امامين حسنين عليهما السلام ثقافتى اور فکر اسلامى - نيٹ ورک

تفسير راہنما جلد ۷

من الخاسرين

۴_ آيات الہى ميں شك و ترديد انكے جھٹلانے كا سامان فراہم كرتا ہے_

فلا تكونن من الممترين و لا تكونن من الذين كذبوا بآيات الله

۵_ آيات الہى كو جھٹلانے كا نتيجہ ہے نقصان اور انسان كى سعاد ت كے سرمائے كا برباد ہوجانا_

و لا تكونن من الذين كذبوا بآيات الله فتكون من الخاسرين

۶_ قرآن كريم كو جھٹلانا ، نقصان اور سعادت كے سرمائے كے كھو جانے كا سامان فراہم كرتا ہے_

و لا تكونن من الذين كذبوا بآيات الله فتكون من الخاسرين

۷_ اپنى تقدير بنانے ميں انسان كا كردار _و لا تكونن من الذين كذبوا فتكون من الخاسرين

آيات خدا:ان ميں شك كے اثرات ۴; انہيں جھٹلانے كا پيش خيمہ ۴;انہيں جھٹلانے كے اثرات ۳،۵; انہيں جھٹلانے والے۱

انبيا(ع) :انكى اقوام اور خدا كى آيات ۱،۳

انجام :اس ميں مؤثر عوامل ۷

انسان :اس كا كردار ۷

سعادت :اس سے محروم لوگ۳;اس سے محروم ہونے كے عوامل ۳،۵،۶

قرآن كريم :اسے جھٹلانے كے اثرات ۶; قرآن كريم خدا تعالى كى نشانيوں ميں سے۲

نقصان :اسكے عوامل ۵،۶

آیت ۹۶

( إِنَّ الَّذِينَ حَقَّتْ عَلَيْهِمْ كَلِمَتُ رَبِّكَ لاَ يُؤْمِنُونَ )

بيشك جن لوگوں پر كلمہ عذاب الہى ثابت ہو چكاہے ورنہ ہرگز ايمان لانے والے نہيں ہيں _

۱_خدا تعالى كى آيات اور نشانيوں كوجھٹلانا، جھٹلانے والوں كے مہلك عذاب ميں گرفتار ہونے كا سامان فراہم كرتاہے_

و لا تكونن من الذين كذبوا بآيات الله ان الذين حقت عليهم كلمت ربك

اس آيت كے پہلے والى آيت كے ساتھ ارتباط سے استفادہ ہوتا ہے كہ '' الذين حقت عليہم '' سے مراد آيات الہى كو جھٹلانے والے ہيں اور بعد والى آيت كے ذيل يعنى'' حتى يروا العذاب الاليم'' اور اس كے بعد والى آيت كے ذيل يعنى جملہ''لما آمنوا كشفنا عنهم عذاب الخزى فى الحياة الدنيا'' سے استفادہ ہوتا ہے كہ ''كلمت ربك'' سے مراد دنيا كا مہلك عذاب ہے_

۲_ جن جھٹلانے والوں كے بارے ميں خدا تعالى مہلك عذاب كا فيصلہ كرچكا ہے وہ پيغمبروں كى دعوت كو قبول كرنے كا موقع كھوچكے ہيں اور ہرگز خدا تعالى كى آيات اور نشانيوں پر ايمان نہيں لائيں گے_

ان الذين حقت عليهم كلمت ربك لا يؤمنون

۳_ آيات الہى كو جھٹلانے والوں كے بارے ميں مہلك عذاب كا فيصلہ خدا تعالى كى ربوبيت كا تقاضا ہے_

ان الذين حقت عليهم كلمت ربك

۴_ نقصان كرنے والے آيات الہى پر ايمان لانے سے محروم ہيں _

الخاسرين ان الذين حقت عليهم كلمت ربك لايؤمنون

۵_ آيات الہى كے جھٹلانے والوں كو ايمان سے محروم كرنا خداتعالى كى سنت او راسكى ربوبيت كا تقاضا ہے _

ان الذين حقت عليهم كلمت ربك لا يؤ منون

۶_ايمان سے محروم ہونے والى سنت سے دوچار ہونے

كا سر چشمہ انسان كا اپنا اختيار او رارادہ ہے_

ولا تكونن من الذين كذبوا بآيات الله الذين حقت عليهم كلمت ربك لا يؤمنون

آيات خدا :انہيں جھٹلانے كے اثرات ۱; انہيں جھٹلا نے والوں كا عذاب ۱،۳; انہيں جھٹلانے والوں كى محروميت ۲ ،۵

انسان :اس كا اختيار ۶

ايمان :اس سے محروم لوگ ۲،۴،۵; اس سے محروم ہونے كا سرچشمہ ۶

خدا تعالى :اسكى ربوبيت كى شان ۳;اسكى ربوبيت كے اثرات۳،۵; اسكى سنتيں ۵،۶

عذاب :اسكے اہل ۱; اہل عذاب كا محروم ہونا ۲;مہلك عذاب كا پيش خيمہ۱

گھاٹاپانے والے لوگ:انكا محروم ہونا ۴

آیت ۹۷

( وَلَوْ جَاءتْهُمْ كُلُّ آيَةٍ حَتَّى يَرَوُاْ الْعَذَابَ الأَلِيمَ )

چاہے ان كے پاس تمام نشانياں كيوں نہ آجائيں جب تك اپنى آنكھوں سے دردناك عذاب نہ ديكھ ليں گے_

۱_جن لوگوں كے بارے ميں خدا تعالى مہلك عذاب كا فيصلہ كر چكا ہے اگر ان پر خداتعالى كے تمام معجزات اور نشانياں پيش كردى جائيں تو بھى وہ ہرگز سر تسليم خم نہيں كريں گے او رايمان نہيں لائيں گے_

ان الذين حقت عليهم كلمت ربك لا يؤ منون و لو جآء تهم كل آية

۲_جن جھٹلانے والوں كے بارے ميں مہلك عذاب كا فيصلہ ہوچكا ہے جب وہ خداتعالى كے دردناك عذاب كو ديكھيں گے او ران كے پاس سر تسليم خم كرنے كے علاوہ كوئي چارہ نہيں رہے گاتو جھٹلانے سے دستبردار ہو جائيں گے اور ايمان كا اظہار كريں گے _

ان الذين حقت عليهم كلمت ربك لا يؤمنون ...حتى يروا العذاب الاليم

۳ _ مہلك عذاب، خدا تعالى كى تبديل نہ ہونے والى سنت ہے _ان الذين حققت عليهم كلمت ربك حتى يروا العذاب الاليم

۴_ عذاب الہى كو ديكھتے وقت ايمان كا فائدہ مند او ر نجات بخش نہ ہونا _لا يؤمنون ...حتى يروا العذاب الاليم

آيات خدا :انہيں جھٹلانے والے عذاب كے وقت۲

ايمان :اس سے محروم لوگ ۱; ايمان، عذاب كے وقت ۲، ۴; بے فائدہ ايمان ۴

خداتعالى :اسكى سنتيں ۳

عذاب :اسكے درجے ۲;اہل عذاب ۱; اہل عذاب پر آيات خدا كا اثر نہ كرنا ۱;اہل عذاب كا ليچڑپن ۱; دردناك عذاب ۲; مہلك عذاب كا حتمى ہونا ۳

آیت ۹۸

( فَلَوْلاَ كَانَتْ قَرْيَةٌ آمَنَتْ فَنَفَعَهَا إِيمَانُهَا إِلاَّ قَوْمَ يُونُسَ لَمَّا آمَنُواْ كَشَفْنَا عَنْهُمْ عَذَابَ الخِزْيِ فِي الْحَيَاةَ الدُّنْيَا وَمَتَّعْنَاهُمْ إِلَى حِينٍ )

پس كوئي بستى ايسى كيوں نہيں ہے جو ايمان لے آئے اور اس كا ايمان اسے فائدہ پہنچائے علاوہ قوم يونس كے كہ جب وہ ايمان لے آئے تو ہم نے اس سے زندگانى دنيا ميں رسوائي كا عذاب دفع كرديا اور انھيں اكى مدّت تك چين سے رہنے ديا_

۱_جھٹلانے والى گذشتہ اقوام كى آپ بيتى اس دعوے كى سچائي كى دليل ہے كہ مہلك عذاب جن كا مقدربن چكا ہے وہ عذاب كے واقع ہونے تك ايمان لانے كى توفيق كھو بيٹھتے ہيں _

ان الذين حقت عليهم كلمت ربك لا يؤمنون فلولا كانت قرية ء امنت فنفعها ايمنه

اس آيت كے پہلے والى آيت كے ساتھ ارتباط كو مدنظر ركھتے ہوئے ہو سكتا ہے جملہ ''فلولا كانت قرية آمنت '' شرط مقدر كا جواب ہو اور اسكى تقدير يوں ہوگى ''ان كنت فى شك من ھذا فلولا كانت ...''يعنى اگر اس مطلب (جن لوگوں كے بارے ميں مہلك عذاب كا فيصلہ ہوجاتا ہے وہ وقوع عذاب كے آخرى لمحے تك ايمان نہيں لائيں گے)كے بارے ميں تمہيں شك ہے تو بتاؤ كيوں اوركس وجہ سے جھٹلانے والى گذشتہ اقوام وقوع عذاب كے آخرى لمحے تك ايمان نہ لائيں _

۲_ سابقہ جھٹلانے والى قوموں ميں سے قوم يونس كے علاوہ كوئي قوم مہلك عذاب كے نازل ہونے سے پہلے پيغمبر كو جھٹلانے سے دستبردار ہونے اوران پر ايمان كے اظہار ميں كامياب نہيں ہوسكى _

فلولا كانت قريةء امنت فنفعها ايمنها الاقوم يونس

۳_ فائدہ مند او ربارگاہ خداوند ى ميں قابل قبول ايمان وہ ہے جو مہلك عذاب كے نازل ہونے سے پہلے اور اختيار كے ساتھ ہو _ان الذين حقت عليهم لا يؤمنون حتى يروا العذاب الاليم فلو لا كانت قرية ء امنت فنفعهاايمانه

۴_ مجبور ى كى حالت ميں او رمہلك عذاب كو ديكھ كر ايمان لانا خداتعالى كو قبول نہيں ہے اوراس كا كوئي فائدہ نہيں ہے _

ان الذين حقت عليهم لا يؤمنون حتى يروا العذاب الاليم فلو لا كانت قرية ء امنت فنفعها ايمانه

۵_سابقہ اقوام كى بر وقت اور ثمر بخش ايمان نہ لانے كى وجہ سے مذمت _فلولا كانت قرية ء امنت فنفعها ايمانه

''لو لا'' '' ہلا'' كے معنى ميں ہے كہ جو گذشتہ پر ملامت اور آئندہ كى طرف ترغيب دلانے كيلئے ہے_(لسان العرب)

۶_ قوم يونس نے آغاز ميں اپنے پيغمبر(ص) كو جھٹلايا اور اسكى دعوت پر ايمان لانے سے روگردانى كي_

الّاقوم يونس لما آمنوا كشفنا عنهم عذاب

۷_ قوم يونس كو اپنے پيغمبر(ص) كو جھٹلانے اور اسكى دعوت پر ايمان نہ لانے كى وجہ سے مہلك عذاب كا خطرہ لاحق ہوگيا_الا قوم يونس لما آمنوا كشفنا عنهم عذاب الخزى فى الحياة الدنيا

۸_ جھٹلانے والى گذشتہ اقوام ميں سے صرف قوم يونس تہس نہس كردينے والے عذاب كے آنے سے پہلے جھٹلانے سے دستبردار ہوئي اور ايمان لائي_فلو لا كانت قرية آمنت فنفعها ايمانها الا قوم

يونس لما آمنوا كشفنا عنهم عذاب الخزي

۹_ كافر اور جھٹلانے والے معاشرے خدا تعالى كے ذلت آميز عذاب كے خطرہ سے دوچار ہيں _

فلولا كانت قرية آمنت لما آمنوا كشفنا عنهم عذاب الخزي

۱۰_ خدا تعالى نے قوم يونس كى توبہ اور ايمان كو قبول كر ليا اور ان سے مہلك عذاب كوٹال ديا _

الا قوم يونس لما آمنوا كشفنا عنهم عذاب الخزى فى الحياة الدنيا

۱۱_ قوم يونس كا بر وقت ايمان موجب بنا كہ وہ سارى عمر دنياوى نعمتوں سے بہرہ مند رہي_

الا قوم يونس لما آمنوا كشفنا عنهم عذاب الخزى و متعنهم الى حين

۱۲_ دنيا ميں نازل ہونے والا عذاب تہس نہس كرنے والا اور ذلت آميز ہے_كشفنا عنهم عذاب الخزي

۱۳_ پيغمبروں كو جھٹلانے والے ، مستكبرين اور سركش لوگ تھے_عذاب الخزي

''خزي'' كا معنى ہے ذلت و خوارى اور عذاب كا خزى كى طرف اضافہ موصوف كا صفت كى طرف اضافہ ہے عذاب كى خزى كے ساتھ توصيف ہوسكتا ہے اس حقيقت كى طرف اشارہ ہو كہ خدا تعالى نے مہلك عذاب كو مستحقين عذاب كے اعمال و كردار كے مقابلے ميں قرار ديا ہے اور چونكہ پيغمبروں كو جھٹلانے والے مستكبر اور سركش لوگ تھے_خدا تعالى نے انہيں ايسے عذاب ميں گرفتار كيا جو انہيں پاش پاش كردے اور ذلت و خوارى ميں مبتلا كردے_

۱۴_ يونس (ع) كى آپ بيتى سب انسانى معاشروں كيلئے ايك عظيم سبق ہے_

فلولا كانت قرية آمنت فنفعهاايمانها الا قوم يونس

اس چيز كو مد نظر ركھتے ہوئے كہ قوم يونس كے قصے كے سلسلے ميں اس سورت ميں صرف يہ ايك جملہ آيا ہے جو پورى آيت بھى نہيں ہے بلكہ آيت كا ايك حصہ ہے اور اس لحاظ سے يہ قوم موسى و نوح كے ساتھ قابل قياس نہيں ہے ليكن اس سورہ كو نوح يا موسى كے نام كى بجائے يونس كا نام ديا گياہے مندرجہ بالا مطلب حاصل ہوتا ہے_

آيات خدا :انہيں جھٹلانے والوں كا ذلت آميز عذاب۹

اقوام :گذشتہ اقوام كا قصہ۱;گذشتہ اقوام كى تاريخ ۲،۸; گذشتہ اقوام كى مذمت ۵

انبيا(ع) :

انہيں جھٹلانے كے اثرات ۷; انہيں جھٹلانے والوں كا استكبار ۱۳; انہيں جھٹلانے والوں كا كفر ۲، ۸ ; انہيں جھٹلانے والوں كى نافرمانى ۱۳

ايمان :اس سے محروم لوگ ۱،۲;اسكے اثرات ۱۱;اس ميں اجبار ۴; اس ميں اختيار ۳; عذاب كے وقت ايمان ۲ ; قابل قدر ايمان ۱۳; بے ثمرايمان ۴،۵; مقبول ايمان ۵

عبرت :اسكے عوامل ۱۴

عذاب:اسكے اہل ۷; اسكے درجے ۹،۱۲;اہل عذاب كى محروميت كے دلائل ۱; اہل عذاب كے كفر كے

دلائل ۱;ذلت آميز عذاب ۹،۱۲; مہلك عذاب كى سختى ۱۲; مہلك عذاب كے اسباب ۷

قوم يونس (ع) :اس كا ايمان ۲،۸،۱۱; اس كا قصہ ۶،۷،۱۰; اس كا كفر ۶; اسكى توبہ كا قبول ہونا ۱۰; اسكى حيات كے اسباب ۱۱;اسكے انجام سے عبرت ۱۴; اس كے ايمان كا قبول ہونا ۱

كفار :انكا ذلت آميز عذاب ۹

مستكبرين ۱۳

يونس (ع) :انہيں جھٹلانے والے۶

آیت ۹۹

( وَلَوْ شَاء رَبُّكَ لآمَنَ مَن فِي الأَرْضِ كُلُّهُمْ جَمِيعاً أَفَأَنتَ تُكْرِهُ النَّاسَ حَتَّى يَكُونُواْ مُؤْمِنِينَ )

اور اگر خدا چاہتا تو رو ئے زمين پر رہنے والے سب ايمان لے آتے _ تو كيا آپ لوگوں پر جبر كريں گے كے سب مؤمن بن جائيں _

۱_ اگر مشيت خدا يہ ہوتى كہ انسان ايمان لے آئيں تو بلا استثنا سب كے سب ايمان لے آتے _

و لو شاء ربك لآمن من فى الارض كلهم جميعا

۲_ خدا تعالى نے انسان كو آزاد اور خودمختار پيدا كيا ہے_

و لو شاء ربك لآمن من فى الارض كلهم جميعا

''شاء ''كا مفعول محذوف ہے اور '' افانت تكرہ الناس '' جو '' لوشاء ربك' پر متفرع ہے كے قرينے سے اسكى تقديريوں ہوگى : ''لوشاء ربك ان يكرہ الناس '' يعنى اگر خدا چاہتا كہ لوگوں كو ايمان پر مجبور كرے اس كا مفہوم يہ ہے كہ خدا تعالى نے نہيں چاہا كہ لوگ ايمان لانے پر مجبور ہوں بلكہ اسكى مشيت يہ ہے كہ خود مختار ہوں _

۳_ انسان ، دين الہى كو قبول كرنے يا قبول نہ كرنے ميں خود مختار ہے_و لو شاء ربك لآمن من فى الارض كلهم جميع

۴_ مجبور ہو كر دين كو قبول كرنا خدا تعالى كى مشيت كے مطابق اور اسے قابل قبول نہيں ہے _

ان الذين حقت عليهم كلمت ربك لا يؤمنون حتى يروا العذاب الاليم ...و لوشاء ربك لآمن من فى الارض كلهم جيمعا

يہ جو خدا تعالى چاہتا ہے كہ لوگ اپنے اختيار سے ايمان كا انتخاب كريں اس كا مفہوم يہ ہے كہ جو ايمان مجبورى اور ناچارى كى بنياد پر ہو اسے خد ا نے نہيں چاہا اور اس كا لازمہ يہ ہے كہ وہ خدا تعالى كو قابل قبول نہيں ہے_

۵_ بہت بڑى تعداد ميں لوگوں كا ايمان نہ لانا انكى آزادى اور دين الہى كے قبول كرنے ميں انكے خدا كى طرف سے مجبور نہ ہونے كى علامت ہے_و لو شاء ربك لآمن من فى الارض كلهم جميعا

۶_ مشيت الہى كا وقوع پذير ہونا قطعى اور يقينى امر ہے_و لوشاء ربك لآمن من فى الارض كلهم جميعا

۷_ كوئي شخص حتى خود پيغمبراكرم(ص) بھى لوگوں كو ايمان پر مجبور كرنے كا حق نہيں ركھتا _

افا نت تكره الناس حتى يكونوا مؤمنين

۸_ انسان كا دين كو قبول نہ كرنے ميں خود مختار اور آزاد ہونا خدا تعالى كى ربوبيت كا تقاضا ہے_

و لو شاء ربك لآمن من فى الارض كلهم جميعا افا نت تكره الناس حتى يكونوا مؤمنين

۹_ پيغمبراكرم(ص) كى شديد خواہش كہ سب لوگ ايمان لے آئيں _

و لو شاء ربك لآمن من فى الارض كلهم جميعا افا نت تكره الناس حتى يكونوا مؤمنين

۱۰_قوم يونس كا ايمان اختيارى تھا نہ اكراہ و اجبار كى وجہ سے_

فلولا كانت قرية آمنت الا قوم يونس لما آمنوا و لوشاء ربك لآمن من فى الارض

آنحضرت (ص) :

آپ(ص) اور لوگوں كا ايمان ۹;آپ(ص) كى خواہش ۹

انسان :اس كا اختيار ۲،۳; اسكى خصوصيات ۲

ايمان :بے ثمر ايمان ۴

خدا تعالى :اسكى ربوبيت كے اثرات۸; اسكى مشيت كا حتمي

ہونا ۶; اسكى مشيت كى اہميت ۱

دين :اس ميں اختيار ۳; اس ميں اختيار كا سرچشمہ ۸; اس ميں اختيار كے دلائل ۵; اس ميں اكراہ كى نفي۴،۷

قوم يونس :اس كا ايمان ۱۰

آیت ۱۰۰

( وَمَا كَانَ لِنَفْسٍ أَن تُؤْمِنَ إِلاَّ بِإِذْنِ اللّهِ وَيَجْعَلُ الرِّجْسَ عَلَى الَّذِينَ لاَ يَعْقِلُونَ )

اور كسى نفس كے امكان ميں نہيں ہے كہ بغير اجازت و توفيق پروردگار كے ايمان لے آئے اور وہ ان لوگوں پر خباثت كو لازم قرار ديد يتا ہے جو عقل استعمال نہيں كرتے ہيں _

۱_ انسان با اختيار ہونے كے باوجود خدا تعالى كى اجازت كے بغير كسى كام كو انجام دينے يا اسے انتخاب كرنے پر قادر نہيں ہے_و لو شاء ربك لآمن من فى الارض و ما كان لنفس ان تؤمن الا باذن الله

خدا تعالى نے گذشتہ آيت (ولوشاء ربك) ميں انسان كے با اختيار ہونے كو بيان فرمايا ہے _ اور يہ آيت شريفہ تفويض والے وہم كو دور كرنے

كيلئے ہے_ يعنى اگر چہ انسان ايمان و كفر كو قبول كرنے ميں آزاد ہے ليكن اسے توجہ كرنى چاہيے كہ ان ميں سے ہر ايك كا انتخاب خدا تعالى كى اجازت كے بغير ممكن نہيں ہے_مندرجہ بالا مطلب ايمان سے الغاء خصوصيت كرنے كے نتيجے ميں حاصل ہوتا ہے_

۲_ انسان با اختيار ہونے كے باوجود خدا كى اجازت اور

اذن كے بغير ايمان كے انتخاب كرنے كى قدرت نہيں ركھتا_

و لو شاء ربك لآمن من فى الارض و ما كان لنفس ان تؤمن الا باذن الله

۳_ جو لوگ انبياءے الہى كو جھٹلاتے ہيں اور خدا كى آيات اور نشانيوں پر ايمان نہيں لاتے وہ بے خرد اور نادان ہيں _

و يجعل الرجس على الذين لا يعقلون

'' ما كان لنفس ان تؤمن ...''كے مقابلے ميں آنے كے قرينے سے'' الذين لا يعقلون'' سے مراد كفار اور تكذيب كرنے والے ہيں _ قابل ذكر ہے كہ ''لا يؤمنون'' كى بجائے '' لا يعقلون'' كا ذكر كرنا مندرجہ بالا مطلب كى تائيد كرتا ہے_

۴_ كفار اور آيات الہى كى تكذيب كرنے والے پليد لوگ ہيں _و يجعل الرجس على الذين لا يعقلون

۵_ خدا تعالى اپنے پيغمبروں كى تكذيب كرنے والوں اور كفار كى پليدى ميں مسلسل اضافہ كرتا ہے_

و يجعل الرجس على الذين لا يعقلون

۶_ عقل و خرد سے كام نہ لينا انسان كے پليديوں سے آلودہ ہونے كا سبب بنتا ہے_و يجعل الرجس على الذين لا يعقلون

۷_ اہل ايمان ،عقل و خرد سے مالامال اور سفاہت و نادانى سے مبرّا ہيں _

و ما كان لنفس ان تؤمن و يجعل الرجس على الذين لا يعقلون

۸_ ايمان ، مومنين كى طہارت اور انكے ہر قسم كى نجاست اور پليدى سے پاكيزہ ہونے كا سامان فراہم كرتاہے_

و ما كان لنفس ان تؤمن و يجعل الرجس على الذين لايعقلون

آيات خدا :انہيں جھٹلانے والوں كى بے عقلى ۳; انہيں جھٹلانے والوں كى پليدى ۴; انہيں جھٹلانے والوں كى جہالت ۳

انبياء (ع) :انہيں جھٹلانے والوں كى بے عقلى ۳;انہيں جھٹلانے والوں كى پليدى كا زيادہ ہونا ۵; انہيں جھٹلانے والوں كى جہالت ۳

انسان :اس كا اختيار ۱،۲; اس كا عاجز ہونا ۱

ايمان :اسكے اثرات۸

پليد لوگ:۴

پليدى :اسكے عوامل ۶

تفويض:اسے مسترد كرنا ۱،۲

جاہل لوگ:۳

خدا تعالى :اسكے افعال ۵

عقل:بے عقل لوگ ۳;بے عقلى كے اثرات۶

كفار :انكى پليدى ۴;انكى پليدى كا زيادہ ہونا ۵

مؤمنين :انكا مبرا ہونا ۷; انكى پاكيزگى كے عوامل ۸; انكى صفات ۷; يہ اور جہالت ۷; يہ اور سفاہت ۷

آیت ۱۰۱

( قُلِ انظُرُواْ مَاذَا فِي السَّمَاوَاتِ وَالأَرْضِ وَمَا تُغْنِي الآيَاتُ وَالنُّذُرُ عَن قَوْمٍ لاَّ يُؤْمِنُونَ )

پيغمبر آپ كہہ ديجئے كہ ذر آسمان و زمين ميں غور و فكر كرو_ اور يادر ركھيے كہ جو ايمان لانے والے نہيں ہيں ان كے حق ميں نشانياں اور ڈوراو ے كچھ كام آنے والے نہيں ہيں _

۱_پيغمبر اكرم (ص) كو حكم ہوا كہ لوگوں كو آسمان و زمين كے موجودات ميں تفكر و تدبر كرنے كى دعوت ديں _

قل انظروا ما ذا فى السماوات و الارض

۲_ آسمان و زمين كے مختلف موجودات خدا تعالى كى توحيد اور جہان ہستى پر اسكى مطلق ربوبيت كى نشانياں ہيں _

قل انظروا ماذا فى السماوات و الارض و ما تغنى الآيات

۳_ آسمان و زمين كے موجودات كا مطالعہ اور ان ميں دقت ،ايمان اور توحيد ربوبى كى معرفت كے حاصل ہونے كا ذريعہ ہے_قل انظروا ماذا فى السماوات و الارض و م

تغنى الآيات

۴_ جہان خلقت (آسمان و زمين اور انكے موجودات) خدا تعالى كى شناخت كيلئے مناسب ذريعہ ہيں _

قل انظروا ماذا فى السماوات و الارض

۵_ آسمان و زمين ميں توحيد ربوبى كى بہت سارى خفيہ نشانياں ہيں كہ انسان جستجو اور مطالعے كے ذريعے ان تك دسترسى حاصل كرسكتا ہے_قل انظروا ماذا فى السماوات و الارض و ما تغنى الآيات

جملہ '' ماذا فى السماوات و الارض'' استفہاميہ ہے_ يعنى آسمانوں اور زمين ميں كيا چيزيں ہيں ؟ اور يہ كہ خدا تعالى كا حكم ہے كہ اس سوال پر غور و فكر كرو _ اس كا معنى يہ ہے كہ تدبر و تفكر اور مطالعے كے ذريعے اس كا جواب حاصل كرو اور اس كا نتيجہ ہے توحيد ربوبى تك رسائي_

۶_ جہان ہستى كے موجودات انسان كيلئے قابل شناخت و بيان ہيں _

قل انظروا ما ذا فى السماوات و الارض و ما تغنى الآيات

۷_ آسمان و زمين كے موجودات ،خدا تعالى كى آيات اور نشانيوں اور پيغمبروں كى تنبيہ سے صرف وہ لوگ بہرہ مند ہوتے ہيں جنكے لئے ايمان كے اسباب فراہم ہوتے ہيں _قل انظروا ماذا فى السماوات و الارض و ما تغنى الآيات و النذر عن قوم لا يؤمنون

۸_ جہان خلقت ميں كئي آسمان ہيں _السماوات

۹_ جولوگ ايمان كے اسباب سے ہاتھ دھو بيٹھے ہيں وہ آسمان و زمين ميں موجود خدا كى نشانيوں اور پيغمبروں كے ڈرانے سے ذرہ بھر فائدہ نہيں اٹھاتے_قل انظروا ماذا فى السماوات و الارض و ما تغنى الآيا ت و النذر عن قوم لا يؤمنون

۱۰_جن لوگوں ميں ايمان كے اسباب مفقود ہيں اگر انہيں خدا كى سب نشانياں اور آيات دكھا دى جائيں اور سب انبيا انہيں انذار كريں تب بھى ان پر ذرہ برابر اثر نہيں ہوگا_و ما تغنى الآيات و النذر عن قوم لا يؤمنون

۱۱_ مشركين مكہ ايسے لوگ تھے جو آيات الہى اور پيغمبروں كے انذار پر ايمان لانے كے اسباب كھو بيٹھے تھے_

افا نت تكره الناس حتى يكونوا مؤمنين و ما تغنى الآيات و النذر عن قوم لا يؤمنون

۱۲_ مشركين ايسے لوگ تھے كہ اگر خدا كى سب نشانياں انہيں دكھا دى جاتيں اور سب انبياء (ع) انہيں تنبيہ كرتے ان پر ذرہ برابر اثر نہ ہوتا_

افا نت تكره الناس حتى يكونوا مؤمنين و ما تغنى الآيات و النذر عن قوم لا يؤمنون

۱۳_ لوگوں كو انذار كرنا اور انہيں ڈرانا انبياء (ع) كى ذمہ دارى ہے_و ما تغنى الآيات و النذر عن قوم لايؤمنون

''نذر''''نذير'' كى جمع ہے اور اس سے مراد پيغمبران الہى ہيں _

۱۴_ ليچڑپن: حق كى شناخت اور ايمان لانے سے ايك مانع ہے_و ما تغنى الآيات والنذر عن قوم لا يؤمنون

آسمان :آسمانوں كے موجودات ۲;انكا متعدد ہونا ۸

آنحضرت (ص) :آپ(ص) كى ذمہ دارى ۱

آيات خدا :۲

آفاقى آيات ۴،۵; ان سے استفادہ كرنا ۷; ان سے محروم لوگ ۹،۱۱،۱۲

انبياء (ع) :انكى تعليمات سے استفادہ كرنا۱۰; انكى تعليمات سے محروم افراد ۹،۱۰،۱۱،۱۲; انكى رسالت ۱۳

ايمان :اس سے محروم لوگ ۹،۱۰; اسكے اسباب ۳;اسكے موانع ۱۴

توحيد :توحيد ربوبى كى نشانياں ۵;توحيد ربوبى كے اسباب ۳ ;توحيد ربوبى كے دلائل ۲

حق :حق شناسى كے موانع ۱۴

خدا تعالى :اسكى ربوبيت كے دلائل ۲; خداشناسى كے راستے۴

خلقت :اسكے مطالعے كى اہميت ۱;اسكے مطالعے كے اثرات۳،۵; اسكے موجودات كى شناخت ۶

زمين :اسكے موجودات ۲

لوگ:انہيں ڈرانے كى اہميت ۱۳

ليچڑپن :اسكے اثرات۱۴

مشركين :ان پر آيات خدا كا اثر نہ كرنا ۱۲; ان پر انبيا كى تنبيہ كا اثر نہ كرنا ۱۲

مشركين مكہ :انكا محروم ہونا ۱۱; يہ اور آيات خدا ۱۱; يہ اور انبياكى تنبيہ ۱۱

مومنين :انكے فضائل ۷; يہ اور آيات خدا ۷; يہ اور انبياكى تنبيہ ۷

آیت ۱۰۲

( فَهَلْ يَنتَظِرُونَ إِلاَّ مِثْلَ أَيَّامِ الَّذِينَ خَلَوْاْ مِن قَبْلِهِمْ قُلْ فَانتَظِرُواْ إِنِّي مَعَكُم مِّنَ الْمُنتَظِرِينَ )

اب كيا يہ لوگ انھيں برے دنوں كا انتظار كرہے ہيں جو ان سے پہلے والوں پر گذر چكے ہيں تو كہہ ديجئے كہ پھر انتظار كروميں بھى تمھارے انتظاركرنے والوں ميں ہوں _

۱_ جولوگ ايمان لانے كے اسباب سے ہاتھ دھو بيٹھيں اور آيات الہى اور انبيا كى تنبيہ سے متا ثر نہ ہوں وہ تہس نہس كرنے والے عذاب كے مستحق ہيں _و ما تغنى الآيات و النذر عن قوم لا يؤمنون فهل ينتظرون الا مثل ايام الذين خلوا من قبلهم

۲_ مشركين مكہ آيات ا لہى اور پيغمبر اكرم(ص) كى تنبيہ پر ايمان لانے كے اسباب كھو دينے كى وجہ سے تہس نہس كردينے والے عذاب كے مستحق تھے_و ما تغنى الآيات و النذر عن قوم لا يؤمنون فهل ينتظرون الامثل ايام الذين خلوا من قبلهم

گذشتہ آيت ميں '' قوم لا يؤمنون'' كا ايك مصداق مشركين مكہ ہيں اس سے مندرجہ بالا مطلب حاصل ہوتا ہے_

۳_ مہلك عذاب ايسى سنت الہى ہے كہ جس كا ايمان كے اسباب كھودينے والے لوگوں پر نازل ہونے كا ہروقت اور ہر جگہ امكان ہے_و ما تغنى الآيات و النذر عن قوم لا يؤمنون فهل ينتظرون الا مثل ايام الذين خلوا من قبلهم

۴_ بہت سارى گذشتہ اقوام ايمان كے امكان كے مفقود ہوجانے، آيات الہى كى تكذيب كرنے اور

انبيا كى تنبيہ پر كان نہ دھر نے كى وجہ سے مہلك عذاب كے ذريعے نابود ہوگئيں _

و ما تغنى الآيات و النذر عن قوم لا يؤمنون فهل ينتظرون الامثل ايام الذين خلوا من قبلهم

۵_ خدا تعالى نے مشركين كو ايمان كے اسباب سے محروم ہوجانے كى وجہ سے مہلك عذاب كى دھمكى دى ہے_

قل فانتظروا انى معكم من المنتظرين

۶_ خداتعالى كى طرف سے پيغمبر (ص) كو حكم ہوا كہ مشركين كو مہلك عذاب كى دھمكى ديں اور اعلان كرديں كہ اسكے وقوع پذير ہونے كے منتظر رہيں _

و ما تغنى الآيات و النذر عن قوم لا يؤمنون فهل ينتظرون الامثل ايام الذين خلوا من قبلهم قل فانتظرو

۷_ خدا تعالى كى طرف سے پيغمبر اكرم(ص) كو حكم ہوا كہ مشركين كو بتاديں كہ ميں تمہارے ہدايت حاصل كرنے سے مايوس ہو چكا ہوں اور تم پر عذاب كے نازل ہونے كا منتظر ہوں _فهل ينتظرون قل فانتظروا انى معكم من المنتظرين

آنحضرت(ص) :آپ(ص) اور مشركين ۶،۷; آپ(ص) كى ذمہ دارى ۶،۷

آيات خدا :ان سے محروم لوگ۱;انہيں جھٹلانے كى سزا ۴

انبياء (ع) :انكى تعليمات سے محروم لوگ۱;انكى تنبيہ سے بے اعتنائي كى سزا ۴

ايمان :اس سے محروم لوگ۱;اس سے محروم لوگوں كا عذاب ۳،۴; اس سے محروم ہونے كے اثرات ۵; بے ايمانى كى سزا ۴

خداتعالى :اسكى دھمكياں ۵; اسكى سنتيں ۳

خدا كى سنتيں :اسكى مہلك عذاب والى سنت ۳

عذاب :عذاب كے مستحقين ۱،۲،۳،۴،۶،۷; مہلك عذاب كى دھمكى ۵،۶

گذشتہ اقوام :انكى تاريخ ۴

مشركين :انكا عذاب ۷; انكو دھمكى ۵; انكى ہدايت سے مايوسى ۷

مشركين مكہ :انكا مہلك عذاب ۲

آیت ۱۰۳

( ثُمَّ نُنَجِّي رُسُلَنَا وَالَّذِينَ آمَنُواْ كَذَلِكَ حَقّاً عَلَيْنَا نُنجِ الْمُؤْمِنِينَ )

اس كے بعد ہم اپنے رسولوں اور ايمان والوں كو نجات ديتے ہيں اور يہ ہمار ے او پر ايك حق ہے كہ ہم صاحبان ايمان كو نجات دلائيں _

۱_ خدا تعالى كافروں پر مہلك عذاب نازل كرتے وقت اپنے رسولوں اور مومنين كو ہلاكت سے دور ركھتا ہے اور انہيں كوئي نقصان نہيں پہنچنے ديتا_فهل ينتظرون الامثل ايام الذين خلوا من قبلهم ثم ننجى رسلنا و الذين آمنو

۲_ مومنين كى نجات اور انكا مہلك عذاب سے آسيب پذير نہ ہونا خداتعالى كى ناقابل تغيير سنت ہے_

ثم ننجى رسلنا و الذين آمنوا كذلك حقا علينا ننج المؤمنين

۳_ ايمان ، مہلك عذاب سے نجات كا ذريعہ ہے_ثم ننجى رسلنا و الذين آمنوا كذلك حقا علينا ان ننج المؤمنين

۴_ مومنين كا خداتعالى پر حق ہے كہ انہيں دنياوى عذاب سے نجات دے_كذلك حقاً علينا ان ننج المؤمنين

۵_ بارگاہ الہى ميں مومنين كا خاص مقام ہے اوروہ اسكے خاص الطاف سے بہرہ مند ہيں _

ثم ننجى رسلنا و الذين آمنوا كذلك حقاً علينا ننج المؤمنين

۶_ ڈرانا ، خطرے كا اعلان كرنا اور خوشخبرى اور نويد سنانا قرآن كى ہدايت اور تربيت كرنے كى روشيں ہيں _

فهل ينتظرون الامثل ايام الذين خلوا من قبلهم ثم ننجى رسلنا كذلك حقا علينا ننج المؤمنين

مندرجہ بالا مطلب سابقہ آيت; كہ جس ميں ليچڑ كفار كو عذاب كى دھمكى دى گئي تھى اور اس آيت كہ جس ميں حق طلب مومنين كو نجات و نصرت كى خوشخبرى اور نويد سنائي گئي ہے ;كے ارتباط سے حاصل ہوتا _

انبياء (ع) :انكى نجات ۱

ايمان :اسكے اثرات ۳

تربيت :اسكى روش ۶;اس ميں بشارت دينا ۶; اس ميں ڈرانا ۶

خداتعالى :اس كا نجات بخشنا ۱;اسكى سنتوں كا حتمى ہونا ۲;اسكے

افعال ۱; اس كے عطيات ۵

خدا كى سنتيں :اسكى نجات بخشے والى سنت ۲

عذاب :اس سے نجات ۱،۲; دنياوى عذاب سے نجات ۴; مہلك عذاب سے نجات كے عوامل ۳

قرآن كريم :اس كا ہدايت كرنا ۶

كفار :انكا مہلك عذاب۱

مومنين :انكا مقام ۵; انكى نجات ۱،۲،۴;ان كے حقوق ۴

ہدايت :اسكى روش ۶

آیت ۱۰۴

( قُلْ يَا أَيُّهَا النَّاسُ إِن كُنتُمْ فِي شَكٍّ مِّن دِينِي فَلاَ أَعْبُدُ الَّذِينَ تَعْبُدُونَ مِن دُونِ اللّهِ وَلَـكِنْ أَعْبُدُ اللّهَ الَّذِي يَتَوَفَّاكُمْ وَأُمِرْتُ أَنْ أَكُونَ مِنَ الْمُؤْمِنِينَ )

پيغمبر آپ كہہ ديجئے كہ اگر تم لوگوں كو ميرے دين ميں شك ہے تو ميں انكى پرستش نہيں كرسكتا جنھيں تم لوگ خدا كو چھوڑ كر پوج رہے ہو _ ميں تو صرف اس خدا كى عبادت كرتا ہوں جو تم سب كو موت دينے والا ہے اور مجھے حكم ديا گيا ہے كہ ميں صاحبان ايمان ميں شامل رہوں _

۱_ پيغمبر اكرم (ص) كو حكم تھا كہ اپنے دين كے اصول اور مبانى كو مشركين كے سامنے كھول كر اور بالكل واضح طور پر بيان كرديں اور كسى قسم كا ابہام اور شك و ترديد نہ چھوڑيں _

قل يا ايها الناس ان كنتم فى شك من دينى فلا اعبد الذين تعبدون من دون الله

۲_ پيغمبر اكرم (ص) كو حكم ہوا كہ شرك كو مسترد كرنے اور توحيد كى دعوت دينے ميں اپنى مستقل مزاجى اور ناقابل لچك ہونے كا مشركين كے سامنے واضح طور پر اعلان كرديں _

قل يا ايها الناس ان كنتم فى شك من دينى فلا اعبد الذين تعبدون من دون الله

۳_ مشركين كو ،شرك مسترد كرنے اور توحيد كى دعوت دينے ميں پيغمبر اكرم(ع) كى پائيدارى اور بے لچك رويے كے بارے ميں شك تھا_قل يا ايها الناس ان كنتم فى شك من ديني

چونكہ اس آيت ميں بات ان مشركين سے ہورہى ہے جو توحيد كى طرف مائل ہونے سے انكارى تھے لذا حتمى طور پر انكا يہ انكار يا تو اسلئے تھا كہ ابھى تك ان كيلئے توحيد كى حقيقت روشن نہيں ہوئي تھى اور يا اسلئے تھا كہ انہيں ابھى تك پيغمبر كے اپنى اس روش

سے دستبردار ہو كر انكے حلقے ميں داخل ہونے كى اميد تھى مندرجہ بالا مطلب اس دوسرے احتمال كى بنا پر ہے _

۴_ صدر اسلام كے مشركين متعدد معبودوں كى پرستش كرتے ہيں _فلا اعبد الذين تعبدون من دون الله

۵_ صدر اسلام كے مشركين كوپيغمبر اكرم(ص) كے دين توحيد كى حقيقت كے بارے ميں شك تھا_

قل ياايهاالناس ان كنتم فى شك من ديني

۶_ مشركين جن بتوں كى پرستش كرتے تھے انہيں باشعور سمجھتے تھے _فلا اعبدالذين تعبدون من دون الله

''الذين'' اسم موصول ہے جو صاحبان عقل و شعور كيلئے استعمال ہوتا ہے _

۷_ شرك كى بنياد خداؤں كى عبادت اور الله كى عبادت كى نفى پر ركھى گئي تھى _الذين تعبدون من دون الله

۸_عبادت كے لائق صرف وہ خدا ہے جسكے قبضہ قدرت ميں انسان كى موت ہے اور موت كے بعد بھى انسان كى جان اسكے اختيار ميں ہوگى _ولكن اعبدالله الذى يتوفيكم

۹_ انسان كى موت صرف خدا كے ہاتھ ميں ہے _الله الذى يتوفيكم

۱۰_ عبادت ميں توحيد اور موت كے بعد انسان كے باقى رہنے كا عقيدہ ،دين الہى كى دو بنياديں اور پائے ہيں _

ولكن اعبدالله الذى يتوفيكم

۱۱_ موت كو ياد كرنا ; خدا كى طرف توجہ او رعبادت ميں توحيد كا سبب ہے _ولكن اعبدالله الذى يتوفيكم

عبادت ميں توحيد كا ذكر كرنے كے بعد ''يتوفيكم''كو بيان كرنا اس نكتہ كا بيان بھى ہوسكتا ہے كہ موت كو ياد كرنا توحيد عبادتى تك پہنچنےكا وسيلہ ہے_

۱۲_ موت ، انسان كى حقيقت كى اسكے بدن سے جدائي اور خدا كى طرف لوٹنے كا نام ہے نہ مكمل طور پر معدوم ہوجانے كا_

ولكن اعبدالله الذى يتوفيكم

''توفي''اور ''استيفائ'' مادہ وفاء سے ، كسى چيز كو كامل اور بغير كسى كمى كے حاصل كرنے كے معنى ميں ہے جيسے ''توفيت المال'' ميں نے پور امال حاصل كيا پس موت كا معنى ہے انسان كو مكمل طور پر حاصل كرنااور چونكہ انسان كا بدن حاصل نہيں كيا جاسكتا لہذا اس سے مراد انسان كى حقيقت جو كہ روح ہے كا حصول ہو گا اور خداتعالى كے يہاں ہميشہ كيلئے رہے گى _

۱۳_پيغمبراكرم (ص) نے مشركين كے ساتھ صلح نہ كرنے اور

مؤمنين سے جدا نہ ہو نے كو نہ صرف اپنى خواہش بتايا بلكہ اسے خدا تعالى كا واضح دستور قرار ديا _

قل يا ايهاالناس ان كنتم فى شك من دينى فلا اعبدالذين تعبدون و امرت ان اكون من المؤمنين

۱۴_ بارگاہ خداوندى ميں مومنين كا بڑا مقام ہے _امرت ان اكون من المؤمنين

پيغمبر اكرم(ص) كا اپنے آپ كو مومنين كے ايك فردكے طور پر متعارف كرانے سے مندرجہ بالا مطلب حاصل ہوتا ہے _

۱۵_ دينى راہنماؤں كا اپنے نظر ياتى موقف كو بيان كرنے ميں واضح لہجہ اپنا نا اور سر تسليم خم نہ كرنا ايك لازمى او رضرو رى امر ہے _

قل ...فلا اعبدالذين تعبدون من دون الله ولكن اعبدالله الذى يتوفى كم و امرت ان اكون من المؤمنين

آنحضرت(ص) :آپ(ص) اورمشركين۱،۲،۱۳; آپ(ص) اور مومنين ۱۳; آپ(ص) كانا قابل لچك ہونا ۲،۳; آپ(ص) كى تبليغ ۱، ۲; آپ(ص) كى دشمنى ۱۳; آپ(ص) كى دوستى ۱۳; آپ(ص) كى ذمہ دارى ۱،۲

تبليغ :اس ميں صراحت ۱،۲;اس ميں صراحت كى اہميت ۱۵

توحيد :توحيد افعالى ۹; توحيد عبادى ۸،۱۰; توحيد عبادى تك پہنچنے كا پيش خيمہ۱۱

خداتعالى :اسكى خصوصيات ۸،۹خدا كى طرف بازگشت :۱۲

دين :اسكے اصول ۱۰

دينى راہنما :انكى ذمہ دارى ۱۵

شرك :اسكى حقيقت ۷

عقيدہ :بتوں كے باشعور ہونے كا عقيدہ ۶;موت كے بعد حيات كا عقيدہ ۱۰

موت :اس كا سرچشمہ ۸،۹; اسكى حقيقت ۱۲

مشركين:انكا شك ۳،۵; انكا عقيدہ ۶; صدر اسلام كے مشركين كا شرك عبادى ۴; مشركين صدر اسلام كے معبود۴ ;يہ اور اسلام ۵; يہ اور بت ۶;يہ اور

حضرت محمد(ص) ۳

مؤمنين :انكا مقام ۱۴

ياد كرنا:خدا كو ياد كرنے كى روش ۱۱;موت كو ياد كرنے كے اثرات۱۱

آیت ۱۰۵

( وَأَنْ أَقِمْ وَجْهَكَ لِلدِّينِ حَنِيفاً وَلاَ تَكُونَنَّ مِنَ الْمُشْرِكِينَ )

اور آپ اپنا رخ بالكل دين كى طرف ركھيں _ باطل سے الگ رہيں اور ہرگز مشركين كى جماعت ميں شمار نہ ہوں _

۱_ ديگر اديان كى طرف ذرہ برابر انحراف اور رجحان كے بغير دين يكتاپرستى كى طرف مكمل توجہ خداتعالى كى طرف سے پيغمبر اكرم(ص) كو تاكيدى نصيحت _و ان اقم وجهك للدين حنيف

مندرجہ بالا مطلب دونكتوں كو پيش نظر ركھتے ہوئے حاصل ہوتا ہے_

۱) ''الدين ''كا الف و لام عہد ذكرى كا ہے اور جملہ ''ان كنتم فى شك من دينى ...'' كے قرينے سے دين توحيد او ريكتاپرستى كى طرف اشارہ ہے _

۲)حنيف كا معنى ہے سيدھا كہ جس كا لازمہ ہے اعتدال او ردائيں بائيں منحرف نہ ہونا _

۲_ پيغمبر اكرم(ص) كو حكم تھا كہ مشركين كو بتاديں كہ شرك كے مقابلہ ميں كسى قسم كى لچك كا مظاہرہ نہ كرنا خداتعالى كا واضح فرمان ہے _قل ياايهاالناس و امرت ان اكون من المؤمنين و ان اقم وجهك للدين حنيفاولا تكونن من المشركين

۳_عبادت ميں توحيد اوريكتاپرستي، دين حنيف اور صراط مستقيم ہے _

وان اقم وجهك للدين حنيفا ولا تكونن من المشركين

۴_ اسلام دين حنيف ہے او رصرف يہى انسان كيلئے سيدھا او ركجى كے بغير راستہ ہے _اقم وجهك للدين حنيف

۵_خداتعالى نے پيغمبر اكرم (ص) كو شرك كے مقابلے ميں كسى قسم كى لچك كا مظاہرہ كرنے سے تاكيداً منع

فرمايا _و ان اقم وجهك للدين حنيفا ولاتكونن من المشركين

۶_ شرك ، دين حنيف او رسيدھے راستے سے انحراف ہے _وان اقم وجهك للدين حنيفا ولا تكونن من المشركين

۷_ غير خدا كى عبادت شرك ہے _فلا اعبد الذين تعبدون من دون الله و لاتكونن من المشركين

آنحضرت(ص) :آپ(ص) او رمشركين ۲; آپ(ص) كا لچك نا پذيرہونا ۲،۵; آپ(ص) كو نصيحت ۱; آپ(ص) كو نہى ۵;آپ(ص) كى ذمہ دارى ۲; آپ(ص) كى شرعى ذمہ دارى ۵

اسلام :اس كا حنيف ہونا ۴; اسكى خصوصيات ۴

اظہار بر ائت :شرك سے اظہاربرائت ۲

توحيد :توحيد عبادى ۳;توحيد عبادى كى اہميت ۱

خداتعالى :اسكى نصيحت ۱; اس كے نواہى ۵

دين:دين حنيف ۳،۴;دين حنيف سے انحراف ۶

ذكر :ذكر توحيد كى اہميت ۱

شرك:اس سے نہى ۵;اس كى حقيقت ۶; شرك عبادى ۷

صراط مستقيم :۳،۴اس سے انحراف ۶

عبادت :غير خدا كى عبادت ۷

آیت ۱۰۶

( وَلاَ تَدْعُ مِن دُونِ اللّهِ مَا لاَ يَنفَعُكَ وَلاَ يَضُرُّكَ فَإِن فَعَلْتَ فَإِنَّكَ إِذاً مِّنَ الظَّالِمِينَ )

او ر خدا كے علاوہ كسى ايسے كو آوار نہ ديں جو نہ فائدہ پہنچا سكتا ہے اور نہ نقصان ورنہ ايسا كريں گے تو آپ كاشما ر بھى ظالمين ميں ہو جائيگا _

۱_ خداتعالى نے پيغمبر اكرم (ص) كو اپنے سوا كسى اور چيز كے سامنے دست بدعا ہونے سے منع فرمايا ہے _

ولاتدع من دون الله مالا ينفعك ولا يضرك

۲_ خداتعالى كے علاوہ كوئي معبود انسان كو نفع يا نقصان نہيں پہنچا سكتا _و لا تدع من دون الله مالا ينفعك ولا يضرك

۳_ نفع حاصل كرنا اور نقصان سے بچنا عبادت او ر پرستش كے محركات ميں سے ہيں _

ولا تدع من دون الله مالا ينفعك ولا يضرك

۴_ انسان كا نفع او رنقصان صرف خدا كے ہاتھ ميں ہے_ولا تدع من دون الله مالا ينفعك ولا يضرك

۵_ عبادت ، اس معبود كے ساتھ مخصوص ہے كہ جسكے ہاتھ ميں انسان كا نفع اورنقصان ہو _

ولا تدع من دون الله مالا ينفعك ولا يضرك

۶_ غير خدا كى عبادت او راس سے دعا مانگنا شرك ہے _ولا تدع من دون الله فان فعلت فانك اذاً من الظلمين

۷_جو لوگ غير خدا كے سامنے دست بدعا ہوتے ہيں اور غير خدا كى عبادت كرتے ہيں وہ ظالم ہيں _

ولا تدع من دون الله فانك اذاً من الظلمين

آنحضرت (ص) :آپ(ص) كو نہى ۱;آپ (ص) كى شرعى ذمہ دارى ۱

اظہار برا ئت :شرك سے اظہار بر ائت۱

توحيد :توحيد افعالى ۲،۴

خداتعالى :اسكى خصوصيات ۲،۴; اس كے نواہى ۱

شرك :شرك عبادى ۶; ظلم عبادى ۶،۷

ظالم لوگ: ۷

عبادت :اس كا محرك ۳; غير خدا كى عبا دت ۶،۷

محرك:اسكے عوامل ۳

معبود ہونا :اسكا معيار ۵

نفع :اس كا حاصل كرنا ۳; اس كا سرچشمہ ۲،۴

نقصان :اس كا روكنا ۳; اس كا سرچشمہ ۲،۴

آیت ۱۰۷

( وَإِن يَمْسَسْكَ اللّهُ بِضُرٍّ فَلاَ كَاشِفَ لَهُ إِلاَّ هُوَ وَإِن يُرِدْكَ بِخَيْرٍ فَلاَ رَآدَّ لِفَضْلِهِ يُصَيبُ بِهِ مَن يَشَاءُ مِنْ عِبَادِهِ وَهُوَ الْغَفُورُ الرَّحِيمُ )

اور اگر خدانقصان پہنچانا چاہے تو اس كے علاوہ كوئي بچانے والا نہيں ہے اور اگر وہ بھلائي كا ارادہ كرلے تو اسكے فضل كا كوئي روكنے والا نہيں ہے _ وہ جس كو چاہتا ہے اپنے بندوں ميں بھلائي عطا كرتا ہے وہ بڑابخشنے والا اور مہربان ہے _

۱_ مشركين كے معبود نہ توانہيں نفع او رنقصان پہنچا سكتے ہيں اورنہ نفع اور نقصان كوان سے روك سكتے ہيں _

ولا تدع من دون الله مالا ينفعك ولا يضرك وان يمسسك الله بضرّ فلا كا شف له الا هو

اس چيزكو مد نظر ركھتے ہوئے; كہ گذشتہ آيت ميں ان معبود وں كے انسان كونفع او رنقصان پہنچانے كى توانائي نہ ركھنے كو بيان كيا گيا تھا اور اس آيت ميں فرمارہا ہے اگر خدا كسى كو رنج و مصيبت ميں گرفتار كرے يا كسى كونعمت دے تو اسے كوئي روكنے كى توانائي نہيں ركھتا; مندرجہ بالا مطلب حاصل ہوتا ہے _

۲_ كوئي موجود خداتعالى كے كام كو غير مؤثر كرنے كى توانائي نہيں ركھتا _

وان يمسسك الله بضر فلا كاشف له الا هو و ان يردك بخير فلا راد لفضله

۳_ جہان ہستى كى سب قدرتيں ، خداتعالى كى قدرت كے سامنے مغلوب اور مجبورہيں _

وان يمسسك الله بضر فلا كاشف له الّا هو يصيب به من يشاء

۴_خداتعالى اگر كسى كو رنج و مصيبت ميں گرفتار كردے تو كسى شے ميں اسے نجات دينے كى توانائي نہيں ہے _

وان يمسسك الله بضر فلا كاشف له الّاهو

۵_اگر خداتعالى كسى كو خير پہنچانا چاہے تو كوئي موجود اس سے خير كو سلب نہيں كرسكتا _وان يردك بخير فلا راد لفضله

۶_ خداتعالى كى خيرات اور نعمتيں اس كا فضل ہيں نہ انسان كاحق اور اسكى لياقت كى وجہ سے _

و ان يردك بخير فلا راد لفضله

۷_خداتعالى كا ارادہ اس كا عين فعل ہے _وان يردك بخير فلا راد لفضله

جملہ ''فلا راد لفضلہ ''كہ جو جواب شرط ہے; سے استفادہ ہوتا ہے كہ محض خداتعالى كے ارادے كے ساتھ ہى اس كا فضل خارج ميں وقوع پذير ہو جاتا ہے; اسى لئے فرمايا ہے كہ كوئي اسے روكنے كى توانائي نہيں ركھتا _

۸_ خداتعالى كا فضل توحيد پرست لوگوں كے شامل حال ہوتا ہے _يصيب به من يشاء من عباده

۹_ خداتعالى كا اپنے موحد بندوں پر فضل كرنا اسكے غفار اوررحيم ہونے كا جلوہ ہے _

فلا راد لفضله يصيب به من يشاء من عباده و هوالغفور الرحيم

۱۰_ خداتعالى مشركين كو اپنے فضل سے بہرہ مند نہيں كرے گا_فلا راد لفضله يصيب به من يشاء من عباده

اس چيز كو مدنظر ركھتے ہوئے كہ مشركين يكتاپرستى اورعبادت خدا سے روگردان ہيں ہو سكتا ہے ''من عبادہ'' كا ذكر كرنا مندرجہ بالا مطلب كو بيان كرنے كيلئے ہو _

۱۱_ مشركين اگر شرك كو چھوڑ كر توحيد اور يكتاپرستى كى طرف پلٹ آئيں تو خدا كى رحمت اور بخشش ان كے شامل حال ہوجائيگى _لا تدع من دون الله مالا ينفعك و لا يضرك فلا رادلفضله يصيب به من يشاء من عباده وهو الغفور الرحيم

فضل خدا كے توحيد پرستوں كے ساتھ مخصوص ہونے كوبيان كرنے كے بعد ''غفران و رحمت '' كا ذكر كرنا مشركين كو شرك چھوڑ كر موحدين كے حلقے ميں داخل ہونے كى ترغيب كا بيان ہے _

۱۲_ خداتعالى غفور (بہت بخشنے والا ) او ررحيم (مہربان ) ہےو هو الغفور الرحيم

اسماو صفات :رحيم ۱۲; غفور ۱۲

ايمان :توحيد پر ايمان كے اثرات۱۱

توحيد :توحيد افعالى ۲،۳

توحيد پرست لوگ:ان پر فضل كرنا ۸،۹

خداتعالى :اس كا ارادہ تكوينى ۷; اس كا فضل ۶،۹ ; اسكى رحمت كى نشانياں ۹;اسكى قدرت ۴،۵; اسكى قدرت كى حكمرانى ۲،۳ ;اسكے افعال ۷;اسكے غفور ہونے كى نشانياں ۹

خير :اس كے مستحق ہونے كا معيا ر۶

رحمت :يہ جنكے شامل حال ہے ۱۱

فضل خدا :اس سے محروم لوگ ۱۰; يہ جنكے شامل حال ہے ۸

مشركين :انكا محروم ہونا ۱۰;انكے معبود وں كا عاجز ہونا ۱; انہيں بخشنے كى شرائط ۱۱

موجودات :انكا عاجز ہونا ۲،۴،۵

نعمت :اس كا مستحق ہونے كا معيا ر۶

آیت ۱۰۸

( قُلْ يَا أَيُّهَا النَّاسُ قَدْ جَاءكُمُ الْحَقُّ مِن رَّبِّكُمْ فَمَنِ اهْتَدَى فَإِنَّمَا يَهْتَدِي لِنَفْسِهِ وَمَن ضَلَّ فَإِنَّمَا يَضِلُّ عَلَيْهَا وَمَا أَنَاْ عَلَيْكُم بِوَكِيلٍ )

پيغمبر آپ كہہ ديجئے كہ تمھارے پاس پروردگاركى طرف سے حق آچا ہے اب جو ہدايت حاصل كرے گا وہ اپنے فائدہ كے لئے كرے گا اور جو گمراہ ہوجائے گا اس كا نقصان بھى اسى كو ہو گا اور ميں تمھارا ذمہ دار نہيں ہوں _

۱_ خداتعالى كى طرف سے پيغمبر اكرم (ص) كو حكم كہ لوگوں كو قرآن كے الہى اورحق ہونے كى طرف متوجہ كريں اورانہيں اسكے معارف كو قبول كرنے كى دعوت ديں _قل ياايهاالناس قد جاء كم الحق من ربكم فمن اهتدى فانما يهتدى لنفسه

۲_ قرآن كريم ايسى كتاب ہے جو حق او رہر قسم كے باطل توہمات و تخيلات سے پاكيزہ ہے _قد جاء كم الحق من ربكم

حق ، باطل كے مقابلے ميں ہے او راس كا معنى ہے واقعيت دار شے يعنى قرآن كے معارف

ايسے حقائق ہيں جو واقعيت كے ساتھ مطابقت ركھتے ہيں اور ہر قسم كے بيہودہ تخيلات سے پاك ہيں _

۳_ حق كو پيش كرنا اور اسے پہنچانا قرآن كے نزو ل كا فلسفہ ہے _قد جاء كم الحق من ربكم

مندرجہ بالا مطلب قرآن كو ''حق ' 'كے نام كے ساتھ موسوم كرنے كى وجہ تسميہ سے حاصل ہوتاہے

۴_ حق ، قرآن كا ايك نام ہے _قد جاء كم الحق

۵_ ربوبيت كا تقاضا ہے لوگوں كى طرف كتاب بھيجنااوراسكے ذريعے سے انكى راہنمائي كرنا _

قد جاء كم الحق من ربكم فمن اهتدى

۶_ہدايت كا فائدہ صرف ہدايت يافتہ لوگوں كو ہوگا _فمن اهتدى فانما يهتدى لنفسه

۷_ قرآن كريم ايسى كتاب ہے جولوگوں كى ہدايت اور راہنمائي كيلئے نازل ہوئي ہے_

قدجاء كم الحق من ربكم فمن اهتدى فانما يهتدى لنفسه

۸_ قرآن كريم كو قبول كرنے اورقبول نہ كرنے ميں لوگ بااختيار او رآزاد ہيں _

قد جاء كم الحق من ربكم فمن اهتدى فانما يهتدى لنفسه ومن ضل فانمايضل عليها وماانا عليكم بوكيل

۹_گمراہى كانقصا ن صرف گمراہ لوگوں كو ہوگا _ومن ضل فانما يضل عليه

۱۰_ انسان ،آزاد او ربا اختيار ہے _فمن اهتدى فانما يهتدى لنفسه و من ضل فانما يضل عليها وما اناعليكم بوكيل

۱۱_قرآن كو قبول كركے اسكى راہنمائي كے مطابق عمل كرنا ہدايت اوراس كا انكار كرنا اوراسے مسترد كرنا ضلالت اور گمراہى ہے _قد جا ء كم الحق من ربكم فمن اهتدى فانما يهتدى لنفسه و من ضل فانما يضل عليه

۱۲_پيغمبراكرم (ص) لوگوں كوكتاب الہى كے قبول كرنے كى دعوت اپنے فائدے يا اپنے آپ كو نقصان سے بچانے كيلئے نہيں ديتے تھے _فمن اهتدى فانما يهتدى لنفسه ومن ضل فانما يضل عليه

۱۳_خداتعالى نے پيغمبراكرم (ص) كو لوگوں كے ايمان و كفر كا ذمہ دار بنا كر نہيں بھيجا _

فمن اهتدى فانما يهتدى لنفسه و من ضل فانما يضل عليها و ماانا عليكم بوكيل

وكيل كا معنى ہے كفيل اورذمہ دار (لسان العرب)

۱۴_ پيغمبراكرم (ص) كى ذمہ دارى لوگوں تك صرف خدا كا پيغام پہنچانا ہے نہ انہيں اسكے قبول كرنے پر مجبور كرنا_

يا ايهاالناس قد جاء كم الحق من ربكم و ما انا عليكم بوكيل

۱۵_ كسى كو حتى كہ پيغمبراكرم(ص) كو بھى اپنے دين او ر عقيدے كو اگرچہ وہ حق ہو،دوسروں پر تھوپنے كا حق نہيں ہے_

قد جاء كم الحق فمن اهتدى فانما يهتدى لنفسه ...وماانا عليكم بوكيل

آسمانى كتابيں :انكے نزول كے عوامل ۵

آنحضرت(ص) :آپ(ص) اور قرآن ۱; آپ(ص) اور لوگوں كا ايمان ۱۳; آپ(ص) اور لوگوں كا كفر ۱۳;آپ(ص) كا نقش و كردار ۱۳،۱۴;آپ(ص) كى دعوت ۱،۱۲; آپ(ص) كى ذمہ داري۱; آپ(ص) كى ذمہ دارى كا دائر ہ كار ۱۴،۱۵; آپ(ص) كے اہداف ۱۲

انسان :اسكا اختيار ۸، ۱۰ ; اسكى خصوصيات ۱۰;انسان اور قرآن ۸

ايمان :قرآن پر ايمان ۱۱

حق :۴حق شناسى كى اہميت ۳

خداتعالى :اسكى ربوبيت كے اثرات۵

دعوت :اس كا فلسفہ ۱۲

دين :اس ميں اختيار۱۵; اس ميں مجبور كرنے كى نفى ۸ ، ۱۴، ۱۵

عقيدہ :اس ميں آزادى ۱۵

قرآن كريم :اس پر عمل كرنا ۱۱; اس كا ہدايت كرنا ۷;اسكى تكذيب ۱۱; اسكى تنزيہ ۲;اسكى حقانيت ۲; اسكى حقانيت كا بيان كرنا ۱; اسكى خصوصيات ۲،۷;اسكى طرف دعوت ۱۲; اسكے نام ۴ اسكے نزول كا فلسفہ ۳

گمراہ لوگ:انكا نقصان ۹

گمراہى :اس كا نقصان ۹; اسكے موارد ۱۱

لوگ :انكا ذمہ دار ۱۳

ہدايت :اس كا وسيلہ ۵،۷;اسكى منفعت۶;اسكے اثرات۶; اسكے موارد۱۱

ہدايت يافتہ لوگ:انكى ہدايت ۶

آیت ۱۰۹

( وَاتَّبِعْ مَا يُوحَى إِلَيْكَ وَاصْبِرْ حَتَّىَ يَحْكُمَ اللّهُ وَهُوَ خَيْرُ الْحَاكِمِينَ )

اور آپ صرف اس بات كا اتباع كريں جس كى آپ كى طرف وحى كى جاتى ہے اور صرف كرتے رہيں يہاں تك كہ خدا كوئي فيصلہ كردے اور وہ بہتريں فيصلہ كرنے والا ہے _

۱_ پيغمبر اكرم(ص) كوحكم تھا كہ جو كچھ انكى طرف وحى آتى ہے اسكى پيروى كريں _واتبع ما يوحى اليك

۲_ وحى ، پيغمبراكرم (ص) كى راہنما او رآپ(ص) كى ذمہ دارى كے حدود كو معين كرنے والى تھي_

واتبع ما يوحى اليك

۳_پيغمبراكرم (ص) پر وحى (قرآن ) تدريجاً نازل ہوئي _واتبع ما يوحى اليك

''يوحى ''فصل مضارع تجدد او راستمرا رپر دلالت كرتاہے كہ جس كا لازمہ تدريجى ہونا ہے _

۴_ پيغمبر اكرم(ص) كو رسالت كى مشكلات كے مقابلے ميں

صبراور حوصلے سے كام لينے كاحكم تھا يہاں تك كہ خدا كا فيصلہ آن پہنچے _واتبع مايوحى اليك و اصبر حتى يحكم الله

۵ _ وحى الہى كى خالص پيروى اور راہ حق ميں قدم اٹھانے كے ہمراہ قطعا سختياں اور مشكلات ہيں _

قد جاء كم الحق من ربكم و اتبع ما يوحى اليك و اصبر حتى يحكم الله

۶ _ حق اور وحى الہى كى خالص پيروى اور اسكى مشكلات پر صبر كرنا الہى راہبر كى شرائط ميں سے ہے_

قد جاء كم الحق من ربكم و اتبع ما يوحى اليك و اصبر حتى يحكم الله

۷_راہ حق ميں صبر كرنا خدا كى حمايت كے حصول كا ذريعہ ہے _واتبع ما يوحى اليك و اصبر حتى يحكم الله

۸_خداتعالى پيغمبر اكرم(ص) اور كافروں كے در ميان اختلافات اور جھگڑوں كا فيصلہ كرنے والا ہے _

واصبر حتى يحكم الله

۹_ رسالت كى مشكلات كے مقابلے ميں خداتعالى كى طرف سے پيغمبراكرم (ص) كو تسلى دينا اور انہيں كاميابى كا وعدہ دينا_

واصبر حتى يحكم الله و هو خير الحكمين

۱۰_ خداتعالى بہترين حاكم او رمنصف ہے_وهو خير الحاكمين

آنحضرت(ص) :آپ(ص) اور كفا ر۸; آپ(ص) او رمشكلات ۴;آپ(ص) كا صبر ۴; آپ(ص) كا وحى كى پيروى كرنا ۱; آپ(ص) كو وعدہ ۹; آپ(ص) كى دلجوئي ۹; آپ(ص) كى ذمہ دارى كا دائرہ كار ۲; آپ(ص) كى شرعى ذمہ دارى ۱; آپ(ص) كى طرف وحى ۲، ۳; آپ(ص) كى كاميابي۹

اسماو صفات :خير الحاكمين ۱۰

حق :اس پرصبر كرنے كے اثرات۷; اسكى پيروى ۶; اسكى پيروى كرنے كى مشكلات ۵; اسكى مشكلات پر صبر كرنا ۶

خداتعالى :اسكى حكمراني۸،۱۰; اسكى حمايت كا پيش خيمہ۷; اسكى خصوصيات ۱۰;اسكى طرف سے دلجوئي ۹; اسكى قضاوت۸،۱۰; اسكے وعدے ۹

رہبر ي:اسكى شرائط ۶

قاضى :بہترين قاضى ۱۰

قرآن كريم:اس كا تدريجى نزول ۳

كاميابى :اس كاوعدہ ۹

وحى :اس كا كردار ۲ ;اسكى پيروى كرنا ۶; اسكى پيروى كرنے كى مشكلات ۵ ;اسكى مشكلات پرصبر كرنا ۶

اشاريوں سے استفادہ كى روش

اشاريوں سے استفادہ كا يہ نظام حروف تہجى كى ترتيب سے منظم كيا گيا ہے يعنى اصلى الفاظ كو حروف تہجى كى ترتيب اور موٹے خط كے ساتھ تحرير كرنے كے بعد اسكے ذيل ميں فرعى عناوين كو بھى حروف تہجى كى ترتيب كے ساتھ لكھا گيا ہے لہذا مطلوبہ موضوعات تك آسانى سے پہنچنے كے ليے مندرجہ ذيل نكات پر توجہ فرمايئے

۱) فرعى عناوين ،اصلى عناوين كے ذيل ميں قرار ديئے گئے ہيں لہذا ان تك پہنچنے كے ليے اصلى عناوين كى طرف رجوع كيا جائے مثلاً نماز كے اثرات، اركان ، احكام اور شرائط كو لفظ نماز ميں تلاش كيا جائے_

۲) مترادف الفاظ ميں سے ايسے لفظ كو اصلى عنوان قرار دياگيا ہے جو مناسب تر ہے اور ديگر عنوان يا عناوين كے سلسلے ميں (ر _ ك) (رجوع كيجئے ) كى علامت كے ذريعے اسى عنوان كى طرف رجوع كرنے كيلئے كہا گيا ہے مثلاً :

آگ :ر_ ك آتش

۳) بعض اصلى عناوين كے فرعى عناوين نہيں ہيں تا ہم خود كسى اور عنوان كے تحت آئے ہيں لہذا اس عنوان كے ليے اس اصلى عنوان كى طرف رجوع كرنے كے ليے كہا گيا ہے مثلاً :

آرزو:ر _ ك انبياء، انسان و

۴) وہ الفاظ و موضوعات جو ايك دوسرے كے نزديك ہيں اور ايك موضوع كے بارے ميں تحقيق كرنے كے ليے مفيد اور مؤثر ہيں ان ميں بھى فرعى عناوين كو ذكر كرنے كے بعد نيز ر_ك (نيز رجوع كيجئے) كى علامت سے رہنمائي كى گئي ہے مثلاً آخرت : نيزر ، ك ايمان ، دنيا ، قيامت ، معاد_ ياد رہے كہ جہاں رجوع كرنے كے ليے كہا گيا ہے وہاں كبھى مطلوبہ عناوين دونوں عناوين ميں صراحت كے ساتھ لائے گئے ہيں اور كبھى فقط دونوں عناوين ميں علمى رابطے كو ظاہر كيا گيا ہے _

۵) وہ اشاريے جنہيں '' اور'' كے ذريعے مركب كيا گيا ہے ان ميں ايك خاص رابطہ پايا جاتاہے لہذا ان مركب اشاريوں ميں اگر دو مفاہيم ہيں تو پہلے اس كو ذكر كيا گيا ہے جو دوسرے ميں مؤثر ہے جيسے ''ايمان اور عمل''

(چونكہ ايمان عمل ميں مؤثر ہے لہذا ايمان كو پہلے لكھا گيا ہے) اور اگر مفاہيم كى بجائے دو افراد يا گروہ ہوں تو پہلے واسطہ ركھنے والے كو ذكر كيا گيا ہے اور جس كے ساتھ واسطہ ركھا گيا اسے بعد ميں ذكر كيا گيا ہے جيسے ''آنحضرت(ص) اور اہل كتاب'' اور '' كفار اور قرآن كريم'' كہ جنہيں '' ايمان''، '' آنحضرت''اور ''كفار'' كے عناوين ميں ذكر كيا گيا ہے اور دوسرے عناوين (عمل، اہل كتاب، قرآن) ميں انہيں پہلے عناوين كى طرف رجوع كرنے كا كہا گيا ہے_

۶) بسا اوقات ايك عنوان كو اسكے مفاہيم كى وسعت اور اس كے بعض فرعى عناوين كے مستقل موضوع ہونے كى بناپر كئي اصلى موضوعات كى طرف تقسيم كرديا گيا ہے تا كہ مطلوبہ معلومات آسانى سے دستياب ہوسكيں مثلاً ''آيات خدا ، اسما و صفات ،توحيد اور خدا '' اس كے باوجود موضوع كى وحدت كو حفظ كرنے كيلئے ايك موضوع سے دوسرے موضوع كى طرف رجوع كرنے كيلئے بھى كہا گيا ہے _

۷) اصلى عنوان كے تكرار سے بچنے كے ليے ذيلى اور فرعى عناوين ميں يہ علامت '' '' مناسبت كے ساتھ، پہلے يا بعد ميں لگا دى گئي ہے لہذا ہر كلمہ اس علامت كے ساتھ مل كر مركب(اصلى و فرعى عنوان سے) كو تشكيل ديتاہے جيسے ايثار :_كا اجر، _ كى قدر و قيمت ، _ كے اثرات يا آنحضرت كے پيروكار _وں كا اعراض يہ ہوجائے گا آنحضرت(ص) كے پيروكاروں كا اعراض و غيرہ_

ملاحظات:

۱) اشاريوں ميں ذكر شدہ نمبر ان آيات سے مربوط ہيں جن سے موضوعات كو اخذ كيا گيا ہے البتہ اس كا مطلب يہ نہيں ہے كہ اشاريوں كے يہى الفاظ آيات ميں موجود ہيں بلكہ انہيں آيات سے استخراج كئے گئے نكات كى بنياد پر تيار كيا گيا ہے _

۲) كتاب كے آخر ميں مذكور اشاريوں كے علاوہ ہر آيت كے ذيل ميں بھى اس كے اشاريے ذكر كر ديئے گئے ہيں تا كہ قارئين محترم كيلئے مطلوبہ عناوين كى طرف رجوع كرنا آسان ہوجائے اور انہيں ہر آيت كے عناوين كا خلاصہ بھى دستياب ہو جائے_

''آ''

آباد كرنا : رك مسجد

آبرو:جھوٹا آبرودار ہونا۹/۶۳

آخرت :آخرت برپا ہونا ۱۰/۳۴; آخرت مقام پاداش ۱۰/۲۳، ۲۷; آخرت مقام سزا ۱۰/ ۲۳، ۲۷ ; اس كا خالق ۱۰/ ۴۳; اس كا دائمى ہونا ۹/۲۲، ۱۰/۳۴; اس كا دنيا جيسا ہونا ۱۰/۳۴; اسكى خصوصيات ۹/۲۲، ۱۰/۲۶، ۳۴; اسكى دنيا پر ترجيح ۹/ ۳۸; اسكے عالم ۱۰/۱۰نيز رك ايمان ، بت ، خودسرلوگ، دنيا، ظالم لوگ، عمل، قيامت ، كفراور معاد

آدم كشى : رك قتل

آرزو:بلا كى آرزو;(محمد(ص) پر بلا كى آزرو ۹/۹۸; مسلمانوں پر بلا كى آرزو ۹/۹۸ ) جہاد كى آرزو: (اسكى قدر و قيمت ۹/۹۲)

آزادى : رك عقيدہ ; مشركين

آزر:آز ردشمنان خدا ميں سے ۹/۱۱۴; آزر كا شرك : اسكے آثار ۹/۱۱۴; آزر كا ہدايت كو قبول نہ كرنا ۹/۱۱۴; آزر كى دشمنى ۹/ ۱۱۴; آزر مشركين ميں سے ۹/۱۱۴نيز رك ابراہيم (ع) اور اظہار براء ت

آزمائش: رك امتحان اور مبتلا ہون

آسائش طلبى :اس كا سبب ۹/۹۳

آسمان :آسمانوں كى تدبير ۱۰/۳; انكا حادث ہونا ۹/۳۶; انكا حاكم ۹/ ۱۱۶، ۱۰/۳; انكا خالق ۱۰/۳; انكا مالك ۹/۱۱۶; انكا متعدد ہونا ۹/۳۶، ۱۱۶_ ۱۰/ ۳، ۶، ۱۸، ۵۵، ۶۶، ۶۸، ۱۰۱; انكى خلقت :( انكى خلقت كى مدت ۱۰/۳: انكى خلقت كے مراحل۱۰/ ۳;) انكے باشعور موجودات ۱۰/۶۶; انكےفائدے ۱۰/۳۱;انكے موجودات ۱۰/۱۰۱

آسمانى كتب: ۱۰/۹۴

آسمانى كتب اور قرآن ۱۰/۹۴; آسمانى كتب كا نزول : اسكے عوامل ۱۰/۱۰۸; آسمانى كتب كا نقش و كردار ۱۰/۹۳; آسمانى كتب كى ہم آہنگى ۹/۱۱۱، ۱۰/۳۷، آسمانى كتب ميں آيات خدا ۱۰/۹۴ ; صدر اسلام ميں آسمانى كتب كے قارى ۱۰/۹۴ ; صدر اسلام ميں آسمانى كتب كے نسخے ۱۰/۹۴;نيز رك انبياء، علما، قرآن، موسى (ع) اور نوح (ع)

آگ : رك ذكر اور جہنم

آگاہى :اس كا سبب ۱۰/۹۳

آئيڈ يا لوجى : رك جہان بيني

آئين: رك دين

آيات احكام : رك احكام

آيات خدا: ۹/۹، ۱۰/۵، ۹۲، ۱۰۱

آفاقى آيات ۱۰/۵،۶،۷،۹; آيات خدا سے استفادہ۱۰/۱۱۰ (اسكى شرائط ۱۰/ ۶۷) آيات خدا سے غافل لوگ ۱۰/۷ ; آيات خدا سے محروم لوگ ۱۰/۱۰۱،۱۰۲،۱۰۳;آيات خدا كا استہزا كرنے والے ۹/۶۸; آيات خدا كو بيان كرنا : اسكى روش ۱۰/۲۴; آيات خدا كو جھٹلانا: اسكا پيش خيمہ ۱۰/۹۵; اسكى سزا ۱۰/۱۰۲; اسكے آثار ۱۰/۹۵، ۹۶ ; آيات خدا كو جھٹلانے والے ۱۰/۹۵: انكا انجام ۱۰/۱۷; انكا عذاب ۱۰/۷۳،۹۶; انكو ذليل كرنے والا عذاب ۱۰/۹۸; انكى بے عقلى ۱۰/۱۰۰; انكى پليدى ۱۰/۱۰۰; انكى جہالت ۱۰/۱۰۰; انكى سزا ۱۰/۷۳; انكى محروميت ۱۰/۹۶; يہ عذاب كے وقت ۱۰/۹۷)

آيات خدا ميں شك : اسكے آثار ۱۰/۹۵

نيز ر ك آسمانى كتب، اقوام ،انبيا،عذاب، غفلت، قرآن، كفر، محمد(ص) ، مشركين ، مشركين مكہ اور مؤمنين

''ا''

ابراہيم(ع) :انكا اظہار براء ت ۹/۱۱۴; انكا اميدوار ہونا۹/ ۱۱۴;انكا حلم ۹/۱۱۴; انكا خشوع ۹/۱۱۴; انكا دعا كو اہميت دينا ۹/۱۱۴; انكا صبر ۹/۱۱۴; انكا ہدايت كرنا ۹/۱۱۴; انكى پريشانى ۹/۱۱۴; انكى صفات ۹/۱۱۴; انكى مہربانى ۹/۱۱۴; انكى وفاء وعدہ ۹/۱۱۴; انكے فضائل ۹/۱۱۴; انكے وعدے ۹/۱۱۴; يہ اور آذر ۹/۱۱۴; يہ اورآذر كيلئے استغفار ۹/۱۱۴; يہ اور مشركين كيلئے استغفار ۹/۱۱۴; يہ اور ہدايت كو قبول نہ كرنے والے ۹/۱۱۴

ابن السبيل: رك مسافر

ابوبكر:

انكو تسلى دينا ۹/۴۰; انكى پريشانى ۹/۴۰; يہ غار ثور ميں ۹/۴۰نيز رك ،محمد (ص)

اپنے سے محبت :اسكى اہميت ۱۰/۵۴نيز رك ،انسان

اتحاد:اسكے آثار ۹/۱۰۷نيز رك ،معاشرہ

اتمام حجت : ۹/۷۰اسكى اہميت ۹/۶; غير مسلموں پر اتمام حجت كرنا ۹/۵نيز رك: انبياء، خدا ، سزا، قوم نوح، گمراہ لوگ، مواخذہ اور نوح(ع)

اجتماع : رك معاشرہ

اجتماعى طبقات:يہ صدر اسلام ميں ۱۰/۲

اجتماعى كنٹرول:اس كا ذمہ دار ۹/۹۴; اسكى روش ۹/۱۱۸; اسكے عوامل ۹/۹۴

اجتماعى مشكلات :اسكے آثار ۹/۱۱۸

اجر: رك پاداش

اجرت:رك اسلامى معاشرہ ، كام ، كام كرنے والے اور نوح(ع)

احبار: رك يہودي علماء

احتضار: رك منافقين

احساس برترى : رك تكبر

احسان :اسكے موارد ۹/۱۲۰نيز رك معاشرہ

احكام : ۹/۱، ۲، ۴، ۵، ۶، ۷، ۸، ۱۰، ۱۱، ۱۲، ۱۷، ۲۳، ۲۸، ۲۹، ۳۴، ۳۶، ۴۱، ۶۰، ۶۵، ۷۱، ۷۴، ۸۴، ۹۱، ۹۵، ۱۰۳، ۱۰۷، ۱۰۸، ۱۱۱، ۱۱۳، ۱۱۴، ۱۲۲، ۱۰/ ۱۸، ۳۶، ۵۳، ۵۹

احكام اور علم خدا: ۹/۹۷ ;احكام سے جاہل ہونا : ۹/۹۷ (اسكا سبب ۹/۹۷);احكام كا اجرا كرنا :(اسكى روش ۹، ۱۰۳); احكام كا فلسفہ : ۹/ ۵، ۶، ۸، ۱۱، ۱۲، ۲۸، ۲۹، ۴۱ احكام كا معيار ۹/۳۳; احكام كو تبديل كرنا: (اسكے آثار ۹/۳۷); احكام كو درك كرنا : (اس كا سبب ۹/۹۷);احكام كى تشريع ، ۱۰/ ۵۹ ; اسكا معيار ۹/۵۹; (اسكا سرچشمہ ۹/۲۸ ،۱۱۵; اسكى شرائط ۹/۲۹; احكام كى خصوصيات ۹/۹۷;احكام كى غلط تشريح:(اسكے عوامل

۹/۹۸);(مخصوص موارد اپنے اپنے موضوع ميں تلاش كيجئے)

اختلاف:اختلاف ڈالنا: (اسكى اخروى سزا ۱۰/۹۳)،اسكے آثار ۱۰/۱۹،۴۷

اختلاف ڈالنے والے ۹/۱۰۹نيز رك: اختلاف ڈالنے والے ، بنى اسرائيل پہلے انسان اور منافقين

اخلاص:اخلاص كى اہميت ۹/۱۰۹; اخلاص كے آثار ۹/۹۱، ۱۰/۱۲، ۲۳نيز رك: انفاق، باديہ نشين لوگ، عمل اور منافقين

اخلاق:پست اخلاقى ۹/۷۵، ۷۶نيز رك قابل قدر صفات

ادارے :اداروں كا قيام : (اس ميں تقوا ۹/۱۰۹; اس ميں خدا كى رضا ۹/۱۰۹); دينى ادارے :(انكى اہميت ۹/۱۲۲)

ادلے كا بدلہ:اس ميں تقوا ۹/۳۶; يہ حرمت والے مہينوں ميں ۹/۳۶; يہ مشركين كے ساتھ ۹/ ۳۶

اديان:انكا فلسفہ۱۰/۴۷; انكا كردار ۱۰/۴۷;انكا مستقبل ۹/۳۳;انكى اختلاف دشمنى ۱۰/۴۷;انكى اہميت ۱۰/۲۱;انكى تاريخ ۱۰/۴۷; انكى خصوصيات ۹/۷۰ ; انكى مشتركہ چيزيں ۹/۳۱; انكى ہم آہنگى ۹/۱۱۱، ۱۰/۱۹; ان ميں اصول دين ۹/۱۱۱; ان ميں اقدار ۹/۱۱۱;ان ميں برہان ۹/۷۰نيز ر ك اسلام ، جہاد ، حرمت والے مہينے، رہائش گاہ اور عيسائيت

اذكار :ذكر الحمد للہ رب العالمين ۱۰/۱۰; ذكر سبحانك اللہم ۱۰/۱۰نيز ر ك بہشتى لوگ اور مؤمنين

ارمان: رك مؤمنين

اسارت :جائز اسارت ۹/۵نيز ر ك اسير ، كفار اور مشركين

استبداد :اس كا سبب ۱۰/۲۳; اسكے آثار ۱۰/۲۳،۸۳نيز ر ك :انسان ، فرعون اور استبدادى لوگ

استدلال كرنا :اسكى روش ۱۰/۳۸نيز رك موسى

استغفار :استغفار كا اثر :(اس اثر كے موانع ۹/۱۱۳،۱۱۴);

اسكے احكام ۹/۱۱۳; اس ميں اميدوار رہنا ۹/۱۱۴ ; جائز استغفار ۹/۱۱۳،۱۱۴; ممنوع استغفار ۹/۸۴،۱۱۳،۱۱۴

نيز ر ك ابراہيم ، جہنمى لوگ، محمد(ص) ، مردے ، مسلمان ، مشركين ، منافقين اور مؤمنين

استقامت :اسكے عوامل ۱۰/۷۱; فرعون كے حواريوں كے مقابلے ميں استقامت ۱۰/۸۹; فرعون كے مقابلے ميں استقامت ۱۰/۸۹نيز ر ك تبليغ ، دعا ، راہبرى ، سختى ، مشركين ، مو منين اور نوح(ع)

استكبار :اس كا سبب ۱۰/۷۵; اس كے آثار ۱۰/۷۵نيز ر ك فرعون اور فرعون كے حواري

اسراف :اسكے آثار ۱۰/ ۱۲، ۸۳نيز ر ك فرعون

اسراف : ر ك اسراف

اسلام :اس كا مذاق اڑانے والے ۹/۶۴، ۶۶; اسلام اور اقتصاد ۹/۶۷; اسلام اور پشيمان گناہگار لوگ ۹/۱۰۲; اسلام اور تمدن ۹/۹۷; اسلام اور ثقافتى بنياديں ۹/۱۲۲; اسلام كا آسان ہونا ۹/۹۱;اسلام كا پھيلنا ۹/۳۲;(اسكى اہميت ۹/۵، ۶، ۱۲۳); اسلام كا توبہ قبول كرنا ۹/۱۰۲;اسلام كا حنيف ہونا ۱۰/۱۰۵;اسلام كا خير ہونا ۹/۳;اسلام كا دائمى ہونا ۹/۳۲;اسلام كا كردار ۹/۳;اسلام كا لچكدار رويہ ۹/۹۱;اسلام كا موقف :(اس كا اعلان كرنا ۹/۳) اسلام كو كمزور كرنے والے :(انكو قتل كرنا ۹/۱۲); اسلام كى اہانت : (اس كا بدلہ ۹/۱۲; اسكى سزا ۹/۱۲; اسكے آثار ۹/۱۲); اسلام كى اہميت۹/۲،۳،۱۱; اسلام كى بدخواہى ۹/۹۸; (اسكے آثار ۹/۹۸); اسلام كى بركتيں ۹/۷۴; (اسلام كا اجتماعى پہلو ۹/۷۱; اسلام كا اقتصادى پہلو ۹/۶۰،۷۱; اسلام كا عبادى پہلو ۹/۷۱);اسلام كى پاسدارى :(اسكى اہميت ۹/۱۲، ۳۸); اسلام كى پيشرفت :(اسكے عوامل ۹/۱۲۲) ; اسلام كى تبليغ:(اسكى اہميت ۹/۱۲۲);اسلام كى تشويق ۹/۳;اسلام كى تعليم :(اسكى اہميت ۹/۶); اسلام كى جامعيت ۹/۷۱;اسلام كى جذابيت ۹/۱۰۲ ; اسلام كى حاكميت ۹/۳۳ ;(اسكے آثار ۹/۷۴);اسلام كى حقانيت ۹/۲۹، ۳۳;اسلام كى خصوصيات ۹/۲۹، ۳۳، ۶۰، ۶۷، ۷۱، ۹۱، ۱۰/۱۰۵، اسلام كى شناخت : (اسكى اہميت ۹/۱۲۲; اسكے لئے ہجرت ۹/۱۲۲);اسلام كى كاميابى ۹/۳۲، ۳۳، ۴۰; اسلام كے خلاف پروپيگنڈا ۹/۳۲;اسلام كے خلاف سازش كرنا ۹/۷۴; اسلام كے دشمن ۹/۸، ۳۲، ۳۶، ۴۸، ۵۷، ۷۴;(انكو دعوت ۹/۱۵; انكى امداد ۹/۴);اسلام كے ساتھ خيانت كرنے والے ۹/۷۴;اسلام كے ساتھ مخالفت ۹/۳۲ ; اسلام كے ساتھ مقابلہ ۹/۲۳; (اس كا جرم ۹/۶; اسكى شكست ۹/۳۲; اسكے عوامل ۹/۹); اسلام كے مخالفين ۹/۳۳;سپاہ اسلام۹/۲۶; صدر اسلام كى

تاريخ۹/۱،۲،۳، ۴، ۵ ،۶، ۷،۸،۱۰،۱۲،۱۳، ۱۴ ، ۱۵ ، ۱۶،۲۴،۲۵، ۲۶، ۲۸، ۳۴،۳۸، ۴۰،۴۲،۴۳ ،۴۴، ۴۵، ۴۶، ۴۷ ، ۴۸،۴۹،۵۰، ۵۵، ۵۶ ، ۵۷،۵۸،۶۰،۶۱ ، ۶۵ ، ۶۶، ۶۷، ۶۸، ۷۴ ، ۷۸، ۷۹،۸۱،۸۳ ،۸۶، ۹۰، ۹۲، ۹۴، ۹۵ ،۹۶ ، ۹۷ ،۱۰۷،۱۱۷،۱۰/۲۱نيز ر ك اسير ، اقرار ، تمايلات ، جنگ ، عيسائي ، كفار ، مشركين اور منافقين

اسلام شناس : ر ك معاشرہ

اسلامى معاشرہ:اسلامى معاشرہ اور منافقين ۹/۱۱۰; اسلامى معاشرے كا ختم ہونا : (اس كے عوامل ۹/۳۹); اسلامى معاشرے كى ذمہ دارى ۹/۱۰۱، ۱۲۳; اسلامى معاشرے كى نشانياں ۹/۷۱; اسلامى معاشرے كى ہوشيارى ۹/۱۲۳ (اسكى اہميت ۹/۱۰۱) ;اسلامى معاشرے كے خدمتگزار;(ان كى اجرت ۹/۶۰)نيز رك منافقين

اسما و صفات:تواب ۹/۱۰۴، ۱۱۸; حكيم ۹/۱۵، ۲۸، ۴۰، ۶۰، ۷۱، ۹۷، ۱۰۶، ۱۱۰; خير الحاكمين ۱۰/۱۰۹; رحيم ۹/۵ ، ۲۷، ۹۱، ۹۹، ۱۰۲، ۱۰۴،۱۱۷، ۱۱۸، ۱۰/۱۰۷; رؤوف ۹/۱۱۷;سميع ۹/۹۸، ۱۰۳، ۱۰/۶۵;صفات جلال۱۰/۱۰، ۱۸، ۴۴، ۵۴، ۶۸;صفات جمال۱۰/۱۰;عزيز ۹/۴۰، ۷۱; علام الغيوب ۹/۷۸;عليم ۹/۱۵ ، ۲۸، ۴۴، ۴۷، ۶۰، ۹۷، ۹۸، ۱۰۳، ۱۰۶، ۱۱۰، ۱۱۵، ۱۰/۶۵; غفور ۹/۵، ۲۷، ۹۱، ۹۹، ۱۰۲، ۱۰/۱۰۷; غنى ۱۰/۶۸; قدير ۹/۳۹; مولى ۹/۵۱، ۱۰/ ۳۰

اسير :اسير كااسلام ۹/۵; اسير كا مسلمان ہونا ۹/۵; اسير كى آزادى ۹، ۵;(اس كى آزادى كى شرائط ۹/۵) اسير كى توبہ ۹/۵; اسير كے احكام ۹/۵نيز ر ك مشركين

اصحاب مدين :ر ك اہل مدين

اصل اباحت ۱۰/۵۹

اصلاح:اسكى روش ۹/۱۱۸_ اسكے عوامل ۹/۷۱نيز ر ك معاشرہ

اصل حليت ۱۰/۵۹

اضطراب :اسكے عوامل ۹/۴۵نيز ر ك محشر اور منافقين

اطاعت :امام على (ع) كى اطاعت :(ا سكى اہميت ۱۰/۵۸); انبياء كى اطاعت: (اسكى اہميت ۱۰/۴۷); حضرت محمد(ص) كى اطاعت ۹/۷۱،۱۲۰(اس كا دائمى ہونا ۹/۷۱; اس كا سبب ۹/۱۲۸; اس كا فلسفہ ۹/۸۱; اسكى اہميت ۹/۷۱،۱۱۷; اسكى پاداش