امامين حسنين عليهما السلام ثقافتى اور فکر اسلامى - نيٹ ورک

تفسير راہنما جلد ۴

جار و مجرور( على اللہ) كو مقدم كرنا حصر پر دلالت كرتا ہے_

۲۴_ حضرت موسيعليه‌السلام كے خوف خدا ركھنے والے ساتھيوں (يوشع اور كالب )نے بنى اسرائيل كو مقدس سرزمين پر حملہ آور اور جابروں سے نبرد آزماہونے كيلئے آمادہ كرنے كى خاطر بہت زيادہ تبليغ كيا_قال رجلان ان كنتم مؤمنين

۲۵_( حضرت موسيعليه‌السلام كے چچازاد بھائيوں ) يوشع بن نون اور كالب بن يافنا نے بنى اسرائيل كو مقدس سرزمين ميں داخل ہونے كى دعوت دي_قال رجلان ادخلوا عليهم الباب مذكورہ آيہ شريفہ كى وضاحت ميں امام باقرعليه‌السلام سے روايت ہے:احدهما يوشع بن نون والآخر كالب بن يافنا، قال: و هما ابنا عمه (۱) ايك يوشع بن نون اور دوسرے كالب بن يافنا تھے اوريہ دونوں حضرت موسيعليه‌السلام كے چچازاد بھائي تھے_

اطاعت:اطاعت كے اسباب ۸

اللہ تعالى:اللہ تعالى كى نعمتيں ۶ ،۷

انبياء:انبياء كى اطاعت ۸

ايمان:ايمان كے اثرات ۲۳

باطل:باطل پر فتح ۱۷

بنى اسرائيل:بنى اسرائيل كى تاريخ ۱، ۱۰، ۱۲، ۲۴، ۲۵;بنى اسرائيل كى دعوت ۲۴;بنى اسرائيل كى صفات ۱۰، ۱۱;بنى اسرائيل كى كاميابى ۱۶;بنى اسرائيل كى گستاخى ۱۰;بنى اسرائيل كى نافرمانى ۱۰، ۱۱;بنى اسرائيل كى ھٹ دھرمى ۱۱;بنى اسرائيل كے مؤمنين ۲

تحريك :تحريك كے علل و اسباب ۵

توكل:توكل كا پيش خيمہ۲۳;توكل كى اہميت ۲۱، ۲۲;خدا پر توكل ۱۹، ۲۰، ۲۱

جنگ:جنگ كى دعوت ۱۲;جنگ ميں منصوبہ بندى ا ۱، ۱۴، ۱۶، ۱۸

جہاد:

____________________

۱) تفسير عياشى ج۱ ص ۳۰۳ ح ۶۸; نورالثقلين ج۱ ص ۶۰۶ ح ۱۱۳_

جہاد كى اہميت ۲۱

حضرت موسيعليه‌السلام :حضرت موسيعليه‌السلام كى داستان ۱;حضرت موسيعليه‌السلام كى نافرمانى ۱۱;حضرت موسيعليه‌السلام كے اوامر ۵;حضرت موسىعليه‌السلام كے ساتھى ۱، ۲، ۳، ۴، ۲۴

حق:حق كى فتح۱۷

خوف:خدا كا خوف ۴،۵، ۸، ۹،۲۴; خوف كے اثرات ۵، ۸، ۹ ; خوف كے موانع ۹;دشمنوں كا خوف ۱۲، ۱۳

دشمن:دشمن پر فتح ۲۰; دشمن سے مقابلہ كرنا ۱۳;دشمن كى طاقت ۱۳

دليري:دليرى كا پيش خيمہ۹

ذمہ داري:ذمہ دارى كا پيش خيمہ ۵، ۷

روايت: ۲۵

طرز عمل:طرز عمل كى اساس و بنياد ۹، ۲۳

ظالمين:ظالمين پر فتح۱۶; ظالمين سے جنگ ۳; ظالمين سے مقابلہ ۱۱، ۱۴، ۲۴

كالب بن يافنا: ۴، ۵، ۱۴، ۱۵، ۲۵كالب بن يافنا كى تبليغ ۲۴;كالب بن يافنا كى دعوت ۱۲، ۱۹;كالب بن يافنا كے فضائل ۶

كام:كام كے آداب ۲۲

كاميابي:كاميابى كى شرائط ۱۵، ۱۶، ۱۷، ۱۸، ۲۰

مبارزت:مبارزت كا طريقہ ۱۸

مقدس سرزمين: ۱، ۳، ۱۲، ۲۴، ۲۵مقدس سرزمين كا فتح كرنا ۱۴، ۱۵

مومنين:مومنين كى ذمہ دارى ۱۸نافرماني:نافرمانى كا پيش خيمہ ۱۱

نعمت سے بہرہ مند لوگ: ۶، ۲۱

يوشع بن نون: ۴، ۵، ۱۴، ۱۵، ۲۵يوشع بن نون اور بنى اسرائيل ۱۹;يوشع بن نون كى تبليغ ۲۴;يوشع بن نون كى دعوت ۱۲، ۱۹ ; يوشع بن نون كے فضائل۶

آیت ۲۴

( قَالُواْ يَا مُوسَى إِنَّا لَن نَّدْخُلَهَا أَبَداً مَّا دَامُواْ فِيهَا فَاذْهَبْ أَنتَ وَرَبُّكَ فَقَاتِلا إِنَّا هَاهُنَا قَاعِدُونَ )

ان لوگوں نے كہا كہ موسي ہم ہرگز وہاں داخل نہ ہوں گے جب تك وہ لوگ وہاں ہيں _ آپ اپنے پروردگار كے ساتھ جاكر جنگ كيجئے ہم يہاں بيٹھے ہوئے ہيں _

۱_ حضرت موسيعليه‌السلام كے حكم كے باوجود بنى اسرائيل اس بات پر مصر اور بضد تھے كہ مقدس سرزمين كے جابروں سے نبرد آزمائي سے اجتناب كيا جائے_قالوا يا موسي انا لن ندخلها ابداً

۲_ قوم موسي( بنى اسرائيل )مقدس سرزمين پر قابض طاقتور حكمرانوں كا آمنا سامنا كرنے اور ان كے ساتھ نبرد آزما ہونے سے ڈرتى تھي_قالوا يا موسي انا لن ندخلها ابداً

۳_ حضرت موسيعليه‌السلام كى قوم نے يوشع اور كالب كى طرف سے جابروں كا مقابلہ كرنے كيلئے حضرت موسي كا ساتھ دينے اور ان كى مدد كى اپيل سے بے اعتبائي كي_ادخلوا عليهم الباب قالوا يا موسي انا لن ندخلها ابداً

يوشع اور كالب كى باتيں سننے كے بعد بنى اسرائيل حضرت موسيعليه‌السلام سے مخاطب ہوئے تا كہ ان دو كى باتوں سے بے اعتنائي اور بے توجہى كا اظہار كريں _

۴_ بنى اسرائيل نے مقدس سرزمين ميں داخل ہونے كيلئے يہ شرط عائد كى كہ پہلے وہاں سے جابروں كا انخلاء ہوجائے_

انا لن ندخلها ابداً ما داموا فيها

۵_ بنى اسرائيل مقابلہ كيے بغير مقدس سرزمين كو فتح كرنے كى بے جا توقع ركھتے تھے_انا لن ندخلها ابداً ما داموا فيها

۶_ سعى و كوشش كے بغير كاميابى كى توقع ركھنا ايك بيجا اور غير معقول توقع ہے_انا لن ندخلها ابدا ما داموا فيها

۷_ حضرت موسيعليه‌السلام كى قوم كے لوگ ہٹ دھرم، ضدي،

نصيحت قبول نہ كرنے والے اور خدا كى نعمتوں كے بدلے ميں ناشكرے تھے_اذكروا نعمة الله عليكم قالوا يا موسي انا لن ندخلها ابدا ماداموا فيها

۸_ بنى اسرائيل گستاخانہ انداز ميں حضرت موسيعليه‌السلام اور ان كے خدا سے مطالبہ كرتے تھے كہ خدا وند اور حضرت موسي جاكرمقدس سرزمين كے جابروں كے ساتھ لڑائي اور نبرد آزمائي كريں _قالوا فاذهب انت و ربك فقاتلا

۹_ حضرت موسيعليه‌السلام كى قوم خدا كى شان ميں گستاخى كرتى تھي_فاذهب انت و ربك''ربنا'' كى بجائے ''ربك'' كہنا قوم حضرت موسيعليه‌السلام كى جسارت كى حكايت كرتا ہے_

۱۰_ قوم موسيعليه‌السلام كے غلط نظريہ كے مطابق خداوند متعال جسم و جسمانيات ركھتا ہے_فاذهب انت و ربك فقاتلاً

حضرت موسيعليه‌السلام اور خداوند متعال كو ايك ہى طرح سے جانے اور لڑنے كا كہنا اس بات پر دلالت كرتا ہے كہ وہ خدا كو حضرت موسيعليه‌السلام جيسا ايك موجود خيال كرتے تھے_

۱۱_ بنى اسرائيل نبرد آزمائي سے عليحدگى كا اعلان كركے حضرت موسيعليه‌السلام كے معجزے اور مقدس سرزمين كو فتح كرنے كيلئے خدا كى خالص امداد كے خواہاں تھے_اذهب انت و ربك فقاتلاً بنى اسرائيل كى آنكھوں كے سامنے فرعونيوں كى نابودى كيلئے خدا كا مدد كرنا اور حضرت موسي كا معجزے دكھانا ہوسكتا ہے اس احتمال كى تائيد كرے ''اذھب ...'' سے ان كى مراد يہ توقع تھى كہ جابروں كى نابودى كيلئے خدا اس طرح مدد كرے اور حضرت موسيعليه‌السلام معجزہ دكھائيں كہ ان سے جنگ و جہاد كى ضرورت ہى نہ پڑے_

۱۲_ حضرت موسي كى قوم نے خدا كى مدد، اس كى شرائط اور اس كى علل و اسباب سے غلط مطلب اخذ كيا_

فاذهب انت و ربك فقاتلاً

۱۳_ بنى اسرائيل جابر و ظالموں كے خلاف نبرد آزما ہونے كى بجائے عليحدگى اختيار كركے گھر ميں آرام اور مزے سے بيٹھنے پر بضد تھے_انا هنا قاعدون

۱۴_ خدا پر توكل; اس كى راہ ميں جہاد سے كنارہ كشي، سعى و كوشش سے اجتناب اور شرعى ذمہ داريوں سے لاپروائي برتنے كے ساتھ ہم آہنگ اور سازگار نہيں ہے_و علي الله فتوكلوا فاذهب انت و ربك فقاتلا انا ههنا قاعدون

حضرت موسيعليه‌السلام كى قوم كا گھر ميں بيٹھے رہنا اور ميدان جنگ خداوند متعال وحضرت موسيعليه‌السلام كے حوالے كردينا اس نصيحت كے بالكل برعكس ہے جو

يوشع اور كالب نے خدا پر توكل كرنے كے بارے ميں كى تھى اور اس سے معلوم ہوتا ہے كہ فرائض الہى سے كنارہ كشى توكل كے ساتھ ہم آہنگ اور سازگار نہيں ہے_

آرزو:ناپسنديدہ آرزو ۶

اللہ تعالى:اللہ تعالى كى توہين ۹;اللہ تعالى كى مدد كى درخواست ۱۱;اللہ تعالى كى مدد كى شرائط ۱۲;اللہ تعالى كى نافرمانى ۱۴;اللہ تعالى كى نعمتيں ۷

بنى اسرائيل:بنى اسرائيل كا توہين كرنا ۹;بنى اسرائيل كا خوف ۲;بنى اسرائيل كا عقيدہ ۱۰، ۱۲;بنى اسرائيل كا كفران نعمت ۷;بنى اسرائيل كى تاريخ ۲، ۴، ۸، ۱۳;بنى اسرائيل كى صفات ۷; بنى اسرائيل كى گستاخى ۸;بنى اسرائيل كى نافرمانى ۱، ۳، ۱۱; بنى اسرائيل كى نظر ميں خدا۱۰;بنى اسرائيل كى ہٹ دھرمى ۷; بنى اسرائيل كے تقاضے ۴، ۵، ۸، ۱۱

توقعات:ناپسنديدہ توقعات ۵

توكل:خدا پر توكل۱۴

جنگ:جنگ سے فرار ۱۳

جہاد:جہاد ميں حصہ نہ لينا ۱۴

خوف:جنگ كا خوف ۲

ظالمين:ظالمين سے مقابلہ ۱، ۳، ۱۳

عقيدہ:باطل عقيدہ ۱۲

كالب بن يافنا:كالب بن يافنا كى دعوت ۳

كاميابي:كاميابى كى شرائط ۵، ۶

معجزہ:معجزہ كى درخواست ۱۱مقدس سرزمين: ۲، ۴

مقدس سرزمين كى فتح ۵، ۱۱; مقدس سرزمين كے ظالمين ۴، ۸

يوشع بن نون:يوشع بن نون كى دعوت ۳

آیت ۲۵

( قَالَ رَبِّ إِنِّي لا أَمْلِكُ إِلاَّ نَفْسِي وَأَخِي فَافْرُقْ بَيْنَنَا وَبَيْنَ الْقَوْمِ الْفَاسِقِينَ )

موسي نے كہا پروردگار ميں صرف اپنى ذات اور اپنے بھائي كااختيار ركھتا ہوں لہذا ہمارے اور اس فاسق قوم كے درميان جدائي پيداكردے _

۱_ حضرت موسيعليه‌السلام نے بنى اسرائيل كو جابر و ظالم افراد كا مقابلہ كرنے كيلئے آمادہ نہ كر سكنے پر خدا كى بارگاہ ميں معذرت طلب كي_قال رب انى لا املك الا نفسى و اخي

۲_ حضرت موسيعليه‌السلام كو بنى اسرائيل كى جانب سے مقدس سرزمين ميں داخل ہونے كى غرض سے تيار ہوكر ظالموں كے ساتھ مقابلہ كرنے كے سلسلے ميں مايوسى اور نااميدى _قال رب انى لا املك الا نفسى و اخي

۳_ حضرت موسيعليه‌السلام نے خدا كى بارگاہ ميں بنى اسرائيل كى طرف سے ظالموں كا مقابلہ كرنے سے سركشى كرنے پر شكايت كي_قال رب انى لا املك الا نفسى و اخي

۴_ تمام بنى اسرائيل ميں سے حضرت موسيعليه‌السلام كے مطيع ومددگار اور قابل اعتماد ساتھى صرف انكے بھائي (ہارون) تھے_قال رب انى لا املك الا نفسى و اخي مذكورہ بالا مطلب اس بناپر ہے جب كہ ''اخي'' كا عطف ''نفسي'' پر ہو_

۵_ حضرت موسيعليه‌السلام كى طرح حضرت ہارونعليه‌السلام كو بھى مقدس سرزمين فتح كرنے كيلئے بنى اسرائيل كو آمادہ كرنے كا حكم ديا گيا تھا_قال رب انى لا املك الا نفسى و اخي آيت نمبر ۲۳'' و قال رجلان ...'' اس بات كى علامت ہے كہ وہ دو مرد بھى حضرت ہارون كى مانند حضرت موسي كے مطيع اور فرمانبردار تھے اور يہ حقيقت اس جملہ ''لا املك الا نفسى و اخي'' كى اس تفسير كے ساتھ ہم آہنگ نہيں ہے

كہ مجھے صرف اپنا اور اپنے بھائي كا اختيار حاصل ہے اور بنى اسرائيل ميں سے صرف ہارون ميرا مطيع و فرمانبردار ہے، پس''اخي'' ايسا مبتداء ہے جس كى خبر محذوف ہے، يعنى (و اخى لا يملك الا نفسہ) كہ ميرا بھائي صرف اپنا اختيار ركھتا ہے، اور اپنا اور اپنے بھائي كا نام لينے كى وجہ يہ ہے كہ بنى اسرائيل كو آمادہ كرنے كى ذمہ دارى حضرت ہارونعليه‌السلام كے كاندھوں پر بھى ڈالى گئي تھي_

۶_ تمام انسانوں حتى انبيائے خدا كو بھى دوسروں پر نہيں ، بلكہ صرف اپنى ذات پر اختيار حاصل ہے_قال رب انى لا املك الا نفسى و اخي

۷_ حضرت موسيعليه‌السلام نے پروردگار كى بارگاہ ميں اپنے اور اپنے بھائي ہارونعليه‌السلام كيلئے بنى اسرائيل سے جدائي كى درخواست اور دعا كي_فافرق بيننا و بين القوم الفاسقين

۸_ خداوند متعال كے نيك بندوں كيلئے فاسقوں كے ساتھ زندگى گذارنا بہت كٹھن اور ناپسنديدہ ہے_فافرق بيننا و بين القوم الفاسقين

۹_ حضرت موسيعليه‌السلام نے يہ دعا كركے اپنى قوم پر نفرين كى كہ وہ ميرے اور ميرے بھائي ہارونعليه‌السلام كے وجود سے فيض ياب ہونے سے محروم رہيں _فافرق بيننا و بين القوم الفاسقين

۱۰_ بنى اسرائيل اپنى ہٹ دھرمى اور حضرت موسيعليه‌السلام كے فرامين سے منہ موڑنے كى وجہ سے ايك فاسق قوم تھي_

و بين القوم الفاسقين

۱۱_ حكم جہاد كے مقابلے ميں سركشى كرنا گناہ ہے_و بين القوم الفاسقين

۱۲_ بنى اسرائيل كى سركشى اور گناہ حضرت موسيعليه‌السلام كى جانب سے ان پر نفرين كرنے كا سبب بنا_

فافرق بيننا و بين القوم الفاسقين

۱۳_ خدا كى ربوبيت اس سے دعا اور التجاء كا پيش خيمہ ہے_قال رب فافرق بيننا و بين القوم الفاسقين

اقدار:منفى اقدار ۸

اللہ تعالى :اللہ تعالى كى ربوبيت ۱۳

انبياءعليه‌السلام :انبياءعليه‌السلام كى ذمہ دارى كى حدود ۶

انسان:انسان كى ذمہ دارى كا دائرہ ۶

بنى اسرائيل:بنى اسرائيل اور موسيعليه‌السلام ۱۰; بنى اسرائيل پر نفرين۹، ۱۲; بنى اسرائيل كا فسق ۱۰;بنى اسرائيل كا گناہ ۱۲;بنى اسرائيل كى تاريخ ۳، ۵; بنى اسرائيل كى فوجى تيارى ۱ ، ۵; بنى اسرائيل كى نافرمانى ۳، ۱۰، ۱۲;بنى اسرائيل كى ہٹ دھرمى ۱۰

جہاد:جہاد ترك كرنا ۱۱

حضرت موسيعليه‌السلام :حضرت موسيعليه‌السلام اور بنى اسرائيل ۲، ۷، ۹، ۱۲; حضرت موسيعليه‌السلام اور حضرت ہارونعليه‌السلام ۴;حضرت موسيعليه‌السلام كاقصہ ۱، ۳، ۷، ۹;حضرت موسيعليه‌السلام كى دعا ۷; حضرت موسيعليه‌السلام كى ذمہ دارى ۵ ;حضرت موسيعليه‌السلام كى شكايت ۳;حضرت موسيعليه‌السلام كى طرف سے نفرين ۹، ۱۲; حضرت موسيعليه‌السلام كى مايوسى ۲; حضرت موسيعليه‌السلام كى معذرت خواہى ۱;حضرت موسيعليه‌السلام كے حكم كى نافرمانى ۱۰; حضرت موسيعليه‌السلام كے ساتھى ۴

حضرت ہارونعليه‌السلام :حضرت ہارونعليه‌السلام اور بنى اسرائيل ۷، ۹; حضرت ہارونعليه‌السلام كا مطيع ہونا۴; حضرت ہارونعليه‌السلام كى ذمہ دارى ۵

دعا:دعا كا پيش خيمہ ۱۳

صالحين: ۸

ظالمين:ظالمين كے ساتھ مبارزت۱، ۲، ۳

فاسقين: ۱۰فاسقين كے ساتھ زندگى گذارنا ۸

گناہ:گناہ كے اثرات ۱۲;گناہ كے موارد ۱۱

معاشرت:ناپسنديدہ معاشرت ۸

مقدس سرزمين:مقدس سرزمين كى فتح ۲، ۵مقدس مقامات: ۵

نافرماني:نافرمانى كے اثرات ۱۲

نفرين:نفرين كے اسباب ۱۲

آیت ۱۹

( يَا أَهْلَ الْكِتَابِ قَدْ جَاءكُمْ رَسُولُنَا يُبَيِّنُ لَكُمْ عَلَى فَتْرَةٍ مِّنَ الرُّسُلِ أَن تَقُولُواْ مَا جَاءنَا مِن بَشِيرٍ وَلاَ نَذِيرٍ فَقَدْ جَاءكُم بَشِيرٌ وَنَذِيرٌ وَاللّهُ عَلَى كُلِّ شَيْءٍ قَدِيرٌ )

اے اہل كتاب تمہارے پاس رسولوں كے ايك وقفہ كے بعد ہمارا يہ رسول آيا ہے كہ تم يہ نہ كہو كہ ہمارے پاس كوئي بشير و نذير نہيں آيا تھا تو لو يہ بشيرو نذير آگيا ہے اور خدا ہرشے پر قادر ہے _

۱_ خداوند متعال نے تمام اہل كتاب كو پيغمبر اكرمصلى‌الله‌عليه‌وآله‌وسلم پر ايمان لانے اور اسلام قبول كرنے كى دعوت دى ہے_

يا اهل الكتاب قد جاء كم رسولنا

۲_ اہل كتاب (يہود و نصاري )بعثت پيغمبر اكرمصلى‌الله‌عليه‌وآله‌وسلم كے منتظر تھے_يا اهل الكتاب قد جاء كم رسولنا

كلمہ ''قد'' ہوسكتا ہے اس فعل كے حصول كےانتظار پر دلالت كررہاہو جس پر يہ داخل ہوتا ہے جيسے ''قد قامت الصلاة''

۳_ اہل كتاب رسالت پيغمبر اكرمصلى‌الله‌عليه‌وآله‌وسلم كے دائرہ كار ميں آتے ہيں اور اسے قبول كرنے كے پابند ہيں _

يا اهل الكتاب قدجاء كم فقد جاء كم بشير و نذير

۴_ پيغمبر اكرمصلى‌الله‌عليه‌وآله‌وسلم كا اہم فريضہ احكام و معارف الہى كى توضيح

و تشريح ہے_قد جائكم رسولنا يبين لكم مذكورہ بالا مطلب ميں احكام اور معارف دين كو ''يبين'' كيلئے مفعول مقدرفرض كيا گيا ہے_

۵_ احكام و معارف الہى توضيح و تشريح كے محتاج ہيں _يبين لكم فعل ''يبين'' اس بات پر دلالت كرتا ہے كہ دينى احكام اور معارف كو جہاں لوگوں تك پہنچانے اورابلاغ كى ضرورت ہے، وہاں ان كى توضيح و تشريح كى بھى ضرورت ہے، لہذا يہ نہيں فرمايا: ''يبلغ'' يعنى وہ تم تك پہنچائے گا_

۶_ سعادت و شقاوت اور خوشبختى و بدبختى كى راہوں كى توضيح و تشريح رسالت پيغمبر اكرمصلى‌الله‌عليه‌وآله‌وسلم كے اہداف ميں سے ايك ہے_قد جاء كم رسولنا يبين لكم ممكن ہے ''يبين'' كا مفعول وہ مفہوم ہو جو ''بشير و نذير'' سے حاصل ہوتا ہے، يعنى سعادت و شقاوت_

۷_ يہود و نصاري كے ہاتھوں مخفى ركھے گئے حقائق و معارف كو روشن و واضح كرنا رسالت پيغمبر اكرمصلى‌الله‌عليه‌وآله‌وسلم كے اہداف ميں سے ايك ہے_قد جاء كم رسولنا يبين يہ اس بناپر ہے كہ''يبين'' كا محذوف مفعول وہ حقائق ہوں جنہيں علمائے اہل كتاب نے چھپائے ركھا اور آيت نمبر ۱۵ اس مطلب كا قرينہ ہے_

۸_ آنحضرتصلى‌الله‌عليه‌وآله‌وسلم اور گذشتہ انبياء و رسل كى بعثت ميں طولانى فاصلہ ہے_على فترة من الرسل

''فترة'' سكون و انقطاع كے معنى ميں ہے، لھذا ''فترة من الرسل'' كا معنى انقطاع پيغمبرى ہے اور ''فترة'' كو نكرہ ذكر كرنا اس بات پر دلالت كرتا ہے كہ يہ انقطاع كافى لمبا عرصہ جارى رہا_

۹_ پيغمبر اكرمصلى‌الله‌عليه‌وآله‌وسلم كى بعثت خدا كى طرف سے اہل كتاب پر اتمام حجت تھي_ان تقولوا ما جاء نا من بشير و لا نذير فقد جاء كم بشير و نذير ''ان تقولوا'' سے پہلے ''لام'' تعليل اور ''لا'' نافيہ محذوف ہے، يعنى لئلا تقولوا_

۱۰_ انبياءعليه‌السلام كى بعثت خدا كى جانب سے لوگوں پر اتمام حجت ہے_ان تقولوا ما جاء نا من بشير و لا نذير

اگر چہ آيہ شريفہ ميں مخاطب اہل كتاب ہيں ، ليكن يقيناً رسالت پيغمبر اكرمصلى‌الله‌عليه‌وآله‌وسلم كے ذريعے سے اتمام حجت كے سلسلے ميں اہل كتاب اور ديگر لوگوں كے درميان كوئي فرق نہيں ہے_

۱۱_ بشارت( فرمانبردار لوگوں كو خوشخبرى دينا )اور انذار (گناہگاروں كو ڈرانا )انبيائے خدا كى رسالت كى روح اور ان كى تبليغ كا طريقہ كار ہے_فقد جاء كم بشير و نذير

۱۲_ جاہل قاصر كا عذر قابل قبول ہے_ان تقولوا ما جاء نا من بشير و لا نذير چونكہ پيغمبر اكرمصلى‌الله‌عليه‌وآله‌وسلم كا بھيجا جانا عذر پيش كرنے كى راہ ميں ركاوٹ شمار كيا گيا ہے، اس سے معلوم ہوتا ہے كہ اگر يہ انجام نہ ديا جاتا تو عذر باقى رہتا_

۱۳_ خداوند متعال قادر مطلق ہے اور ہر كام انجام دينے كى قدرت ركھتا ہے_و الله على كل شيء قدير

۱۴_ انبيائے خدا كى بعثت خدا كى قدرت مطلقہ كا ايك جلوہ ہے_قد جاء كم والله على كل شيء قدير

۱۵_ خداوند متعال اپنے وعدہ و وعيد كى انجام دہى پر قادر ہے_فقد جاء كم بشير و نذير والله على كل شيء قدير

آنحضرتصلى‌الله‌عليه‌وآله‌وسلم :آنحضرتصلى‌الله‌عليه‌وآله‌وسلم كى بعثت ۲، ۹;آنحضرتصلى‌الله‌عليه‌وآله‌وسلم كى ذمہ داري۴;آنحضرتصلى‌الله‌عليه‌وآله‌وسلم كى رسالت كا دائرہ كار ۳;آنحضرتصلى‌الله‌عليه‌وآله‌وسلم كى نبوت كا فلسفہ ۶;آنحضرتصلى‌الله‌عليه‌وآله‌وسلم كے اہداف ۷

اتمام حجت: ۱۰

احكام:احكام كى توضيح و تشريح ۴، ۵

اللہ تعالى:اللہ تعالى كا انذار ۱۵ ;اللہ تعالى كى بشارت ۱۵;اللہ تعالى كى دعوت ۱; اللہ تعالى كى قدرت ۱۳، ۱۴، ۱۵

انبياءعليه‌السلام :انبياءعليه‌السلام كى بعثت ۱۰، ۱۴ ;انبياءعليه‌السلام كى تبليغ ۱۱;انبياءعليه‌السلام كى رسالت ۱۱

اہل كتاب:اہل كتاب اور آنحضرتصلى‌الله‌عليه‌وآله‌وسلم ۲;اہل كتاب اور اسلام ۱;اہل كتاب پر اتمام حجت ۹;اہل كتاب كو دعوت ۱;اہل كتاب كى توقعات ۲;اہل كتاب كى ذمہ دارى ۳

ايمان:آنحضرتصلى‌الله‌عليه‌وآله‌وسلم پر ايمان لانا ۱;ايمان كا متعلق ۱

تبليغ:تبليغ كا طريقہ ۱۱

جاہل:جاہل قاصر ۱۲;عذر والاجاہل ۱۲

دين:دينى تعليمات كى توضيح و تشريح ۴، ۵، ۷

سعادت:سعادت كى توضيح و تشريح ۶

شقاوت:شقاوت كى توضيح و تشريح ۶

عيسائي:عيسائي اورآنحضرتصلى‌الله‌عليه‌وآله‌وسلم ۲;عيسائي اورحق كا كتمان۷;

عيسائيوں كى توقعات ۲

فرمانبردار:فرمانبرداروں كو بشارت۱۱

گناہگار:گناہگاروں كو ڈرانا۱۱

نبوت:نبوت كا فلسفہ ۱۰;نبوت ميں فترت۸

يہود:يہود اور آنحضرتصلى‌الله‌عليه‌وآله‌وسلم ۲;يہود اور حق كا كتمان ۷; يہود كى توقعات ۲

آیت ۲۰

( وَإِذْ قَالَ مُوسَى لِقَوْمِهِ يَا قَوْمِ اذْكُرُواْ نِعْمَةَ اللّهِ عَلَيْكُمْ إِذْ جَعَلَ فِيكُمْ أَنبِيَاء وَجَعَلَكُم مُّلُوكاً وَآتَاكُم مَّا لَمْ يُؤْتِ أَحَداً مِّن الْعَالَمِينَ )

اور اس وقت كو ياد كرو جب موسي نے اپنى قوم سے كہاكہ اے قوم اپنے اوپر الله كى نعمت كو ياد كرو جب اس نے تم ميں انبيا ئقرار دئے اور تمھيں بادشاہ بنايا او رتمھيں وہ سب كچھ دے ديا جو عالمين ميں كسى كو نہيں ديا تھا _

۱_ حضرت موسيعليه‌السلام اور ان كى قوم كى آپ بيتى ياد ركھنے كے قابل اور سبق آموز ہے_و اذ قال موسي لقومه يا قوم ''اذ قال ...'' ميں ''اذ'' ''اذكر'' يا ''اذكروا'' جيسے محذوف فعل كا مفعول ہے_

۲_ حضرت موسيعليه‌السلام كى طرف سے بنى اسرائيل كو وہ نعمتيں

ياد كرنے كى دعوت جو خداوند متعال نے ان پر نازل كى تھيں _واذ قال موسي لقومه يا قوم اذكروا نعمة الله عليكم

۳_ خدا كى نعمتوں كى طرف توجہ دينا اور انہيں ياد كرنا لازمى ہے_اذكروا نعمة الله عليكم

۴_ بنى اسرائيل حضرت موسيعليه‌السلام سے پہلے بھى كئي ايك انبياءعليه‌السلام كى نعمت سے بہرہ مند ہوئے تھے_اذ جعل فيكم انبياء

۵_ خدا كى جانب سے بنى اسرائيل كو عطا كى جانے والى عظيم نعمتوں ميں سے ايك يہ تھى كہ ان كے درميان كئي انبياءعليه‌السلام مبعوث كيے گئے_اذكروا نعمة الله عليكم اذ جعل فيكم انبياء

۶_ اُمتوں كے درميان انبياءعليه‌السلام كا بھيجا جانا ان كيلئے عظيم نعمت ہے_اذكروا نعمة الله عليكم اذ جعل فيكم انبياء

۷_ بنى اسرائيل اپنى زندگى كى تاريخ كے ايك حصے ميں حاكم و فرمانروا ر ہے ہيں _و جعلكم ملوكاً

۸_ بنى اسرائيل كى حكومت اور فرمانروائي خدا كى طرف سے ان كيلئے نعمت تھي_اذكروا نعمة الله عليكم و جعلكم ملوكاً

۹_ حضرت موسي كى قوم اپنى تاريخ كے ايك حصے ميں دوسرى اقوام پر سردارى كرتى رہى ہے_اذكروا نعمة الله عليكم اذ جعلكم ملوكاً مذكورہ بالا مطلب ميں ''ملوك'' كو سيادت و سردارى سے كنايہ كے طور پر اخذ كيا گيا ہے_

۱۰_ حضرت موسيعليه‌السلام كى قوم كى آزادى اور فرعونيوں كى غلامى سے چھٹكارا ان پر خدا كى عظيم نعمتوں ميں سے ايك ہے_و جعلكم ملوكاً چونكہ حضرت موسيعليه‌السلام كى تمام قوم كا بادشاہ ہونا ناممكن ہے، لہذا ان كى سابقہ غلامى كى زندگى كو ديكھتے ہوئے كہا جاسكتا ہے كہ ملك سے مراد يہ ہے كہ انہيں فرعونيوں كے چنگل سے چھٹكارا مل گيا اور اس كے بعد ان كى تقدير فرعونيوں كے ہاتھوں رقم نہيں ہوتى تھي_

۱۱_ امتوں كى فرمانروائي، سردارى اور آزادى خدا كى عظيم نعمتوں ميں سے ايك ہے_اذكروا نعمة الله عليكم اذ جعلكم ملوكاً

۱۲_ بنى اسرائيل ميں انبياء كے مبعوث كيے جانے سے ان كى حاكميت اور آزادى كى راہ ہموار ہوئي_

اذ جعل فيكم انبياء و جعلكم ملوكاً ممكن ہے كہ ''جعلكم ملوكا'' پر '' جعل

فيكم انبيائ'' كا مقدم كرنا اس مطلب كى طرف اشارہ ہو كہ بنى اسرائيل ميں انبياء كى موجودگى ان كى آزادى اور فرمانروائي كا سبب بني_

۱۳_ خدا كى بعض خاص نعمات سے صرف بنى اسرائيل بہرہ مند ہوئے_و اتيكُم ما لم يوت احداً من العالمين

۱۴_ دنيا ميں كوئي بھي، قوم موسيعليه‌السلام كو عطا كى جانے والى خاص نعمتوں سے بہرہ مند نہيں ہوا_

و اتيكم ما لم يؤت احداً من العالمين

۱۵_ بيوي، نوكر چاكر اور گھربار ان نعمتوں ميں سے ہيں جوبنى اسرائيل كو خدا كى جانب سے عطا ہوئيں _

و جعلكم ملوكاً رسول خداصلى‌الله‌عليه‌وآله‌وسلم '' جعلكم ملوكا'' كى وضاحت كرتے ہوئے فرماتے ہيں : زوجة و مسكن و خادم(۱) يعنى اس سے مراد بيوي، گھربار اور نوكر چاكر ہيں _ مذكورہ حديث ''ملك'' كا تنزيلى معنى بيان كررہى ہے، چنانچہ عرف عام ميں بھى يہ بات رائج ہے كہ جو كوئي بيوي، نوكر اور گھر كا مالك ہوكہتے ہيں يہ بادشاہ ہے_

آزادي:آزادى كا پيش خيمہ ۱۲;آزادى كى اہميت ۱۱

اللہ تعالى:اللہ تعالى كى نعمتيں ۲، ۳، ۵، ۸، ۱۰، ۱۱، ۱۳، ۱۵

انبياءعليه‌السلام :انبياءعليه‌السلام كا نقش ۱۲;انبياءعليه‌السلام كى بعثت ۵، ۶;انبياءعليه‌السلام كى نعمت ۴، ۶

بنى اسرائيل:بنى اسرائيل سے مختص اشياء ۱۴;بنى اسرائيل كى آزادى ۱۰، ۱۲; بنى اسرائيل كى تاريخ ۷،۹;بنى اسرائيل كى حكومت ۷، ۸، ۹، ۱۲;بنى اسرائيل كى نعمتيں ۴، ۵، ۸، ۱۰، ۱۳، ۱۴، ۱۵;بنى اسرائيل كے انبيائ۴، ۱۲;بنى اسرائيل كے فضائل ۹

تاريخ:تاريخ سے عبرت ۱;تاريخ كے ذكر كرنے كى اہميت ۱

حضرت موسيعليه‌السلام :حضرت موسيعليه‌السلام اور بنى اسرائيل ۲;حضرت موسيعليه‌السلام كى داستان ۱; حضرت موسيعليه‌السلام كى دعوت ۲حكومت:حكومت والى نعمت ۱۱

روايت: ۱۵

شريك حيات:شريك حيات والى نعمت ۱۵

غلام:غلام كو آزاد كرنا ۱۰

____________________

۱) الدر المنثور ج۳، ص۴۷، سطر ۵_

گھر:گھر والى نعمت ۱۵

نوكر:نوكر والى نعمت ۱۵

ياد آوري:نعمت كى يادآورى كى اہميت ۲، ۳

آیت ۲۱

( يَا قَوْمِ ادْخُلُوا الأَرْضَ المُقَدَّسَةَ الَّتِي كَتَبَ اللّهُ لَكُمْ وَلاَ تَرْتَدُّوا عَلَى أَدْبَارِكُمْ فَتَنقَلِبُوا خَاسِرِينَ )

اور اے قوم اس ارض مقدس ميں داخل ہو جاؤ جسے الله نے تمہارے لئے لكھ ديا ہے اور ميدان سے الٹے پاؤں نہ پلٹ جاؤ كہ الٹے خسارہ والوں ميں سے ہوجاؤگے _

۱_ مقدس سرزمين ميں داخل ہونے اور اس پر قبضہ كرنے كيلئے حضرت موسيعليه‌السلام كا اپنى قوم كو حكم_

يا قوم ادخلوا الارض المقدسة

۲_ خدا كى يہ تقديرتھى كہ حضرت موسيعليه‌السلام كى قوم مقدس سرزمين ميں سكونت اختيار كرے_الارض المقدسة التى كتب الله لكم

۳_ خدا نے حضرت موسيعليه‌السلام كى قوم كو حق ديا تھا كہ وہ مقدس سرزمين ميں سكونت اختيار كرے_التى كتب الله لكم

۴_ خدا كى عطا كردہ نعمتوں اور وسائل كى يادآورى انسان ميں خدا كى اطاعت و فرمانبردارى كا محرك پيدا كرنے كا پيش خيمہ ہے_اذ جعل فيكم انبياء و جعلكم ملوكا ادخلوا الارض المقدسة بظاہر دكھائي ديتا ہے كہ حضرت موسيعليه‌السلام اپنى قوم ميں خدا كى اطاعت كا محرك پيدا كرنے كيلئے انہيں خدا كى نعمتيں ياد دلاتے تھے_

۵_ مقدس سرزمين پر قبضہ كرنے كيلئے بنى اسرائيل كا راہ خدا ميں جہاد كرنا ان نعمتوں كى شكر گذارى تھى جو انہيں خدا كى جانب سے عطا كى گئي تھيں _اذكروا نعمة الله يا قوم ادخلوا الارض المقدسة خدا كى نعمتيں بيان كرنے كے بعد حضرت موسيعليه‌السلام كا بنى اسرائيل كو مقدس سرزمين ميں داخل ہونے كا حكم دينا اس بات كى علامت ہے كہ اس حكم پر عمل

پيرا ہونا خدا كى نعمتوں كا شكر ادا كرنے كے مترادف ہے_

۶_ خدا اور اس كے انبياء كى اطاعت خدا كى نعمتوں كا شكر ہے_اذكروا نعمة الله عليكم ادخلوا الارض المقدسه

۷_ خدا كى نعمتوں كے مقابلے ميں انسان پر بھى كچھ ذمہ دارياں عائد ہوتى ہيں _اذكروا نعمة الله عليكم ادخلوا الارض المقدسة

۸_ حضرت موسيعليه‌السلام نے اپنى قوم كو مقدس سرزمين كے باسيوں سے آمنا سامنا كرتے وقت بھاگ جانے يا پيچھے ہٹنے سے منع كيا تھا_و لا ترتدوا على ادباركم

۹_ مقدس سرزمين ميں داخل ہونے كى صورت ميں حضرت موسيعليه‌السلام كى قوم اور وہاں كے باسيوں ميں لڑائي چھڑجانے اور جنگ بھڑك اٹھنے كا خطرہ تھا_ادخلوا و لا ترتدوا علي ادباركم

۱۰_ حضرت موسي نے اپنى قوم كو خبردار كيا تھا كہ مقدس سرزمين كے ظالم باسيوں سے لڑائي كے وقت بھاگ جانے يا پيچھے ہٹنے كى صورت ميں نقصان اٹھاؤگے_و لا ترتدوا على ادباركم فتنقلبوا خاسرين

۱۱_ جنگ اور جہاد سے بھاگ جانا ممنوع اور نقصان دہ ہے_و لا ترتدوا علي ادباركم فتنقلبوا خاسرين

۱۲_ خدا نے حضرت موسيعليه‌السلام كى قوم كے مقدر ميں مقدس سرزمين ميں سكونت اختيار كرنا لكھ ديا تھا، بشرطيكہ وہ جہاد اور مبارزت ميں حصہ ليں _التى كتب الله لكم و لا ترتدوا علي ادباركم فتنقلبوا خاسرين خسران (فتنقلبوا خاسرين )كا ايك مصداق قوم موسيعليه‌السلام كا مقدس سرزمين ميں داخلے سے محروم ہونا ہے، بنابريں ان كا مقدس سرزمين ميں سكونت اختيار كرنا اس صورت ميں ان كى تقدير بنے گى جب وہ دشمن كے مقابلے ميں ڈٹ جائيں گے _

۱۳_ بنى اسرائيل كو شام كى مقدس سرزمين ميں داخل ہونے كا حكم ديا گيا_ادخلوا الارض المقدسة

مذكورہ آيہ شريفہ كى وضاحت ميں امام باقرعليه‌السلام سے روايت ہے:يعنى الشام (۱)

____________________

۱) تفسير عياشى ج۱، ص۳۰۵، ح۷۵، نورالثقلين ج۱، ص ۶۰۷، ح ۱۱۴_

۱۴_ بنى اسرائيل چاليس سال دربدر كى ٹھوكريں كھاكر توبہ كرنے اورخدا كے ان سے راضى ہوجانے كے بعد شام ميں داخل ہوئے_يا قوم ادخلوا الارض المقدسة امام باقرعليه‌السلام سے روايت ہے كہ آپعليه‌السلام نے مذكورہ آيہ شريفہ كى تلاوت كے بعد فرمايا :... ثم دخلوها بعد اربعين سنة و ما كان خروجهم من مصر و دخولهم الشام الا من بعد توبتهم و رضاء الله عنهم (۱) يعنى پھر وہ چاليس سال بعد اس ميں داخل ہوئے اور ان كا اپنے وطن سے نكل كر شام ميں داخلہ اس وقت ممكن ہوسكا جب انہوں نے توبہ كى اور خدا ان سے راضى ہوا_

اللہ تعالى:اللہ تعالى كى اطاعت ۶; اللہ تعالى كى اطاعت كا پيش خيمہ ۴; اللہ تعالى كى تقديرات۲، ۱۲;اللہ تعالى كى رضايت ۱۴;اللہ تعالى كى نعمتوں كو بيان كرنا ۴;اللہ تعالى كى نعمتيں ۳، ۷

انبياءعليه‌السلام :انبياءعليه‌السلام كى اطاعت ۶

انسان:انسان كى ذمہ دارى ۷

بنى اسرائيل:بنى اسرائيل كا جہاد ۵، ۱۲;بنى اسرائيل كا دربدرہونا ۱۴;بنى اسرائيل كى تاريخ ۲، ۸، ۹، ۱۲، ۱۳، ۱۴;بنى اسرائيل كى توبہ ۱۴;بنى اسرائيل كى شرعى ذمہ دارى ۱۳;بنى اسرائيل كے حقوق ۳; بنى اسرائيل مقدس سرزمين ميں ۲، ۳

تحريك :تحريك كا پيش خيمہ ۴

جنگ:جنگ سے فرار۸، ۱۰;جنگ سے فرار كى ممنوعيت ۱۱; جنگ ميں استقامت ۸

جہاد:جہاد سے فرار كى ممنوعيت ۱۱;راہ خدا ميں جہاد ۵

چاليس كا عدد: ۱۴

حضرت موسيعليه‌السلام :حضرت موسيعليه‌السلام اور بنى اسرائيل ۱، ۸;حضرت موسيعليه‌السلام كا خبردار كرنا ۱۰;حضرت موسيعليه‌السلام كا قصہ ۸;حضرت موسيعليه‌السلام كے فرامين ۱، ۸;عہد حضرت موسيعليه‌السلام كى تاريخ ۱، ۲، ۹

روايت: ۱۳، ۱۴

سرزمين شام: ۱۳، ۱۴

____________________

۱) تفسير عياشى ج۱، ص۳۰۶، ح۷۵، نورالثقلين ج۱، ص ۶۰۷، ح۱۱۴_

شكر:نعمت كا شكر ۵، ۶، ۷

ظالمين:ظالمين سے جنگ كرنا ۱۰

مقدس سرزمين: ۱، ۵، ۸، ۹، ۱۰، ۱۲، ۱۳

مقدس مقامات: ۱، ۲، ۳، ۵، ۸، ۹

نقصان:نقصان كے اسباب ۱۱;نقصان كے موارد ۱۰

آیت ۲۲

( قَالُوا يَا مُوسَى إِنَّ فِيهَا قَوْماً جَبَّارِينَ وَإِنَّا لَن نَّدْخُلَهَا حَتَّىَ يَخْرُجُواْ مِنْهَا فَإِن يَخْرُجُواْ مِنْهَا فَإِنَّا دَاخِلُونَ )

ان لوگوں نے كہا كہ موسي و ہاں تو جابروں كى قوم آباد ہے اور ہم اس وقت تك داخل نہ ہوں گے جب تك وہ وہاں سے نكل نہ جائيں پھر اگروہ نكل گئے تو ہم يقينا داخل ہوجا ئيں گے _

۱_ حضرت موسيعليه‌السلام كے فرمان كے باوجود بنى اسرائيل اس بات پر مصر تھے كہ مقدس سرزمين كے جابروں كے ساتھ نبرد آزما ہونے سے كنارہ كشى اختيار كى جائے_قالوا يا موسى ان فيها قوما جبارين و انا لن ندخلها

۲_ حضرت موسيعليه‌السلام كى قوم (بنى اسرائيل )مقدس سرزمين پر حاكم طاقتور جابروں سے آمنا سامنا كرنے سے ڈررہى تھي_قالوا يا موسي ان فيها قوما جبارين و انا لن ندخلها

۳_ حضرت موسيعليه‌السلام كى قوم نے مقدس سرزمين ميں داخل ہونے كيلئے يہ شرط عائد كى تھى كہ پہلے وہاں سے جابر باسيوں كو نكالا جائے_و انا لن ندخلها حتى يخرجوا منها

۴_ حضرت موسيعليه‌السلام كے زمانے ميں مقدس سرزمين پر طاقتور اور جابر لوگ آباد تھے

_

ان فيها قوما جبارين

۵_ حضرت موسيعليه‌السلام كى قوم جنگ و جہاد اور جابروں سے الجھے بغير مقدس سرزمين كو فتح كرنے كى بيجا توقع ركھتى تھي_

انا لن ندخلها حتى يخرجوا منها فان يخرجوا منها فانا داخلون آيہ شريفہ اور اس كا سياق و سباق حضرت موسيعليه‌السلام كى قوم كى اس فكر كو سراسر غلط قرار دے ر ہے ہيں كہ قدس كى سرزمين كسى جنگ اور جہاد كے بغير فتح ہوجائے_

۶_ جنگ اور جہاد كے بغير فتح و كامرانى كى توقع ايك بيجا اور نامعقول توقع ہے_فان يخرجوا منها فانا داخلون

بنى اسرائيل:

بنى اسرائيل كا ڈر ۲; بنى اسرائيل كى تاريخ ۱، ۲، ۳;بنى اسرائيل كى نافرمانى ۱; بنى اسرائيل كے مطالبات ۳، ۵

توقعات:ناپسنديدہ توقعات۶

جنگ:جنگ سے فرار ۱

حضرت موسيعليه‌السلام :حضرت موسيعليه‌السلام كے اوامر ۱;عہد حضرت موسيعليه‌السلام كى تاريخ ۴

ظالمين:ظالمين سے جنگ ۱، ۲

كاميابي:كاميابى كى شرائط ۶

مقدس سرزمين: ۱، ۴، ۵مقدس سرزمين كے ظالم لوگ ۲، ۳

آیت ۲۶

( قَالَ فَإِنَّهَا مُحَرَّمَةٌ عَلَيْهِمْ أَرْبَعِينَ سَنَةً يَتِيهُونَ فِي الأَرْضِ فَلاَ تَأْسَ عَلَى الْقَوْمِ الْفَاسِقِينَ )

ارشاد ہواكہ اب ان پر چاليس سال حرام كردئے گئے كہ يہ زمين ميں چكر لگا تے رہيں گے لہذا تم اس فاسق قوم پر افسوس نہ كرو _

۱_ حضرت موسيعليه‌السلام كى قوم چاليس سال تك مقدس سرزمين پر قبضہ كرنے سے محروم رہي_

قال فانها محرمة عليهم اربعين سنة ''محرمة'' سے مراد حرمت تشريعى نہيں بلكہ حرمت تكوينى ہے_

۲_ حضرت موسيعليه‌السلام كى قوم كا مقدس سرزمين پر قبضے اور وہاں سكونت اختيار كرنے سے محروم رہنا ان كے فسق اور حضرت موسيعليه‌السلام كے فرمان سے منہ موڑنے كا نتيجہ اور سزا تھي_انا لن ندخلها ابدا فانها محرمة عليهم

جملہ ''فانھا محرمة ...'' حضرت موسيعليه‌السلام كى نفرين (فافرق بيننا ...)پر نہيں ، بلكہ ان كے حكم سے منہ موڑنے پر متفرع ہے_

۳ _ حضرت موسيعليه‌السلام كى قوم چاليس سال تك بيابان ميں سرگردان رہي_اربعين سنة يتيهون فى الارض

چونكہ جملہ ''يتيھون'' ''عليھم'' كى ضمير كيلئے حال ہے، اس سے معلوم ہوتا ہے كہ ان كى سرگردانى كى مدت بھى چاليس برس تھي_

۴_ حضرت موسيعليه‌السلام كى قوم كا بيابان ميں سرگردان رہنا ان كے فسق اور حضرت موسيعليه‌السلام كے فرمان سے منہ موڑنے كا نتيجہ اور سزا تھي_انا لن ندخلها يتيهون فى الارض

۵_ حضرت موسيعليه‌السلام كى قوم كا ان كے فرمان سے منہ موڑنے كے زمانے سے ان كے چاليس سال تك ٹھوكريں كھانے اور قدس پر قبضے سے محروميت كا آغاز ہوا_انا لن ندخلها اربعين سنة يتيهون فى الارض

۶_ بنى اسرائيل كى كارآمد قوتوں كى جانب سے جہاد ترك كرنا اس قوم كے تمام لوگوں كيلئے سرگردان رہنے اورمقدس سرزمين پر قبضے سے محروميت كا باعث بنا_قال فانها محرمة عليهم اربعين سنة

مذكورہ بالا مطلب لق و دق بيابان كى داستان كے اس مسلمہ اور فطرى امر پر مبتنى ہے كہ حضرت موسيعليه‌السلام كى تمام قوم حتى عورتيں ، بچے اور بوڑھے بھى دربدر كى ٹھوكريں كھانے پر مجبور اور مقدس سرزمين ميں داخل ہونے سے محروم ہوگئے، حالانكہ ان لوگوں كو جنگ و جہاد كا حكم نہيں ديا گيا تھا كہ اس كى خلاف ورزى پر انہيں سزا دى جاتي_

۷_ ملتوں كا انجام احكام خداوندى كے بارے ميں انكے موقف كى كيفيت پر موقوف ہے _انا لن ندخلها ابداً فانها محرمة عليهم اربعين سنة

۸_ خدا كى بعض تقديرات (تقدير معلق)انسانوں كے اعمال كى انجام دہى سے مشروط ہيں _كتب الله لكم فانها محرمة عليهم اربعين سنة

۹_ انسانوں كا عمل خدا كى جانب سے تقديرات ميں تبديلى كى راہ ہموار كرسكتا ہے_كتب الله لكم فانها محرمة عليهم اربعين سنة

۱۰_ گناہگاروں كے دنيا ميں ہى اپنے گناہوں كى سزا اور عذاب سے دوچار ہونے كا امكان موجود ہے_

فانها محرمة عليهم اربعين سنة يتيهون فى الارض

۱۱_ معاشرے كے بے گناہ لوگوں كيلئے گناہگاروں كے عذاب ميں مبتلا ہونے كا خطرہ موجود ہے_

قال فانها محرمة عليهم اربعين سنة

۱۲_ خدا نے حضرت موسىعليه‌السلام كو بنى اسرائيل كے گناہگاروں پر افسوس كرنے يا ان كے بارے ميں غمگين ہونے سے منع فرمايا _فلا تأس على القوم الفاسقين

۱۳_ عذاب خداوندى سے دوچار گناہگاروں كے بارے ميں افسوس كرنے يا غمگين ہونے سے اجتناب ضرورى ہے_

فلا تأس على القوم الفاسقين

۱۴_ حضرت موسيعليه‌السلام كى قوم فاسق اور نافرمان تھي_انا لن ندخلها فلا تأس على القوم الفاسقين

۱۵_ حضرت موسيعليه‌السلام كى قوم كا ان كے فرامين كے مقابلے ميں ہٹ دھرمى كا مظاہرہ كرنا ان كے فسق كى علامت ہے_

انا لن ندخلها فلا تأس على القوم الفاسقين

۱۶_ نافرمانى اور گناہ كے باوجود حضرت موسيعليه‌السلام اپنى قوم سے نرمى اور مہربانى سے پيش آتے تھے_

فلا تأس على القوم الفاسقين''فلا تأس'' كا مادہ ''اسي'' اور اس كا معنى غم و اندوہ ہے، حضرت موسيعليه‌السلام كو بنى اسرائيل پر افسوس كرنے سے روكنا اس بات پر دلالت كرتا ہے كہ وہ اپنى قوم كے بارے ميں افسوس كرتے تھے يا ان كى جانب سے افسوس كا امكان موجود تھا، بہرحال يہ اس بات كى علامت ہے كہ حضرت موسيعليه‌السلام اپنى قوم پر مہربان تھے_

۱۷_ حضرت موسيعليه‌السلام كى قوم نے ان كى نافرمانى كا تاوان چار فرسخ (تقريباً ۱۴ كلوميٹر) كے طول و عرض پر مشتمل علاقے ميں چاليس سال تك بھٹكتے رہنے اور ٹھوكريں كھانے كى صورت ميں ادا كيا_

ادخلوا الارض المقدسة قال فانها محرمة عليهم اربعين سنة يتيهون فى الارض مذكورہ آيہ شريفہ كى وضاحت ميں حضرت امام باقرعليه‌السلام سے روايت ہے كہفلما ابوا ان يدخلوها حرمها الله عليهم فتاهوا فى اربع فراسخ اربعين سنة (۱) يعنى جب

انہوں نے اس مقدس سرزمين ميں داخل ہونے سے انكار كيا تو خدا نے انہيں اس سے محروم كرديا اور وہ چار فرسخ كے علاقے ميں چاليس سال تك ٹھوكريں كھاتے ر ہے_

۱۸_ بنى اسرائيل حضرت مو سيعليه‌السلام كے فرمان سے منہ موڑنے كے نتيجہ ميں ايك عرصہ تك اس طرح بھٹكتے ر ہے كہ جب وہ رات كو سفر كرتے تو زمين كے چكر لگانے كے نتيجے ميں دوبارہ پہلے والى جگہ پر لوٹا ديا جاتا_

قال فانها محرمة عليهم اربعين سنة يتيهون فى الارض بنى اسرائيل كى سرگردانى كى كيفيت كے بارے ميں امام صادقعليه‌السلام سے روايت ہے :اذا كان العشاء و اخذوا فى الرحيل اذا ارتحلوا و استوت بهم الارض قال الله للارض ديرى بهم فلا يزالوا كذلك فاذا اصبحوا اذا ابنيتهم و منازلهم التى كانوا فيها بالامس (۲) يعنى جب رات پڑتى تو وہ اپنا كوچ شروع كرتے اور ان كے كوچ كے ساتھ ہى زمين بھى حركت ميں آجاتى اور خداوند زمين كو حكم ديتا كہ انہيں پہلے والى جگہ پر لوٹا دو اور ہميشہ ايسے ہى ہوتا كہ جب صبح كى سپيدى نمودار ہوتى تو وہ ديكھتے كہ وہى عمارتيں اور گھر ان كا منہ چڑا ر ہے ہيں ، جہاں سے انہوں نے كل رات اپنا سفر شروع كيا تھا_

____________________

۱) شيخ مفيد سے منسوب كتاب اختصاص، ص ۲۶۵، تفسير برہان ج۱ ص ۴۵۶ ح ۱_۲) تفسير عياشى ج۱ ص ۳۰۵ ح ۷۴نور الثقلين ج۱ ص ۶۰۸ ح ۱۱۶

۱۹_ حضرت موسيعليه‌السلام كى قوم چاليس برس تك سرزمين مصر ميں بھٹكتى رہي_قال فانها محرمة عليهم اربعين سنة يتيهون فى الارض قوم موسيعليه‌السلام كى سرگردانى كے بارے ميں امام باقرعليه‌السلام سے روايت ہے:فتاهوا فى الارض اربعين سنة فى مصر و فيا فيها .(۱) يعنى بنى اسرائيل سرزمين مصر اور اسكے صحراؤں ميں چاليس برس تك بھٹكتے ر ہے

اللہ تعالى:اللہ تعالى كى تقديرات ۸; اللہ تعالى كى تقديرات ميں تبديلى ۹; اللہ تعالى كے اوامر ۱۲

بداء:بداء كا پيش خيمہ ۹

بنى اسرائيل:بنى اسرائيل كا فسق ۱۴، ۱۵ ;بنى اسرائيل كى تاريخ ۱، ۳، ۴، ۵، ۱۷، ۱۸، ۱۹;بنى اسرائيل كى سرگردانى ۳، ۴، ۵، ۶، ۱۷، ۱۸، ۱۹ ;بنى اسرائيل كى محروميت ۲، ۶;بنى اسرائيل كى نافرمانى ۴، ۵، ۱۲، ۱۴، ۱۵، ۱۶، ۱۷، ۱۸ ; بنى اسرائيل كى ہٹ دھرمى ۱۵

بے گناہ لوگ:بے گناہ لوگوں كو سزا ملنا ۱۱

تقديرات:معلق تقديرات ۸

جہاد:جہاد ترك كرنے كے اثرات ۶

چار كا عدد: ۱۷چاليس كا عدد: ۱، ۳، ۵، ۱۷، ۱۹

حضرت موسيعليه‌السلام :حضرت موسي اور بنى اسرائيل ۱۲، ۱۶; حضرت موسيعليه‌السلام كى مہربانى ۱۶; حضرت موسيعليه‌السلام كى نافرمانى كرنا ۲، ۴، ۵، ۱۵، ۱۷، ۱۸

روايت: ۱۷، ۱۸، ۱۹

زمين:زمين كا گھومنا ۱۸

سزا:سزا كے اسباب ۱۳

شرعى فريضہ:شرعى فريضہ پر عمل كے اثرات ۷

عمل:عمل كے اثرات ۸، ۹

____________________

۱) تفسير عياشى ج۱ ص ۳۰۶ ح ۷۵نور الثقلين ج۱ ص ۶۰۷ ح ۱۱۴_

فسق:فسق كى سزا ۲، ۴;فسق كى علامات ۱۵; فسق كے اثرات ۲، ۴

گناہ:گناہ كے اجتماعى اثرات ۱۱

گناہگار:گناہگاروں كى دنيوى سزا ۱۰; گناہگاروں كيلئے غمگين ہونا ۱۲، ۱۳

مصر كى سرزمين: ۱۹

معاشرہ:معاشرے كے زوال كے اسباب ۱۱

مقدس سرزمين: ۱، ۵، ۶مقدس سرزمين كى فتح ۲

مقدس مقامات: ۵، ۶

موقف:نظرياتى موقف كے اثرات ۷

نافرماني:نافرمانى كى سزا ۲، ۴;نافرمانى كے اثرات ۲، ۴، ۱۷

يہود:يہود كے فاسق لوگ۱۴

آیت ۲۷

( وَاتْلُ عَلَيْهِمْ نَبَأَ ابْنَيْ آدَمَ بِالْحَقِّ إِذْ قَرَّبَا قُرْبَاناً فَتُقُبِّلَ مِن أَحَدِهِمَا وَلَمْ يُتَقَبَّلْ مِنَ الآخَرِ قَالَ لَأَقْتُلَنَّكَ قَالَ إِنَّمَا يَتَقَبَّلُ اللّهُ مِنَ الْمُتَّقِينَ )

اور پيغمبر آپ انكوآدم كے دونوں فرزندوں كا سچا قصہ پڑھ كرسنا يئےہ جب دونوں نے قربانى دى اور ايك كى قربانى قبول ہو گئي اور دوسرے كى نہ ہوئي تواس نے كہا كہ ميں تجھے قتل كردوں گاتو دوسرے نے جواب دياكہ ميراكياقصور ہے خدا صرف صاحبان تقوي كے اعمال كوقبول كرتا ہے_

۱_ حضرت آدم كے بيٹوں ہابيل و قابيل كى قربانى كى داستان بہت مفيد، سبق آموز اور قابل بيان ہے_

و اتل عليهم نبا ابنى آدم بالحق چونكہ قابيل كو پتہ نہيں تھا كہ ہابيل كى لاش كس

طرح دفن كرے، اس سے معلوم ہوتا ہے كہ وہ پہلے انسانوں ميں سے تھے_ بنابريں ''آدم'' سے مراد ابوالبشر حضرت آدمعليه‌السلام ہيں ، اور مفسرين كا كہنا ہے كہ ان كے بيٹوں سے مراد ہابيل اور قابيل ہيں _ واضح ر ہے كہ ''نبا'' اس خبر كو كہا جاتا ہے جو بہت ہى فائدہ مند ہو_

۲_ بارگاہ خداوندى ميں تقرب حاصل كرنے كيلئے ہابيل اور قابيل دونوں نے ہديہ پيش كيا_اذ قربا قرباناً ''قربان'' ہر اس نيك عمل كو كہا جاتا ہے جو تقرب خداوندى حاصل كرنے كيلئے انجام ديا جائے (مجمع البيان)

۳_ ہابيل اور قابيل كى جانب سے پيش كى گئي دو قربانياں ايك ہى نوع اور ايك ہى جنس سے تعلق ركھتى تھيں _

اذ قربا قرباناً اگر چہ دونوں نے جدا جدا قربانى پيش كى تھي، ليكن اس كے باوجود كلمہ ''قرباناً'' مفرد لايا گيا ہے، يہ اس بات كى طرف اشارہ ہوسكتا ہے كہ وہ دونوں قربانياں ايك ہى جنس سے تعلق ركھتى تھيں _

۴_ پيغمبر اكرمصلى‌الله‌عليه‌وآله‌وسلم اہل كتاب كيلئے ہابيل و قابيل كى داستان صحيح طور پر نقل كرنے پر مأمور ہوئے_

و اتل عليهم نبا ابنى آدم بالحق اہل كتاب كے بارے ميں گذشتہ آيات كى روشنى ميں معلوم ہوتا ہے كہ ''عليھم'' كى ضمير سے مراد اہل كتاب ہيں _

۵_ قرآن كريم نے لوگوں كو تاريخى واقعات سے سبق سيكھنے اور عبرت لينے كى دعوت دى ہے_و اتل عليهم نبا ابنى آدم بالحق

۶_ ہابيل اور قابيل كى قربانى كا واقعہ ايك افسانہ يا علامتى كہانى نہيں ، بلكہ حقيقى داستان ہے_

و اتل عليهم نبا ابنى آدم بالحق مذكورہ بالا مطلب ميں ''بالحق'' كو ''نبائ'' كى صفت قرار ديا گيا ہے، يعنى حضرت آدمصلى‌الله‌عليه‌وآله‌وسلم كے بيٹوں كى داستان ايك حقيقى داستان ہے_

۷_ حضرت آدمعليه‌السلام كے بيٹوں كى داستان جس طرح قرآن كريم ميں بيان ہوئي ہے حقيقى اور ہر قسم كے بطلان سے پاك داستان ہے_و اتل عليهم نبا ابنى آدم بالحق مذكورہ بالا مطلب ميں ''بالحق'' كو ''اتل'' كا متعلق قرار ديا گيا ہے_

۸_ ہابيل اور قابيل كى داستان پر مشتمل اہل كتاب كى كتب ميں ايك طرح كى تحريف ہوئي اور اسے باطل سے ملا ديا گيا ہے_بالحق اہل كتاب كے بارے ميں نازل ہونے والى گذشتہ آيات كے قرينہ سے كلمہ ''بالحق'' حضرت آدمعليه‌السلام كے بيٹوں كے بارے ميں اہل كتاب كى كتب ميں كى جانے والى تحريفات كى طرف اشارہ ہوسكتا ہے_

۹_ حضرت آدمصلى‌الله‌عليه‌وآله‌وسلم كے دو بيٹوں ميں سے صرف ايك كى

قربانى بارگاہ خداوندى ميں قبول ہوئي_فتقبل من احدهما و لم يتقبل من الآخر

۱۰_ ہابيل كى قربانى قبول ہونے كى وجہ سے اُنہيں خدا كى پاداش سے بہرہ مند ہونے كے قابل قرار ديا گيا_

فتقبل من احدهما ''تقبل''كسى چيز كے اس طرح قبول كيے جانے پر بولا جاتا ہے جو پاداش كا مقتضى ہو( مفردات راغب)

۱۱_ حضرت آدمعليه‌السلام كے بيٹوں ميں سے ہر ايك اپنى اور اپنے بھائي كى قربانى كے قبول يا رد كيے جانے كے بارے ميں آگاہ تھا_قال لا قتلنك قال انما يتقبل الله من المتقين جملہ''انما يتقبل الله'' نيز قابيل كى جانب سے ہابيل كو موت كے گھاٹ اتارنے كے پكے ارادے سے معلوم ہوتا ہے كہ وہ دونوں اپنى قربانى كے قبول يا رد كيے جانے كے بارے ميں جان گئے تھے، بہت سارے مفسرين كا كہنا ہے كہ ہابيل كى قربانى غيب سے آنے والى آگ كے ذريعے جل كر خاكستر ہوگئي اور يہ ان كى قربانى كے قبول ہونے كى علامت تھي_

۱۲_ قربانى كے واقعہ كے بعد قابيل نے ہابيل كو ٹھكانے لگانے كا پكا ارادہ كرليا_قال لاقتلنك لام اور نون تاكيد قابيل كى طرف سے قتل كے پكے ارادے پر دلالت كرتے ہيں _

۱۳_ قابيل نے اپنے بھائي ہابيل كو قتل كى دھمكى دي_قال لاقتلنك

۱۴_ چونكہ ہابيل كى قربانى قبول اور قابيل كى قربانى رد كردى گئي اس سے قابيل كے دل ميں اپنے بھائي ہابيل كو قتل كرنے كا ارادہ پيدا ہوا_فتقبل من احدهما و لم يتقبل من الاخر قال لاقتلنك

۱۵_ چونكہ قابيل كى قربانى رد اور اس كے بھائي ہابيل كى قربانى قبول كرلى گئي اس سے قابيل كے دل ميں اپنے بھائي كے خلاف شديد حسد كے جذبات پيدا ہوئے_قال لاقتلنك بظاہر دكھائي ديتا ہے كہ ہابيل كى قربانى قبول كيے جانے كے بعد كسى اور وجہ سے نہيں بلكہ صرف قابيل كے دل ميں پيدا ہونے والے حسد نے اسے قتل كے ارتكاب پر اُكسايا، اور گويا اس مسئلہ كا واضح ہونا باعث بنا ہے كہ كلام ميں اس كا تذكرہ نہيں آيا_ مذكورہ مطلب كى حضرت امام صادقعليه‌السلام سے منقول اس روايت سے بھى تائيد ہوتى ہے كہ آپعليه‌السلام نے فرمايافتقبل الله قربان هابيل فحسده قابيل فقتله (۱) خدا نے

____________________

۱) تفسير عياشى ج۱ ص ۳۱۲ ح ۸۳; نور الثقلين ج۱ ص ۶۱۰ ح ۱۲۵_

ہابيل كى قربانى قبول كرلى جس سے قابيل كے دل ميں حسد پيدا ہوا اور اسى حسد كى وجہ سے اس نے ہابيل كو قتل كرديا_

۱۶_ طول تاريخ ميں برادر كشى كے آغاز كا اصلى سبب حسد اور خود پرستى رہى ہے_قال لاقتلنك

۱۷_ حسد انسانوں كے درميان موجود محبت و مہربانى كے تعلقات اور روابط كو كمزور بنانے كے اسباب فراہم كرتا ہے_نبأ ابنى ء ادم قال لاقتلنك كيونكہ قابيل كا حسد ہابيل كى نسبت برادرانہ جذبات كو نظر انداز كرنے كا باعث بنا_

۱۸_ حسد قتل اور اس جيسے دوسرے جرائم كے ارتكاب كا پيش خيمہ ہے_قال لا قتلنك

مذكورہ بالا مطلب كى حضرت امام صادقعليه‌السلام كے اس فرمان سے تائيد ہوتى ہے : فقبل اللہ قربان ہابيل فحسدہ قابيل فقتلہ(۱) يعنى خدا نے ہابيل كى قربانى قبول كرلى جس سے قابيل كے دل ميں حسد پيدا ہوا اور اس نے ہابيل كو قتل كرديا_

۱۹_ ہابيل نے اپنے بھائي قابيل كى قربانى قبول نہ كيے جانے كا سبب اس كے عدم تقوى كو قرار ديا_و لم يتقبل من الآخر قال لاقتلنك قال انما يتقبل الله من المتقين

۲۰_ خداوند متعال صرف پرہيزگاروں سے نيك عمل قبول كرتا ہے_انما يتقبل الله من المتقين

۲۱_ قابيل نے اپنى قربانى كے قبول نہ كيے جانے پر جو اعتراض كيا اس كا جواب ديتے ہوئے ہابيل نے كہا نيك اعمال كے قبول ہونے كى شرط تقوي ہے_قال انما يتقبل الله من المتقين

۲۲_ ہابيل ايك خداشناس، پرہيزگار، الہى معارف سے آگاہ اور معاشرتى تعلقات ميں آداب و منطق سے بہرہ مند انسان تھے_قال انما يتقبل الله من المتقين ہابيل كا صراحت كے ساتھ قابيل كے بے تقوي ہونے كا ذكر نہ كرنا ان كے ادب كى علامت ہے، جبكہ اعمال كى قبوليت اور عدم قبوليت كے معيار كو وضاحت كے ساتھ بيان كرنا ان كى منطقى فكر اور الہى معارف سے آگاہى پر دلالت كرتا ہے_

۲۳_ قابيل الہى معارف سے ناآشنا، بے تقوي اور حاسد انسان تھا_قال لاقتلنك قال انما يتقبل الله من المتقين

۲۴_ ہابيل كا تقوي خدا كى طرف سے ان كى قربانى قبول كيے جانے كا سبب بنا_

____________________

۱) تفسير عياشى ج۱ ص ۳۱۲ ح ۸۳ ; نورالثقلين ج۱ ص ۶۱۰ ح ۱۲۵_

فتقبل من احدهما قال انما يتقبل الله من المتقين

۲۵_ خداوندمتعال صرف اس نيك عمل كو قبول كرتا ہے جس كے ساتھ تقوي بھى ہو_

انما يتقبل الله من المتقين بعض علماء كا نظريہ ہے كہ عمل كے قبول ہونے كو تقوي سے مشروط كرنے سے مراد يہ ہے كہ خود عمل ميں تقوي كى پابندى كى جائے، يعنى عمل كو خلوص و غيرہ جيسى تمام ان شرائط كا حامل ہونا چاہيئے، جو خدا كى طرف سے عائد كى گئي ہيں _

۲۶_ خداوند متعال كى جانب سے ايك مشخص و معين معيار كى بنيادپر اعمال كو قبول يا رد كيا جاتا ہے_

انما يتقبل الله من المتقين

۲۷_ جب انسان كا كردار تقوي اور پارسائي پر مبنى ہو تو وہ خدا كى قربت كا موجب بنتا ہے_

اذ قربا قرباناً انما يتقبل الله من المتقين ''قربان'' اس عمل كو كہا جاتا ہے جس ميں قربت خدا كا قصد كيا جائے، لہذا قربانى كى قبوليت كا معنى قربت خداوند كا حصول ہے كہ جسے آيہ شريفہ ميں تقوي كے ساتھ مشروط كيا گيا ہے_

۲۸_ حسب و نسب اور انبياء و اولياء كے ساتھ رشتہ دارى كى خدا كى جانب سے اعمال كے قبول يا رد كيے جانے ميں كوئي تاثير نہيں ہے_و اتل عليهم نبا ابنى آدم بالحق انما يتقبل الله من المتقين

۲۹_ خلقت كے آغاز سے ہى انسان ميں خير و شر كى طرف مائل ہونے كے اسباب پائے جاتے ہيں _

قال لاقتلنك انما يتقبل الله من المتقين اگر چہ ہابيل اور قابيل دونوں آدمعليه‌السلام كے بيٹے تھے، ليكن انہوں نے متضاد اور جدا راستے انتخاب كئے اس سے معلوم ہوتا ہے كہ انسان كے اندرونى رجحانات مختلف ہيں _

۳۰_ ہابيل كى موٹے تازے دنبے كى قربانى بارگاہ خداوندى ميں قبول جبكہ قابيل كى طرف سے گندم كے خوشوں يا اس جيسى كسى اور چيز كى قربانى رد كردى گئي_و اتل عليهم نبا ابنى آدم بالحق اذ قربا قرباناً حضرت آدمعليه‌السلام كے بيٹوں كى قربانى كے بارے ميں حضرت امام سجادعليه‌السلام سے روايت ہے:قرب احدهما اسمن كبش كان فى صيانته و قرب الآخر ضغثاً من سنبل فتقبل من صاحب الكبش و هو هابيل و لم يتقبل من الاخر (۱) ان ميں سے ايك نے اپنا موٹا تازہ دنبہ قربانى كيلئے پيش كيا، جبكہ دوسرے نے چند خوشے قربانى كے طور پر پيش كيے، دنبے والے كى قربانى قبول كرلى گئي اور وہ ہابيل تھے، جبكہ دوسرے كى قربانى رد كردى گئي_

____________________

۱) تفسير قمى ج۱ص ۱۶۵; تفسير برہان ج۱ص ۴۵۹، ح ۴ _

۳۱_ حضرت آدمعليه‌السلام نے ہابيل اور قابيل كو بارگاہ خداوندى ميں قربانى كرنے كا حكم ديا_

اذ قربا قرباناً حضرت امام باقرعليه‌السلام سے روايت ہوئي ہے:ان آدم امر هابيل و قابيل ان يقربا قرباناً ...و هو قول الله عزوجل: ''واتل عليهم نبا ابنى آدم .(۱) آدمعليه‌السلام نے ہابيل اور قابيل كو قربانى كرنے كا حكم ديا، چنانچہ اس بارے ميں ارشاد خداوندى ہے كہ ''ان كے سامنے حضرت آدمعليه‌السلام كے بيٹوں كى داستان بيان كرو ...''

۳۲_ حضرت ہابيل كى قربانى كا آگ ميں جل كر خاكستر ہوجانا بارگاہ خدا ميں اس كے قبول ہونے كى علامت تھي_

فتقبل من احدهما و لم يتقبل من الآخر حضرت امام باقرعليه‌السلام سے روايت ہے:فتقبل قربان هابيل و لم يتقبل قربان قابيل و هو قول الله عزوجل ''و اتل عليهم ...'' و كان القربان اذ قبل تاكله النار (۲) خدا نے ہابيل كى قربانى قبول كرلى جبكہ قابيل كى قربانى رد كردى چنانچہ ارشاد رب العزت ہے ''ان كے سامنے بيان كرو ...'' اور قربانى كى قبوليت كى علامت يہ تھى كہ وہ آگ ميں جل كر خاكستر ہوجاتى تھي_

۳۳_ جب قابيل نے خدا كى جانب سے ہابيل كو حضرت آدم كا وصى منصوب كرنے اور اسم اعظم حاصل كرنے كے فرمان پر اعتراض كيا تو دونوں كو خدا كيلئے قربانى كرنے كا حكم ديا گيا_اذ قربا قرباناً امام صادقعليه‌السلام سے روايت ہوئي ہےان الله تبارك و تعالى اوحى الى آدم ان يدفع الوصية و اسم الله الاعظم الى هابيل و كان قابيل اكبر منه فبلغ ذلك قابيل فغضب فقال: انا اولي بالكرامة والوصية فامرهما ان يقربا قرباناً بوحى من الله اليه ففعلا (۳) خداوند تبارك و تعالى نے حضرت آدمعليه‌السلام كو وحى كى كہ ہابيل كو اپنا وصى منصوب كريں اور خدا كا اسم اعظم انہيں عطا كريں _ حالانكہ قابيل ان سے بڑا تھا، لہذا جب اس كے كانوں تك يہ خبر پہنچى تو غصہ سے آگ بگولہ ہوكر كہنے لگا، ميں كرامت اور وصيت كا زيادہ حقدار تھا، حضرت آدمعليه‌السلام نے خدا كى طرف سے آنے والى وحى كى بناپر ان دونوں كو قربانى كا حكم ديا اور انہوں نے ايسے ہى كيا

آدمعليه‌السلام :آدمعليه‌السلام كا قصہ ۳۱; آدمعليه‌السلام كا وصى ۳۳; آدمعليه‌السلام كے اوامر ۳۱

____________________

۱) كافى ج۸ص ۱۱۳ ح ۹۲; تفسير برہان ج۱ ص ۴۵۸ ح ۱_

۲) كمال الدين ص ۲۱۳ ح ۲، ب ۲۲; نور الثقلين ج۱ ص ۶۱۲ ح ۱۳۱_

۳) تفسير عياشى ج۱ص ۳۱۲ ح ۸۳; نور الثقلين ج۱/ ص ۶۱۰ ح ۱۲۵_

آدمعليه‌السلام كے بيٹے:آدمعليه‌السلام كے بيٹوں كا قصہ ۱۱; آدمعليه‌السلام كے بيٹوں كى قرباني۱، ۷، ۹، ۱۱، ۳۰

آنحضرتصلى‌الله‌عليه‌وآله‌وسلم :آنحضرتصلى‌الله‌عليه‌وآله‌وسلم اور اہل كتاب ۴;آنحضرتصلى‌الله‌عليه‌وآله‌وسلم كى ذمہ دارى ۴

احساسات:احساسات كو كمزور كرنے كا پيش خيمہ۱۷

اسم اعظم: ۳۳

اللہ تعالى:اللہ تعالى كى پاداش ۱۰; اللہ تعالى كى نافرمانى ۳۳; اللہ تعالى كے افعال ۲۰

انبياءعليه‌السلام :انبياءعليه‌السلام سے رشتہ دارى ۲۸

انسان:انسان كے تمايلات ۲۹

تاريخ:تاريخ سے عبرت ۱، ۵;تاريخ نقل كرنے كے فوائد ۱; تاريخى واقعات ذكر كرنا ۵، ۷

تقرب:تقرب كا پيش خيمہ ۲۷; خدا كا تقرب ۲

تقوي:تقوي كے اثرات ۲۱، ۲۴، ۲۵، ۲۷

حسد:حسد كے اثرات ۱۶، ۱۷، ۱۸;حسد كے اسباب ۱۵

خير:خير كى طرف تمايل ۲۹

رشتہ داري:رشتہ دارى كى تاثير ۲۸

روايت :۱۵،۳۰،۳۱،۳۲،۳۳

شر:شر كى طرف رجحان۲۹

طرز عمل:طرز عمل كى بنياديں ۱۴

عُجب:عُجب كے اثرات ۱۶

عمل:عمل صالح كى قبوليت ۲۰، ۲۵;عمل كى قبوليت كى شرائط ۲۱، ۲۵;عمل كے قبول ہونے كا معيار ۲۶، ۲۸; عمل كے رد ہونے كا معيار ۲۶، ۲۸;عمل ميں تقوي ۲۷

قابيل:قابيل كا بے تقوي ہونا ۱۹، ۲۳ ;قابيل كا حسد ۱۵، ۲۳ ;قابيل كا قصہ ۲، ۴، ۶، ۱۲، ۱۳، ۱۴، ۱۵، ۱۹، ۲۱،

۳۱ ;قابيل كا ہديہ ۲;قابيل كى جہالت ۲۳;قابيل كى ذمہ دارى ۳۳;قابيل كى قربانى ۱، ۳، ۴، ۶، ۷، ۹، ۳۱;قابيل كى قربانى كا رد ہونا ۱۴، ۱۵، ۱۹، ۲۱، ۳۰;قابيل كى نافرمانى ۳۳;قصہ قابيل كى تحريف ۸

قتل:قتل تاريخ ميں ۱۶;قتل كا پيش خيمہ ۱۸;قتل كا سرچشمہ ۱۶

قرباني:قربانى قبول ہونے كا پيش خيمہ ۲۴;قربانى كا قبول ہونا ۹

متقين: ۲۲متقين كا عمل صالح ۲۰

ہابيل:قصہ ہابيل ميں تحريف۸;ہابيل اور قابيل ۱۲، ۱۳، ۱۵;ہابيل اہل كتاب كى نظر ميں ۸; ہابيل كا ادب ۲۲;ہابيل كا انتصاب ۳۳; ہابيل كا تقوي ۲۲، ۲۴; ہابيل كا علم ۲۲;ہابيل كا قتل ۱۲، ۱۴;ہابيل كا قصہ ۲، ۴، ۶، ۱۲، ۱۳، ۱۴، ۱۵، ۱۹، ۲۱، ۲۴، ۳۱، ۳۲;ہابيل كا ہديہ ۲; ہابيل كو دھمكى ۱۳;ہابيل كى پاداش ۱۰;ہابيل كى خداشناسى ۲۲;ہابيل كى ذمہ دارى ۳۳;ہابيل كى قربانى ۱، ۳، ۴، ۶،۷، ۹، ۳۱;ہابيل كى قربانى كى قبوليت ۱۰، ۱۴، ۱۵، ۲۴، ۳۰، ۳۲; ہابيل كى منطق ۲۲; ہابيل كے فضائل ۱۰ ، ۲۲

آیت ۲۸

( لَئِن بَسَطتَ إِلَيَّ يَدَكَ لِتَقْتُلَنِي مَا أَنَاْ بِبَاسِطٍ يَدِيَ إِلَيْكَ لَأَقْتُلَكَ إِنِّي أَخَافُ اللّهَ رَبَّ الْعَالَمِينَ )

اگر آپ ميرى طرف قتل كے لئے ہاتھ بڑھائيں گے بھى تو ميں آپ كى طرف ہرگز ہاتھ نہ بڑھاؤں گا كہ ميں عالمين كے پالنے والے خدا سے ڈرتا ہوں _

۱_ ہابيل كى طرف سے كسى بھى صورت اپنے بھائي كو قتل نہ كرنے پر اصرار حتى اگر قابيل كى طرف سے انہيں قتل كرنے كى كوشش بھى كى جاتي_لئن بسطت الى يدك لتقتلنى ما انا بباسط يدى اليك لاقتلك ''لئن'' ميں لام قسم اور ''بباسط'' پر باء زائدہ، تاكيد اور اصرار پر دلالت كرتے ہيں _

۲_ ہابيل ،قابيل كى سركش روح كو رام كرنے كى كوشش ميں تھے_

قال لاقتلنك قال لئن بسطت الى يدك لتقتلنى ما انا بباسط يدى اليك

''لا قتلنك'' كى تاكيد قابيل كى سركشى پر دلالت كرتى ہے جبكہ ہابيل كى نرم اور سبق آموز گفتگو اس بات كى علامت ہے كہ وہ اسے نرم اور موم كرنے كى كوشش ميں تھے_

۳_ جب دوسروں سے آمنا سامنا ہو تو ان ميں غصے اور حسد كى بھڑكى ہوئي آگ پر قابو پانے اور اسے بجھانے كى كوشش كرنا لازمى ہے_لئن بسطت ما انا بباسط يدى اليك ہابيل كى طرف سے اپنے بھائي كے ساتھ روا ركھے جانے والے سلوك كا بيان كرنا تمام لوگوں كيلئے اس كے مشابہ موارد ميں سبق آموز ہوسكتا ہے_

۴_ ہابيل اپنے بھائي قابيل كو ہلاك كرنے پر قادر تھے_ما انا بباسط لاقتلك انى اخاف الله

اگر ہابيل اپنے بھائي قابيل كو قتل كرنے پر قادر نہ ہوتے تو كبھى بھى يہ نہ كہتے كہ ميں اپنے خوف خدا كى بناپر تمہيں قتل كرنے كيلئے اقدام نہيں كروں گا_

۵_ ہابيل كى فطرت اور شخصيت نے انہيں برادر كشى سے روكا_ما انا بباسط يدى اليك لا قتلك ہابيل نے اپنے بھائي كے ہلاك نہ كرنے كو قتل كيلئے ہاتھ نہ بڑھانے سے تعبير كيا ، اور پھر قسم اور باء زائدہ كے ذريعے اس كى تاكيد ، نيز جملہ اسميہ استعمال كيا تا كہ يہ سمجھا سكيں كہ ان كى شخصيت ہرگز اس طرح كا اقدام كرنے كى اجازت نہيں ديتي_

۶_ ہابيل خوف خدااور توحيد ربوبى پر ايمان ركھنے والے انسان تھے_انى اخاف الله رب العالمين

۷_ ہابيل كا خوف خداان كيلئے اپنے بھائي كو قتل كرنے كى راہ ميں ركاوٹ بنا_ما انا بباسط يدى اليك لاقتلك انى اخاف الله رب العالمين

۸_ ہابيل اپنے بھائي كى طرف سے اپنے قتل كى دھمكى پر خوفزدہ نہ ہوئے_لئن بسطت الى يدك لتقتلنى انى اخاف الله رب العالمين ہابيل كا اپنے خوف خدا ( انى اخاف اللہ )پر تاكيد كرنا اس بات كى طرف اشارہ ہوسكتا ہے كہ ميرے دل ميں بھائي كى دھمكى سے ذرا بھر خوف پيدا نہيں ہوا_

۹_ خوف خدا انسان كے دل سے دوسروں كا خوف نكال ديتا ہے_لئن بسطت الى يدك لتقتلنى انى اخاف الله رب العالمين

۱۰_ خدا كا خوف انسان كو جرم كے ارتكاب اور انسان كشى سے روكتا ہے_

ما انا بباسط يدى اليك لاقتلك انى اخاف الله رب العالمين

۱۱_ موت كا سامنا كرتے وقت خدا كا خوف انسان كے حوصلے اور ہمت كو تقويت بخشتا ہے_

لئن بسطت الى يدك انى اخاف الله رب العالمين جملہ ''انى اخاف اللہ'' ''ما انا بباسط ...'' كيلئے علت ہے اور اس سے معلوم ہوتا ہے كہ خوف خدا كى وجہ سے ہابيل نے اپنى موت كے خطرے كو نظر انداز كرديااور قابيل كو موت كے گھاٹ اتارنے ميں پہل كرنے سے اجتناب كيا_

۱۲_ خداوند متعال تمام عوالم ہستى كا پروردگار ہے اور يہ سب اس كى ربوبيت كے پرتو ہيں _انى اخاف الله رب العالمين

۱۳_ تمام ہستى ،خدا كى ربوبيت كے سائے ميں تكامل كى طرف بڑھ رہى ہے_رب العالمين ''رب'' كا مطلب تربيت كرنے والا ہے جبكہ تربيت كا معنى كسى چيز كو اس طرح تدريجى طور پر ايجاد كرنا ہے كہ وہ اپنے كمال تك پہنچ جائے_

۱۴_ خدا كى ربوبيت ظالموں كو كيفر كردار تك پہنچانے كا تقاضا كرتى ہے_انى اخاف الله رب العالمين

بعد والى آيہ شريفہ كے قرينہ كى روشنى ميں معلوم ہوتا ہے كہ ہابيل خدا كى سزا اور دوزخ كے عذاب سے ڈرتے تھے، بنابريں خدا كى رب العالمين سے توصيف كرنے سے پتہ چلتا ہے كہ چونكہ وہ عالمين اور جہانوں كا پروردگار ہے، لہذا ظالموں كو كيفر كردار تك پہنچاتا ہے_

۱۵_ جہان ہستى پر خدا كى وسيع ربوبيت كو مد نظر ركھنا اس سے ڈرنے اور گناہ سے اجتناب كا باعث بنتا ہے_

انى اخاف الله رب العالمين ہابيل كے خوف خدا كا ذكر كرنے كے بعد ''اللہ'' كى ''رب العالمين'' كہہ كر توصيف كرنا اس بات كى علامت ہے كہ چونكہ ہابيل خدا كو تمام اہل جہاں كا پرودرگار سمجھتے تھے،اسلئے اس سے ڈرتے تھے_

۱۶_ تمام جہان ہستى پر خدا كى ربوبيت كے عقيدہ كے ساتھ قتل ہم آہنگ نہيں ہے_

ما انا انى اخاف الله رب العالمين خدائے رب العالمين كے خوف كو قتل كا اقدام نہ كرنے كى علت قرار دينا اس بات پر دلالت كرتا ہے كہ جہان ہستى پر خدا كى ربوبيت كا اقتضاء يہ ہے كہ انسانوں كى جانيں محفوظ ہوں ، بنابريں

جولوگ قتل كے مرتكب ہوتے ہيں انہوں نے اپنے آپ كو ايك طرح سے خدا كى ربوبيت كے مقابل لاكھڑا كيا ہے_

۱۷_ جرم اور انسان كشى رب العالمين كى شان ميں گستاخى اور جسارت پر دلالت كرتے ہيں _

ما انا بباسط يدى اليك لاقتلك انى اخاف الله رب العالمين

۱۸_ قابيل خوف خدا سے عارى اور اس كى وسيع ربوبيت سے غافل تھا_انى اخاف الله رب العالمين

چونكہ ہابيل كے خوف خدا نے انہيں قتل كے اقدام سے روكا، لہذا اس سے معلوم ہوتا ہے كہ قابيل كے دل ميں خدا كا ذرہ بھر خوف نہيں پايا جاتا تھا، كيونكہ اس نے اپنے بھائي كو موت كے گھاٹ اتارنے كا عزم كيا_

۱۹_ متقى لوگوں كے دلوں ميں خوف خدا پايا جاتا ہے_انما يتقبل الله من المتقين انى اخاف الله رب العالمين

خدا نے پہلے ہابيل كو متقى لوگوں كے زمرے ميں قرار ديا ہے اس كے بعد انہيں خوف خداسے متصف كيا ہے_

۲۰_ عالم كا متعدد ہونا_انى اخاف الله رب العالمين

اللہ تعالى:اللہ تعالى كى ربوبيت ۱۲، ۱۳، ۱۴، ۱۵، ۱۶

ايمان:ايمان كے اثرات ۱۶

تجاوز كرنے والے:تجاوز كرنے والوں كى سزا ۱۴

تجري:تجرى كا پيش خيمہ ۱۷

توحيد:توحيد ربوبى ۶

حاسد:حاسدوں سے سلوك۳

حسد:حسد ختم كرنے كى اہميت ۳

حوصلہ بڑھانا:حوصلہ بڑھانے كے اسباب ۱۱

خوف:خوف خدا ۶، ۱۵، ۱۹; خوف خدا كے اثرات ۷، ۹، ۱۰، ۱۱;خوف كے موانع ۹;موت سے خوف كے موانع۱۱

ذكر:ذكر كے اثرات ۱۵

ظلم:ظلم كے موانع۱۰

غضب:غضب ختم كرنے كى اہميت ۳

غفلت:خداسے غفلت ۱۸

قابيل:قابيل كا خوف ۱۸;قابيل كا قصہ ۱;قابيل كى دھمكى ۸; قابيل كى سركشى ۲;قابيل كى غفلت ۱۸

قتل:قتل كے اثرات ۱۷;قتل كے موانع ۷، ۱۰، ۱۶

گناہ:گناہ كے اثرات ۱۷;گناہ كے موانع ۱۵

متقين:متقين كا خوف ۱۹

مومنين: ۶

عالم آفرينش:عالم آفرينش كا تكامل ۱۳; عالم آفرينش كا متعدد ہونا ۲۰;عالم آفرينش كى تدبير ۱۲;عالم آفرينش كى حركت ۱۳

ہابيل:ہابيل اور قابيل ۱، ۴; ہابيل كا ايمان ۶;ہابيل كا تقوي ۶، ۷;ہابيل كا عفو و درگذر ۱;ہابيل كا قصہ ۱، ۷;ہابيل كو دھمكى ۸; ہابيل كى اصلاح پسندى ۲; ہابيل كى بہادرى ۸;ہابيل كى شخصيت ۵; ہابيل كى قدرت ۴;ہابيل كے فضائل۱، ۲، ۵، ۶

آیت ۲۹

( إِنِّي أُرِيدُ أَن تَبُوءَ بِإِثْمِي وَإِثْمِكَ فَتَكُونَ مِنْ أَصْحَابِ النَّارِ وَذَلِكَ جَزَاء الظَّالِمِينَ )

ميں چاہتا ہوں كہ آپ ميرے اور اپنے دونوں كے گناہوں كامركز بن جايئےور جہنميوں ميں شامل ہو جايئے كہ ظالمين كى يہى سزا ہے_

۱_ ہابيل نے اپنے بھائي كے خون ميں ہاتھ رنگين نہ كرنے كا فيصلہ كيا تا كہ اس كے عواقب سے محفوظ رہيں _انى اريد فتكون من اصحاب النار

۲_ قابيل كے حملات كے مقابلے ميں اپنے دفاع كا حق محفوظ سمجھنے كے باوجود ہابيل اپنے بھائي كے قتل

ميں پہل نہ كرنے پر مصر ر ہے_انى اريد ان تبوا باثمي اگر ''اثمي'' سے مراد قابيل كے قتل كا گناہ ہو جو ہابيل كے ہاتھوں انجام پاتا تو اس سے معلوم ہوتا ہے كہ ہابيل نے اسے اطمينان دلايا كہ اگر چہ ميں تجھے قتل كرنے كا ارادہ نہيں ركھتا، ليكن اپنا دفاع كروں گا، اگر چہ اس كے نتيجے ميں تم نخواستہ طور پر مارے جاؤ_

۳_ حضرت ہابيلعليه‌السلام كى نگاہ ميں ان پر حملے كى صورت ميں ان ميں سے ہر ايك كے برے عمل كے تمام نتائج كى ذمہ دارى قابيل پر عائد ہوگي، اور اس كا انہوں نے اپنى گفتگو ميں بھى اظہار كيا_انى اريد ان تبوا باثمى و اثمك

''اثمك'' كے قرينے كى بناپر ''اثمي'' سے مراد وہ گناہ ہيں جو ان دونوں كى لڑائي سے انجام پاتے، كيونكہ سياق و سباق كى روشنى ميں قابيل كے گناہ سے مراد وہى برادر كشى اور اس كيلئے اقدامات كرنا ہے، بنابريں ہابيل كى مراد يہ ہے كہ ميں تم پر حملے ميں پہل اور ہرگز تمہارے قتل كيلئے اقدام نہيں كرونگا، ليكن تمہارى طرف سے پہل اور ممكنہ حملے كى صورت ميں تم ہلاك ہوجاؤ يا ميں مارا جاؤں تو اس كا گناہ تمہارى گردن پر آئے گا_

۴_ لڑائي اور ناروا حملے كا آغاز كرنے والا اپنے اور مقابل شخص كے نقصانات كا ذمہ دار ہے_ان تبوا باثمى و اثمك

۵_ ناروا لڑائيوں كے نتيجے ميں انجام پانے والے گناہوں كى ذمہ دارى لڑائي كے آغاز كرنے والے پر عائد ہوتى ہے، اگر چہ وہ اس كے مقابل شخص كے ہاتھوں انجام پائيں _انى اريد ان تبوا باثمى و اثمك

۶_ حضرت ہابيل نے قابيل كو خبردار كيا كہ انسان كو قتل كرنے كا گناہ بہت بڑا ہے اور قيامت كے دن اس كى بہت سخت سزا ہے_ان تبوا باثمى و اثمك فتكون من اصحاب النار

۷_ خداوند متعال ناحق قتل كيے جانے والوں كے گناہ قاتل كے كھاتے ميں ڈال دے گا_

انى اريد ان تبوا باثمى و اثمك مذكورہ بالا مطلب اس پر مبتنى ہے كہ ''اثمي'' سے مراد مطلق گناہ ہوں ، اس كى حضرت امام باقرعليه‌السلام سے منقول ايك روايت سے بھى تائيد ہوتى ہے كہ آپعليه‌السلام نے فرمايا:من قتل مؤمنا متعمداً اثبت الله عليه جميع الذنوب و برى المقتول منها و ذلك قول الله تعالى و انى اريد ان تبوا باثمى و اثمك فتكون من اصحاب النار'' (۱) جو شخص كسى مومن كو جان بوجھ كر قتل كرے تو خداوند متعال اس كے تمام گناہ اس قاتل كے كھاتے ميں ڈال كر مقتول كو ان سے برى الذمہ قرار دے ديتا ہے، چنانچہ اسى بارے ميں ارشاد خداوندى ہے ''نى اريد أن تبوا باثمى و اثمك فتكون من اصحاب النار''_

____________________

۱) ثواب الاعمال و عقاب الاعمال (ترجمہ شدہ) ص ۶۳۶ ح ۹ باب ''عقاب من قتل نفسا متعمداً'' نورالثقلين ج۱ ص ۶۱۳ ح ۱۳۳_

۸_ انسان كا گناہ ہميشہ اس كے ساتھ ہوتا ہے_ان تبوا باثمى و اثمك

۹_ انسان كے گناہوں كا كسى اور كے ذمہ منتقل ہونا ممكن ہے_انى اريد ان تبوا باثمى و اثمك

''تبوا '' كا معنى ''ترجع'' ہے، يعنى ''اگر تم مجھے قتل كردو تو جب واپس پلٹوگے تو ميرے تمام گناہوں كا بوجھ بھى تمہارے كاندھوں پر آچكا ہوگا'' اور اس كا لازمہ يہ ہے كہ ہابيل كے گناہ قابيل كى گردن پر آگئے تھے_

۱۰_ ہابيل قيامت اور دينى معارف و تعليمات كے معتقد، جنت و جہنم پر يقين ركھنے والے اور اعمال كى جزا و سزا سے آگاہ تھے_انى اخاف الله رب العالمين تبوا باثمى و اثمك فتكون من اصحاب النار

۱۱_ ظالموں كى سزا اور ان كے اعمال كى مناسب پاداش دوزخ كى دائمى آگ ہے_فتكون من اصحاب النار و ذلك جزاء الظالمين لغت ميں ''جزائ'' اس سزا اور پاداش كو كہتے ہيں جو كافى ہو_

۱۲_ قتل اور برادركشى ظلم اور جہنم كى آگ ميں ڈالے جانے كا باعث بنتى ہے_قال لاقتلنك قال و ذلك جزاء الظالمين

۱۳_ خوف خدا اور قيامت كى ياد انسان كو ظلم و گناہ كے ارتكاب اور جہنم كے عذاب ميں مبتلا ہونے سے بچاتى ہے_

انى اخاف الله رب العالمين_ انى اريد ان تبوا باثمى فتكون من اصحاب النار

آدمعليه‌السلام كے بيٹے:آدمعليه‌السلام كے بيٹوں كى داستان ۲

اہل جہنم:اہل جہنم كا ہميشہ رہنا ۱۱;اہل جہنم كى سزا ۱۱

ايمان:جنت پر ايمان ۱۰;جہنم پر ايمان ۱۰;دينى تعليمات پر ايمان ۱۰;معاد اور قيامت پر ايمان ۱۰

بھائي:بھائي كو قتل كرنا ۱۲

تجاوز :تجاوز كا آغاز كرنے والا ۴، ۵; تجاوز كرنے كى سزا ۴، ۵

جہنم:جہنم كى آگ ۱۱;جہنم كے اسباب ۱۲; جہنم كے موانع ۱۳

خوف:خوف خدا كے اثرات ۱۳

دفاع:دفاع كا حق ۲

ظالمين:ظالمين كى سزا ۱۱

ظلم:ظلم كے موارد ۱۲;ظلم كے موانع ۱۳

عمل:عمل كاثبت ہونا ۷;عمل كى پاداش ۱۰;عمل كى سزا ۱۰

قابيل:قابيل كا قصہ ۳;قابيل كو خبردار كرنا ۶

قاتل:قاتل كا گناہ ۷;قاتل كو خبردار كرنا ۶

قتل:قتل سے اجتناب ۲;قتل كا ظلم ۱۲;قتل كا گناہ ۶; قتل كى اخروى سزا ۶;قتل كے اثرات ۱; ناحق قتل ۷

گناہ:گناہ كا منتقل ہونا ۹;گناہ كبيرہ ۶;گناہ كے اثرات ۸;گناہ كے موانع ۱۳

مقتول:مقتول كا گناہ ۷

ناپسنديدہ عمل كا ذمہ دار: ۳، ۴، ۵

ہابيل:ہابيل اور قابيل ۱، ۲;ہابيل كا خبردار كرنا ۶ہابيل كا عقيدہ ۳، ۱۰;ہابيل كا قصہ ۱، ۲، ۳

ياد:قيامت كى ياد كے اثرات ۱۳

آیت ۳۰

( فَطَوَّعَتْ لَهُ نَفْسُهُ قَتْلَ أَخِيهِ فَقَتَلَهُ فَأَصْبَحَ مِنَ الْخَاسِرِينَ )

پھر اس كے نفس نے اسے بھائي كے قتل پر آمادہ كرديا اور اس نے اسے قتل كرديا اور وہ خسارہ والوں ميں شامل ہوگيا_

۱_ قابيل اپنے بھائي ہابيل كو قتل كرنے كے سلسلے ميں اپنى خواہشات نفسانى كے ساتھ اندرونى كشمكش اور الجھاؤ كا شكار رہا_فطوعت له نفسه قتل اخيه

۲_ قابيل كے نفسانى وسوسوں نے اس كيلئے بھائي كے

قتل كى راہ ہموار كي_فطوعت له نفسه ''طوعت'' كا مصدر تطويع ہے جس كا معنى ''تسہيل'' اور ''متابعت '' ہے، مذكورہ بالا مطلب پہلے معنى كى بنياد پر ہے_

۳_ قابيل كے نفسانى وسوسوں نے اسے ہابيل كو قتل كرنے پر اكسايا_فطوعت له نفسه قتل اخيه فقتله

۴_ قابيل اپنے نفسانى وسوسوں كا فريفتہ تھا_فطوعت له نفسه قتل اخيه فقتله

۵_ قابيل نے اپنے بھائي ہابيل كو قربانى كے واقعہ كے بعدقتل كيا_اذ قربا قرباناً فطوعت له نفسه قتل اخيه فقتله

۶_ انسان كى خواہشات نفسانى اسے ناپسنديدہ اعمال كى طرف مائل كرتى ہيں _فطوعت له نفسه قتل اخيه

۷_ انسان كے باطن ميں (گناہ كى طرف دعوت دينے اور اس سے روكنے والي) دو متضاد قوتيں پائي جاتى ہيں _

فطوعت له نفسه قتل اخيه اگر ''تطويع'' كا معنى تسہيل ہو تو اس كا مطلب ہوگا كہ قابيل كے اندر موجود ايك قوت اسے قتل كے ارتكاب سے روكتى تھي، ليكن آخر كار اس كى ہوا و ہوس اور نفسانى خواہشات اس روكنے والى قوت پر غالب آگئيں _

۸_ ہوائے نفس ميں انسانى اور برادرانہ احساسات اور جذبات كو كچلنے كى طاقت ہے_فطوعت له نفسه قتل اخيه

كلمہ ''اخيہ'' كے ساتھ تصريح كرنا اس بات كى علامت ہے كہ برادرانہ احساسات و جذبات بھى قابيل كو نفسانى خواہش كى تكميل (ہابيل كے قتل ) سے نہ روك سكے_

۹_ انسانى نفس كى ديدہ دليرى اسے قتل اور جرائم كے ارتكاب كى حد تك لے جاتى ہے_فطوعت له نفسه قتل اخيه

۱۰_ قابيل نے اپنے بھائي ہابيل كے خبردار كرنے اور اس كے وعظ و نصيحت پر توجہ نہ كي_انى اخاف الله رب العالمين _ انى اريد فطوعت له نفسه قتل اخيه فقتله

۱۱_ انسان كا حسد اور نفسانى ہوا و ہوس اسے نصيحت قبول كرنے اور عاقبت انديشى سے روك ديتے ہيں _

انى اخاف الله رب العالمين_ انى اريد فطوعت له نفسه قتل اخيه فقتله

۱۲_ قابيل نقصان اٹھانے والوں كے زمرے ميں ہے_فاصبح من الخاسرين

۱۳_ اپنے بھائي ہابيل كو قتل كرنے كى وجہ سے قابيل كو نقصان اٹھانا پڑا _فقتله فاصبح من الخاسرين

۱۴_ انسان كو قتل كرنے كا نتيجہ گھاٹا اور تباہى و بربادى ہے_فقتله فاصبح من الخاسرين

۱۵_ نفسانى ہوا و ہوس كے پيروكار ہميشہ گھاٹے اور نقصان كے خطرے سے دوچار رہتے ہيں _فطوعت له نفسه قتل اخيه فقتله فاصبح من الخاسرين

۱۶_ قابيل كا نفس قابيل كى خواہشات كے جال ميں گرفتارتھا، اور اس نے قابيل كے اپنے بھائي ہابيل كو قتل كرنے كے پكے ارادہ كو قبول كرليا_فطوعت له نفسه قتل اخيه ''طوعت'' كا معنى ''تابعت'' ہوسكتا ہے، يعنى قابيل كے نفس نے اپنے بھائي ہابيل كے قتل كے سلسلے ميں قابيل كى متابعت اور پيروى كي، اس احتمال كى بناپر قابيل نے اپنے نفس كو دھوكہ ديا اور اسے مطيع بناليا نہ يہ كہ وہ اپنى نفسانى خواہشات كا غلام بنا تھا_

۱۷_ انسان گناہ كا مرتكب ہونے كيلئے اپنے نفس كو سمجھانے بجھانے كى قدرت ركھتا ہے_فطوعت له نفسه قتل اخيه فقتله

۱۸_ اپنے حريفوں پرغلبہ اور تسلط ہميشہ مكمل كاميابى كى علامت نہيں ہوتا_فقتله فاصبح من الخاسرين

۱۹_ قابيل نے اپنے بھائي ہابيل كو قتل كرنے كا طريقہ شيطان سے سيكھا_فطوعت له نفسه قتل اخيه فقتله

امام سجادعليه‌السلام سے روايت ہوئي ہے كہ آپعليه‌السلام نے مذكورہ آيہ شريفہ كى تلاوت كے بعد فرمايا: فلم يدر كيف يقتلہ حتى جاء ابليس فعلمہ(۱) اسے پتہ نہيں تھا كہ كس طرح قتل كرے يہاں تك كہ شيطان اس كے پاس آيا اور اسے قتل كا طريقہ سكھايا

۲۰_ دمشق ميں واقع كوہ قاسيون وہ جگہ ہے، جہاں ہابيل اپنے بھائي كے ہاتھوں قتل ہوئے_فطوعت له نفسه قتل اخيه فقتله رسول خداصلى‌الله‌عليه‌وآله‌وسلم سے روايت ہے كہ:بدمشق جبل يقال له قاسيون فيه قتل ابن آدم اخاه (۲) آدمعليه‌السلام كے بيٹے نے اپنے بھائي كو دمشق كے قاسيون نامى پہاڑ پر قتل كيا_

____________________

۱) تفسير قمي، ج۱، ص ۱۶۵ ،نورالثقلين ج۱، ص ۶۱۶، ح۱۴۰_

۲) الدرالمنثور ج۳، ص ۶۱_