امامين حسنين عليهما السلام ثقافتى اور فکر اسلامى - نيٹ ورک

تفسير راہنما جلد ۱

هُوَ الَّذِي خَلَقَ لَكُم مَّا فِي الأَرْضِ جَمِيعاً ثُمَّ اسْتَوَى إِلَى السَّمَاء فَسَوَّاهُنَّ سَبْعَ سَمَاوَاتٍ وَهُوَ بِكُلِّ شَيْءٍ عَلِيمٌ ( ۲۹ )

وہ خدا وہ ہے جس نے زمين كے تمام ذخيروں كو تم ہى لوگوں كے لئے پيدا كياہے_ اس نے آسمان كا رخ كيا تو سات مستحكم آسمان بناديئے اور وہ ہر شے كا جاننے والا ہے_

۱_ زمين ميں موجود تمام ترنعمتوں كا خالق پروردگار عالم ہے _هو الذى خلق لكم ما فى الارض جميعاً جميعاًكا معنى كل ہے اور يہ ''ما'' موصولہ كا بدل واقع ہوا ہے_

۲_ الله تعالى نے زمين كى نعمتوں كو انسانوں كے استفادے كے لئے خلق فرمايا ہے_هو الذى خلق لكم ما فى الارض جميعاً يہ مطلب ''لكم'' ميں موجود لام انتفاع سے استفادہ ہوتا ہے_

۳_ انسان زمين كے تمام موجودات سے افضل و اشرف ہے _الذى خلق لكم ما فى الارض جميعاً

۴_ زمين كى نعمتوں سے استفادے كا حق تمام انسانوں كيلئے مساوى ہے_هو الذى خلق لكم ما فى الارض جميعاً

۵_ زمين كى تمام نعمتوں سے استفادہ كرنا حلال ہے_هو الذى خلق لكم ما فى الارض جميعاً

۶_ الله تعالى نے زمين كى نعمات خلق فرمانے كے بعد آسمان كو متعادل و متوازن ركھنے كا سامان فراہم فرمايا_ثم استوى الى السماء فسواهن ''استوى ''كا مصدر ''استوائ''ہے _ اگر ''الى '' كے ساتھ متعدى ہو تو ارادہ كرنا، متوجہ ہونا كے معانى ديتا ہے_يہ جملہ ''فسوّى ھن_پس الله نے آسمانوں كو توازن و اعتدال ميں قرار ديا'' متوجہ ہونے كے ہدف كو بيان كرتا ہے_ يعنى مطلب يوں ہوگا :استوى الى السّماء لتسويتهن ، الله تعالى نے آسمانوں كى طرف توجہ فرمائي (يا ارادہ فرمايا) كہ آسمانوں كو اعتدال و توازن ميں ركھے_

۷_ الله تعالى نے عالم خلقت ميں سات آسمان قرار ديے _فسواهن سبع سماوات ''سوي''كا مصدر تسويہ ہے جسكا معنى ہے اعتدال كو وجود ميں لانا _ آيہ كريمہ ميں يہ فعل دو مفعول كے ساتھ آيا ہے ايك ''ھن'' اور دوسرا ''سبع سماوات'' اس اعتبار سے اسكا معنى تصير (ہونا) بنتا ہے جس ميں تبديل كا مفہوم بھى موجود ہے تو پس معنى يہ بنا : الله تعالى نے آسمان كو اعتدال ميں قرار ديا اور (پھر) اس كو سات آسمانوں ميں تبديل كر ديا_

۸_ اس عالم كے سات آسمانوں ميں مكمل اعتدال پايا جاتا ہے اور ان ميں ذرہ برابر انحراف يا نا ہم آہنگى نہيں ہے_فسواهن سبع سماوات

۹_ آسمانوں كى تخليق دو مرحلوں ميں ہوئي : ايك مرحلہ غير متوازن، ناشناختہ اور مخلوطجبكہ دوسرا مرحلہ بالكل مشخص، ممتاز اور متوازن تھا_ اس جملہ ''ثم استوى الى السمائ'' ميں لفظ السماء مفرد استعمال ہوا جبكہ جملہ ''فسواھن'' ميں جمع كى ضمير اسكى طرف لوٹتى ہے يہ مطلب ممكن ہے اس بات كى طرف اشارہ ہو كہ آسمان سات عدد ہونے سے پہلے ايك نامشخص اور مخلوط حالت ميں تھے پس اس لفظ ''السمائ'' كا اطلاق آسمان (مفرد) اور آسمانوں (جمع) دونوں پر ہوتا ہے_

۱۰_ ہر چيز الله تعالى كے وسيع علم كے دائرے ميں ہے_وهُو بكلّ شيء عليم ''عليم'' صيغہ مبالغہ ہے اور علم كى بہت زيادہ وسعت پر دلالت كرتا ہے_

۱۱_ سات آسمانوں اور زمين كى نعمتوں كى خلقت ايك عالمانہ آفرينش ہے_هو الذى خلق لكم و هو بكل شيء عليم

۱۲_ زمين اور سات آسمانوں كى موجودات كى تخليق اس بات كى دليل ہے كہ الله تعالى مردوں كو زندہ كرنے كى قوت و طاقت ركھتا ہے_ثم يحييكم ثم اليه ترجعون _ هو الذى خلق لكم فسواهنسبع سماوات يہ جملہ ''هوالذى ...'' ممكن ہے ماقبل آيت كے ذيل سے مربوط ہو اور يہ بھى ممكن ہے كہ اسكا ارتباط آيہء مباركہ كے ابتدائيہ سے ہو_ مذكورہ بالا مفہوم پہلے احتمال كى بنا پر ہے_

۱۳_ الله تعالى كے مطلق علم اور انتہائي وسيع قدرت و اقتدار پر ايمان قيامت اور مردوں كے زندہ ہونے كے بارے ميں ہر طرح كے شك و شبہہ كو زائل كر ديتا ہے_ثم يحييكم ثم اليه ترجعون _ هو الذى خلق و هو بكل شيء عليم يہ جملہ''هوالذى سبع سموت : '' الله تعالى كى بے انتہا قدرت كى طرف اشارہ ہے اور

جملہ ''َوهو بكل شيئ: عَليم'' الله تعالى كے لامحدود علم كى طرف اشارہ ہے_ قيامت اور مردوں كو زندہ كرنے كا ذكر كرنے كے بعد الله تعالى كى لامحدود قدرت و علم كا بيان ہر شك وشبہہ كو زائل كرديتا ہے_

۱۴_ نعمتوں كے عطا كرنے والے اور ضرورتوں كے پورا كرنے والے پروردگار كا انكار ايك تعجب آور اور غير منطقى امر ہے_كيف تكفرون بالله هو الذى خلق لكم ما فى الارض جميعاً يہ مفہوم اس بنا پر ہے كہ اگر يہ آيت ماقبل آيت كے ابتدائيہ سے مربوط ہو_

۱۵_ لامحدود قدرتوں اور علم كے مالك پروردگار كا انكار كرنا ايك تعجب آور اور غيرمعقول بات ہے _كيف تكفرون بالله هو الذى خلق لكم و هو بكل شيء عليم

آسمان : سات آسمان ۷; آسمانوں كا ايك دوسرے ميں مخلوط ہونا ۹; آسمانوں كا متوازن ہونا ۶،۸،۹; آسمان كا متعدد ہونا ۷،۸; آسمانوں كى ايك دوسرے سے جدائي اور امتياز ۹; آسمان كى تخليق ۱۱، ۱۲; آسمانوں كى عالمانہ خلقت ۱۱; آسمانوں كى تخليق كے مراحل ۹

احكام : ۵

اسماء اور صفات : عليم ۹

الله تعالى : الله تعالى كا دائرہ علمى ۱۰; افعال خداوندى ۶،۷; الله تعالى كى خالقيت ۱،۲،۶; الله تعالى كى عنايات ۱، ۲، ۴، ۵، ۱۴; الله تعالى كا لامحدود علم ۱۰، ۱۵; الله تعالى كى لامحدود قدرت ۱۵; الله تعالى كى قدرت كى نشانياں ۱۲

امور : تعجب آور امور ۱۴،۱۵; غير معقول امور ۱۵

انسان : انسان كى ديگر موجودات پر برتري۳; انسانوں كے حقوق ۴; انسانوں كى فضيلتيں ۲،۳

ايمان : ايمان كے اثرات و نتائج۱۳; خدا كے علم پر ايمان ۱۳; قدرت خدا پر ايمان ۱۳; ايمان كے متعلقات ۱۳

جہان بينى : جہان بينى توحيدى ۱

حقوق : استفادے كا حق ۴

حلال ہونے كا قانون :۵

شبہات : قيامت كے بارے ميں شبہہ دور ہونے كے اسباب ۱۳

كفر : كفر كا بے منطق ہونا ۱۴،۱۵; الله تعالى كے بارے ميں كفر ۱۴،۱۵

مردے : مردوں كا زندہ ہونا ۱۲،۱۳

موجودات : موجودات كى تخليق ۱۲

نعمت : نعمت سے استفادہ ۴،۵; دنياوى نعمتوں كا خالق ۱; نعمتوں كى تخليق ۱۱; نعمت كى خلقت كا فلسفہ ۲; نعمتوں كا سرچشمہ ۶

وَإِذْ قَالَ رَبُّكَ لِلْمَلاَئِكَةِ إِنِّي جَاعِلٌ فِي الأَرْضِ خَلِيفَةً قَالُواْ أَتَجْعَلُ فِيهَا مَن يُفْسِدُ فِيهَا وَيَسْفِكُ الدِّمَاء وَنَحْنُ نُسَبِّحُ بِحَمْدِكَ وَنُقَدِّسُ لَكَ قَالَ إِنِّي أَعْلَمُ مَا لاَ تَعْلَمُونَ ( ۳۰ )

اے رسول _ اس وقت كو ياد كرو جب تمھارے پروردگار نے ملائكہ سے كہا كہ ميں زمين ميں اپنا خليفہ بنانے والا ہوں اور انھوں نے كہا كہ كيا اسے بنائے گا جو زمين ميں فساد برپا كرے اور خونريزى كرے گا جب كہ ہم تيرى تسبيح اور تقديس كرتے ہيں تو ارشاد ہوا كہ ميں وہ جانتاہوں جو تم نہيں جانتے ہو_

۱_ آسمانوں اور زمين كى نعمات كى خلقت كے بعد الله تعالى نے انسان كو خلق فرمايا تاكہ اسے منصب خلافت تك پہنچائے_خلق لكم ما فى الارض و اذ قال ربك للملائكة انى جاعل فى الارض خليفة

آيت نمبر ۳۴ اور ديگر آيات جو حضرت آدمعليه‌السلام كى خلقت كے بارے ميں ہيں ان كو مدنظر ركھتے ہوئے كہا جا سكتا ہے كہ فرشتوں سے الله تعالى كى گفتگو حضرت آدمعليه‌السلام كے بارے ميں ، حضرت آدمعليه‌السلام كى خلقت سے پہلے تھي_ بنا برايں يہ جملہ ''انى جاعل فى اُلارُض خليفة ''حضرت آدمعليه‌السلام كى خلافت كے علاوہ خلقت پر بھى دلالت كرتا ہے گويا كہ مفہوم يوں ہے : ميں چاہتا ہوں ايك ''موجود'' كو خلق كروں اور اسے خليفہ قرار دوں _

۲_ عالم خلقت كے فلسفہ ميں انسان ايك والا مقام ركھتا ہے_هو الذى خلق لكم ثم استوى الى السماء و اذ قال ربك

۳_ حضرت آدمعليه‌السلام كى خلقت و خلافت سے پہلے فرشتے خلق ہوچكے تھے_و اذ قال ربك للملائكه انى جاعل فى الارض خليفة

۴_ الله تعالى اور فرشتوں كے مابين انسان كى خلقت و خلافت كے بارے ميں بحث ہوئي_و اذ قال ربك للملائكة قالوا اتجعل فيها من يفسد قال انى اعلم ما لا تعلمون

:۵_ خدواند متعال نے انسان كى خلقت و خلافت كے بارے ميں اپنى مشيت و ارادے كو فرشتوں سے بيان فرمايا_

و اذ قال ربك للملائكة انى جاعل فى الارض خليفة

:۶_ زمين پر انسان كى خلافت كا فرشتوں سے ايك طرح كا ارتباط ہے_و اذ قال ربك للملائكة انى جاعل فى الارض خليفة يہ جو انسان كى خلقت و خلافت كا مسئلہ فرشتوں كے سامنے پيش كيا گيا يہ اس بات كى طرف اشارہ ہے كہ زمين پر انسان كے وجود كا فرشتوں سے گہرا ارتباط ہے_

۷_ انسان كى خلقت سے قبل فرشتوں كو انسان كے فساد وخون ريزى كا يقين تھا_قالوا اتجعل فيها من يفسد فيها و يسفك الدماء ''يسفك'' كا مصدر ''سفك'' ہے جسكا معنى گرانا ہے _ يہ جملہ''من َيسفك الدمآء '' وہ جو خون گرائے گا'' اس طرف كنايہ ہے كہ بہت زيادہ قتل و غارت گرى ہوگي_

۸_ انسان كے فساد پھيلانے كى پيشن گوئي كى بنا پر فرشتے انسان كو خلافت كا حقدار نہيں سمجھتے تھے_قالوا اتجعل فيها من يفسد فيها و يسفك الدماء

۹_ قتل اور خونريزى نہايت عظيم گناہ اور فسادگرى كا بہت واضح مصداق ہے_اتجعل فيها من يفسد فيها و يسفك الدماء فسادگرى ميں خون ريزى بھى شامل ہے پس ''يسفك الدمائ''كا ''يفسد فيھا'' پر عطف، عطف خاص على العام ہے اور يہ اس بات كى طرف اشارہ ہے كہ خونريزى اور قتل كا گناہ فساد گرى كى ديگر صورتوں سے كہيں زيادہ بڑا ہے جبكہ اس كى تباہى بھى زيادہ ہے_

۱۰_ فرشتے خداوند متعال كى تسبيح كرنے والے اور اسكى حمدوثنا كرنے والے ہيں _و نحن نسبح بحمدك و نقدس لك

۱۱_ فرشتے ادراك اور آگاہى ركھتے ہيں ، اپنى رائے كے اظہار كى صلاحيت ركھتے ہيں اور واقعات كى تحليل و تجزيہ بھى كر سكتے ہيں _قالوا أتجعل فيها من يفسد فيها و يسفك الدماء

۱۲_ فرشتے خداوند متعال كى تسبيح و ثنا كرنے ميں خالص ہيں _و نحن نسبح بحمدك و نقدس لك

''لك'' نقدس كے علاوہ نسبح سے بھى متعلق ہے_ ''لك'' كے لام سے خلوص كا معنى نكلتا ہے يعنى :نقدس لك لا لغيرك_

۱۳_ تسبيح پروردگار كے ساتھ اسكى حمدوثنا بجا لانا ايك اچھى روش ہے_و نحن نسبح بحمدك ''بحمدك'' ميں باء كا معنى مصاحبت ہے اور استعانت بھى ہو سكتا ہے_ مذكورہ بالا معنى پہلے احتمال كى بنا پر ہے_

۱۴_ الله تعالى كى تعريف وستائش كرتے ہوئے ايسا كلام يا معانى كا استعمال كرنا چاہئے جس ميں ذرہ برابر بھى نقص يا عيب نہ ہو_و نحن نسبح بحمدك يہ معنى اسطرح ہے كہ اگر ''بائ'' كا معنى استعانت ہو پس ''نسبح بحمدك '' كا مفہوم يہ ہوگا: حمد وستائش كے وسيلے سے ہم تيرى تسبيح كرتے ہيں اور تجھے منزہ سمجھتے ہيں _ واضح ہے كہ خداوند متعال كى حمد و ستائش ميں تسبيح و تنزيہ كا مفہوم اس وقت ہوگا جب منتخب شدہ الفاظ يا معانى ميں كسى طرح عيب يا نقص نہ پايا جاتاہو_

۱۵_ عالم ہستى ميں فرشتوں كا اپنے وجود كى جانب متوجہ ہونا اور خود كو خلافت كے لائق جاننا يہ چيز باعث بنى كہ وہ انسان كى تخليق اور خلافت كا فلسفہ سمجھ نہ پائيں _قالوا ا تجعل فيها من يفسد فيها و نحن نسبح بحمدك يہ جملہ ''ونحن نسبح بحمدك'' حاليہ ہے جو اس مطلب كى طرف اشارہ ہے كہ فرشتے علاوہ بر ايں كہ انسان كو فتنہ و فساد كے باعث خلافت كا اہل نہ سمجھتے تھے خود كو اس مقام كا لائق جانتے تھے اور زمين كو انسان كى خلافت سے بے نياز سمجھتے تھے_

۱۶_ انسان ميں موجود صلاحيتيں اور استعداد تھى جو اس كے خلعت خلقت و خلافت كى شائستگى ركھتى تھيں _انى اعلم ما لا تعلمون ''ما لا تعلمون'' ممكن ہے انسان كى پوشيدہ صلاحيتوں كى طرف اشارہ ہو يا ممكن ہے اس سے مراد وہ علوم اور حقائق ہوں جو فرشتوں سے مخفى يا اوجھل تھے جبكہ فرشتے ان علوم كے حصول و ادراك كى صلاحيت نہ ركھتے تھے_ مذكورہ بالا مفہوم پہلے احتمال كى بنا پر ہے_

۱۷_ انسان ميں موجود كمالات اور اعلى اقدار اس كى فتنہ گرى و فساد كى تلافى كرنے والے ہيں _أتجعل فيها من يفسد فيها قال انى اعلم ما لا تعلمون انسان كے فتنہ و فساد كى پيشن گوئي كو الله تعالى نے رد نہيں فرمايا ليكن انسان ميں موجود خاص استعداد كى بنا پر اس كو خلافت كا مستحق سمجھا_ اس سے پتہ چلتا ہے كہ يہ صلاحيت و استعداد انسان كى منفى خصوصيات كى تلافى كرنے والى ہے_

۱۸_ فرشتوں كے پاس محدود معلومات اور آگاہى ہے _انى اعلم ما لا تعلمون

۱۹_ فرشتے انسانى كمالات اور اس كى اعلى اقدار سے

ناآگاہ تھے_إنى اعلم ما لا تعلمون

۲۰_ اعلى انسانى اقدار سے فرشتوں كى ناآگاہى اس بات كا باعث بنى كہ انسان كا فتنہ و فساد ان كے سامنے جلوہ گر ہو اور وہ انسان كى خلقت و خلافت پر اعتراض كريں _أتجعل فيها من يفسد فيها قال إنى اعلم ما لا تعلمون

۲۱_ عالم ہستى كے تمام ترموجودات ميں راز و رمز پائے جاتے ہيں _ ان پر اعتراض كرنا ان كے وجود كى حكمت سے عدم آگاہى اور جہالت كى دليل ہے_أتجعلُ فيها من يفسد فيها قال إنى اعلم ما لا تعلمون

۲۲_ انسان ايسے علوم اور غيبى حقائق كو سيكھنے كى صلاحيت ركھتا ہے كہ جن كے سيكھنے كى استعداد فرشتے نہيں ركھتے_

إنى اعلم ما لا تعلمونيہ مطلب اس بنا پر ہے اگر ''ما لا تعلمون''سے مراد آدم عليه‌السلام ميں چھپى ہوئي صلاحيتيں نہ ہوں بلكہ مقصود الله تعالى كے ہاں موجود علوم اور حقائق ہوں پس آدم عليه‌السلام كى خلقت و خلافت كے سلسلے ميں ''إنى اعلم ما لا تعلمون''سے مراد يہ ہے: الله تعالى كے ہاں موجود حقائق سے آگاہى ايك اور موجود حاصل كر سكتاہے جبكہ فرشتے اس بار كو نہيں اٹھا سكتے اور نہ ہى آئندہ اس كى صلاحيت ركھيں گے_ صرف انسان ہے جو ان حقائق كو درك كرنے كى استعداد ركھتا ہے اور ان كا مظہر ہوسكتا ہے اس معنى كى تائيدآيت ۳۳ كا يہ جملہ ہے_ ''الم اقل...''

۲۳_ حضرت آدمعليه‌السلام اور ان كى نسل ان انسانوں كى قائم مقام ہے جو ان سے پہلے زمين پر رہتے تھے_إنى جاعل فى الارض خليفة ''خليفه'' كا معنى جانشين ہونا يا جاگزيں ہونا ہے_ يہ معنى اس بات كا تقاضا كرتا ہے كہ يہ انسان جس كا خليفہ بن رہا ہے وہ موجود رہا ہو جبكہ آيہ مجيدہ ميں بيان نہيں ہوا كہ وہ كون ہے_ يہى وجہ ہے كہ اس بارے ميں مختلف آراء بيان ہوئي ہيں ان ميں سے ايك نظريہ يہ ہے كہ حضرت آدمعليه‌السلام اور ان كى نسل سے قبل زمين پر انسان رہتے تھے ، يہ جو فرشتوں كو يقين ہے كہ انسان فتنہ و فساد پھيلائے گا اس احتمال كى تائيد كرتا ہے_

۲۴_ حضرت آدمعليه‌السلام سے پہلے زمين كے رہنے والے فسادى اور خونريزى كرنے والے تھے_إنى جاعل فى الارض خليفة قالوا أتجعل فيها من يفسد فيها آيت كا ظاہرى مطلب يہ ہے فرشتوں كو خليفہ بننے والے انسان كے بارے ميں يقين تھا كہ يہ فسادى و فتنہ پرور ہوگا_ يہ حقيقت ہوسكتا ہے ان دو مطلب كى طرف اشارہ ہو:

- i حضرت آدمعليه‌السلام اور ان كى نسل ما قبل انسانوں كے جانشين ہوں _

- ii پہلے انسان فسادى اور فتنہ پرور تھے_

۲۵_ انسان اس امر كا لائق ہے، شائستگى ركھتا ہے كہ خليفہ الہى بنے_

إنى جاعل فى الارض خليفةبعد والى آيات ميں حضرت آدم (ص) كو ايك نمونہ انسان كے طور پر ياد كيا گيا ہے ايك ايسا انسان جو فرشتوں سے برتر ہے، جسے تمام اسماء كا علم عطا كيا گيا اور جس كوحقائق (زمين و آسمان كے غيب) كا علم ديا گيا ہو يہ سب اس بات كا قرينہ ہيں كہ خلافت سے مراد خلافت الہى ہے چونكہ انسان كا ايك ايسى مخلوق كے طور پر تعارف كرايا گيا ہے جو علم الہى كا مظہر ہے_

۲۶_ حضرت آدم (ص) كى خلقت و خلافت اور خداوند قدوس كا فرشتوں سے گفتگو كرنا نہايت سبق آموز واقعہ ہے جس ميں گہرے نكات ہيں _و إذ قال ربك للملائكة إنى اعلم ما لا تعلمون يہاں ''اذ'' فعل مقدّر ''اذكر'' كا مفعول ہے_

۲۷_حسين بن بشّار عن ابى الحسن على بن موسى الرضا (ص) قال : سألته أيعلم الله الشى الذى لم يكن أن لو كان كيف كان يكون او لا يعلم الّا ما يكون فقال انّ الله تعالى هوالعالم بالاشياء قبل كون الاشياء قال الله عزوجل '' إنّى أعلم ما لا تعلمون'' فلم يزل الله عزوجل علمه سابقاً للأشياء قديماً قبل ان يخلقها (۱)

حسين بن بشّار كہتے ہيں ميں نے امام رضا(ص) سے سوال كيا خداوند عالم جانتا ہے كہ جو چيزيں وجود ميں نہيں آئيں وہ كيسى ہوں گى يا يہ كہ ايسا نہيں ہے بلكہ اس چيز كے وجود ميں آنے كے بعد اسے جانتا ہے؟ امامعليه‌السلام نے فرمايا خداوند عالم اشياء كے وجود ميں آنے سے قبل ان كے بارے ميں علم ركھتا ہے_ الله عزوجل فرماتا ہے '' إنّى أعلم ما لا تعلمون_ ميں وہ سب كچھ جانتا ہوں جو تم نہيں جانتے'' پس الله تعالى كا علم ہميشہ اشياء كى خلقت اور وجود سے ماقبل ہے_

۲۸_پيامبر خداصلى الله عليہ وآلہ وسلم ارشاد فرماتے ہيں :''دحيت الارض من مكة ...وهى الارض التى قال الله ''إنى جاعل فى الارض خليفة ...' '(۲) زمين كا پھيلائو مكہ سے شروع ہوا اور مكہ وہى سرزمين ہے جس كے بارے ميں الله تعالى ارشاد فرماتا ہے ''ميں بے شك زمين ميں اپنا خليفہ بنانے والا ہوں ...''

۲۹_عن ابى جعفر محمد بن علي عليه‌السلام انه قال فى قول الله عزوجل: و اذ قال ربك للملائكة إنى جاعل فى الارض خليفة قالوا اتجعل فيها من يفسد فيها و قال وإنما قال ذلك بعض الملائكة لما عرفوا من حال من كان فى الارض من الجن قبل آدم (۳) عليه‌السلام عليه‌السلام الله تعالى كے اس كلام ''اور جب تيرے رب نے فرشتوں سے كہا كہ ميں زمين پر خليفہ بنانے والا ہوں تو انہوں نے كہا كيا (اے رب) تو زمين پر

____________________

۱) توحيد صدوق ص ۱۳۶ ح ۸ باب ۱۰ ، نورالثقلين ج/۱ ص ۵۳ ح ۸۴_ ۲) الدرالمنثور ج/۱ص۱۱۳، بحار الانوار ج/۵۴ ص ۲۰۶ ح ۱۵۶_

۳) دعائم الاسلام ج/۱ ص ۲۹۱ ، بحار الانوار ج/ ۹۶ ص ۴۷ ح ۳۶_

ايسے كو خليفہ قرار دے گا جو فتنہ و فساد برپا كرے گا'' كے بارے ميں امام باقرعليه‌السلام فرماتے ہيں كہ بعض ملائكہ نے ايسا كہا تھا كيونكہ وہ حضرت آدم (ص) كى خلقت سے پہلے زمين پر جنات كا فتنہ و فساد ديكھ چكے تھے_

۳۰_ اميرالمومنين فرماتے ہيں ''قالت الملائكة سبحانك '' أتجعل فيها من يفسد فيها ويسفك الدماء ونحن نسبح بحمدك ونقدّس لك'' فاجعله منّا فانا لا نفسد فى الارض ولا نسفك الدماء قال جلّ جلاله ''إنى اعلم ما لا تعلمون'' انى اريد ان اخلق خلقا بيدى اجعل ذريته انبياء مرسلين وعباداً صالحين و آئمة مهتدين اجعلهم خلفائي فى ارضى ''(۱) ملائكہ نے عرض كيا پروردگار تو پاك و منزہ ہے كيا تو زمين پر ايسے كو قرار دے گا جو اس ميں فتنہ و فساد برپا كرے گا اور خون ريزى كرے گا جبكہ ہم تيرى حمدوثنا سے تيرى تسبيح بجا لاتے ہيں اور تيرى پاكيزگى بيان كرتے ہيں پس ہم ميں سے خليفہ قرار دے كيونكہ نہ تو ہم زمين پر فساد برپا كريں گے اور نہ ہى خونريزى كريں گے تو الله جل جلالہ نے ارشاد فرمايا ميں وہ جانتا ہوں جو تم نہيں جانتے ميں چاہتا ہوں كہ ايسى مخلوق كو خلق كروں جس كى نسل سے انبياء مرسلعليه‌السلام ، صالح بندے اور ہدايت يافتہ آئمہ وجود ميں آئيں اور (پھر) انہى كو زمين پر اپنا خليفہ قرار دوں _

۳۱_ امام صادق عليہ السلام سے روايت ہے آپ(ص) نے فرمايا : ''إن الملائكة قالوا نحن نقدسك و نطيعك و لا نعصيك كغيرنا قال فلما اجيبو بما ذكر فى القرآن علموا انهم تجاوزوا ما لهم فلاذوا بالعرش استغفاراً (۲)

ملائكہ نے كہا ہم تيرى پاكيزگى بيان كرتے ہيں ، تيرى اطاعت كرتے ہيں اورنہ ہى تيرى نافرمانى كرتے ہيں جيسے دوسرے كرتے ہيں _ امام(ص) فرماتے ہيں جيسا كہ قرآن ميں آيا ہے فرشتوں نے الله تعالى كا جواب سنا تو سمجھ گئے كہ انہوں نے اپنى حد سے تجاوز كيا ہے پس انہوں نے طلب مغفرت كے لئے عرش الہى كى پناہ لے لي_

۳۲_ امام على عليہ السلام سے روايت ہے آپعليه‌السلام نے فرمايا: ''او كل علم يحتمله عالم ؟ إنّ الله تعالى قال لملائكته ''إنى جاعل فى الارض خليفة قالوا أتجعل فيها من يفسد فيها ...'' فهل رأيت الملائكة احتملوا العلم؟ (۳) كيا ہر علم عالم كے لئے قابل تحمل ہے ؟ الله تعالى نے اپنے فرشتوں سے فرمايا : _ ميں زمين پر خليفہ بنا رہا ہوں تو انہوں نے كہا كيا تو ايسے كو قرار دے گا جو زمين پر فتنہ و فساد برپا كرے گا كيا تم سمجھتے ہو كہ يہ علم فرشتوں كے لئے قابل تحمل تھا؟

____________________

۱) علل الشرايع ج/۱ ص۱۰۵ ح /۱ باب ۹۶ ، نورالثقلين ج/۱ ص۵۱ ح ۸۰_ ۲) تفسير تبيان ج/۱ ص۱۳۶ ، نورالثقلين ج/۱ ص۵۴ ح ۸۶_

۳) بحار الانوار ج/۲ص ۲۱۱ ح۱۰۶ ، نورالثقلين ج/۱ص۵۱ ح ۷۹_

آسمان : آسمانوں كى خلقت ۱

الله تعالى : افعال الہى ۱; الله كى تقديس وپاكيزگى كا بيان ۱۰;الله تعالى كى خالقيت ۱; الله تعالى كو معدوم اشياء كا علم ہونا ۲۷; الله تعالى كا علم۲۷; مشيت و مقدرات الہى ۵

الله تعالى كا خليفہ : ۲۵، ۳۰

انبياءعليه‌السلام : انبياءعليه‌السلام كے فضائل ۳۰

انسان : انسانى كمال كے اثرات و نتائج۱۷; انسانى صلاحيتيں اور استعداد ۱۶،۱۷،۲۲، ۲۵; انسان كا فساد برپا كرنا ۷، ۸، ۱۷، ۲۴; حضرت آدمعليه‌السلام سے پہلے كے انسان ۲۳، ۲۴; انسان كى ملائكہ پر برترى ۲۲; انسان كى تاريخ ۲۳; انسان كى خلافت ۱، ۴، ۵، ۶، ۸، ۱۶، ۲۰، ۲۳، ۲۵; انسان كى خلقت ۴، ۵، ۱۶، ۲۰; انسانى خونريزى ۷، ۲۴; انسان كے فضائل ۱۶، ۱۷، ۱۹، ۲۰; انسان كى خلقت كا فلسفہ ۱، ۳۰; انسان كا كمال ۱۹; انسان كے درجات ۲، ۲۵; انسان كى خصوصيات ۲۲

تاريخ : تاريخ سے عبرت لينا ۲۶; تاريخ كے فوائد ۲۶

تسبيح : الله تعالى كى تسبيح كے آداب ۱۳; تسبيح خداوندى ۱۰، ۱۲

جنات : جنات كا فساد برپا كرنا ۲۹; جنات كى تاريخ ۲۹

جہالت : جہالت كے اثرات ونتائج۲۱

جہان بينى يا( نظريہء كائنات ): توحيدى جہان بينى ۱

حضرت آدمعليه‌السلام : آدم(ص) كى تاريخ خلقت ۳; حضرت آدم (ص) كے واقعہ كى تعليمات ۲۶; حضرت آدم (ص) كى خلافت ۳، ۲۳، ۲۶; حضرت آدمعليه‌السلام كى خلقت ۲۶

حمد : حمد الہى كے آداب ۱۴; خدا تعالى كى حمد ۱۰، ۱۲، ۱۳

روايت : ۲۷، ۲۸، ۲۹، ۳۰، ۳۱، ۳۲

زمين : زمين كا نقطئہ آغاز ۲۸; زمين كى تاريخ ۲۸; زمين كا پھيلاؤ۲۸

صالحين : صالحين كے فضائل ۳۰

عبرت : عبرت كے عوامل ۲۶

علم : پسنديدہ علم ۳۲

فساد برپا كرنا : فساد برپا كرنے كے موارد ۹

قتل : قتل كا گناہ ۹

گناہان كبيرہ : ۹

مكّہ معظّمہ: مكّہ معظّمہ كے فضائل ۲۸

ملائكہ : ملائكہ كى جہالت كے اثرات و نتائج ۲۰;ملائكہ كا اخلاص ۱۲ ملائكہ كا ادراك۱۱;ملائكہ كا پناہ طلب كرنا ۳۱; ملائكہ كى صلاحيت۲۲; ملائكہ كا استغفار كرنا ۳۱; ملائكہ كى بصيرت۱۵;ملائكہ كى پيشين گوئي۸;ملائكہ كى خلقت كى تاريخ ۳; ملائكہ كى تسبيح ۱۰ ، ۱۲; ملائكہ كا ناآگاہ ہونا ۱۹ ; ملائكہ كو علم غيب ہونا۷; ملائكہ كا علم ۱۱ ; ملائكہ كى اللہ سے گفتگو ۴ ، ۵ ، ۲۶; ملائكہ كے علم كا دائرہ كار ۱۸;ملائكہ اور انسان كى خلقت ۱۵ ، ۲۰; ملائكہ اور انسان كى خلافت ۶،۸،۱۵،۲۰

موجودات: موجودات كا راز ۲۱; موجودات كى خلقت كا فلسفہ ۲۱; حضرت ادمعليه‌السلام سے پہلے كى موجودات ۲۹

نعمت: نعمت كا سرچشمہ ۱

وَعَلَّمَ آدَمَ الأَسْمَاء كُلَّهَا ثُمَّ عَرَضَهُمْ عَلَى الْمَلاَئِكَةِ فَقَالَ أَنبِئُونِي بِأَسْمَاء هَؤُلاء إِن كُنتُمْ صَادِقِينَ ( ۳۱ )

اور خدا نے آدم كو تمام اسماء كى تعليم دى اور پھر ان سب كو ملائكہ كے سامنے پيش كركے فرمايا كہ ذرا تم ان سب كے نام تو بتاؤ اگر تم اپنے خيال استحقاق ميں سچے ہو_

۱_ اللہ تعالى نے حضرت ادمعليه‌السلام كو مخصوص علوم كے حصول كى وسيع استعداد عطا فرمائي اور ان كے تمام حقائق اور اسماء تعليم فرمائے_وعلم ادم الا سماء كلها جملہ ''علم ادم'' ايك مقدر جملے پرعطف ہے جو انتہائي واضح ہونے كى بنا پر كلام ميں نہيں ايا_يہ جملہ''انّى جاعل ...''كے قرينے سے يہ ہو سكتا ہے :فخلق ادم جديراًللخلافة و

۲_ انسان كى افرينش كى حكمت اور زمين پر اس كى خلافت كى لياقت اس ميں ہے كہ وہ عالم ہستى كے حقائق سيكھنے كى توانائي ركھتا ہے_إنى جاعل فى الارض خليفه ...وعلّم ادم الاسماء كلّها''

۳_ انسان كا سب سے پہلا استاد خداوندقدوس ہے _وعلم ادم الا سماء كلها

۴_ علوم اور معارف كے سيكھنے ميں اشياء كى علامتيں يا ان كے نام بہت بنيادى كردار ركھتے ہیں _وعلم ادم الاسماء كلها ''الاسمائ' 'سے مراد عالم ہستى كے حقائق ہيں نہ فقط ان كے نام اور علامتيں _پس عالم ہستى كے حقائق كو ناموں اور علامتوں سے تعبير كرنا اس بات كى علامت ہے كہ چيزوں كے نام، علوم و معارف كى دنيا ميں بہت اہم كردار كے حامل ہيں

۵_حضرت ادمعليه‌السلام كوجو حقائق تعليم ديئے گئے ہيں وہ ذى شعور اور عاقل مخلوقات كے بارے ميں تھے_وعلم ادم الا سماء كلها ثم عرضهم على الملائكة ''ھم''كى ضميرمعمولا با شعور اور عاقل موجودات كيلئے استعمال ہوتى ہے_بنابريں مذكورہ بالا مفہوم اس بناپر ہے كہ ''ھم'' كى ضمير ''الا سمائ'' كى طرف لوٹتى ہے_

۶_اللہ تعالى نے موجودات عالم ہستى كو فرشتوں كے سامنے پيش كيا اور ان سے چاہا كہ ان كے نام بيان كرےں _

ثم عرضهم على الملائكة فقال ا نبئونى باسماء هو لاء ''أنبئوا''فعل امر ہے اور اس كا مصدر ''انبائ''ہے جس كا معنى ہے خبر دينا_

۷_ فرشتوں كا دعوى تھا كہ وہ حضرت ادمعليه‌السلام سے برتر ہیں _أنبئونى با سماء هو لاء ان كنتم صادقين _

فرشتوں كا حضرت ادمعليه‌السلام كى خلقت وخلافت پر اعتراض كرنے كے بعد يہ كہنا ''ونحن نسبح ...'' اس مطلب كى طرف اشارہ ہے كہ''صادقين '' سے متعلق چيز فرشتوں كى ادمعليه‌السلام پر برترى تھى _ گويا مفہوم يہ ہوگا :اگر سچ كہتے ہو كہ تم ادم سے برتر اور مقام خلافت كے زيادہ لائق ہو تو

۸_عالم ہستى كے حقائق كا علم اعلى اقدار ميں سے ہے _إنى اعلم مالاتعلمون _وعلم ادم الا سماء كلها

۹_ حضرت ادمعليه‌السلام كى بہت زيادہ اگاہى فرشتوں پر برترى كا راز تھا _وعلم ادم الا سماء كلها ان كنتم صادقين

۱۰_عن ابى العباس عن ابى عبداللّه عليه‌السلام سالته عن قول الله ''وعلم آدم الاسماء كلها '' ماذا علمه؟ قال الارضين والجبال والشعاب والأوديه ثم نظر الى بساط تحته فقال و هذا البساط مماعلّمه (۱)

____________________

۱) تفسير عياشى ج ۱ ص ۳۲ ح ۱۱، نور الثقلين ج ۱ ص ۵۵ ح ۸۸_

ابوالعباس كہتے ہيں كہ اللہ تعالى كے اس كلام ''اوراللہ نے ادم كوتمام كے تمام اسماء سكھائے '' كے بارے ميں 'ميں نے امام صادقعليه‌السلام سے سوال كيا كہ خدا وند متعال نے حضرت ادمعليه‌السلام كوكيا سكھايا ؟ حضرتعليه‌السلام نے فرمايا: زمين 'پہاڑ' درّے' وادياں پھر اپعليه‌السلام نے اپنے نيچے بچھى ہوئي بساط (دري)كى طرف نگاہ كى اور فرمايايہ بساط بھى ان ميں سے ہے جس كا علم اللہ تعالى نے حضرت ادمعليه‌السلام كو ديا_

۱۱_امام صادقعليه‌السلام فرماتے ہيں :إن الله تبارك و تعالى علّم ادم اسماء حجج الله كلّها ثمّ عرضهم و هم ارواح_ على الملائكة فقال '' أنبئونى بأسماء هؤلاء ان كنتم صادقين'' بأنكم احق بالخلافة فى الارض لتسبيحكم وتقديسكم من ادم عليه‌السلام (۱) خدا وند متعال نے اپنى تمام حجتوں كا علم حضرت ادمعليه‌السلام كو عنايت فرمايا پھر ان كى ارواح كوفرشتوں كے سامنے پيش كيا ا ور پھر فرمايا ''مجھے وہ اسماء بتاو اگر تم سچے ہو '' كہ تم ہى ادم سے زيادہ خلافت كے حق دار ہو اپنى تسبيح وتقديس كى وجہ سے؟

اقدار: ۸

اللہ تعالى : اللہ تعالى كى حجتيں ۱۱; خداوند قدوس كى اہميت۳

انسان: انسان كا ادراك ۲; انسان كى صلاحيتيں ۲; انسان كى خلافت كا فلسفہ۲;خلقت انسان كا فلسفہ ۲;انسان كا معلم ۳;انسان كى خصوصيات۲ تعليم: تعليم كا سرچشمہ۴

حضرت ادمعليه‌السلام : حضرت آدمعليه‌السلام كى صلاحيتيں ۱; حضرت ادمعليه‌السلام كو تعليم ديئے گئے اسماء ۵; حضرت ادمعليه‌السلام كى ملائكہ پر برترى ۹; حضرت اد معليه‌السلام كو اسماء كى تعليم ديا جانا ۱،۵،۱۰،۱۱; حضرت ادمعليه‌السلام كى تخليق ۱; موجودات كا حضرت ادمعليه‌السلام كے سامنے پيش كيا جانا ۱۰; حضرت ادمعليه‌السلام كا علم ۹; حضرت ادمعليه‌السلام كى برترى كا فلسفہ ۹; حضرت ادمعليه‌السلام كا واقعہ ۱;حضرت ادمعليه‌السلام كى خصوصيات ۱

حقائق: حقائق كے علم كى قدروقيمت۸

روايت:۱۰،۱۱ علم: علم كى اہميت۳ معلم: سب سے پہلا معلم۳

ملائكہ: ملائكہ كے دعوے ۷;ملائكہ كى بڑائي ۷; موجودات كا ملائكہ كے سامنے پيش كيا جانا۶

موجودات : موجودات كے ناموں كى اہميت ۴

____________________

۱) اكمال الدين صدوق ج ۱ ص۱۴ ، نور الثقلين ج ۱ ص ۴۵ ح ۸۷_

قَالُواْ سُبْحَانَكَ لاَ عِلْمَ لَنَا إِلاَّ مَا عَلَّمْتَنَا إِنَّكَ أَنتَ الْعَلِيمُ الْحَكِيمُ ( ۳۲ )

ملائكہ نے عرض كى كہ ہم تو اتنا ہى جانتے ہيں جتنا تو نے بتاياہے كہ تو صاحب علم بھى ہے اور صاحب حكمت بھى _

۱_ فرشتوں كے سامنے جو حقائق پيش كيئے گئے ان سے وہ نا اگاہ تھے اور اسماء كے بيان كرنے سے عاجز رہے_

ثم عرضهم على الملائكة قالوا سبحانك لا علم لنا الا ما علمتنا

۲_خداوند متعال كى ذات اقدس ہر نقص اور عيب سے پاك ومنزہ ہے_قالوا سبحانك

۳_ پروردگار عالم كى ذات اقدس منزہ ہے اس امرسے كہ موجودات كے اسرار اور ان كى مخفى گاہ سے اگاہ نہ ہو_ أنبئونى بأسماء هو لائ ...قالوا سبحانك لفظ ''سبحانك '' كا استعمال ايسے موارد ميں ہو تا ہے جہاں اللہ تعالى كے بارے ميں متكلم كا كلام نقص يا عيب كا وہم وگمان كرے_ فرشتے چونكہ مقام جواب ميں ہيں اس ليئے ان كے كلام سے وہم پيدا ہوتا ہے كہ گويا خداوند متعال ان كے جواب كى پہلے سے اگاہى نہيں ركھتا لہذا ''سبحانك'' كہنے كا ہدف يہ ہے كے اللہ تعالى اس طرح كے وہم وگمان سے پاك ومنزہ ہے _

۴_ فرشتوں كا علم وبصيرت اللہ تعالى كى جانب سے ہے_لا علم لنا إلاّ ما علمتنا

۵_ خدائے بزرگ وبرتر كى ذات اقدس عليم (انتہائي زيادہ جاننے والا ) اور حكيم (ايسا زيرك و دانا جو امور كو مستحكم واستوار بنائے)ہے_إنك أنت العليم الحكيم

''حكيم'' كےمعانى ہيں قاضى ،صاحب حكمت اور امور كو استحكام بخشنے والا _اس ايت ميں بيان شدہ حقائق سے دوسرا اور تيسرا معنى زيادہ مناسبت ركھتا ہے_

۶_ ذات بارى تعالى وہ واحد حقيقت ہے جو لا محدود (مطلق ) علم وحكمت كى مالك ہے_إنك أنت العليم الحكيم

خبر (العليم الحكيم )پر ''ال'' كا انا اور جملے

ميں ضمير فصل''انت''كا ہونا حصر پر دلالت كرتا ہے_

۷_ اللہ تعالى كا علم ذاتى ہے اور دوسروں كى دانش اللہ كى جانب سے عطا اور عنايت ہے_لا علم لنا إلاماعلمتنا إنك أنت العليم الحكيم يہ جملہ''انك انت ...''اس مطلب كے بعد بيان ہواہے كہ فرشتوں كا علم ذاتى نہيں بلكہ وہبى ہے پس يہ اس مطلب كى طرف اشارہ ہے كہ اللہ تعالى كاعلم ذاتى ہے_

۸_ حضرت ادمعليه‌السلام فرشتوں سے برتر اور ان سے زيادہ عالم تھے_وعلم ادم الا سماء كلها قالوا سبحانك لا علم لنا إلاما علمتنا

۹_ فرشتوں كو اللہ تعالى كا (حقائق كے اسماء بيان كرنے كيلئے ) حكم دينا افعال الہى كے حكيمانہ اور عالمانہ ہونے كى ياد اورى اور انہيں حضرت ادمعليه‌السلام كى علمى برترى سے اگاہ كرنا تھا_أانبئونى بأسماء هولاء قالوا سبحانك إنك أنت العليم الحكيم

۱۰_ فرشتوں كا اعتراف كرنا كہ انسان كى خلقت عالمانہ اور حكيمانہ تھى اسى طرح اس كا خلافت كيلئے انتخاب درست تھا_إنك أنت العليم الحكيم

انسان كى خلافت كيلئے لياقت ميں شك وترديد كے بعد فرشتوں كا خداوند متعال كو عليم وحكيم كہہ كر توصيف و ثنا كرنے كا مقصد يہ تھا كہ انہوں نے انسان كى عظمت كا اقرار كيا اور اس كى عالمانہ اور حكيمانہ خلقت كا اعتراف كيا_

اسماء اور صفات : حكيم ۵; جلالى صفات ۲،۳; عليم ۵

اللہ تعالى : اللہ تعالى كے مختصات ۶;اللہ تعالى كے فعال ۹; اللہ تعالى كا منزہ ہونا۲،۳; اللہ تعالى كى حكمت ۶،۹ ;اللہ تعالى اور عدم اگاہى ۳; اللہ تعالى كى عنايات ۷; علم الہى ۶،۹; اللہ تعالى كا علم ذاتى ۷

انسان : انسان كى خلافت ۱۰; انسان كى خلقت ۱۰

حضرت ادمعليه‌السلام : حضرت ادمعليه‌السلام كى ملائكہ پر برترى ۸،۹; حضرت ادمعليه‌السلام كا علم ۸،۹

علم : علم كا سر چشمہ ۷

ملائكہ : ملائكہ كا اقرار ۱۰;ملائكہ كا متنبہ ہونا ۹;ملائكہ كى نا اگاہى ۱; ملائكہ كا عجز ۱; ملائكہ كے سامنے موجودات كو پيش كيا جانا۱،۹;ملائكہ اور انسان كى خلافت ۱۰;ملائكہ اور انسان كى خلقت ۱۰;ملائكہ كے علم كا سرچشمہ ۴

قَالَ يَا آدَمُ أَنبِئْهُم بِأَسْمَآئِهِمْ فَلَمَّا أَنبَأَهُمْ بِأَسْمَآئِهِمْ قَالَ أَلَمْ أَقُل لَّكُمْ إِنِّي أَعْلَمُ غَيْبَ السَّمَاوَاتِ وَالأَرْضِ وَأَعْلَمُ مَا تُبْدُونَ وَمَا كُنتُمْ تَكْتُمُونَ ( ۳۳ )

ارشاد ہوا كہ آدم اب تم انھيں باخبر كردو_تو جب آدم نے باخبر كرديا تو خدا نے فرمايا كہ ميں نے تم سے نہ كہا تھا كہ ميں آسمان و زمين كے غيب كو جانتاہوں اور جو كچھ تم ظاہر كرتے ہو يا چھپاتے ہو سب كو جانتاہوں _

۱_ اللہ تعالى نے ادمعليه‌السلام كو حكم ديا كہ حقائق ہستى ميں سے ہر ايك كا نام فرشتوں كے لئے بيان كرے_قال يا ادم انبئهم با سماء هم

۲_ حضرت ادمعليه‌السلام نے حقائق ہستى كے اسماء فرشتوں كے لئے بيان كيئے_فلما انبأهم بأسماء هم

۳_ حقائق ہستى كے نام جان لينے كے بعد فرشتوں كو علم ہوگيا كہ اسمان اور زمين غيب ركھتے ہيں _فلما انبأهم ...قال ألم اقل لكم إنى أعلم غيب السماوات والارض

۴_ حضرت ادمعليه‌السلام اللہ تعالى كے خليفہ اور فرشتوں كے لئے فيض الہى كا واسطہ وذريعہ ہیں _يا ادم انبئهم بأسماء هم فلما انبأهم با سماء هم

۵_ حضرت ادمعليه‌السلام فرشتوں كے معلم و استاد_ قال يا ادم انبئهم با سماء هم فلما ا نبأهم با سماء هم

۶_ جہان افرينش كے متعدد اسمان ہیں _انى اعلم غيب السماوات

۷_ اسمانوں اور زمين (ہستي) ميں غيب ہے جو فرشتوں سے مخفى تھا_إانّى أعلم ما لا تعلمون ألم اقل لكم إنى اعلم غيب السماوات والارض

۸_ اللہ تعالى اسمانوں اور زمين كے غيب سے اگاہ ہے_انى أعلم غيب السماوات والارض

۹_ اللہ تعالى نے ادم كو جو اسماء وحقائق تعليم فرمائے ان

كا تعلق ہستى كے غيب سے تھا_إنّى اعلم ما لا تعلمون ...ألم اقل لكم إنّى اعلم غيب السماوات والارض ''الم اقل ...كيا ميں نے تمھيں نہ كہا تھا كہ زمين و اسمانوں كے غيب سے ميں واقف ہوں '' ظاہراً يہ جملہ اس جملے ''إنّى أعلم ''كى تفصيل ہے جو ايت ۳۰كے ذيل ميں ايا ہے پس ''مالا تعلمون ''سے مراد اسمانوں اورزمين كا غيب ہے اور ''إنّى أعلم مالا تعلمون ''كے بعد ''وعلّم ادم ...'' كا انا اس طرف اشارہ ہے كہ جو نام حضرت ادم عليه‌السلام كو تعليم ديئے گئے وہ ''مالاتعلمون ''كا مصداق ہيں اس گفتگو كى روشنى ميں ''الاسمائ''سے مراد اسمانوں اور زمين كا غيب ہے_

۱۰_اللہ تعالى كا حضرت ادمعليه‌السلام كو (فرشتوں كو اسماء كى تعليم كا)حكم دينے كا مقصد ادمعليه‌السلام كى فرشتوں پر برترى ثابت كرنااور ادمعليه‌السلام كى ان پر فضيلت كو سمجھانا تھا_قال يا ادم انبئهم بأسمائهم بعد والى ايت كے قرينے سے اس بات كو سمجھا جا سكتا ہے كہ اللہ تعالى كے حضرت ادمعليه‌السلام كو( فرشتوں كو اسماء كى تعليم كا) حكم دينے كا مقصد ادمعليه‌السلام كى فرشتوں پر برترى اور فضيلت ثابت كرنا تھا_

۱۱_ حضرت ادمعليه‌السلام كى خلقت و خلافت كے وقت فرشتوں كے دل ياضمير ميں كوئي چيز مخفى تھى جس كو بيان كرنے سے اجتناب كررہے تھے _واعلم ما تبدون وما كنتم تكتمون

۱۲_ اللہ تعالى فرشتوں كے اشكار اور مخفى امور سے اگاہ ہے_أعلم ما تبدون وما كنتم تكتمون

۱۳_ فرشتے اپنے امور كو ديگر فرشتوں سے مخفى ركھنے پر قادر ہيں _أعلم ما تبدون وما كنتم تكتمون

۱۴_ امام صادقعليه‌السلام سے روايت ہے اپعليه‌السلام نے فرمايا:''إن الله تبارك و تعالى علم ادم اسماء حجج الله كلها فقال ...''أنبئهم باسماء هم فلما أنبا هم با سمائهم'' وقفوا على عظيم منزلتهم عندالله تعالى فعلموا إنهم احق بان يكونوا خلفاء الله فى ارضه وحججه على بريته وقال لهم ''ألم اقل لكم إنى أعلم غيب السماوات والارض و أعلم ماتبدون وماكنتم تكتمون ''(۱) اللہ تعالى نے اپنى تمام حجتوں كے اسماء حضرت ادمعليه‌السلام كو تعليم فرمائے پس فرمايا ''ملائكہ كو ان نامو ں سے اگاہ كرو پس جب ملائكہ كو ان كے ناموں سے اگاہ كيا''تو ملائكہ ان كى الله تعالى كے ہاں عظيم منزلت و مقام سے اگاہ ہوگئے اور يہ جان ليا كہ يہى ہستياں زيادہ حق ركھتى ہيں كہ الله كى زمين پر اس كے خليفہ ہوں اور اس كى مخلوق پر حجت ہوں اور اللہ تعالى نے فرشتوں سے ارشاد فرمايا :''كيا ميں نے تم سے نہ كہا تھا كہ بيشك ميں اسمانوں اور زمين كے غيب كو زيادہ جانتا ہوں اور جو كچھ تم اشكار كرتے ہويا پنہا ں كرتے ہو اس سے ميں اگاہى ركھتا ہوں ''

____________________

۱) اكمال الدين صدوق ج ۱ ص۱۴ ،بحارالانوار ج۱۱ ص ۱۴۵ ح ۱۵_

۱۵_عن ابى جعفر عليه‌السلام انّه قال فى قول الله ...''واعلم ما تبدون وما كنتم تكتمون'' يعنى ما ا بدوه بقولهم'' ا تجعل فيها من يفسد فيها و يسفك الدمائ '' و ما كتموه فقالوا فى انفسهم ما ظننا ان الله يخلق خلقاًاكرم عليه منا (۱) امام محمد باقر عليہ السلام سے روايت ہے اپعليه‌السلام نے اللہ تعالى كے اس كلام ''اور ميں جو كچھ تم اشكار كرتے ہو يا تم چھپاتے ہو بہتر اگاہ ہوں ''كے بارے ميں فرمايا يعنى (مراد) يہ ہے كہ جوچيز انھوں نے اپنے قول يا كلام سے ظاہر كى وہ يہ تھى ''كيا تو ايسے كو زمين ميں قرار دے گا جو اس ميں فساد برپا كرے گا اور خون بہائے گا '' اور جو چيز انھوں نے پنہا ں ركھى وہ يہ تھى كہ انھوں نے دل ہى دل ميں كہا كى ہمارا گمان نہ تھا كہ اللہ تعالى كسى ايسے كو خلق فرمائے گا جو ہمارى نسبت زيادہ اس كے ہاں صاحب عزت وشرف ہو گا _

اسمان: آسمان كا متعدد ہونا۶;اسمانوں كے غيب ۳،۷ ، ۸

اللہ تعالى : اوامر الہي۱;اللہ تعالى كى حجتيں ۱۴;اللہ تعالى كا علم غيب ۸،۲،۱۴،۱۵;اللہ كے اوامر كا فلسفہ ۱۰;اللہ تعالى كے علم كا دائرہ ۸،۱۲;فيض الہى كا ذريعہ ۱۴ اللہ تعالى كا خليفہ :۴،۱۴

حديث:۱۴،۱۵

حضرت ادمعليه‌السلام : حضرت ادمعليه‌السلام كے اثار وجودى ۴;حضرت ادمعليه‌السلام اور ملائكہ ۲،۴،۵; حضرت ادمعليه‌السلام كو تعليم اسمائ۹; حضرت ادمعليه‌السلام كى ملائكہ پر برترى ۵،۱۰; حضرت ادمعليه‌السلام كوتعليم ديئے گئے اسماء ۱،۱۴; حضرت ادمعليه‌السلام كى خلافت ۴،۱۱; خلقت ادمعليه‌السلام ۱۱; حضرت ادمعليه‌السلام كا علم ۱،۲; حضرت ادمعليه‌السلام كے فضائل ۵،۱۰; حضرت ادمعليه‌السلام كا واقعہ ۱،۲،۵; حضرت ادمعليه‌السلام كے درجات ۴;

زمين : زمين كا غيب ۳،۷،۸

كائنات (عالم ہستي): كائنات كا غيب۹

ملائكہ : ملائكہ كو اسماء كى تعليم ۱۰; ملائكہ كا راز۱۲; ملائكہ كا علم ۳; ملائكہ كى قدرت وتوانائي۱۳;ملائكہ كا دائرہ علم ۷; ملائكہ كا معلم ۵; ملائكہ اور حقائق كا مخفى كرنا ۱۱،۱۳;ملائكہ پر فيض كا ذريعہ۴

موجودات : موجودات كے نام ۱،۲،۳

____________________

۱) دعائم الاسلام ج/۱ص/۲۹۱، بحار الانوار ج/۹۶ ص/۴۷ ح /۳۶_

وَإِذْ قُلْنَا لِلْمَلاَئِكَةِ اسْجُدُواْ لآدَمَ فَسَجَدُواْ إِلاَّ إِبْلِيسَ أَبَى وَاسْتَكْبَرَ وَكَانَ مِنَ الْكَافِرِينَ ( ۳۴ )

اور ياد كرو وہ موقع جب ہم نے ملائكہ سے كہا كہ آدم كے لئے سجدہ كرو تو ابليس كے علاوہ سب نے سجدہ كرليا _ اس نے انكا ر اور غرور سے كام ليا اور كافرين ميں ہوگيا _

۱_ اللہ تعالى نے حضرت ادمعليه‌السلام كو حقائق ہستى كى تعليم دينے اور خلافت كے لئے ان كى لياقت و شائستگى كے ثابت كرنے كے بعد فرشتوں كو حكم ديا كہ ادمعليه‌السلام كو سجدہ كريں _و علّم ادم الاسماء كلها واذقلنا للملائكة اسجدوا لادم

۲_ اللہ تعالى كے حكم كے بعد سب فرشتوں نے حضرت ادمعليه‌السلام كو سجدہ كيا_واذ قلنا للملائكة اسجدوا لادم فسجدوا

۳_ ابليس كو بھى باقى فرشتوں كى طرح حضرت ادمعليه‌السلام كو سجدہ كرنے كا حكم تھا_ فسجدواإلاّ ابليس ابي

۴_ ابليس نے خدا وند متعال كے حكم كى نافرمانى كى اور حضرت ادمعليه‌السلام كو سجدہ نہ كيا_واذقلنا للملائكة اسجدوا لادم فسجدوا إلاّ ابليس ''ابي''كا مصدر ''ابائ''ہے جس كا معنى ہے انكار كرنا يا امتناع كرنا_

۵_ حضرت ادمعليه‌السلام كا مقام و منزلت فرشتوں سے بالاتر ہے_ و إذقلنا للملائكة إسجدوالادم يہ جو فرشتوں كو حكم ہوا كہ ادمعليه‌السلام كو سجدہ كريں اس سے معلوم ہوتاہے كہ حضرت ادمعليه‌السلام فرشتوں پرفضيلت وبرترى كے حامل تھے_

۶_ حضرت ادمعليه‌السلام كى خلافت كا مسئلہ فرشتوں كے سامنے پيش كرنا اور ان كى فضيلت و برترى كو ثابت كرنا اس لئے تھا تاكہ فرشتے اللہ تعالى كے حكم (حضرت ادمعليه‌السلام كو سجدہ كرنے ) كے لئے امادہ ہوں _إذ قال ربك للملائكة إنى جاعل فى الارض خليفه و إذقلنا للملائكة إسجدوا لادم

۷_اللہ تعالى كے حكم سے پہلے ابليس فرشتوں كے برابر اور ان كے مقام پر فائز تھا_و إذ قلنا للملائكة اسجدوا لادم فسجدوا إلا ابليس

اللہ تعالى كا يہ فرمان (قلناللملائكة اسجدوا) ابليس كيلئے بھى تھا اس سے پتہ چلتا ہے كہ ابليس فرشتوں كے مقام و منزلت پر فائز تھا اس طرح كہ يا تو فرشتوں كے زمرے ميں تھا يا پھر واقعا خود بھى فرشتہ تھا مذكورہ بالا مفہوم پہلے احتمال كى بناپر ہے_

۸_ ابليس فرشتوں كے زمرے ميں تھا_ *اذ قلنا للملائكة اسجدوا لادم فسجدوا إلا ابليس

۹_ ابليس كا تكبر اوراپنى بڑائي كا تصور حضرت ادمعليه‌السلام كو سجدہ سے انكار كا باعث ہوئے _ فسجدوا إلا إبليس أبى و إستكبر

۱۰_ابليس اپنى بڑائي كے تصور اور اللہ تعالى كى نا فرمانى كے ذريعہ كافروں ميں سے ہو گيا_ أبى واستكبر وكان من الكافرين

۱۱_تكبر اور اپنى بڑائي كے خيال سے اللہ تعالى كى نافرمانى كرنا كفر كا موجب ہے _أبى واستكبر و كان من الكافرين

۱۲_ابليس كو تكويناًاختيار حاصل تھا كہ اللہ كى اطاعت كرے يا اس كى معصيت كا انتخاب كرے _فسجدوا إلا ابليس ابى واستكبر

۱۳_ جس وقت ابليس نے خداوند متعال كى نا فرمانى كى اس وقت ابليس كے علاوہ بھى كفار موجود تھے_ *وكان من الكافرين

۱۴_سجدہ خود سے ،فى نفسہ مسجود كى پرستش پہ دلالت نہيں كرتا_واذ قلنا للملائكة اسجدوا لادم

يہ بہت واضح ہے كہ خداوند قدوس نے ہرگز كسى كى يا كسى چيز كى (اپنے علاوہ)عبادت كا نہ حكم ديا ہے اور نہ دے گا بنابريں فرشتوں كا حضرت ادمعليه‌السلام كو سجدہ كرنا ادمعليه‌السلام كى پرستش و عبادت نہ تھا_ پس نتيجہ يہ نكلتا ہے كہ سجدہ كرنا بذات خود بندگى وعبادت شمارنہيں ہوتا بلكہ وہ سجدہ پرستش اور عبادت شمار ہو تا ہے جس ميں مسجود كو اپنا رب تصور كيا جائے_

۱۵_ اپنى بڑائي كا تصور اور تكبر ناپسند يدہ اور شيطانى خصلتوں ميں سے ہے_أبى واستكبر

۱۶_حضرت ادمعليه‌السلام كو فرشتوں كاسجدہ كرنا اور ابليس كا انكار كرنا ايك سبق اموز اور ہميشہ ہميشہ كے لئے ياد ركھنے والا واقعہ ہے _وإذقلنا للملائكة ...وكان من الكافرين ''اذكر _ سيكھو اور ہميشہ ياد ركھو'' اس كا مفعول ''اذ'' ہے_

۱۷ _امام صادقعليه‌السلام سے روايت ہے اپعليه‌السلام نے فرمايا :''ان الله تبارك و تعالى امر الملائكة بالسجود لادم فقيل له فكيف وقع الامر على ابليس و انما امرالله الملائكة بالسجود لادم؟ فقال كان ابليس منهم بالولاء ولم

يكن من جنس الملائكة (۱) اللہ تعالى نے ملائكہ كو حكم ديا كہ ادمعليه‌السلام كو سجدہ كريں ...اپعليه‌السلام سے پوچھا گيا كہ يہ حكم ابليس كو كيسے شامل ہوا جبكہ اللہ تعالى نے فرشتوں كو فرمان ديا تھا؟ امامعليه‌السلام نے فرمايا ابليس فرشتوں ميں سے نہيں تھا بلكہ ''با لولائ'' ان ميں سے شمار ہو تا تھا_

۱۸_موسى بن ابى بكر واسطى كہتے ہيں :''سألت أبالحسن موسي عليه‌السلام عن الكفر والشرك ايهما اقدم فقال لي: الكفر اقدم وهو الجحود قال لابليس''أبى واستكبر وكان من الكافرين ''(۲) امام كاظمعليه‌السلام سے ميں نے سوال كيا كفر قديمى ترہے يا شرك تو امامعليه‌السلام نے ارشاد فرمايا كفر زيادہ قديمى ہے اور اس كا معنى انكار ہے اللہ تعالى نے ابليس كے بارے ميں فرمايا ''اس نے انكار كيا(نافرمانى كي) اور تكبر اختيار كيا اور كافروں ميں سے ہوگيا ''

۱۹_ امام سجادعليه‌السلام سے روايت ہے''فاول ما عصى الله به الكبر وهى معصيه ابليس حين أبى واستكبر وكان من الكافرين ...'' (۳) اللہ تعالى كى نافرمانى كا اولين سبب تكبر تھا اور يہ نافرمانى ابليس كى تھى جب اس نے انكار كيا اور تكبر كيا اور كافروں ميں سے ہوگيا

۲۰_عن على ابن الحسين عليه‌السلام فى قوله ''إسجدوا لادم فسجدوا'' ...إنها كانت عصابة من الملائكة و هم الذين كانوا حول العرش و هم الذين امروا باالسجود (۴) امام سجاد عليہ السلام سے اللہ تعالى كے اس كلام ''اسجدو الادم فسجدوا''كے بارے ميں روايت ہے كہ اپعليه‌السلام نے فرمايا :وہ (جن كو سجدے كا حكم ديا گيا )ملائكہ كے كچھ گروہ تھے جو عرش الہى كے اطراف ميں تھے ...يہى وہ فرشتے تھے جن كو سجدہ كا حكم ديا گيا_

۲۱_ امير المو منينعليه‌السلام نے فرمايا :''اول بقعة عبد الله عليها ظهر الكوفة لما امرالله الملائكة ان يسجدوا لادم سجدوا على ظهر الكوفة'' (۵) سب سے پہلى مقدس جگہ جہاں اللہ تعالى كى عبادت ہوئي وہ سر زمين كوفہ ہے جب اللہ تعالى نے فرشتوں كو حكم ديا كہ ادمعليه‌السلام كو سجدہ كريں تو انھوں نے ادم كو سر زمين كوفہ پر سجدہ كيا_

۲۲_ پيغبر اسلام صلى اللہ عليہ والہ وسلم كا ارشاد ہے: ''ان الله تبارك و تعالى خلق ادم فأودعنا صلبه و امر الملائكة بالسجود له تعظيماً لنا و اكراما وكان سجودهم لله عزوجل عبودية ولادم اكراما و طاعة لكوننا فى صلبه'' (۶)

____________________

۱) تفسير قمى ج / ۱ص/ ۳۵ ، نور الثقلين ج/۱ ص/۵۵ ح/۹۳_ ۲) تفسير عياشى ج/۱ص/۳۴ح/۱۹، نور الثقلين ج/۱ص/۵۷ ح/۹۹_

۳) كافى ج/۲ص/۱۳۰ح/۱۱، نورالثقلين ج/۱ ص / ۶۰ ح/۱۱۱_ ۴) تفسير عياشى ج/۱ ص۳۰ ح۷ ، تفسير برہان ج/۱ص ۷۴ ح ۶_

۵) تفسير عياشى ج/۱ ص۳۴ ح ۱۸ ، تفسير برہان ج/۱ ص ۷۹ ح ۱۶_

۶) عيوان الاخبار الرضاعليه‌السلام ج/۱ ص/۲۶۳ ح/۲۲باب ۲۶ ، نور الثقلين ج/۱ ص/۵۸ ح/۱۰۱ _

خدا وند متعال نے حضرت ادمعليه‌السلام كو خلق فرمايا پھر ہميں حضرت ادمعليه‌السلام كى صلب ميں قرار ديا پھر ملائكہ كو امر فرمايا كہ ہمارى تعظيم اور اكرام كى خاطر سجدہ كريں اور ان كا سجدہ اللہ عزوجل كى عبادت كے لئے اور حضرت ادمعليه‌السلام كى اطاعت واكرام كے لئے تھا كيوں كہ ہم ان كى صلب ميں تھے_

ابليس : ابليس كے تكبر كے اثرات و نتائج ۹،۱۰; ابليس كى معصيت كے اثرات و نتائج ۱۰;ابليس كافروں ميں سے ۱۰; ابليس ملائكہ ميں سے ۸; ابليس معصيت سے پہلے ۷;ابليس اور حضرت ادمعليه‌السلام كو سجدہ ۳، ۴، ۹;ابليس كااختيار ۱۲; ابليس كا تكبر كرنا ۱۸ ، ۱۹; ابليس كى اطاعت ۱۲; ابليس كى جنس ۱۷; ابليس كى معصيت ۴،۱۲،۱۳ ،۱۶،۱۸، ۱۹; ابليس كى معصيت كے اسباب۹;ابليس كے كفر كے عوامل ۱۰;ابليس كاكفر ۱۳،۱۸، ۱۹; ابليس كى ذمہ دارى ۳; ابليس كے گذشتہ ; درجات ۷

اخلاق : اخلاقى رذائل ۱۵; شيطانى صفات ۱۵

اطاعت : الله تعالى كى اطاعت كى بنياد ۶

الله تعالى : لله تعالى كے اوامر ۱

اہل بيتعليه‌السلام : اہل بيتعليه‌السلام كى عزت وتكريم ۲۲; اہل بيتعليه‌السلام كے فضائل ۲۲

تاريخ: تاريخ سے عبرت لينا۱۶;تاريخ كے فوائد ۱۶

ترغيب : ترغيب كے عوامل ۶ (استكبار ) تكبر : تكبر كے اثرات و نتائج۱۱; تكبر كى سرزنش ۱۵

حديث:۱۷،۱۸،۱۹،۲۰،۲۱،۲۲

حضرت ادمعليه‌السلام : حضرت ادمعليه‌السلام كى صلاحتيں ۱;حضرت ادمعليه‌السلام كے واقعہ كى اہميت ۱۶;حضرت ادمعليه‌السلام كى ملائكہ پر برترى ۵،۶;حضرت ادمعليه‌السلام كے واقعہ ميں موجود سبق اور تعليمات ۱۶;حضرت ادمعليه‌السلام كواسماء كى تعليم ۱; خلافت ادمعليه‌السلام ۱،۶;حضرت ادمعليه‌السلام كوسجدہ كرنے كا پس منظر ۶;فرشتوں كاحضرت ادمعليه‌السلام كو سجدہ كرنا ۱،۲،۶، ۱۶، ۲۰، ۲۱،۲۲;حضرت ادمعليه‌السلام كاواقعہ ۱،۲،۳;حضرت ادمعليه‌السلام كے درجات ۱،۵

ذكر : تاريخى واقعات كاذكر ۱۶

سجدہ : سجدے كى حقيقت ۱۴

سرزمين : كوفہ كى سرزمين۲۱

عبرت : عبرت كے عوامل ۱۶

كفار:۱۰،۱۸،۱۹ حضرت ادمعليه‌السلام كے زمانے كے كفار ۱۳

كفر : كفر كے اسباب۱۱

معصيت : معصيت كے نتائج ۱۱; الله تعالى كى معصيت ۱۱، ۱۳

وَقُلْنَا يَا آدَمُ اسْكُنْ أَنتَ وَزَوْجُكَ الْجَنَّةَ وَكُلاَ مِنْهَا رَغَداً حَيْثُ شِئْتُمَا وَلاَ تَقْرَبَا هَذِهِ الشَّجَرَةَ فَتَكُونَا مِنَ الْظَّالِمِينَ ( ۳۵ )

اور ہم نے كہا كہ اے آدم اب تم اپنى زوجہ كے ساتھ جنت ميں ساكن ہوجاؤ اور جہاں چاہو آرام سے كھاؤ صرف اس درخت كے قريب نہ جانا كہ اپنے اوپر ظلم كرنے والوں ميں سے ہوجاؤگے_

۱_خداوند متعال نے حضرت ادمعليه‌السلام اور ان كى زوجہ كو حكم ديا كہ جنت ميں سكونت اختيار كريں _وقلناياادم اسكن أنت وزوجك الجنة

۲_حضرت ادمعليه‌السلام اور ان كى زوجہ كى بہشت ميں سكونت فرشتوں كے حضرت ادمعليه‌السلام كو سجدہ كرنے كے بعد تھى _

واذقلنا للملائكة اسجدو لادم و قلنا يا ادم اسكن

۳_حضرت ادمعليه‌السلام كى بہشت ميں سكونت سے قبل حضرت حواعليه‌السلام كى تخليق ہوچكى تھى _ اسكن أنت وزوجك الجنة

۴_حضرت ادمعليه‌السلام وحضرت حواعليه‌السلام كى بہشت ميں سكونت سے قبل شادى ہوچكى تھي_ياادم اسكن أنت وزوجك الجنة

۵_بہشت كى تمام ترچيزوں سے استفادہ حضرت ادمعليه‌السلام اور اپعليه‌السلام كى زوجہ كے لئے مباح تھا _وكلامنها رغداًحيث شئتما

۶_جس بہشت ميں حضرت ادمعليه‌السلام اور حضرت حواعليه‌السلام نے قيام كيا انتہائي ارام دہ اور نعمتوں سے معمور تھى _

وكلامنها رغداًحيث شئتما''رغد ''كامعنى ہے خيرو بركت سے پُر،پاك اور جس ميں ارام واسائش ہو_يہ لفظ ''رغداً'' ضمير''منھا''كے لئے حال واقع ہواہے يعنى بہشت سے استفادہ كرو در اں حاليكہ يہ بہشت خيروبركت ، ارام واسائش اور ...سے پرُ ہے_

۷_بہشت ميں ہر كہيں انا جانا حضرت ادمعليه‌السلام و حوّاعليه‌السلام كے لئے ازاد تھا_حيث شئتما

۸_ خدا وند متعال نے حضرت ادمعليه‌السلام و حوّاعليه‌السلام كو ايك مخصوص درخت سے كھانے سے منع فرمايا_ولا تقربا هذه الشجرة

۹_ ادمعليه‌السلام وحو ّ اعليه‌السلام ممنوعہ شجر كے نزديك ہونے سے نہى الہى كے مرتكب قرار پائے_ولا تقربا هذه الشجرة

اگر ''ولا تقربا _نزديك نہ جائو '' سے مرا د كھانے سے منع كرناہو تو''لا تاكلا_نہ كھاو،'' كى جگہ ''لاتقربا '' كااستعمال اس معنى كى طرف اشارہ ہے كہ ادمعليه‌السلام وحواعليه‌السلام نے شجرہ، ممنوعہ كے نزديك جانے سے نہى الہى كے ارتكاب كا خطرہ مول ليا_

۱۰ _ حضرت ادمعليه‌السلام وحواعليه‌السلام كى بہشت ميں شجرہ ممنوعہ ايك خاص كشش ركھتاتھا_*ولاتقربا هذه الشجرة

يہ جو ادمعليه‌السلام وحواعليه‌السلام ممنوعہ درخت كے قريب جانے سے نہى الہى كے مرتكب ہوئے اس سے معلوم ہوتاہے كہ اس درخت كاپھل اتنا پر كشش تھاكہ اس كے نزديك جانا ہى اس ميں پورى رغبت وتمايل اور اس سے استفادہ كا باعث تھا_

۱۱_ جب انسان كو كسى گناہ كے ارتكاب كا خطرہ ہو تو اس گناہ كى حدود اور دائرہ سے بھى دور رہنا چاہئے_ولا تقربا هذه الشجرةفتكونا من الظالمين

۱۲_ ممنوعہ درخت سے ہر طرح كا استفادہ ادمعليه‌السلام و حوّاعليه‌السلام كے لئے ممنوع تھا_*ولا تقربا هذه الشجرة

يہ مفہوم اس احتمال كى بنا پر ہے كہ جملہ ''ولا تقربا''سے مراد تمام تصرفات اور استعمالات حرام ہوں نہ فقط كھانا جب كہ يہ جملہ اس احتمال سے مانع بھى نہيں بلكہ ايك اچھى توجيہ ہے اس سوال كے مقابلے ميں كہ اللہ تعالى نے يہ كيوں نہيں ارشاد فرمايا''ولا تا كلا من هذه الشجرة''

۱۳_ اللہ تعالى نے ادمعليه‌السلام وحو ّاعليه‌السلام كو متنبہ كيا تھا كہ اگر انھو ں نے شجرئہ ممنوعہ سے كچھ تناول كيا تو ظالموں ميں سے شمار ہوں گے_ولا تقربا هذه الشجرة فتكونا من الظالمين

۱۴_ جس بہشت ميں حضرت ادمعليه‌السلام و حضرت حوّاعليه‌السلام تھے وہ

شرعى ذمہ داريوں (تكليف شرعي)كا گھر تھا_اسكن انت و زوجك الجنة ولا تقربا هذه الشجرة

۱۵_ سكونت كى جگہ ،بيوى اور خور اك انسان كى ضرورى احتياجات ہيں _اسكن أنت و زوجك الجنة وكلا منها

حضرت ادمعليه‌السلام كى خلقت كا سارا ماجرا انسان كى شخصيت ،اس كى ضروريات ،نفسيات،اور افكار وغيرہ كى ايك كلى تصوير ہے حضرت ادمعليه‌السلام وحوّا كا واقعہ محض ايك داستان ہى نہيں با لفاط ديگر اگر حضرت ادمعليه‌السلام اور حضرت حواعليه‌السلام كے بارے ميں ان كى جائے سكونت، زوجہ ،خوراك كے بارے ميں گفتگو ہوئي ہے تو يہ بطور كلى سب انسانوں كى ضرورت ہے اسى طرح اگر شريعت اور ہدايت كى بات ہوئي ہے تو يہ بھى سب انسانوں كى ضرورت ہے_

۱۶_ عورت اور مرد دونوں يہ لياقت اور شائستگى ركھتے ہيں كہ ان كے ذمے الہى تكاليف (ذمہ دارياں ) ہوں اور يہ دونوں خدا وند قدوس كى بارگاہ ميں جواب دہ ہوں _ولا تقربا هذه الشجرة

۱۷_ انسان ايك ايسا موجود ہے جو قانون كا محتاج اور اللہ تعالى كى جانب سے شرعى ہدايات كا نياز مند ہے_ولا تقربا هذه الشجرة فتكونا من الظالمين

۱۸_ انسان اللہ تعالى كى اطاعت اور نافرمانى ميں صاحب اختيار ہے_ولا تقربا هذه الشجرة فتكونا من الظالمين

۱۹_ اللہ تعالى كے فرامين كى نا فرمانى كرنا ظلم ہے_ولا تقربا هذه الشجرة فتكونا من الظالمين

۲۰_ الہى ذمہ دارياں انسان كى مصلحتوں اور مفادات كو پورا كرتى ہيں _ولا تقربا هذه الشجرة فتكونا من الظالمين

۲۱_ حسين بن ميسرّ كہتے ہيں :سا لت أبا عبد الله عن جنة ادم فقال جنة من جنان الدنيا تطلع فيها الشمس والقمر ولو كانت من جنان الاخرة ما خرج منها ابداً (۱) ميں نے امام صادق( عليہ السلام )سے حضرت ادمعليه‌السلام كى بہشت كے بارے ميں سوال كيا تو اپعليه‌السلام نے فرما يا دنيا كے باغات ميں سے ايك باغ تھا جس ميں سورج اور چاند طلوع كرتے تھے اگر يہ اخرت كى بہشت ہوتى تو اس سے ہر گز نہ نكلتے_

۲۲_عن ابى جعفر عليه‌السلام فى قوله ''ولا تقربا هذه الشجره''يعنى لا تا كلا منها (۲) اللہ تعالى كے اس كلام ''و لا تقربا هذه الشجره'' كے بارے ميں امام باقرعليه‌السلام سے منقول ہے يعنى '' اس درخت سے مت كھاؤ''

____________________

۱) كافى ج /۳ ص/۲۴۷ ح/۲ ،نور الثقلين ج/۱ ص/۶۲ ح/۱۱۸ ،۱۱۷_

۲) تفسير عياشى ج/۱ ص/۳۵ ح/۲۰، مجمع البيان ج/۱ ص/۱۹۴ _

۲۳_اختلفت فى الشجرة التى نهى عنها ادم عليه‌السلام وقيل هى شجرة الكافور يروى عن علي عليه‌السلام ...(۱) جس شجر سے حضرت ادمعليه‌السلام كو منع كيا گيا تھا اس ميں اختلاف رائے ہے_ امام علىعليه‌السلام سے ايك روايت ہے كہ وہ كافور كادرخت تھا_

اللہ تعالى : اوامر الہى ۱; اللہ تعالى كے نواھى ۹; اللہ تعالى كى تشريعى ہدايت۱۷;اللہ تعالى كى تنبيہات ۱۳

انسان : انسان كا اختيار ۱۸;انسانى مصلحتوں كى تكميل ۲۰; انسانى ضروريات ۱۵،۱۷

جبر: جبر اور اختيار ۱۸

حديث:۲۱،۲۲،۲۳

حضرت ادمعليه‌السلام : حضرت ادمعليه‌السلام بہشت ميں ۳; حضرت ادمعليه‌السلام اور شجرہ ممنوعہ۸،۹،۱۲،۱۳;حضرت ادمعليه‌السلام اور حضرت حواعليه‌السلام كى شادى ۴; بہشت ميں حضرت ادم كى تكليف (شرعى ذمہ داري) ۵،۸، ۱۲; حضرت ادمعليه‌السلام كى بہشت ميں كھانے والى اشياء ۵; حضرت ادمعليه‌السلام كى بہشت ميں اسائش۶; حضرت ادم كو ملائكہ كا سجدہ۲; حضرت ادمعليه‌السلام كى بہشت ميں سكو نت اختيار كرنا ۱،۲;حضرت ادمعليه‌السلام كا واقعہ ۱،۲، ۴، ۹; حضرت ادمعليه‌السلام كى بہشت ميں محرمات ۸; حضرت ادمعليه‌السلام كى بہشت كا مقام ۲۱; حضرت ادمعليه‌السلام كى بہشت كى نعمتيں ۶; حضرت ادمعليه‌السلام كى بہشت كى خصوصيات ۶،۷،۱۴;حضرت ادمعليه‌السلام كو تنبيہ ۱۳

حضرت حواعليه‌السلام : حضرت حواعليه‌السلام كى بہشت ميں تكليف (شرعى ذمہ دارى ) ۵،۸،۱۲; حضرت حواعليه‌السلام اورشجرہ ممنوعہ ۸،۹ ،۱۲،۱۳; حضرت حواعليه‌السلام كى تخليق ۳; حضرت حواعليه‌السلام كا بہشت ميں قيام ۱،۲; حضرت حواعليه‌السلام كا واقعہ ۱،۲،۳،۴،۹;حضرت حواعليه‌السلام كو تنبيہ ۱۳ دين : دين كا فلسفہ ۲۰

شجرہ ممنوعہ: شجرہ ممنوعہ سے اجتناب ۲۲; شجرہ ممنوعہ سے استفادہ ۱۲;شجرہ ممنوعہ سے مراد كيا ہے ۲۳; شجرہ ممنوعہ كى خصوصيات ۱۰

ضروريات : غذاكى ضرورت ۱۵;دين كى ضرورت ۱۷; جائے سكونت كى ضرورت ۱۵; ہدايت كى ضرورت ۱۷ زوجہ كى ضرورت۱۵

ظالمين:۱۳ ظلم: ظلم كے موارد ۱۳،۱۹

____________________

۱) تفسير تبيان ج/۱ ص/۱۵۸ ،مجمع البيان ج/۱ ص/۱۹۵_

عورت : عورت كى شرعى ذمہ دارى ۱۶;عورت كى ذمہ دارى ۱۶

كافور : كافور كا درخت ۲۳

گناہ: سے اجتناب ۱۱; گناہ كے ارتكاب كا خطرہ ۱۱

مرد: مرد كى شرعى ذمہ داري۱۶; مرد كى ذمہ داري۱۶

معصيت: معصيت الہى ۱۹

فَأَزَلَّهُمَا الشَّيْطَانُ عَنْهَا فَأَخْرَجَهُمَا مِمَّا كَانَا فِيهِ وَقُلْنَا اهْبِطُواْ بَعْضُكُمْ لِبَعْضٍ عَدُوٌّ وَلَكُمْ فِي الأَرْضِ مُسْتَقَرٌّ وَمَتَاعٌ إِلَى حِينٍ ( ۳۶ )

تب شيطان نے انھيں فريب دينے كى كوشش كى اور انھيں ان نعمتوں سے باہر نكال ليا اور ہم نے كہا كہ اب تم سب زمين پراتر جاؤ وہاں ايك دوسرے كى دشمنى ہوگى اور وہيں تمھارا مركز ہوگا اور ايك خاص وقت تك كے لئے عيش زندگانى رہے گا_

۱_ شيطان نے حضرت ادمعليه‌السلام و حواعليه‌السلام كوشجرہ ممنوعہ سے استفادہ كى ترغيب دلائي اور اس طرح انھيں اللہ تعالى كى نا فرمانى كى طرف كھينچ كر لے گيا_فازلهما الشيطان عنها ''ازل''كا مصدر''ازلال'' ہے جس كا معنى لغزش، تزلزل پيدا كرنا اور گناہ كى ترغيب دلاناہے_ عنھا كى ضمير ممكن ہے ''الجنة''كى طرف لوٹتى ہو يعنى شيطان نے ادم وحوا كو گناہ كى طرف ترغيب دلا كر جنت سے دور كر ديا_يہ بھى ممكن ہے كہ ''عنھا '' كى ضمير ''الشجرة''كى گناہ طرف لوٹتى ہو پس مفہوم يہ ہوگا كہ شيطان نے ادمعليه‌السلام و حواعليه‌السلام كو ايسے گناہ كى طرف ترغيب دلائي جس كا منبع شجرہ ممنوعہ تھا مذكورہ بالا مطلب دوسرے احتمال كى بنا پر ہے_

۲_ حضرت ادمعليه‌السلام و حوا نے اللہ تعالى كى نافرمانى سے جنت ميں قيام كى لياقت كھو دي_فاخر جهما مما كانا فيه

۳_ شيطان اور اس كا ورغلانا حضرت ادمعليه‌السلام وحواعليه‌السلام كے جنت سے نكلنے كا سبب بنے_فا خرجهما مما كانا فيه

۴_ حضرت ادمعليه‌السلام وحواعليه‌السلام كے جنت ميں قيام و سكونت كى شائستگى و لياقت سلب ہوجانے كے بعد اللہ تعالى نے انھيں جنت سے نكل كر زمين پر انے كا حكم فرمايا_وقلنا اهبطوا ''اھبطوا''كا مصدر ''ھبوط'' ہے جس كا معنى ہے نيچے انا ما بعد كے جملے كى روشنى ميں ''اھبطوا''كا مفعول ''الارض ''بنتا ہے_

۵_ حضرت ادمعليه‌السلام و حواعليه‌السلام كى جنت ميں سكونت اور ان كى لغزش كے ما بين وقت نسبتاًبہت مختصر تھا_

وقلنا يادم اسكن أنت و زوجك الجنة فأزلهما الشيطان عنها''ازلھما''كا ماقبل جملے پر ''فا''كے ذريعہ عطف ممكن ہے اس مطلب كى طرف اشارہ ہو_

۶_ شيطان ايك ورغلانے والا عنصر ہے اور انسان فريب كے دام ميں انے والا موجود ہے_فأزلهما الشيطان عنها

۷_ حضرت ادمعليه‌السلام وحواعليه‌السلام كى بہشت ميں شيطان بھى تھا_فأزلهما الشيطان عنها

۸_ اللہ تعالى نے شيطان كو حكم ديا كہ وہ بہشت سے نكل كر زمين پر چلا جائے_وقلنا اهبطوا ''اهبطوا' 'جمع كا صيغہ ہے جو اس بات كى طرف اشارہ ہے كہ يہ خطاب حضرت ادمعليه‌السلام وحواعليه‌السلام كے علاوہ ديگر كسى فردياافرادكو بھى ہے بعض كا خيال ہے كہ يہ خطاب شيطان كو بھى تھا_

۹_زمين شياطين كى جائے سكونت اور قيام گاہ ہے_اهبطوا ...ولكم فى الارض مستقر يہ مفہوم اس بنا پر ہے كہ اگر ''اھبطوا ''كا حكم شيطان كو بھى شامل ہو_

۱۰_ دنياوى زندگى ميں انسان اور شيطان ايك دوسرے كے دشمن ہيں _اهبطوا بعضكم لبعض عدو اگر ''اهبطوا '' كا خطاب حضرت ادمعليه‌السلام ،حواعليه‌السلام اور شيطان كو ہو تو ''بعضكم لبعض عدو''سے مراد يہ ہے كہ شيطان اور انسان ايك دوسرے كے دشمن ہوں گے_

۱۱_ زمين ميں انسانوں كى زندگى ہميشہ ايك دوسرے سے دشمنى سے پرُ ہے_اهبطوا بعضكم لبعض عدو يہ مفہوم اس بنا پر ہے كہ اگر ''اھبطوا ''اور اسى طرح ديگر خطابات سے مراد حضرت ادمعليه‌السلام ،حواعليه‌السلام اور ان كى نسل ہوں اس طرح''بعضكم لبعض عدو ''سے مراد انسانوں كى اپس ميں دشمنى ہے_

۱۲_ حضرت ادمعليه‌السلام و حواعليه‌السلام كے ہبوط كے ساتھ ہى اللہ تعالى نے ان كى نسل كى اپس ميں دشمنى كے بارے ميں بتايا_وقلنا اهبطوا بعضكم لبعض عدو

۱۳_ حضرت ادمعليه‌السلام و حواعليه‌السلام كے شجرہ ممنوعہ كا پھل كھانے سے ان كى نسل كي، ابتدائي بہشت ميں قيام و سكونت كى لياقت وشائستگى سلب ہو گئي *قلنا اهبطوا حضرت ادمعليه‌السلام و حواعليه‌السلام كو بہشت سے نكال كر زمين ميں قيام كے خطاب ميں اللہ تعالى نے گفتگو كے طبعى تقاضے كے بر خلاف حضرت ادمعليه‌السلام و حواعليه‌السلام كى نسل كو بھى خطاب فرمايا ہے

اس طرح اس نكتے كى طرف اشارہ فرمايا ہے كہ ادمعليه‌السلام و حواعليه‌السلام كے شجرہ ممنوعہ سے پھل كھانے كا اثر ان كى نسل پر بھى ہوا جس كا نتيجہ يہ نكلا كہ ان كى نسل زمين پر زندگى كرے_

۱۴ _ شجرہ ممنوعہ سے ادمعليه‌السلام و حواعليه‌السلام كا تناول كرنا اس بات كى كى راہ ہموار ہوئي كہ انسانوں كے درميان دشمنى كے جذبات پيدا ہو گئے _*فأزلهماالشيطان عنها وقلنا اهبطوا بعضكم لبعض عدو

۱۵_ زمين انسانوں كے ليئے ايك وقتى جائے سكونت اور قرار گاہ ہے_و لكم فى الارض مستقر و متاع الى حين ''الى حين _ايك وقت تك ''يہ ''متاع'' كے علاوہ '' مستقر'' سے بھى متعلق ہے_

۱۶_ زمين پر انسانوں كے سكونت اور قرار كى مدت ان كے لئے نا معلوم ہے_ولكم فى الارض مستقر و متاع الى حين ''حين'' كا نكرہ انا اس بات كى علامت ہے كہ انسانوں كيلئے ان كے زمين پر قيام كى مدت نامعلوم ہو اور يہ كہ اس كو نہ جان سكيں گے_

۱۷_ زمين انسانوں كے لئے ايك خاص وقت اور نا معلوم مدت تك زندگى كرنے كا ذريعہ ہے_ ولكم فى الارض مستقر و متاع الى حين ''متاع'' اس چيز كو كہتے ہيں جس سے كوئي منفعت ہو_

۱۸_ جس بہشت ميں حضرت ادمعليه‌السلام وحواعليه‌السلام تھے وہ جگہ زمين سے برتر اور بالا تر تھي_قلنا اهبطوا ...ولكم فى الارض مستقر يہ جملہ ''ولكم فى الارض مستقر '' اس بات پر دلالت كرتا ہے جس بہشت ميں حضرت ادمعليه‌السلام وحواعليه‌السلام قيام پذير تھے وہ زمين پر نہ تھى جبكہ ''اھبطوا'' اس بات كى طرف اشارہ ہے كہ وہ جگہ زمين سے برتر اور والا تر تھي_

۱۹_رسول اسلام صلى اللہ عليہ والہ وسلم سے روايت ہے كہ اپ (ص) نے ارشاد فرمايا:''انما كان لبث ادم وحوا فى الجنة حتى خرجا منها سبع ساعات من ايام الدنيا ...'' (۱) حضرت ادمعليه‌السلام و حواعليه‌السلام كا بہشت ميں قيام دنيا كے ايك دن كے سات گھنٹے تھے_

۲۰_ رسول خدا (ص) سے روايت ہے كہ اپ (ص) نے ارشادفرمايا:''يوم الجمعة سيد الايام خلق الله فيه ادم واهبط فيه ادم الى الارض'' (۲) جمعہ كا دن سيد الايام (دنوں كا سردار) ہے اس دن اللہ تعالى نے حضرت ادمعليه‌السلام كو خلق فرمايا اور اسى دن حضرت ادمعليه‌السلام زمين كى طرف بھيجے گئے _

____________________

۱) تفسير عياشى ج/۱ ص/۳۵ ح/۲۱ ،نور الثقلين ج/۱ ص/۶۴ ح/۱۲۹_ ۲) خصال صدوق ج/۱ ص/۳۱۶ ح/۹۷ ،نور الثقلين ج/۱ ص/۶۴ ح/۱۲۸_

۲۱_''عن الصادق عليه‌السلام ...فى قوله تعالى ولكم فى الارض مستقر ومتاع الى حين قال الى يوم القيامة '' (۱) امام صادق عليہ السلام سے اللہ تعالى كے اس كلام''ولكم فى الارض مستقر ومتاع الى حين '' كے بارے ميں روايت ہے آپعليه‌السلام نے فرمايا اس سے مراد قيامت تك زمين پر قيام اور اس سے استفادہ كرناہے_

۲۲_امام رضاعليه‌السلام سے روايت ہے''فتسلط عليه (ادم) الشيطان ...وتسلط على حوا عليه‌السلام فاخرجهما الله عزوجل عن جنته فاهبطهما عن جواره الى الارض ... (۲) پس شيطان ادمعليه‌السلام اور حواعليه‌السلام پر مسلط ہو گيا پس اللہ تعالى نے انھيں اپنى جنت اور اپنے جوار سے نكال كرزمين كى طرف بھيجا_

۲۳_ انحضرت (ص) سے روايت ہے كہ اپ (ص) نے ارشاد فرمايا''فاوحى الله تعالى الى جبرائيل ان اهبطهما الى البلدة المباركة مكة فهبط بهما جبرائيل فالقى ادم على الصفا والقى حواء على المروة'' (۳) پس اللہ تعالى نے جبرائيلعليه‌السلام كو وحى فرمائي كہ ادمعليه‌السلام و حواعليه‌السلام كو مكہ كى مبارك سر زمين كى طرف لے جائے پس جبرائيلعليه‌السلام نے حضرت ادمعليه‌السلام كو كوہ صفا پر اور حضرت حواعليه‌السلام كو كوہ مروہ پر اتارا_

۲۴ _رسول گرامى قدر اسلام صلى اللہ عليہ والہ وسلم نے ارشاد فرمايا''حين امر ادم عليه‌السلام ان يهبط هبط ادم وزوجته و هبط ابليس ولا زوجة له ...'' (۴) جب اللہ تعالى نے حضرت ادمعليه‌السلام كو نيچے اتر نے كا حكم فرمايا ...ادمعليه‌السلام اور ان كى زوجہعليه‌السلام نيچے اتر ائے اور ابليس بھى اترا ليكن اس كى زوجہ نہ تھى

۲۵_''عن امير المومنين فى حديث طويل وفيه ساله عن اكرم واد على وجه الارض فقال واد يقال له ''سرانديب'' ،''سقط فيه ادم من السمائ'' (۵) امير المومنينعليه‌السلام سے ايك طويل حديث ميں سوال كيا گيا كہ روئے زمين پر سب سے زيادہ صاحب شرف مقام كون سا ہے؟ حضرتعليه‌السلام نے ارشاد فرمايا وہ جگہ ''سرانديب''ہے(لغت نامہ دہخدا كے مطابق يہ جگہ سرى لنكا ميں ہے)يہاں حضرت ادمعليه‌السلام اسمان سے نازل ہوئے_

ابليس: ابليس كا ہبوط (اترنا)۲۴

اللہ تعالى : اوامر الہى ۴،۸;اللہ تعالى كى تنبيہات۱۲

____________________

۱) تفسير قمى ج/۱ ص/۴۳، نور الثقلين ج/۱ ص/۶۳ح/۱۲۳ ۲) عيون اخبار الرضا ج/۱ ص/۳۰۶ ح /۶۷ ،نور الثقلين ج/۱ ص/ ۶۰ ح /۱۱۲_

۳) تفسير عياشى ج/ ۱ ص/۳۶ ح / ۲۱ ، تفسير برہان ج/۱ ص۸۴ ح/۱۵_ ۴)علل الشرائع ص/۵۴۷ ح /۲ باب۳۴۰ ،نور الثقلين ج/۱ ص/۶۶ و ح / ۱۳۷_

۵) نور الثقلين ج/۱ ص/ ۶۴ ح / ۱۲۶_

انسان: زمين پر انسانوں كا استقرار ''قيام'' ۱۵،۱۶،۲۱ انسان كا فريب كھانا ۶; انسانوں كے دشمن ۱۰;انسانوں كى دشمنى ۱۱; انسانوں كى دشمنى كے اسباب۱۴;انسانوں كا مسكن ۱۵

جمعہ: جمعہ كى فضيلت ۲۰

حديث: ۱۹،۲۰ ،۲۱،۲۲،۲۳،۲۴،۲۵

حضرت ادمعليه‌السلام : حضرت ادمعليه‌السلام اور ممنوعہ درخت ۱;حضرت ادمعليه‌السلام كا بہشت سے نكلنا۳،۴،۲۲;حضرت ادمعليه‌السلام كى اولاد كى دشمنى ۱۲;حضرت ادمعليه‌السلام كا بہشت ميں قيام ۵،۱۹; حضرت آدمعليه‌السلام كى نافرمانى ۲; حضرت ادمعليه‌السلام كى نافرمانى كے عوامل ۱; حضرت ادمعليه‌السلام كے ہبوط كے اسباب ۳،۴; حضرت ادمعليه‌السلام كى بہشت كے فضائل ۱۸; حضرت ادمعليه‌السلام كا واقعہ ۱،۳،۴،۵ ،۱۲،۳ ۱ ، ۱۹; حضرت ادمعليه‌السلام كى لغزش ۱،۵; حضرت ادمعليه‌السلام كا بہشت سے محروم ہونا ۱۳; حضرت ادمعليه‌السلام كى نسل كا محروم ہونا ۱۳;حضرت ادمعليه‌السلام كى بہشت كا مقام ۱۸; حضرت ادمعليه‌السلام كے اترنے كى جگہ ۲۳،۲۵; حضرت ادمعليه‌السلام كى خلقت كا وقت ۲۰;حضرت ادمعليه‌السلام كا اترنا۱۲، ۲۲، ۲۴

حضرت حواعليه‌السلام : حضرت حواعليه‌السلام كا بہشت سے نكالا جانا ۳،۴،۲۲ حضرت حواعليه‌السلام اور شجرہ ممنوعہ ۱; حضرت حواعليه‌السلام كا جنت ميں قيام ۵،۱۹;حضرت حواكى نافرمانى ۲; حضرت حواعليه‌السلام كى نافرمانى كے عوامل۱; حضرت حواعليه‌السلام كے اترنے كے عوامل۳،۴;حضرت حواعليه‌السلام كا واقعہ ۱،۳،۴، ۵،۷،۱۲، ۱۳،۱۹; حضرت حواعليه‌السلام كى لغزش ۱،۵; حضرت حواعليه‌السلام كے اترنے كى جگہ ۲۳;حضرت حواعليه‌السلام كا اترنا ۱۲،۲۲،۲۴

زمين: زمين كے فوائد ۱۷

زندگي: دنياوى زندگى ۱۷

سر زمينيں : سرزمين سرانديب۲۵;سر زمين سرى لنكا ۲۵

شجرہ ممنوعہ: شجرہ ممنوعہ سے استفادہ ۱۳،۱۴

شياطين: شياطين زمين پر ۹; شياطين كا مسكن ۹

شيطان: شيطان كے ورغلانے كے نتائج۳;شيطان كا بہشت سے نكالا جانا ۸; شيطان كا فريب دينا ۱،۶;شيطان كے دشمن۱۰; شيطان كا تسلط ۲۲;شيطان، حضرت ادمعليه‌السلام كى بہشت ميں ۷; شيطان كا كردار۱،۳،۶;شيطان كا اترنا۸

كوہ صفا : ۲۳ كوہ مروہ:۲۳ نا فرمان : نافرمانى كے نتائج ۲;اللہ تعالى كى نا فرمانى ۱،۲

فَتَلَقَّى آدَمُ مِن رَّبِّهِ كَلِمَاتٍ فَتَابَ عَلَيْهِ إِنَّهُ هُوَ التَّوَّابُ الرَّحِيمُ ( ۳۷ )

پھر آدم نے پروردگار سے كلمات كى تعليم حاصل كى اور ان كى بركت سے خدا نے ان كى توبہ قبولى كرلى كہ وہ توبہ قبول كرنے والا اور مہربان ہے_

۱_ حضرت ادمعليه‌السلام اپنے كيئے پر پشيمان ہوئے اور اللہ تعالى كى بارگاہ ميں توبہ كے لئے رجوع كيا_من ربه كلمات

۲_اللہ تعالى نے انتہائي قدرو قيمت والے كلمات حضرت ادمعليه‌السلام كو تعليم و تلقين فرمائے تا كہ ان كے واسطے سے اللہ كى بارگاہ ميں توبہ كريں _فتلقى ادم من ربه كلمات ''تلقى ''كا مصدر ''تلقى ''ہے جس كا معنى ہے لے لينا_لہذا اس جملے ''فتلقي ...'' كا معنى يوں بنتا ہے حضرت ادمعليه‌السلام نے اللہ تعالى كى جانب سے كلمات لے ليئے _كلمات كو نكرہ لانا ان كى عظمت وبلندى پر دلالت كرتا ہے _

۳_حضرت ادمعليه‌السلام كى توبہ اور اللہ تعالى كى جانب سے كلمات حاصل كرنا حضرت ادمعليه‌السلام كے زمين پر قيام پذير ہونے كے بعد ہوا_ *ولكم فى الارض مستقر ...فتلقى ادم من ربه كلمات يہ مفہوم ''فتلقى ''كي'' فاء ''سے استفادہ ہو تا ہے جو ترتيب كے معانى ديتا ہے_

۴_ اللہ تعالى نے حضرت ادمعليه‌السلام كى توبہ قبول كى ،انكاگناہ معاف فرما ديا اور اپعليه‌السلام پر اپنى رحمت نازل فرمائي _

فتاب عليه انه هو التواب الرحيم

۵_ اللہ تعالى توّاب (انتہائي زيادہ توبہ قبول كر نے والا ہے) اور رحيم (مہربان )ہے_انه هو التوّاب الرحيم

۶_اللہ انسان تعالى كى طرف سے گناہ كاروں كى توبہ قبول كرنا اس كى رحمت كا پر تو ہے_ فتاب عليه انه هو التواب الرحيم اللہ تعالى كى رحمت كو اس كے تو اب ہونے كے ساتھ ساتھ ملاحظہ كيا جاسكتا ہے يعنى اللہ تعالى كے توبہ قبول كرنے كاسرچشمہ اسكى رحمت ہے يا يہ رحمت اس اعتبار سے ہے كہ حضرت ادمعليه‌السلام كو اللہ تعالى نے كلمات تعليم فرمائے مذكورہ بالا مفہوم پہلے اعتبار كے مطابق ہے_

۷_ حضرت ادمعليه‌السلام كو كلمات كى تلقين و تعليم (اللہ تعالى كى بارگاہ ميں كس طرح توبہ كى جائے اور اس كى بارگاہ اقدس ميں نياز حاصل كيا جائے ) خدا وند

قدوس كى رحمت كا حضرت ادمعليه‌السلام پر ايك جلوہ تھا_فتلقى ادم من ربه كلمات انه هو التواب الرحيم

يہاں ''الرحيم'' كا جملہ ''فتلقى ...'' كے ساتھ ارتباط كے عنوان سے معنى بيان ہوا ہے اس كا مطلب يہ ہے كہ اللہ تعالى كى رحمت اس بات كا موجب بنى كہ حضرت ادمعليه‌السلام كو كلمات كى تعليم دى جائے_

۸_اللہ تعالى كى بارگاہ ميں توبہ اوراس سے گناہوں كى معافى طلب كرناضرورى ہے_ فتلقى ادم من ربه كلمات انه هو التواب الرحيم اولين انسان ہونے كے ناطے حضرت ادمعليه‌السلام كى توبہ كامسئلہ پيش كرنا گويااس كامقصد يہ تھاكہ انسان جب لغزش يا گناہ ميں مبتلاہو تواس كا فريضہ بيان كياجائے_

۹_توبہ كيسے كى جائے اوراس كے لئے لازم وضرورى واسطے كيسے تلاش كئے جائيں ، يہ واسطے كيسے ہوں يہ سب كچھ دين سے سيكھنا چاہئے_فتلقى ادم من ربه كلمات فتاب عليه مذكورہ بالا مفہوم اس سے استفادہ ہوتا ہے كہ حضرت ادمعليه‌السلام كى توبہ كى قبوليت(تاب عليہ)كو فاء تفريع كے ساتھ اللہ كى جانب سے كلمات سيكھنے كے بعد استعمال كيا گيا ہے_

۱۰_ توبہ كى قبوليت اور اللہ تعالى كى رحمت كا يقين گناہگار انسان كو توبہ اور طلب مغفرت كى طرف راغب كرتا ہے_

فتاب عليه انه هو التواب الرحيم توبہ كى قبوليت كے لئے حرف تاكيد ''انّ''كے استعمال، ضمير فصل ''ھو'' اورصيغہ مبالغہ ''توّاب''كے استعمال سے يہ مطلب اخذہوتا ہے كہ گناہگار وں كو طلب مغفرت كى ترغيب دلائي گئي ہے_

۱۱ _ ابن عباس كہتے ہيں :''سألت رسول الله عن الكلمات التى تلقيها آدم من ربه فتاب عليه قال سأل بحق محمدوعلى و فاطمة و الحسن والحسين الا تبت عليّ فتاب عليه'' (۱) ميں نے رسول اللہ(ص) سے ان كلمات كے بارے ميں سوال كيا جو حضرت آدمعليه‌السلام نے اللہ تعالى سے حاصل كيئے اور اللہ نے ان كى توبہ قبول فرمائي حضرت (ص) نے ارشاد فرمايا حضرت آدمعليه‌السلام نے اللہ تعالى كو محمد (ص) ، علىعليه‌السلام ، فاطمہعليه‌السلام ، حسنعليه‌السلام ، حسينعليه‌السلام كے واسطے سے پكار ا اور عرض كيا يا اللہ ميرى توبہ قبول فرما تو اللہ تعالى نے حضرت آدمعليه‌السلام كى توبہ قبول كى _

۱۲ _ امام باقرعليه‌السلام سے روايت ہے آپعليه‌السلام نے ارشاد فرمايا :''الكلمات التى تلقيهن آدم من ربه فتاب عليه و هدى قال سبحانك اللهم و بحمدك انى عملت سوء اً و ظلمت نفسى فاغفر لى انك خير الغافرين انك انت الغفور الرحيم (۲)

____________________

۱) الدرالمنثور ج/ ۱ ص ۱۴۷ ، نورالثقلين ج/ ۱ ص ۶۷ ح ۱۴۳ ،۱۴۵ ، ۱۴۷ _ ۲) تفسير عياشى ج/ ۱ ص ۴۱ ح ۲۵ ، تفسير برہان ج/ ۱ ص ۸۷ ح ۸ _

وہ كلمات جو حضرت آدمعليه‌السلام نے اللہ تعالى سے حاصل كيئے پس اللہ نے حضرت آدمعليه‌السلام كى توبہ قبول فرمائي اور حضرت آدمعليه‌السلام كى ہدايت فرمائي ( وہ كلمات يہ تھے) كہا اے اللہ تيرى ذات پاك ہے اور تيرى حمد بجالاتاہوں بے شك ميں نے برا عمل انجام ديا اور اپنے اوپر ظلم كيا پس تو مجھے بخش دے بے شك تو بہترين بخشنے والا ہے بتحقيق تو بخشنے والا اور رحيم ہے _

۱۳_ امام صادقعليه‌السلام سے روايت ہے ''ان الله تبارك و تعالى لما اراد ان يتوب على آدم ارسل اليه جبرئيل فقال له ان الله تبارك و تعالى بعثنى اليك لا علمك المناسك التى يريد ان يتوب عليك بها ففعل ذالك آدم عليه‌السلام فقال له جبرئيل ان الله تبارك و تعالى قد غفرلك و قبل توبتك . ..(۱) جب اللہ تعالى نے ارادہ فرمايا كہ آدمعليه‌السلام كى توبہ قبول فرمائے تو حضرت جبرئيلعليه‌السلام كو آپعليه‌السلام كى طرف بھيجا جبرائيلعليه‌السلام نے آپعليه‌السلام سے كہا اللہ تعالى نے مجھے آپعليه‌السلام كى طرف بھيجا ہے تا كہ آپعليه‌السلام كو مناسك (حج) كى تعليم دوں اور اللہ تعالى چاہتاہے كہ مناسك كى وجہ سے آپعليه‌السلام كى توبہ كو قبول فرمائے پس حضرت آدمعليه‌السلام نے مناسك كو انجام ديا پس جبرائيلعليه‌السلام نے آپعليه‌السلام سے كہا كہ بے شك اللہ تبارك و تعالى نے آپعليه‌السلام كو بخش ديا ہے اور آپعليه‌السلام كى توبہ قبول فرمالى ہے _

استغفار ( طلب مغفرت): طلب مغفرت كى اہميت ۸; طلب مغفرت كى بنياد۱۰

اسماء اور صفات: توّاب ۵; رحيم ۵

اللہ تعالى : اللہ تعالى كى بخشش ۴; اللہ تعالى كى توبہ ۱۰; اللہ تعالى كى رحمت ۴،۱۰; اللہ تعالى كى رحمت كے مظاہر ۶،۷

اہل بيتعليه‌السلام : اہل بيتعليه‌السلام كے فضائل ۱۱

ايمان: رحمت خدا پر ايمان كے اثرات و نتائج۱۰

بخشش: بخشش كى درخواست ۸

ترغيب : ترغيب كے عوامل ۱۰

توبہ : توبہ كے آداب ۲،۷،۹; توبہ كى اہميت ۸; توبہ ميں توسل ۲; توبہ كا سرچشمہ ۱۰; توبہ كى قبوليت ۶

جہان بينى (نظريہ كائنات): جہان بينى اورآئيڈيالوجى ۱۰

____________________

۱) علل الشرائع ج / ۱ص ۴۰۰ ح/ ۱ باب ۱۴۱، نورالثقلين ج/ ۱ ص ۶۹ ح ۱۵۲_

حضرت آدمعليه‌السلام : حضرت آدمعليه‌السلام كى بخشش ۴،۱۳; حضرت آدمعليه‌السلام كا طلب مغفرت كرنا ۱۲; آدمعليه‌السلام كا زمين پر قيام و سكونت ۳;حضرت آدمعليه‌السلام كو كلمات القاء كرنا ۲،۳، ۷،۱۱،۱۲، ۱۳;حضرت آدمعليه‌السلام كى پشيمانى ۱;حضرت آدمعليه‌السلام كو توبہ كى تعليم دينا ۲، ۳، ۷; حضرت آدمعليه‌السلام كى توبہ ۱،۲،۱۱،۱۲; آدمعليه‌السلام كى نافرماني۱;حضرت آدمعليه‌السلام كى توبہ قبول ہونا ۴ ، ۱۳ ; حضرت آدمعليه‌السلام كا واقعہ ۱،۲،۳،۴،۱۱; حضرت آدمعليه‌السلام كى توبہ كى جگہ ۳

دين : دين كى اہميت و كردار ۹

رحمت الہى : رحمت الہى جن لوگوں كے شامل حال ہوتى ہے۴،۷

روايت : ۱۱، ۱۲،۱۳

قُلْنَا اهْبِطُواْ مِنْهَا جَمِيعاً فَإِمَّا يَأْتِيَنَّكُم مِّنِّي هُدًى فَمَن تَبِعَ هُدَايَ فَلاَ خَوْفٌ عَلَيْهِمْ وَلاَ هُمْ يَحْزَنُونَ ( ۳۸ )

اور ہم نے يہ بھى كہا كہ يہاں سے اتر پڑو پھر اگر ہمارى طرف سے ہدايت آجائے تو جو بھى اس كا اتباع كرلے گا اس كے لئے نہ كوئي خوف ہوگا نہ حزن _

۱_ حضرت آدمعليه‌السلام و حواعليه‌السلام كى نافرمانى كے بعد اللہ تعالى نے ان سے چاہا كہ بہشت سے نكل جائيں_ قلنا اهبطوا منها '' قلنا اہبطوا'' كے آيت ۳۶ اور ۳۸ ميں تكرار كے بارے ميں چند آراء كا ذكر ہوا ہے _ اس آيت ميں '' واو'' يا كوئي اور حرف عطف موجود نہيں ہے پس اس امر سے اس بات كى تقويت ہوتى ہے كہ اس آيت ميں ''قلنا اهبطوا '' آيت ۳۶ ميں''قلنا اهبطوا'' كے لئے تاكيد ہے _

۲ _ شجرہ ممنوعہ سے حضرت آدمعليه‌السلام و حواعليه‌السلام كے تناول كرنے سے ان كى نسل بھى ابتدائي بہشت سے محروم ہوگئي _قلنا اهبطوا منهماجميعاً ''اهبطوا '' جمع كا صيغہ استعمال ہوا ہے يہ اس بات كى طرف اشارہ ہے كہ حضرت آدمعليه‌السلام و حواعليه‌السلام كے علاوہ بھى كوئي ايك يا زيادہ افراد مورد خطاب ہيں اس بارے ميں چند آراء كا اظہار ہوا ہے ان ميں سے ايك يہ ہے كہ دوسرے مخاطبين آدمعليه‌السلام و حواعليه‌السلام كى نسل ہے _ مذكورہ بالا مفہوم

اسى رائے كے مطابق ہے _

۳_ اللہ تعالى نے شيطان كو بھى بہشت سے نكال باہر كيا_*قلنا اهبطوا منها جميعاً

يہ مفہوم اس احتمال كى بناپر ہے كہ اگر ''اہبطوا'' كا حكم حضرت آدمعليه‌السلام و حواعليه‌السلام كے علاوہ شيطان كو بھى شامل ہو_

۴ _ حضرت آدمعليه‌السلام و حواعليه‌السلام اور انكى نسل كو بہشت سے نكلتے ہوئے اللہ تعالى نے انكو اپنى جانب سے ہدايت اور راہنمائي سے بہرہ مند ہونے كى بشارت دى _فاما ياتينكم منى هدي لفظ '' امّا'' ان شرطيہ اور ما زائدہ سے تركيب پايا ہے _ جملے ميں ايك طرف انْ شرطيہ اور دوسرى طرف ما زائدہ اور يا تينَّ ميں نون تاكيد سے اس كى تاكيد كرنا اس امر كا مقتضى ہے كہ جملے كا معنى يہ ہو '' اگر ميرى طرف سے ہدايت ملے كہ جو يقيناً آئے گى ...''

۵ _ انسان كو سعادت كے حصول كى خاطر ہدايت اور الہى راہنمائي كى ضرورت ہے_ فاما ياتينكم منى هديً

۶ _ اللہ تعالى كى ہدايات و راہنمائي كى اتباع كرنے والوں كو قيامت كے روز كوئي خوف و خطر نہ ہوگا _فمن تبع هداى فلا خوف عليهم و لا هم يحزنون ''خوف'' نكرہ استعمال ہوا ہے اور حرف نفى كے بعد واقع ہوا ہے جو معنى ميں عموميت پر دلالت كرتاہے گويا مطلب يوں ہے كسى قسم كا كوئي بھى خوف نہ ہوگا اسى طرح جب فعل منفى ہو تو تمام تر مصاديق كے نہ ہونے پر دلالت كرتاہے پس ''ولا ہم يحزنون'' سے مراد يہ ہے كہ كسى طرح كا بھى غم وا ندوہ نہ ہوگا_

۷_ سرائے آخرت اديان كے پيروكاروں كےلئے ايك ايسى سرائے ہے جو خوف و پريشانى كے عوامل سے دور اور ہر طرح كے حزن و ملال آور واقعات سے امان ميں ہے _فلا خوف عليهم و لا هم يحزنون

بعد والى آيت جس ميں كفار كے لئے آخرت ميں پاداش كاذكر ہواہے اس كے قرينے سے كہا جاسكتاہے كہ اس آيت ميں اہل ہدايت كى آخرت ميں جزا كا ذكر كيا گيا ہے بنابريں '' فلا خوف ...'' كا تعلق عالم آخرت سے ہے _

۸ _ گناہ كے وضعى نتائج اللہ تعالى كى جانب سے توبہ كى قبوليت كے باوجود رہتے ہيں _فتاب عليه قلنا اهبطوا منها جميعاً فاما ياتينكم منى هديً حضرت آدمعليه‌السلام كى توبہ اور اللہ تعالى كى جانب سے اسكى قبوليت كے بعد بھى حضرت آدمعليه‌السلام كو ہبوط كا تاكيد سے حكم دينا اس بات پر دلالت كرتاہے كہ حضرت آدمعليه‌السلام كى توبہ قبول ہونے كے باوجود انكو بہشت ميں دوبارہ ان كا مقام نہ مل سكا يہ چيز حكايت كرتى ہے كہ گناہ كى معافى كا لازمہ اسكے وضعى نتائج كا خاتمہ نہيں ہے _

اديان : اديان كے پيروكاروں كى آخرت ميں امنيت ۷; اديان كے پيروكار قيامت ميں ۷; اديان كے پيروكاروں كا اخروى سرور ۷

اللہ تعالى : افعال الہى ۱،۳; اللہ تعالى كى بشارتيں ۴; ہدايت الہى ۴،۵

انسان: انسان كى معنوى ضروريات۵

توبہ : توبہ كے نتائج ۸

حضرت آدمعليه‌السلام : آدمعليه‌السلام كى نافرمانى كے نتائج ۲; حضرت آدمعليه‌السلام كا بہشت سے اخراج ۱،۴; نسل آدمعليه‌السلام كو بشارت ۴; حضرت آدمعليه‌السلام كى نافرمانى ۱; حضرت آدمعليه‌السلام كا واقعہ ۴;حضرت آدمعليه‌السلام كا بہشت سے محروم ہونا ۲; نسل آدمعليه‌السلام كا محروم ہونا ۲; حضرت آدمعليه‌السلام كا ہبوط ۱

حضرت حواعليه‌السلام : حواعليه‌السلام كى نافرمانى كے نتائج ۲; حواعليه‌السلام كا بہشت سے اخراج ۱،۴; حضرت حواعليه‌السلام كى نافرمانى ۱; حضرت حواعليه‌السلام كا واقعہ ۴; حضرت حواعليه‌السلام كا ہبوط ۱

سعادت: سعادت كے عوامل ۵

شيطان : شيطان كا بہشت سے اخراج ۳; شيطان كا ہبوط ۳

ضروريات : ہدايت كى ضرورت ۵

گناہ : گناہ كے وضعى نتائج۸

نافرماني: نافرمانى كے نتائج ۱

ہدايت يافتہ افراد: اہل ہدايت كا آخرت ميں امن و امان ۶; اہل ہدايت كا اخروى سرور ۶; ہدايت يافتہ انسان قيامت ميں ۶

وَالَّذِينَ كَفَرواْ وَكَذَّبُواْ بِآيَاتِنَا أُولَئِكَ أَصْحَابُ النَّارِ هُمْ فِيهَا خَالِدُونَ ( ۳۹ )

جو لوگ كافر ہوگئے اور انھوں نے ہمارى نشانيوں كو جھٹلا ديا وہ جہنمى ہيں اور ہميشہ وہيں پڑے رہيں گے_

۱ _ آيات الہى كا انكار اور تكذيب كرنے والوں كى سزا اور كيفر آتش جہنم ہے_والذين كفروا و كذبوا باياتنا اولئك اصحاب النار '' كذبوا'' كا مصدر تكذيب ہے جسكا معنى ہے جھوٹى نسبت دينا ہے '' باياتنا'' كذبوا كے علاوہ كفروا سے بھى متعلق ہے_ جملہ''الذين كفروا '' جملہ ''من تبع ...'' پر عطف ہے جو اس بات كى طرف اشارہ ہے كہ يہ لوگ اللہ تعالى كى ہدايت و راہنمائي كو قبول كرنے والے نہيں _

۲ _ آيات الہى كا كفر اختيار كرنے والے اور جھٹلانے والے ہميشہ كے لئے جہنم ميں رہيں گے _اولئك اصحاب النارهم فيها خالدون

۳ _ دوزخ اور اسكى آگ دائمى اور ہميشہ رہنے والى ہے_هم فيها خالدون

۴ _ اللہ تعالى اپنى ہدايت و راہنمائي كو لوگوں كى طرف ايسے بھيجتاہے كہ اس ہدايت كے خدائي ہونے كى نشانى و علامت اسكے ہمراہ ہوتى ہے_فاما ياتينكم منى هدى الذين كفروا و كذبوا بآياتنا

''آيات'' جمع استعمال ہوا ہے اور اسكا معنى ہے نشانياں اور علامات_ لفظ '' ہديً'' اور ما قبل آيہ ميں لفظ '' ہداي'' دليل ہے كہ آيات سے مراد اللہ تعالى كى ہدايات او ر راہنمائي ہے _ ہدايت كو آيت سے تعبير كرنے كا معنى يہ ہے كہ اللہ تعالى اپنى ہدايت كو اس انداز سے پيش فرماتاہے كہ جس سے اسكى حقانيت آشكار ہو اور اسكا خدائي ہونا ثابت ہو_

آيات الہى : آيات الہى كو جھٹلانے والوں كى سزا ۱; آيات الہى كو جھٹلانے والے جہنم ميں ۲

اللہ تعالى : ہدايت الہى كى خصوصيات ۴

اہل جہنم : ۲ جہنم : آتش جہنم ۱; آتش جہنم كا ہميشہ رہنا ۳; جہنم كا دائمى ہونا ۳; جہنم ميں ہميشہ كے لئے رہنا ۲

سزا : سزا كى وجوہات ۱، ۲

عذاب : اہل عذاب ۱،۲

كفار: كفار جہنم ميں ۲

يَا بَنِي إِسْرَائِيلَ اذْكُرُواْ نِعْمَتِيَ الَّتِي أَنْعَمْتُ عَلَيْكُمْ وَأَوْفُواْ بِعَهْدِي أُوفِ بِعَهْدِكُمْ وَإِيَّايَ فَارْهَبُونِ ( ۴۰ )

اے بنى اسرائيل ہمارى نعمتوں كو ياد كرو جو ہم نے تم پر نازل كى ہيں اور ہمارے عہد كو پورا كرو ہم تمھارے عہد كو پورا كريں گے اور ہم سے ڈرتے رہو_

۱ _ اللہ تعالى نے بنى اسرائيل كو گراں قدر نعمتوں سے بہرہ مند فرمايا:يا بنى اسرائيل اذكروا نعمتى التى أنعمت عليكم

'' نعمت'' مفرد آياہے اس سے مراد خاص نعمت ہوسكتى ہے جيساكہ حضرت موسىعليه‌السلام كى بعثت اور ممكن ہے نعمت كى جنس يا صنف مراد ہو جس ميں متعدد نعمتيں شامل ہيں جن كا آيت ۴۷ كے بعد والى آيات ميں ذكر ہوا ہے _ نعمت كى '' يائ'' متكلم كى طرف اضافت اس بات كى دليل ہے كہ يہ نعمت يا نعمتيں بہت عظيم و باشرافت ہيں _

۲ _ اللہ تعالى نے بنى اسرائيل سے چاہا كہ اسكى نعمتوں كو ہميشہ ہميشہ كے لئے ياد ركھيں _يا بنى اسرائيل اذكروا نعمتى التى أنعمت عليكم

۳ _ بنى اسرائيل قرآن كريم كے مخاطب قرار پائے اور ان كا فريضہ قرار ديا گيا كہ قرآن حكيم كى پيروى كريں _

يا بنى اسرائيل اذكروا

۴ _ نزول قرآن كے زمانے تك بنى اسرائيل ايك قوم و

قبيلے كى شكل ميں تھے_يا بنى اسرائيل اذكروا حضرت اسحاقعليه‌السلام كے فرزند اور حضرت ابراہيمعليه‌السلام كے پوتے حضرت يعقوبعليه‌السلام كا ايك اور نام اسرائيل تھا يہ جو بنى اسرائيل ( فرزندان يعقوبعليه‌السلام ) كے عنوان سے ايك گروہ يا جماعت كى شكل ميں معروف تھے اور آنحضرتعليه‌السلام كے زمانے ميں بھى اسى نام سے جانے پہچانے جاتے تھے اس سے معلوم ہوتاہے كہ انہوں نے اپنے زمانہ آغاز سے اس زمانے تك اپنى قوميت كو محفوظ كر ركھا تھا اور قوم قبيلے كى صورت ميں رہتے تھے _

۵ _ اللہ تعالى اور بنى اسرائيل كے ما بين متقابل عہد و پيمان كا وجود _اوفوا بعهدى اوف بعهدكم '' عہدي'' يعنى وہ عہد و پيمان جو اللہ تعالى نے لوگوں كے ذمے قرار ديا ہے _ '' عہدكم'' سے مراد وہ وعدے ہيں جو اللہ تعالى نے اپنے بندوں كو ديئے ہيں اور ان كى انجام دہى كو اپنے ليئے ضرورى قرار ديا ہے _

۶ _ بنى اسرائيل كو اللہ تعالى كے احكام و فرامين ميں سے ايك حكم يہ تھا كہ الہى وعدوں كو وفا كريں _و اوفوا بعهدي

۷_ پيامبر اكرم صلى اللہ عليہ و آلہ و سلم كے زمانے كے بنى اسرائيل الہى عہد و پيمان سے آگاہ تھے_اوفوا بعهدى اوف بعهدكم

۸_ اللہ تعالى كا وفائے عہد كرنا اس شرط كے ساتھ تھا كہ بنى اسرائيل الہى عہد و پيمان كى پابندى كريں _اوفوا بعهدى اوف بعهدكم

۹_ بنى اسرائيل كو اللہ تعالى كى نصيحتوں ميں سے ايك نصيحت يہ تھى كہ فقط خدا سے ڈريں اور اسكے غير سے خوف زدہ نہ ہوں _و اياى فارهبون ''رہبہ'' كا معنى ڈرنا ہے _'' ارھبون'' ميں فعل امر ''ارہبوا'' اور نون وقايہ مكسور ہے جو اس بات كى حكايت كرتى ہے كہ يہاں '' ياى متكلم'' محذوف ہے يعنى جملہ يوں ہے ''و اياى فارهبونى ''

۱۰_ اللہ تعالى انسانوں كو نعمت عطا كرنيوالاہے _نعمتى التى انعمت عليكم

۱۱_ الہى نعمتوں كو ياد ركھنے كى ضرورت_اذكروا نعمتى التى انعمت عليكم

۱۲ _ نعمتوں كو ياد كرنے اور ياد ركھنے كا ہدف اللہ كى ياد ميں رہنا اور نعمتوں كو اس كى جانب سے سمجھنا ہے _

اذكروا نعمتى التى انعمت عليكم''نعمت'' كى توصيف يوں كرنا كہ اللہ تعالى نے اسے عطا فرمايا ہے '' انعمت عليكم'' يہ اس حقيقت كى طرف اشارہ ہے كہ نعمت كو ياد كرنا نعمت دينے والے كى ياد كا ذريعہ ہونا چاہيئے يعنى نعمت كو ياد كرنے كا لازمہ يہ ہو كہ ہر نعمت ميں خدا كو ديكھاجائے_