امامين حسنين عليهما السلام ثقافتى اور فکر اسلامى - نيٹ ورک

تفسير راہنما جلد ۸

۹_ زمين و آسمانوں كى خلقت كا مقصد ،نيك ترين افراد (كامل انسانوں ) كو وجود ميں لاناہے_

خلق السموات والارض ليبلوكم ايكم ا حسن عملا

'' ليبلوكم'' ، '' خلق السموات '' كے متعلق ہے _ اور خلقت كائنات كے مقصد كو بيان كرتاہے_

۱۰_ تمام انسان مرنے كے بعد قيامت كے ميدان ميں حاضر ہونے كے ليے زندہ اور اٹھائے جائيں گے_

و لئن قلت انكم مبعوثون من بعد الموت

۱۱_ پيغمبر اسلامصلى‌الله‌عليه‌وآله‌وسلم كى رسالت كا ايك مقصد يہ تھا كہ لوگوں كو مرنے كے بعد كى زندگى اور قيامت كے برپا ہونے كى طرف توجہ دلائي جائے_و لئن قلت انكم مبعوثون من بعد الموت

۱۲_ گذشتہ دور كے كافر ،قيامت كو بے معنى اور پيغمبرصلى‌الله‌عليه‌وآله‌وسلم كى طرف سے اس كے بيان كو واضح دھوكہ اور جادو سمجھتے تھے_ان هذا الا سحرٌ مبين

''ہذا'' كا ارشاد پيغمبر اكرمصلى‌الله‌عليه‌وآله‌وسلم كے اس قول كى طرف ہے جسميں آپ فرماتے تھے كہ مردوں كو زندہ كيا جائيگا اور قيامت برپا ہوگى اور لفظ سحر كا اطلاق اس گفتار اور دعوى پر تشبيہ كے عنوان سے ہے اور اسميں وجہ شباہت باطل ہونا اور دھوكہ دينا ہے_ يعنى يہ ظاہرى باتيں فريب دينے والى ہيں _ اور حقيقت سے خالى اور بے بنياد يہ باتيں باطل اور دھوكہ بازى ميں جادو كى مانند ہيں _

۱۳ _ خداوند متعال كى طرف سے انسانوں كى آزمائش ، معاد اور روز قيامت كى روشنى ميں قابل توجيہ ہے_

خلق السموات والارض ليبلوكم ايّكم احسن عملاً و لئن قلت انكم مبعوثون

انسانوں كى آزمائش كے بعد مسئلہ قيامت كا تذكرہ اس بات كى طرف اشارہ ہے كہ قيامت كے برپا كرنے كے بغيرانسانوں كى آزمائش كے بعد مسئلہ قيامت كا تذكرہ اس بات كى طرف اشارہ ہے كہ قيامت كے برپا كرنے كے بغير انسانوں كى آزمائش اور نيك لوگوں كے برے لوگوں سے جدا كرنا نتيجہ خيز ثابت نہيں ہوسكتا _

۱۴ _'' عن الرضا عليه‌السلام قال: ان الله تبارك و تعالى خلق السموات والارض فى ستة ايام ليظهر للملائكة ما يخلفه منها شيئا بعد شيء فيستدل بحدوث ما يحدث على الله تعالى مرّة بعد مرّة ...و اما قوله عزوجل : ''ليبلوكم ايّكم ا حسن عملاً'' فانه خلقهم ليبلوهم بتكليف طاعته و عبادته ، لا على سبيل الامتحان و التجربة لانه لم يزل عليما ً بكل شيئ ...'' (۱) امام رضا عليہ السلام سے روايت

____________________

۱) عيون اخبار الرضا ج/۱ ، ص ۱۳۴ ، ح ۳۳ ، نورالثقلين ج/ ۲ ص ۳۳۶ ، ح/ ۱۰_

ہے كہ آپعليه‌السلام نے فرمايا :بے شك خداوند متعال نے آسمانوں اور زمين كو چھ دنوں ميں خلق كيا ...جس شے كو بھى خلق فرماتا ملائكہ كے سامنے ايك كے بعد دوسرے كو ظاہر فرماتا تا كہ خداند متعال كى نئي خلقت سے اس كے وجود ہونے پر استدلال كيا جاسكے ...قول خداوند متعال'' ليبلوكم ايّكم احسن عملاً'' يعنى خداوند متعال نے انسانوں كوخلق فرمايا تا كہ اپنى عبادت اور طاعت كے ذريعے ان كا امتحان لے ، نہ اسوجہ سے كہ وہ ان كے حالات سے آگاہى حاصل كرے كيونكہ وہ ازل سے تمام موجودات كے حالات سے واقف تھا اور ہے

۱۵_قال رسول الله صلى‌الله‌عليه‌وآله‌وسلم ان الله قدّر مقادير الخلايق قبل ا ن يخلق السموات والارض بخمسين ا لف سنة و كان عرشه على الماء (۱) رسول اكرمصلى‌الله‌عليه‌وآله‌وسلم سے حديث ہے كہ آنحضرتصلى‌الله‌عليه‌وآله‌وسلم نے فرمايا خداوند متعال نے آسمانوں اور زمين كى خلقت سے پچاس ہزار سال پہلے مخلوقات كے مقدرات كو معين كيا جبكہ اسوقت خداتعالى كا عرش پانى پر تھا_

۱۶_عن محمد بن مسلم قال : قال لى ا بوجعفر عليه‌السلام : كان كل شيء ماء اً و كان عرشه على الماء ، فأمر الله عزّ ذكره الماء فاضطرم ناراً ثم ا مر النار فخمدت فارتفعت من خمودها دخان فخلق الله عزوجل السموات من ذلك الدخان و خلق الله عزوجل الارض من الرّماد ...(۲) محمد بن مسلم نقل كرتے ہيں كہ امام باقرعليه‌السلام نے فرمايا: تمام چيزيں پانى تھيں ، اور خداوند عزوجل كا عرش پانى پر مستقر تھا پھر خدا عزوّجل كے حكم سے وہ پانى آگ ميں تبديل ہوگيا پھر آگ كو حكم ديا ك بجھ جا وہ و بجھ گئي پھر اس آگ كے بجھنے سے دھواں اٹھا تو خداوند عالم نے آسمانوں كو اس دھواں سے خلق كيا اور اس كى خاكستر سے زمين كو خلق كيا_

۱۷_ ''عن على ابن الحسين عليه‌السلام قال : ان الله عزوجل خلق العرش من ا نوار مختلفة فمن ذلك النور نور ا خضر و نور ا صفر و نور ا حمر ...و نور ا بيض ''(۳) امام سجادعليه‌السلام سے روايت ہے : حضرتعليه‌السلام نے فرمايا : بے شك خداوند عزوجل نے عرش كو مختلف انوار سے خلق فرمايا ان انوار ميں سبز، زرد، سرخ اور سفيد نور تھا_

۱۸_عن على عليه‌السلام ... خلق الله عرشه من نوره و

____________________

۱) الدرالمنثور ج/۴ ص ۴۰۳_

۲) كافى ج/۸ ص ۱۵۳ ، ج/ ۱۴۲ ، تفسير برہان ج/ ۲ ص ۲۰۷ ، ح ۴_

۳) توحيد صدوق ص ۳۲۶ ح ۱ ، ب ۵۱ ; تفسير برہان ج/ ۲ ص ۲۰۸ ح ۷_

جعله على الماء و ذلك قوله : '' و كان عرشه على الماء ...'' (۱) امام علىعليه‌السلام سے روايت ہے كہ حضرتعليه‌السلام نے فرمايا: (خداوند متعال ) نے عرش كو اپنے نور سے خلق فرمايا، اور اسكو پانى پر قرار ديا ...اسى بارے ميں خداوند عزوجل فرماتاہے:'' و كان عرشه على الماء ...''

۱۹_'' عن ابى عبدالله عليه‌السلام '' قال: العرش فى وجه هو جمله الخلق و فى وجه آخر العرش هو العلم الذى اطلع الله عليه انبياء ه و رسوله و حججه ..(۲)

امام جعفر صادقعليه‌السلام سے روايت ہے حضرتعليه‌السلام نے فرمايا: عرش ايك لحاظ سے پورى مخلوق ہے _ دوسرے اعتبار سے عرش ايك ايسا علم ہے كہ جس سے خداوند متعال نے اپنے پيغمبروں ، رسولوں اور اپنى حجتوں كو آگاہ فرماياہے_

۲۰_ رسالت مآبصلى‌الله‌عليه‌وآله‌وسلم سے روايت ہے كہ آنحضرتصلى‌الله‌عليه‌وآله‌وسلم نے فرمايا:الله تبارك و تعالى كا قول ''ليبلوكم ا يكم ا حسن عملاً'' يعنى انكم ا زهد فى الدنيا (۳) الله تبارك و تعالى كا يہ قول كہ تمھيں آزمانا چاہتاہے كہ تم ميں سے كس كا عمل اچھا ہے يعنى دنيا ميں زہد كے اعتبار سے تم ميں سب سے بہتر كون ہے_

۲۱_عن النبى صلى‌الله‌عليه‌وآله‌وسلم انّه تلاهذه الآية '' ليبلوكم ايّكم ا حسن عملاً'' قال: ايّكم ا حسن عقلاً و ا ورع عن محارم الله و ا سرع فى طاعة الله ;(۴)

رسالت مآبصلى‌الله‌عليه‌وآله‌وسلم سے روايت ہے كہ آنحضرتصلى‌الله‌عليه‌وآله‌وسلم نے اس آيت مباركہ كى تلاوت فرمائي''ليبلوكم ايّكم احسن عملاً'' پھر فرمايا خداوند عزوجل تمہيں آزمانا چاہتاہے كہ تم ميں عقل اور محرمات الہى سے اجتناب كرنے ميں سب سے بہتر كون ہے نيز اطاعت خدا ميں سب سے زيادہ سبقت كرنے والا كون ہے_

۲۲_'' عن ا بى عبدالله عليه‌السلام فى قول الله عزوجل ''ليبلوكم ايّكم ا حسن عملاً'' قال : ليس يعنى ا كثر عملاً و لكن ا صوبكم عملاً (۵) امام جعفر صادق عليہ السلام سے قول عزوجل''ليبلوكم ايّكم ا حسن عملاً'' كے بارے ميں روايت ہے كہ حضرتعليه‌السلام نے فرمايا كہ اس سے مراد زيادہ عمل كرنا نہيں بلكہ تمہارا صحيح عمل كرنا مراد ہے_

۲۳_ امير المؤمنينعليه‌السلام سے روايت نقل ہوئي ہے_ حضرت (ع)

____________________

۱) بحار الانوار ج/ ۴۰ ص ۱۹۵ ح ۸۰_۲) معانى الاخبار ص ۲۹ ح ۱ ، بحار الانوا ر ج/۵۵، ص ۲۸ ح ۴۷_۳) مكارم الاخلاق ص ۴۴۷ ; بحار الانوار ج/ ۷۴ ص ۹۳ ، ح/۱_۴) تفسير طبرى جزء ۱۲ ، ص ۵ ; مجمع البيان ج/ ۱۰ ، ص ۴۸۴_۵) كافى ج/ ۲ص ۱۶ ، ح۴ ; نورالثقلين ج/ ۲ ص _۳۴ ، ح۲۲_

نے فرمايا: ''ان الله تعالى قد كشف الخلق كشفة لا انه جهل ما اخفوه من مصون اسرارهم و مكنون ضمائرهم و لكن ليبلوهم ايّهم احسن عملاً فيكون الثواب والعقاب بوائ (۱)

بے شك خداوند متعال اپنى مخلوقات كى تمام تر تبديلوں كے حالات سے آگاہ ہوا يہ اس معنى ميں نہيں ہے كہ اس كى مخلوقات جو اسرار و رموز كو مخفى كرتى تھى خداوند عالم اس سے جاہل تھا بلكہ يہ اس معنى ميں ہے كہ انہيں آزمائے تا كہ ان كى جزا و سزا اعمال كے مطابق ہو _

آسمان :آسمانوں كا خالق ۱۰; آسمانوں كا متعدد ہونا ; آسمانوں كى خلقت ۱۶ ; آسمانوں كى خلقت كا تدريجى ہونا ۲ ، ۱۴ ; آسمانوں كى خلقت كا عنصر ۵; آسمانوں كى خلقت كا فلسفہ ۹ ; آسمانوں كى خلقت كى مدت ۲

اعداد :چھ كا عدد ۲

امتحان :امتحان كا وسيلہ ۱۴ ; امتحان كا فلسفہ ۲۰ ، ۲۳

انسان:انسان مرنے كے بعد ۱۰ ; انسانوں كا آخرت ميں محشور ہونا ۱۰; انسانوں كا امتحان ۷، ۱۳ ; انسانوں كى خلقت كا فلسفہ ۱۴; انسانوں كے امتحان كا فلسفہ ۸ ، ۱۴ ; كامل انسان كى پيدائش كا سبب ۸ ، ۹

پانى :پانى كى خلقت كا وقت ۲۰ ; پانى كے فوائد ۵

خدا:خداوند متعال كى حاكميت۶ ; خداوند متعال كى خالقيت ۱; خداوند متعال كے امتحانات ۷،۸،۱۳; خداوند متعال كے مقدرات ۱۵

خلقت :عالم خلقت كا حاكم ۶

ياد دہاني:آخرت كى زندگى كى ياد آورى ۱۱ ; قيامت كى ياد دہانى ۱۱

خلق فرمايا:آسمانوں سے پہلے كى خلقت ۴; زمين سے پہلے كى خلقت ۴

روايت: ۱۴ ، ۱۵ ، ۱۶ ، ۱۷ ، ۱۸ ، ۱۹ ، ۲۰ ، ۲۱ ، ۲۲ ، ۲۳

زمين :زمين كا خالق ۱ ; زمين كى خلقت ۱۶ ; زمين كى خلقت تدريجاً ہے ۲ ، ۱۴ ; زمين كى خلقت كا عنصر ۵ ; زمين كى خلقت كا فلسفہ ۹ ; زمين كى خلقت كى مدت ۲

____________________

۱) نہج البلاغہ خطبہ ۱۴۴ ; نورالثقلين ج/ ۲ ص ۳۴۰ ، ح ۲۳_

عرش:عرش خدا اور پاني۱۵ ، ۱۸ ; عرش سے مراد ۱۹;عرش كى خلقت ۱۷ ، ۱۸

قيامت :قيامت كا كردار۱۳;قيامت كو جھٹلانے والے ۱۲

كفار:كفار اور قيامت ۱۲;كفار كى تہمتيں ۱۲ ;كفار كى فكر۱۲

محسنين:نيكى كرنے والوں سے مراد ۲۰ ، ۱ ۲ ، ۲۲ ;نيكى كرنے والوں كے وجود كا سبب ۸ ، ۹

محمد مصطفىصلى‌الله‌عليه‌وآله‌وسلم :آنحضرتصلى‌الله‌عليه‌وآله‌وسلم پر جادوگرى كى تہمت ۱۲ ، آنحضرتصلى‌الله‌عليه‌وآله‌وسلم كى رسالت ۱۱

مردہ :مردوں كو آخرت ميں زندہ كرنا ۱۰

آیت ۸

( وَلَئِنْ أَخَّرْنَا عَنْهُمُ الْعَذَابَ إِلَى أُمَّةٍ مَّعْدُودَةٍ لَّيَقُولُنَّ مَا يَحْبِسُهُ أَلاَ يَوْمَ يَأْتِيهِمْ لَيْسَ مَصْرُوفاً عَنْهُمْ وَحَاقَ بِهِم مَّا كَانُواْ بِهِ يَسْتَهْزِئُونَ )

اور اگر ہم ان كے عذاب كو ايك معينہ مدت كيلئے ٹال ديں تو طنز كريں گے كہ عذاب كو كس چيز نے روك ليا ہے _آگاہ ہوجائو كہ جس دن عذاب آجائے گا تو پھر پلٹنے والا نہيں ہے اور پھر وہ عذاب ان كو ہر طرف سے گھير لے گا جس كا يہ مذاق اڑارہے تھے(۸)

۱_ وہ لوگ جو قرآن ، رسالت مآبصلى‌الله‌عليه‌وآله‌وسلم اور قيامت كے منكر ہيں وہ دنيوى عذاب كے مستحق ہيں اور انہيں اس عذاب سے ڈرايا بھى گيا ہے_و لئن ا خرنا عنهم العذاب

جملہ (مايحسبہ ) (كونسى چيز نزول عذاب سے مانع ہے؟) يہ بتاتاہے كہ يہاں عذاب سے مراد دنيا كا عذاب ہے اوريہ جملہ يہ بھى بتاتاہے كہ گذشتہ كفار كو اس عذاب سے ڈرايا گياتھا_

۲_ خدا كے عذاب اور وعيد كا معين وقت تاخير اور ٹلنے كے قابل ہے_

كلمہ تاخير ''اخرنا'' كا مصدر ہے جو كبھى كسى چيزكو بعد والے زمانہ ميں قرار دينے كے معنى ميں آتاہے اور كبھى ٹالنے اور معينہ مدت سے تاخير

ميں ڈالنے كے معنى ميں آتاہے مذكورہ عبارت دوسرے معنى كى بنياد پر ہے _ اور جملہ '' ما يحسبہ'' اس معنى كى تاييد كرتاہے_

۳_ كفار كے عذاب ميں تاخير اور اسكا روكنا تھوڑى مدت كے ليے ہوتاہے _لئن ا خرنا عنهم العذاب الى امة معدودة

آيت ميں لفظ ''امة'' كے معنى زمانہ اور وقت كے ہيں _

۴_گذشتہ كفار، عذاب كى تاخير سے پيغمبرصلى‌الله‌عليه‌وآله‌وسلم كے ڈرانے كو بے بنياد سمجھتے اور ان كا مذاق اڑاتے تھے_

لئن ا خرنا ليقولن مايحسبه

''جملہما كانوا به يستهزؤن'' قرينہ ہے كہ جملہ ''ما يحسبہ'' ميں استفہام تمسخر اور مذاق اڑانے كے ليے ہے لہذا''ليقولن'' سے مراد يہ ہے كہ وہ تمسخر وا ستہزا سے پوچھتے ہيں كہ كس چيز نے آنے والے عذاب كو روك ديا ہے؟

۵_ كفار ،عنقريب عذاب الہى ميں گرفتار ہوں گے_الى امة معدودة الا يوم يأتيهم ليس مصروفاً عنهم

( يأتيہم ) ميں فاعل كى ضمير عذاب كى طرف لوٹتى ہے_ اور لفظ '' يوم '' مصروفاً كے ليے ظرف ہے_

۶_كفار پر عذاب نازل ہونے كے بعد اٹھايا نہيں جائے گا_الا يوم ياتيهم ليس مصروفاًعنهم

۷_ الله كا عذاب كفار كو گھيرلے گا_الا يوم ياتيهم و حاق بهم ما كانوا به يستهزون

( حاق بہم) كا جملہ ( ليس مصروفا) كے جملے پر عطف ہے اور جملہ ''ياتيہم'' كے قرينہ كى بنا (حاق) كا لفظ جو فعل ماضى ہے _ مضارع (يحيق) كے معنى ميں ہے ( يعنى گھير لے گا ) اور (ماكانوا ) سے مراد عذاب الہى ہے _

۸_ كفا ر،جب عذاب الہى كے روبرو ہوں گے تو اس سے اپنے آپ كو نجات نہيں دے سكيں گے _

و حاق بهم ما كانوا به يستهزؤن

'' ليس مصروفاً عنہم'' كا جملہ يہ بتاتاہے كہ كفار سے عذاب كو اٹھايا نہيں جائے گا اور (حاق بہم ...) كا جملہ اس معنى كو بتاتاہے كہ وہ خود بھى اس عذاب سے فرار نہيں كرسكتے ہيں _

۹_ پيغمبروں كى طرف سے كيے گئے عذاب كے وعدوں كا كفار ہميشہ مذاق اڑايا كرتے تھے_

و حاق بهم ما كانوا به يستهزء ون

انبياء :انبياء عليہم السلام كا مذاق اڑانے والے ۹; پيغمبروں كے عذاب سے ڈرانے كا مذاق۹

خدا:خداوند متعال كا عذاب گھيرلينے والا ہے ۷; خداوند متعال كے عذاب ۵ ،۶; خداوند عالم كے عذاب كے وعدوں كا مذاق ۹; خداوند متعال كے وعدہ عذاب ميں تاخير۲ ; عذاب الہى ميں تأخير ۲

عذاب:اہل عذاب ۱; دنيا كے عذاب سے ڈرانا ۱

قرآن:قرآن مجيد كے منكرين ۱

قيامت :قيامت كے منكرين ۱

كفار:كافروں كا عذاب حتمى ہونا ۵ ، ۸; كافروں كا عذاب ۷ ;كافروں كا مذاق اڑانا۴ ، ۹;كافروں كو دھمكى ۱ ; كفار اور حضرت محمد مصطفىصلى‌الله‌عليه‌وآله‌وسلم ۴ ; كفار عذاب الہى كے وقت ۸۰ ;كفار كا عاجز ہونا ۸ ; كفار كى خصوصيات ۹; كفار كى فكر۴ ; كفار كے عذاب كا ہميشہ ہونا ۶ ; كفار كے عذاب ميں تأخير ۳

محمد مصطفىصلى‌الله‌عليه‌وآله‌وسلم :آنحضرتصلى‌الله‌عليه‌وآله‌وسلم كا مذاق اڑانے والے ۴; آنحضرتصلى‌الله‌عليه‌وآله‌وسلم كى دھمكيوں كا مسخرہ كرنے والے۴ ; حضرت محمدصلى‌الله‌عليه‌وآله‌وسلم كى رسالت كے ;منكر

آیت ۹

( وَلَئِنْ أَذَقْنَا الإِنْسَانَ مِنَّا رَحْمَةً ثُمَّ نَزَعْنَاهَا مِنْهُ إِنَّهُ لَيَؤُوسٌ كَفُورٌ )

اور اگر ہم انسان كو رحمت دے كرچھين ليتے ہيں تو مايوس ہوجاتا ہے اور كفر كرنے لگتا ہے (۹)

۱_ انسانوں كو نعمتيں عطا كرنا اور ان كا واپس لے لينا يہ خداوند متعال كے ہاتھ اور اختيار ميں ہے _

و لئن ا ذقنا الانسن منا رحمة ثم نزعنها منه

۲ _ انسان جب دنيا كى آسائشوں اور خدا كى نعمتوں كو اپنے ہاتھوں سے گنوا ديتاہے _ تو خداوند متعال كى رحمتوں سے نا اميد اور كائنات ميں خداوندعالم كى تدبير كا منكر ہوجاتاہے_و لئن ا ذقنا الانسان انه ليؤس كفور

ممكن ہے كہ لفظ''كفور'' كفر سے نكلا ہو جو انكار كے معنى ميں ہے_ اس صورت ميں جملہ (انّہ ...كفوراً ...)اس بات كى طرف اشارہ كررہاہے كہ نعمتيں ملنے اور ان كے سلب ہوجانے كے بعدتو انسان يہ خيال كرتاہے كہ عالم كائنات ميں جو تغير و تبديلى رونما ہوتى ہے وہ خداوند متعال كے ہاتھ ميں نہيں ہے بلكہ اس كے اختيار سے

خارج ہے _

۳ _ خداوند عالم، انسانوں كو نعمتيں دے كر اور كبھى نعمتوں كو چھين كر ان كا امتحان ليتاہے_

ليبلوكم ايّكم ا حسن عملاً و لئن ا ذقنا الانسن منا رحمة ثم نزّعنها منه

۴_ خداوند متعال كى نعمتيں ،لوگوں كے ليے اسكى رحمت كا جلوہ ہيں _و لئن اذقنا الانسان منا رحمة

اس آيت ميں (رحمت) كے لفظ سے نعمت كا معنى استخراج كيا گيا ہے_

۵_ انسان جن نعمتوں كا حامل ہے ان سے شديد محبت كرتاہے_ثم نزعنها منه

''نزع'' كا معنى اكھاڑنا كے ہيں اس لفظ كا سلب نعمت ميں استعمال،اس بات كو سمجھا تاہے كہ انسان دنياوى نعمتوں سے بہت محبت كرتاہے _

۶_ انسان اپنى جان و روح كے لحاظ ايك ضعيف اور عاجز مخلوق ہے_

و لئن ا ذقنا الانسان منا رحمة ثم نزعناها منه انه ليئوس كفور

(ا ذقنا ) كا لفظ لغوى اعتبار سے (ذوق ) سے ہے جو ذائقہ كو سمجھنے كے ليے غذا كے چكھنے كے معنى ميں ہے _قرآن مجيد نے نعمت كى عطا كو غذا كا مزہ چكھنے سے تشبہہ دى ہے تا كہ اس نكتہ كى طرف اشارہ كرے كہ انسان ،روح و جان كے اعتبار سے ايك ضعيف مخلوق ہے _ اتنا ضعيف ہے كہ دنيا كى معمولى سى نعمت كو جب پالينے كے بعد ہاتھ سے دے بيٹھتاہے تو خود كو سنبھال نہيں سكتا آخر كار كفر اور ناشكرى طرف چلا جاتاہے_

۷_ انسان كو چاہيے كہ ہميشہ خواہ محتاج ہو يا بے نياز خداوند عزوجل كا شكر گزار رہے_

و لئن اذقنا الانسان منا رحمة انه ليئوس كفور

۸_ مشكلات ميں گھرنے اور وسائل وامكانات كو ہاتھ سے دے دينے كے بعد بھى انسان ،رحمت الہى كا اميدوار ہونا چاہيئےثم نزعنها منه انه ليئوس كفور

امتحان :امتحان كا آلة ۳ ; سلب نعمت كے ذريعہ امتحان ۳; نعمت دے كر امتحان لينا۳

اميد ركھنا :خداوند متعال كى رحمت پر اميد ركھنا ۸ ; پريشانيوں ميں اميد ركھنا ۸ ; غربت و تنگدستى ميں اميد ركھنا ۸; خداوند متعال سے اميدوار رہنے كى اہميت ۹_

انسان:انسان كا امتحان ۳ ; انسان نعمت كے سلب ہونے

كے وقت ۲ ; انسان كا اثر قبول كرنا ۲۰ ; انسان كے وظائف۷ ; انسان كى صفات ۲ ، ۵ ، ۶ ; انسان كى كمزورى ۶ ; انسان كى دلبستگى ۵

خدا:خداوند غزوجل كے اختيارات ۱ ; خداوند متعال كى آزمائش ۳ ; خدا كى ربوبيت كا جھٹلانا ۲ ; خداوند متعال كى رحمت كى نشانياں ۴ ; خداوند متعال كى نعمتيں ۴

شكر:بے نيازى ميں شكر ۷; ;دائمى شكر ۷; شكر كرنے كي اہميت ۷ ;غربت و تنگدستى ميں شكر ۷

لو لگانا :دنياوى آسائشوں سے دل لگانا۵ ; نعمت الہى سے دل لگانا۵

نعمت:نعمت كا سبب ۱;نعمت كے چھن جانے كا سبب ۱

نااميدي:خداوند متعال كى رحمت سے نااميدى ۲;نااُميدى كے اسباب ۲

آیت ۱۰

( وَلَئِنْ أَذَقْنَاهُ نَعْمَاء بَعْدَ ضَرَّاء مَسَّتْهُ لَيَقُولَنَّ ذَهَبَ السَّيِّئَاتُ عَنِّي إِنَّهُ لَفَرِحٌ فَخُورٌ )

اور اگر تكليف پہنچنے كے بعد نعمت اور آرام كا مزہ چكھا ديتے ہيں تو كہتا ہے كہ اب تو ہمارى سارى برائياں چلى گئيں اور وہ خوش ہوكر اكڑنے لگتا ہے (۱۰)

۱_ خداوند متعال ، انسانوں كو دنيا كى نعمتيں عطا كرنے والا ہے _و لئن ا ذقنه نعماء

(نعما) نعمت كے معنى ميں ہے _ اس لفظ كو اسوجہ سے يہاں لايا گيا ہے كيونكہ لفظ (ضرائ) كے ہم وزن ہے _

۲ _ انسان جب عيش و آرام كے عالم ميں ہوتاہے تو اپنے كو سختيوں اور پريشانيوں سے محفوظ سمجھتاہے_

و لئن ا ذقنه نعماء بعد ضرّاء مسته ليقولنّ ذهب السيئات عني

(لئن ا ذقنه ) كا جملہ مشكلات كے برطرف ہونے پر دلالت كرتاہے اس بناء پر جملہ ''ذہب

السيئات عني'' (رنج و الم مجھ سے دور ہوگئے) جن كے كہنے اور اس پر اعتقاد ركھنے كى وجہ سے انسان كى مذمت كى گئي ہے كا مفہوم كچھ اور ہے اور وہ يہ ہے كہ مشكلات و پريشانيوں ميں دوبارہ گرفتار نہ ہونے كا خيال ہے_

۳ _ انسان مشكلات كے برطرف ہونے كے بعد اور دنياوى نعمتوں كے ملنے پر بہت ہى خوشى كا اظہار كرتاہے جس سے وہ تكبر اور فخر كرنے لگتاہے _و لئن اذقنه نعماء بعد ضرّاء مسته ليقولن ذهب السيئات عني

جملہ '' انہ لفرح فخور '' جملہ مستا نفہ ہے_ يہ اس معنى كو منعكس كرتاہے_ جو ( ليقولنَّ ...) كے جملے سے حاصل ہوتاہے _ يعنى انسان خيال كرتاہے كہ وہ مشكلات ميں دوبارہ مبتلا نہيں ہو گا _ لہذاوہ بہت ہى خوشحال اور فخر كرنے لگتاہے_

۴ _عيش و آرام پانے كے بعد غرور ، تكبر، زيادہ خوش ہونا برے صفات ميں سے اور اس كى مذمت كى گئي ہے_

و لئن اذقنه نعماء بعد ضرّاء مسته ليقولن ذهب السيئات عني

بعد كى آيت (الا الذين ...)اس معنى كو سمجھا رہى ہے كہ قرآن كا مقصد ،انسان كى اس صفت كو بيان كرنے كا فقط خبر دينا نہيں ہے بلكہ در حقيقت اس انسان كى مذمت كرنامقصود ہے جس ميں يہ صفت پائي جاتى ہو_

۵ _ انسان كى زندگى ميں كبھى مشكلات و پريشانياں اور كبھى آرام و آسائش ہے _و لطن اذقنه ، نعماً بعد فتراء سته

'' ضرائ'' مشكل اور دكھ كے معنى ميں ہے اور مشكلات و پريشانيوں ميں گرفتارہونے والے كے ليے لفظ ( مس) كو استعمال كيا گيا ہے _ اس سے يہ اشارہ ملتاہے كہ معمولاً مشكلات و پريشانياں ہميشہ نہيں رہتى اور نعمتوں كے عطا كو چھكنے سے تعبير كيا گيا ہے اس سے يہ بتانا چاہتے ہيں كہ يہ دنياوى نعمتيں جلدى ختم ہونے والى ہيں _

۶_ انسان كے روحى اورنفسياتى جسمانى حالات ( نااميد ہونا ، بہت زيادہ خوشحال ہونا ، تكبر ) و غيرہ تھوڑى سى ہى پريشانى اور آسائش سے تبديل ہوجاتے ہيں _و لئن ا ذقنا الانسن انّه ليئوس كفور و لئن ا ذقنه نعما انه لفرح فخور

آسائش :آسائش ہميشہ كے ليے نہيں ۵

اخلاق :اخلاقى برائياں ۴

انسان:انسان آسائش كے وقت ۲ ; انسان خوش گذرانى كے وقت ۲ ; انسان كا اثر قبول كرنا ۶ انسان كا تكبر ۶ ; انسان كے حالات ۲ ،۳

پريشانى :پريشانى كے دور ہونے كے آثار ۳ ; پريشانيوں سے اپنے كو محفوظ خيال كرنا ۲ ; مشكلات اور پريشانيوں كا ناپائيدار ہون

تكبر:تكبر كى مذمت ۴ ; تكبر كے اسباب ۳

خدا :خداوند متعال كى بخشش ۱ ; خداوند متعال كى نعمتيں ۱

خوشي:خوشى ميں افراط; خوشى ميں افراط كى مدمت ۴;

رفاہ:رفاہ كے آثار ۳; رفاہ كى ناپائيداري

فخر و مباہات :فخر كرنے كى مذمت ۴ ; فخر كرنے كے اسباب ۳

مادى سہوليات:مادى سہوليات كا سرچشمہ

نعمت :نعمت كا سبب ۱

آیت ۱۱

( إِلاَّ الَّذِينَ صَبَرُواْ وَعَمِلُواْ الصَّالِحَاتِ أُوْلَـئِكَ لَهُم مَّغْفِرَةٌ وَأَجْرٌ كَبِيرٌ )

علاوہ ان لوگوں كے جو ايمان لائے ہيں اور انھوں نے نيك اعمال كئے ہيں كہ انكے لئے مغفرت ہے اور بہت بڑا اجر بھى ہے (۱۱)

۱_ صابرين اور اعمال صالح بجالانے والے نعمتوں كے چھن جانے اور تنگدستى ميں مبتلاء ہوجانے كے بعد رحمت خدا سے مايوس ہوتے ہيں اور نہ اس كى تدبير كا انكار كرتے ہيں _انه ليؤس كفور الا الذين صبروا و عملوا لصلحات

۲ _ صابر لوگ ہميشہ نيك اعمال كرنے والے ، اور ہر حال ميں خداوند متعال كو فراموش نہ كرنے والے اور شكر گزار ہيں _

لئن ا ذقنا الانسان منا رحمة انه ليئوس كفور الا الذين صبروا

مذكورہ مطلب اس احتمال كى بناء پر ہے كہ كفور اس كفران سے ہے جو ناشكر ے كے معنى ميں ہے _

۳_ صابرين جو نيك اعمال انجام دينے والے ہيں دنياوى نعمتوں اور عيش و آرام پاجانے كے بعد بھى تكبر اور غرور كرتے ہيں اور نہ خوشحال ہوتے ہيں _انه لفرح فخور ، الا الذين صبروا و عملو ا الصلحات

۴ _ مشكلات اورپريشانيوں ميں صبر و شكيبائي كى ضرورت ہے اسى طرح كبھى عيش و آرام ميں بھى ہے_

لئن ا ذقنا الانسان منا رحمة الا الذين صبروا

۵_ جس طرح عيش و آرام ميں نيك كاموں كو انجام دينے كى ضرورت ہے _ اسى طرح مشكلات و پريشانيوں اور رنج و الم ميں گرفتار ہوجانے كے بعدبھى _لئن اذقنا الانسان منا رحمة ثم نزعنها منه انه ليؤس كفور الا الذين صبروا و عملوا الصالحات

۶_ اچھے كاموں كو بجالانا اور صبر كرنا انسان كى روح كو تقويت بخشتاہے اور روحى و نفسياتى لغزشوں سے نجات ديتاہے _

انه ليئوس كفور انه لفرح فخور ، الا الذين صبروا و عملوا لاصالحات

آيت ۹ ، ۱۰ ميں ارشاد ہوتاہے كہ انسان تھوڑى سى آسائش اور سختى ميں لڑكھڑا جاتاہے_ اور خود كو كھو ديتاہے مذكورہ آيت ميں اس خصلت سے ان كو استثناء كيا گيا ہے جولوگ صبر كرتے ہيں اور اچھے كام بجا لاتے ہيں _

۷_ خداوند متعال كى آزمائش ميں كاميابى ، نيك كاموں كو انجام دينے اور صبر كرنے ميں ہے _

ليبلوكم اتكم احسن عملاً لئن ا ذقنا الانسان الا الذين صبروا و عملو الصالحات

۸_ صبر پيشہ ہونا بھى نيك كاموں كے سبب ہے _الا الذين صبروا و عملوا الصالحات

۹_ صابر لوگ جو نيك اعمال كرتے ہيں وہ خداوند متعال كى مغفرت سے بہرہ مند ہوتے ہيں _ اور ان كے گناہ بخشے جاتے ہيں _اولئك لهم مغفرة

۱۰_ وہ لوگ جو صبر كرتے ہيں اور نيك اعمال انجام ديتے ہيں بڑے اجر الہى (جنت ) كے مستحق ہيں _

اولئك لهم مغفرة و ا جر كبير

۱۱ _ بڑا اجر الہى ( جنّت) گناہوں كى بخشش كے سبب سے حاصل ہوتاہے_اولئك لهم مغفرة و اجر كبير

لفظ''مغفرت'' كو''ا جركبير'' پر مقدم كرنے كا مقصد يہ ہوسكتاہے كہ عظيم اجر خداوندى كا حصول

اورجنت ميں داخل ہونا گناہوں كى بخشش كے مرہون منت ہے _

آسائش :آسائش ميں صبر كى اہميت ۴

اجر :آخرت كا اجر ۱۱ ; اجر كے مرتبے ۱۰ ، ۱۱ ; اجر كے اسباب ۱۱

استقامت :استقامت كے اسباب ۶

اطمينان :اطمينان كے عوامل ۶

امتحان :امتحان ميں كاميابى كے عوامل ۷

اہل ذكر :بخشش:بخشش كے آثار ۱۱ ; بخشش كے مستحقين ۹

پريشانى :پريشانى سے نجات كے اسباب ۶

جنّت :اجر جنت : ۱۰؛ اجر جنت كے اسباب ۱۱؛ اہل بہشت : ۱۰

خدا:خداوند متعال كے امتحان ۷ ; خداوند متعال كے اجر ۱۰ ، ۱۱

سہولتيں :سہولتوں ميں صبر كى اہميت ۴

شكر كرنے والے : ۲

صالحين :صالحين كى بخشش ۹ ; صالحين كا ايمان ۱ ; صالحين كا اجر اخروى ۱۰ ; صالحين ہميشہ ذكر الہى ميں ۲ ; صالحين ہميشہ شكر گزارى ميں ۲

صبر:صبر كے آثار ۶،۷ ; صبر كے اثرا نداز ہونے كا سبب ۸

نيك اعمال :نيك عمل كرنے والے دنيا كى نعمتوں ميں ۵ ; نيك عمل كرنےوالے سہولت ميں ۵ ; نيك عمل كرنے والے مشكل ميں ۵; نيك اعمال كے آثار ۶ ، ۷ ; نيك عمل كى اہميت ۵ ;

صبر كرنے والے :

صابرين آسائش كے وقت ۳ ;صابرين اور اظہار فكر ;صابرين اور تكبر ; صابرين اور خوشى ۳ ; صابرين اور غربت۱; صابرين سہولت كے وقت ۳ ;صابرين كى خصوصيات ۱ ، ۲ ،۳; صابرين نعمت كے چلے جانے پر ۱ ; صبر كرنے والوں كى بخشش ۹ ; صبر كرنے والے ہميشہ شكر الہى ميں ۲ ; صبر كرنے والے ہميشہ ذكر الہى ميں ۲

فكرى تقويت:فكريتقويت كے اسبا ب۶

مشكل :مشكل ميں صبر كى اہميت ۴

آیت ۱۲

( فَلَعَلَّكَ تَارِكٌ بَعْضَ مَا يُوحَى إِلَيْكَ وَضَآئِقٌ بِهِ صَدْرُكَ أَن يَقُولُواْ لَوْلاَ أُنزِلَ عَلَيْهِ كَنزٌ أَوْ جَاء مَعَهُ مَلَكٌ إِنَّمَا أَنتَ نَذِيرٌ وَاللّهُ عَلَى كُلِّ شَيْءٍ وَكِيلٌ )

پس كيا تم ہمارى وحى كے بعض حصوں كو اس لئے ترك كرنے والے ہو يا اس سے تمہارا سينہ اس لئے تنگ ہوا ہے كہ يہ لوگ كہيں گے كہ ان كے اوپر خزانہ كيوں نہيں نازل ہوايا ان كے ساتھ ملك كيوں نہيں آيا _ تو آپ صرف عذاب الہى سے ڈرانے والے ہيں اور اللہ ہر شے كا نگراں اور ذمہ دار ہے(۱۲)

۱ _ قيامت كے ذكر كے سبب مشركين جناب رسول خداصلى‌الله‌عليه‌وآله‌وسلم كى تكذيب كرتے تھے اور اپنے غير معقول مشورہ سے پيغمبر كو بعض آيات كے ترك كرنے اور ابلاغنہ كرنے كے خطراتميں ڈال ديتے تھے_

فلعلك تارك بعض ما يوحى اليك و ضائق به صدرك ان يقولوا لو لا انزل عليه كنز

يہ بات واضح ہے كہ وہ خوف و شك جو لفظ (لعلّ) سے ظاہر ہورہاہے _وہ متكلم ( خداوند ) نہيں ہے _ بلكہ وہ مخاطب (جناب رسالت مآب) كے شك و ترديد كو بيان كرتاہے _ يا اس خاص مورد كى طرف اشارہ ہے كہ جہاں ہو انسان بعض آيات كے ترك كرنے كو بعيد نہيں سمجھتا لہذا ''لعلك تارك ...'' اس معنى كو سمجھا رہاہے كہ پيغمبر خداصلى‌الله‌عليه‌وآله‌وسلم كچھ ايسے ہى حادث سے دوچار تھے كہ جس ميں يہ احتمال اور خوف تھا كہ جہاں پيغمبر بعض آيات كے ابلاغ ميں شك و ترديد ميں پڑجائيں اور عارضى طورسے مصلحت يہ سمجھيں كہ ان آيات كو نہيں ہوتى كہ كچھ آيات كو ابلاغ نہ كرے

(لعلك تارك ...) يہ بتاتاہے كہ پيغمبر اس وقت تك ابلاغ نہ كريں جب تك حالات سازگار نہ ہو جائيں جملہ (ا ن يقولوا ...) ميں لام تاكيد اور لا نافيہ مقدر ہيں _ يعنى اصل ميں(لان لا يقولوا ...) ہے_ يہ جملہ ان اسباب كى طرف اشارہ كرتاہے جو خوف و خطر كا سبب بنے ہيں _لعلك تارك كو ساتويں آيت پر تفريع كرنا اس بات كو سمجھاتاہے كہ قيامت كا جھٹلانا بھى ان خوف و خطر كے اسباب كو مہيا كرنے ميں موثر ہو_

۲_ پيغمبر اسلام كى يہ ذمہ دارى تھى _ كہ جن احكام اور معارف الہى كى خداوند متعال كى طرف سے وحى كى گئي ہے_ ان كو لوگوں تك پہنچائے _ اگر چہ بعض احكام كے بيان سے لوگوں كى مخالفت اور محاذ آرائي كا سامنا بھى كيوں نہ كرنا پڑے _

ان هذا الا سحر مبين فعلك تارك بعض ما يوحى اليك

۳_ قرآن مجيد كى كچھ آيات كے ابلاغ كو ترك كرنے كا خيال پيغمبر اسلامصلى‌الله‌عليه‌وآله‌وسلم كے ليے اور پريشانى اور غم كا سبب بنتا تھا_فعلك تارك بعض ما يوحى اليك و ضائق به صدرك

مذكورہ معنى اسوقت ليا جاسكتاہے_ كہ جب جملہ (وضائق بہ صدرك) كو حاليہ قرار ديں _ اور(بہ) ميں ضمير كا مرجع ( ترك ابلاغ ) ہو جو جملہ ( لعلّك تارك ...) سے حاصل ہوتاہے _ اور اس كى طرف اس ضمير كو لوٹا يا گيا ہے _ يعنى اگر اس طر ح كے حالات پيدا ہوجائيں كہ ( اے رسولصلى‌الله‌عليه‌وآله‌وسلم ) تم كچھ آيات الہى كو ابلاغ كرنے ميں شك و ترديد ميں پڑجاو اور اس ترك ابلاغ كے خيار كو ذہن ميں دھراتے رہو تو يہ خيال آپ ہى كو پريشان ميں ڈال دے گا_

۴ _ مبلغ دين كى ذمہ دارى ہے كہ تمام قوانين اسلام اور معارف دين لوگوں كے ليے بيان كريں اور ان ميں سے كچھ بھى پنہان نہ كريں _فلعلّك تارك بعض ما يوحى اليك

۵ _ بعض معارف اسلام اور احكام دين سے لوگوں كا وحشت زدہ اور اپنى قبول كرنے كے مواقع كا فراہم نہ ہونا يہ ديل نہيں بنتا كہ ان كا تبليغ نہ كى جائے_ان هذا الا سحر مبين فعلك تارك بعض ما يوحى اليك

۶_ قرآنى آيات وہ حقائق ہيں جو وحى كے ذريعہ پيغمبرصلى‌الله‌عليه‌وآله‌وسلم پر

نازل ہوتى تھيں _فلعلك تارك بعض ما يوحى اليك

۷_ مشركين كے ليے پيغمبر اسلامصلى‌الله‌عليه‌وآله‌وسلم كى رسالت كے برحق ہونے كى دليل يہ تھى _ كہ معجزہ كے طور پر(خداوند متعال كى طرف سے) كوئي خزانہ اور مال كثير ان پرنازل ہو_ان يقولوا لو لا انزل عليه كنزٌ

۸_ مشركين كاآنحضرت كے برحق ہونے پر اطمينان حاصل كرنے كے ليے يہ مطالبہ تھا كہ پيغمبر اسلام كے ساتھ فرشتہ نازل ہو جو ہميشہ ان كے ساتھ رہے_ان يقولوا لو لا جاء معه ملك

۹_ مشركين كے بے جا مطالبات اور معجزات دكھانے كى خواہشات آنحضرتصلى‌الله‌عليه‌وآله‌وسلم كى پريشانى و غم كا سبب بنتى تھيں _

و ضائق به صدرك ان يقولوا لو لا ا نزل عليه كنز ا و جاء معه ملك

مذكورہ مطلب اس صورت ميں آيت سے حاصل كيا جاسكتاہے جب (بہ ) كى ضمير( ا ن يقولوا ...) كى طرف پلٹے ، دوسرے الفاظ ميں( ان يقولوا ...) كا جملہ ضمير ( بہ ) كا بدل ہو _ يعنى اس طرح جملہ ہوگا ''و ضائق صدرك بان يقولوا ...''

۱۰_ پيغمبر اسلامصلى‌الله‌عليه‌وآله‌وسلم كى ذمہ دارى يہ ہے كہ احكام الہى اور معارف دين كو لوگوں تك پہنچائے اور ان كو (عذاب الہى ) سے ڈرائے نہ يہ كہ ان كى بے تكى خواہشات كو پورا كرے _انما انت نذير

۱۱_ پيغمبر اسلامصلى‌الله‌عليه‌وآله‌وسلم تبليغ اور خوف خدا دلانے كے بعد لوگوں كے اعمال اور انكے كفر كے ذمہ دار نہيں ہيں _

انما ا نت نذير

جملہ ( انّما ا نت نذير) ميں جو لفظ انما سے حصر كيا گيا ہے_يہ حصر اضافى ہے _ پيغمبر اسلامصلى‌الله‌عليه‌وآله‌وسلم كى ذمہ دارى كو بتاتاہے _

۱۲_ خداوند متعال تمام چيزوں كا نگہبان اور مدبر ہے_والله على كل شيء وكيل

(وكيل ) اسكو كہتے ہيں جو دوسروں كے كام كو اپنے ذمہ ليے ہوئے ہو _ اور چونكہ آيت كريمہ ميں لفظ( على ) كے ذريعے سے متعدى ہواہے_ اس وجہ سے حفاظت اور نگہبانى كا معنى اس ميں مضمر ہے _ اسى وجہ سے جملہ ( والله علي ...) كا اشارہ اس معنى كى طرف ہے _ كہ خداوند متعال لوگوں كے تمام امور ميں ان كا حافظ اور نگہبان ہے_

۱۳ _ معجزہ دكھانا اور لوگوں كے مطالبات اور ان كے تقاضوں كو پورا كرنا خداوند عالم كے اختيار ميں ہے نہ كے پيغمبر اكرمصلى‌الله‌عليه‌وآله‌وسلم كے ہاتھ ميں ہے_انّما ا نت نذير والله على كل شيء وكيل

اسلام :صدر اسلام كى تاريخ ۹

اسماء و صفات :وكيل ۱۲

امور:مدبر الامور۱۲

ايمان :حضرت محمد مصطفى پر ايمان ۷

تبليغ :تبليغ نقض كى پہچان ۴ ، ۵ ; تبليغ اور لوگوں كا خوف ۵; تبليغ كے شرائط ۴ ، ۵

خدا:افعال خداوند ۱۲ ; خداوند متعال كا پالنے والا ہونا ۱۲ ; خداوند متعال كى شان و شوكت ۱۳ ; خداوند متعال كا محافظ ہونا ۱۲

دين :تبليغ دين كى اہميت ۱۲ ; دين كى تبليغ ۴ ، ۵ ،۱۰

قرآن :قرآن مجيد كا وحى ہونا ۶

مبلغين :مبلغين كا فريضہ ۴

محمد مصطفى (صلى الله عليہ و آلہ و سلم ):رسالت مآبصلى‌الله‌عليه‌وآله‌وسلم كا ڈرانا ۱۰ ، رسالت مآب كى تبليغ ۱۰ ; رسالت مآب كے غم زدہ ہونے كے اسباب ۳ ، ۹ ، رسالت مآبصلى‌الله‌عليه‌وآله‌وسلم كا دائرہ اختيار ۱۳ ; رسالت مآب كى ذمہ دارى كا دائرہ ۱۱ ; رسالت مآب اور وحى كا پہنچانا ۱ ، ۲ ۸ ۳ ; رسالت مآبصلى‌الله‌عليه‌وآله‌وسلم كى ذمہ دارياں ۲ ، ۱۰ ، رسالت مآب پر خزانے كا نازل ہونا ۷ ; رسالت مآب پر وحى ں نازل ہونا۶

مشركين :مشركين كى بے تكى خواہشات ۱ ، ۸ ، ۹ ; مشركين اور قيامت كا جھٹلانا ۱ ; مشركين اور رسالت مآبصلى‌الله‌عليه‌وآله‌وسلم ۱ ، ۷ ، ۸ ،۹ ; مشركين اور معجزہ ۷ ; مشركين كا خواہشات معجزہ ۷ ، ۹

معجزہ :خواہشاتى معجزہ ۸ ، ۱۳ ; معجزے كا سبب ۱۳

ملائكہ :ملائكہ كے نازل ہونے كى درخواست ۸

آیت ۱۳

( أَمْ يَقُولُونَ افْتَرَاهُ قُلْ فَأْتُواْ بِعَشْرِ سُوَرٍ مِّثْلِهِ مُفْتَرَيَاتٍ وَادْعُواْ مَنِ اسْتَطَعْتُم مِّن دُونِ اللّهِ إِن كُنتُمْ صَادِقِينَ )

كيا يہ لوگ كہتے ہيں كہ يہ قرآن بند ے نے گڑھ ليا ہے تو كہہ ديجئے كہ اس كے جيسے دس سورہ گڑھ كر تم بھى لے آئو اور اللہ كے علاوہ جس كو چاہو اپنى مدد كے لئے بلالواگر تم اپنى بات ميں سچے ہو(۱۳)

۱_بعثت كے زمانے كے مشركين قرآن مجيد كو بنايا ہوا جھوٹ اور پيغمبر اسلامصلى‌الله‌عليه‌وآله‌وسلم كى اپنى گھڑى ہوئي بات سمجھتے تھے_

ام يقولون ا فترىه

(ا فترائ) جھوٹ گھڑنے كے معنى ميں ہے_ اسكے فاعل كى ضمير پيغمبر اسلامصلى‌الله‌عليه‌وآله‌وسلم كى طرف لوٹتى ہے_

۲ _ قرآن مجيد نے مشركين كو چيلخ كرتے ہوئے ان سے قرآن جيسے دس سورہ لانے كا مطالبہ كيا اور اپنى مقابلہ كى دعوت دى _ام يقولون افترى ه قل فاتوا بعشر سور مثله

۳_ پروردگار عالم نے انسان كے ليے قرآن مجيد جيسے سورہ لانے كے ليے كوئي قيد و شرط بن لگائي ہے_

فاتوا بعشر سور مثله مفتريات و ادعوا من استعطم

جملہ ( من استطعتم ...) ميں لفظ ''من ''تمام جن و انس عرب و عجم كو شامل ہے _ اور اس سے مراد يہ ہے كہ قرآن كى مثل لانے ہيں كسى محدوديت كو تصور نہيں كيا گيا _

۴ _ خداوند متعال نے ( قرآن كى مثل لانے ميں ) انسانوں كے يہ شرط نہيں لگائي كہ ان مطالب كو ان سورتوں ميں لايا جاتے _ جو حقائق اور واقعيت پر مبنى ہوں _فاتوا بعشر سور مثله مفتريات

آيت ميں '' عشر سورة كى صفت مفتريات (گڑھى ہوئي باتيں ) لانے كا مقصد يہ تھا_ كہ قرآن كے مقابلے ميں جو آيات تم لاؤگے _ اس كے ليے ضرورى نہيں ہے _ كہ ان كے مطالب حقائق اور

واقعيت پر مبنى ہوں _ بلكہ فصاحت و بلاغت اور كلام كى ترتيب ميں ہم مثل ہوں _ تو بھى كافى ہے_

۵_مشركين كو قرآن مجيد جيسے سورہ بنانے ميں ہر ايك سے مدد طلب كرنے كى اجازت دى گئي تھى _و ادعوا من استطعتم

۶ _ خداوند متعال نے پيغمبر اسلامصلى‌الله‌عليه‌وآله‌وسلم كو مشركين كے خلاف استدلال كرنا اور ان كے نامناسب دعوؤں كا جواب تعليم فرمايا _ام يقولون افترى ه قل فاتوا

مذكورہ معنى كو لفظ (قُل) سے استفادہ كيا گيا ہے_ جو پيغمبر سے خطاب ہے_

۷_ قرآن كى مثل لانا بھى صرف خدا كے اختيار ميں ہے_وادعوا من استطعتم من دون الله

'' من دون الله '' كے جملے كا معنى يہ نہيں كہ خداوند متعال سے مدد طلب نہ كرو بلكہ وہ ''من استطعتم'' سے عموم كى تاكيد سے ساتھ اس حقيقت كو بيان كررہاہے كہ قرآن جيسالانا صرف خدا كے اختيار ميں ہے _

۸_ رسالت مآب كے زمانے ميں ہى قرآن مجيد كو ''سورة'' كے نام سے مختلف حصوں ميں تقسيم كرديا گيا تھا_

فاتوا بعشر سو مثل

۹_مدعا كا سچ او ر صحيح ثابت كرنا دليل و برہان كا محتاج ہے_قل فاتوا بعشر سور مثله ان كنتم صادقين

'' فاتوا بعشر سور'' حقيقت ميں ''ان كنتم '' كا جواب شرط ہے معنى يہ ہے _ اگر تم اپنے دعوى ميں سچے ہو تو اسى كى مثل دس سورتوں كو لاكر دكھاو_

ادعا:دعوى ميں دليل كى اہميت ۹ ; دعوى كو ثابت كرنے كے شرائط ۹

اعداد:دس كا عدد۲

خدا:خداوند متعال كى خصوصيات ۷; خداوند متعال كى تعليمات ۶

قرآن :تاريخ قرآن مجيد ۸ ; قرآن مجيد كا چيلنج ۲ ;قرآن مجيد كا عمومى چيلنج ۳، ۴ ، ۵ ; قرآن مجيد كى سورہ بندى ۸ ; قرآن مجيد كا صدر اسلام ميں ہونا۸ ; قرآن مجيد اور مشركين ۲ ; قرآن مجيد كى مثل لانا ۲ ، ۳ ، ۴ ، ۵، ۷

محمدصلى‌الله‌عليه‌وآله‌وسلم :حضرت محمد مصطفىعليه‌السلام كا دليل لانا ۶ ; رسالت مآب پر بہتان ۱ ; رسالت مآب اور مشركين ۶ ; حضرت

مشركين :مشركين كے بے جادعوے ۶ ; صدر اسلام ميں مشركين كى بہتان بازى ۱ ; صدر اسلام كے مشركين اور قرآن ۱; مشركين اور قرآن ۵

آیت ۱۴

( فَإِن لَّمْ يَسْتَجِيبُواْ لَكُمْ فَاعْلَمُواْ أَنَّمَا أُنزِلِ بِعِلْمِ اللّهِ وَأَن لاَّ إِلَـهَ إِلاَّ هُوَ فَهَلْ أَنتُم مُّسْلِمُونَ )

پھر اگر يہ آپ كى بات قبول نہ كريں تو تم سب سمجھ لو كہ جو كچھ نازل كيا گيا ہے سب خدا كے علم سے ہے اور اس كے علاوہ كوئي خدا نہيں ہے تو كيا اب تم اسلام لانے والے ہو(۱۴)

۱_ تمام انسان اور ان كے جھوٹے خدا قرآن مجيد كى مثل دس سورہ لانے سے عاجز ہيں _

قل فاتوا بعشر سور مثله فالم يستجيوا لكم

'' فہل انتم مسلمون'' كے قرينہ كى وجہ سے لكم اور اعلموا كے مخاطب مشركين ہيں _ اس بناپر ( يستجيبوا ...) كے فاعل كى ضمير (من استطعتم) كى طرف لوٹتى ہے _ اس سے يہ معنى حاصل ہوگا _ كہ اے رسولصلى‌الله‌عليه‌وآله‌وسلم مشركين سے كہہ دو كہ اگر كوئي حتى تمہارے معبود بھى اپنى ناتوانى كى وجہ سے قرآن كے مثل لانے كے تمہارے تقاضے كو پورا نہيں كرسكے تو

۲ _ قرآن خداوند متعال كى طرف سے كتاب ہے اور اس كے علم كا ايك جلوہ ہے_فاعلموا انّما انزل بعلم الله

۳ _قرآن كا مثل لانے ہيں ہيں مشركين كا عاجز اور ناتوان ہوجانا واضح اور روشن دليل ہے كہ قرآن خداوند متعال كى طرف سے ہے _ اور اس كا سرچشمہ علم خداوند ى ہے _فالّم يستجيبوا لكم فاعلموا ا نما انزل بعلم الله

فلاں خاص معجزہ نہيں ركھتا اس پر ايمان نہ لائيں خواہ وہ پيغمبرہى كيوں نہ ہو، چونكہ انہوں نے يہ نہيں كہا كہ''الا نؤمن لمدعى الرسالة'' اور يہ كہ اگر نبى ہو تب بھى ايمان نہ لانا جب تك فلاں خاص معجزہ نہ دكھائے_ سوائے خرافات كے اور كچھ نہيں _

٢_ بالفرض اس قسم كا عہد ليا بھى گيا ہو تو انہيں سوچنا چاہيئے كہ اس قسم كى قربانى سچے اور جھوٹے كى پہچان كيلئے ايك معجزہ ہے نہ كہ يہ خود مقصود ہے اور اس پر اصرار كرنا جمود ہٹ دھرمى و كى علامت ہے_

١٨_ دوسروں كے اعمال پر راضى ہونا، ان كى انجام دہى ميں شريك ہونے كے برابر ہے_ *فلم قتلتموهم

عصر پيغمبراكرم(ص) كے يہوديوں كى طرف انبياء (ع) كے قتل كى نسبت يقيناً حقيقى نہيں ہے_ چونكہ انہوں نے گذشتہ انبياء (ع) كو قتل نہيں كيا تھا_ لہذا بعض كا خيال ہے كہ يہ نسبت اس لحاظ سے ہے كہ وہ اپنے آبا و اجداد كے اعمال پر راضى تھے_

١٩_ زمانہ پيغمبر(ص) كے يہود، اپنے آبا و اجداد كے ذريعے انبياء (ع) كے قتل پر راضى ہونے كے سبب، انبياء (ع) كے قاتلوں كے حكم ميں تھے_فلم قتلتموهم ان كنتم صادقين

٢٠_ يہود كا ہٹ دھرم اور معاند ہونا_قل قد جائكم رسل من قبلى بالبينات و بالذى قلتم فلم قتلتموهم ان كنتم صادقين

٢١_ پيغمبراسلام(ص) پر ايمان لانے سے فرار كرنے كى خاطر يہوديوں كى بہانہ تراشي_الذين قالوا فلم قتلتموهم ان كنتم صادقين جملہ''فلم قتلتموهم ...''سے ظاہر ہوتا ہے كہ ايمان لانے كيلئے ان كا مطالبہ و شرط فقط ايك بہانہ تھا_

٢٢_ اپنا مطلوبہ معجزہ (قربانى كا غيبى آگ سے جلنا) ديكھنے كى صورت ميں پيغمبراكرم(ص) پر ايمان لانے كے بارے ميں يہود كے ادعا كا جھوٹ پر مبنى ہونا_قل قد جائكم فلم قتلتموهم ان كنتم صادقين

٢٣_ يہود كے ساتھ خداوند متعال كے اس عہد كى تكذيب كہ جس كے مطابق وہ پيغمبراكرم(ص) پر اس وقت تك ايمان نہيں لائيں گے جب تك آپ(ص) ايسى قربانى پيش نہ كريں جسے غيبى آگ جلا دے_

ان الله عهد الينا الانؤمن فلم قتلتموهم ان كنتم صادقين اگر يہود كا ادعا صحيح ہوتا تو پيغمبر اكرم(ص) كو چاہيئے تھا كہ ان كا مطالبہ پورا كرتے، نيز عہد كو ''الذى قلتم'' (جو تم نے كہا) سے تعبير نہ فرماتے بلكہ يہ

فرماتے''بالعهد الذى عهد الله عليكم'' كيونكہ اگر ان كا ادعا حقيقى ہوتا تو يہ ايك الہى عہد ہوتا نہ كہ يہود كا قول_

٢٤_ فضول ادعا كرنے اور بہانے بنانے كى وجہ سے خداوند متعال كى جانب سے يہوديوں كى سرزنش_

الذين قالوا ان الله فلم قتلتموهم ان كنتم صادقين

٢٥_ اہل كتاب (يہود) كے مقابلے ميں قرآن كا استدلالى و منطقى رويہ_قل قدجائكم رسل من قبلى فلم قتلتموهم ان كنتم صادقين

٢٦_ يہود كا اپنے قومي، ثقافتى اور تاريخى آثار و رسوم سے محكم ارتباط و لگاؤ ركھنا_الذين قالوا ان الله عهد الينا الا نؤمن فلم قتلتموهم ان كنتم صادقين

٢٧_ پيغمبراكرم(ص) كے ہم عصر يہوديوں كا بعثت سے پانچ سو سال پہلے اپنے آبا و اجداد كے ہاتھوں انبياء (ع) كے قتل ہونے پر راضى ہونا ان كى طرف خداوند متعال كى جانب سے قتل انبياء (ع) كى نسبت دينے كا باعث بنا ہے_

قل قدجائكم رسل من قبلى بالبينات وبالذى قلتم فلم قتلتموهم امام صادق نے مذكورہ آيت كى تلاوت كے بعد فرمايا:''كان بين القاتلين و القائلين خمس ما ة عام ، فالزمهم الله القتل برضاهم ما فعلوا'' (١) يعنى اس بات كے كہنے والوں اور قاتلين كے درميان پانچ سو سال كا فاصلہ تھا مگر الله تعالى نے ان كى طرف قتل كى نسبت اسلئے دى كہ وہ قاتلوں كے اس فعل پر راضى تھے_

٢٨_ بنى اسرائيل كى قربانى كا جل جانا، اسكے بارگاہ خداوند متعال ميں قبول ہونے كى علامت تھي_

حتى ياتينا بقربان تأكله النار امام صادق(ع) فرماتے ہيں : كانت بنو اسرائيل اذا قربت القربان تخرج نار تاكل قربان من قبل منہ(٢) جب بنى اسرائيل قربانى كرتے تو قبول ہونے والى قربانى كو آگ جلا ديتي_

٢٩_ كسى كے ناحق قتل پر راضى ہونا، خود اسے قتل كرنے كے مترادف ہے_فلم قتلتموهم

امام صادق(ع) مذكورہ آيت سے تنقيح مناط كى بناپرفرماتے ہيں :لعن الله المرجئة ان هؤلاء يقولون : ان قتلتنا مؤمنون

____________________

١)كافى ج٢ ص٤٠٩ ح١، تفسير برھان ج١ ص٣٢٨ ح٢/، ٤، ٦.

٢)كافى ج٤ ص٣٣٥ ح١٦، نورالثقلين ج١ ص٤١٧ ح٤٦٢.

فدمائنا متلطخه بثيابهم الي يوم القيمة ان الله حكى عن قوم فى كتابه : الا نؤمن لرسول فلم قتلتموهم ...'' قال : كان بين القاتلين و القائلين خمسمأة عام فالزمهم الله القتل برضاهم ما فعلوا _(١) خدا كى لعنت ہو مرجئہ پر ، يہ كہتے ہيں ہمارے ( اہل بيت (ع) ) قاتل بھى مؤمن ہيں _ پس ان (مرجئہ) كے د امن قيامت تك ہمارے خون سے آلودہ ہيں كيونكہ خداوند متعال اپنى كتاب ميں اس قوم كے بارے ميں فرمارہا ہے ''الا نؤمن لرسول فلم قتلتموهم ...'' امام (ع) نے فرمايا قاتلين اور قائلين كے درميان پانچ سو سال كا فاصلہ ہے ليكن پھر بھى اللہ تعالى نے كہنے والوں كى طرف قتل كى نسبت دى كيونكہ وہ اس فعل قتل پر راضى تھے_

آتش: آتش غيبى ١، ٦، ٩، ١٣، ٢٢، ٢٣

آنحضرت(ص) : ٢، ٥، ١٦، ٢١، ٢٢، ٢٣ آنحضرت (ص) كا معجزہ٢٢ ; آنحضرت (ص) كا استدلال ١٠، ١٤

اسلام: ٥ اللہ تعالى: اللہ تعالى كا عہد ٤، ٢٣

انبياء (ع) : ١، ٣ انبياء (ع) كا قتل١٢، ١٣، ١٩، ٢٧; انبياء (ع) كا معجزہ٨، ٩، ١٢، ١٣; انبياء (ع) كى بعثت٨; انبياء (ع) كى حقانيت١٢ اہل كتاب: ٢٥

ايمان: آنحضرت(ص) پر ايمان ٢،٢١، ٢٢، ٢٣ ; انبياء (ع) پر ايمان ١، ٣

بنى اسرائيل: انبيائے بنى اسرائيل ٨، ٩;بنى اسرائيل كى قربانى ٢٨

تاريخ: تاريخ سے عبرت ١٥

تبليغ: تبليغ كا طريقہ ٢٥

حضرت موسى (ع) : حضرت موسي (ع) كى بعثت ٣

حق كا چھپانا: ١٢،١٣

دين: دين سے سوء استفادہ ٥

روايت: ٢٧، ٢٨، ٢٩

سزا:١٩

____________________

١)كافى ج٢ ص٤٠٩ ح١، تفسير عياشى ج١ ص٢٠٨ ح١٦٣.

شناخت: شناخت كے منابع ١٥

عقيدہ: ١، ٣، ٤، ٦، ١٧ عمل : عمل كى قبوليت ٢٨ عہد: عہد كى وفا ٤

قتل: ١٢، ١٣، ١٩، ٢٢، ٢٣، ٢٧، ٢٩

قرباني: ١، ٢، ٦، ٩، ١٣، ٢٢، ٢٣، ٢٨ اديان الہى ميں قربانى ٧

كفر: ١٣، ٢١

گناہ: گناہ پر راضى ہونا ١٨، ١٩، ٢٧، ٢٩

مبارزت: اسلام كے خلاف مبارزت ٥

معجزہ: ٨، ٩، ١٢، ١٣، ٢٢ معجزہ كى اہميت ١١

نبوت: نبوت كے دلائل ١١

نفاق: ١٦

يہود: ٥، ١٠،١٢، ٢٣، ٢٥ صدر اسلام كے يہود ١٩، ٢٧ ;يہود كا انبياء (ع) كو قتل كرنا ١٢، ١٣، ١٩، ٢٧; يہود كا جمود ١٧; يہود كا جھوٹ بولنا ٢٢;يہود كا عقيدہ ١، ٣، ٤، ٦، ٧;يہود كا كفر ١٣، ٢١; يہود كا نفاق ١٦;يہود كى بہانہ تراشى ٢١، ٢٤; يہود كى تاريخ ١٤; يہود كى خواہشات ٢;يہود كى دشمنى ، ٢٠;يہود كى سرزنش ٢٤; يہود كى سزا ١٩;يہود كى صفات ٢٠; يہود كى ضد و ہٹ دھرمى ٢٠;يہود كى نسل پرستى ٢٦;يہود كے آبا و اجداد ١٩، ٢٧; يہود ميں خرافات ١٧

آیت(۱۸۴)

( فَإِن كَذَّبُوكَ فَقَدْ كُذِّبَ رُسُلٌ مِّن قَبْلِكَ جَآؤُوا بِالْبَيِّنَاتِ وَالزُّبُرِ وَالْكِتَابِ الْمُنِيرِ )

اس كے بعد بھى آپ كى تكذيب كريں تو آپ سے پہلے بھى رسولوں كى تكذيب ہوچكى ہے جو معجزات ، مواعظ اور روشن كتاب سب كچھ لے كر آئے تھے _

١_ يہود كا پيغمبراسلام(ص) كو جھٹلانا_فان كذبوك

٢_ يہود كى طرف سے آنحضرت (ص) كو جھٹلائے جانے پر آپ (ص) كا غمگين ہونا_*

فان كذبوك فقد كذب رسل من قبلك

آيت كا لب ولہجہ بتا رہا ہے كہ پيغمبراكرم(ص) اپنى تكذيب پر غمگين تھے بعض نے جواب شرط كو محذوف قرار ديتے ہوئے يوں كہا ہے:''ان كذبوك فلا تحزن'' اس لحاظ سے جملہ ''فقد كذب'' كو '' لا تحزن''كى علت قرار ديا گيا ہے_

٣_ يہود كى طرف سے پيغمبر اكرم(ص) كو جھٹلائے جانے پر خداوند متعال كا آنحضرت(ص) كو تسلى و تشفى دينا_

فان كذبوك فقد كذب رسل من قبلك

٤_ لوگوں كى مخالفت اور تكذيب كے باوجود خداوند متعال كى طرف سے پيغمبراكرم(ص) كو انجام رسالت ميں استقامت و پائيدارى دكھانے كى ترغيب_فان كذبوك فقد كذب رسل من قبلك

٥_ يہوديوں كا رسالت پيغمبراكرم(ص) كے دائرے ميں ہونا_فان كذبوك يہوديوں كے پيغمبراكرم(ص) كو جھٹلانے سے ظاہر ہوتا ہے كہ آپ(ص) نے انہيں بھى اسلام قبول كرنے كى دعوت دى تھي_

٦_ رسالت انبياء (ع) كو جھٹلانا، ان كى مخالفت كرنے كے رائج طريقوں ميں سے ايك طريقہ ہے_فان كذبوك فقد كذب رسل من قبلك

٧_ بہت سے انبياء (ع) كا روشن دلائل (برہان و معجزہ) كا حامل ہونے كے باوجود،جھٹلايا جانا_فقد كذب رسل من قبلك جاؤ بالبينات والزبر والكتاب المنير

٨_ انبياء (ع) كو جھٹلانے والے، خداوند متعال كى طرف سے سرزنش و ملامت كا نشانہ بنتے ہيں _

فان كذبوك جاؤ بالبينات والزبرو الكتاب المنير جملہ ''جاؤ بالبينات''، ''رسل''كيلئے حال يا صفت ہے_ يعنى انبياء (ع) كو اپنى رسالت كيلئے روشن دلائل ركھنے كے باوجود، بعض لوگوں كى مخالفت كا سامنا كرنا پڑا_ يہ تعبير ان كى شديد مذمت كو ظاہرى كررہى ہے_

٩_ انبيائے الہى (ع) روشن دلائل (برہان و معجزہ) سے بہرہ مند ہونے اور ''زُبُر''(حكمت و موعظہ پر مشتمل كتب) كے حامل ہونے كے علاوہ روشن اور واضح كتاب لانے والے تھے_رسل من قبلك جاؤ بالبينات والزُبر والكتاب المنير

''منير''كا معنى روشنى پھيلانے والا اور روشن دونوں ہيں _

١٠_ آسمانى كتب كا ضرورت كے ہر پہلو كو روشن كرنا_جاؤ والكتاب المنير

يہ اس بنا پر ہے كہ جب ''منير'' كا معنى روشنى

پھيلانے والا ہو_ يہاں اس كا متعلق حذف ہوگيا ہے تاكہ عموم و شمول پر دلالت كرے _ يعنى ہر وہ چيز جس كى لوگوں كو ضرورت ہے اور جس كى توقع وہ اس كتاب سے ركھتے ہيں وہ اس ميں بيان ہوئي ہے_

١١_ آسمانى كتابوں كا قابل فہم اور ان كے ظواہر كا حجت ہونا_جاؤ بالبينات والزبر و الكتاب المنير

اگر آسمانى كتب قابل فہم نہ ہوں تو نہ تو روشن ہوں گى اور نہ ہى روشنى پھيلانے والي_ اور جب قابل فہم ہيں تو ان كے ظواہر، مكلفين كيلئے حجت ہيں _

١٢_ بہت سے انبياء (ع) كا روشن دلائل، آسمانى كتب اور حرام وحلال كے احكام كے حامل ہونے كے باوجود جھٹلايا جانا_فان كذ بوك جاؤ بالبينات والزبر والكتاب المنير اما م باقر(ع) نے مذكورہ آيت كے بارے ميں فرمايا:''فان كذبوك فقد جاؤ بالبينات هى الايات ''والزبر''و هى كتب الانبياء بالنبوة '' والكتاب المنير '' الحلال والحرام_ (١) '' البينات'' سے مراد نشانياں '' الزبر''سے مراد انبياء (ع) كى كتب نبوت اور ''الكتاب المنير'' سے مراد حلال و حرام ہيں _

آسمانى كتب: ١٢ آسمانى كتب كا فہم ١١; آسمانى كتب كى تعليمات ٩، ١٠;آسمانى كتب كى حجيت ١١

آنحضرت(ص) : آنحضرت(ص) كا غمگين ہونا ٢; آنحضرت(ص) كو تسلى و تشفى ٣; آنحضرت(ص) كى تشويق ٤;آنحضرت (ص) كى تكذيب ١، ٢، ٣، ٤ ; آنحضرت(ص) كى ذمہ دارى كى حدود ٥

احكام: احكام كے منابع١٢

استقامت: استقامت كى تشويق ٤

اسلام: صدر اسلام كى تاريخ ١، ٢، ٣، ٤

انبياء (ع) : انبياء (ع) كا استدلال ٧، ٩، ١٢; انبياء (ع) كا معجزہ٧، ٩; انبياء (ع) كى تكذيب ٦ ، ٧ ، ٨، ١٢ ;انبياء (ع) كى مخالفت ٦

روايت: ١٢

مكذبين: مكذبين كى مذمت ٨ يہود: ١، ٢، ٣، ٥

____________________

١)تفسير قمى ج١ ص١٢٧، تفسير برھان ج١ ص٣٢٨ ح١.

آیت(۱۸۵)

( كُلُّ نَفْسٍ ذَآئِقَةُ الْمَوْتِ وَإِنَّمَا تُوَفَّوْنَ أُجُورَكُمْ يَوْمَ الْقِيَامَةِ فَمَن زُحْزِحَ عَنِ النَّارِ وَأُدْخِلَ الْجَنَّةَ فَقَدْ فَازَ وَما الْحَيَاةُ الدُّنْيَا إِلاَّ مَتَاعُ الْغُرُورِ ) ہر نفس موت كا مزہ چكھنے والا ہے او رتمھارا مكمل بدلہ تو صرف قيامت كے دن ملے گا_ اس وقت جسے جہنم سے بچا لياگيا اورجنت ميں داخل كرديا گيا وہ كامياب ہے او رزندگانى دنياتو صرف دھو كہ كاسرمايہ ہے _

١_ موت، سب لوگوں كا حتمى انجام ہے_كل نفس ذائقة الموت

٢_ قيامت كے دن اعمال كى پورى پورى سزا پانے كے بارے ميں خداوند متعال كا وعدہ_و انما توفون اجوركم يوم القيمة ''توفون''كا مصدر ''توفية'' ہے جس كا معنى پورا اور مكمل دريافت كرنا ہے_

٣_ فقط قيامت كے دن ہى اعمال كى پورى پورى سزا دى جائے گي_و انما توفون اجوركم يوم القيمة

٤_ قيامت كے دن انسان كے ا عمال كى عادلانہ جزا اور ان كا دقيق محاسبہ_و انما توفون اجوركم يوم القيمة ''توفون''(عمل كے مقابلے ميں پورى پورى جزا عطا ہونا) اعمال كے دقيق محاسبے كى حكايت كر رہا ہے، نيز جزا دينے ميں عدل و انصاف كے لحاظ ركھنے كى بھى علامت ہے_

٥_ قيامت كے علاوہ (دنيا و عالم برزخ ميں ) بعض اعمال كى جزا و سزا حاصل ہونا_ *و انما توفون اجوركم يوم القيمة

كلمہ ''انما'' ، '' پورى پورى جزا يا سزا كے

دريافت كرنے كو، روزقيامت ميں منحصر كررہا ہے_ لہذا اس كا مفہوم يہ ہے كہ بعض سزا و جزا قيامت كے علاوہ كسى اور وقت بھى دى جاتى ہيں اور اس غير قيامت سے مراد ہوسكتا ہے دنيا ہو يا عالم برزخ يا دونوں _

٦_ پيغمبراكرم(ص) كے ساتھ ابلاغ رسالت اور اسكى مشكلات اور مصائب برداشت كرنے كے عوض، آخرت ميں پورى جزا كا وعدہ_فان كذبوك و انما توفون اجوركم يوم القيامة گذشتہ آيت كے قرينے سے جو پيغمبر اكرم(ص) كى تسلى و تشفى كيلئے نازل ہوئي تھى ، ''انما توفون اجوركم ''كے مطلوبہ مصاديق ميں سے ايك، ابلاغ رسالت كے عوض پيغمبر اكرم(ص) كا مكمل اور پورا پورا اجر ہے جو آپ(ص) كو قيامت كے دن عطا ہوگا_

٧_ اُخروى منافع سے بہرہ مندي، انسان كے دنيوى اعمال كا نتيجہ ہے_و انما توفون اجوركم يوم القيمة

٨_ موت،ا نسان كى نابودى نہيں بلكہ قيامت ميں وارد ہونے كا ايك مرحلہ ہے_كل نفس ذائقة الموت و انما توفون اجوركم يوم القيمة

٩_ ''يوم القيمة''، روز جزا كے ناموں ميں سے ايك نام ہے_و انما توفون اجوركم يوم القيمة

١٠_ دوزخ، انسانوں كے ناپسنديدہ اعمال كى پورى پورى جزا ہوگي_و انما توفون فمن زحزح عن النار

١١_ بہشت، انسانوں كے نيك اعمال كى پورى پورى جزا ہوگي_و انما توفون اجوركم يوم القيمة فمن زحزح عن النار و ادخل الجنة فقد فاز

١٢_ آگ سے نجات پانے والوں اور بہشت ميں داخل كئے جانے والوں كى سعادت مندى و كاميابي_

فمن زحزح عن النار و ادخل الجنة فقد فاز ''زحزح'' مصدر ''زحزحة'' سےيعنى دور ہونا اور يہاں نجات و رہائي پانے سے كنا يہ ہے_

١٣_ بہشت، سعادت مندوں كا مقام ہے_فمن زحزح و ادخل الجنة فقد فاز

١٤_ دوزخ كے باسيوں كى بدبختى اور شقاوت_فمن زحزح عن النار و ادخل الجنة فقد فاز

١٥_ خدا كا خبردار كرنا كہ دنيوى زندگى سوائے فريب كے

اور كچھ نہيں _و ما الحيوة الدنيا الا متاع الغرور ''الغرور''يا تو مصدر ہے يعنى فريب اور دھوكہ دينا يا اسم فاعل ہے اور ''غار'' كى جمع ہے جس كا معنى فريب دينے والا ہے_

١٦_ انسانوں كى ہدايت كيلئے قرآن كا طريقہ ہے كہ وہ انہيں موت و قيامت كے دن، اعمال كى جزا و سزا اور دنيا كے فريب دہندہ ہونے كى طرف متوجہ كراتا ہے_كل نفس ذائقة الموت و ما الحيوة الدنيا الا متاع الغرور

١٧_ دنيوى منافع سے فريب كھانا، اخروى سعادت و نجات سے محروميت كا باعث بنتا ہے_

فمن زحزح عن النار و ادخل الجنة فقد فاز و ما الحيوة الدنيا الا متاع الغرور

١٨_ دنيوى زندگى كے سلسلے ميں ہوشيار رہنا ضرورى ہے_و ما الحيوة الدنيا الا متاع الغرور

خداوند متعال نے دنيوى زندگى كو فريب دہندہكہا ہے تاكہ انسانوں كو سمجھائے كہ مبادا تم لوگ دنيوى زندگى كے ظاہرى فريب و دھوكے ميں آجاؤ اور وہ تمہيں بہشت سے غافل كردے جو كہ كاميابى و سعادت ہے_

١٩_ دنيوى زندگى اور اسكى لذتيں ، انسان كو موت اور ان لذتوں و خوشيوں كے فانى ہونے سے غافل كرديتى ہيں _

كل نفس ذائقة الموت و ماالحيوة الدنيا الا متاع الغرور موت كے آنے سے سب لوگوں كى آگاہى كے باوجود، موت كى ياددہانى اور پھر دنيوى زندگى كو فريب دہندہ كہنے سے پتہ چلتا ہے كہ دنيا كے فريب كا واضح ترين مصداق، اس كا انسانوں كو موت اوراپنى لذتوں كے فانى ہونے سے غافل كرنا ہے_

٢٠_ حقيقى سعادت پر فائز ہونا دنيا ميں ميسر نہيں ہوسكتا_فمن زحزح و ادخل الجنة فقد فاز و ما الحيوة الدنيا الا متاع الغرور جملہ ''فمن ادخل الجنة فقد فاز''(پس جسےجنت ميں داخل كرديا گيا وہ كامياب ہوگيا) سے اور دنيوى زندگى كو فريب و فريب دينے سے توصيف كرنا، ظاہر كرتا ہے كہ انسان كى حقيقى سعادت، دنيا ميں ميسر نہيں ہوسكتي_

٢١_ اعمال كى مكمل اخروى جزا كے مقابلے ميں دنيوى منافع، ايك فريب سے زيادہ اور كچھ نہيں _

و انما توفون اجوركم يوم القيمة و ما الحيوة الدنيا الا متاع الغرور

٢٢_ ہر صاحب روح حتي ملائكہ مقربين اور حاملين عرش تك كا موت سے ہمكنار ہونا_كل نفس ذائقة الموت امام صادق(ع) مذكورہ آيت كى تفسير ميں فرماتے ہيں :انه يموت اهل الارض حتى لايبقي احد ثم يموت اهل السماء حتي لايبقي احد الا ملك الموت و حملة العرش و جبرئيل و ميكائيل فيجي ملك الموت حتي يقوم بين يدى الله عزوجل فيقول (الله ): انى قد قضيت على كل نفس فيها الروح الموت ..(١) اس زمين كے سب باشندے موت كا شكار ہوجائيں گے يہاں تك كہ كوئي نہ ر ہے گا پھر آسمان والے موت كا مزہ چكھيں گے يہاں تك كہ كوئي نہ ر ہے گا سوائے ملك الموت، حاملان عرش اور جبرئيل و ميكائيل ...كے، پھر ملك الموت خداوند متعال كے حضور آئے گا ...خداوند متعال اس سے فرمائے گا: يہ امر ميں طے كرچكاہوں كہ جس نفس ميں روح ہے وہ موت كو ضرور چكھے گا_

آنحضرت (ص) : آنحضرت (ص) كى اخروى جزا ٦

اللہ تعالى: اللہ تعالى كا خبردار كرنا ١٥; اللہ تعالى كا وعدہ ٢، ٦

انسان: انسان كا انجام ١

اہل جہنم: اہل جہنم كى شقاوت ١٤

بہشت: ١١، ١٢، ١٣

تبليغ: تبليغ كا طريقہ ١٦

جزاوسزا : ٣، ٤، ٥، ٧، ٢١ اخروى جزا و سزا ٢، ٩، ١٦ ;جزا و سزا كے اسباب ٦، ١١

جہنم: ١٠

دنيا: ٥ دنيا كا فريب دينا ١٦، ١٧، ٢١;دنيوى زندگى ١٥، ١٨;دنيوى وسائل ١٢

دنيا پرستي: دنيا پرستى كے اثرات ١٧، ١٩

ذكر: ١٦

رسالت: رسالت كى سختى و مشكل ٦

____________________

١)كافى ج٣ ص٢٥٦ ح٢٥ نورالثقلين ج١ ص٤١٩ ح٤٧٠.

روايت: ٢٢

روز قيامت:٩

سزا: ٥، ١٠ اخروى سزا ٩

سعادت : دنيوى سعادت ٢٠; سعادت سے محرومى ١٧; سعادت كے اثرات ١٢

سعادت مند: سعادت مندوں كابہشت ميں جانا١٢، ١٣; سعادت مندوں كے فضائل ١٢، ١٣

شقاوت: ١٤

عالم برزخ: ٥

عدل: قيامت كے دن عدل ٤

عذاب: عذاب سے نجات كے عوامل ١٢; عذاب كے اسباب ١٠

عرش: حاملان عرش ٢٢

عمل: عمل صالح كى جزا ١١; عمل كا اخروى اجر ٣، ٧، ٢١; عمل كا دنيوى اجر ٥; عمل كى جزا و سزا ٢، ٤;عمل كى دنيوى سزا ٥;عمل كى سزا ١٠; عمل كے اثرات ٧; ناپسنديدہ عمل كى سزا ١٠

غفلت: غفلت كا پيش خيمہ ١٩;موت سے غفلت ١٩

قيامت: قيامت كے دن كا حساب كتاب ٤ ;قيامت كے نام ٩

ملائكہ: ملائكہ كى موت ٢٢

موت: ١٩ موت كو ياد كرنے كے اثرات ١٦;موت كا حتمى ہونا ١، ٢٢;موت كى حقيقت ٨

ہدايت: ہدايت كے اسباب ١٦;ہدايت كے موانع ١٧

ہوشياري: ہوشيارى كى اہميت ١٨

آیت(۱۸۶)

( لَتُبْلَوُنَّ فِي أَمْوَالِكُمْ وَأَنفُسِكُمْ وَلَتَسْمَعُنَّ مِنَ الَّذِينَ أُوتُواْ الْكِتَابَ مِن قَبْلِكُمْ وَمِنَ الَّذِينَ أَشْرَكُواْ أَذًی كَثِيرًا وَإِن تَصْبِرُواْ وَتَتَّقُواْ فَإِنَّ ذَلِكَ مِنْ عَزْمِ الأُمُورِ ) يقينا تم اپنے اموال اور نفوس كے ذريعہ آزمائے جاؤ گے او رجن كو تم سے پہلے كتاب دى گئي ہے اور جو مشرك ہوگئے ہيں سب كى طرف سے بہت اذيت ناك باتيں سنوگے _ اب اگر تم صبر كروگے اور تقوي اختيار كرو گے تو يہى امور ميں استحكام كا سبب ہے _

١_ مؤمنين كى دائمى و مسلسل آزمائش، خداوند متعال كى ايك سنت ہے_

لتبلون فى اموالكم و انفسكم ''لتبلون''ميں ''لام''تاكيد كيلئے اور آزمائش كے وقوع پر خداوند متعال كى قسم كى حكايت كر رہا ہے اور نون تاكيد بھى اسكے حتمى ہونے كى تاكيد كر رہا ہے_ اسى طرح فعل مضارع '' لتبلون'' آزمائش كے استمرار پر دلالت كرتا ہے_

٢_ مؤمنين كے جان و مال اور جسم، ان كى آزمائش كا وسيلہ ہيں _لتبلون فى اموالكم و انفسكم

٣_ جسم و جان كے ذريعے آزمائش كا مرحلہ، مال كے ذريعے آزمائش كے بعد ہے_*

لتبلون فى اموالكم و انفسكم اموال كے ذكر كا انفس پر مقدم ہونا آزمائش كے مرحلوں كى ترتيب كى جانب اشارہ ہوسكتا ہے_

٤_ مؤمنين كى مالى آزمائش كا ميدان، انفاق اور جانى آزمائش كا ميدان ،جہاد ہے_لتبلون فى اموالكم و انفسكم گذشتہ آيات كہ جو جہاد و انفاق كے بارے ميں تھيں كے پيش نظر ہوسكتا ہے كہ مالى امتحان انفاق كى طرف اور جانى امتحان جہاد كى طرف اشارہ ہو

چونكہ يہ دونوں بالترتيب انفاق و جہاد كى طرف ناظر ہيں _

٥_ مؤمنين كى آزمائش و ابتلاء پاك و ناپاك افراد كى صفوں ميں تشخيص كا وسيلہ ہے_*

حتي يميز الخبيث من الطيب لتبلون فى اموالكم و انفسكم خداوند متعال نے آيت ١٧٩ ( حتي يميز الخبيث ) ميں پاك و ناپاك افراد كے مشخص كرنے كا وعدہ ديا ہے_ اس آيت ميں اس تشخيص كا طريقہ (كہ جو مالى و جانى امتحان ہے) بيان كيا جا رہا ہے_

٦_ مؤمنين كيلئے ضرورى ہے كہ وہ ا لہى آزمائش و امتحان كيلئے تيار رہيں _لتبلون فى اموالكم و انفسكم

خداوند متعال اس بات كى ياددہانى كراتے ہوئے كہ مؤمنين اپنى جان و مال كے سلسلے ميں آزمائے جائيں گے_ درحقيقت انہيں سمجھا رہا ہے كہ انہيں اس امر كيلئے تيار رہنا چاہيئے_

٧_ موت، اخروى اجر و ثواب اور دنيا كے پرفريب ہونے كى طرف توجہ سے انسان كى آزمائش الہى ميں كاميابى كا راستہ ہموار ہوتا ہے_كل نفس ذائقة الموت لتبلون فى اموالكم و انفسكم

بظاہر گذشتہ آيت (كل نفس ...) مؤمنين كے جانى و مالى امتحان ميں كامياب ہونے كى طرف ايك راہنمائي ہے_ چونكہ جہاد و فداكارى كا بہترين راستہ يہ ہے كہ انسان جانتا ہو كہ خواہ وہ جہاد كرے يا نہ كرے موت كا مزہ ضرور چكھے گا_ اور مال و دولت سے چشم پوشى كا عاقلانہ راستہ يہ ہے كہ انسان جان لے كہ دنيا اور اسكى زينتيں ، پرفريب و فضول ہيں _

٨_ مسلمانوں كو اہل كتاب و مشركين كى طرف سے بہت زيادہ ايذا و رنج پہنچنے كى پيشگوئي _

و لتسمعن من الذين اوتوا الكتاب من قبلكم و من الذين اشركوا اذيً كثيراً

٩_ آئندہ كى مشكلات سے آگاہي، ان مشكلات كے تحمل كرنے كو آسان بنا ديتى ہے_

ولتسمعن من الذين اوتوا الكتاب من قبلكم و من ا لذين اشركوا اذى كثيراً

مخالفين كى طرف سے آزار و اذيت ديئے جانے سے پہلے مسلمانوں كو اس سے آگاہ كرنے كا مقصد، انہيں تيار كرنا ہے تاكہ وہ ناگہانى مشكلات كا سامنا كرتے وقت صبر و تحمل كا دامن ہاتھ سے چھوڑ نہ ديں _

١٠_ صدر اسلام كے مسلمانوں كو، اہل كتاب و مشركين كى طرف سے بہت زيادہ اذيت و آزار كا سامنا تھا_

و لتسمعن من الذين اوتوا الكتاب من قبلكم و

من الذين اشركوا اذى كثيراً

١١_ مسلمانوں كے خلاف مشركين اور اہل كتاب كا ايك طريقہ زبانى آزار و اذيت (غلط پروپيگنڈا) كرنا تھا_

و لتسمعن من الذين اوتوا الكتاب من قبلكم و من الذين اشركوا اذيً كثيراً

١٢_ اہل كتاب اور مشركين كا مسلمانوں سے مسلسل دشمنى كرنا_و لتسمعن من الذين اوتوا الكتاب من قبلكم و من الذين اشركوا اذيً كثيراً

١٣_ حق و باطل كے درميان دائمى مقابلہ اور تصادم_و لتسمعن من الذين اوتوا الكتاب من قبلكم و من الذين اشركوا اذيً كثيراً

١٤_ مسلمانوں كے ساتھ دشمنى كرنے ميں اہل كتاب كى مشركين كے ساتھ ہمراہى كا زشت و برا ہونا_

لتسمعن من الذين اوتو ا الكتاب من قبلكم و من الذين اشركوا اذيً كثيراً يہود و نصاري كو اہل كتاب كے عنوان سے ياد كرنا، مشركين كے ساتھ ان كے تعاون كى برائي كى طرف اشارہ ہے، كيونكہ اہل كتاب كے آسمانى ہونے كا تقاضا ہے كہ وہ توحيد كے مخالف اور الہى منصوبوں كے دشمن مشركين كے خلاف جنگ كريں نہ كہ وہ ان مسلمانوں كے خلاف لڑيں جو توحيد اور الہى كا موں كے مروج ہيں _

١٥_ مؤمنين كے اہم ترين امتحانات و آزمائشات ميں سے ايك، مسلمانوں كو مشركين و اہل كتاب كى طرف سے آزار و اذيت كا پہنچنا ہے_لتبلون فى اموالكم و أنفسكم و لتسمعن الذين اوتوا الكتاب من قبلكم و من الذين اشركوا اذى كثيراً ہوسكتا ہے جملہ ''و لتسمعن '' مالى و جانى امتحان ميں سے كسى ايك كى وضاحت ہو چونكہ تہمتيں اور ناروا باتيں دلوں كو زخمى كرتى ہيں جبكہ انفاق كے خلاف غلط پروپيگنڈا،ہوسكتا ہے بخل و كنجوسى كے رائج ہونے كا باعث بنے_

١٦_ انسا ن كے دل و روح كو اذيت و آزار پہنچانے ميں زخم زبان كا گہرا اثر _لتبلون و لتسمعن من الذين اذيً كثيراً يہ اس بنا پر ہےجب''لتسمعن'' ، ''لتبلون فى أنفسكم'' كا مصداق بيان كر رہاہو_

١٧_ دشمنوں كى اذيت و آزار اور آزمائش الہى كے مقابلے ميں صبر و تقوي اختيار كرنا ضرورى ہے_

لتبلون و لتسمعن و ان تصبروا و تتقوا فان ذلك من عزم الامور

١٨_ صبر و استقامت خواہ دشمن كے مقابلے ميں ہى كيوں نہ ہو، اس ميں حدود الہى اور تقوي كا لحاظ ركھنا ضرورى ہے_

و لتسمعن اذيً كثيراً و ان تصبروا و تتقوا صبر كے بعد تقوي كے ذكر سے ظاہر ہوتا ہے كہ دشمن كے اذيت و آزار كے مقابلے ميں فرامين الہى كونظرانداز نہيں كرنا چاہيئے_

١٩_ لوگوں كو ايمان كے راستے سے روكنے ميں غلط پروپيگنڈے كا مؤثر كردار_

و لتسمعن من الذين اوتوا الكتاب و ان تصبروا و تتقوا دشمن كے پروپيگنڈے كے مقابلے ميں استقامت و پائيدارى كا حكم، مسلمانوں كے حوصلوں پر اس (غلط پروپيگنڈے) كے گہرے اثرات كے خطرے كو ظاہر كرتا ہے_

٢٠_ الہى آزمائش ميں كاميابى ، اس صبر سے مشروط ہے جو تقوي كے ہمراہ ہو_لتبلون و ان تصبروا و تتقوا فان ذلك من عزم الامور

٢١_ تقوي كے ہمراہ صبر كرنے كى قدر و منزلت_و ان تصبروا و تتقوا فان ذلك من عزم الامور

كلمہ ''عزم'' مصدر اور مفعول كے معنى ميں ہے_ اور ''عزم الامور'' ميں صفت موصوف كى طرف مضاف ہے يعنى ''الامور المعزومة''اور معزوم، بلند و نيك ہدف و مقصد كو كہتے ہيں كہ جس كى طرف حركت كرنا لازم ہے_ لہذا آيت كا معنى يہ ہوگا، صبر و تقوي ايك ايسا امر ہے جس كے كمال وشرف كى خاطر اسكى طرف حركت كرنا ضرورى ہے_ اور يہ كہ مفرد اسم اشارہ ''ذلك''صبر و تقوي كى طرف اشارے كيلئے استعمال ہوا ہے، اس سے ان ( صبر و تقوي) كے ايك ساتھ ہونے كا پتہ چلتا ہے_

٢٢_ صبر و تقوي كى ہمراہي، دشمنوں كى اذيت و آزار كے مقابلہ ميں مؤمنين كا مضبوط قلعہ ہے_

و لتسمعن و ان تصبروا و تتقوا فان ذلك من عزم الامور مذكورہمطلب ميں ''عزم'' كا معنى محكم ليا گيا ہے جيساكہ مجمع البيان ميں نقل ہوا ہے كہ ''قيل من محكم الامور'_

٢٣_ زكات ادا كرنا، ''اموال'' ميں آزمائش كا مصداق اور اپنے آپ كو صبر پر آمادہ كرنا، ''انفس'' ميں امتحان كا مصداق ہے_لتبلون فى اموالكم و أنفسكم امام رضا (ص) نے مذكورہ آيت كى تلاوت كے بعد فرمايا:''لتبلون فى اموالكم''باخراج الزكاة و ''فى أنفسكم''بتوطين الانفس

على الصبر _(١) يقيناً تمہارى آزمائش كى جائے گى اموال كے سلسلہ ميں زكاة نكالنے كے ساتھ اور انفس كے سلسلہ ميں انہيں صبر پر آمادہ كرنے كے ساتھ_

اجر: اخروى اجر ٧

اذيت: ٨، ١٠، ١٥، ١٧،٢٢ اذيت كى اقسام ١٦ ; زبان سے اذيت ١ ١، ١٦

استقامت: جہاد ميں استقامت ١٨

اللہ تعالى: اللہ تعالى كى حدود ١٨; اللہ تعالى كى سنت ا ١

امتحان: ١، ٦، ٧، ١٧، ٢٠ امتحان كا فلسفہ٥ ;امتحان كى اقسام ٢، ٣، ٤، ١٥، ٢٣;انفاق كے ذريعے امتحان ٤;جان كے ذريعے امتحان ٢، ٣، ٢٣;جہاد كے ذريعے امتحان ٤; سختى كے ذريعے امتحان ١٥ ;مال كے ذريعے امتحان ٢، ٣، ٤، ٢٣

انفاق: ٤

اہل كتاب: اہل كتاب كى دشمنى ١٢، ١٤

ايمان: ايمان كے موانع ١٩

پاك افراد:٥

تاريخ: تاريخ سے عبرت ١٩

تبليغ: تبليغ كے اثرات١٩

تقوي: امتحان ميں تقوي ١٧، ٢٠; تقوي كى اہميت ١٧، ١٨ ;تقوي كى قدر ومنزلت ٢١; تقوي كے اثرات ٢٠، ٢٢

جہاد: ٤، ١٨

حق و باطل: حق و باطل كى جنگ ١٣

دشمن: ١٢، ١٤ دشمن كا سلوك٢٢

دشمني: ١٢، ١٤

____________________

١)عيون اخبار الرضا (ع) ج٢ص ٨٩ ح١، نورالثقلين ج١ ص٤٢١ ح٤٧٤.

دنيا: دنيا كى فريبكارى ٧

دورانديشي: دور انديشى كے اثرات ٩

ذكر: ٧

رشد و تكامل: رشد و تكامل كے موانع ١٩

روايت: ٢٣

زكات: زكات كى ادائيگى ٢٣

سختي: ١٥ سختى كے سہل كرنے كا طريقہ ٩

صبر: امتحان ميں صبر ١٧، ٢٠; ٢٣صبر كى اہميت ١٧، ١٨ ; صبر كى قدر و منزلت ٢١; صبر كے اثرات ٢٠، ٢٢

كاميابى : امتحان ميں كاميابي٧، ٢٠ ; كاميابى كے اسباب ٧

مال: ٢، ٣، ٤، ٢٣

مسلمان: صدر اسلام كے مسلمان ١٠ ; مسلمانوں كو اذيت پہنچانا ٨، ١٠، ١١، ١٥ ;مسلمانوں كے دشمن ١٢، ١٤

مشركين: ٨، ١٠، ١١، ١٥ مشركين كى دشمنى ١٢، ١٤

مقابلہ: اذيت كا مقابلہ ١٧، ٢٢

موت: موت كو يا د ركھنے كے اثرات ٧

مؤمنين: مؤمنين كا امتحان ١، ٤، ٥، ٦، ١٥

آیت(۱۸۷)

( وَإِذَ أَخَذَ اللّهُ مِيثَاقَ الَّذِينَ أُوتُواْ الْكِتَابَ لَتُبَيِّنُنَّهُ لِلنَّاسِ وَلاَ تَكْتُمُونَهُ فَنَبَذُوهُ وَرَاء ظُهُورِهِمْ وَاشْتَرَوْا بِهِ ثَمَناً قَلِيلاً فَبِئْسَ مَا يَشْتَرُونَ ) اس موقع كو ياد كرو جب خدا نے جن كو كتاب دى ان سے عہد ليا كہ اسے لوگوں كے لئے بيان كريں گے او راسے چھپائيں گے نہيں _ ليكن انھوں نے اس عہد كو پس پشت ڈال ديااور تھوڑى قيمت پر بيچ ديا تو يہ بہت برا سود اكيا ہے _

١_ پيغمبر اكرم(ص) اہل كتاب كے علماء كو خداوند متعال كے ساتھ ان كے عہد و ميثاق كى طرف متوجہ كرانے پر مامور تھے_و اذ اخذ الله ميثاق الذين اوتوا الكتاب

٢_ خداوند متعال كا اہل كتاب كے علماء سے، آسمانى كتب كے مطالب كھول كر بيان كرنے اور انہيں كتمان نہ كرنے كے بارے ميں ايك سنگين عہد و ميثاق لينا_و اذ اخذ الله ميثاق الذين اوتوا الكتاب لتبيننه للناس و لاتكتمونه

''لتبيننہ''كى ضمير مفعول، كتاب كى طرف پلٹتى ہے_

٣_ آسمانى كتابوں كے علماء كى بھارى ذمہ دارى ہے كہ وہ لوگوں كيلئے ان كے حقائق بيان كريں _و اذ اخذ الله ميثاق الذين اوتوا الكتاب لتبيننه للناس

٤_ اہل كتاب كے علماء كى جانب سے گذشتہ آسمانى كتب (تورات و انجيل) كے حقائق كا چھپايا جانا_

و اذ اخذ الله ميثاق الذين اوتوا الكتاب لتبيننه للناس و لاتكتمونه

٥_ عصر پيغمبر اكرم (ص) كے بعض لوگوں كے ايمان نہ لانے اور گمراہى اختيار كرنے كا باعث، اہل كتاب كے علماء كا حقائق كو چھپانا تھا_

و اذ اخذ الله و لاتكتمونه

٦_ سابقہ آسمانى كتب ميں اسلام اور پيغمبراكرم(ص) كے بارے ميں حقائق كا پايا جانا_*

و اذ اخذ الله ميثاق الذين اوتوا الكتاب لتبيننه للناس و لاتكتمونه ايك اہم ترين مورد جو اہل كتاب كے علماء كے منافع كى ضمانت ديتا ہے_ (واشتروا بہ ثمناً ...) پيغمبراسلام(ص) اور اسلام كى حقانيت كا كتمان ہے چونكہ وہ اپنى بقاء اسكے كتمان ميں ديكھ ر ہے تھے_

٧_ معاشرے ميں آسمانى كتابوں كى وضاحت كرنے والے مبلغين كى ضرورت_

و اذ اخذ الله ميثاق الذين اوتوا الكتاب لتبيننه للناس علماء سے عہد و ميثاق لينا اور لوگوں كيلئے اسكى تبيين كى ضرورت پر خداوند متعال كى تاكيد سے، مندرجہ بالا مفہوم اخذ ہوتا ہے_

٨_ آسمانى كتب كے حقائق كو چھپانے كى حرمت اور دينى معارف كو بيان كرنے كا وجوب_و اذ اخذ الله ميثاق الذين اوتوا الكتاب لتبيننه للناس و لاتكتمونه

٩_علمائے اہل كتاب كى جانب سے ميثاق الہى ( كتب آسمانى كا بيان اور انكا نہ چھپانا) كو توڑنا _فنبذوه ورآء ظهورهم

١٠_ اہل كتاب كے علماء كا آسمانى كتابوں كو چھوڑ دينا اور ميثاق الہى كو پس پشت ڈال دينا_

و اذ اخذ الله ميثاق الذين اوتوا الكتاب فنبذوه ورآء ظهورهم ''فنبذوہ''كى ضمير مفعول كتاب كى طرف پلٹتى ہے، اور چونكہ كتاب كا بيان ميثاق و عہد الہي، ہے لہذا اس ضمير سے مراد عہد الہى بھى ہے_ يعنى كتاب اور اسكے بيان كو ترك كرديا گيا_

١١_ دين فروشى كرنے اور عہد الہى كو نظرانداز كرنے كى وجہ سے خداوند متعال كا اہل كتاب كے علماء كى سرزنش كرنا_

فنبذوه ورآء ظهورهم و اشتروا به ثمناً قليلاً

١٢_ آسمانى كتب كے حقائق كا كتمان كر كے، علمائے اہل كتاب كا ا سلام كے خلاف مبارزت كرنا اور اپنا عہد و پيمان توڑ ڈالنا_و اذ اخذ الله و لاتكتمونه فنبذوه و رآء ظهورهم مندرجہ بالامطلب اس بنا پر اخذ كيا گيا ہے كہ جب كتمان شدہ حقيقت، تورات و انجيل كى وہ بشارت ہو جو بعثت پيغمبراكرم (ص) اور اسلام و قرآن

كے بارے ميں تھي_

١٣_ علمائے اہل كتاب كى دين فروشى اور دنيا پرستي_و اشتروا به ثمناً قليلاً

١٤_ علمائے اہل كتاب كا معمولى سے منافع كيلئے، آسمانى كتب اور عہد الہى كے ساتھ تجارت و سوداگرى كرنا_

و اشتروا به ثمناً قليلاً

١٥_ فرائض كى انجام دہى اور ميثاق الہى پر عمل كرنے ميں ايك ركاوٹ دنيا پرستى ہے_

لتبيننه للناس فنبذوه و اشتروا به ثمناً قليلاً بظاہر جملہ (واشتروا بہ ...) آسمانى كتب كے چھوڑ دينے اور عہد الہى كى وفا نہ كرنے كى علت بيان كر رہا ہے_

١٦_ علمائے اہل كتاب، آسمانى كتب كے مطالب كے بيان كو اپنے دنيوى خسارے كا سبب سمجھتے تھے_

و اذ اخذ الله ميثاق لتبيننه للناس و اشتروا به ثمناً قليلاً

١٧_ (دين فروش) علمائے اہل كتاب كا ،دين اور الہى عہد و پيمان كى بلند قدر و منزلت سے آگاہ نہ ہونا_

فنبذوه و اشتروا به ثمناً قليلاً

١٨_ دين كو ہاتھ سے كھودينے، آسمانى كتاب كو چھوڑ دينے اور الہى عہد و پيمان سے وفا نہ كرنے كے عوض ہر شے (دنيوى لذتوں ، زينتوں اور )كا ناچيز اور بے قيمت ہونا_واشتروا به ثمناً قليلاً علمائے اہل كتاب، دين فروشى كے مقابلے ميں جو كچھ حاصل كرتے تھے، خود ان كے خيال ميں ، كم نہيں تھا_ چونكہ وہ حقانيت پيغمبراكرم(ص) كے كتمان كے ذريعے اپنى دنيوى آرزوؤں اور لوگوں پر حكمرانى وغيرہ تك پہنچ جاتے تھے_ ليكن اسكے باوجود خداوند متعال ان سب چيزوں كو بے اہميت اور ناچيز قرار ديتا ہے_

١٩_ دين فروشى كے ذريعے كمائے ہوئے مال و دولت كا بُرا اور قبيح ہونا_و اشتروا به ثمناً قليلاً فبئس ما يشترون

٢٠_ خداوند متعال نے اہل كتاب سے عہد و پيمان ليا تھا كہ وہ بعثت پيغمبر(ص) كے بعد آنحضرت(ص) كى نبوت كا اظہار كريں گے اور اسے دوسروں كے سامنے بيان كريں گے_و اذ اخذ الله ميثاق الذين اوتوا الكتاب لتبيننه للناس و لاتكتمونه امام باقر(ع) مذكورہ آيت كے بارے ميں فرماتے ہيں :و ذلك ان الله اخذ ميثاق الذين اوتو الكتاب فى محمد(ص) ''لتبيننه للناس''اذا