امامين حسنين عليهما السلام ثقافتى اور فکر اسلامى - نيٹ ورک

تفسير راہنما جلد ۱

اللہ تعالى ارشاد فرماتاہے''ان الصفا والمروة من شعائر اللہ فمن حج البيت او اعتمر فلا جناح عليہ ان يطوف بہما'' كيا تم نہيں ديكھتے كہ صفا و مروة كا طواف ( سعى ) واجب ہے كيونكہ اللہ تعالى نے ا سے اپنى كتاب ميں تشريع فرمايا اور اسے اللہ كے بنى عليہ الصلوة والسلام نے بھى انجام ديا ہے(۱)

۱۱ _ عبيد بن زرارة كہتے ہيں ميں نے امام صادقعليه‌السلام سے پوچھا حضرتعليه‌السلام نے فرمايا ''السعى سنة من رسول الله قلت اليس الله يقول '' ان الصفا و المروة من شعائر الله قال بلى لكن قد قال فيهما'' و من تطوع خيراً فان الله شاكر عليم'' فلوكان السعى فريضة لم يقل و من تطوع خيراً ''(۲)

(صفا و مروة كى ) سعى رسول اللہ (ص) كى سنت ہے تو ميں نے كہا _ كيا اللہ تعالى نہيں فرمايا '' ان الصفا والمروة من شعائر اللہ ''؟ تو آپعليه‌السلام نے فرمايا ہاں ايسا ہى ہے ليكن يہ بھى تو فرماياہے _'' و من تطوع خيراً فان الله شاكر عليم'' پس اگر صفا ومروة كى سعى فرض ہوتى تو نہ فرماتا''و من تطوع خيراً (جو كوئي اسے رضا كارانہ انجام دے _)

۱۲ _ امام صادقعليه‌السلام كے بعض اصحاب كہتے ہيں كہ حضرتعليه‌السلام سے صفا و مروة كے مابين سعى كے بارے ميں سوال كيا گيا تو آپعليه‌السلام نے فرمايا ''...كان ذلك فى عمرة القضاء ان رسول الله (ص) شرط عليهم ان يرفعواالاصنام من الصفاء والمروة فقالوا يا رسول الله (ص) ان فلانا ً لم يسع بين الصفا والمروة و قد اعيدت الاصنام فانزل الله عزوجل '' فلا جناح عليه ان يطوف بهما'' اى و عليهما الاصنام ''(۳) (لا جناح كا شان نزول) عمرة القضا كے بارے ميں تھا جو رسول اللہ (ص) نے مشركين كو شرط لگائي كہ بتوں كو صفا و مروة سے اٹھاليں انہوں نے عرض كيا يا رسول اللہ (ص) فلاں شخص نے صفا و مروة كے مابين سعى انجام نہيں دى جبكہ بتوں كو وہيں پلٹا ديا گياہے پس اللہ تعالى نے فرمايا ( فلاجناح ان يطوف بہما) كوئي حرج نہيں طواف (سعي) انجام ديں جبكہ بت وہاں موجودہوں _

۱۳ _ امام صادقعليه‌السلام سے روايت ہے كہ آپ (ص) نے فرمايا''ان الصفا و المروة من شعائر الله '' فابدء بما بدء الله تعالى به و ان المسلمين كانوا يظنون ان السعى بين الصفا والمروة شى صنعه المشركون فانزل الله عزوجل ''ان الصفا والمروة من شعائر الله (۴) صفا و مروہ شعائر اللہ ميں سے ہيں پس (سعى )كو وہاں سے شروع كرو جہاں سے اللہ تعالى نے ( آيت كريمہ ميں ) آغاز فرماياہے مسلمانوں كا گمان تھا كہ صفا و مروہ كے مابين سعى كى بنياد ركھنے والے مشركين

____________________

۱) من لايحضرہ الفقيہ ج/۱ ص ۲۷۸ باب ۵۹ ح ۱۲۶۶، نورالثقلين ج/۱ ص ۱۴۸ ح ۴۷۲_ ۲) كافى ج/ ۴ ص ۳۷۹ ح ۷ ، نورالثقلين ج/ ۱ ص ۱۴۷ ح ۴۶۷_

۳) كافى ج/۴ ص ۴۳۵ ح/۸ ، نورالثقلين ج/ ۱ ص ۱۴۸ ح ۴۷۱_ ۴) كافى ج/ ۴ ص ۲۴۵ ح ۴_

ہيں پس اللہ تعالى نے اس آيہ مجيد ہ كو نازل فرمايا''ان الصفا والمروة من شعائر الله ''

۱۴ _ رسول اسلام (ص) فرماتے ہيں'' انما جعل السعى بين الصفا والمروة اقامة لذكر الله لا لغيره'' (۱)

صفا و مروة كے مابين سعى كو يقينا ذكر الہى كے لئے برپا كيا گيا ہے نہ كسى اور مقصد كى خاطر _

۱۵ _ امام صادقعليه‌السلام سے روايت ہے آپعليه‌السلام نے فرمايا :جعل السعى بين الصفا والمروة مذلة للجبارين (۲)

اللہ تعالى نے صفا و مروة كى سعى كو سركشوں كى ذلت و خوارى كے لئے قرار ديا ہے _

۱۶_(صفا و مروة كے مابين '' ہرولہ'' كے فلسفہ كے بارے ميں ) امام صادقعليه‌السلام سے روايت ہے آپعليه‌السلام نے فرمايا''صار السعى بين الصفا و المروة لان ابراہيمعليه‌السلام عرض لہ ابليس فامرہ جبرئيل فشد عليہ فہرب منہ فجرت بہ السنة ( يعنى بالہرولہ)(۳) ابليس حضرت ابراہيمعليه‌السلام كے سامنے ظاہر ہوا تو جبرييلعليه‌السلام نے حضرت ابراہيمعليه‌السلام كو امر كيا كہ اس پر حملہ كريں حضرت ابراہيمعليه‌السلام نے حملہ كيا تو ابليس فرار كرگيا (حضرت ابراہيمعليه‌السلام اس كے پيچھے بھاگے) پس (صفا و مروة كے مابين ہرولہ) كى سنت قرار دى گئي _

۱۷_عن الحلبى قال سالت ابا عبدالله عليه‌السلام عن المراة تطوف بين الصفا والمروة و هى حائض قال: لا لان الله تعالى يقول ''ان الصفا والمروة من شعائر الله '' (۴) حلبى كہتے ہيں ميں نے امام صادقعليه‌السلام سے پوچھا كيا حائض عورت صفا و مروة كے مابين سعى انجام دے سكتى ہے ؟ امامعليه‌السلام نے فرمايا نہيں كيونكہ اللہ تعالى كا ارشاد ہے '' صفا اور مروة شعائر الہى ميں سے ہيں ''

۱۸_امام صادقعليه‌السلام سے روايت ہے آپعليه‌السلام نے فرمايا''ان ابراهيم عليه‌السلام لما خلف اسماعيل بمكة عطش الصبي ...فخرجت امه حتى قامت على الصفا فمضت حتى انتهت الى المروة ...ثم رجعت الى الصفا ...حتى صنعت ذلك سبعاً فاجرى الله ذلك سنة ... (۵) حضرت ابراہيمعليه‌السلام نے جب حضرت اسماعيلعليه‌السلام كو مكة ميں چھوڑا تو بچے نے شديد پياس محسو س كى پس حضرت اسماعيلعليه‌السلام كى والدہ (حضرت ہاجرہ پانى كى تلاش ميں ) نكليں اور كوہ صفا پر آكر كھڑى ہوگئيں پھر مروہ پہاڑ كى طرف گئيں اور پھر دوبارہ كو ہ صفا كى طرف لوٹ آئيں يہاں تك كہ يہ عمل انہوں نے سات مرتبہ انجام ديا پس اللہ تعالى نے اس عمل كو ايك سنت قرار دے ديا

____________________

۱) الدرالمنثور ج/ ۱ ص ۳۸۸_ ۲) كافى ج/۴ ص ۴۳۴ ح ۵ ، نورالثقلين ج/ ۱ ص ۱۴۸ ح ۴۷۰_ ۳) علل الشرائع ج/ ۲ ص ۴۳۲ ح ۱ باب ۱۶۷ ، بحارالانوار ج/ ۹۶ ص ۲۳۴ ح ۴_ ۴) تہذيب الاحكام ج/ ۵ ص ۳۹۴ ح ۱۹ ، تفسير برہان ج/ ۱ ص ۱۶۹ ح ۵_ ۵) علل الشرائع ص ۴۳۲ ح / ۱ ب ۱۶۶ ، نورالثقلين ج/ ۱ ص ۱۴۵ ح ۴۶۱_

اجر: اجر كى ضمانت ۹; اجر كے موجبات ۸

احكام : ۲،۵

اسماء اور صفات: شاكر ۴; عليم ۴

اللہ تعالى : علم الہى كے آثار۹; اللہ تعالى كى طرف سے اجر ۸; اللہ تعالى كى شكر گزارى ۳; علم الہى ۷

حاجى : حاجيوں كے اعمال سے آگاہ ہونا ۷

حج: احكام حج ۲،۵،۱۰،۱۳،۱۷; مناسك حج ۲،۵، ۶، ۷

ذكر: ذكر الہى ۱۴

روايت:۱۰،۱۱،۱۲،۱۳،۱۴،۱۵،۱۶،۱۷،۱۸

شعائر اللہ : ۱،۱۳،۱۷

صفا و مروہ كى سعي: ۲،۵،۶،۷،۸ ،۱۰،۱۱، ۱۲، ۱۳،۱۴، ۱۷; صدر اسلام ميں صفا و مروہ كى سعى ۶; صفا و مروہ كى سعى كا عبادت ہونا ۲; صفا و مروہ كى سعى كا فلسفہ ۱۵،۱۶،۱۸

عبادت: عبادت كى جگہ ۱

عمرہ: عمرہ كے احكام ۲،۵; عمرہ كے مناسك ۲،۵

عمل: پسنديدہ عمل كا اجر ۸،۹; پسنديدہ عمل ۵،۸; وہ پسنديدہ عمل جو رضاكارانہ انجام ديا جائے ۳

كوہ صفا: ۱

كوہ مروة : ۱

مسلمان : صدر اسلام كے مسلمان اور شرعى ذمہ دارى ۶

مقدس مقامات: ۱

إِنَّ الَّذِينَ يَكْتُمُونَ مَا أَنزَلْنَا مِنَ الْبَيِّنَاتِ وَالْهُدَى مِن بَعْدِ مَا بَيَّنَّاهُ لِلنَّاسِ فِي الْكِتَابِ أُولَئِكَ يَلعَنُهُمُ اللّهُ وَيَلْعَنُهُمُ اللَّاعِنُونَ ( ۱۵۹ )

جولوگ ہمارے نازل كئے ہوئے واضح بيانات اورہدايات كو ہمارے بيان كردينے كے بعد بھيچھپاتے ہيں ان پر الله بھى لعنت كرتا ہےاور تمام لعنت كرنے والے بھى لعنت كرتےہيں (۱۵۹)

۱ _ آسمانى كتابوں ميں دينى احكام و معارف ہيں اور انكى حقانيت كے واضح دلائل بھى ان ميں ہيں _ما أنزلنا من البينات والهدى من بعد ما بيناه للناس فى الكتاب

۲ _ اللہ تعالى نے دينى احكام و معارف اور ان كى حقانيت كے دلائل كو نازل فرمايا اور انہيں آسمانى كتابوں ميں بيان فرمايا _ما أنزلنا من البينات والهدى من بعد ما بيناه للناس فى الكتاب يہاں '' ہدي'' كا معنى ہدايت كرنے والا ہے اور آيہ مجيدہ ميں اس سے مراد دين كے احكام و معارف ہيں _ '' بينات'' كا معنى واضح اور روشن دلائل ہيں اور آيہ شريفہ ميں مراد وہ دلائل و براہين ہيں جو دينى احكام و معارف كے لئے بيان ہوئے ہيں _

۳ _ تمام انسان آسمانى كتابوں كے مخاطب ہيں اور ان كى ذمہ دارى ہے كہ ان كے احكام و معارف كو سيكھيں _

من بعد ما بيناه للناس

۴ _ آسمانى كتابوں كے حقائق (دينى احكام و معارف اور انكے دلائل ) كى لوگوں كے لئے تعليم و تبليغ كى ذمہ دارى علمائے دين كى ہے _ان الذين يكتمون ما أنزلنا من البينات والهدى من بعد ما بيناه للناس

۵ _پيامبر اسلام (ص) اور اسلامى احكام و معارف كى حقانيت كے شواہد و قرائن تو رات و انجيل ميں ہيں _من بعد ما بيناه للناس فى الكتاب بعض كا خيال ہے كہ ''الكتاب'' سے مراد تورات و انجيل ہيں اور ''البينات والہدى '' سے مراد وہ دلائل و براہين ہيں جو لوگوں كو نبوت اور احكام اسلام كى حقانيت كى طرف راہنمائي كرتے ہيں _ گزشتہ آيات جن ميں تبديلى قبلہ كى

حقانيت پر پردہ ڈالنے كے بارے ميں بيان ہوا ہے اس احتمال كى تائيد كرتى ہيں _

۶_ زمانہ بعثت كے علمائے يہود و نصارى پيامبر اسلام(ص) اور احكام اسلامى كى حقانيت كے شواہد و قرائن پر پردہ ڈالتے تھے_الذين يكتمون ما أنزلنا من البينات والهدى من بعد ما بيناه للناس فى الكتاب

۷_ آسمانى كتابوں كے حقائق پر پردہ ڈالنا اور چھپانا گناہان كبيرہ ميں سے ہے_ان الذين يكتمون ما أنزلنا اولئك يلعنهم الله

۸_ دينى حقائق كو چھپانے والے اللہ تعالى كى لعنت اور اس كى رحمت سے دورى ميں مبتلا ہوں گے_ان الذين يكتمون اولئك يلعنهم الله

۹_ جو لوگ آسمانى كتابوں كے حقائق كو لوگوں سے چھپاتے ہيں ان پر لعنت و نفرين كرنا ضرورى ہے _اولئك يلعنهم اللاعنون فعل '' يلعن'' كا تكرار اللہ تعالى كى طرف سے اور دوسروں كى طرف سے لعنت پر دلالت كرتاہے اللہ تعالى كى طرف سے لعنت كا معنى رحمت سے دور كرنا ہے اور دوسروں كى طرف سے لعنت كا معنى مذمت و نفرين اور اللہ تعالى كى رحمت سے دورى كى درخواست كرنا ہے ان لوگوں كےلئے جن پر لعنت ہے_

۱۰_ علمائے يہو د و نصارى آسمانى كتابوں كے حقائق و معارف كو چھپانے كى وجہ سے اللہ تعالى كى رحمت سے دور ہوگئے ہيں اور لعنت كرنے والوں كى مذمت و نفرين اور لعنت ميں مبتلا ہوئے ہيں _ان الذين يكتمون ما أنزلنا اولئك يلعنهم الله و يلعنهم اللاعنون

۱۱_ رحمت الہى سے دور ہونے ميں لعنت كرنے والوں كى مذمت و لعنت اور ملامت و نفرين كا بنيادى كردار اور اہميت ہے _و يلعنهم اللاعنون

آسمانى كتابيں : آسمانى كتابوں كو چھپانے كے نتائج و اثرات ۹; آسمانى كتابوں كى اہميت ۹; آسمانى كتابوں كى تبليغ ۴; آسمانى كتابوں كى تعليمات۱،۲; آسمانى كتابوں كا سيكھنا ۳; آسمانى كتابوں كا سكھانا ۴; آسمانى كتابوں كو چھپانا ۷; آسمانى كتابوں كے مخاطبين ۳; آسمانى كتابوں كى اہميت ۱

اسلام: انجيل ميں اسلام ۵; تورات ميں اسلام ۵; صدر اسلام كى تاريخ ۶; اسلام كى حقانيت كے دلائل ۵،۶

اللہ تعالى : رحمت الہى ۸،۱۰،۱۱

انجيل : انجيل كى تعليمات ۵

انسان: انسانوں كى شرعى ذمہ دارياں ۳

پيامبر اسلام (ص) : پيامبر اسلام (ص) كى حقانيت كے دلائل ۵،۶; پيامبر اسلام (ص) انجيل ميں ۵; پيامبر اسلام تورات ميں ۵

تورات: تورات كى تعليمات ۵

حق: حق چھپانے كے آثار۸،۱۰; حق چھپانے والے ۱۰; حق چھپانے والوں پر لعنت ۹

دين: تبليغ دين ۴; دين كى حقانيت كے دلائل ۱،۲; دين كا وحى ہونا ۲

رحمت : رحمت سے محروم لوگ ۸،۱۰; رحمت سے محروم ہونا ۱۱

علماء : علمائے دين كى ذمہ دارى ۴

علمائے يہود: علمائے يہود اور حق كا چھپانا ۶،۱۰; علمائے يہود پر لعنت ۱۰

عيسائي: صدر اسلام كے عيسائي ۶

عيسائي علماء : عيسائي علماء اور حق كا چھپانا ۶،۱۰; عيسائي علماء پر لعنت ۱۰

گناہان كبيرہ : ۷

لعنت: لعنت كے اثرات و نتائج ۱۱; جن لوگوں پر لعنت ہوتى ہے ۸،۹،۱۰; لعنت كے موجبات ۹

يہود: صدر اسلام كے يہود ۶

إِلاَّ الَّذِينَ تَابُواْ وَأَصْلَحُواْ وَبَيَّنُواْ فَأُوْلَئِكَ أَتُوبُ عَلَيْهِمْ وَأَنَا التَّوَّابُ الرَّحِيمُ ( ۱۶۰ )

علاوہ ان لوگوں كے جو توبہكرليں اور اپنے كئے كى اصلاح كرليں اورجس كو چھپايا ہے اس كو واضح كرديں تو ہمان كى توبہ قبول كرليتے ہيں كہ ہم بہترينتوبہ قبول كرنے والے اور مہربان ہيں (۱۶۰)

۱ _ دينى حقائق پر پردہ ڈالنے والے اگر تو بہ كريں تو اللہ تعالى كى لعنت سے نجات حاصل كرسكتے ہيں اوراسكى رحمت كے مستحق ہوسكتے ہيں _اولئك يلعنهم الا الذين تابوا

۲ _ گناہوں سے توبہ، ان كے مفاسد اور برے نتائج كى اصلاح كرنا منقطع رحمت كے دوبارہ برقرار ہونے كا سبب ہے _اولئك يلعنهم الله ...الا الذين تابوا و اصلحوا فاولئك اتوب عليهم

۳ _ توبہ كى قبوليت كى شرائط ميں سے ايك يہ ہے كہ ان مفاسد كى اصلاح كى جائے جو دينى حقائق كو چھپانے سے پيدا ہوئے ہيں نيز ان حقائق كو بيان كيا جائے_الاالذين تابوا و اصلحوا و بينوا فاولئك اتوب عليهم

۴ _ دينى حقائق پر پردہ ڈالنا اور آسمانى كتابوں كے معارف كو چھپانا فساد كا باعث ہے_الا الذين تابوا و اصلحوا

۵ _ آسمانى كتابوں كے معارف و حقائق درك كرنے اور ان پر ايمان لانے سے لوگوں كو روكنا فساد برپا كرنا ہے _

الا الذين تابوا و اصلحوا

۶ _ گناہگاروں پر اللہ تعالى كى لعنت انكى توبہ كى توفيق سلب ہونے كى باعث نہيں ہے_اولئك يلعنهم الله الا الذين تابوا و اصلحوا و بينوا

۷_ اللہ تعالى گناہگاروں كى توبہ اس صورت ميں قبول فرمائے گا كہ مفاسد و برائيوں كى تلافى كريں _الا الذين تابوا و اصلحوا و بينوا فاولئك اتوب عليهم

۸_دينى حقائق كو چھپانے والے اگر توبہ كريں اور گزشتہ اعمال كى تلافى كريں تو ان پر نفرين نہيں كرنى چاہيئے اور نہ ہى رحمت الہى سے ان كى دورى كى دعا كرنى چاہيئے_و يلعنهم اللاعنون_ الا الذين تابوا و اصلحوا و بينوا

۹_ اللہ تعالى تواب ( بہت زيادہ توبہ قبول كرنے والا) اور رحيم ( مہربان) ہے _و انا التواب الرحيم

۱۰_ اللہ تعالى كا توبہ قبول كرنا اسكى رحمت كا ايك جلوہ ہے_فاولئك اتوب عليهم و انا التواب الرحيم

۱۱ _ اللہ تعالى ان كى توبہ قبول فرمائے گا جنہوں نے بارہا اپنى توبہ توڑي_و انا التواب الرحيم

توبہ كى قبوليت كو صيغہ مبالغہ ( توّاب_ بہت زيادہ توبہ قبول كرنے والا) كے ساتھ بيان كرنا اس بات كى طرف اشارہ ہے كہ گناہ جتنے بھى بڑے ہوں اللہ تعالى ان سب كى بخشش فرمائے گا يا پھر اس مطلب كى طرف اشارہ ہے كہ توبہ كو توڑنا اس امر ميں ركاوٹ كا باعث نہيں كہ دوبارہ توبہ قبول نہ ہو مذكورہ بالا مطلب دوسرے احتمال كى بناپر ہے_

آسمانى كتابيں : آسمانى كتابوں كا چھپانا ۴; آسمانى كتابوں كے درك اور سمجھنے سے روكنا ۵

احكام:۸

اسماء اور صفات: تواب۹; رحيم ۹

اصلاح: اصلاح كے اثرات ۷،۸

اللہ تعالى : اللہ تعالى كى لعنت كے نتائج ۶; توبہ الہى ۱۰،۱۱; اللہ تعالى كى لعنت ۶; اللہ تعالى كى رحمت كے مظاہر ۱۰; اللہ تعالى كى لعنت سے نجات ۱

ايمان: آسمانى كتابوں پر ايمان لانے سے منع كرنا ۵

توبہ: توبہ كے نتائج ۱،۲،۸; توبہ توڑنے والے ۱۱; توبہ كى توفيق سلب ہونا ۶; توبہ كى قبوليت كى شرائط ۳،۷; توبہ كا قبول ہونا ۱۰،۱۱; توبہ كى ركاوٹيں ۶

حق : حق كو چھپانے كے آثار۴; حق كو چھپانے كے مفاسد كى اصلاح ۳; حق چھپانے والوں كى توبہ ۱،۳،۸; حق چھپانے والوں پر لعنت ۸

دين : دينى حقائق كا اظہار ۳

رحمت : جن لوگوں كے رحمت شامل حال ہوتى ہے ۱; رحمت كے موجبات ۱،۲

فساد بر پاكرنا: فساد برپا كرنے كے موارد ۴،۵

گناہ : گناہ كے مفاسد كى اصلاح ۲

گناہ گار: گناہگاروں پر لعنت ۶

لعنت : لعنت كے احكام ۸; جن لوگوں پر لعنت ہوتى ہے ۶

إِنَّ الَّذِينَ كَفَرُوا وَمَاتُوا وَهُمْ كُفَّارٌ أُولَئِكَ عَلَيْهِمْ لَعْنَةُ اللّهِ وَالْمَلآئِكَةِ وَالنَّاسِ أَجْمَعِينَ ( ۱۶۱ )

جو لوگ كافر ہوگئے اور اسى حالتكفر ميں مرگئے ان پر الله ملائكہ اور تمامانسانوں كى لعنت ہے (۱۶۱)

۱ _ وہ كفار جو حالت كفر ميں مرتے ہيں اللہ تعالى كى لعنت ميں مبتلا ہوں گے اور ان پر فرشتوں كى لعنت و نفرين ہوگي_

ان الذين كفروا و ماتوا وهم كفار اولئك عليهم لعنة الله والملائكه والناس اجمعين

۲ _ دينى احكام و معارف اور آسمانى كتابوں كے حقائق پر پر دے ڈالنا كفر اختيار كرنا ہے _ان الذين يكتمون ما أنزلنا ان الذين كفروا و ما توا وهم كفار ''ان الذين يكتمون'' كے بعد اس جملہ '' ان الذين كفروا '' كو بغير كسى فاصلہ ( مثلاً حرف واو) كے لانا اس معنى كو بيان كرتاہے كہ ''الذين كفروا'' وہى حق كو چھپانے والے لوگ ہيں يا يہ كہ حق كو چھپانے والے كفا ر كے مصاديق ميں سے ہيں _ بہر حال دونوں صورتوں ميں يہ معنى نكلتاہے كہ دينى حقائق كو چھپانا كفر ہے _

۳ _قيامت كے دن وہ كفار جو حالت كفر ميں مرے ہيں ان پر فرشتے اور تمام انسان لعنت بھيجيں گے اور دعاكريں گے كہ ان كو رحمت الہى سے دور ركھا جائے_اولئك عليهم لعنة الله والملائكة والناس اجمعين

لوگوں كے لعنت بھيجنے كا معنى يہ ہے كہ وہ دعا كريں كہ ملامت شدہ اور نفرين شدہ انسانوں كو رحمت سے دور ركھا جائے_

۴ _ مرنے كے بعد توبہ و پشيمانى قبول نہ ہوگى اور نہ ہى

اسكا كوئي نتيجہ نكلے گا_الا الذين تابوا ان الذين كفروا و ماتوا وهم كفار اولئك عليهم لعنة الله

''كفروا'' كى جملہ'' و ماتوا و ہم كفار'' كے ساتھ تقييد در اصل توبہ كى قبوليت كے وقت يا مہلت كا خاتمہ ہے_ يعنى مرنے كے بعد پشيمانى مفيد نہ ہوگى _

۵ _ دينى حقائق پر پردہ ڈالنے والے دنيا ميں اور آخرت ميں بھى اللہ تعالى كى لعنت ميں مبتلا ہوں گے _

اولئك يلعنهم الله اولئك عليهم لعنة الله آيت ۱۵۹ ميں جملہ ''اولئك يلعنھم اللہ''، '' الا الذين تابوا ...'' كے قرينہ سے حكايت كرتاہے كہ حقائق كو چھپانے والے دنيا ميں اللہ تعالى كى لعنت كا شكار ہوں گے جبكہ جملہ ''اولئك عليہم لعنة اللہ'' ''ماتواو ہم كفار'' كے قرينے سے حكايت كررہاہے كہ آخرت ميں بھى ان پر اللہ تعالى كى لعنت ہوگى _

۶_ انسانوں اور ان كے اعمال كے ساتھ فرشتوں كا گہرا رابطہ ہے _اولئك عليهم لعنة الله والملائكة

۷_ گناہگاروں كے رحمت الہى سے دور ہونے ميں فرشتوں اور انسانوں كى دعا و نفرين مؤثر ہيں _اولئك عليهم لعنة الله والملائكة والناس اجمعين

آسمانى كتابيں : آسمانى كتابوں كا چھپانا ۲

اللہ تعالى : آخرت ميں اللہ تعالى كى لعنت ۵; اللہ تعالى كى لعنت ۱; دنيا ميں اللہ تعالى كى لعنت ۵; رحمت الہى كى ركاوٹيں ۷

انسان: انسانوں كى ذمہ دارى ۳

توبہ : بے اثر توبہ ۴; مرنے كے بعد توبہ ۴; توبہ كى فرصت ۴

حق : حق كو چھپانے والوں پر لعنت ۵

دعا: دعا كے اثرات و نتائج ۷

دين: دين كو چھپانے كے نتائج ۲; دين كو چھپانا ۵

رحمت : رحمت سے محروميت ۷

كفر: كفر كے اثرات و نتائج ۱; كفر كے موارد ۲

كفار: كفار پر لعنت ۳

گناہ : گناہ سے پشيمانى ۴

گناہ گار لوگ: گناہگاروں كا محروم ہونا ۷

لعنت : لعنت كے نتائج ۷; جن لوگوں پر لعنت ہوتي

ہے۱،۵،۷; لعنت كے موجبات ۳

لوگ: لوگوں كى لعنت ۳،۷

موت: كفر كے ساتھ مرنے كے نتائج ۱،۳

ملائكة: ملائكة كى لعنت ۱،۳،۷; ملائكة اور انسان ۶; ملائكہ اور انسانى عمل ۶

خَالِدِينَ فِيهَا لاَ يُخَفَّفُ عَنْهُمُ الْعَذَابُ وَلاَ هُمْ يُنظَرُونَ ( ۱۶۲ )

وہ اسى لعنتميں ہميشہ رہيں گے كہ نہ ان كے عذاب ميں تخفيف ہوگى اور نہ انھيں مہلت دى جائے گي(۱۶۲)

۱_جو لوگ كافر ہو كے مرتے ہيں ، ہميشہ ہميشہ كے لئے اللہ تعالى كى لعنت ميں مبتلا ہوں گے_اولئك عليهم لعنة الله خالدين فيها ظاهراً '' فيہا'' كى ضميرگذشتہ آيت ميں '' لعنة اللہ ...'' كى طرف لوٹتى ہے _

۲ _ دينى حقائق كو چھپانے والے اگر توبہ كيئے بغير مرجائيں تو ہميشہ كے لئے اللہ تعالى كى لعنت كا شكار ہوں گے _

ان الذين يكتمون اولئك عليهم لعنة الله ...خالدين فيها

۳ _ وہ كفار جو توبہ كيئے بغير مرجاتے ہيں آخرت ميں ہميشہ كے لئے عذاب الہى سے دوچار ہوں گے _خالدين فيها لا يخفف عنهم العذاب

۴ _ وہ لوگ جو دينى احكام و معارف اور آسمانى كتابوں كے حقائق پر پردے ڈالتے ہيں ہميشہ كے لئے عذاب اخروى ميں مبتلا ہوں گے _ان الذين كفروا و ما توا خالدين في ها لا يخفف عنهم العذاب

۵ _ كفار اور حقائق پر پردے ڈالنے والوں كے اخروى عذاب ميں تخفيف يا كمى نہيں كى جاسكتى _لا يخفف عنهم العذاب

۶ _ اخروى عذاب الله تعالى كى لعنت اور اسكى رحمت سے دورى كا ايك جلوه هے _اولئك علي هم لعنة الل هخالدين في ها لا يخفف عن هم العذاب

''خالدين فيہا'' كے بعد جملہ ''لا يخفف عنھم العذاب'' كا لانا اس مطلب كو بيا ن كررہاہے كہ قيامت ميں لعنت الہى كا اثر دوزخ كا عذاب ہے _

۷_ دينى حقائق اور آسمانى كتابوں كے معارف كو چھپانا گناہان كبيرہ ميں سے ہے _خالدين فيها لا يخفف عنهم العذاب

حقائق چھپانے والوں كا ہميشہ كے لئے رحمت الہى سے دور رہنا اور كم نہ ہونے والے عذاب ميں مبتلا ہونا اس امر كى حكايت كرتاہے كہ حقائق پر پردہ ڈالنا گناہان كبيرہ ميں سے ہے _

۸_ كفار اور دينى حقائق پر پردہ ڈالنے والوں كا اخروى عذاب مرنے كے بعد شروع ہوجائے گا اور اس ميں تاخير بالكل نہ ہوگى _و لا هم ينظرون يہ مطلب اس بناپر ہے كہ ''ينظرون'' باب افعال سے فعل مجہول ہو اسكا مصدر '' انظار _ مہلت دينا'' ہے _ ''و ماتوا و ہم كفار'' كے قرينہ سے مہلت نہ دينے سے مراد يہ ہے كہ عذاب مرنے كے فوراً بعد شروع ہوجائے گا_

۹_ كفار اور دينى حقائق چھپانے والوں پر قيامت ميں اللہ تعالى نظر رحمت نہ ڈالے گا_و لا هم ينظرون

اس مطلب ميں فعل مجہول ''ينظرون'' ، ''نظر'' سے ليا گيا ہے جسكا معنى ہے ديكھنا پس ''و لا ہم ينظرون'' يعنى ان پر نظر رحمت نہ ڈالے گا_

آسمانى كتابيں : آسمانى كتابوں پر پردے ڈالنے والوں كا عذاب ۴; آسمانى كتابوں پر پردہ ڈالنا ۴; آسمانى كتابوں پر پردہ ڈالنے كا گناہ ۷

اللہ تعالى : آخرت ميں رحمت الہى ۹; اللہ تعالى كے عذاب ۳; اللہ تعالى كى ابدى لعنت ۱،۲; اللہ تعالى كى لعنت كے مظاہر۶

توبہ : توبہ كے نتائج ۲،۳

حق : حق كو چھپانے والوں كا اخروى عذاب ۵،۸; قيامت ميں حق كو چھپانے والے ۹; حق كو چھپانے والوں كا گناہ ۷; حق چھپانے والوں پر لعنت ۲

دين: دين كو چھپانے كے نتائج ۲; دين كو چھپانے والوں كا اخروى عذاب ۴،۸; دين كو چھپانے والوں كى محروميت ۹

رحمت : رحمت سے محروم لوگ ۹; رحمت سے محروميت ۶

عذاب: عذاب ميں تاخير ۸; عذاب ميں كمى ۵; عذاب ميں ہميشگى ۳،۴; اخروى عذاب ۶; عذاب كے درجات ۵; عذاب كے موجبات ۳،۴

كفار: كفار كا اخروى عذاب ۳،۵،۸;كفار كا برزخى عذاب۸; كفار قيامت ميں ۹; كفار پر لعنت ۱; آخرت ميں كفار كى محروميت ۹

گناہان كبيرہ: ۷

لعنت : جن پر لعنت ہوتى ہے ۱،۲

موت: كفر كے ساتھ مرنے كے نتائج ۱; بغير توبہ كے مرنے كے نتائج ۲،۳;كفر كى موت مرنا ۳

وَإِلَهُكُمْ إِلَهٌ وَاحِدٌ لاَّ إِلَهَ إِلاَّ هُوَ الرَّحْمَنُ الرَّحِيمُ ( ۱۶۳ )

اور تمھارا خدا بس ايك ہے _ اس كےعلاوہ كوئي خدا نہيں ہے دى رحمان بھى ہےاور وہى رحيم بھى ہے (۱۶۳)

۱ _ سب انسانوں كا حقيقى معبود و احد، يگانہ و يكتاہے_و الهكم اله واحد

۲ _ اللہ تعالى كے علاوہ معبود حقيقى وجود ہى نہيں ركھتا _لا اله الا هو

۳ _ اللہ تعالى رحمان (انتہائي وسيع رحمت والا) اور رحيم (مہربان) ہے _هو الرحمن الرحيم

۴ _ اللہ تعالى كى عبادت كے ضرورى ہونے كى دليل اسكى رحمانيت و رحيميت ہے _الهكم اله واحد لا اله الا هو الرحمن الرحيم اللہ تعالى كى عبادت كے لازم و ضرورى ہونے كا ذكر كرنے كے بعد اسكى صفات رحمت و رحيم كا ذكر كرنا بندگى كى دليل بيان كرنے كيلئے ہے _

۵ _ اللہ تعالى كى وحدانيت و يگانگت پر يقين اور اس پر يقين كہ اسكے سوا كوئي معبود نہيں ہے انسان كو معارف الہى اور آسمانى كتابوں كے حقائق چھپانے سے روكتاہے _*ان الذين يكتمون ما أنزلنا و الهكم اله واحد لا اله الا هو

يہ مطلب اور بعد والے مطالب اس آيہ مجيدہ كے گزشتہ آيات كے ساتھ ارتباط كى وجہ كو بيان كررہے ہيں _

۶ _ انسان كا شرك اور غير خدا كى عبادت كى طرف رجحان ان عوامل ميں سے ہے جو اسكو دينى حقائق اور آسمانى كتابوں كے معارف چھپانے پر ترغيب دلاتے ہيں _*ان الذين يكتمون ما أنزلنا و الهكم اله واحد لا اله الا هو

۷ _ اللہ تعالى كى رحمانيت اور رحيميت گناہگاروں كى توبہ قبول كرنے كى ضامن ہے _*لا اله الا هو الرحمن الرحيم

۸ _''ان اعرابياً قام يوم الجمل الى امير المؤمنين عليه‌السلام فقال يا امير المومنين عليه‌السلام اتقول ان الله واحد؟ قال عليه‌السلام يا اعرابى ان القول فى ان الله واحدعلى اربعةاقسام فوجهان منها لايجوزان على الله عزوجل و وجهان يثبتان فيه _فاما اللذان لا يجوزان عليه قول القائل واحد يقصد به باب الاعداد فهذا مالا يجوز فقول القائل هو واحد من الناس يريد النوع من الجنس ...واما الوجهان اللذان يثبتان فيه قول القائل هو واحد ليس له فى الاشياء شبه كذلك ربنا وقول القائل احدى المعنى يعنى به لا ينقسم فى وجود ولاعقل ولاوهم كذلك ربنا عزوجل (۱) جنگ جمل ميں ايك اعرابى امير المومنينعليه‌السلام كى خدمت ميں آيا اور حضرتعليه‌السلام سے سوال كيا كيا آپعليه‌السلام كہتے ہيں '' اللہ واحد ہے ؟ آپعليه‌السلام نے فرمايا يہ كہنا'' اللہ واحد ہے'' اسكى چار قسميں ہيں جن ميں دو اقسام اللہ رب العزت كى ذات اقدس پر جائز نہيں ہيں اور ديگر دو اقسام اسكے لئے ثابت ہيں وہ صورتيں جو جائز نہيں ہيں ايك يہ كہ واحد سے مراد واحد عددى ہو تو يہ جائز نہيں اور دوسرے واحد سے مراد واحد نوعى ہو تويہ بھى جائز نہيں ليكن دو وجہيں جو جائز ہيں وہ يہ كہ ہم كہيں واحد يعنى اسكے كوئي مشابہ نہيں اسكى مثل و نظير نہيں يا يہ كہيں احدى المعنى مراد ہے يعنى اسكى ذات كے لئے نہ تو كوئي وجود ميں ، نہ عقل ميں اور نہ ہى وہم ميں كسى طرح كوئي تقسيم نہيں ہوسكتى ہمارارب ذوالجلال اسى طرح ہے _

آسمانى كتابيں : آسمانى كتابوں پر پردہ ڈالنے كے اسباب ۶; آسمانى كتابوں كو چھپانے كے موانع ۵

اسماء اور صفات: رحمان ۳; رحيم ۳

____________________

۱) معانى الاخبار ص ۵ ح ۲ ، تفسير برہان ج/ ۱ ص ۱۷۱ ح ۴_

اللہ تعالى : اللہ تعالى كى رحمانيت كے اثرات ۷; اللہ تعالى كى رحيميت كے اثرات ۷; اللہ تعالى كے مختصات ۲; اللہ تعالى كا توبہ قبول كرنا ۷; اللہ تعالى كى رحمانيت ۴; اللہ تعالى كى رحيميت ۴; اللہ تعالى كى وحدانيت ۸

انسان: انسانوں كا معبود ۱

ايمان: توحيد عبادى پرايمان كے اثرات ۵;

ترغيبت: ترغيب كے عوامل ۶

توبہ : توبہ كى قبوليت ۷

توحيد : توحيد عبادى ۱،۲; توحيد عبادى كے دلائل ۴

حق : حق كو چھپانے كے موانع ۵

دين: دين پر پردہ ڈالنے كے عوامل ۶

روايت :۸

شرك : شرك كے نتائج ۶

عبادت: خداوند تعالى كى بندگى كے دلائل ۴

گناہگار: گناہگاروں كى توبہ ۷

نظريہ كائنات (جان بيني): توحيدى نظريہ كائنات ۱; نظريہ كائنات اور آئيڈيالوجى ۵

إِنَّ فِي خَلْقِ السَّمَاوَاتِ وَالأَرْضِ وَاخْتِلاَفِ اللَّيْلِ وَالنَّهَارِ وَالْفُلْكِ الَّتِي تَجْرِي فِي الْبَحْرِ بِمَا يَنفَعُ النَّاسَ وَمَا أَنزَلَ اللّهُ مِنَ السَّمَاء مِن مَّاء فَأَحْيَا بِهِ الأرْضَ بَعْدَ مَوْتِهَا وَبَثَّ فِيهَا مِن كُلِّ دَآبَّةٍ وَتَصْرِيفِ الرِّيَاحِ وَالسَّحَابِ الْمُسَخِّرِ بَيْنَ السَّمَاء وَالأَرْضِ لآيَاتٍ لِّقَوْمٍ يَعْقِلُونَ ( ۱۶۴ )

بيشك زمين وآسمان كى خلقت روز و شب كى رفت و آمد _ان كشتيوں ميں جو درياؤں ميں لوگوں كےفائدہ كے لئے چلتى ہيں اور اس پانى جسےخدا نے آسمان سے نازل كركے اس كے ذريعہمردہ زمينوں كو زندہ كرديا ہے اور اس ميں طرح كے چوپائے پھلاديئے ہيں اور ہواؤں كےچلانے ميں اور آسمان و زمين كے در ميانمسخر كئے جانے والے بادل ميں صاحبان عقلكے لئے الله كى نشانياں پائي جاتى ہيں (۱۶۴)

۱ _ زمين و آسمان ( عالم ہستى ) كا بنانے والا خدائے واحد و يكتاہے _ان فى خلق السماوات والأرض

۲ _ عالم خلقت ميں متعدد آسمان ہيں _ان فى خلق السماوات

۳_ آسمانوں اور زمين كى خلقت ميں توحيد كى نشانياں اور علائم ہيں اور يہ تخليقات اللہ تعالى كى رحمانيت و رحيميت كى دليل ہے _لا اله الا هو الرحمن الرحيم ان فى خلق السماوات والأرض لايات ما قبل آيت كے قرينہ سے يہ آيہ مجيدہ اللہ تعالى كى توحيد، رحمانيت اور رحيميت پر استدلال كررہى ہے اس اعتبار سے '' آيات'' سے مراد اللہ تعالى كى توحيد اور انتہائي وسيع رحمت كى نشانياں اور علامتيں ہيں _

۴ _ ليل و نہار كا آنا جانا اللہ تعالى كى توحيد، اسكى رحمانيت اور رحيميت كے دلائل ميں سے ہے_لا اله الا هو الرحمن الرحيم _ ان فى

اختلاف الليل والنهار لايات

'' اختلاف'' كا معنى آنا جاناہے يا كسى چيز كے كسى دوسرى چيز كے مقام پر آنا، قائم مقام ہونے كا معنى بھى ديتاہے _ نيز عدم تساوى كے معنى ميں بھى آياہے_ مذكورہ بالا مطلب پہلے دو معانى كى بناپر ہے _

۵ _ شب و روز كا اختلاف ( ان كے چھوٹے بڑے ہونے ميں تفاوت )توحيد كے دلائل اور اللہ تعالى كى رحمانيت و رحيميت كو بيان كررہاہے_لا اله الا هو الرحمن الرحيم _ ان فى اختلاف الليل والنهار ...لآيات

يہ مطلب اس بناپر ہے كہ '' اختلاف '' كا معنى آيہ مجيدہ ميں عدم تساوى ہو _

۶ _ انسانوں كے فائدے اور منافع كے لئے سمندر ميں كشتى ( يا بحرى جہاز) كى حركت اللہ تعالى كى توحيد اور اس كى انتہائي وسيع رحمت كے دلائل ميں سے ہے_ان فى الفلك التى تجرى فى البحر بما ينفع الناس لآيات

''بما ينفع'' ميں '' ما'' ممكن ہے موصولہ ہو تو اس صورت ميں '' بائ'' مصاحبت كے لئے ہوگى _ بنابريں '' التى تجرى ...'' يعنى وہ كشتياں جو سمندر ميں حركت كرتى ہيں اور ان ميں (مال تجارت و غيرہ ) ہوتاہے لوگوں كے لئے نفع بخش ہيں البة ''ما'' مصدريہ بھى ہوسكتى ہے اس صورت ميں ''بائ'' سببيت كے لئے ہوگى يعنى وہ كشتياں جو انسانوں كو نفع دينے كے لئے سمندر ميں حركت كرتى ہيں _

۷_ عالم ہستى كے تمام تر فعل و انفعالات حتى انسانى ايجادات بھى خدا تعالى كى طرف سے ہيں اور اس كى توحيد اور وسيع رحمت كى علامت ہيں _ان فى الفلك التى تجرى فى البحر بما ينفع الناس كشتياں جو انسان كى بنائي ہوئي ہيں خداوند متعال نے ان كو اپنى توحيد اور رحمت كے لئے دليل و نشانى قرار ديا ہے يہ مطلب اس حقيقت كى طرف اشارہ ہے كہ تمام تر موجودات حتى بشر كى بنائي ہوئي اشياء بھى من جانب اللہ ہيں _ اگر لفظ ''الفلك'' ''السماوات''پر عطف ہو تو لفظ ''خلق'' ''الفلك'' كى طرف بھى مضاف ہوگا ہو تو مذكورہ مطلب زيادہ واضح اور روشن ہوجاتاہے_

۸_ باران رحمت كو نازل كرنے والا اللہ تعالى ہے _و ما انزل الله من السماء من ماء

۹ _ زمين پر موجود پانيوں كا منبع اورسرچشمہ آسمان ہے_و ما انزل الله من السماء من ماء

۱۰_ آسمان سے پانى نازل كرنا اور اس سے زمين كو زندہ كرنا اللہ تعالى كى توحيد اور اسكى انتہائي و سيع رحمت كے دلائل ميں سے ہے _ان فى ما انزل الله من السماء من ماء فاحيا به الأرض لآيات

۱۱ _ بے آب و گياہ زمين مردہ ہے اور اسكى زندگى اس پر پودوں كا اگنا ہے _فاحيا به الأرض بعد موتها ''

احيائے ا رض ''_( زمين كو زندہ كرنا ) سے مراد اس پر درختوں اور پودوں كو پيدا كرنا ہے _

۱۲ _ بارش زمين پر زندگى اور متحرك مخلوقات كى پيدائش كا سبب ہے _فاحيا به الأرض بعد موتها و بث فيها من كل دابة ''بث''كا معنى ہے پراكندہ كرنا، منتشر كرنا، پھيلانا_ آيہ مجيدہ ميں اس سے مراد متحرك مخلوقات كى مختلف انواع و اقسام كو پيدا كرنا ، ان ميں ولادت اور نسل كے عمل سے انہيں زيادہ كرنا اور زمين پر پھيلا ناہے ''بث فيہا'' ممكن ہے ''احيا '' پر عطف ہو تو اس صورت ميں ''انزل من السمائ'' پرمتفرع ہوگا_ اور اس كا مطلب يوں ہوگا كہ حيوانات كے وجود ميں آنے كا سبب آسمان سے نازل ہونے والا پانى ہے _

۱۳ _اللہ تعالى زمين كو زندہ كرنے والا، اس پر زندہ موجودات كا پيدا كرنے والا اور روئے زمين پر ان كو پھيلانے والا ہے _فاحيا به الأرض و بث فيها من كل دابة

۱۴ _ زمين پر ہر جگہ انواع و اقسام كى متحرك مخلوقات كا وجود اللہ تعالى كى توحيد اور اسكى انتہائي وسيع رحمت كے دلائل و علامتوں ميں سے ہے _و بث فيها من كل دابة لايات

۱۵ _ ہواؤں كا چلنا اور انكا ايك جگہ سے دوسرى جگہ منتقل ہونا اللہ تعالى كى توحيد اور اسكى رحمت آفرينى كے دلائل و علائم ميں سے ہے _ان فى و تصريف الرياح لآيات '' تصريف'' كا معنى ايك جہت سے دوسرى جہت ميں لوٹاناہے_

۱۶_ بارش برسانے والے بادل اللہ تعالى كى توحيد اوراسكى انتہايى وسيع رحمت كى نشانيوں اور دلائل ميں سے ہيں _

ان فى السحاب المسخر بين السماء والأرض لآيات '' سحابة'' كى جمع ''سحاب'' ہے جسكا معنى بارش برسانے والا بادل ہے (لسان العرب)

۱۷_ آسمان و زمين كے مابين بادل اللہ تعالى كے تسخير شدہ اور فرماں بردار ہيں _والسحاب المسخر بين السماء والارض ''سخر'' كا مصدر''تسخير'' ہے جسكا معنى كسى شخص يا چيز كو اطاعت پرمجبور كرناہے_

۱۸_ جہان خلقت كى كيفيت ( اس كے اجزاء كا ايك دوسرے سے ارتباط اور پيوند، ان كى ہم آہنگى اور ان ميں موجود ہدف ) يہ سب ايك ہى خالق كى حكايت كرتے ہيں _ان فى خلق السماوات والأرض لآيات لقوم يعقلون

آيہ مجيدہ چونكہ توحيد پرا ستدلال بيان كررہى ہے اس سے معلوم ہوتاہے كہ '' يعقلون'' كا محور يہ امور ہيں عالم ہستى كى ايك چيز كے اجزا كا ايك

دوسرے سے پيوند و ارتباط اور پھر چيزوں كا ايك دوسرے كے ساتھ پيوند و ارتباط اور انكا با ہدف ہونا_ يہ پيوند و ارتباط اور باہدف ہونا ايك ہى خالق و منتظم كى حكايت كرتاہے_

۱۹_ عالم ہستى سے اللہ تعالى كى توحيد، رحمانيت اور رحيميت كا نتيجہ نكالنا اس ميں غور و فكر كرنے سے ممكن ہے _

ان فى خلق السماوات لآيات لقوم يعقلون

۲۰_ شرك اختيار كرنا اور توحيد تك نہ پہنچنا فكر و تدبر نہ كرنے اور جہان ہستى كے پيوند و ہم آہنگى كو درك نہ كرنے كى دليل اور علامت ہے _ان فى خلق السماوات والأرض لآيات لقوم يعقلون

۲۱ _ اللہ تعالى كى توحيد تك پہنچنے اور اسكى رحمانيت و رحيميت كو درك كرنے كے لئے عالم خلقت كے موجودات اور مظاہر ميں تفكر كرنا ضرورى ہے _ان فى خلق السماوات والأرض لآيات لقوم يعقلون آسمان: آسمانوں كا متعدد ہونا ۲; آسمانوں كا خالق ۱; آسمان كى خلقت ۳; آسمان كے فوائد ۹

آيات الہى : آفاقى آيات ۱۹

اللہ تعالى : اللہ تعالى كے مختصات۱; افعال الہى ۸،۱۳; حاكميت الہى ۱۷; اللہ تعالى كى خالقيت ۱،۱۳; خداشناسى كے دلائل ۱۹; اللہ تعالى كى رحمانيت كے دلائل ۳،۴،۵; اللہ تعالى كى رحيميت كے دلائل ۳،۴،۵; اللہ تعالى كى رحمانيت كو در ك كرنے كى بنياد۲۱; رحيميت كو درك كرنے كى بنياد۲۱; رحمت الہى كے مظاہر ۶،۷،۱۰، ۱۴، ۱۵ ، ۱۶

انسان: انسان كے فائدے اور منافع ۶

ايجادات: ايجادات كا سرچشمہ ۷

ايمان: توحيد پر ايمان كى بنياد۱۹،۲۱; اللہ تعالى كى رحمانيت پر ايمان كى بنياد ۱۹; اللہ تعالى كى رحيميت پر ايمان كى بنياد۱۹

بادل: بارش برسانے والے بادل ۱۶; بادلوں كى تسخير ۱۷

بارش: بارش كے فوائد ۱۰،۱۲; بارش كا منبع ۸

پاني: پانى كا منبع ۹

پودے: پودوں كا اگنا ۱۱

تعقل: تعقل كى اہميت ۲۱; خلقت ميں تعقل ۱۹،۲۰; موجودات كى خلقت ميں تعقل ۲۱; خلقت ميں تعقل كا فلسفہ ۲۱; تعقل نہ كرنے كى علامتيں ۲۰

توحيد : توحيد كے دلائل ۳،۴،۵،۶،۷ ،۱۰،۴ ۱،۱۵ ، ۱۶;توحيد افعالى كے دلائل ۱۸

خلقت: عالم خلقت كا خالق ۱،۱۸; عالم خلقت ميں تبديليوں كا سرچشمہ ۷; عالم خلقت كا نظام ۱۸،۲۰; عالم خلقت كا باہدف ہونا ۱۸; عالم خلقت كے اجزاء كى ہم آہنگى ۱۸،۲۰

دليل نظم: ۱۸

رات:

شب و روز ميں تفاوت ۵; شب و روز كى گردش ۴

زمين: زمين كو زندہ كرنا ۱۰; زمين كا خالق ۱; زمين كى تخليق ۳; مردہ زمين ۱۱;زمين كى زندگى كے اسباب ۱۲; زمين كى زندگى كا معيار ۱۱; زمين كى زندگى كا منبع ۱۳

شرك : شرك كے عوامل ۲۰

كشتى : كشتى كى سمندر ميں حركت ۶; كشتياں چلانے كے فوائد ۶

متحرك موجود ات: متحرك موجودات كى انواع و اقسام ۱۴; متحرك موجودات كى پيدائش كا منبع ۱۲،۱۳

موجودات: موجودات كى تخليق ۱۳

ہوا: ہوا كا چلنا ۱۵

وَمِنَ النَّاسِ مَن يَتَّخِذُ مِن دُونِ اللّهِ أَندَاداً يُحِبُّونَهُمْ كَحُبِّ اللّهِ وَالَّذِينَ آمَنُواْ أَشَدُّ حُبًّا لِّلّهِ وَلَوْ يَرَى الَّذِينَ ظَلَمُواْ إِذْ يَرَوْنَ الْعَذَابَ أَنَّ الْقُوَّةَ لِلّهِ جَمِيعاً وَأَنَّ اللّهَ شَدِيدُ الْعَذَابِ ( ۱۶۵ )

لوگوں ميں كچھ ايسے لوگ بھى ہيں جوالله علاوہ دوسروں كو اس كا مثل قراديتےہيں اور ان سے الله جيسى محبت بھى كرتے ہيں جب كہ ايمان والوں كى تمام محبّت خدا سےہوتى ہے اور اے كاش ظالمين اس بات كو اسوقت ديكھ ليتے جو عذاب كوديكھنے كے بعدسمجھيں گے كہ سارى قوت صرف الله كے لئے ہےاور الله سخت ترين عذاب كرنے والاہے(۱۶۵)

۱ _ كچھ لوگ (مشركين ) توحيد پر بہت زيادہ دلائل ہونے كے باوجود غير خدا كو خدا تعالى كى مثل، نظير اور برابر تصور كرتے ہيں _لآيات لقوم يعقلون_ و من الناس من يتخذ من دون الله انداداً ''انداد'' كا مفرد''ند'' ہے بمعنى مثل_

۲ _ غير خدا كو خدا كى طرح تصور كرنا آيات الہى ميں تدبر نہ كرنے كى دليل و علامت ہے _لآيات لقوم يعقلون_و من الناس من يتخذ من دون الله انداداً

۳ _ اللہ تعالى بے مثل و مثال اور بے ہمتا حقيقت ہے _و من الناس من يتخذ من دون الله انداداً

۴ _ مشركين جھوٹے خداؤں سے انس و محبت اور تعلق ركھتے ہيں _يحبونهم

۵ _ مشركين خيالى معبودوں سے انس و محبت كرنے كے علاوہ اللہ تعالى سے بھى محبت كرتے ہيں _يحبونهم كحب الله

يہ مطلب اس بناپر ہے كہ ''حب'' كا اضافہ مفعول كى طرف ہوا ہو اور اسكا فاعل ضمير محذوف ہو جو ''من الناس'' كى طرف لوٹتى ہو يعنىكحبهم الله _

۶ _ مشركين كى خيالى معبودوں سے محبت اللہ تعالى كى محبت كے ہم وزن و برابر ہے _

يحبونهم كحب الله

۷_ موحد مومنين كے نزديك اللہ تعالى عالم ہستى كى محبوب ترين حقيقت ہے _والذين آمنوا اشد حباً لله

آيہ مجيدہ كے ابتدائي حصے اور ماقبل آيات كى روشنى ميں ''الذين آمنوا'' سے مراد و ہ توحيد پرست ہيں جو فقط اللہ تعالى كى ہى عبادت كرتے ہيں كسى چيز يا شخص كو اللہ تعالى كى مثل و مانند نہيں سمجھتے _ '' اشد''افعل تفضيل ہے جسكا مفضل عليہ ذكر نہيں ہوا تا كہ ہر چيز اور ہر شخص كو شامل ہوجائے_

۸_انس و محبت اور عشق و دوستى كے بالاترين مرحلہ كے لئے انتہائي مناسب اور موزوں حقيقت اللہ تعالى كى ذات اقدس ہے _والذين آمنوا اشد حبا الله

۹_ اللہ تعالى كے ہمراہ غير خدا كى محبت و دوستى بے ايمانى كى علامت ہے _والذين آمنوا اشد حبالله

۱۰_ احساسات و جذبات كا رابطہ اعتقادات و يقين كے ساتھ ہے _و من الناس من يتخذ من دون الله انداداً يحبونهم والذين آمنوا اشد حبا لله

۱۱ _ تمام تر قدرتوں اور قوتوں كا مالك اللہ تعالى ہے كوئي شخص اور نہ ہى كوئي چيز اسكے علاوہ قدرت و طاقت نہيں ركھتى _ان القوة لله جميعاً

۱۲ _ قيامت كے دن اللہ تعالى كا عذاب شديد ہوگا_و ان الله شديد العذاب

۳ ۱_مشركين قيامت كے دن عذاب الہى ميں مبتلا ہوں گے اور اس كو شديدعذاب پائيں گے_الذين ظلموا إذ يرون العذاب ان الله شديد العذاب

۱۴ _ ظالمين اللہ تعالى كى قدرت و طاقت سے غافل ہيں _و لويرى الذين ظلموا ان القوة لله جميعاً

۱۵ _ ظالمين روز قيامت شديد عذاب ميں مبتلا ہوں گے_و لويرى الذين ظلموا وان الله شديد العذاب

۱۶_ مشركين جب عذاب الہى ميں مبتلا ہوں گے تو يقين كرليں گے كہ قدرت و قوت فقط اللہ تعالى ميں منحصر ہے _

و لو يرى الذين ظلموا إذ يرون العذاب ان القوة لله جميعاً '' إذ يرون''، ''يري'' كے لئے مفعول ہے ''ان القوة ...'' فعل مقدر كے ساتھ جواب شرط ہے گويا مطلب يوں ہے ''لو يرى لعلموا ان القوة للہ جميعاً'' اگر مشركين آج ديكھ ليتے اس دن كو جب قيامت كے عذاب ميں مبتلا ہوں گے تو يقينا جان ليتے كہ تمام تر

قدرتوں كا مالك اللہ تعالى ہے_

۱۷_جو لوگ اللہ تعالى كا مثل و مثال تصور كرتے ہيں ظالمين ميں سے ہيں _و لو يرى الذين ظلموا

'' الذين ظلموا'' سے مراد مشركين ہيں _ مشركين كے لئے '' الذين ظلموا'' كى تعبير لانا اس حقيقت كو بيان كرتاہے كہ شرك اختيار كرنا اللہ تعالى كے حق ميں ظلم و تجاوز ہے( لازم ہے كہ اسى كو واحد و يكتا جانا جائے)_

۱۸_ مشركين جھوٹے خداؤں كو صاحب قدرت تصور كرتے ہيں _و لويرى الذين ظلموا إذ يرون العذاب ان القوة لله جميعاً وہ لوگ جو غير خدا كو خداوند متعال كى طرح سمجھتے ہيں ان كے لئے اللہ تعالى كى قدرت اور يہ كہ قوت صرف اسى كى ذات اقدس ميں منحصر ہے كو بيان كرنا كرنا اس خاطر ہے كہ مشركين اس وہم و گمان كى بناپر كہ ان كے معبود بھى صاحب قدرت ہيں ان كو اللہ تعالى كى طرح تصور كرتے ہيں اور اسى بناپر ان سے محبت كرتے ہيں _

۱۹_ جھوٹے معبودوں كو صاحب قدرت خيال كرنا مشركين كى ان سے محبت كا سبب ہے_يحبونهم كحب الله و لو يرى الذين ظلموا ان القوة لله جميعاً

۲۰_ قدرت و قوت كى جاذبيت محبت كو جذب كرنے ميں مؤثر ہوتى ہے _يحبونهم كحب الله و لويرى الذين ظلموا ان القوة لله جميعاً

۲۱ _ اللہ تعالى كى قدرت و طاقت پر يقين دلوں ميں اسكى محبت پيدا كرنے كا سبب ہے _والذين آمنوا اشد حبا لله ان القوة لله جميعاً

۲۲_ اللہ تعالى كى قدرت كو نہ پہچاننا اور اسكے غير كو صاحب قدرت تصور كرنا شرك كے اسباب و عوامل ميں سے ہے _

و من الناس من يتخذ من دون الله انداداً ان القوة لله جميعاً

۲۳ _ بعض انسان (مشركين) اپنے بڑوں اور بزرگوں كو قدرت و طاقت ميں اللہ تعالى كى طرح سمجھتے ہيں اور ان كو اللہ تعالى كے برابر اور ہم وزن خيال كرتے ہيں _و من الناس من يتخذ من دون الله انداداً يحبونهم كحب الله

بعدوالى آيت مشركين كو دو حصوں ميں تقسيم كرتى ہے ايك سرداران شرك اور دوسرے ان كے پيروكار _ اس اعتبار سے كہا جاسكتاہے كہ '' من الناس'' سے مراد پيروكار مشركين اور '' انداد'' سے مراد ان كے سردار ہيں اور ضمير '' ہم '' ، ''انداد'' كى طرف لوٹتى ہے جو اس احتمال كى تائيد كرتى ہے _ كيونكہ يہ ضمير انسانوں اور صاحب عقل و شعور مخلوقات كے لئے استعمال ہوتى ہے _

۲۴ _ قيامت كا دن اللہ تعالى كى مطلق (لامحدود)

قدرت كے ظہور كا دن ہے اور يہ كہ غير خدا كے پاس كوئي قدرت و طاقت نہيں ہے اس سے آگاہى كا دن ہے _

إذ يرون العذاب ان القوة للہ جميعاً

اسماء اور صفات: جمالى صفات۳

اللہ تعالى : اللہ تعالى كے مختصات ۳،۸،۱۱،۱۶; اللہ تعالى كا بے مثل و مثال ہونا ۳; آخرت ميں اللہ تعالى كے عذاب ۱۲; آخرت ميں اللہ تعالى كى قدرت ۲۴; قدرت الہى ۱۱،۱۶

اللہ تعالى كے محب و عاشق :۷

احساسات و جذبات: احساسات اور عقيدہ۱۰

ايمان: اللہ تعالى كى قدرت پر ايمان كے اثرات و نتائج ۲۱; بے ايمانى كى علامتيں ۹

باطل معبود: باطل معبودوں كى قدرت ۱۸

تعقل: عدم تعقل كى علامتيں ۲

توحيد: توحيد ذاتى ۳

جہالت: جہالت كے نتائج و اثرات ۲۲; اللہ تعالى كى قدرت سے جہالت ۲۲

رجحانات و محبتيں : اللہ تعالى سے محبت ۵،۶،۷،۸، ۹،۲۳;طاقتور رہبروں سے محبت ۲۳; غير خدا سے محبت ۹،۲۳; باطل معبودوں سے محبت ۴،۵،۶;اللہ تعالى سے محبت كے عوامل ۲۱; باطل معبودوں سے محبت كے عوامل ۱۹

شرك: شرك كے اثرات و نتائج ۲; شرك كا ظلم ۱۷; شرك كے عوامل ۲۲

ظالمين :۱۷

ظالمين اور قدرت الہى ۱۴; ظالمين كو اخروى عذاب ۱۵;ظالمين كى غفلت ۱۴

عذاب: شديد عذاب ۱۲،۱۳،۱۵; عذاب كے درجات ۱۲،۱۳،۱۵

عقيدہ: باطل عقيدہ ۱۸

عوام: مشرك عوام ۱،۲۳

غفلت: اللہ تعالى كى قدرت سے غفلت ۱۴

قدرت: قدرت كے نتائج و اثرات۱۹،۲۰; غير خدا كى قدرت ۲۴; قدرت كا منبع ۱۱

قيامت: قيامت ميں حقائق كا ظہور ۲۴

مشركين : مشركين كو اخروى عذاب ۱۳; مشركين كا عقيدہ ۱،۱۸، ۱۹،۲۳; مشركين كى محبتيں ۴،۵،۶; مشركين اور قدرت الہى ۱۶;مشركين اور باطل معبود ۱۸،۱۹; مشركين كا عذاب سے سامنا ۱۶

مومنين: مومنين كا انس و محبت ۷; مومنين كے محبوب ۷

إِذْ تَبَرَّأَ الَّذِينَ اتُّبِعُواْ مِنَ الَّذِينَ اتَّبَعُواْ وَرَأَوُاْ الْعَذَابَ وَتَقَطَّعَتْ بِهِمُ الأَسْبَابُ ( ۱۶۶ )

اس وقت جبكہ پير اپنے مريدوں سےبيزارى كا اظہار كريں گے اور سب كے سامنےعذاب ہوگا اور تمام وسائل منقطع ہوچكےہوں گے (۱۶۶)

۱ _ مشركين كى تقسيم سرداران شرك اور ان كے پيروكاروں ميں _إذ تبرأ الذين اتبعوا من الذين اتبعوا

۲ _ مشركين ( سردار اور ان كے پيروكار) عذاب قيامت ميں مبتلا ہوں گے_إذ تبرأ الذين اتبعوا من الذين اتبعوا و رأوا العذاب ''راوا العذاب'' كى ضمير فاعلى ظاہراً دونوں گروہوں (سردار اور ان كے پيروكار) كى طرف لوٹتى ہے _ ما قبل او رما بعد والى آيت سے معلوم ہوتاہے كہ ''تبري'' كے لئے ظرف روز قيامت ہے _ بنابريں ''العذاب'' سے مراد عذاب قيامت ہے_

۳ _ سرداران شرك جب عذاب قيامت كا سامنا كريں گے تو اپنے پيروكاروں سے دورى اور بيزارى اختيار كريں گے _

إذ تبرأ الذين اتبعوا من الذين اتبعوا ورأوا العذاب جملہ ''و راوا العذاب'' حاليہ ہے يعنى سردار ان شرك كى اپنے پيروكاروں سے دورى و بيزارى اس حالت ميں ہوگى جب عذاب كا سامنا كريں گے _

۴ _ مشركين ( سرداران شرك اور ان كے پيروكار) كے لئے عذاب قيامت سے نجات كى خاطر كوئي وسيلہ نہيں ہے _

تقطعت بهم الاسباب ''بھم'' ، '' الاسباب'' كے لئے قيد ہے اور اس ميں ''بائ'' ،''ملابسة'' كے معنى ميں ہے پس جملہ '' تقطعت ...'' كا معنى يوں ہے

(درآں حاليكہ ) ان كے پاس جو وسائل و اسباب تھے وہ سب كے سب ٹوٹ چكے ہوں گے اور نابود ہوجائيں گے ''الاسباب'' سے ممكن ہے عذاب سے نجات كے اسباب مراد ہوں يا مراد وہ اسباب ہوں جو سردار اور ان كے پيروكاروں كو ايك دوسرے سے جوڑتے ہوں _ مذكورہ بالا مطلب پہلے احتمال كى بناپر ہے _

۵ _ قيامت كا دن پيروكار مشركين كے لئے ان كے پيشواؤں اور بزرگوں كى گمراہى سے آگاہى كا دن ہے _إذ تبرا الذين اتبعوا من الذين اتبعوا

۶ _ الہى فرامين كے مقابل باطل قوتوں كى پيروى شرك ہے _*و من الناس من يتخذ من دون الله انداداً يحبونهم إذ تبرأ الذين اتبعوا

۷_ گمراہ قائدين اور پيشواؤں كا عوام كى گمراہى ميں بہت بنيادى كردار ہے _إذ تبرا الذين اتبعوا من الذين اتبعوا

۸_ قيامت كے دن سرداران شرك اور ان كے پيروكاروں كے مابين دوستى و ارتباط كے تمام وسائل و اسباب نابود ہوجائيں گے _و تقطعت بهم الاسباب يہ مطلب اس بناپر ہے كہ ''الاسباب'' سے مراد سرداروں اور پيروكاروں كے مابين دوستى و پيوند كے اسباب ہوں _

۹_باطل كى بنياد پر انسانوں كى دوستياں اور اطاعت قيامت كے دن دشمنى اور اختلاف ميں تبديل ہوجائيں گي_إذ تبرا الذين اتبعوا من الذين اتبعوا

۱۰_ دوستى اور اطاعت كا آپس ميں گہرا رابطہ ہے _يحبونهم كحب الله إذ تبرا الذين اتبعوا من الذين اتبعوا

ماقبل آيت ميں پيشواؤں اور پيروكاروں كے مابين ارتباط كى بنياد محبت اور دوستى كو قرار ديا گيا ہے _ البتہ اگر ''انداد''سے مراد سردار و پيشوا ہوں تو آيت نے پيشواؤں اور پيروكاروں كے مابين رابطے كو تابع اور متبوع ( جسكى اتباع كى جائے ) كا رابطہ قرار ديا ہے پس يہ اس مطلب كى طرف اشار ہ ہے كہ محبت اور اطاعت ايك دوسرے كے لئے لازم و ملزوم ہيں يعنى جہاں محبت ہے وہاں اطاعت بھى ہے_

۱۱ _ امام صادقعليه‌السلام سے روايت ہے آپعليه‌السلام نے ارشاد فرمايا

''اذا كان يوم القيامة ياتى النداء من عند الله عزوجل الا من تعلق بامام فى دار الدنيا فليتبعه الى حيث يذهب فحينئذ يتبرء الذين اتبعوا من الذين اتبعوا ورا وا العذاب و تقطعت بهم الاسباب ''(۱)

جب قيامت بر پا ہوگى تو ...رب ذو الجلال كى جانب سے صدا آئے گى جو كوئي دنيا ميں جس پيشوا سے وابستہ تھا جہاں اسكا پيشوا جائے تو وہ بھى اسى كے پيچھے جائے اس وقت گمراہ پيشوا اپنے پيروكاروں سے بيزارى اختيار كريں گے_ وہ لوگ عذاب الہى كا سامنا كريں گے اور ان كے تمام تر اسباب ٹوٹ جائيں گے ...''

اختلاف: آخرت ميں اختلاف كے اسباب ۹)

اظہار برائت كرنا : پيروكار مشركين سے اظہار برا ت ۳

اللہ تعالى : اوامر الہى سے منہ موڑنا ۶

تقليد: باطل تقليد كے نتائج ۹

دشمني: آخرت ميں دشمنى كے اسباب ۹

دوستى : باطل دوستى كے نتائج۹; دوستى اور اطاعت ۱۰

روايت: ۱۱

شرك : شرك كے موارد ۶

عذاب: اخروى عذاب سے نجات ۴

قائدين : گمراہ قائدين كا گمراہ كرنا ۷; گمراہى كے پيشوا قيامت ميں ۱۱

قدرت: باطل قوت و قدرت كى اتباع ۶

قيامت : قيامت ميں حقيقتوں كا ظہور ۵; قيامت ميں اسباب كا منقطع ہونا ۸; قيامت ميں روابط كا منقطع ہونا ۸; قيامت ميں محبتوں كا منقطع ہونا ۸

لوگ: لوگوں كى گمراہى كے عوامل ۷

مشركين : پيروكار مشركين كى آگاہى ۵; مشركين پيشواؤں كا اظہار برائت ۳; مشركين كے پيشوا ۱; مشركين كے قائدين قيامت ميں ۲،۳،۸; مشركين كو اخروى

____________________

۱) امالى شيخ طوسى ص ۶۱ ، نورالثقلين ج/ ۱ ص ۱۵۰ ح ۴۸۵_

عذاب ۲،۴; پيروكار مشركين كو عذاب ۴; مشرك قائدين كى گمراہي۵;پيروكار مشركين ۱; پيروكار مشركين قيامت ميں ۲،۵،۸; مشركين كا عذاب سے سامنا كرنا ۳

معاشرہ : معاشرے كو پہنچنے والے نقصان كى شناخت ۷

معاشرتى طبقات: ۱

وَقَالَ الَّذِينَ اتَّبَعُواْ لَوْ أَنَّ لَنَا كَرَّةً فَنَتَبَرَّأَ مِنْهُمْ كَمَا تَبَرَّؤُواْ مِنَّا كَذَلِكَ يُرِيهِمُ اللّهُ أَعْمَالَهُمْ حَسَرَاتٍ عَلَيْهِمْ وَمَا هُم بِخَارِجِينَ مِنَ النَّارِ ( ۱۶۷ )

اور مريد بھى يہ كہيں گے كہاے كاش ہم نے ان سے اسى بيزارى اختيار كيہوتى جس طرح يہ آج ہم سے نفرت كررہے ہيں _ خدا ان سب كے اعمال كو اسى طرح حسرتبنا كرپيش كرے گا اور ان ميں سے كوئيجہنم سے نكلنے والا نہيں ہے (۱۶۷)

۱ _ پيروكار مشركين ميدان حشر ميں دنيا كى طرف لوٹنے كى خواہش كريں گے تا كہ اپنے پيشواؤں سے اظہار برائت كريں اور ان كى مخالفت كريں _و قال الذين اتبعوا لو ان لنا كرة فنتبرا منهم '' كرّ'' كا معنى رجوع ہے اور '' كرّة'' كا معنى ہے ايك بار رجوع كرنا اور اس سے مراد دنيا كى طرف بازگشت ہے بنابرايں '' لو ان لنا كرّة'' يعنى اے كاش ہم ايك مرتبہ دنيا كى طرف لوٹائے جائيں _

۲ _ ميدان حشرميں پيروكار مشركين اپنے مشرك يپشواؤں كى دوستى اور دنيا ميں ان كى اطاعت سے اظہار پشيمانى كريں گے _و قال الذين اتبعوا لو ان لنا كرّة فنتبرا منهم

۳ _ قيامت كے دن مشرك پيروكاروں كى شرك اختيار كرنے اور مشرك قائدين كى اطاعت كرنے سے ندامت كوئي نتيجہ نہ دے گى اور نہ ہى انہيں نجات دلائے گى _و قال الذين اتبعوا لو ان لنا كرّة فنتبرا منهم

اگر قيامت ميں ان كى نجات ميں شرك اور سے ندامت مؤثر ہوتى تو مشركين دنيا كى طرف بازگشت كى تمنا نہ كرتے _

۴ _ مشرك پيروكاروں كا اپنے مشرك قائدين سے اظہار برائت كے لئے تيار ہونا حق و حقيقت كى تلاش و جستجو كے لئے نہ ہوگا بلكہ جذبہ انتقام كى خاطر ہوگا _

فنتبرا منهم كما تبرء وا منا '' كما تبرا وا منا '' (چونكہ انہوں نے ہم سے بيزارى كى ہے) يہ جملہ پيروكار مشركين كے اظہار برائت كے محرك كو بيان كررہاہے_

۵ _ قيامت كے دن انسانوں ميں جذبہ انتقام ہوگا_فنتبرا منهم كما تبرأوا منا

۶ _ قيامت ميں انسانوں كى نفسياتى كيفيات اور احساسات بھى ہوں گے _لو ان لنا كرّة فنتبرا منهم كما تبرا و منا

۷_ قيامت كے ميدان ميں پيروكار مشركين شرك اختيار كرنے اور مشرك رہبروں كى اطاعت سے حسرت و پشيمانى اور غم و اندوہ كا اظہار كريں گے _كذلك يريهم الله اعمالهم حسرات عليهم

۸_ قيامت كا منظردنياوى اعمال اور ان كے نتائج كے مشاہدے كا ميدان ہے _كذلك يريهم الله اعمالهم حسرات

''يري'' كا فعل ممكن ہے '' رؤيت '' سے ہے جو آنكھوں سے ديكھنے كے معنى ميں ہے اس بناپر اس جملہ ''كذلك ...'' كا معنى يہ بنتاہے اللہ تعالى مشركين كو انكے اعمال ( يا ان اعمال كے نتائج ) دكھائے گا _

۹_ دنيا ميں انسان كے بُرے اور ناقابل قبول اعمال قيامت ميں حسرت و ندامت اور غم و اندوہ كا باعث بنيں گے _

كذلك يريهم الله اعمالهم حسرات عليهم

۱۰_ اللہ تعالى قيامت كے ميدان ميں انسان كو اسكے دنياوى اعمال كا مشاہدہ كرائے گا _كذلك يريهم الله اعمالهم

۱۱ _ انسانوں كے برے اعمال قيامت ميں مجسم حسرت كى صورت ميں ان كے مقابل ہوں گے _كذلك يريهم الله اعمالهم حسرات عليهم يہ مطلب اس بناپر ہے كہ ''يري'' كا معنى قلبى مشاہدہ ہو اس صورت ميں ' ' حسرات'' ، ''يري'' كے لئے تيسرا مفعول ہوگا اور جملے كا معنى يہ ہوگا اللہ تعالى مشركوں كے اعمال كو حسرتوں كى صورت ميں ان كے سامنے جلوہ نما كرے گا _

۱۲ _ شرك اختيار كرنا ، مشرك رہبروں كى محبت اور پيروى كرنا يہ اعمال پيروكار مشركين كے لئے عالم آخرت ميں حسرت و اندوہ كا باعث ہوں گے _كذلك يريهم الله اعمالهم حسرات عليهم

۱۳ _ مشركين ( قائدين اور پيروكار) آتش جہنم ميں مبتلا ہوں گے اور ہميشہ وہيں رہيں گے_و ما هم بخارجين من النار

۱۴ _ عالم آخرت سے دنيا كى طرف بازگشت كى آرزو بے معنى اور بے ہودہ آرزو ہے جو ہرگز پورى نہ ہوگى _

لو ان لنا كرة و ما هم بخارجين من النار

يہ جملہ '' و ما ہم بخارجين ...'' در حقيقت مشركين كى دنيا كى طرف بازگشت كى آرزو كا جواب ہے _ يہ جملہ بيان كررہاہے كہ وہ لوگ نہ فقط واپس نہ لوٹيں گے بلكہ انہيں آتش جہنم سے رہائي بھى نہ ملے گى _

۱۵ _ اللہ تعالى كے اس كلام '' كذلك يريھم اللہ اعمالہم حسرات عليہم'' كے بارے ميں امام صادقعليه‌السلام سے روايت ہے ''هو الرجل يدع المال لا ينفقه فى طاعة الله بخلاً ثم يموت فيدعه لمن هو يعمل فى طاعة الله او فى معصيته فان عمل به فى طاعة الله راه فى ميزان غيره فزاده حسرة و قد كان المال له و ان كان عمل به فى معصية الله قواه بذلك المال حتى عمل به فى معصية الله'' (۱) اس سے مراد وہ شخص ہے جو دنيا ميں مال چھوڑ جاتاہے اور بخل كى وجہ سے اللہ كى اطاعت ميں اسے خر چ نہيں كرتا وہ مرجاتاہے اور پھر يہ مال اللہ كى اطاعت يا معصيت كى راہ ميں خرچ ہوتاہے پس اگر يہ مال خدا كى راہ ميں خرچ ہوا تو يہ شخص اس كو دوسروں كے نامہ اعمال ميں ديكھے گا اور اس كى حسرت ميں اضافہ ہوگا كيونكہ يہ مال اس كى ملكيت تھا اور اگر يہ مال اللہ تعالى كى معصيت كى راہ ميں خرچ ہوگا تو اس نے اس مال سے گناہ گار كى تقويت كى تا كہ اللہ تعالى كى نافرمانى كرسكے _

۱۶_ منصور حازم كہتے ہيں ميں نے امام صادقعليه‌السلام سے اس آيت'' و ماهم بخارجين من النار'' كے بارے ميں سوال كيا تو آپعليه‌السلام نے فرمايا ''اعداء على عليه‌السلام هم المخلدون فى النار ابد الابدين و دهر الداهرين ''(۲)

ان سے مراد علىعليه‌السلام كے دشمن ہيں جو جہنم ميں ہميشہ ہميشہ كے لئے رہيں گے_

آرزو: دنيا كى طرف بازگشت كى آرزو ۱،۱۴; باطل آرزو ۱۴

اطاعت: مشرك قائدين كى اطاعت ۲،۳،۷،۱۲

اظہار برائت: مشرك رہبروں سے اظہار برائت ۱،۴

اللہ تعالى : افعال الہى ۱۰

امام علىعليه‌السلام : على عليہ السلام كے دشمنوں كا انجام ۱۶

انسان: آخرت ميں انسانى احساسات۶; آخرت ميں انسانوں كا جذبہ انتقام۵; انسان كى آخرت ميں حسرت ۱۱; قيامت ميں انسانوں كا عمل ۱۰

____________________

۱) كافى ج/ ۴ ص ۴۲ ح ۲ ، نورالثقلين /ج۱ ص ۱۵۱ ح ۴۸۹_

۲) تفسير عياشى ج/۱ص۷۳ ح ۱۴۵، نورالثقلين ج/۱ ص ۱۵۱ ح ۴۸۸_

اہل جہنم : ۱۳،۱۶

پشيمانى : بے نتيجہ پشيمانى ۳

جذبہ محركہ: جذبہ محركہ كے عوامل ۴

جہنم: آتش جہنم ۱۳; جہنم ميں ہميشہ رہنے والے ۱۶; جہنم ميں ہميشگى ۱۳

حسرت : اخروى حسرت كے عوامل ۱۵

دشمني: مشركين قائدين سے دشمنى ۱

دوستى : مشركين قائدين سے دوستى كے نتائج ۲ ;ناپسنديدہ دوستى ۲

رجحانات اور محبتيں : مشرك قائدين سے محبت كے نتائج ۱۲

روايت:۱۵،۱۶

شرك : شرك كے نتائج و اثرات ۱۲

عذاب: اہل عذاب ۱۳

عمل: عمل كے اخروى نتائج ۸; ناپسنديدہ عمل كے اخروى نتائج ۱۱; ناپسنديدہ عمل كے نتائج ۹

قيامت : قيامت ميں جذبات و احساسات۶; قيامت ميں جذبہ انتقام ۵; قيامت ميں عمل كا مجسم ہونا ۸،۱۱; قيامت ميں حقيقتوں كا ظہور ۸; قيامت ميں اندوہ كے عوامل ۷،۹،۱۲; قيامت ميں حسرت كے عوامل ۷،۹،۱۱،۱۲; قيامت كى خصوصيات۸

مال: گناہ ميں مال كا استعمال ۱۵

مشركين : مشركين كى اخروى آرزو ۱; پيروكار مشركين كا جذبہ انتقام ۴; مشركين كا اندوہ ۷; پيروكار مشركين كا اخروى اندوہ ۱۲; مشركين كى اخروى پشيمانى ۲،۳; مشركين كى اخروى حسرت ۷; پيروكار مشركين كى حسرت ۱۲;مشرك قائدين جہنم ميں ۱۳; مشركين كو اخروى عذاب ۱۳; مشرك قائدين كو عذاب ۱۳; پيروكار مشركين كو عذاب ۱۳; پيروكار مشركين جہنم ميں ۱۳; پيروكار مشركين قيامت ميں ۱،۲،۳،۷

يَا أَيُّهَا النَّاسُ كُلُواْ مِمَّا فِي الأَرْضِ حَلاَلاً طَيِّباً وَلاَ تَتَّبِعُواْ خُطُوَاتِ الشَّيْطَانِ إِنَّهُ لَكُمْ عَدُوٌّ مُّبِينٌ ( ۱۶۸ )

اےانسانو ميں جو كچھ بھى حلال و طيب ہےاسے استعمال كرو اور شيطانى اقدامات كااتباع نہ كرو كہ وہ تمھارا كھلا ہوا دشمنہے (۱۶۸)

۱ _ زمين كى پيداوار سے كھانا اور استفادہ كرنا جائز ہے اور اس سلسلے ميں اللہ تعالى نے تاكيد فرمائي ہے_كلوا مما فى الأرض حلالاً طيباً ''كلوا'' كا مصدر ''اكل'' ہے جس كا معنى كھانا ہے _ بہت سے موارد ميں ''مجاز شامل'' كے طور پر استعمال ہوتاہے جسكا معنى مطلق تصرف يا استفادہ كرنا ہے اور كھانا بھى اسى ميں شامل ہے _

۲ _ تمام انسان قرآن حكيم كے مخاطب ہيں اور ان كو دعوت دى گئي ہے كہ اس كے احكام كا خيال ركھيں _

يا ايها الناس كلوا مما فى الأرض حلالاً طيباً

۳ _ زمين كى پيدا وار سے كھانے اور استفادہ كرنے ميں اللہ تعالى كى نصيحت ميں بنيادى شرائط يہ ہيں كہ پاكيزہ، طبيعت كے موافق اور حلال ہو_كلوا مما فى الأرض حلالاً طيباً اس مطلب ميں ''حلالاً'' اور ''طيباً'' ، ''ما'' كے لئے حال ہے ، طيب اپنے موارد استعمال كے اعتبار سے خوب ، اچھا كا معنى ديتاہے لہذا ہر جملے ميں اس كى تفسير اس حكم كے مناسب كى جائيگى جو اس جملے ميں موجود ہے_

۴ _ زمينى پيداوار اور وسائل سے استفادہ كرنے كے لئے ضرور ى ہے كہ حلال اور اچھى چيز كا انتخاب كيا جائے_

كلوا مما فى الأرض حلالاً طيبا اس مطلب ميں ''حلالا'' اور ''طيبا'' كو محذوف مفعول مطلق كى صفت قرار ديا گيا ہے يعنى كلوا اكلاً حلالا طيبا پس يہ دو قيد اس لئے بيان ہوئيں ہيں كہ استفادے كى نوعيت بيان كريں _

۵_زمين سے پيدا ہونے والى عذاؤں ميں حفظان صحت كے اصول كى مراعات كرنا ضرورى ہے_كلوا مما فى الأرض حلا لا طيبا

۶_ زمين كے وسائل سے استفادہ كرنا تمام انسانوں كا حق ہے_ يہ كسى گروہ يا امت مسلمان و غيرہ سے مختص نہيں ہے _يا ايها الناس كلوا مما فى الأرض حلالاً طيباً

۷_ انسان بے ہودہ اور بے بنياد بہانوں (زہد، قبائلى رسومات و غيرہ وغيرہ ) كى بناپر زمين كى نعمتوں اور وسائل سے خود كو محروم نہ كريں _

كلوا مما فى الأرض حلالا طيبا

''كلوا'' كا حكم اگر چہ مفسرين كى نظر ميں مباح كے لئے ہے نہ كہ وجوب كے لئے _ تا ہم مباح كو بيان كرنے كے لئے امر كا صيغہ استعمال كرنا اس نكتہ كى طرف اشارہ ہوسكتاہے كہ متكلم ترغيب دلارہاہے اور ان چيزوں سے اجتناب يا پرہيز كو ٹھيك نہيں سمجھتا_

۸_ شيطان كى پيروى سے اجتناب ضرورى ہے _و لا تتبعوا خطوات الشيطان

۹_ شيطان انسانوں كا بہت واضح دشمن ہے _انه لكم عدو مبين

۱۰_ شيطان مكار، فريب دينے والا اور دغاباز موجود ہے جبكہ انسان اس كے اثرات كو قبول كرنے والا ہے _

و لا تتبعوا خطوات الشيطان

۱۱ _ شيطان انسانوں كو مرحلہ بہ مرحلہ ، قد م بہ قدم زوال اور انحراف كى طرف كھينچ لے جاتاہے_و لا تتبعوا خطوات الشيطان ''خطوات'' كى مفرد ''خطوة'' ہے جسكا معنى قدم ہے آيہ مجيدہ ميں اس سے مراد وہ راستہ ہے جو شيطان نے انسان كے ليئے معين كيا ہے خطوات كو جمع استعمال كرنا اس مطلب كى طرف اشارہ ہے كہ انسان كو منحرف كرنے كے لئے شيطان كے پاس مختلف راستے ہيں يا اس سے مراد يہ ہوسكتا ہے كہ شيطان انسان كو قدم بہ قدم ، گام بہ گام تباہى و زوال كى طرف لے جاتاہے_

۱۲ _ انسانوں كو منحرف كرنے كے لئے شيطان مختلف راہوں سے استفادہ كرتاہے_و لا تتبعوا خطوات الشيطان

۱۳ _ زمين كى نعمتوں اور وسائل كو اپنے ليئے حرام قرار دينا شيطان كى پيروى ہے_كلوا مما فى الأرض و لا تتبعوا خطوات الشيطان وسائل و امكانات سے استفادہ كرنے اور حرام و پليديوں سے پرہيز كى نصيحت كرنے كے بعد شيطان كى پيروى سے منع كرنا اس مطلب كو بيان كررہاہے كہ وسائل و نعمات سے استفادہ نہ كرنا اور حرام و پليديوں سے نہ بچنا ايك طرح سے شيطان كى پيروى ہے _

۱۴_ محرمات اور ناپاك و پليد اشياء سے فائدہ اٹھانا شيطان كى پيروى كرنا ہے _كلوا مما فى الأرض حلالا طيباً و لا تتبعوا خطوات الشيطان

۵ ۱_ انسان كى فطرى ضروريات اسكے انحراف اور شيطان كے دام اور چنگل ميں پھنسنے كى زمين كو فراہم كرتى ہيں _

كلوا مما فى الأرض حلالا ً طيبا و لا تتبعوا خطوات الشيطان

۱۶_ لوگوں كو حرام اور ناپاك و پليد اشياء سے استفادہ پر آمادہ كرنا اور حلال نعمتوں سے روكنا انسان كے ساتھ شيطان كى دشمنى كا ايك جلوہ ہے _ كلوا مما فى الأرض حلالا طيبا و لا تتبعوا خطوات الشيطان انه لكم عدو

۱۷_ دشمنوں اور ان كى خواہشات كى پيروى سے پرہيز ضرورى ہے _

ولا تتبعوا خطوات الشيطان انه لكم عدو مبين شيطان كى انسان سے دشمنى اس بات كى دليل ہے كہ اسكى اتباع سے اجتناب كيا جائے اس سے معلوم ہوتاہے كہ جو كوئي يا جو چيز بھى انسان كى دشمن ہو اسكى پيروى سے اجتناب كرے _

۱۸_ امام باقرعليه‌السلام سے روايت ہے آپعليه‌السلام نے فرمايا ''ان من خطوات الشيطان الحلف بالطلاق والنذور فى المعاصى وكل يمين بغير الله (۱)

زوجہ كى طلاق كى قسم كھانا، گناہوں پر نذر كرنا اور اللہ كے علاوہ ہر قسم كھانا يہ شيطان كے قدموں ميں سے ہے_

احكام:۱

اطاعت: دشمنوں كى اطاعت ۱۷; شيطان كى اطاعت ۸،۱۳،۱۴; ناپسنديدہ اطاعت ۸

اللہ تعالى : اللہ تعالى كى نصيحتيں ۱

انحراف: انحراف كا مرحلہ بہ مرحلہ ہونا ۱۱; انحراف كى زمين آمادہ ہونا ۱۵; انحراف كے عوامل ۱۱،۱۲

انسان: انسان كامكارى و فريب كے دام ميں پھنسنا ۱۰; انسانوں كے حقوق ۶; انسان كے دشمن ۹،۱۶; انسان كى صفات ۱۰; انسانوں كى ذمہ دارى ۲،۷

حقوق: استفادے كا حق ۶

خبائت و پليد چيزيں : خبيث و پليد اشياء سے استفادہ ۱۴،۱۶

زمين : زمين سے استفادہ ۱،۶; زمين كے وسائل سے استفادہ كى شرائط ۳،۴

زہد: ناپسنديدہ زہد ۷

روايت:۱۸

شيطان : شيطان كى فريب كارى و دغابازى ۱۰; شيطان كى مختلف راہيں ۱۲; شيطان كى دشمنى ۹،۱۶; شيطان كے فريب كى روش ۱۱،۱۲; شيطان كے تسلط كى

____________________

۱) مجمع البيان ج/۱ص۴۶۰،نورالثقلين ج/۱ ص۱۵۲ ح ۴۹۲_

زمين ہموار ہونا ۱۵; شيطان كى صفات ۱۰; شيطان كے قدم ۱۸

ضروريات: ضروريات كے اثرات و نتائج ۱۵

غذائيں : پاكيزہ غذائيں ۳; غذاؤں سے استفادہ كى شرائط ۳

غذا كى فراہمي: غذا كى فراہمى ميں حفظان صحت كى اہميت ۵

قرآن كريم : قرآن كريم كے مخاطبين ۲

قسم : زوجہ كى طلاق كى قسم ۱۸

مباحات:۱

مباحات سے استفادہ ۷; مباحات كو حرام قرار دينا ۱۳; مباحات سے ممانعت۱۶;

محرمات: محرمات سے استفادہ ۱۴، ۱۶

نذر: گناہ كے ليئے نذر كرنا ۱۸

وسائل و نعمات: وسائل و نعمات سے اسفتادہ كرنا مباح ہے۷ ; مباح وسائل و نعمات كو حرام قرار دينا ۱۳

إِنَّمَا يَأْمُرُكُمْ بِالسُّوءِ وَالْفَحْشَاء وَأَن تَقُولُواْ عَلَى اللّهِ مَا لاَ تَعْلَمُونَ ( ۱۶۹ )

وہ بس تمھيں بد عملى اور بدكاريكا حكم ديتا ہے اور اس بات پر آمادہ كرتاہے كہ خدا كے خلاف جہالت كى باتيں كرتےرہو (۱۶۹)

۱ _ شيطان اپنے وسوسوں كے ساتھ انسانوں كو برّے اور مكروہ اعمال ( گناہان صغيرہ اور كبيرہ ) كى ترغيب دلاتاہے _

انما يامركم بالسوء والفحشاء ''امر'' كا معنى ہے حكم دينا _ آيہ مجيدہ ميں حكم اور موضوع كى مناسبت سے اس سے مراد وسوسہ و غيرہ ميں ڈالنا ہے_ ''فحشا'' ايسى برائي كو كہتے ہيں

جو حد سے بڑھى ہوئي ہو _ اسے گناہ كبيرہ كہا جاسكتاہے اور قرينہ مقابلہ كے ہوتے ہوئے ''سوئ'' سے مراد گناہ صغيرہ ہے _

۲ _ شيطان لوگوں كو ترغيب دلاتاہے كہ اللہ تعالى پر جھوٹ باندھيں ( بدعتيں ايجاد كريں اور احكام دين ميں تحريف كريں )_انما يامركم ان تقولوا على الله ما لا تعلمون

''قول'' اپنے مشتقات كے ساته جب بهى ''علي'' كے ساته متعدى هو تو '' نسبت دينا اور جهوٹ باندهنا'' كا معنى ديتاهے_

۳ _ حرام كو حلال سمجھنا اور حلال كو حرام خيال كرنا اللہ تعالى پر جھوٹ باندھنا ہے _يا ايها الناس انما يامركم ان تقولوا على الله ما لا تعلمون

۴ _ ہر چيز ( فعل ، گفتگو، صفت و غيرہ و غيرہ ) كى اللہ تعالى كى طرف نسبت دينا علم و يقين كى بنياد پر ہونا چاہيئے_

و ان تقولوا على الله ما لاتعلمون

۵ _ احكام دين كے بارے ميں بغير علم و آگاہى كے اظہار نظر كرنا (فتوى دينا ) ناپسنديدہ اور حرام فعل ہے _

و ان تقولوا على الله ما لا تعلمون

۶ _ شيطان كا برائيوں اور بدعتوں كى طرف دعوت دينا اس كى شيطنت كا ايك جلوہ اور انسانوں كے ساتھ اسكى دشمنى كى دليل ہے _انه لكم عدو مبين ، انما يامركم بالسوء والفحشاء و ان تقولوا على الله ما لا تعلمون يہ جملہ''انما يامركم ...'' اس جملہ ''انہ لكم عدو مبين'' كى دليل ہے يعنى تم انسانوں كے ساتھ شيطان كى دشمنى كى دليل و علامت يہ ہے كہ وہ تمہيں برائيوں كى ترغيب دلاتاہے_

۷_ لوگوں كو برائيوں كى طرف دعوت دينا شيطانى فعل ہے اور انسان كے دشمنوں كى آشنائي اور شناخت كا معيار ہے _انه لكم عدو مبين ، انما يامركم بالسوء والفحشاء اگر جملہ''انما يامركم'' اس جملہ ''انہ لكم عدو'' كے لئے استدلال ہو تو مذكورہ بالا مطلب اس سے نكلتاہے_

۸_ لوگوں كو بدعتوں كے ايجاد كرنے اور اللہ تعالى پر جھوٹ باندھنے پر آمادہ كرنا شيطانى كام ہے اور انسان كے دشمنوں كى شناخت كا معيار ہے _انه لكم عدو مبين ، انما يامركم ان تقولوا على الله ما لا تعلمون

۹_ شيطان انسانوں كو شرك اختيار كرنے پر ترغيب دلاتا ہے اور مشرك قائدين كے ساتھ دوستى اور ان كى اتباع پر تشويق دلاتاہے*و من الناس من يتخذ من دون الله انداداً انما يامركم بالسوء والفحشاء

ماقبل آيات كے قرينہ سے ''سوئ'' اور ''فحشائ'' كے مصاديق ميں سے شرك اختيار كرنا اور ہے_

۱۰_ بدكارياں كرنے والے اور فحشا و پليدياں اختيار كرنے والے شيطان كے پيروكار ہيں _لا تتبعوا خطوات الشيطان انما يامركم بالسوء و الفحشاء

۱۱_ حلال اور طيب نعمتوں سے پرہيز كرنا اور پليد و حرام

غذائيں كھانا برُے اور ناپسنديدہ افعال ہيں _كلوا مما فى الأرض حلالا طيبا انما يامركم بالسوء والفحشاء

۱۲_ اللہ تعالى پر جھوٹ باندھنے والے شيطان كے پيروكار اور اس كے نمائندے ہيں _

لا تتبعوا خطوات الشيطان انما يامركم ان تقولوا على الله ما لا تعلمون

احكام : ۵

اطاعت: مشرك قائدين كى اطاعت ۹

اللہ تعالى : اللہ تعالى كى طرف نسبت دينے كى شرائط ۴

اللہ تعالى پرجھوٹ باندھنے والے : ۱۲

انسان: انسان كے دشمن ۶

بدعت: بدعت كى تشويق ۸; بدعت كے عوامل ۲،۶

تحريف : تحريف كے عوامل ۲

جھوٹ باندھنا : اللہ تعالى پر جھوٹ باندھنا ۲،۳،۸; جھوٹ باندھنے پر تشويق كرنا ۸

حرام خورى : حرام خورى كا ناپسنديدہ ہونا۱۱

خبائث اور پليدياں : خبائث اور پليديوں سے استفادہ كرنا ۱۱

دشمن شناسى : دشمن شناسى كے معيارات ۷،۸

دوستى : مشرك قائدين سے دوستى ۹

شرك : شرك كى تشويق كرنا ۹; شرك كے عوامل ۹

شيطان : شيطان كا گمراہ كرنا ۹; شيطان كى فريب كارى و دغابازى ۱،۲،۶; شيطان كے پيروكار ۱۰،۱۲; شيطان كى تشويقات ۱،۲،۹; شيطان كى دشمنى ۶; شيطان كے نمائدے ۱۲; شيطان كا اہم كردار ۱،۲،۹

طيبات: طيبات سے اجتناب ۱۱

عمل: ناپسنديدہ عمل كى دعوت ۶،۷; شيطانى عمل ۷،۸; ناپسنديدہ عمل ۵،۱۱

فتوى دينا : بغير علم كے فتوى دينا حرام ہے ۵; فتوى دينے كى شرائط ۵

فحشاء : فحشاء كا ارتكاب كرنے والا ۱۰

گناہ : گناہ كى تشويق ۱; گناہ كے اسباب ۱

مباحات: مباحات كو حرام قرار دينا ۳

محرمات :۵ محرمات كو حلال قرار دينا ۳

يقين: يقين كى اہميت ۴

وَإِذَا قِيلَ لَهُمُ اتَّبِعُوا مَا أَنزَلَ اللّهُ قَالُواْ بَلْ نَتَّبِعُ مَا أَلْفَيْنَا عَلَيْهِ آبَاءنَا أَوَلَوْ كَانَ آبَاؤُهُمْ لاَ يَعْقِلُونَ شَيْئاً وَلاَ يَهْتَدُونَ ( ۱۷۰ )

جب ان سے كہا جاتا ہے كہ جو كچھخدا نے نازل كيا ہے اس كا اتباع كرو توكہتے ہيں كہ ہم اس كا اتباع كريں گے جسپر ہم نے اپنے باپ دادا كو پايا ہے _ كيايہ ايسا ہى كريں گے چاہے ان كے باپ دادابے عقل ہى رہے ہوں اور ہدايت يافتہ رہےہوں (۱۷۰)

۱ _ قرآن كريم اور اللہ تعالى كى جانب سے نازل شدہ احكام كى اتباع كرنا ضرورى ہے _اتبعوا ما انزل الله

۲ _ پيامبر اسلام (ص) تمام انسانوں كو قرآن كريم اور احكام الہى كى پيروى كى دعوت دينے والے ہيں _و اذا قيل لهم اتبعوا ما انزل الله

۳_قرآن كريم اور احكام اسلام كا الہى ہونا ان كے واجب الاتباع ہونے كى دليل ہے _اتبعوا ما انزل الله

''ما انزل اللہ'' ميں ''ما'' سے مراد قرآن حكيم اور احكام دين ہيں ان كى پيروى كا حكم دينے كے بعد جو فرمايا كہ يہ اللہ تعالى كى جانب سے ہيں يہ ان كے واجب الاتباع ہونے كى دليل ہے_

۴ _ پيامبر اسلام (ص) نے مشركين كو احكام الہى كى پيروى كرنے كى دعوت دى تو انہوں نے كہا ہم اپنے اسلاف كے آداب و اطوار اور رسوم و رواج كى اتباع كريں گے _و اذا قيل لهم اتبعوا قالوا بل نتبع ما الفينا عليه آباء نا ''الفينا'' كا مصدر'' الفائ'' اسكا معنى ہے پانا _

۵ _ پيامبر اسلام (ص) كى دعوت كو قبول نہ كرنا اور قرآن و دين كے احكام كى پيروى نہ كرنے كے عوامل ميں سے ايك اپنے اسلاف كے آداب و اطوار پر انحصار كرنا اور اسى پر باقى رہنے پر اصرار كرنا ہے _قالوا بل نتبع ما الفينا عليه آبائنا

۶ _ نسلى اور قبائلى تعصبات ناپسنديدہ اور مكروہ چيز ہے جو حق كو قبول نہ كرنے كى زمين فراہم كرتے ہيں _

و اذا قيل لهم اتبعوا ما انزل الله قالوا بل نتبع ما الفينا عليه آباء نا

۷_ نسلوں كى گمراہى يا ہدايت ميں اقوام كے آداب و اطوار اور رسوم اثر انداز ہوتى ہيں _قالوا بل نتبع ما الفينا عليه آباء نا

۸_ انسانوں كو قرآن كريم اور احكام دين سے روكنے كے لئے اندھى تقليد شيطانى حيلوں اور سازشوں ميں سے ہے _

لا تتبعوا خطوات الشيطان و اذا قيل لهم اتبعوا ما انزل الله قالوا بل نتبع ما الفينا عليه آباء نا

'' بل نتبع ...'' سے مراد اندھى تقليد ہے ماقبل آيات كى روشنى ميں يہ '' خطوات الشيطان'' كا ايك مصداق ہے _اندھى تقليد كا مفہوم جملہ''و لو كان آباؤہم ...'' سے استفادہ ہوتاہے _

۹_ زمانہ بعثت كے لوگوں كا شرك اختيار كرنا اور بعض حلال اشياء كو حرام قرار دينا اسكى بنياد ان كى اپنے اسلاف كى تقليد تھي_كلوا مما فى الأرض ...و اذا قيل لهم اتبعوا قالوا بل نتبع ما الفينا عليه آباء نا

آيت ۱۶۵ ، ۱۶۸ كى روشنى ميں ''ما الفينا عليہ آبائنا''كے مورد نظر مصاديق شرك اختيار كرنا اور بعض حلال اشياء كو حرام جانناہے_

۱۰_ احمقوں اور ناقابل ہدايت لوگوں كى پيروى اور تقليد كرنا ناپسنديدہ اور مكروہ عمل ہے _او لو كان آباؤهم لا يعقلون شيئا و لا يهتدون

۱۱_ قرآن حكيم اور احكام الہى كى اتباع كرنا عاقلانہ امر ہے _اتبعوا ما انزل الله او لو كان آباؤهم لا يعقلون شيئا و لا يهتدون قرآن حكيم اور احكام الہى كى پيروى كو ضرورى قرار دينا اور پھر مشركين كى اپنے گمراہ و احمق اسلاف كى پيروى كرنے كى روش كو غير منطقى قرار دينا اور اس پر تنقيد كرنا يہ اس مطلب كو بيان كررہاہے كہ قرآن حكيم اور احكام الہى كى اتباع كرنا ايك عاقلانہ معاملہ ہے _

۱۲ _ اللہ تعالى كى جانب سے نازل ہونے والے احكام ہدايت كرنے والے ہيں _

و اذا قيل لهم اتبعواما انزل الله او لو كان آباؤهم لا يعقلون شيئاً و لا يهتدون

۱۳ _ قرآن كريم نے مخالفين كو منطق و ا ستدلال كے

ساتھ مخاطب قرار ديا ہے_اولوكان آباؤهم لا يعقلون شيئاً و لا يهتدون

۱۴ _ عقل كى قدر و منزلت اور اسكى پيروى _او لو كان آباؤهم لا يعقلون شيئا

۱۵ _ عقل اور دين ہم جہت و ہم آہنگ ہيں _اتبعوا ما نانزل الله او لو كان آباؤهم لا يعقلون شيئا

۱۶ _ انسانوں كى ہدايت قبول كرنے ميں عقل ايك سرمايہ ہے _او لو كان آباؤهم لا يعقلون شيئاً و لا يهتدون

۱۷_ شرك اختيار كرنا حماقت كى دليل ہے _او لو كان آباؤهم لا يعقلون شيئاً

۱۸_ ہدايت يافتہ اور صاحب عقل انسانوں كى تقليد يا پيروى كرنا بے جا نہيں ہے _او لو كان آباؤهم لا يعقلون شيئا و لا يهتدون يہ جملہ '' او لو كان ...'' بيان كررہاہے كہ فقط تقليد كرنے كو رد نہيں كيا جاسكتا بلكہ وہ تقليد قابل مذمت ہے جس ميں وہ شخص جسكى تقليد كى گئي ہے اہل فہم و خرد اور ہدايت يافتہ نہ ہو_

۱۹_ اسلاف كى تقليد كرنا جاہلانہ اور غير منطقى و تيرہ ہے _قالوا بل نتبع ما الفينا عليه آباء نا او لو كان آباؤهم لا يعقلون

احكام : احكام كا وحى ہونا ۳

اسلاف: اسلاف كى پيروى كے نتائج۹; اسلاف كے آداب و رسوم كى پيروى كرنا ۴،۵

اسلام: اسلام كى پيروى كے دلائل ۳; اسلام كا وحى ہونا ۳

اطاعت: شيطان كى اطاعت ۸

پيامبر اسلام (ص) : پيامبر اسلام (ص) كى تعليمات سے منہ موڑنا ۵; پيامبر اسلام (ص) كى دعوت ۲

تعصب: تعصب كے اثرات و نتائج ۶; نسلى تعصب ۶

قومى تعصب ۶; تعصب كا ناپسنديدہ ہونا ۶

تعقل: تعقل نہ ہونے كى علامتيں ۱۷

تقليد: اندھى تقليد كے نتائج ۸; احمقوں كى تقليد ۱۰; عقلاء كى تقليد ۱۸; گمراہوں كى تقليد ۱۰; ہدايت يافتہ