امامين حسنين عليهما السلام ثقافتى اور فکر اسلامى - نيٹ ورک

کتاب صوم

روزہ کو باطل کرنے والی چیزیں

روزہ یعنی قربتا الی اللہ کی نیت سے مندرجہ ذیل چیزوں سے بچنا :

۱ ۔کھانا اور پینا :چاہے وہ چیز عام طور پرکھائی پی جاتی ہوں یا نہ ہوںاور اس سے بھی فرق نہیں پڑتا کہ وہ عادی طریقے سے کھائی یا پی جائے یا غیر عادی طریقے سے ،مقدار کم ہو یا زیادہ اس سے بھی فرق نہیں پڑتا ہے سر اور سینہ کا بلغم اگر منہ میں آ جائے تو نگلناجائز نہیں ہے. انجکشن لگانا یا کان وغیرہ اور اس جیسےاعضاءمیں قطرے ڈالنا اور اسی طرح تھوک (لعاب دہن) کے نگلنے میں کوئی اشکال نہیں ہے۔

۲ ۔جماع کرنا چاہےآگے میں ہو یا پیچھےمیں، چاہے فاعل ہو یا مفعول اور اگر کوئی شخص جماع کا اردہ کرئےلیکن دخول میں شک کرے یاسپاری کی مقدارمیں دخول کا شک ہو تو صرف قضاء واجب ہے کفارہ نہیں.

۳ ۔منی کے نکلنےکے لیے اگر ایسے مقدمات فراہم کرنے کے بعد منی نکالنا جن سے عام طور پر منی نکل جاتی ہے لیکن اگر بغیر ارادہ کے منی نکل جائے تو نہ اس پر کفارہ ہےاور نہ قضاء ۔

۴ ۔طلوع فجر تک جان بوجھ کرجنابت پر باقی رہنا ۔

۵ ۔اکثر فقہاء کے نزدیک خدا اور رسول پر جھوٹ باندھنایا اسی طرح کسی ایک معصوم(ع) پر جھوٹ باندھنا ۔

۶ ۔ گاڑھا غبار کا حلق تک پہنچانا ایک نظریے کے مطابق ۔

۷ ۔سر کا پانی میں ڈبونا۔

۸ ۔ سیال چیز سےحقنہ کرنا ۔

۹ ۔جان بوجھ کرقے کرنا ۔

مذکورہ احکام کے دلائل :

۱ ۔روزہ کی نیت میں قصد قربت شرعی لحاظ سے معتبر( ضروری) ہے ۔ لغت کے بر خلاف چونکہ لغوی لحاظ سے قصد قربت معتبر نہیں ہے ۔اور یہ(قصد قربت کا اعتبار) اہل شریعت کے نزدیک ثابت ہونے کی بنا پر ہے کہ جس میں شریعت اسلام کے علاوہ کااحتمال نہیں ہے

اور فضیل بن یسار کی امام محمد باقر علیہ السلام سے روایت کرتے ہیں کہ امام نے فرمایا :

"الْفُضَيْلِ بْنِ يَسَارٍ عَنْ أَبِي جَعْفَرٍ ع قَالَ: بُنِيَ الْإِسْلَامُ عَلَى خَمْسٍ عَلَى الصَّلَاةِ وَ الزَّكَاةِ وَ الْحَجِّ وَ الصَّوْمِ وَ الْوَلَايَة (۱)

ترجمہ :''اسلام کی بنیاد پانچ چیزوں پر رکھی گئی ہے : نماز ، زکات ،حج ، روزہ اور اہلبیت کی ولایت۔"

اوراسلام کی بنیاد کسی ایسی چیزپر نہیں رکھی جا سکتی جس میں قصد قربت نہ ہو ۔

۲ ̵ قصد قربت کا نہ ہونا بالخصوص روزے کو باطل کر دینے کی دلیل اہل شریعت کا اس کے پابندہونا ہے اور اس کے علاوہ ہمارے پاس اور بھی ایسی دلیلیں ہیں جوعدم قصد قربت کے روزہ باطل ہونے پر دلالت کرتی ہیں لیکن اس وضاحت کے ساتھ کہ مذکورہ بالا موارد کے علاوہ میں ب روزہاطل نہیں ہوتا ہے

۳. کھانے پینے والی چیزو ں پر جس سے روزہ باطل ہو جاتا ہےاس پر ادلہ :

۱.خداوند متعال فرماتے ہیں :

( وَ كلُواْ وَ اشْرَبُواْ حَتىَ‏ يَتَبَينَ لَكُمُ الْخَيْطُ الْأَبْيَضُ مِنَ الخْيْطِ الْأَسْوَدِ مِنَ الْفَجْرِ ثُمَّ أَتِمُّواْ الصِّيَامَ إِلىَ الَّيْلِ)

ترجمہ:"اور اس وقت تک کھا پی سکتے ہوجب تک فجر کا سیاہ ڈورا ،سفید ڈورے سے نمایاں نہ ہو جائے"

اور جس پر محمد بن مسلم کی حضرت امام باقر علیہ السلام سے مروی صحیح روایت ہے :

"مُحَمَّدِ بْنِ مُسْلِمٍ قَالَ :سَمِعْتُ أَبَا جَعْفَرٍ ع يَقُولُ‏ لَا يَضُرُّ الصَّائِمَ‏ مَا صَنَعَ‏ إِذَا اجْتَنَبَ ثَلَاثَ خِصَالٍ الطَّعَامَ وَ الشَّرَابَ وَ النِّسَاءَ وَ الِارْتِمَاسَ فِي الْمَاءِ "(۲)

ترجمہ: "{حضرت شیخ طوسی علیہ الرحمہ اپنی سند کے ساتھ }محمد بن مسل.م سے روایت کرتے ہیں کہ میں نے حضرت امام محمد باقر علیہ السلام کو فرماتے سنا ہے کہ روزہ دار جب تک ان تین چیزوں سے پرہیز کرئےتو اس کے روزئے کو کوئی چیزنقصان نہیں پہنچاسکتی ہے ۱ ۔ کھانے پینے سے ۔ عورتوں (مباشرت سے)سے۔اور پانی میں پورے سرکےڈبونے سے "

اور اس کے علاوہ دوسری روایات بھی اس طلب کی تائید کرتی ہیں ۔

۴.کھانے، پینے والی چیزیں چاہے لوگوں میں رائج ہو ں یا نہ ہو ںاسی طرح چاہے عام طورپرکھائی جانے والی ہوں یا نہ ہوں اور عادی طریقے سے کھائی یا پی جائےیا غیر عادی ۔جس پر دلیل حذف متعلق کی وجہ ہے جوکہ عموم دلالت کرتی ہے یا دلیل اطلاق کی وجہ سے ہے۔

لیکن عام ہونا دو طرف سے عادی طریقے سے کھائی یا پی جائے یا غیر عادی سے اور چاہے کم ہو یا زیادہ یہ اطلاق کی دلیل سے ثابت ہوتی ہے ۔

۵۔اگر سر وسینہ کا بلغم منہ میں آجائےاور روزہ دار اس کو نگل لے تو روزہ باطل ہو جائے گا کیونکہ اس پر کھانا پینا صدق کرتا ہےلیکن اگر منہ کی فضا تک نہیں پہنچا اور خود بخود اندر چلا جائے تو روزہ باطل نہیں ہو گا اور اگر شک کر ئے کہ روزہ صحیح ہےیا نہیں تو قاعدہ برائت جاری ہوگا ۔

۶۔انجکشن اورقطرے اور انکھ و کان میں دوائی ڈالنا جائز ہے کیونکہ ان پر کھانا پینا صدق نہیں کر تا اور اگر اس کی حرمت میں شک کریں تو قاعدہ برائت جاری ہو گا ۔

۷۔لعاب دھن کے نگلنے کے جائز ہونے کی دلیل یہ ہے کہ جو" نہی "آئی ہے اس کا انصراف کھانے اور پینے پر ہے جوکہ لعاب دھن کے نگلنے پر صدق نہیں کرتی ہے اور اس بات کی تاکید متشرعین کی سیرت سے بھی ہوتی ہے بلکہ ایک اور دلیل جو یہاں ذکر کی جاسکتی ہے وہ یہ کہ اگر لعاب دھن کا نگلنا جائز نہ ہوتا تو روزہ دار کے لیے شدید مشقت کا باعث ہو تا جس سے اللہ تعالی نےاس ایت کی رو سے شریعت میں منع کیا گیا ہے

( مَا جَعَلَ عَلَيْكمُ‏ فىِ الدِّينِ مِنْ حَرَجٍ ) (۳)

ترجمہ:" کہ اس نے تمہیں منتخب کیا ہے اور دین میں کوئی زحمت نہیں قرار دی ہے"

۸۔روز ےکی حالت میں ہمبستری کرنا روزے کو باطل کر دیتی ہے کہ رات کو ہمبستری کرنا جائز ہے اور دن کوحرام ہے جس پر دلیل قران کی یہ آیت ہےکہ خداوندعالم ارشاد فرماتے ہیں :

( أُحِلَّ لَكُمْ لَيْلَةَ الصِّيَامِ الرَّفَثُ إِلىَ‏ نِسَائكُمْ هُنَّ لِبَاسٌ لَّكُمْ وَ أَنتُمْ لِبَاسٌ لَّهُنَّ عَلِمَ اللَّهُ أَنَّكُمْ كُنتُمْ تخَتَانُونَ أَنفُسَكُمْ فَتَابَ عَلَيْكُمْ وَ عَفَا عَنكُمْ فَالَنَ بَاشِرُوهُنَّ وَ ابْتَغُواْ مَا كَتَبَ اللَّهُ لَكُمْ وَ كلُواْ وَ اشْرَبُواْ حَتىَ‏ يَتَبَينَ لَكُمُ الْخَيْطُ الْأَبْيَضُ مِنَ الخْيْطِ الْأَسْوَدِ مِنَ الْفَجْرِ ) (۴)

ترجمہ: " تمہارے لئے ماہ رمضان کی رات میں عورتوں کے پاس جانا حلال کر دےا گےا ہے۔ہو تمہارے لئے پردہ پوش ہیں اور تم انکے لئے ۔خدا کو معلام ہے کہ تم اپنے ہی نفس سے خیانت کرتے تھے تو اس نے تمہاری توبہ قبول کرکے تمہیں معاف کر دیا۔ اب تم با اطمینان مباشرت کرو اور جو خدا نے تمہارے لئے مقدر کیا ہے اس کی آرزو کرو اوراس وقت تک کھا پی سکتے ہوجب تک فجر کا سیاہ ڈورا ،سفید ڈورے سے نمایاں نہ ہو جائے" اس سے مراد ہمبستری سے اجتناب کرنا ہے ۔

اور اسی طرح محمد بن مسلم کی صحیح روایت ہے جو کہ پہلے ذکر ہو چکی ہے اور دوسری روایات بھی اس بات پر دلالت کرتی ہے ۔

۹۔ہمبستری کرنا چاہےآگےسےہو یا پیچھےسے ،چاہے فاعل ہو یا مفعول روزہ کو باطل کر دیتی ہے کیونکہ یہ عام ہے جس پر دلیل آیت کا اطلاق ہے جو کہ پہلے گذر چکی ہے ۔

۱۰۔اگر کوئی شخص شک کرئے کہ مباشرت ہوئی ہے یا نہیں ، یا یہ جانتا ہے کہ مباشرت ہوئی ہے لیکن سپاری کے مقدار کے داخل ہونے میں شک کرئے کہ داخل ہوئی ہےیا نہیں تو اس صورت میں قضاء واجب ہے کیونکہ اس شخص نے قصد کیا تھا کہ روزہ توڑنے والی چیزوں میں سے کسی کو انجام دے گا اور یہ قصد روزے کے قضاء ہونے کا موجب بنتا ہے جس کا ذکر آیندہ عموی احکام میں آئے گا اور یہ کہ اس صورت میں کفارہ دینا واجب نہیں ہے کیونکہ اس پر دلیل استصحاب دلالت کرتی ہے کہ کفارہ واجب نہیں ہوا ہے کیونکہ اسباب کفارہ صادر نہیں ہوئے ہیں ۔

۱۱۔ منی کے نکلنے سے روزہ باطل ہوجاتا ہےجس پر دلیل عبد الرحمن بن حجاج کی حضرت امام صادق علیہ السلام سے مروی صحیح روایت ہے :

"عَبْدِ الرَّحْمَنِ بْنِ الْحَجَّاجِ قَالَ: سَأَلْتُ أَبَا عَبْدِ اللَّهِ ع عَنِ‏ الرَّجُلِ‏ يَعْبَثُ‏ بِأَهْلِهِ فِي شَهْرِ رَمَضَانَ حَتَّى يُمْنِيَ قَالَ عَلَيْهِ مِنَ الْكَفَّارَةِ مِثْلُ مَا عَلَى الَّذِي يُجَامِع "(۵)

ترجمہ:"{حضرت شیخ کلینی علیہ الرحمہ اپنی سند کے ساتھ }عبدالرحمن بن حجاج سے روایت کرتے ہیں ان کا بیان ہے کہ میں نے حضرت امام صادق علیہ السلام سےپوچھا کہ ایک شخص ماہ رمضان میں اپنی اہلیہ سے اس قدربوس وکنار کرتا ہے کہ اس کی منی خارج ہو جاتی ہے تو ؟فرمایا : اس طرح کفارہ واجب ہے جس طرح مجامعت کرنے والے پر واجب ہوتا ہے "

اور اس کے علاوہ دوسری روایات بھی ا س بات پر دلالت کرتی ہیں کہ منی کا نکلنا مبطلات روزہ میں سے ہیں اور قضاء بھی واجب ہے اگرچہ یہ روایت استمناء کے طلب کے بارے میں ہے لیکن ممکن ہے کہ اس روایت کو بطریق اولی دوسرے مبطلات میں بھی جاری کریں ۔

۱۲۔ اگر منی بغیر قصد کےنکل جائےتو روزہ دار کے اوپر کچھ نہیں ہے کیونکہ وہ چیزیں جو مبطل ہیں وہ انسان کے اختیاری افعال ہیں چونکہ یہاں موجب مبطل کی دلیل قاصر ہے جس کی بنا پر براءت سے تمسک کیا جائے گا پس اس سے واضح ہو جاتا ہے کہ احتلام مبطلات روزہ میں سے نہیں ہے اور روایت میں بھی اس کا ذکر کیا گیا ہے جس پر دلیل عبداللہ بن میمون کی حضرت امام صادق علیہ السلام سے مروی صحیح روایت ہے :

"مُحَمَّدُ بْنُ الْحَسَنِ بِإِسْنَادِهِ عَنِ الْحُسَيْنِ بْنِ سَعِيدٍ عَنْ حَمَّادِ بْنِ عِيسَى عَنْ عَبْدِ اللَّهِ بْنِ مَيْمُونٍ عَنْ أَبِي عَبْدِ اللَّهِ ع قَالَ: ثَلَاثَةٌ لَا يُفَطِّرْنَ الصَّائِمَ الْقَيْ‏ءُ وَ الِاحْتِلَامُ وَ الْحِجَامَة "(۶)

ترجمہ :"{حضرت شیخ طوسی علیہ الرحمہ اپنی سند کے ساتھ} عبداللہ بن میمون سے اور حضرت امام جعفر صادق علیہ السلام سے روایت کرتے ہیں فرمایا : تین چیزیں ایسی ہیں جو روزہ کو باطل نہیں کرتیں : ۱ ۔قئی ۲ ۔ احتلام ۳ ۔ اور پچھنے لگوانا "

تین چیزوں سے روزہ دار کا روزہ باطل نہیں ہوتا ہے ۱احتلام سے۲الٹی سے ۳حجامت سے ۔۔۔۔ اور اسی طرح واضح ہے کہ روایت میں بھی روزہ احتلام سے باطل نہیں ہوتا ہےاور اسی طرح روزہ دار کے لیے ممکن ہے کہ دن کو استبراء کرئے اگر چہ روزہ دار جانتا ہوکہ آلہ تناسل میں منی باقی ہے کیونکہ اس سے منی نکلی تھی تو باقی ماندہ منی احتلام سابق کے ساتھ ہے جو اختیاری نہیں تو مبطل روزہ میں سے نہیں ہے ۔

۱۳۔اگر کوئی مجنب روزہ کی حالت میں صبح تک جنابت پر باقی رہے تو اس کا روزہ باطل ہے جسں پر دلیل ابو بصیر کی حضرت امام صادق علیہ السلام سے مروی موثق روایت ہے :

"مُحَمَّدُ بْنُ الْحَسَنِ بِإِسْنَادِهِ عَنِ الْحُسَيْنِ بْنِ سَعِيدٍ عَنْ مُحَمَّدِ بْنِ أَبِي عُمَيْرٍ عَنْ إِبْرَاهِيمَ بْنِ عَبْدِ الْحَمِيدِ عَنْ أَبِي بَصِيرٍ عَنْ أَبِي عَبْدِ اللَّهِ ع‏ فِي رَجُلٍ‏ أَجْنَبَ‏ فِي‏ شَهْرِ رَمَضَانَ‏ بِاللَّيْلِ ثُمَّ تَرَكَ الْغُسْلَ مُتَعَمِّداً حَتَّى أَصْبَحَ قَالَ يُعْتِقُ رَقَبَةً أَوْ يَصُومُ شَهْرَيْنِ مُتَتَابِعَيْنِ أَوْ يُطْعِمُ سِتِّينَ مِسْكِيناً قَالَ وَ قَالَ إِنَّهُ حَقِيقٌ أَنْ لَا أَرَاهُ يُدْرِكُهُ أَبَدا "(۷)

ترجمہ :"{ حضرت شیخ طوسی علیہ الرحمہ اپنی سند کے ساتھ} ابوبصیر سے روایت کرتے ہیں ان کا بیان ہے کہ حضرت امام جعفر صادق علیہ السلام نے اس شخص کے بارے میں جس نے ماہ رمضان کی کسی رات اپنے آپ کو جنب کیا اور پھرصبح صادق جان بوجھ کرغسل نہیں کیا ۔ فرمایا ( کفارہ میں )ایک غلام آزاد کرے ،یا دو ماہ مسلسل روزہ رکھے یا ساٹھ مسکینوں کو کھانا کھلائے (اور اس روز کا روزہ بھی رکھے اور اس کی قضاء بھی کرے )۔ پھر فرمایا : وہ اس لائق ہے کہ میرے خیال کے مطابق وہ کبھی اس روز کے روزہ کی فضیلت کو نہیں پا سکے گا "

اور اس کے علاوہ دوسری روایات بھی اس پر دلالت کرتی ہیں پس اس بنا پر کفارہ کے واجب ہونے اور قضاء کے واجب ہونے پر یہ عمل دلالت کرتی ہے کہ مبطلات روزہ میں سے ایک جان بوجھ کرجنابت پر صبح تک باقی رہنا ہے ۔

اور اس روایت کے مقابلے میں حبیب خثعمی کی حضرت امام صادق علیہ السلام سے مروی صحیح روایت ہے :

"حَبِيبٍ الْخَثْعَمِيِّ عَنْ أَبِي عَبْدِ اللَّهِ ع قَالَ: كَانَ رَسُولُ اللَّهِ ص يُصَلِّي‏ صَلَاةَ اللَّيْلِ‏ فِي شَهْرِ رَمَضَانَ- ثُمَّ يُجْنِبُ ثُمَّ يُؤَخِّرُ الْغُسْلَ مُتَعَمِّداً حَتَّى يَطْلُعَ الْفَجْر "(۸)

ترجمہ :"حبیب خثعمی حضرت امام جعفر صادق علیہ السلام سے روایت کرتے ہیں کہ آنحضرت نےفرمایا :حضرت رسوا خدا صلی اللہ علیہ وآلہ وسلم ماہ رمضان میں نماز تہجد پڑھ کر اپنے آپ کو جنب کرتے تھے اور پھرطلوع فجر تک جان بوجھ کرغسل کو مؤخر کرتے تھے "

اور اسی طرح روایت عیص بن قاسم کی حضرت امام صادق علیہ السلام سے مروی صحیح روایت ہے :

"عِيصِ بْنِ الْقَاسِمِ قَالَ: سَأَلْتُ أَبَا عَبْدِ اللَّهِ ع عَنْ‏ رَجُلٍ‏ أَجْنَبَ‏ فِي‏ شَهْرِ رَمَضَانَ فِي أَوَّلِ اللَّيْلِ فَأَخَّرَ الْغُسْلَ حَتَّى طَلَعَ الْفَجْرُ قَالَ يُتِمُّ صَوْمَهُ وَ لَا قَضَاءَ عَلَيْه "(۹)

ترجمہ:"{حضرت شیخ طوسی علیہ الرحمہ اپنی سند کے ساتھ} عیص بن قاسم سے روایت کرتے ہیں کہ میں نے حضرت امام جعفر صادق علیہ السلام سے پوچھا کہ ایک شخص نے ماہ رمضان میں رات کے پہلے حصہ میں اپنے آپ کو جنب کیا اور طلوع فجر تک غسل کو مؤخر کیا تو ؟ فرمایا : اس روزہ کو مکمل کرے اوراس پر قضاء نہیں ہے"

اور اس جیسی دوسری روایات ۔

پہلی روایت کا رد۔ اس روایت کے مضمون کی تصدیق نہیں کر سکتے خصوصا روایت میں لفظ (کان) کی شانیت کے مصادیق زیادہ ہیں تو ہم بے بس ہیں کہ لفظ ( کان) کو بعض مصادیق پر حمل کریں ۔

دوسری روایت کا رد۔دوسری روایت مطلق ہے اور ہم بے بس ہیں کہ اس کو غیر عمدی حالت پر حمل کریں کیونکہ روایت ابو بصیر عمدی حالت پر صراحت سےدلالت کرتی ہے ۔

یہاں پر ایک تفصیل ہے جس کا تعلق اس شخص کے ساتھ ہے جو جنابت کی حالت میں صبح تک باقی رہتاہے کہ پہلی بار سونا صبح کی اذان تک ، اور یہ کہ نیند سے بیدار ہو جائے اور دوبارہ سوجائے جس کے بارے میں روزہ کے عمومی احکام میں اشارہ کیا جائےگا

۱۴۔ ان لوگوں کی طرف جھوٹ کی نسبت دینا جن کا ذکر پہلے ہو چکا ہے اکثر فقہاء کے قول کی بنا پر مبطلات روزہ میں سے ہے

جس پر دلیل ابی بصیر کی حضرت امام جعفر صادق علیہ السلام سے مروی صحیح روایت ہے :

"أَبِي بَصِيرٍ عَنْ أَبِي عَبْدِ اللَّهِ ع‏ أَنَ‏ الْكَذِبَ‏ عَلَى‏ اللَّهِ‏ وَ عَلَى رَسُولِهِ وَ عَلَى الْأَئِمَّةِ ع- يُفَطِّرُ الصَّائِمَ "(۱۰)

ترجمہ:"{حضرت شیخ صدوق علیہ الرحمہ اپنی سند کے ساتھ} ابو بصیر سے اور وہ حضرت امام جعفر صادق علیہ السلام سے روایت کرتے ہیں کہ انھوں نے فرمایا :خدا اور رسول ص اور ائمہ علیھم السلام پر جھوٹ بولنا روزہ دار کے روزے کو توڑ دیتا ہے "

اس روایت کے علاوہ دوسری روایات میں بھی اس ( مبطلات روزہ )کا ذکرکیا گیا ہے ۔

۱۵۔مبطلات روزہ میں سے ایک غبار(گھاڑا) ہے جس کے بارے میں کہا گیا ہے کہ اس سے قضاء و کفارہ دونوں واجب ہو جاتے ہیں جبکہ یہ بھی کہا گیا ہے کہ اس سے صرف قضاء واجب ہوتی ہے اور کفارہ واجب نہیں ہوتا ہے

جس پر دلیل سلیمان بن حفص مروزی کی حضرت امام کاظم علیہ السلام سے مروی روایت ہے :

"سُلَيْمَانَ بْنِ جَعْفَرٍ الْمَرْوَزِيِّ قَالَ سَمِعْتُهُ يَقُولُ‏ إِذَا تَمَضْمَضَ‏ الصَّائِمُ‏ فِي شَهْرِ رَمَضَانَ- أَوِ اسْتَنْشَقَ مُتَعَمِّداً أَوْ شَمَّ رَائِحَةً غَلِيظَةً أَو كَنَسَ بَيْتاً فَدَخَلَ فِي أَنْفِهِ وَ حَلْقِهِ غُبَارٌ، فَعَلَيْهِ صَوْمُ شَهْرَيْنِ مُتَتَابِعَيْنِ، فَإِنَّ ذَلِكَ لَهُ فِطْرٌ مِثْلُ: الْأَكْلِ، وَ الشُّرْبِ، وَ النِّكَاح "(۱۱)

ترجمہ:"{حضرت شیخ طوسی علیہ الرحمہ اپنی سند کے ساتھ }سلیمان بن جعفر (حفص)مروزی سے روایت کرتے ہیں ہے کہ میں نے حضرت امام موسی کاظم علیہ السلام کو فرماتے سنا ہے کہ: جب روزہ دار ماہ رمضان میں جان بوجھ کر کلی کرئےیا ناک میں پانی ڈالے اور حلق تک پہنچائے یا غلیظ بو سونگھے یا گھر میں جھاڑو دے اور اس کے ناک اور حلق میں غبار داخل ہو جائے تو اس پر مسلسل دو ماہ کا روزہ واجب ہے کیونکہ یہ چیزیں کھانا ، پینا اور جماع کی طرح ہیں جوروزہ کو توڑ دیتی ہیں"

اس موضوع میں مناسب یہ ہے کہ ہم کہیں کہ کفارہ کو دینا ترجیح رکھتا ہے ۔ اگر ترجیح کی قابلیت ہو ۔ اس دلیل کے ساتھ کہ الفاظ میں جملے کی سیاق کلی کرنےاورناک میں پانی ڈالنے اورعطر کےخوشبو کرنے کو شامل ہے جو کہ یہ موارد یقینا مبطلات روزہ میں سے نہیں ہیں ۔

یہ حکم(قول مناسب) سند روایت سے قطع نظر کہ اس میں مروزی جو کہ ضعیف ہے کیونکہ اس کاموثق ہونا ثابت نہیں ہے اور اس راوی کا مضمر ہونا اوربزرگان راویوں سے نہ ہونابھی ثابت ہے وگرنہ مسئلے کا حکم واضح و روشن ہے( یعنی اگر راوی کا مضمر ہونا دور ہو جائے تو غبار مبطل روزہ میں سے ہے) ۔

پس اس بنا پر مناسب قول یہ ہے کہ اس کے قائل ہو جائے کہ گھاڑا غبارمبطل روزہ میں سے نہیں ہے

۱۶۔پورےسر کو پانی میں ڈبونا قول مشہور کے مطابق مبطل روزہ میں سےہے اور بعض کہتے ہیں کہ فقط حرمت تکلیفی ہےاور ان کی دلیل روایت محمد بن مسلم ہے جوکہ پہلے گذر چکی ہے مگریہ کہ اس کے مقابلے میں روایت اسحاق بن عمار کی حضرت امام صادق علیہ السلام سے مروی موثق روایت ہے :

"إِسْحَاقَ بْنِ عَمَّارٍ قَالَ: قُلْتُ لِأَبِي عَبْدِ اللَّهِ ع رَجُلٌ‏ صَائِمٌ‏ ارْتَمَسَ‏ فِي الْمَاءِ مُتَعَمِّداً عَلَيْهِ قَضَاءُ ذَلِكَ الْيَوْمِ قَالَ لَيْسَ عَلَيْهِ قَضَاؤُهُ وَ لَا يَعُودَن "(۱۲)

ترجمہ:"{حضرت شیخ طوسی علیہ الرحمہ اپنی سند کے ساتھ }اسحاق بن عمار سے روایت کرتے ہیں کہ میں حضرت جعفر صادق علیہ السلام کی خدمت میں عرض کیا کہ ایک روزہ دار شخص جان بوجھ کر پانی میں ڈبکی لیتا ہے ۔ آیا اس پر اس دن کی قضاء واجب ہے ؟ فرمایا : اس پر قضاء واجب نہیں ہے مگردوبارہ تکرار نہ کرے "

اور بعض اوقات ممکن ہے کہ روایات کو اس طرح جمع کرئےکہ روایت اول کوروایت دوم کے قرینہ کے ذریعے سے جوکہ روزے کی قضاء کے واجب ہونے کونفی کرتی ہے تو اس کو حرمت تکلیفی پر حمل کرتے ہیں ۔

مگریہ کہ ضروری ہو جائے کہ مضر سے مراد روزہ دار کے لیے مضر ہونے پر حمل کریں ۔ نہ کہ روزے کی صحت کےلیے مضر ہونے پر حمل کریں ۔ پس اس بنا پر روزہ دار مکلف ہے اور اس طرح کا حمل بعید ہے ۔

اور بعض اس کے قائل ہیں کہ ان دو روایات کے درمیان تعارض(اختلاف ) برقرارہے یعنی ان دونوں کو جمع نہیں کر سکتے ہیں پس دوسری روایت اسحاق بن عمار کو تقیہ پر حمل کرتے ہیں کیونکہ ان کے نتیجہ کا حکم روزہ کے باطل ہونے پر ہے ۔

۱۷-مائع چیزوں کے ساتھ حقنہ کرنا:سیال چیزوں سے حقنہ کرنے کی "تکلیفی حرمت(حقنہ کے حرام ہونے میں )" میں کسی قسم کوئی اشکال نہیں پایاجاتاہے جس پردلیل احمدبن محمدبن ابی نصر کی امام رضا علیہ السلام سے مروی یہ صحیح روایت ہے :

"أَحْمَدَ بْنِ مُحَمَّدِ بْنِ أَبِي نَصْرٍ عَنْ أَبِي الْحَسَنِ ع‏ أَنَّهُ سَأَلَهُ عَنِ الرَّجُلِ‏ يَحْتَقِنُ‏ تَكُونُ‏ بِهِ الْعِلَّةُ فِي شَهْرِ رَمَضَانَ- فَقَالَ الصَّائِمُ لَا يَجُوزُ لَهُ أَنْ يَحْتَقِنَ "(۱۳)

ترجمہ :"{حضرت شیخ طوسی علیہ الرحمہ اپنی سند کے ساتھ} احمد بن محمد بن نصر سے روایت کرتے ہیں کہ انہوں نے حضرت امام علی رضا علیہ السلام سے پوچھا کہ ماہ رمضان میں آدمی کو کچھ تکلیف ہوتی ہے ۔کیا وہ حقنہ کرسکتا ہے ؟ فرمایا : روزہ دار کے لیے (مائع چیز سے)حقنہ کرنا جائز نہیں ہے "

اگرحقنہ کرنے سے اُس کے مایع ہونے کا حکم نہیں سمجھ میں آتاہے تو پھر ضروری ہے کہ اس حقنہ کرنے کے ساتھ مائع چیزکے ساتھ حقنہ کرنے کی قید لگائی جائے ۔اور اس پردلیل حسن بن فضال کی امام موسی کاظم علیہ السلام سے مروی یہ موثق روایت ہے :

"كَتَبْتُ إِلَى أَبِي الْحَسَنِ ع مَا تَقُولُ‏ فِي‏ التَّلَطُّفِ‏ يَسْتَدْخِلُهُ‏ الْإِنْسَانُ‏ وَ هُوَ صَائِمٌ‏ فَكَتَبَ‏ لَا بَأْسَ بِالْجَامِد "(۱۴)

ترجمہ :"میں نے امام موسی کاظم علیہ السلام کو خط لکھا کہ اگر ایک روزےکی حالت میں ایک بتی کو اپنے اندر داخل کرے تو اس کے بارے میں آپ علیہ السلام کیا فرماتے ہیں ؟امام علیہ السلام نے جواب میں فرمایا کہ جامد چیزکے ساتھ ایسا کرنے میں کوئی حرج نہیں ہے"

اور کیا حقنہ کرنے پر روزہ کے باطل ہونے کا حکم بھی لگایاجا سکتا ہے ؟ یہ حکم لگانا بعید نہیں کیونکہ عرف میں اُن اعمال کے بارے میں جو مختلف اجزاء سے مرکب ہیں (جیسے نمازاور روزہ وغیرہ میں )نہی کا ظہور اس کے مانع ہونے اور اس کی مخالفت سے اُس عمل کے فاسد(باطل)ہونے میں ہے۔

اورجس بات سے ہمارے موقف کی تاکیدہوتی ہے وہ سائل کا حقنہ کی ضرورت کے متعلق سوال کرنا ہے۔جس کے ساتھ اس کی "تکلیفی حرمت "(حرام ہونا)کا کوئی معنی نہیں بنتا۔لہذا ضروری ہے کہ یہ کہاجائے اس کا مقصد بطلان کے بارے میں راہنمائی حاصل کرنا تھا۔

۱۸۔ جان بوجھ کرقئ کرنے سے روزے کا بطلان :مشہورقول یہی ہے کہ اس سے روزہ ٹوٹ جاتاہے۔اوراس پر دلیل حلبی کی امام صادق علیہ السلام سے منقول یہ صحیح روایت ہے :

"حَلَبِيِّ عَنْ أَبِي عَبْدِ اللَّهِ ع قَالَ: إِذَا تَقَيَّأَ الصَّائِمُ‏ فَقَدْ أَفْطَرَ وَ إِنْ ذَرَعَهُ مِنْ غَيْرِ أَنْ يَتَقَيَّأَ فَلْيُتِمَّ صَوْمَهُ "(۱۵)

ترجمہ :"{حضرت شیخ کلینی علیہ الرحمہ اپنی سند کے ساتھ }حلبی سے اور وہ حضرت امام جعفر صادق علیہ السلام سے روایت کرتے ہیں فرمایا :جب کوئی روزہ دار جان بوجھ کرقئی کرئے تو اس نے روزہ توڑ دیا ۔ اور اگر بے اختیار آ جائے تو پھر اپنے روزہ کو مکمل کرے "

مگر صحیح مذکور کے مقابلے میں عبداللہ بن میمون کی امام صادق علیہ السلام سے مروی صحیح روایت ہے:

"عَبْدِ اللَّهِ بْنِ مَيْمُونٍ عَنْ أَبِي عَبْدِ اللَّهِ ع قَالَ: ثَلَاثَةٌ لَا يُفَطِّرْنَ الصَّائِمَ الْقَيْ‏ءُ وَ الِاحْتِلَامُ وَ الْحِجَامَة "(۱۶)

ترجمہ :"{حضرت شیخ طوسی علیہ الرحمہ اپنی سند کے ساتھ } عبداللہ بن میمون سے اور حضرت امام جعفر صادق علیہ السلام سے روایت کرتے ہیں فرمایا : تین چیزیں ایسی ہیں جو روزہ کو باطل نہیں کرتیں : ۱ ۔قئی ۲ ۔ احتلام ۳ ۔ اور پچھنے لگوانا "

پس اس روایت میں قئی کو غیر عمدی پر حمل کرئے گے

روزہ کےصحیح ہونے کی شرائط:

روزہ کے صحیح ہونے کی شرائط مندرجہ ذیل ہیں:

۱۔اسلام

۲۔عقل

۳۔حیض اور نفاس سے پاک ہونا

۴۔وہ سفر جس سے نمازقصرہوجاتی ہے۔سوائے اُس مسافر کے کہ جو یاتو حکم سے جاہل ہےیااپنے وطن سے یا اُس جگہ سے جو اس کے وطن کے حکم میں ہے زوال کے بعد نکلا ہےیاپھر زوال سے پہلے اپنے وطن یااُس جگہ پہنچ جائے ،جہاں اس نے (دس دن یا اس سے زیادہ دن )ٹھرنے کا ارادہ کر رکھاہے ۔

۵۔اور نقصان دہ مرض ہو تو ان موارد میں روزہ دار کا روزہ صحیح ہے ۔

یہ بات ثابت ہونے کے لیے بیماری کے نقصان دہ ہونے کا ڈر کافی ہے ۔ اور ماہر اور قابل اعتماد ذاکٹر کی بات بھی (اس سلسلے میں ) حجت ہے

مذکورہ احکام کےدلائل :

۱۔اسلام

روزہ کے صحیح ہونے کی شرط میں سے ایک اسلام ہے اور اس پر دلیل اجماع ہےاور بعض اوقات اس پر قرآن کی اس آیت کے ساتھ استدلال کیا گیا ہے ۔

( وَ مَا مَنَعَهُمْ أَن تُقْبَلَ مِنهْمْ نَفَقَاتُهُمْ إِلَّا أَنَّهُمْ كَفَرُواْ بِاللَّهِ وَ بِرَسُوله ) (۱۷)

ترجمہ: اور ان کے خرچ کیے ہوئے مال کی قبولیت کی راہ میں بس یہی رکاوٹ ہے کہ انہوں نے اللہ اور اس کے رسول کا انکار کیا ہے۔

اس آیت کے ساتھ دلیل اولویت کو ملانے کے بعد اس سےعموم کا استفادہ کیا جاسکتاہے۔(۱۸)

اور اوپر والی دلیل کے علاوہ ممکن ہے کہ ان روایات سے بھی یہ حکم ثابت کیا جو ولایت (امیر المئومنین اور اولاد امیر المئومنین ) کو روزہ کے صحیح ہونےکے لیےشرط جانتی ہیں کیونکہ کافر ولایت کو نہیں مانتا ہے جس پر دلیل عبدالحمید بن ابی العلاءکی حضرت امام صادق علیہ السلام سے مروی صحیح روایت ہے :

" عَبْدِ الْحَمِيدِ بْنِ أَبِي الْعَلَاءِ عَنْ أَبِي عَبْدِ اللَّهِ وَ كَذَلِكَ‏ هَذِهِ‏ الْأُمَّةُ الْعَاصِيَةُ الْمَفْتُونَةُ بَعْدَ نَبِيِّهَا ص وَ بَعْدَ تَرْكِهِمُ الْإِمَامَ الَّذِي نَصَبَهُ نَبِيُّهُمْ ص لَهُمْ فَلَنْ يَقْبَلَ اللَّهُ لَهُمْ عَمَلًا وَ لَنْ يَرْفَعَ لَهُمْ حَسَنَةً حَتَّى يَأْتُوا اللَّهَ مِنْ حَيْثُ أَمَرَهُمْ وَ يَتَوَلَّوُا الْإِمَامَ الَّذِي أُمِرُوا بِوَلَايَتِهِ وَ يَدْخُلُوا مِنَ الْبَابِ الَّذِي فَتَحَهُ اللَّهُ وَ رَسُولُهُ لَهُمْ "(۱۹)

"ترجمہ: ابی علاء حضرت امام صادق علیہ السلام سے نقل فرماتے ہیں ۔۔۔۔ایسا ہے کہ یہ گناہ گار لوگ پیامبر اسلام صلی اللہ علیہ و آلہ کے بعد امتحان میں واقع ہو گئے اور اس کے بعد امام علیہ اسلام کو پیامبر اسلام صلی اللہ علیہ وآلہ نے منصوب کیا تھا لوگوں نے چھوڑ دیا ۔خدا وند عالم ان کے اعمال کو قبول نہیں کرئے گا اور کوئی نیکی ان کے لیے نہیں لکھے گا جب تک وہ راستہ جس پر خدا نے خکم دیا ہے اے کی طرف آ جائیں اور اس کی امام علیہ السلام کی طرف جس کا حکم کیا ہے اور وہ باب سے داخل ہوں جس کو خدا وند عالم نے اور رسول صلی اللہ علیہ وآلہ نے کھولا ہے

اوراس روایت سے روزہ کی صحت کے لیے اسلام کی شرط کے ساتھ ایمان کی شرط بھی ثابت ہوتی ہے ۔

اگر اشکال ہو کہ آیت اور روایات کی دلالت قبول اعمال پرہے نہ کہ شرط صحت اعمال پر ـ جبکہ یہ دلالت محل کلام سے خارج ہے کیونکہ ہمارامحل کلام صحت عمل ہے اور اس عمل کو انجام دینے کے بعد مکلف بری الذمہ ہو جاتا ہے جیساکہ خدا وندمتعال ارشاد فرماتے ہیں کہ

( إِنَّمَا يَتَقَبَّلُ اللَّهُ مِنَ الْمُتَّقِين ) (۲۰)

ترجمہ: خدا صرف صاحبان تقوٰی کے اعمال کو قبول کرتا ہے ۔

اس کے بعد اس شرط ہونے پر "قطعی اجماع" کے علاوہ کوئی دلیل باقی نہیں رہتی ۔ اور مستزادیہ کہ بعض کافروں سے قربت کی نیت ٹھیک نہیں ہے حالانکہ عبادات میں قصد قربت شرط ہے اور یہ خدا کو مانتے ہی نہیں ہیں تو ان کا قرب حاصل کرنا بے معنی ہے ۔

۲۔ عقل کا روزہ صحیح ہونے کی شرط ہونا:

اس کی دلیل یہ ہےکہ عقل کےعلاوہ نیت ہی نہیں کی جاسکتی ہےکیونکہ اللہ تعالی کی طرف سے مجنون (پاگل)مکلف ہی نہیں ہے۔پس جب اللہ کی طرف احکام اس کو شامل ہی نہیں ہیں تو اس کے بعد عقل کے روزہ کے صحیح ہونے کے لیے شرط ہونے پر مزیدکسی دلیل کی ضرورت ہی نہیں ہے۔

۳۔ حیض اورنفاس سے پاک ہونا:

عیص بن قاسم کی حضرت امام صادق علیہ السلام سے مروی صحیح روایت ہے:

عِيصِ بْنِ الْقَاسِمِ قَالَ: سَأَلْتُ أَبَا عَبْدِ اللَّهِ ع عَنِ‏ امْرَأَةٍ تَطْمَثُ‏ فِي‏ شَهْرِ رَمَضَانَ- قَبْلَ أَنْ تَغِيبَ الشَّمْسُ قَالَ تُفْطِرُ حِينَ تَطْمَث (۲۱)

ترجمہ :''عیص بن قاسم بیان کرتے ہیں کہ میں نے حضرت امام جعفر صادق علیہ السلام سے پوچھا کہ ایک عورت کو ماہ رمضان میں غروب آفتاب سے کچھ پہلے خون حیض آ جائے تو ؟ فرمایا : جیسےہی حیض آئے اسی وقت روزہ افطار کر دے''

اور اسی طرح عبدالرحمن بن حجاج کی حضرت امام صادق علیہ السلام سے مروی صحیح روایت ہے :

سالت أبَا الْحَسَنِ ع عَنِ الْمَرْأَةِ تَلِدُ بَعْدَ الْعَصْرِ أَ تُتِمُّ ذَلِكَ الْيَوْمَ أَمْ تُفْطِرُ قَالَ‏ تُفْطِرُ وَ تَقْضِي ذَلِكَ الْيَوْمَ (۲۲)

ترجمہ:''{ حضرت شیخ کلینی علیہ الرحمہ اپنی سند کے ساتھ } عبدالرحمن بن الحجاج سے روایت کرتے ہیں ان کا بیان ہے کہ میں حضرت امام موسی کاظم علیہ السلام سے پوچھا کہ ایک روزہ دار عورت نے عصر کے بعد بچے کو جنم دیا آیا وہ اس دن کا روزہ تمام کرے یا کھول دے ؟ فرمایا:کھول دے اور اس کی قضاء کرے ''

یہ حکم اوپر والی روایت کے مطابق ہے لیکن اس کے مقابلےمیں ابی بصیر کی حضرت امام صادق علیہ السلام سے مروی یہ صحیح روایت ہے:

أَبِي بَصِيرٍ عَنْ أَبِي عَبْدِ اللَّهِ ع قَالَ: إِنْ‏ عَرَضَ‏ لِلْمَرْأَةِ الطَّمْثُ‏ فِي شَهْرِ رَمَضَانَ- قَبْلَ الزَّوَالِ فَهِيَ فِي سَعَةٍ أَنْ تَأْكُلَ وَ تَشْرَبَ وَ إِنْ عَرَضَ لَهَا بَعْدَ زَوَالِ الشَّمْسِ فَلْتَغْتَسِلْ وَ لْتَعْتَدَّ بِصَوْمِ ذَلِكَ الْيَوْمِ مَا لَمْ تَأْكُلْ وَ تَشْرَبْ (۲۳)

ترجمہ :''ابو بصیر حضرت امام جعفر صادق علیہ السلام سے روایت کرتے ہیں فرمایا : اگر کوئی عورت ماہ رمضان میں زوال آفتاب سے پہلے حائض ہو جائے تو وہ (روزہ افطار کرکے) کھا پی سکتی ہے اور اگر زوال کے بعد یہ صورت پیش آئے تو غسل کرکے اس روزہ کو شمار کرے جب تک کچھ کھایا پیا نہ ہو ''

مگر یہ روایت اصحاب امامیہ کے نزدیک متروکہ (یعنی اصحاب نے اس روایت سے دوری اختیار کی ہے ) ہےاور کسی نے اس پر عمل نہیں کیا ہے پس اس روایت کا اعتبار باقی نہیں رہتاہے۔

۴۔سفر نہ کرنے کی شرط صحت روزہ ہونا:

اس پر دلیل خدا وند متعال کا یہ ارشاد گرامی ہے :

( و مَن كَانَ مَرِيضًا أَوْ عَلىَ‏ سَفَرٍ فَعِدَّةٌ مِّنْ أَيَّامٍ أُخَر ) (۲۴)

ترجمہ :''اور جو مریض یا مسافر ہو وہ اتنے ہی دن دوسرے زمانہ میں رکھے''

دوسری دلیل روایت موثقۃ سماعہ ( اعتماد کرنا)بھی موجود ہے جو کہ حضرت امام صادق علیہ السلام سے نقل فرماتے ہیں ۔

سَمَاعَةَ قَالَ: سَأَلْتُهُ عَنِ الصِّيَامِ فِي السَّفَرِ فَقَالَ لَا صِيَامَ‏ فِي‏ السَّفَرِ قَدْ صَامَ أُنَاسٌ عَلَى عَهْدِ رَسُولِ اللَّهِ ص فَسَمَّاهُمُ الْعُصَاةَ فَلَا صِيَامَ فِي السَّفَرِ إِلَّا ثَلَاثَةَ أَيَّامٍ الَّتِي قَالَ اللَّهُ عَزَّ وَ جَلَّ فِي الْحَجِّ (۲۵)

ترجمہ :''{ حضرت شیخ طوسی علیہ الرحمہ اپنی سند کے ساتھ } سماعہ سے روایت کرتے ہیں ان کا بیان ہے کہ میں نے ان (حضرت امام جعفر صادق علیہ السلام ) سے پوچھا کہ سفر میں روزہ رکھنا کیسا ہے ؟ فرمایا : سفر میں روزہ نہیں ہے کچھ لوگوں نے عہد رسالت میں سفر میں روزہ رکھا تھا تو آنحضرت صلی اللہ علیہ وآلہ وسلم نےان کا نام گنہگار رکھا تھا ۔ پس سفر میں روزہ نہیں ہے ماسوا حج کے ان تین روزوں کے جن کا خدا نے (تمتع میں قربانی نہ دےسکنے کی وجہ سے ) حکم دیا ہے (اور سات واپس گھر پہنچ کر کل دس روزے)''

اور اے کے علاوہ دوسری روایات بھی اس پر دلالت کرتی ہیں

روایت سماعہ مضمر ہے تو پھر مضمر پر استدلال کس طرح کرتے ہیں ؟

یہ اضمار نہیں ہے کیونکہ یہاں پر اضمار بزگان اصحاب کی جانب سے ہے اور روایت بیان کرنا غیر امام سے ان کے لائق نہیں ہے

۵۔ شرط صحت روزہ میں سےایک یہ ہے کہ مکلف کاسفر نمازکےقصرہونےکاموجب بنے ۔اس پر دلیل روایت معاویہ بن وھب کی حضرت امام صادق علیہ السلام سے مروی یہ صحیح روایت ہے :

''مُعَاوِيَةَ بْنِ وَهْبٍ عَنْ أَبِي عَبْدِ اللَّهِ ع فِي حَدِيثٍ قَالَ: هَذَا وَاحِدٌ إِذَا قَصَرْتَ‏ أَفْطَرْتَ‏ وَ إِذَا أَفْطَرْتَ قَصَرْتَ'' (۲۶)

ترجمہ :''{ حضرت شیخ صدوق علیہ الرحمہ اپنی سند کے ساتھ }معاویہ بن وھب سے اور وہ حضرت امام جعفر صادق علیا السلام سے روایت کرتے ہیں کہ آپ نے ایک حدیث کے ضمن میں فرمایا : سلسلہ ایک ہے ۔ جب نماز قصر کرو تو روزہ افطار کرو اور جب روزہ افطار کرو تو نماز قصر کرو ''

۶۔اگر کوئی مسافر سفر کے دوران افطارکے حکم سے جاہل ہے یعنی نہیں جانتا کہ مسافر کا روزہ سفر میں درست نہیں ہے تو اس کا روزہ صحیح ہے جس پر دلیل عیص بن قاسم کی حضرت امام صادق علیہ السلام سے مروی صحیح روایت ہے :

عن صَفْوَانَ بْنِ يَحْيَى عَنْ عِيصِ بْنِ الْقَاسِمِ عَنْ أَبِي عَبْدِ اللَّهِ ع قَالَ: مَنْ‏ صَامَ‏ فِي‏ السَّفَرِ بِجَهَالَةٍ لَمْ يَقْضِه (۲۷)

ترجمہ:''صفوان بن یحیی نےعیص بن قاسم سے روایت کی ہے جوکہ امام جعفر صادق علیہ السلام سے روایت بیان کرتے ہیں فرمایا :جب کوئی شخص ماہ رمضان میں سفر کرے تو روزہ افطار کرے گا اور اگر جہالت ولاعلمی کی وجہ سے رکھے تو اس کی قضاء نہیں کرے گا ''

اس کے علاوہ دوسری روایت بھی اس پر دلالت کرتی ہیں ۔

مذکورہ بالا روایت مطلق ہے (کسی قسم کی قید نہیں لگائی گئی ہے )اس لیے کہ یہ اس شخص کو بھی شامل ہوتی ہے جس کو سرے سے ہی حکم معلوم نہیں ہے اور اس کو بھی جس کو اصل حکم تو معلوم ہے لیکن بعض خصوصیات کا علم نہیں ہے ۔مثلا اس کو یہ علم نہیں ہے کہ زوال سے پہلے سفر کرے اور زوال کے بعد واپس لوٹے اس کا روزہ نہیں ہوتا ۔

۷۔اگر مسافر بعد از زوال اپنے وطن سے حرکت کرے تو اس کا روزہ صحیح ہےاس کے لیے روزہ توڑنا حرام ہے ۔ لیکن جو شخص زوال سےپہلےسفرکرئے تو اس کا روزہ باطل ہو جائے گا اور یہ مشہور فقہاء کا نظریہ ہےجس پر دلیل عبید بن زرارہ کی حضرت امام صادق علیہ السلام سے مروی یہ صحیح روایت ہے :

''عُبَيْدِ بْنِ زُرَارَةَ عَنْ أَبِي عَبْدِ اللَّهِ ع‏ فِي الرَّجُلُ‏ يُسَافِرُ فِي‏ شَهْرِ رَمَضَانَ‏ يَصُومُ أَوْ يُفْطِرُ قَالَ إِنْ خَرَجَ قَبْلَ الزَّوَالِ فَلْيُفْطِرْ وَ إِنْ خَرَجَ بَعْدَ الزَّوَالِ فَلْيَصُمْ فَقَالَ يُعْرَفُ ذَلِكَ بِقَوْلِ عَلِيٍّ ع أَصُومُ وَ أُفْطِرُ حَتَّى إِذَا زَالَتِ الشَّمْسُ عُزِمَ عَلَيَّ يَعْنِي الصِّيَام ''(۲۸)

ترجمہ : عبید بن زرارہ سے مروی ہے کہ حضرت امام جعفر صادق علیہ السلام سے پوچھا گیا کہ جو شخص رمضان کے مہینے میں سفر کرئے تو کیا وہ روزہ رکھے گا یا روزہ توڑ دے گا ؟ تو امام علیہ السلام نے فرمایا : اگر زوال سے پہلے سفر کرے تو افطار کرے اور اگر زوال کے بعد نکلے تو پھر روزہ مکمل کرے ۔ پھر فرمایا : یہ بات حضرت علی علیہ السلام کے اس فرمان سے معلوم ہوتی ہے ، فرمایا : میں روزہ رکھتا ہوں اور (بوجہ سفر) افطار کرتا ہوں مگر جب زوال ہو جائے تو پھر مجھ پر ضروری ہو جاتا ہے یعنی روزہ ''

لیکن زرارہ کی صحیح روایت کے مقابلے میں علی بن یقطین کی حضرت امام کاظم علیہ السلام سے مروی موثق روایت ہے :

''عَلِيِّ بْنِ يَقْطِينٍ عَنْ أَبِي الْحَسَنِ مُوسَى ع‏ فِي الرَّجُلِ‏ يُسَافِرُ فِي‏ شَهْرِ رَمَضَانَ‏ أَ يُفْطِرُ فِي مَنْزِلِهِ قَالَ إِذَا حَدَّثَ نَفْسَهُ فِي اللَّيْلِ بِالسَّفَرِ أَفْطَرَ إِذَا خَرَجَ مِنْ مَنْزِلِهِ وَ إِنْ لَمْ يُحَدِّثْ نَفْسَهُ مِنَ اللَّيْلَةِ ثُمَّ بَدَا لَهُ فِي السَّفَرِ مِنْ يَوْمِهِ أَتَمَّ صَوْمَهُ ''(۲۹)

ترجمہ : ''صفوان حضرت امام علی رضا علیہ السلام سے روایت کرتے ہیں کہ آپ نے ایک حدیث کے ضمن میں فرمایا :اگر کوئی شخص اپنے گھر (کوفہ) سے نہروان کے سفر کے ارادہ سے نکلے کہ جائے گا اور واپس آے گا تو اسے چاہیے کہ رات کو سفر کرنے اور روزہ افطار کرنے کی نیت کرے لیکن اگر اس حالت میں صبح کرے کا سفر کا کوئی ارادہ نہ ہو ہاں البتہ صبح کے بعد ارادہ کرے تو (نماز تو ) قصر کرے گا لیکن اس دن روزہ افطار نہیں کرے گا''

پس امام کاظم علیہ السلام نے افطار اور عدم افطار میں وجود نیت کو ملاک جانا ہے جوکہ اس نے سفر سے پہلے رات کو کیا ہو

اگر ان دو روایتوں کے درمیان تعرض (ٹکراؤ ) ثابت ہو جائے تو اول کو ترجیح دیں گے کیونکہ پہلی روایت تقیہ کے مخالف ہے پس اس سے قول مشہور بھی ثابت ہو جائے گا ۔

۸۔مشہور تفصیل کے قائل ہیں کہ اگر مسافر اپنے وطن کو قبل از زوال پلٹ ائے اور کچھ کھایا پیا نہ ہو تو اس پر روزہ رکھنا واجب ہے ا اور اسی طرح اگر مسافر بعد از زوال اپنے وطن واپس پلٹ آئے تواس پر روزہ رکھنا واجب نہیں ہے جس پر دلیل ابی بصیر کی حضرت امام صادق علیہ السلام سےمروی یہ موثق روایت ہے:

''أَبِي بَصِيرٍ قَالَ: سَأَلْتُهُ‏ عَنِ‏ الرَّجُلِ‏ يَقْدَمُ‏ مِنْ‏ سَفَرٍ فِي شَهْرِ رَمَضَانَ- فَقَالَ إِنْ قَدِمَ قَبْلَ زَوَالِ الشَّمْسِ فَعَلَيْهِ صِيَامُ ذَلِكَ الْيَوْمِ وَ يَعْتَدُّ بِهِ'' (۳۰)

ترجمہ :''{حضرت شیخ طوسی علیہ الرحمہ اپنی سند کے ساتھ } ابو بصیر سے روایت کرتے ہیں ان کا بیان ہے کہ میں نے ان ( حضرت امام صادق علیہ السلام سے ایسے شخص کے متعلق پوچھا کہ جس نے رمضان کے مہینے میں سفر کیا ہے اور گھر واپس لوٹ آیا ہے ؟ امام علیہ السلام نے فرمایا : اگر زوال سے پہلے پہنچ جائے تو اس پر روزہ رکھنا واجب ہے اور اسے ماہ رمبارک کا روزہ شمار بھی کرے گا ''

اور اس کے علاوہ دوسری روایات بھی اس پر دلالت کرتی ہیں ۔

لیکن اپنے وطن کو پہنچنے سے پہلے اس کو اختیار ہے کہ روزہ رکھے یا افطار کرئے جس پر دلیل محمد بن مسلم کی حضرت امام باقرعلیہ السلام سے مروی صحیح روایت ہے:

''مُحَمَّدِ بْنِ مُسْلِمٍ قَالَ: سَأَلْتُ أَبَا جَعْفَرٍ ع عَنِ الرَّجُلِ يَقْدَمُ‏ مِنْ‏ سَفَرٍ فِي‏ شَهْرِ رَمَضَانَ‏ فَيَدْخُلُ أَهْلَهُ حِينَ يُصْبِحُ أَوِ ارْتِفَاعِ النَّهَارِ قَالَ إِذَا طَلَعَ الْفَجْرُ وَ هُوَ خَارِجٌ وَ لَمْ يَدْخُلْ أَهْلَهُ فَهُوَ بِالْخِيَارِ إِنْ شَاءَ صَامَ وَ إِنْ شَاءَ أَفْطَرَ'' (۳۱)

ترجمہ : ''محمد بن مسلم بیان کرتےہیں کہ میں نےحضرت امام باقر علیہ السلام سے پوچھا کہ ایک شخص ماہ رمضان میں سفر سے واپس گھر آرہا تھا اور اس کا خیال تھا کہ وہ چاشت کے وقت یا اس سے کچھ دیر بعد گھر پہنچ جائے گا تو ؟ فرمایا : اگر اسے گھر پہنچنے سے پہلے راستہ میں طلوع فجر ہو جائے تو اسے اختیار ہے چاہے تو روزہ رکھے اور چاہے تو (سفر میں) افطار کرے ''

اس روایت میں امام علیہ السلام اختیار کو بیان فرما رہے ہیں کہ اگر کوئی اپنے وطن کے حد ترخص تک نہیں پہنچا تو وہ مختار ہے چاہے افطار کرے یا نہ کرے ۔اور اس کے علاوہ دوسری روایات بھی اس پر دلالت کرتی ہیں

۹۔اگر کوئی مسافر سفر کرئے اور اس علاقے یا شہر میں داخل ہو جائے جہاں وہ چاہتا ہے کہ اقامت (یعنی دس دن کے ٹھرنے) کاقصد کرئے تو چاہے وہ شخص محل اقامت میں قبل از طلوع فجر یا قبل از زوال داخل ہو دونوں حالتوں میں اس پر روزہ رکھنا واجب ہے ۔جس پر دلیل روایت صحیحہ محمد بن مسلم ہے جوکہ حضرت امام صادق علیہ السلامسے نقل فرماتے ہیں :

''مُحَمَّدِ بْنِ مُسْلِمٍ عَنْ أَبِي عَبْدِ اللَّهِ ع فِي حَدِيثٍ قَالَ: فَإِذَا دَخَلَ‏ أَرْضاً قَبْلَ‏ طُلُوعِ الْفَجْرِ وَ هُوَ يُرِيدُ الْإِقَامَةَ بِهَا فَعَلَيْهِ صَوْمُ ذَلِكَ الْيَوْمِ وَ إِنْ دَخَلَ بَعْدَ طُلُوعِ الْفَجْرِ فَلَا صِيَامَ عَلَيْهِ وَ إِنْ شَاءَ صَامَ ''(۳۲)

ترجمہ :''{حضرت شیخ کلینی علیہ الرحمہ اپنی سند کے ساتھ }محمد بن مسلم سے اور وہ حضرت امام جعفر صادق علیہ السلام سے روایت کرتے ہیں کہ آپ نے ایک حدیث کے ضمن میں فرمایا : جب کوئی مسافر طلوع فجر سے پہلے کسی ایسی جگہ پہنچ جائے جہاں دس روزہ قیام کا پروگرام ہو ۔ تو اس پر اس دن کا روزہ رکھنا لازم ہے اور اگر طلوع فجر کے بعد وہاں پہنچے تو اس پر روزہ واجب نہیں ہے اور اگر چاہے تو رکھ لے ''

اس روایت کے مقابلے میں قول مشہور ہے جو کہتے ہیں کہ روزہ رکھنا واجب ہے اگرچہ قبل زوال پہنچا ہو اور فرق نہیں کرتا ہے کہ قبل از طلوع فجر ہو یا بعد از طلوع فجر ہو ۔

تو اس صورت میں احتیاط مقتضی دلیل ہے چونکہ احتیاط کی وجہ سے قول مشہور کی مخالفت سے اور روایت صحیحہ کی مخالفت سے بچ جائیں گے ۔

۱۰۔ بیمارنہ ہو( یعنی روزہ رکھنا اس کے لیے نقصان دہ نہ ہو) جیسا کہ خداوندہ متعال فرماتے ہیں:

( وَ مَن كَانَ مَرِيضًا أَوْ عَلىَ‏ سَفَرٍ فَعِدَّةٌ مِّنْ أَيَّامٍ أُخَرَ ) (۳۳)

ترجمہ:''اور جو مریض یا مسافر ہو وہ اتنے ہی دن دوسرے زمانہ میں رکھے''

اور تمام روایات شریفہ بھی اس بات پر دلالت کرتی ہیں کہ مرض روزہ دار کے لیے نقصان دہ ہو اگرچہ دلائل میں اس سے انصراف کیا ہے اور روایات میں اس کی تصریح کی گئی ہے جیساکہ صحیح محمد بن مسلم میں ہے جوکہ حضرت امام صادق علیہ السلام سے نقل فرماتے ہیں :

''قُلْتُ لِأَبِي عَبْدِ اللَّهِ ع مَا حَدُّ الْمَرِيضِ‏ إِذَا نَقِهَ فِي الصِّيَامِ فَقَالَ ذَلِكَ إِلَيْهِ هُوَ أَعْلَمُ بِنَفْسِهِ إِذَا قَوِيَ فَلْيَصُم'' (۳۴)

ترجمہ: ''{ حضرت شیخ کلینی علیہ الرحمہ اپنی سند کے ساتھ }محمد بن مسلم سے روایت کرتے ہیں ان کا بیان ہے کہ میں نےحضرت امام محمد باقر علیہ السلام کی خدمت میں عرض کیا کہ بیماری کی وہ حدکون سی ہے جو اسے روزہ سے کمزور کرتی ہے ؟فرمایا : وہ اپنی طبیعت کو سب سے زیادہ بہتر جانتا ہے پس جب طاقت ہو تو روزہ رکھے ''

اور اس کے علاوہ دوسری روایات بھی اس پر دلالت کرتی ہیں ۔

پس اگر اس کے لیے مرض نقصان دہ ہے اور جانتا ہے کہ روزہ رکھنے کی قدرت نہیں ہے یا ضرر کا خوف ہو تو اس پر روزہ رکھنا لازمی نہیں ہے.

۱۱۔ روزہ دار کے لیے مرض سے خوف کا ہونا کافی ہےاوردلیل عقلائی مرض کے نقصان کو مشخص کرنے کے باب سے اس پر دلالت کرتی ہے اور اےس کے علاوہ شارع نے بھی اس کو رد نہیں کیا ہےاور اس پر روایت صحیح حریز بھی ہے جوکہ حضرت امام صادق علیہ السلام سے نقل فرماتے ہیں :

''مُحَمَّدُ بْنُ عَلِيِّ بْنِ الْحُسَيْنِ بِإِسْنَادِهِ عَنْ حَرِيزٍ عَنْ أَبِي عَبْدِ اللَّهِ ع قَالَ: الصَّائِمُ‏ إِذَا خَافَ‏ عَلَى عَيْنَيْهِ مِنَ الرَّمَدِ أَفْطَرَ ''(۳۵)

ترجمہ : ''{حضرت شیخ صدوق علیہ الرحمہ اپنی سند کے ساتھ } حریز سے اور وہ حضرت امام جعفر صادق علیہ السلام سے روایت کرتے ہیں فرمایا: روزہ دار کو جب آشوب چشم کی وجہ سے

آنکھوں کا خطرہ ہو تو روزہ افطار کر سکتا ہے ''

پس اس بنا پر جو دلائل مرض کے خوف کے لیے ذکر کیے گئے وہ روزہ کو افطار کرنے کے لیے حجت ہیں ۔

۱۲۔ اگرماہر ڈاکٹر کہے تو طریقہ عقلائی کی بنا پر اس کی بات حجت ہوگیاور اس کو چھوڑ بھی نہیں سکتا ۔ پس وہ ماہر ڈاکٹر کی بات کو مانے گا جب مریض کو ڈاکٹر کی بات پر اعتماد اور اطمینان حاصل ہو تو اس صورت میں روزہ نہ رکھے کیونکہ ضرر کی تشخص کے باب میں بیان ہوا ہے جس سے شارع نے نہیں روکا ہے اور ہاں اگر اس کی بات پر یقین حاصل نہ ہو تب بھی حجت ہے فقط دو صورتوں میں ماہر ڈاکٹر کی بات حجت نہیں ہو گی

ا۔ اگر آپ جانتے ہو کہ ڈاکٹر نے اشتباہ کیا ہے تو آپ نے علم پر عمل کریں گے کیونکہ حجت ذاتی ہے

ب۔ اور اگر اطمینان ہو کہ ماہر ڈاکٹر نے اشتباہ کیا ہے تو ڈاکٹر کی بات حجت نہیں ہے کیونکہ حجت شرعی اس کے خلاف ہے بس اس سے واضح ہو جاتا ہے کہ ضرر کا خوف مریض کے لیے دو راستوں سے ثابت ہو جاتا ہے خوف وجدانی سے اور ماہر ڈاکٹر کی قول سے ۔

سوال:ایا ہر قسم کا خوف روزہ نہ رکھنے کا موجب ہے ؟

جواب:نہیں ہر قسم کا خوف روزہ نہ رکھنے کا موجب نہیں بنتا ہے بلکہ نقصان کا خوف عقلائی ہو یعنی کوئی اور فرد اس جگہ پر کیوں نہ ہو اگر اس قسم کا خوف رکھتا ہو کیونکہ روایت حریز میں قید (ضرر خوف اگر منشاء عقلائی ہو)سے منصرف ہے

سوال:دلیل اطلاق سب کو شامل ہوتی ہے یا نہیں؟

جواب:ہماری دلیل فقط سیرہ عقلائی ہے جس کو روایت میں بھی مد نظر رکھا گیا ہے پس ضروری ہے کہ حتی الامکان یقین پر اکتفا کریں کیونکہ یقین کے علاوہ اقتضاء نہیں کرتا ہے