ان کا بھلا کرے ، کیا ان میں کوئی بھی ایسا ہے ، جو مجھ سے زیادہ جنگ کا تجربہ رکھتا ہو ، اور مجھ سے پہلے سے کوئی مقام رکھتا ہو ، میں نے جھاد کے لئے اس وقت قیام کیا ہے جب میری عمر ۲۰ سال بھی نہیں تھی اور اب تو(۶۰) سال ہو چکی ہے لیکن کیاکیا جائے جس کی ا طاعت نہیں کی جاتی اس کی رائے بھی کوئی رائے نہیں ہوتی ۔

اب اس مقام پر یعنی انتخاب الہی اور ابلاغ پیغمبر اکرمصلى‌الله‌عليه‌وآله‌وسلم کے بعد لوگوں کی عمومی بیعت اور ملت کا انتخاب احکام الہی کے اجرا میں اپنا اہم کردار ادا کرتا ہے اور حکومت امام کے لئے عملی راہ فراہم کر تی ہے ، غدیر خم کے ر وزیہ تینوں مراحل بخوبی اور تمام تر ز یبایوں کے ساتھ ا پنے ا نجام کو پہنچے یہاں تک کہ حکومت کے پیاسوں کے د لوںمیں دشمنی کی آگ بھڑک ا ٹھی ا نہوں نے جو کچھ بھی چاہا انجام دیا ، اور تاریخ میں ہمیشہ کے لئے اپنے آپ کو بد نام کر لیاکیونکہ :

الف: خدا وند عالم کے انتخاب کا تحقق فرشتہ وحی کے توسّط سے آیات کی صورت میں( بلّغ ما اُنزِل اِلیک ) اور( الیوم اکملت لکم دینکم ) کے نزول کے ساتھ ہوا۔

ب: وحی الہی کا ابلاغ اس عظیم و کم نظیر اجتماع میں پیغمبر اکرمصلى‌الله‌عليه‌وآله‌وسلم کے توسط سے انجام پایا:

ج: مردوں اور عو ر توں پر مشتمل عمومی بیعت تا دم صبح جاری رہی اور بخیر و خوبی انجام پذ یر ہوئی کیونکہ امامت کو اس کا صحیح وارث اور مقام مل گیا اور لوگوں کی عمومی بیعت بھی انتخاب الٰہی کے لئے حامی واقع ہوئی ؛ لوگوں کا انتخاب ، انتخاب الٰہی اور رسول ِ خداصلى‌الله‌عليه‌وآله‌وسلم کی ابلاغ و اعلان نے ایک ساتھ مل کر امامت کو پائدار اور زندہ و جاوید کیا ؛ تو اس وجہ سے منافقین اور حاسدین غضبناک ہوگئے ، یہاں تک کہ ایک شخص نے موت کی آرزو کی اور آسمان سے ایک پتھر نے آکر ا س کو نیست ونابود کر دیا۔

بعض گروہ آپصلى‌الله‌عليه‌وآله‌وسلم کے قتل کے درپے ہوگئے لیکن خدائی امداد نے انہیں ناکام اور رسوا کردیا اور بعض دوسروں نے وہ شرمناک اور قابل مذمّت تحریر لکھی کہ جس کے ذریعہ لوگوں کو گمراہ کرنا چاہتے تھے ؛ لیکن آخر کار ان کے پاس سکوت اختیار کرنے ،بغض و نفاق اور شیطانی انتظار کے علاوہ کوئی اورچارہ نہ تھا یہاں تک کہ جناب رسول ِ خداصلى‌الله‌عليه‌وآله‌وسلم کی وفات کے بعدتمام بغض اور کینہ توزیوں کو یکجا کرکے جو بھی چاہا ایک مسلّحانہ بغاوت (فوجی بغاوت) کی صورت میں انجام دیا۔

لہٰذا یہ غدیر کا دن صرف'' امام کے تعیّن '' کا دن نہ تھا کیونکہ مسلمانوں کا امام غدیر کے عظیم واقعہ سے پہلے ہی معیّن ہو چکا تھا اور حضرت امیر المؤمنین ـ کے بعد آنے والے ائمہ علیہم السّلام کا ناموں کے ساتھ تعارف کروایا جاچکا تھا ؛ کسی کو امامت اورائمہ علیہم السّلام کے ناموں میں کوئی شک و شبہ نہیں تھا، غدیر کے دن ( مسلمانوں کی عمومی بیعت) اور خود جناب رسول خداصلى‌الله‌عليه‌وآله‌وسلم کی حضرت علی ـ کے ساتھ بیعت نے حقیقت کا روپ اختیار کیا اور منکرین ولایت کے لئے تمام راستے بند کر د ئے تاکہ آفتاب ولایت کا انکار نہ کر سکیں ۔

چوتھی فصل

کیا غدیر کا دن صرف پیغام ولایت پہنچانے کے لئے تھا؟

ظواہر آیات غدیر کی طرف توجّہ

پہلی بحث : آیات غدیر کی صحیح تحقیق

دوسری بحث : تاریخ غدیر کی صحیح تحقیق

تیسری بحث : مخالفتوں کی طرف توجّہ

ظو اہر آیات غدیر کی طرف توجّہ :

بعض لوگوں نے سورہ ٔ مبارکہ مائدہ کی آیت ۶۷( یا اَیُّهَا الرَّسُوْلُ بَلِّغْ مٰا اُنْزِلَ ِلَیْک )

کے ظاہر پر توجّہ کرتے ہوئے یہ نتیجہ اخذ کیا ہے کہ غدیر کا دن صرف ''پیغام ولایت '' پہچانے کا دن ہے ، اور رسول اکرمصلى‌الله‌عليه‌وآله‌وسلم نے اس مبارک دن '' حضرت علی ـ '' کی ولایت کا پیغام لوگوں تک پہنچایا ۔

اور بس اتنے ہی کو کافی سمجھتے ہوئے خوش حال ہو جاتے ہیں ، یا تو غدیر کے دوسرے تمام زاویوں کو درک کرنے سے انکی عقلیں قاصر ہیں یا کتب کے مطالعہ کے ذریعہ حقیقت تک پہنچنے کی زحمت نہیں کرتے ، کہتے ہیں کہ: لفظ (بلِّغ)یعنی ابلاغ کر دو لوگوں تک پہنچا دو ، اور ( ما انزِلَ الَیکَ) یعنی ولایت اور امامت حضرت امیرالمؤمنین ـ لہٰذا غدیر کا دن صرف '' اعلان ولایت '' کا دن ہے ، اس گروہ کا جواب بھی مختلف طریقوں سے دیا جاسکتا ہے ،جیسا کہ:

۱۔ آیات غدیر کی صحیح تحقیق :

یہ صحیح ہے کہ لفظ '' بلّغ'' کے معنیٰ ہیں ( پہنچادو)؛لوگوں میں ابلاغ کردو اورلوگوں کو آگاہ کردو لیکن کس چیز کے پہنچانے کا حکم دیا جارہا ہے ؛ اس حکم کا متعلّق کیا ہے ؟ یہ بات اس آیہ مبارکہ میں ذکر نہیں ہوئی ہے کس چیز کو پہنچانا ہے؟ ظاہر آیت سے واضح نہیں ہے ،اور اس آیت کا باقی حصّہ یعنی( مٰا اُنْزِلَ ِلَیْکَ ) جو کچھ تم پر نازل کیا گیایہ عام ہے ؛ جو کچھ تم پر نازل کیا گیا یہ کیا چیز ہے ؟

آیا مقصود صرف '' اعلان ولایت ''ہے ؟

آیا مقصود '' امام کا تعارف '' ہے؟

آیا مراد '' قیامت اور رجعت تک آنے والے اماموں کا تعارف '' ہے ؟

آیا مراد '' اسلام کی رہبریت کا تعیّن '' ہے ؟

یا( مٰا اُنْزِلَ ِلَیْکَ ) کا متعلّقہ موضوع '' تھیوری اور پریکٹیکل''یعنی عملی و نظری پر مشتمل ہے یعنی ائمّہ معصومین علیہم السّلام کا تعارف بھی کرواؤ اور ان ہستیوں کے لئے بیعت بھی طلب کرو؟تاکہ ''بیعت عمومی'' کے بعد کوئی بھی شکوک و شبہات کا سہارا لیتے ہوئے مسلمانوں کے عقائد کو متزلزل نہ کر سکے۔

چنانچہ یہ سمجھنا اورجاننا ضروری ہے کہ( مٰا انزِلَِلَیْکَ ) کیا ہے ؟جو کچھ پیغمبر اسلامصلى‌الله‌عليه‌وآله‌وسلم پر ناز ل ہو چکا تھا وہ کیا تھا ؟ سورۂ مبارکہ مائدہ کی آیت ۶۷ میں موجودہ پیغامات اور مسلسل احتیاط اس حقیقت کو ثابت کرتی ہیں کہ پہلا نظریہ (صرف اعلان ولایت ) صحیح نہیں ہے بلکہ دوسرے نظریے (وسیع اہداف )کو ثابت کررہے ہیں ۔

اس آیہ مبارکہ میں مزید آیا ہے :( وَ اِنْ لَمْ تَفْعَلْ فَمٰا بَلَّغْتَ رِسٰالَتَهُ )

( اگر تم نے یہ کام انجام نہ دیا تو گویا اس کی رسا لت کا کوئی پیغام نہیں پہنچایا۔)( مٰا ُنْزِلَ ) کا متعلق کیا اہم چیز ہے کہ جسکو انجام نہ دیا گیا تو پیغمبر اسلامصلى‌الله‌عليه‌وآله‌وسلم کی رسالت ناقص و نامکمّل رہ جائے گی ؟ ادھررسول اکرمصلى‌الله‌عليه‌وآله‌وسلم بھی اسکو انجام دینے سے گھبرا رہے ہیں کہ شایداسکو قبول نہ کیا جا ئے اور رخنہ ڈا ل دیا جائے ، اگر صرف '' اعلان ولایت '' تھا تو اس میں کس بات کا ڈر اور ہچکچاہٹ ؟ کیونکہ اس سے پہلے بھی بارہا ، محراب میں ، منبر پر ، مدینہ اور دوسرے شہروں میں ،جنگ کے میدان میں ، اور جنگوں میں کامیابیوں کے بعد حضرت امام علی ـ کی ولایت اور وصایت کا اعلان کر چکے تھے ، لوگوں تک اس بات کو پہنچا چکے تھے ، کسی کا خوف نہ تھا اور کسی سے اس امر کی بجا آوری میں اجازت طلب نہ کی تھی ۔

آپصلى‌الله‌عليه‌وآله‌وسلم نے جنگ تبوک اور جنگ خیبر کے موقع پر حدیث ''منزلت'' میں حضرت علی ابن ابی طالب ـ کا تعارف بعنوان وزیر اور خلیفہ کروایا اور کسی بھی طاغوتی طاقت اور قدرت کی پروا نہ کی ، غدیر کے دن ایسا کیا ہونے والا تھا جورسول خداصلى‌الله‌عليه‌وآله‌وسلم کو خوفزدہ کئے ہوئے تھا اور فرشتۂ وحی آپصلى‌الله‌عليه‌وآله‌وسلم کوتسلّی دیتے ہوئے اس آیت کو لے کر نازل ہوا ( و َﷲ ُ یَعْصِمُکَ مِنَ النَّاسِ) (ﷲ تمہیں انسانوں کے شر سے محفوظ رکھے گا ۔)

جملۂ( ما انزِلَ ) کا متعلّق کونسی ایسی اہم چیز ہے کہ جسکے وجود میں آنے کے بعد

اکمال دین :( أَلْیَوْمَ َکْمَلْتُ لَکُمْ دِیْنَکُمْ )

اتمام نعمات الٰہی :( وَ اَتْمَمْتُ عَلَیْکُمْ نِعْمَتیْ )

بقاء اور جاویدانی اسلام :( وَ رَضِیْتُ لَکُمُ الْاِسْلٰامَ دِیْناً )

کفّا ر کی ناامیدی :( أَ لْیَوْمَ یَئِسَ الَّذِیْنَ کَفَرُوْ ا )

جیسے اہم فوائد حاصل ہونگے ؟

چنانچہ یقینا پہلا نظریہ صحیح نہیں ہے اور ( مٰا ُنْزِلَ ِلَیْکَ)کا متعلّق '' ولایت امیر المؤمنین ـ کا اعلان'' اور '' مسلمانوں کی عمومی بیعت '' ہونا چاہیے ۔

اے رسول خداصلى‌الله‌عليه‌وآله‌وسلم ! آج ہم نے جو کچھ تم پر نازل کیاہے لوگوں تک پہنچا دو یعنی امام علی ـ اور انکی اولاد میں سے گیارہ بیٹوں کی ولایت اور امامت کا اعلان کردو اور اسکے بعد حج کی برکت سے ساری دنیا سے آکر اس سر زمین پر جمع ہونے والے مسلمانوں سے بیعت اور اعتراف لے لو ( کہ پھر اتنا بڑا اجتماع وجود میں نہ آئے گا)اور امامت کے مسئلے کو نظریہ اور عقیدہ میں عمومی اعتراف اور عملی طور پر عمومی بیعت کے ذریعہ انجام تک پہنچا دو، اور کیونکہ خدا کے انتخاب اور رسول خداصلى‌الله‌عليه‌وآله‌وسلم کے ابلاغ کے بعد لوگوں کی عمومی بیعت بھی تحقق پذیر ہوئی دین کامل ہو گیا ۔

( امامت راہ رسالت کی بقا اور دوام کا ذریعہ ہے ۔) خدا وند عالم کی نعمتیں انسانوں پر تمام ہوگئیں ، د ین اسلام ہمیشہ کے لئے کامیاب ہو گیا، کفّار ناامید ہو گئے کہ اب ارکان اسلام کو متزلزل نہ کر سکیں گے ،اس مقام پر وحی الٰہی یہ بشارت دے رہی ہے کہ( اَلْیَوْمَ یَئِسَ الَّذِیْنَ کَفَرُوْا )

آج ''روز غدیر '' کفّار ناامید ہوگئے ۔

وگرنہ صرف ''اعلان ولایت تو غدیر سے پہلے بھی کئی بار ہو چکا تھا کفّار ناامید نہ ہوئے تھے؛ اور صرف ''اعلان ولایت کے ذریعہ دین کامل نہیں ہوتا کیونکہ ممکن ہے کہ پیغمبر اکرمصلى‌الله‌عليه‌وآله‌وسلم امامت کا پیغام پہنچا دیں لیکن لوگ بیعت نہ کریں اور امّت میں اختلاف پیدا ہو جائے، گذشتہ امّتوں کی طرح پیغمبر اسلامصلى‌الله‌عليه‌وآله‌وسلم کے خلاف قیام کیا جائے اور انکو قتل کر دیا جائے، کیا گذشتہ امّت نے پیغمبر خدا حضرت زکر یا ّ ـ کو آرہ سے دو حصّوں میں تقسیم نہیں کیا ؟کیا مخالفوں نے حضرت یحییٰ ـ جیسے پیغمبر کا سر تن سے جدا نہیں کیا اور اس زمانے کے طاغوت کے لئے اس سر کو ہدیے کے طور پر پیش نہیں کیا ؟

کیا حضرت عیسیٰ ـ جیسے پیغمبر کو ایک عرصہ کے لئے ہجرت کرنے اور پوشیدہ رہنے پر مجبور نہیں کیا ؛ اور یہودیوں کے جھوٹے دعوے اور مسیحیت کے جھوٹے عقیدے کو بنیاد بنا کر ان کو سولی پر نہیں لٹکایا ؟ اس مقام پر یہ بات واضح ہوتی ہے کہ صرف اعلان ولایت :

۱۔ کشیدگی کا سبب نہیں ہے ۔

۲۔ امّت کے درمیان اختلاف کا خطرہ نہیں ہے ۔

۳۔ مسلّحانہ کار روائیوں کا حامل نہیں ہے ۔

۴۔ پیغمبر اکرمصلى‌الله‌عليه‌وآله‌وسلم کو خوفزدہ نہیں کر سکتا کہ جسکے سبب وہ حضرت جبرئیل ـسے تین بار معذرت چاہیں ۔

یہ سارے وہم اور خوف '' عمومی بیعت کے تحقّق '' کی وجہ سے ہیں،جو کہ موقع کی تلاش میں رہنے والی سیاسی جماعتوں کو خوف و وحشت میں مبتلا کئے ہوئے ہے؛ اور کفّار کی یاس و ناامیدی اسی سبب سے ہے اور حکومت و قدرت کے پیاسوں کے پاس اس کے علاوہ کوئی چارہ نہیں کہ ایک مسلّحانہ بغاوت کریں ۔

۲۔ تاریخ غدیر کی صحیح تحقیق :

واقعۂ غدیر کی صحیح شناخت حاصل کرنے کا ایک راستہ اس عظیم واقعہ کی تاریخی حوالے سے صحیح تحقیق ہے، دیکھنا یہ چاہیے کہ غدیر کے دن کونسے واقعات اور حادثات رونما ہوئے رسول اکرمصلى‌الله‌عليه‌وآله‌وسلم نے کیا کیا؟ اور دشمنوں اور مخالفوں نے کس قسم کا رویّہ اختیار کیا ؟تا کہ غدیر کی حقیقت واضح اور روشن ہو جائے ،اگر غدیر کا دن صرف اعلان ولایت کے لئے تھا؛ تو پھر رسول اکرمصلى‌الله‌عليه‌وآله‌وسلم کی گفتگو اور عمل کو بھی اسی حساب سے صرف ابلاغ و پیغام تک محدود ہوناچاہیے تھا ! یعنی رسول اکرمصلى‌الله‌عليه‌وآله‌وسلم سب لوگوں کو جمع کرتے اور حضرت علی ـ کی لیاقت اور صلاحیّتوں کے بارے میں لوگوں کو آگاہ فرماتے ؛ پھر کچھ اخلاقی نصیحتوں کے ساتھ لوگوں کے لئے دعا فرماتے اور خدا کی امان میں دے دیتے ، بالکل اس طرح سے جیسے آج سے پہلے بعثت کے آغاز سے لے کر غدیر کے دن تک بارہا آنحضرتصلى‌الله‌عليه‌وآله‌وسلم کی طرف سے دیکھا گیا تھا ۔

اس کے بعد ہر شہر و دیار سے آئے ہوئے مسلمان اپنے اپنے وطن کی طرف لوٹ جاتے ۔ رسول اکرمصلى‌الله‌عليه‌وآله‌وسلم اس کام کو مکّہ کے عظیم اجتماع میں حج کے وقت بھی انجام دے سکتے تھے عرفات اور منیٰ کے اجتماعات میں بھی یہ کام کیا جاسکتا تھا ۔

لیکن غدیر کے تاریخی مطالعہ کے بعد یہ بات واضح ہو جائے گی اور یہ نظریہ سامنے آئے گا کہ غدیر کی داستان کچھ اور ہے ؛ اعمال حج اختتام پذیر ہو چکے ہیں؛ اور رسول خداصلى‌الله‌عليه‌وآله‌وسلم کے آخری حج کے موقع پر شوق دیدار میں ساری دنیا کے اسلامی ممالک سے آئے ہوئے مسلمان اپنے پیغمبرصلى‌الله‌عليه‌وآله‌وسلم کوالوداع کر رہے ہیں ؛ یہ عظیم اجتماع موجیں مارتے ہوئے سیلاب کے مانند شہر مکّہ سے خارج ہو تا ہے اور غدیر خم کے مقام پر جہاں ہر شہر اور دیار سے آئے ہوئے مسلمان ایک دوسرے سے جدا ہو کر اپنی اپنی راہ لینا چاہتے ہیں۔

یکایک فرشتۂ وحی آنحضرتصلى‌الله‌عليه‌وآله‌وسلم پر نازل ہو کر ایک بہت اہم مطلب کی درخواست کرتا ہے ؛ مسئلہ اس قدر اہم ہے کہ رسول گرامی اسلام ا مت میں اختلاف پیدا ہونے سے ڈر رہے ہیں اور جنگ کی حالت پیدا ہو جانے سے گھبرا رہے ہیں ،تین مرتبہ فرشتۂ وحی آتا ہے اور لوٹ جاتا ہے؛ رسول خداصلى‌الله‌عليه‌وآله‌وسلم پریشان ہیں اور اس کام کے انجام دینے سے اجتناب کر رہے ہیں اور تینوں بار حضرت جبرئیل ـ سے خواہش کرتے ہیں کہ خدا وند عالم انکو اس آخری وظیفہ کو انجام دینے سے معاف رکھے، وحی الٰہی مسلسل آرہی ہے ؛ یہاں تک کہ پیغمبر گرامی اسلامصلى‌الله‌عليه‌وآله‌وسلم کو اس بات کی طرف متوجہ کرتی ہے کہ اگر آج آپ نے اس اہم کام کو انجام نہ دیا تو گویا تم نے اپنی رسالت کاکوئی کام نہیں کیا ! پھر اسکے بعد پیغمبرصلى‌الله‌عليه‌وآله‌وسلم کو تسلّی دی جاتی ہے کہ پریشانی کی کوئی بات نہیں ؛ خدا وند عالم تمہاری او ر تمہارے دین کی حفاظت کرے گا اور کفّار و منافقین کو رسوا کرے گا او ر تمہیں صرف خدا کی پروا کرنی چاہیے ۔