امامين حسنين عليهما السلام ثقافتى اور فکر اسلامى - نيٹ ورک

تفسير راہنما جلد ۳

جو كچھ اس آيت كے شان نزول ميں آيا ہے اسكے مطابق مكہ ميں مسلح جنگ سے يہ نہى ہجرت رسول خدا سے پہلے كى گئي تھي_

٢_ صدر اسلام كے بعض مسلمانوں كا جہاد اور مسلح جنگ كا حكم صادر ہونے سے پہلے كفار كے ساتھ لڑنے كامطالبہ كرنا_الم تر الى الذين قيل لهم كفّوا ايديكم فلما كتب عليهم القتال

جملہ '' فلما كتب ''سے معلوم ہوتا ہے كہ ''كفّوا''سے مراد، مسلح جنگ سے روكنا ہے_

٣_ صدر اسلام كے بعض مسلمان، كفار كے ساتھ جنگ كا راستہ ہموار ہونے سے پہلے ہى ان كے ساتھ لڑنے كے خواہشمند تھے_الم تر الى الذين قيل لهم كفّوا ايديكم جيساكہ پہلے بھى كہا گيا ہے كہ''فلما كتب ...''كا معنى حكم جہاد كا صادر ہونا ہے_ اور ہوسكتاكہ اس سے مراد، جہاد كى زمينہموار ہونا اور جہاد كى شرائط فراہم ہونا ہو_ يعنى جب پيغمبراكرم (ص) نے مسلمانوں كو جہاد كى دعوت دي

٤_ نماز قائم كرنا اور زكات ادا كرنا ضرورى ہے_الم تر الى الذين قيل لهم كفّوا ايديكم و اقيموا الصلوة واتوا الزكوة

٥_ اسلام ميں عبادى و اقتصادى مسائل كا باہمى رابطہ_اقيموا الصلوة واتوا الزكوة

٦_ ديگر انفرادى و اجتماعى عبادات كى نسبت نماز قائم كرنے اور زكات ادا كرنے كى زيادہ اہميت ہے_

قيل لهم كفّوا ايديكم و اقيموا الصلوة واتوا الزكوة چونكہ واجبات ميں سے فقط نماز اور زكوة كى طرف اشارہ كيا گيا ہے جبكہ اس وقت يقيناً ديگر امور بھى واجب تھے_

٧_ جہاد كى تشريع پر نماز و زكات كى تشريع كا مقدم ہونا_الم ترى الى الّذين اقيموا الصلوة واتوا الزكوة فلّما كتب عليهم القتال يہ اس بنا پر ہے كہ ''فلما كتب''سے مراد جہاد كااصل وجوب ہو نہ كہ اس كيلئے زمينہموار ہونا_

٨_ جہاد و فداكارى كيلئے آمادگى اور خودسازى ميں زكات كى ادائيگى اور نماز كے قائم كرنے كا كردار_

الم تر الى الّذين قيل لهم كفّوا ايديكم و اقيموا الصلوة و اتوالزكوة فلمّا كتب عليهم القتال

مسلح جنگ سے روكنے كے بعد نماز قائم كرنے اور زكات ادا كرنے كے بارے ميں حكم خدا وند متعال كا نازل ہونا اس بات پر دلالت كرتا ہے كہ جب تك معاشرے ميں اقامہ نماز اور ادائے زكوة پورى طرح رائج نہ ہوجائے جہاد و مبارزت كى

شرائط فراہم نہيں ہوتيں _

٩_ جہاد اور مبارزت كى ضرورى شرائط ميں سے ايك دينى معاشرے ميں خدا كى عبادت و بندگى كى روح كو اجاگر كرنا ہے_قيل لهم كفّوا ايديكم و اقيموا الصلوة واتوا الزكوة

١٠_ جہاد و مبارزت كيلئے ہر دينى معاشرے ميں مال و دولت كے ايثار اور ناداروں كى اقتصادى حالت درست كرنے كا جذبہ پيدا كرنا ضرورى شرائط ميں سے ہے_كفوا ايديكم و اقيموا الصلوة و اتوا الزكوة

١١_ كفار كے ساتھ لڑنے سے پہلے خودسازى كرنے كى ضرورت_و اقيموا لصلوة و اتوا الزكوة فلما كتب عليهم القتال

١٢_ زكات كى نسبت، نماز كو زيادہ اہميت حاصل ہے_*و اقيموا الصلوة و اتوا الزكوة آيت ميں زكات پر نماز كو مقدم كرنا ہوسكتا ہے نماز كى زيادہ اہميت كى طرف اشارہ ہو_

١٣_ صدر اسلام ميں جہاد و مبارزت كا ادعا كرنے والے بعض افراد كا جہاد كے فرمان سے خوف زدہ ہوجانا_

فلما كتب عليهم القتال اذا فريق منهم يخشون النّاس كخشية الله او اشد خشية

١٤_ صدر اسلام كے بعض مسلمان ،دشمن كے ساتھ جنگ و جہاد سے اس طرح خوف زدہ تھے جس طرح خوف خدا ركھنے والے خدا سے ڈرتے ہيں _اذا فريق منهم يخشون النّاس كخشية الله مذكورہ بالا مطلب اس بنا پر ہے كہ ''كخشية الله ''، ''يخشون''كے فاعل كيلئے حال ہو تو اس صورت ميں ايك مضاف مقدر ہے اور تقدير ميں جملہ يوں ہوگا_ يخشون النّاس مثل اہل خشية الله

١٥_ صدر اسلام كے بعض مسلمان، خوف خدا ركھنے والوں كے خوف سے بھى زيادہ دشمن كا مقابلہ كرنے سے خوف زدہ تھے_اذا فريق منهم يخشون النّاس او اشدّ خشيةً ''او اشدّ خشية''ميں ''او'' تقسيم كيلئے ہے اور اس بات كى طرف اشارہ ہے كہ جنگ سے خوف زدہ مسلمانوں كے دو گروہ تھے_

١٦_ صدر اسلام كے بعض مسلمان جس طرح خداوند متعال سے ڈرتے تھے، اسى طرح دشمن كا مقابلہ كرنے سے ڈرتے تھے_

اذا فريق منهم يخشون النّاس كخشية الله مذكورہ بالامطلب ميں''كخشية الله ''كو مفعول مطلق محذوف كى صفت كے طور پر ليا گيا ہے اور ''خشية''كا فاعل ايك ضمير ہے جو ''فريق''كى طرف پلٹ رہى ہے يعنى ''يخشون النّاس مثل خشيتھم من الله ''_

١٧_ صدر اسلام كے بعض مسلمان، خوف الہى سے زيادہ جنگ كے خوف ميں مبتلا تھے_ يخشون النّاس كخشية الله او اشدّ خشية

١٨_ صدر اسلام كے بہت سے مسلمان حكم جہاد كے سامنے سر تسليم خم كرنے اور دشمن كے ساتھ جنگ كيلئے آمادہ ہوگئے تھے_اذا فريق منهم يخشون النّاس

١٩_ خوف خدا اور دشمن سے نہ ڈرنا، صدر اسلام كے بہت سے مسلمانوں كى خصوصيت تھي_اذا فريق منهم يخشون النّاس كخشية الله

٢٠_ لوگوں كو جہاد سے روكنے والے عوامل ميں سے ايك غيرخدا سے ڈرنا ہے_يخشون النّاس كخشية الله

٢١_ دشمنوں كا مقابلہ كرنے سے ڈرنے والے مسلمانوں كى سرزنش_فلما كتب عليهم القتال اذا فريق منهم يخشون النّاس

٢٢_ خداوند متعال كى ذات اس قدر بلند و بالا مقام كى حامل ہے كہ جس كے سامنے ہى خوف و خشيت سزاوار ہے_

اذا فريق منهم يخشون الناس كخشية الله او اشدّ خشية تعظيم سے آميختہ خوف كو ''خشية''كہتے ہيں _ يعنى كسى شخص يا چيزكى عظمت اس سے خوف زدہ ہونے كا باعث بن جائے تو كہا جاتا ہے كہ يہ اس سے'' خشيت '' ركھتا ہے اور غيرخدا سے ڈرنے پر خداوند متعال كا مذمت كرنا دلالت كرتا ہے كہ فقط اسى سے ''خشيت ''ركھنى چاہيئے_

٢٣_ بعض مسلمانوں كا فرمان جہاد پر اعتراض كرنا اور اس ميں تاخير كى درخواست كرنا_و قالوا ربّنا لم كتبت علينا القتال لولااخّرتنا الى اجل قريب

٢٤_ صدر اسلام كے بعض مسلمانوں كى طرف سے حكم جہاد پر اعتراض كرنے كا سبب ان كا خوف زدہ ہونا تھا_

يخشون النّاس و قالوا ربّنا لم كتبت علينا القتال

٢٥_ جنگ سے ہراساں مسلمانوں كا ،حكم جہاد كو لغو كرنے كا مطالبہ كرنا_و قالوا ربّنا لم كتبت علينا القتال لولااخّرتنا الى اجل قريب بعض كى رائے ہے كہ ''اجل قريب''سے مراد موت كا وقت ہے اور موت كے وقت تك حكم جہاد كى تاخير كا معنى اسے لغو كرنا ہے_

٢٦_ حكم جہاد كے نزول كے ساتھ لوگوں كے ايمان كى حقيقت اور ان كے باطن كا ظاہر ہونا_

فلمّا كتب عليهم القتال اذا فريق منهم يخشون النّاس و قالوا ربّنا لم كتبت علينا القتال

٢٧_ آخرت اور اسكى نعمتوں كے مقابلے ميں دنيوى فوائد اور منافع كا ناچيز اور كم اہميت ہونا_قل متاع الدّنيا قليل و الآخرة خير لمن اتّقي

٨ ٢_ انسان كى نظر ميں دنيوى منافع كى قدر قيمت ہونے كى وجہ سے جہاد اور فرامين الہى سے روگردانى و تخلف كا راستہ ہموار ہوتا ہے_و قالوا ربّنا لم كتبت علينا القتال قل متاع الدنيا قليل چونكہ جملہ ''قل متاع الدنيا''ان كے اعتراض كا جواب ہے_ اس سے ظاہر ہوتا ہے كہ حكم جہاد سے تخلف كا اصل سبب، دنيا سے ان كى وابستگى ہے_

٢٩_ پرہيزگاروں كيلئے آخرت كا دنيا سے بہتر ہونا_و الآخرة خير لمن اتقي

٣٠_ اخروى سعادت، پرہيزگارى سے مشروط ہے_والآخرة خير لمن اتقي

٣١_ احكام الہى كے سامنے سر تسليم خم نہ كرنا اور دشمن كا مقابلہ كرنے سے ڈرنا، بے تقوي ہونے كى علامت ہے_

و قالوا ربّنا لم كتبت علينا القتال لو لااخّرتنا الى اجل قريب والآخرة خير لمن اتقي ہوسكتا ہے ''اتقي''كا مفعول وہ امور ہوں جو آيت ميں جہاد سے تخلف كرنے والوں كى طرف منسوب كئے گئے ہيں مثلاً حكم خدا پر اعتراض كرنا اور جہاد و جنگ سے ڈرنا_

٣٢_ فرائض كے انجام دينے كى ترغيب دلانے كيلئے قرآن كا انسان كى مفاد پرستى كى سرشت سے استفادہ كرنا_

قل متاع الدّنيا قليل و الآخرة خير لمن اتقي

٣٣_ خداوند م متعال اپنے بندوں پر ذرّہ بھر ظلم نہيں كرتا_و لاتظلمون فتيلاً ''فتيل''ايك انتہائي باريك دھاگے كو كہا جاتا

ہے_ اور بہت ہى چھوٹى چيزوں كو اس سے تشبيہ دى جاتى ہے_

٣٤_ خداوندمتعال، مجاہدين كا اجر بغيركسى كمى و كاستى كے مكمل طور پر ادا كرتا ہے_

فلمّا كتب عليهم القتال و لاتظلمون فتيلا جملہ''لاتظلمون فتيلاً'' كا معنى يہ ہے كہ اجر و ثواب عطا كرنے ميں ان پر ظلم نہيں ہوتا، يعنى وہ اپنا اجر مكمل طور پر حاصل كرتے ہيں _

٣٥_ الہى جزا و سزا كے نظام كا ہر قسم كے ظلم و ستم سے پاك ہونا_فلمّا كتب عليهم القتال و لاتظلمون فتيلا

٣٦_ خداوند متعال كا زمانہ رسول خدا (ص) كے سست عناصر كو جنگ و جہاد كے بارے ميں خالى اور كھوكھلے دعووں سے باز رہنے كى دعوت دينا_الم تر الى الّذين قيل لهم كفّوا ايديكم امام صادق(ع) نے اس آيت كى تفسير ميں فرمايا:يعنى كفّوا السنتكم (١) اپنى زبانوں كو روكو_

آنحضرت(ص) : آنحضرت (ص) كى سيرت ١; آنحضرت (ص) مكہ ميں ١

اسلام: اسلام كى خصوصيت ٥; صدر اسلام كى تاريخ ١،١٣، ١٥، ١٦، ١٧ ٨ ١، ١٩، ٣٦

اقتصادى نظام: ٥

اقدار: ١٢

اللہ تعالى: اللہ تعالى اور ظلم ٣٣، ٣٥; اللہ تعالى كا اجر ٣٥; اللہ تعالى كا خوف ١٤، ١٥، ١٦، ١٧، ١٩ ; اللہ تعالى كى حدود سے عصيان ٣١; اللہ تعالى كى عطا ٣٤;اللہ تعالى كى عظمت ٢٢

انسان: انسان كى مفاد پرستى ٣٢

ايثار: ايثار كے اثرات ١٠

ايمان: ايمان اور جہاد ٢٦; ايمان كے اثرات ٢٦

بے تقوي ہونا: بے تقوي ہونے كى علامتيں ٣١

تربيت: تربيت كا طريقہ ٣٢

تقوي:

____________________

١_كافى ج٢ ص١١٤، ح٨ نورالثقلين ج١ ص٥١٧ ح٤٠٧، تفسير عياشى ج١ ص٢٥٨ ح١٩٧.

تقوي كے اثرات ٣٠

جنگ: جنگ كا خوف ١٤، ١٧، ٢٥;جنگ ميں خودسازى ١١

جہاد: جہاد سے تخلف كے ا سباب ٢٠;جہاد كا پيش خيمہ ٨; جہاد كا خوف ١٣;جہاد كا مطالبہ ٢;جہاد كى تشريع ٧;جہاد كى شرائط ٩، ١٠ خشوع: خشوع كى اہميت ٢٢

خودسازي: خودسازى كى اہميت ١١;خودسازى كے اسباب٨

خوف: پسنديدہ خوف ٢٢; خوف كے اثرات ٢٤;خوف كے اسباب ١٣; ناپسنديدہ خوف ١٤، ٢٠، ٢١

دشمن: شمن سے ڈرنا ١٥، ١٦، ٢١، ٣١

دينى تعليمات كا نظام: ٥ روايت: ٣٦ زكات: زكات كى ادائيگى ٤،ا ;زكات كى ادائيگى كى اہميت ٦; زكات كى تشريع٧; زكات كى فضيلت ١٢;زكات كے اثرات ٨

سعادت: اخروى سعادت كے اسباب ٣٠

شرعى فريضہ: شرعى فريضہ كى طرف تشويق ٣٢

ضرورت مند افراد: ضرورت مند افراد كى ضرورت پورى كرنا ١٠

عبادت: عبادت اور اقتصاد ٥; عبادت كے اثرات ٩

عبوديت: عبوديت كے اثرات ٩

عسكرى آمادگي: ١٨

عصيان: عصيان كا پيش خيمہ ٢٨

قرآن كريم: قرآن كريم كى تشبيہات ١٤، ١٥، ١٦

كفار: كفار كے ساتھ جنگ، ٢، ٣، ١١

مبارزت: مبارزت كى شرائط ٩، ١٠

متقين: متقين كى اخروى زندگى ٢٩ متقين كى دنيوى زندگى ٢٩

مجاہدين: مجاہدين كا صلہ ٣٤

مسلمان: صدر اسلام كے مسلمان ١٣، ١٤، ١٥، ١٦، ١٧، ١٨، ١٩; صدر اسلام كے مسلمانوں كا رويہ ٢٣،٢٤ ; صدر اسلام كے مسلمانوں كا مطالبہ ٢، ٣; مسلمان اور جہاد ٢٣، ٢٤، ٢٥;مسلمان اور كفار١;مسلمانوں كا رويہ ٢٣;مسلمانوں كامطالبہ٢٥; مسلمانوں كى سرزنش ٢١

مؤمنين: مؤمنين كى حقيقت ٢٦

عدالتى نظام:٣٥

نعرہ: ناپسنديدہ نعرہ٣٦

نعمت: اخروى نعمات كى قدر و قيمت ٢٧;دنيوى نعمات كى قدر و قيمت ٢٧، ٢٨

نماز: نماز قائم كرنا ٤; نماز قائم كرنے كى اہميت ٦; نماز كى تشريع ٧; نماز كى فضيلت ١٢;نماز كے اثرات ٨

آیت( ۷۸)

( أَيْنَمَا تَكُونُواْ يُدْرِككُّمُ الْمَوْتُ وَلَوْ كُنتُمْ فِي بُرُوجٍ مُّشَيَّدَةٍ وَإِن تُصِبْهُمْ حَسَنَةٌ يَقُولُواْ هَـذِهِ مِنْ عِندِ اللّهِ وَإِن تُصِبْهُمْ سَيِّئَةٌ يَقُولُواْ هَـذِهِ مِنْ عِندِكَ قُلْ كُلًّ مِّنْ عِندِ اللّهِ فَمَا لِهَـؤُلاء الْقَوْمِ لاَ يَكَادُونَ يَفْقَهُونَ حَدِيثًا )

تم جہاں بھى رہو گے موت تمھيں پالے گى چا ہے مستحكم قلعوں ميں كيوں نہ بند ہو جاؤ _ ان لوگوں كا حال يہ ہے كہ اچھے حالات پيدا ہوتے ہيں توكہتے ہيں كہ يہ خدا كى طرف سے ہے او رمصيبت آتى ہے تو كہتے ہيں كہ يہ آپ كى طرف سے ہے توآپ كہہ ديجئے كہ سب خدا كى طرف سے ہے پھر آخر اس قوم كو كيا ہو گيا ہے كہ يہ كوئي بات سمجھتى ہى نہيں ہے _

١_ موت، انسانى انجام كا ايك ناقابل اجتناب مرحلہ ہے_

اين ما تكونوا يدرككم الموت

٢_ آخرت كى فكر ميں رہنا، موت كے يقينى ہونے كى طرف توجّہ كرنا اور دنيوى مال و دولت كو قليل سمجھنا، ميدان جہاد ميں حاضر ہونے كا راستہ ہموار كرتا ہے_فلمّا كتب عليهم القتال قل متاع الدّنيا قليل والآخرة خير ...اين ما تكونوا يدرككم الموت

٣_ موت سے فرار، جہاد ميں شركت سے مانع بنتا ہے_فلمّا كتب عليهم القتال يخشون النّاس اين ما تكونوا يدرككم الموت

٤_ كوئي بھى چيز حتي محكم و بلند قصر اور قلعے بھى موت سے ركاوٹ نہيں بن سكتے_اين ما تكونوا يدرككم الموت و لو كنتم فى بروج مشيّدة '' مشيدة''كا مصدر ''تشييد'' ہے اور مشيد كا معنى بلند اور مستحكم عمارت ہے_ ''بروج''، ''بُرج''كى جمع ہے جس كا معنى ہے قصر (مفردات راغب) اور قلعہ (لسان العرب)_

٥_ كوئي بھى چيز حتي ستاروں ميں زندگى گذارنا بھى موت كو نہيں ٹال سكتا_*اين ما تكونوا يدرككم الموت و لو كنتم فى بروج مشيّدة يہ اس بناپر ہے كہ آيت ميں ''بروج''سے مراد ستارے اور كواكب ہوں _ جيساكہ ''لسان العرب''نے آيت مجيدہ ''والسماء ذات البروج'' كا يہى معني نقل كيا ہے اور ''لو كنتم'' سے بھى اس معنى كى تائيد ہوتى ہے_

٦_ عصر پيغمبراكرم(ص) كے بعض مسلمان، خير و بھلائي كو خداوند متعال كى طرف سے اور شر و برائي كو پيغمبراكرم(ص) كى طرف سے خيال كرتے تھے_و ان تصبهم حسنة يقولوا هذه من عندالله و ان تصبهم سيّئة يقولوا هذه من عندك بظاہر ''تصبھم''ميں ضمير سے مراد كمزور ايمان مسلمان ہيں _

ان كا خيال تھا كہ مسلمان ہونے كے بعد جو مشكلات ان پر آپڑى ہيں وہ سب پيغمبراكرم(ص) كى طرف سے ہيں _

٧_ آنحضرت(ص) كے خلاف يہوديوں اور منافقوں كے پروپيگنڈے اور ايذا رسانى كا ايك طريقہ يہ تھا كہ وہ آپ(ص) كو شر و برائي كے عامل كے عنوان سے متعارف كرواتے تھے_ان تصبهم سيّئة يقولوا هذه من عندك

بعض مفسرين نے آيت كے شان نزول كو مدنظر ركھتے ہوئے كہا ہے كہ ''تصبھم'' كى ضمير سے

مراد منافقين اور يہودى ہيں جوكہ قحط و خشك سالى جيسے حوادث كو پيغمبراكرم(ص) سے منسوب كرتے تھے اور اس طرح آپ(ص) كے خلاف پروپيگنڈا كرتے تھے_

٨_ خداوند متعال تمام امور كا سرچشمہ و منبع ہے_قل كل من عندالله

٩_ كائنات اور اسكے حوادث كيلئے دو مبداء (ثنويت) كا نظريہ ايك بيہودہ اور ناقابل قبول عقيدہ ہے_قل كلّ من عندالله

١٠_ برائيوں كو پيغمبراكرم(ص) كى طرف منسوب كرنا اور اچھائيوں كو خداوند متعال كى جانب (ثنويت ) معارف الہى كو بالكل ہى درك نہ كرنے كى علامت ہے_فمال هؤلاء القوم لايكادون يفقهون حديثاً مورد كى مناسبت سے ''حديثاً''سے مراد ''معارف الہي''ہيں _

١١_ ان لوگوں كى مذمت و تحقيرجو خداوند متعال كو كائنات كے تمام حوادث كا محور نہيں سمجھتے اور اسے درك نہيں كرتے، ان كى مذمت كى جانا_فمال هؤلاء القوم لايكادون يفقهون حديثاً ''حديثاً''كے مورد نظر مصاديق ميں سے ايك خداوند متعال كو كائنات كے حوادث كا محور جاننا ہے_

١٢_ خداوند متعال كو تمام حوادث كا محور جاننے (توحيد افعالي) كيلئے گہرے غوروفكر كى ضرورت ہے_فمال هؤلاء القوم لايكادون يفقهون حديثاً

١٣_ توحيد كو درك نہ كرنا، معارف الہى ميں سے كسى بھى چيز كو درك نہ كرنے كے مترادف ہے_قل كلّ من عندالله فمال هؤلاء القوم لايكادون يفقهون حديثاً

١_ حكم و موضوع كى مناسبت سے ''حديثاً''سے مراد وہ امور ہيں جو معارف كے باب ميں بيان ہوئے ہيں _

٢_ خداوند متعال نے ان لوگوں كى طرف تمام معارف كو درك نہ كرنے كى نسبت دى ہے جو حوادث كے مبدائے واحد كو درك نہيں كرتے_ لہذا توحيد كے ادراك او ر دوسرے معارف الہى كے ادراك ميں ايك قسم كا تلازم پايا جاتا ہے_

١٤_ خداوند متعال كى طرف سے جہلا كى سرزنش_فمال هؤلاء القوم لايكادون يفقهون حديثاً

١٥_ ثنويت كے گمان اور توحيد كو درك نہ كرنے كا لازمہ كسى بھى چيز كو درك نہ كرنا ہے_فمال هؤلاء القوم لايكادون يفقهون حديثاً

١٦_ خداوند متعال(سلامتي، امنيت اور وسعت رزق

جيسي) تمام نعمتوں اور تمام مصائب (و آزمائشوں مثلاً بيماري، خوف اوربھوك وغيرہ) كا سرچشمہ ہے_

و ان تصبهم حسنة يقولوا هذه من عندالله و ان تصبهم سيئة يقولوا هذه من عندك قل كلّ من عندالله آئمہ معصومين(ع) سے مذكورہ بالا آيت ميں سيئات و حسنات كى تفسير ميں منقول ہے كہ:الصحة والسلامة والامن والسعة فى رزق و قدسّما ها الله حسنا ت يعنى بالسيئة ها هنا المرض والخوف والجوع ..(١) صحت و سلامتي، امن و امان اور رزق ميں وسعت كو اللہ تعالى نے حسنات كہا ہے اور '' سيئة'' سے يہاں مراد مرض، خوف اور بھوك ہے_

آنحضرت(ص) : آنحضرت(ص) پر افترا ١٠ ; آنحضرت (ص) كو اذيت و آزار ٧

اسلام: صدر اسلام كى تاريخ ٧

اللہ تعالى: اللہ تعالى اور شر ٨; اللہ تعالى كى طرف سے سرزنش١٤

امن و امان: امن و امان كا سرچشمہ ١٦

انسان: انسان كا انجام ١

بصلا : بصلا كا سرچشمہ١٦

بھوك: بھوك كا سرچشمہ ١٦

بيماري: بيمارى كا سرچشمہ ١٦

تعقل: تعقل كے اثرات ١٢

توحيد: توحيد افعالى ١٢;توحيد كى اہميت ١٣، ١٥

ثنويت: ثنويت كا نظريہ ٩; ثنويت كے اثرات ١٥

جہاد:

____________________

١)تفسير قمى ج١ ص١٤٤ نورالثقلين ج١ ص٥١٩ ح٤١٦.

جہاد كا پيش خيمہ٢;جہاد كے موانع ٣

جہلا: جہلا كى سرزنش ١٤

حوادث: حوادث كا سرچشمہ ١١

خوف : خوف كا سرچشمہ١٦

خير: خير كا سرچشمہ ٦، ٨، ١٠

دورانديشي: دور انديشى كے اثرات ٢

دين: دين فہمى كا پيش خيمہ١٣; دينى تعليمات سے جہالت ١٠

روايت: ١٦

سلامتي: سلامتى كا سرچشمہ١٦

شر: شر كا سرچشمہ ٦، ٨، ١٠

شرك: شرك افعالى كى مذمت ١١

عقيدہ: باطل عقيدہ ٩، ١٥

مسلمان: صدر اسلام كے مسلمانوں كا عقيدہ ٦

منافقين: منافقين اور آنحضرت (ص) ٧;منافقين كا رويہ٧

موت: موت سے فرار ٣; موت كا حتمى ہونا ١، ٢، ٤، ٥; موت كے ذكر كے اثرات ٢

نظريہ كائنات: نظريہ كائنات اور آئيڈيالوجى ٢،٣

نعمت: دنيوى نعمتوں كى اہميت ٢;نعمت كا منبع١٦

يہود: يہود اور آنحضرت(ص) ٧; يہود كا رويہ٧

آیت( ۷۹)

( مَّا أَصَابَكَ مِنْ حَسَنَةٍ فَمِنَ اللّهِ وَمَا أَصَابَكَ مِن سَيِّئَةٍ فَمِن نَّفْسِكَ وَأَرْسَلْنَاكَ لِلنَّاسِ رَسُولاً وَكَفَی بِاللّهِ شَهِيدًا ) تم تك جو بھى اچھائي اور كاميابى پہنچى ہے وہ الله كى طرف سے ہے اور جو بھى برائي پہنچى ہے وہ خود تمھارى طرف سے ہے اور اے پيغمبر ہم نے آپ كولوگوں كے لئے رسول بنايا ہے او رخدا گواہى كے لئے كافى ہے _

١_ انسان كو جو بھى بھلائي پہنچتى ہے وہ الله كى طرف سے ہے اور جو بھى بُرائي پہنچتى ہے وہ خود اسكى اپنى جانب سے ہے_ما ا صابك من حسنة فمن الله و ما اصابك من سيئة فمن نفسك اگرچہ اس آيت كے مخاطب پيغمبر(ص) ہيں ليكن اس سے تمام انسان مراد ہيں ، كيونكہ پيغمبر اكرم(ص) اور ديگر لوگوں كے درميان حقيقى و واقعى احكام كے لحاظ سے كوئي فرق نہيں _

٢_ خداوند متعال كى جانب سے وارد ہونے والے مصائب اور مشكلات خود انسانى اعمال كا نتيجہ ہيں _

قل كلّ من عندالله و ما اصابك من سيئة فمن نفسك گذشتہ آيت ميں خوبيوں اور بديوں كو خداوند متعال كى طرف منسوب كيا گيا ہے_ اور اس آيت ميں سيئات (بديوں ) كا سبب خود انسان كو قرار ديا گيا ہے_اس سے معلوم ہوتا ہے كہ يہ انسان كے اعمال ہيں كہ جو خداوند متعال كى طرف سے مشكلات و مصائب ايجاد ہونے كا باعث بنتے ہيں _ بنابرايں يہ ناگوار حوادث ايك جانب سے خداوند متعال كى طرف اور دوسرى جانب سے خود انسان كى طرف منسوب ہيں _

٣_ ناگوار حوادث كے ايك لحاظ سے خداوند متعال كى طرف منسوب ہونے اور دوسرى جانب خود انسان كى طرف انتساب كا عام لوگوں كے فہم سے دو ر ہونا_قل كلّ من عندالله ما ا صابك من حسنة

فمن الله و ما اصابك من سيّئة فمن نفسك اسكے باوجود كے رسول خدا (ص) اور دوسروں كے درميان، مشكلات و مصائب سے متعلق قوانين كے بارے ميں كوئي فرق نہيں ليكن آيت كا مخاطب پيغمبراكرم(ص) كو قرار ديا گيا ہے تاكہ اس نكتہ كى طرف اشارہ كيا جائے كہ اس حقيقت كو عام لوگ نہيں سمجھ سكتے_

٤_ تمام انسانوں حتى خود پيغمبراكرم(ص) پر خير و شر سے متعلق نظام تكوينى كا حاكم ہونا_ما اصابك من حسنة فمن الله و ما اصابك من سيئة فمن نفسك

٥_ حضرت محمد(ص) ، پيغمبرخدا اور عالمى رسالت كے حامل ہيں _و ارسلناك للنّاس رسولاً

٦_ انبيائے كرام(ع) كى رسالت كا سب لوگوں كيلئے مفيد ہونا_و ارسلناك للنّاس رسولاً ''للّناس''ميں ''لام'' حضرت محمد (ص) كى رسالت كے تمام افراد كيلئے باعث بركت اور فائدہ مند ہونے كى طرف اشارہ ہے_ ورنہ اسے ''الي''كے ساتھ متعدى كر كے يہ بھى فرمايا جاسكتا تھا''الى الناس رسولاً'' _

٧_ پيغمبراكرم(ص) لوگوں كى سعادت و بھلائي كيلئے رسول بن كر آئے ہيں نہ كہ ان كيلئے باعث شر و فساد ہيں _

و ان تصبهم سيئة يقولوا هذه من عندك و ارسلناك للنّاس رسولاً جملہ ''و ارسلناك للنّاس''(ہم نے تجھے لوگوں كيلئے مفيد پيغمبر(ص) بناكر بھيجا) ان لوگوں كے خيال كا ردّ ہے جو آپ(ص) كو شر و بدى كا باعث سمجھتے تھے (يقولوا ھذہ من عندك)_

٨_ پيغمبراكرم(ص) كى رسالت پر، خداوند متعال كى گواہى كا كافى ہونا_و ارسلناك للنّاس رسولاً و كفى بالله شهيداً

٩_ قرآن ميں پيش كئے جانے والے معارف كى حقانيت پر خداوند متعال كى گواہي، كافى ہے_

ما اصابك من حسنة فمن الله و ما اصابك من سيئة فمن نفسك و كفى بالله شهيداً مذكورہ بالا مطلب اس بنا پر اخذ كيا گيا ہے كہ: ''شہيداً''ان معارف سے متعلق ہو جن كى وضاحت آيات كے اس حصے ميں كى گئي ہے_

١٠_ انبياء (ع) اور لوگوں كے ايك دوسرے سے متعلق اعمال و روابط پر خداوند متعال كى گواہى و شہادت كا، كافى ہونا_و ارسلناك للنّاس رسولاً و كفى بالله شهيداً ''ارسلناك للنّاس رسولاً'' سے دو معانى اخذ ہوتے ہيں _ ايك پيغمبراكرم(ص) كى ذمہ دارى كا بيان يعنى تبليغ رسالت اور دوسرا لوگوں كى ذمہ

دارى كا بيان، يعنى آنحضرت(ص) كى رسالت كو قبول كرنا_ اور ''كفى بالله شہيداً'' ہو سكتا ہے انجام فرائض ميں پيغمبراكرم(ص) كے اعمال و كردار اور رسالت قبول كرنے ميں لوگوں كے اعمال كى طرف ناظر ہو_

آنحضرت(ص) : آنحضرت (ص) كى رسالت٥ ; آنحضرت (ص) كى رسالت پر گواہ ٨; آنحضرت (ص) كے فضائل٧

اللہ تعالى : اللہ تعالى كى گواہى ٨، ٩،١٠

انبيا(ع) : انبيا ء (ع) اور لوگ ١٠; انبيا (ع) كى رسالت كے اثرات ٦

انسان: انسان كى جہالت ٣

خير: خير كا منبع ١، ٧; خير و بھلائي كى تكوينى حاكميت ٤

سختى : سختى كا منبع ٢

سعادت: سعادت كا سرچشمہ ٧

شر: شركا منبع ١، ٧; شر كى تكوينى حاكميت ٤

عمل: عمل كے اثرات ٢

قرآن كريم : قرآن كريم كے معارف پر گواہ ٩

مصائب: مصائب كا سرچشمہ٢

آیت( ۸۰)

( مَّنْ يُطِعِ الرَّسُولَ فَقَدْ أَطَاعَ اللّهَ وَمَن تَوَلَّی فَمَا أَرْسَلْنَاكَ عَلَيْهِمْ حَفِيظًا )

جو رسول كى اطاعت كرے گا اس نے الله كى اطاعت كى او رجو منہ موڑلے گاتو ہم نے آپ كو اس كا ذمہ داربنا كر نہيں بھيجا ہے _

١_ پيغمبراكرم(ص) كى اطاعت، خداوند متعال كى اطاعت ہے_

من يطع الرّسول فقد ا طاع الله

٢_ سنت رسول خدا (ص) كى پيروى كرنا ضرورى ہے_من يطع الرّسول فقد ا طاع الله

٣_ پيغمبراكرم(ص) كے حكومتى اوامر كى اطاعت اور پيروى كرنا ضرورى ہے_من يطع الرسول فقد اطاع الله

آنحضرت (ص) كے فرامين كى اطاعت سے مراد ان اوامر كى اطاعت نہيں ہے جو آپ (ص) خداوند متعال كى جانب سے ابلاغ كرتے ہيں _ چونكہ اس سلسلے ميں واضح ہے كہ اطاعت رسول(ص) اطاعت خدا ہے، جس كيلئے ياددہانى كى ضرورت نہيں ، لہذا يہاں مراد وہ اوامر ہيں جو آنحضرت (ص) خود اپنى جانب سے صادر فرماتے ہيں _

٤_ بارگاہ خداوند متعال ميں پيغمبراكرم(ص) كو بلند مقام و مرتبہ حاصل ہے_من يطع الرّسول فقد ا طاع الله

٥_ پيغمبراكرم(ص) كى اطاعت، خداوند متعال كى اطاعت كے بعد ہے_من يطع الرسول فقد اطاع الله

٦_ پيغمبراكرم(ص) ، كفار كے كفر اختيار كرنے اور انسانوں كے آپ(ص) سے روگردانى و اعراض كرنے كے سلسلے ميں كسى قسم كى ذمہ دارى نہيں ركھتے_و من تولّى فما ارسلناك عليهم حفيظاً

٧_ پيغمبراكرم(ص) لوگوں كے ايمان و عمل كى حفاظت و نگہباني، جبر و سختى كے ساتھ كرنے پر مامور نہيں _

و من تولّى فما ا رسلناك عليهم حفيظاً

٨_ لوگوں كى ہدايت كيلئے پيغمبراكرم(ص) كا سخت جدوجہد كرنا اور ان كے ہدايت يافتہ ہونے كا اشتياق ركھنا_

فما ارسلناك عليهم حفيظاً جملہ ''فما ارسلناك ''اس بات پر دلالت كرتا ہے كہ پيغمبراكرم(ص) لوگوں كى ہدايت كيلئے بہت زيادہ كوشش و سعى فرماتے تھے يہاں تك كہ اپنا فريضہ سمجھتے جس طرح بھى ہوسكے لوگوں كو مؤمن بنايا جائے_

٩_ برحق رہبر (امام) كى مكمل معرفت حاصل كر كے اسكى اطاعت كرنا، خداوند متعال كى اطاعت ہے اور اسكى خوشنودى كا باعث بنتى ہے_و من يطع الرّسول فقد اطاع الله امام باقر(ع) نے فرمايا:رضى الرحمان الطاعة للامام بعد معرفته ان الله تبارك

و تعالى يقول: ''من يطع الرسول فقد اطاع الله ''(١) ...خدائے رحمان كى رضا امام كى معرفت كے بعد اس كى اطاعت ميں ہے بيشك اللہ تعالى فرماتا ہے:''من يطع الرسول فقد اطاع الله ...''

آنحضرت(ص) : آنحضرت(ص) اور كفار ٧; آنحضرت(ص) اور لوگ ٧; آنحضرت(ص) كى اطاعت ١، ٤، ٦ ;آنحضرت (ص) كى ذمہ دارى كى حدود ٧، ٨ ; آنحضرت(ص) كے رجحانات ٩ ; آنحضرت (ص) كے فضائل ٥

اللہ تعالى : اللہ تعالى كى اطاعت ١، ٦، ١٠; اللہ تعالى كى رضا١٠

روايت: ١٠

قيادت: قيادت كى اطاعت ١٠

لوگ : لوگوں كى ہدايت ٩

مقرّبين: ٥

آیت( ۸۱)

( وَيَقُولُونَ طَاعَةٌ فَإِذَا بَرَزُواْ مِنْ عِندِكَ بَيَّتَ طَآئِفَةٌ مِّنْهُمْ غَيْرَ الَّذِي تَقُولُ وَاللّهُ يَكْتُبُ مَا يُبَيِّتُونَ فَأَعْرِضْ عَنْهُمْ وَتَوَكَّلْ عَلَی اللّهِ وَكَفَی بِاللّهِ وَكِيلاً )

اوريہ لوگ پہلے اطاعت كى بات كرتے ہيں _ پھر جب آپ كے پاس سے باہر نكلتے ہيں تو ايك گروہ اپنے قول كے خلاف تدبيريں كرتا ہے او رخدا ان كى ان باتوں كو لكھ رہا ہے _ آپ ان سے اعراض كريں اور خدا پر پھر وسہ كريں او رخدا اس ذمہ دار ى كے لئے كافى ہے _

١_ صدر اسلام كے بعض مسلمانوں كا رسول خدا(ص) كے حضور اطاعت كامل كا اظہار كرنا اور پھر خفيہ محفلوں ميں آپ(ص) كى مخالفت كيلئے باہمى مشورے كرنا_

____________________

١)كافى ج١ ص١٨٥ ح١_ نورالثقلين ج١ ص٥٢٠، ح٤٢٠، تفسير عياشى ج١ ص٢٥٩ ح ٢٠٢ كافى ج٢ ص١٩ ح٥.

و يقولون طاعة فاذا برزوا من عندك بيّت طائفةٌ منهم غيرالذى تقول ''طاعة''ايك محذوف مبتدا كيلئے خبر ہے_ يعنى ''امرنا طاعة''( ہمارا كام تيرى اطاعت كرنا ہے) فعل مضارع '' يقولون'' اور ''يبيتون'' استمرار پر دلالت كرتے ہيں اور ان كے طريقہ كار كى حكايت كر ر ہے ہيں ''يبيّتون'' كا مصدر ''تبييت'' ہے جس كا معنى امور كى تدبير كرنا ہے ''غيرالذى تقول''يعنى امر پيغمبر(ص) كى مخالفت_

٢_ مسلمانوں كے ايك گروہ كا دشمنان دين كے ساتھ جنگ كے بارے ميں پيغمبرخدا (ص) كے فرمان كى مخالفت كرنے اور اسے نظر انداز كرنے كيلئے تدابير سوچنا_يقولون طاعة بيّت طائفة منهم غيرالذى تقول گذشتہ آيات كے پيش نظرجو جہاد كے بارے ميں تھيں ، اس آيت ميں مورد نظر فرمان وہي، دشمنان دين كے خلاف جنگ كرنے كے بارے ميں جہاد كا حكم ہے_

٣_ مدينہ ميں پيغمبراكرم(ص) كے خلاف منافقين كے سازش و غدارى پر مبنى خفيہ اجلاس_يقولون طاعة فاذا برزوا من عندك بيّت طائفة منهم غيرالذى تقول بعض كے نزديك يہ آيت منافقين كے بارے ميں ہے_

٤_ بعض كمزور ايمان مسلمانوں كے سرداروں كا پيغمبراسلام(ص) كى مخالفت كيلئے تدابير سوچنے كى خاطر راتوں كو خفيہ اجلاس كرنا_بيت طائفة منهم غيرالذى تقول آيت شريفہ كے ظاہر سے يہ پتہ چلتا ہے كہ جو لوگ اطاعت كا اظہار كرتے تھے وہ سب مخالفت كى سعى كرر ہے تھے، نہ كہ فقط ايك گروہ_ لہذا حكم و موضوع كى مناسبت سے ''طائفة''سے ان كے سردار مراد ہيں _

٥_ خداوند متعال كا، تخلف كرنے والےمسلمانوں كى سازش پر مبنى خفيہ سرگرميوں كے بارے ميں غيبى خبريں دينا_

فاذا برزوا من عندك بيّت طائفة منهم غيرالذى تقول

٦_ خداوند متعال كا خود سازشى گروہ كے سازش پر مبنى قول و فعل كو ان كے نامہ اعمال ميں ثبت كرنا_

والله يكتب ما يبيّتون

٧_ پيغمبراكرم(ص) اور آپ(ص) كے فرامين كے خلاف سازش كرنے والوں كيلئے خداوند متعال كى طرف سے تہديد و مؤاخذہ _

والله يكتب ما يُبيّتون جملہ ''والله يكتب ...''بنى آدم كے اعمال كے ثبت ہونے كے بيان كے علاوہ سازشى گروہ كى تہديد و مؤاخذہ كى طرف اشارہ بھى ہے_

٨_ بنى آدم كے تمام اعمال و كردار اور اقوال كا ان كے نامہ اعمال ميں ثبت ہونا_والله يكتب ما يُبيّتون

٩_ خداوند متعال كا اپنے پيغمبراكرم(ص) كو دوغلے، اور سازشى مسلمانوں سے بے اعتنائي اختيار كرنے كى نصيحت كرنا_و يقولون طاعة فاعرض عنهم

١٠_ پيغمبراكرم(ص) كا اپنے فرامين كے سلسلے ميں منافقانہ رويہ اختيار كرنے والے مسلمانوں سے مدارا كرنے پر مامور ہونا_و يقولون طاعة فاعرض عنهم مذكورہ بالا مطلب ميں ''اعراض''كو درگذر كے معنى ميں ليا گيا ہے يعنى ان سے انتقام لينے كى كوشش نہ كر_

١١_ سب لوگوں كيلئے ضرورى ہے كہ وہ خداوند متعال پر توكل و اعتماد كريں _و توكل على الله

١٢_ خداوند متعال پر توكل تمام مشكلات كيلئے كارساز ہے_و توكل على الله

١٣_ سازشى گروہ سے پيغمبراكرم(ص) كى بے اعتنائي و اعراض كاآپ(ص) كيلئے مشكلات و مسائل كا باعث بننا_

فاعرض عنهم و توكّل على الله اعراض كے حكم كے بعد توكل كا حكم اس بات پر دلالت كرتا ہے كہ سازشى گروہ سے پيغمبر اكرم(ص) كى بے اعتنائي كے نتيجے ميں آپ (ص) كو مشكلات كا سامنا ہوسكتا ہے كہ جس كيلئے خداوند متعال پر توكل كرنا ضرورى ہے_

١٤_ تخلف كرنے والے مسلمانوں سے بے اعتنائي واعراض كرنے كے نتائج و عواقب سے محفوظ رہنے كيلئے پيغمبراكرم(ص) كا فريضہ ہے كہ آپ(ص) خداوند متعال پر توكل كريں _و يقولون طاعة فاعرض عنهم و توكل على الله و كفى بالله وكيلاً

١٥_ خداوندمتعال، وكيل ہے_و كفى بالله و كيلاً

١٦_ خداوند متعال توكل كرنے والے انسان كيلئے ايساوكيل ہے جو كافى ہے_و توكلّ على الله و كفى بالله وكيلاً

آنحضرت(ص) : آنحضرت (ص) اور مسلمان ١٠ ; آنحضرت (ص) كى اطاعت ١;

آنحضرت (ص) كى ذمہ دارى ١٠، ١٤; آنحضرت (ص) كى مشكلات ١٣;آنحضرت (ص) كے حكم كى نافرمانى ١; آنحضرت (ص) كے دشمن ٧

اسلام: در اسلام كى تاريخ ١،٢،٤، ٩

اسماء و صفات: وكيل ١٥، ١٦

اللہ تعالى : اللہ تعالى كا علم غيب ٥ ; اللہ تعالى كى طرف سے تہديد ٧; اللہ تعالى كى نصيحتيں ٩ ;اللہ تعالى كے افعال ٦

تخلف كرنے والے: تخلف كرنے والوں سے اجتناب ١٤

توكلّ : توكلّ كى اہميت ١١، ١٤ ;توكل كے اثرات ١٢;خدا پر توكل ١١

دشمن: دشمن كے خلاف مبارزت ٢

سازشى گروہ: سازشى گروہ سے اجتناب ١٣; سازشى گروہ كو تہديد ٧

سختي: سختى كو آسان كرنے كے ذرايع ١٢

عمل: عمل كا ثبت ہونا ٦، ٨

متوكلين: ١٦

مخالفين: مخالفين كا مقابلہ كرنے كى روش ٩

مسلمان: صدر اسلام كے مسلمان ٤;صدر اسلام كے مسلمانوں ميں نفاق ١ ; مسلمان اور آنحضرت(ص) ٤ ;مسلمان اور دشمن ٢;مسلمانوں سے مدارا ١٠;مسلمانوں كا عصيان ٥; مسلمانوں ميں نفاق ٩

منافقين: صدر اسلام كے منافقين ٣;مدينہ كے منافقين ٣; منافقين اور آنحضرت (ص) ٣;منافقين سے اجتناب ٩; منافقين كى سازش ٣

آیت( ۸۲)

( أَفَلاَ يَتَدَبَّرُونَ الْقُرْآنَ وَلَوْ كَانَ مِنْ عِندِ غَيْرِ اللّهِ لَوَجَدُواْ فِيهِ اخْتِلاَفًا كَثِيرًا )

كيا يہ لوگ قرآن ميں غور وفكر نہيں كرتے ہيں كہ اگر وہ غير خدا كى طرف سے ہوتا تو اس ميں بڑا اختلاف ہوتا _

١_ قرآن ميں گہرا غوروفكر اور تدبّر ضرورى ہے_ا فلايتدبّرون القرآن

كسى چيز ميں مسلسل غوروفكر كرنے كو تدبّر كہتے ہيں كہ اسے گہرے غوروفكر سے تعبير كيا جاتا ہے_

٢_ قرآن كريم رسالت پيغمبر(ص) كى حقانيت كى دليل ہے_و ارسلناك للنّاس رسولاً و كفى بالله شهيداً ا فلايتدبرون القرآن آيت نمبر ٧٩ ميں بيان كيا گيا ہے كہ خداوند متعال حقانيت پيغمبراكرم(ص) كا گواہ ہے_ اور اس آيت ميں گواہى و شہادت كى كيفيت كى وضاحت اس طرح كى جاتى ہے كہ خداوند متعال نے قرآن كو پيغمبر(ص) پر معجزہ كى صورت ميں نازل فرمايا ہے تاكہ آپ(ص) كى حقانيت كا شاہد ہو_

٣_ قرآن كريم ايك ايسى كتاب ہے جو سب كيلئے قابل فہم ہے_افلايتدبّرون القرآن

٤_ قرآن، پيغمبر اكرم(ص) پر نازل ہونے والى آسمانى كتاب كا نام ہے_ا فلايتدبّرون القرآن

٥_ قرآن ميں غوروفكر نہ كرنے پر خداوند متعال كى طرف سے سرزنش _افلايتدبرون القرآن

٦_ قرآن ميں تدبّر سے نفاق اور ايمان كى كمزورى كے بر طرف ہونے كا راستہ ہموار ہوتا ہے_

و يقولون طاعة افلايتدبرون القرآن ضعيف الايمان مسلمانوں اور منافقوں كو قرآن ميں تدبّر كرنے كى ترغيب ہوسكتا ہے ان كيلئے نفاق اور كمزوري ايمان كو بر طرف كرنے كى راہنمائي ہو_

٧_ اگر قرآن خداوند متعال كى جانب سے نہ ہوتا تو اس

ميں بہت زيادہ اختلاف پايا جاتا_و لو كان من عند غيرالله لوجدوا فيه اختلافاً كثيراً چونكہ قرآن ٢٣ سال كى مدت ميں مختلف حالات كے تحت نازل ہوا ہے_ لہذا اگر خداوند متعال كى جانب سے نہ ہوتا تو طبعاً اس ميں بہت زيادہ اختلافات پيدا ہوجاتے_

٨_ قرآن كے مطالب، اسكى حقانيت كے گواہ ہيں _ا فلايتدبّرون القرآن ولوكان من عند غيرالله لوجدوا فيه اختلافاً كثيراً

٩_ قرآن ہر قسم كے تضاد، تناقض اور عدم ہم آہنگى سے منزہ و مبرّا ہے_و لو كان من عند غيرالله لوجدوا فيه اختلافاً كثيراً كلمہ ''كثيراً'' قيد توضيحى ہے، يعنى اگر قرآن غير خداوند متعال كى طرف سے ہوتا تو اس ميں اختلاف پايا جاتا اور يہ اختلاف يقينا بہت زيادہ ہوتا_بنابرايں وصف ''كثيراً''سے مفہوم اخذ نہيں ہوتا اور قرآن سے انواع و اقسا م كے اختلافات كى نفى ہوتى ہے_

١٠_ اسلام، دين تدبّر و برہان ہے_ا فلايتدبّرون القرآن و لو كان من عند غيرالله لوجدوا فيه اختلافاً كثيراً

١١_ قرآن كا ہر قسم كے اختلاف سے پاك ہونا، اسكے خداوند متعال كى جانب سے نازل ہونے كى دليل ہے_

و لو كان من عند غيرالله لوجدوا فيه اختلافاً كثيراً

١٢_ جو كچھ خداوند متعال كى جانب سے ہو وہ اختلاف و تضاد سے پاك ہوتا ہے_و لو كان من عند غيرالله لوجدوا فيه اختلافاً كثيراً

١٣_ كتب الہى (تورات، انجيل وغيرہ) كا ہر قسم كے اختلاف سے پاك ہيں _و لو كان من عند غيرالله لوجدوا فيه اختلافاً كثيراً چونكہ عدم اختلاف كا معيار، خداوند متعال كى جانب سے ہونا ہے بنابرايں تمام آسمانى كتابيں اس خصوصيت كى حامل ہيں (يعنى اختلاف سے منزہ و مبرا ہيں )_

١٤_ قرآن كريم ميں اختلاف كے موجود ہونے كا گمان اس ميں تدبّر نہ كرنے اور اسے سطحى نظر سے ديكھنے كا نتيجہ ہے_

افلايتدبّرون القرآن و لو كان من عند غيرالله لوجدوا فيه اختلافاً كثيراً

١٥_ انسان كى طرف سے مدون شدہ معارف اور تعليمات كا ہميشہ بہت سے اختلافات اور تضادات كے ہمراہ ہونا_

و لو كان من عند غيرالله لوجدوا فيه اختلافاً كثيراً يہاں مراد، وہ كثير معارف اور تعليمات ہيں جو تدوين قرآن كريم كے حالات جيسے حالات ميں تدوين ہوں _

١٦_ بشر، قرآن جيسے مفاہيم اور تعليمات پيش كرنے سے عاجز ہے جو آفاقى اوراختلاف سے پاك و منزہ ہوں _

و لو كان من عند غيرالله لوجدوافيه اختلافاً كثيراً

١٧_ انسان كے افكار كا ہميشہ تحول و تغير كى حالت ميں ہونا_و لو كان من عند غيرالله لوجدوا فيه اختلافاً كثيراً

آسمانى كتب : آسمانى كتب كى خصوصيت ١٣; آسمانى كتب كى ہم آہنگى ١٣

آنحضرت(ص) : آنحضرت (ص) كى حقانيت٢; آنحضرت (ص) كى كتاب ٤ ; آنحضرت (ص) كى نبوت كے دلائل ٢

اختلاف: اختلاف كے اسباب ١٥

اسلام: اسلام اور تعقّل ١٠;اسلام كى خصوصيت ١٠

اللہ تعالى : اللہ تعالى كى حدود كى خصوصيت ١٢; اللہ تعالى كى طرف سے سرزنش ٥

انجيل: انجيل كى خصوصيت ١٣

انسان: انسان كى خصوصيت ١٧;انسان كى فكر ميں تغير ١٧ ; انسان كى كمزورى ١٦

تعقل: عدم تعقّل پر سرزنش ٥

تورات: تورات كى خصوصيت ١٣

رشد: رشد كا پيش خيمہ٦

عقيدہ: باطل عقيدہ ١٤

قانون: قانون بشرى كى خصوصيت ١٥

قرآن كريم: ٤ قرآن كريم اور عدم ہم آہنگى ٧; قرآن كريم كا سمجھنا٣; قرآن كريم كا كردار ٢;قرآن كريم كى تعليمات ميں ہم آہنگى ٩، ١٤، ١٦; قرآن كريم كي حقانيت ٨، ١١; قرآن كريم كى خصوصيت ٧، ٩، ١١ ; قرآن كريم ميں تدبّر ١، ١٤;قرآن كريم ميں تدبّر كے اثرات ٦; قرآن كريم ميں تعقل ١

نفاق: نفاق دور كرنے كے اسباب ٦

آیت( ۸۳)

( وَإِذَا جَاءهُمْ أَمْرٌ مِّنَ الأَمْنِ أَوِ الْخَوْفِ أَذَاعُواْ بِهِ وَلَوْ رَدُّوهُ إِلَی الرَّسُولِ وَإِلَی أُوْلِي الأَمْرِ مِنْهُمْ لَعَلِمَهُ الَّذِينَ يَسْتَنبِطُونَهُ مِنْهُمْ وَلَوْلاَ فَضْلُ اللّهِ عَلَيْكُمْ وَرَحْمَتُهُ لاَتَّبَعْتُمُ الشَّيْطَانَ إِلاَّ قَلِيلاً ) او رجب ان كے پاس امن يا خوف كى خبر آتى ہے تو فوراً نشر كرديتے ہيں حالانكہ اگر رسول او رصاحبان امر كى طرف پلٹا ديتے توان سے استفادہ كرنے والے حقيقت حال كا علم پيدا كرليتے اور اگر تم لوگوں پر خدا كا فضل اور اس كى رحمت نہ ہو تى تو چند افراد كے علاوہ سب شيطان كااتباع كرليتے _

١_ خداوند متعال كا ايسى خبريں پھيلانے والوں كى مذمت كرنا جو دشمن كے حملے سے امنيت كے احساس يا دشمن سے خوف اور وحشت زدہ ہونے كا باعث بنتى ہيں _و اذا جاء هم امر من الامن اوالخوف اذاعوا به

٢_ صدر اسلام كے بعض مسلمانوں كى طرف سے امن عامہ سے متعلق خبروں كا فاش ہونا_

و اذا جاء هم امرٌ من الامن او الخوف اذاعوا به

٣_ امن و امان سے متعلق خبروں كے سلسلے ميں رازدارى اور حفاظت كى ضرورت_

و اذا جاء هم امرٌ من الامن او الخوف اذاعوا به

٤_ امن عامہ سے متعلق خبروں كو پھيلانے كى حرمت_و اذا جاء هم اذاعوا به لاتبعتم الشيطان

خداوند متعال كا امنيت سے متعلق خبروں كو پھيلانے كى مذمت كرنا اور پھر اس امر كا شيطان كى متابعت پر منتج ہونا (لاتبعتم الشيطان) اس قسم كے كام كى حرمت كو ظاہر كرتا ہے_

مذكورہ بالا مطلبكى تائيد امام صادق(ع) كے فرمان سے ہوتى ہے كہ :انّ الله ص عصيّصرا قواماً بالاذاعة فى قوله عزوجل: ''و اذا جاء هم اذا عوا به''فاياّكم و الاذاعة (١) بيشك اللہ تعالى نے اپنے اس فرمان''اذا جاء ہم اذاعوا بہ'' ميں بعض اقوام كي، خبريں پھيلانے كى وجہ سے مذمت كى ہے _ پس تم خبريں پھيلانے سے ڈرو_

٥_ امنيت سے متعلق خبريں ، معاشرے كے رہبر و قائد تك پہنچانا ضرورى ہيں _و لو ردّوه الى الرسول و الى اولى الامر منهم چونكہ رسول خدا (ص) اور اولى الامر كو خبر نہ دينے كى مذمت كى گئي ہے اس سے پتہ چلتا ہے كہ ايسى خبريں ، معاشرے كے رہبر و قائد تك پہنچانا، واجب ہيں _

٦_ معاشرے كى امنيت سے متعلق خبريں ، پھيلنے سے پہلے ذمہ دار افراد كى تحقيق و نظر سے گذرنى چاہيئيں _

و لو ردّوه الى الرسول و الى اولى الامر منهم لعلمه الّذين يستنبطونه منهم ''استنباط''سے مراد يہ ہے كہ امنيت سے متعلق اخبار كو جانچنا چاہيئے_ اور ان كے متعلق تحقيق كرنى چاہيئے تاكہ صحيح و غلط مشخص ہوجائے اور جو معاشرے كى مصلحت ميں نہيں وہ نہ پھيل سكے اور جو لازمى ہے اسے پھيلا ديا جائے_

٧_ امنيت سے متعلق خبروں كو كنٹرول كرنا اور ان ميں سے صحيح و غلط كى تشخيص دينا، پيغمبر(ص) اور معاشرے كے رہبر كا فريضہ ہے_و لو ردّوه الى الرسول و الى اولى الامر منهم لعلمه الّذين يستنبطونه منهم

٨_ معاشرے كے رہبر و قائد ميں خبروں اوراطلاعات كى تحقيق و تحليل كى صلاحيت و توانائي كاہونا ضرورى ہے_

و لو ردّوه الى الرّسول لعلمه الّذين يستنبطونه منهم

____________________

١)كافى ج٢ ص ٣٦٩ ح١ ، نورالثقلين ج/ ١ص ٥٢٢ ح ٤٢٧.

چونكہ ''استنباط''كى ذمہ داري، ''رسول''اور ''اولى الامر''پر ڈالى گئي ہے اس سے معلوم ہوتا ہے كہ معاشرے كے رہبر و قائد ميں اس قسم كى صلاحيت ہونى چاہيئے_ ياد ر ہے كہ ''منھم'' ميں ''منْ''، ''الّذين''كيلئے بيان ہے_

٩_ اہميت كى حامل خبروں كو جمع كرنے، جانچنے اور انہيں پھيلانے كيلئے اخبار و اطلاعات سے متعلق ادارہ بنانا، رہبر و قائد كے فرائض ميں سے ہے_و لو ردّوه لعلمه الّذين يستنبطونه منهم

١٠_ جنگ كى فتح ، شكست اور سے متعلق خبروں كى تحليل و تحقيق اور انہيں نشر كرنا فقط معاشرے كے سربراہوں كى صوابديد پر ہے_و اذا جائهم امر من الامن او الخوف لعلمه الّذين يستنبطونه منهم چونكہ مذكورہ آيت جنگ سے مربوط آيات ميں واقع ہوئي ہے لہذا كہہ سكتے ہيں كہ اخبار امنيت كے مورد نظرمصاديق ميں سے ايك جنگ سے متعلق خبريں ہيں _

١١_ جو لوگ اسلامى معاشرے كے راز فاش كرتے ہيں ، وہ شيطان ہيں _اذاعوا به لاتبّعتم الشيطان

بظاہر ''شيطان''سے مراد وہ لوگ ہيں جو امنيت سے متعلق خبروں كو بغيرجانچ پڑتال كے لوگوں ميں پھيلاديتے ہيں _ يعنى منافقين يا كمزور ايمان مسلمان جنہيں خداوند متعال نے ان كے اس عمل كى وجہ سے شيطان كہا ہے_

١٢_ امنيت سے متعلق خبروں كو رہبروں كى طرف سے تحقيق و تحليل سے پہلے اور انہيں نشر كرنے كى مصلحت كو مدنظر ركھے بغيرپھيلانا ايك شيطانى كام ہے_اذاعوا به لاتبعتم الشيطان

١٣_ معاشرے ميں امنيت سے متعلق خبروں كو پھيلانے سے لوگوں كى اكثريت كے گمراہ ہونے اور ان كيلئے شيطان كى پيروى كرنے كا راستہ ہموار ہو جاتا ہے_و اذا جاء هم اذاعوا به لاتبعتم الشيطان الاّ قليلاً

١٤_ گمراہ كن خبروں اور افواہوں سے معاشرے كے بہت سے طبقات كا متاثر ہونا او ر ان كى گمراہى كا راستہ ہموار ہونا_اذاعوا به لولافضل الله عليكم و رحمته لاتبعتم الشيطان الاّ قليلاً

١٥_ مسلمانوں كے درميان گمراہ كرنے والى خبروں اور افواہوں كا خداوند متعال كے فضل و رحمت كى وجہ سے اثر انداز نہ ہونا_

و لولافضل الله عليكم و رحمته لاتّبعتم الشيطان

١٦_ فقط بہت كم لوگ، گمراہ كن خبروں اور افواہوں سے متاثر نہيں ہوتے_اذاعوا به و لولافضل الله عليكم و رحمته لاتبعتم الشيطان الاّ قليلاً

١٧_ شيطان كى پيروى نہ كر نے والے مسلمانوں كى اكثريت خداوند متعال كے خاص فضل و رحمت كى وجہ سے شيطان كى پيروى سے محفوظ ہے_و لو لافضل الله عليكم و رحمته لاتبعتم الشيطان الاّ قليلاً چونكہ سورہ مباركہ نساء كے اس حصہ كى آيات غزوہ بدر صغرى كے بارے ميں ہيں لہذا استثناء كو مدنظر ركھتے ہوئے آيت كا معنى يہ ہے كہ فقط مسلمانوں كا ايك قليل گروہ خداوند متعال كى خاص ہدايت كے بغيراسلام كے دفاع كى ضرورت كو محسوس كرتے ہوئے جنگ كيلئے روانہ ہوا اور دشمن كى طاقت كے بارے ميں افواہيں انہيں اپنے فريضے كى انجام دہى سے نہيں روك سكيں _جبكہ اسكے برخلاف بہت سے مسلمان ان و افواہوں كى وجہ سے جنگ ميں شركت كا ارادہ نہيں ركھتے تھے ليكن پيغمبر(ص) كے فرمان و ارشادات كے سبب وہ بھى جنگ كى طرف چل پڑے_

١٨_ لوگوں ميں سے بہت كم افراد شيطان كى پيروى سے نجات پانے كيلئے خصوصى و دائمى ہدايات كے محتاج نہيں ہيں _و لولافضل الله عليكم و رحمته لاتّبعتم الشيطان الاّ قليلاً مذكورہ بالا مطلبميں ''اتّبعتم''كى ضمير كو مستثنى منہكے طور پر ليا گيا ہے_

١٩_ پيغمبراكرم(ص) اور اولى الامر، خداوند متعال كے فضل و رحمت كا جلوہ ہيں _

و لو ردّوه الى الرسول و الى اولى الامر منهم و لولافضل الله عليكم و رحمته بعض كى رائے ہے كہ مذكورہ آيت ميں خدا وند متعال كے فضل و رحمت كا مورد نظر مصداق رسول خدا (ص) اور ولى امر ہيں اورغزوہ بدر صغرى كہ جس كے بارے ميں يہ آيات نازل ہوئي ہيں ، اس مطلب كا مؤيد ہے_ چونكہ رسول خدا (ص) نے اس جنگ ميں شركت كيلئے اپنے حتمى ارادے سے، بہت سے مسلمانوں كو اس جنگ كے بارے ميں تخلف سے روك ديا تھا_

٢٠_ شيطان كى پيروى و انحرافات سے روكنے ميں رہبرى و قيادت كا مؤثر كردار_

و لو ردّوه الى الرّسول و الى اولى الامر منهم و لولافضل الله عليكم و رحمته لاتّبعتم الشيطان الاّ قليلاً

٢١_ ہدايت بشرى كى ضروريات پورى كرنے كيلئے حكومت كا وجود ضرورى ہے_

و لو لافضل الله عليكم و رحمته لاتبعتم الشيطان يہ اس بنا پر ہے كہ ''فضل''اور ''رحمة'' سے مراد رسول خدا (ص) اور اولى الامر (صالح حاكم) ہوں _ خداوند متعال نے لوگوں كى اكثريت كى ہدايت كو رسالت اور صالح حكومت سے مربوط كرديا ہے_ بنابرايں ہدايت بشر كيلئے سوائے حكومت صالح كے اور كوئي چارہ نہيں _

٢٢_ شيطان كى پيروى نہ كرنے والے مسلمان اكثر امور ميں خداوند متعال كے خاص فضل اور رحمت كى وجہ سے شيطان كى پيروى سے نجات پاتے ہيں _و لولافضل الله عليكم و رحمته لاتبعتم الشيطان الاّ قليلاً

يہ اس بنا پر ہے كہ ''قليلاً''ايك محذوف مصدر ''اتّباعاً''كيلئے صفت ہو_

٢٣_ مجہول موضوعات كے سلسلے ميں حيرت و سرگردانى كے وقت توقف كرنے اور ان كے جواب كيلئے استنباط كے اہل ،علما و دانشوروں كے پاس جانا ضرورى ہے_و لو ردّوه الى الرسول و الى اولى الامر منهم لعلمه الّذين يستنبطونه منهم

امام رضا (ع) فرماتے ہيں :بل كان الفرض عليهم والواجب لهم من ذلك الوقوف عند التحيّر و ردّ ما جهلوه من ذلك الى عالمه و مستنبطه لانّ الله يقول فى محكم كتابه ''و لو ردوه الى الرسول و الى اولى الامر منهم لعلمه الذين يستنبطونه منهم (١) بلكہ ان پر فرض اور واجب ہے كہ تحير كے وقت توقف كريں اور جس چيز كے متعلق جاہل ہيں اسے عالم اور استنباط كرنےوالے كى طرف پلٹا ديں ، كيونكہ اللہ تعالى اپنى محكم كتاب ميں فرماتا ہے'' و لو ردوه الى الرسول و الى اولى الامر منهم لعلمه الذين يستنبطونه منهم'' _

آنحضرت (ص) : آنحضرت (ص) كى ذمہ داري٧; آنحضرت (ص) كے فضائل ١٩

اجتماعى گروہ: ١٦، ١٨

احكام: ٤

اسلام: صدر اسلام كى تاريخ ٢

اطلاعات: اطلاعات كو منظم كرنا ٩;اطلاعات كى تحليل٨، ١٠

____________________

١)تفسير عياشى ج١ ص٢٦٠ ح٢٠٦ نورالثقلين ج١ ص٥٢٢ ح٤٢٩.

افواہ: افواہ كى تاثيركے موانع ١٥; افواہ كے اثرات ١٤، ١٦

اللہ تعالى : اللہ تعالى كا فضل١٥، ١٧، ١٩، ٢٢; اللہ تعالى كى خاص رحمت ١٧، ٢٢; اللہ تعالى كى رحمت١٥، ١٩; اللہ تعالى كى طرف سے سرزنش ١

امنيت سے متعلق خبريں : ٥ امنيت سے متعلق خبروں كو فاش كرنا ١،٢،٤، ١٣; امنيت سے متعلق خبروں كى جانچ پڑتال٦، ٧، ١٢; امنيت سے متعلق خبروں كى حفاظت ٣، ١٢

انحراف: انحراف كے موانع ٢٠

اولى الامر: اولى الامر كى اہميت ١٩

حكومت: حكومت كى اہميت ٢١

خوف : خوف كے اسباب ١

رازداري: رازدارى كى اہميت ٣، ١١

راہبري: راہبرى كا كردار ٢٠; راہبرى كى ذمہ دارى ٦، ٧، ٩، ١٠; راہبرى كى شرائط ٨

روايت: ٢٣

شياطين: ١١

شيطان: شيطان كى اطاعت ١٣;شيطان كى اطاعت كے موانع ١٧، ٢٠، ٢٢

عمل: شيطانى عمل ١٢

فقہى قاعدہ: ٢٣

گمراہي: گمراہى كا پيش خيمہ ١٣، ١٤ ;گمراہى كے موانع ١٥ وگ: لوگوں كى اقليت ١٨

محرمات: ٤

مسلمان: صدر اسلام كے مسلمان ٢;مسلمانوں كى اكثريت ١٧

ہدايت: ہدايت كے اسباب ٢١

آیت(۸۴)

( فَقَاتِلْ فِي سَبِيلِ اللّهِ لاَ تُكَلَّفُ إِلاَّ نَفْسَكَ وَحَرِّضِ الْمُؤْمِنِينَ عَسَی اللّهُ أَن يَكُفَّ بَأْسَ الَّذِينَ كَفَرُواْ وَاللّهُ أَشَدُّ بَأْسًا وَأَشَدُّ تَنكِيلاً ) اب آپ راہ خدا ميں جہاد كريں اور آپ اپنے نفس كے علاوہ دوسروں كے مكلف نہيں ہيں او رمومنين كو جہاد پر آمادہ كريں _ عنقريب خدا كفار كے شركوروك دے گا او رالله انتہائي طاقت والا اور سخت سزا دينے والا ہے _

١_ اللہ تعالى كى راہ ميں جنگ ، پيغمبر اكرم(ص) كے فرائض ميں سے ہے_فقاتل فى سبيل الله

٢_ پيغمبراكرم(ص) كا فريضہ ہے كہ اللہ تعالى كى راہ ميں جنگ كريں خواہ بقدر كفايت ساتھى و مجاہد نہ بھى ہوں _

فقاتل فى سبيل الله لاتكلّف الاّ نفسك بظاہر جملہ ''فقاتل ...''گذشتہ مطالب پر متفرع ہے كہ جن ميں مسئلہ جنگ ميں مسلمانوں كى نافرمانى و كوتاہى كا بيان تھا_ يعنى اگر وہ جہاد كيلئے حاضر نہيں ہوتے تو آپ (ص) خود ہى تنہا جنگ كى طرف چل پڑيں _

٣_ پيغمبراكرم(ص) فقط اپنے اعمال كے جوابدہ ہيں نہ كہ دوسروں كے اعمال كے_فقاتل لاتكلف الاّ نفسك

٤_پيغمبر اسلام (ص) كى لوگوں كى نسبت ذمہ دارى تبليغ و ہدايت ہے انہيں عمل پر مجبور كرنانہيں _لاتكلّف الّا نفسك و حرّض المومنين

٥_ رہبروں اور قائدين كيلئے ضرورى ہے كہ وہ جہاد اور دوسرى اجتماعى سرگرميوں ميں پيش پيش رہيں _

فقاتل فى سبيل الله لاتكلّف الاّ نفسك و حرّض المؤمنين جملہ ''فقاتل فى سبيل الله '' كا جملہ ''و حرّض المؤمنين''پر مقدم ہونا ظاہر كرتا ہے كہ الہى رہبروں كو دوسروں سے پہلے اجتماعى كاموں ميں اور راہ خدا ميں جہاد ميں شركت كيلئے آمادہ

ہونا چاہيئے_

٦_ پيغمبراكرم(ص) كا مؤمنين كو اللہ تعالى كى راہ ميں جہاد كرنے كى ترغيب اور تشويق پر مامور ہونا_فقاتل فى سبيل الله و حرّض المؤمنين

٧_ فرائض الہى كے انجام دينے كيلئے لوگوں كو تبليغ كرنا ضرورى ہے_فقاتل فى سبيل الله و حرّض المؤمنين

٨_ خداوند متعال كى طرف سے جنگ بدر (بدر صغرى ) ميں مسلمانوں كى شركت كى صورت ميں ، اسلامى معاشرے كو مشركين مكہ كے ضرر و نقصان سے محفوظ ركھنے كا وعدہ_فقاتل و حرّض المؤمنين عسى الله ان يكف باس الذين كفروا

٩_ جہاد، دينى معاشرے كو كفار و مشركين كے گزند و ضرر سے بچانے كا باعث بنتا ہے_حرّض المؤمنين عسى الله ان يكف باس الّذين كفروا

١٠_ مؤمنين كے حوصلے بلند كرنے ا ور انہيں جہاد كى طرف تشويق كيلئے اميد دلانا ايك قرآنى روش ہے_

عسى الله ان يكف باس الذين كفروا

١١_ تمام امور كا خداوند متعال كے دست قدرت اور اختيار ميں ہونا_عسى الله ان يكف باس الّذين كفروا

بلا شك و شبہہ، مؤمنين كو كفار كا ضرر و نقصان پہنچانے سے باز رہنا كچھ علل و اسباب كا حامل ہے_ ليكن خداوند متعال اسے اپنى طرف منسوب كر رہا ہے تاكہ يہ ظاہر كرے كہ تمام امور خداوند متعال كے اختيار اور دست قدرت ميں ہيں _

١٢_ مسلمانوں كا غزوہ بدر صغرى ميں شركت كرنے سے كوتاہى اور امتناع كرنا_

فقاتل فى سبيل الله و حرّض المؤمنين عسى الله اس آيت كے شان نزول ميں آيا ہے كہ رسول خدا (ص) نے مسلمانوں كو غزوہ بدر صغرى ميں شركت كى دعوت دى ليكن دشمن كى طرف سے اور ان كے جاسوسوں كى پھيلائي ہوئي افواہوں پر كان دھرنے كے سبب بہت سے مسلمانوں نے پيغمبراكرم (ص) كا ساتھ نہ ديا_ (مجمع البيان)

ياد ر ہے كہ مؤرخين نے اس غزوہ كو مختلف ناموں سے ياد كيا ہے مثلاً بدر الصغرا، بدر الموعد، بدر الآخرة اور بدر الاخيرة_

١٣_ جنگ احد سے لے كربدر صغرى تك كازمانہ پيغمبراكرم(ص) كيلئے ايك دشوار دور تھا_

بيّت طائفة منهم اذاعوا به فقاتل فى سبيل الله لاتكلّف الاّ نفسك

يہ مطلب، شان نزول اور مجموعآيات كو مدنظر ركھ كر اخذ كيا گيا ہے_

١٤_ اللہ تعالى كى راہ ميں جہاد كيلئے حركت كرنا، امداد الہى كے حصول كا راستہ ہموار كرتا ہے_و حرّض المؤمنين عسى الله ان يكف باس الّذين كفروا

١٥_ دوسروں كے گزند و ضرر سے زيادہ اللہ تعالى كے عذاب اور سزا كا سخت اور شديد ہونا_والله اشدّ باساً و اشدّ تنكيلاً ''تنكيل''كا معني، كسى كو قيد و بند ميں ڈال كر عذاب دينا ہے_

١٦_''لاتكلّف الاّ نفسك'' كے نزول كے بعد پيغمبراكرم (ص) كا براہ راست جنگ ميں وارد ہونا اور اسكى كمان اپنے ذمہ لينا_فقاتل فى سبيل الله لا تكلف الا نفسك امام باقر(ع) نے پيغمبراكرم(ص) كے بارے ميں فرمايا:''و ما القى سرية مذ نزلت ''فقاتل فى سبيل الله لاتكلّف إلاّص نفسك''الاّ وليّ بنفسه (١) جب سے يہ آيت ''فقاتل فى سبيل الله لا تكلف الاّ نفسك'' نازل ہوئي ، آپ (ص) نے تمام جنگوں ميں بنفس نفيس كمان فرمائي_

آنحضرت (ص) : آنحضرت (ص) كى تبليغ٤; آنحضرت(ص) كى ذمہ دارى ١، ٢، ٦; آنحضرت (ص) كى ذمہ دارى كى حدود ٣، ٤; آنحضرت (ص) كى سپہ سالارى ١٦; آنحضرت (ص) كى مشكلات ١٣

اللہ تعالى : اللہ تعالى كا وعدہ ٨; اللہ تعالى كى امداد كا پيش خيمہ ١٤; اللہ تعالى كى طرف سے عذاب١٥; اللہ تعالى كى قدرت ١١

امن و امان: امن و امان كے اسباب ٩

امور: امور كا منبع ١١

اميدوار ہونا: اميدوار ہونے كا كردار١٠

تبليغ: تبليغ كى اہميت ٧

تحريك: تحريك كے اسباب١٠

جہاد: ١، ٢

____________________

١)تفسير عياشى ج١ ص٢٦١ ح٢١٢_تفسير برھان ج١ ص٣٩٨ ح٣.

جہاد كى طرف تشويق ٦;جہاد كے اثرات ٩، ١٤;جہاد ميں سستى ١٢

حوصلہ بڑھانا: حوصلہ بڑھانے كے اسباب ١٠

روايت: ١٦

شرعى فريضہ : شرعى فريضہ پر عمل ٧;شرعى فريضہ پر عمل كا راستہ ١٠

عذاب: دنيوى عذاب ١٥

عقيدہ: عقيدہ كى آزادى ٤

غزوہ احد: ١٣

غزوہ بدر: غزوہ بدر صغرى ٨، ١٢، ١٣

قيادت: قيادت كى ذمہ دارى ٥

مسلمان: صدر اسلام كے مسلمان ١٢;مسلمانوں كى سستى ١٢

مشركين : مشركين مكہ ٨

معاشرہ : اسلامى معاشرے كا امن و امان٨، ٩

آیت(۸۵)

( مَّن يَشْفَعْ شَفَاعَةً حَسَنَةً يَكُن لَّهُ نَصِيبٌ مِّنْهَا وَمَن يَشْفَعْ شَفَاعَةً سَيِّئَةً يَكُن لَّهُ كِفْلٌ مِّنْهَا وَكَانَ اللّهُ عَلَی كُلِّ شَيْءٍ مُّقِيتًا )

جو شخص اچھى سفارش كرے گا اسے اس كا حصّہ ملے گا اور جو برى سفارش كرے گا اسے اس ميں سے حصّہ ملے گا او رالله ہرشے پر اقتدار ركھنے والا ہے _

١_ نيك كام ميں واسطہ بننا، اسكے اجر و ثواب ميں سہيم ہونے كا باعث بنتا ہے_

من يشفع شفاعة حسنة يكن له نصيب منها

٢_ جہاد كى طرف تشويق كرنے والوں كا، مجاہدين كے اعمال كے اجر و ثواب اور نتائج سے بہرہ مند ہونا_

و حرّض المؤمنين من يشفع شفاعة حسنة يكن له نصيب منها اس آيت اور گذشتہ آيت كے درميان ارتباط كا تقاضا يہ ہے كہ جہاد كى طرف مسلمانوں كى تشويق ہوسكتا ہے شفاعت و وساطت حسنہ كا مورد نظرمصداق ہو_ چونكہ راہ خدا ميں جہاد كيلئے تشويق كرنا، اسكے انجام دينے كيلئے ايك قسم كا سبب اور واسطہ ہے_

٣_ راہ خدا ميں جہاد كيلئے لوگوں كى تشويق كرنے كى قدر و منزلت_و حرّض المؤمنين من يشفع شفاعة حسنة يكن له نصيب منها چونكہ لوگوں كو جہاد كى طرف تشويق كرنا، ''شفاعة حسنة''كہلايا ہے_

٤_ خداوند متعال كا نيك كاموں كى انجام دہى كيلئے شفاعت كو پسند كرنا اور اسكى طرف تشويق كرنا_

من يشفع شفاعة حسنة يكن له نصيب منها

٥_ بُرے اور ناپسنديدہ كاموں ميں واسطہ بننا، ان كے انجام بد ميں شريك ہونے كا موجب بنتا ہے_

و من يشفع شفاعة سيئة يكن له كفل منها ''كفل''كا معنى حصہ اور نصيب ہے_

٦_راہ خدا ميں جہادسے لوگوں كو روكنے والے افراد كا، ترك جہاد كى سزا و عذاب ميں شريك ہونا_

و اذا جائهم امر اذاعوا به و من يشفع شفاعة سيّئة يكن له كفل منها گذشتہ آيات اور اس آيت كے درميان ارتباط كے پيش نظر ''شفاعة سيئة''كا مورد نظر مصداق ہوسكتا ہے وہ كام ہوں جو لوگوں كو راہ خدا ميں جہاد سے روكنے كا باعث بنتے ہيں _

٧_ بُرے اور ناپسنديدہ كا م ميں واسطہ بننے كى حرمت_و من يشفع شفاعة سيئة يكن له كفل منها

چونكہ بُرے كاموں كا واسطہ بننے والے افراد ان كے بُرے نتائج من جملہ اخروى عذاب و سزا ميں سہيم ہوتے ہيں _ اس سے اس قسم كى وساطت كى حرمت ظاہر ہوتى ہے_

٨_ بُرے و نيك كام انجام دينے والوں كے علاوہ ان كاموں كا واسطہ بننے والوں كو ان كے نتائج اور جزا و سزا ميں شريك و سہيم بنانے كيلئے قوانين وضع كرنا ضرورى ہے_من يشفع شفاعة حسنة و من يشفع شفاعة سيئة يكن له كفل منها

٩_ خداوند متعال ہميشہ ہر چيز كا حافظ و نگہبان ہے_و كان الله على كل ش مقيتاً

''مقيت''كا مادہ ''قوت'' ہے اور اسكے معانى ميں سے ايك معنى حافظ و نگہبان ہے_

١٠_ لوگوں كے بُرے و اچھے اعمال محفوظ ہيں اور ہرگز ضائع نہيں ہوں گے_و كان الله على كلّ ش مقيتاً

لوگوں كے اچھے، بُرے اعمال كو بيان كرنے كے بعد خداوند متعال كے نگہبان ہونے كا بيان اس بات كى طرف اشارہ ہے كہ اسكے اعمال، ضائع نہيں ہوں گے_

١١_ خداوند متعال كى جانب سے اعمال كى نگہبانى و حفاظت كى طرف توجّہ انسان كو نيك كاموں ميں واسطہ بننے كى طرف ابھارتى ہے اور بُرے كاموں ميں واسطہ بننے سے روكتى ہے_و من يشفع و كان الله على كل ش مقيتاً

جملہ ''كان الله ...''درحقيقت تشويق و تہديد ہے اور يہ جملہ لانے كا مقصديہ ہے كہ لوگ اسكى طرف توجّہ كرتے ہوئے نيك اعمال كى طرف قدم بڑھائيں اور بُرے كاموں كے انجام سے ڈريں _

احكام: ٧

اللہ تعالى : اللہ تعالى كا نگہبان ہونا ٩

تحريك: تحريك كے عوامل ١١

جزا و سزا: جزا و سزاكے اسباب ١

جہاد: ہاد كو ترك كرنے كى سزا ٦;جہاد كى تشويق ٢، ٣ ; جہادكى فضيلت ٣

ذكر: ذكر كے اثرات ١١

سزا: سزا كے اسباب٥، ٦

عمل: پسنديدہ عمل ٤، ١٠; عمل كا باقى رہنا ١٠، ١١;عمل كى جزا و سزا ٢ ; ناپسنديدہ عمل ١٠; ناپسنديدہ عمل ميں شفاعت ١١; ناپسنديدہ عمل ميں وساطت ٥، ٧;نيك عمل ميں شفاعت ١١

قانون سازى : قانون سازى كا طريقہ ٨ ;قانون سازى كى اہميت ٨

قدر وقيمت : قدر و قيمت كا معيار ٣

مجاہدين:

مجاہدين كى جزا ٢

محرّمات: ٧

نيكي: نيكى كى تشويق ٤ ;نيكى ميں واسطہ بننا ١، ٤

آیت( ۸۶)

( وَإِذَا حُيِّيْتُم بِتَحِيَّةٍ فَحَيُّواْ بِأَحْسَنَ مِنْهَا أَوْ رُدُّوهَا إِنَّ اللّهَ كَانَ عَلَی كُلِّ شَيْءٍ حَسِيبًا )

اور جب تم لوگوں كوكوئي تحفہ (سلام ) پيش كيا جائے تو اس سے بہتر يا كم سے كم ويسا ہى واپس كرو كہ بيشك الله ہرشے كا حساب كرنے و الا ہے _

١_ دوسروں كے سلام و تحيت كا جواب دينا واجب ہے_و اذا حييتم بتحيّة فحيّوا ''تحيّة'' در اصل دعا اور طول عمر و سلامتى كى درخواست كو كہتے ہيں _ اور پھر اس كا استعمال مطلق دعا ميں ہونے لگا_ اور عرف اسلام ميں اس كا معنى سلام اور دعائے خير كرنا ہے_

٢_ دوسروں كے سلام اور دعائے خير كا جواب، اس سے بہتر يا اسى كى مانند ہونا چاہيئے_و اذا حييتم بتحيّة فحيّوا باحسن منها او ردّوها

٣_سلام كرنا ايك مستحب كام ہے اور اس كا جواب دينا واجب ہے_و اذا حييتم بتحيّة فحيّوا باحسن منها او ردّوها

٤_ اسلامى معاشرے ميں محبت آميز اخلاقى روابط اور نيك رويہ و طرز عمل اپنانے كى اہميت_و اذا حييتم بتحيّة فحيّوا باحسن منها او ردّوها خدا وند متعال كى طرف سے دوسروں كے سلام و دعا كے جواب ميں بہتر طور پر سلام و دعا كرنے كى نصيحت كرنے كا مقصد اسلامى معاشرے ميں اخلاقى و محبت آميز روابط برقرار كرنا ہے_

٥_ اسلامى معاشرے كى ذمہ دارى ہے كہ جو معاشرے صلح آميز روابط برقرار ركھنا چاہتے ہيں ان سے

اس قسم كے روابط و تعلقات ركھے_ و اذا حيّيتم بتحيّة فحيّوا با حسن منها او ردّوها ''تحيّت''كے لغوى معنى (سلامتى كى درخواست) كے پيش نظر جملہ ''اذا ...'' كا معنى يہ ہے كہ اگر كوئي گروہ يا فرد تمہارے لئے امن و سلامتى چاہتا ہے تو تم بھى اسكى سلامتى كى خواہش كرو_

٦_ دوسروں كى نيكى كے مقابلے ميں بہتر يا اسى جيسى نيكى كرنا ضرورى ہے_و اذا حييتم بتحيّة فحيّوا باحسن منها او ردّوها

٧_خداوند متعال كا ہر چيز كو پركھنے اور اس كا حساب لينے پر قادر ہونا_ان الله كان على كلّ ش حسيباً

٨_ انسان كے ہر عمل كا خداوند متعال كى جانب سے حساب ليا جانا_ان الله كا ن على كلّ ش حسيباً

٩_ اہل ايمان كا ايك دوسرے پر سلام بھيجنا اور دعائے خير كہنا، خداوند متعال كى نظر ميں ہے اور الہى اجر و ثواب كا حامل ہے_و اذا حيّيتم ان الله كا ن على كل ش حسيباً نيك اعمال كا حساب كتاب، ان اعمال پر خداوند متعال كى طرف سے اجر و ثواب ملنے كى طرف اشارہ ہے_

١٠_ ہر عمل كے بارے ميں خداوند متعال كى طرف سے مكمل و دقيق حساب ليئے جانے كى طرف توجّہ سے نيك اعمال كى انجام دہى اور بُرے اعمال سے بچنے كا راستہ ہموار ہوتا ہے_و اذا حييتم ان الله كان على كل ش حسيباً

احكام: ١، ٣

اللہ تعالى : اللہ تعالى كى جانب سے حساب كتاب ٧، ٨، ٩، ١٠; اللہ تعالى كى قدرت٧

بين الاقوامي: بين الاقوامى روابط ٥

جواب : جواب دينے كے آداب ٦

ذكر: ذكر كے اثرات ١٠

سلام: سلام كا اجر ٩;سلام كا جواب دينے كے آداب ٢ ;سلام

كے احكام ١، ٣; سلام كے جواب كا واجب ہونا ١، ٣

عمل: بُرے عمل كے موانع ١٠; عمل كا حساب ليا جانا ٨;نيك عمل كا پيش خيمہ ١٠

معاشرت: معاشرت كے آداب ٤، ٦ معاشرتى نظام: ٤، ٥

معاشرہ: اسلامى معاشرہ كى ذمہ دارى ٥; معاشرہ كے اجتماعى روابط ٤

واجبات: ١،٣

آیت( ۸۷)

( اللّهُ لا إِلَـهَ إِلاَّ هُوَ لَيَجْمَعَنَّكُمْ إِلَی يَوْمِ الْقِيَامَةِ لاَ رَيْبَ فِيهِ وَمَنْ أَصْدَقُ مِنَ اللّهِ حَدِيثًا ) الله وہ خدا ہے جس كے علاوہ كوئي معبود نہيں ہے _وہ تم سب كو روز قيامت جمع كرے گا او راس ميں كوئي شك نہيں ہے او رالله سے زيادہ سچى بات كون كرنے والا ہے _

١_ فقط اللہ تعالى ، عبادت كے لائق معبود ہے_الله لااله الاّ هُو

٢_ قيامت يعنى خداوند متعال كى جانب سے انسانوں كو جمع كرنے كى انتہا_ليجمعنكم الى يوم القيمة

٣_ قيامت، تمام انسانوں كو اكٹھا كئے جانے كا دن ہے_ليجمعنّكم الى يوم القيمة اس احتمال كى بنا پر كہ ''إلى '، ''في''كے معنى ميں ہو_ جيساكہ بعض مفسرين كى رائے ہے_

٤_ قيامت كا دن ،خداوند متعال كى جانب سے اعمال كے حساب كا دن_انّ الله كان على كل ش حسيباً ليجمعنّكم الى يوم القيمة

٥_ ميدان قيامت ميں فقط خداوند يكتا كا حاكم ہونا_

الله لااله الاّ هو ليجمعنّكم الى يو م القيمة

٦_ خداوند متعال كے يكتا ہونے كا تقاضا ہے كہ وہ اعمال كے حساب كيلئے قيامت برپا كرے_*

ان الله كان على كلّ ش حسيباً _ الله لااله الّاهُو ليجمعنّكم الى يوم القيمة خداوند متعال كو يكتا اور واحد كے عنوان سے متصف كرنا اور پھر اسكى جانب سے قيامت كے برپا ہونے كا بيان، اس بات كى طرف اشارہ ہے كہ خداوند متعال كى يكتائي اسكى جانب سے قيامت كے برپا ہونے كى دليل ہے_

٧_ روز قيامت كا حتمى و ناقابل ترديد ہونا_ليجمعنّكم الى يوم القى مة لاريب فيه مذكورہ بالا مطلب ميں جملہ ''لاريب فيہ'' كو ''لاريب فى وقوعہ''كے معنى ميں ليا گيا ہے_يعنى اس قسم كے دن كا وقوع حتمى اور ناقابل ترديد ہے_

٨_ كوئي بھى خداوند متعال سے زيادہ سچا نہيں _و من اصدق من الله حديثاً

٩_ سچائي كا اعلى اقدار ميں سے اور فضيلت و كمال كا معيار ہونا_و من اصدق من الله حديثاً خداوند متعال كو سچوں ميں سے زيادہ سچا كہنا، سچائي كى بلند قدر و منزلت پر دلالت كرتا ہے_

١٠_ خداوند متعال كى الوہيت اور كمال مطلق ہونے كى طرف توجّہ كرنا اسكى خبروں كو قبول كرنے اور اسكى راستگوئي پر اعتقاد ركھنے كا باعث بنتا ہے_و من اصدق من الله حديثاً اسم جلالہ ''الله '' كو لانا، باوجود اسكے كہ اسكى جگہ ضمير كو لايا جاسكتا تھا، اس بات كى طرف اشارہ ہے كہ الوہيت كا لازمہ اسكى تمام خبروں كى حقانيت ہے_ يعنى چونكہ وہ ''الله '' ہے اور كمال مطلق ہے لہذا اسكى خبريں ہميشہ واقع كے مطابق ہيں _

١١_ خداوند متعال كى على الاطلاق سچائي و راستگوئي كى طرف توجّہ سے، قيامت كے بارے ميں ہر قسم كے شك و ترديد كا بر طرف ہوجانا_ليجمعنّكم الى يوم القى مة لاريب فيه و من اصدق من الله حديثاً

اللہ تعالى : اللہ تعالى كا حساب لينا ٤; اللہ تعالى كا كمال ١٠;اللہ تعالى كى الوہيت ١٠; اللہ تعالى كى حاكميت٥; اللہ تعالى كى سچائي ٨، ١٠، ١١; اللہ تعالى كے مختصات ١، ٨

انسان: انسان اور قيامت كا دن ٢، ٣

توحيد: توحيد ذاتى ٦;توحيد عبادى ١

ذكر: ذكر كے اثرات ١٠، ١١

شبہ: شبہ بر طرف ہونے كے اسباب ١١

صداقت: صداقت كى قدر و منزلت ٩

عمل: عمل كا حساب ليا جانا ٤، ٦

قدر وقيمت : قدر و قيمت كا معيار ٩

قيامت: قيامت كا حاكم ٥;قيامت كا حتمى ہونا ٧، ١١ ;قيامت كى خصوصيت ٢،٣;قيامت كے دن حساب ليا جانا ٤; قيامت ميں اجتماع ٢،٣

معبود: قدر و منزلت كا حامل معبود ١

نظريہ كائنات : نظريہ كائنات اور آئيڈيالوجى ١٠

آیت ( ۸۸)

( فَمَا لَكُمْ فِي الْمُنَافِقِينَ فِئَتَيْنِ وَاللّهُ أَرْكَسَهُم بِمَا كَسَبُواْ أَتُرِيدُونَ أَن تَهْدُواْ مَنْ أَضَلَّ اللّهُ وَمَن يُضْلِلِ اللّهُ فَلَن تَجِدَ لَهُ سَبِيلاً ) آخر تمھيں كيا ہوگيا ہے كہ منافقين كے بارے ميں دو گروہ ہو گئے ہو جب كہ الله نے ان كے اعمال كى بناپر انھيں الٹ ديا ہے كيا تم اسے ہدايت ديناچاہتے ہو خدانے جسے گمراہى پر چھوڑديا ہے _ حالانكہ جسے خدا گمراہى ميں چھوڑدے اس كے لئے تم كوئي راستہ نہيں نكال سكتے_

١_ صدر اسلام كے مسلمانوں كا، منافقين كے ساتھ رويہ اپنانے ميں اختلاف كرنا_

فما لكم فى المنافقين فئتين

٢_ خداوند متعال كى جانب سے، منافقين كے ساتھ رويہ و طرز عمل اپنانے ميں اختلاف كرنے كے سبب صدر اسلام كے مسلمانوں كى مذمت _فما لكم فى المنافقين فئتين

٣_ منافقين كے مقابلے ميں مسلمانوں كيلئے فرامين الہى كے مطابق وحدت و اتحاد اپنانا ضرورى ہے_فما لكم فى المنافقين فئتين

٤_ زمانہ بعثت كے بعض مسلمانوں كا منافقين كى طرفدارى كرنا_و من يشفع شفاعة سيّئة فما لكم فى المنافقين فئتين ''فمالكم''ميں ''فائ''آيت نمبر ٨٥ پر تفريع ہے اور ''شفاعة سيّئة''كا ايك مصداق بيان كر رہا ہے_

٥_ منافقين كى طرفداري، پر خداوند متعال كا مذمت كرنا اور اسے بُرى شفاعت قرار دينا_و من يشفع شفاعة سيّئة فمالكم فى المنافقين فئتين

٦_ منافقين كے فہم و ادراك كا ان كے ناروا اعمال كے سبب الٹا ہو جانا_والله اركسهم بما كسبوا ''اركاس''كا معنى پلٹانا اور الٹانا ہے كہ ''اتريدون ...'' كے قرينے سے اس سے مراد ہدايت پانے كيلئے ان كے درك و فہم كا الٹاہو جانا ہے_

٧_ منافقين كے برے اعمال كا، ان كے كفر و ضلالت كى طرف پلٹ جانے كا سبب بننا_والله اركسهم بما كسبوا

بعد والى آيت ميں ''بما كفروا''پر غور كريں تو ''اركاس''( الٹا ہوجانا) كے مصاديق ميں سے ايك، ان كا كفر كى طرف مائل ہونا ہے_

٨_ خداوند متعال كى جانب سے منافقين كو گمراہ و دور كئے جانے كى وجہ سے سب مؤمنين كى طرف سے ان كو دھتكارنے اور ملالت كرنے كى ضرورت_فما لكم فى المنافقين فئتين والله اركسهم بما كسبوا جملہ ''والله اركسھم بما كسبوا''حاليہ ہے_ يعنى درحالانكہ خداوند متعال نے انہيں الٹاكر ديا ہے اور اپنے آپ سے دور كرديا ہے_ پھر تم كيوں ان كى طرفدارى كرتے ہو؟

٩_ انسان كى تقدير ميں اسكے عمل كا اہم كردار_والله اركسهم بما كسبوا