امامين حسنين عليهما السلام ثقافتى اور فکر اسلامى - نيٹ ورک

تفسير راہنما جلد ۹

مذكورہ تفسير اس سورہ كى آيت نمبر۷۸(واللّه اخرجكم من بطون ...لعلّكم تشكرون )كہ جس ميں انسانوں كو نعمتيں عطا كرنے كا فلسفہ و مقصد پرودگار كى شكر گذارى بيان كيا گيا ہے كے ساتھ باہمى ربط كو ملحوظ خاطر ركھے ہوئے كى گئي ہے_

۱۴_ مادہ طبيعت كے مناظر ، انسانوں كا خدمت اور ان كے منافع كى خاطر خلق كيے گئے ہيں _

واللّه جعل لكم من بيوتكم ...لعلّكم تسلمون

''لكم'' ميں ''لام'' انتفاع كے ليے اور دونوں آيات ميں تكرار كى صورت ميں اس كا ذكر ہونا ممكن ہے مذكورہ مطلب كو بيان كررہا ہے_

۱۵_ انسان، خداوند عالم كے خاص لطف و كرم اور كائنات ميں ايك خاص مقام و منزلت پر فائز ہے_

واللّه جعل لكم من بيوتكم ...وجعل لكم من الجبال ...لعلّكم تسلمون

۱۶_ انسان كے ليے لباس كى ضرورت ايك دائمى ضرورت ہے اور حيوانى محصولات سے اس كى فراہمى ايك وقتى چيز ہے_ومن اصوافها و ا و بارها و ا شعارها ا ثثاً و متعاً الى حين ...وجعل لكم سربيل تقيكم الحرّ

مذكورہ تفسير اس احتمال كى بناء پر ہے كہ ''الى حين'' كى قيد كا تعلق پشم ، كھال اور بال سے بہر ہ مند ى كے محدود ہونے كے ساتھ ہواور يہ جو مذكورہ اشياء محدود وقت سے مقيّد ہوئي ہيں ليكن ''سرابيل'' جو خاص كے بعد عام كے ذكر ہونے كے عنوان سے ہے كے ليے اس قيد كا ذكر نہيں ہوا ممكن ہے اس سے مذكورہ نكتہ كا استفادہ ہوتا ہو_

۱۷_ انسانوں كى لازم ضروريات كى فراہمى كے بعد ان سے ہدايت و تربيت كى اميد ركھنا، ايك بجا اور مناسب اميد ہے_

واللّه جعل لكم ...لعلّكم تسلمون

مذكورہ تفسير اس بناء پر ہے كہ خداوند عالم نے انسانوں پر اپنى فراواں نعمتوں كا ذكر كرنے كے بعد جملہ''لعلّكم تسلمون'' كو بيان كيا ہے_

۱۸_ خداوند عالم كے سامنے سر تسليم خم ہونا، ايك بلند اور قابل قدر مقام ہے_

واللّه جعل لكم عليكم لعلّكم تسلمون

مذكورہ تفسير اس بات كو مد نظر ركھتے ہوئے ہے كہ انسان كى خلقت اور اس كو انواع و اقسام نعمتوں كى عطا كا مقصد، انسان كا تسليم ہونا ہے_

۱۹_ خداوند عالم كے مقابلہ ميں انسان، سر كشى كے خطرہ سے دوچار ہے_كذالك

كلمہ''لعّل'' كا استعمال جو تو قع اور فقط انتظار كے ليے استعمال ہوتا ہے اس بات كو بيان كررہا ہے كہ اگر خداوند عالم كى فراواں نعمتوں كى طرف توجہ نہ ہوتو اس كے سامنے انسان كا سر تسليم خم ہونا دور كى بات ہے_

آيات خدا:الله تعالى كى آفاقى نشانياں

الله تعالي:الله تعالى كى قدرت كے آثار ۱; الہى نعمات ۲، ۵، ۷ ; الہى نعمات كا وافر ہونا۱۱; خداشناسى كے دلائل ۳،۸; قدرت الہى ۴; متنوع الہى نعمات كا فلسفہ ۱۲

اميدواري:پسنديدہ اميدوارى ۱۷

انسان:انسان كى پناہ گاہ۴،۵; انسان كى دائمى ضرورتيں ۱۶; انسان كى ضروريات كو پورا كرنا۱۰; انسانوں كى عصيان گرى كا خطرہ۱۹; انسان كى كرامت ۱۵; انسان كى مادى ضرورتيں ۱۵; انسان كے مقامات ۱۵; انسان كے منافع ۱۴

پہاڑ:پہاڑ وں كى خلقت۴; پہاڑوں ميں سكونت ۵; پہاڑى پناہ گا ہوں كى اہميت۹

تربيت:تربيت كا زمينہ۱۷

تسليم:خدا كے سامنے تسليم ہونا ۱۳; خدا كے سامنے تسليم ہونے كا زمينہ ۱۱; خدا كے سامنے تسليم ہونے كى اہميت ۱۲، ۱۸; مقام تسليم كى ارزش ۱۸

تعقل:تعقل كى اہميت ۸; سايہ ميں تعقل ۳

چوپائے :چوپايوں كے فوائد۱۶

ذكر:نعمت كے ذكر كے آثار ۱۱

شكر:شكر خدا كى علامات ۱۳

عصيان:خدا كى عصيان كا خطرہ۱۹

لباس:لباس كو تہيہ كرنے كے منابع۱۶

لطف خدا:لطف خداكے شامل حال۱۵

مادى امكانات :مادى امكانات سے استفادہ ۱۴; مادى امكانات كا فلسفہ۱۴

مسكن:مسكن كى اہميت ۹

نعمت:اتمام نعمت۱۰; پہاڑوں كى نعمت ۵; سايہ كى نعمت۲; لباس كى نعمت ۷

نيازمندى :ضرورى حاجتوں كو پورا كرنے كى اہميت ۱۷; لباس كى ضرورت ۱۶

ہدايت:ہدايت كا زمينہ۱۷

آیت ۸۲

( فَإِن تَوَلَّوْاْ فَإِنَّمَا عَلَيْكَ الْبَلاَغُ الْمُبِينُ )

پھر اس كے بعد بھى اگر يہ ظالم منھ پھير ليں تو آپ كا كام صرف واضح پيغام كا پہنچا دينا ہے اور بس _

۱_ كفارپرآيات الہى كو واضح كرنے كے بعد آنحضرتصلى‌الله‌عليه‌وآله‌وسلم كى دعوت سے ان كى روگردانى كے سلسلہ ميں پيغمبر اكرمصلى‌الله‌عليه‌وآله‌وسلم كى كوئي ذمہ دارى نہيں تھي_فان تو لّو ا فانّما عليك البلغ المبين

۲_ پيغمبر اكرمصلى‌الله‌عليه‌وآله‌وسلم كا وظيفہ فقط انسانوں تك الہى پيغام پہنچانا تھا نہ كہ لوگوں كو اس پيغام كو قبول كرنے پر مجبور كرنا _

فانّما عليك البلغ المبين

مذكورہ آيت ميں ''فانّما عليك'' كى حصر اضافى حصر ہے اور اجبار و كراہت كى نسبت مطابقت ركھتى ہے _

۳_ پيغمبر اكرمصلى‌الله‌عليه‌وآله‌وسلم كا وظيفہ ہے كہ وہ دين كى تبليغ كے سلسلہ ميں واضح اور ر وشن مفاہيم كا استعمال كريں _

فانّما عليك البلغ المبين

''بلاغ'' كا معنى تبليغ اور پيغام كا پہنچانا ہے اس كى ''المبين''''واضح اور آشكار'' سے توصيف، مذكورہ مطلب كو بيان كررہى ہے_

۴_ تبليغ دين كے سلسلہ ميں واضح اور روشن مفاہيم اور مطالب سے استفادہ كرنا ضرورى ہے_

فانّما عليك البلغ المبين

۵_ فقط لوگوں كى دينى رہبروں سے روگردانى كى وجہ سے پيغمبر اكرمصلى‌الله‌عليه‌وآله‌وسلم اور دينى راہنماؤں سے ابلاغ دين كے وظيفہ كا سلب نہ ہونا _فان تولّوا فانّما عليك البلغ المبين

مذكورہ تفسيركا اس احتمال كى بناء پر استفادہ ہوتا ہے كہ اس آيت كا معنى اس طرح ہو كہ اگر لوگ روگردانى كريں تو تم اپنى ذمہ دراى كو تر ك نہ كرو بلكہ اس طرح الہى پيغام كے ابلاغ كى كوشش كرتے رہو_قابل ذكر ہے كہ''فانما عليك''كے جملے كا اسميہ كى صورت ميں آنا جو كہ استمرار پر دلالت كرتا ہے اسى مطلب پر مويّد ہے_

۶_ خداوند عالم كا حق قبول نہ كرنے والوں كى روگردانى كى وجہ سے پيغمبر اكرمصلى‌الله‌عليه‌وآله‌وسلم كى پريشانى پر انہيں تسلّى دينا _

فان تولّوا فانّما عليك البلغ المبين

۷_ حق اور دينى حقائق كے واضح اور روشن ہونے كے باوجود ان سے انسان كى روگردانى ممكن ہے_

فان تولّوا فانّما عليك البلغ المبين

۸_ زندگى كے مختلف شعبوں ميں الہى نعمتوں كا بيان 'بلاغ مبين'' (روشن اور واضح دين كا بيان ) كا مصداق ہے _

والله جعل لكم ممّا خلق ظلالاً ...كذالك يتّم نعمة عليك لعلّكم تسلمون ...فإنما عليك البلغ المبين

گذشتہ آيات ميں خداوند عالم كى مختلف نعمات بيان ہوئي ہيں آخر ميں يہ اشارہ ہوا ہے كہ ان نعمتوں كے بيان كا مقصد انسانوں كا خدا كے سامنے سر تسليم خم ہونا ہے اور اگر لوگ رو گردانى كريں تو اس روشن بيان (نعمتوں كا بيان ) كے علاوہ كو ئي ذمہ دارى نہيں ہے_

آيات خدا:آيات خداكو بيان كرنا ۱

الله تعالي:الله تعالى كى نعمات كا بيان ۸

تبليغ:تبليغ ميں صراحت۳،۴

جبر و اختيار:۲

حق:حق سے منہ پھيرنا ۷;حق كو قبول نہ كرنے والوں كا اعراض۶

دين:تبليغ دين كى اہميت ۵; تبليغ دين كى روش ۳،۴; تبليغ دين ميں استقامت ۵،۸; دين سے منہ پھيرنا۷; دين كو بيان كرنے كى روش_۸;دين ميں اكراہ كى نفي۲

دينى رہبر:دينى رہبروں كى ذمہ داري۵

كفار:كافروں كا منہ پھير نا۱

محمدصلى‌الله‌عليه‌وآله‌وسلم :حضرت محمدصلى‌الله‌عليه‌وآله‌وسلم سے اعراض۱; حضرت محمدصلى‌الله‌عليه‌وآله‌وسلم كو دلدارى ۶; حضرت محمدصلى‌الله‌عليه‌وآله‌وسلم كى تبليغ ۲،۳; حضرت محمدصلى‌الله‌عليه‌وآله‌وسلم كى ذمہ داري۳،۵; حضرت محمدصلى‌الله‌عليه‌وآله‌وسلم كى ذمہ دارى كى حدود ۱،۲

آیت ۸۳

( يَعْرِفُونَ نِعْمَتَ اللّهِ ثُمَّ يُنكِرُونَهَا وَأَكْثَرُهُمُ الْكَافِرُونَ )

يہ لوگ اللہ كى نعمت كو پہچانتے ہيں اور پھر انكار كرتے ہيں اور ان كى اكثريت كافر ہے _

۱_ مشركين ،الہى نعمتوں كى شناخت كے باوجود ان كا عملى طور پر انكار كرتے ہيں اور ناشكرى كى راہ اختيار كرتے ہيں _

يعرفون نعمت الله ثم ينكرو نه

اس آيت ميں انكار، معرفت اور شناخت كے مقابلہ ميں قرار پايا ہے جس سے معلوم ہوتا ہے كہ نعمت كے انكار سے مراد عملى انكار ہے نہ كہ اعتقادى _

۲_ صدراسلام كے اكثر مشركين نے الہى نعمتوں سے آگاہى كے باو جود نا شكرى كے راستہ كو اختيار كيا اور كافر ہوئے_

يعرفون نعمت الله ثم ينكرونها و اكثر هم الكافرون

۳_ صدر اسلام كے اكثر مشركين نے الہى نعمتوں كا عملاً انكار كرنے كے علاوہ زبانى طور پر بھى كفر اختيار كيا_

يعرفون نعمت الله ثم ينكرونها و اكثر هم الكافرون

الہى نعمتوں كا انكار اور نا شكرى يا زبان كے ساتھ ہے يا عمل كے ذريعہ جملہ''ثم ينكرونها ''عملى كفران نعمت اور جملہ''اكثرهم الكافرون'' زبانى طور پر نا شكرى كو بيان كررہا ہے_

۴_ الہى نعمتوں كا اكثر انكار كرنے والے، كفر كا مجسمہ كامل اور مصداق ہيں _يعرفون نعمت الله ...واكثر هم الكافرون

مذكورہ تفسير اس نكتہ كى بناء پر ہے كہ ''ہم'' كى ضمير ''يعرفون'' كے فاعل كى طرف لوٹ رہى ہواور ''الكافرون'' ميں ''الف و لام'' استغراق(عموميت) كے ليے ہو_

الله تعالي:الله تعالى كى نعمتوں كى تكذيب كرنے والے ۱،۳; الله تعالى كى تكذيب كرنے والوں كى اكثريت ۴; الہى نعمتوں كى تكذيب كرنے والوں كا كفر۴

كفار:۲،۳،۴

مشركين:صدر اسلام كے مشركين كا كفر ۲،۳; صدر اسلام كے مشركين كا كفران۲،۳; صدراسلام ميں مشركين كى اكثريت۳; مشركين كا كفر۱; مشركين كى لجاجت۱

آیت ۸۴

( وَيَوْمَ نَبْعَثُ مِن كُلِّ أُمَّةٍ شَهِيداً ثُمَّ لاَ يُؤْذَنُ لِلَّذِينَ كَفَرُواْ وَلاَ هُمْ يُسْتَعْتَبُونَ )

اور قيامت كے دن ہم ہر امت ميں سے ايك گواہ لائيں گے اور اس كے بعد كافروں كو كسى طرح كى اجازت نہ دى جائے گى اور نہ ان كا عذر ہى سناجائے گا _

۱_ روز قيامت ہر امت ميں سے ايك فرد گواہ اورشاہد كے عنوان سے مبعوث ہوگا_ويوم نبعث من كل امّة: شهيد

۲_ خداوند عالم نے انسانوں كو قيامت يا د كرنے كى تاكيد كى ہے_ويوم نبعث من كل امّة شهيد

مذكورہ تفسير اس نكتہ پر موقوف ہے كہ ''يوم '' ظرف تقدير ميں ''ذكر'' يا''اذكروا'' كےمتعلق ہو_

۳_ روز قيامت تمام زمانوں كے متعلق ہر امت ميں سے ايك فرد شاہد اور گواہ كے عنوان سے حاضر ہوگا_ويوم نبعث من كل امة شهيد

ہر امت كے ايك گواہ كا حاضر ہونا ممكن ہے اس صورت ميں ہو كہ ہر زمانہ اور نسل سے متعلق تمام امتوں ميں سے ايك شخص گواہ كے عنوان سے روز قيامت حاضر ہوگا اس بناء پر نسلوں اور زمانوں كى تعداد كے مطابق گواہ ، گواہى ديں گے_

۴_ ہر زمانہ ميں تمام امتوں ميں سے خدا كى جانب سے افراد، لوگوں كے اعمال پر نظارت ركھتے ہيں _

ويوم نبعث من كل امة شهيد

مذكورہ تفسير اس نكتہ كى بناء پر ہے كہ نظارت ركھنا گواہى دينے كا لازمہ ہے كيونكہ جب تك كسى چيز پر نظارت نہ كى جائے اس كے متعلق گواہى دينا ممكن نہيں ہوگا_

۵_ قيامت ، تمام انسانوں كے اعمال و كردار اور حقيقت كے ظاہر ہونے كا دن ہے_ويوم نبعث من كل امة شهيد

مذكورہ تفسير اس ليے ہے كہ گواہوں كى گواہى دينے كے ذريعہ انسانوں كے اعمال، كردار و غيرہ جو روز قيامت تك پنہاں ہوں گے سے پردہ چاك كرديا جائے گا_

۶_ قيامت كے دن اپنى امت كے اعمال پر گواہى دينے والے اپنى امت كے بہترين اور ممتاز افراد ہيں _

ويوم نبعث من كل امة شهيد

ہر امت ميں سے گواہ و شاہد كا انتخاب اس چيز كو بيان كررہا ہے كہ وہ گواہ امت كے بہترين اور ممتاز افراد ہوں گے كيوں كہ اگر ان كا تعلق بھى گناہ گار افراد سے ہواور ان كے اعمال پر كوئي دوسرا گروہ شاہد ہو تو گواہى دينے كے ليے ان كا انتخاب لغو اور بے ہودہ قرار پائے گا_

۷_ ہر زمانے اور عصر ميں گناہ و خطا سے محفوظ اور صالح انسان موجود ہوتا ہے_ويوم نبعث من كل امّة شهيد

۸_ روز قيامت امت كے گواہوں اور شاہد كے حضور كے وقت كفار كو بات اور معذرت كرنے كى اجازت نہيں ہوگي_

ويوم نبعث من كل امّة شهيداً ثم لا يوذن للذين كفروا

۹_ روز قيامت گواہوں كے پيش ہونے سے كفار كے ليے اپنا دفاع كرنے كى مہلت ختم ہوجائے گي_

ويوم نبعث من كل امّة شهيداً ثم لا يوذن للذين كفروا

كلمہ''ثم'' جو ترتيب كے ليے ہے ممكن ہے اس نكتہ كى طرف اشارہ ہو كہ گواہوں كے پيش ہونے كے بعد او ر نہ اس سے پہلے كفار كوا جازت نہيں ہوگي_

۱۰_ قيامت كى عدالت ميں كفار كى محكوميت گواہوں كى شہادت كے ذريعہ ہوگي_

ويوم نبعث من كل امّة شهيداً ثم لا يوذن للذين كفروا

۱۱_ قيامت ميں گواہوں كى شہادت ناقابل خدشہ اور رد نہيں كى جاسكتى ہے_ويوم نبعث من كل امّة شهيداً ثم لا يوذن

للذين كفروا

۱۲_ روز قيامت كفار پر خداوند عالم كى رضايت كو جلب كرنے كے تمام راستے مسدود ہوجائيں گے_

ثم لا يوذن للذين كفروا ولا هم يستعتبون

''استعتاب''( يستعتبون) كا مصدر ہے جس كا معنى برائي كرنے والے سے بد كارى سے بازگشت كى در خواست اور جس كے ساتھ برائي ہوئي ہے اس كى جلب رضايت كرنا ہے اس بناء پر جملہ''ولا هم يستعتبون'' كا معنى يہ ہوگا كہ ان يہ نہيں كہا جائے گا كہ وہ عذر خواہى كريں يا خدا كى رضايت جلب كرنے كے ليے كوئي اقدام كريں _

امتيں :امتوں كے برگزيدہ ۶; امتوں كے صلحاء ۷; امتوں كے گواہ۱،۲،۳،۴،۶،۸،۹; امتوں كے معصوم۷

خدا:خدا كى تاكيديں _۲

ذكر :قيامت كے ذكر كى اہميت۲

عمل:گواہوں كا عمل ۴;گواہوں كے عمل كا برگزيدہ ہونا ۶

قيامت:قيامت كى خصوصيات ۵; قيامت ميں حقائق كا ظہور۵; قيامت ميں گواہ ۱،۳،۶،۸،۹; قيامت ميں گواہى ۱۱; قيامت ميں گواہى كا قبول ہونا ۱۱; قيامت ميں گواہى كى خصوصيات۱۱

كفار:قيامت ميں كفار۱۲; كفار اور خداوند عالم كى جلب رضايت ۱۲;كفار كى آخرى مہلت۹; كفار كى اخروى مذمت ۱۰; كفار كى اخروى معذرت۸

معصومين:۷

آیت ۸۵

( وَإِذَا رَأى الَّذِينَ ظَلَمُواْ الْعَذَابَ فَلاَ يُخَفَّفُ عَنْهُمْ وَلاَ هُمْ يُنظَرُونَ )

اور جب ظالمين عذاب كو ديكھ ليں گے تو پھر اس ميں كوئي تخفيف نہ ہوگى اور نہ انھيں كسى قسم كى مہلّت دى جائے گئي _

۱_ ظالم افراد اپنے عذاب كے حتمى ہونے كے بعد ذرہ بھر رعايت اور مہلت سے محروم ہوں گے _

وإذا را الذين ظلموا العذاب فلا يخففّ عنهم

اس آيت ميں ''رويت''سے مراد آنكھ سے ديكھنا نہيں ہے بلكہ اس كا كفائي معنى مراد ہے يعنى عذاب كاحتمى ہونا _

۲_ كافر، ظالم افراد ہيں _لا يوذن كفروا ...وإذا رأ الذين ظلموا العذاب

۳_ ظلم ، عظيم اور ناقابل بخشش گناہ اور انسان كے اخروى عذاب ميں مبتلا ء ہونے كا سبب ہے _

وإذا راء الذين ظلموا العذاب

مذكورہ تفسير اس نكتہ كى بناء پر ہے كہ با وجود اس كے كہ آيت قيامت كے دن كفار كى حالت بيان كرنے كے سلسلہ ميں ہے ليكن انہيں ظالم افراد سے توصيف كيا ہے اور وصف علت كو بيان كررہا ہے قابل ذكر ہے كہ اخروى عذاب كا وعدہ اس كے عظيم اور ناقابل معافى ہونے كو بيان كررہا ہے_

۴_ ظالم كفار ، عذاب الہى كا مشاہدہ اور سزا كے حتمى ہونے كے بعد اپنى سزا ميں رعايت اور تاخير كے خواہشمند ہوں گے_

فلا يخففّ عنهم العذاب ولا هم ينظرون

ظالموں كو عذا ب ميں رعايت اور مہلت نہ دينے كے بارے ميں الہى تذكر اس بات كى طرف اشارہ ہے كہ وہ رعايت اور مہلت طلب كرنے كے خواہش مندہوں گے_

ظالم:عذاب كے وقت ظالم ۴; ظالموں كے عذاب كا حتمى ہونا ۱

ظلم:ظلم كا گناہ ہونا ۳; ظلم كے آثار ۳

عذاب:اخروى عذاب كے اسباب۳; عذاب كى تخفيف كى در خواست۴

كفار:عذاب كے وقت كفار ۴;كفار كا ظلم۲; ظالم كفار كا مہلت طلب كرنا۴; ظالم كفار كى خواہشات ۴

گناہ:گناہ كے آثار۳; ناقابل معافى گناہ۳

گناہ كبيرہ:۳

آیت ۸۶

( وَإِذَا رَأى الَّذِينَ أَشْرَكُواْ شُرَكَاءهُمْ قَالُواْ رَبَّنَا هَـؤُلاء شُرَكَآؤُنَا الَّذِينَ كُنَّا نَدْعُوْ مِن دُونِكَ فَألْقَوْا إِلَيْهِمُ الْقَوْلَ إِنَّكُمْ لَكَاذِبُونَ )

اور جب مشركين اپنے شركاء كو ديكھيں گے تو كہيں گے پروردگار يہى ہمارے شركاء تھے جنھيں ہم تجھے چھوڑكر پكارا كرتے تھے پھر وہ شركاء اس بات كو انھيں كى طرف پھينك ديں گے كہ تم لوگ بالكل جھوٹے ہو _

۱_ مشركين روز قيامت اپنے جھوٹے معبودوں كا سامنا كرتے وقت ان سے نزاع پر اترآئيں گے _

وإذا را الذين اشركوا شركاء هم قالوا ربّنا هؤلائ شركاؤن

۲_ روز قيامت مشركين ، خداوند عالم سے تكلم كريں گے اور اپنے معبودوں كى شكايت كريں گے_قالوا ربّنا هوء لاء شركاؤن

جملہ''فالقوا اليهم القول '' ممكن ہے اس

بات پر قرينہ ہو كہ مشركين كى بات ( قالوا ...) شكايت كے عنوان سے ادا ہوگي_

۳_ قيامت كے دن مشركين ،خداوحدہ كى ربوبيت كا اقرار كريں گے_قالوا ربّنا هو لاء شركاء ن

۴_ قيامت كے دن مشركين اپنے دائمى شرك كے گناہ اور غلط ہونے كا عتراف كريں گے_

هولاء شركا ء نا الذين كنّا ندعوا من دونك

۵_ قيامت كے دن مشركين كى يہ كوشش ہوگى كہ وہ اپنى گمراہى كے سلسلہ ميں اپنے معبودوں كے جھوٹ كو دخيل قرار ديں _وإذا رأ الذين اشركوا شركاهم قالوا ربّنا هولاء شركائْ نا الذين كنّا ندعوا من دونك

مذكورہ تفسير اس احتمال كى بناء پر ہے كہ مشركين كا اپنے جھوٹے معبودوں كى نشاندہى كرنے كى غرض اپنے گناہ كے بوجھ كو كم كرنا اور اسے اپنے معبودوں كے دوش پر لادنا ہو_

۶_ قيامت كے دن مشركين كا خداوند عالم كے ليے معبودوں كو شريك قرا ر دينے كا دعوى ،خود معبودوں كى طرف سے جھوٹا قرار ديا جائے گا_فالقوا اليهم القول انّكم لكازبون

قيامت كے دن مشركين كااپنے معبودوں سے شكوہ (قالوا هؤلائ ...) ممكن ہے اس وجہ سے ہو كہ وہ معبودوں كو اپنى گمراہى كا سبب قرار ديں گے اس بنا پر معبودوں كى تكذيب ممكن ہے اسى دعوى سے متعلق ہو_

اقرار:ربوبيت خدا كا اقرار۳; گناہ كا اقرار۴

باطل معبود:باطل معبودوں كا كردار۵; باطل معبودوں كى تكذيب۶; باطل معبودوں كى شكايت۲; باطل معبودوں كے ساتھ نزاع_۱

مشركين:قيامت ميں مشركين ۵،۶; مشركين اور باطل معبود۱; مشركين كا اخروى اقرار ۳،۴; مشركين كا اخروى نزاع ۱; مشركين كا خدا سے كلام ۲; مشركين كى اخروى شكايت ۲; مشركين كى اخروى كوشش ۵; مشركين كى گمراہى كے اسباب۵; مشركين كے دعوى كى تكذيب۶

آیت ۸۷

( وَأَلْقَوْاْ إِلَى اللّهِ يَوْمَئِذٍ السَّلَمَ وَضَلَّ عَنْهُم مَّا كَانُواْ يَفْتَرُونَ )

اور پھر اس دن اللہ كى بارگاہ ميں اطاعت كى پيشكش كريں گے اور جن باتوں كا افترا كيا كرتے تھے وہ سب غائب اور بے كار ہوجائيں گى _

۱_ روز قيامت مشركين خداوند عالم كے حضور اپنے تسليم ہونے كے مراتب كا اظہار كريں گے _

وإذا راء الذين ا شركوا ...وا لقوا الى الله يومئذ: السّلم

۲_ مشركين ، فقط قيامت كے دن اور مجبورى كے بعد تسليم خم ہوں گے_وا لقوا الى اللّه يومئذ السّلم

يہ بات مخفى نہ رہے كہ مشركين دنيا ميں كبھى بھى فرمان خدا كے سامنے سر تسليم خم نہ تھے_

(يعرفون نعمت الله ثم ينكرو نها ...) اس بناء پر اظہار تسليم كو''يومئذ'' ( اس دن) كے ساتھ مقيّد كرنا مذكورہ تفسير كو بيان كرر ہا ہے_

۳_ قيامت كے دن مشركين ، خداوند عالم كا شريك قرار دينے والے اپنے خود ساختہ جھوٹے خداؤں كو نہيں پائيں گے_

وضلّ عنهم ما كانوا يفترون

۴_ شرك، جھوٹ سے كام لينا اورشرك آلو نظريات ، باطل اور بے بنياد ہيں _

وإذا رء الذين اشركوا ...وضلّ عنهم ماكانوا يفترون

شرك:شرك كا بے منطق ہونا ۴

مشركين:قيامت ميں مشركين۱،۲; مشركين كا آخرت ميں تسليم ہونا ۱،۲; مشركين كى آخرت ميں ناكامي۳; مشركين كى افتراء بازى ۳; مشركين كى فكر۳

آیت ۸۸

( الَّذِينَ كَفَرُواْ وَصَدُّواْ عَن سَبِيلِ اللّهِ زِدْنَاهُمْ عَذَاباً فَوْقَ الْعَذَابِ بِمَا كَانُواْ يُفْسِدُونَ )

جن لوگوں نے كفر اختيار كيا اور راہ خدا ميں ركاوٹ پيدا كى ہم نے ان كے عذاب ميں مزيد اضافہ كرديا كہ يہ لوگ فسادبرپا كيا كرتے تھے_

۱_راہ خدا كو مسدود كرنے والے كفار ،دوسرے كفار كى نسبت عظيم عذاب سے دوچار ہيں _

الذين كفروا وصّد وا عن سبيل الله زدنهم عذاباً فوق العذاب

۲_ معارف اور آسمانى اديان كے قوانين ، ''سبيل الله '' كا مظہر ہيں _الذين كفروا و صدّوا عن سبيل اللّه

۳_ دين الہى كى ترويج سے روكنا ،فساد بر پا كرنا ہے اور راہ خدا مسدود كرنےوالے مفسد ہيں _

الذين كفروا و صدّوا عن سبيل الله ...بما كانوايفسدون

۴_ معاشرہ ميں فساد كو ترويج دينے كى سزا فساد سے آلودہ ہونے سے زيادہ ہے_

الذين كفروا وصّدوا عن سبيل الله زدنهم عذاباً فوق العذاب بما كانوا يفسدون

۵_ الہى اديان ، انسانى معاشرہ كو خير و بھلائي فراہم كرنے كے ليے ہيں _الذين كفروا ...بما كانوا يفسدون

''افساد '' كے بازگشت كا معنى يہ ہے كہ انسان خير كو ختم كردے يا اس كے تحقق كے ليے ركاوٹ بنے اس بناء پر الہى اديان كى مفسدين كے ساتھ جنگ در حقيقت معاشرہ ميں خير و صلاح سے دفاع ہے_

۶_ الہى اديان كے نفوذ كے ليے ركاوٹ بننا اور بے دينى كى ترويج، معاشرہ ميں فساد اور تباہ كار ى كے رائج ہونے كا پيش خيمہ ہے_الذين وكفروا صدّوا عن سبيل الله ...بما كانوا يفسدون

۷_ كفار كا عذاب، ان كے اعمال اور فساد كے لحاظ سے متفاوت ہے_زدنهم عذاباً ...بما كانوا يفسدون

۸_ كفار كا اخروى عذاب، خو د ان كے مسلسل فساد پھيلانے كا نتيجہ ہے_زدنهم عذاباً ...بما كانوا يفسدون

۹_''ان النبي'' سئل عن فوق الله ''زدنا هم عذاباً فوق العذاب''قال: عقارب ا مثال النخل الطوال ينهشو نهم فى جهنّم (۱)

رسول خدا سے خداوند عالم كے اس قول ''زدنہم فوق العذاب'' كے بارے ميں سوال ہوا تو آنحضرتصلى‌الله‌عليه‌وآله‌وسلم نے فرمايا ( عذاب زيادہ ہونا) كجھور كے بلند درختوں كى مانند بچھوہيں جو جہنم ميں جہنميوں كو ڈسے _

۱۰_''عن النبي صلى‌الله‌عليه‌وآله‌وسلم ''قال : الزيادة خمسة ا نهار تجرى من تحت العرش على رؤس من اهل النار فذلك قوله :''زدناهم عذاباً فوق العذاب ...'' (۲)

رسول خداصلى‌الله‌عليه‌وآله‌وسلم سے روايت نقل ہوئي ہے كہ آپصلى‌الله‌عليه‌وآله‌وسلم نے فرمايا : عذاب كا اضافہ پانچ نہريں ہيں جو عرش كے نيچے سے اہل جہنم پر جارى ہوں گى ...اور خداوند عالم كے اس قول''زدنهم عذاباً فوق العذاب'' سے يہى مراد ہے_

اديان:اديان كا كردار ۵; اديان كى تعليمات ۲; اديان كے قوانين۲

بے ديني:بے دينى كے آثار۶

جرم:جرم كا زمينہ۶

دين:دين كے پھيلاؤ كى ممانعت ۳،۶

روايت:۹،۱۰

سبيل الله :سبيل الله سے روكنے والوں كا عذاب۱; سبيل الله

____________________

۱)الدر المنشور ،ج۵،ص۱۵۷_

۲) الدر المنشور ،ج۵،ص ۱۵۸_

سے روكنے والوں كا فساد كرنا۳; سبيل الله كے موارد۲

سزا:سزا كا نظام۷; سزا كے مراتب۴; گناہ كى مناسبت سے سزا۴

عذاب:عذاب كے مراتب۱،۷،۹،۱۰

فساد:سماجى فساد كا زمينہ ۶; فساد پھيلانے كى سزا ۴;فساد كى سزا ۴

فساد پھيلا نا:فساد پھيلا نے كے موارد ۳

كفار:كفار كا فساد پھيلانا ۷; كفار كے اخروى عذاب كے اسباب۸; كفار كے عذاب ۱; كفار كے فساد پھيلانے كے آثار ۸

مفسد:۳

معاشرہ:معاشرہ كى اجتماعى آسيب شناسي۶; معاشرہ كے اجتماعى مصالح كو پورا كرنا۵

آیت ۸۹

( وَيَوْمَ نَبْعَثُ فِي كُلِّ أُمَّةٍ شَهِيداً عَلَيْهِم مِّنْ أَنفُسِهِمْ وَجِئْنَا بِكَ شَهِيداً عَلَى هَـؤُلاء وَنَزَّلْنَا عَلَيْكَ الْكِتَابَ تِبْيَاناً لِّكُلِّ شَيْءٍ وَهُدًى وَرَحْمَةً وَبُشْرَى لِلْمُسْلِمِينَ )

اور قيامت كے دن ہم ہر گروہ كے خلاف انھيں ميں سے ايك گواہ اٹھائيں گے اور پيغمبر آپ كو ان سب كا گواہ بناكر لے آئيں گے اور ہم نے آپ پر كتاب نازل كى ہے جس ميں ہر شے كى وضاحت موجود ہے اور يہ كتاب اطاعت گذاروں كے لئے ہدايت، رحمت اور بشارت ہے _

۱_ انسان كى ذمہ دارى ہے كہ وہ ہرزمانہ ميں اپنے اعمال پر الہى گواہوں كى نظارت كى طرف متوجہ رہے

ويوم نبعث فى كلّ ا مّة شهيدا

چند آيات كے ضمن ميں ''يوم نبعث '' كے مضمون كا تكرار نيز''اذكر'' يا ''اذكروا'' كا تقدير ميں ہونا، الہى گواہوں كى نظارت اور اس سلسلہ ميں انسان كى تكليف كے موضوع كى اہميت كو بيان كررہا ہے_

۲_ روز قيامت جن حقائق كا ہر صورت ميں انسانوں كو سامنا كرنا پڑے گا ان كى طرف توجہ كرنا ضرورى ہے_

ويوم نبعث فى كل امّة شهيدا

''يوم'' سے مراد، قيامت كا دن ہے خداوند عالم كى طرف سے اس دن كى يادآورى كى تاكيد كہ جس كا ''اذكر'' امر سے استفادہ ہوتا ہے مذكورہ مطلب سے حكايت ہے_

۳_قيامت، ہرا مت ميں سے ان كے متعلق شہادت دينے كے ليے گواہوں كے مبعوث ہونے كا دن ہے _

ويوم نبعث فى كلّ امّة شهيداً عليهم من ا نفسهم

۴_ قيامت كے دن امت كے اعمال سے متعلق گواہى دينے والے افراد فقط اپنى امت كے بہترين اور ممتاز افراد ہوں گے_ويوم نبعث فى كلّ امّة عليهم من انفسهم

ہر امت ميں سے ايك گواہ اور شاہد كا انتخاب اس بات كو بيان كررہا ہے كہ وہ افراد امت كے بہترين اور ممتاز افراد ہوں گے كيوں كہ اگر ان افراد كا تعلق گناہ گار افراد سے ہو او ران كے اعمال پركوئي دوسرا گروہ گواہ و شاہد ہو توگواہى و شہادت كے ليے ان كا انتخاب لغو اور بے ہو دہ قرار پائے گا_

۵_ ہر زمانے ميں گناہ و خطا سے معصوم اور صالح انسان كاموجود ہونا_ويوم نبعث فى كلّ ا مّة شهيدا ً عليهم من انفسهم

۶_ خداوند عالم كا قيامت كے دن انسانوں كے ما بين فيصلہ اور حكم، دليل او رگواہوں كى شہادت كى بنياد پرہوگا_

ويوم نبعث فى كلّ ا مّة شهيداً عليهم من انفسهم

مذكورہ مطلب اس نكتہ كو ملحوظ خاطر ركھنے كى بناء پر ہے كہ گواہوں كى پيشي، حكم اورفيصلہ كے سلسلہ ميں ہے اور نيز يہ اتمام حجت كى خاطر اس كا م كو انجام ديا جائے گا_

۷_ ہرزمانے اور گروہوں كے در ميان شائستہ اور بلند كردار انسانوں كى موجود گى ، خداوند عالم كى دوسروں پر اتمام حجت كا سرچشمہ ہے_ويوم نبعث فى كلّ امّة شهيداً عليهم من انفسهم

مذكورہ تفسير اس احتمال كى بناء پر ہے كہ شہادت اور گواہى سے مراد ، شہادت اور گواہى قولى نہ ہو بلكہ شہادت عملى ہو يعنى خود صالح افراد كا وجود دوسروں پر اتمام حجت كا ذريعہ ہے_

۸_ پيغمبر اكرمصلى‌الله‌عليه‌وآله‌وسلم اپنى امت كے اعمال پر ناظر اور روز قيامت ان پر گواہ ہيں _وجئنا بك شهيداً على هؤلائ

مذكورہ تفسير آيت ميں موجود دو نكات كو مدنظر ركھتے ہوئے ہے (الف) اس بناء پر كہ ''فى كل امّة'' ميں امت سے مراد ہر زمانے كے لوگ نہ ہوں بلكہ ہرپيغمبر كى امت ہو (ب) ''ہؤلائ'' قيامت كے دن تك پيغمبر اكرمصلى‌الله‌عليه‌وآله‌وسلم كى تمام امت كى

طرف اشارہ ہونہ فقط آنحضرتصلى‌الله‌عليه‌وآله‌وسلم كے زمانے كے لوگوں كى طرف _

۹_ پيغمبر اكرمصلى‌الله‌عليه‌وآله‌وسلم مقام عصمت پر فائز ہيں _وجئنا بك شهيدا ً على هؤلائ

پيغمبر اكرمصلى‌الله‌عليه‌وآله‌وسلم كا اپنى امت كى نسبت گواہ ہونے كا لازمہ يہ ہے كہ وہ خود معصوم ہيں ورنہ وہ خود كسى اور گواہ كے نيازمند ہيں _

۱۰_ پيغمبر اكرمصلى‌الله‌عليه‌وآله‌وسلم ،طول تاريخ كے تمام گواہوں پر شاہد و گواہ ہيں _وجئنابك شهيداً هؤلائ

مذكورہ مطلب اس بناء پر ہے كا ''ہؤلائ'' كا اشارہ ''شہيداً '' يعنى ہر امت كے گواہوں كى طرف ہو_

۱۱_تاريخ بشريت ميں پيغمبر اكرمصلى‌الله‌عليه‌وآله‌وسلم ،كامل ترين اور بلند كردار انسان ہيں _

مذكورہ مطلب اس بناء پر ہے كہ ''ہؤلائ'' كا اشارہ ''شہيداً'' يعنى ہرا مت كے گواہ ہوں _

اس صورت ميں پيغمبر اكرمصلى‌الله‌عليه‌وآله‌وسلم وہ اكيلے انسان ہوں گئے جو طول تاريخ كے انسانوں اور تمام گواہوں پر شرافت و برترى ركھتے ہيں _

۱۲_ پيغمبر اكرمصلى‌الله‌عليه‌وآله‌وسلم پر قرآن مجيد كا نزول انسانى رشد و سعادت اور اس كى ہدايت سے متعلق ضروريات كے حقائق كى وضاحت كے ليے ہے_ونزلّنا عليك الكتب تبيّناً لكلّ شيئ

اگر چہ ''كل شيئ'' عموميت كا فائدہ ديتا ہے او ر ظاہر اً كائنات كے تمام حقائق كو شامل ہو سكتا ہے ليكن يہاں عرفى قرائن كى بناء پر اس كا دائرہ محدود ہے جن ميں سے ايك يہ كہ چونكہ قرآن كتاب ہدايت اور سعادت و رشد كى كتاب ہے وہ ايسے حقائق كو بيان كرتى ہے جو ان تين موضوعات سے متعلق ہوں _

۱۳_ قرآن ، كائنات كے تمام حقائق پر مشتمل ہے جن سب سے آگاہى پيغمبر اكرمصلى‌الله‌عليه‌وآله‌وسلم كے اختيار قدرت ميں ہے _

ونزّلنا عليك الكتب تبيناً لكلّ شيء وهديً

مذكورہ تفسير اس احتمال كى بناء پر ہے كہ''تبيناً لكل شى ئ'' سے مراد ، كائنات كے تمام حقائق ہوں ليكن چونكہ قرآن ذات پيغمبرصلى‌الله‌عليه‌وآله‌وسلم پر نازل ہوا''نزلّنا عليك'' اور آپصلى‌الله‌عليه‌وآله‌وسلم قرآن حقائق كى وضاحت كرنے كے ذمہ دارى ہيں ''وانزلن

عليك الذكر لتبيّن للناس ...'' اس ليے يہ كہاجا سكتا ہے كے تمام قرآن كے حقائق جو كائنات كے حقائق پر مشتمل ہيں پيغمبر اكرمصلى‌الله‌عليه‌وآله‌وسلم كے پاس موجود ہيں اور مصلحت كے مطابق كچھ حقائق كو لوگوں كے ليے بيان كرتے ہيں _

۱۴_ پيغمبر اكرمصلى‌الله‌عليه‌وآله‌وسلم شائستہ ترين انسان اور قرآن مجيد انسانوں كے رشد اور ہدايت كے ليے كامل ترين پروگرام ہے _

وجئنا بك شهيداً على هؤلاء و نزلنا عليك الكتب تبياناً لكلّ شيء و هديً

آيت كے دوجملوں كے باہمى ربط كو مد نظر ركھتے ہوئے يعنى ''وجئنا بك شہيداً ...'' اور ''ونزلّنا عليك ...'' نيز اس بناء پر كہ ''شہيداً''كا معنى نمونہ قرار ديں اور شہادت سے مراد عملى شہادت ليں تو ممكن ہے كہ مذكورہ مطلب كا استفادہ ہو_

۱۵_ انسان كے رشد و ہدايت كے حقيقى عوامل كى شناخت كے ليے قرآن مجيد كى طرف رجوع كرنا ضرورى ہے _

ونزلّنا عليك الكتب تبياناً لكلّ شيء هديً

۱۶_ انسانوں كے ليے خداوند عالم كى اتمام حجت كے طور پر قرآن مجيد ايك بہترين آئين نامہ ہے _

ويوم نبعث فى كلّ امّة شهيداً ...ونزلّنا عليك الكتب تبياناً لكلّ شيء وهديً

۱۷_ حق كے سامنے تسليم ہونے والوں كے ليے قرآن ہدايت ، رحمت اور بشارت كا سرچشمہ ہے _

ونزلنا عليك الكتب ...وهدى و رحمة و بشرى للمسلمين

۱۸_ ہدايت ، رحمت اور قرآنى بشارت سے بہرہ مند ہونے كے ليے حق قبول كرنے كى فكر ، شرط ہے_

ونزّلنا عليك الكتب ...وهديً و رحمة و بشرى للمسلمين

۱۹_ علم ، ہدايت كا مقدمہ اور ہدايت رحمت الہى كو جلب كرنے كا پيش خيمہ اور رحمت مسلمانوں كى بشارت اور سرورحقيقى كا سبب ہے_ونزلّنا عليك الكتب ...وهديً ورحمة وبشرى للمسلمين

مذكورہ مطلب اس نكتہ پر موقوف ہے كہ آيت ميں ترتيب رہتى ہو يعنى ان ميں ہر ايك دوسرے كے ليے مقدّمہ ہو_

الله تعالي:الله تعالى كى اتمام حجت۷،۱۶;الله تعالى كى اخروى قضاوت كرنے كا معيار۶; الله تعالى كى رحمت كا زمينہ۱۹; الله تعالى كى رحمت كے آثار ۱۹

امتيں :امتوں كے برگزيدہ۴; امتوں كے صلحائ۵; امتوں كے صلحاء كا كردار۷; امتوں كے گواہ۳ ،۴، ۸، ۱۰:

امتوں كے گواہوں كا كردار۷; امتوں كے معصوم۵

انسان:انسان كا مل ۱۱،۱۴; انسان كى ذمہ داري۱; انسان كى سعادت كا زمينہ۱; انسان كى معنوى ضرورتيں ۱۲

بشارت:بشارت كے اسباب۱۹

تكامل:تكامل كا زمينہ ۱۲،۱۴

حق:حق قبول كرنے والوں كو بشارت ۱۷;حق قبول كرنے كے آثار ۱۸;حق قبول كرنے والوں پر رحمت كے اسباب۱۷; حق قبول كرنے والوں كى ہدايت كے اسباب۱۹

ذكر:عمل كے گواہوں كا ذكر۱

رحمت:رحمت سے استفادہ كى شرائط ۱۸; رحمت كا زمينہ۱۹

رشد:رشد كے اسباب ۱۵

زندگي:زندگى كا بہرين پروگرام۱۴،۱۶

سرور:سرور كے اسباب۱۹

عصمت:مقام عصمت ۹

علم:علم كے آثار ۱۹

عمل:عمل كے گواہوں كا برگزيدہ ہونا ۴

قرآن:رحمت قرآن۱۷; فضيلت قرآن ۱۴; قرآن كا كردار۱۲; قرآن كا كمال ۱۴; قرآن كى اہميت ۱۵; قرآن كى بشارتوں كى تاثير كے شرائط ۱۸; قرآن كى بشارتيں ۱۷;قرآن كى تعليمات ۱۳، ۱۴، ۱۵ ،۱۶ ; قرآن كى خصوصيات۱۳،۱۴; قرآن كى ہدايت كى تاثير كے شرائط ۱۸; قرآن كى ہدايت گرى ۱۲،۱۵ ،۱۷; قرآن كے نزول كا فلسفہ ۱۲

قيامت:قيامت كے خصوصيات۳; قيامت كے گواہوں كا كردار ۶; قيامت ميں گواہ۴،۸; قيامت ميں حقائق كا ظہور كرنا۲; قيامت ميں گواہي۳

محمدصلى‌الله‌عليه‌وآله‌وسلم :حضرت محمدصلى‌الله‌عليه‌وآله‌وسلم پر قرآن كانزول ۱۲; حضرت محمدصلى‌الله‌عليه‌وآله‌وسلم قيامت ميں ۸; حضرت محمدصلى‌الله‌عليه‌وآله‌وسلم كا علم لدنى ۱۳; حضرت

محمدصلى‌الله‌عليه‌وآله‌وسلم كا كردار ۱۰; حضرت محمدصلى‌الله‌عليه‌وآله‌وسلم كا كمال ۱۱،۱۴; حضرت محمدصلى‌الله‌عليه‌وآله‌وسلم كى عصمت ۹; حضرت محمدصلى‌الله‌عليه‌وآله‌وسلم كى گواہى ۸،۱۰; حضرت محمدصلى‌الله‌عليه‌وآله‌وسلم كے فضائل ۱۱،۱۴; حضر ت محمدصلى‌الله‌عليه‌وآله‌وسلم كے مقامات ۹

مسلمان:مسلمانوں كا سرور۱۹;مسلمانوں كو بشارت ۱۹

معصومين:۵،۹

ہدايت:ہدايت كا زمينہ۱۲; ہدايت كے آثار ۱۹; ہدايت كے اسباب ۱۵

آیت ۹۰

( إِنَّ اللّهَ يَأْمُرُ بِالْعَدْلِ وَالإِحْسَانِ وَإِيتَاء ذِي الْقُرْبَى وَيَنْهَى عَنِ الْفَحْشَاء وَالْمُنكَرِ وَالْبَغْيِ يَعِظُكُمْ لَعَلَّكُمْ تَذَكَّرُونَ )

بيشك اللہ عدل، احسان اور قرابت داروں كے حقوق كى ادائيگى كا حكم ديتا ہے اور بدكاري، ناشائستہ حركات اور ظلم سے منع كرتا ہے كہ شايد تم اسى طرح نصيحت حاصل كرلو_

۱_خداوند عالم ، عدل كى رعايت اور رشتہ داروں پر احسان اور بخشش كا حكم ديتا ہے_

انّ اللّه يامر بالعدل والاحسان وايتا ى ذى القربي

۲_عدل ،احسان اور صلہ رحمى ،ہدايت قران كے اہم ترين احكام ہيں _

ونزلنا عليك الكتاب ان اللّه يأمربالعدل والاحسان وايتاى ذى القربي

خداوند عالم نے قران كے تعارف كے بعد عدل ، احسان اور رشتہ داروں پر بخشش كے مسئلہ كو پيش كياہے ان موضوع كا با ہمى ربط ممكن ہے مذكورہ مطلب كو بيان كررہاہو

۳_تمام نيكيوں ميں سے رشتہ داروں پر بخشش ايك خاص اہميت كى حاصل ہے_

ان الله يأمر بالعدل والاحسان وايتاى ذى القربي

مذكورہ تفسير اس بناء پر ہے كہ يقينى طو پر رشتہ داروں سے بخشش احسان كے مصاديق ميں سے ہے اور يہ جو دوبارہ جداگانہ طور پر اس كا ذكر ہوا ہے يہ اس كى اہميت كى طرف اشارہ ہے_

۴_صلہ رحمى ،مسئوليت كا سبب اور خصوصى حقوق كے پيدائش كا سرچشمہ ہے _

ان الله يامر بالعدل والاحسان وايتاى ذى القربي

۵_اسلام كى سياست ،رشتہ داروں سے صلہ رحمى اور ان كى موجودہ مشكلات كو دور كرنے كے استحكام پر مشتمل ہے_

ان الله يأمر بالعدل والاحسان

۶_خداوندعالم،عدالت كى رعايت كے علاوہ انسان كے معاشرتى تعلقات پر روح احسان كى حاكميت كو چاہتاہے _

ان الله يأمربالعدل والاحسان

۷_عدالت كى رعايت،لوگوں پراحسان اور رشتہ داروں پر بخشش كرنے سے اہم اور ترجيح ركھتى ہے _

ان اللّه يأمر بالعدل والاحسان وايتاى ذى القربي

احسان اور رشتہ داروں پربخشش سے پہلے عدل كا ذكر ممكن ہے تقدم رتبى كا فائدہ دے رہاہو كيوں كہ عدالت كى رعايت ايك عمومى ذمہ دارى اور ايسى چيز ہے جس سے صرف نظر نہيں كيا جاسكتا اور اس كى رعايت كے بغير احسان اور بخشش كى كوئي قدر وقيمت نہيں ہوگى _

۸_خداوند عالم نے قبيح،ناپسنديدہ اعمال اور ظلم وسركشى سے منع كيا ہے _وينهى عن الفحشا والمنكر والبغي

۹_فحشا وقبيح اور ظلم كے ارتكاب سے نہى ،قران مجيد كے اہم ترين انذار اور نواہى ميں سے ہے _

ونزلنا عليك الكتاب ان الله ينهى عن الفحشا والمنكر والبغي

۱۰_اسلام نے انسانوں كے اجتماعى تعلقات كو سالم قرار دينے اور اسے محكم نيز معاشرہ كو برائي اور فحشا اور ظلم وسركشى سے پاك كرنے كے ليے اہتمام كيا ہے_ان الله يامر بالعدل والاحسان وايتاى ذى القربى و ينهى عن الفحشا ء والمنكر والبغي

۱۱_معاشرہ ميں عدالت كى رعايت نہ كرنا اور رشتہ داروں پر احسان نہ كرنا اور قطع تعلق كرنا،معاشرہ ميں برائي وفحشا ء اور ظلم وسركشى كے رواج پانے كا سبب ہے_ان الله يامر بالعدل والاحسان وايتاى ذى القربى وينهى عن الفحشا ء والمنكر والبغي

مذكورہ تفسير كا استفادہ ، عدل واحسان اور رشتہ داروں پر انفاق كا فحشا ء ومنكر كے با ہمى تقابل سے ہوتا ہے اگر معاشرہ ميں عدالت ہو تو برائي و فحشا ء كے پھيلانے كا سبب ختم ہو جاتا ہے _

۱۲_دوسروں كے حقوق پر ظلم وتجاوز ، دوسرى برائيوں كى

نسبت بہت زيادہ قبيح ہے _وينهى عن الفحشا ء والمنكر والبغي

مذكورہ مطلب اس نكتہ كو ملحوظ خاطر ركھتے ہوئے ہے كہ با وجو د اس كے كہ ''بغى '' خود منكرات كا ايك مصداق ہے ليكن خصوصى طور پر اس كا جدا ذكر ہوا ہے _

۱۳_تمام كمالات ونقائص كى وضاحت ،قران مجيد كى ذمہ دارى ہے _

تبيانا ً لكل شى ء ان اللّه يأمر بالعدل والاحسان وينهى عن الفحشا ء والمنكر والبغي

قران مجيد كو''تبياناًلكل شى ئ'' سے متصف كرنے كے بعد عدالت كى رعايت غيرہ كا حكم اور فحشا ء سے انذار ممكن ہے مذكورہ مطلب كو بيان كر رہا ہو يعنى قران تمام كمالات ونقائص كو بيان كرنے والا ہے _

۱۴_لوگ،معاشرہ ميں بے عدالتى ،فحشاء وبرائي ،ظلم ،فقر اور لوگو ں كى اقتصادى ضروريات جيسے مسائل كى نسبت ذمہ دار ہيں _انّ اللّه يأمر بالعدل والاحسان وايتاى ذى القربى وينهى عن الفحشا ء والمنكر والبغى يعظكم

۱۵_خداوند عالم كا امر ونہى لوگوں كو وعظ كرنے كے لئے ہے _انّ اللّه يأمر بالعدل والاحسان وينهى عن الفحشا ء والمنكر والبغى يعظكم

۱۶_عدالت كى رعايت ،احسان ، رشتہ داروں كے حقوق كى ادائيگى ،فحشاء وقبيح اور ظالمانہ اعمال سے دورى خداوند عالم كا انسان كو ايك وعظ ونصيحت ہے _ان الله يامربالعدل والاحسان وينهى عن الفحشا ء والمنكر والبغى يعظكم

۱۷_خداوند عالم كے وعظ ونصيحت انسانوں كى عقل وفطرت كو بيدار كرنے كے ليے ہيں _

انّ اللّه يأمر بالعدل والاحسان وينهى عن الفحشا ء والمنكر والبغى يعظكم لعلكم تذّكرون

''تذّكرون مادہ''سے ''تذّكر'' كا معنى كسى فراموش شدہ چيز كى يادآورى ہو اس بناء پر مواعظ الہى كا تذكر ايسے امور كى بارے ميں وعظ ونصيحت ہے جن تك انسان تعليم وحى كے بغير نہيں پہنچ سكتا اور در حقيقت فطرتى وعقل چيز ہے ليكن انسانوں نے اس كو فراموش كرديا ہے وحى كے ذريعہ ان كو اس كى يادد ہانى كرائي جاتى ہے_

۱۸_ عدل و احسان اور رشتہ داروں پر انفاق ، انسانى فطرت كے ميلانات ميں سے ہے_

يا مر بالعدل والاحسن وا يتاى ذى القربى لعلّكم تذكرون

مذكورہ تفسير اس بناء پر ہے كہ خداوند عالم نے عدالت و غيرہ كے امر كو انسانوں كے تذكر كى خاطر مواعظہ قرار ديا ہے او رلفظ ''تذكر'' ميں يہ

معنى مضمر ہے كہ مذكورہ كمالات كى طرف ميلان كى اصل تمام انسانوں ميں موجود ہے اور غفلت كى صورت ميں ياد دہانى كى ضرورت ہوتى ہے _

۱۹_ فحشاء ، برائي اور ظلم سے بيزاري، انسانوں كى سرشت ميں مضمر ہے_و ينهى عن لعلّكم تذكّرون

''تذكر'' ايسى چيز كى ياد آورى ہے كہ جس كے بارے ميں انسان پہلے سے ايك قسم كى آگاہى ركھتا ہو اور اس كى طرف مائل ہو_

۲۰_ انسان ، غفلت اور اپنى فطرتى ميلانات اور عقلى معلومات سے روگردانى كے خطرہ سے دوچار اور تذكراور بيدارى كا محتاج ہے_انّ الله يا مر ...وينهى ...يعظكم لعلكّم تذكرّون

۲۱_ لوگوں كى بيدارى اور ہوشيارى كے ليے موعظہ ، قرآن كا ايك تربيتى و ہدايتى طريقہ ہے_

۲۲_''قال على عليه‌السلام :فى قوله تعالى ''ان الله يا مر بالعدل و الا حسان ''العدل الانصاف والا حسان: التفيضل (۱)

حضرت عليعليه‌السلام سے خداوند عالم كے اس قول''انّ الله يا مربالعدل والاحسان'' كے بارے ميں روايت نقل ہوئي ہے كہ آپعليه‌السلام نے فرمايا :عدل كا معنى انصاف اور احسان كے معنى تفضّل ہے_

احسان :احسان كا مفہوم ۲۲;احسان كو ترك كرنے كے آثار ۱۱; احسان كى اہميت۱،۲،۳،۴،۶،۷،۱۶

اقدار:اقدرا كو بيان كرنا ۱۳

اسلام:اسلام كى تعلميات ۵

الله تعالي:الله تعالى كى تاكيد يں ۶; الله تعالى كى نواہى كا فلسفہ ۱۵; الله تعالى كے اوامر ۱; الله تعالى كے اوامر كا فلسفہ ۱۵; الله تعالى كے مواعظ۱۶; الله تعالى كے نواہى ۸،۹;الله تعالى كے وعظ كا فلسفہ۱۷

انسان:انسان كى سماجى ذمہ داري۱۴; انسان كى عدالت خواہي۱۸;انسان كى غفلت ۲۰; انسان كى فطريات ۱۸،۱۹; انسان كى معنوى ضروريات ۲۰; انسانون كو موعظہ كرنے كى اہميت ۱۵

تجاوز :تجاوز سے اجتناب ۱۰; تجاوز سے نہى ۸; تجاوز كا زمينہ ۱۱;تجاوز كا ناپسند ہونا۱۲

____________________

۱)نہج البلاغہ صبحى صالح، كلمات قصار ، كلمہ ۲۳۱; بحار الانوار ،ج۷۲، ص۲۹، ج۲۱_

تربيت:تربيت كا روش ۲۱

رشتہ درا:رشتہ داروں پر احسان ۱،۳،۱۸; رشتہ داروں كو ہبہ كرنا ۱،۳،۷،۱۸

رشتہ دارى :رشتہ دارى كے آثار ۴; رشتہ دارى كے حقوق كا زمينہ۴; رشتہ دارى كى رعايت كرنے كى اہميت ۱۶;رشتہ دا رى كے روابط كى اہميت۵

روابط:سالم سماجى روابط كى اہميت۱۰; سماجى روابط ميں احسان ۶; سماجى روابط ميں عدالت۶

روايت:۲۲

صلہ رحم:صلہ رحم كى اہميت۲،۵; قطع رحم كرنے كے آثار ۱۱

ظلم:ظلم سے اجتناب ۱۰; ظلم سے اجتناب كى اہميت ۱۶; ظلم سے نفرت ۱۹; ظلم سے نہي۸،۹; ظلم كا زمينہ ۱۱

عدالت:عدالت كا مفہوم۲۲; عدالت كى اہميت ۱،۲ ،۶، ۷،۱۶

عمل:ناپسند عمل سے اجتناب كى اہميت ۱۶; ناپسندعمل سے نفرت ۱۹; ناپسند عمل سے نہي۸،۹

فحشاء:فحشاء سے اجتناب ۱۰; فحشاء سے اجتناب كى اہميت ۱۶; فحشاء سے نفرت ۱۹; فحشاء سے نہي۸،۹; فحشاء كا زمينہ ۱۱

فطرت:فطرت سے اعراض ۲۰; فطرت كو متنبّہ كرنے كى اہميت۱۷

قرآن:قرآن مجيد كا كردار ۱۳; قرآن مجيد كى مہم ترين تعليمات ۲،۱۳; قرآن مجيد كى ہدايت گرى ۲; قرآن مجيد كے انذار۹

گناہ:گناہ سے اجتناب ۱۰

گھر:گھريلو مشكلات دور كرنے كى اہميت۵

لوگ:لوگوں كى ہوشيارى كى اہميت ۲۱

مسؤليت:مسؤليت كا زمينہ۲

مشكلات:سماجى مشكلات دور كرنے كى اہميت ۱۴

معاشرہ:معاشرہ كى اہميت۱۰،۱۴

موعظہ:موعظہ كا كردار۲۱

ہبہ:ہبہ كى اہميت۱،۳

ہدايت:ہدايت كى روش۲۱

آیت ۹۱

( وَأَوْفُواْ بِعَهْدِ اللّهِ إِذَا عَاهَدتُّمْ وَلاَ تَنقُضُواْ الأَيْمَانَ بَعْدَ تَوْكِيدِهَا وَقَدْ جَعَلْتُمُ اللّهَ عَلَيْكُمْ كَفِيلاً إِنَّ اللّهَ يَعْلَمُ مَا تَفْعَلُونَ )

اور جب كوئي عہد كرو تو اللہ كے عہد كو پورا كرو اور اپنى قسموں كو ان كے استحكام كے بعد ہرگز مت توڑو جب كہ تم اللہ كو كفيل اور نگراں بناچكے ہو كہ يقينا اللہ تمھارے افعال كو خوب جانتا ہے _

۱_خداوند عالم سے باندھے گئے پيمان و عہدوں كى پابندى انسان كے ليے ضرورى ہے_وا وفوا بعهد الله إذا عهد تم

۲_ خداوند عالم كے ساتھ خداوند عالم كا پيمان باندھنا ايك مشروط اور دين ميں قابل قبول عمل ہے_

وا وفو بعهد الله إذا عهد تّم

۳_ خدا كى محكم قسم كھا نے كے بعد اسے توڑنا حرام ہے_ولا تنقضوا لا يمن بعد توكيدها

۴_ خداوند عالم كى قسم كھانا جائز ہے_ولا تنقضوا الا يمن بعد توكيدها

۵_ قسم پر متوجہ اور سنجيدہ ہونا اس كے وقوع اور ترتيب اثر كى شرط ہے_ولا تنقضوا الا يمن بعد توكيدها

۶_ انسان ، خداوند عالم كے ساتھ با ندھے گئے پيمان اور عہدوں كو توڑنے كے خطرہ سے دوچار ہے_

واؤفوا بعهد الله إذا عهد تّم ولا تنقضوا الا يمن بعد توكيدها

۷_ خداوند عالم سے پيمان باندھنا اور اس كى قسم كھانا درحقيقت خداوند عالم كو اپنے نفس كے ليے ضامن اور كفيل قرار دينا ہے_وا وفوا بعهد الله ...وقد جعلتم الله عليكم كفيل

۸_خداوند عالم سے كيے گئے عہد اور قسم توڑنا ضمانت الہى سے خيانت كے مترادف ہے _

ولا تنفضوا الا يمن بعد توكيد ها و قد جعلتم اللّه

۹_ خداوند عالم ، انسان كے تمام اعمال سے آگاہ ہے_انّ الله يعلم ما تفعلون

۱۰_انسان كا اپنى رفتار و كردار پر خداوند عالم كے علمى احاطہ كى طرف توجہ ، پيمان اور قسم توڑنے ميں ركاوٹ ہے_

وا وفوا ...ولا تنقضوا ...انّ اللّه يعلم ما تفعلون

۱۱_ تمام انسانوں كے اعمال سے متعلق خداوند عالم كے علم پر اعتقاد اورتوجہ اس كے احكام اور فرامين كو جارى كرنے ميں معاون اور مدد گارہے_وا وفوابعهد الله ...انّ اللّه يعلم ما تفعلون

مذكورہ تفسيرجملہ''انّ الله يعلم ما تفعلون'' كے علت واقع ہونے سے حاصل ہوئي ہے يعنى خداوند عالم كے ساتھ عہد و پيمان سے وفا كرو كيونكہ خداوند عالم تمھارے اعما ل سے آگاہ ہے_

احكام:۱،۳،۴،۵

اطاعت:خدا كى اطاعت كرنے كے اسباب۱۱

الله تعالى :الله تعالى كا علم غيب۱; الله تعالى كى كفالت ۷;۱لله تعالى كے ساتھ عہد شكني۶،۸; الله تعالى كے ساتھ عہد كى حقيقت ۷; الله تعالى كے ساتھ عہد كى شرعى حيثيت۲

انسان:انسان كا عمل۹،۱۱

خيانت:الله تعالى كے ساتھ خيانت ۸

ذكر:علم خدا كے ذكر كے آثار ۱۰،۱۱

شرعى ذمہ داري:شرعى ذمہ دارى پر عمل كا پيش خيمہ ۱۱

قسم:

الله تعالى كى قسم۴; الله تعالى كى قسم كى حقيقت ۷; جائز قسم ۴; قسم توڑنے كے موانع۱۰; قسم كا توڑنا ۸;

قسم كى تاكيد۳; قسم كے احكام ۳،۴،۵; قسم كے عملى ہونے كے شرائط۵

عقيدہ:علم خدا كا عقيدہ ركھنے كے آثار ۱۱

عہد:عہد كے احكام ۱،۲; وفا، عہد كا واجب ہونا ۱

عہد شكني:عہد شكنى كے موانع ۱۰

محرمات:۳

واجبات :۱

آیت ۹۲

( وَلاَ تَكُونُواْ كَالَّتِي نَقَضَتْ غَزْلَهَا مِن بَعْدِ قُوَّةٍ أَنكَاثاً تَتَّخِذُونَ أَيْمَانَكُمْ دَخَلاً بَيْنَكُمْ أَن تَكُونَ أُمَّةٌ هِيَ أَرْبَى مِنْ أُمَّةٍ إِنَّمَا يَبْلُوكُمُ اللّهُ بِهِ وَلَيُبَيِّنَنَّ لَكُمْ يَوْمَ الْقِيَامَةِ مَا كُنتُمْ فِيهِ تَخْتَلِفُونَ )

اور خبردار اس عورت كے مانند نہ ہوجاؤ جس نے اپنے دھاگہ كو مضبوط كاتنے كے بعد پھر سے ٹكڑے ٹكڑے كرڈالا_ كيا تم اپنے معاہدے كو اس چالاكى كا ذريعہ بناتے ہو كہ ايك گروہ دوسرے گروہ سے زيادہ فائدہ حاصل كرے_ اللہ تمھيں انھيں باتوں كے ذريعہ آزما رہا ہے اور يقينا روز قيامت اس امر كى وضاحت كردے گا جس ميں تم آپس ميں اختلاف كر رہے تھے _

۱_ حتمى عہد و پيمان توڑنا ، محكم رشتہ جو ڑنے كے بعد اسے توڑنے كى مانند ہے_

ا وفوا بعهد الله ...ولا تنفضوا ...ولا تكونوا كا لتى نقضت غزلها من بعد قوّة انكث

۲_ پيمان شكنى ايك غير عاقالانہ اور ناقابل توجيہ كام ہے_والا تكونوا كالتى نقضت غزلها من بعد قوة ا نكث

رشتہ جوڑنے كے بعد اسے توڑنا نقض غرض كا واضع نمونہ ہے اور روشن سى بات ہے كہ نقض غرض غير عاقلانہ كام ہے _

۳_ دوسرے لوگوں كو دھوكہ دينے كے ليے قسم كو بطور وسيلہ استعمال كرنا ممنوع ہے_

ولا تكونوا ...تتّخذون ايمنكم دخلاً بينكم

۴_ الہى فكر كے مطابق لوگوں كو دھوكہ اور فريب دينا، ناپسنديدہ فعل ہے_تتخذون ايمنكم دخلاً بينكم

۵_ اجتماعى تعلقات ميں قسم اور پيمان پر عمل كرنا ،ايك ضرورى امر او راہم اصول ہے_

ولا تكونوا كا لتى نقضت غزلها ...تتخذون ايمنكم دخلاً بينكم

۶_ دوسروں سے كے گئے عہد و پيمان كو توڑنا اگر چہ اس ميں بہت زيادہ فائد ہ ہى كيوں جائز نہيں ہے_

ولاتكونوا ...تتخذون ايمنكم دخلاً بينكم ا ن تكون امّة هى اربى من امة

۷_ طاقتور گروہ سے پيمان باندھنے كى خاطر كسى دوسرے گروہ سے پيمان توڑنا، حرام اور غير عاقلانہ كام ہے_

ولا تكونوا ...تتّخذون ايمنكم دخلاً بينكم ا ن تكون امّة هى ا ربى من امّة

۸_ طرف مقابل ميں كمزورى كا مشاہدہ كرنے كى وجہ سے اہل پيمان كو عہد شكنى كا رخ نہيں كرنا چايئے

تتّخذون ايمانكم دخلاً بينكم ا ن تكون امّة هى ا ربى من امّة

۹_ قسم اور پيمان ايسى قابل قدر چيز ہے جسے مادى معاملات كے تحت الشعاع نہيں ہونا چاہيئے

دخلاً بينكم ان تكون امّة هى ا ربى من امّة

۱۰_ خداوند عالم كا پيمان و عہد اور قسم كو تو ڑنے سے اجتناب كرنے كا حكم دينا فقط انسان كى آزمائش كے ليے ہے_

وا وفوا بعهدالله ...ولا تكونوا ...تتخذون ايمنكم دخلاً بينكم ...انما يبلوكم الله به

۱۱_ قسم اور دوسروں كے ساتھ انسان كا پيمان اس كے ليے الہى آزمائش كا پيش خيمہ ہے_

تتخذون ايمنكم ...انما يبلوكم به

۱۲_ خداون عالم يقينى طور پر قيامت كے دن انسانوں كے مورد اختلا ف حقائق كو بيان كرے گا_

وليبيّن لكم يوم القيمة ما كنتم فيه تختلفون

۱۳_ قيامت كے دن پيمان توڑنے والے خداوند عالم كے مورد مواخذہ اور فيصلہ قرار پائيں گے_

تتخذون ايمنكم دخلاً ...وليبيّن لكم يوم القيمة ما كنتم فيه تختلفون

۱۴_ عہد و قسم توڑنے والوں كو خداوند عالم كا خبر دار كرنا ، روز قيامت ان كے مواخذہ پر مشتمل ہے_

ا وفوا بعهد الله ...تتخذون ايمنكم دخلاً ...وليبيّن لكم يوم القيمة ماكنتم فيه تختلفون

۱۵_ دنياوى زندگى ميں انسانوں كے مسلسل جھگڑے اور اختلافات موجود ہيں _وليبيّن لكم يوم القيمة ماكنتم فيه تختلفون

فعل''كنتم'' اور اس كى مانند فعل كا دوسرے فعل كى ابتداء ميں آنا اس فعل كے استمرار مضمون كو بيان كررہا ہے_

۱۶_ دنيا ميں انسانوں كے كچھ مورد اختلاف حقائق و مسائل مخفى ہيں _وليبيّن لكم يوم القيمة ما كنتم فيه تختلفون

اس ميں شك نہيں كہ دنيا ميں لوگوں كے بعض مورد اختلاف مسائل كا حق ہونا واضح ہے اس بناء پر قيامت كے دن مورد اختلاف حقائق كى وضاحت ان مسائل سے متعلق ہے جن كا حق ہونا واضح نہيں ہے_

۱۷_ قيامت كى طرف انسان كى توجہ اور اعتقاد اس كى پيمان شكنى سے مانع ہے_

وا وفوا بعهد ...تتخذون ايمنكم دخلاً بينكم وليبينّ لم يوم القيمة ما كنتم فيه تختلفون

پيمان اور قسم توڑنے كے مسئلہ كے بعد خداوند عالم كا روز قيامت حقائق كى وضاحت كے بارے ميں تذكر، ممكن ہے مذكورہ مطلب كى طرف اشارہ ہو_

عى ا بى جعفرعليه‌السلام قال: الّتى نقضت غزلها إمراة ...يقال لها ء رابطة (ريطة) كانت حمقا ء تغزل الشعر فإذا غزلت نقضه ثم عادت فغزلله فقال الله ''كالتى نقضت غزلها ...''

امام صادقعليه‌السلام سے روايت ہے كہ آپعليه‌السلام نے فرمايا كہ وہ عورت جو رشتہ ناطہ جو ڑنے كے بعد توڑنى ہے وہ عورت ...رابطہ يا ريطہ ) ...ہے وہ ايك بے وقوف عورت تھى جو بكرى كے بالوں كو بنتى تھى اور پھر اسے كھول ديتى تھى اور پھر دوبارہ بننا شروع كرديتى تھى پس خداوند عالم نے اس كے بارے ميں فرمايا :''كالتى نقضت غزلها ''(۱)

احكام۳،۶،۷

الله تعالي:الله تعالى كى اخروى قضاوت ۱۳; الله تعالى كى سرزنشيں ۴; الله تعالى كا امتحان ۱۰،۱۱; الله تعالى كے اوامر كا فلسفہ۱۰; الله تعالى كے ڈراوے۱۴

____________________

۱) تفسير قمي، ج۱ ،ص۳۸۹، نورالثقلين ،ج۳، ص۸۲، ح ۲۱۵_

امتحان:امتحان كا زمينہ ۱۱; عہد پورا كرنے كا امتحان ۱۰;قسم كو پورا كرنے كا امتحان۱۰

انسان:انسانوں ميں اختلاف ۱۲،۱۵،۱۶

دينا:حقائق كا دنيا ميں مخفى ہونا ۱۶

ذكر:قيامت كے ذكر كے آثار ۱۷

روابط:سماجى روابط كے اصول ۵

روايت:۱۸

زندگي:دنياوى زندگى كى خصوصيات ۱۵

عقيدہ:قيامت پر عقيدہ ركھنے كے آثار ۱۷

عمل:جاہلانہ عمل ۲،۷; ناپسنديدہ عمل۴

عہد:عہد كو پورا كرنے كى اہميت ۵،۸،۱۴; عہد كى اہميت۹; عہد كے آثار ۱۱; عہد كے احكام ۶،۷

عہد توڑنا:عہد توڑنے كا بے منطق ہونا ۲،۷; عہد توڑنے كى حرمت ۶،۷; عہد توڑنے كے موانع ۱۷

عہد كو توڑنے والے:عہد كو توڑنے والوں كا اخروى مواخذہ ۱۳،۱۴; عہد كو توڑنے والوں كوانذار۱۴

عہد كرنے والے :عہدكرنے والوں كى ذمہ دارى ۸

قرآن:قرآن كى تشبيہات ۱،۱۸

قرآنى تشبيہات :بننے كے ساتھ تشبيہ دينا ۱; عہد شكنى كى تشبيہ۱

قسم:حرام قسم كھانا ۳; قسم كو پوراكرنے كى اہميت۵،۱۴; قسم كى اہميت۹; قسم كے آثار۱۱; قسم كے احكام۳

قسم توڑنے والے:قسم توڑنے والوں كا اخروى مواخذہ۱۴;قسم توڑنے والوں كو انذار۱۴

قيامت:قيامت ميں اختلاف كو بيان كرنا۱۲; قيامت ميں حقائق كا ظہور ہونا ۱۲

محرمات;۶،۷

معاملہ:معاملہ ميں قسم۹

مكر:قسم كھانے كے ساتھ مكر كرنا ۳;مكر كى سرزنش۴

آیت ۹۳

( وَلَوْ شَاء اللّهُ لَجَعَلَكُمْ أُمَّةً وَاحِدَةً وَلكِن يُضِلُّ مَن يَشَاءُ وَيَهْدِي مَن يَشَاءُ وَلَتُسْأَلُنَّ عَمَّا كُنتُمْ تَعْمَلُونَ )

اور اگر پروردگار چاہتا ہو جبراً تم سب كو ايك قوم بنا ديتا ليكن وہ اختيار دے كر جسے چاہتا ہے گمراہى ميں چھوڑ ديتا ہے اور جسے چاہتا ہے منزل ہدايت تك پہنچا ديتا ہے اور تم سے يقينا ان اعمال كے بارے ميں سوال كيا جائے گا جو تم دنيا ميں انجام دے رہے تھے _

۱_انسان كے عقائد و فكر ى اختلافات كا ختم ہونا اور امتوں كا ايك امت ميں تبديل ہونا مشيت الہى ميں ايك ممكن امر ہے_و لوشاء لجعلكم امّة وحدة

جملہ''يضلّ من يشاء يہدى من يشائ ...'' كے قرينہ كى بناء پر ''امت واحدہ ''سے مرادعقيدہ اور دين ميں امت كا واحد ہوناہے _ جيسا كہ لغت كے لحاظ سے كلمہ '' امت'' ايسے گروہ كے ليے استعمال ہوا ہے جن كا دين ايك ہے ( مفردات راغب)

۲_ خداوند عالم كا ارادہ اور مشيت ناقابل تخلفّ ہے_ولو شاء لجعلكم امّة واحدة

۳_ تمام انسانوں كا عقيدہ كردار ميں ايك جيسانہ ہونا اور ان كے در ميان تفاوت ،خداوند عالم كى مشيت اور تديبركى بناء پرہے_ولو شاء لجعلكم امّة واحدة

۴_ ايك گروہ كا ہدايت اور دوسرے كا گمراہى كے راستہ كو اختيار كرنا، مشيت الہى پر مبتنى ہے_

يضلّ من يشاء و يهدى من يشاء

۵_ انسانوں كا جبر و اكراہ كى بجائے اختيار و زمہ دارى كے راستہ پر گامزن ہونا، مشيت خداوند عالم ہے _

مشيت الہى كو بيان كرنے كے بعد انسان كى مسؤليت ''لتسل ن ...''كا ذكر اس حقيقت كى طرف اشارہ ہے كہ مشيت الہى انسان سے مسؤليت كے سلب كا سبب نہيں ہے بلكہ مسؤليت كو تحقق بخشتى ہے_

۶_ انسان اپنے اعمال كے بارے ميں مسئول ذمہ دار ہے_ولتسل ن عمّا كنتم تعملون

۷_ قيامت كے دن انسانوں سے ان كے اعمال كے بارے ميں باز پرس ہوگي_ولتسئلن عمّا كنتم تعملون

۸_ خداوند عالم كے توسط سے انسان كى ہدايت اور گمراہى خود ان كى خواہش اور انتخاب كے تابع ہے_

يضّل من يشاء و يهدى من يشاء

مذكورہ مطلب اس احتمال كى بناء پر ہے كہ ''يشائ'' ميں فاعل ايسى ضمير ہو جو ' ' من'' كى طرف لوٹ رہى ہو اور ''يضّل'' كے فاعل سے متحد نہ ہو_

الله تعالي:الله تعالى كى تدبير كے آثار ۳; الله تعالى كى مشيت كا حتمى ہونا ۲; الله تعالى كى مشيت كے آثار ۱،۳،۴; مشيت الہى ۵

امتيں :امت واحدہ۱

انسان:انسان كا اختيار ۵،۸;انسانوں كا اخروى مواخذہ ۵;انسانوں كا عقيدہ ۳; انسانوں كا عمل۳; انسان كى مسؤليت ۵،۶; انسانوں ميں تفاوت ۳

جبر و اختيار:جبر كا باطل ہونا ۵

عقيدہ :عقيدتى مسائل كے حل ہونے كا امكان۱

عمل:عمل كا ذمہ داري۶

گمراہى :گمراہى كاسرچشمہ ۴،۸

ہدايت:ہدايت كا سرچشمہ۴، ۸

آیت ۹۴

( وَلاَ تَتَّخِذُواْ أَيْمَانَكُمْ دَخَلاً بَيْنَكُمْ فَتَزِلَّ قَدَمٌ بَعْدَ ثُبُوتِهَا وَتَذُوقُواْ الْسُّوءَ بِمَا صَدَدتُّمْ عَن سَبِيلِ اللّهِ وَلَكُمْ عَذَابٌ عَظِيمٌ )

اور خبردار اپنى قسموں كو فساد كا ذريعہ نہ بناؤ كہ نو مسلم افراد كے قدم ثابت ہونے كے بعد پھر كھڑجائيں اور تمھيں راہ خدا سے روكنے كى پاداش ميں بڑے عذاب كا مزہ چكھنا پڑے اور تمھارے لئے عذاب عظيم ہوجائے _

۱_ فريبانہ مقاصد كى پيش رفت كے ليے قسم كو وسيلہ قرار دينا حرام ہے_ولا تتخذوا ايمنكم دخلاً بينكم

۲_ اسلام نے لوگوں كو اپنى قسموں اور پيمان كى پابندى كرنے كى تاكيد كى ہے_ولا تنقضوا ايمنكم دخلاً بينكم

۳_ ناشائستہ مقاصد تك دسترسى كے ليے دينى اقدار كو وسيلہ قرار دينا ممنوع ہے_ولا تتخذوا ايمنكم دخلاً بينكم

مذكورہ بالا تفسير ''ايمان'' كى خصوصيت كو ختم كرنے اور اسے تمام اقدار او ر مقدسات ميں عموميت دينے كے ليے ہے_

۴_ قسم اور دينى مقدسات سے سوء استفادہ كرنا ، دوسروں كے عقيدہ اورايمان كو ضعيف كرنے كا سبب ہے_

ولا تتخدوا ايمنكم دخلاً بينكم فتزلّ قدم بعد ثبوته

مذكورہ تفسير اس احتمال كى بناء پر ہے كہ 'قدم''سے مراد ان لوگوں كا ايمان اور عقيدہ ہو جنہوں نے دين كى طرف ميلان پيدا كيا ہو اور كچھ دينى اقدار سے سوء استفادہ كا مشاہدہ كرنے كى وجہ سے وہ لغزش كا شكار ہوجائيں اور ايمان سے منہ پھر ليں _

۵_ قسم كے ذريعہ دوسروں كو دھوكہ دينا اپنے آپ كوبد اعتماد كرنے كا پيش خيمہ ہے_

ولا تتخذوا ايمنكم دخلاً بينكم فتزلّ قدم بعد ثبوته

مذكورہ تفسير اس احتمال كى بناء پر ہے كہ ان كے قدموں كا ضعيف ہونا لوگوں كى نگاہ ميں اصل قسم كے بے اعتبار ہونے سے كنايہ ہو_

۶_ دين اوردينى مقدسات كى نسبت لوگوں كو بے عقيدہ كرنے كا زمينہ فراہم كرنا حرام ہے_

ولا تتخذوا ايمنكم دخلاً بينكم فتزلّ قدم بعدثبوتها و تذوقوا السوئ

مذكورہ تفسير اس نكتہ كى بناء پر ہے كہ ''حنث قسم'' (قسم توڑنا ) سے نہى اس وجہ سے كى گئي ہے كہ يہ دوسروں كے عقيدہ كو ضعيف كرنے كا ہوتا ہے _ آيت كے ذيل ميں يہ عمل ''صد عن سبيل الله '' اور عظيم عذاب كے عنوان سے بيان كيا گيا ہے_

۷_ قسم توڑنے اور لوگوں كو دھوكہ دينے كا ضرر اور نقصان خود قسم توڑنے اور دھو كہ دينے والوں كو ہوگا_

ولا تتخدوا ايمنكم دخلاً بينكم فتزل ّ قدم بعد ثبوتها وتذوقوا لسوئ

يہ جو خداوند عالم نے قسم توڑنے كے نقصان كو خود قسم توڑنے والوں كے ليے قرار ديا ہے اور انہيں مخاطب قرار ديا ہے( وتذوقوا السوئ) اس سے مذكورہ مطلب كا استفادہ ہوتا ہے_

۸_قسم توڑنے والے لوگوں كو خدا كى راہ سے روكنے والے ہيں _ولا تتخذوا ايمنكم دخلاً ...بما صددتمّ عن سبيل الله ولكم عذاب عظيم

۹_ دينى مقدسات سے سوء استفادہ كے ذريعہ لوگوں كے ايمان كوضعيف كرنا ''صد عن سبيل الله '' ہے _

ولا تتخذوا ايمنكم دخلاً ...وتذوقوا السوئ

يہ جو خداوند عالم نے حنث قسم اور فريب كارى كو راہ خدا كو مسدود كرنے سے تعبير كيا ہے (بما صددتم عن سبيل الله ) اس سے يہ استفادہ ہوتا ہے كہ حنث قسم اور فريب كارى كے ذريعہ لوگوں كے ايمان كو ضعيف كرنا راہ خدا كو مسدود كرنے كا واضح مصداق ہے_

۱۰_ قسم اور پيمان كو توڑنا، سخت دنياوى عكس العمل اور عظيم عذاب كا حامل ہے_

ولا تتخذوا ايمنكم دخلاً ...وتذوقوا لسوء بما صددتم عن سبيل الله ولكم عذاب عظيم

مذكورہ تفسير اس احتمال كى بناء پر ہے كہ ''تذوقوا ...'' ديناوى سختيوں كى طرف اور ''عذاب عظيم''اخروى عذاب كى طرف اشارہ ہو_

۱۱_راہ خدا ( دينى الہي) ميں روڑے اٹكانا، دنياوى مشكلات اور عظيم اخروى عذاب كاسبب ہے_

وتذوقوا السّوء بما صددتم عن سبيل الله ولكم عذاب عظيم

''سبيل الله '' سے مراد، دين خدا ہے قرآن كى بہت سارى آيات ميں اسى عنوان سے يہ ذكر ہوا ہے_

اپنى ذات:اپنى ذات كو نقصان۷

احكام:۱،۶

اسلام:اسلام كى تعليمات ۲

اقدار:اقدار سے سوء استفادہ ۳;اقدار سے سوء استفادہ كے آثار ۴; اقدار كى اہميت۳

ايمان:ايمان ميں سستى كا زمينہ۹; ايمان ميں سستى كے اسباب ۴

دين:دين سے ممانعت كے آثار ۱۱; دين سے ممانعت كے اخروى آثار۱۱

دينداري:ديندارى ميں سستى كا زمينہ ۶

سبيل الله :سبيل الله سے روكنے والے۸; سبيل الله سے ممانعت ۹;سبيل الله سے ممانعت كے آثار۱۱; سبيل الله سے ممانعت كے اخروى آثار ۱۱

سختي:سختى كے اسباب۱۱

قسم:حرام قسم۱; قسم توڑنے كا اخروى عذاب ۱۰; قسم توڑنے كا ضرر ۷;قسم توڑنے كے اسباب۱۰; قسم سے سوء استفادہ ۱; قسم سے سوء استفادہ كے آثار ۴،۵; قسم كو پورا كرنے كى اہميت۲; قسم كے بے اعتبار ہونا كازمينہ۵

قسم توڑنے والے:۸

عذاب:عذاب كے اسباب ۱۰،۱۱; عذاب كے مراتب ۱۰،۱۱

عقيدہ:عقيدہ ميں سستى كے اسباب۴

عہد شكني:عہد شكنى كا اخروى عذاب۱۰;عہد شكنى كے آثار ۱۰

محرمات:۱،۶

مقدسات:مقدسات سے سوء استفادہ كے آثار ۹

آیت ۹۵

( وَلاَ تَشْتَرُواْ بِعَهْدِ اللّهِ ثَمَناً قَلِيلاً إِنَّمَا عِندَ اللّهِ هُوَ خَيْرٌ لَّكُمْ إِن كُنتُمْ تَعْلَمُونَ )

اور خبردار اللہ كے عہد كے عوض معمولى قيمت (مال دنيا) نہ لو كہ جو كچھ اللہ كے پاس ہے وہى تمھارے حق ميں بہتر ہے اگر تم كچھ جانتے بوجھتے ہو _

۱_ الہى عہد و پيمان سے سودا بازى اور دنيا كى ناچيز قيمت كے مقابلہ ميں اسے پامال كرنا ممنوع اور ناقابل بخشش گناہ ہے_

ولا تتخذوا ايمانكم دخلاً ...ولكم عذاب عظيم ولا تشتروا بعهد الله ثمناً قليلا

خدا كے عہد وپيمان سے سودا بازى سے نہى ''لا تشتروا '' اوراس كا عظيم گناہ ہونا ما قبل آيت كے ذيل ''ولكم عذاب عظيم ''جو كہ عظيم عذاب سے خبر دار كياگيا ہے سے استفادہ كيا گيا ہے_

۲_ دنيا كا مال ومتاع اگر چہ ظاہرى طور سے عظيم اور بہت زيادہ ہى كيوں نہ ہو الہى عہد و پيمان توڑنے كے مقابلہ ميں نا چيز اور بے قيمت ہے_ولا تشتروا بعهد الله ثمناً قليلا

۳_ دين اور معنويات كى بلند قدر و قيمت مادى امور سے قابل مقائسہ نہيں ہے_

ولا تشتروا بعهد الله ثمناً قليلاً انما عند الله هو خير لكم

۴_ الہى قسم اور عہد كو توڑنے والے افراد، دنياپرست ، پست فكر، عاجز اور ناتواں ہيں _

لا تتخذو ا ايمانكم دخلاً بينكم ...ولا تشتروا بعهد الله ثمنا قليلا

''ثمناًقليلاً'' ( كم اور ناچيز قيمت) كى تعبير سے پست فكرى اور ناتوانى كا استفادہ ہوتا ہے كيونكہ كوئي صاحب عقل و فكر اجناس كو كم اور ناچيزقيمت

اور اس كى حقيقى قيمت سے كم نہيں بيچتا _

۵_ انسان ،ماديات كے حصول كے ليے معنوى مقدسات كوپامال كرنے كے خطرہ سے دوچار ہے_

ولا تشتروا بعهد الله ثمناً قليلا

۶_ پست فكرى ، ناتوانى اور دنيا طلبي، انسان كا الہى پيمانوں كوتوڑنے كى طرف ميلان اور دنيا كو آخرت پر ترجيح دينے كاسبب ہے_ولا تشتروا بعهد الله ثمناً قليلا

۷_ انسانوں كا حقيقى نفع اور خير، دنيا كے ناچيز مال و متاع كى بجائے فقط معنوى والہى مقدسات ميں مضمر ہے_

ولا تشتروا بعهد الله ثمناً قليلاً انمّا عندالله هو خيرّ لكم

۸_ الہى عہد سے وفا كرنے والوں كى جزا، خداوند عالم كے ہاں محفوظ ہے_

ولا تشتروا بعهد اللّه ...انما عند الله هو خير لكم

۹_ سب سے برترين الہى پاداش كى طرف توجہ ، انسان كو خداوند عالم سے كے گئے پيمان سے روگردانى كرنے سے روكتى ہے_ولا تشتروا بعهد الله ...انما عند الله هو خير لكم ان كنتم تعلمون

۱۰_ دين كے ساتھ سودا بازى اوردنيا كو آخرت پر ترجيح دينا ، جہالت اور نادانى كى علامت ہے _

ولا تشتروا بعهد الله ...انمّا عند الله هو خير لكم ان كنتم تعلمون

۱۱_ ذمہ داريوں اور الہى تعہدّات سے رو گردانى كرنے والے لوگ، جاہل اورخداوند عالم كى عظيم پاداش كى طرف متوجہ نہيں ہيں _ولا تشتروا بعهد اللّه ...انمّا عندالله هوخير لكم ان كنتم تعلمون

۱۲_ علوم و افكار كى سطح كوبلند كرنا ، عظيم الہى مقدسات اور حقيقى نفع و نقصان كو بہتر سمجھنے كا وسيلہ ہے_

ولا تشتروا بعهد اللّه ...انمّا عندالله هو خير لكم ان كنتم تعلمون

۱۳_ انسان، عظيم اقدار كا اسير ہے_انمّا عندالله هو خير لكم ان كنتم تعلمون

مذكورہ تفسير اس بناء پر ہے كہ خداوند عالم نے برترين مقدسات كى نشاند ہى كے ذريعہ انسان كو حقيقى اقدار كى طرف راہنمائي كى ہے_

۱۴_ اسلام انسان كے ليے اقدار كا معيار مقرر كرنے والا اور برترين اقدار كا تعارف كرانے والا ہے_

ولا تشتروا بعهد الله ثمناً قليلاً انمّا عندالله

هو خير لكم ان كنتم تعلمون

۱۵_ انسان ، اقدار كى تشخيص اور قدرو قيمت لگانے كے لحاظ سے خطا سے دوچار ہوتا ہے_

ولا تشتروا ...ثمناً قليلاً انمّا عندالله هو خير لكم ان كنتم تعلمون

اسلام :اسلام كا كردار۱۴

اقدار:اقدارسے سوء استفادہ كرنا۵;اقداركا معيار ۱۴; اقدار كوبيان كرنا۱۴; اقداركوسمجھنے كے اسباب۱۲

اقدار كا مقائسہ كرنا:اقدار كا مقائسہ كرنے ميں غلطى كرنا ۱۵

الله تعالى :الله تعالى كى جزائيں ۸;الله تعالى كے ساتھ عہد شكنى كا زمينہ۶; الله تعالى كے ساتھ عہدشكنى كا گناہ ۱ ; الله تعالى كے ساتھ عہد شكنى كا ممنوع ہونا۱;الله تعالى كے ساتھ عہد شكنى كے موانع۹

انسان:انسان كى خطائيں ۱۵;انسان كے مصالح ۷ ; انسان كے ميلانات ۱۳

جہالت :جہالت كى نشانياں ۱۰

دنيا :آخرت پر دنيا كو ترجيح دينے كا سبب۶_آخرت پر دنيا كو ترجيح دينے كے آثار۱۰

دنيا طلبى :دنيا طلب كرنے والے۲; دنيا طلبى كے آثار ۶

دين :دين سے اعراض كرنے والوں كى جہالت ۱۱; دين سے اعراض كرنے والوں كى غفلت ۱۳;دين كى اہميّت ۳

دين فروشى :دين فروشى كے آثار ۱۰

ذكر :خدا كى جز او ں كے آثار كا ذكر ۹

علم :علم كے اضافہ كے آثار ۱۲

عہد :عہد سے وفا كرنے والوں كى پاداش ۸_عہدسے وفا كى اہميّت ۲

عہد توڑنے والے :عہد توڑنے والوں كى تنگ نظرى ۴_عہد توڑنے والوں كى دنيا طلبى ۴

غافل افراد :خداكى پاداش سے غافل افراد۱۱

كوتاہ نظرى :كوتاہ نظرى كے آثار ۶

گناہان كبيرہ: ۱

مادى امكانات :مادى امكانات كى بے وقعتى ،۲،۳،۷

ميلانات :اقدار كى طرف ميلانات ۱۳

معنويات :معنويا ت سے سوء استفادہ۵; معنويات كى اہميّت ۷;معنويات كى قدر وقيمت۳

آیت ۹۶

( مَا عِندَكُمْ يَنفَدُ وَمَا عِندَ اللّهِ بَاقٍ وَلَنَجْزِيَنَّ الَّذِينَ صَبَرُواْ أَجْرَهُم بِأَحْسَنِ مَا كَانُواْ يَعْمَلُونَ )

جو كچھ تمھارے پاس ہے وہ سب خرچ ہوجائے گا اور جو كچھ اللہ كے پاس ہے وہى باقى رہنے والا ہے اور ہم يقينا صبر كرنے والوں كو ان كے اعمال سے بہتر جزا عطا كريں گے _

۱_انسان كا حاصل كردہ مادى مال ومتاع فنا ہونے والے اور معنوى مقدسات اور الہى جزائيں باقى اور جاودانى ہيں _

ما عندكم ينفد و ما عندالله باق

۲_معنوى مقدسات اور الہى پاداش كى جاودانيت ان كى مادى مال ومتاع پرمطلق برترى كا راز ہے_

انّما عندكم هو خير لكم ما عندكم ينفد وما عندالله باق :

۳_خداوند عالم صابرين كے ہر نيك عمل كے مطابق انہيں بہترين جزا دے گا_

ولنجزينّ الذين صبروا اجرهم باحسن ما كانوايعملون

۴_ہرنيك عمل نيكى ميں مختلف مراتب اور گوناگوں اور متناسب پاداش كا حامل ہے _

ولنجزينّ الذين صبروا ا جرهم با حسن ما كانوا يعملون

يہ جو خداوند عالم صبر كرنے والوں كو ان كے نتيجہ ميں بہترين نوعيت كى جزا دے گا اس چيز پر علامت ہے كہ ہر نيك عمل مختلف انواع ومراتب كا حامل ہے كہ خداوند عالم نے مقام جزا ميں ان كى بہترين نوعيت كو معيار قرار ديا ہے اور صابرين كو عطا كرے گا_

۵_صبر كرنے والے خداوند عالم كے خصوصى لطف و كرم سے بہرہ مند ہيں _

ولنجزينّ الذين صبروا اجرهم باحسن ما كانوا يعملون

۶_تعہّدات اور پيمان كى پاسداري، برترين الہى جزاو ں سے بہرہ مند ہونے كا سبب ہے _

ولا تشتروا بعهدالله ثمناًقليلاًولنجزينّ الذين صبروا اجرهم با حسن ما كانوا يعملون

۷_خداوند كى جاودانى جزاو ں تك پہنچے كى اميد سے ماديات سے دست بردار ہونا، صبر وشكيبائي كا محتاج ہے _

ما عندكم ينفذ وما عنداللّه باق ولنجزينّ الذين صبروا اجرهم باحسن ما كانوايعملون

ماديات كے فنا ہونے اور معنويات كى جاودانيت كا تذكر اور پھر صبر وشكيبائي كے مسئلہ كو پيش كرنے سے معلوم ہوتا ہے كہ ماديات كو چھوڑنا اور اخروى نعمتوں سے دل لگانا، صبر كا محتاج ہے _

۸_ايسا عمل جو سختى ،تسلسل صبر او ر استقامت كے ساتھ انجام پائے وہ عظيم قدر وقيمت كا حامل ہے_

ّولنجزينّ الذين صبروا ا جرهم باحسن ما كانوا يعملون

۹_انسانى سعادت اور بارگاہ الہى ميں بلند مقام كے حصول ميں صبر واستقامت كا اہم كردار ہے _

ولنجرينّ الذين صبروا ا جرهم باحسن ما كانوا يعملون

جزا اور معنوى مقام تك رسائي كے ليے مؤمنين كى بہترين اور خوب صفات ميں سے صبر واستقامت كى صفت كا خصوصى طور پر ذكر كرنے سے مذكو رہ مطلب كا استفادہ ہوتاہے _

۱۰_انسان كے عمل كا تسلسل ،الہى فضل سے بہرہ مند ہونے اور معنوى مقام اور اخروى سعادت تك رسائي كا سرچشمہ ہے _ولنجزينّ الذين صبروا ا جرهم با حسن ما كانوا يعملون