امامين حسنين عليهما السلام ثقافتى اور فکر اسلامى - نيٹ ورک

تفسير راہنما جلد ۴

۲_ يہود و نصاري سے دوستانہ روابط استوار كرنا حرا م ہے_لا تتخذوا اليهود و النصاري اولياء

مذكورہ بالا مطلب ميں (ولي) كے متعدد معانى ميں سے ايك يعنى دوست مراد ليا گيا ہے_

۳_ يہود و نصاري ناقابل اعتماد لوگ ہيں اور مسلمانوں كى طرف سے دوستانہ روابط ركھنے كے لائق نہيں ہيں _

يا ايها الذين آمنوا لا تتخذوا اليهود والنصاري اولياء كلمہ ''اتخاذ'' كا معنى چننا اور اعتماد كرنا ہے_ (مجمع البيان)

۴_ ايمان اور يہود و نصارى كے ساتھ دوستى بڑھانا آپس ميں سازگار اور موافق نہيں ہيں _

يا ايها الذين آمنوا لا تتخذوا اليهود والنصاري اولياء مسلمانوں كو اہل ايمان كے عنوان سے مخاطب كرنا اور پھر انہيں يہود و نصاري كے ساتھ دوستانہ تعلقات استوار كرنے سے منع فرمانا مذكورہ بالا مطلب پر دلالت كرتا ہے_

۵_ محبت آميز تعلقات اور روابط برقرار كرنے كا لازمى معيار ايمان اور اسلامى عقيدہ ہے_يا ايها الذين آمنوا لا تتخذوا اليهود و النصاري اولياء

۶_ يہود و نصاري صرف آپس ميں ايك دوسرے اور اپنے ہم عقيدہ لوگوں كے ساتھ دوستانہ روابط استوار كرتے اور اس پر پابند و وفادار رہتے ہيں _يا ايها الذين آمنوا لا تتخذوا اليهود و النصارى اولياء بعضهم اولياء بعض

چونكہ جملہ ''بعضھم اولياء بعض'' جملہ ''لا تتخذوا ...'' كيلئے دليل كى حيثيت ركھتا ہے اس لئے اسى سے حصر كا معنى استفادہ ہوتا ہے_

۷_ يہود و نصاري كبھى بھى مسلمانوں كے ساتھ كيے گئے اپنے معاہدوں اور تعلقات پر پورا نہيں اتريں گے_

بعضهم اولياء بعض

۸_ يہود و نصاري كے ساتھ تعلقات استوار كرنے كى حرمت كا فلسفہ يہ ہے كہ وہ كبھى بھى مسلمانوں كے ساتھ كئے گئے اپنے معاہدوں كى پابندى نہيں كرتے_لا تتخذوا اليهود و النصاري اولياء بعضهم اولياء بعض

۹_ اسلام كامقابلہ كرنے كےلئے يہود و نصاري ايك دوسرے سے تعاون اور دوستانہ تعلقات استوار

كرتے ہيں _يا ايها الذين آمنوا لا تتخذوا اليهود والنصاري اولياء بعضهم اولياء بعض

چونكہ يہود و نصاري ايك دوسرے كے ساتھ سخت دشمنى اور كينہ ركھتے ہيں ، لہذا اس سے معلوم ہوتا ہے كہ ان كى آپس ميں دوستى كہ جو جملہ (بعضھم ...) سے استفادہ ہوتى ہے، كا مقصد اسلام كا مقابلہ كرنا ہے_

۱۰_ يہود و نصارى كا ايك دوسرے كے ساتھ تعلقات اور روابط برقرار كرنا مسلمانوں كيلئے خطرے كى گھنٹى ہے_

لا تتخذوا اليهود و النصاري اولياء بعضهم اولياء بعض چونكہ مسلمانوں كے يہود و نصارى كے ساتھ دوستانہ تعلقات استوار نہ كرنے كى دليل ان كے آپس كے روابط كو قرار ديا گيا ہے، اس سے معلوم ہوتا ہے ان كے آپس كے تعلقات مسلمانوں كيلئے انتہائي خطرناك ہيں _

۱۱_ يہود و نصاري كى سرپرستى اور ولايت قبول كرنے والے مومنين حقيقى اور سچے مومنين كى صف سے خارج اور كفار كے زمرے ميں آتے ہيں _و من يتولهم منكم فانه منهم

۱۲_ جو لوگ يہود و نصاري كے ساتھ دوستانہ روابط برقرار كريں ان سے قطع تعلق كرنا لازمى ہے_

لا تتخذوا اليهود والنصاري اولياء و من يتولهم منكم فانه منهم جملہ (فانہ منھم) سے معلوم ہوتا ہے كہ ہر وہ مسلمان جو يہود و نصاري كى ولايت و سرپرستى قبول كرے يا ان سے دوستانہ روابط برقرار كرے اس كا شمار انہى كے زمرے ميں ہوگا اور جملہ ''و لا تتخذوا ...'' دلالت كرتا ہے كہ ان سے دوستانہ روابط برقرار نہيں كرنے چاہئيں _

۱۳_ دشمنوں سے برائت اور بيزارى كا اظہار مومنين كا فريضہ ہے_لا تتخذوا اليهود و النصاري اولياء و من يتولهم منكم فانه منهم

۱۴_ ظالم و ستم كار ہدايت خداوندمتعال سے محروم ہيں _ان الله لا يهدى القوم الظالمين

۱۵_ يہود و نصاري گمراہ اور ظالم لوگ ہيں _ان الله لا يهدى القوم الظالمين

صدر آيت كے قرينہ كى بناپر ''الظالمين'' كے مورد نظر مصاديق ميں سے ايك مصداق يہود و نصاري ہيں _

۱۶_ يہود و نصاري كى ولايت و سرپرستى قبول كرنے والے مسلمان گمراہ اور ظالموں كے زمر ے ميں آتے ہيں _

و من يتولهم منكم فانه منهم ان الله لا يهدى القوم الظالمين

۱۷_ يہود و نصاري سے دوستى اور ان كى ولايت و سرپرستى

قبول كرنا ظلم اور ہدايت خداوندى سے محروم ہونے كا موجب بنتا ہے_و من يتولهم منكم فانه منهم ان الله لا يهدى القوم الظالمين

۱۸_ انسانوں كى ہدايت صرف خداوند متعال كے اختيار ميں ہے_ان الله لا يهدى القوم الظالمين

۱۹_ انسانى معاشرے ہدايت خداوندى كے محتاج ہيں _ان الله لا يهدى القوم الظالمين

ہدايت خداوندعالم سے محروميت كو اس وقت ظالموں كيلئے دھمكى قرار ديا جاسكتا ہے جب تمام لوگ اس كے محتاج ہوں _

احكام: ۲، ۸احكام كا فلسفہ ۸

اسلام:اسلام كے ساتھ مقابلہ ۹

اللہ تعالى:اللہ تعالى سے مختص امور ۱۸; اللہ تعالى كى جانب سے ہدايت ۱۸، ۱۹; اللہ تعالى كى ہدايت سے محروميت ۱۴، ۱۷

ايمان:ايمان كى قدر و قيمت ۵;ايمان كے اثرات ۴

تبرا:تبرا كى اہميت ۱

حرام تعلقات: ۸

دشمن:دشمنان اسلام ۹;دشمنوں سے اظہار برائت ۱۳

دوستي:حرام دوستى ۲; دوستى كا معيار ۵سياسى نظام: ۱، ۳ ، ۴ ، ۱۲

ظالمين: ۱۵، ۱۶ظالمين كا محروم ہونا ۱۴

ظلم:ظلم كے موارد۱۷

عيسائي:عيسائي اور اسلام ۹; عيسائي اور مسلمان ۳، ۷، ۸; عيسائيوں سے دوستى ۲، ۳، ۴، ۸، ۱۷;عيسائيوں سے دوستى ترك كرنا ۱۲;عيسائيوں كا خطرہ ۱۰; عيسائيوں كا ظلم ۱۵; عيسائيوں كى دوستى ۶; عيسائيوں كى عہد شكنى ۷، ۸; عيسائيوں كى گروہ بازى ۶;عيسائيوں كى گمراہى ۱۵;عيسائيوں كى نسل پرستى ۶;عيسائيوں كى ولايت سے روگردانى ۱;عيسائيوں كى ولايت قبول كرنا ۱۱، ۱۶، ۱۷

كفار:۱۱كفار كى ولايت و سرپرستى كے اثرات ۱۱، ۱۶

گمراہ لوگ: ۱۵، ۱۶

محر مات: ۲، ۸

مسلمان:ظالم مسلمان ۱۶ ;گمراہ مسلمان ۱۶;مسلمانوں كو خبردار كرنا ۱۰;مسلمانوں كى ذمہ دارى ۱

معاشرت:معاشرتى آداب ۱۲;ناپسنديدہ معاشرت ۱۲

معاشرتى نظام :۴ ، ۱۲

معاشرہ:معاشرے كى معنوى ضروريات ۱۹

مؤمنين:مؤمنين كى ذمہ دارى ۱۳

ہدايت:ہدايت كا سرچشمہ ۱۸;ہدايت كے موانع۱۴

يہود:يہود اور اسلام ۹; يہود اور عيسائي ۹، ۱۰;يہود اور مسلمان ۳، ۷، ۸; يہود سے دوستى ۲، ۳، ۴، ۸، ۱۷ ; يہود سے دوستى ترك كرنا ۱۲;يہود كا خطرہ ۱۰; يہود كا ظلم ۱۵;يہود كى دوستى ۶; يہود كى عہد شكنى ۷، ۸; يہود كى گروہ بازى ۶;يہود كى گمراہى ۱۵; يہود كى نسل پرستى ۶;يہود كى ولايت سے روگردانى ۱; يہود كى ولايت قبول كرنا ۱۱، ۱۶، ۱۷

آیت ۵۲

( فَتَرَى الَّذِينَ فِي قُلُوبِهِم مَّرَضٌ يُسَارِعُونَ فِيهِمْ يَقُولُونَ نَخْشَى أَن تُصِيبَنَا دَآئِرَةٌ فَعَسَى اللّهُ أَن يَأْتِيَ بِالْفَتْحِ أَوْ أَمْرٍ مِّنْ عِندِهِ فَيُصْبِحُواْ عَلَى مَا أَسَرُّواْ فِي أَنْفُسِهِمْ نَادِمِينَ )

پيغمبر آپ ديكھيں گے كہ جن كے دلوں ميں نفاق كى بيمارى ہے وہ دوڑ دوڑ كر ان كى طرف جار ہے ہيں اور يہ عذر بيان كرتے ہيں كہ ہميں گردش زمانہ كا خوف ہے _ پس عنقريب خدا اپنى طرف سے فتح ياكوئي دوسرا امر لے آئے گا تويہ اپنے دل كے چھپائے ہوئے راز پر پشيمان ہوجائيں گے_

۱_ پيغمبر اكرمصلى‌الله‌عليه‌وآله‌وسلم كمزور ايمان اور بيمار دل افراد كى طرف سے يہود و نصاري كے ساتھ جاملنے كى آشكار اور جلد بازى ميں كى جانے والى كوششوں كا مشاہدہ كرر ہے تھے_فترى الذين فى قلوبهم مرض يسارعون فيهم

كلمہ ''فيھم'' سے معلوم ہوتا ہے كہ بيمار دل افراد يہود و نصاري كے ساتھ دوستى كے منصوبے بنانے كے علاوہ ان سے جاملنے كى فكر ميں تھے_

۲_ كمزور ايمان كے مالك بيمار دل افراد اور ہدايت خداوندى سے محروم لوگ يہود وو نصاري كى ولايت و دوستى قبول كرنے ميں جلد بازى كرتے ہيں _فترى الذين فى قلوبهم مرض يسارعون فيهم گذشتہ آيات كے قرينہ كى بناپر مذكورہ بالا مطلب ميں''يسارعون فيهم'' كو''يسارعون فى توليهم'' كے معنى ميں ليا گيا ہے_

۳_ دل كى بيمارى اور ايمان كى كمزورى فرامين خداوندى كى خلاف ورزى كا پيش خيمہ ہے_

لا تتخذوا اليهود والنصاري اولياء فترى الذين فى قلوبهم مرض يسارعون فيهم

۴_ ايمان كى كمزورى يہود و نصاري كى طرف مائل ہونے اور ان سے دوستانہ روابط برقرار كرنے كا پيش خيمہ ہے_

فترى الذين فى قلوبهم مرض يسارعون فيهم بيمار دل افراد سے مراد وہ لوگ ہيں جو پيغمبر اكرمصلى‌الله‌عليه‌وآله‌وسلم كى حقانيت يا بعض دينى معارف كے بارے ميں شك و ترديد ركھتے اور كمزور ايمان كے مالك ہوں _

۵_ دل كى بيمارى اور ايمان كى كمزورى ہدايت خداوندى سے محروميت كا پيش خيمہ ہے_ان الله لا يهدى القوم الظالمين _ فترى الذين فى قلوبهم مرض يسارعون فيهم

۶_ بيمار دل اور كمزور ايمان كے مالك افراد كا يہود و نصاري كى ولايت قبول كرنے اور ان سے دوستانہ تعلقات استوار كرنے ميں جلد بازى كرنا، ہدايت الہى سے ان كى محروميت كا نتيجہ ہے_ان الله لا يهدى القوم الظالمين_ فترى الذين فى قلوبهم مرض يسارعون فيهم

۷_ ہدايت خداوندى سے محروميت انحراف اور باطل كى طرف قدم بڑھانے ميں جلد بازى كا باعث بنتى ہے_

ان الله لا يهدى القوم الظالمين _ فترى الذين فى قلوبهم مرض يسارعون فيهم

۸_ بيمار دل اور كمزور ايمان كے مالك افراد ظالموں كے زمرے ميں آتے ہيں _

ان الله لا يهدى القوم الظالمين_ فترى الذين فى قلوبهم مرض يسارعون فيهم

۹_ بعض بيمار دل مسلمانوں كا يہود و نصاري كى طرف بے انتہاء مائل ہونا، ظالموں كے ہدايت خداوندى سے محروم ہونے پر واضح و روشن دليل ہے_ان الله لا يهدى القوم الظالمين_ فترى الذين فى قلوبهم مرض يسارعون فيهم

جملہ'' فتري'' كو جملہ '' ان اللہ ...'' پر متفرع كرنے سے معلوم ہوتا ہے كہ بيمار دل افراد كا گہرا رجحان جملہ'' ان اللہ لا يھدى '' كے ايك مصداق كا بيان ہے_

۱۰_ دل كا سالم اور ايمان كا راسخ ہونا ظلم و ستم اور عصيان و نافرمانى سے اجتناب كا باعث اور خدا كى خاص ہدايت سے بہرہ مند ہونے كا موجب بنتا ہے_ان الله لا يهدى القوم الظالمين_ فترى الذين فى قلوبهم مرض يسارعون فيهم

۱۱_ خداوند متعال نے ان مسلمانوں كى مذمت كى ہے جو يہود و نصاري كے ساتھ محبت آميز تعلقات استوار اور ان كى ولايت قبول كرتے ہيں _فترى الذين فى قلوبهم مرض يسارعون فيهم

۱۲_ عہد بعثت كے كمزور ايمان اور بيمار دل مسلمان اسلام كى ناپائيدارى اور شكست كے وہم و گمان كى بناپراپنى عاقبت كے بارے ميں پريشان رہتے تھے_يقولون نخشى ان تصيبنا دائرة ممكن ہے ''دائرة'' سے مراد موجودہ حالات كى بجائے گذشتہ حالات كا واپس لوٹ آناہو، يعنى اسلام كى شكست اور كفر و شرك كى واپسي_

۱۳_ عہد پيغمبرصلى‌الله‌عليه‌وآله‌وسلم كے بيمار دل مسلمان صرف اس مقصد كى خاطر يہود و نصاري سے دوستى كرتے اور ان كى ولايت قبول كرتے تھے كہ اگر كہيں اسلام شكست كھاجائے تو ان كيلئے ايك پر امن پناہگاہ موجود ہو_يقولون نخشى ان تصيبنا دائرة

۱۴_ بيمار دل افراد مصلحت انديشى اور ممكنہ ناگوار حوادث سے خوف كو يہود و نصاري سے دوستى كا بہانہ قرار ديتے تھے_يقولون نخشى ان تصيبنا دائرة ''دائرة '' كا مصدر '' دصوصرصان'' يعنى گھومنا ہے، جبكہ مذكورہ مطلب ميں ناگوار حوادث كے معنى ميں ليا گيا ہے، كيونكہ زمانے كى گردش كبھى كبھار قحط، خشك سالى اور اس طرح كے دوسرے تلخ حوادث سے دوچار كرديتى ہے_

۱۵_ ديندارى كا اظہار كرنے كے باوجود اپنى عاقبت كو اسلام و مسلمين كى عاقبت سے عليحدہ كرلينا دل كى بيمارى اور ايمان كى كمزورى كى علامت ہے_فترى الذين فى قلوبهم مرض يقولون نخشى ان تصيبنا دائرة

۱۶_ فرامين الہى كے مقابلے ميں مصلحت انديشى سے كام لينا انتہائي گھٹيا اور ناپسنديدہ فعل ہے_لا تتخذوا يقولون نخشى ان تصيبنا دائرة

۱۷_ خداوند متعال نے دشمنان دين كے مقابلے ميں مسلمانوں كى فتح و كامرانى يا غيبى امداد كے ذريعے حمايت كى خوشخبرى دى ہے_فعسى الله ان ياتى بالفتح او امر من عنده

۱۸_ اسلام كى ناپائيدارى اور شكست كے بارے ميں

بيمار دل اور كمزور ايمان افراد كے وہم و گمان كو خداوند متعال نے بالكل غلط ثابت كرديا_فعسي الله ان ياتى بالفتح او امر من عنده

۱۹_ يہود و نصاري كے مقابلے ميں خداوند متعال نے مسلمانوں كو عزت اور شان و شوكت عطا كى ہے_فعسى الله ان ياتى بالفتح او امر من عنده

۲۰_ يہود و نصاري كے ساتھ دوستانہ تعلقات استورا كرنے اور ان كى ولايت قبول كرنے كا نتيجہ پشيمانى اور پچھتاوے كے سوا كچھ نہيں _يسارعون فيهم فيصبحوا على ما اسروا فى انفسهم نادمين

۲۱_ دشمنان اسلام كى شكست ،كمزور ايمان مسلمانوں كيلئے يہود و نصاري سے دل بستگى پر پچھتاوے كا سبب بنے گي_

فعسي الله ان ياتى بالفتح فيصبحوا على ما اسروا فى انفسهم نادمين مذكورہ بالا مطلب ميں جملہ ''ما اسروا'' كى تفسير گذشتہ آيت ميں موجود جملہ ''و من يتولھم منكم'' كے قرينے كى بناپر ''مسلمانوں كى يہود و نصاري كے ساتھ دل بستگي'' كى گئي ہے_

۲۲_ مسلمانوں كى فتح و كاميابي، عہد بعثت كے ان بيمار دل اور كمزور ايمان مسلمانوں كيلئے پشيمانى كا باعث بنى جو اسلام كى حقانيت كے بارے ميں شك و ترديد كا شكار تھے_فعسى الله ان ياتى بالفتح او فيصبحوا علي ما اسروا فى انفسهم نادمين مذكورہ بالا مطلب اس مبنا پر اخذ كيا گيا ہے، جب ''ما اسروا فى انفسھم'' سے مراد كمزور ايمان مسلمانوں كا، حقانيت اسلام كے بارے ميں پايا جانے والا شك و تردد ہو اور'' فى قلوبهم مرض'' اس احتمال كى تائيد كرتا ہے_

۲۳_ دشمنان دين پر عذاب خداوندى كانزول ان كمزور ايمان مسلمانوں كيلئے پشيمانى اور پچھتاوے كا سبب بنا جو يہود و نصاري سے دل لگائے بيٹھے تھے_او امر من عنده فيصبحوا علي ما اسروا فى انفسهم نادمين مذكورہ بالا مطلب اس بناپر اخذ كيا گيا ہے جب امر سے مراد دنيوى عذاب ہو_

۲۴_ عہد بعثت كے مشركين اور يہود و نصاري ہميشہ عذاب الہى ميں مبتلا ہونے كے خطرے سے دوچار رہتے تھے_

او امر من عنده فيصبحوا على ما اسروا فى انفسهم نادمين

۲۵_ اسلام كى فتح و كاميابى كو ديكھ كر ان كمزور ايمان مسلمانوں كو اپنے خفيہ منصوبوں پر شرمندگى كا سامنا كرنا پڑا جنہيں وہ اپنے خيال ميں مسلمانوں كى

شكست كے نتيجے ميں پيدا ہونے والى مشكلات سے چھٹكارا پانے كيلئے تيار كرتے تھے_فيصبحوا على ما اسروا فى انفسهم نادمين

۲۶_ عہد بعثت كے كمزور ايمان مسلمان يہود و نصاري سے محبت و الفت ركھتے تھے_ما اسروا فى انفسهم

اسلام:اسلام كى حقانيت ۲۲;اسلام كى شكست ۱۸;صدر اسلام كى تاريخ ۱

اللہ تعالى:اللہ تعالى كا عذاب ۲۳، ۲۴;اللہ تعالى كا لطف ۱۹; اللہ تعالى كى بشارت ۱۷ ;اللہ تعالى كى خاص ہدايت ۱۰; اللہ تعالى كى طرف سے سرزنش ۱۱، ۱۸;اللہ تعالى كى ہدايت ۷; اللہ تعالى كى ہدايت سے محروميت ۵، ۶، ۹;اللہ تعالى كے اوامر ۱۶

امداد:غيبى امداد ۱۷

انحراف:انحراف كے علل و اسباب ۷;انحراف ميں جلد بازى كرنا ۷

ايمان:ايمان كى كمزورى ۱۸;ايمان كى كمزورى كى علامات ۱۵;ايمان كى كمزورى كے اثرات ۳، ۴، ۵;ايمان كے اثرات ۱۰

باطل:باطل كى طرف رجحان۷

پچھتاوا:پچھتاوے كے اسباب ۲۱، ۲۲، ۲۳ ;پچھتاوے كے موارد ۲۰

خود محوري:خود محورى كى سرزنش ۱۵

خوف :خوف كے اثرات ۱۳، ۱۴;شكست كا خوف ۱۳;مشكلات سے خوف ۱۴

دشمن:دشمنان دين ۱۷;دشمنوں كا عذاب ۲۳;دشمنوں كى سازش ۱;دشمنوں كى شكست ۲۱

دوستي:ناپسنديدہ دوستى ۱۱

ظالمين: ۸ظالمين كى محروميت ۹

ظلم:ظلم ترك كرنے كا پيش خيمہ ۱۰

عصيان:

عصيان ترك كرنے كا پيش خيمہ۱۰; عصيان كا پيش خيمہ ۲

عقيدہ:باطل عقيدہ ۱۸

عيسائي:صدر اسلام كے عيسائي ۲۴; عيسائيوں پر عذاب ۲۴ ;عيسائيوں سے دوستى ۱۳، ۱۴، ۲۰، ۲۳;عيسائيوں سے دوستى كا پيش خيمہ ۴ ; عيسائيوں سے محبت كا پيش خيمہ ۴ ; عيسائيوں كى طرف مائل ہونا ۲۱ ; عيسائيوں كى ولايت قبول كرنا ۲، ۶، ۱۱، ۱۳، ۲۰

فتح:فتح كے اسباب ۱۷

قلب:بيمار قلب ۱، ۶، ۸، ۹، ۱۴، ۲۲; بيمار قلب كى پريشانى ۱۲; بيمار قلب كى سازش ۲;بيمار قلب كى سرزنش ۱۸;بيمارى قلب كى علامات ۱۵; بيمارى قلب كے اثرات۳،۵;سلامتى قلب كے اثرات ۱۰

كم ہمتي:كم ہمتى كے اثرات ۱۳

محروم لوگ:ہدايت خداوندى سے محروم لوگ ۲۱

مسلمان:صدر اسلام كے مسلمان ۱۳، ۲۲، ۲۵، ۲۶ ;صدر اسلام كے مسلمانوں كى پريشانى ۱۲; كمزور ايمان مسلمان ۱۳، ۱۵، ۱۸، ۲۱، ۲۲، ۲۳، ۲۵، ۲۶; مسلمان اور عيسائي ۱۹، ۲۶ ; مسلمان اور يہودى ۱۹، ۲۶ ;مسلمانوں كو بشارت ۱۷ ;مسلمانوں كى امداد ۱۷; مسلمانوں كى پشيماني۲۱،۲۳،۲۵ ; مسلمانوں كى حمايت ۱۷; مسلمانوں كى سرزنش ۱۱; مسلمانوں كى عزت ۱۹; مسلمانوں كى فتح۲۲ ;مسلمانوں كے رجحانات۲۶

مسيحيت:دين مسيحيت قبول كرنا ۹

مشركين:صدر اسلام كے مشركين ۲۴;مشركين كا عذاب ۲۴

مصلحت انديشي:ناپسنديدہ مصلحت انديشى ۱۴، ۱۵، ۱۶

ہدايت:ہدايت سے محروميت كے اثرات ۷;ہدايت كا پيش خيمہ ۱۰;ہدايت كے موانع ۵

يہود:صدر اسلام كے يہود ۲۴; يہود سے دوستى ۱۳، ۱۴، ۲۰، ۲۳;يہود سے دوستى كے اسباب ۴;يہود سے محبت كے اسباب ۴;يہود كا دين قبول كرنا ۹; يہود كا عذاب ۲۴ ; يہود كى جانب مائل ہونا ۲۱;يہود كى ولايت قبول كرنا ۲، ۶، ۱۱، ۱۳، ۲۰

آیت ۵۳

( وَيَقُولُ الَّذِينَ آمَنُواْ أَهَـؤُلاء الَّذِينَ أَقْسَمُواْ بِاللّهِ جَهْدَ أَيْمَانِهِمْ إِنَّهُمْ لَمَعَكُمْ حَبِطَتْ أَعْمَالُهُمْ فَأَصْبَحُواْ خَاسِرِينَ )

اور صاحبان ايمان كہيں گے كہ كيا يہى لوگ ہيں جنہوں نے نام خدا پر سخت ترين قسميں كھائي تھيں كہ ہم تمہارے ساتھ ہيں تو اب ان كے اعمال بربادہوگئے اور يہ خسارہ والے ہوگئے _

۱_ يہود و نصاري تاكيد كے ساتھ ان مسلمانوں كى مدد كرنے كى قسم كھاتے تھے، جن كے ان كے ساتھ دوستانہ تعلقات تھے_اهولاء الذين اقسموا بالله جهد ايمانهم انهم لمعكم مذكورہ بالا مطلب اس بنا پر اخذ كيا گيا ہے كہ جب ''ھولاء ''يہود و نصاري كى طرف اشارہ ہو اور ''لمعكم'' ميں ان بيمار دل افراد كو مخاطب كيا گيا ہو، جو يہود و نصارى كے ساتھ دوستانہ تعلقات ركھتے تھے_ كلمہ ''جھد''،'' اقسموا ''كيلئے مفعول مطلق ہے، يعنى انہوں نے بہت بڑى قسم كھائي_

۲_ يہود و نصاري اپنے ساتھ دوستانہ تعلقات استوار كرنے والے مسلمانوں كى مدد كرنے سے عاجز تھے_

اهولاء الذين اقسموا بالله جهد ايمانهم انهم لمعكم جملہ'' اھولاء ...'' كا ملامت آميز لب و لہجہ اس چيز كى حكايت كرتا ہے كہ يہود و نصاري عہد پيغمبر اكرمصلى‌الله‌عليه‌وآله‌وسلم ميں اس طرح ذليل و رسوا ہوئے كہ كمزور ايمان مسلمانوں كے ساتھ كيے گئے وعدوں اور معاہدوں پر عمل نہ كر سكے_

۳_ يہود و نصاري عہد پيغمبرصلى‌الله‌عليه‌وآله‌وسلم ميں نہ صرف اپنى شان و شوكت كھو بيٹھے، بلكہ ذلت و رسوائي سے دوچار ہوئے_

اهولاء الذين اقسموا بالله جهد ايمانهم انهم لمعكم

۴_ فتح و كامرانى كے بعد حقيقى اور سچے مؤمنين نے ان فريب خوردہ مسلمانوں كى مذمت كى جو يہود و نصاري سے آس لگائے بيٹھے تھے_اهولاء الذين اقسموا بالله جهد ايمانهم انهم لمعكم

۵_ اجنبى كفار كے ساتھ وابستگى بيماردل اور كمزور ايمان لوگوں كى خاصيت ہے_اقسموا بالله جهد ايمانهم انهم لمعكم

۶_ كمزور ايمان مسلمانوں نے تاكيد كے ساتھ يہود و نصاري كى مدد كرنے كى قسميں كھائي تھيں _اهولاء الذين اقسموا بالله جهد ايمانهم انهم لمعكم مذكورہ بالا مطلب اس مبنا پر اخذ كيا گيا ہے جب ''ھولائ'' بيمار دل لوگوں كى طرف اشارہ ہو، جبكہ ''معكم''كے خطاب سے مراد يہود و نصاري ہوں _

۷_ كمزور ايمان مسلمان يہود و نصاري كے ساتھ اپنے عہد و پيمان پر پورا اترنے سے عاجز تھے_اهولاء الذين اقسموا بالله جهد ايمانهم انهم لمعكم

۸_ فتح و كاميابى كے بعد مؤمنين نے ان يہود و نصاري كى سرزنش كى جو كمزور ايمان مسلمانوں كى مدد اور تعاون كى آس لگائے بيٹھے تھے_و يقول الذين آمنوا اهولاء الذين اقسموا انهم لمعكم

۹_ ضعيف الايمان مسلمان بار بار قسميں كھا كر مؤمنين كى مدد كے جھوٹے وعدے كرتے تھے_

و يقول الذين آمنوا اهولاء الذين اقسموا بالله جهد ايمانهم انهم لمعكم مذكورہ بالا مطلب اس مبنا پر اخذ كيا گيا ہے كہ جب ''معكم'' سے حقيقى مؤمنين كو مخاطب كيا گيا ہو، يعنى فتح و كامرانى كے بعد بعض مؤمنين نے بعض دوسرے مؤمنين سے يو ں كہا '' اھولاء '' اس صورت ميں '' ھؤلائ'' كا مشار اليہ بيمار دل لوگ ہوں گے_

۱۰_ وعدے كى خلاف ورزى اور قسم كو توڑنا بيمار دل اور كمزور ايمان لوگوں كى خاصيت ہے_اهولاء الذين اقسموا بالله جهد ايمانهم

۱۱_ خدا كى قسم كھانا ايك بہت بڑا اور ذمہ دارى عائد كرنے والافعل ہے_اقسموا بالله جهد ايمانهم

جملہ'' اقسموا باللہ ''سے معلوم ہوتا ہے كہ مؤمنين كا بيمار دل لوگوں كى عہد شكنى پر سرزنش كرنے كا سبب يہ تھا كہ خدا كى قسم كھانے كے باوجود وہ مومنين كے ساتھ كيے گئے اپنے وعدے پر پورے نہيں اترے_

۱۲_ عہد پيغمبرصلى‌الله‌عليه‌وآله‌وسلم كے بعض مسلمانوں كے يہود و نصاري كے ساتھ دوستانہ تعلقات ان كے گذشتہ نيك اعمال كى تباہى كا موجب بنے_حبطت اعمالهم فاصبحوا خاسرين

۱۳_ اہل ايمان كى طرف سے كفار كے ساتھ دوستانہ

روابط برقرار كرنا ان كے نيك اعمال كو تباہ و برباد كرديتا ہے_حبطت اعمالهم فاصبحوا خاسرين

۱۴_ ہدايت خداوندى سے محروم لوگ ہميشہ اپنے اعمال كى تباہى اور اپنے كردار سے نقصان اٹھانے كے خطرے سے دوچار رہتے ہيں _ان الله لا يهدى القوم الظالمين حبطت اعمالهم فاصبحوا خاسرين

۱۵_ انسان كے اچھے كردار كى تباہي، نقصان اور گھاٹا ہے_حبطت اعمالهم فاصبحوا خاسرين

۱۶_ يہود و نصاري كى ولايت اور دوستى قبول كرنے والے لوگ اپنے دوستانہ روابط سے فائدہ اٹھانے ميں ناكام رہتے ہيں _حبطت اعمالهم فاصبحوا خاسرين اس احتمال كى بناپر كہ جب ''اعمالھم'' سے مراد وہ كوششيں ہوں جو بيمار دل لوگوں نے يہود و نصاري سے دوستانہ روابط برقرار كرنے كيلئے انجام ديں ، اس اساس پر خسارت سے مراد يہود و نصاري كے ساتھ استوار تعلقات سے فائدہ نہ اٹھانا ہوگا_

۱۷_ كفار كى محبت و ولايت قبول كرنے كا برا انجام ناكامى اور نقصان ہے_حبطت اعمالهم فاصبحوا خاسرين

۱۸_ يہود و نصاري كمزور ايمان مسلمانوں كے ساتھ استوار اپنے دوستانہ تعلقات سے فائدہ اٹھانے ميں ناكام رہتے ہيں _

حبطت اعمالهم فاصبحوا خاسرين مذكورہ بالا مطلب ميں '' ھولائ'' كا بيمار دل مسلمانوں كى طرف اشارہ ہے، جبكہ'' معكم'' كے خطاب سے يہود و نصارى مراد لئے گئے ہيں _

اسلام:صدر اسلام كى تاريخ ۱، ۴، ۶، ۸، ۱۲

اغيار:اغيار سے تعلقات ۵

اللہ تعالى:اللہ تعالى كى ہدايت سے محروميت ۱۴

عمل:عمل كا نابود ہونا ۱۵;عمل كى نابودى كے اسباب ۱۲، ۱۳، ۱۴

عيسائي:

صدر اسلام كے عيسائي ۳;عيسائي اور مسلمان ۱، ۲، ۸، ۱۸;عيسائيوں سے دوستى ۱، ۲; عيسائيوں سے دوستى كے اثرات ۱۲، ۱۶;عيسائيوں سے معاہدہ كرنا ۷;عيسائيوں كى امداد ۶;عيسائيوں كى ذلت ۳;عيسائيوں كى سرزنش ۸;عيسائيوں كى شكست ۱۸; عيسائيوں كى قسم ۱; عيسائيوں كى كمزورى ۲; عيسائيوں كى ولايت قبول كرنا ۱۶

قسم :خدا كى قسم ۱۱;قسم توڑنا ۱۰; قسم كے اثرات ۱۱

قلب:بيمار قلب انسان كى عہد شكنى ۱۰;بيمار قلب كى صفات ۵

كفار:كفار كى ولايت قبول كرنا ۱۷;كفار كے ساتھ دوستى ۱۷;كفار كے ساتھ دوستى كا نقصان ۱۷;كفار كے ساتھ دوستى كے اثرات ۱۳; كفار كے ساتھ رابطہ ۵

مسلمان:صدر اسلام كے مسلمان ۴، ۶، ۷، ۸، ۱۲;كمزور ايمان مسلمان ۶، ۷، ۸، ۹، ۱۰، ۱۸; مسلمان اور عيسا ئي۴، ۶، ۷;مسلمان اور يہودى ۴، ۶، ۷; مسلمانوں كى سرزنش ۴;مسلمانوں كى قسم ۶، ۹

مومنين:مومنين اور كفار ۱۳; مومنين كى امداد ۹

نقصان :نقصان كے اسباب ۱۴; نقصان كے موارد ۱۵

يہود:صدر اسلام كے يہود ۳;يہود اور مسلمان ۱، ۲، ۸، ۱۸; يہود سے دوستى ۱، ۲;يہود سے دوستى كے اثرات ۱۲، ۱۶ ; يہود سے معاہدہ كرنا ۷;يہود كى امداد ۶;يہود كى ذلت ۳;يہود كى سرزنش ۸;يہود كى شكست ۱۸;يہود كى قسم ۱; يہود كى كمزورى ۲; يہود كى ولايت قبول كرنا ۱۶

آیت ۵۴

( يَا أَيُّهَا الَّذِينَ آمَنُواْ مَن يَرْتَدَّ مِنكُمْ عَن دِينِهِ فَسَوْفَ يَأْتِي اللّهُ بِقَوْمٍ يُحِبُّهُمْ وَيُحِبُّونَهُ أَذِلَّةٍ عَلَى الْمُؤْمِنِينَ أَعِزَّةٍ عَلَى الْكَافِرِينَ يُجَاهِدُونَ فِي سَبِيلِ اللّهِ وَلاَ يَخَافُونَ لَوْمَةَ لآئِمٍ ذَلِكَ فَضْلُ اللّهِ يُؤْتِيهِ مَن يَشَاءُ وَاللّهُ وَاسِعٌ عَلِيمٌ )

ايمان والو تم ميں سے جو بھى اپنے دين سے پلٹ جائے گا _ تو عنقريب خدا ايك قوم كولے آئے گا جو اس كى محبوب او راس سے محبت كرنے والى _مو منين كے سامننے خاكسار اور كفار كے سامنے صاحب عزت ، راہ خدا ميں جہاد كرنے والى اور كسى ملامت كرنے والے كى ملامت كى پرواہ نہ كرنے والى ہوگى _ يہ فضل خدا ہے وہ جسے چاہتا ہے عطا كرتا ہے او روہ صاحب وسعت اور عليم و دانا بھى ہے _

۱_ خداوند متعال نے مرتد لوگوں كى جگہ حقيقى مؤمنين كو لانے كى خوشخبرى ديكر مؤمنين كو تسلى دى ہے_

يا ايها الذين آمنوا من يرتد منكم عن دينه فسوف ياتى الله بقوم يحبهم و يحبونه اگر'' من يرتد ...'' كا جواب شرط ''فلا تحزنوا بارتدادہ '' جيسامحذوف جملہ ہو تو اس سے معلوم ہوتا ہے كہ خدا نے انہيں تسلى دى ہے_

۲_ مسلمانوں كے ارتداد يعنى انكے اسلام سے پھر جانے سے دين خدا كو كسى قسم كا نقصان نہيں پہنچے گا_

من يرتد منكم عن دينه فسوف ياتى الله بقوم مذكورہ بالا مطلب اس مبنا پر اخذ كيا گيا ہے كہ جب ''من يرتد ''كا جواب شرط''فلن يضر دين الله ''جيسامحذوف جملہ ہو، جبكہ جملہ''فسوف ياتى الله ...'' حقيقى جزا كى جگہ لايا گيا ہو، كيونكہ يہ اس جزا كى علت بيان كررہا ہے_

۳_ اسلام سے كفر كى طرف لوٹ جانا (ارتداد) ايك تعجب آور اور خلاف توقع فعل ہے_

و من يرتد منكم عن دينه فسوف ياتى الله بقوم جملہ شرطيہ كے ذريعہ وجود ميں آنے والے واقعہ كو خصوصاً اس كے وقوع كى مكمل آگاہى كے ساتھ بيان كرنا اس مطلب كى طرف اشارہ ہوسكتا ہے كہ اس طرح كا واقعہ وقوع پذير ہونے كے لائق نہيں ہے_

۴_ يہود و نصاري كى ولايت اور دوستى قبول كرنا ارتداد اور دين سے پلٹ جانا ہے_و من يتولهم منكم فانه منهم يا ايها الذين آمنوا من يرتد منكم عن دينه گذشتہ آيات كى روشنى ميں معلوم ہوتا ہے كہ مرتد كا ايك مورد نظر مصداق وہ مسلمان ہيں جو خدا كى نہى كے باوجود يہود و نصاري سے ولائي اور دوستانہ روابط استوار كريں _

۵_ صدر اسلام كے بعض مسلمان يہود و نصاري كى ولايت و دوستى قبول كركے مرتد ہوگئے_فترى الذين فى قلوبهم مرض يا ايها الذين آمنوا من يرتد منكم عن دينه

۶_ بعض مسلمانوں كے ارتداد اور كفر كى جانب مائل ہونے كے باوجود دين خدا اپنى پورى آب و تاب كے ساتھ پھيلتا اور وسعت اختيار كرتا جائيگا_يا ايها الذين آمنوا من يرتد منكم عن دينه فسوف ياتى الله بقوم يحبهم و يحبونه

۷_ انسانوں كا انسانى كمالات تك دسترسى حاصل كرنا خدا كى امداد اور توفيق پر موقوف ہے_فسوف ياتى الله بقوم

سير و سلوك كے انتخاب ميں انسان كے خود مختار ہونے كے باوجود ''ياتي'' كو اللہ كى جانب نسبت دينے سے يہ حقيقت واضح ہوتى ہے كہ اگر انسان بعض كمالات حاصل كرنے ميں كامياب ہوتے ہيں تو يہ خدا كى امداد اور توفيق كى وجہ سے ہے_

۸_ خداوند متعال نے اپنے محبوب اور اس سے محبت كرنے والے ،مؤمنين كے سامنے متواضع اور كفار كے سامنے سربلند رہنے والے انتھك مجاہدين كے ظاہر ہونے كى خوشخبرى دى ہے_فسوف ياتى الله بقوم ...و لا يخافون لومة لائم

۹_ خداوند متعال سے عشق، اس كا محبوب ہونا، اہل ايمان كے سامنے عجز و انكسارى اور كفار كے مقابلے ميں سربلند رہنا حقيقى مومنين كى صفات ميں سے ہے_فسوف ياتى الله بقوم اعزة على الكافرين

۱۰_ كفار كے ساتھ دوستانہ روابط برقرار كرنے كى صورت ميں مسلمان خدا كى محبت سے محروم ہوجاتے ہيں _

من يرتد منكم عن دينه فسوف ياتى الله بقوم يحبهم

۱۱_ كفار (يہود و نصاري) كے ساتھ دوستي، خدا كے ساتھ عشق سے ہم آہنگ نہيں ہے_

و من يتولهم منكم فسوف ياتى الله بقوم يحبهم و يحبونه مورد بحث آيت كے گذشتہ آيات كے ساتھ ارتباط كو ملحوظ ركھنے سے معلوم ہوتا ہے كہ حقيقى مومنين كى مذكورہ خصوصيات كے ساتھ توصيف كرنا اس حقيقت كى طرف اشارہ ہے كہ اسلام كے دعويدار كفار كى طرف مائل ہونے (من يتولھم منكم) كى صورت ميں ان خصوصيات من جملہ خدا كى محبت اور عشق كى خصوصيت كے حامل نہيں ہوسكتے_

۱۲_ مؤمنين كے سامنے عجز و انكسارى جبكہ كفار كے مقابلے ميں پہاڑ كى مانند ثابت قدم و سربلند رہنا ضرورى ہے_

اذلة علي المؤمنين اعزة على الكافرين

۱۳_ مؤمنين قابل قدر و احترام جبكہ كفار توہين و تحقير كے لائق ہيں _اذلة على المؤمنين اعزة على الكافرين

۱۴_ ايمان، كفار كے مقابلے ميں عجز و انكسارى كے ساتھ سازگار نہيں ہے_يا ايها الذين آمنوا من يرتد اعزة على الكافرين

۱۵_ كفار (يہود و نصاري ...) كے ساتھ دوستى ،ان كے سامنے عجز و انكسارى اور اہل ايمان كے سامنے تكبر و غرور كا موجب بنتى ہے_من يرتد منكم عن دينه اذلة على المؤمنين اعزة على الكافرين

۱۶_ محبت خدا سے دل كا خالى ہونا، اہل ايمان سے بے مروتى اور كفار كے سامنے احساس حقارت كرنا قلبى بيمارى اور كمزوري ايمان كى علامات ميں سے ہيں _فترى الذين فى قلوبهم مرض اذلة على المؤمنين اعزة على الكافرين

مورد بحث آيت كا گذشتہ آيات كے ساتھ ارتباط اس حقيقت كى وضاحت كرتا ہے كہ بيمار دل افراد ''الذين فى قلوبھم مرض ''مرتدوں كے زمرے ميں آتے ہيں اور چونكہ حقيقى مؤمنين كى مذكورہ صفات مرتد افراد كے بالكل مد مقابل قرار پائي ہيں ، اس سے معلوم ہوتا ہے كہ اسلام كا دعوى كرنے والوں ميں ان صفات كا نہ ہونا ان كى بيمارى دل كى علامت ہے_

۱۷_ خداوند متعال نے انتھك، ثابت قدم و استوار، نڈر و بے باك اور دشمنان دين كى سرزنش كى پرواہ نہ كرنے والے مجاہدين كے ذريعے اپنے دين كے اعتلاء اور سربلندى كى خوشخبرى دى ہے_من يرتد منكم عن دينه فسوف ياتى الله بقوم لا يخافون لومة لائم

۱۸_ خداوند متعال نے ثابت قدم اور سربلند مؤمنين كى موجودگى كے سائے ميں اسلام كى جاويدانہ حيات اور ابدى فروغ كا ارادہ كيا ہے_فسوف ياتى الله بقوم اعزة على الكافرين يجاهدون فى سبيل الله

۱۹_ راہ خدا ميں جہاد كرنا اور ملامت كرنے والے دشمنوں كى سرزنش سے نہ ڈرنا حقيقى مومنين كى خاصيت ہے_

يجاهدون فى سبيل الله و لا يخافون لومة لائم

۲۰_ خدا وند متعال كى طرف سے عائد ذمہ داريوں اور فرائض كى انجام دہى كيلئے راہ خدا ميں جہاد كرنا اور دشمنوں كى سرزنش سے بے اعتنائي برتنا لازمى ہے_يجاهدون فى سبيل الله و لا يخافون لومة لائم

۲۱_ راہ خدا مؤمنين كى مسلسل جد و جہد كا محور و مركز ہے_يجاهدون فى سبيل الله و لا يخافون لومة لائم

مذكورہ بالا مطلب ميں جہاد سے جنگ و نبرد نہيں بلكہ اس كا لغوى معنى (سعى و كوشش اور جد و جہد) مرا د ہے جبكہ فعل مضارع ''يجہدون'' مسلسل جد و جہد پر دلالت كرتا ہے_

۲۲_ مسلمانوں كو دين خدا كى سربلندى كيلئے جد و جہد سے روكنے كيلئے دشمنان دين سرزنش اور نفسياتى جنگ كا حربہ استعمال كرتے ہيں _و لا يخافون لومة لائم

۲۳_ حقيقى مؤمنين كبھى بھى ملامت كرنے والوں كى سرزنش كى وجہ سے جہاد و مبارزت سے دست بردار نہيں ہوتے_

يجاهدون فى سبيل الله و لا يخافون لومة لائم

۲۴_ حقيقى مؤمنين كبھى بھى دشمنوں كى ملامت كى وجہ سے عشق خدا سے دست بردار نہيں ہوتے اور نہ ہى مومنين كے سامنے عجز و انكسارى اور كفار كے مقابلے ميں سربلند رہنے سے دستبردار ہوتے ہيں _يحبهم و يحبونه و لا يخافون لومة لائم يہ اس بناپر ہے جب جملہ '' ولا يخافون ...'' صرف ''يجاہدون'' سے نہيں بلكہ ان تمام صفات كے ساتھ وابستہ ہو جو آيت كے گذشتہ حصوں ميں بيان كى گئي ہيں _

۲۵_ جہاد سے گريز كرنا اور دشمنان دين كى لعنت ملامت سے ڈرنا دل كى بيمارى اور ايمان كى كمزورى كى علامات ميں سے ہے_فترى الذين فى قلوبهم مرض يجاهدون فى سبيل الله و لا يخافون لومة لائم

۲۶_ اہل كفر كو دوست ركھنے والے راہ خدا ميں جہاد كرنے سے منہ موڑ ليتے ہيں اور دشمنوں كى سرزنش كے خوف سے ہراسان و پريشان ہوتے ہيں _من يرتد منكم عن دينه فسوف ياتى الله بقوم يحبهم

۲۷_ اہل ايمان كے سامنے عجز و انكساري، كفار كے مقابلے ميں سربلند ركھنا، راہ خدا ميں جہاد كرنا اور

دشمنوں كى لعنت ملامت سے بے اعتنائي برتنا محبت خداوندى كے حصول كا سبب بنتے ہيں _يحبهم و يحبونه اذلة على المؤمنين و لا يخافون لومة لائم بظاہر دكھائي ديتا ہے كہ'' يحبھم و يحبونہ'' كے بعد مذكورہ صفات'' يحبھم'' كى علت كے طور پر بيان كى گئي ہيں ، يعنى چونكہ وہ ان صفات كے حامل ہيں لہذا خداوند متعال ان سے محبت كرتا ہے_

۲۸_ خداوند متعال كے عاشق; مؤمنين كے سامنے متواضع ، كفار كے مقابلے ميں سربلند اور دشمنوں كى ملامت كى پروا نہ كرنے والے مجاہدين ہيں _يحبونه اذلة على المؤمنين يجاهدون فى سبيل الله و لا يخافون لومة لائم

۲۹_ خدا كا عشق اور اس كا محبوب ہونا خدا كى طرف سے عطا كردہ تحفہ اور فضل ہے_يحبهم و يحبونه ذلك فضل الله

۳۰_ مومنين كے سامنے عجز و انكسارى كى حالت اور كفار كے مقابلے ميں سربلندى خدا كا عطا كردہ تحفہ اور فضل ہے_

اذلة على المؤمنين اعزة على الكافرين ذلك فضل الله

۳۱_ راہ خدا ميں جہاد كرنے اور دشمن كى ملامتوں سے بے اعتنائي برتنے كى توفيق بھى عطيہ اور فضل خداوندى ہے_

يجاهدون فى سبيل الله و لا يخافون لومة لائم ذلك فضل الله

۳۲_ بيمار دل، كمزور ايمان كے مالك اور كفار كى ولايت و دوستى قبول كرنے والے افراد خداوند متعال كے خاص فضل سے محروم ہوتے ہيں _من يرتد منكم عن دينه فسوف ياتى الله بقوم ذلك فضل الله

۳۳_ خدا كے محبوب افراد كى فضيلتوں اور خصوصيات كاسرچشمہ مشيت الہى ہے_ذلك فضل الله يؤتيه من يشاء

۳۴_ انسانى فضيلتوں اور كمالات تك دسترسى خدا كى مشيت پر موقوف ہے_ذلك فضل الله يؤتيه من يشاء

۳۵_ خداوند متعال انتہائي وسيع فضل و احسان كا مالك ہے_ذلك فضل الله يؤتيه من يشاء و الله واسع عليم

''ذلك فضل الله '' كے قرينہ كى بناپر ''واسع'' كا متعلق فضل و احسان كو قرار ديا گيا ہے، يعنى ''واسع فضله و احسانه '' اس كا فضل اور احسان بہت وسيع ہے_

۳۶_ خدا كے فضل و احسانات سے محروم ہونے كى اصل وجہ خدا كے فيض و بخشش كى كمى نہيں بلكہ خود انسان كى عدم قابليت ہے_

ذلك فضل الله يؤتيه من يشاء و الله واسع عليم فضل خداوندى كے وسيع ہونے كا ذكر جسے ''واسع'' كى صفت كے ذريعہ بيان كيا گيا ہے ، اس مطلب كى طرف اشارہ ہے كہ اگر خدا كا خاص فضل انسان كے شامل حال نہ ہو تو وہ خود قصور وار ہے، كيونكہ خداوند متعال كے فضل كى كوئي انتہاء نہيں ہے_

۳۷_ خداوند متعال اپنے خاص فضل و احسان كے اہل اور قابل بندوں سے آگاہ ہے_ذلك فضل الله يؤتيه من يشاء والله واسع عليم مورد كى مناسبت سے عليم كا متعلق لوگوں كى وہ قابليت ہے جس كى بناپر خداوند متعال كا خاص فضل و احسان انہيں عطا ہوتا ہے_

۳۸_ خداوند متعال واسع (وسعت و جودى كا مالك) اور عليم (مطلق آگاہ ) ہے_والله واسع عليم

۳۹_ خداوند متعال كى لامحدود قدرت و غنا اور اسكا وسيع علم اس كى مشيت اور ارادوں كو عملى جامہ پہنانے كى ضمانت ديتا ہے_ذلك فضل الله يؤتيه من يشاء والله واسع عليم

۴۰_ خداوند متعال كا بندوں پر فضل و احسان ايك قانون اور نظام كے تحت انجام پاتا ہے_

ذلك فضل الله يؤتيه من يشاء والله واسع عليم خدا كى مشيت كا تذكرہ كرنے كے بعد اس كے علم و آگاہى كا تذكرہ كرنے كا مقصديہ واضح كرنا ہے كہ خداوند متعال كسى دليل كے بغير بندوں پر فضل و احسان كرنے كا ارادہ نہيں ركھتا، بلكہ ان كى لياقت و قابليت سے آگاہ ہونے كى وجہ سے يہ فعل انجام ديتا ہے_

۴۱_ مختلف افراد كو برترى عطا كرنے كيلئے ان كى صلاحيت و قابليت سے دقيق آشنائي اور اچھى طرح چھان بين ضرورى ہے_ذلك فضل الله يؤتيه من يشاء والله واسع عليم منتخب اور برگزيدہ لوگوں پر خداوند متعال كے فضل و احسان كى وضاحت كرنے كے بعد خدا كے وسيع علم كے تذكرہ سے معلوم ہوتا ہے كہ امتياز دينے والوں كيلئے علم و آگاہى لازمى شرط ہے_

ارتداد:ارتداد كے موارد ۴;بے منطق ارتداد ۳;صدر اسلام ميں ارتداد ۵

اسلام:اسلام كى جاودانى ۱۸

اسماء و صفات:عليم ۳۸;واسع ۳۸

اللہ تعالى:اللہ تعالى سے محبت ۹، ۱۱، ۱۶، ۲۴، ۲۹; اللہ تعالى كا احسان ۳۵;اللہ تعالى كا ارادہ ۱۸;اللہ تعالى كا علم ۳۷، ۳۹ ;اللہ تعالى كا فضل ۲۹، ۳۰، ۳۱، ۳۵، ۳۷; اللہ تعالى كا فيض ۳۶;اللہ تعالى كى امداد ۷;

اللہ تعالى كى بشارت ۱۷;اللہ تعالى كى بے نيازى ۳۹;اللہ تعالى كى توفيق ۷;اللہ تعالى كى قدرت ۳۹;اللہ تعالى كى محبت سے محروميت ۱۰;اللہ تعالى كى محبت كے اسباب ۲۷; اللہ تعالى كى مشيت ۳۳، ۳۴، ۳۹ ; اللہ تعالى كے احسان كا قانون كے تحت ہونا ۴۰;اللہ تعالى كے افعال ۱;اللہ تعالى كے فضل سے محروميت ۳۶;اللہ تعالى كے فضل كا قانون كے تحت ہونا ۴۰; اللہ تعالى كے عطا كردہ ہدايا ۲۹، ۳۰، ۳۱

اللہ تعالى كے دوست: ۸، ۹اللہ تعالى كے دوستوں كى استقامت ۲۸

امتياز:امتياز عطا كرنا ۴۱

انسان:ممتاز انسان ۳۷

ايمان:ايمان كے اثرات ۱۴;كمزورى ايمان كى علامات ۱۶، ۲۵

تكامل:تكامل كے اسباب ۷، ۳۴

تواضع:تواضع كى اہميت ۹;تواضع كے اثرات ۲۷

جہاد:جہاد ترك كرنے كے اسباب ۲۶;جہاد سے فرار كرنا ۲۵;جہاد كى اہميت ۲۰; جہاد كے اثرات ۲۷;راہ خدا ميں جہاد كرنا ۱۹، ۳۱

دشمن:دشمنوں كى سازش ۲۲; دشمنوں كى طرف سے لعنت ملامت ۱۷، ۲۰، ۲۴، ۲۵، ۲۶، ۲۷، ۲۸، ۳۱; دشمنوں كى طرف سے نفسياتى جنگ ۲۲

خوف:خوف كے اسباب ۲۶;دشمنوں سے خوف ۲۵

دوستي:ناپسنديدہ دوستى ۱۰

دين:دين كو نقصان پہنچانا ۲;دين كى سربلندى ۱۷;دين كى سربلندى كى راہ ميں حائل ركاوٹيں ۲۲; دين كى وسعت ۶

سبيل اللہ :۲۰، ۲۱شرعى فريضہ:شرعى فريضہ پر عمل پيرا ہونا ۲۰

صلاحيت:صلاحيتوں كاكردار ۴۱

عيسائي :عيسائيوں سے دوستى ۴، ۵، ۱۱;عيسائيوں سے دوستى كے اثرات ۱۵; عيسائيوں كى ولايت قبول كرنا۳، ۴، ۵

فضيلت:فضيلت كا سرچشمہ ۳۳

قدر و قيمت:قدر و قيمت كا معيار ۴۱

قلب:بيمار قلب كا محروم ہونا ۳۲;بيمارى قلب كى علامات ۱۶، ۲۵

كفار:كفار سے دوستى ۱۱، ۳۲ ;كفار سے دوستى كے اثرات ۱۰، ۱۵;كفار كى تحقير ۱۳ ;كفار كى ولايت قبول كرنا ۳۲;كفار كے ساتھ برتاؤ۹;كفار كے سامنے تكبر ۱۲، ۲۷، ۳۰ ; كفار كے سامنے تواضع ۱۴، ۱۵ ; كفار كے مقابلے ميں احساس حقارت ۱۶

كفار سے دوستى كرنے والے: ۲۶

مجاہدين :رضا كار مجاہدين ۱۷;مجاہدين اور دشمن ۲۸; مجاہدين اور كفار ۸، ۲۸;مجاہدين اور مؤمنين ۸، ۲۸ ; مجاہدين كا تواضع ۸،۲۸;مجاہدين كى استقامت ۱۷; مجاہدين كى محبوبيت ۸

محبوبين : ۲۹محبوبين كے فضائل۳۳

محروم لوگ:فضل خدا سے محروم لوگ ۳۲

مسلمان :مسلمانوں كا ارتداد ۲، مسلمانوں كى كوشش ۲۲

ملامت كرنے والے :ملامت كرنے والوں كى مذمت

مؤمنين :كمزور ايمان مؤمنين ۳۲; مؤمنين اور دشمن ۱۹ ; مؤمنين اور كفار ۲۴; مومنين كا احترام ۱۳;مؤمنين كا تواضع ۲۴;مؤمنين كا جہاد۱۹، ۲۳; مومنين كو بشارت ۱;مومنين كى استقامت ۱۸، ۱۹، ۲۳، ۲۴; مؤمنين كى خصوصيات ۱۹، ۲۱، ۲۳، ۲۴;مؤمنين كى دلجوئي۱;مؤمنين كى شجاعت ۱۹; مؤمنين كى صفات ۹; مؤمنين كى كوشش ۲۱; مؤمنين كے ساتھ بے توجہى ۱۶ ; مومنين كے ساتھ تكبر۱۵; مؤمنين كے ساتھ تواضع ۹، ۱۲، ۲۷، ۲۸، ۳۰

يہود :يہود سے دوستى ۴، ۵،۱۱;يہود سے دوستى كے اثرات ۱۵; يہودكى ولايت قبول كرنا ۴، ۵

آیت ۵۵

( إِنَّمَا وَلِيُّكُمُ اللّهُ وَرَسُولُهُ وَالَّذِينَ آمَنُواْ الَّذِينَ يُقِيمُونَ الصَّلاَةَ وَيُؤْتُونَ الزَّكَاةَ وَهُمْ رَاكِعُونَ )

ايمان والو بس تمہارا ولى الله ہے او راس كا رسول او روہ صاحبان ايمان جو نماز قائم كرتے ہيں او رحالت ركوع ميں زكوة ديتے ہيں _

۱_ صرف خداوند متعال ،پيغمبر اكرمصلى‌الله‌عليه‌وآله‌وسلم اور وہ مومنين جومتواضع، نماز قائم كرنے والے اور زكوة ادا

كرنے والے ہيں وہى مومنين پر ولايت اور حكومت كا حق ركھتے ہيں _انما وليكم الله و رسوله و الذين آمنوا الذين و يؤتون الزكاة و هم راكعون مذكورہ بالا مطلب ميں ركوع كو خضوع يعنى لغوى معنى ميں ليا گيا ہے_

۲_ خداوند متعال نے لوگوں كى سرپرستى كيلئے نماز قائم كرنے والے اور زكوة ادا كرنے والے مؤمنين ميں سے ايك خاص شخص كا واضح علامت كے ساتھ تعارف كرايا ہے_انما وليكم الله الذين يقيمون الصلاة و يؤتون الزكاة و هم راكعون چونكہ جملہ'' و ھم راكعون'' جملہ حاليہ ہے اور اس كا عامل فعل ''يؤتون'' ہے، نيز كلمہ ركوع اپنے اصطلاحى يعنى نماز ميں مخصوص انداز سے جھكنے كے معنى ميں استعمال ہوا ہے، لہذا اس سے معلوم ہوتا ہے كہ بيان كى گئي صفات بالخصوص آخرى صفت ايك خاص اشارہ كررہى ہے، يعنى ايك معين شخص كا تعارف كرا رہى ہے_

۳_ حالت ركوع ميں زكوة ادا كرنا اس شخص كى علامت ہے جسے صدر اسلام كے مسلمانوں ميں سے ان پر حكومت اور ولايت كيلئے معين كيا گيا ہے_و يؤتون الزكاة و هم راكعون

۴_ حضرت على بن ابى طالبعليه‌السلام وہ مومن انسان ہيں ، جنہوں نے نماز قائم كى اور حالت ركوع ميں زكوة ادا كي_

الذين آمنوا الذين يقيمون الصلاة و يؤتون الزكاة و هم راكعون مختلف اور متعدد شان نزول كے مطابق اس آيت شريفہ كى مورد نظر شخصيت حضرت امير المؤمنين على بن ابى طالبعليه‌السلام ہيں _

۵_ صدر اسلام كے مؤمنين پر ولايت و سرپرستى كا حق صرف خدا، اس كے رسولصلى‌الله‌عليه‌وآله‌وسلم اور امير المؤمنين على ابن ابى طالبعليه‌السلام كو حاصل ہے_انما وليكم الله و رسوله والذين آمنوا و يؤتون الزكاة و هم راكعون

۶_ پيغمبر اكرمصلى‌الله‌عليه‌وآله‌وسلم اور شرائط كے حامل مؤمنين كى ولايت و رہبرى ولايت خدا كے طول ميں اور اس كى حاكميت كا ايك جلوہ ہے_انما وليكم الله و رسوله والذين آمنوا خبر كے جمع ہونے كے باوجود كلمہ ولى كو مفرد لانا اس حقيقت كى وضاحت كرتا ہے كہ رسول اللہصلى‌الله‌عليه‌وآله‌وسلم اور دوسرے واجد الشرائط افراد كى ولايت، ولايت خدا كے طول ميں اور اس كا ايك جلوہ ہے_

۷_ نماز كو اس كى تمام شرائط كے ساتھ ہميشہ قائم كرنا اور زكوة كى ادائيگى ميں كوتاہى نہ كرنا مومنين پر حكومت و ولايت ركھنے كى قابليت كى شرط ہے_انما وليكم الله الذين يقيمون الصلاة و

يؤتون الزكاة و هم راكعون نماز قائم كرنے كا مطلب اسے تمام شرائط كے ساتھ انجام دينا ہے، جبكہ فعل مضارع ''يقيمون'' اور ''يؤتون'' نماز كے قيام اور زكوة كى ادائيگى كے استمرار اور تداوم پر دلالت كرتے ہيں _

۸_ صدقہ اورزكوة كى ادائيگى كے دوران خضوع اور عجز و انكسار ى كا اظہار اہل ايمان پر حكومت و ولايت كا منصب سنبھالنے كى لازمى شرائط ميں سے ہے_انما وليكم الله الذين يقيمون الصلاة و يؤتون الزكاة و هم راكعون

مذكورہ بالا مطلب ميں ركوع كو اس كے لغوى يعنى خضوع كے معنى ميں ليا گيا ہے_

۹_ اہل ايمان پر خدا، پيغمبرصلى‌الله‌عليه‌وآله‌وسلم اور واجد الشرائط مؤمنين كى ولايت كے علاوہ دوسرى ہر قسم كى حكومت اور ولايت ايك نامشروع اور غير قانونى ولايت و حكومت ہے_انما وليكم الله و رسوله و الذين آمنوا مذكورہ بالا مطلب كلمہ ( انما) كے معني حصر كو سامنے ركھتے ہوئے اخذ كيا گيا ہے_

۱۰_ ولايت خدا كو قبول كرنا، يہود و نصاري اور دوسرے كفار كى ولايت قبول كرنے كے ساتھ سازگار اور ہم آہنگ نہيں ہے_و من يتولهم منكم فانه منهم انما وليكم الله و رسوله والذين آمنوا

۱۱_ لوگوں كو غلط اور نادرست راہوں سے روكنے كے بعد ان كے سامنے صحيح لائحہ عمل پيش كرنا ان روشوں ميں سے ايك ہے جو قرآن كريم نے ہدايت كيلئے اختيار كى ہيں _انما وليكم الله و رسوله و الذين آمنوا خداوند متعال نے مؤمنين كو كفار كى ناروا ولايت اور سرپرستى قبول كرنے سے منع كرنے كے بعد جملہ'' انما وليكم ...'' كے ذريعے ولايت كے لائق افراد كا تعارف كرايا ہے اور ان كى ولايت كے قبول كرنے كى طرف مؤمنين كى راہنمائي كى ہے_

۱۲_ نماز قائم كرنا اور زكوة ادا كرنا ايمان كى علامت ہے_الذين آمنوا الذين يقيمون الصلاة و يؤتون الزكاة

''الذين يقيمون الصلاة'' ،''الذين آمنوا ''كيلئے صفت ہے_

۱۳_ خداوند متعال سے دائمى ارتباط اور محتاج لوگوں كى ضروريات كو پورا كرنا ايمان كى علامت ہے_

الذين آمنوا الذين يقيمون الصلاة و يؤتون الزكاة يہ مطلب اس بنا پر اخذ كيا گيا ہے كہ نماز كا قيام خدا كے ساتھ ارتباط كے ايك طريقہ كا بيان ہو، جبكہ زكوة كى ادائيگى محتاج لوگوں كى ضروريات پورا كرنے كے ايك مصداق كا بيان ہو_

۱۴_ مختلف عبادات اور دينى فرائض ميں سے نماز، زكوة اور انفاق (راہ خدا ميں مال خرچ كرنے) كو ايك خاص اہميت حاصل ہے_الذين آمنوا الذين يقيمون الصلاة و يؤتون الزكاة

۱۵_ زكوة اور انفاق كى نسبت نماز كو خاص اہميت حاصل ہے_يقيمون الصلاة و يؤتون الزكاة نماز كو زكوة كى ادائيگى سے پہلے ذكر كرنا اس كى بالا تراہميت پر دلالت كرتا ہے_

۱۶_ انفاق اور محتاج لوگوں كى مدد كرتے وقت تواضع اور عجز و انكسارى سے كام لينا انتہائي قابل قدر اور بلند و بالا مقام و منزلت كا حامل ہے_و يؤتون الزكاة و هم راكعون يہ اس بناپر ہے جب ركوع اپنے لغوى معنى يعنى خضوع ميں استعمال ہوا ہو_

۱۷_ محبت، دوستى اور ولى و سرپرست كا انتخاب ہدايت و گمراہى ميں بنيادى اور مؤثر كردار كا حامل ہے_

انما وليكم الله و رسوله والذين آمنوا چونكہ مورد بحث آيہ شريفہ گذشتہ آيات كى طرف ناظر ہے اور گذشتہ آيات ميں يہود و نصاري كى ولايت قبول كرنے كو ہدايت الہى سے محروميت كا سبب قرار ديا گيا ہے لہذا اس سے معلوم ہوتا ہے كہ خدا، پيغمبرصلى‌الله‌عليه‌وآله‌وسلم اور لازمى شرائط كے حامل مؤمنين كى ولايت قبول كرنا ہدايت كا موجب بنتا ہے_

۱۸_ خداوند متعال نے پيغمبر اكرمصلى‌الله‌عليه‌وآله‌وسلم كو امت كى ولايت و سرپرستى كيلئے حضرت علىعليه‌السلام كو منصوب كرنے كا حكم ديا_انما وليكم الله و رسوله والذين آمنوا الذين يؤتون الزكاة و هم راكعون حضرت امام باقرعليه‌السلام فرماتے ہيں :''امر الله عزوجل رسوله بولاية على و انزل عليه انما وليكم الله و رسوله و الذين آمنوا ...''(۱) يعنى خداوند متعال نے اپنے رسولصلى‌الله‌عليه‌وآله‌وسلم كو حضرت علىعليه‌السلام كى ولايت كا حكم ديا اور يہ آيہ شريفہ نازل فرمائي كہ''انما وليكم الله و رسوله ...''

آنحضرتصلى‌الله‌عليه‌وآله‌وسلم :آنحضرتصلى‌الله‌عليه‌وآله‌وسلم اور امير المؤمنينعليه‌السلام ۱۸;آنحضرتصلى‌الله‌عليه‌وآله‌وسلم كى ولايت ۱، ۵، ۶، ۹

اسلام:صدر اسلام كى تاريخ۳

اللہ تعالى:الله تعالى كى حاكميت ۱، ۶;اللہ تعالى كى ولايت ۱، ۵، ۶، ۹، ۱۰; اللہ تعالى كے افعال ۲;اللہ تعالى كے اوامر ۱۸

____________________

۱) كافي، ج۱، ص ۲۸۹، ح ۴، نورالثقلين، ج۱، ص۶۴۶، ح۲۶۴، الدرالمنثور، ج۳، ص ۱۰۵_

امير المؤمنينعليه‌السلام :امير المؤمنينعليه‌السلام كا انتصاب ۱۸;امير المؤمنينعليه‌السلام كا انفاق ۴;امير المؤمنينعليه‌السلام كا ايمان ۴;اميرالمؤمنينعليه‌السلام كى نماز ۴; امير المؤمنينعليه‌السلام كى ولايت ۵، ۱۸;امير المؤمنينعليه‌السلام كے فضائل۴

انفاق (راہ خدا ميں خرچ كرنا):انفاق كى اہميت ۱۴، ۱۵ ;انفاق كے وقت تواضع ۱۶;حالت ركوع ميں انفاق ۳، ۴

ايمان:ايمان كى علامات ۱۲، ۱۳

تربيت:تربيت كى روش ۱۱

حكومت:حكومت كى شرائط ۱;نامشروع حكومت ۹

خضوع:خضوع كى قدر و قيمت ۱۶

رہبر:رہبر كى شرائط ۸

زكوة:زكوة كى ادائيگى ۱، ۲، ۱۲; زكوة كى ادائيگى كى اہميت ۷;زكوة كى ادائيگى كے آداب ۸;زكوة كى اہميت ۱۴، ۱۵

سياسى نظام: ۱، ۲، ۵، ۶، ۷، ۸، ۹، ۱۰

عبادت:عبادت كى اہميت ۱۳

عجز و انكساري:عجز و انكسارى كى قدر و قيمت ۱۶

عيسائي:عيسائيوں كى ولايت ۱۰

كفار:كفار كى ولايت ۱۰

گمراہي:گمراہى كے اسباب ۱۷

لوگ:لوگوں كو خبردار كرنا ۱۱

محبت:محبت كے اثرات ۱۷

محتاج لوگ:محتاج لوگوں كى ضروريات پورى كرنا ۱۳، ۱۶

مسلمان:صدر اسلام كے مسلمان ۳

مؤمنين: ۴مؤمنين پر ولايت ۱، ۳، ۵، ۷، ۸، ۹;مؤمنين كى ولايت ۱، ۲، ۶، ۹

نماز:نماز قائم كرنا ۱، ۲، ۱۲ ;نماز قائم كرنے كى اہميت ۷; نماز كى اہميت ۱۴، ۱۵

ولايت:ولايت كا سرچشمہ ۲، ۳، ۵، ۶; ولايت كا كردار ۱۷;ولايت كى شرائط ۷، ۸

ہدايت:ہدايت كى روش ۱۱;ہدايت كے اسباب ۱۷

يہود:يہود كى ولايت ۱۰

آیت ۵۶

( وَمَن يَتَوَلَّ اللّهَ وَرَسُولَهُ وَالَّذِينَ آمَنُواْ فَإِنَّ حِزْبَ اللّهِ هُمُ الْغَالِبُونَ )

او رجو بھى الله ، رسول اور صاحبان ايمان كو اپنا سرپرست بنائے گا تو الله كى ہى جماعت غالب آنے والى ہے_

۱_ وہ لوگ جو خداوند متعال، پيغمبرصلى‌الله‌عليه‌وآله‌وسلم اكرم اور لازمى شرائط كے حامل مؤمنين كى ولايت و سرپرستى قبول كرتے ہيں ، حزب اللہ(خدا كے مددگاروں اور پيروكاروں ) كے زمرے ميں آتے ہيں _و من يتول الله و رسوله و الذين آمنوا فان حزب الله هم الغالبون ''الذين آمنوا'' ان مؤمنين كى طرف اشارہ ہے جن كا گذشتہ آيہ شريفہ ميں ذكر ہوا ہے_

۲_ خداوند متعال، پيغمبراكرمصلى‌الله‌عليه‌وآله‌وسلم اور مؤمنين سے محبت كرنے والے حزب اللہ كے زمرے ميں آتے ہيں _

ومن يتول الله و رسوله و الذين آمنوا فان حزب الله هم الغالبون يہ اس احتمال كى بناپر ہے جب تولى كا معنى محبت كرنا ہو_

۳_ خداوند متعال، پيغمبراكرمصلى‌الله‌عليه‌وآله‌وسلم اور ولايت كے قابل مؤمنين كى ولايت قبول كرناايك دوسرے سے مربوط ہيں اور جدا ہونے والے نہيں ہيں _و من يتول الله و رسوله والذين آمنوا فعل ''يتول ''كے بغير ''رسولہ'' اور''الذين آمنوا'' كو ''اللہ ''پر عطف كرنے سے معلوم ہوتا ہے كہ ان كى ولايت باہم پيوستہ تھى اور ان ميں سے كسى كى بھى ولايت كا انكار اور اس سے روگردانى ان تمام كى ولايت سے روگردانى كے مترادف ہے، چنانچہ گذشتہ آيہ شريفہ ميں كلمہ ولى كو مفرد لانا اس مطلب كى تائيد كرتا ہے_

۴_ صرف حزب اللہ (خدا كے مددگار اور پيروكار) ہى حتمى فتح سے ہمكنار ہونگے_فان حزب الله هم الغالبون

''ھم'' كى ضمير منفصل حصر پر دلالت كرتى ہے_

۵_ اہل ايمان كى فتح و كاميابى اس پر موقوف ہے كہ وہ ولايت الہى كو اپنا محور و مركز قرار ديں _فان حزب الله هم الغالبون ان اصحاب اور ساتھيوں كو جو كسى شخص كے ہم فكر ہوں اور اس كى پيروى كريں ، اس شخص كى حزب (جماعت )كہا جاتا ہے_ (لسان العرب)

۶_ حزب اللہ كى تشكيل كا مركز و محور خداوند متعال، رسول خداصلى‌الله‌عليه‌وآله‌وسلم اور لازمى شرائط كے حامل مؤمنين كى اطاعت ہے_و من يتول الله و رسوله و الذين آمنوا فان حزب الله هم الغالبون

۷_ فتح و كاميابى تك دسترسى پيدا كرنے ميں قيادت اور منظم فعاليت انتہائي مؤثر كردار ادا كرتے ہيں _

و من يتول الله و رسوله والذين آمنوا فان حزب الله هم الغالبون

۸_ يہود و نصاري اور دوسرے كفار كى ولايت قبول كرنے والے ناكامى اور يقينى شكست سے دوچار ہونگے_

و من يتولهم منكم فانه منهم والذين آمنوا فان حزب الله هم الغالبون ممكن ہے جملہ ''فان حزب اللہ ...'' كا حصر ان لوگوں كے غلط وہم و گمان كى طرف اشارہ ہو جو مسلمانوں كى ممكنہ شكست( نخشى ان تصيبنا دائرة) سے محفوظ رہنے كيلئے كفار كے ساتھ دوستانہ تعلقات استوار كرنے كے درپے تھے_

۹_ حزب اللہ اپنى عاقبت كے بارے ميں ہر قسم كے خوف و خطر سے آزاد اور اپنے كامياب مستقبل كے بارے ميں مطمئن ہوتے ہيں _فان حزب الله هم الغالبون

آنحضرتصلى‌الله‌عليه‌وآله‌وسلم :آنحضرتصلى‌الله‌عليه‌وآله‌وسلم كى اطاعت ۶;آنحضرتصلى‌الله‌عليه‌وآله‌وسلم كى ولايت ۱، ۳; آنحضرتصلى‌الله‌عليه‌وآله‌وسلم كے دوست۲

اتحاد:اتحاد كے اثرات ۵

اللہ تعالى:اللہ تعالى كى اطاعت ۶;اللہ تعالى كى ولايت ۱، ۳;اللہ تعالى كى ولايت كے اثرات ۵; اللہ تعالى كے دوست ۲

تنظيمى فعاليت:تنظيمى فعاليت كى اہميت ۷

حزب اللہ: ۱، ۲، ۶

حزب اللہ كا اطمينان ۹;حزب اللہ كى شجاعت ۹; حزب اللہ كى كاميابى ۴

شكست:شكست كا پيش خيمہ ۸

عيسائي:عيسائيوں كى ولايت قبول كرنا ۸

فتح :فتح كى شرائط ۵;فتح كے اسباب ۷

قيادت:قيادت كا مؤثر كردار ۷

كفار:كفار كى ولايت كے اثرات ۸

مؤمنين:مؤمنين كا اتحاد ۳;مومنين كى اطاعت ۶;مومنين كى فتح ۵;مومنين كى ولايت ۱، ۳; مؤمنين كے دوست ۲

يہود:يہود كى ولايت قبول كرنا ۸

آیت ۵۷

( يَا أَيُّهَا الَّذِينَ آمَنُواْ لاَ تَتَّخِذُواْ الَّذِينَ اتَّخَذُواْ دِينَكُمْ هُزُواً وَلَعِباً مِّنَ الَّذِينَ أُوتُواْ الْكِتَابَ مِن قَبْلِكُمْ وَالْكُفَّارَ أَوْلِيَاء وَاتَّقُواْ اللّهَ إِن كُنتُم مُّؤْمِنِينَ )

ايمان والو خبردار اہل كتاب ميں جن لوگوں نے تمہارے دين كو مذاق او رتماشہ بناليا ہے او رديگر كفار كو بھى اپنا ولى او رسرپرست نہ بنانا او رالله سے ڈرتے رہنا اگر تم واقعى صاحب ايمان ہو _

۱_ عہد پيغمبرصلى‌الله‌عليه‌وآله‌وسلم ميں بعض اہل كتاب دين اسلام كو بچوں كا كھيل اور وقت گزارنے كا ذريعہ خيال كرتے ہوئے اس كا مذاق اڑاتے تھے_لا تتخذوا الذين اتخذوا دينكم هزواً و لعبا من الذين اوتوا الكتاب من قبلكم

۲_ ان لوگوں كے ساتھ دوستانہ تعلقات برقرار كرنے سے اجتناب لازمى ہے جو دين اسلام اور معارف الہى كا تمسخر اڑا تے اور اسے لغو و بيہودہ خيال كرتے ہوں _يا ايها الذين آمنوا لا تتخذوا الذين اتخذوا

دينكم هزواً و لعباً اولياء (ھزواً )كا معنى ہنسنا اور مذاق اڑانا ہے_

۳_ كفار كى ولايت قبول كرنے اور ان سے دوستانہ تعلقات استوار كرنے سے اجتناب لازمى ہے_لا تتخذوا الكفار اولياء

۴_ اہل كتاب سے دوستانہ اور ولائي تعلقات استوار كرنے كو حرام قرار ديئے جانے كى دليل يہ ہے كہ ان ميں سے بعض، اسلامى مقدسات كى بے احترامى كرتے تھے_لا تتخذوا الذين اتخذوا دينكم هزواً و لعبا من الذين اوتوا الكتاب اولياء جملہ'' اتخذوا ...'' كے ذريعے ''الذين'' كى وضاحت كرنے كا مقصد وہ علت بيان كرنا ہے جس كى بناپر اہل كتاب كے ساتھ دوستانہ تعلقات استوار كرنے كو حرام قرار ديا گيا ہے_

۵_ بعض اہل كتاب نے اسلام كے ساتھ كفار كى لڑائي ميں كفار كا ساتھ ديا_لا تتخذوا الذين من الذين اوتوا الكتاب من قبلكم والكفار اولياء

۶_ اسلام كى تمسخر آميز تصوير كھينچنا اور اسے لہو و لعب اور سرگرمى كا ايك ذريعہ قرار دينا مسلمانوں كے خلاف اہل كتاب كى پروپيگنڈا مہم كا ايك طريقہ تھا_الذين اتخذوا دينكم هزوا و لعبا من الذين اوتوا الكتاب

۷_ آسمانى كتب كے پيروكاروں كى طرف سے اسلام اور معارف الہى كا تمسخر اڑانا انتہائي گھٹيا اور خلاف توقع فعل تھا_الذين اتخذوا دينكم هزوا و لعباً من الذين اوتو الكتاب يہود و نصاري كا'' الذين اوتوا الكتاب'' كے ذريعے تذكرہ كرنا اس بات كى طرف اشارہ ہے كہ ،چونكہ وہ اہل كتاب اور الہى تعليمات سے آشنا ہيں ، لہذا انہيں دين اسلام جيسے الہى تعليمات كے مجموعے كا، مقابلہ كرتے ہوئے تمسخر نہيں اڑانا چاہيئے_

۸_ اگر اہل كتاب اسلامى مقدسات اورالہى تعليمات كا احترام كريں اور ان كى ہتك حرمت سے باز رہيں تو اس صورت ميں ان سے تعلقات استوار كرنا جائز ہے_لا تتخذوا الذين اتخذوا دينكم هزواً و لعباً جملہ'' الذين اتخذوا'' اس علت كى طرف اشارہ ہے جس كى بناپر اہل كتاب سے تعلقات استوار كرنا حرام قرار ديا گيا ہے، بنابريں اگر وہ دين اسلام كو قابل احترام سمجھيں تو اس صورت ميں ان سے تعلقات برقرار كرنا جائز ہے_

۹_ اسلام كى عزت و احترام محفوظ ركھنا وہ لازمى اصول ہے جسے اغيار كے ساتھ تعلقات استوار كرتے

وقت ملحوظ ركھنا چاہيئے_يا ايها الذين آمنوا لا تتخذوا الذين اتخذوا دينكم هزوا و لعباً اولياء

۱۰_ اسلام ايك حكيمانہ دين ہے جو بيہودہ و تمسخر آميز احكام سے پاك و پاكيزہ ہے_لا تتخذوا الذين اتخذوا دينكم هزوا و لعباً اولياء

۱۱_ دين اور احكام الہى كا تمسخر اڑانا اور اسے ہنسى مذاق كا ذريعہ قرار دينا كبيرہ گناہوں ميں سے ايك ہے_

لا تتخذوا الذين اتخذوا دينكم هزواً و لعبا اولياء چونكہ دين كا تمسخر اڑانے والوں كو اپنے سے دور ركھنا اور ان كے ساتھ دوستانہ تعلقات استوار كرنے سے گريز كرنا چاہيئے، لہذا اس سے معلوم ہوتا ہے كہ احكام خداوندى كا مذاق اڑانا كبيرہ گناہوں ميں سے ايك ہے_

۱۲_ صدر اسلام كے بعض مسلمان اہل كتاب اور ديگر كفار كى دين سے دشمنى كے باوجود ان كى ولايت اور دوستى قبول كرتے تھے_يا ايها الذين آمنوا لا تتخذوا الذين اولياء واتقوا الله ان كنتم مؤمنين جملہ''واتقوا الله ان كنتم مؤمنين'' كے مذمت آميز لب و لہجے سے معلوم ہوتا ہے كہ بعض مسلمان كفار كے ساتھ دوستانہ تعلقات برقرار كيے ہوئے تھے_

۱۳_ اسلام كا تمسخر اڑانے والوں كى اور كفار كى ولايت و دوستى كو قبول كرنا ايمان و تقوي كے ساتھ ہم آہنگ نہيں ہے_و اتقوا الله ان كنتم مؤمنين

۱۴_ تقوي اختيار كرنا اور خوف خدا ركھنا، ايمان كا لازمہ ہے_و اتقوا الله ان كنتم مؤمنين

۱۵_ دشمنان دين سے برائت و بيزارى تقوي و ايمان كى علامت ہے_لا تتخذوا الذين اتخذوا دينكم هزوا اولياء واتقوا الله ان كنتم مؤمنين

احكام:احكام كا فلسفہ ۴

اسلام:اسلام كا تقدس ۸، ۹;اسلام كا مذاق اڑانا ۱، ۲، ۶، ۷، ۱۳;اسلام كا مقابلہ ۶;اسلام كى خصوصيت ۱۰;اسلامى تعليمات ۱۰;صدر اسلام كى تاريخ ۱، ۱۲

اغيار: اغيارسے رابطہ برقرار كرنے كے اصول ۸، ۹، ۱۳

اہل كتاب:اہل كتاب اور اسلام ۱، ۵، ۶، ۷;اہل كتاب اور كفار ۵;اہل كتاب كا رويہ ۶;اہل كتاب كى دشمنى ۱۲;اہل كتاب كى طرف سے مذاق ۱، ۷;اہل كتاب كى ولايت قبول كرنا ۱۲;اہل كتاب كے ساتھ دوستى ۴، ۱۲;اہل كتاب كے ساتھ رابطہ ۸

ايمان:ايمان كى علامات ۱۵;ايمان كے اثرات ۱۳، ۱۴

تبرا:تبراكے اثرات ۱۵;تبرا كے موارد ۲

تقوي:تقوي كى علامات ۱۵;تقوي كے اثرات ۱۳;تقوي كے اسباب ۱۴

خوف:اللہ تعالى كا خوف ۱۴

دشمن:دشمنوں سے تبرا ۱۵

دوستي:حرام دوستى ۴

دين:دين كا مذاق اڑانے كا گناہ ۱۱

سياسى نظام: ۹

كفار:كفار اور اسلام۵; كفار كى دشمنى ۱۲;كفار كى ولايت سے گريز ۳;كفار كى ولايت قبول كرنا ۳، ۱۳;كفار كے ساتھ دوستى ۱۲، ۱۳;كفار كے ساتھ دوستى سے اجتناب ۳

گناہ:گناہ كبيرہ ۱۱

محرمات: ۴

مسلمان:صدر اسلام كے مسلمان ۱۲; مسلمان اوراہل كتاب ۱۲; مسلمان اور كفار ۱۲

مقدسات:مقدسات كى ہتك حرمت ۴

ولائي رابطہ: ۴

آیت ۵۸

( وَإِذَا نَادَيْتُمْ إِلَى الصَّلاَةِ اتَّخَذُوهَا هُزُواً وَلَعِباً ذَلِكَ بِأَنَّهُمْ قَوْمٌ لاَّ يَعْقِلُونَ )

او ر جب تم نماز كے لئے اذان ديتے ہو تو يہ اس كو مذاق او ركھيل بنا ليتے ہيں اس لئے كہ يہ بالكل بے عقل قوم ہيں _

۱_ صدر اسلام كے بعض اہل كتاب اور كفار نماز كا تمسخر اڑاتے اور اسے ہنسى مذاق كا ذريعہ سمجھتے تھے_

و اذا ناديتم الى الصلاة اتخذوا هزواً و لعباً مذكورہ بالا مطلب ميں '' اتخذوہا ''كى ضمير فاعلى گذشتہ آيہ شريفہ ميں موجود'' الذين اوتوا الكتاب ''اور ''الكفار'' كى طرف لوٹائي گئي ہے_

۲_ كفار اور بعض اہل كتاب كے خيال ميں نماز كى صدا دينا (اذان) ايك تمسخر آميز اور بيہودہ آواز تھي_

و اذا ناديتم الى الصلاة اتخذوا هزوا و لعباً يہ اس احتمال كى بناپر ہے جب'' اتخذوہا'' كى ضمير مفعولي'' ناديتم ''سے حاصل ہونے والے مصدر'' مناداة ''كى طرف لوٹ رہى ہو_

۳_ كفار اور اہل كتاب نے نماز اور اذان كا تمسخر اڑاتے ہوئے اسے ہنسى مذاق كا ذريعہ قرار ديا جو اسلام كے خلاف ان كى پروپيگنڈا مہم كا حصہ تھا_و اذا ناديتم الى الصلاة اتخذوها هزواً و لعبا

۴_ ان لوگوں سے دوستانہ تعلقات استوار كرنا حرام ہے جو نماز اور اذان كو ہنسى مذاق كا ذريعہ سمجھيں اوراس كا تمسخر اڑائيں _لا تتخذوا الذين اتخذوا دينكم هزوا و لعبا و اذا ناديتم الى الصلاة

۵_ بعض اہل كتاب كى طرف سے نماز اور اذان كا تمسخر اڑانا ،ان كے ساتھ دوستانہ تعلقات برقرار كرنے كو حرام قرار دينے كى دليل ہے_لا تتخذوا الذين اذا ناديتم الى الصلاة اتخذوها هزواً و لعباً

۶_ اذان، نماز اور دوسرے دينى شعائر كا مذاق اڑانا گناہ كبيرہ ہے_و اذا ناديتم الى الصلاة اتخذوها هزواً و لعباً

چونكہ نماز، اذان يا دوسرے دينى شعائر كا مذاق اڑانے والوں كو دھتكارتے ہوئے ان سے دوستانہ تعلقات استوار كرنے سے گريز كرنا چاہيئے ، لہذا اس سے معلوم ہوتا ہے كہ نماز، اذان

اور دوسرے دينى شعائر كا مذاق اڑانا گناہ كبيرہ كے زمرے ميں آتا ہے_

۷_ ان لوگوں سے بھى دوستانہ تعلقات استوار كرنا حرام ہے جو بعض دينى احكام (شعائر) كامذاق بناتے ہوئے ان كا تمسخر اڑاتے ہيں _لا تتخذوا الذين و اذا ناديتم الى الصلاة اتخذوها هزواً و لعباً دين كا تمسخر اڑانے والوں كے ساتھ دوستى كى حرمت بيان كرنے كے بعد نماز كا مذاق اڑانے والوں سے دوستى كى حرمت كا تذكرہ اس نكتہ كى جانب اشارہ ہوسكتا ہے كہ اسلام كے احكام ميں سے كسى ايك بھى حكم كا تمسخر اڑانا دين كا مذاق اڑانے كا مصداق ہے اور اس كا حكم بھى وہى ہوگا يعنى اس سے روابط برقرار كرنا بھى حرام ہے _

۸_ نماز اور اذان، دين كے مقدس شعائر اور بنيادى اركان ميں سے ہيں _الذين اتخذوا دينكم هزوا و اذا ناديتم الى الصلاة اتخذوها هزواً و لعباً مورد بحث آيت نے نماز اور اذان كے تمسخر كو دين كا مذاق اڑانے كا ايك نمونہ قرار ديا ہے اور نماز و اذان پر دين كا اطلاق اس بات كى علامت ہے كہ يہ دو دين كے اساسى اركان ميں سے ہيں _

۹_ دين اسلام كے احكام اور شعائر كا مذاق اڑانے كى اصل وجہ كم عقلى ہے_اتخذوا دينكم هزوا ذلك بانهم قوم لا يعقلون

۱۰_ اہل كتاب اور دوسرے كفار دين اسلام اور اس كے احكام اور شعائر كا تمسخر اڑانے كى وجہ سے بيوقوف، نادان اور كم عقل لوگ ہيں _اتخذوا دينكم هزواً ذلك بانهم قوم لا يعقلون مذكورہ بالا مطلب اس مبنا پر اخذ كيا گيا ہے كہ جب ''لا يعقلون'' فعل لازم ہو، يعنى اہل كتاب اور كفار عقل اور كافى فكر سے عارى ہيں ، چنانچہ ''لا يعقلون ''كو ''قوم'' كى جانب كہ جو ان كے خاص سماجى تارو پود پر دلالت كرتا ہے اسناد دينا مذكورہ مطلب كى تائيد كرتا ہے_

۱۱_ كفار كى طرف سے دين اسلام كے احكام اور شعائر كا تمسخر اڑانے كى اصل وجہ ان كا احكام و شعائر دين ميں غور و فكر نہ كرنا ہے_اتخذوها هزواً و لعباً ذلك بانهم قوم لا يعقلون

مذكورہ بالا مطلب ميں '' لا يعقلون'' كو فعل متعدى ليا گيا ہے اور اس كا مفعول، محذوف فرض كيا گيا ہے يعني''لايعقلون الدين و الصلاة و ...'' وہ دين اور نماز و غيرہ ميں غور و فكر نہيں كرتے_

۱۲_ دين اور اس كے احكام و شعائر كى حقانيت كے بارے ميں غور و فكر اور تدبر نہ كرنے كى وجہ سے خداوند متعال نے اہل كتاب كى مذمت كى ہے_

ذلك بانهم قوم لا يعقلون

۱۳_ دين اسلام اور اس كے احكام و شعائر كى اساس و بنياد عقل اور منطق ہے_اتخذوها هزوا، لعبا ذلك بانهم قوم لا يعقلون

۱۴_ منطقى اور عقلى نگاہ سے دين اسلام كى طرف ديكھنا، اس كى حقانيت، لياقت اور ضرورى ہونے كے بارے ميں اطمينان كا موجب بنتا ہے_اتخذوا هزوا و لعبا ذلك بانهم قوم لا يعقلون

احكام: ۴، ۵، ۷احكام كا فلسفہ ۵;احكام كا مذاق اڑانا ۷، ۱۰;احكام كے تمسخر اڑانے كا سرچشمہ ۹احكام كے مبانى ۱۳

اذان:اذان كا مذاق اڑانا ۲، ۳، ۴، ۵;اذان كى اہميت ۸; اذان كے تمسخر اڑانے كا گناہ ۶

اسلام:اسلام كا تمسخر اڑانا ۱۰،۱۱;اسلام كا مقابلہ كرنا ۳; اسلام كى حقانيت ۱۴;اسلام كى خصوصيت ۱۴;صدر اسلام كى تاريخ ۱

اغياراغيار كے ساتھ تعلقات استوار كرنے كے اصول ۴، ۵

اللہ تعالى:اللہ تعالى كى طرف سے مذمتيں ۱۲

اہل كتاب:اہل كتاب اور اسلام ۳;اہل كتاب كى جہالت ۱۰;اہل كتاب كى سرزنش ۱۲; اہل كتاب كى طرف سے تمسخر ۱، ۲، ۳، ۵، ۱۰

تمسخر اڑانے والے:تمسخر اڑانے والوں سے دوستى ۴، ۷

ثقافتى نظام:۴

جہالت:جہالت كے اثرات ۹

جہلاء: ۱۰دوستي:حرام دوستى ۴، ۵، ۷

دين:دين كا مذاق اڑانے كا سبب ۹;دين كى حقانيت۱۲; دين كے اركان ۸;دين كے شعائر ۸;دين كے مبانى ۱۳;دين ميں غور و فكر ۱۱، ۱۲، ۱۴

شعائر:شعائر كا مذاق اڑانا ۷، ۱۰، ۱۱;شعائر كے مذاق اڑانے كا سرچشمہ۹; شعائر كے مذاق اڑانے كا

گناہ ۶

عقل:قل كا نقش و كردار ۱۳

غور و فكر:غور و فكر كے اثرات ۱۴;غور و فكر نہ كرنے كى مذمت ۱۲; غور و فكر نہ كرنے كے اثرات ۱۱

كفار:كفار اور اسلام ۳;كفار كى جہالت ۱۰;كفار كى طرف سے تمسخر ۱، ۲، ۳، ۱۰;كفار كى طرف سے تمسخر اڑانے كى اصل وجہ ۱۱;كفار كے ساتھ دوستى ۵

گناہ:بيرہ گناہ ۶

محرمات: ۴ ، ۵ ، ۷

معاشرت :معاشرت كے آداب ۷

معاشرہ:معاشرتى روابط كے اصول

نماز:نماز كا تمسخر اڑانے كا گناہ۶;نماز كا مذاق اڑانا ۱، ۳، ۴، ۵; نماز كى اہميت ۸

آیت ۵۹

( قُلْ يَا أَهْلَ الْكِتَابِ هَلْ تَنقِمُونَ مِنَّا إِلاَّ أَنْ آمَنَّا بِاللّهِ وَمَا أُنزِلَ إِلَيْنَا وَمَا أُنزِلَ مِن قَبْلُ وَأَنَّ أَكْثَرَكُمْ فَاسِقُونَ )

پيغمبر آپ كہہ ديجئے كہ اے اہل كتاب كيا تم ہم سے صرف اس بات پر ناراض ہو كہ ہم اللہ اور اس نے جو كچھ ہمارى طرف يا ہم سے پہلے نازل كيا ہے ان سب پر ايمان ركھتے ہيں اور تمہارى اكثريت فاسق اور نافرمان ہے_

۱_ اہل كتاب مسلمانوں پر بے جا تنقيد كرتے اور بلاوجہ ان سے ناراض ہوتے تھے_قل يا اهل الكتاب هل تنقمون منا الا ان آمنا بالله

۲_مؤمنين كے خداوند متعال ، قرآن كريم اورآسمانى كتب پرايمان كو تنقيد كا نشانہ بنانے كى وجہ سے خداوند متعال نے اہل كتاب كى مذمت كى ہے_قل يا اهل الكتاب هل تنقمون منا الا ان آمنا

بالله و ما انزل من قبل

۳_ خداوند متعال، قرآن كريم اور تمام آسمانى كتب پر مسلمانوں كے ايمان ركھنے كى وجہ سے اہل كتاب نے نماز اور دوسرے اسلامى شعائر كا تمسخر اڑايا_قل يا اهل الكتاب هل تنقمون منا الا ان آمنا بالله و ما انزل من قبل

مذكورہ بالا مطلب اس بنا پر اخذ كيا گيا ہے كہ جب، ''ان آمنا ''،محذوف لام كے ذريعے وہ علت بيان كررہاہو جس كى بناپر اہل كتاب مسلمانوں سے ناخوش اور ناراض ہوتے تھے، يعني''ما تنقمون منا ديننا و صلاتنا لشيء الا لايماننا بالله ''

۴_ پيغمبر اكرمصلى‌الله‌عليه‌وآله‌وسلم كو اہل كتاب كى طرف سے مسلمانوں كے خلاف اپنائي جانے والى خود غرضى پر مشتمل حكمت عملى كے خلاف مقابلہ كرنے كا حكم ديا گيا_قل يا اهل الكتاب هل تنقمون منا الا ان آمنا بالله

۵_ دشمنوں كى طرف سے اسلام و مسلمين كے خلاف ہونے والى پروپيگنڈا مہم كا صحيح طريقے سے مقابلہ كرنا چاہيئے_

قل يا اهل الكتاب هل تنقمون منا الا ان آمنا بالله

۶_ خداوندمتعال اور قرآن كريم پر ايمان لانے والوں كا فريضہ ہے كہ تمام آسمانى كتب پر ايمان لائيں _

هل تنقمون منا الا ان آمنا بالله و ما انزل الينا و ما انزل من قبل

۷_ قرآن كريم دوسرى آسمانى كتب سے افضل و برتر ہے_آمنا بالله و ما انزل الينا و ما انزل من قبل

اگر چہ آسمانى كتب زمانے كے لحاظ سے مقدم ہيں ليكن اس كے باوجود'' ما انزل الينا كو ما انزل من قبل'' سے پہلے ذكر كرنا مذكورہ بالا مطلب كى طرف اشارہ ہوسكتا ہے_

۸_ رسول خداصلى‌الله‌عليه‌وآله‌وسلم كے دور كے اہل كتاب اس بات كى اہليت نہيں ركھتے تھے كہ تورات اور انجيل كو ان كى طرف منسوب كيا جائے_و ما انزل من قبل عبارت كے سياق و سباق كا تقاضايہ تھا كہ ''ما انزل من قبل ''كے بجائے ''ما انزل اليكم'' كہا جاتا، ليكن بظاہر معلوم ہوتا ہے كہ اس تبديلى كا مقصد يہ حقيقت بيان كرنا تھا كہ اہل كتاب تورات اورانجيل كے مضامين و احكام كے پابند نہيں ر ہے، لہذا وہ اس بات كى اہليت نہيں ركھتے كہ آسمانى كتب كو كسى بھى طرح ان كى طرف منسوب كيا جائے_

۹_ چونكہ مسلمانوں كا ايمان اور عقيدہ تھا كہ اہل كتاب كى اكثريت فاسق ہے، لہذا يہ چيز باعث بنى كہ وہ اہل ايمان پر بے جا تنقيد كريں اور بلاوجہ ناراض

ہوں _هل تنقمون منا الا ان آمنا بالله و ان اكثركم فاسقون يہ اس احتمال كى بناپر كہ جب، ''ان اكثركم''، ''اللہ ''پر عطف ہو، يعنى آمنا بان اكثركم فاسقون

۱۰_ اكثر يہودى اور عيسائي اپنى آسمانى تعليمات سے بھٹكے اور ان سے كٹے ہوئے لوگ ہيں _و ان اكثركم فاسقون

عام طور پر فاسق اس شخص كو كہا جاتا ہے جو اپنے دين كے بعض يا تمام احكام كى پابندى نہ كرے_ (مفردات راغب)

۱۱_ اہل كتاب كا فسق و فجور اور گناہ ان علل و اسباب ميں سے ايك ہے، جو انہيں مسلمانوں كو تنقيد كا نشانہ بنانے پراكساتے تھے_قل يا اهل الكتاب هل تنقمون منا الا و ان اكثركم فاسقون

مذكورہ بالا مطلب اس بنا پر اخذ كيا گيا ہے جب ''ان اكثركم ...'' محذوف لام كے ذريعے ''ھل تنقمون'' كيلئے مفعول لہ ہو_ اس صورت ميں ''ان اكثركم ...'' محذوف پر عطف ہوگا، يعنى''انما تنقمون منا ايماننا بالله لكذا و كذا و لان اكثركم فاسقون يا پھر اسے ''ان آمنا ...'' پر عطف قرار ديا جائے البتہ يہ اس صورت ميں ہے جب ''ان آمنا'' خود علت بيان كررہا ہو، يعني'' ما تنقمون منا ديننا و صلاتنا الا لايماننا و لان اكثركم فاسقون''

۱۲_ دين اور شعائر الہى كا تمسخر اڑانے كى اصلى وجہ فسق ، (احكام خداوندى كو پس پشت ڈالنا ) ہے_

اتخذوا دينكم هزوا و لعبا و ان اكثركم فاسقون جملہ'' ھل تنقمون ...'' كا مصداق وہى نماز اور دينى احكام كا مذاق اڑانا ہے، لہذا فسق كہ جسے ''تنقمون ''كى علت قرار ديا گيا ہے، در حقيقت دين كا تمسخر اڑانے كى بھى علت ہے_

۱۳_ اكثر اہل كتاب انتہائي خود خواہ اور بے انصاف لوگ ہيں _هل تنقمون منا الا ان آمنا بالله و ان اكثركم فاسقون ممكن ہے جملہ'' و ان اكثركم ...'' جملہ حاليہ اور اس كا مقصد اہل كتاب كى انتہائي بے انصافى ثابت كرنا ہو، يعنى اے اہل كتاب جبكہ تم خود فاسق و فاجر ہو، اس كے باوجود برتر اقدار اور معقول ترين اعتقادات پر مشتمل ہمارے ايمان كى وجہ سے ہميں تنقيد كا نشانہ بناتے ہو؟

۱۴_ چند گنے چنے اہل كتاب ہى اپنے دين اور شريعت كے پابند تھے_و ان اكثركم فاسقون

آنحضرتصلى‌الله‌عليه‌وآله‌وسلم :آنحضرتصلى‌الله‌عليه‌وآله‌وسلم اور اہل كتاب ۴;آنحضرتصلى‌الله‌عليه‌وآله‌وسلم كى ذمہ دارى ۴

اللہ تعالى:اللہ تعالى كى طرف سے سرزنش ۲

اہل كتاب:اہل كتاب اور انجيل ۸;اہل كتاب اور تورات ۸; اہل كتاب اور مسلمين ۱، ۴، ۹، ۱۱; اہل كتاب اور مؤمنين ۲;اہل كتاب كا فسق ۱۱; اہل كتاب كا مقابلہ ۴;اہل كتاب كى اكثريت ۱۳; اہل كتاب كى اكثريت كا فسق ۹;اہل كتاب كى بے انصافى ۱۳; اہل كتاب كى پابند اقليت ۱۴;اہل كتاب كى تنقيد ۱، ۲، ۹، ۱۱;اہل كتاب كى حكمت عملى ۴;اہل كتاب كى خودخواہى ۱۳;اہل كتاب كى سرزنش ۲;اہل كتاب كى طرف سے تمسخر ۳;صالح اہل كتاب ۱۴;صدر اسلام كے اہل كتاب ۸

ايمان:آسمانى كتب پر ايمان ۲، ۳، ۶;ايمان كا متعلق ۲، ۳، ۶; خدا پر ايمان ۲، ۳، ۶;قرآن كريم پر ايمان ۲، ۳، ۶

تنقيد:ناپسنديدہ تنقيد ۱;ناپسنديدہ تنقيد كا پيش خيمہ ۹، ۱۱

ثقافتى يلغار:ثقافتى يلغار كا مقابلہ ۵

دشمن:دشمنوں كا مقابلہ ۵;دشمنوں كا پروپيگينڈا ۵

دين:دين كا تمسخر اڑانے كا سرچشمہ ۱۲

شعائر:شعائر كا تمسخر اڑانا ۳;شعائر كا تمسخر اڑانے كا سرچشمہ ۱۲

عيسائي:عيسائيوں كى اكثريت كا منحرف ہونا ۱۰

فسق:فسق كے اثرات ۱۱، ۱۲;فسق كا مفہوم ۱۲

قرآن كريم:قرآن كريم اور آسمانى كتب ۷;قرآن كريم كى فضيلت ۷

مسلمان:مسلمانوں كا ايمان ۳;مسلمانوں كا عقيدہ ۹

منحرفين: ۱۰

مؤمنين:مؤمنين كى ذمہ دارى ۶

نماز:نماز كا مذاق اڑانا ۳

يہود:يہود كى اكثريت كا منحرف ہونا ۱۰

آیت ۶۰

( قُلْ هَلْ أُنَبِّئُكُم بِشَرٍّ مِّن ذَلِكَ مَثُوبَةً عِندَ اللّهِ مَن لَّعَنَهُ اللّهُ وَغَضِبَ عَلَيْهِ وَجَعَلَ مِنْهُمُ الْقِرَدَةَ وَالْخَنَازِيرَ وَعَبَدَ الطَّاغُوتَ أُوْلَـئِكَ شَرٌّ مَّكَاناً وَأَضَلُّ عَن سَوَاء السَّبِيلِ )

كہہ ديجيئے كيا ہم تم كو خدا كے نزديك ايك منزل كے اعتبار سے اس سے بدتر عيب كى خبرديں كہ جس پر خدا نے لعنت اور غضب نازل كيا ہے اور ان ميں سے بعض كو بندر اور سوربنا ديا ہے اور جس نے بھى طاغوت كى عبادت كى ہے وہ جگہ كے اعتبار سے بدترين اور سيد ھے راستہ سے انتہائي بہكا ہوا ہے_

۱_ پيغمبر اكرمصلى‌الله‌عليه‌وآله‌وسلم كو حكم ديا گيا كہ وہ اہل كتاب كو ان كے ہم عقيدہ لوگوں كے گھٹيا ماضى كى طرف متوجہ كركے ان كے ننگ و عار والے ماضى كو فاش كريں _قل هل انبئكم بشر من ذلك

۲_ اہل كتاب خود اس سے بدترراستے پر گامزن تھے جسے وہ مؤمنين كيلئے ناروا خيال كرتے تھے_

قل هل انبئكم بشر من ذلك مثوبة عند الله ممكن ہے'' ذلك'' كا مشار اليہ تمام انبياء اور آسمانى كتب پر مومنين كا ايمان ہو كہ جس كا گذشتہ آيہ شريفہ ميں ذكر ہوا ہے، اس فرض كى صورت ميں قرآن كريم ان كا ساتھ دينے كيلئے كہتا ہے كہ اگر بالفرض مؤمنين كا قرآن كريم اور دوسري آسمانى كتب پر ايمان ناروا بھى ہو جب كہ ہرگز ايسا نہيں ہے، تو پھر بھى خود تمہارا اپنا كردار بہت زيادہ برا اور گھٹيا ہے، ذرا غور كرو تم نے كيا كيا فعل انجام نہيں ديئے؟

۳_ اہل كتاب كا ماضى ان كے فسق و فجور سے كہيں زيادہ گھٹيا اور ناپسنديدہ تھا_

قل هل انبئكم بشر: من ذلك مثوبة عند الله مذكورہ بالا مطلب اس مبنا پر اخذ كيا گيا ہے كہ جب ''ذلك ''اس فسق كى طرف اشارہ ہو جو'' ان اكثركم فاسقون'' سے حاصل ہوتا ہے_

۴_ اہل كتاب كى تاريخ ان كى طرف سے اہل ايمان پر

اعتراض كرنے كے گناہ سے كہيں زيادہ پليد گناہوں سے بھرى ہوئي تھي_قل هل انبئكم بشر من ذلك

يہ اس بناپر كہ جب ''ذلك'' اہل كتاب كى طرف سے مومنين پر كيے جانے والے اس اعتراض كى طرف اشارہ ہو جو جملہ'' ھل تنقمون'' سے استفاہ ہوتا ہے، يعنى اہل كتاب كا مومنين پر اعتراض انتہائي گھٹيا فعل اور گناہ ہے اور اس سے بدتر ان كے وہ اعمال ہيں جو مذكورہ آيت ميں بيان ہوئے ہيں _

۵_ بعض اہل كتاب خدا كى لعنت اور غضب كا شكار ہيں _من لعنه الله و غضب عليه

۶_ خداوند متعال نے بعض اہل كتاب كو بندر اور خنزير كى شكل ميں مسخ كرديا_و جعل منهم القردة و الخنازير

بہت سے مفسرين كا كہنا ہے كہ اصحاب سبت وہ يہودى ہيں جنہوں نے مختلف شرعى حيلوں بہانوں كے ذريعے ہفتے كے دن كى حرمت كو توڑا توبندر كى صورت ميں مسخ ہوگئے، اور وہ عيسائي جنہوں نے حضرت عيسيعليه‌السلام پر نازل ہونے والے كھانے كا انكار كيا تو خنزير ميں تبديل ہوگئے_

۷_ بعض اہل كتاب بت پرستى اور غير خدا كى عبات كى جانب مائل ہوگئے_و عبد الطاغوت

طاغوت كا مصدر طغى ہے، جس كا معنى سركشى اور تجاوز كرنا ہے اور اہل لغت نے اس كا شيطان، بت اور كفر و ضلالت و گمراہى كے رؤسا پر اطلاق كيا ہے_

۸_ بعض اہل كتاب كفر و ضلالت كے رؤساء كے مطيع و فرمانبردار تھے_و عبد الطاغوت

۹_ اہل كتاب كا خدا كى لعنت اور غضب ميں مبتلا ہونا، طاغوت كى پوجا ميں گرفتار ہونا اور ان كا بندر و خنزير كى شكل ميں مسخ ہونا ان كے ناروا اور گھٹيا افعال كى سزا ہے_هل انبئكم بشر: من ذلك مثوبة عند الله من لعنه و عبد الطاغوت كلمہ '' مثوبة '' (جزا و سزا )سے معلوم ہوتا ہے كہ غضب و ...كو ان برے نتائج اور عواقب كے طور پر بيان كيا گيا ہے، جو اہل كتاب كے ناروا اعمال كا تقاضاتھا_

۱۰_ عہد بعثت كے يہودى اور عيسائي اپنے بزرگوں كے ناروا اعمال پر راضى تھے_هل انبئكم بشر من ذلك مثوبة عند الله من لعنه الله و عبدالطاغوت گذشتہ ادوار ميں گذرنے والے يہوديوں اور عيسائيوں كے ناپسنديدہ اعمال كى وجہ سے عہد