امامين حسنين عليهما السلام ثقافتى اور فکر اسلامى - نيٹ ورک

تاريخ اسلام ميں عايشه کاکردار-عهد امير المومنين (ع) جلد 2

قابل معافى ہے ،كيونكہ يہ لوگ مجتہد تھے اور مجتہد اپنے اجتہاد ميں غلطى سے دوچار ہو ہى جاتا ہے _(۹)

اس طرح حضرت على اور عائشه كے لشكر والوں كے بارے بھانت بھانت كے عقائد و نظريات پيدا ہو گئے جو ايك دوسرے سے قطعى مختلف ہيں_

ان نظريات ميں بعض تو سرحد كفر تك پہنچا ديتے ہيں اور بعض انھيں نجات يا فتہ قرار ديتے ہيں بہشتى كہتے ہيں اور بعض اس غلطى كو ايسا گناہ قرار ديتے ہيں جو ہر گز بخشے جانے كے قابل نہيں ليكن اس بارے ميں ہمارا عقيدہ بہت موزوں اور متوازن ہے اور يہ حضرت على كے اس ارشاد سے ماخوذ ہے _

آپ نے فرمايا :

عائشه نے اگر چہ ہر طرح اختلاف و خونريزى پيدا كى ليكن پھر بھى وہ ہمارى ماں ہيں اور تمام مسلمانوں كى ماں ہيں اور ان كے اعمال كا حساب خدا كے ذمے ہے(۱۰)

(ولما بعد حرمتها الاولى و الحساب على الله)

عائشه كى واقعى شخصيت كا تعارف

ہم نے جنگ جمل كى تاريخ بيان كرنے ميں قارئين كرام كے سامنے صرف وہى باتيں بيان كى ہيں جو براہ راست يا بالواسطہ طور سے احاديث عائشه كى حيثيت سمجھنے ميں معاون ہوں _ اور يہى ہمارا مقصد بھى ہے _ مطلب يہ ہے كہ ہم نے ايسے حوادث بيان كئے ہيں جن سے عائشه كے روحانى و اخلاقى امتيازات اور ان كے عقائد و افكار كا پتہ لگايا جاسكے _ ہم نے تاريخى كتابوں كے معتبر ماخذ سے شواہد تلاش كر كے قارئين كے سامنے پيش كئے ہيں تاكہ اس كے ذريعے عائشه كى واقعى شخصيت اور سياسى و معاشرتى رسوخ كا پتہ چل سكے _ اسى كے ساتھ يہ كہ ان كى روحانى و نظرياتى و اخلاقى خصوصيات معلوم ہو سكيں كيونكہ يہى باتيں عائشه كى احاديث و روايات سمجھنے ميں معاون ہو سكتى ہيں اور يقين حقيقت كو اسان و ہموار بنا سكتى ہيں

اور اب عائشه كے بارے ميں جو تاريخى مدارك حاصل ہوئے ہيں انھيں چند فصلوں ميں بطور خلاصہ پيش

____________________

۹_الملل و النحل ج۱ ص ۴۴ ، المفصل ج۴ ص ۱۵۳

۱۰_ شرح نہج البلاغہ ج۱ ص ۶۳ ، كنز العمال ج۸ ص ۲۱۵ ، منتخب كنز ج۵ ص ۳۱۵ _ ۳۳۱

كئے جا رہے ہيں ، ليكن ہم اس فصل ميں صرف عائشه كى دلى قوت ہى كو بيان كريں گے جس كى وجہ سے وہ اپنى ہم جنسوں ميں ممتاز ہوئيں _

عائشه كى دلى قوت

عائشه اپنى جگر دارى اور قوت كے اعتبار سے تمام دنيا كى عورتيں ميں بے نظير تھيں ، يہاں تك كہ تاريخ ميں آج تك ان سے زيادہ جگر دار عورت كى نشاندہى نہيں ہو گى ،ہر وہ كاميابى كے ساتھ اپنے نسوانى جذبات و احسات پر اسقدر مسلط تھيں كہ كسى عورت كے لئے ايسے تسلط كا مظاہرہ بہت بعيد ہے _

انہوں نے پہلے ہلّے ميں بصرہ پر قبضہ كر كے وہاں كے بيت المال كے محافظوں كو اسير كر كے نہآیت بے رحمى كے ساتھ حكم ديا كہ ان سب كو قتل كر ديا جائے _ اور اس عورت كے حكم سے دسيوں مسلمانوں كو ان كى انكھ كے سامنے بھيڑ بكريوں كى طرح قتل كر ڈالا گيا _

پھر اس كے بعد جنگ شروع ہوئي تو اس اتشيں اور وحشت انگيز ميں خود شريك رہيں _ اور ذرا بھى خوف و ہراس كو راہ دئے پورے دلى اطمينان كے ساتھ ايك سپہ سالار كى طرح حكم چلا رہى تھيں _ حالانكہ خزاں كے پتوں كى طرح سر اڑ رہے تھے ، يہ سارا تماشہ وہ اپنى انكھوں ديكھ رہى تھيں _ ذرا ماتھے پر شكن نہ تھى ، پہاڑ كى طرح جمى تھيں ہودج ميں بيٹھ كر لگاتار فوجى احكامات صادر كر رہى تھيں _ ان كے دل ميں ذرا بھى گھبراہٹ ، كمزورى اور پريشانى كا اثر نہ تھا _ جى ہاں _ يہ امتياز و خصوصيت عائشه كے علاوہ دنيا كى كسى عورت ميں نظر نہيں اسكتى ، نہ تاريخ كسى ايسى عورت كى نشاندہى كر سكتى ہے ہم نے اسے ام المومنين كى قوت قلب كيا ہے _ قارئين اسے قساوت و بے رحمى كا نام دے سكتے ہيں يا جگر دارى كہہ سكتے ہيں _

ہم نے قارئين كے سامنے تاريك بيان كى ہے فيصلہ انھيں كو كرنا ہے _

عائشه ، دنيا كى عظيم ترين سياست داں

گذشتہ فصلوں ميں جو باتيں پيش كى گئيں ان سے استفادہ ہوتا ہے كہ عائشه ايك مجير العقول شخصيت كى حامل تھيں ، وہ ذاتى حيثيت سے سحر انگيز اور چمتكارى توانائي ركھتى تھيں ، اس عظيم توانائي كى وجہ سے ان كے لئے يہ بات بہت سہل و اسان تھى كہ حق كو باطل كى صورت ميں اور باطل كو حق كى صورت ميں پيش كرديں _ يا جن باتوں كى واقعى كوئي اصليت نہيں ہے اسے اپنى لچھے دار باتوں سے زنگ ھستى عطا كر ديں_

انہوں نے ميدان تيار كرنے اور سياسى مہارت كى بحر العقول صلاحيت پيدا كى تھى _ اور انہيں اس كا خاص شوق بھى تھا اپنى اسى توانائي كى وجہ سے انہوں نے بيعت على كے بعد پيمان شكنى كے لئے ايك بڑى جمعيت كو تيار كر ليا _ پھر انہيں اس طرح بھڑكايا كہ وہ انتقام خون عثمان پر امادہ ہو گئے جبكہ عثمان كو انھيں كے حكم سے قتل كيا گيا تھا _ حضرت على سے جنگ كے لئے بہت بڑى فوج محاذ پر كھڑى كر دى _

حيرتناك بات تو يہ ہے كہ عائشه نے اپنى اسى تحير خيز سياست و صلاحيت كو بروئے كا ر لاتے ہوئے متضاد و نظريات كو ياك جگہ جمع كر ديا _ اور ايك دوسرے سے قطعى جدا گانہ ہدف ركھنے والے گروہوں كو ايك نقطے پر سميٹ ليا _ پھر سب كو ايك ہى صف ميں كھڑا بھى كر ديا _ اس طرح اختلافات سے بھر پور لشكر تيار كر ليا _

اس سے بھى زيادہ حيرتناك بات يہ ہے كہ طلحہ و زبير كو جو عثمان كے سخت ترين مخالف تھے ، اور وہى واقعى عثمان كے قاتل بھى تھے ، اپنى لچھے دار اور كشادہ بيانى سے عثمان كا طرفدار اور خون كا بدلہ لينے والا بنا ديا _ انہيں على سے بيعت كے با وجود بيعت شكنى پر امادہ كيا اور انہيں ايسے لشكر كا امير بنا ديا جو حضرت على كے خلاف بغاوت پر كمر بستہ تھا _

عائشه نے صرف اتنا ہى نہيں كہ قاتلان عثمان سے اظہار بيزارى كيا بلكہ حضرت على پر قتل عثمان كا الزام تھوپ ديا انہيں قاتل عثمان كى حيثيت سے مشہور كيا ، حالانكہ واضح اور زندہ گواہى تاريخ كى ہے كہ حضرت على نے قتل عثمان ميں ذرا بھى شريك نہيں ہوئے ، يہاں چند تاريخى شواہد نقل كئے جاتے ہيں _

۱_ طلحہ و زبير كى بيعت ، بيعت شكنى اور يہ كہ حضرت على نے قتل عثمان ميں شركت نہيں كى ، بلكہ خود طلحہ و زبير كے ہاتھ خون عثمان ميں رنگين ہيں ، ان حقائق كو حضرت على نے بار با ر بيان كيا _ اپنى واضح بيانى اور زندہ شواہد كے ذريعے

اس راز سے پردہ اٹھايا _

كبھى آپ فرماتے َ طلحہ و زبير نے ميرى بيعت كى پھر ذرا ہى دير بعد مجھ سے زيارت خانہ كعبہ كى اجازت طلب كى ليكن وہاں سے بصرہ اكر بغاوت كى اگ بھڑكانے لگے ، مسلمانوں كو قتل كيا ، ميرى بيعت توڑ دى ، ميرے دشمنوں كو ميرے خلاف ابھارا اور جو كچھ كرنا تھا كيا _

اور كبھى خود طلحہ و زبير سے خطاب كر كے فرماتے :

تم نے مجھ سے بيعت كى _ پھر ميرى بيعت توڑ دى ہم سے جو عہد و پيمان كيا تھا اسے پس پشت ڈالكر ميرے اوپر قتل عثمان كا الزام تھوپ ديا ، تم كہہ رہے ہو كہ قاتل عثمان ولى ہے اور ميں كہتا ہوں كہ اس كا فيصلہ غير جانبدار صحابہ كے حوالے كر ديا جائے ايسے لوگوں كے حوالے كيا جائے كہ وہ نہ ميرے ہو نہ تمہارے _

ہاں _ وہى ہمارے تمہارے درميان فيصلہ كر ديں ، ہم ہى سے جو بھى قاتل عثمان ہے اسے وہى بتا ديں _ جرم كے مطابق سزا ديں _

حضرت على مسلمانوں كے اجتماع ميں ايسى باتيں بہت زيادہ كہتے اور اس طرح قتل عثمان سے اظہار بيزارى فرماتے _

ان سب كو جانے ديجئے ، جس دن لوگوں نے حضرت على كى بيعت كى اسى دن قتل عثمان ميں حضرت على كا شريك نہ ہونا اور طلحہ و زبير كا شريك ہونا ثابت ہو گيا _

ليكن ان تمام پچھلے واضح شواہد كے ساتھ كہ حضرت علىعليه‌السلام خون عثمان سے پاك تھے اورانہوں نے اس سے اظہار بيزارى بھى كيا پھر بھى لوگوں نے آپ كى باتوں پر توجہ نہيں دى اور ان كى اظہار بيزارى كو نہ مانا _ ليكن عائشه نے جو آپ پر الزام لگايا تھا اپنے تما جھوٹ كے با وجود ان كى لوگوں نے تائيد كى يہ صرف اس وجہ سے ہوا كہ عائہش كو سياست ميں حيرتناك اور خاص مہارت حاصل تھى كہ وہ حقائق كو بالكل الٹ ديں اور چونكہ معاشرے ميں ان كى حيثيت پسنديدہ تھى اور شيخين كے زمانے ہى سے انہيں خاص مقام حاصل تھا اس لئے وہ اپنى اس مہارت كا مظاہرہ كر سكيں _

۲_ ابن سيرين نے حضرت امير المومنين نے خون عثمان سے اظہار بيزارى كے سلسلے ميں كہنا ہے كہ جب

تك لوگوں نے على كى بيعت نہيں كى تھى ان پر قتل عثمان كا الزام نہيں لگايا تھا ليكن جس دن ان كى بيعت كى گئي ان پر الزام لگايا جانے لگا اور انہيں قاتلان عثمان كى فہرست ميں شامل كر ليا گيا_

۳_ ابو الاسود دئيلى نے جنگ جمل ميں طلحہ و زبير سے كہا تھا -:

تم دونوں اور عائشه عثمان كے سخت ترين دشمن تھے لوگوں كو سب سے زيادہ قتل عثمان پر ابھارتے تھے تم لوگوں نے انہيں موت كے گھاٹ تك پہچايا اور اب ان كے انتقام قتل پر اس لئے امادہ ہو كہ تمہيں واقعى قاتل عثمان ہو_

اور تم جو كہتے ہو كہ خلافت شورى كے ذريعہ متعين ہونى چاہيئے تو يہ گستاخى تم كيسے اپنى زبان پر لا تے ہو ؟ كيا تمہيں نے راضى خوشى اور بغير كوئي دبائو كے حضرت على كى بيعت نہيں كى تھى _

۴_ عمار ياسر نے بھى جنگ جمل شروع ہونے سے پہلے عائشه سے ملاقات كى اور ان سے كہا ( فمنك الرياح و منك المطر ) يعنى اے عائشه يہ تمام فتنے تمہيں نے شروع كئے اور ہر حادثہ اور ہر واقعے ميں تمہارى انگليوں كے نشانات نماياں ہيں _ يہانتك كہ قتل عثمان بھى تمہارے اشارے سے اور تمہارے حكم سے انجام پايا _

۵_ جنگ جمل كى ابتداء ميں صحابى رسول عبد اللہ ابن حكيم نے طلحہ كو ايك خط لكھ كر كہا :

اے طلحہ_ كيا يہ خط تم نے نہيں لكھا تھا ؟

طلحہ نے پوچھا _ كيوں _ يہ خط ہم نے ہى لكھا تھا :

عبد اللہ نے پوچھا _ ہم كو سخت تعجب ہے كہ كل اپنى خطوط كے مطابق ہميں تم نے دعوت دى تھى كہ ہم عثمان كے خلاف بغاوت كريں اور انہيں ختم كر ديں _ يا خلافت سے علحدہ كر ديں ليكن ہم نے تمہارى يہ دعوت قبول نہيں كى _ تمہارے موافق جواب نہيں ديا _ يہاں تك كہ اس ميں تم نے خود ہاتھ ڈالا انہيں قتل كر ڈالا اور آج پھر تم ان كے خون كا انتقام لينے كے لئے ہمارے پاس ائے ہو اور ہم بت خبر اور بے گناہ لوگوں سے ان كے خون كا انتقام لے رہے ہو _

۶_ جب مكہ ميں عائشه كے لشكر نے خروج كيا اور سعيد ابن عاص اموى نے مروان سے كہا :

اے مروان _ كہاں جا رہے ہو ؟ اور خون عثمان كا كس سے مطالبہ كر رہے ہو خون عثمان تو يہ تمہارى فوج ميں اونٹ كى پشت پر ہے اگر واقعى تمہارا مقصد خون خواہى ہے تو اپنے اس ساتھى كو قتل كر كے اپنے گھر وآپس جائو _

سعيد كا مطلب يہ تھا كہ طلحہ زبير اور عائشه عثمان كے قاتل ہيں جو لشكر كے دونوں طرف اونٹ پر بيٹھ كر بصرہ كى

طرف جا رہے ہيں اور طلحہ و زبير ہى كى وجہ سے جنگ جمل ہوئي جب دونوں طرف كے لشكر امنے سامنے ہوائے اور مروان كو موقع ہاتھ ايا تو اس نے تير چلا كر طلحہ كو قتل كر ڈالا _

يہ مستحكم اور واضح دلائل و شواہد ہيں كہ حضرت علىعليه‌السلام با لكل سے خون عثمان سے اور عائشه ، طلحہ و زبير اس خون ميں شامل تھے ، يہ بات جب ظاہر تھى _ ليكن ان كے با وجود عائشه نے اپنى خاص مہارت كا مظاہرہ كرتے ہوئے اپنے ان ساتھيوں كو خون عثمان سے برى كر ديا اور حضرت علىعليه‌السلام كے بے گناہ ساتھيوں پر ان كے قتل كا الزام تھوپ ديا جبكہ ان كا اس سے كوئي تعلق نہيں تھا پھر خون عثمان كا انتقام لينے كے لئے ان لوگوں كے خلاف لشكر تيار كيا اور ايك زبر دست تاريخى جنگ پيدا كر دى _

يہ انتہائي حيرت انگيز حركت تھى جو كسى دوسرے شخص سے نہيں ہو سكتى تھى ، اسى وجہ سے كہا جا سكتا ہے كہ :

عائشه دنيا كى ايك بہترين سياست داں خاتون تھيں _

عائشه كى تقريرى صلاحيت

عائشه كو تقرير ميں بھى حيرتناك مہارت تھى وہ خطابت كے امور سے پورى طرح اشنا تھيں اس حيثيت سے انہيں دنيا كى نامہ ور خطيب بھى كہا جا سكتا ہے _ كتب تاريخ ميں جو ان كى اتشيں تقرير منقول ہيں _ واقعى حيرتناك ہيں يہاں اس كے چند نمونے ثبوت كے طور پر پيش كئے جاتے ہيں _

۱_ عائشه كى خطابت كا ايك نمونہ حضرت ام سلمى كے جواب دينے ميں بھى پيش كيا جا سكتا ہے جس وقت وہ حضرت علىعليه‌السلام سے جنگ كا ارادہ كر چكيں تھيں ام سلمى نے ان كى سرزنش اور ملامت كرتے ہوئے فرمايا :

اے عائشه تم نے جو راستہ اختيار كيا ہے وہ انحراف اور گناہ كا راستہ ہے ،خدا سے ڈرو جو تمہارے تمام اعمال كا نگراں ہے _

عائشه نے ام سلمى كا جواب ديا _

اے ام سلمى مجھے بہت مبارك سفر در پيش ہے اس لئے كہ ميں مسلمانوں كے دو گروہوں كے اندر شديداختلافات كى حكمرانى ہے ميں اس كى اصلاح كروں گى _ ان كى دشمنى اور نفاق كو خلوص و برادرى سے بدل دوں گى

اور اس طرح مجھے خداوند عالم كى خوشنودى حاصل ہو گى _ (نفصم المطلع اصلحت بين الفئيتين متاخرتين )

يہاں عائشه نے اپنى پناہ خطيبانہ صلاحيت سے جنگ كى بات كو مغالطے ميں ڈال كر اپنے گناہ اور فساد كو اصلاح اور خوشنودي خدا كا رنگ ديديا دشمنى اور اختلاف كو اختلاف ختم كرنے اور اتحاد دو برادرى پيدا كرنے كا رنگ ديديا _

ليكن يہاں ايك سوال باقى رہ جاتا ہے كہ اگر عائشه اپنے گھر ميں بيٹھى رہتى اور حضرت علىعليه‌السلام سے جنگ كے لئے مكہ سے نہ نكلتيں تو مسلمانوں كے دو گرہوں ميں نفاق اور دشمنى كہاں سے پيدا ہوتى _

دو مخالف گروہ جو ايك دوسرے سے لڑ رہے تھے اور جس كا اظہار خود عائشه نے كيا تھا كہ ان دونوں ميں صلح كراو ں گى وہ كہاں تھا ، عائشه كى بغاوت اور ان كے بصرہ انے سے پہلے اختلاف كا كہيں پتہ اور نشان نہيں تھا _ كاش انہوں نے مسلمانوں كے درميان اصلاح كے خيال سے مكہ سے بصرہ نہ گئيں ہوتيں اور يہ تمام جنگ و خونريزى و برادركشى مسلمانوں ميں پيدا نہ ہوتى _

۲_ ايك دوسرى عائشه كى تقرير ان كى مشہور خطابت ہے جو مربد ميں ہوئي تھى _

جس وقت طلحہ و زبير نے بصرہ والوں كے سامنے تقرير يں كيں اور لوگوں نے ان كى باتوں پر توجہ نہيں دى بلكہ ان دونوں پر اعتراض كرنے لگے لوگوں ميں ايسا شور اور ہنگامہ پيدا ہوا كہ طلحہ وزبير اس كو خاموش كرنے سے عاجز رہ گئے اس موقع پر عائشه نے اپنى تند اور اتشيں تقرير شروع كى _ كہ لوگ خاموش ہو گئے اور سارى چيخ پكار ختم ہو گئي _

عائشه نے اپنى تقرير ميں كہا :

بصرہ والو _ يہ صحيح ہے كہ عثمان گناہگار تھے _ ان سے غلطياں بھى ہوئيں _ ليكن جب ہم نے انہيں ٹوكا تو انہوں نے ہمارى بات مان لى اور اپنے گناہوں سے توبہ كى _ اپنى غلط حركتوں سے بعض ائے ليكن تم لوگوں نے ان كى توبہ كو نظر انداز كيا اور ان پر چڑھائي كر كے بے گناہ اور مظلومى كے ساتھ قتل كر ديا _ بے رحمى سے ان كا خون زمين پر بہا ديا اس كے بعد على كو مسلمانوں كى رضا و صلاح كے بغير خلافت پر بيٹھا ديا اسى لئے ميں مظلوم و بے گناہ عثمان كى طرفدارى اور خونخواہى كے لئے كھڑى ہو گئي ہوں _ ميں نے اس لئے قيام كيا ہے كہ على كو خلافت سے معزول كر دوں گا

كہ وہ مسلمانوں پر حكومت نہ كريں _

يہ عائشه كى خطابت كا ايك چھوٹا سا ٹكڑا تھا جو ميدان مربد ميں پيش كيا گيا اسے سنتے ہيں شور مچانے والے لوگ خاموش ہو گئے اور اس كا لوگوں كے دل پر مخصوص اثر ہوا حالانكہ وہ لوگ جاتنے تھے كہ عائشه اپنى باتوں سے لوگوں كو مغالطے ميں ڈال رہى ہيں_ليكن سبھى پورى توجہ سے سنا رہے تھے اور دل وجان سے ان كى باتوں كو مان رہے تھے اور يہ ان كى قوت و خطابت ہى كا اثر تھا كيونكہ وہ بہت موقعہ شناس تھيں اور تقرير كے رموز سے پورى طرح اشنائي ركھتى تھيں _ ليكن نہيں _ ان كى باتوں ميں جھوٹ اور مغالطے كے اثار نماياں تھے كيونكہ اگر انہوں نے قتل عثمان كا فتوى نہيں ديا ہوتا تو كسى كو قتل كرنے كى جرا ت نہ ہوتى _ انہوں نے اور ان كے خاندان نے عثمان كو قتل كيا پھر ان كى مظلوميت پر گھڑيال كے انسو بہانے لگيں _

عائشه نے اس تقرير كے بعد _ تقرير كا دوسرا حصہ شروع كيا اس ميں سبھى حضرت علىعليه‌السلام كے بارے ميں باتيں تھيں _ اور آپ سے اپنے پچھلے عناد كو اشكار كيا اور اپنے دلى راز سے پردہ اٹھا تے ہوئے يہ كہا كہ :

اے لوگو_ تم نے ابو طالب كے بيٹے كى بيعت مسلمانوں كو خبرديئےغير كر ڈالى اور لوگوں كى خوشنودى كے بغير غاصبانہ طريقے سے انہيں كرسي خلافت پر بيٹھاديا _(۱۱) عائشه نے اپنى تقرير جارى ركھى _ اگے كہا كہ :

اے لوگو_ سمجھ لو عثمان مظلوم اور بے گناہ قتل كئے گئے تم لوگوں پر واجب ہے كہ ان كے قاتلوں كو تلاش كرو اور جہاں بھى پاو انہيں قتل كر ڈالو _ اس كے بعد معاملہ خلافت كو اسى طرح شورى كے حوالہ كر دوجيسے عمر نے كيا تھا وہى اركان شورى خلافت كے لئے كسى كو منتخب كر ليں ليكن يہ خيال رہے كہ جو لوگ قتل عثمان ميں شريك ہوئے ہيں انہيں مجلس شورى ميں شامل نہيں كيا جائے اور خليفہ معين كرنے ميں ان كى رائے نہ مانى جائے چاہے وہ عمر كے اركان شورى ہى ميں موجود ہوں _(۱۲)

عائشه نے اپنى تقرير كے پہلے حصہ ميں بيعت و خلافت على كو فسخ كيا پھر خلافت كو اركان شورى كے حوالے كيا اور اس ميں بھى على كى شركت كو روكتے ہوئے كہا كہ جو لوگ خون عثمان ميں شريك ہوئے ہيں انہيں مسئلہ خلافت ميں دخل نہيں دينا چاہئے چاہے وہ عمر كے چھہ اركان شورى ہى كى فرد ہو ں _

____________________

۱۱_ يہاں بھى عا ئشہ نے مغالطہ سے كام ليا ہے كيونكہ طلحہ و زبير نے بصرہ والوں سے پہلے حضرت علىعليه‌السلام سے بيعت كى تھي

۱۲_ اس سے عا ئشہ كى مراد صرف حضرت علىعليه‌السلام ہيں ، كيونكہ ان كے خيال ميں قتل عثمان ميں حضرت علىعليه‌السلام كے سوا اركان شورى كى كوئي فرد شريك نہيں تھى _

اگر ہم عائشه كى تقرير كا تحليل و تجزيہ كريں تو پہلى ہى نظر ميں يہ بات ہميں سمجھ ميں اجاتى ہے كہ طلحہ و زبير كے علاوہ دوسرا كوئي شخص بھى خلافت كا حق نہيں ركھتا اور صرف انہيں دونوں ميں سے كسى ايك وك خليفہ منتخب ہونا چاہئے _ كيونكہ ہم جانتے ہيں كہ عمر كے اركان شورى ميں سے عثمان اور عبد الرحمن زندہ نہيں ہيں ، حضرت علىعليه‌السلام بھى عائشه كى نظر ميں قتل عثمان سے متہم ہيں اس لے معاملہ شورى ميں انہيں كسى قسم كى مداخلت كا حق نہيں ہے نہ رائے دينے كا حق ہے _ چوتھى فرد سعد كى ہے عائشه كے لئے بہت اسان تھا كہ ان پر بھى قتل عثمان كا الزام لگا كر حريم شورى سے نكال باہر كرديتيں _ اب صرف دو ہى شخص طلحہ و زبير رہ جاتے ہيں جو عائشه كى نظر ميں قتل عثمان سے برى تھے اور ان كے قتل ميں ان دونوں نے كسى قسم كى شركت نہيں كى تھى اس لئے وہ ہر طرح خلافت اور شورى كے شرائط ركھتے تھے _

اس تحليل و تجزيہ سے يہ بات ثابت ہوتى ہے كہ عائشه بہت چالاكى اور لچھہ دار گفتگو سے يہ بات ثابت كرنا چاہتى ہيں كہ مسئلہ خلافت كے لئے طلحہ و زبير ميں سے كسى ايك كو منتخب كر ليا جائے اصل ميں قتل عثمان اور بغاوت على كا پرچم بلند كرنے سے ان كا مقصد يہى تھا _

۳_ لوگوں كے دل ميں عائشه كے بھر پور اثر ہونے كا ايك ثبوت اور لوگوں كے جذبات سے بخوبى اگاہ ہونے كا ايك ثبوت ان كى وہ تقرير بھى ہے جسے انہوں نے قبيلہ بنى ناجيہ والوں كے سامنے ظاہر كيا _ وہ لوگ اونٹ كى مار اپنے ہاتھ ميں تھامے ہوئے تھے _ انہوں نے انتہائي ہيجان انگيز انداز ميں كہا كہ :

اے ناجيہ كے شريف خاندان والو استقامت دكھاو اور صبر كا مظاہرہ كرو كيونكہ ميں تم لوگوں كے چہرے پر قريش كى غيرت و استقامت كا مشاہدہ كر رہى ہوں _

صبر ا ً يا بنى ناجيه فانى اعرف فيكم شمائل قريش

عائشه نے اپنى اس تقرير ميں قبيلہ ناجيہ كو قريش كے با وقار خاندان سے جو ڑ ديا جو شجاعت و شہامت سے مشہور تھا اس طرح ناجيہ والوں ميں فدا كارى كا جذبہ بڑھ گيا كہ وہ اپنى اخرى سانسوں تك حضرت علىعليه‌السلام كى فوج كے

سامنے ڈٹے رہے اور ايك كے بعد ايك قتل ہوتے رہے _

اپنے اس مو ثر فقرے سے عائشه نے اپنا مطلب حاصل كيا كيونكہ قبيلہ ناجيہ كے قبيلہ قريش كى شاخ ہونے ميں متہم تھا لوگ اسے قريش كى شاخ نہيں سمجھتے تھے _ رسول خدا (ص) نے سامہ كے بارے ميں جو اپنے كو قريش كى فرد سمجھتا فرمايا تھا كہ : ميرے چچا سامہ سے كوئي فرزند پيدا نہيں ہوا تھا يعنى بنى ناجيہ سامہ سے نہيں تھے اور ان كا قريش سے انتصاب صحيح نہيں ہے _ ابو بكر و عمر بھى بنى ناجيہ كوقبيلہ قريش كى فرد نہيں سمجھتے تھے _(۱۳)

عائشه كى موقعہ شناسى كا ايك نمونہ وہ جملے ہيں جو قبيلہ ازد والوں سے كہے جس وقت ازديوں نے اونٹ كى مہار تھامى اور پورى طاقت سے جنگ كرنے لگے تو ان كى طرف رخ كر كے كہا :

اے قبيلہ ازد والو _ صبر و استقامت كا مظاہرہ كرو كيونكہ صبر و استقامت ازاد مردوں كى پہچان ہے _ جب تك بنى ضبہ ميرے لشكر كے درميان رہے ميں اپنے لشكر ميں اثار كامرانى كا مشاھدہ كرتى رہى اور اپنى فتح كى اميد وار رہى _صبراً فنما يصبر الاحرار

عائشه كے اس فقرے سے قبيلہ ازد ميں ايسا جوش پيدا ہوا كہ انہوں نے پورى طاقت سے جنگ كى اور ايك كے بعد ايك اونٹ كے سامنے خاك و خون ميں لوٹنے لگے تاكہ خاندان ضبہ كى جو تعريف عائشه نے كى ہے اسے يہ بھى حاصل كر سكيں _

۵_عائشه كى موقعہ شناسى كا نمونہ وہ بھى ہے جسے انہوں نے حضرت علىعليه‌السلام كے سامنے كہا تھا_ جنگ جمل كے بعد حضرت علىعليه‌السلام نے جب عائشه پر قابو پا كر ان كى ملامت كرتے ہوئے فرمايا :

اے عائشه _ تم نے لوگوں كو ميرے خلاف جنگ پر ابھارا _ بغاوت كى تحريك چلائي يہاں تك كہ خون سے زمين لالہ زار ہو گئي بھائي نے بھائي كو قتل كيا رسول خدا (ص) نے يہى حكم ديا تھا كيا انحضرت (ص) نے تمہيں يہ حكم نہيں ديا تھا كہ اپنے گھر سے باھر نہ نكلنا اور اپنے حجرے ميں بيٹھى رہنا _

____________________

۱۳_ شرح نہج البلاغہ ابن ابى الحديد ج۳ ص ۱۲۶

عائشه جو موقعہ شناسى اور نقطہ سنجى ميں ماہر تھيں طويل اور حساس خطابت كا تجربہ تھا _ ايسے موقعہ پر علىعليه‌السلام سے صرف ايك _ جى ہاں _ صرف چھوٹے سے ايك جملے پر قناعت كى ليكن وہ جملہ بہت حساس تھا جس نے حضرت علىعليه‌السلام جيسے مہربان اور جذباتى شخص كو رام كر ديا اور علىعليه‌السلام كو اپنى تمام كينہ و عناد كے باوجود عفو و بخشش پر مجبور كر ديا اس حساس موقع پر كہا :

اے علىعليه‌السلام اب جب كہ تم نے ہمارے اوپر قابو پا ليا ہے تو عفو و بخشش سے كام لو ملكت فا سجح _ تم نے قابو پا ليا ہے اب عفو كو راہ دو _ يہ چھوٹا سا فقرہ كتنا بليغ ہے اس ميں ايك طرح كا فرمان بھى ہے ليكن باطن ميں انسانى جذبات كو اپنى طرف محبت كے لئے كھينچتا ہے _ يہ ايسا فقرہ تھا كہ كوئي بھى كريم شخص عفو و بخشش سے كام ليتا _

اپنى حيثيت سے استفادہ

تمام مسلمان _ رسول اكرم (ص) كى ازواج كوام المومنين يعنى مومنو كى ماں كہتے ہيں _ مسلمانوں ميں يہ لقب مشہور تھا _ ليكن عائشه نے اس عنوان كا تمام ازواج رسول سے زيادہ استفادہ كيا اس كے ذريعہ انہوں نے لوگوں كى توجہ اپنى سمت كھينچى اور اس سے استفادہ كرنے لے لئے ناقابل فراموش اور حيرتناك موقعہ استعمال كئے _ وہ اپنے اس عنوان سے لوگوں ميں كپكپى پيدا كر ديتى تھيں لوگ ان كے سامنے جھك جاتے تھے اور انتہائي احترام كے ساتھ ان كى پيروى كرنے لگتے تھے _

يہ بات واضح ہے كہ يہ اختيار اور مسلمانوں كے معاشرے ميں ان كا يہ اثر شيخين ( عمر و ابو بكر ) كے زمانہ ہى ميں حاصل ہو چكا تھا حضرت علىعليه‌السلام كے زمانہ ميں يہ اثر باقى تھا اس لئے انہوں نے تما م مرحلوں ميں ام المومنين كے عنوان سے بھر پور استفادہ كيا اور اس طرح لوگوں كو اپنى طرف متوجہ كيا _ چنانچہ انہوں نے جنگ جمل سے پہلے زيد ابن صوحان كو خط لكھتے ہوئے سر نامہ ميں اسى لقب كو استعمال كيا پھر انہيں اپنى مدد و نصرت كى دعوت دى _

خط كا متن يہ ہے _

يہ خط ام المومنين عائشه بنت ابو بكر زوجہ رسول (ص) كا اپنے نيك فرزند زيد ابن صوحان كو _ خدا كى حمد و ثنا كے بعد

اے زيد يہ خط پاتے ہى ميرے پاس اجاو اور اس جنگ ميں ميرى مدد كرو اگر ہمارا حكم نہيں مانتے اور ميرى مدد نہيں كرتے تو كم

سے كم علىعليه‌السلام سے الگ رہو اور ان كى كسى طرح بھى مدد و نصرت نہ كرو _(۱۴)

پھر عائشه نے اپنے اسى عنوان كو كعب ابن سور كى طرف كھينچا اور اس كے خيالات كو با لكل پلٹ ديا _ جس وقت كعب نے اپنى غير جانبدارى كا اعلان كيا اور لوگوں سے علحدگى اختيار كر كے خانہ نشين ہو كر گھر كا دروازہ بند كر ليا عائشه اپنے خچر پر سوار ہو كر سور كے پاس ائيں اور بات كرنے لگيں _ كعب كسى طرح بھى مثبت جواب نہيں دے رہے تھے اخر عائشه نے مايوس ہو كر كعب سے كہا :

اے كعب كيا ميں تمہارى ماں نہيں ہوں _ كيا تمہارى گردن پر ميرى ممتا كا حق نہيں ہے _ يا كعب الست امك ولى عليك حق _

اس فقرے نے كعب ميں طوفاں كا جوش كر ديا وہ بہت زيادہ متاثر ہوئے اور ان كى سارى صلابت ہوا ہو گئي پھر وہ عائشه سے مثبت گفتگو كرنے لگے اور ميدان جنگ ميں پہنچ گئے _ اگر يہ ہيجان انگيز بات نہ ہوتى اور كعب كو حضرت علىعليه‌السلام سے بغاوت پر نہ ابھارتى تو بصرہ كے سب سے اہم قبائل ازد كى حمآیت سے محروم ہو جاتيں _

جى ہاں _ خانہ نشينى سے ميدان جنگ كا بہت فاصلہ ہے عائشه كى موقعہ شناسى اور ان كے ام المومنين كے عنوان نے اس فاصلہ كو ختم كر ديا اور خانہ نشينى كو جنگ و جدل سے بدل ديا _ ام المومنين كے عنوان سے استفادہ كا تيسرا ثبوت وہ موقعہ ہے كہ جب جنگ جمل ميں لوگ عاشئہ كے اونٹ كے گرد پروانہ وار پھر رہے تھے اور اپنى جان نچھاور كر رہے تھے اور اپنے جعلى اشعار اور رجز ميں ان كے ام المومنين ہونے كا اعلان كرتے ہئے دفاع حريم ام المومنين پر لوگوں كو ابھارتے ہوئے كہہ رہے تھے _

اے قبيلہ ازد والو _ اپنى ماں كا دفاع كرو كيونكہ ان كا دفاع نماز روزے كى طرح واجب ہے ، اور ان بزرگ ماں كے احترام كا تحفظ تم ميں سے ہر ايك پر واجب ہے _

ايك دوسرا چلّا رہا تھا _ اے لوگو _ يہ ہيں تمہارى ماں ان كى حمآیت كرو ان كا دفاع تمہارى دينى ذمہ دارى ہے ان كى نصرت و حمآیت كو پامال كرنا مادرى حق كو ضايع كرنے كے مترادف ہے اور عاق ہو جانا اور حق مادرى كو پامال

____________________

۱۴_ طبرى ج۵ ص ۱۸۴_ ۱۸۳

كرنا بہت بڑا گناہ ہے _

قبيلہ ازد عائشه كے اونٹ كا دفاع كر رہا تھا اور اس كى مينگنى كو اٹھا كر سونگتا تھا اور كہتا تھا _

يہ اماں جان كى اونٹ كى مينگنى عطر سے زيادہ خوشگوار ہے كيا شاندار ہے يہ مينگني_

يہ اقدامات حضرت عائشه كے مخصوص امتيازات ميں شامل ہيں يہاں تك كہ رسول اللہ كے بارے ميں تھى اسى شخص نے ان احساسات كو رقم نہيں كيا ہے _

عائشه دنيا كى عظيم ترين سياست داں

عائشه صرف فصيح و بليغ خطابت ہى كے اعتبار سے سب سے بڑى اور مشہور ترين عالمى خاتون قرار نہيں پاتى ہيں بلكہ اقتدار اور سياسى و فكرى اعتبار س بھى تحير خيز صلاحيتوں كى مالك بھى تھيں _ اپنى اسى سياسى و فكرى توانائي كى وجہ سے انہوں نے اپنے لشكر ميں پيدا اختلاف و تضاد كو برطرف كيا اور اسى صلاحيت كے بل بوتے پر آپ كا اختلاف و عناد جو قتل و غارت گرى پر ختم ہونے والا تھا سے دوستى اور باہمى تعاون ميں بدل ديا _

جى ہاں جس دن لشكر عائشه نے مكے سے كوچ كيا سى دن سے لشكر كے درميان اختلاف نماياں ہو گيا _ مروان كى حيثيت لشكر ميں اہم تھى اور وہ لشكر عائشه كى مشہور شخصيت تھا _ اس نے پھوٹ ڈالنے كى ہم ممكن كو شش كى _ كيونكہ جس طرح وہ حضرت علىعليه‌السلام سے دشمنى ركھتا تھا اسى طرح قتل عثمان ميں شريك ہونے كى وجہ سے طلحہ و زبير سے شديد عداوت ركھتا تھا _

لشكر عائشه مكہ سے عراق كى طرف جا رہا تھا كہ نماز كا وقت اگيا مروان نے موقع غنيمت ديكھ كر ايسى حركتيں شروع كر ديں كہ لشكر والوں كے درميان پھوٹ پڑ جائے _ اسى مقصد سے اس نے طلحہ و زبير سے كہا _ يہ ديكھو نماز كا وقت اگيا _ صف قائم ہو گئي ہے لوگ اقامت كا انتظار كر رہے ہيں _ تم دونوں ميں كون امامت كرے گا تم دونوں ميں اس كى صلاحيت ہے ميں كس كى امامت كا اعلان كروں ؟

خود طلحہ و زبير اس اچانك سوال كا جواب نہيں دے پا رہے تھے ، نہ وہ اپنے دل كا راز ظاہر كرنا چاہتے تھے كہ علانيہ اہنے كو اس عہدے كے لئے پيش كريں _ دونوں نے سكوت اختيار كيا اور مروان كا كوائي جواب نہيں ديا _

ليكن عبد اللہ بن زبير نے كہا :

ميرے والد زبير موجود ہيں _ وہ اس عہدے كى صلاحيت ركھتے ہيں كيونكہ سپہ سالار لشكر ہيں

طلحہ كے فرزند محمد نے بھى كہا نہيں _ يہ عہدہ ميرے والد سے مخصوص ہے _ يہ ان سے زيادہ صلاحيت ركھتے ہيں _

اس طرح مروان نے لشكر ميں اختلاف كا بيج بو ديا _ ان لوگوں ميں اتش اختلاف اتنى بھڑكى ، اس قدر پھيل گئي كہ قريب تھا اس كے اثرات سارے لشكر ميں پھيل جائيں _ اور سارا نقشہ نقش بر اب ہو جائے _

واقعہ كى خبر عائشه كو ہوئي تو انہوں نے مضبوط ارادے كے ساتھ اپنى مخصوص زير كى و مہارے كو بروئے كار لاتے ہوئے اس ہنگامے كو يكسر ختم كرنے كا ارادہ كر ليا _

انہوں نے اس مضمون كا پيغام مروان كو بھيجا

اے مروان يہ كيا كر رہے ہو ؟ كيا ہمارے ھدف سے روكنا چاہتے ہو ؟ ہمارے لشكر ميں اختلاف كيوں پيدا كر رہے ہو _

اگر واقعى تمہارا مقصد نماز پڑھنا ہے تو لو يہ ميرا بھانجہ عبد اللہ موجود ہے اس كى اقتدا كر كے نماز پڑھو اور نفاق سے ڈرو _

عائشه نے اس فقرے سے ايك طرف تو اختلاف ختم كر كے سارے لشكر كو اپنے بھانجے كى اقتدا ميں نماز پڑھوا دى _ خود طلحہ و زبير كو صف اول ميں ركھا اور دوسرى طرف مروان كو انتباہ ديا كہ ميں تمہارى سازشوں سے بے خبر نہيں ہوں _ تمہارى ايك ايك حركت پر نظر ركھ رہى ہوں _ مروان بھى ہر قسم كے اختلاف سے بچنے پر مجبور ہو گيا _ اور ايك فدا كار سپاہى كى طرح سپہ سالار كے سامنے سر تعظيم جھكا ديا _

عائشه نے يہ طريقہ بصرہ ميں اپنا يا _ جس وقت طلحہ و زبير بصرہ پر كاميابى سے قابض ہو گئے _ تو كاميابى كے بعد كے جتن ميں جٹ گئے _ وہاں بھى مسئلہ امامت نماز ميں باہم اختلاف پيدا ہو گيا _ يہ كشمكش طول پكڑتى گئي _ يہاں تك خود عائشه نے مداخلت كى اور اسانى كے ساتھ فوراً رفع دفع كيا _ ان خطر ناك نتائج كا قلع قمع كرنے كے لئے دوسرى بار بھى اپنے بھانجے عبد اللہ بن زبير ہى كو پيشنمازى كے لئے معين كيا _ اور ايك سياسى نكتے كا بھى اضافى كيا كہ

مكمل كاميابى حاصل كرنے كے بعد تمام امو ر انہيں كے اختيار ميںہيں مسلمانوں كى سر پرستى اور خلافت وہى معين كرينگى _

اس نكتے سے يہ بات معلوم ہوتى ہے كہ عائشه صرف يہى نہيں كہ خود كو تنہا امير لشكر سمجھتى تھيں بلكہ تمام مملكت اسلاميہ كى حكومت بھى اپنى ذات سے مخصوص قرار ديتى تھيں _ جسے چاہيں حكومت سے سرفراز كر ديں اور جسے چاہيں معزول كر ديں _

عائشه كے معاشرتى اثرات

عائشه كى ايك امتيازى خصوصيت يہ بھى تھى كہ انہيں معاشرے ميں بے پناہ رسوخ و اختيارحاصل تھا _ اجتماع كے دل ميں ان كا نفوذ تھا اور مسلمانوں كے قلب پر ان كى حكومت تھى لوگ ان كے فرمان پر پورى توجہ ديتے تھے _ دوسروں سے كہيں زيادہ ان كى پيروى كى جاتى تھى _

معاشرے ميں ان كے بھر پور رسوخ كى حالت يہ تھى كہ حكومت وقت بھى ڈرتى تھيں _ اس كے خلاف فتنہ و ھنگامہ كھڑا كر سكتى تھيں _

ان كى اسى بے پناہ صلاحيت نے انہيں ہر بغاوت اور ہر جنگ ميں مدد كى بغاوت و جنگ كو اگے بڑھانے اور كاميابى سے جو كفار كرنے ميں گہرے اثرات ڈالے _ تاريخ ميں اس كے واضح شواہد موجود ہيں _

۱_ امير المومنين حضرت علىعليه‌السلام اپنے كو خون عثمان سے برى قرار ديتے تھے واضح دلائل كے ساتھ قتل عثمان ميں اپنے كو غير جانبدار ثابت فرماتے تھے _ آپ كے اس سلسلے ميں دقيع بيانات ہيں _

لوگ بھى اس كى پورى اطلاع ركھتے تھے ،ليكن اس كے باوجود آپ كى باتوں كو نہيں مانتے تھے _ ليكن عائشه اپنى باتوں سے حضرت علىعليه‌السلام كو قتل عثمان ميں شريك ہونے كا اعلان كرتى تھيں _ ان كى اس بات كو لوگ جان و دل سے مانتے تھے _ كہتے تھے جى ہاں _ صحيح ہے _ حالانكہ عائشه لوگوں كو مغالطہ ديتى تھيں _ يہ بہت بڑا ثبوت ہے اس بات كا كہ وہ حقائق كو بالكل پلٹ دينے كى صلاحيت ركھتى تھيں _

۲_ عائشه كے فوجى جنگ جمل ميں ان كے اونٹ كے گرد پروانہ وار گھيرا ڈالے ہوئے تھے _ اسى اونٹ كو اپنا

محور جنگ اور اپنى فتح كا قطب قرار دے رہے تھے _ پروانہ وار اس كے گرد چكر لگا كر گہار مچا رہے تھے _

اے مسلمانو اپنى ماں عائشه كى جان و دل سے مدد و نصرت كرو ان كى حفاظت كرو _ يہ اقدام روزہ نماز كى طرح تم پر فرض ہے _ يہ تمہارى دينى و جذباتى ذمہ دارى ہے _ اس معاملے ميں سستى اور ٹال مٹول جرم و گناہ ہے _

عائشه كے لئے يہ جذبات انگيز ماحول اور لوگوں كا جوش احساس اس كا ثبوت ہے كہ وہ اپنے بے پناہ معاشرتى اثرات كو كام ميں لاتى تھيں ورنہ ہر شخص كے لئے ايسى مقبوليت ممكن نہيں ہے _

۳_ معاشرہ اور قومى محاذ پر عائشه كا يہى رسوخ تھا كہ وہ كعب بن سور جيسے اہم قاض كو جس كا بصرہ پر بڑا اثر تھا گھر سے ميدان جنگ ميں كھنچ لائيں _ اس كے ہاتھ ميں اونٹ كى لجام تھما دى اسے اپنى جنگ كا پہلا تبرك بنا ديا _

۴_ جنگ جمل ميں قبيلہ ازد كے لوگ اونٹ كى مينگنى كو عطر كى طرح سونگھتے تھے _ اس كى بد بو كو تمام قسم كى خوشبوو ں سے بہتر سمجھتے تھے _ وہ چلّا رہے تھے _

ہمارى اماں عائشه كے اونٹ كى مينگنى سے كتنى اچھى عطر كى خوشبو پھبك رہى ہے ( بو جمل امنا ريحہ ريح مسك ) حالانكہ اس قسم كا والہانہ پن رسول خدا (ص) كے مركب كے ساتھ بھى نہيں ديكھا گيا _

۵_ تمام جنگوں ميں ايك پرچم ہوتا ہے _ ليكن معمول كے خلاف جنگ جمل ميں كوئي پرچم نہيں تھا _ اس جنگ ميں پرچم وہى اونٹ تھا جس پر عائشه بيٹھى ہوئي تھيں _ وہ لشكر كے اگے اگے چل رہا تھا _ جب تك يہ جاندار پرچم حركت ميں تھا يعنى اپنے اعتدال كا تحفظ كرتے ہوئے كھڑا تھا _ عائشه كے تمام فوجى اپنى شكستوں كو خاطر ميں نہيں لا رہے تھے پہاڑ كى طرح حضرت علىعليه‌السلام كے لشكر كے سامنے كھڑے تھے _ زبير نے جنگ سے كنارہ كشى اختيار كى اس كا بھى فوج عائشه پر كوئي اثر نہيں ہوا _ طلحہ قتل ہوئے عبد اللہ بن زبير زخمى ہو كر گر پڑے ان باتوں كا لشكر عائشه پر كوئي اثر نہيں ہوا _ليكن جيسے ہى عائشه كا اونٹ پئے كيا گيا اور وہ زمين پر گرا لشكر پر زبردست شكست كے اثار مرتب ہو گئے _ تمام لشكر والے ادھر ادھر بھاگ نكلے _

محترم قارئين _

يہ تھى عائشه كى سياسى و معاشرتى حيثيت ، نبوغ فكرى اور حيرتناك استعداد _ ميدان مارنے اور لوگوں كو مغالطہ دينے كى صلاحيت يہ تھى كہ عائشه كى واقعى شخصيت اور روحانى شخصيت كا رخ_ ان كا اخلاق جسے گذشتہ صفحات

ميں پيش كيا گيا _ ليكن واضح رہے كہ عائشه اپنى اس محبر العقول اور عجيب شخصيت كے باوجود جس نے كبھى ہار نہيں مانى ليكن بڑى اسانى سے عبد اللہ بن زبير كے جھانسے ميں اگئيں _ ابن زبير سے انہوں نے كيا دھوكہ كھايا اسے ائندہ صفحات ميں ملاحظہ فرمايئے

قصہ عبد اللہ بن زبير كا

عائشه كى نظر ميں سب سے پيارا

عائشه جس طرح اپنے روحانى اوصاف و خصوصيات ميں اپنے زمانے كى مشھور ترين تھيں ;اپنے گھرانے اور قوام قبيلے سے جس قدر شديد وابستگى ركھتى تھيں وہ بھى تاريخ ميں لا جواب ہے _ اپنے قوم قبيلے اور گھرانے ميں سب سے زيادہ عبد اللہ بن زبير سے اظہار محبت كرتى تھيں جو ان كى بہن اسماء كے بيٹے تھے _ ايك خالہ كے بجائے ايك مہربان ماں كى طرح جو اپنے فرزند سے بہت زيادہ جذباتى لگاو ركھتى ہو _ وہ عبد اللہ كو ٹوٹ كے پيار كرتى تھيں _ اسى حد سے زيادہ محبت كى وجہ سے اپنى كنيت ام عبد اللہ ركھ لى تھى _ لوگوں ميں اسى كنيت سے مشہور بھى تھيں _(۱۵)

ہشام بن عروہ كا بيان ہے كہ : ميں نے نہيں ديكھا كہ جنگ كے موقع پر عبد اللہ سے زيادہ كسى كى سلامتى اور كاميابى كے لئے خدا سے دعا كرتى ہوں _ جنگ ختم ہونے كے بعد جب عبد اللہ كے زندہ بچے جانے كى خبر سنائي گئي تو حد سے زيادہ خوش ہوئي اور سجدئہ شكر بجا لائيں _ جس شخص نے سلامتى كى خوشخبرى دى تھى اسے دس ہزار درھم انعام ديئے

عائشه بيمار ہوئيں _ سبھى بھانجے ان كے ارد گرد عيادت كے لئے موجود تھے _ انہيں ميں عبد اللہ بھى تھے _ عبد اللہ نے خالہ كو بستر بيمارى پر نقاہت كى حالت ميں ديكھا تو بے اختيار ان كے رخسار پر انسو بہانے لگے _ عائشه نے سر اٹھا يا كہ بھانجہ رو رہا ہے تو وہ بھى پھوٹ پھوٹ كر رونے لگيں _ روتے ہوئے كہا كہ :

اے عبد اللہ ميرے لئے يہ بڑا سخت و سنگين مرحلہ ہے كہ ميں تم كو دكھى اور روتا ہوا ديكھ رہى ہوں _ ميرے

__________________

۱۵_ اغانى ج ۹ ص ۱۴۲

لعل_ تم ميرے پيارے اور خاندان ميں سب سے پيارے ہو _ ميرے پيارے _ ميں واضح طور سے كہہ رہى ہوں كہ رسول خدا (ص) ، ماں اور بآپ كے بعد ميں كسى ايسے كو نہيں جانتى جو مجھے تم سے زيادہ محبوب ہو _ تم سے زيادہ ميرے دل ميں كسى نے محبت كى گنجا ئشے پيدا نہيں كى ہے _

اس كے بعد عائشه نے وصيت كى كہ ميرى موت كے بعد مخصوص گھر اور حجرہ عبد اللہ كو ديا جائے گا _(۱۶)

عبد اللہ بن زبير كى بنى ہاشم سے دشمني

عبد اللہ بن زبير پر عائشه كى اتنى شديد مہر و محبت كى بارش تھى جب كہ وہ خاندان رسول كا انتہائي بد ترين دشمن سمجھا جاتا تھا _ وہ اہلبيتعليه‌السلام سے كينہ و عداوت كے ماحول ميں پلا بڑھا اس طرح اس كى رگ رگ ميں اہلبيت سے عناد بھر گيا تھا _

عبد اللہ جوان ہوا اور اس نے ہاتھ پاو ں پھيلائے تو حضرت علىعليه‌السلام سے جو كچھ اسے شديد دشمنى تھى ، اپنے بآپ زبير كو على دشمنى سے بھر ديا _ زبير اپنے فرزند ہى كى وجہ سے اپنے بھائي على كے دشمن ہو گئے جب كہ وہ ان كے خالہ زاد بھائي تھے _ دشمنى اس قدر بڑھ گئي كہ وہ على كے دشمنوں كى صف ميں ہو گئے اور جنگ و جدال پر امادہ ہو گئے _

خود حضرت على نے بھى اس واقعيت سے پردہ اٹھاتے ہوئے فرمايا ہے :

زبير ہمارے دوست اور طرفدار تھے يہاں تك كہ وہ ہمارے خاندان كى فرد سمجھے جاتے تھے يہاں تك كہ ان كا منحوس اور نا لائق بيٹا عبد اللہ جوان ہوا پھر تو زبير ہمارے سخت ترين دشمنوں اور مخالفوں ميں سمجھے جانے لگے _(۱۷)

عبد اللہ كى اہلبيت سے دشمنى اتنى تھى كہ چاليس ہفتہ تك متواتر نماز جمعہ كے خطبے ميں رسول خدا (ص) كا تذكرہ اور صلوات سے باز رہے _ جب ان سے صلوات روكنے پر اعتراض كيا گيا تو جواب ديا كہ :

مجھے رسول خدا (ص) كے ذكر اور صلوات سے انكار نہيں ہے ليكن چونكہ وہ لوگ جو اپنے كو خاندان رسول سے سمجھتے ہيں

___________________

۱۶_ تہذيب بن عساكر ج۷ ص ۴۰۰ ، شرح نہج البلاغہ ج۴ ص ۴۸۲

۱۷_ شرح نہج البلاغہ ج۴۴ ص ۳۶۰ ،تہذيب ج۷ ص ۳۶۳ ، استيعاب ، نہج البلاغہ

وہ ذكر رسول سے فخر و مباحات كرتے ہيں _ ان كى ناك رگڑ نا چاہتا ہوں اور ان كا فخر و مباحات كرتے ہيں _ ان كى ناك رگڑ نا چاہتا ہوں اور ان كا فخر و مباحات ختم كرنا چاہتا ہوں _ ميں مسلسل صلوات سے پرہيز كروں گا اور خطبے ميں رسول خدا (ص) كا نام نہيں لوں گا _ اس واقعے كو عمر بن شبہ ، ابن كلبى ، اوقدى اور دوسرے تمام مورخوں نے لكھا ہے _

محمد بن حبيب ، ابو عبيدہ اور معمر بن مثنى عبد اللہ كا جواب يوں نقل كرتے ہيں كہ انہوں نے لوگوں كے اعتراض پر كہا تم لوگوں كے درميان رسول خدا (ص) كے كچھ خاندان والے ہيں _ جو نا اہل ہيں ميں ذكر رسول سے اس لئے پرہيز كر رہا ہوں كہ وہ فخر و مباحات كرتے ہيں ميں ان كى ناك رگڑ نے كے لئے صلوات نہيں پڑھتا خود ابن زبير نے عبد اللہ بن عباس سے كہا كہ :

چاليس سال سے تمہارے خاندان كى عداوت ميرے دل ميں جاگزيں ہے ميں اس دشمنى كو اپنے سينے ميں چھپائے رہا _(۱۸)

يوں تو ابن زبير كے دل ميں عام طور سے بنى ہاشم كى عداوت موجزن تھى ليكن حضرت على سے عداوت سب سے زيادہ تھى _ كبھى كبھى اپنى عداوت كو شنام و حشى گوئي كے ذريعے ظاہر كرتا رہا _(۱۹)

بنى ہاشم اور اہلبيت سے اس كى دشمنى كا نمونہ يہ واقعہ بھى ہے كہ محمد بن حنفيہ عبد اللہ بن عباس _ حسن مثنى بن امام حسن كے علاوہ سترہ افراد بنى ہاشم كو مكہ سے ايك تنگ و تاريك درّے ميں جسے درّہ بنى ہاشم كہا جاتا تھا _ اس ميں قيد كر ديا _ پھر حكم ديا كہ ڈھير سارى لكڑياں درّے كے دہانے پر جمع كرو _ جس دن تك ان لوگوں كو مہلت دى گئي تھى اسى سب كو جلا ديا جاتا _ مختار كو اس واقع كى اطلاع ہوئي تو انہوں نے چار ہزار جنگجوو ں كو تيار كر كے حكم ديا جس قدر سرعت ممكن ہو پہونچكر بنى ہاشم كو ابن زبير كے الاو سے نجات ديں _

اس واقعے كو تمام مورخين نے اسى طرح نقل كيا ہے ليكن ابو الفرج نے ابن زبير كى بنى ہاشم كے افراد سے شديد عداوت كى اس طرح تشريح كى ہے _

عبد اللہ زبير كو بنى ہاشم سے شديد اور گہرائي دشمنى لمبے زمانے سے تھى ان كسى قسم كى تہمت اور برائي سے باز

____________________

۱۸_ مروج الذھب ج۱ ص ۶۳ ، شرح نہج البلاغہ ج۱ ص ۳۵۴

۱۹_ مروج الذھب ، شرح نہج البلاغہ

نہيں اتا تھا _ لوگوں كو ان سے عداوت پر ابھارتا رہتا تھا _ وہ ہميشہ ان لوگوں كے درميان فتنہ و فساد برپا كرنے پر امادہ رہتا تھا _ بر سر منبر كبھى اشارے ميں اور كبھى صاف لفظوں ميں ان كى مذمت كرتا تھا _ بعض موقعوں پر ابن عباس اور دوسرے معززين بنى ہاشم نے اس كا جواب ديكر اس كى ناك بھى رگڑ ى _

ابو الفرج اگے لكھتا ہے كہ :

ابن زبير نے ايك مرتبہ موقعہ پا كر محمد حنفيہ اور ديگر سر كردہ بنى ہاشم كو اسير كر كے زندان عازم ميں قيد كر ديا _ اسى درميان اسے بتايا گيا كہ ابو عبد اللہ جدلى اور دوسرے عقيدتمندوں نے محمد حنفيہ كى گلو خلاصى و مدد كے لئے مكہ كى طرف چل پڑے ہيں _ ابن زبير نے يہ خبر سنتے ہى حكم ديا كہ قيد خانے كے پھاٹك پر لكڑياں جمع كى جائيں اور اگ لگا دى جائے ، اس كا ارادہ تھا كہ كہ محمد حنفيہ كے ساتھ سب كو اگ سے جلا ديا جائے _

ابو عبد اللہ كو بھى اس واقعے كى خبر ہو گئي _ وہ بہت زيادہ تيزى سے چلتے ہوئے ٹھيك اسى وقت پہونچے جب دروازے پر اگ كے شعلے بھڑك رہے تھے ،انہوں نے اپنے ساتھيوں كى مدد سے اگ بجھائي اور محمد حنفيہ كو ازاد كرايا _(۲۰)

جنگ جمل ميں ابن زبير كى شعلہ افروزي

يہ ابن زبير جو دشمنى ميں بنى ہاشم كو اگ سے جلا كر مارنا چاہتا تھا يہى عبد اللہ جس نے اپنے بآپ كو ان كے ماموں بھائي على سے بد ظن كر كے ان كا نظريہ بد لوايا _ خلوص و محبت كو عداوت و دشمنى ميں بدل ديا اسى ابن زبير عائشه كو اپنے قبضے ميں كر ليا تھا _ انہيں پہلے ہى سے حضرت على سے كينہ و عناد تھا _ بھڑكا كر جنگ و خونريزى ہر امادہ كر ديا _ اس طرح مسلمانوں ميں جنگ جمل ہو گئي _ يہ دعوى بلا دليل نہيں ہے _ بلكہ بے شمار تاريخى شواہد موجود ہيں _

ابن عبد البر نقل كرتا ہے كہ : ايك دن عائشه نے كہا : جب بھى عبد اللہ بن عمر كو ديكھنا مجھے خبر كرنا اور اسے ميرے پاس بلانا _ ميں اس سے ايك بات كہنا چاہتى ہوں _

ايك دن انہيں عائشه كے پاس لايا گيا _ عائشه نے كہا :

اے ابو عبد الرحمن _ جس نے ميں نے بصرہ كا ارادہ كيا تھا _ تم نے مجھے اس سفر سے منع كيوں نہيں كيا _

____________________

۲۰_ اغانى ج ۹ ص ۶