امامين حسنين عليهما السلام ثقافتى اور فکر اسلامى - نيٹ ورک

تفسير راہنما جلد ۲

٢۔ علم و حکمت:

حضرت علی ـاس سلسلہ میں فرماتے ہیں: ''جو شخص حکمت سے آگاہ ہے اس کو نگاہیں ہیبت اور وقار کی نظر سے دیکھتی ہیں ''۔(١)

٣۔ حلم:

حضرت علی ـسے منقول ہے: ''حلم وقا رکا باعث ہے '' ۔(٢)

٤۔سکوت:

حضرت علی ـ فرماتے ہیں: ''زیادہ خاموشی انسان کے وقار میں اضافہ کرتی ہے ''۔(٣) نیز مومنین اور پرہیز گاروں کی خصوصیات کے سلسلہ میں فرماتے ہیں: '' اے ہمام ! مومن زیادہ سے زیادہ خاموش رہتا ہے اور باوقار ہوتا ہے ''۔(٤)

٥۔ تواضع و فروتنی:

حضرت علی ـ اس سلسلہ میں فرماتے ہیں: ''فروتنی تم پر بزرگی اور شان و شوکت کا لباس پہناتی ہے '' ۔(٥) اسی طرح روایات میںدوسرے اسباب جیسے آہستہ گفتگو کرنا(٦) وغیرہ بیان ہوا ہے کہ اختصار کی وجہ سے انھیںہم ذکر نہیں کررہے ہیں۔ آیات و روایات میںاطمینان قلب کے لئے بہت سے اسباب و علل بیان کئے گئے ہیں کہ ان میں سب سے اہم درج ذیل ہے:

١۔ ازدواج:

قرآن کریم اس سلسلہ میں فرماتا ہے: ''اس کی نشانیوں میں سے یہ ہے کہ اس نے تم ہی میں سے تمہارے جوڑوں کو تمہارے لئے خلق فرمایا تاکہ ان سے سکون حاصل کرواور تمہارے درمیان محبت ورحمت قرار دی۔ ہاں، اس (نعمت ) میں صاحبان عقل و فکر کے لئے یقینا ً نشانیاںہیں''۔(٧) دوسری جگہ فرماتا ہے: ''وہ ایسی ذات ہے جس نے تم کو ایک نفس سے خلق فرمایا اور اس سے جوڑے پیدا کئے تاکہ اس سے سکون حاصل کرو'' ۔(٨)

٢۔ عدالت:

حضرت فاطمہ زہرا ٭ فرماتی ہیں: ''خداوند عالم نے ایمان کو شرک دور کرنے کا ذریعہ....... اور عدالت کو دلوں کے سکون کا باعث قرار دیا ہے ''۔(٩)

____________________

١ ۔ کلینی، کافی، ج ٨، ص ٢٣، ح ٤، اور ملاحظہ ہو : صدوق، علل الشرائع، ج ١، ص ١١٠، ح ٩ ؛ مجلسی، بحار لا نوار، ج ١، ص ١١٧تا ١٢٤۔٢۔ آمدی، غرر الحکم، حکمت ٥٥٣٤۔ ٣۔ کلینی، کافی، ج ٢، ص ٢٢٦، ح ١۔ ٤۔ ایضاً۔٥۔ آمدی، غرر الحکم، ح ٤١٨٤۔ ٦۔ کافی، ج٥، ص٣٩،ح٤۔٧۔ سورئہ روم، آیت ١ ٢۔ ٨۔ سورئہ اعراف، آیت ١٨٩۔ ٩۔ صدوق، من لا یحضر الفقیہ،ج٣، ص٥٦٨،ح٤٩٤٠۔ علل الشرایع، ص٢٤٨، ح٢۔ طبرسی، احتجاج، ج١،ص١٣٤۔

٣۔ایمان:

حضرت امام جعفر صادق ـنے فرمایا: ''کوئی مومن نہیں ہے مگر یہ کہ خداوندعالم اس کے ایمان کے نتیجہ میں اس کے لئے ایک انس قرار دیتا ہے کہ جس سے وہ سکون حاصل کرتا ہے، اس طرح سے کہ اگر وہ پہاڑ کی چوٹی پر بھی ہو تو اپنے مخالفین سے وحشت نہیں رکھتا''۔(١) واضح ہے کہ اس سکون و اطمینان کا درجہ ایمان کے اعتبار سے ہے، جتنا ایمان کا درجہ زیادہ ہوگا اس سے حاصل شدہ سکون بھی زیادہ پایدار ہوگا۔

٤۔ خدا کی یاد:

قرآن کریم میں مذکور ہے: '' وہ لوگ جو ایمان لا چکے ہیںاور ان کے دل یاد الہی سے مطمئن ہیں آگاہ ہوجائیں کہ یاد الہی سے دلوں کو اطمینان نصیب ہوتا ہے ''۔(٢)

٥۔ حق تک پہنچنا:

حضرت امام جعفر صادق ـ نے فرمایا:'' انسان کا دل ہمیشہ حق کی تلاش و جستجو میں مضطرب اور پریشان رہتاہے اور جب اسے درک کرلیتا ہے تو مطمئن ہو جاتا ہے ''۔(٣) اس لحاظ سے شک وتردید کے علائم میں سے ایک اضطراب اور عدم سکون ہے کہ یہ بھی ایک قسم کا ذہنی درد و الم ہے۔ اُن تمام مذکورہ موارد کا فقدان جو سکون و وقار کے اسباب و علل میں شمار کئے گئے ہیں ان دونوں کے تحقق کے موانع شمار ہوتے ہیں مگر چونکہ بعض دیگر امور روایات میں سکون و وقار کے موانع کے عنوان سے ذکر کئے گئے ہیں لہٰذا ذیل میںان میں سے اہم ترین امور کی طرف اشارہ کیا جا رہا ہے:

۱۔ لوگوں سے سوال و درخواست کرنا:

حضرت امام زین العابدین ـ اس سلسلہ میں فرماتے ہیں: ''لوگوں سے سوال کرنا انسان کی زندگی کو ذلت وخواری سے جوڑ دیتا ہے، حیا کو ختم کردیتا اور وقار کو کم کردیتا ہے ''۔(٤) حضرت امام جعفر صادق ـ نے فرمایا: ''فقیر انسان میں ہیبت و عظمت کا وجود محال ہے

۲۔ حد سے زیادہ ہنسنا اور ہنسی مذاق کرنا:

حضرت علی ـ نے فرمایا: ''جو زیادہ ہنستا ہے اس کی شان و شوکت کم ہوجاتی ہے ''۔ رسولخدا فرماتے ہیں: ''زیادہ ہنسی مذاق کرنا انسان کی آبرو کو ختم کردیتا ہے''۔(٥)

____________________

١ ۔ مجلسی، بحار لا نوار ج ٦٧، ص ٨ ٤ ١، ح ٤۔ ٢۔ رعد ، ٢٨۔ ٣۔ کلینی، کافی، ج ٢، ص٤٢١، ح ٥۔ ٤ ۔ مجلسی، بحار لا نوار، ج ٧٨، ص ١٣٦، ح ٣و ج ٧٥، ص ١٠٨۔

٥ ۔ کلینی، کافی، ج ٨، ص٢٢، ح ٤، اور ملاحظہ ہو حرانی، تحف العقول، ص ٩٦۔

نیز حضرت علی ـ سے وصیت فرماتے ہیں : ''ہنسی مذاق کرنے سے اجتناب کروکیونکہ تمہاری شان و شوکت اور عظمت ختم ہوجائے گی ''۔(١) حضرت علی ـ نے بھی فرمایا ہے: ''جو زیادہ ہنسی مذاق کرتا ہے وہ کم عقل شمار ہوتا ہے''۔(٢)

٣۔ مال، قدرت،علم، تعریف اور جوانی سے سر مست ہونا:

حضرت علی ـ کی طرف منسوب بیان کے مطابق عاقل انسان کو چاہیے کہ خود کو مال، قدرت، علم، ستائش و جوانی کی سرمستی سے محفوظ رکھے، کیونکہ یہ سر مستی انسان کی عقل کو زائل کردیتی ہے اوراس کے وقارکو ختم کردیتی ہے۔(٣)

٤۔ جلد بازی:

جلد بازی سے مراد کسی کام کو بغیر سونچے سمجھے انجام دینا ہے۔ حضرت علی ـ مالک اشتر کو لکھتے ہیں: ہر گز کسی ایسے کام میں جلد بازی نہ کرو جس کا ابھی وقت نہ ہوا ہو! یا جس کام کا وقت ہوچکا ہو اس کے کرنے میں سستی نہ دکھاؤ! کوشش کروکہ ہر کام کو اس کے موقع و محل اور اس سے مخصوص وقت میں ہی انجام دو''۔(٤) ایک دوسرے موقع پر فرماتے ہیں: '' کسی کام میں جب تک کہ واضح نہ ہو اس کے کرنے میں جلد بازی نہ کرو''۔(٥) اور فرماتے ہیں: اس چیز میں جس میںخدا نے جلد بازی لازم نہیں قرار دی ہے اس میںجلد بازی نہ کرو ۔ ''(٦)

اسلام کے خلاقی نظام میںجلد بازی ہمیشہ نا پسندنہیں ہے، بلکہ بعض امور میں اس کی تاکید بھی کی گئی ہے، لیکن درج ذیل موارد میں جلد بازی سے روکا گیا ہے جیسے سزادینے، جنگ و خونریزی کرنے، کھانا کھانے، نماز تمام کرنے اور غور خوص کرنے میں جلد بازی سے منع کیا گیا ہے۔ نیکیوں، خدا کی خوشنودی، توبہ، عمل صالح اور تحصیل علم وغیرہ کے لئے جلد بازی کی تاکید کی گئی ہے۔ قرآن کریم نیک امور کی جانب سبقت کرنے کی تاکید فرماتا ہے: '' نیک کاموں میںایک دوسرے پر سبقت کرو''۔(٧)

____________________

١۔ صدوق، امالی، ص ٣ ٢٢، ح ٤۔ اختصاص، ص ٢٣٠ ؛ کلینی، کافی، ج ٢، ص ٦٦٤، ح ٦، اور ٦٦٥، ح١٦۔

٢۔ کلینی، کافی، ج ٨، ص٢٢، ح ٤۔ حرانی، تحف العقول، ص ٦٩۔ ٣۔ آمدی، غرر الحکم، ح ٩٤٨ ١٠۔

٤۔ نہج البلاغہ، نامہ ٥٣۔ ٥۔ نہج البلاغہ، خطبہ ١٧٣۔ ٦ْ۔ ایضاً، خطبہ ٠ ١٩۔ ٧۔ سورئہ بقرہ، آیت ٤٨ اور سورئہ مائدہ، آیت ٨ ٤۔

دو۔ نفس کے لئے خطر ناک شئی

نفس کے لئے خطر ناک شئی اس کا ضعیف ہونا ہے جس کے مضر اثرات ہیں اور یہ نفس کے موانع میںشمار ہوتے ہیں۔ ان میں سے بعض اثرات جیسے عدم ثبات، پست ہمتی، غیرت و حمیت کا نہ ہونا ان مباحث کے ضمن میں جو قوت نفس کے علائم میںبیان ہوئے ہیں، آشکار ہوگئے۔ یہاں پر ایک دوسرا مانع یعنی ''تہاون'' اور ''مداہنہ ''کا ذکر اس کی اہمیت کی بنا پر کیا جا رہا ہے۔

''مداہنہ'' سے مراد امر بالمعروف اور نہی عن المنکر میں نرمی، کوتاہی اور سستی سے کام لینا ہے''۔(١) امر

با لمعروف اور نہی عن المنکر میں سستی اور کوتاہی یا نفس کے ضعیف ہونے سے پیدا ہوتی ہے یا اس شخص کے مال اور اعتبار میں دنیوی طمع و آرزو کی وجہ سے جس کی نسبت سستی اور کوتاہی کو روا رکھتا ہے۔(٢)

آیات وروایات میں دین میں نرمی اور کوتاہی کرنے کی شدت کے ساتھ مذمت کی گئی ہے اور اس کے نقصان دہ اثرات بیان کئے گئے ہیں ، جیسا کہ خدا وندعالم کفارو مشرکین کی سرزنش کرتے ہوئے فرماتا ہے: ''وہ چاہتے ہیں کہ تم نرمی سے کام لو تو وہ بھی نرمی سے کام لیں ''۔(٣) یعنی طرفین میںسے ہر ایک دوسرے کے دین سے متعلق سہل انگاری اور نرمی سے کام لے۔(٤ ) حضرت علی ـ اس سلسلہ میں فرماتے ہیں: '' میری جان کی قسم، حق کے مخالفین گمراہی و فساد میں غوطہ لگا نے والوں سے ایک آن بھی مقابلہ و جنگ کرنے میں سستی نہیں کروں گا''۔(٥) حضرت امام محمد باقر ـ فرماتے ہیں: '' خداوند سبحان نے حضرت شعیب کو وحی کی کہ تمہاری قوم میں سے ایک لاکھ افراد پر عذاب نازل کروں گا، ان میں سے ٤٠ ہزار افراد برے ہیں اور ٦٠ ہزار ان کے برگزیدہ ہیں۔ حضرت شعیب نے پوچھا: خدایا ! اخیار اور برگزیدہ افراد کا جرم و گناہ کیاہے ؟ تو خداوند سبحان نے جواب دیا: ان لوگوں نے گناہگاروں کے مقابل سستی اور نرمی سے کام لیا ہے اور میرے ناراض ہونے سے وہ ان پر ناراض نہیں ہوئے ''۔(٦)

____________________

١۔ راغب اصفہانی، مفردات الفاظ القرآن، ص ١٧٣ ؛ طریحی، مجمع البحرین، ج ١، ص ٦٦ ؛ ابن منظور، لسان العرب، ج١٣، ص ٢ ١٦ ؛ مجلسی ،بحار الانوار، ج ٧٥، ص ٢٨٢۔ ٢۔ نراقی، محمد مہدی، جامع السعادات، ج ٢، ص ٢٣٢ تا٢٤٠۔ ٣۔ قلم ٩۔

٤۔ طباطبائی، المیزان، ج١٩، ص ٣٧١۔ ٥۔ نہج البلاغہ، خطبہ ٢٤۔

٦۔ تہذیب، طوسی، ج ٦، ص ١٨١ ،ح ٣٧٢ ؛ کلینی، کافی، ج ٥، ص ٥٦، ح ١۔

دین میں سستی ،سہل انگاری اور کوتاہی سے متعلق روایات میں جو نقصان دہ اور ضرر رساں اثرات بیان کئے گئے ہیں ان میں سے انسانی سماج کی گراوٹ، فسادو تباہی، گناہ و عصیان کی زیادتی، سزا ودنیوی اور اخروی عذاب اور دنیا وآخرت میں نقصان وخسارہ کی طرف اشارہ کیا جا سکتا ہے۔(١)

٢۔ حلم و برد باری اور غصہ کا پینا

'' حلم '' عربی زبان میں امور میں تامل، غوروفکر، تدبیر کرنے اور جلد بازی نہ کرنے کو کہتے ہیں۔ '' حلیم '' اس انسان کو کہتے ہیں جو حق پر ہونے کے باوجود جاہلوں کو سزا دینے میں جلد بازی نہ کرے اور مقابل شخص کی جاہلانہ رفتار سے وجود میں آنے والے غیض وغضب سے اپنے کو قابو میں رکھے۔(٢) بعض علماء اخلاق حلم کو اطمینان قلبی اور اعتماد نفس کا ایک درجہ خیال کرتے ہیں کہ اس کا مالک انسان آسانی سے غضبناک نہیں ہوتا اور ناگوار حوادث جلدی اسے پریشان اور مضطرب نہیں کرتے۔ اس وجہ سے حلم کی حقیقی ضد غضب ہے، کیونکہ حلم اصولی طور پر غضب کے وجود میں آنے سے مانع ہوجاتا ہے۔ حلم اور '' کظم غیظ '' ( غصہ کو پینے ) کے درمیان فرق کے بارے میں کہا گیا ہے کظم غیظ صرف خشم و غضب کے پیدا ہوجانے کے بعد اسے ضبط کر کے ٹھنڈا کردیتا ہے جب کہ حلم بے جا غیض و غضب کے پیدا ہونے سے مانع ہوتا ہے، پس حلم غیض و غضب کو پیدا ہی نہیں ہونے دیتا ''کظم غیظ '' اس کے پیدا ہونے کے بعد اس کے علائم کے ظاہر ہونے کو روک کر درحقیقت اس کا علاج کرتا ہے۔(٣)

قرآن کریم میں حلم ١٠ بار سے زیادہ خداوندسبحان کے صفات میں شمار کیا گیا ہے کہ ان موارد میں نصف سے زیادہ ''غفور'' اور ''حلیم '' ایک ساتھ ذکر ہوا ہے۔(٤)

____________________

١۔ کلینی، کافی، ج ١، ص ٤٥، ح ٦، اور ج ٨، ص ٤ ٣ ١، ح ١٠٣، اور ص ١٢٨، ح ٩٨ ؛ حرانی، تحف العقول، ص ١٠٥، ٧ ٣ ٢؛ نہج البلاغہ، خ ٨٦، ٢٣٣؛ شیخ مفید، ارشاد، ص ٩٢۔

٢۔ ابن اثیر، نہایہ، ج ١، ص ٣٤ ٤، ؛ ابن منظور، لسان العرب، ج ١٢، ص ١٤٦ ؛ راغب اصفہانی، مفردات الفاظ القرآن، ص ١٢٩، مجمع البحرین، ج ١، ص ٥٦٥۔ اور فیض کاشانی، ملا محسن، المحجةالبیضائ، ج ٥، ص ٣١٠۔

٣۔ نراقی، محمد مہدی، جامع السعادات، ج ١، ص ٥ ٢٩، ٢٩٦۔

٤۔ عبد الباقی، محمد فؤاد، المعجم المفہرس لالفاظ القرآن الکریم، ص ٢١٦، ٢١٧۔

اسلام کے اخلاقی نظام میںحلم اور بردباری کی قدر و منزلت اس درجہ بلند ہے کہ لوگوں کی رہبری و امامت کے ایک لوازم میں شمار کیا گیا ہے۔ رسول خدا فرماتے ہیں: ''امامت اوررہبری تین خصوصیات کے مالک افراد کے علاوہ کسی کے لئے سزاوار نہیں ہے، ایسا تقویٰ جو اسے خدا کی نافرمانی سے روکے، ایسا حلم وبرد باری جس کے ذریعہ وہ اپنے غصہ کو کنٹرول کرے اور لوگوں پر ایسی پسندیدہ حکمرانی کہ ان کے لئے ایک مہربان باپ کی طرح ہو''۔(١) حضرت علی ـ نے فرمایا: '' حلم ڈھانکنے والا پردہ اور عقل شمشیر براں ہے، لہٰذا اپنی اخلاقی کمی کو برد باری سے چھپاؤ اور اپنی نفسانی خواہشات کو عقل کی شمشیر سے قتل کرڈالو ''۔(٢) یعنی انسان کی اخلاقی کمی کے لئے حلم ایک پردہ ہے۔ دوسری جگہ حلم کو عزت کا بلند ترین مرتبہ(٣) عاقلوں کی سرشت ،(٤) اور قدرت کی علامت(٥) تصور کیا گیا ہے۔ کظم غیظ اور غصہ کو پینا در حقیقت تحلّم اور زحمت و کلفت کے ساتھ حلم اختیار کرنا ہے۔ اس وجہ سے کظم غیظ اہمیت کے اعتبار سے حلم سے کم درجہ رکھتا ہے، اگر چہ اپنی جگہ اہم اور قابل تعریف ہے۔ قرآن کریم کظم غیظ کو متقین کی صفت اور ایک قسم کی نیکی اور احسان جانتاہے۔ قرآن فرماتا ہے: ''اپنے پروردگار کی عفو و بخشش اورایسی بہشت کی طرف سبقت کرو جس کی وسعت آسمانوں اور زمین کے برابر ہے اور وہ ان پرہیز گاروں کے لئے آمادہ کی گئی ہے ۔(٦) وہ لوگ جو فراخی اور تنگی حالتوں میں انفاق کرتے ہیں اور اپنے غصہ کو پی جاتے ہیں اور لوگوں کو معاف کرنے والے ہیں، اور خدا وند عالم احسان کرنے والوں کو دوست رکھتا ہے''۔ پیغمبر اکرم نے غصہ کے پینے کی فضیلت میں فرمایا ہے: ''خدا تک انسان کے پہنچنے کے محبوب ترین راستے دو گھونٹ نوش کرنا ہے،ایک غصّہ کا گھونٹ جو حلم وبردباری کے ساتھ پیاجاتا ہے اور غصّہ بر طرف ہوجاتا ہے، دوسرا مصیبت کا گھونٹ کہ جو صبر وتحمّل سے زائل ہوتا ہے ''(٧)

____________________

١۔ کلینی، کافی، ج ١، ص ٤٠٧، ح ٨۔ ٢۔ نہج البلاغہ، حکمت ٤٢٤۔٣۔ کلینی، کافی ج ٨، ص ١٩، ح ٤۔

٤۔ صدوق، فقیہ، ج ٤، ص ٢٧٤، ح ٨٢٩۔٥۔ صدوق، خصال، ج ١، ص ١١٦، ح ٩٦۔

٦۔ سورئہ آل عمران، آیت ٣٣ ١ ، ١٣٤۔٧۔ کلینی، کافی، ج ٢، باب کظم غیظ، ح ٩۔

حضرت امام جعفر صادق ـ نے اس سلسلہ میں فر مایا ہے: ''جو کوئی ایسے خشم وغضب کو کہ جسے وہ ظاہر کرسکتا ہے پی جائے تو قیامت کے دن خدا وند تعالیٰ اپنی رضا سے اس کے دل کو پرکردے گا ''(١)

الف۔ حلم اور کظم غیظ کے اسباب و موانع:

روایات میں علم، عقل، فقہ، تحلم، بلند ہمتی اور حلیم و برد بار افراد کی ہمنشینی کو حلم اختیار کرنے کے اسباب و علل میں ذکر کیا گیا ہے، جیسا کہ حضرت امام علی رضا ـ فرماتے ہیں: ''فقاہت کی علامتوں میں سے حلم اور سکوت ہے''۔(٢)

نیز حضرت علی ـ فرماتے ہیں: ''اگر تم واقعاً حلیم نہیں ہو تو حلم کا اظہار کرو کہ بہت کم ایسا ہوتا ہے کہ کوئی کسی قوم کی شباہت اختیار کرے اور ان میں سے نہ ہوجائے''۔(١) اسی طرح آپ نے فرمایا: ''حلم اور صبر دونوں جڑواں ہیں اور دونوں ہی بلند ہمتی کا نتیجہ ہیں ''۔(٢) اس کے مقابل کچھ صفات ایسے ہیں جو حلم و برد باری کے موانع کے عنوان سے ذکر کئے گئے ہیں کہ ان میں سے سفاہت ، بیوقوفی، حماقت ، دُرشت مزاجی، تند خوئی، غیض وغضب، ذلت وخواری اور ترش روئی کی طرف اشارہ کیا جا سکتا ہے۔(٣)

ب۔حلم و برد باری کے فوائد:

اخروی جزا کے علاوہ آیات و روایات میں دنیوی فوائد بھی حلم و برد باری کے بیان کئے گئے ہیں۔ یہ فوائد خواہ انسان کی انسانی زندگی میں نفسانی صفات اور عملی صفات ہوں خواہ ا نسان کی اجتماعی زندگی کے مختلف ادوار میںظاہر ہوں، ان میں سب سے اہم فوائد یہ ہیں: سکون قلب، وقار، نجابت، رفق ومدارا، صبر، عفو و بخشش، خاموشی، سزادینے میںجلد بازی نہ کرنا، اور خندہ روئی فردی فائدے کے عنوان سے اور کرامت وبزرگواری، کامیابی ،صلح و آشتی، ریاست و بزرگی، لوگوں کے دلوں میں محبوبیت اور پسندیدہ وخوشگوارزندگی حلم و برد باری کے اجتماعی فوائد ہیں ۔ان میں سے بعض فوائد پر اس کے پہلے بحث ہوچکی ہے اور بعض دیگر ایک قسم کی رفتار (عمل) ہیں کہ عملی صفات کے بیان کے وقت ان میں سے بعض کا ذکر کریں گے۔

____________________

١۔کلینی، کافی، ج ٢، باب کظم غیظ، ح ٦۔ ٢۔ کلینی، کافی، ج ١، ص ٣٦، ح ٤۔٣۔ نہج البلاغہ، حکمت ٧ہ٢؛ کلینی، کافی، ج ٢، ص١١٢، ح ٦، ص ٢٠، ح ٤ اور تحف ا لعقول، ص ٦٩۔٤۔ نہج البلاغہ، حکمت ٤٦٠۔٥۔ صدوق، خصال، ج ٢، ص ٤١٦، ح ٧ ؛ مجلسی، بحار الانوار، ج ١٣، ص ٤٢١، ح ١٥ ؛ غرر الحکم، ح ٢٠٠٩ اور ٣٩٤٠ ؛نراقی، جامع السعادات، ج ١، ص ٢٧٥ اور ٢٩٥ ؛ فیض کاشانی، المحجة البیضائ، ج١٥، ص ٢٨٨، ٣٠٨۔

٣۔ حیا

حیا نفسانی صفات میںایک اہم صفت ہے جو ہماری اخلاقی زندگی کے مختلف شعبوں میں بہت زیادہ اثر رکھتی ہے۔ اس تاثیر کا اہم ترین کردار خود کو محفوظ رکھنا ہے۔ '' حیا'' لغت میں شرم وندامت کے مفہوم میںہے اور اس کی ضد ''وقاحت'' اور بے حیائی ہے۔(١) علماء اخلاق کی اصطلاح میں حیا ایک قسم کا نفسانی انفعال اور انقباض ہے جو انسان میں نا پسندیدہ افعال کے انجام نہ دینے کاباعث بنتا ہے اور اس کا سر چشمہ لوگوں کی ملامت کا خوف ہے۔(٢)

آیات و روایات میں ''حیا '' کے مفہوم کے بارے میں مطالعہ کرنا بتاتا ہے کہ اس حالت کی پیدائش کا مرکز ایک آ گا ہ ناظر کے سامنے حضور کا احساس کرنا ہے، ایسا ناظر جو محترم اورگرامی قدر ہے۔ اس مفہوم کو کتاب و سنت میں مذکور حیا کے مسائل اور ابواب میں بخوبی مشاہدہ کیا جا سکتا ہے۔ یہ مفہوم حیا کی تمام اقسام کے درمیان ایک مشترک مفہوم ہے اس وجہ سے حیا کے تین اصلی رکن ہیں: فاعل، ناظر اور فعل۔ حیا میں فاعل وہ ہے جو نفسانی کرامت و بزرگواری کا مالک ہے۔ ناظروہ ہے کہ جس کی قدرو منزلت فا عل کی نگاہ میںعظیم اور قابل احترام ہے اور فعل جو کہ حیا کے تحقق کا تیسرا رکن ہے، برا اور ناپسنددیدہ فعل ہے لہٰذا نتیجہ کے طور پر ''حیا ''''خوف '' و '' تقویٰ '' کے درمیان فرق کے بارے میں کہا جاسکتا ہے کہ حیا میں روکنے والا محور ایک محترم اور بلند مرتبہ ناظر کے حضور کو درک کرنا اور اس کی حرمت کی حفاظت کرنا ہے، جبکہ خوف وتقویٰ میں روکنے والا محور، خدا کی قدرت کا درک کرنا اور اس کی سزا کا خوف ہے۔

قابل ذکر ہے کہ حیا کا اہم ترین کردار اور اصلی جوہر برے اعمال کے ارتکاب سے روکنا ہے، لامحالہ یہ رکاوٹ نیک اعمال کی انجام دہی کا باعث ہوگی۔ اسی طرح یہ بات قابل توجہ ہے کہ حیا مختلف شعبوںمیںکی جاتی ہے کہ اس کی بحث اپنے مقام پر آئے گی، جیسا کہ عورتوں کی حیا '' اخلاق جنسی'' میں، گھرمیں حیا کی بحث '' اخلاق خانوادہ ''میں اور دوسروں سے حیا '' اخلاق معاشرت '' میں مورد تحقیق قرار دی جائے گی۔ یہاں پر حیا سے متعلق صرف عام اور کلی مباحث ذکر کررہے ہیں۔

____________________

١۔ ابن منظور، لسان العرب، ج٨، ص ٥١ ؛ مفرادات الفاظ قرآن کریم، ص ٢٧٠ اور ابن اثیر نہایہ، ج ١، ص ٣٩١۔

٢۔ ابن مسکویہ، تہذیب الاخلاق، ص ٤١، ؛طوسی اخلاق نا صری، ص ٧٧۔

الف۔ حیا کی اہمیت:

رسول خدا حیا کو انسان کی زینت شمار کرتے ہوئے فرماتے ہیں: ''بے حیائی کسی چیز کے ہمراہ نہیں ہوئی مگر یہ کہ اس کو نا پسند اور برا بنا دیا، اور حیا کسی چیز کے ہمراہ نہیں ہوئی مگر یہ کہ اسے اس نے آراستہ کردیا ''۔(١) حضرت علی ـ نے بھی فرمایا ہے: ''جو حیا کا لباس پہنتا ہے کوئی اس کا عیب دیکھ نہیں پاتا''۔ (٢ ) اور دوسرے بیان میں فرماتے ہیں: ''حیا اختیار کروکیونکہ حیا نجابت کی دلیل و نشا نی ہے''۔(٣) حضرت امام جعفر صادق ـ حیا کے مرتبہ کو اخلاقی مکارم میں سر فہرست قرار دیتے ہوئے فرماتے ہیں: ''مکارم اخلاق میں ہر ایک دوسرے سے مربوط اور جڑے ہوئے ہیں، خدا وندعالم ہر اس انسان کو جو ان مکارم اخلاق کا طالب ہے دیتا ہے، ممکن ہے کہ یہ مکارم ایک انسان میں ہو لیکن اس کی اولاد میں نہ ہو، بندہ میں ہو لیکن اس کے آقا میں نہ ہو (وہ مکارم یہ ہیں ) صداقت و راست گوئی، لوگوںکے ساتھ سچائی برتنا، مسکین کو بخشنا، خوبیوںکی تلافی، امانت داری، صلہ رحم، دوستوں اور پڑوسیوںکے ساتھ دوستی اور مہربانی ،مہمان نوازی اور ان سب میں سر فہرست حیا ہے۔(٤) حضرت علی ـ نے حیا کے بنیادی کردار کے بارے میں فرمایا: ''حیا تمام خوبصورتی اور نیکی تک پہنچنے کا وسیلہ ہے''۔(٥) حیا کی اہمیت اتنی زیادہ ہے کہ حضرت امام جعفر صادق ـ نے فرمایا: ''جو حیا نہ رکھتا ہو اس کے پاس ایمان نہیں ہے''۔(٦) رسول اکرم کی سیرت کے بارے میں منقول ہے کہ آنحضرت جب بھی لوگوں سے بات کرتے تھے تو عرق شرم (حیا کا پسینہ ) آپ کی پیشانی پر ہوتا تھا اور کبھی ان سے آنکھیں چار نہیں کرتے تھے۔(٧)

____________________

١۔ شیخ مفید، امالی، ص ١٦٧۔ ٢۔ نہج البلاغہ، حکمت ٢٢٣ ؛ صدوق، فقیہ، ج ٤، ص ٣٩١ ح٥٨٣٤ ۔ کلینی، کافی، ج٨، ص ٢٣۔

٣۔ آ مدی، غرر الحکم، ح ٨٢ ٠ ٦۔٤۔ کلینی، کافی ج ٢، ص ٥٥ ح١۔ طوسی، امالی، ص ٣٠٨۔

٥۔ حرانی، تحف العقول ِ ،ص ٨٤۔٦۔ کلینی، کافی، ج٢، ص١٠٦۔٧۔ کافی ، ج٥ ،ص٥٦٥، ح٤١۔

کبھی حیا کا منفی رخ سامنے آتا ہے اور وہ اس صورت میں کہ جب اس کا سبب حماقت، جہالت، اور نفس کی کمزوری ہو۔ اسلامی اخلاق میں ایسی شرم و حیا کی شدت کے ساتھ مذمت کی گئی ہے اور اسے اخلاقی فضیلت شمار نہیں کیا گیا ہے بلکہ انسان کے رشد و علو کے لئے رکاوٹ اور مختلف شعبوںمیں اس کے پچھڑنے کا سبب ہوتی ہے۔ روایات میں اس طرح کی شرم کو جہل و حماقت اور ضعف کی حیا کے نام سے یاد کیا گیا ہے۔(١)

ب۔ حیا کے اسباب و موانع :

بعض وہ امور جو روایات میں حیا کے اسباب کے عنوان سے ذکر کئے گئے ہیں، درج ذیل ہیں:

١۔عقل:

رسول خدا نے ایک عیسائی راہب ( شمعون بن لاوی بن یہودا) کے جواب میں کہ اس نے آپ سے عقل کے علائم وماہیت کے بارے میں سوال کیا تھا، فرمایا: ''عقل حلم کی پیدائش کا باعث ہے اور حلم سے علم، علم سے رشد، رشدسے عفاف اور پاک دامنی، عفاف سے خوداری، خوداری سے حیا، حیا سے وقار، وقار سے عمل خیر کی پابندی اور شر سے بیزاری اور شر سے تنفرسے نصیحت آمیز اطاعت حاصل ہوتی ہے۔(٢)

٢۔ایمان:

حضرت امام جعفر صادق ـ فرماتے ہیں: '' جو حیا نہیں رکھتا وہ ایمان بھی نہیں رکھتا ''۔

اسی طرح روایات میں کچھ امور کو حیا کے موانع بے حیا ئی کے اسباب و علل کے عنوان سے پہچنوایا گیا ہے۔ ان میں سب سے اہم درج ذیل ہیں: ایک۔ حرمتوں اور پردوں کو اٹھا دینا: حضرت امام موسیٰ کاظم ـ اپنے اصحاب سے فرماتے ہیں: '' شرم وحیا کا پردہ اپنے اور اپنے بھائیوںکے درمیان سے نہ اٹھاؤ اور اس کی کچھ مقدار باقی رکھو، کیونکہ اس کا اٹھانا حیا کے اٹھانے کے مترادف ہے''۔(٣)

۳۔ لوگوںکی طرف دست سوال دراز کرنا:

حضرت امام جعفر صادق ـ نے فرمایا: '' لوگوں کی طرف دست سوال دراز کرنا عزت چھین لیتا ہے اور حیا کو ختم کردیتا ہے''۔(٤)

____________________

١۔ صدوق، خصال، ج ١، ص٥٥، ح ٧٦ ؛ کلینی، کافی، ج٢، ص ١٠٦، ح ٦۔ ٢۔ حرانی، تحف العقول، ص ١٩، اسی طرح ملاحظہ ہو، ص ٢٧ ؛ صدوق، خصال، ج ٢، ص٤٠٤، ٤٢٧ ؛ کلینی، کافی، ج١، ص ١٠، ح ٢ ۔اور ج ٢، ص ٢٣٠۔ ٣۔ کافی، ج ٢، ص ٦٧٢، ح٥۔٤۔ ایضاً، ج٢، ص ١٤٨، ح ٤۔

٣۔ زیادہ بات کرنا:

حضرت علی ـ نے فرمایا: ''جو زیادہ بولتا ہے وہ زیادہ خطا کرتا ہے اور جو زیادہ خطا کرتا ہے اس کی شرم و حیا کم ہو جا تی ہے اور جس کی شرم کم ہوجاتی ہے اس کی پارسائی کم ہوجاتی ہے اور جس کی پارسائی کم ہوجاتی ہے اس کا دل مردہ ہوجاتا ہے''۔(١)

٤۔ شراب خوری:

حضرت امام علی رضا ـ کی طرف منسوب ہے کہ آپ نے شراب کی حرمت کی علت کے بارے میں فرمایا: ''خداوندسبحان نے شراب حرام کی کیونکہ شراب تباہی مچاتی ہے، عقلو ں کو حقائق کی شناخت میں باطل کرتی ہے اورانسان کے چہرہ سے شرم و حیا ختم کردیتی ہے''۔(٢)

ج۔ حیا کے فوائد:

روایت میں حیا کے کثرت سے فوائد پائے جاتے ہیں خواہ وہ دنیوی ہوں یا اخروی، فردی ہوں یا اجتماعی، نفسانی ہوں یا عملی، ان میں سے بعض درج ذیل ہیں:

١۔ خدا کی محبت:

پیغمبر اکرم نے فرمایا: '' خدا وند سبحان، حیا دار،با شرم اور پاکدامن انسان کو دوست رکھتا ہے اور بے شرم فقیر کی بے شرمی سے نفرت کرتا ہے ''۔(٣)

٢۔عفّت اور پاکدامنی:

حضرت علی ـ فرماتے ہیں: ''حیا کا نتیجہ عفّت اورپاکدامنی ہے''۔(٤)

٣۔ گناہوں سے پاک ہونا:

حضرت امام زین العابدین ـ اس سلسلہ میں فرماتے ہیں:'' چار چیزیں ایسی ہیں کہ اگر وہ کسی کے پاس ہوں تو اس کا اسلام کامل اور اس کے گناہ پاک ہوجائیں گے اور وہ اپنے رب سے ملاقات اس حال میں کرے گا، کہ خدا وند عالم اس سے را ضی و خوشنود ہوگا، جو کچھ اس نے اپنے آپ پر لوگو ں کے نفع میں قرار دیا ہے خدا کے لئے انجام دے اور لوگوں کے ساتھ اس کی زبان راست گوئی کرے اور جو کچھ خدا اور لوگوں کے نزدیک برا ہے اس سے شرم کرے اور اپنے اہل وعیال کے ساتھ خوش اخلاق ہو''۔(٥)

____________________

١۔ نہج البلاغہ، حکمت ٣٤٩۔٢۔ فقہ الرضا، ص ٢٨٢۔٣۔ طوسی، امالی، ص ٣٩، ح ٤٣۔ کلینی، کافی، ج ٢، ص ١١٢، ح٨ ؛ صدوق، فقیہ، ج٣، ص ٥٠٦، ح٤٧٧٤۔

٤۔ آمدی، غرر الحکم، ح ٤٦١٢۔ ٥۔ صدوق، ، خصال، ج١، ص ٢٢٢، ح ١٥٠ ۔ مفید، امالی، ص ١٦٦، ح ١۔

٤۔ رسول خدا نے شرم و حیا کے کچھ فوائد کی شرح کے ذیل میں فرمایا ہے:

''جو صفات حیا سے پیدا ہوتے ہیں یہ ہیں: نرمی، مہربانی، ظاہر اورمخفی دونوں صورتوں میں خدا کو نظر میںرکھنا، سلامتی، برائی سے دوری، خندہ روئی، جود وبخشش، لوگوںکے درمیان کامیابی اور نیک نامی، یہ ایسے فوائد ہیں جنھیں عقلمند انسان حیا سے حاصل کرتا ہے''۔(١)

اسلام کی اخلاقی کتابوں میں ''وقاحت '' اور ''بے شرمی'' سے متعلق بہت سے بیانات ہیںکہ ہم اختصار کی خاطر صرف ایک روایت پر اکتفا کرتے ہیں۔ حضرت امام جعفر صادق ـ اپنے شاگرد ''مفضل '' سے فرماتے ہیں: ''اے مفضل! اگرحیا نہ ہوتی تو انسان کبھی مہمان قبو ل نہیں کرتا، اپنے وعدہ کو وفا نہیں کرتا، لوگوں کی ضرورتوں کو پورا نہ کرتا، نیکیوں سے دور ہو تا اور برائیوں کا ارتکاب کرتا۔ بہت سے واجب اور لازم امور حیا کی وجہ سے انجام دئے جاتے ہیں، بہت سے لوگ اگرحیا نہ کرتے اور شرمسار نہ ہوتے تو والدین کے حقوق کی رعایت نہیں کرتے، کوئی صلہ رحمی نہ کرتا، کوئی امانت صحیح وسالم واپس نہیں کرتااور فحشاو منکر سے باز نہیں آتا''۔(٢)

د۔حیا کے مقامات :

بیان کیا جاچکا ہے کہ ''حیا'' ناظر محترم کے حضوربرے اعمال انجام دینے سے شرم کرنا ہے۔ اس بنا پر پہلے: اسلام کی اخلاقی کتابوں میں خدا، اس کی طرف سے نظارت کرنے والے، اس کے نمایندے، انسان اور دوسروں کی انسانی اور الہی حقیقت کا ذکر ایک ایسے ناظر کے عنوان سے ہوا ہے کہ جن سے شرم وحیا کرنی چاہیے۔(٣)

دوسرے: حیا کے لئے ناپسندیدہ اور امور ہیں اور نیکیوں کی انجام دہی میں شرم و حیا کبھی ممدوح نہیں ہے لیکن اس حد و مرز کی رعایت بہت سے افراد کی طرف سے نہیں ہوتی ہے، اس کا سبب کبھی جہالت ہے اور کبھی لاپرواہی۔ بہت سی روایات میں بعض موقع پر حیا کرنے سے ممانعت کی گئی ہے معلوم ہوتا ہے کہ حیا کے مفہوم میں پہلے بیان کئے گئے ضابطہ و قانون کے باوجود یہ تاکید اس وجہ سے ہے کہ انسان ان موارد کی نسبت ایک طرح علمی شبہہ رکھتا

____________________

١۔ حرانی، تحف العقول، ص ٢٠۔٢۔ مجلسی، بحار ج ٣، ص ٨١۔

٣۔ صدوق، عیون اخبار الرضا ، ج ٢، ص٤٥، ح ١٦٢ ؛ تفسیر قمی، ج ١، ص ٣٠٤ ؛ کراجکی، کنز الفؤائد، ج ٢، ص ١٨٢ ؛ طوسی، امالی، ص ٢١٠۔

ہے اور ایک حد تک ان موارد میں حیا کرنے کی تائید کے لئے توجیہات گڑھنے کی کوشش کرتا ہے، جب کہ اس کے خیالات و تصورات باطل ہیں۔ وہ بعض موارد اور مقامات جہاں حیا نہیں کرنی چاہیے، درج ذیل ہیں:

١۔ حق بات، حق عمل اور حق کی درخواست میں حیا کرنا: پیغمبر اکرم نے فرمایا: '' کوئی عمل بھی ریا اور خود نمائی کے عنوان سے انجام نہ دو اور اسے شرم و حیا کی وجہ سے ترک نہ کرو ''۔(١)

٢۔تحصیل علم سے حیاکرنا:

حضرت علی ـ نے فرمایا: '' کوئی شخص جو وہ نہیں جانتا ہے اس کے سیکھنے میں شرم نہ کرے''۔(٢)

٣۔ حلال درآمد کے حصول میں حیا کرنا:

حضرت امام جعفر صادق ـ نے فرمایا: ''اگر کوئی مال حلال طلب کرنے میں حیا نہ کرے تو اس کے مخارج آسان ہوجائیں گے اور خدا اس کے اہل و عیال کو اپنی نعمت سے فیضیاب کرے گا''۔(٣)

٤۔ مہمانوںکی خدمت کرنے سے حیا کرنا:

حضرت علی ـ نے فرمایا: '' تین چیزیں ایسی ہیں جن سے شرم نہیں کرنی چا ہیے، منجملہ ان کے انہیں میں مہمانوں کی خدمت کرناہے''۔(٤)

٥۔دوسروں کا احترام کرنے سے حیا کرنا:

حضرت علی ـ نے فرمایا: ''تین چیزوں سے شرم نہیں کرنی چا ہیے: منجملہ ان کے اپنی جگہ سے باپ اور استاد کی تعظیم کے لئے اٹھنا ہے''۔(٥)

٦۔ نہ جاننے کے اعتراف سے حیا کرنا:

حضرت علی ـ نے فرمایا: '' اگر کسی سے سوال کریں اور وہ نہیں جانتا تو اسے یہ کہنے میں کہ ''میں نہیں جانتا'' شرم نہیں کرنی چاہیے''۔(٦)

____________________

١۔ حرانی، تحف العقول، ص ٤٧، ؛ صدوق، امالی، ص ٩٩ ٣ ، ح١٢، ؛ کلینی، کافی، ج٢، ص ١١ ١، ح ٢، اور ج ٥، ص ٥٦٨، ح ٥٣ ۔ ٢۔ نہج البلاغہ، حکمت ٨٢ ؛ حرانی، تحف العقول، ٣١٣۔٣۔ حرانی، تحف العقول، ص٥٩ ؛ صدوق، فقیہ ،ج ٤، ص ٤١٠، ح ٥٨٩٠۔ ٤۔ آمدی، غرر الحکم، ح ٤٦٦٦۔٥۔ غرر الحکم۔

٦۔ نہج البلاغہ، حکمت، ٨٢ ؛ صدوق، خصال، ج ١، ص ٣١٥، ح ٩٥۔

٧۔ خداوند عالم سے درخوست کرنے میں حیا کرنا:

امام جعفر صادق ـنے فرمایا: ''کوئی چیز خدا کے نزدیک اس بات سے زیادہ محبوب نہیں ہے کہ اس سے کسی چیز کا سوال کیا جائے، لہٰذا تم میں سے کسی کو رحمت خدا وندی کا سوال کرنے سے شرم نہیں کرنی چاہیے، اگر چہ اس کا سوال جوتے کے ایک فیتہ کے متعلق ہو ''۔(١)

٨۔ معمولی بخشش کرنے سے حیا کرنا:

حضرت علی ـ نے فرمایا: ''معمولی بخشش کرنے سے شرم نہ کروکہ اس سے محروم کرنا اس سے بھی کمتر ہے۔''(٢)

٩۔اہل و عیال کی خدمت کرنے سے حیا کرنا:

حضرت امام جعفر صادق ـ نے مدینہ کے ایک انسان کو دیکھا کہ اس نے اپنے اہل و عیال کے لئے کوئی چیز خریدی ہے اور اپنے ہمراہ لئے جا رہا ہے، جب اس انسان نے امام کو دیکھا تو شرمندہ ہوگیا امام نے فرمایا: ''یہ تم نے خود خریدا ہے اور اپنے اہل و عیال کے لئے لے جا رہے ہو ؟ خدا کی قسم، اگر اہل مدینہ نہ ہوتے (کہ ملامت اور نکتہ چینی کریں) تو میں بھی اس بات کو دوست رکھتا کہ کچھ خرید کر اپنے اہل و عیال کے لئے لے جائوں''۔(٣)

٤۔ عفّت

نفسانی صفات میںایک دوسر ی روکنے والی صفت عفّت اور پاکدامنی ہے۔ '' عفّت '' لغت میں نا پسند اور قبیح امر کے انجام دینے سے اجتناب کرنے کے معنی میں ہے۔(٤) علم اخلاق کی اصطلاح میں ''عفت'' نام ہے اس نفسانی صفت کا جو انسان پر شہوت کے غلبہ اور تسلّط سے روکتی ہے۔(٥) شہوت سے مراد اس کا عام مفہوم ہے کہ جو شکم وخوراک کی شہوت، جنسی شہوت، بات کرنے کی شہوت اور نظر کرنے کی شہوت اور تمام غریزوں (شہوتوں) کو شامل ہوتی ہے، حقیقت عفّت یہ ہے کہ شہوتوںاورغریزوں سے استفادہ کی کیفیت میں ہمیشہ شہوتوں کی جگہ عقل و شرع کا غلبہ اور تسّلط ہو۔ اس طرح شہوتوں سے منظّم ومعیّن عقلی وشرعی معیاروں کے مطابق بہرہ مند ہونے میں افراط و تفریط نہیں ہوگی۔

____________________

١۔ کلینی، کافی، ج٤، ص ٢٠ ح ٤۔٢۔ نہج البلاغہ، حکمت، ٦٧۔٣۔ کلینی، کافی، ج٢، ص١٢٣، ح١٠۔٤۔ لسان العرب، ج ٩، ص ٢٥٣ ،٢٥٤ ؛ جوہری ،صحاح اللغة، ج ٤، ص ١٤٠٥، ١٤٠٦ ؛ نہایہ، ج ٣، ص ٢٦٤۔٥۔ راغب اصفہانی، مفردات الفاظ قرآن ص ٣٥١۔ نراقی، محمد مہدی، جامع السعادات، ج ٢، ص ١٥ ۔

الف۔ عفّت کے اقسام:

عفّت کے لئے بیان شدہ عام مفہوم کے مطابق عفّت کے مختلف ابعاد وانواع پائے جاتے ہیں کہ ان میں سب سے اہم درج ذیل ہیں:

١۔ عفّت شکم:

اہم ترین شہوتوںمیں سے ایک اہم کھانے کی شہوت و خواہش ہے۔ کھانے پینے کے غریزہ سے معقول ومشروع (جائز ) استفادہ کو عفّت شکم کہا جاتا ہے جیسا کہ اس عفّت کے متعلق قرآن میں اس آیت کی طرف اشارہ کیاجا سکتا ہے کہ فرماتا ہے: ''تم میں جو شخص مالداراور تونگر ہے وہ (یتیموں کا مال لینے سے) پرہیز کرے اور جو محتاج اور تہی دست ہے تو اسے عرف کے مطابق ( بقدر مناسب) کھا نا چاہیے''۔(١) اس عفّت کی تفصیلی بحث اقتصادی اخلاق میںکی جاتی ہے۔

٢۔ دامن کی عفت: جنسی غریزہ قوی ترین شہوتوں میں سے ایک ہے اسے جائز ومشروع استعمال میں محدود کرنا اور محرمات کی حد تک پہونچنے سے روکنا ''عفّت دامن '' یا پاکدامنی کہا جاتا ہے۔ جیسا کہ اسی معنی میں عفّت کا استعمال درج ذیل آیت میں ہوا ہے: ''جن لوگوںمیں نکاح کرنے کی استطاعت نہیں ہے انھیں چاہیے کہ پاکدامنی اور عفّت سے کام لیں یہاں تک کہ خدا انھیںاپنے فضل سے بے نیاز کردے ''۔(٢)

اس عفّت کی بحث تفصیلی طور پراخلاق جنسی میں بیان کی جائے گی ۔اگر چہ اپنے آپ کو شہوتوںکے مقابل بچانا شکم اور دامن کی شہوت میں منحصر نہیں ہے، بلکہ تمام شہوتوں کو شامل ہے لیکن چونکہ یہ دونوں ان سب کی رئیس ہیں اور اخلاق کی مشہور کتابوں میں صرف انھیںدو کی طرف اشارہ کیا گیا ہے حتیٰ بعض علماء نے ان دو کو عفّت کی تعریف میں بھی شامل کیا ہے،(٣) لہٰذا انھیں دو قسموں کے ذکر پر اکتفا کی جاتی ہے۔ دوسری طرف ان دو قسموں میں سے ہر ایک، ایک خاص عنوان سے مربوط ہے لہٰذا ہر ایک کی اپنے سے متعلق عنوان میں مفصل بحث کی جائے گی، یہا ں پر ان کے بعض کلی اور مشترک احکام کا ذکر کررہے ہیں۔

____________________

١۔ سورئہ نسائ، آیت ٦، اسیطرح سورئہ بقرہ، آیت ٢٧٣ ملاحظہ ہو۔

٢۔ سورئہ نور، آیت ٣٣؛ اسی طرح ملاحظہ ہو: آیت ٦٠۔

٣۔ نراقی، محمد مہدی، جامع السعادات، ج ٢، ص١٥۔

ب۔عفّت کی اہمیت:

حضرت علی ـ نے فرمایا: '' سب سے افضل عبادت عفّت ہے '' ۔(١) اور حضرت امام محمد باقر ـ سے منقول ہے: ''خدا کے نزدیک بطن اور دامن (شرمگاہ) کی عفّت سے افضل کوئی عبادت نہیں ہے ''۔(٢) اور جب کسی نے آپ سے عرض کیا کہ میں نیک اعمال انجام دینے میں ضعیف اور کمزور ہوں اور کثرت سے نماز نہیں پڑھ سکتا اور زیادہ روزہ نہیں رکھ سکتا، لیکن امید کرتا ہوںکہ صرف مال حلال کھاؤں اور حلال طریقہ سے نکاح کروں تو حضرت امام محمد باقر ـ نے فرمایا: '' عفّت بطن ودامن سے افضل کون سا جہاد ہے ؟''(٣) رسول خدا اپنی امت کے سلسلہ میں بے عفتی اور ناپاکی کے بارے میںاپنی پریشانی کا اظہار یوں کرتے ہیں: ''میں اپنے بعد اپنی امت کے لئے تین چیز کے بارے میں زیادہ پریشان ہوں معرفت کے بعد گمراہی، گمراہ کن فتنے اور شہوت بطن ودامن''۔(٤)

ایک دوسرے بیان میں فرماتے ہیں: ''میری امت کے جہنم میں جانے کا زیادہ سبب شہوت شکم ودامن کی پیروی کرناہے'' ۔(٥)

ج۔ عفّت کے اسباب:

شکم اور دامن کی عفّت میں سے ہرایک کے پیدا ہونے کے اسباب اقتصادی اور جنسی اخلاق سے مربوط بحث اور اس کے مانند دوسری بحثوں میں بیان کئے جاتے ہیں۔ لیکن روایت میں عام عوامل واسباب جیسے عقل، ایمان، تقویٰ حیا و مروت کا تذکرہ کیا گیا ہے کہ اختصار کی رعایت اور ایک حد تک ان کی علت کے واضح ہونے کی وجہ سے ان میں سے ہر ایک کے ذکر سے صرف نظر کرتے ہیں۔

____________________

١۔ کلینی، کافی، ج٢، ص٧٩ ،ح ٣۔

٢۔ جامع السعادات، ص ٨٠، ح ٨ ۔ ص ٧٩، ح ١۔

٣۔ جامع السعادات، ص ٧٩، ح ٤ ۔

٤۔ جامع السعادات، ح ٦ ۔

٥۔ جامع السعادات، ص ٨٠، ح ٧۔

د۔ عفّت کے موانع:

عفّت کے عام موانع میں ''شرارت '' اور ''خمود '' ( سستی اور سہل انگاری ) ہے، ان دونوں کی مختصرتوضیح درج ذیل ہے:

١۔ شرارت:

شرارت سے مراد اپنے عام مفہوم کے لحاظ سے شہوانی قوتوں کی پیروی کرنا ہے اس چیز میں جو وہ طلب کرتی ہیں،(١) خواہ وہ شہوت شکم ہو یا شہوت مال دوستی یا اس کے مانند کسی دوسری چیز کی شہوت ۔ شرارت یعنی جنسی لذتوں میں شدید حرص کا ہونا اور ان میں زیادتی کا پایا جانا۔(٢) حضرت علی ـ نے شرارت کی مذمت میں فرمایا ہے: '' شرارت تمام عیوب کی رئیس ہے''۔(٣) حضرت امام جعفر صادق ـ کا بیان اس سلسلہ میں یہ ہے: کہیںایسا نہ ہو کہ جو کچھ خدا نے تم پر حرام کیا ہے اس کا تمہارا نفس حریص ہوجائے کیونکہ جو شخص بھی دنیا میں حرام خدا وندی کا مرتکب ہوگا خداوند سبحان اسے جنت سے اور اس کی نعمتوں اور لذتوں سے محروم کردے گا ''۔(٤)

٢۔ خمود:

''شرارت'' کے مقابل ہے یعنی ضروری خوراک کی فراہمی میں کاہلی اور کوتاہی کرنا اور جنسی غریزہ سے ضروری استفادہ کرنے میں سستی اور کوتاہی کرنا اس طرح سے کہ صحت و سلامتی، خاندان کی تباہی اور نسل کے منقطع ہونے کا سبب بن جائے ۔ یہ واضح ہے کہ یہ حالت غریزوں اور شہوتوں سے استفادہ میں تفریط اور کوتاہی کرنے سے پیدا ہوتی ہے۔(٥) ''خمود'' حکمت خلقت کے مخالف اور نسل انسان کے استمرار و دوام نیز اس کی بقا اور مصلحت کے مخالف ہے، اس کے علاوہ اسلامی اخلاق میں غرائز وشہوات سے جائز استفادہ کی جوکثرت سے تاکید پائی جاتی ہے اور جو کچھ رہبانیت اور دنیا سے کنارہ کشی کی مذمت کے سلسلہ میں بیان ہوا ہے وہ سب '' خمود '' کی قباحت کو بیان کرتے ہیں ۔اس امر کی تفصیلی بحث '' اخلاق جنسی '' میں ہوگی۔

____________________

١۔ ابن منظور، لسان العرب، ج ١٣، ص ٥٠٦۔٢۔ نراقی، محمد مہدی، جامع السعادات، ج ٢، ص ٤۔ ٣۔ ؛ کلینی، کافی، ج٨، ص ٩ ١، ح٤ ؛ نہج البلاغہ، حکمت، ٣٧١۔٤۔ کلینی، کافی ، ج٨، ص ٤، ح ١۔٥۔ نراقی، محمد مہدی، جامع السعادات، ج ٢، ص ١٣۔

ہ۔ عفّت کے فوائد :

روایات میں عفّت کے متعدد دنیوی اور اخروی فوائد بیان کئے گئے ہیں جیسے پستیوں سے نفس کی حفاظت کرنا، شہوتوں کو کمزور بنانا اور عیوب کا پوشیدہ ہونا کہ یہاں اختصار کے پیش نظررسول خدا کے ایک کلام کے ذکر پر اکتفا کرتے ہوئے اس بحث کو ختم کررہے ہیں۔

عفّت کے علائم یہ ہیں: جو کچھ ہے اس پر راضی ہونا، اپنے کو معمولی اور چھوٹا سمجھنا، نیکیوں سے استفادہ کرنا، آسائش اور راحت میں، اپنے ما تحتوں اور مسکینوں کی دل جوئی، تواضع، یا د آوری ( غفلت کے مقابل )، فکر، جو د و بخشش اور سخاوت کرنا۔(١)

٥۔ صبر

نفسانی صفات میں سب سے عام اور اہم روکنے والی صفت ''صبر '' ہے۔ ''صبر '' کے معنی عربی لغت میں حبس کرنے اور دباؤ میں رکھنے کے ہیں۔(٢) اور بعض نے اسے بے تابی اور بے قراری سے نفس کو باز رکھنے سے تعبیر کیا ہے۔(٣) اخلاقی اصطلاح میں صبرنام ہے نفس کو اس چیز کے انجام دینے اور آمادہ کرنے جس میں عقل و شرع کا اقتضاء ہونیز اس چیز سے روکنا جسے عقل وشرع منع کرتے ہیں۔(٤) مذکورہ تعریفوں کے پیش نظر ''صبر '' ایک ایسی عام اور روکنے والی نفسانی صفت ہے کہ جس میں دو اہم جہت پائے جاتے ہیں : صبر ایک طرف انسان کی غریزی اور نفسانی خواہش اور میلان کوحبس اور دائرئہ عقل وشرع میںمحدود کرتا ہے۔ دوسری طرف نفس کو عقل وشرع کے مقابل ذمہ داری سے فرار اختیار کرنے سے روکتا ہے اور اسے اس بات پر ابھارتا ہے کہ اپنے کو فرائض الہی کی پابندی کے لئے زحمت اٹھانے اور دشواریوں کا سامنا کرنے کے لئے آمادہ کرے، البتہ اگر یہ حالت انسان میں سہولت و آسانی سے پیدا ہوجائے تو اسے ''صبر'' اور اگر انسان زحمت ومشقت میں خود کو مبتلا کرکے اس پر آمادہ کرے تو اسے '' تصبر '' (زبردستی صبر کرنا )کہتے ہیں۔

____________________

١۔ حرانی، تحف العقول، ص٢٠۔

٢۔ زبیدی، تاج العروس، ج ٧، ص ٧١ ؛ راغب اصفہانی، مفردات، ٤٧٤ ؛ ابن منظور، لسان العرب، ج ٤، ص ٤٣٨۔

٣۔ جوہری، صحاح اللغة، ج ٢، ص ٧٠٦۔ طریحی، مجمع البحرین، ج ٢، ص ١٠٠٤۔

٤۔ راغب اصفہانی، معجم مفردات الفاظ قرآن، ص ٤٧٤۔

الف۔ صبر کی قسمیں:

صبر کے لئے جو عام اور وسیع مفہوم بیان کیا گیا ہے اس کے مطابق علماء اخلاق نے متعدد جہات سے صبر کے لئے مختلف اقسام و انواع بیان کی ہیں کہ ان میں سے اہم ترین اقسام کو اختصار کے ساتھ بیان کیا جا رہا ہے۔

١۔ مفہوم کے لحاظ سے:

مذکورہ تعریفوں کے مطابق کبھی صبر سے مراد نفسانی جاذبوں اور دافعوں میں ہر قسم کی محدودیت کا ایجاد کرنا ہے کہ جو ایک عام مفہوم ہے اور کبھی اس سے مرادناگوار امور کی نسبت عدم رضایت اور بے تابی کے اظہار سے نفس کو روکنا ہے۔ اس لحاظ سے صبر کے دو مفہوم ہیں کہ کبھی خاص مفہوم میں استعمال ہوتا ہے۔

٢۔ موضوع کے لحاظ سے:

صبر اپنے عام مفہوم میں موضوع کے اعتبار سے متعدد انواع کا حامل ہے۔

کبھی صبر سختیوں اور مصیبتوںپر ہوتا ہے جو کہ ان سختیوں اور مصیبتوں کے مقابل مضطرب وپریشان نہ ہونا اور سعہ صدر کی حفاظت ہے، اسے '' مکروہات پر صبر '' کہتے ہیں اور اس کے مقابل ''جزع '' اور بے قرار ی ہے صبر کی رائج قسم یہی ہے۔ جنگ کی دشواریوں پر صبر کرنا '' شجاعت'' ہے اور اس کے مقابل '' جبن '' بزدلی اور خوف ہے۔ اور کبھی صبر غیض و غضب کی سرکشی اور طغیانی کے مقابل ہے کہ اسے '' حلم '' اور '' کظم غیظ '' کہتے ہیں۔ کبھی صبر عبادت کے انجام دینے میں ہے کہ اس کے مقابل ''فسق '' ہے جو شرعی عبادت کی پابندی نہ کرنے کے مفہوم میں ہے۔ اور کبھی صبر شکم کی شہوت اور جنسی غریزہ کے مقابل ہے کہ جسے '' عفّت ''کہتے ہیں۔ اور دنیا طلبی اور زیادہ طلبی کے مقابل ہے جو کہ ''زہد '' ہے اور اس کے مقابل '' حرص '' ہے۔

اور کبھی صبر اسرار کے کتمان پر ہوتا ہے کہ جسے راز داری کہتے ہیں۔(١)

٣۔ حکم کے لحاظ سے:

صبر اپنے تکلیفی حکم کے اعتبارسے پانچ قسم میں تقسیم ہوتاہے: واجب صبرجو کہ حرام شہوات ومیلانات کے مقابل ہے۔ اور مستحب صبر مستحبات کے انجام دینے پر ہونے والی دشواریوں کے مقابل ہے۔ حرام صبر جو بعض اذیت و آزار پر ہے جیسے انسان کے مال، جان اور ناموس پر دوسروں کے تجاوز کرنے پر صبر کرنا۔ صبر ناگوار اور مکروہ امور کے مقابل جیسے عاشور کے دن روزہ رکھنے کی سختی پر صبر کہ جو مکروہ ہے ان موارد کے علاوہ مباح ہے، لہٰذا ہمیشہ صبر پسندیدہ اور محبوب شیٔ نہیں ہے، بلکہ کبھی حرام اور کبھی مکروہ بھی ہوجاتا ہے۔(٢)

____________________

١۔ نراقی، محمد مہدی، جامع السعادات، ج ٣، ص٢٨٠، ٢٨١؛ رسول اکرم نے ایک حدیث میں صبر کی تین قسم بیان کی ہے: مصیبت کے وقت صبر، طاعت و بندگی پر صبر، اور معصیت و گناہ پر صبر۔ کلینی، اصو ل کافی، ج ٢، ص ٩١، ح ١٥۔ اسی طرح بعض علماء اخلاق نے صبر کو اس وجہ سے دو قسم پر تقسیم کیا ہے متاع دنیا (سراء ) پر صبر اور بلا (ضراء ) پر صبر۔ ملاحظہ ہو نراقی، جامع السعادات، ج٣، ص ٢٩٣، ٢٩٤۔

٢۔ نراقی، جامع السعادات، ج٣، ص ٢٨٥۔

يَا أَيُّهَا الَّذِينَ آمَنُواْ اتَّقُواْ اللّهَ حَقَّ تُقَاتِهِ وَلاَ تَمُوتُنَّ إِلاَّ وَأَنتُم مُّسْلِمُونَ (١٠٢)

ايمان والو الله سے اس طر ح ڈرو جو ڈرنے كا حق ہے او رخبردار اس وقت تك نہ مرنا جب تك مسلمان نہ ہو جاؤ _

١_ اہل ايمان تقوى الہى كى اس طرح مراعات كريں جيسے اس كا حق ہے_يا ايها الذين آمنوا اتقوا الله حق تقاته

٢_ كافروں كى اطاعت سے بچنا اور تفرقہ و جھگڑے سے اجتناب مؤمنين كے تقوي كى علامت ہے_

ان تطيعوا فريقا من الذين اوتوا الكتاب اتقوا الله حق تقاته تفرقہ اور جھگڑے سے اجتناب كا استفادہ آيت ''ان تطيعوا ...''كے شان نزول سے كيا گيا ہے_

٣_ كامل اور بہترين تقوي ، ايمان كا بلند مرتبہ ہے_يا ايها الذين آمنوا اتقوا الله حق تقاته

٤_ كامل اور بہترين تقوي كى رعايت اور خدا كے سامنے ہر با ت ميں سر تسليم خم كر نا خد ا كے ساتھ_

تمسك و اعتصام ہے_و من يعتصم بالله اتقوا الله حق تقاته و لا تموتن الاّ و انتم مسلمون گويا يہ آيت خدا تعالى كے ساتھ حقيقى ارتباط، تمسك اور اعتصام كا بيان ہے _

٥_ خدا وند عالم كے سامنے سر جھكانا اور اسكى اطاعت دائمى اور آخرى سانس تك ہونى چاہيئے_و لا تموتن الاّ و انتم مسلمون

٦_ خوف خدا اور تقوي كى رعايت خدا وند متعال كے سامنے دائمى طور پر سر جھكانے اور ہر لحاظ سے سرتسليم خم كرنے كا پيش خيمہ ہے_اتقوا الله حق تقاته و لا تموتن الاّ و انتم مسلمون جملہ''لا تموتن الاّ و انتم مسلمون'' دوام پر دلالت كرتاہے اور ''مسلمون'' كے

متعلق كا ذكر نہ كرنا خدا وند عالم كے سامنے ہر لحاظ سے سر تسليم خم كرنے پر دلالت كرتاہے_

٧_ كفر اور ارتداد كے حملے كے مقابلے ميں مؤمنين پر آخرى سانس تك اپنے اسلام كى حفاظت كرنا ضرورى ہے_

ان تطيعوا فريقاً من الذين اوتوا الكتاب يردّوكم و لا تموتن الاّ و انتم مسلمون

٨_ تقوي كو اس طرح اختيار كرنا جيسے اختيار كرنے كا حق ہے، يہ خداوند عالم كے سامنے ہر لحاظ سے اور دائمى طور پر سر تسليم خم خم كرناہے_اتقوا الله حق تقاته و لا تموتن الاّ و انتم مسلمون يہ اس صورت ميں ہے كہ جملہ '''و لا تموتن'' جو كہ ہر لحاظ سے سر تسليم ہونے پر دلالت كررہاہے '' حق تقاتہ' 'كى تفسير ہو_

٩_ خدا تعالى كى اطاعت،ياد اور اس كا شكر ادا كرنا كامل اور بہترين تقوي ہے_اتقو الله حق تقاته

مذكورہ بالا آيت كے معنى كے بارے ميں امام صادق (ع) فرماتے ہيں :يطاع فلا يعصى ، يذكر فلا ينسى و يشكر فلا يكفر (١) ''خدا كى اطاعت ايسى كى جائے كہ اس كا كفر نہ كيا جائے اس كا ذكر ايسا كيا جائے كہ اس ميں نسيان نہ ہو ، اس كا شكر اس طرح ادا كيا جائے كہ ناشكرى نہ ہو''

اختلاف : اختلاف سے اجتناب ،٢

اطاعت : خدا كى اطاعت ٥ ، ٩ ; كافروں كى اطاعت ٢

ايمان : ايمان كا پيش خيمہ ٦ ايمان كے مراتب ٣

تقوي: ٢ تقوي كا پيش خيمہ ٤ ، ٩ ;تقوي كى اہميت ١ ،٤ ، ٨ ; تقوي كى فضيلت ٣ ; تقوي كى نشانياں ٢ تقوي كے مراتب ٣

تمسك : خدا وند عالم سے تمسك ٤

خوف : پسنديدہ خوف ٦ ;خوف خدا ٦

دين : دين كى حفاظت ٧

____________________

١) معانى الاخبار ص ٢٤٠ حديث١ تفسير نورالثقلين ج١ ص٣٧٦ حديث ٢٩٩_

ذكر : ذكر خدا ٩

روايت : ٩

سر تسليم خم كرنا : سر تسليم خم كرنا كى اہميت ٤ ، ٥; سر تسليم خم كرنے

كا پيش خيمہ ٤ ، ٦ ، ٨

شكر : ٩

كفار : ٢

مؤمنين : مؤمنين كا تقوي٢ ;مؤمنين كى ذمہ دارى ١ ، ٧

وَاعْتَصِمُواْ بِحَبْلِ اللّهِ جَمِيعًا وَلاَ تَفَرَّقُواْ وَاذْكُرُواْ نِعْمَةَ اللّهِ عَلَيْكُمْ إِذْ كُنتُمْ أَعْدَاءً فَأَلَّفَ بَيْنَ قُلُوبِكُمْ فَأَصْبَحْتُم بِنِعْمَتِهِ إِخْوَانًا وَكُنتُمْ عَلَىَ شَفَا حُفْرَةٍ مِّنَ النَّارِ فَأَنقَذَكُم مِّنْهَا كَذَلِكَ يُبَيِّنُ اللّهُ لَكُمْ آيَاتِهِ لَعَلَّكُمْ تَهْتَدُونَ (١٠٣)

اور الله كى رسّى كو مضبوطى سے پكڑے رہو او رآپس ميں تفرقہ نہ پيدا كرو اورالله كى نعمت كو ياد كرو كہ تم لوگ آپس ميں دشمن تھے اس نے تمھارے دلوں ميں الفت پيدا كردى تو تم اس كى نعمت سے بھائي بھائي بن گئے اور تم جہنّم كے كنارے پر تھے تو اس نے تمھيں نكال ليا اور الله اسى طرح اپنى آيتيں بيان كرتاہے كہ شايد تم ہدايت يافتہ بن جاؤ_

١_ سب لوگوں پر خدا تعالى كى رسّى كے ساتھ تمسك و وابستگى اور تفرقہ سے اجتناب ضرورى ہے_

و اعتصموا بحبل الله جميعا و لا تفرقوا

٢_ تمام اہل ايمان كا اتحاد اور اپنى صفوں ميں ہر قسم كے تفرقہ سے اجتناب ضرورى ہے_و اعتصموا بحبل الله جميعا و لا تفرقوا

٣_ خدا كى رسّى ( قرآن و سنت) سے وابستگى اہل ايمان كى صفوں ميں وحدت كا موجب ہے_

و من يعتصم بالله و اعتصموا بحبل الله جميعا و لا تفرقوا آيت ١٠١ كے قرينہ سے ''حبل اللہ ''سے مراد قرآن و سنت ہے_

٤_ خداوندعالم كے واحد دين سے وابستگى اور ديگر مختلف مذاہب و اديان كى طرف رجحان سے اجتناب ضرورى ہے_

و اعتصموا بحبل الله جميعاً و لا تفرقوا آيت ١٠٠ كے قرينہ سے كہ جس ميں كفر كى طرف رجحان كى بات تھي، اس آيت ميں تفرقہ دينى تفرقوں اور اختلافات كى طرف اشارہ ہوسكتاہے_

٥_ الہى دين ( كتاب و سنت ) كى بنياد پر وحدت اور اس كا اعتقاد انسانوں كو آتش اختلاف سے نجات ديتاہے_

و اعتصموا بحبل الله جميعا و لا تفرقوا

٦_ صحيح تقوي كو پانا اور خداوند متعال كے سامنے مكمل طورپر سر تسليم خم كرنا ، خدا كى رسّى كو مضبوطى سے تھامنا ہے_*اتقوا الله حق تقاته و لا تموتن الاّ و انتم مسلمون _ و اعتصموا بحبل الله جميعاً ايسا معلوم ہوتا ہے كہ '' اعتصموا'' ''اتقوا اللہ حق تقاتہ'' اور جملہ ''ولاتموتن'' كے ليئے بيان ہے _

٧_ ايمان ، تقوي اور سر تسليم خم كرنااجتماعى طور پر خداوند عالم كى رسى كو تھامنے اور اختلاف و افتراق سے بچنے كے اسباب ہيں _يا ايها الذين آمنوا اتقوا الله حق تقاته و اعتصموا بحبل الله جميعاً و لا تفرقوا سابقہ آيات كے موارد كو ذكر كرنے كے بعد سب كو تمسك و وابستگى اور تفرقے سے بچنے كا حكم دينا مذكورہ مطلب كو بيان كرتاہے_

٨_ خداوندعالم كى نعمتوں كو ياد ركھنا ضرورى ہے_و اذكروا نعمة الله

٩_ دلوں ميں الفت پيدا كرنا ، لوگوں ميں اتحاد پيدا كرنا اور ان كے درميان دشمنيوں كو ختم كرنا انبياء (ع) كے اہداف ميں سے ہے_و اذكروا نعمة الله عليكم اذ كنتم اعدائً فالّف بين قلوبكم

١٠_ دلوں كو ملانے والا خداوند متعال ہے_فالّف بين قلوبكم

١١_ معاشرہ كے افراد كے درميان جذباتى تعلقات و

روابط ( دوستى و دشمني) كا مركز دل ہے_اذ كنتم اعداء فا لّف بين قلوبكم

١٢_ انسانوں كى تربيت ميں ماضى كى ياد اور اس سے عبرت حاصل كرنے كا مؤثّر كردار_و اذكروا نعمة الله عليكم اذ كنتم اعداء فالّف بين قلوبكم

١٣_ مسلمان اسلام قبول كرنے سے پہلے اختلاف ، تفرقہ، جنگ اور دشمنى كا شكار تھے_اذ كنتم اعداء فا لّف بين قلوبكم

١٤_ اسلام نے دو قبيلوں اوس و خزرج كى دشمينوں اور جھگڑوں كو اتحاد، محبت اور بھائي چارے ميں تبديل كر ديا_

اذ كنتم اعداء فالّف بين قلوبكم فاصبحتم بنعمته اخوانا يہ مطلب آيت كے شان نزول كے پيش نظر ہے جو كہ مجمع البيان ميں اس آيت كے ضمن ميں نقل ہوا ہے_

١٥_ دشمينوں اور كينہ سے بھرى ہوئي تاريخ كے بعد مسلمانوں كے درميان اسلام كے سايہ ميں اخوت و بھائي چارہ خدا تعالى كے اس حكم كى دليل ہے كہ اللہ كى رسّى كو مضبوطى سے تھام لو_و اعتصموا بحبل الله و اذكروا نعمة الله عليكم اذ كنتم اعداء فالّف بين قلوبكم

١٦_ تاريخ كا مطالعہ انسانوں كى تربيت اور ہدايت كا پيش خيمہ ہے_واذكروا نعمة الله عليكم اذ كنتم اعداء كذلك يبيّن الله لكم آياته لعلكم تهتدون

١٧_ معاشرہ كے افراد كے درميان اتحاد، الفت اور بھائي چارہ انسانوں پر خداوند عالم كى نعمت ہے_

و لاتفرقوا و اذكروا نعمة الله عليكم اذ كنتم اعداء فالّف بين قلوبكم فاصبحتم بنعمته اخوانا

١٨_ اسلام دشمنيوں كو ، دلوں كے مہر و محبت اور اتحاد سے بدل ديتاہے_

فالّف بين قلوبكم فاصبحتم بنعمته اخوانا ''اذ كنتم اعداء ''زمانہ جاہليت كى طرف اشارہ ہے اور جملہ '' فالّف بين ...'' زمانہ بعثت اور معاشرہ ميں اسلام كے ظہور كے بعد كے زمانہ كى طرف اشارہ ہے_

١٩_ مسلمانوں كى برادرى ان كے دلوں كے ارتباط كى وجہ سے ہے اور دلوں كا ارتباط و ملاپ خدا تعالى كى رسى كو مظبوطى سے تھامنے كى وجہ سے ہے_و اعتصموا بحبل الله جميعاً فالف بين قلوبكم فاصبحتم بنعمته اخوانا

يہ مطلب'' فائ'' كا تقاضاہے_لہذا بھائي چارہ الفت پر متفرع ہے اور الفت رسى كو تھامنے پر_

٢٠_ خداوند متعال مؤمنين كو تفرقہ اور دشمنى كى آگ ميں گرنے سے نجات ديتاہے اور دلوں كے اتحاد و الفت كى طرف لے آتاہے_و كنتم على شفا حفرة: من النار فانقذكم منها يہ اس صورت ميں ہے كہ جملہ ''و كنتم على شفا حفرة من النار'' جملہ''اذ كنتم اعداء ''كے ليئے تفسير ہو _

٢١_ خدا تعالى كى رسى كو مظبوطى سے تھامنا خداوند متعال كى نعمتوں كے مقابلے ميں انسان كى ذمہ دارى ہے*

واعتصموا واذكروا لعلكم تهتدون گويا خدا كى نعمتوں ( اخوت و بھائي چارہ اور الفت) كے مقابل اعتصام(مضبوطى سے تھامنا) انسان كى شرعى ذمہ دارى قرار دى گئي ہے _

٢٢_ زمانہ بعثت ميں جزيرة العرب كا معاشرہ اختلاف و جھگڑے كى وجہ سے ہلاكت و نابودى كے كنارے پر پہنچ چكا تھا_

و كنتم على شفا حفرة من النار يہ اس صورت ميں ہے كہ ''النار ''ہلاكت اور نابودى سے استعارہ ہو_

٢٣_ كسى معاشرہ كے افراد كى آپس كى دشمنى اور تفرقہ اس معاشرہ كو ہلاكت و نابودى كے كنارے پر پہنچا ديتاہے_

اذ كنتم اعداء فالّف بين قلوبكم و كنتم على حفرة من النار يہ اس صورت ميں ہے كہ '' النار'' جھگڑے اور كشمكش كى وجہ سے پيدا ہونے والى ہلاكت و نابودى سے استعارہ ہو_

٢٤_ انسانوں كى ايك دوسرے كے ساتھ دشمنى اور جھگڑوں كا نتيجہ و انجام جہنم كى آگ ہے*

و كنتم على شفا حفرة من النار فانقذكم منها احتمال ہے كہ '' النّار''سے مراد جہنم كى آگ ہو_

٢٥_ كسى معاشرے كے افراد كا آپس كى دشمنيوں اور اختلافات سے بچنا خدا وند متعال كى نعمت ہے_

و اذكروا نعمة الله عليكم اذ كنتم اعداء و كنتم على شفا حفرة من النار فانقذكم منها جملہ ''كنتم علي'' عطف ہے جملہ ''كنتم اعداء ''پر جس كا مطلب يہ ہوگا كہ ان ميں سے ہر ايك خدا تعالى كى نعمت كا بيان ہے _

٢٦_ كسى معاشرہ كے افراد كے درميان تفرقہ كے بعد دلوں ميں الفت و اتحاد اور دشمنيوں كے بعد بھائي چارے كا پيدا كرنا بندوں كيل ے خداوند متعال كى نشانيوں ميں سے ہے_اذ كنتم اعداء كذلك يبين الله لكم آياته

٢٧_ صحيح تقوي كى دعوت ، خدا كے سامنے مكمل طور پر سر تسليم خم كرنا ، اسكى رسّى كو مضبوطى سے تھامنا اور تفرقہ سے بچنے كى تنبيہ كرنا اتحاد و ہدايت كے ليئے قرآن كريم كى روش ہے_يا ايها الذين آمنوا كذلك يبين الله لكم آياته لعلكم تهتدون

٢٨_ خداوند عالم كى طرف سے آيات كے بيان كئے جانے كا ہدف انسانوں كى ہدايت ہے_كذلك يبين الله لكم آياته لعلكم تهتدون

٢٩_ دلوں ميں ا تحاد و الفت پيدا كرنا ، ايك معاشرہ كے افراد ميں بھائي چارہ پيدا كرنا اور ان جيسى نعمتوں كى يادآورى انسانوں كى ہدايت كے اسباب ميں سے ہے_و اعتصموا بحبل الله جميعاً لعلكم تهتدون يہ اس صورت ميں ہے كہ ''لعلّ'' تمام سابقہ مطالب كى غرض و غايت كا بيان ہو_

٣٠_ ہدايت كے ماننے يا نہ ماننے ميں انسان مكمل آزادى و اختيار ركھتاہے_لعلكم تهتدون

٣١_ قرآن كريم كے ساتھ جو كہ خدا تعالى كى رسى ہے تمسك و وابستگى ضرورى ہے_و اعتصموا بحبل الله جميعا و لا تفرقوا رسول خدا (ص) نے مذكورہ بالا آيت ميں ''حبل اللہ''كے بارے ميں فرمايا:انّه كتاب الله (١)

٣٢_ آل محمد (ص) حبل اللہ كے مصاديق ميں سے ہيں _و اعتصموا بحبل الله

امام محمد باقر (ع) نے فرمايا:آل محمد (ص) هُم ''حبل الله'' الذى امرنا بالاعتصام به فقال''وعتصموا بحبل الله ...'' (٢) آل محمد (ص) خدا كى رسّى ہيں جسكے ساتھ وابستگى كا ہميں حكم ديتے ہوئے جو خدا نے فرمايا ہے''واعتصموا ''

٣٣_ پيغمبر اسلام (ص) مسلمانوں كو آگ كے گڑھے ميں گرنے سے بچانے والے ہيں _

وكنتم على شفا حفرة من النار فانقذكم منها

___________________

١) تفسير تبيان ج١ ص ٥٤٥ تفسير قرطبى ج٤ ص١٥٩_

٢) تفسير عياشى ج١ ص ١٩٤ حديث ١٢٣ تفسير برہان ج١ ص٣٠٧ حديث٧_

مذكورہ بالا آيت كے بارے ميں امام صادق (ع) نے فرمايا:فبرسول الله (ص) و الله انقذوا خدا كى قسم وہ رسول خدا(ص) كے ذريعہ جہنم كى آگ ميں گرنے سے بچائے گئے (١)_

آزادى : ٣١

آنحضرت (ص) : ٣٣

آيات خدا : ٢٦ آيات خدا كا بيان كرنا ٢٨

اتحاد : اتحاد كا پيش خيمہ ٩، ٢٧;اتحاد كى اہميت ٢ ، ١٠ ;اتحاد كى نعمت ١٧ ، ٢٥ ; اتحاد كے عوامل ٣ ، ٥ ، ١٠، ١٤ ، ١٥ ، ١٨ ، ٢٠

اختلاف: ١٣ ، ١٤ ، ٢٦ اختلاف سے اجتناب ١ ، ٢ ، ٢٧ ; اختلاف كى سزا ٢٤; اختلاف كے ٢٢ ، ٢٣ ;دينى اختلاف ٤

اختيار : ٣٠

اسلام : اسلام كا كردار ١٣ ، ١٤ ، ١٥ ، ١٨ ;تاريخ صدر اسلام ١٤ ، ١٥

انبياء (ع) : انبياء (ع) كے اہداف ٩

انسان : انسان كا اختيار ٣٠ ; انسان كى ذمہ دارى ٢١

اوس و خزرج : ١٤

اہل بيت (ع) : ٣٢

ايمان : ايمان كے اثرات و ٧ ، ٢٧

بھائي چارہ : ١٧ ، ٢٠ ، بھائي چارہ كى نعمت١٧ ، ٢٩ ;بھائي چارہ كے عوامل ١٥ ، ١٨ ، ١٩

تاريخ : تاريخ سے عبرت ١٢ ;تاريخ نقل كرنے كا ہدف ١٢ ، ١٦ ; زمانہ بعثت كى تاريخ ١٣ ، ١٥ ، ٢٢

تربيت : تربيت كے طريقے ١٢ ، ١٦

تقوي : تقوي كا پيش خيمہ ٦ ; تقوي كے اثرات ٧ ، ٢٧

تمسك: الله تعالى سے تمسك كے اثرات ٢٧ ; خدا تعالى كى رسى ساتھ تمسك ١ ، ٣ ، ٤ ، ٧ ، ١٥ ، ١٩ ، ٢١

____________________

١) تفسير عياشى ج١ ص١٩٤ ح ١٢٦ ، تفسير برہان ج١ ص ٣٠٧ ح ٤_

جذبات و احساسات : ١١

جزيرةالعرب : ٢٢

جہنم : جہنم كى آگ ٢٤

حب و بغض : ١١

حبل اللہ : ٣١ ، ٣٢

خدا تعالى : خدا تعالى كى تنبيہات ٢٧ ; خدا تعالى كى نعمتوں كا ذكر ٨ ، ٢٩ ; خدا تعالى كى نعمتيں ١٧ ، ٢١ ، ٢٥ ، ٢٩

دشمني: دشمنى كى سزا ٢٤ ;دشمنى كے اثرات ٢٣

دل : دل كا كردار و اہميت ١١ دلوں ميں الفت پيدا كرنا ٩ ، ١٠ ، ١١ ، ١٩ ، ٢٠ ، ٢٦ ، ٢٩

دين : ٤ ، ٥

روايت : ٣١ ، ٣٢ ، ٣٣

سر تسليم خم كرنا : سر تسليم خم كرنے كے اثرات ٦ ، ٧ ، ٢٧

سنت : سنت كا كردار و اہميت ٣ ، ٥

عذاب : عذاب سے نجات كے عوامل ٣٣

قرآن كريم : قرآن كريم كا كردار ٣ ، ٥; قرآن كريم كے ساتھ تمسك ٣١

گمراہى : گمراہى ميں اختيار ٣٠

مسلمان: ١٣ ، ١٥

معاشرہ : معاشرہ كى پستى كے عوامل ٢٢ ، ٢٣ ;معاشرہ كى ترقى كے عوامل ٢٥

مؤمنين : ٢٠ مؤمنين كى ذمّہ دارى ٢

ہدايت : ہدايت كا پيش خيمہ ٢٧، ٢٩ ; ہدايت كى اہميت ٢٨; ہدايت كے عوامل ١٦ ، ٢٠;ہدايت ميں اختيار ٣٠

وَلْتَكُن مِّنكُمْ أُمَّةٌ يَدْعُونَ إِلَى الْخَيْرِ وَيَأْمُرُونَ بِالْمَعْرُوفِ وَيَنْهَوْنَ عَنِ الْمُنكَرِ وَأُوْلَئِكَ هُمُ الْمُفْلِحُونَ (١٠٤)

اورتم ميں سے ايك گروہ كو ايسا ہونا چاہئے جو خير كى دعوت دے ، نيكيوں كا حكم دے _ برائيوں سے منع كرے اور يہى لوگ نجات يافتہ ہيں _

١_ كچھ ايسے اہل ايمان كا وجود ضرورى ہے جو خير كى دعوت ديں اور امر بالمعروف ونہى عن المنكر كريں _

و لتكن منكم امة عن المنكر يہ اس صورت ميں ہے كہ، '' منكم'' ميں '' منص'' تبعيضيہ ہو_

٢_ اتحاد، خدا تعالى كى رسى كو مضبوطى سے تھامنا، دلوں ميں محبت و الفت اور اہل ايمان ميں بھائي چارہ خير و نيكى كے مصاديق ميں سے ہيں _و اعتصموا بحبل الله جميعا و لتكن منكم امّة يدعون الى الخير

'' الخير''ميں ممكن ہے الف لام عھد ذكرى كا ہو جو كہ اس سے پہلے والى آيت كے مطالب كى طرف اشارہ ہو يا دونوں آيات كے ارتباط كے پيش نظر سابقہ آيت ميں مذكور خصوصيات

كلمہ ''خير''كے مورد نظر مصاديق ميں سے ہوں _

٣_ كچھ اہل ايمان كاوجود ضرورى ہے جو معاشرہ كو اتحاد ، دلوں كى محبت اور بھائي چارے كى طرف دعوت ديں _

و اعتصموا بحبل الله و لتكن منكم امة يدعون الى الخير

٤_ خير كى دعوت اورامر بالمعروف و نہى عن المنكر مؤمنين ميں اتحاد پيدا كرنے كے طريقے ہيں _

و اعتصموا بحبل الله جميعاً و لتكن منكم امة يدعون الى الخير اس آيت كے سابقہ آيت كے ساتھ ارتباط كے پيش نظر ايسا لگتا ہے كہ''و لتكن'' الله

تعالى كى رسّى كو مضبوطى سے تھامنے كا طريقہ بتلارہاہے_

٥_ امر بالمعروف اور نہى عن المنكر كرنے والے گروہوں كے درميان ہم آہنگى پيدا كرنا ضرورى ہے_

ولتكن منكم امة يدعون الى الخير و يامرون بالمعروف و ينهون عن المنكر ''امّت''اس جماعت كو كہا جاتاہے جو ايك ہدف ركھتى ہو اس كا لازمہ ان كى آپس ميں ہم آہنگى ہے_

٦_ امر بالمعروف اور نہى عن المنكر خير كى دعوت ہے*ولتكن منكم امّة يدعون الى الخير و يامرون بالمعروف و ينهون عن المنكر يہ اس صورت ميں ہے كہ '' و يامرون'' ''يدعون الى الخير ''كے ليئے عطف تفسيرى ہو يا خير كى دعوت كا مصداق ہو_

٧_ معاشرہ كے حالات پر نظر ركھنا دو مرحلے ركھتاہے ايك خير كے اعمال بيان كرنا اور اس كے بعد امر بالمعروف اور نہى عن المنكر كرنا *ولتكن منكم امة يدعون الى الخير و يامرون بالمعروف و ينهون عن المنكر

٨_ مومنين كے درميان اتحاد اور بھائي چارہ ''معروف''كے مصاديق ميں سے ہے اور ان كے درميان تفرقہ و دشمنى '' منكر ''كے مصاديق ميں سے ہے_واعتصموا بحبل الله جميعا و لا تفرقوا ولتكن منكم امة يدعون الى الخير و يامرون بالمعروف و ينهون عن المنكر '' المعروف''اور '' المنكر''ميں الف لام عہد ذكرى كا ہوسكتاہے جو كہ سابقہ آيت ميں بيان كئے جانے والے معروف اور منكر كى طرف اشارہ ہو_

٩_ نيكيوں كى دعوت ، امر بالمعروف اور نہى عن المنكر (عمومى نظارت ) اسلامى معاشرے كے تمام افراد كا فريضہ ہے_

ولتكن منكم امة يدعون الى الخير و يامرون بالمعروف و ينهون عن المنكر يہ اس صورت ميں ہے كہ ''منكم'' ميں ''منْ''بيانيہ ہو_

١٠_ خير كى دعوت دينے والے اور امر بالمعروف و نہى عن المنكر كرنے والے ہى فلاح و كاميابى پانے والے ہيں _

و لتكن منكم اولئك هم المفلحون يہ اس صورت ميں ہے كہ ''اولئك'' كا مشار اليہ خير كى دعوت كرنے والے ، امر بالمعروف اور نہى عن المنكر كرنے والے ہوں _

١١_ معاشرہ كى فلاح و كاميابى ميں خير كى طرف دعوت، امر بالمعروف اور نہى عن المنكر كا بنيادى كردار و اہميت _

و لتكن منكم امة و اولئك هم المفلحون يہ اس صورت ميں ہے كہ ''اولئك'' كا مشاراليہ اسلامى معاشرہ ہو يعنى امر بالمعروف اور نہى عن المنكر كرنے والے ہى فقط كا مياب و رستگار نہيں ہيں بلكہ معاشرے كے دوسرے افراد بھى ايسے افراد كے وجود سے بہرہ مند ہوكر كامياب و سعادت مند ہوجاتے ہيں _

١٢_ نيك اعمال كے مثبت اثرات و كو بيان كرنا، انسانوں كو ان اعمال كى طرف ترغيب و تحريك كے ليئے قرآن كريم كا طريقہ كار _و لتكن منكم امّة و اولئك هم المفلحون

١٣_ اہداف كى پيشرفت كے ليئے اجتماعى اقدام مؤثر كردار ادا كرتاہے_و لتكن منكم امّة يدعون الى الخير و اولئك هم المفلحون ''اولئك هم المفلحون''يعني''هم المفلحون فيما قصدوا'' ( يعنى وہ اپنے مقصود ميں كامياب ہيں ) اور ان كا مقصد وہى خير كى دعوت دينا ہے ، اور يہ بات قابل ذكر ہے كہ اجتماعى اقدام كا لفظ '' امت''سے استفادہ كيا گيا ہے_

١٤_ خير ، قرآن و سنت رسول (ص) كى پيروى كرناہے_و لتكن منكم امة يدعون الى الخير

رسول خدا (ص) نے مذكورہ بالا آيت كى تلاوت كرنے كے بعد فرمايا:الخير اتباع القرآن و سنّتى (١)

اتحاد : ٨ اتحاد كى اہميت ٢ ، ٣ ;اتحاد كے عوامل ٤

اختلاف : ٨ اخوت ٢ ، ٣ ، ٨

امر بالمعروف : ٤ ، ٥ ، ٦ ، ٧ ، ٨ ، ٩ ، ١٠ امر بالمعروف كى اہميت ١ ، ١١

تحريك: تحريك كے عوامل ١٢

تربيت : تربيت كے طريقے ١٢

تمسك: خدا كى رسى كے ساتھ تمسك٢

خير : ٢،١٤ خير كى دعوت ١ ، ٣ ، ٤ ، ٦ ، ٩ ، ١٠ ، ١١

____________________

١) الدرالمنثور ج٢ ص ٢٨٩_

دشمنى : ٨ دلوں ميں محبت پيدا كرنا ٢ ، ٣

روايت: ١٤

سنت : سنت كى اطاعت ١٤

علم : ١٢

عمومى نظارت : ٧ ، ٩ ، ١٣

عمل : ١٢

فلاح : ١٠ فلاح كے عوامل ١٠ ، ١١

قرآن كريم : قرآن كريم كى اطاعت ١٤

معاشرہ : معاشرہ كى ترقى كے عوامل١١ ; معاشرہ كى ذمہ دارى ٩;معاشرہ كے اہداف ١٣

مؤمنين : مؤمنين كا بھائي چارہ ٢ ، ٣ ، ٨ ;مؤمنين كى دشمنى ٨، مؤمنين كى ذمہ دارى ١

نظم و نسق: نظم و نسق كى اہميت ٥

نہى عن المنكر : ٤ ، ٥ ، ٦ ، ٧ ، ٨ ، ٩ ، ١٠ نہى عن المنكر كى اہميت ١ ، ١١

نيك عمل : نيك عمل كے اثرات ١٢

نيكى : نيكى كے موارد ٢

وَلاَ تَكُونُواْ كَالَّذِينَ تَفَرَّقُواْ وَاخْتَلَفُواْ مِن بَعْدِ مَا جَاءَهُمُ الْبَيِّنَاتُ وَأُوْلَئِكَ لَهُمْ عَذَابٌ عَظِيمٌ (١٠٥)

اور خبردار ان لوگوں كى طرح نہ ہو جاؤ جنھوں نے تفرقہ پيدا كيا اور واضح نشانيوں كے آجانے كے بعد بھى اختلاف كيا كہ ان كے لئے عذاب عظيم ہے _

١_ مومنين كو روشن دليليں دكھانے كے بعد خدا كا انہيں تفرقہ و اختلاف سے بچنے پر متنبّہ كرنا _

و لا تكونوا كالذين تفرقوا و اختلفوا من بعد ما جاء هم البينات

٢_ نيكيوں كى دعوت، امر بالمعروف اور نہى عن المنكر معاشرے ميں تفرقہ پيدا ہونے سے مانع ہيں _

و لتكن منكم امة يدعون الى الخير و لا تكونوا كالذين تفرقوا احتمال ہے كہ جملہ ''و لا تكونوا ...'' سابقہ آيت كے نتيجہ كا بيان ہو_

٣_ نيكيوں كى دعوت، امر بالمعروف اور نہى عن المنكر كو چھوڑنے كا انجام معاشرہ ميں تفرقہ و اختلاف كا ظاہر ہوجانا ہے_و لتكن منكم امة يدعون و لا تكونوا كالذين تفرقوا و اختلفوا

٤_ ايك متحد ايمانى معاشرے كو دوسرے معاشروں كى طرح ہميشہ تفرقہ و اختلاف كا خطرہ در پيش ہے_

و لا تكونوا كالذين تفرقوا و اختلفوا من بعد ما جاء هم البينات

٥_ انسانى معاشرے ميں اتحاد و وحدت كے حاصل كرنے كے لئے خدا تعالى كا مختلف طريقے اور راستے بتلانا_

و لا تكونوا كالذين تفرقوا و اختلفوا من بعد ما جائهم البينات

٦_ خداوند عالم كى طرف سے دى جانے والى دليليں اور نشانياں تمام لوگوں كے لئے قابل فہم و ادراك ہيں _

من بعد ما جاء هم البينات ايك تو يہ كہ ''بيّنہ' كے لفظ ميں واضح ، روشن اور قابل فہم ہونے كا مفہوم پايا جاتا ہے اور دوسرا يہ كہ استدلال اس وقت تمام ہے اور انكى مذمت بجا ہوگى كہ ''بيّنات '' قابل فہم ہوں _

٧_ خداوند متعال كے پيغامات، اتحادو وحدت پيدا كرنے كا راستہ بيان كرتے ہيں _

من بعد ما جاء هم البينات اختلاف و تفرقہ كى بحث كى مناسبت سے ''بيّنات''سے مراد خداوند متعال كے وحدت آفرين پيغامات ہونگے_

٨_ سابقہ اديان كے پيروكار ''بيّنات''(خدا تعالى كے پيغامات) سے لا پروا ئي كى وجہ سے تفرقہ و اختلاف ميں گرفتار ہوگئے _كالذين تفرقوا و اختلفوا من بعد ما جاء هم البينات

٩_ اتحاد پيدا كرنے اور تفرقہ و اختلاف سے بچنے كے ليئے گذشتہ اقوام كى تاريخ سے عبرت اور نصيحت حاصل كرنا ضرورى ہے_و لا تكونوا كالذين تفرقوا و اختلفوا من بعد ما جاء هم البينات

١٠_ مؤمنين كے در ميان تفرقہ و اختلاف ان كے ليئے بہت بڑے عذاب كا موجب ہے_

و لا تكونوا كالذين تفرقوا و اختلفوا و اولئك لهم عذاب عظيم

١١_ سابقہ اديان كے پيروكار آپس ميں تفرقہ و اختلاف كى وجہ سے سخت عذاب ميں مبتلا ہوئے_

كالذين تفرقوا و اختلفوا من بعد ما جاء هم البينات و اولئك لهم عذاب عظيم

١٢_ قوموں كى ہلاكت و نابودى كا راز ان كے در ميان تفرقہ و اختلاف تھا*تفرقوا و اختلفوا و اولئك لهم عذاب عظيم يہ اس صورت ميں ہے كہ ''عذاب عظيم '' سے مراد دنيا ميں عذاب ہو_

١٣_ بُرے اعمال كے بُرے انجام كو بيان كرنا ، لوگوں كو ان كے ناپسنديدہ اعمال سے روكنے كے ليئے قرآن كريم كا طريقہ كار _و لا تكونوا كالذين تفرقوا و اولئك لهم عذاب عظيم

١٤_ ايمانى معاشروں كا روشن دليلوں كے باوجود (حجت كے تمام ہونے كے بعد) اختلاف كرنا بہت بڑا گناہ ہے_

و اختلفوا من بعد ما جاء هم البينات و اولئك لهم عذاب عظيم عذاب كا عظيم ہونا گناہ كے بڑے ہونے پر دلالت كرتاہے_

١٥_ اتمام حجت كے بعد عذاب كا استحقاق ثابت ہوجاتاہے_من بعد ما جاء هم البينات واولئك لهم عذاب عظيم

١٦_ اہل كتاب ( يہود اور نصاري ) كو تفرقہ و اختلاف كى وجہ سے سخت عذاب_

و لا تكونوا كالذين تفرقوا و اختلفوا من بعد ما جائهم البينات و اولئك لهم عذاب عظيم

آسمانى كتابيں :

آسمانى كتابوں كا كردار ٧

آيات خدا : ٦

اتحاد : ٤ اتحاد كے عوامل ٢ ، ٥ ، ٧ ، ٩

اختلاف : ١٤ ، ١٦ اختلاف سے اجتناب ١ ;اختلاف كے اثرات ١٠ ، ١١ ، ١٢ ، ١٦ ; اختلاف كے عوامل ٣ ، ٨ ; اختلاف كے موانع ٢

اديان :٨ ،١١ اسلامى معاشرہ : ٤

امتيں : امتوں كى نابودى كے عوامل ١٢

امر بالمعروف : امر بالمعروف كاترك كرنا٣ ;امر بالمعروف كے اثرات ٢

اہل كتاب : اہل كتاب كا اختلاف ١٦

بُرا عمل : بُرے عمل كے اثرات ١٣

تاريخ: تاريخ سے عبرت ٩

تربيت : تربيت كے طريقے ١٣

حجت تمام كرنا : ١ ، ١٤ ، ١٥

خدا تعالى : خدا تعالى كى تنبيہات ١ ; خدا تعالى كى دليليں ٥ ، ٦ ، ٨

خير (نيكي) : خير كى دعوت ٢ ، ٣

دور انديشى : دور انديشى كے اثرات ١٣

عذاب : عذاب كے اسباب ١٠ ، ١١ ، ١٥ ، ١٦

عيسائي: عيسائيوں كى سزا ١٦

قرآن كريم : قرآن كريم كا كردار ٧ ;قرآن كريم كى آيات ٦

گناہان كبيرہ ١٤

نہى عن المنكر : نہى عن المنكر ترك كرنا ٣ ;نہى عن المنكر كے اثرات ٢

وحى : وحى كا كردار و اہميت ٧

يہود : يہود كى سزا ١٦

يَوْمَ تَبْيَضُّ وُجُوهٌ وَتَسْوَدُّ وُجُوهٌ فَأَمَّا الَّذِينَ اسْوَدَّتْ وُجُوهُهُمْ أَكَفَرْتُم بَعْدَ إِيمَانِكُمْ فَذُوقُواْ الْعَذَابَ بِمَا كُنْتُمْ تَكْفُرُونَ (١٠٦)

قيامت كے دن جب بعض چہرے سفيد ہوں گے اور بعض سياہ _ جن كے چہرے سياہ ہوں گے ان سے كہا جائے گا كہ تم ايمان كے بعد كيوں كافر ہو گئے تھے اب اپنے كفر كى بنا پر عذاب كا مزہ چكھو _

١_ اختلاف و تفرقہ كا راستہ اختيار كرنے والوں كو اُس روز سخت سزا دى جائے گى جس روز كچھ چہرے سفيد ہونگے اور كچھ سياہ_ واولئك لهم عذاب عظيم_ يوم تبيض وجوه و تسود وجوه ''يوم تبيض''، ''لھم عذاب عظيم'' كے متعلق ہے_

٢_ ميدان محشر ميں انسانوں كے اعمال ان كے چہروں پر ظاہر ہونگے_يوم تبيض وجوه و تسود وجوه

٣_ خداوند متعال كى رسى كومضبوطى سے تھامنا ، نيكيوں كى دعوت دينا ، امر بالمعروف كرنا اور نہى عن المنكر كرنا قيامت كے دن چہروں كى سفيدى كا موجب ہيں _و اعتصموا بحبل الله ...ولتكن منكم امة يدعون الى الخير و يامرون بالمعروف و ينهون عن المنكر ...يوم تبيّض وجوه سابقہ آيات كے ساتھ ارتباط كے پيش نظر چہرے كا نورانى ہونا سابقہ آيات ميں مذكورہ نيكيوں كا اجر ہوسكتاہے_

٤_ نيكيوں كى دعوت نہ كرنا ، امر بالمعروف اور نہى عن المنكر كو ترك كرنا قيامت ميں روسياہى كا موجب ہيں _

يدعون الى الخير و يامرون بالمعروف و ينهون عن المنكر و تسود وجوه سابقہ آيات كے ساتھ ارتباط كے پيش نظر روسياہى سابقہ آيات ميں مذكور گناہوں كى سزا ہوسكتى ہے_

٥_ مرتدوں كو قيامت ميں عذاب اور ان كے چہروں كا سياہ ہونا_فاما الذين اسودت وجوههم اكفرتم بعد ايمانكم فذوقوا العذاب

٦_ كفر اور ارتداد قيامت ميں عذاب اور روسياہى كا سبب ہيں _فاما الذين اسودت وجوههم اكفرتم بعد ايمانكم فذوقوا العذاب بما كنتم تكفرون

٧_ ايمانى معاشرے ميں اتمام حجت كے بعد تفرقہ و اختلاف ، كفرو ارتداد كا موجب ہے_

و لا تكونوا كالذين تفرقوا و اختلفوا اكفرتم بعد ايمانكم گويا ارتداد (اكفرتم ...) اس تفرقہ و اختلاف كا نتيجہ ہے جس سے سابقہ آيت ميں نہى كى گئي ہے_

٨_ ايمانى معاشرے ميں اتمام حجت كے بعد تفرقہ و اختلاف ، كفر و ارتداد ہے_*و لا تكونوا كالذين تفرقوا و اختلفوا اكفرتم بعد ايمانكم سابقہ آيت كے قرينہ سے ارتدا د ( اكفر تم ...) سے مراد ممكن ہے مسلمانوں ميں اتحاد كے بعد تفرقہ و اختلاف كرنا ہو _

٩_ ايمانى معاشرہ ميں اختلاف و تفرقہ كا لازمہ قيامت ميں عذاب اور روسياہى ہے_و لا تكونوا كالذين تفرقوا فاما الذين اسودت وجوههم فذوقوا العذاب

١٠_ خداوند عالم كى نعمتوں كا كفران اور ناشكرى قيامت ميں روسياہى كا موجب ہے*

و اذكروا نعمة الله فاما الذين اسودت وجوههم اكفرتم بعد ايمانكم يہ اس صورت ميں ہے كہ''اكفرتم ...'' كفران نعمت كے معنى ميں ہو اور سابقہ آيات كے ساتھ ارتباط كے پيش نظر جن نعمتوں كا كفران كيا گيا ان سے مراد وہى نعمتيں ہوں جو

سابقہ آيات ميں مذكور ہيں _

١١_ روسياہ مرتدّوں سے قيامت ميں حساب كتاب ليا جائے گا اور انہيں سرزنش كى جائے گى _

فاما الذين اسودت وجوههم اكفرتم بعد ايمانكم

١٢_ خدا تعالى كى نعمتوں كا شكر ادا كرنا قيامت ميں چہرے كى نورانيت كا موجب ہے_*

و اذكروا نعمة الله يوم تبيض وجوه چونكہ قيامت ميں روسياہى كفران نعمت كى وجہ سے ہے لہذا چہرے كى سفيدى كى وجہ نعمتوں كى شكر گذارى ہوگى _

١٣_ ان مؤمنين سے حساب كتاب لينا اور ان كى سرزنش كرنا جنہوں نے دين كے زير سايہ اتحاد كے بعد تفرقہ و اختلاف كو اختيار كيا _ولا تكونوا كالذين تفرقوا و اختلفوا من بعدماجائهم البينات اكفرتم بعد ايمانكم

سابقہ آيت كے قرينہ سے ارتداد (اكفرتم ...) سے مراد مسلمانوں ميں اتحاد كے بعد تفرقہ و اختلاف ہے_

١٤_ آدمى كا اخروى عذاب اس كے كفر اور بُرے اعمال كا نتيجہ ہے_فذوقوا العذاب بما كنتم تكفرون

'' تكفرون ...''عملى كفر اور اعتقادى كفر دونوں كو شامل ہوسكتاہے

١٥_ اسلامى معاشرے ميں ہوس پرست اور بدعتى لوگ قيامت كے دن روسياہ ہونگے_فاما الذين اسودت وجوههم

امير المؤمنين (ع) نے فرمايا''فاماالذين اسودت وجوههم ...'' انهم اهل البدع و الاهواء من هذه الامة (١)

آنحضرت (ص) : آنحضرت (ص) كى سنت ١٦

اتحاد : اتحاد كے عوامل ١٣

اختلاف : اختلاف كى سزا ١ ، ١٣ ;اختلاف كے اثرات٧ ، ٨ ، ٩

ارتداد :

____________________

١) مجمع البيان ج٢ ص ٨٠٩ نورالثقلين ج١ ص ٣٨٢ حديث ٣٢٥_

ارتداد كے اثرات ٦ ; ارتدادكے عوامل ٧; ارتداد كے موارد ٨ اسلامى معاشرہ : ٧،٨،٩،١٥

اعتصام: حبل اللہ كے ساتھ اعتصام٣

امر بالمعروف : امر بالمعروف كا ترك كرنا ٤

بدعت قائم كرنا : بدعت قائم كرنے كى سزا ١٥

حجت تمام كرنا : ٧

خدا تعالى : خدا تعالى كى نعمات ١٢

روايت: ١٥ ، ١٦

سزا : ٥ ، ١١ ، ١٤

عذاب : عذاب كے اسباب ١ ، ٦ ، ٩ ، ١٤

عمل : بُرا عمل ١٤

قيامت : قيامت ميں حقيقتوں كا ظاہر ہونا ٢ ; قيامت ميں سياہ چہروں والے ١ ، ٤ ، ٥، ٦ ، ٩ ، ١٠ ، ١١ ، ١٥ ; قيامت ميں مرتد ٥ ;قيامت ميں نورانى چہروں والے ١ ،٣ ، ١٢

كفر : ٨ كفر كى سزا ١٤ ; كفركے اثرات و ٦ ;كفر كے عوامل ٧ ;

گناہ : گناہ كے اثرات و نتائج ١٤ مرتد : ٥ ، مرتد كى سرزنش ١١ ;مرتد كى سزا ٥ ، ١١

مومنين : مومنين كى سرزنش ١٣

نعمت : شكر نعمت كے اثرات ١٢ ; نعمت كا كفر ان ١٠

نہى عن المنكر : نہى عن المنكر كے اثرات ٣ ; نہى عن المنكر نہ كرنا ٤

نيكى : نيكى كى دعوت ترك كرنا ٤;نيكى كى دعوت كے اثرات ٣

ہوس پرست لوگ : ہوس پرستوں كى سزا ٥ ١