امامين حسنين عليهما السلام ثقافتى اور فکر اسلامى - نيٹ ورک

تفسير راہنما جلد ۳

یہ کتاب برقی شکل میں نشرہوئی ہے اور شبکہ الامامین الحسنین (علیہما السلام) کے گروہ علمی کی نگرانی میں تنظیم ہوئی ہے

تفسير راہنما (جلدسوم)

مؤلف: آيت الله ہاشمى رفسنجاني

سوره آل عمران

آيه ١١٠ تا ٢٠٠

آیت (۱۱۰)

( كُنتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنكَرِ وَتُؤْمِنُونَ بِاللّهِ وَلَوْ آمَنَ أَهْلُ الْكِتَابِ لَكَانَ خَيْرًا لَّهُم مِّنْهُمُ الْمُؤْمِنُونَ وَأَكْثَرُهُمُ الْفَاسِقُونَ )

تم بہترين امت ہو جسے لوگوں كے لئے منظر عام پر لايا گيا ہے تم لوگوں كو نيكيوں كا حكم ديتے ہو اور برائيوں سے روكتے ہو اور اللہ پر ايمان ركھتے ہو اور اگر اہل كتاب بھى ايمان لے آتے تو ان كے حق ميں بہتر ہو تا ليكن ان ميں صرف چند مومنين ہيں اور اكثريت فاسق ہے_

١_ نيكى كا حكم كرنے والے اور برائي سے روكنے والے اور خدا پہ ايمان ركھنے والے مسلمان تمام امتوں ميں سے بہترين امت ہيں _كنتم خير امة: أخرجت للناس تأمرون بالمعروف و تنهون عن المنكر

٢_ عالم انسانيت كى خدمت كيلئے مسلمان بہترين امت ہيں بشرطيكہ وہ امربالمعروف اور نہى عن المنكر كريں اور خدا پر ايمان ركھتے ہوں _كنتم خير امة أخرجت للناس اس آيت ميں جملہ ''تأمرون بالمعروف '' ، ''خير امة''كيلئے حال ہے_ اس لحاظ سے آيت كے معنى يوں ہوں گے كہ آپ اس وقت بہترين امت ثابت ہوسكتے ہيں جب آپ ميں مذكورہ خصوصيات پائي جاتى ہوں _ ''خدمت'' كا معنى كلمہ ''للناس'' كى ''لام'' سے حاصل كيا گيا ہے_

٣_ اسلام، عالمگير دين ہے_كنتم خير امة: أخرجت للناس

اس آيت ميں موجود كلمہ'' للناس'' ميں سب افراد شامل ہيں (خواہ ان كا تعلق گذشتہ زمانے سے ہو ياآئندہ سے،عرب ہوں ياعجم)اوريہى چيز اسلام كے عالمگير دين ہونے پردلالت كرتى ہے_

٤_ امربالمعروف، نہى عن المنكر ( عمومي نظارت) اور خدا پر ايمان ،يہ وہ عوامل ہيں جو انسانى معاشروں ميں سے كسى معاشرہ كے بہترين ہونے كا معيار ہيں _كنتم خير أمة: اخرجت للناس تأمرون و تؤمنون بالله

٥_ خدا پر ايمان اور اصلاح معاشرہ (امر بالمعروف اور نہى عن المنكر) انسانى معاشرے كى ترقى اور نشوونما كے دو عامل ہيں _كنتم خير أمة: أخرجت للناس تأمرون ...و تؤمنون بالله

معاشرے كى ترقى و كمال، خير كا ايك مصداق ہے_ مندرجہ بالا آيت ميں كسى امت كے بہترين امت ہونے كا دارو مدار ايمان اور اصلاح معاشرہ (امربالمعروف و نہى عن المنكر) پر ہے_

٦_ امربالمعروف اور نہى عن المنكر كو كسى اسلامى معاشرے كى ترقى كيلئے ايك عمومى ذمہ دارى قرار ديا گيا ہے_

كنتم خير ا مة أخرجت للناس تأمرون و تؤمنون بالله كسى معاشرے كيلئے خير كا ايك واضح مصداق اس كى ترقى ہے_

٧_ انسانى معاشروں كى اصلاح ،اسلامى معاشرے كى ذمہ دارى ہے_كنتم خير أمة أخرجت للناس تأمرون بالمعروف و تنهون عن المنكر

٨_ معاشرے كى اصلاح كرنے والوں ( نيكى كا حكم كرنے اور برائي سے روكنے والوں ) كا خدا پر ايمان ، معاشرے كى ترقى اور بلندى كى شرط ہے_كنتم خير أمة ...و تؤمنون بالله

٩_ عمومى نظارت اور انسانى سماج كى اصلاح (امر بالمعروف اور نہى عن المنكر) يہ وہ عوامل ہيں جو خدا پر ايمان كے محافظ ہيں _*كنتم خير أمة أخرجت للناس تأمرون ...و تؤمنون بالله ايمان كے ذاتى طور پر مقدم ہونے كے باوجود، آيہ كريمہ ميں امر بالمعروف اور نہى عن المنكر كا ايمان پرمقدم ہونا، مندرجہ بالا مطلب كى دليل ہوسكتى ہے_

١٠_ آنحضرت (ص) كى بعثت كے آغاز ميں مسلمان بہترين اور خدا كى پسنديدہ امتوں ميں سے تھے _

كنتم خير أمة أخرجت للناس لفظ '' كنتم'' كو ديكھتے ہوئے، آيہ كريمہ ايك تاريخى مسئلہ كو بيان كررہى ہے اور وہ بعثت پيغمبر(ص) كے آغاز ميں مسلمانوں كا طور طريقہ ہے_

١١_ آغاز بعثت ميں مسلمانوں كا عمومى نظارت ( امر بالمعروف اور نہى عن المنكر) كو اہميت دينا اور ان كا ہميشہ خدا كى ذات پر ايمان ركھنا _كنتم خير أمة أخرجت للناس تأمرون بالمعروف و تؤمنون بالله

''كنتم ''كے قرينہ سے معلوم ہوتا ہے كہ مذكورہ بالا آيت ايك تاريخى مسئلہ كى نشاندہى كررہى ہے اور وہ بعثت رسول كے آغاز ميں مسلمانوں كا طرز زندگى ہے_

١٢_ انسانى معاشروں كى اصلاح، ايك آئيڈيل اسلامى معاشرے كا مشتركہ ہدف ہے_كنتم خير أمة أخرجت للناس تأمرون بالمعروف و تنهون عن المنكر ''امة''كے لغوى معنى ''يعنى وہ گروہ جو ايك مشترك ہدف ركھتا ہو'' كو مدنظر ركھتے ہوئے مذكورہ بالا مطلب حاصل كيا جاسكتا ہے_

١٣_ اديان كے ظہور كا فلسفہ، انسانى معاشروں كى اصلاح ہے_كنتم خير أمة أخرجت للناس تأمرون بالمعروف و تنهون عن المنكر ''للناس'' ميں ''لام'' ،دين كے ظہور كى غرض و غايت كو بيان كررہى ہے اور ''خيرامة ...''كا جملہ اس بات پر دلالت كررہا ہےكہ تمام اديان كى ذمہ دارى بشر كى اصلاح ہے اور ان ميں سے امت اسلامى ،بہترين امت ہے_

١٤_ اہل كتاب كا اسلام پہ ايمان لانا، ان كى بہترى اور بھلائي كا عامل ہے_و لوآمن ا هل الكتاب لكان خيراً لهم

اگر يہاں ايمان سے مراد اسلام پر ايمان لانا ہو_

١٥_ خدا كى طرف سے اہل كتاب كو دين اسلام قبول كرنے كى دعوت _و لوآمن ا هل الكتاب لكان خيراً لهم

اس آيت ميں دين اسلام كو خير قرار دينا خود اسلام كى طرف ايك دعوت ہے_

١٦_ دين اسلام كو قبول كرنے ميں بشر كى بہترى اور بھلائي ہے_و لوآمن ا هل الكتاب لكان خيراً لهم

اگرچہ خير كا عنوان اہل كتاب كيلئے مذكور ہے، ليكن اس لحاظ سے اہل كتاب ہونا يقيناً كوئي خصوصيت نہيں ركھتا_

١٧_ اہل كتاب كا اپنے دين كى پابندى نہ كرنا_و لوآمن ا هل الكتاب لكان خيراً لهم

آيت كے پہلے حصے كو ديكھتے ہوئے كہا جاسكتا ہے كہ ''لو آمن'' كا متعلق خدا پر ايمان اور امر بالمعروف اور نہى عن المنكر كے ضرورى ہونے پر ايمان ہے، لہذا اہل كتاب كے ايمان كى نفى سے

مراد عمل كے مرحلہ ميں ايمان كا نہ ہونا ہے_

١٨_ اسلام نے سابقہ اديان كو منسوخ كرديا_و لوآمن ا هل الكتاب لكان خيراً لهم

يہ اس صورت ميں ہے كہ جب كلمہ ''خير'' اسم تفضيل نہ ہو اور ايمان سے مراد اسلام اور پيغمبراكرم(ص) پر ايمان لانا ہو_

١٩_ اسلام كادوسرے تمام اديان (عيسائيت و يہوديت) كى نسبت سعادت بشر كيلئے برتر دين ہونا_

و لوآمن ا هل الكتاب لكان خيراً لهم يہ اس صورت ميں ہے كہ جب ''خير'' تفضيل كيلئے ہو اور جس كو فضيلت دى گئي ہے وہ اسلام ہو اور جس پر فضيلت دى گئي ہے وہ اہل كتاب كا دين ہو_

٢٠_ اہل كتاب كے كچھ افراد كا اسلام پر ايمان لانا اور ان ميں سے اكثر كا اسلام كو نہ ماننا_منهم المؤمنون و اكثرهم الفاسقون اگرايمان سے مراد اسلام پر ايمان لانا ہو_

٢١_ فسق، ايك ايسا عامل ہے جو معاشرے كو ترقى و تكامل سے روكتا ہے_و لوآمن و ا كثرهم الفاسقون

خير، ايمان كا نتيجہ ہے اورلفظ '' فسق'' آيہ شريفہ ميں ايمان كے مقابل قرار پايا ہے_ پس نتيجہ يہ نكلا كہ اہل فسق خير اور كمال سے محروم ہيں _

اديان : ١٨

اسلام: ١٦، ١٩ اسلام كا عالمگير ہونا ٣;اہميت اسلام ١٤;تاريخ صدر اسلام ١٠، ١١

اصلاح: ٥، ٧، ٩، ١٢، ١٣ اصلاح كرنے والے: ٨

امتيں : بہترين امتيں ١، ٢، ١٠

امربالمعروف: ١، ٢، ٤، ٥، ٦، ٩، ١١ امربالمعروف كے اثرات ٨

اہل كتاب: ١٥، ٢٠ اہل كتاب كا ايمان ١٤، ١٧;اہل كتاب كا كفر ٢٠; مؤمن اہل كتاب ٢٠

ايمان: ايمان كے اثرات ٥، ٨;خدا پر ايمان ١، ٢، ٤، ٥، ٩، ١١ ; مصلحين كا ايمان ٨

ترقي: ٥، ٦، ٨، ٢١

دين: ١٦، ١٩ دين قبول كرنا ١٥، ١٦;دين كے مقاصد ١٣;دين كى حفاظت ٩

سعادت: عوامل سعادت ١٩

عمومى مصلحتيں : ١٦ عمومى نظارت: ٤،٩،١١

فسق: فسق كے اثرات ٢١

مسلمان: مسلمانوں كا مقام ١، ٢، ١٠

مسيحيت : دين مسيحيت ١٩

معاشرہ: اسلامى معاشرہ٧;اسلامى معاشرے كى آرزو ١٢; معاشرے كى اصلاح ٧، ٩;معاشرے كى اصلاح كى اہميت ٥، ١٢، ١٣;معاشرے كى برترى كے معيارات ٤; معاشرے كى ترقى كے عوامل ٥، ٦، ٨; معاشرے كى ترقى كے موانع ٢١;معاشرے كى ذمہ دارى ٦، ٧

ناسخ و منسوخ: ١٨

نہى عن المنكر: ١، ٢،٤ ، ٥، ٦، ٩، ١١ نہى عن المنكر كے اثرات ٨

يہود: دين يہود ١٩

آیت ( ۱۱۱)

( لَن يَضُرُّوكُمْ إِلاَّ أَذًی وَإِن يُقَاتِلُوكُمْ يُوَلُّوكُمُ الأَدُبَارَ ثُمَّ لاَ يُنصَرُونَ )

يہ تم كو اذيت كے علاوہ كوئي نقصان نہيں پہنچا سكتے اور اگر تم سے جنگ بھى كريں گے تو ميدان چھوڑ كر بھاگ جائيں گے اور پھر ان كى مدد بھى نہ كى جائے گي_

١_ مسلمانوں كو نقصان پہنچانے كيلئے اہل كتاب (يہود) كى كوشش_لن يضر وكم الا اذي

مفسرين نے آيت كا شان نزول يہوديوں كو قرار ديا ہے_

٢_ سوائے معمولى ضرر كے اہل كتاب ( يہوديوں ) كى مسلمانوں كو نقصان پہنچانے ميں ناكامي_

لن يضر وكم الا اذي يہوديوں كى طرف سے مسلمانوں كو پہنچائي جانے والى تكاليف كى كمى كلمہ ''اذي''كے نكرہ ہونے سے حاصل كى گئي ہے_

٣_ اہل كتاب كا مسلمانوں كے مقابلہ ميں آنا اور انہيں جنگ كى دھمكياں دينا_و ان يقاتلوكم يولوكم الادبار

٤_ مسلمانوں كے مقابلے ميں آنے اور ان كے ساتھ جنگ كا نتيجہ، يہوديوں كى شكست اور فرار ہے_

و ان يقاتلوكم يولوكم الادبار

٥_ اہل كتاب كے مسلمانوں كو نقصان پہنچانے ميں عاجز ہونے اور ان كے ساتھ جنگ ميں شكست كھاكر بھاگنے كى قرآن كريم ميں پيش گوئي_لن يضر وكم الا اذى و ان يقاتلوكم يولوكم الادبار

٦_ مسلمانوں كے اہل كتاب پر حملہ آور ہونے كى صورت ميں خداوند متعال كى طرف سے مسلمانوں كى حوصلہ افزائي_

لن يضروكم الا اذى و ان يقاتلوكم يولوكم الادبار

٧_ اہل كتاب (پيغمبراكرم(ص) كے زمانے كے يہو د) نے ايسى جنگ كا آغاز كيا جس كا نتيجہ سوائے ان كى شكست اور فرار كے كچھ نہ نكلا_و ان يقاتلوكم يولوكم الادبار چونكہ جنگ كى نسبت اہل كتاب كى طرف دى گئي ہے لہذا معلوم ہوتا ہے كہ وہى جنگ شروع كرنے والے تھے_

٨_ دشمنان دين كے حملہ كے مقابلے ميں مسلمانوں كا ناقابل شكست ہونا خدا پر ايمان، امربالمعروف اور نہى عن المنكر كى وجہ سے ہے_كنتم خير امة اخرجت للناس تأمرون بالمعروف و ان يقاتلوكم يولوكم الادبار

''كنتم خير ...''اور ''يقاتلوكم' ' ميں مخاطب كا ايك ہونا ہمارے سابقہ مطلب كى تائيد كرتا ہے، يعنى نيكى كا حكم دينے والے اور كبھى شكست سے دوچار نہيں ہو سكتے_

٩_ فسق، حوصلے كو پست كرنے اور جنگ سے بھاگنے كا باعث بنتا ہے_و اكثر هم الفاسقون و ان يقاتلوكم يولوكم الادبار ثم لاينصرون يہوديوں كو فسق كے ساتھ متصف كرنا اور پھر ان كى شكست كو بيان كرنا ان دو مسئلوں كے باہمى ارتباط كى طرف اشارہ ہے_

١٠_ مسلمانوں كے ساتھ جنگ ميں شكست كھا كر بھاگنے كے بعد اہل كتاب (يہوديوں ) كا دوسروں كى مدد سے محروم ہونا_

و ان يقاتلوكم يولوكم الادبار ثم لاينصرون

١١_ مؤمنين كا حوصلہ بڑھانے كيلئے دشمن كى طاقت كو ناچيز قرار دينا قرآن كا ايك طريقہ ہے_

و ان يقاتلوكم يولوكم الادبار ثم لاينصرون

١٢_ اہل كتاب (عبدالله بن سلام اور اسكے ساتھي) جو كفر چھوڑكر اسلام كى طرف آئے، انہيں يہوديوں كے بڑوں كى طرف سے سرزنش اور اذيت و آزار كا سامنا كرنا پڑا_لن يضر وكم الا اذي آيت كے شان نزول ميں آيا ہے كہ پيغمبراكرم(ص) پہ ايمان لانے كے بعد عبدالله ابن سلام اور اسكے ساتھيوں كى يہوديوں كے رؤسا كى طرف سے سرزنش كى گئي_ (مجمع البيان)

اسلام: صدر اسلام كى تاريخ ٧، ١٢

امربالمعروف: امربالمعروف كے اثرات ٨

اہل كتاب: اہل كتاب كى دھمكى ٣;اہل كتاب كى شكست ٤، ٥، ٧، ١٠; اہل كتاب كے مؤمنين ١٢

ايمان: ايمان كے اثرات ٨; خدا پر ايمان ٨

جنگ: جنگ سے فرار ١٠ ;جنگ ميں شكست كے عوامل ٩

حوصلہ افزائي: ٦ حوصلہ افزائي كے عوامل ٨، ١١

حوصلہ پست كرنا: حوصلہ پست كرنے كے عوامل٩

دشمن: دشمن سے نمٹنے كا طريقہ كار ١١

فسق: فسق كے اثرات ٩

قرآن كريم: قرآن كريم كى پيش گوئي ٥

مسلمان: ١، ٢، ٣، ٤، ٥، ٦، ١٠، ١٢

نہى عن المنكر: نہى عن المنكر كے اثرات ٨

يہود: مسلمان اور يہود ١، ٢، ٤، ١٠، ١٢;يہود كى شكست ٤، ٧

آیت ( ۱۱ ۲ )

( ضُرِبَتْ عَلَيْهِمُ الذِّلَّةُ أَيْنَ مَا ثُقِفُواْ إِلاَّ بِحَبْلٍ مِّنْ اللّهِ وَحَبْلٍ مِّنَ النَّاسِ وَبَآؤُوا بِغَضَبٍ مِّنَ اللّهِ وَضُرِبَتْ عَلَيْهِمُ الْمَسْكَنَةُ ذَلِكَ بِأَنَّهُمْ كَانُواْ يَكْفُرُونَ بِآيَاتِ اللّهِ وَيَقْتُلُونَ الْأَنبِيَاءَ بِغَيْرِ حَقٍّ ذَلِكَ بِمَا عَصَوْا وَّكَانُواْ يَعْتَدُونَ )

ان پر ذلت كے نشان لگا ديئے گئے ہيں يہ جہاں بھى رہيں مگر يہ كہ خدائي عہد يا لوگوں كے معاہدہ كى پناہ مل جائے_ يہ غضب الہى ميں رہيں گے اور ان پر مسكنت كى مار ر ہے گى _ يہ اس لئے ہے كہ آيات الہى كاانكار كرتے تھے او رناحق انبياء كوقتل كرتے تھے _ يہ اس لئے كہ يہ نافرمان تھے اور زيادتياں كيا كرتے تھے _

١_ اہل كتاب ( يہود) كى دائمى ذلت اور ان كى حتمى عاقبت_ضربت عليهم الذلة اين ما ثقفوا

٢_ اہل كتاب (يہود ) كو ہر وقت اور ہر جگہ پر ذليل كرنا اہل ايمان كا فريضہ ہے_ضربت عليهم الذلة اين ما ثقفوا

يہ اس صورت ميں ہے كہ جملہ ''ضربت عليھم ...'' ، ''لا بحبل ...''كے استثناء كے قرينے سے اور جملہ ''اين ما ثقفوا '' فريضہ كى تعيين ہو نہ كہ كسى خارجى حقيقت كے بارے ميں خبرہو_

٣_ اہل كتاب (يہود ) كا ذلت سے چھٹكارا ،خدا سے ارتباط اور دوسرے لوگوں سے وابستگى ہى كى صورت ميں ہوسكتا ہے_ضربت عليهم الذلة الا بحبل من الله و حبل من الناس جملہ''حبل من الناس ''كا معنى ايك احتمال كے مطابق لوگوں سے وابستہ رہنا اور مستقل نہ ہونا كيا گيا ہے_

٤_ اہل كتاب (يہود) ہميشہ ذلت، دوسروں سے وابستگى اور بے استقلالى كا شكار ر ہے ہيں _ضربت عليهم الذلة الا بحبل من الله و

حبل من الناس

٥_ اہل كتاب (يہود ) كا ذلت سے چھٹكارا ، اسلام قبول كرنے يا اسلامى معاشرے كے ساتھ عہد وپيمان باندھنے (اسلامى معاشرے كى حاكميت اور ذمى ہونے كے شرائط كو تسليم كرنے) ہى كى صورت ميں ہوسكتا ہے_

ضربت عليهم الذلة ...الا بحبل من الله و حبل من الناس يہ اس صورت ميں ہے كہ جب ''حبل من الناس''كا مطلب ''حبل من الله '' كے قرينہ كى وجہ سے اسلامى معاشرے كے ساتھ عہد و پيمان ہو_

٦_ اگر اہل كتاب اسلام قبول كرليں يا اسلامى معاشرے كے ساتھ پيمان باندھ ليں تو مسلمان ان كے حقوق كى رعايت ( ان كے حقوق كا احترام كرنے) كے ذمہ دار ہوں گے_ضربت عليهم الذلة اين ما ثقفوا الا بحبل من الله و حبل من الناس يہ اس صورت ميں ہے كہ ''ضربت'' حكم شرعى كو بيان كر رہا ہو اور ''الا''دو چيزوں كو استثناء كررہا ہو، اسلام كى طرف تمايل اور مسلمانوں كے ساتھ عہد و پيمان كو قبول كرنا _

٧_ دوسرے معاشروں كے ساتھ اسلامى معاشرے كے معاہدوں كيپابندى كا مسلمانوں پر لازمى ہونا_

ضربت عليهم الذلة ...الا بحبل من الله و حبل من الناس يہاں پر ''حبل من الناس''كا معنى مسلمانوں كا اہل كتاب كے ساتھ معاہدہ ہے اور مذكورہ بالا آيت بيان كررہى ہے كہ ان كے ساتھ معاہدہ كى صورت ميں ان سے سروكار نہ ركھو_

٨_ اہل كتاب (يہودي) ہميشہ اپنے آپ پر غضب الہى كى راہ ہموار كرنے والے ہيں _و باء و بغضب من الله

٩_ سخت كمزورى اور ناتوانى ،اہل كتاب (يہود) كا حتمى انجام ہے_و ضربت عليهم المسكنة

١٠_ اہل كتاب (يہود) كى اقتصادى ترقى اور نشوونما كو روك كر انہيں ذلت اور ناتوانى كے مرحلہ تك پہنچانا اہل ايمان كا فريضہ ہے_و ضربت عليهم المسكنة يہ اس صورت ميں ہے كہ جملہ ''ضربت ...'' حكم شرعى كا بيان ہو نہ كہ كسى خارجى واقعہ كى خبر دينا_

١١_ يہوديوں كا آيات خدا سے دائمى انكار اور انبياء (ع) كا ناجائز قتل، انہيں ذلت و ناتوانى اور غضب خدا ميں

مبتلا كرنے كا موجب ہيں _ضربت عليهم الذلة و باء و بغضب من الله و ضربت عليهم المسكنة ذلك بانهم كانوا يكفرون بآيات الله و يقتلون الانبياء بغيرحق

١٢_ دائمى نافرماني، ظلم اور سركشي، يہوديوں كے ان كى ذلت و ناتوانى اور غضب خدا ميں مبتلا ہونے كا باعث ہے_

ضربت عليهم الذلة ذلك بما عصوا و كانوا يعتدون يہ اس صورت ميں ہے كہ''ذلك بما عصوا'' ذلت اور كى طرف اشارہ ہے_

١٣_ انسانوں كے فكرى اور عملى رجحانات ان كى عاقبت ميں مؤثر ہيں _ضربت عليهم الذلة ذلك بانهم كانوا يكفرون ذلك بما عصوا

١٤_ اہل كتاب (يہود) يہ جانتے ہوئے بھى كہ انبياء (ع) كا قتل ناجائز ہے انہيں قتل كرتے تھے_ *

و يقتلون الانبياء بغيرحق چونكہ انبياء (ع) كے قتل كا جائز ہونا قابل تصورنہيں ہے لہذا يہ كہا جاسكتا ہے كہ كلمہ ''بغيرحق''ميں اس بات كى طرف اشارہ كيا گيا ہے كہ قاتلين يہ جانتے تھے كہ انبياء (ع) كا قتل ناحق ہے_

١٥_ اہل كتاب كيلئے متعدد ابنياء (ع) كا مبعوث ہونا _و يقتلون الانبياء بغيرحق

١٦_ كفر، ظلم و جنايت اور سركشى اہل كتاب (يہود) كى پرانى عادت ہے_ذلك بانهم كانوا يكفرون بآيات الله و يقتلون و كانوا يعتدون ' 'كان'' فعل ماضى كے بعد مضارع كا استعمال استمرار پہ دلالت كرتا ہے_

١٧_ اہل كتاب (يہود) كى نافرمانى اور دائمى سركشي، آيات الہى سے انكار اور پيغمبروں (ع) كے قتل كا موجب بني_

كانوا يكفرون بآيات الله ذلك بما عصوا وكانوا يعتدون يہ اس صورت ميں ہے كہ ''ذلك بما عصوا'' سے مراد آيات الہى سے انكار اور انبياء (ع) كا قتل ہو_

١٨_ دائمى گناہ، نافرماني، سركشى و تجاوز آيات خدا سے انكار كا موجب ہے_بانهم كانوا يكفرون بآيات الله و يقتلون الانبياء بغيرحق ذلك بما عصوا و كانوا يعتدون يہ اس صورت ميں ہے كہ ''ذلك بما عصوا'' ميں ''ذلك''كا اشارہ آيات خدا سے انكار كى طرف ہو_

١٩_ گناہ اور اس كا تكرار كبيرہ گناہوں كے ارتكاب كا موجب بنتا ہے_كانوا يكفرون بآيات الله و يقتلون الانبياء بغيرحق ذلك بما عصوا و كانوا يعتدون يہ اس صورت ميں ہے كہ ''ذلك بماعصوا'' سے مراد آيات سے انكار اور انبياء (ع) كا قتل ہو اور يہ دو كبيرہ گناہ ان چھوٹے گناہوں كى وجہ سے وجود ميں آتے ہيں كہ جن كى طرف ''عصوا''اور ''يعتدون''ميں اشارہ كيا گيا ہے_

٢٠_ خداوند متعال كى طرف سے گناہ ، سركشى اور آيات الہى كے انكار سے بچنے كى تنبيہ_

ذلك بانهم كانوا يكفرون ذلك بما عصوا و كانوا يعتدون يہوديوں كے ذليل و خوار اور مشكلات كے شكار ہونے كى وجہ كا بيان كرنا، تمام گنہگاروں كيلئے تنبيہ ہے_

٢١_ يہوديوں كى ذلت آميزاور شرم آور حالت كے ذكر سے اہل ايمان كے حوصلے بڑھانا_

و ان يقاتلوكم ثم لاينصرون _ ضربت عليهم الذلة اين ما ثقفوا الا بحبل من الله و حبل من الناس و ضربت عليهم المسكنة يہوديوں كى ستيزہ كار طبيعت كے ذكر كے بعد ان كى ذلت و رسوائي كا تذكرہ ہوسكتا ہے اہل ايمان كے حوصلے كو بلند كرنے كيلئے ہے_

٢٢_ يہودي، انبياء (ع) كے راز فاش كرنے كى وجہ سے ان كے قاتلوں كے شريك جرم ہيں _

و يقتلون الانبياء بغيرحق امام صادق(ع) نے آيت''و يقتلون الانبياء بغيرحق'' كى تفسير كے ضمن ميں فرمايا: ''ولكن اذاعوا سرهم و افشوا عليهم فقتلوا '(١) چونكہ يہود نے انبياء (ع) كے اسرار اور رازوں كو فاش كيا پس وہ قاتل ہيں _

آيات خدا: آيات خدا كو جھٹلانا ١٧، ٢٠;آيات خدا كے بارے ميں كفر ١١، ١٨، ٢٠

اسلام: اسلام كے اقرار كے اثرات ٥، ٦

الله تعالى: الله تعالى كا غضب ٨، ١١، ١٢;الله تعالى كى تنبيہات ٢٠

انبيا(ع) : ١٥، ١٧، ٢٢ انبيا (ع) كا قتل ١٤;انبيا (ع) كے قتل كى سزا ١ ١

انسان:

____________________

١)اصول كافى ج٢ ، ص ٣٧١ ح٧، تفسير عياشى ج١ ، ص ١٩٦ ، ح ١٣٢.

انسان كى عاقبت١٣ اہل كتاب: ٥، ٦، ١٠ اہل كتاب كا تجاوز كرنا ١٧;اہل كتاب كا ظلم ١٦; اہل كتاب كا كفر ١٦;;اہل كتاب كا مغضوب ہونا ٨;اہل كتاب كى آزادى ٥، ٦; اہل كتاب كى ذلت، ١، ٢، ٣، ٤، ٩، ٢١;اہل كتاب كى عاقبت ١، ٩;اہل كتاب كى كينہ توزى ١٤; اہل كتاب كے انبيائ١٥; اہل كتاب كے ساتھ معاہدہ ٥، ٦، ٧

ايمان: ايمان كے اثرات ١٣

بين الاقوامى معاہدے: ٧

حوصلہ بڑھانا: حوصلہ بڑھانے كے عوامل ٢١

ذلت: ٢، ٤، ٩، ٢١ ذلت و رسوائي سے رہائي كے عوامل ٣، ٥;ذلت و رسوائي كے عوامل ١١، ١٢

روايت: ٢٢

ظلم: ١٦ ظلم كے اثرات ١٧، ١٨

عمل: عمل كے اثرات ١٣

كبيرہ گناہ: ١٩

كفار: كفار كے ساتھ نمٹنے كا طريقہ كار ١٠

كفر: ١١، ١٦، ١٨، ٢٠ كفر كے اثرات ١١;كفر كے عوامل ١٧، ١٨

گناہ: گناہ پر اصرار ١٩;گناہ كے اثرات ١٨;گناہ كے عوامل ١٩

مسلمان: ٦، ١٠

مؤمنين : مؤمنين كى ذمہ ارى ٢، ١٠

نافرماني: نافرمانى كے اثرات ١٢، ١٧، ١٨

يہود: ٥، ١٠ يہود اور انبياء (ع) كا قتل ١٧، ٢٢;يہود كا انجام ١، ٩;يہود كا تجاوز كرنا ١٢، ١٦، ١٧ ; يہود كا ظلم ١٦;يہود كا كفر ١١، ١٦; يہود كا مغضوب ہونا٨، ١١، ١٢;يہود كى ذلت ١، ٢، ٣، ٤، ٩، ٢١;يہود كى كينہ توزى ١٤;يہود كى نافرمانى ١٢

آیت ( ۱۱ ۳ )

( لَيْسُواْ سَوَاءً مِّنْ أَهْلِ الْكِتَابِ أُمَّةٌ قَآئِمَةٌ يَتْلُونَ آيَاتِ اللّهِ آنَاءَ اللَّيْلِ وَهُمْ يَسْجُدُونَ )

ہ لوگ بھى سب ايك جيسے نہيں ہيں _ اہل كتاب ہى ميں وہ جماعت بھى ہے جو دين پر قائم ہے راتوں كو آيات الہى كى تلاوت كرتى ہے اور سجدہ كرتى ہے _

١_ اہل كتاب كا اپنے نظرياتى رجحانات اور اعمال و كردار ميں ايك جيسا نہ ہونا_ذلك بانهم كانوا يكفرون ليسوا سوائ

٢_ اہل كتاب كے بعض افراد آيات الہى كے منكر، انبياء (ع) كے قاتل ، گنہگار اور سركش ہيں اور بعض افراد اطاعت الہى كو قبول كرنے والے، آيات الہى كى تلاوت اور بارگاہ الہى ميں سجدہ كرنے والے ہيں _ذلك بانهم كانوا يكفرون ليسوا سواء من ا هل الكتاب و هم يسجدون

٣_ بعض اہل كتاب كا اسلام كى طرف عملى اور نظرياتى رجحان_من ا هل الكتاب امة قائمة يتلون آيات الله

٤_ بعض اہل كتاب كے ايمانى رجحانات اور پسنديدہ عمل كى وجہ سے ذلت و رسوائي اور غضب خدا سے بچ جانا_

ضربت عليهم الذلة ليسوا سواء من ا هل الكتاب

٥_ اسلام كى طرف سے اچھے لوگوں كا احترام اور ان كى تعريف كرنا اگرچہ وہ مسلمان نہ بھى ہوں _

ضربت عليهم الذلة ليسوا سواء من ا هل الكتاب امة قائمة

٦_ خدا كى اطاعت اور راتوں كو سجدہ كى حالت ميں آيات الہى كى تلاوت، انسانوں كى قدروقيمت كا معيار ہيں _

ليسوا سواء من ا هل الكتاب امة قائمة و هم يسجدون

٧_ خدا كى اطاعت و بندگى اور راتوں ميں بارگاہ خدا ميں سجدے كى حالت ميں آيات الہى (قرآن اور ...) كى تلاوت كرنے كى اہميت_يتلون آيات الله آناء اليل و هم يسجدون يہ اس صورت ميں ہے كہ جملہ'' و ھم يسجدون'' حال ہو_

٨_ راتوں ميں عبادت اور سجدے كے ہمراہ آيات الہى (قرآن اور ...) كى تلاوت كى ترغيب دينا_امة قائمة يتلون آيات الله آناء اليل و هم يسجدون

٩_ اہل كتاب كى آسمانى كتابوں ميں پيغمبراكرم(ص) كى بعثت تك تحريف نہ ہونے والى آيات كا موجود ہونا_

من ا هل الكتاب امة قائمة يتلون آيات الله چونكہ يہ آيت اہل كتاب كے بارے ميں ہے لہذا ''آيات الله '' سے مراد تورات و انجيل ہوسكتى ہيں اور ان كى تلاوت كى قدروقيمت انكے تحريف نہ ہونے كو بيان كرتى ہے_

١٠_ آيات الہى كى تلاوت اور خدا كيبارگاہ ميں سجدہ، اس كے حكم كو بجالانا ہے_امة قائمة يتلون و هم يسجدون يہ اس صورت ميں ہے كہ ''يتلون ...''، ''قائمة''كى تفسير ہو_

١١_ خدا كى اطاعت، آيات الہى كى تلاوت اور اسكى بارگاہ ميں سجدہ كرنا الہى اديان كے مشتركہ عملى اصولوں ميں سے ہے_من ا هل الكتاب امة قائمة يتلون و هم يسجدون

آسمانى كتب: آسمانى كتب كى تحريف ٩

آيات خدا: آيات خدا كى تلاوت ٢، ٦، ٧، ١٠، ١١ ;آيات خدا كے بارے ميں كفر ٢

اديان: اديان ميں سجدہ ١١; اديان ميں ہم آہنگى ١١

اسلام: ٣ اسلام كى خصوصيت ٥

اطاعت: خدا كى اطاعت ٦، ٧، ١٠، ١١

الله تعالى: الله تعالى كا غضب ٤;الله تعالى كى عبوديت ٧

انبياء (ع) : انبياء (ع) كا قتل ٢

اہل كتاب: ٣ اہل كتاب كا تجاوز كرنا ٢;اہل كتاب كا كفر ٢;اہل كتاب كے گروہ ١; مؤمن اہل كتاب ٢، ٤

تحريف: ٩ تحريك: ٨

تشويق دلانا: ٨

تہجد: تہجد كى تشويق دلانا ٨;تہجد كى قدروقيمت ٦، ٧

ذلت: ذلت سے رہائي كے عوامل ٤

زمانہ بعثت كى تاريخ: ٩

سجدہ: خدا كے آگے سجدہ ١١;سجدہ كى اہميت ١٠;سجدہ كى قدروقيمت ٦، ٧

شخصيت: شخصيت كى حفاظت ٥

عبادت: عبادت كى تشويق دلانا ٨

قدروقيمت: قدروقيمت كے معيارات ٦

قرآن كريم: قرآن كريم كى تلاوت ٧، ٨

كفر: ٢

مدح و مذمت: ٥

آیت ( ۱۱ ۴ )

( يُؤْمِنُونَ بِاللّهِ وَالْيَوْمِ الآخِرِ وَيَأْمُرُونَ بِالْمَعْرُوفِ وَيَنْهَوْنَ عَنِ الْمُنكَرِ وَيُسَارِعُونَ فِي الْخَيْرَاتِ وَأُوْلَئِكَ مِنَ الصَّالِحِينَ )

يہ الله او رآخرت پر ايمان ركھتے ہيں ، نيكيوں كا حكم ديتے ہيں _ برائيوں سے روكتے ہيں اور نيكيوں كى طرف سبقت كرتے ہيں اور يہى لوگ صالحين اور نيك كرداروں ميں ہيں _

١_ خدا اور روز قيامت پر ايمان، امربالمعروف اور نہى عن المنكر اور كارخير ميں جلدى كرنا، بعض اہل كتاب كى خصوصيات ميں سے ہيں _من اهل الكتاب يؤمنون بالله واليوم الاخر ويأمرون بالمعروف و ينهون عن المنكر و يسارعون فى الخيرات

٢_ اہل كتاب كے دين ميں امربالمعروف اور نہى عن المنكر ايك شرعى حكم تھا_من ا هل الكتاب يأمرون بالمعروف و ينهون عن المنكر ظاہر يہ ہوتا ہے كہ مذكورہ صفات اہل كتاب كيلئے، ان كے اہل كتاب ہونے كے لحاظ سے ہے_

٣_ امربالمعروف اور نہى عن المنكر كى خاص اہميت_يأمرون بالمعروف و ينهون عن المنكر

خدا اور روز قيامت پر ايمان كا ذكر كرنے كے بعد، امربالمعروف اور نہى عن المنكر كا عنوان كرنا، اس كى خاص اہميت كو بيان كرتا ہے_

٤_ خدا اور روز جزا پر ايمان، امربالمعروف و نہى عن المنكر اور كارخير ميں جلدى كرنا، انسان كى قدر و قيمت اور شائستگى ( صالح ہونے) كا معيار ہے_يؤمنون يسارعون فى الخيرات و اولئك من الصالحين

٥_ خدا اور روز جزا پر ايمان اور امربالمعروف و نہى عن المنكر، اديان الہى كے مشتركہ عملى اور نظرياتى اصولوں ميں سے ہيں _من ا هل الكتاب يؤمنون بالله و اليوم

الآخر و يأمرون بالمعروف و ينهون عن المنكر

٦_ اہل كتاب كے وہ افراد جو اطاعت الہى بجالائے اور راتوں ميں آيات الہى كى تلاوت كى اور اسكى بارگاہ ميں سجدہ ريز ہوئے، صالحين ميں سے ہيں _من ا هل الكتاب امة قائمة و اولئك من الصالحين

٧_ اہل كتاب كے بعض افراد جو خدا اور روز جزا پہ ايمان ركھتے ہيں نيكى كا حكم ديتے اور برائي سے روكتے ہيں اور كارخير ميں جلدى كرتے ہيں وہ صالحين كى نسل سے ہيں _من ا هل الكتاب امة يؤمنون بالله واولئك من الصالحين

٨_ احكام دين پر كاربند رہنا (خدا كى اطاعت)، آيات خدا كى تلاوت، اسكى بارگاہ ميں سجدہ كرنا، خدا اور روز جزا پر ايمان، امربالمعروف اور نہى عن المنكراور كارخير ميں جلدى كرنا نيك اور شائستہ امت كى خصوصيات ہيں _امة قائمة و اولئك من الصالحين

٩_ انسانوں كى شخصيت بنانے ميں عدل و انصاف كى رعايت اور بلند انسانى اقدار كے احترام كا لازمى ہونا_

ليسوا سواء من ا هل الكتاب امة يؤمنون بالله باوجود اسكے كہ اس آيت ميں مذكورہ افراد اہل كتاب ہيں ان كے كاموں كى جانچ پڑتال ميں عدل و انصاف كو مدنظر ركھا گيا ہے_

١٠_ انسانوں كا صالح و نيك ہونا خدا اور روز جزا پر ايمان، امربالمعروف اور نہى عن المنكر (دوسروں كى اصلاح) اوركارخير ميں جلدى كرنے كے مرہون منت ہيں _يؤمنون بالله و اولئك من الصالحين

١١_ انسانوں كا صالح ہونا خدا كى اطاعت كے استوار رہنے، راتوں ميں آيات الہى كى تلاوت كرنے اور اسكى بارگاہ ميں سجدہ كرنے ميں مضمر ہے_امة قائمة و هم يسجدون و اولئك من الصالحين

١٢_ خدا كى طرف سے اہل كتاب كے مؤمنين كى تعريف_من ا هل الكتاب امة ...يؤمنون بالله

١٣_ اطاعت خدا كا بجالانا، اسكى آيات كى تلاوت كرنا، اسكى بارگاہ ميں سجدہ كرنا، خدا اور روز جزا پہ ايمان لانا، امربالمعروف اور نہى عن المنكر اور كارخير ميں

جلدى كرنا، حبل الہى ہے*_ضربت عليهم الذلة الا بحبل من الله ليسوا سواء من ا هل الكتاب يؤمنون بالله و يسارعون فى الخيرات ايسا لگتا ہے كہ مذكورہ صفات ''حبل الله ''كو بيان كرتى ہيں ، چونكہ ان صفات والے افراد قطعاً ذلت و رسوائي سے دور ہيں _

١٤_ اہل كتاب ميں سے صالح افراد، ذلت و رسوائي سے آسودہ خاطر اور خدا كے غضب سے محفوظ ہيں _

ضربت عليهم الذلة ليسوا سواء من ا هل الكتاب امة قائمة و اولئك من الصالحين

١٥_ عبدالله بن سلام اور اہل كتاب كا ايك گروہ اسلام كى طرف مائل ہوكر صالحين ميں سے ہوگئے_

من ا هل الكتاب امة قائمة و اولئك من الصالحين شان نزول ميں آيا ہے: جب عبدالله بن سلام اور اہل كتاب كا ايك گروہ اسلام لايا، تو احبار (يہودى علمائ) نے كہا ہم ميں سے صرف شرپسند، پيغمبر(ص) پر ايمان لائے ہيں _(مجمع البيان)

آيات خدا: آيات خدا كى تلاوت ٦، ٨، ١١، ١٣

اديان: اديان كى ہم آہنگى ٥

اسلام: صدر اسلام كى تاريخ١٥

اطاعت: خدا كى اطاعت ٦، ٨، ١١، ١٣

الله تعالى: الله تعالى كا غضب ١٤

امتيں : بہترين امتيں ٨

امربالمعروف: ١، ٢، ٥، ٧، ٨، ١٣ امربالمعروف كى اہميت ٣;امربالمعروف كى قدرو قيمت ٤; امربالمعروف كے اثرات ١٠

اہل كتاب: اہل كتاب كا تہجد ٦; اہل كتاب كا دين ٢; اہل كتاب كے صالحين٦، ١٤; اہل كتاب كے مؤمنين ١، ٦، ٧، ١٢

ايمان: ايمان كى قدروقيمت ٤;ايمان كے اثرات ١٠;خدا پر ايمان ١، ٤، ٥، ٧، ٨، ١٠،١٣; معاد پر ايمان ١،٤ ،٥، ٧، ٨،١٠

تہجد: ٦ تہجد كے اثرات ١١

حبل الله : ١٣

دين: دين قبول كرنا ١٥

ذلت: ذلت سے رہائي كے عوامل ١٤

رشد و تكامل: رشد و تكامل كے عوامل١٠، ١١

سجدہ: سجدہ كى اہميت ٨، ١٣; سجدہ كے اثرات ١١

صالحين: ٧، ١٥

عدل و انصاف: جانچنے ميں عدل وانصاف ٩

قدروقيمت: قدروقيمت كے معيارات٩

قدروقيمت جانچنا: قدروقيمت جانچنے كے معيار ات٩

قيامت: ١، ٤، ٥، ٧، ٨، ١٠

مدح و مذمت: ١٢

مؤمنين : مؤمنين كا مقام ١٢

نہى عن المنكر: ١، ٢، ٥، ٧، ٨، ١٣ نہى عن المنكر كى اہميت ٣; نہى عن المنكر كى قدروقيمت ٤;نہى عن المنكر كے اثرات ١٠

نيكي: نيكى ميں جلدى ١، ٤، ٧، ٨، ١٠، ١٣

آیت ( ۱۱ ۵ )

( وَمَا يَفْعَلُواْ مِنْ خَيْرٍ فَلَن يُكْفَرُوْهُ وَاللّهُ عَلِيمٌ بِالْمُتَّقِينَ )

يہ جوبھى خير كريں گے اس كاانكار نہ كيا جائے گااور الله متقين كے اعمال سے خوب باخبر ہے _

١_ خدا كى طرف سے صالحين كے نيك اعمال كى جزا كا يقينى ہونا_و اولئك من الصالحين_ و ما يفعلوا من خير فلن يكفروه

٢_ اہل كتاب كے صالحين كے نيك اعمال كى جزا كا خدا كى طرف سے يقينى ہونا_من ا هل الكتاب و اولئك من الصالحين_ وما يفعلوا من خير فلن يكفروه

٣_ صالحين كے نيك اعمال كبھى خدا كى طرف سے بھلائے نہ جائيں گے اور نہ ہى بے پرواہى كا شكار ہوں گے_

و اولئك من الصالحين_ وما يفعلوا من خير فلن يكفروه

٤_ اطاعت الہى ، راتوں كو سجدے كى حالت ميں اسكي آيات كى تلاوت كرنا، خدا اور روز جزا پہ ايمان ركھنا، امربالمعروف اور نہى عن المنكر كرنا اور كارخير ميں جلدى كرنا نيك اعمال ميں سے ہيں _

من ا هل الكتاب امة قائمة و ما يفعلوا من خير

٥_ خدا كى طرف سے نيك اعمال كا صلہ اس صورت ميں ملے گا جب نيك اعمال كو انجام دينے والے افراد صالح ہوں گے_و اولئك من الصالحين_ و ما يفعلوا من خير فلن يكفروه ''مايفعلوا''ميں فاعل (واو) ضمير ہے جو صالحين كى طرف لوٹ رہى ہے، يعنى اگر صالحين نيك عمل انجام ديں تو انہيں اس كا صلہ ملے گا_

٦_ خداوند متعال كا متقين كے بارے ميں وسيع و دائمى علم_

والله عليم بالمتقين

٧_ امر خداوندى كو قائم كرنا، اسكى آيات كى تلاوت، سجدہ، خدا اور روز جزا پہ ايمان، امربالمعروف اور نہى عن المنكر، اور نيك كام ميں جلدى كرنا متقين كى خصوصيات ميں سے ہيں _امة قائمة يتلون آيات الله والله عليم بالمتقين

آيت ان لوگوں كى جزا كو بيان كرنے كے بارے ميں ہے كہ جن ميں مذكورہ بالا صفات پائي جاتى ہوں ، انہيں آيت نے متقين كہا ہے پس يہ متقين كے اوصاف ہيں _

٨_ پرہيزگار اپنے نيك اعمال كى وجہ سے خدا كى طرف سے جزا پاتے ہيں _و ما يفعلوا من خير فلن يكفروه والله عليم بالمتقين

٩_ خدا اور روز جزا پہ ايمان اور عمل صالح انسان كے منزل تقوي كو پانے كے باعث ہيں *_امة قائمة يؤمنون بالله واليوم الآخر والله عليم بالمتقين امربالمعروف كرنے والے اور مؤمنين كو متقى كہنا يا تو اس وجہ سے ہے كہ جن ميں مذكورہ بالا صفات ہوں وہ متقى ہيں يا اس وجہ سے ہے كہ مذكورہ بالا صفات تقوي كا موجب بنتى ہيں _

١٠_ خدا كے وسيع اور دائمى علم پر توجہ انسان كو اعمال خير اور تقوي پر ابھارتى ہے_و ما يفعلوا من خير فلن يكفروه والله عليم بالمتقين نيك اعمال اور ان كى جزا كے بارے ميں خدا كے علم كے ذكر كا مقصد لوگوں كو نيك اعمال كى ترغيب دلانا ہے_

١١_ اہل كتاب كے بعض افراد، متقى اور نيك اعمال كرنے والے ہيں _

من ا هل الكتاب امة قائمة و ما يفعلوا من خير

آيات خدا: آيات خدا كى تلاوت ٤، ٧

اجر: اجر كے اسباب ٥، ٨

اطاعت: خداكى اطاعت ٤، ٧

الله تعالى: الله تعالى كا علم ٦، ١٠

امربالمعروف: ٤، ٧

اہل كتاب: اہل كتاب كے صالحين ٢;اہل كتاب كے متقين ١١

ايمان: ايمان كے اثرات ٩;خدا پر ايمان ٤، ٧، ٩; قيامت پر ايمان٤، ٧، ٩

تحريك: تحريك كے عوامل ١٠

تقوي: تقوى كا اجر ٨;تقوي كے اثرات ٨;تقوي كے اسباب ٩، ١٠

تہجد: تہجد كى اہميت ٤

سجدہ: سجدہ كى اہميت ٤

شرعى فريضہ: شرعى فريضہ پر عمل كے اسباب ١٠

صالحين: صالحين كا اجر ١، ٢، ٣;صالحين كا عمل ٣

علم: ٦، ١٠

عمل: ١٠ عمل كا اجر ١، ٢; عمل كے اثرات ٥

عمل صالح: ٤، ٥ عمل صالح كا اجر ٨;عمل صالح كے اثرات ٩

قيامت: ٤، ٧، ٩

متقين: ٦ متقين كا اجر ٨;متقين كى صفات ٧

نہى عن المنكر: ٤، ٧

نيت: نيت كى اہميت ٥

نيكي: نيكى ميں جلدى ٤، ٧

آیت(۱۱۶)

( إِنَّ الَّذِينَ كَفَرُواْ لَن تُغْنِيَ عَنْهُمْ أَمْوَالُهُمْ وَلاَ أَوْلاَدُهُم مِّنَ اللّهِ شَيْئًا وَأُوْلَئِكَ أَصْحَابُ النَّارِ هُمْ فِيهَا خَالِدُونَ )

جن لوگوں نے كفر اختيار كيا ان كے مال و اولاد كچھ كام نہ آئيں گے اور يہ حقيقى جہنمى ہيں اور وہيں ہميشہ رہنے والے ہيں _

١_ كافروں كا مال اور ان كى اولاد انہيں عذاب خدا سے نہيں بجا سكتے_

ان الذين كفروا لن تغنى عنهم اموالهم و لااولادهم من الله شيئاً ''اغني''كا لفظ جب ''عن'' كے ساتھ متعدى ہو تو ''دفع ''كے معنى ميں آتا ہے _ لہذا ''لن تغني'' يعنى نہيں بچاسكتا_ (روح المعاني)

٢_ ذلت و رسوائي اور غضب خدا ميں مبتلا ہونے كى صورت ميں ، كافروں كى نظر ميں مال و اولاد ان كا واحد سہارا ہے_

ضربت عليهم الذلة ...وباء و بغضب من الله ان الذين كفروا لن تغني ظاهراً ''الذين كفروا''سے مراد اہل كتاب كا وہى كافر طبقہ ہے جن كے حالات سابقہ آيات ميں بيان كئے جاچكے ہيں _

٣_ انسان ہميشہ خدا كا محتاج ہے_ان الذين كفروا لن تغنى عنهم من الله شيئاً

٤_ مال و اولاد (انسان كے مادى وسائل) كفر كے محاذ پر خدا كے انكار سے پيدا ہونے والے خلا كو پرنہيں كرسكتے_

ان الذين كفروا لن تغنى عنهم اموالهم و لااولادهم من الله شيئا

٥_ خدا كى مشيت كے آگے كافروں كا بے بس ہونا_ان الذين كفروا لن تغنى عنهم ...من الله

٦_ كفار كى ذاتى ملكيت كا معتبر و قانونى ہونا_لن تغنى عنهم اموالهم

٧_ مال و اولاد (مالى اور افرادى قوت) انسان كيلئے سب سے اہم مادى سرمايہ ہے_ان الذين كفروا لن تغنى عنهم اموالهم و لااولادهم اسكے باوجود كہ كسى چيز كو خدا كى برابرى كى طاقت نہيں ، پھر بھى مال و اولاد كا ذكر اس كى خصوصيت اور اہميت كى دليل ہے_

٨_ مال و اولاد (انسان كے مادى وسائل) قدروقيمت كا معيار نہيں ہے_ليسوا سواء امة قائمة لن تغنى عنهم اموالهم و لااولادهم من الله شيئاً

٩_ خدا كى مرضى و منشا كے آگے مال و اولاد كا بے اثر ہونا_لن تغنى عنهم اموالهم و لااولادهم من الله شيئا

١٠_ كافر آتش جہنم ميں ہميشہ كيلئے رہيں گے_ان الذين كفروا واولئك اصحاب النارهم فيها خالدون

١١_ كفر، آتش جہنم ميں ہميشہ رہنے كا سبب_ان الذين كفروا واولئك اصحاب النارهم فيها خالدون

١٢_ اعمال كے انجام اور وعدہ وعيد كے بيان كے ذريعے لوگوں كى اصلاح كرنا اور انہيں كفر سے روكنا قرآن كے اصلاحى طريقوں ميں سے ايك ہے_و ما يفعلوا من خير فلن يكفروه و اولئك اصحاب النار هم فيها خالدون

١٣_ جہنم كى دائمى آگ، اہل كتاب كے كفر كا انجام ہے_ان الذين كفروا و اولئك اصحاب النار هم فيها خالدون

سابقہ آيات كے پيش نظر ''الذين''سے مراد اہل كتاب كے كافر افراد ہيں _

الله تعالى: الله تعالى كا ارادہ ٩ ;الله تعالى كا غضب ٢;الله تعالى كى مشيت ٥، ٩

انسان: انسان كا سرمايہ ٧;انسان كى روحانى ضروريات ٣، ٤

اولاد: ١، ٢ اولاد كى قدروقيمت ٤، ٧، ٨، ٩

اہل كتاب: كافراہل كتاب ١٣

ايمان: خدا پر ايمان ٤

بشارت و انذار: ١٢

تربيت: تربيت كے طريقے ١٢

جہنم: جہنم كى آگ ١٠، ١٣;جہنم ميں ہميشہ رہنا ١٠، ١١ ; كفار كا جہنم ميں ہونا ١٠

جہنمي: ١٠

ذاتي ملكيت: ٦

ذلت: ٢

رشد و تكامل: رشد و تكامل كے عوامل ١٢

عذاب: اہل عذاب ١;عذاب كے اسباب ١١

عمل: عمل كے اثرات ١٢

قدروقيمت: قدروقيمت كے معيارات ٨

كفار: ١٠ كفار كا مال ١، ٢; كفار كى اولاد ١، ٢ ;كفار كى ذلت ٢; كفار كى سزا ١، ١٣;كفار كے احكام ٦;كفار كے عقائد ٢;كفار كيلئے پناہ كا نہ ہونا ٥

كفر: كفر كے اثرات ٤، ١١

مادى وسائل ١، ٤، ٧، ٨، ٩

مال: ١، ٢ مال كى قدروقيمت ٤، ٧، ٨، ٩

آیت (۱۱۷)

( مَثَلُ مَا يُنفِقُونَ فِي هِذِهِ الْحَيَاةِ الدُّنْيَا كَمَثَلِ رِيحٍ فِيهَا صِرٌّ أَصَابَتْ حَرْثَ قَوْمٍ ظَلَمُواْ أَنفُسَهُمْ فَأَهْلَكَتْهُ وَمَا ظَلَمَهُمُ اللّهُ وَلَكِنْ أَنفُسَهُمْ يَظْلِمُونَ )

يہ لوگ زندگانى دنيا ميں جو كچھ خرچ كرتے ہيں اس كى مثال اس ہوا كى ہے جس ميں بہت پالا ہو اور وہ اس قوم كے كھيتوں پر گر پڑے جنھوں نے اپنے اوپر ظلم كيا ہے اور اسے تباہ كردے اور يہ ظلم ان پر خدا نے نہيں كيا ہے بلكہ يہ خود اپنے اوپر ظلم كرتے ہيں _

١_ جو كچھ كافر اس دنيا ميں خرچ كرتے ہيں وہ اس سخت ٹھنڈى ہوا كى مانند ہے، جو اپنے نفس پر ظلم كرنے والى قوم كى كھيتى پرچلے اور اسے نابود كردے_مثل ما ينفقون فى هذه الحيوة الدنيا فاهلكته

٢_ كفر، انسان كو اپنے انفاق (كارخير) كے ثمرات سے محروم كرنے كا موجب بنتا ہے_ان الذين كفروا مثل ما ينفقون فى هذه الحيوة الدنيا فاهلكته

٣_ كافروں كے انفاق كا نتيجہ مادى وسائل كى بربادى كى صورت ميں نكلتا ہے_مثل ما ينفقون فى هذه الحيوة الدنيا كمثل ريح فيها صر اصابت حرث قوم ظلموا انفسهم فاهلكته

٤_ اپنے انفاق كے ثمرات سے بہرہ ور ہونے كى شرط ايمان ہے_ *ان الذين كفروا مثل ما ينفقون كمثل ريح فيها صر اصابت حرث قوم يہ مطلب ''ان الذين كفروا '' كے مفہوم سے حاصل ہوتا ہے_

٥_ كافروں كے انفاق كا بے ثمر ہونا، ان كے مادى وسائل كے خدا سے بے نياز نہ سكنے كا ايك نمونہ ہے_

ان الذين كفروا لن تغنى عنهم اموالهم من الله مثل ما ينفقون كمثل ريح فيها صر اصابت حرث قوم

٦_ انسان كا كفر، اپنے نفس پر ظلم ہے_ان الذين كفروا حرث قوم ظلموا انفسهم و ما ظلمهم الله و لكن انفسهم يظلمون

٧_ انفاق سے كفار كا مقصد پست دنياوى زندگى كو پانا ہے_*مثل ما ينفقون فى هذه الحيوة الدنيا

انفاق كو دنياوى زندگى سے مقيد كرنا كافروں كى اس نيت كا بيان ہوسكتا ہے كہ انفاق سے ان كا مقصد صرف دنياوى زندگى حاصل كرنا ہے_

٨_ انفاق ميں دنيا كو مدنظر ركھنا، اپنے نفس پر ظلم ہے_*مثل ما ينفقون فى هذه الحيوة الدنيا كمثل ريح فيها صر اصابت حرث قوم ظلموا انفسهم

٩_ خدا كافروں پر ظلم نہيں كرتا بلكہ وہ خود اپنے آپ پر ظلم كرتے ہيں _و ما ظلمهم الله و لكن انفسهم يظلمون

١٠_ انفاق (اعمال خير) كا بے فائدہ ہونا اور كافروں كا انجام، ان كے اپنے اعمال كا نتيجہ ہے نہ كہ خداوند متعال كى طرف سے ہے_مثل ما ينفقون فى هذه الحيوة الدنيا كمثل ريح فيها صر اصابت حرث قوم و ما ظلمهم الله و لكن انفسهم يظلمون

الله تعالى: الله تعالى اور ظلم ٩;اللہ تعالى كا عدل ٩

انسان: انسان كى مادى ضروريات ٥

انفاق: ٢، ٣، ٥، ٧ ، ١٠ انفاق كا محرك ٨; انفاق كے اثرات ٢، ٤

ايمان: ايمان كے اثرات ٤

تحريك: تحريك كے عوامل ٧

دنيا پرستي: ٧، ٨

ظلم: ٩ اپنے نفس پر ظلم ٦، ٨، ٩

عمل: ا، ٢، ٥، ٧، ١٠ عمل كے اثرات و نتائج١٠ ;عمل كے صحيح ہونے كى شرط ٤

قرآن كريم: قرآن كريم كى مثاليں ١

كفار: كفار كا انفاق ١، ٣، ٥، ٧، ١٠;كفار كا ظلم ٩ ;كفار كا عمل صالح ١، ٢، ٥، ٧، ١٠ ;كفار كى دنيا پرستى ٧

كفر: كفر كے اثرات ٢، ٦، ١٠

مادى وسائل: ٣، ٥

آیت(۱۱۸)

( يَا أَيُّهَا الَّذِينَ آمَنُواْ لاَ تَتَّخِذُواْ بِطَانَةً مِّن دُونِكُمْ لاَ يَأْلُونَكُمْ خَبَالاً وَدُّواْ مَا عَنِتُّمْ قَدْ بَدَتِ الْبَغْضَاءُ مِنْ أَفْوَاهِهِمْ وَمَا تُخْفِي صُدُورُهُمْ أَكْبَرُ قَدْ بَيَّنَّا لَكُمُ الآيَاتِ إِن كُنتُمْ تَعْقِلُون َ )

اے ايمان والو خبردار غيروں كو اپنا رازدار نہ بنانا يہ تمھيں نقصان پہنچانے ميں كوئي كوتاہى نہ كريں گے _ يہ صرف تمھارى مشقت و مصيبت كے خواہش مند ہيں _ ان كى عداوت زبان سے بھى ظاہر ہے اور جو دل ميں چھپا ركھا ہے وہ تو بہت زيادہ ہے _ ہم نے تمھارے لئے نشانيوں كو واضح كركے بيان كرديا ہے اگر تم صاحبان عقل ہو _

١_ اہل ايمان كيلئے غيروں كو محرم رازبنانے سے پرہيز ضرورى ہے_يا ايها الذين آمنوا لاتتخدوا بطانة من دونكم ''بطانة''كے معنى استر كے كپڑے كے ہيں _ اسكے مقابلے ميں ''ظہارة'' ہے جو كپڑے كے اوپر كى تہہ كے معنى ميں ہے_ ''بطانة'' اس شخص كيلئےكنايہ كے طور پر استعمال ہوتا ہے جسے آپ نے اپنے كاموں سے باخبركرنےكيلئے چن لياہو_ (مفردات راغب)

٢_ اسلامى معاشرے كے رازوں اور اطلاعات كى

اغيار(كافروں ،منافقوں اور ...) سے حفاظت ضرورى ہے_يا ايها الذين آمنوا لاتتخذوا بطانة من دونكم

٣_ ايمان سے محروم لوگوں ( اغيار )كے ساتھ دوستانہ اور صميمى تعلقات كو ممنوع قرار دينا_

يا ايها الذين آمنوا لاتتخذوا بطانة من دونكم رازدار قرار دينے سے نہى كرنا، دوستانہ اور مخلصانہ تعلقات كى نفى ہے_

٤_ ايمان سے تہى معاشروں اور غيروں كے مقابلے ميں ، مومن معاشرہ بلند مقام كا حامل ہے_*

يا ايها الذين آمنوا ...من دونكم لفظ ''غير''كى جگہ پر ''دون'' كا استعمال ايمان سے تہى معاشروں كے پست ہونے كى طرف اشارہ ہوسكتا ہے_

٥_ دوستانہ اور مخلصانہ تعلقات كو وجود ميں لانے كا معيار اور محور ايمان ہے_يا ايها الذين آمنوا لاتتخذوا بطانة من دونكم يہ مطلب جملہ ''لا تتخذوا ...'' كے مفہوم سے حاصل ہوتا ہے_

٦_ مومنين اور ايمانى معاشرے ميں خلل اور فساد ڈالنے كيلئے ايمان سے محروم اور پرائے لوگوں كى مسلسل كوشش اور سازش_يا ايها الذين آمنوا لايالونكم خبالاً

٧_ ايمانى معاشرے كا رنج و تكليف اور مشقت ميں مبتلا ہونا اغياركى خواہش ہے_ودوا ما عنتم

'' ما عنتم'' ميں ما مصدريہ ہے اور'' عنت'' كے معنى تكليف اور مشقت كى شدت كے ہيں _

٨_ ايمانى معاشرے كا امن، رفاہ اور آسائش ميں ہونا، غيروں كيلئے غم و اندوہ كا باعث ہے_

ودوا ما عنتم مندرجہ بالا مطلب جملہ ''ودوا ما عنتم'' كے مفہوم سے حاصل كيا گيا ہے_

٩_ غيروں كى اسلام اور ايمانى معاشرے كے ساتھ دشمنى ان كى گفتار سے آشكار ہے_قد بدت البغضاء من افواههم

١٠_ انسان كے اندرونى رازوں كا خود بخود كلام و بيان ميں ظاہر ہو جانا_قد بدت البغضاء من افواههم

١١_ انسان كے اندر كى پہچان كا ايك ذريعہ اسكى زبان ہے_قد بدت البغضاء من افواههم

چونكہ وہ اپنا ما فى الضمير چھپانا چاہتے تھے ليكن ان كى باتوں سے ظاہر ہوگيا، اس سے مندرجہ بالا

مطلب حاصل ہوتا ہے_

١٢_ دين كے دشمنوں كى سازشوں اور ان كے اثرورسوخ كے مقابلے ميں اسلامى معاشرے كى دائمى ہوشيارى كا ضرورى ہونا_يا ايها الذين آمنوا لايالونكم خبالا ودوا ما عنتم قد بدت البغضائ

غيروں كى دشمنى اور كينہ پرورى كا بيان ، دلالت كرتا ہے كہ ايمانى معاشرے كيلئے ضرورى ہے كہ ان كے بارے ميں ہوشيار ر ہے_

١٣_ اغيار كا مؤمنين كے ساتھ مخفى اور دلى بغض و كينہ اس سے كہيں زيادہ گہرا اور شديد ہے جتنا ان كى باتوں سے ظاہر ہوتا ہے_قد بدت البغضاء من افواههم و ما تخفى صدورهم اكبر

١٤_ خدا كى طرف سے غيروں (كافروں ) كى مسلمانوں اور اہل ايمان كے ساتھ دلى عداوتوں كا آشكار كيا جانا_

و ما تخفى صدورهم اكبر

١٥_ اہل كتاب كى مومنين كے ساتھ دلى عداوت، ان كے خلاف سازشيں كرنا اور ان كا برا چاہنا_ اور اسى طرح ايمانى معاشرے كے ان كے ساتھ قريبى تعلقات پيدا ہونے كا خطرہ_يا ايها الذين آمنوا لاتتخذوا بطانة من دونكم صدورهم اكبر يہ اس صورت ميں ہے كہ سابقہ آيات كى مناسبت سے ''من دونكم''سے مراد اہل كتاب ہوں _

١٦_ آغاز اسلام ميں ، بعض اہل كتاب كا مسلمانوں كے ساتھ دو غلاپن_قد بدت البغضاء من افواههم و ما تخفى صدورهم اكبر پہلى آيات كے قرينہ سے ''دونكم''سے مراد اہل كتاب ہيں اور يہ كہ وہ اپنى دلى عداوت كو چھپاكر ركھتے تھے ،اس سے ان كا دو غلاپن ظاہر ہوتا ہے_

١٧_ غيروں (كافروں ) كى گفتار اور ان كى اندرونى سوچوں كى تحقيق ،اسلامى معاشرہ كے خلاف ان كى سازشوں كو بے نقاب كرنے كيلئے ضرورى ہے_لاتتخذوا بطانة من دونكم لايا لونكم خبالا ودوا ما عنتم قد بدت البغضاء من افواههم و ما تخفى صدورهم اكبر

١٨_ غيروں (كافروں ) كى دشمني، سازشيں اور برا چاہنا، اسلامى معاشرے كے ان كے ساتھ تعلقات قائم نہ كرنے كى ايك وجہ ہے_لاتتخذوا لايالونكم خبالاً و ما تخفى صدورهم اكبر

''لايالونكم ...''كا جملہ ''لاتتخذوا '' كيلئے علت ہے_

١٩_ اسلامى معاشرے كے غيروں كے ساتھ گہرے و محكم تعلقات معاشرے ميں غيروں كے اثرورسوخ اور ان كى طرف سے معاشرے ميں رخنہ اندازيوں كى راہ ہموار كرتے ہيں _لاتتخذوا بطانة من دونكم لايالونكم خبالاً

''لايالونكم ...''كا جملہ ''لاتتخذوا ...''كى علت بيان كر رہا ہے_

٢٠_ انسان كا سينہ، محبتوں اور نفرتوں كا مركز ہے_و ما تخفى فى صدورهم اكبر

٢١_ انسان كے اندرونى رازوں سے خداوند متعال كا آگاہ ہونا_و ما تخفى صدورهم اكبر

٢٢_ انسانى معاشروں كى تقسيم بندى كيلئے ايك معيار و ميزان، انسانوں كے اعتقادات و نظريات ہيں _

يا ايها الذين آمنوا لاتتخذوا بطانة من دونكم و ما تخفى صدورهم اكبر خداوند متعال نے انسانى معاشرے كو مومنين اور غيرمومنين ميں تقسيم كيا ہے اور يہ تقسيم ان كے نظريات كى بنياد پر ہے_

٢٣_ غيروں اور دين كے دشمنوں كے اثرورسوخ سے ايمانى معاشرہ كى حفاظت تمام اہل ايمان كا فريضہ ہے_

يا ايها الذين آمنوا لاتتخذوا بطانة من دونكم ايسا لگتا ہےكہ خداوند متعال كا اس حكم سے مقصد كہ كافروں كو اپنا رازدار نہ بنائيں ان كے اسلامى معاشرہ ميں اثرورسوخ روكنے كى خاطر ہے_

٢٤_ غيروں اور دين كے دشمنوں كے حقيقى چہرہ كو ظاہر كرنے كے بارے ميں خداوند متعال كا مومنين پر اتمام حجت كرنا اور ان كى سازشوں سے بچنے كا طريقہ بتانا_يا ايها الذين آمنوا قد بينا لكم الآيات

٢٥_ غيروں اوردين كے دشمنوں كى سازشوں اور مكروفريب كو ظاہر كرنا، آيات الہى ميں سے ہے_

قد بدت البغضاء من افواههم قد بينا لكم الآيات

٢٦_ آيات الہى سے مستفيد ہونے كى شرط ايمان اور غوروفكر سے كام لينا ہے_

يا ايها الذين آمنوا قد بينا لكم الآيات ان كنتم تعقلون ايسا لگتا ہے كہ ''ان كنتم تعقلون''آيات سے بہرہ مند ہونے كى شرط ہے نہ اصل بيان كى كيونكہ بيان محقق ہوچكا ہے_

٢٧_ ايمانى معاشرے كى فكر اور سوچ دين كے دشمنوں كو پہچاننے كا وسيلہ ہے اور ان كى سازشوں سے بچنے كى راہ ہموار كرتى ہے_يا ايها الذين آمنوا قد بدت البغضاء من افواههم ان كنتم تعقلون

يہ اس صورت ميں ہے كہ ''ان كنتم تعقلون'' كو آيت ميں تمام مذكورہ بالا مطالب كيلئے شرط قرار ديا گيا ہو_

٢٨_ غيروں كے ساتھ دوستانہ تعلقات اور انہيں اپنا رازدار بنانا انسان كى بے عقلى كى علامت ہے_

يا ايها الذين آمنوا لاتتخذوا بطانة من دونكم ان كنتم تعقلون

٢٩_ صحيح كو غلط سے پہچاننے ميں آيات خدا، اہل فكر مومنين كى راہنمائي كرتى ہيں _قد بينا لكم الآيات ان كنتم تعقلون

آيات خدا:٢٦ ، ٢٩

اتحاد: اتحاد كے عوامل ٥

اتمام حجت: ٢٤

اسلام: اسلام كے دشمن ٩، ١٤; صدر اسلام كى تاريخ ١٦

اغيار: ٢، ١٣ اغيار سے برتاؤ كا طريقہ ٢٣، ٢٤ ;اغيار سے تعلقات ١، ٢، ٣، ١٥، ١٨، ١٩، ٢٨ ;اغيار كا اندوہ ٨;اغيار كا برا چاہنا ١٨; اغيار كى خواہشات ٧;اغيار كى دشمنى ٩، ١٢، ١٤، ١٨ ; اغياركى سازش ٦، ١٧، ٢٤، ٢٥

الله تعالى: الله تعالى كا علم ٢١

امن و امان: ٨

انسان: انسان كا سينہ ٢٠; انسان كى خصلتيں ١٠

اہل كتاب: اہل كتاب اور مومنين ١٥; اہل كتاب كا برا چاہنا ١٥ ; اہل كتاب كا نفاق ١٦ ;اہل كتاب كى دشمنى ١٥; اہل كتاب كى سازش ١٥;مسلمان اور اہل كتاب ١٦

ايمان: ايمان كے اثرات ٢٦ ;ايمان كے اجتماعى اثرات ٥

بين الاقوامى تعلقات: ١٨، ١٩، ٢٨

تعقل: تعقل كى اہميت ٢٩ ;تعقل كے اثرات ٢٦، ٢٧ ; عدم تعقلكے نتائج٢٨

تولا و تبرا: ٣ حب و بغض: ٢٠

دشمن: ٩، ١٢، ١٣، ١٤، ٢٣، ٢٤، ٢٧ دشمن كى سازش ١٢، ٢٤، ٢٧ دشمن شناسي: دشمن شناسى كے عوامل ٢٧

دشمني: ٩، ١٢، ١٣، ١٤، ١٨

دوستي: دوستى كا معيار ٥

دين: دين كى حفاظت ٢٣;دين كے دشمن ٢٣، ٢٥، ٢٧

رازداري: رازدارى كى اہميت ١، ٢، ٢٨

سازش كا آشكار كرنا: ٢٤، ٢٥

شناخت: شناخت كے ذرائع ١١، ٢٩

فساد: فسادكے عوامل ٦

كفار: مسلمان اوركفار ٢;كفار كى سازش ١٧، ١٨

گفتار: گفتار كے اثرات ١١، ١٣، ١٧

مسلمان: ٢، ١٥

معاشرتى طبقات: ٢٢ معاشرہ: اسلامى معاشرہ٤، ٦، ٧، ٩، ١٥، ١٩ ; اسلامى معاشرہ كا امن وامان ٨;اسلامى معاشرہ كى رفاہ ٨; اسلامى معاشرہ كى ہوشيارى ١٢;معاشرہ كى ذمہ دارى ٢٣; معاشرہ كے تنزل كے عوامل ١٩

منافق: ٢

منافقت: ١٥ مومنين: ٢، ٤، ١٤

مؤمنين كے دشمن ١٣، ١٤، ١٥

نيت: نيت كا علم ٢١

ہدايت: ہدايت كے عوامل ٢٩

آیت(۱۱۹)

( هَاأَنتُمْ أُولاءِ تُحِبُّونَهُمْ وَلاَ يُحِبُّونَكُمْ وَتُؤْمِنُونَ بِالْكِتَابِ كُلِّهِ وَإِذَا لَقُوكُمْ قَالُواْ آمَنَّا وَإِذَا خَلَوْاْ عَضُّواْ عَلَيْكُمُ الأَنَامِلَ مِنَ الْغَيْظِ قُلْ مُوتُواْ بِغَيْظِكُمْ إِنَّ اللّهَ عَلِيمٌ بِذَاتِ الصُّدُورِ )

خبردار _ تم ان سے دوستى كرتے ہو اور يہ تم سے دوستى نہيں كرتے ہيں _ تم تمام كتابوں پر ايمان ركھتے ہو او ريہ جب تم سے ملتے ہيں تو كہتے ہيں كہ ہم ايمان لے آئے او رجب اكيلے ہو تے ہيں تو غصہ سے انگلياں كاٹتے ہيں _ پيغمبر آپ كہہ ديجئے كہ تم اسى غصہ ميں مرجاؤ _ خدا سب كے دلوں كے حالات سے خوب باخبر ہے_

١_ كافروں اور غيروں كے ساتھ بعض مومنين كى محبت اور ان كا مومنين سے دھوكہ اور دغابازى كرنا_

يا ايها الذين آمنوا هآا نتم اولاء تحبونهم واذا خلوا عضوا عليكم الأنامل من الغيظ

٢_ مومنين كا كافروں كى سازشوں كے بارے ميں غافل ہونا، ان سے دھوكہ كھاكر ان كے ساتھ انتہائي محبت كرنے كى وجہ بنتا ہے_يا ايها الذين آمنوا هآأنتم اولاء تحبونهم واذا خلوا عضوا عليكم الأنامل من الغيظ مورد بحث آيت كے سابقہ آيت كے ساتھ ارتباط سے يہ مطلب حاصل ہوتا ہے_

٣_ آيات خدا ميں فكر كرنا (كافروں كى دشمنى اور سازش كو فاش كرنا) غيروں كے ساتھ اہل ايمان كى محبت سے روگردانى كا باعث ہے_لايالونكم خبالا ودوا ما عنتم قد بينا لكم الآيات ان كنتم تعقلون_ هآأنتم اولاء تحبونهم

٤_ مسلمان، آسمانى كتابوں پر اپنے ايمان كى وجہ سے،

تمام اديان كے پيروكاروں سے محبت كرتے ہيں _*هآأنتم اولاء تحبونهم و لايحبونكم و تؤمنون بالكتاب كله

يہ اس صورت ميں ہے كہ ''تؤمنون '' ، ''تحبونہم'' كى علت ہو_

٥_ كفار اور غيروں كے ساتھ اظہار محبت كے باوجود ان كا مؤمنين كے ساتھ دشمنى و كينہ_هآأنتم اولاء تحبونهم و لايحبونكم

٦_ مسلمان، تمام آسمانى كتابوں پہ ايمان ركھتے ہيں _و تؤمنون بالكتاب كله اگرچہ يہاں پر لفظ ''كتاب'' مفرد ہے ليكن جمع كے معنى ميں ہے چونكہ الف لام، جنس كيلئے ہے_

٧_ كافروں (اہل كتاب) كا بعض آسمانى كتابوں پہ عقيدہ نہ ہونا_هآأنتم اولاء و تؤمنون بالكتاب كله

مسلمانوں كا تمام كتابوں پہ ايمان ركھنا، قرينہ مقابلہ كو ديكھتے ہوئے اس كو بيان كرتا ہے كہ اہل كتاب تمام آسمانى كتابوں پر ايمان نہيں ركھتے ہيں _

٨_ تمام آسمانى كتابوں (قرآن و پر) ايمان كا اظہار كرنے ميں بعض اہل كفر كى مسلمانوں كے ساتھ منافقانہ روش_

و اذا لقوكم قالوا امنا و اذا خلوا عضوا عليكم الأنامل ''أمنا''كا متعلق '' تؤمنون بالكتاب كلہ'' كے قرينہ سے تمام آسمانى كتابيں ہيں _

٩_ بعض اہل كتاب كا مومنين كے ساتھ شديد بغض و كينہ_و اذا لقوكم قالوا امنا و اذا خلوا عضوا عليكم الأنامل من الغيظ

١٠_ دين كے دشمنوں كا مومنين كے ساتھ شديد بغض و كينہ كا ، ان كے اپنى انگليوں كو كاٹنے ميں ظاہر ہونا_

عضوا عليكم الأنامل من الغيظ

١١_مومنين كے ساتھ منافقين كے بغض و كينہ كا شديد ہونا_*و اذا لقوكم قالوا امنا و اذا خلوا عضوا عليكم الأنامل من الغيظ مؤمنوں كے ساتھ برتاؤ ميں ايمان كا اظہار اور باطن ميں ان كے ساتھ دشمنى ،اس بات كو بيان كرتى ہے كہ احتمالا يہ آيت منافقين كے بارے ميں ہے_

١٢_ مؤمنين كے ساتھ دشمنان اسلام كے شديد بغض و كينہ كا خدا كى طرف سے ظاہر كيا جانا_

و اذا خلوا عضوا عليكم الأنامل من الغيظ

١٣_ انسان كى باطنى كيفيت كي، اسكے بيروني حالات اور روش ميں تأثير_عضوا عليكم الأنامل من الغيظ

اسلام كے دشمنوں كا كينہ (جوكہ ايك باطنى كيفيت ہے) انگلياں كاٹنے ( جو كہ ايك ظاہرى حالت ہے) كا موجب بنا ہے_

١٤_ دشمنان دين كا، مومنين كو غافل كرنے كيلئے دينى شعائرسے سوء استفادہ كرنا_هآأنتم اولاء تحبونهم و لايحبونكم و اذا لقوكم قالوا امنا يہ اس صورت ميں ہے كہ مومنين كى كافروں كے ساتھ محبت، كفار كے ايمان (امنا) پر اظہار كرنے كا نتيجہ ہو_

١٥_ اسلامى معاشرہ كا ايمان، دين كے دشمنوں كے بغض و كينہ كا مركز_و تؤمنون بالكتاب كله و اذا خلوا عضوا عليكم الأنامل من الغيظ

١٦_ ايمانى معاشرے اور دين كے غضبناك دشمنوں كى نابودى كيلئے پيغمبراكرم(ص) كا بد دعا كرنا_قل موتوا بغيظكم

١٧_ دشمنان دين كے گزندسے ايمانى معاشرے كے امن و امان كى حفاظت كيلئے خداوند تعالى كى خاص توجہ كا ہونا_

ودوا ما عنتم قد بدت البغضاء و اذا خلوا عضوا عليكم الأنامل من الغيظ قل موتوا بغيظكم كافروں كى دشمنيوں اور كينے كا ظاہر كرنا، اور ان كى سازشوں كيلئے راہ حل بتانا، مومنين پر خدا كى خاص توجہ كى علامت ہے_

١٨_ انسان جو باتيں اپنے دلوں ميں چھپاكر ركھتے ہيں خدا كا ان سب كے بارے ميں آگاہ ہونا_ان الله عليم بذات الصدور

١٩_ دين كے دشمن اسلام اور ايمانى معاشرے سے جو بغض و كينہ اپنے دل ميں ركھتے ہيں ، خداوند متعال كا اس سے آگاہ ہونا_عضوا عليكم الأنامل من الغيظ ان الله عليم بذات الصدور

٢٠_ انسان كا سينہ محبتوں اور نفرتوں كا گھر ہے_قل موتوا بغيظكم ان الله عليم بذات الصدور

٢١_ تمام قلبى رازوں سے خدا كى واقفيت پر توجہ انسان كو گناہ و انحراف سے بچانے كا باعث بنتى ہے_