امامين حسنين عليهما السلام ثقافتى اور فکر اسلامى - نيٹ ورک

تفسير راہنما جلد ۸

۹_ زمين و آسمانوں كى خلقت كا مقصد ،نيك ترين افراد (كامل انسانوں ) كو وجود ميں لاناہے_

خلق السموات والارض ليبلوكم ايكم ا حسن عملا

'' ليبلوكم'' ، '' خلق السموات '' كے متعلق ہے _ اور خلقت كائنات كے مقصد كو بيان كرتاہے_

۱۰_ تمام انسان مرنے كے بعد قيامت كے ميدان ميں حاضر ہونے كے ليے زندہ اور اٹھائے جائيں گے_

و لئن قلت انكم مبعوثون من بعد الموت

۱۱_ پيغمبر اسلامصلى‌الله‌عليه‌وآله‌وسلم كى رسالت كا ايك مقصد يہ تھا كہ لوگوں كو مرنے كے بعد كى زندگى اور قيامت كے برپا ہونے كى طرف توجہ دلائي جائے_و لئن قلت انكم مبعوثون من بعد الموت

۱۲_ گذشتہ دور كے كافر ،قيامت كو بے معنى اور پيغمبرصلى‌الله‌عليه‌وآله‌وسلم كى طرف سے اس كے بيان كو واضح دھوكہ اور جادو سمجھتے تھے_ان هذا الا سحرٌ مبين

''ہذا'' كا ارشاد پيغمبر اكرمصلى‌الله‌عليه‌وآله‌وسلم كے اس قول كى طرف ہے جسميں آپ فرماتے تھے كہ مردوں كو زندہ كيا جائيگا اور قيامت برپا ہوگى اور لفظ سحر كا اطلاق اس گفتار اور دعوى پر تشبيہ كے عنوان سے ہے اور اسميں وجہ شباہت باطل ہونا اور دھوكہ دينا ہے_ يعنى يہ ظاہرى باتيں فريب دينے والى ہيں _ اور حقيقت سے خالى اور بے بنياد يہ باتيں باطل اور دھوكہ بازى ميں جادو كى مانند ہيں _

۱۳ _ خداوند متعال كى طرف سے انسانوں كى آزمائش ، معاد اور روز قيامت كى روشنى ميں قابل توجيہ ہے_

خلق السموات والارض ليبلوكم ايّكم احسن عملاً و لئن قلت انكم مبعوثون

انسانوں كى آزمائش كے بعد مسئلہ قيامت كا تذكرہ اس بات كى طرف اشارہ ہے كہ قيامت كے برپا كرنے كے بغيرانسانوں كى آزمائش كے بعد مسئلہ قيامت كا تذكرہ اس بات كى طرف اشارہ ہے كہ قيامت كے برپا كرنے كے بغير انسانوں كى آزمائش اور نيك لوگوں كے برے لوگوں سے جدا كرنا نتيجہ خيز ثابت نہيں ہوسكتا _

۱۴ _'' عن الرضا عليه‌السلام قال: ان الله تبارك و تعالى خلق السموات والارض فى ستة ايام ليظهر للملائكة ما يخلفه منها شيئا بعد شيء فيستدل بحدوث ما يحدث على الله تعالى مرّة بعد مرّة ...و اما قوله عزوجل : ''ليبلوكم ايّكم ا حسن عملاً'' فانه خلقهم ليبلوهم بتكليف طاعته و عبادته ، لا على سبيل الامتحان و التجربة لانه لم يزل عليما ً بكل شيئ ...'' (۱) امام رضا عليہ السلام سے روايت

____________________

۱) عيون اخبار الرضا ج/۱ ، ص ۱۳۴ ، ح ۳۳ ، نورالثقلين ج/ ۲ ص ۳۳۶ ، ح/ ۱۰_

ہے كہ آپعليه‌السلام نے فرمايا :بے شك خداوند متعال نے آسمانوں اور زمين كو چھ دنوں ميں خلق كيا ...جس شے كو بھى خلق فرماتا ملائكہ كے سامنے ايك كے بعد دوسرے كو ظاہر فرماتا تا كہ خداند متعال كى نئي خلقت سے اس كے وجود ہونے پر استدلال كيا جاسكے ...قول خداوند متعال'' ليبلوكم ايّكم احسن عملاً'' يعنى خداوند متعال نے انسانوں كوخلق فرمايا تا كہ اپنى عبادت اور طاعت كے ذريعے ان كا امتحان لے ، نہ اسوجہ سے كہ وہ ان كے حالات سے آگاہى حاصل كرے كيونكہ وہ ازل سے تمام موجودات كے حالات سے واقف تھا اور ہے

۱۵_قال رسول الله صلى‌الله‌عليه‌وآله‌وسلم ان الله قدّر مقادير الخلايق قبل ا ن يخلق السموات والارض بخمسين ا لف سنة و كان عرشه على الماء (۱) رسول اكرمصلى‌الله‌عليه‌وآله‌وسلم سے حديث ہے كہ آنحضرتصلى‌الله‌عليه‌وآله‌وسلم نے فرمايا خداوند متعال نے آسمانوں اور زمين كى خلقت سے پچاس ہزار سال پہلے مخلوقات كے مقدرات كو معين كيا جبكہ اسوقت خداتعالى كا عرش پانى پر تھا_

۱۶_عن محمد بن مسلم قال : قال لى ا بوجعفر عليه‌السلام : كان كل شيء ماء اً و كان عرشه على الماء ، فأمر الله عزّ ذكره الماء فاضطرم ناراً ثم ا مر النار فخمدت فارتفعت من خمودها دخان فخلق الله عزوجل السموات من ذلك الدخان و خلق الله عزوجل الارض من الرّماد ...(۲) محمد بن مسلم نقل كرتے ہيں كہ امام باقرعليه‌السلام نے فرمايا: تمام چيزيں پانى تھيں ، اور خداوند عزوجل كا عرش پانى پر مستقر تھا پھر خدا عزوّجل كے حكم سے وہ پانى آگ ميں تبديل ہوگيا پھر آگ كو حكم ديا ك بجھ جا وہ و بجھ گئي پھر اس آگ كے بجھنے سے دھواں اٹھا تو خداوند عالم نے آسمانوں كو اس دھواں سے خلق كيا اور اس كى خاكستر سے زمين كو خلق كيا_

۱۷_ ''عن على ابن الحسين عليه‌السلام قال : ان الله عزوجل خلق العرش من ا نوار مختلفة فمن ذلك النور نور ا خضر و نور ا صفر و نور ا حمر ...و نور ا بيض ''(۳) امام سجادعليه‌السلام سے روايت ہے : حضرتعليه‌السلام نے فرمايا : بے شك خداوند عزوجل نے عرش كو مختلف انوار سے خلق فرمايا ان انوار ميں سبز، زرد، سرخ اور سفيد نور تھا_

۱۸_عن على عليه‌السلام ... خلق الله عرشه من نوره و

____________________

۱) الدرالمنثور ج/۴ ص ۴۰۳_

۲) كافى ج/۸ ص ۱۵۳ ، ج/ ۱۴۲ ، تفسير برہان ج/ ۲ ص ۲۰۷ ، ح ۴_

۳) توحيد صدوق ص ۳۲۶ ح ۱ ، ب ۵۱ ; تفسير برہان ج/ ۲ ص ۲۰۸ ح ۷_

جعله على الماء و ذلك قوله : '' و كان عرشه على الماء ...'' (۱) امام علىعليه‌السلام سے روايت ہے كہ حضرتعليه‌السلام نے فرمايا: (خداوند متعال ) نے عرش كو اپنے نور سے خلق فرمايا، اور اسكو پانى پر قرار ديا ...اسى بارے ميں خداوند عزوجل فرماتاہے:'' و كان عرشه على الماء ...''

۱۹_'' عن ابى عبدالله عليه‌السلام '' قال: العرش فى وجه هو جمله الخلق و فى وجه آخر العرش هو العلم الذى اطلع الله عليه انبياء ه و رسوله و حججه ..(۲)

امام جعفر صادقعليه‌السلام سے روايت ہے حضرتعليه‌السلام نے فرمايا: عرش ايك لحاظ سے پورى مخلوق ہے _ دوسرے اعتبار سے عرش ايك ايسا علم ہے كہ جس سے خداوند متعال نے اپنے پيغمبروں ، رسولوں اور اپنى حجتوں كو آگاہ فرماياہے_

۲۰_ رسالت مآبصلى‌الله‌عليه‌وآله‌وسلم سے روايت ہے كہ آنحضرتصلى‌الله‌عليه‌وآله‌وسلم نے فرمايا:الله تبارك و تعالى كا قول ''ليبلوكم ا يكم ا حسن عملاً'' يعنى انكم ا زهد فى الدنيا (۳) الله تبارك و تعالى كا يہ قول كہ تمھيں آزمانا چاہتاہے كہ تم ميں سے كس كا عمل اچھا ہے يعنى دنيا ميں زہد كے اعتبار سے تم ميں سب سے بہتر كون ہے_

۲۱_عن النبى صلى‌الله‌عليه‌وآله‌وسلم انّه تلاهذه الآية '' ليبلوكم ايّكم ا حسن عملاً'' قال: ايّكم ا حسن عقلاً و ا ورع عن محارم الله و ا سرع فى طاعة الله ;(۴)

رسالت مآبصلى‌الله‌عليه‌وآله‌وسلم سے روايت ہے كہ آنحضرتصلى‌الله‌عليه‌وآله‌وسلم نے اس آيت مباركہ كى تلاوت فرمائي''ليبلوكم ايّكم احسن عملاً'' پھر فرمايا خداوند عزوجل تمہيں آزمانا چاہتاہے كہ تم ميں عقل اور محرمات الہى سے اجتناب كرنے ميں سب سے بہتر كون ہے نيز اطاعت خدا ميں سب سے زيادہ سبقت كرنے والا كون ہے_

۲۲_'' عن ا بى عبدالله عليه‌السلام فى قول الله عزوجل ''ليبلوكم ايّكم ا حسن عملاً'' قال : ليس يعنى ا كثر عملاً و لكن ا صوبكم عملاً (۵) امام جعفر صادق عليہ السلام سے قول عزوجل''ليبلوكم ايّكم ا حسن عملاً'' كے بارے ميں روايت ہے كہ حضرتعليه‌السلام نے فرمايا كہ اس سے مراد زيادہ عمل كرنا نہيں بلكہ تمہارا صحيح عمل كرنا مراد ہے_

۲۳_ امير المؤمنينعليه‌السلام سے روايت نقل ہوئي ہے_ حضرت (ع)

____________________

۱) بحار الانوار ج/ ۴۰ ص ۱۹۵ ح ۸۰_۲) معانى الاخبار ص ۲۹ ح ۱ ، بحار الانوا ر ج/۵۵، ص ۲۸ ح ۴۷_۳) مكارم الاخلاق ص ۴۴۷ ; بحار الانوار ج/ ۷۴ ص ۹۳ ، ح/۱_۴) تفسير طبرى جزء ۱۲ ، ص ۵ ; مجمع البيان ج/ ۱۰ ، ص ۴۸۴_۵) كافى ج/ ۲ص ۱۶ ، ح۴ ; نورالثقلين ج/ ۲ ص _۳۴ ، ح۲۲_

نے فرمايا: ''ان الله تعالى قد كشف الخلق كشفة لا انه جهل ما اخفوه من مصون اسرارهم و مكنون ضمائرهم و لكن ليبلوهم ايّهم احسن عملاً فيكون الثواب والعقاب بوائ (۱)

بے شك خداوند متعال اپنى مخلوقات كى تمام تر تبديلوں كے حالات سے آگاہ ہوا يہ اس معنى ميں نہيں ہے كہ اس كى مخلوقات جو اسرار و رموز كو مخفى كرتى تھى خداوند عالم اس سے جاہل تھا بلكہ يہ اس معنى ميں ہے كہ انہيں آزمائے تا كہ ان كى جزا و سزا اعمال كے مطابق ہو _

آسمان :آسمانوں كا خالق ۱۰; آسمانوں كا متعدد ہونا ; آسمانوں كى خلقت ۱۶ ; آسمانوں كى خلقت كا تدريجى ہونا ۲ ، ۱۴ ; آسمانوں كى خلقت كا عنصر ۵; آسمانوں كى خلقت كا فلسفہ ۹ ; آسمانوں كى خلقت كى مدت ۲

اعداد :چھ كا عدد ۲

امتحان :امتحان كا وسيلہ ۱۴ ; امتحان كا فلسفہ ۲۰ ، ۲۳

انسان:انسان مرنے كے بعد ۱۰ ; انسانوں كا آخرت ميں محشور ہونا ۱۰; انسانوں كا امتحان ۷، ۱۳ ; انسانوں كى خلقت كا فلسفہ ۱۴; انسانوں كے امتحان كا فلسفہ ۸ ، ۱۴ ; كامل انسان كى پيدائش كا سبب ۸ ، ۹

پانى :پانى كى خلقت كا وقت ۲۰ ; پانى كے فوائد ۵

خدا:خداوند متعال كى حاكميت۶ ; خداوند متعال كى خالقيت ۱; خداوند متعال كے امتحانات ۷،۸،۱۳; خداوند متعال كے مقدرات ۱۵

خلقت :عالم خلقت كا حاكم ۶

ياد دہاني:آخرت كى زندگى كى ياد آورى ۱۱ ; قيامت كى ياد دہانى ۱۱

خلق فرمايا:آسمانوں سے پہلے كى خلقت ۴; زمين سے پہلے كى خلقت ۴

روايت: ۱۴ ، ۱۵ ، ۱۶ ، ۱۷ ، ۱۸ ، ۱۹ ، ۲۰ ، ۲۱ ، ۲۲ ، ۲۳

زمين :زمين كا خالق ۱ ; زمين كى خلقت ۱۶ ; زمين كى خلقت تدريجاً ہے ۲ ، ۱۴ ; زمين كى خلقت كا عنصر ۵ ; زمين كى خلقت كا فلسفہ ۹ ; زمين كى خلقت كى مدت ۲

____________________

۱) نہج البلاغہ خطبہ ۱۴۴ ; نورالثقلين ج/ ۲ ص ۳۴۰ ، ح ۲۳_

عرش:عرش خدا اور پاني۱۵ ، ۱۸ ; عرش سے مراد ۱۹;عرش كى خلقت ۱۷ ، ۱۸

قيامت :قيامت كا كردار۱۳;قيامت كو جھٹلانے والے ۱۲

كفار:كفار اور قيامت ۱۲;كفار كى تہمتيں ۱۲ ;كفار كى فكر۱۲

محسنين:نيكى كرنے والوں سے مراد ۲۰ ، ۱ ۲ ، ۲۲ ;نيكى كرنے والوں كے وجود كا سبب ۸ ، ۹

محمد مصطفىصلى‌الله‌عليه‌وآله‌وسلم :آنحضرتصلى‌الله‌عليه‌وآله‌وسلم پر جادوگرى كى تہمت ۱۲ ، آنحضرتصلى‌الله‌عليه‌وآله‌وسلم كى رسالت ۱۱

مردہ :مردوں كو آخرت ميں زندہ كرنا ۱۰

آیت ۸

( وَلَئِنْ أَخَّرْنَا عَنْهُمُ الْعَذَابَ إِلَى أُمَّةٍ مَّعْدُودَةٍ لَّيَقُولُنَّ مَا يَحْبِسُهُ أَلاَ يَوْمَ يَأْتِيهِمْ لَيْسَ مَصْرُوفاً عَنْهُمْ وَحَاقَ بِهِم مَّا كَانُواْ بِهِ يَسْتَهْزِئُونَ )

اور اگر ہم ان كے عذاب كو ايك معينہ مدت كيلئے ٹال ديں تو طنز كريں گے كہ عذاب كو كس چيز نے روك ليا ہے _آگاہ ہوجائو كہ جس دن عذاب آجائے گا تو پھر پلٹنے والا نہيں ہے اور پھر وہ عذاب ان كو ہر طرف سے گھير لے گا جس كا يہ مذاق اڑارہے تھے(۸)

۱_ وہ لوگ جو قرآن ، رسالت مآبصلى‌الله‌عليه‌وآله‌وسلم اور قيامت كے منكر ہيں وہ دنيوى عذاب كے مستحق ہيں اور انہيں اس عذاب سے ڈرايا بھى گيا ہے_و لئن ا خرنا عنهم العذاب

جملہ (مايحسبہ ) (كونسى چيز نزول عذاب سے مانع ہے؟) يہ بتاتاہے كہ يہاں عذاب سے مراد دنيا كا عذاب ہے اوريہ جملہ يہ بھى بتاتاہے كہ گذشتہ كفار كو اس عذاب سے ڈرايا گياتھا_

۲_ خدا كے عذاب اور وعيد كا معين وقت تاخير اور ٹلنے كے قابل ہے_

كلمہ تاخير ''اخرنا'' كا مصدر ہے جو كبھى كسى چيزكو بعد والے زمانہ ميں قرار دينے كے معنى ميں آتاہے اور كبھى ٹالنے اور معينہ مدت سے تاخير

ميں ڈالنے كے معنى ميں آتاہے مذكورہ عبارت دوسرے معنى كى بنياد پر ہے _ اور جملہ '' ما يحسبہ'' اس معنى كى تاييد كرتاہے_

۳_ كفار كے عذاب ميں تاخير اور اسكا روكنا تھوڑى مدت كے ليے ہوتاہے _لئن ا خرنا عنهم العذاب الى امة معدودة

آيت ميں لفظ ''امة'' كے معنى زمانہ اور وقت كے ہيں _

۴_گذشتہ كفار، عذاب كى تاخير سے پيغمبرصلى‌الله‌عليه‌وآله‌وسلم كے ڈرانے كو بے بنياد سمجھتے اور ان كا مذاق اڑاتے تھے_

لئن ا خرنا ليقولن مايحسبه

''جملہما كانوا به يستهزؤن'' قرينہ ہے كہ جملہ ''ما يحسبہ'' ميں استفہام تمسخر اور مذاق اڑانے كے ليے ہے لہذا''ليقولن'' سے مراد يہ ہے كہ وہ تمسخر وا ستہزا سے پوچھتے ہيں كہ كس چيز نے آنے والے عذاب كو روك ديا ہے؟

۵_ كفار ،عنقريب عذاب الہى ميں گرفتار ہوں گے_الى امة معدودة الا يوم يأتيهم ليس مصروفاً عنهم

( يأتيہم ) ميں فاعل كى ضمير عذاب كى طرف لوٹتى ہے_ اور لفظ '' يوم '' مصروفاً كے ليے ظرف ہے_

۶_كفار پر عذاب نازل ہونے كے بعد اٹھايا نہيں جائے گا_الا يوم ياتيهم ليس مصروفاًعنهم

۷_ الله كا عذاب كفار كو گھيرلے گا_الا يوم ياتيهم و حاق بهم ما كانوا به يستهزون

( حاق بہم) كا جملہ ( ليس مصروفا) كے جملے پر عطف ہے اور جملہ ''ياتيہم'' كے قرينہ كى بنا (حاق) كا لفظ جو فعل ماضى ہے _ مضارع (يحيق) كے معنى ميں ہے ( يعنى گھير لے گا ) اور (ماكانوا ) سے مراد عذاب الہى ہے _

۸_ كفا ر،جب عذاب الہى كے روبرو ہوں گے تو اس سے اپنے آپ كو نجات نہيں دے سكيں گے _

و حاق بهم ما كانوا به يستهزؤن

'' ليس مصروفاً عنہم'' كا جملہ يہ بتاتاہے كہ كفار سے عذاب كو اٹھايا نہيں جائے گا اور (حاق بہم ...) كا جملہ اس معنى كو بتاتاہے كہ وہ خود بھى اس عذاب سے فرار نہيں كرسكتے ہيں _

۹_ پيغمبروں كى طرف سے كيے گئے عذاب كے وعدوں كا كفار ہميشہ مذاق اڑايا كرتے تھے_

و حاق بهم ما كانوا به يستهزء ون

انبياء :انبياء عليہم السلام كا مذاق اڑانے والے ۹; پيغمبروں كے عذاب سے ڈرانے كا مذاق۹

خدا:خداوند متعال كا عذاب گھيرلينے والا ہے ۷; خداوند متعال كے عذاب ۵ ،۶; خداوند عالم كے عذاب كے وعدوں كا مذاق ۹; خداوند متعال كے وعدہ عذاب ميں تاخير۲ ; عذاب الہى ميں تأخير ۲

عذاب:اہل عذاب ۱; دنيا كے عذاب سے ڈرانا ۱

قرآن:قرآن مجيد كے منكرين ۱

قيامت :قيامت كے منكرين ۱

كفار:كافروں كا عذاب حتمى ہونا ۵ ، ۸; كافروں كا عذاب ۷ ;كافروں كا مذاق اڑانا۴ ، ۹;كافروں كو دھمكى ۱ ; كفار اور حضرت محمد مصطفىصلى‌الله‌عليه‌وآله‌وسلم ۴ ; كفار عذاب الہى كے وقت ۸۰ ;كفار كا عاجز ہونا ۸ ; كفار كى خصوصيات ۹; كفار كى فكر۴ ; كفار كے عذاب كا ہميشہ ہونا ۶ ; كفار كے عذاب ميں تأخير ۳

محمد مصطفىصلى‌الله‌عليه‌وآله‌وسلم :آنحضرتصلى‌الله‌عليه‌وآله‌وسلم كا مذاق اڑانے والے ۴; آنحضرتصلى‌الله‌عليه‌وآله‌وسلم كى دھمكيوں كا مسخرہ كرنے والے۴ ; حضرت محمدصلى‌الله‌عليه‌وآله‌وسلم كى رسالت كے ;منكر

آیت ۹

( وَلَئِنْ أَذَقْنَا الإِنْسَانَ مِنَّا رَحْمَةً ثُمَّ نَزَعْنَاهَا مِنْهُ إِنَّهُ لَيَؤُوسٌ كَفُورٌ )

اور اگر ہم انسان كو رحمت دے كرچھين ليتے ہيں تو مايوس ہوجاتا ہے اور كفر كرنے لگتا ہے (۹)

۱_ انسانوں كو نعمتيں عطا كرنا اور ان كا واپس لے لينا يہ خداوند متعال كے ہاتھ اور اختيار ميں ہے _

و لئن ا ذقنا الانسن منا رحمة ثم نزعنها منه

۲ _ انسان جب دنيا كى آسائشوں اور خدا كى نعمتوں كو اپنے ہاتھوں سے گنوا ديتاہے _ تو خداوند متعال كى رحمتوں سے نا اميد اور كائنات ميں خداوندعالم كى تدبير كا منكر ہوجاتاہے_و لئن ا ذقنا الانسان انه ليؤس كفور

ممكن ہے كہ لفظ''كفور'' كفر سے نكلا ہو جو انكار كے معنى ميں ہے_ اس صورت ميں جملہ (انّہ ...كفوراً ...)اس بات كى طرف اشارہ كررہاہے كہ نعمتيں ملنے اور ان كے سلب ہوجانے كے بعدتو انسان يہ خيال كرتاہے كہ عالم كائنات ميں جو تغير و تبديلى رونما ہوتى ہے وہ خداوند متعال كے ہاتھ ميں نہيں ہے بلكہ اس كے اختيار سے

خارج ہے _

۳ _ خداوند عالم، انسانوں كو نعمتيں دے كر اور كبھى نعمتوں كو چھين كر ان كا امتحان ليتاہے_

ليبلوكم ايّكم ا حسن عملاً و لئن ا ذقنا الانسن منا رحمة ثم نزّعنها منه

۴_ خداوند متعال كى نعمتيں ،لوگوں كے ليے اسكى رحمت كا جلوہ ہيں _و لئن اذقنا الانسان منا رحمة

اس آيت ميں (رحمت) كے لفظ سے نعمت كا معنى استخراج كيا گيا ہے_

۵_ انسان جن نعمتوں كا حامل ہے ان سے شديد محبت كرتاہے_ثم نزعنها منه

''نزع'' كا معنى اكھاڑنا كے ہيں اس لفظ كا سلب نعمت ميں استعمال،اس بات كو سمجھا تاہے كہ انسان دنياوى نعمتوں سے بہت محبت كرتاہے _

۶_ انسان اپنى جان و روح كے لحاظ ايك ضعيف اور عاجز مخلوق ہے_

و لئن ا ذقنا الانسان منا رحمة ثم نزعناها منه انه ليئوس كفور

(ا ذقنا ) كا لفظ لغوى اعتبار سے (ذوق ) سے ہے جو ذائقہ كو سمجھنے كے ليے غذا كے چكھنے كے معنى ميں ہے _قرآن مجيد نے نعمت كى عطا كو غذا كا مزہ چكھنے سے تشبہہ دى ہے تا كہ اس نكتہ كى طرف اشارہ كرے كہ انسان ،روح و جان كے اعتبار سے ايك ضعيف مخلوق ہے _ اتنا ضعيف ہے كہ دنيا كى معمولى سى نعمت كو جب پالينے كے بعد ہاتھ سے دے بيٹھتاہے تو خود كو سنبھال نہيں سكتا آخر كار كفر اور ناشكرى طرف چلا جاتاہے_

۷_ انسان كو چاہيے كہ ہميشہ خواہ محتاج ہو يا بے نياز خداوند عزوجل كا شكر گزار رہے_

و لئن اذقنا الانسان منا رحمة انه ليئوس كفور

۸_ مشكلات ميں گھرنے اور وسائل وامكانات كو ہاتھ سے دے دينے كے بعد بھى انسان ،رحمت الہى كا اميدوار ہونا چاہيئےثم نزعنها منه انه ليئوس كفور

امتحان :امتحان كا آلة ۳ ; سلب نعمت كے ذريعہ امتحان ۳; نعمت دے كر امتحان لينا۳

اميد ركھنا :خداوند متعال كى رحمت پر اميد ركھنا ۸ ; پريشانيوں ميں اميد ركھنا ۸ ; غربت و تنگدستى ميں اميد ركھنا ۸; خداوند متعال سے اميدوار رہنے كى اہميت ۹_

انسان:انسان كا امتحان ۳ ; انسان نعمت كے سلب ہونے

كے وقت ۲ ; انسان كا اثر قبول كرنا ۲۰ ; انسان كے وظائف۷ ; انسان كى صفات ۲ ، ۵ ، ۶ ; انسان كى كمزورى ۶ ; انسان كى دلبستگى ۵

خدا:خداوند غزوجل كے اختيارات ۱ ; خداوند متعال كى آزمائش ۳ ; خدا كى ربوبيت كا جھٹلانا ۲ ; خداوند متعال كى رحمت كى نشانياں ۴ ; خداوند متعال كى نعمتيں ۴

شكر:بے نيازى ميں شكر ۷; ;دائمى شكر ۷; شكر كرنے كي اہميت ۷ ;غربت و تنگدستى ميں شكر ۷

لو لگانا :دنياوى آسائشوں سے دل لگانا۵ ; نعمت الہى سے دل لگانا۵

نعمت:نعمت كا سبب ۱;نعمت كے چھن جانے كا سبب ۱

نااميدي:خداوند متعال كى رحمت سے نااميدى ۲;نااُميدى كے اسباب ۲

آیت ۱۰

( وَلَئِنْ أَذَقْنَاهُ نَعْمَاء بَعْدَ ضَرَّاء مَسَّتْهُ لَيَقُولَنَّ ذَهَبَ السَّيِّئَاتُ عَنِّي إِنَّهُ لَفَرِحٌ فَخُورٌ )

اور اگر تكليف پہنچنے كے بعد نعمت اور آرام كا مزہ چكھا ديتے ہيں تو كہتا ہے كہ اب تو ہمارى سارى برائياں چلى گئيں اور وہ خوش ہوكر اكڑنے لگتا ہے (۱۰)

۱_ خداوند متعال ، انسانوں كو دنيا كى نعمتيں عطا كرنے والا ہے _و لئن ا ذقنه نعماء

(نعما) نعمت كے معنى ميں ہے _ اس لفظ كو اسوجہ سے يہاں لايا گيا ہے كيونكہ لفظ (ضرائ) كے ہم وزن ہے _

۲ _ انسان جب عيش و آرام كے عالم ميں ہوتاہے تو اپنے كو سختيوں اور پريشانيوں سے محفوظ سمجھتاہے_

و لئن ا ذقنه نعماء بعد ضرّاء مسته ليقولنّ ذهب السيئات عني

(لئن ا ذقنه ) كا جملہ مشكلات كے برطرف ہونے پر دلالت كرتاہے اس بناء پر جملہ ''ذہب

السيئات عني'' (رنج و الم مجھ سے دور ہوگئے) جن كے كہنے اور اس پر اعتقاد ركھنے كى وجہ سے انسان كى مذمت كى گئي ہے كا مفہوم كچھ اور ہے اور وہ يہ ہے كہ مشكلات و پريشانيوں ميں دوبارہ گرفتار نہ ہونے كا خيال ہے_

۳ _ انسان مشكلات كے برطرف ہونے كے بعد اور دنياوى نعمتوں كے ملنے پر بہت ہى خوشى كا اظہار كرتاہے جس سے وہ تكبر اور فخر كرنے لگتاہے _و لئن اذقنه نعماء بعد ضرّاء مسته ليقولن ذهب السيئات عني

جملہ '' انہ لفرح فخور '' جملہ مستا نفہ ہے_ يہ اس معنى كو منعكس كرتاہے_ جو ( ليقولنَّ ...) كے جملے سے حاصل ہوتاہے _ يعنى انسان خيال كرتاہے كہ وہ مشكلات ميں دوبارہ مبتلا نہيں ہو گا _ لہذاوہ بہت ہى خوشحال اور فخر كرنے لگتاہے_

۴ _عيش و آرام پانے كے بعد غرور ، تكبر، زيادہ خوش ہونا برے صفات ميں سے اور اس كى مذمت كى گئي ہے_

و لئن اذقنه نعماء بعد ضرّاء مسته ليقولن ذهب السيئات عني

بعد كى آيت (الا الذين ...)اس معنى كو سمجھا رہى ہے كہ قرآن كا مقصد ،انسان كى اس صفت كو بيان كرنے كا فقط خبر دينا نہيں ہے بلكہ در حقيقت اس انسان كى مذمت كرنامقصود ہے جس ميں يہ صفت پائي جاتى ہو_

۵ _ انسان كى زندگى ميں كبھى مشكلات و پريشانياں اور كبھى آرام و آسائش ہے _و لطن اذقنه ، نعماً بعد فتراء سته

'' ضرائ'' مشكل اور دكھ كے معنى ميں ہے اور مشكلات و پريشانيوں ميں گرفتارہونے والے كے ليے لفظ ( مس) كو استعمال كيا گيا ہے _ اس سے يہ اشارہ ملتاہے كہ معمولاً مشكلات و پريشانياں ہميشہ نہيں رہتى اور نعمتوں كے عطا كو چھكنے سے تعبير كيا گيا ہے اس سے يہ بتانا چاہتے ہيں كہ يہ دنياوى نعمتيں جلدى ختم ہونے والى ہيں _

۶_ انسان كے روحى اورنفسياتى جسمانى حالات ( نااميد ہونا ، بہت زيادہ خوشحال ہونا ، تكبر ) و غيرہ تھوڑى سى ہى پريشانى اور آسائش سے تبديل ہوجاتے ہيں _و لئن ا ذقنا الانسن انّه ليئوس كفور و لئن ا ذقنه نعما انه لفرح فخور

آسائش :آسائش ہميشہ كے ليے نہيں ۵

اخلاق :اخلاقى برائياں ۴

انسان:انسان آسائش كے وقت ۲ ; انسان خوش گذرانى كے وقت ۲ ; انسان كا اثر قبول كرنا ۶ انسان كا تكبر ۶ ; انسان كے حالات ۲ ،۳

پريشانى :پريشانى كے دور ہونے كے آثار ۳ ; پريشانيوں سے اپنے كو محفوظ خيال كرنا ۲ ; مشكلات اور پريشانيوں كا ناپائيدار ہون

تكبر:تكبر كى مذمت ۴ ; تكبر كے اسباب ۳

خدا :خداوند متعال كى بخشش ۱ ; خداوند متعال كى نعمتيں ۱

خوشي:خوشى ميں افراط; خوشى ميں افراط كى مدمت ۴;

رفاہ:رفاہ كے آثار ۳; رفاہ كى ناپائيداري

فخر و مباہات :فخر كرنے كى مذمت ۴ ; فخر كرنے كے اسباب ۳

مادى سہوليات:مادى سہوليات كا سرچشمہ

نعمت :نعمت كا سبب ۱

آیت ۱۱

( إِلاَّ الَّذِينَ صَبَرُواْ وَعَمِلُواْ الصَّالِحَاتِ أُوْلَـئِكَ لَهُم مَّغْفِرَةٌ وَأَجْرٌ كَبِيرٌ )

علاوہ ان لوگوں كے جو ايمان لائے ہيں اور انھوں نے نيك اعمال كئے ہيں كہ انكے لئے مغفرت ہے اور بہت بڑا اجر بھى ہے (۱۱)

۱_ صابرين اور اعمال صالح بجالانے والے نعمتوں كے چھن جانے اور تنگدستى ميں مبتلاء ہوجانے كے بعد رحمت خدا سے مايوس ہوتے ہيں اور نہ اس كى تدبير كا انكار كرتے ہيں _انه ليؤس كفور الا الذين صبروا و عملوا لصلحات

۲ _ صابر لوگ ہميشہ نيك اعمال كرنے والے ، اور ہر حال ميں خداوند متعال كو فراموش نہ كرنے والے اور شكر گزار ہيں _

لئن ا ذقنا الانسان منا رحمة انه ليئوس كفور الا الذين صبروا

مذكورہ مطلب اس احتمال كى بناء پر ہے كہ كفور اس كفران سے ہے جو ناشكر ے كے معنى ميں ہے _

۳_ صابرين جو نيك اعمال انجام دينے والے ہيں دنياوى نعمتوں اور عيش و آرام پاجانے كے بعد بھى تكبر اور غرور كرتے ہيں اور نہ خوشحال ہوتے ہيں _انه لفرح فخور ، الا الذين صبروا و عملو ا الصلحات

۴ _ مشكلات اورپريشانيوں ميں صبر و شكيبائي كى ضرورت ہے اسى طرح كبھى عيش و آرام ميں بھى ہے_

لئن ا ذقنا الانسان منا رحمة الا الذين صبروا

۵_ جس طرح عيش و آرام ميں نيك كاموں كو انجام دينے كى ضرورت ہے _ اسى طرح مشكلات و پريشانيوں اور رنج و الم ميں گرفتار ہوجانے كے بعدبھى _لئن اذقنا الانسان منا رحمة ثم نزعنها منه انه ليؤس كفور الا الذين صبروا و عملوا الصالحات

۶_ اچھے كاموں كو بجالانا اور صبر كرنا انسان كى روح كو تقويت بخشتاہے اور روحى و نفسياتى لغزشوں سے نجات ديتاہے _

انه ليئوس كفور انه لفرح فخور ، الا الذين صبروا و عملوا لاصالحات

آيت ۹ ، ۱۰ ميں ارشاد ہوتاہے كہ انسان تھوڑى سى آسائش اور سختى ميں لڑكھڑا جاتاہے_ اور خود كو كھو ديتاہے مذكورہ آيت ميں اس خصلت سے ان كو استثناء كيا گيا ہے جولوگ صبر كرتے ہيں اور اچھے كام بجا لاتے ہيں _

۷_ خداوند متعال كى آزمائش ميں كاميابى ، نيك كاموں كو انجام دينے اور صبر كرنے ميں ہے _

ليبلوكم اتكم احسن عملاً لئن ا ذقنا الانسان الا الذين صبروا و عملو الصالحات

۸_ صبر پيشہ ہونا بھى نيك كاموں كے سبب ہے _الا الذين صبروا و عملوا الصالحات

۹_ صابر لوگ جو نيك اعمال كرتے ہيں وہ خداوند متعال كى مغفرت سے بہرہ مند ہوتے ہيں _ اور ان كے گناہ بخشے جاتے ہيں _اولئك لهم مغفرة

۱۰_ وہ لوگ جو صبر كرتے ہيں اور نيك اعمال انجام ديتے ہيں بڑے اجر الہى (جنت ) كے مستحق ہيں _

اولئك لهم مغفرة و ا جر كبير

۱۱ _ بڑا اجر الہى ( جنّت) گناہوں كى بخشش كے سبب سے حاصل ہوتاہے_اولئك لهم مغفرة و اجر كبير

لفظ''مغفرت'' كو''ا جركبير'' پر مقدم كرنے كا مقصد يہ ہوسكتاہے كہ عظيم اجر خداوندى كا حصول

اورجنت ميں داخل ہونا گناہوں كى بخشش كے مرہون منت ہے _

آسائش :آسائش ميں صبر كى اہميت ۴

اجر :آخرت كا اجر ۱۱ ; اجر كے مرتبے ۱۰ ، ۱۱ ; اجر كے اسباب ۱۱

استقامت :استقامت كے اسباب ۶

اطمينان :اطمينان كے عوامل ۶

امتحان :امتحان ميں كاميابى كے عوامل ۷

اہل ذكر :بخشش:بخشش كے آثار ۱۱ ; بخشش كے مستحقين ۹

پريشانى :پريشانى سے نجات كے اسباب ۶

جنّت :اجر جنت : ۱۰؛ اجر جنت كے اسباب ۱۱؛ اہل بہشت : ۱۰

خدا:خداوند متعال كے امتحان ۷ ; خداوند متعال كے اجر ۱۰ ، ۱۱

سہولتيں :سہولتوں ميں صبر كى اہميت ۴

شكر كرنے والے : ۲

صالحين :صالحين كى بخشش ۹ ; صالحين كا ايمان ۱ ; صالحين كا اجر اخروى ۱۰ ; صالحين ہميشہ ذكر الہى ميں ۲ ; صالحين ہميشہ شكر گزارى ميں ۲

صبر:صبر كے آثار ۶،۷ ; صبر كے اثرا نداز ہونے كا سبب ۸

نيك اعمال :نيك عمل كرنے والے دنيا كى نعمتوں ميں ۵ ; نيك عمل كرنےوالے سہولت ميں ۵ ; نيك عمل كرنے والے مشكل ميں ۵; نيك اعمال كے آثار ۶ ، ۷ ; نيك عمل كى اہميت ۵ ;

صبر كرنے والے :

صابرين آسائش كے وقت ۳ ;صابرين اور اظہار فكر ;صابرين اور تكبر ; صابرين اور خوشى ۳ ; صابرين اور غربت۱; صابرين سہولت كے وقت ۳ ;صابرين كى خصوصيات ۱ ، ۲ ،۳; صابرين نعمت كے چلے جانے پر ۱ ; صبر كرنے والوں كى بخشش ۹ ; صبر كرنے والے ہميشہ شكر الہى ميں ۲ ; صبر كرنے والے ہميشہ ذكر الہى ميں ۲

فكرى تقويت:فكريتقويت كے اسبا ب۶

مشكل :مشكل ميں صبر كى اہميت ۴

آیت ۱۲

( فَلَعَلَّكَ تَارِكٌ بَعْضَ مَا يُوحَى إِلَيْكَ وَضَآئِقٌ بِهِ صَدْرُكَ أَن يَقُولُواْ لَوْلاَ أُنزِلَ عَلَيْهِ كَنزٌ أَوْ جَاء مَعَهُ مَلَكٌ إِنَّمَا أَنتَ نَذِيرٌ وَاللّهُ عَلَى كُلِّ شَيْءٍ وَكِيلٌ )

پس كيا تم ہمارى وحى كے بعض حصوں كو اس لئے ترك كرنے والے ہو يا اس سے تمہارا سينہ اس لئے تنگ ہوا ہے كہ يہ لوگ كہيں گے كہ ان كے اوپر خزانہ كيوں نہيں نازل ہوايا ان كے ساتھ ملك كيوں نہيں آيا _ تو آپ صرف عذاب الہى سے ڈرانے والے ہيں اور اللہ ہر شے كا نگراں اور ذمہ دار ہے(۱۲)

۱ _ قيامت كے ذكر كے سبب مشركين جناب رسول خداصلى‌الله‌عليه‌وآله‌وسلم كى تكذيب كرتے تھے اور اپنے غير معقول مشورہ سے پيغمبر كو بعض آيات كے ترك كرنے اور ابلاغنہ كرنے كے خطراتميں ڈال ديتے تھے_

فلعلك تارك بعض ما يوحى اليك و ضائق به صدرك ان يقولوا لو لا انزل عليه كنز

يہ بات واضح ہے كہ وہ خوف و شك جو لفظ (لعلّ) سے ظاہر ہورہاہے _وہ متكلم ( خداوند ) نہيں ہے _ بلكہ وہ مخاطب (جناب رسالت مآب) كے شك و ترديد كو بيان كرتاہے _ يا اس خاص مورد كى طرف اشارہ ہے كہ جہاں ہو انسان بعض آيات كے ترك كرنے كو بعيد نہيں سمجھتا لہذا ''لعلك تارك ...'' اس معنى كو سمجھا رہاہے كہ پيغمبر خداصلى‌الله‌عليه‌وآله‌وسلم كچھ ايسے ہى حادث سے دوچار تھے كہ جس ميں يہ احتمال اور خوف تھا كہ جہاں پيغمبر بعض آيات كے ابلاغ ميں شك و ترديد ميں پڑجائيں اور عارضى طورسے مصلحت يہ سمجھيں كہ ان آيات كو نہيں ہوتى كہ كچھ آيات كو ابلاغ نہ كرے

(لعلك تارك ...) يہ بتاتاہے كہ پيغمبر اس وقت تك ابلاغ نہ كريں جب تك حالات سازگار نہ ہو جائيں جملہ (ا ن يقولوا ...) ميں لام تاكيد اور لا نافيہ مقدر ہيں _ يعنى اصل ميں(لان لا يقولوا ...) ہے_ يہ جملہ ان اسباب كى طرف اشارہ كرتاہے جو خوف و خطر كا سبب بنے ہيں _لعلك تارك كو ساتويں آيت پر تفريع كرنا اس بات كو سمجھاتاہے كہ قيامت كا جھٹلانا بھى ان خوف و خطر كے اسباب كو مہيا كرنے ميں موثر ہو_

۲_ پيغمبر اسلام كى يہ ذمہ دارى تھى _ كہ جن احكام اور معارف الہى كى خداوند متعال كى طرف سے وحى كى گئي ہے_ ان كو لوگوں تك پہنچائے _ اگر چہ بعض احكام كے بيان سے لوگوں كى مخالفت اور محاذ آرائي كا سامنا بھى كيوں نہ كرنا پڑے _

ان هذا الا سحر مبين فعلك تارك بعض ما يوحى اليك

۳_ قرآن مجيد كى كچھ آيات كے ابلاغ كو ترك كرنے كا خيال پيغمبر اسلامصلى‌الله‌عليه‌وآله‌وسلم كے ليے اور پريشانى اور غم كا سبب بنتا تھا_فعلك تارك بعض ما يوحى اليك و ضائق به صدرك

مذكورہ معنى اسوقت ليا جاسكتاہے_ كہ جب جملہ (وضائق بہ صدرك) كو حاليہ قرار ديں _ اور(بہ) ميں ضمير كا مرجع ( ترك ابلاغ ) ہو جو جملہ ( لعلّك تارك ...) سے حاصل ہوتاہے _ اور اس كى طرف اس ضمير كو لوٹا يا گيا ہے _ يعنى اگر اس طر ح كے حالات پيدا ہوجائيں كہ ( اے رسولصلى‌الله‌عليه‌وآله‌وسلم ) تم كچھ آيات الہى كو ابلاغ كرنے ميں شك و ترديد ميں پڑجاو اور اس ترك ابلاغ كے خيار كو ذہن ميں دھراتے رہو تو يہ خيال آپ ہى كو پريشان ميں ڈال دے گا_

۴ _ مبلغ دين كى ذمہ دارى ہے كہ تمام قوانين اسلام اور معارف دين لوگوں كے ليے بيان كريں اور ان ميں سے كچھ بھى پنہان نہ كريں _فلعلّك تارك بعض ما يوحى اليك

۵ _ بعض معارف اسلام اور احكام دين سے لوگوں كا وحشت زدہ اور اپنى قبول كرنے كے مواقع كا فراہم نہ ہونا يہ ديل نہيں بنتا كہ ان كا تبليغ نہ كى جائے_ان هذا الا سحر مبين فعلك تارك بعض ما يوحى اليك

۶_ قرآنى آيات وہ حقائق ہيں جو وحى كے ذريعہ پيغمبرصلى‌الله‌عليه‌وآله‌وسلم پر

نازل ہوتى تھيں _فلعلك تارك بعض ما يوحى اليك

۷_ مشركين كے ليے پيغمبر اسلامصلى‌الله‌عليه‌وآله‌وسلم كى رسالت كے برحق ہونے كى دليل يہ تھى _ كہ معجزہ كے طور پر(خداوند متعال كى طرف سے) كوئي خزانہ اور مال كثير ان پرنازل ہو_ان يقولوا لو لا انزل عليه كنزٌ

۸_ مشركين كاآنحضرت كے برحق ہونے پر اطمينان حاصل كرنے كے ليے يہ مطالبہ تھا كہ پيغمبر اسلام كے ساتھ فرشتہ نازل ہو جو ہميشہ ان كے ساتھ رہے_ان يقولوا لو لا جاء معه ملك

۹_ مشركين كے بے جا مطالبات اور معجزات دكھانے كى خواہشات آنحضرتصلى‌الله‌عليه‌وآله‌وسلم كى پريشانى و غم كا سبب بنتى تھيں _

و ضائق به صدرك ان يقولوا لو لا ا نزل عليه كنز ا و جاء معه ملك

مذكورہ مطلب اس صورت ميں آيت سے حاصل كيا جاسكتاہے جب (بہ ) كى ضمير( ا ن يقولوا ...) كى طرف پلٹے ، دوسرے الفاظ ميں( ان يقولوا ...) كا جملہ ضمير ( بہ ) كا بدل ہو _ يعنى اس طرح جملہ ہوگا ''و ضائق صدرك بان يقولوا ...''

۱۰_ پيغمبر اسلامصلى‌الله‌عليه‌وآله‌وسلم كى ذمہ دارى يہ ہے كہ احكام الہى اور معارف دين كو لوگوں تك پہنچائے اور ان كو (عذاب الہى ) سے ڈرائے نہ يہ كہ ان كى بے تكى خواہشات كو پورا كرے _انما انت نذير

۱۱_ پيغمبر اسلامصلى‌الله‌عليه‌وآله‌وسلم تبليغ اور خوف خدا دلانے كے بعد لوگوں كے اعمال اور انكے كفر كے ذمہ دار نہيں ہيں _

انما ا نت نذير

جملہ ( انّما ا نت نذير) ميں جو لفظ انما سے حصر كيا گيا ہے_يہ حصر اضافى ہے _ پيغمبر اسلامصلى‌الله‌عليه‌وآله‌وسلم كى ذمہ دارى كو بتاتاہے _

۱۲_ خداوند متعال تمام چيزوں كا نگہبان اور مدبر ہے_والله على كل شيء وكيل

(وكيل ) اسكو كہتے ہيں جو دوسروں كے كام كو اپنے ذمہ ليے ہوئے ہو _ اور چونكہ آيت كريمہ ميں لفظ( على ) كے ذريعے سے متعدى ہواہے_ اس وجہ سے حفاظت اور نگہبانى كا معنى اس ميں مضمر ہے _ اسى وجہ سے جملہ ( والله علي ...) كا اشارہ اس معنى كى طرف ہے _ كہ خداوند متعال لوگوں كے تمام امور ميں ان كا حافظ اور نگہبان ہے_

۱۳ _ معجزہ دكھانا اور لوگوں كے مطالبات اور ان كے تقاضوں كو پورا كرنا خداوند عالم كے اختيار ميں ہے نہ كے پيغمبر اكرمصلى‌الله‌عليه‌وآله‌وسلم كے ہاتھ ميں ہے_انّما ا نت نذير والله على كل شيء وكيل

اسلام :صدر اسلام كى تاريخ ۹

اسماء و صفات :وكيل ۱۲

امور:مدبر الامور۱۲

ايمان :حضرت محمد مصطفى پر ايمان ۷

تبليغ :تبليغ نقض كى پہچان ۴ ، ۵ ; تبليغ اور لوگوں كا خوف ۵; تبليغ كے شرائط ۴ ، ۵

خدا:افعال خداوند ۱۲ ; خداوند متعال كا پالنے والا ہونا ۱۲ ; خداوند متعال كى شان و شوكت ۱۳ ; خداوند متعال كا محافظ ہونا ۱۲

دين :تبليغ دين كى اہميت ۱۲ ; دين كى تبليغ ۴ ، ۵ ،۱۰

قرآن :قرآن مجيد كا وحى ہونا ۶

مبلغين :مبلغين كا فريضہ ۴

محمد مصطفى (صلى الله عليہ و آلہ و سلم ):رسالت مآبصلى‌الله‌عليه‌وآله‌وسلم كا ڈرانا ۱۰ ، رسالت مآب كى تبليغ ۱۰ ; رسالت مآب كے غم زدہ ہونے كے اسباب ۳ ، ۹ ، رسالت مآبصلى‌الله‌عليه‌وآله‌وسلم كا دائرہ اختيار ۱۳ ; رسالت مآب كى ذمہ دارى كا دائرہ ۱۱ ; رسالت مآب اور وحى كا پہنچانا ۱ ، ۲ ۸ ۳ ; رسالت مآبصلى‌الله‌عليه‌وآله‌وسلم كى ذمہ دارياں ۲ ، ۱۰ ، رسالت مآب پر خزانے كا نازل ہونا ۷ ; رسالت مآب پر وحى ں نازل ہونا۶

مشركين :مشركين كى بے تكى خواہشات ۱ ، ۸ ، ۹ ; مشركين اور قيامت كا جھٹلانا ۱ ; مشركين اور رسالت مآبصلى‌الله‌عليه‌وآله‌وسلم ۱ ، ۷ ، ۸ ،۹ ; مشركين اور معجزہ ۷ ; مشركين كا خواہشات معجزہ ۷ ، ۹

معجزہ :خواہشاتى معجزہ ۸ ، ۱۳ ; معجزے كا سبب ۱۳

ملائكہ :ملائكہ كے نازل ہونے كى درخواست ۸

آیت ۱۳

( أَمْ يَقُولُونَ افْتَرَاهُ قُلْ فَأْتُواْ بِعَشْرِ سُوَرٍ مِّثْلِهِ مُفْتَرَيَاتٍ وَادْعُواْ مَنِ اسْتَطَعْتُم مِّن دُونِ اللّهِ إِن كُنتُمْ صَادِقِينَ )

كيا يہ لوگ كہتے ہيں كہ يہ قرآن بند ے نے گڑھ ليا ہے تو كہہ ديجئے كہ اس كے جيسے دس سورہ گڑھ كر تم بھى لے آئو اور اللہ كے علاوہ جس كو چاہو اپنى مدد كے لئے بلالواگر تم اپنى بات ميں سچے ہو(۱۳)

۱_بعثت كے زمانے كے مشركين قرآن مجيد كو بنايا ہوا جھوٹ اور پيغمبر اسلامصلى‌الله‌عليه‌وآله‌وسلم كى اپنى گھڑى ہوئي بات سمجھتے تھے_

ام يقولون ا فترىه

(ا فترائ) جھوٹ گھڑنے كے معنى ميں ہے_ اسكے فاعل كى ضمير پيغمبر اسلامصلى‌الله‌عليه‌وآله‌وسلم كى طرف لوٹتى ہے_

۲ _ قرآن مجيد نے مشركين كو چيلخ كرتے ہوئے ان سے قرآن جيسے دس سورہ لانے كا مطالبہ كيا اور اپنى مقابلہ كى دعوت دى _ام يقولون افترى ه قل فاتوا بعشر سور مثله

۳_ پروردگار عالم نے انسان كے ليے قرآن مجيد جيسے سورہ لانے كے ليے كوئي قيد و شرط بن لگائي ہے_

فاتوا بعشر سور مثله مفتريات و ادعوا من استعطم

جملہ ( من استطعتم ...) ميں لفظ ''من ''تمام جن و انس عرب و عجم كو شامل ہے _ اور اس سے مراد يہ ہے كہ قرآن كى مثل لانے ہيں كسى محدوديت كو تصور نہيں كيا گيا _

۴ _ خداوند متعال نے ( قرآن كى مثل لانے ميں ) انسانوں كے يہ شرط نہيں لگائي كہ ان مطالب كو ان سورتوں ميں لايا جاتے _ جو حقائق اور واقعيت پر مبنى ہوں _فاتوا بعشر سور مثله مفتريات

آيت ميں '' عشر سورة كى صفت مفتريات (گڑھى ہوئي باتيں ) لانے كا مقصد يہ تھا_ كہ قرآن كے مقابلے ميں جو آيات تم لاؤگے _ اس كے ليے ضرورى نہيں ہے _ كہ ان كے مطالب حقائق اور

واقعيت پر مبنى ہوں _ بلكہ فصاحت و بلاغت اور كلام كى ترتيب ميں ہم مثل ہوں _ تو بھى كافى ہے_

۵_مشركين كو قرآن مجيد جيسے سورہ بنانے ميں ہر ايك سے مدد طلب كرنے كى اجازت دى گئي تھى _و ادعوا من استطعتم

۶ _ خداوند متعال نے پيغمبر اسلامصلى‌الله‌عليه‌وآله‌وسلم كو مشركين كے خلاف استدلال كرنا اور ان كے نامناسب دعوؤں كا جواب تعليم فرمايا _ام يقولون افترى ه قل فاتوا

مذكورہ معنى كو لفظ (قُل) سے استفادہ كيا گيا ہے_ جو پيغمبر سے خطاب ہے_

۷_ قرآن كى مثل لانا بھى صرف خدا كے اختيار ميں ہے_وادعوا من استطعتم من دون الله

'' من دون الله '' كے جملے كا معنى يہ نہيں كہ خداوند متعال سے مدد طلب نہ كرو بلكہ وہ ''من استطعتم'' سے عموم كى تاكيد سے ساتھ اس حقيقت كو بيان كررہاہے كہ قرآن جيسالانا صرف خدا كے اختيار ميں ہے _

۸_ رسالت مآب كے زمانے ميں ہى قرآن مجيد كو ''سورة'' كے نام سے مختلف حصوں ميں تقسيم كرديا گيا تھا_

فاتوا بعشر سو مثل

۹_مدعا كا سچ او ر صحيح ثابت كرنا دليل و برہان كا محتاج ہے_قل فاتوا بعشر سور مثله ان كنتم صادقين

'' فاتوا بعشر سور'' حقيقت ميں ''ان كنتم '' كا جواب شرط ہے معنى يہ ہے _ اگر تم اپنے دعوى ميں سچے ہو تو اسى كى مثل دس سورتوں كو لاكر دكھاو_

ادعا:دعوى ميں دليل كى اہميت ۹ ; دعوى كو ثابت كرنے كے شرائط ۹

اعداد:دس كا عدد۲

خدا:خداوند متعال كى خصوصيات ۷; خداوند متعال كى تعليمات ۶

قرآن :تاريخ قرآن مجيد ۸ ; قرآن مجيد كا چيلنج ۲ ;قرآن مجيد كا عمومى چيلنج ۳، ۴ ، ۵ ; قرآن مجيد كى سورہ بندى ۸ ; قرآن مجيد كا صدر اسلام ميں ہونا۸ ; قرآن مجيد اور مشركين ۲ ; قرآن مجيد كى مثل لانا ۲ ، ۳ ، ۴ ، ۵، ۷

محمدصلى‌الله‌عليه‌وآله‌وسلم :حضرت محمد مصطفىعليه‌السلام كا دليل لانا ۶ ; رسالت مآب پر بہتان ۱ ; رسالت مآب اور مشركين ۶ ; حضرت

مشركين :مشركين كے بے جادعوے ۶ ; صدر اسلام ميں مشركين كى بہتان بازى ۱ ; صدر اسلام كے مشركين اور قرآن ۱; مشركين اور قرآن ۵

آیت ۱۴

( فَإِن لَّمْ يَسْتَجِيبُواْ لَكُمْ فَاعْلَمُواْ أَنَّمَا أُنزِلِ بِعِلْمِ اللّهِ وَأَن لاَّ إِلَـهَ إِلاَّ هُوَ فَهَلْ أَنتُم مُّسْلِمُونَ )

پھر اگر يہ آپ كى بات قبول نہ كريں تو تم سب سمجھ لو كہ جو كچھ نازل كيا گيا ہے سب خدا كے علم سے ہے اور اس كے علاوہ كوئي خدا نہيں ہے تو كيا اب تم اسلام لانے والے ہو(۱۴)

۱_ تمام انسان اور ان كے جھوٹے خدا قرآن مجيد كى مثل دس سورہ لانے سے عاجز ہيں _

قل فاتوا بعشر سور مثله فالم يستجيوا لكم

'' فہل انتم مسلمون'' كے قرينہ كى وجہ سے لكم اور اعلموا كے مخاطب مشركين ہيں _ اس بناپر ( يستجيبوا ...) كے فاعل كى ضمير (من استطعتم) كى طرف لوٹتى ہے _ اس سے يہ معنى حاصل ہوگا _ كہ اے رسولصلى‌الله‌عليه‌وآله‌وسلم مشركين سے كہہ دو كہ اگر كوئي حتى تمہارے معبود بھى اپنى ناتوانى كى وجہ سے قرآن كے مثل لانے كے تمہارے تقاضے كو پورا نہيں كرسكے تو

۲ _ قرآن خداوند متعال كى طرف سے كتاب ہے اور اس كے علم كا ايك جلوہ ہے_فاعلموا انّما انزل بعلم الله

۳ _قرآن كا مثل لانے ہيں ہيں مشركين كا عاجز اور ناتوان ہوجانا واضح اور روشن دليل ہے كہ قرآن خداوند متعال كى طرف سے ہے _ اور اس كا سرچشمہ علم خداوند ى ہے _فالّم يستجيبوا لكم فاعلموا ا نما انزل بعلم الله

۴_ قرآن كے ليے علم الہى كا سرچشمہ ہونا دليل ہے كہ غير خدا اس كے مثل لانے سے عاجز ہے_

فان لم يستجيبوا لكم فاعلموا انما انزل بعلم الله

(فالم يستجيوا لكم فاعلموا ) كا جملہ جہاں علت اثباتى يعنى (قرآن كا خدا كى طرف سے ہونے پر دليل قائم كرنا) كو بيان كررہاہے وہاں علت ثبوتى (يعنى بشر،قرں كى مثل لانے سے عاجزى كے راز و سبب) كى بھى حقانيت كررہاہے_

۵ _ خداوند متعال كے سواء كوئي معبود يكتا نہيں ہے _فاعلموا ا ن لا اله الا هو

۶_ قرآن كى مثل لانے پر عاجز ہونا يہ دليل ہے كہ خدائے لايزا ل يكتاہے _ اور كوئي معبود سوائے اس كے لائق عبادت نہيں ہے _فالم يستجيبوا لكم فاعلموا ا ن لا اله الا هو

(ان لا اله الا هو ) كا جملہ خداوند ذو الجلال كى وحدانيت كو بتانے كے ساتھ ساتھ توحيد عبادى كى ضرورت كو بتاتاہے_ اور ''انما انزل ...'' پر عطف ہے لہذا يہ ''فان لم يستجيبوا'' كے ليے جزائے شرط ہوگا اور يہ اس بات كى طرف اشارہ كرتاہے كہ قرآن كى مثل لانے پر بشر عاجز ہے _ يہ دليل ہے كہ خداوند متعال وحدہ لا شريك ہے _

۷_ قرآن معجزہ اور رسآلت مابصلى‌الله‌عليه‌وآله‌وسلم كى حقانيت پر دليل ہے _ام يقولون افترىه فالم يستجيبوا لكم فاعلموا انّما انزل بعلم الله

۸_خداوند متعال كے سامنے سر تسليم خم ہونا اسلام و توحيد الہى اور قرآن كا خداوند كى طرف سے ہونااس پر اعتقاد ركھنا ضرورى ہے_فالّم يستجيبوا لكم فهل ا نتم مسلمون

جملہ ''فھل ا نتم ...'' ميں استفہام امر اور رغبت دلانے كے ليے بيان كيا گيا ہے يعنى فاسلموا ..._يعنى فاسلموا

۹_تمام مخلوق كا قرآن كى مثل لانے پر عاجز ہونا يہ دليل ہے _ كہ اسلام كو قبول كريں اور خداوند متعال كے سامنے سر تسليم خم ہوجائيں _فالّم يستجيبوا لكم فهل ا نتم مسلمون

مذكورہ معنى اس حرف (فائ) سے ليا گيا ہے _ جس نے جملہ '' ہل انتم ...'' كو جملہ'' فالّم يستجيبوا'' پر تفريع كيا ہے_

۱۰_ خداوند متعال نے مشركين كو قرآن كے خدا كى طرف سے نازل ہونے پر توجہ دلاكر اسلام اور قرآن مجيد پر ايمان لانے كى دعوت دى _فالّم يستجيبوا لكم فاعلموا فهل ا نتم مسلمون

اسلام :اسلام كے قبول كرنے كى اہميت ۸; اسلام كى دعوت ۱۰ ; قبول اسلام كے دلائل ۹

اعداد:دس كا عدد ۱

انسان :انسانوں كا عاجز ہونا ۱ ، ۶ ، ۹

ايمان :اسلام پر ايمان ۱۰ ; قرآن پر ايمان ۱۰

تسليم :خداوند متعال كو تسليم كرنے كى اہميت ۸ ; خداوند متعال كو تسليم كرنے كے دلائل ۹

توحيد :توحيد كو قبول كرنے كى اہميت ۸ ; توحيد عبادى ۵ ; توحيد عبادى كى علامتيں ۶

جھوٹے خدا:جھوٹے خداؤں كا عاجز ہونا۱

خدا:خداوند متعال كى خصوصيات ۵ ; خداوند متعال كا متوجہ كرنا۱۰ ; علم الہى كى نشانياں ۲ ، ۳ ، ۴

قرآن مجيد :قرآن مجيد كے بے مثل و مثال ہونے كے آثار ۶ ، ۹ قرآن مجيد كے وحى خدا ہونے كے آثار ۱۰ ، قرآن كا اعجاز ۱ ; قرآن مجيد كا بے مثل ہونا۱، ۳ ، قرآن مجيد كے بے مثال ہونے پر دلائل ۴ ; قرآن مجيد كا وحى ہونے پر دلائل ۳ ; ۴ قرآن مجيد كا معجزہ ہونا ۷ ; قرآن مجيد كا سرچشمہ ۳ ،۴ ; قرآن مجيد كا وحى ہونا ۲ ، ۸; قرآن مجيد كى خصوصيات ۲ ; قرآن مجيد كے ليے ہم مثل بنانا ۱

محمدصلى‌الله‌عليه‌وآله‌وسلم :محمد مصطفىصلى‌الله‌عليه‌وآله‌وسلم كى حقانيت پر دلائل ۷ ; حضرت محمدصلى‌الله‌عليه‌وآله‌وسلم كا معجزہ ۷

مشركين:مشركين كو دعوت دينا ۱۰ ; مشركين اور قرآن مجيد ۱۰

نظريہ كائنات:كائنات كے بارے ميں توحيدى نظريہ

آیت ۱۵

( مَن كَانَ يُرِيدُ الْحَيَاةَ الدُّنْيَا وَزِينَتَهَا نُوَفِّ إِلَيْهِمْ أَعْمَالَهُمْ فِيهَا وَهُمْ فِيهَا لاَ يُبْخَسُونَ )

جو شخص زندگانى دنيا اور اس كى زينت ہى چاہتا ہے ہم اسكے اعمال كا پورا پورا حساب يہيں كرديتے ہيں اور كسى طرح كى كمى نہيں كرتے ہيں (۱۵)

۱ _ دنيا كى نعمتيں اور اس كى زينت كو حاصل كرنے كيلئے كوشش كرنا اسى دنيا ميں نتيجہ بخش ہے اور اس كا فائدہ بغير كسى كمى كے انسان كو پہنچتاہے_من كان يريد الحياة الدنيا و زينتها نؤف اليهم اعمالهم فيها و هم فيها لا يبخسون

توفية ( نوف) كا مصدر ہے _جو مكمل طور سے ادا كرنے كے معنى ميں ہے _ (اعمال ) سے مراد اعمال كا نتيجہ اور اسكا ثمرہ ہے_(بخس ) نقص كے معنى ميں ہے -(لا يبخسون) كا معنى يہ ہے كہ اس كے حق كى ادائيگى ميں كوئي كمى واقع نہ ہوگي_

۲_ دنياوى نعمتوں كے حصول كے ليے ضرورى نہيں ہے_ كہ انسان خداوند متعال كى نسبت صحيح عقيدہ ركھتا ہو اور دين حق كو صحيح طريقے پر قبول كرتاہو_من يريد الحىوة الدنيا و زينتها نوف اليهم اعمالهم

گذشتہ آيت اور بعد كى آيت سے يہى معلوم ہوتاہے كہ ( من كان ...) كا مصداق كفار اور مشركين ہيں _

۳_ دنياوى نعمتوں كا حصول انسان كى اپنى كوششوں پرمنحصر ہے_ نہ وہ اميديں جو وہ اميديں تہ زن اميدوں پر جو وہ اپنے دل ميں ليے ہوئے ہيں _من كان يريد نوفّ اليهم ا عمالهم

قرآن نے يہ نہيں كہا ( كہ ہر كوئي جو دنيا كى تمنا ركھتاہے _ اسكو ہم عطا كريں گے ) بلكہ لفظ (اعمالہم) صراحت سے يہ بتاتاہے كہ خداوند دنيا كے طالب كو اسكى اپنى كوشش كا ثمرہ عطا كرتاہے_ اس سے معلوم ہوتاہے كہ دنيا كے حصول كے ليے جو چيز كار ساز ہے وہ اس كى اپنى كوشش ہے_

۴ _ كائنات پر خداوند متعال كى حاكميت اور اسكے عوامل

اور اسباب _نوفّ اليهم اعمالهم فيه

يہ واضح بات ہے كہ دنيا كے مادى اسباب انسان كى كوشش كو ثمر آور كرنے ميں مؤثر ہوتے ہيں _ ليكن خداوند متعال اس آيت (نوف اليہم اعمالہم ) كہ ان كى كوشش كا ثمرہ ان كو دوں گا_ اور ثمرہ دينے كى نسبت اپنى طرف دينا يہ دليل ہے كہ كائنات پراسكى حاكميت ہے_

۵ _ حق داروں كو ان كا حق عدل الہى كے مطابق ديا جائيگا_نوف اليهم اعمالهم و هم فيها لايبخسون

۶_ كوششوں كا نتيجہ اور ثمرہ انسان كے اعمال كا پرتو ہے_نوف اليهم ا عمالهم

( اعمال) كے لفظ كا ذكر كرنا اور اس سے نتيجے اور ثمرہ كا ارادہ كرنا_ يہ در حقيقت وہى عمل و كوشش ہے _ جو خود انسان بجالاتاہے_

۷_ انسانوں كى كوشش كو ثمر آور كرنا _ يہ سنت الہى ميں سے ہے _نوفّ اليهم اعمالهم فيها و هم فيها لا يبخسون

۸_ بعثت كے زمانے كے مشركين اپنى دنيا پرستى اور اسكى ظاہرى رونق كے سبب قرآن پر ايمان نہيں لائے اور اسكو پيغمبر اسلام كى طرف سے گھڑا ہوا كلام سمجھا_ام يقولون افترىه _ من كا ن پديد الحياة الدنيا و زينته

مشركين كو توحيد كى دعوت دينے اور واضح دليليں قائم كرنے كے بعد ان كى دنيا پرستى اور ظاہرى چمك دھمك كى طرف انكے ميلان كو بيان كرنا ان اسباب كى طرف اشارہ ہے جن كى وجہ سے مشركين كفر اختيار كرنے پر مصر تھے يعنى قرآن كى حقانيت پر واضح و روشن دليلوں كے موجود ہونے كے باوجود بھى قرآنى حقائق كو مشركين كا قبول نہ كرنا ان كى دنياپرستى پر دليل ہے _

۹_دنياپرستى اور اس كے تجملات توحيد اور رسولصلى‌الله‌عليه‌وآله‌وسلم كى رسالت اور قرآن پر ايمان لانے سے مانع ہيں _

فاعلموا انما انزل بعلم الله و ا ن لا اله الا هو فهل ا نتم مسلمون ، من كان يريد الحى وة الدنيا و زينته

۱۰_ لوگوں كے كام كى اجرت بغير كسى كمى كے دينا ضرورى ہے_نوف اليهم اعمالهم و هم فيها لا يبخسون

( و ہم فيہا لا يبخسون ...) جملہحاليہ اس علت كو بيان كررہا ہے كہ خداوند عالم نے اپنے ليے ضرورى قرار ديا ہے كہ وہ محنت و كوشش كا مكمل اجر عطا كرےگا يعنى كيونكہ يہ مناسب نہيں ہے كہ كسى كے حق كى ادائيگى ميں كمى كى جائے لہذا خداوند عالم انسان كے اعمال كا پورا پورا بدلہ دے گا _

۱۱ _ دنيا ميں نيك اور پسنديدہ اعمال كا ثمر آور ہونا يہ سنت الہى ہے_نوفّ اليهم اعمالهم و هم فيها لا يبخسون

جملہ (نوف اليہم اعمالہم ...) ميں اعمال سے مراد ممكن ہے كہ نيك اعمال ہوں _ مثلاً غربيوں كى سرپرستى كرنا ، مظلوموں كى مدد كرنا ، اور يہ بھى احتمال ہے كہ روزمرہ زندگى كى روزى كى تلاش مراد ہو_ مثلاً تجارت ، صنعت و يہ بھى ممكن ہے _ كہ تمام كام مراد ہوں خورہ وہ نيك اعمال ہوں _ يا متعارف اور رائج اعمال ہوں _ قابل دكر ہے كہ آنے والى آيت (حبط ما ضعوا فيہا و باطل ما كانوا يعملون) تيسرے معنى كى تاييد كرتى ہے _

۱۲ _ نيك اعمال كا اگر مقصد يہ ہو كہ اسكا پھل دنيا ميں ملے _ تو اسكا نتيجہ بھى فقط دنيا ہى ميں پائے گا _

من كان يريد الحياة الدنيا و زينتها نوف اليهم اعمالهم فيه

آرزو:آرزو كا اثر ۳

افتراء:حضرت محمدصلى‌الله‌عليه‌وآله‌وسلم پر بہتان ۸

امكانات مادي:دنياوى آسائشوں كا حصول ۲; دنيا كى آسائشوں كے حصول كش كوشش ; امكانات ہادى كے حصول كے اسباب

ايمان :قرآن مجيد پر ايمان لانے كے موانع ۹ : رسالت مآبصلى‌الله‌عليه‌وآله‌وسلم پر ايمان لانے كے موانع ۹پيدائش مخلوقات كا حاكم :۴

توحيد:توحيد كو قبول كرنے ميں موانع ۹

تجمل پسندى :تجمل پسندى كے آثار ۸ ، ۹

حقوق :حقوق دينے ميں عدالت ۵

خدا:خداوند متعال كى حاكميت ۴ : خدامتعال كى سنتيں ۷، ۱۱; خداوند متعال كى عدالت ۵

دنيا كا حصول :دنيا كے حصول كے آثار ۸ ، ۹

دين :دين ميں نقصان كى پہچان ۹

زينت:دنياوى زينتيں ۱

عقيدہ :عقيدہ كے آثار ۲

عمل :عملكے آثار ۱ ، ۳ ، ۶ ، ۷ ; پسنديدہ عمل كے آثار۱۱ ; پسنديدہ عمل كا دنياميں پھل ۱۲ ;عمل كامجسم ہونا ۶

قرآن :قرآن مجيد كو جھٹلانے كے اسباب ۸

كام :كام كى اجرت كى اہميت ۱۰

مادى اسباب :مادى اسباب كا حاكم۴

مزدور:مزدور كى مزدورى كا ادا كرنا ۱۰

مزدورى :مزدورى دينے ميں عدالت ۱۰

مشركين :صدر اسلام كے مشركين كى بہتان تراشى ۸ ; صدر اسلام كے مشركين كى تجمل پسنديدى ۸ ; صدر اسلام كے مشركين كا دنياوى حصول۸ ; صدر اسلام كے مشركين اور قرآن ۸ ; صدر اسلام كے مشركين اور رسالت مآبصلى‌الله‌عليه‌وآله‌وسلم ۸

آیت ۱۶

( أُوْلَـئِكَ الَّذِينَ لَيْسَ لَهُمْ فِي الآخِرَةِ إِلاَّ النَّارُ وَحَبِطَ مَا صَنَعُواْ فِيهَا وَبَاطِلٌ مَّا كَانُواْ يَعْمَلُونَ )

اور يہى وہ ہيں جن كے لئے آخرت ميں جہنم كے علاوہ كچھ نہيں ہے اور ان كے سارے كاروبار برباد ہوگئي ہيں اور سارے اعمال باطل و بے اثر ہوگئے ہيں (۱۶)

۱ _ دنيا كے طالب كافر جو دنيا كى رونق سے دل لگائے ہوئے ہيں _ آخرت ميں ان كو جہنم كى آگ كے سوا كچھ نہيں ملے گا_

من كان يريد الحياة الدنيا و زينتها اولئك الذين ليس لهم فى الآخرة الا النار

۲ _ آخرت ميں سعادت ، دنيا پرستى اور اسكى رونق سے منہ موڑنے ميں ہے_

من كان يريد الحياة الدنيا اولئك الذين ليس لهم فى الآخرة الا النار

۳ _ دنيا پسند اور اسكى ظاہرى رونق سے دل لگائے ہوئے

لوگوں كے اعمال آخرت ميں ضبط ہوجائيں گے اور خداوند متعال كے نزديك انكى كوئي قيمت نہيں ہے_

اولئك ...و حبط ما صنعوا فيه

(فيہا ) كى ضمير (الحياة الدنيا ) كى طرف لوٹتى ہے _ لفظ ( حبط) كا ظرف ( فى الآخرة) ہے _ جو اس سے پہلے ذكر ہوا ہے _ اصل ميں عبارت يوں ہے _(و حبط فى الآخرة ما ضعوا فى الدنيا ) كيونكہ لفظ (ضيعة) كا معنى نيك عمل ہے _اس وجہ سے (ما ضعوا) كا معنى بھى نيك اعمال ہوں گے_ يعنى محتاجوں كا ہاتھ پكرنا و غيرہ اور (ماكانوا) سے مراد وہ كام ہيں جو روزمرہ كى زندگى كے ليے انسان انجام ديتاہے _ مثلاً تجارت و غيرہ كرنا _

۴ _ اگر دنيا ميں انسان كے اعمال ميں الہى پہلو نہ پايا جاتا ہيں تو آخرت ميں اسكى كوئي قيمت ہوگى اور نہ ثمر آور ہوگا_

اولئك باطل ما كانوا يعملون

۵ _عن امير المؤمنين عليه‌السلام انه قرا '' اولئك الذين ليس لهم فى الآخرة الا النار ثم قال: كيف ا ستطيع الصبر على نار لو قذفت بشررة الى الارض لاحرقت نبتها؟ (۱)

مولا ئے كائنات امير المؤمنين على ابن ابى طالب سے روايت ہے كہ جب حضرتعليه‌السلام نے اس آيت (اولئك الذين ليس لهم فى الآخرة الاالنار ...) كى تلاوت فرمائي تو حضرت نے يہ جملہ فرمايا كہ ميں كس طرح اس آگ كو برداشت كرسكتاہوں جسكى ايك چنگارى اگر زمين پر گر جائے _ تو جو بھى روئے زمين پر اگنے والى چيزيں ہيں ان سب كو جلا دے گي

اہميتيں :اہميت كا معيار ۴

جہنم:آتش جہنم كا ہولناك ہونا۵

دنيا كے طالب :دنيا كے طالب كے پسنديدہ عمل كا بے قيمتى ہونا ۳

دنيا كى طلب:دنيا كى طلب كے آثار ۱ ، ۳

روايت: ۵زہد:زہد كے آثار۲

سعادت:اخروى سعادت كا پيش خيمہ ۲

عمل :آخرت كے ليے عمل كى قيمت ۴ ; عمل كے ضبط ہونے كے اسباب ۳

____________________

۱) امالى صدوق ص ۴۹۶ ح ۷ ، مجلس ۹۰ ، بحار الانوار ج/۴۰ ص ۳۴۶ ح ۲۹_

قيامت :قيامت ميں اعمال كا ضبط ہونا ۳

كفار :كافروں كے ليے جہنم ۱ ; كافر دنيا كے طالب ۱

نيت:نيت كے آثار ۴

آیت ۱۷

( أَفَمَن كَانَ عَلَى بَيِّنَةٍ مِّن رَّبِّهِ وَيَتْلُوهُ شَاهِدٌ مِّنْهُ وَمِن قَبْلِهِ كِتَابُ مُوسَى إَمَاماً وَرَحْمَةً أُوْلَـئِكَ يُؤْمِنُونَ بِهِ وَمَن يَكْفُرْ بِهِ مِنَ الأَحْزَابِ فَالنَّارُ مَوْعِدُهُ فَلاَ تَكُ فِي مِرْيَةٍ مِّنْهُ إِنَّهُ الْحَقُّ مِن رَّبِّكَ وَلَـكِنَّ أَكْثَرَ النَّاسِ لاَ يُؤْمِنُونَ )

كيا جو شخص اپنے رب كى طرف سے كھلے دليل ركھتا ہے اور اس كے پيچھے اس كا گواہ بھى ہے اور اس كے پہلے موسى كى كتاب گواہى دے رہى ہے جو قوم كے لئے پيشوا اور رحمت تھى _ وہ افترا كرے گا بيشك صاحبان ايمان اسى پر ايمان ركھتے ہيں اور جو لوگ اس كا انكار كرتے ہيں ان كا ٹھكانا جہنم ہے تو خبردار تم اس قرآن كى طرف سے شك ميں مبتلا نہ ہونا_ يہ خدا كى طرف سے برحق ہے اگر چہ اكثر لوگ اس پر ايمان نہيں لاتے ہيں (-۱۷)

۱_ انسانوں كے بعض گروہ كا بصيرت الہى سے سرفراز ہونا قرآن مجيد كى حقانيت اور خدا كى طرف سے نازل ہونے كى واضع اور روشن دليل ہے_افمن كان على بينة من ربه

(بينہّ) كا معنى روشن دليل ہے _ اس پر دليل وہ مربوط آيات ہيں جو پہلے ذكر ہوئي ہيں اور جو جملات بعد ميں ذكر ہوئے ہيں _ مثلاً(انه الحق من ربك ) يہ قرآن مجيد كے برحق اور خدا كى طرف سے ہونے كو ثابت كرتے ہيں _ لفظ (من) جملہ (أفمن كان ) ميں مبتداء ہے اور اسكى خبر (كمن ليس كذلك ...) كى مانند شبہ جملہ ہے _ تو معنى يوں ہوگا ( فمن كان ...) تو كيا جو شخص بصيرت الہى سے مالامال ہے وہ قرآن كى حقانيت پر واضح دليل ركھتاہے كيا يہ

اس كى مانند ہے جو اس طرح نہيں ہے_

۲ _ خود قرآن مجيد، اپنے صحيح اور سچے ہونے پر دليل ہے_و يتلوه شاهد منه

(شاہد) سے مراد كيا ہے_ اسميں چند نظريے ہيں ممكن ہے_ جملہ ( و من قبلہ كتاب موسى ) اسكى تائيدكرے كہ شاہد سے مراد خو د قرآن مجيد ہو كيونكہ قرآن مجيد حق اور الہى ہے _ اس آيت كى روشنى ميں كہ (انہ الحق من ربك) (تُلُوّا) مصدر يتلو ہے _ جو پيچھے آنے كے معنى ميں ہے يعنى شاہد كا پيچھے پيچھے آنا _ يہ كناية ہے كہ شاہد تائيد اور مدد كرنے والا ہے _ اور (يتلوہ) كى ضمير '' من '' كى طرف لوٹتى ہے اور '' منہ'' كى ضمير ''ربّ'' كى طرف لوٹتى ہے _ اسى بناپر جملہ (أفمن يتلوہ شاہد منہ) يعنى وہ جو (بيّنہ) كے علاوہ قرآن كى گواہى سے بہرہ مند ہے كيا وہ اس كے مانند ہے جو ايسا نہيں رہے _

۳ _ خداوند متعال كى طرف بصيرت حاصل كرنے والے ، قرآن كى حقانيت اور اسكى راہنمائي اور اس كے گواہ ہونے كو درك كرتے ہيں اور وہ اس بات آگاہ بھى ہيں _أفمن كان على بيّنة من ربه و يتلوه شاهد منه

يہ بات واضح ہے كہ ايمان والے اور بے ايمان مساوى نہيں ہيں _ قرآن مجيد كى روشنى ميں كہ ارشاد ہوتاہے _ (أفمن يتلوہ شاہد منہ) كَمَنْ ليس كذلك تنہا وجود قرآن گواہ نہيں بلكہ قرآن كو سمجھنا اور نہ سمجھنا بھى ان دو گروہ ميں تفريق كا سبب ہے _

۴_ انسان كا بابصيرت اور روشن دل ہونا_ خدا كى ربوبيت كا پرتو ہے _أفمن كان على بينة من ربه

۵_ توريت، قرآن مجيد كى حقانيت پر دليل ہے_و يتلوه من قبله كتاب موسى

(كتاب ) كا لفظ ( شاہد) كے لفظ پر عطف ہے_ اور (قبلہ ) كى ضمير شاہد كى طرف لوٹتى ہے _

۶_ توريت نزول قرآن كى بشارت ديتى ہے_و من قبله كتاب موسى

۷_خداوند متعال كى طرف سے جن كو بصيرت عطا كى گئي ہے وہ توريت كا حقانيت قرآن پر دليل ہونے كو بآسانى سمجھ ليتے ہيں _أفمن كان على بينه من ربه و من قبله كتاب موسى

۸_ توريت وہ كتاب ہے_ جو حضرت موسى عليہ السلام پر نازل ہوئي _و من قبله كتاب موسى

۹_ توريت پيشوا ، لوگوں كى راہنمائي كرنے والى اور لوگوں پر رحمت ك

سبب ہے _و من قبله كتاب موسى اماماً و رحمةً

۱۰_ انسانوں كو چاہيئے كہ آسمانى كتابوں كو اپنا رہبر و راہنما قرار ديں _و من قبله كتاب موسى اماماً و رحمةً

۱۱ _ پيغمبر اسلامصلى‌الله‌عليه‌وآله‌وسلم حقانيت قرآن پر خدا كى طرف سے بصيرت ركھتے تھے_ اور خدا كى طرف سے كتاب الہى ہونے پر گواہ اور توريت كے حقائق سے بھى باخبرتھے_أفمن كان على بينة من ربه و من قبله كتاب موسي

بعض مفسرين نے( من كان على بينة) كا واضح مصداق رسالت مآب كو قرا ر ديا ہے اور اسكى تائيد كے ليے جملہ ( فلا تك ...) كولاتے ہيں _

۱۲ _ وہ لوگ جو خدا كى طرف سے بصيرت ركھتے ہيں _ وہ قرآن پر ايمان لاتے ہيں _

أفمن كان على بينة اولئك يؤمنون به

(بہ ) ضمير كا مرجع گذشتہ آيت كى روشنى سے(ا م يقولون افترائ) اور بعد والى آيات سے قرآن مجيد ہے_

۱۳ _ قرآن كے منكر خواہ كسى بھى فرقے - (يہود ، نصارى ، مشركين ) سے ہوں جہنم كى آگ ميں ڈالے جائيں گے_

و من يكفر به من الاحزاب فالنار موعده

اگر (الا حزاب) ميں الف لام كو عہدى مانيں تو يہ مشركين ، يہود ، اور نصارى كى طرف اشارہ ہوگا_ اور اگر (الف لام) كو استغراقى بھى مانيں تو مذكورہ فرقے اسكا واضع مصداق ہوں گے _

۱۴ _ ہر فرقے كے لوگوں (يہود، نصارى ، مشركين) پر واجب ہے _كہ قرآن پر ايمان لائيں

و من يكفر به من الا حزاب فالنار موعده

۱۵_ قرآن كے صحيح اور سچے ہونے كے بارے ميں كوئي بھى شك و شبہہ ہو تو اسے دل سے نكالنا ضرورى ہے _

فلا تك فى مرية منه

(منہ) كى ضمير سے مراد (قرآن مجيد) ہے _ اور (فلا تك ...) جو فعل مخاطب كا جملہ ہے اس سے ہو ايك انسان مراد ہے_

۱۶_جو بھى قرآن كى صداقت ميں شك و شبھہ كرے گا جہنم كى آگ ميں گرفتار ہوگا _

فالنار موعده فلا تك فى مرية منه

۱۷_خداوند عالم سے بصيرت كى دعاّ قرآن مجيد اور اسميں بيان كيے گئے حقائق پر توجہ اور توريت كا مطالعہ قرآن كى حقانيت كے بارے ميں شك و شبہ است دور كرتے كے اسباب ہيں _يہ مسلم بات ہے كہ شك و شبہہ ،يقين اور علم كى

طرح اسكا تعلق دل سے ہے _ يہ كسى كے امر يا نہى كرنے سے وجود ميں آتے ہيں اور نہ ہى معدوم ہوتے ہيں _پس جملہ ( فلا تك فى مرية منہ ) يعنى قرآن كى حقانيت ميں شك نہ كرو يہ جملہ ارشادى ہے _ يعنى ان چيزوں كو بيان كرتا ہے كہ جس سے شك و شبہہ دور ہوجاتاہے اور وہ وہى حقائق ہيں جو صدر آيات ميں بيان كيے گئے ہيں _

۱۸_ قرآن مكمل طور سے حق ہے اور باطل كےليے اسميں كوئي راستہ نہيں ہے_انه الحق- الف لام جو ( الحق ) ميں ہے تمام صفات كو اپنے اندر ليے ہوئے ہے_ يعنى استغراقى ہے يہ قرآن كے كمال پر دلالت كرتاہے_

۱۹_جب قرآن مجيد خدا كى طرف سے ہے اور باطل كى اس ميں جگہ كوئي نہيں ہے تو اس كے صحيح اور سچا ہونے كے بارے ميں شك و شبھہ كرنا مناسب نہيں ہے_فلا تك فى مرية عندإنه الحق من ربك

جملہ (إنہ الحق من ربك ) يہ -(فلا تك) كے ليے دليل كى مثل ہے _

۲۰_ قرآن مجيد خداوند متعال كى طرف سے كتاب اور اسكى ربوبيت كا ايك جلوہ ہے _إنّه الحق من ربك

۲۱ _ اكثر لوگ قرآن پر ايمان نہيں لائيں گے_و لكن أكثر الناس لا يؤمنون

مذكورہ معنى اسوقت ليا جاسكتاہے كہ لفظ (الناس) كے الف لام كو استغراق فرض كريں _

۲۲_ اكثر لوگ اس بصيرت سے جو حقانيت قرآن كے بارے ميں راہنمائي كرتى ہے بے بہرہ ہيں _

أفمن كان على بيّنة من ربه و لكن اكثرالناس لايؤمنون

۲۳ _ بعثت كے زمانے ميں اكثر لوگوں نے قرآن پر ايمان لانے سے انكار كيا _و لكن اكثر الناس لا يؤمنون

مذكورہ معنى اس صورت ميں ليا جاسكتاہے _ جب (النّاس) كے الف لام كو عہد حضورى مانيں _ تو اس سے ان لوگوں كى طرف اشارہ ہوگا جو سورہ ہود كى آيات كے نزول كے وقت زندگى بسر كررہے تھے_

۲۴_سئل ابوالحسن الرضا عليه‌السلام عن قول الله عزوجل: (أفمن كان على بيّنة من ربّه و يتلوه شاهد منه'' فقال امير المؤمنين صلوات الله عليه الشاهد على رسول الله صلى‌الله‌عليه‌وآله‌وسلم و رسول الله صلى‌الله‌عليه‌وآله‌وسلم على بيّنة من ربّه (۱)

امام رضا عليہ السلام سے اس قول خدا عزوجل كے بارے ميں سوال ہوا(أفمن كان على بيّنة من ربة ...) توحضرت نے فرمايا امير المؤمنين على

____________________

۱) كافى ج۸ ; ص ۲۶ ح ۴ ; نورالثقلين ج/ ۲ ص ۳۴۷ ; ح ۴۷_

ابن ابى طالبعليه‌السلام خدا كادرود و سلام ان پر ہو _ يہ رسول خداصلى‌الله‌عليه‌وآله‌وسلم پر شاہد ہيں اور خود رسول اللهصلى‌الله‌عليه‌وآله‌وسلم خدا كى طرف سے روشن دليل ہيں _

۲۵_عن الحسين بن على عليه‌السلام فى قوله : ( و يتلوه شاهد منه ) قال : الشاهد هو محمد صلى‌الله‌عليه‌وآله‌وسلم (۲)

امام حسين عليہ السلام سے جب اس آيت ( و يتلوہ شاہد منہ ) كے بارے ميں سوال ہوا _ تو فرمايا شاہد سے مراد محمد رسول اللهصلى‌الله‌عليه‌وآله‌وسلم ہيں _

۲۶_''عن ا مير المومنين عليه‌السلام فى قوله تعالى : و من يكفر به من الا حزاب فالنّار موعده'' يعنى الحجود به والعصيان له'' (۱) حضرت امير المؤمنينعليه‌السلام سے روايت ہے _ آيت شريفہ ميں كفر سے مراد انكار اور نافرمانى ہے_

آسمانى كتابيں :آسمانى كتابوں كى اہميت ۱۰ ; آسمانى كتابوں كى راہنمائي ۱۰

اكثريت :جہلا كى اكثريت ۲۲; صدر اسلام ميں لوگوں كى اكثريت كا كفر ۲۳

امام علىعليه‌السلام :امام علىعليه‌السلام كا مقام و منزلت ۲۴

اہل جہنم: ۱۳

ايمان :حقانيت قرآن پر ايمان ۱۵ ; قرن پر ايمان ۱۴ ; قرآن پر ايمان كے اسباب ۱۷

بشارت :نزول قرآن كى بشارت ۶

بصيرت:بصيرت كے آثار ۱۲ ; اہل بصيرت كا ادراك ۷ ; اہل بصيرت ۱۱ ; اہل بصيرت اور توريت ۷ ; اہل بصيرت اور قرآن ۱،۳ ، ۱۲ ; بصيرت كى طرف توجہ كى اہميت ۱۷ ; اہل بصيرت اور ايمان ۱۲ ; بصيرت سے بے بہرہ لوگوں كى اكثريت ۲۲ ; بصيرت كا سبب ۴

توريت:تورات كے مطالعہ كے آثار ۱۷ ; توريت كى بشارتيں ۶; توريت اور قرآن ۵ ، ۶ ; تو ريت كا رحمت ہونا ۹ ; رہبرى اور توريت ۹ ; توريت كى گواہى كو سمجھنا ۷; توريت كى گواہى ۵ ; نزول تورات ۸ ; توريت كى خصوصيات ۸ ، ۹ توريت كى ہدايت كرنا ۹

____________________

۱) كافى ج۸ ; ص ۲۶ ح ۴ ; نورالثقلين ج/ ۲ ص ۳۴۷ ; ح ۴۷_

جھنم :جہنم كے اسباب ۱۶

خدا:ربوبيت خدا كى نشانياں ۴ ، ۲۰

دعا :دعا كے آثار ۱۷

ذكر :ذكر قرآن كے آثار ۱۷; قرآن ميں ذكر كى اہميت۱۷

رحمت:رحمت كے اسباب ۹

قرآن:حقانيت قرآن پر گواہى ۷ ;حقانيت قرآن كى شناخت ; حقانيت قرآن كے گواہ ۲ ، ۵ ، ۱۱ ; حقانيت قرآن ميں شبھہ كو دو ر كرنا ۱۵ ، ۱۷، ۲۲ ; قرآن پر ايمان لانے والے ۱۲ ; قرآن كا (باطل سے ) مبرا و پاك ہونا ۱۸ ; قرآن كا سبب ۲۰ ;قرآن كا كردار ۲ ،۳;قرآن كا وحى ہونا ۲۰ ; قرآن كى اہميت ۱۴ ، ۱۶ ; قرآن كى حقانيت ۱۸ ; قرآن كى حقانيت كے آثار۱۹ ; قرآن كى خصوصيات ۱۸ ; قرآن كى گواہى ۲ ، ۳ ;قرآن كے منكر ۱۳ ، ۲۳ ; قرآن ميں شك كرنے والوں كا انجام ۱۶ ;قرآن ميں شك كے بطلان پر دلائل ۱۹; قرآن ميں وحى كے آثار ۱۹

كفار:كفار كا جہنم ميں جان۱۳

كفر :قرآن كا انكار ۲۱ ;قرآن كے منكر كى سزا ۱۳ ; قرآن كے انكارسے مراد ۲۶

لوگ:لوگ اورقرآن ۲۱ ، ۲۲

محمدصلى‌الله‌عليه‌وآله‌وسلم :رسالت مآب كى بصيرت ۱۱ ; رسالت مآب كے فضائل ۱۱ ; حقانيت رسول خدا پر گواہ ۲۴ ; رسول خدا كى گواہى ۱۱ ،۲۵; رسول خداصلى‌الله‌عليه‌وآله‌وسلم اور توريت ۱۱ ; رسول خدا اور قرآن كى حقانيت ۱۱

مسيح :مسيحوں كے وظائف۱۴; عيسائي جہنم ميں ۱۳

مشكرين :مشركين كے وظائف ۱۴ ; مشركين جہنم ميں ۱۳

موسىعليه‌السلام :كتاب موسى ۸

يہود:يہوديوں كى ذمہ دارياں ۱۴ ; يہودى جہنم ميں ۱۳

آیت ۱۸

( وَمَنْ أَظْلَمُ مِمَّنِ افْتَرَى عَلَى اللّهِ كَذِباً أُوْلَـئِكَ يُعْرَضُونَ عَلَى رَبِّهِمْ وَيَقُولُ الأَشْهَادُ هَـؤُلاء الَّذِينَ كَذَبُواْ عَلَى رَبِّهِمْ أَلاَ لَعْنَةُ اللّهِ عَلَى الظَّالِمِينَ )

اور اس سے بڑا ظالم كون ہے جو اللہ پر جھوٹا الزام لگاتاہے _ يہى وہ لوگ ہيں جو خدا كے سامنے پيش كئے جائيں گے تو سارے گواہ گواہى ديں گے كہ ان لوگوں نے خدا كے بارے ميں غلط بيانى سے كام ليا ہے تو آگاہ ہوجائو كہ ظالمين پر خدا كى لعنت ہے (۱۸)

۱ _ خداوند عالم پر جھوٹ باندھا بہت بڑا ظلم ہے_و من اظلم من افترى على الله كذبا

۲ _ دين ميں بدعت ايجاد كرنا، اپنے خود ساختہ كام كو خدا كے ساتھ نسبت دينا اور اس پر جھوٹ باندھنا، حرام ہے _

و من اظلم ممن اظلم على الله كذبا

۳ _ ظلم و ستم كے مراتب ہيں _و من أظلم ممن افترى على الله كذبا

۴_خداوند عالم كى طرف جھوٹى نسبت دينے والوں كو قيامت كے دن بارگاہ الہى ميں پيش كيا جائے گا_

اولئك يعرضون على ربهم

۵_ خداوند متعال، مخلوقات كا پالنے والا اور ان كے امور كو نظم دينے والا ہے_... على ربّهم

۶_ظالم افراد كو كيفر كردار تك پہنچانا خداوند عالم كى ربوبيت كا ايك جلوہ ہے_اولئك يعرضون على ربهم

۷_ قيامت كے دن ظالموں كى ستمگرى اور افتراء باندھنے والوں كے جھوٹ پر متعدد گواہ شہادت ديں گے_

و يقول الاشهاد هؤلاء الذين كذبوا على ربهم

(اُشہاد) شاہد كى جمع ہے جسكا معنى گواہى ميں دينے والے ہيں _

۸_دنيا ميں انسانوں كے اعمال، خداوند متعال كى طرف سے مقرر كيئے گئے گواہوں كى زير نگرانى ہيں _

يقول الا شهاد هؤلاء الذين كذبوا على ربهم

۹_ اعمال كے گواہ، خدا كے حضور پروردگار عالم پر جھوٹ باندھنے والوں ، كے خلاف گواہى ديں گے _

اولئك يعرضون على ربّهم و يقول الا شهاد هؤلاء الذين كذبوا على ربّهم

۱۰_ قيامت كے دن، ظالم لوگ رحمت الہى سے دور اور لعنت الہى ميں گرفتارہوں گے_الا لعنة على الظالمين

۱۱ _ خدا پر بہتان باندھنے والے افراد، رحمت الہى سے محروم اور لعنت خداميں گرفتار ہوں گے_

هؤلاء الذين كذبوا على ربهم الا لعنة الله على الظالمين

۱۲ _ اعمال كے گواہ، قيامت كے دن ظالموں كى رحمت الہى سے دورى كا اعلان كريں گے_ا لا لعنة الله على الظالمين

۱۳ _ اعمال كے گواہ، قيامت كے دن امور پر مامور ہوں گے _و يقول الاشاهد ...ا لا لعنة الله على الظالمين

۱۴_عن رسول الله صلى‌الله‌عليه‌وآله‌وسلم : ...و ا ما الكافر فيقراء ذنوبه على رؤوس الا شهاد ، ''هؤلاء الذين كذبوا على ربهم الا لعنة الله على الظالمين'' (۱)

رسالت مآبصلى‌الله‌عليه‌وآله‌وسلم سے روايت سے كہ آنحضرتصلى‌الله‌عليه‌وآله‌وسلم نے فرمايا : قيامت كے دن كافروں كے گناہوں كو گواہوں كے سامنے مجمع عام ميں بيان كيا جائے گا_يہى وہ لوگ ہيں جو پروردگارپر جھوٹ باندھتے ہيں خبردار ظالموں پر خدا كى لعنت ہے _

انسان:انسانوں كا مدبر۵

احكام : ۲

بہتان:بہتان باندھنا خدا پر ظلم ہے ۱ ; بہتان كے احكام ۲ ; خدا پر بہتان باندھنے كى حرمت ۲

____________________

۱) الدرالمنثور ج۴ ص ۴۱۳_

بدعت:بدعت حرام ہے ۲; بدعت كے احكام ۲

خدا:پالنے والے كى نشانياں ۶ ; خداوند متعال كى ربوبيت ۵

خدا پربہتان باندھنے والے: ۱۴

بہتان باندھنے والوں پر لعنت ۱۱;بہتان باندھنے والوں كى محروميت۱۱; بہتان باندھنے والوں كے خلاف گواہى ۷،۹ ; قيامت ميں بہتان باندھنے والے ۴

دين :دينى آفات كى پہچان ۲

رحمت :رحمت سے محروم لوگ ۱۰ ، ۱۱ ، ۱۲

روايت :۱۴

ظالمين :ظالموں پر آخرت ميں لعنت ۱۰ ;ظالموں پر لعنت ۱۴ ;ظالموں كا آخرت ميں محروم ہونا ۱۰ ، ۱۲;

ظالموں كى سزا ۶ ; ظالموں كے خلاف گواہى ۷

ظلم :سب سے بڑأظلم ۱ ; ظلم كے درجات ۱ ، ۳

عمل:عمل كے گواہ ۸،۹،۱۲ ، ۱۳ ; عمل كے گواہ اور ظالم لوگ ۱۲ ; گواہوں كا آخرت ميں كردار ۱۳

قيامت :قيامت ميں كام كرنے والے ۱۳ ; قيامت ميں گواہ ۷ ، ۱۲ ، ۱۳

كفار:كفار كا افشا ہونا ۱۴ ; كفار پر لعنت ۱۴

گواہي:خدا كے حضور گواہى ۹

لعنت :لعنت كے مستحقين ۱۰ ، ۱۱ ،۱۴

محرمات : ۲

آیت ۱۹

( الَّذِينَ يَصُدُّونَ عَن سَبِيلِ اللّهِ وَيَبْغُونَهَا عِوَجاً وَهُم بِالآخِرَةِ هُمْ كَافِرُونَ )

جو راہ خدا سے روكتے ہيں اور اس ميں كجى پيدا كرنا چاہتے ہيں اور آخرت كے بارے ميں كفر اور انكار كرنے والے ہيں (۱۹)

۱_ جو لوگوں كو خدا كے راستے( دين اور معارف الہى ) سے روكتے ہيں ، وہ ظالموں ميں سے ہيں _

ألا لعنة الله على الظالمين ، الذين يصدون عن سبيل الله

فعل ( يصدّون) روكنے كے معنى ميں ہے_ اور منہ پھيرنے كے معنى ميں بھى آتاہے_ مذكورہ مطلب پہلے معنى كى بناء پر ہے_

۲ _ خدا كے راستے سے منہ پھيرنے والے ستمگر ہيں _ألا لعنة الله على الظالمين ، الذين يصدون عن سبيل الله

۳ _ جو لوگ دين اور معارف الہى كو قبول نہيں كرتے اور دوسروں كو بھى انہيں قبول كرنے سے روكتے ہيں _ وہ آخرت ميں رحمت الہى سے محروم اور لعنت خدا ميں گرفتار ہوں گے _ألا لعنة الله على الظالمين الذين يصدون عن سبيل الله

۴ _ وہ لوگ جو خدا كے راستے كو ''كجراہ''پيش كرنے كى كوشش كرتے ہيں وہ ظالم ہيں _

ألا لعنة الله على الظالمين، الذين يبغونها عوجا

''يبغونہا عوجا'' يعنى خدا كے راستہ ميں انحراف كى جستجو ميں ہيں _ راہ خدا ميں انحراف كى جستجو كبھى خود اس راستہ ميں انحراف ايجاد كركے اور كبھى اس راستہ كو منحرف ظاہر كرنے كے ذريعہ ہوتى ہے _

مذكورہ مطلب انحراف كى دوسرى قسم پر ناظر ہے_

۵_ خداوند عزوجل كا راستہ (احكام و معارف الہى )ہر قسم كے انحراف اور كجروى سے پاك ہے_و يبغونها عوجا

۶_ وہ لوگ جو دين كو منحرف اور معارف الہى كو غلط بيان كرنے كے در پے ہيں '' وہ ظالم ہيں اور آخرت ميں لعنت الہى ميں گرفتار ہوں گے _ألا لعنة الله على الظالمين ، الذين يبغونها عوجا

۷_ آخرت كے منكر ستم گر، روزقيامت رحمت خداوندى سے محروم ہوں گے_

ألا لعنة الله على الظالمين الذين يصدون عن سبيل الله و هم بالاخرة هم كافرون

۸_ آخرت ميں رحمت الہى سے بہرہ مند ہونا، راہ خدا اور اس كے دين پر گامزن ہونے اور اسكے دين كى پيروى نيز آخرت پر ايمان لانے پر موقوف ہے_ألا لعنة الله على الظالمين الّذين يصدون عن سبيل الله و هم بالاخرة هم الكفرون

۹_ خداوند عالم پر جھوٹ باندھنا، لوگوں كو راہ خدا سے روكنے اور دين الہى ميں كجروى پيدا كرنے كا سبب اور آخرت كے انكار كى علامت ہے_و هم بالا خرة هم كافرون

۱۰ _ دين و معارف الہى كا انكار ، لوگوں كو دين الہى سے روكنا اور اسے كجراہ ظاہر كرنا، آخرت كے انكار كى وجہ سے ہے_

الذين يصدون عن سبيل الله و يبغونها عوجاً و هم بالآخرة هم كافرون

'' وہم بالآخرة ...'' كو جملہ حاليہ اور ماقبل جملات ميں امور كى علت بيان كرنے والا قرار ديا جاسكتاہے_

آخرت:آخرت كے جھٹلانے كے آثار ۷ ،۱۰; آخرت كے منكرين كأظلم ۷ ; آخرت كے منكرين كى محروميت ۷

احكام :احكام كا ( انحرافات ) سے منزہ ہونا ۵

افتراء :خداوند متعال پر بہتان كے آثار ۹

ايمان :آخرت پر ايمان كے آثار ۸

دين :دين سے انحراف كے اسباب ۹ ;دين سے روكنے والوں پر آخرت ميں لعنت ۳ ; دين سے منحرف كرنے والوں كأظلم ۶ ;دين سے منع كرنے والوں كا آخرت ميں محروم ہونا ۳ ;دين سے منع كرنے والوں كأظلم ۱ ;دين سے منع كرنے والے ۱ ;دين سے ممانعت كے آثار ۳ ; دين كا منزہ ہونا ۵ ; دين كو بدنما پيش كرنے كے عوامل ۱۰ ; دين كو جھٹلانے كے اسباب ۱۰ ;دين كو جھٹلانے كے آثار ۳ ; دين كى پيروى كے آثار۸;دين قبول كرنے ميں موانع ۱۰; دينى آفات كى پہچان۹

رحمت :آخرت كى رحمت سے محروم لوگ ۳ ، ۷: اخروى رحمت كے اسباب ۸ ; رحمت سے محروميت كے اسباب ۳

سبيل الله :الله سے اعراض كرنے والوں كأظلم۲; الله كے راستے سے روكنے والوں كأظلم ۱ ;الله كے راستے كا انحراف سے پاك ہونا ۵ ; الله كے راستے كا بدنما جلوہ دكھانے كأظلم ۴; سبيل الله كے موانع ۹

ظالمين : ۱ ، ۲ ، ۴ ، ۶ ،۷

كفار:كافروں پر آخرت ميں لعنت ۳ ; كافروں كا آخرت ميں محروم ہونا ۳

كفر :اخروى علامات كا كفر ۹

لعنت:لعنت اخروى كے مستحقين ۳،۶

آیت ۲۰

( أُولَـئِكَ لَمْ يَكُونُواْ مُعْجِزِينَ فِي الأَرْضِ وَمَا كَانَ لَهُم مِّن دُونِ اللّهِ مِنْ أَوْلِيَاء يُضَاعَفُ لَهُمُ الْعَذَابُ مَا كَانُواْ يَسْتَطِيعُونَ السَّمْعَ وَمَا كَانُواْ يُبْصِرُونَ )

يہ لوگ نہ روئے زمين ميں خدا كو عاجز كرسكتے ہيں اور نہ خدا كے علاوہ ان كا كوئي ناصر و مددگار ہے ان كا عذاب دگنا كرديا جائے گا كہ يہ نہ حق بات سن سكتے تھے اور نہ اس كے منظر عام كو ديكھ سكتے تھے (۲۰)

۱_اہل كفر، كرہ ارض كے كى بھى مقام پر اپنے آپ كو خداوند عالم كى حاكميت سے خارج نہيں كرسكتے ہيں

اولئك لم يكونوا معجزين فى الارض

اعجاز ( معجزين كا مصدر ہے ) اسكا معنى قدرت سے خارج ہوناہے اور اسوجہ سے كہ معجزين كا مفعول لفظ (الله ) ہے، اسكو مدنظر ركھتے ہوئے ، جملہ (اولئك لم يكونوا ...) كا معنى يہ ہوگا _ وہ لوگ (منكرين ) كبھى بھى خداوند متعال كى حاكميت اور دسترس سے خارج نہيں ہوئے_

۲ _ كفار كا كفر اختيار كرنا اور ان كے كرتوت (خداوند متعال پر بہتان باندھنا اور اس كے راستے سے منحرف كرناو غيرہ )يہ سب خداوند عالم كى حاكميت سے خارج نہيں ہيں _و من أظلم ممن افترى على الله كذباً اولئك لم يكونوا معجزين

(اولئك لم يكونوا )كا جملہ ماضى كے معنى ميں ہونا)كہ وہ كبھى بھى حاكميت خدا سے خارج نہيں تھے) اس مطلب كو بيان كر رہا ہے كہ كافروں كا كفر كى طرف رجحان بھى حاكميت خدا كے تحت تھا_

۳_ تمام كائنات پر خداوند عالم حاكميت مطلق ركھتاہے_اولئك لم يكونوا معجزين فى الارض

۴ _ جولوگ قيامت كے منكر ہيں اور وہ جو راہ خداكو انحرافى پيش كرنے كى كوشش كرتے ہيں ان كا دنياوى عذاب ميں گرفتار ہونے كا خطرہ ہے _الذين يبغونها عوجاً و هم بالاخرة هم كافرون اولئك لم يكونوا معجزين فى الارض

۵ _ راہ خدا پر چلنے سے منع كرنے اور خدا پر جھوٹ باندھنے والوں كے ليے عذاب دنياوى ميں گرفتار ہونے كا خطرہ ہے_

و من أظلم ممّن افترى على الله كذباً اولئك لم يكونوا معجزين فى الارض

(اولئك لم يكونوا ...) كا جملہ، عذاب كى تہديد كے ليے كنايہ ہے اور(فى الارض) كا جملہ عذاب كے دنياوى ہونے پر دليل بن سكتاہے_

۶_ فقط الله تعالى ہى انسانوں كا ولى اور سرپرست ہے_و ما كان لهم من دون الله من ا ولياء

۷_ اہل شرك كے كسى خدا ميں بھى يہ طاقت نہيں كہ وہ عذاب الہى ميں گرفتار ہونے والوں كى مدد كرسكے_

و ما كان لهم من دون الله من ا ولياء

۸_ جو لوگ خدا كو ولى نہيں مانتے وہ اپنے آپ كو بے بنياد اور متعدد اولياء كى ولايت ميں گرفتار كرليں گے_

و ماكان لهم من دون الله من اولياء

مذكورہ آيت ميں لفظ ''ولي'' كا ذكر ممكن ہونے كے باوجود ''اوليائ'' جمع كا صيغہ لانا، اس نكتہ كى طرف اشارہ ہے كہ اگر انسان الله كى ولايت كو قبول نہيں كرے گا تو متعدد اولياء كى ولايت ميں گرفتار ہوكر اسے ان اولياء كے سامنے سر تسليم خم كرنا پڑيگا_

۹_ انسانوں كا كفر و شرك كى طرف ميلان نہ تو اس بات پردلالت كررہاہے كہ وہ خداوند عالم كى حاكميت سے مستغنى ہےں اور نہ ہى ان كے ليے غير خدا كى ولايت كو ثابت كررہاہے_اولئك لم يكونوا معجزين فى الارض