امامين حسنين عليهما السلام ثقافتى اور فکر اسلامى - نيٹ ورک

تفسير راہنما جلد ۴

قلب:بيمار قلب كا محروم ہونا ۳۲;بيمارى قلب كى علامات ۱۶، ۲۵

كفار:كفار سے دوستى ۱۱، ۳۲ ;كفار سے دوستى كے اثرات ۱۰، ۱۵;كفار كى تحقير ۱۳ ;كفار كى ولايت قبول كرنا ۳۲;كفار كے ساتھ برتاؤ۹;كفار كے سامنے تكبر ۱۲، ۲۷، ۳۰ ; كفار كے سامنے تواضع ۱۴، ۱۵ ; كفار كے مقابلے ميں احساس حقارت ۱۶

كفار سے دوستى كرنے والے: ۲۶

مجاہدين :رضا كار مجاہدين ۱۷;مجاہدين اور دشمن ۲۸; مجاہدين اور كفار ۸، ۲۸;مجاہدين اور مؤمنين ۸، ۲۸ ; مجاہدين كا تواضع ۸،۲۸;مجاہدين كى استقامت ۱۷; مجاہدين كى محبوبيت ۸

محبوبين : ۲۹محبوبين كے فضائل۳۳

محروم لوگ:فضل خدا سے محروم لوگ ۳۲

مسلمان :مسلمانوں كا ارتداد ۲، مسلمانوں كى كوشش ۲۲

ملامت كرنے والے :ملامت كرنے والوں كى مذمت

مؤمنين :كمزور ايمان مؤمنين ۳۲; مؤمنين اور دشمن ۱۹ ; مؤمنين اور كفار ۲۴; مومنين كا احترام ۱۳;مؤمنين كا تواضع ۲۴;مؤمنين كا جہاد۱۹، ۲۳; مومنين كو بشارت ۱;مومنين كى استقامت ۱۸، ۱۹، ۲۳، ۲۴; مؤمنين كى خصوصيات ۱۹، ۲۱، ۲۳، ۲۴;مؤمنين كى دلجوئي۱;مؤمنين كى شجاعت ۱۹; مؤمنين كى صفات ۹; مؤمنين كى كوشش ۲۱; مؤمنين كے ساتھ بے توجہى ۱۶ ; مومنين كے ساتھ تكبر۱۵; مؤمنين كے ساتھ تواضع ۹، ۱۲، ۲۷، ۲۸، ۳۰

يہود :يہود سے دوستى ۴، ۵،۱۱;يہود سے دوستى كے اثرات ۱۵; يہودكى ولايت قبول كرنا ۴، ۵

آیت ۵۵

( إِنَّمَا وَلِيُّكُمُ اللّهُ وَرَسُولُهُ وَالَّذِينَ آمَنُواْ الَّذِينَ يُقِيمُونَ الصَّلاَةَ وَيُؤْتُونَ الزَّكَاةَ وَهُمْ رَاكِعُونَ )

ايمان والو بس تمہارا ولى الله ہے او راس كا رسول او روہ صاحبان ايمان جو نماز قائم كرتے ہيں او رحالت ركوع ميں زكوة ديتے ہيں _

۱_ صرف خداوند متعال ،پيغمبر اكرمصلى‌الله‌عليه‌وآله‌وسلم اور وہ مومنين جومتواضع، نماز قائم كرنے والے اور زكوة ادا

كرنے والے ہيں وہى مومنين پر ولايت اور حكومت كا حق ركھتے ہيں _انما وليكم الله و رسوله و الذين آمنوا الذين و يؤتون الزكاة و هم راكعون مذكورہ بالا مطلب ميں ركوع كو خضوع يعنى لغوى معنى ميں ليا گيا ہے_

۲_ خداوند متعال نے لوگوں كى سرپرستى كيلئے نماز قائم كرنے والے اور زكوة ادا كرنے والے مؤمنين ميں سے ايك خاص شخص كا واضح علامت كے ساتھ تعارف كرايا ہے_انما وليكم الله الذين يقيمون الصلاة و يؤتون الزكاة و هم راكعون چونكہ جملہ'' و ھم راكعون'' جملہ حاليہ ہے اور اس كا عامل فعل ''يؤتون'' ہے، نيز كلمہ ركوع اپنے اصطلاحى يعنى نماز ميں مخصوص انداز سے جھكنے كے معنى ميں استعمال ہوا ہے، لہذا اس سے معلوم ہوتا ہے كہ بيان كى گئي صفات بالخصوص آخرى صفت ايك خاص اشارہ كررہى ہے، يعنى ايك معين شخص كا تعارف كرا رہى ہے_

۳_ حالت ركوع ميں زكوة ادا كرنا اس شخص كى علامت ہے جسے صدر اسلام كے مسلمانوں ميں سے ان پر حكومت اور ولايت كيلئے معين كيا گيا ہے_و يؤتون الزكاة و هم راكعون

۴_ حضرت على بن ابى طالبعليه‌السلام وہ مومن انسان ہيں ، جنہوں نے نماز قائم كى اور حالت ركوع ميں زكوة ادا كي_

الذين آمنوا الذين يقيمون الصلاة و يؤتون الزكاة و هم راكعون مختلف اور متعدد شان نزول كے مطابق اس آيت شريفہ كى مورد نظر شخصيت حضرت امير المؤمنين على بن ابى طالبعليه‌السلام ہيں _

۵_ صدر اسلام كے مؤمنين پر ولايت و سرپرستى كا حق صرف خدا، اس كے رسولصلى‌الله‌عليه‌وآله‌وسلم اور امير المؤمنين على ابن ابى طالبعليه‌السلام كو حاصل ہے_انما وليكم الله و رسوله والذين آمنوا و يؤتون الزكاة و هم راكعون

۶_ پيغمبر اكرمصلى‌الله‌عليه‌وآله‌وسلم اور شرائط كے حامل مؤمنين كى ولايت و رہبرى ولايت خدا كے طول ميں اور اس كى حاكميت كا ايك جلوہ ہے_انما وليكم الله و رسوله والذين آمنوا خبر كے جمع ہونے كے باوجود كلمہ ولى كو مفرد لانا اس حقيقت كى وضاحت كرتا ہے كہ رسول اللہصلى‌الله‌عليه‌وآله‌وسلم اور دوسرے واجد الشرائط افراد كى ولايت، ولايت خدا كے طول ميں اور اس كا ايك جلوہ ہے_

۷_ نماز كو اس كى تمام شرائط كے ساتھ ہميشہ قائم كرنا اور زكوة كى ادائيگى ميں كوتاہى نہ كرنا مومنين پر حكومت و ولايت ركھنے كى قابليت كى شرط ہے_انما وليكم الله الذين يقيمون الصلاة و

يؤتون الزكاة و هم راكعون نماز قائم كرنے كا مطلب اسے تمام شرائط كے ساتھ انجام دينا ہے، جبكہ فعل مضارع ''يقيمون'' اور ''يؤتون'' نماز كے قيام اور زكوة كى ادائيگى كے استمرار اور تداوم پر دلالت كرتے ہيں _

۸_ صدقہ اورزكوة كى ادائيگى كے دوران خضوع اور عجز و انكسار ى كا اظہار اہل ايمان پر حكومت و ولايت كا منصب سنبھالنے كى لازمى شرائط ميں سے ہے_انما وليكم الله الذين يقيمون الصلاة و يؤتون الزكاة و هم راكعون

مذكورہ بالا مطلب ميں ركوع كو اس كے لغوى يعنى خضوع كے معنى ميں ليا گيا ہے_

۹_ اہل ايمان پر خدا، پيغمبرصلى‌الله‌عليه‌وآله‌وسلم اور واجد الشرائط مؤمنين كى ولايت كے علاوہ دوسرى ہر قسم كى حكومت اور ولايت ايك نامشروع اور غير قانونى ولايت و حكومت ہے_انما وليكم الله و رسوله و الذين آمنوا مذكورہ بالا مطلب كلمہ ( انما) كے معني حصر كو سامنے ركھتے ہوئے اخذ كيا گيا ہے_

۱۰_ ولايت خدا كو قبول كرنا، يہود و نصاري اور دوسرے كفار كى ولايت قبول كرنے كے ساتھ سازگار اور ہم آہنگ نہيں ہے_و من يتولهم منكم فانه منهم انما وليكم الله و رسوله والذين آمنوا

۱۱_ لوگوں كو غلط اور نادرست راہوں سے روكنے كے بعد ان كے سامنے صحيح لائحہ عمل پيش كرنا ان روشوں ميں سے ايك ہے جو قرآن كريم نے ہدايت كيلئے اختيار كى ہيں _انما وليكم الله و رسوله و الذين آمنوا خداوند متعال نے مؤمنين كو كفار كى ناروا ولايت اور سرپرستى قبول كرنے سے منع كرنے كے بعد جملہ'' انما وليكم ...'' كے ذريعے ولايت كے لائق افراد كا تعارف كرايا ہے اور ان كى ولايت كے قبول كرنے كى طرف مؤمنين كى راہنمائي كى ہے_

۱۲_ نماز قائم كرنا اور زكوة ادا كرنا ايمان كى علامت ہے_الذين آمنوا الذين يقيمون الصلاة و يؤتون الزكاة

''الذين يقيمون الصلاة'' ،''الذين آمنوا ''كيلئے صفت ہے_

۱۳_ خداوند متعال سے دائمى ارتباط اور محتاج لوگوں كى ضروريات كو پورا كرنا ايمان كى علامت ہے_

الذين آمنوا الذين يقيمون الصلاة و يؤتون الزكاة يہ مطلب اس بنا پر اخذ كيا گيا ہے كہ نماز كا قيام خدا كے ساتھ ارتباط كے ايك طريقہ كا بيان ہو، جبكہ زكوة كى ادائيگى محتاج لوگوں كى ضروريات پورا كرنے كے ايك مصداق كا بيان ہو_

۱۴_ مختلف عبادات اور دينى فرائض ميں سے نماز، زكوة اور انفاق (راہ خدا ميں مال خرچ كرنے) كو ايك خاص اہميت حاصل ہے_الذين آمنوا الذين يقيمون الصلاة و يؤتون الزكاة

۱۵_ زكوة اور انفاق كى نسبت نماز كو خاص اہميت حاصل ہے_يقيمون الصلاة و يؤتون الزكاة نماز كو زكوة كى ادائيگى سے پہلے ذكر كرنا اس كى بالا تراہميت پر دلالت كرتا ہے_

۱۶_ انفاق اور محتاج لوگوں كى مدد كرتے وقت تواضع اور عجز و انكسارى سے كام لينا انتہائي قابل قدر اور بلند و بالا مقام و منزلت كا حامل ہے_و يؤتون الزكاة و هم راكعون يہ اس بناپر ہے جب ركوع اپنے لغوى معنى يعنى خضوع ميں استعمال ہوا ہو_

۱۷_ محبت، دوستى اور ولى و سرپرست كا انتخاب ہدايت و گمراہى ميں بنيادى اور مؤثر كردار كا حامل ہے_

انما وليكم الله و رسوله والذين آمنوا چونكہ مورد بحث آيہ شريفہ گذشتہ آيات كى طرف ناظر ہے اور گذشتہ آيات ميں يہود و نصاري كى ولايت قبول كرنے كو ہدايت الہى سے محروميت كا سبب قرار ديا گيا ہے لہذا اس سے معلوم ہوتا ہے كہ خدا، پيغمبرصلى‌الله‌عليه‌وآله‌وسلم اور لازمى شرائط كے حامل مؤمنين كى ولايت قبول كرنا ہدايت كا موجب بنتا ہے_

۱۸_ خداوند متعال نے پيغمبر اكرمصلى‌الله‌عليه‌وآله‌وسلم كو امت كى ولايت و سرپرستى كيلئے حضرت علىعليه‌السلام كو منصوب كرنے كا حكم ديا_انما وليكم الله و رسوله والذين آمنوا الذين يؤتون الزكاة و هم راكعون حضرت امام باقرعليه‌السلام فرماتے ہيں :''امر الله عزوجل رسوله بولاية على و انزل عليه انما وليكم الله و رسوله و الذين آمنوا ...''(۱) يعنى خداوند متعال نے اپنے رسولصلى‌الله‌عليه‌وآله‌وسلم كو حضرت علىعليه‌السلام كى ولايت كا حكم ديا اور يہ آيہ شريفہ نازل فرمائي كہ''انما وليكم الله و رسوله ...''

آنحضرتصلى‌الله‌عليه‌وآله‌وسلم :آنحضرتصلى‌الله‌عليه‌وآله‌وسلم اور امير المؤمنينعليه‌السلام ۱۸;آنحضرتصلى‌الله‌عليه‌وآله‌وسلم كى ولايت ۱، ۵، ۶، ۹

اسلام:صدر اسلام كى تاريخ۳

اللہ تعالى:الله تعالى كى حاكميت ۱، ۶;اللہ تعالى كى ولايت ۱، ۵، ۶، ۹، ۱۰; اللہ تعالى كے افعال ۲;اللہ تعالى كے اوامر ۱۸

____________________

۱) كافي، ج۱، ص ۲۸۹، ح ۴، نورالثقلين، ج۱، ص۶۴۶، ح۲۶۴، الدرالمنثور، ج۳، ص ۱۰۵_

امير المؤمنينعليه‌السلام :امير المؤمنينعليه‌السلام كا انتصاب ۱۸;امير المؤمنينعليه‌السلام كا انفاق ۴;امير المؤمنينعليه‌السلام كا ايمان ۴;اميرالمؤمنينعليه‌السلام كى نماز ۴; امير المؤمنينعليه‌السلام كى ولايت ۵، ۱۸;امير المؤمنينعليه‌السلام كے فضائل۴

انفاق (راہ خدا ميں خرچ كرنا):انفاق كى اہميت ۱۴، ۱۵ ;انفاق كے وقت تواضع ۱۶;حالت ركوع ميں انفاق ۳، ۴

ايمان:ايمان كى علامات ۱۲، ۱۳

تربيت:تربيت كى روش ۱۱

حكومت:حكومت كى شرائط ۱;نامشروع حكومت ۹

خضوع:خضوع كى قدر و قيمت ۱۶

رہبر:رہبر كى شرائط ۸

زكوة:زكوة كى ادائيگى ۱، ۲، ۱۲; زكوة كى ادائيگى كى اہميت ۷;زكوة كى ادائيگى كے آداب ۸;زكوة كى اہميت ۱۴، ۱۵

سياسى نظام: ۱، ۲، ۵، ۶، ۷، ۸، ۹، ۱۰

عبادت:عبادت كى اہميت ۱۳

عجز و انكساري:عجز و انكسارى كى قدر و قيمت ۱۶

عيسائي:عيسائيوں كى ولايت ۱۰

كفار:كفار كى ولايت ۱۰

گمراہي:گمراہى كے اسباب ۱۷

لوگ:لوگوں كو خبردار كرنا ۱۱

محبت:محبت كے اثرات ۱۷

محتاج لوگ:محتاج لوگوں كى ضروريات پورى كرنا ۱۳، ۱۶

مسلمان:صدر اسلام كے مسلمان ۳

مؤمنين: ۴مؤمنين پر ولايت ۱، ۳، ۵، ۷، ۸، ۹;مؤمنين كى ولايت ۱، ۲، ۶، ۹

نماز:نماز قائم كرنا ۱، ۲، ۱۲ ;نماز قائم كرنے كى اہميت ۷; نماز كى اہميت ۱۴، ۱۵

ولايت:ولايت كا سرچشمہ ۲، ۳، ۵، ۶; ولايت كا كردار ۱۷;ولايت كى شرائط ۷، ۸

ہدايت:ہدايت كى روش ۱۱;ہدايت كے اسباب ۱۷

يہود:يہود كى ولايت ۱۰

آیت ۵۶

( وَمَن يَتَوَلَّ اللّهَ وَرَسُولَهُ وَالَّذِينَ آمَنُواْ فَإِنَّ حِزْبَ اللّهِ هُمُ الْغَالِبُونَ )

او رجو بھى الله ، رسول اور صاحبان ايمان كو اپنا سرپرست بنائے گا تو الله كى ہى جماعت غالب آنے والى ہے_

۱_ وہ لوگ جو خداوند متعال، پيغمبرصلى‌الله‌عليه‌وآله‌وسلم اكرم اور لازمى شرائط كے حامل مؤمنين كى ولايت و سرپرستى قبول كرتے ہيں ، حزب اللہ(خدا كے مددگاروں اور پيروكاروں ) كے زمرے ميں آتے ہيں _و من يتول الله و رسوله و الذين آمنوا فان حزب الله هم الغالبون ''الذين آمنوا'' ان مؤمنين كى طرف اشارہ ہے جن كا گذشتہ آيہ شريفہ ميں ذكر ہوا ہے_

۲_ خداوند متعال، پيغمبراكرمصلى‌الله‌عليه‌وآله‌وسلم اور مؤمنين سے محبت كرنے والے حزب اللہ كے زمرے ميں آتے ہيں _

ومن يتول الله و رسوله و الذين آمنوا فان حزب الله هم الغالبون يہ اس احتمال كى بناپر ہے جب تولى كا معنى محبت كرنا ہو_

۳_ خداوند متعال، پيغمبراكرمصلى‌الله‌عليه‌وآله‌وسلم اور ولايت كے قابل مؤمنين كى ولايت قبول كرناايك دوسرے سے مربوط ہيں اور جدا ہونے والے نہيں ہيں _و من يتول الله و رسوله والذين آمنوا فعل ''يتول ''كے بغير ''رسولہ'' اور''الذين آمنوا'' كو ''اللہ ''پر عطف كرنے سے معلوم ہوتا ہے كہ ان كى ولايت باہم پيوستہ تھى اور ان ميں سے كسى كى بھى ولايت كا انكار اور اس سے روگردانى ان تمام كى ولايت سے روگردانى كے مترادف ہے، چنانچہ گذشتہ آيہ شريفہ ميں كلمہ ولى كو مفرد لانا اس مطلب كى تائيد كرتا ہے_

۴_ صرف حزب اللہ (خدا كے مددگار اور پيروكار) ہى حتمى فتح سے ہمكنار ہونگے_فان حزب الله هم الغالبون

''ھم'' كى ضمير منفصل حصر پر دلالت كرتى ہے_

۵_ اہل ايمان كى فتح و كاميابى اس پر موقوف ہے كہ وہ ولايت الہى كو اپنا محور و مركز قرار ديں _فان حزب الله هم الغالبون ان اصحاب اور ساتھيوں كو جو كسى شخص كے ہم فكر ہوں اور اس كى پيروى كريں ، اس شخص كى حزب (جماعت )كہا جاتا ہے_ (لسان العرب)

۶_ حزب اللہ كى تشكيل كا مركز و محور خداوند متعال، رسول خداصلى‌الله‌عليه‌وآله‌وسلم اور لازمى شرائط كے حامل مؤمنين كى اطاعت ہے_و من يتول الله و رسوله و الذين آمنوا فان حزب الله هم الغالبون

۷_ فتح و كاميابى تك دسترسى پيدا كرنے ميں قيادت اور منظم فعاليت انتہائي مؤثر كردار ادا كرتے ہيں _

و من يتول الله و رسوله والذين آمنوا فان حزب الله هم الغالبون

۸_ يہود و نصاري اور دوسرے كفار كى ولايت قبول كرنے والے ناكامى اور يقينى شكست سے دوچار ہونگے_

و من يتولهم منكم فانه منهم والذين آمنوا فان حزب الله هم الغالبون ممكن ہے جملہ ''فان حزب اللہ ...'' كا حصر ان لوگوں كے غلط وہم و گمان كى طرف اشارہ ہو جو مسلمانوں كى ممكنہ شكست( نخشى ان تصيبنا دائرة) سے محفوظ رہنے كيلئے كفار كے ساتھ دوستانہ تعلقات استوار كرنے كے درپے تھے_

۹_ حزب اللہ اپنى عاقبت كے بارے ميں ہر قسم كے خوف و خطر سے آزاد اور اپنے كامياب مستقبل كے بارے ميں مطمئن ہوتے ہيں _فان حزب الله هم الغالبون

آنحضرتصلى‌الله‌عليه‌وآله‌وسلم :آنحضرتصلى‌الله‌عليه‌وآله‌وسلم كى اطاعت ۶;آنحضرتصلى‌الله‌عليه‌وآله‌وسلم كى ولايت ۱، ۳; آنحضرتصلى‌الله‌عليه‌وآله‌وسلم كے دوست۲

اتحاد:اتحاد كے اثرات ۵

اللہ تعالى:اللہ تعالى كى اطاعت ۶;اللہ تعالى كى ولايت ۱، ۳;اللہ تعالى كى ولايت كے اثرات ۵; اللہ تعالى كے دوست ۲

تنظيمى فعاليت:تنظيمى فعاليت كى اہميت ۷

حزب اللہ: ۱، ۲، ۶

حزب اللہ كا اطمينان ۹;حزب اللہ كى شجاعت ۹; حزب اللہ كى كاميابى ۴

شكست:شكست كا پيش خيمہ ۸

عيسائي:عيسائيوں كى ولايت قبول كرنا ۸

فتح :فتح كى شرائط ۵;فتح كے اسباب ۷

قيادت:قيادت كا مؤثر كردار ۷

كفار:كفار كى ولايت كے اثرات ۸

مؤمنين:مؤمنين كا اتحاد ۳;مومنين كى اطاعت ۶;مومنين كى فتح ۵;مومنين كى ولايت ۱، ۳; مؤمنين كے دوست ۲

يہود:يہود كى ولايت قبول كرنا ۸

آیت ۵۷

( يَا أَيُّهَا الَّذِينَ آمَنُواْ لاَ تَتَّخِذُواْ الَّذِينَ اتَّخَذُواْ دِينَكُمْ هُزُواً وَلَعِباً مِّنَ الَّذِينَ أُوتُواْ الْكِتَابَ مِن قَبْلِكُمْ وَالْكُفَّارَ أَوْلِيَاء وَاتَّقُواْ اللّهَ إِن كُنتُم مُّؤْمِنِينَ )

ايمان والو خبردار اہل كتاب ميں جن لوگوں نے تمہارے دين كو مذاق او رتماشہ بناليا ہے او رديگر كفار كو بھى اپنا ولى او رسرپرست نہ بنانا او رالله سے ڈرتے رہنا اگر تم واقعى صاحب ايمان ہو _

۱_ عہد پيغمبرصلى‌الله‌عليه‌وآله‌وسلم ميں بعض اہل كتاب دين اسلام كو بچوں كا كھيل اور وقت گزارنے كا ذريعہ خيال كرتے ہوئے اس كا مذاق اڑاتے تھے_لا تتخذوا الذين اتخذوا دينكم هزواً و لعبا من الذين اوتوا الكتاب من قبلكم

۲_ ان لوگوں كے ساتھ دوستانہ تعلقات برقرار كرنے سے اجتناب لازمى ہے جو دين اسلام اور معارف الہى كا تمسخر اڑا تے اور اسے لغو و بيہودہ خيال كرتے ہوں _يا ايها الذين آمنوا لا تتخذوا الذين اتخذوا

دينكم هزواً و لعباً اولياء (ھزواً )كا معنى ہنسنا اور مذاق اڑانا ہے_

۳_ كفار كى ولايت قبول كرنے اور ان سے دوستانہ تعلقات استوار كرنے سے اجتناب لازمى ہے_لا تتخذوا الكفار اولياء

۴_ اہل كتاب سے دوستانہ اور ولائي تعلقات استوار كرنے كو حرام قرار ديئے جانے كى دليل يہ ہے كہ ان ميں سے بعض، اسلامى مقدسات كى بے احترامى كرتے تھے_لا تتخذوا الذين اتخذوا دينكم هزواً و لعبا من الذين اوتوا الكتاب اولياء جملہ'' اتخذوا ...'' كے ذريعے ''الذين'' كى وضاحت كرنے كا مقصد وہ علت بيان كرنا ہے جس كى بناپر اہل كتاب كے ساتھ دوستانہ تعلقات استوار كرنے كو حرام قرار ديا گيا ہے_

۵_ بعض اہل كتاب نے اسلام كے ساتھ كفار كى لڑائي ميں كفار كا ساتھ ديا_لا تتخذوا الذين من الذين اوتوا الكتاب من قبلكم والكفار اولياء

۶_ اسلام كى تمسخر آميز تصوير كھينچنا اور اسے لہو و لعب اور سرگرمى كا ايك ذريعہ قرار دينا مسلمانوں كے خلاف اہل كتاب كى پروپيگنڈا مہم كا ايك طريقہ تھا_الذين اتخذوا دينكم هزوا و لعبا من الذين اوتوا الكتاب

۷_ آسمانى كتب كے پيروكاروں كى طرف سے اسلام اور معارف الہى كا تمسخر اڑانا انتہائي گھٹيا اور خلاف توقع فعل تھا_الذين اتخذوا دينكم هزوا و لعباً من الذين اوتو الكتاب يہود و نصاري كا'' الذين اوتوا الكتاب'' كے ذريعے تذكرہ كرنا اس بات كى طرف اشارہ ہے كہ ،چونكہ وہ اہل كتاب اور الہى تعليمات سے آشنا ہيں ، لہذا انہيں دين اسلام جيسے الہى تعليمات كے مجموعے كا، مقابلہ كرتے ہوئے تمسخر نہيں اڑانا چاہيئے_

۸_ اگر اہل كتاب اسلامى مقدسات اورالہى تعليمات كا احترام كريں اور ان كى ہتك حرمت سے باز رہيں تو اس صورت ميں ان سے تعلقات استوار كرنا جائز ہے_لا تتخذوا الذين اتخذوا دينكم هزواً و لعباً جملہ'' الذين اتخذوا'' اس علت كى طرف اشارہ ہے جس كى بناپر اہل كتاب سے تعلقات استوار كرنا حرام قرار ديا گيا ہے، بنابريں اگر وہ دين اسلام كو قابل احترام سمجھيں تو اس صورت ميں ان سے تعلقات برقرار كرنا جائز ہے_

۹_ اسلام كى عزت و احترام محفوظ ركھنا وہ لازمى اصول ہے جسے اغيار كے ساتھ تعلقات استوار كرتے

وقت ملحوظ ركھنا چاہيئے_يا ايها الذين آمنوا لا تتخذوا الذين اتخذوا دينكم هزوا و لعباً اولياء

۱۰_ اسلام ايك حكيمانہ دين ہے جو بيہودہ و تمسخر آميز احكام سے پاك و پاكيزہ ہے_لا تتخذوا الذين اتخذوا دينكم هزوا و لعباً اولياء

۱۱_ دين اور احكام الہى كا تمسخر اڑانا اور اسے ہنسى مذاق كا ذريعہ قرار دينا كبيرہ گناہوں ميں سے ايك ہے_

لا تتخذوا الذين اتخذوا دينكم هزواً و لعبا اولياء چونكہ دين كا تمسخر اڑانے والوں كو اپنے سے دور ركھنا اور ان كے ساتھ دوستانہ تعلقات استوار كرنے سے گريز كرنا چاہيئے، لہذا اس سے معلوم ہوتا ہے كہ احكام خداوندى كا مذاق اڑانا كبيرہ گناہوں ميں سے ايك ہے_

۱۲_ صدر اسلام كے بعض مسلمان اہل كتاب اور ديگر كفار كى دين سے دشمنى كے باوجود ان كى ولايت اور دوستى قبول كرتے تھے_يا ايها الذين آمنوا لا تتخذوا الذين اولياء واتقوا الله ان كنتم مؤمنين جملہ''واتقوا الله ان كنتم مؤمنين'' كے مذمت آميز لب و لہجے سے معلوم ہوتا ہے كہ بعض مسلمان كفار كے ساتھ دوستانہ تعلقات برقرار كيے ہوئے تھے_

۱۳_ اسلام كا تمسخر اڑانے والوں كى اور كفار كى ولايت و دوستى كو قبول كرنا ايمان و تقوي كے ساتھ ہم آہنگ نہيں ہے_و اتقوا الله ان كنتم مؤمنين

۱۴_ تقوي اختيار كرنا اور خوف خدا ركھنا، ايمان كا لازمہ ہے_و اتقوا الله ان كنتم مؤمنين

۱۵_ دشمنان دين سے برائت و بيزارى تقوي و ايمان كى علامت ہے_لا تتخذوا الذين اتخذوا دينكم هزوا اولياء واتقوا الله ان كنتم مؤمنين

احكام:احكام كا فلسفہ ۴

اسلام:اسلام كا تقدس ۸، ۹;اسلام كا مذاق اڑانا ۱، ۲، ۶، ۷، ۱۳;اسلام كا مقابلہ ۶;اسلام كى خصوصيت ۱۰;اسلامى تعليمات ۱۰;صدر اسلام كى تاريخ ۱، ۱۲

اغيار: اغيارسے رابطہ برقرار كرنے كے اصول ۸، ۹، ۱۳

اہل كتاب:اہل كتاب اور اسلام ۱، ۵، ۶، ۷;اہل كتاب اور كفار ۵;اہل كتاب كا رويہ ۶;اہل كتاب كى دشمنى ۱۲;اہل كتاب كى طرف سے مذاق ۱، ۷;اہل كتاب كى ولايت قبول كرنا ۱۲;اہل كتاب كے ساتھ دوستى ۴، ۱۲;اہل كتاب كے ساتھ رابطہ ۸

ايمان:ايمان كى علامات ۱۵;ايمان كے اثرات ۱۳، ۱۴

تبرا:تبراكے اثرات ۱۵;تبرا كے موارد ۲

تقوي:تقوي كى علامات ۱۵;تقوي كے اثرات ۱۳;تقوي كے اسباب ۱۴

خوف:اللہ تعالى كا خوف ۱۴

دشمن:دشمنوں سے تبرا ۱۵

دوستي:حرام دوستى ۴

دين:دين كا مذاق اڑانے كا گناہ ۱۱

سياسى نظام: ۹

كفار:كفار اور اسلام۵; كفار كى دشمنى ۱۲;كفار كى ولايت سے گريز ۳;كفار كى ولايت قبول كرنا ۳، ۱۳;كفار كے ساتھ دوستى ۱۲، ۱۳;كفار كے ساتھ دوستى سے اجتناب ۳

گناہ:گناہ كبيرہ ۱۱

محرمات: ۴

مسلمان:صدر اسلام كے مسلمان ۱۲; مسلمان اوراہل كتاب ۱۲; مسلمان اور كفار ۱۲

مقدسات:مقدسات كى ہتك حرمت ۴

ولائي رابطہ: ۴

آیت ۵۸

( وَإِذَا نَادَيْتُمْ إِلَى الصَّلاَةِ اتَّخَذُوهَا هُزُواً وَلَعِباً ذَلِكَ بِأَنَّهُمْ قَوْمٌ لاَّ يَعْقِلُونَ )

او ر جب تم نماز كے لئے اذان ديتے ہو تو يہ اس كو مذاق او ركھيل بنا ليتے ہيں اس لئے كہ يہ بالكل بے عقل قوم ہيں _

۱_ صدر اسلام كے بعض اہل كتاب اور كفار نماز كا تمسخر اڑاتے اور اسے ہنسى مذاق كا ذريعہ سمجھتے تھے_

و اذا ناديتم الى الصلاة اتخذوا هزواً و لعباً مذكورہ بالا مطلب ميں '' اتخذوہا ''كى ضمير فاعلى گذشتہ آيہ شريفہ ميں موجود'' الذين اوتوا الكتاب ''اور ''الكفار'' كى طرف لوٹائي گئي ہے_

۲_ كفار اور بعض اہل كتاب كے خيال ميں نماز كى صدا دينا (اذان) ايك تمسخر آميز اور بيہودہ آواز تھي_

و اذا ناديتم الى الصلاة اتخذوا هزوا و لعباً يہ اس احتمال كى بناپر ہے جب'' اتخذوہا'' كى ضمير مفعولي'' ناديتم ''سے حاصل ہونے والے مصدر'' مناداة ''كى طرف لوٹ رہى ہو_

۳_ كفار اور اہل كتاب نے نماز اور اذان كا تمسخر اڑاتے ہوئے اسے ہنسى مذاق كا ذريعہ قرار ديا جو اسلام كے خلاف ان كى پروپيگنڈا مہم كا حصہ تھا_و اذا ناديتم الى الصلاة اتخذوها هزواً و لعبا

۴_ ان لوگوں سے دوستانہ تعلقات استوار كرنا حرام ہے جو نماز اور اذان كو ہنسى مذاق كا ذريعہ سمجھيں اوراس كا تمسخر اڑائيں _لا تتخذوا الذين اتخذوا دينكم هزوا و لعبا و اذا ناديتم الى الصلاة

۵_ بعض اہل كتاب كى طرف سے نماز اور اذان كا تمسخر اڑانا ،ان كے ساتھ دوستانہ تعلقات برقرار كرنے كو حرام قرار دينے كى دليل ہے_لا تتخذوا الذين اذا ناديتم الى الصلاة اتخذوها هزواً و لعباً

۶_ اذان، نماز اور دوسرے دينى شعائر كا مذاق اڑانا گناہ كبيرہ ہے_و اذا ناديتم الى الصلاة اتخذوها هزواً و لعباً

چونكہ نماز، اذان يا دوسرے دينى شعائر كا مذاق اڑانے والوں كو دھتكارتے ہوئے ان سے دوستانہ تعلقات استوار كرنے سے گريز كرنا چاہيئے ، لہذا اس سے معلوم ہوتا ہے كہ نماز، اذان

اور دوسرے دينى شعائر كا مذاق اڑانا گناہ كبيرہ كے زمرے ميں آتا ہے_

۷_ ان لوگوں سے بھى دوستانہ تعلقات استوار كرنا حرام ہے جو بعض دينى احكام (شعائر) كامذاق بناتے ہوئے ان كا تمسخر اڑاتے ہيں _لا تتخذوا الذين و اذا ناديتم الى الصلاة اتخذوها هزواً و لعباً دين كا تمسخر اڑانے والوں كے ساتھ دوستى كى حرمت بيان كرنے كے بعد نماز كا مذاق اڑانے والوں سے دوستى كى حرمت كا تذكرہ اس نكتہ كى جانب اشارہ ہوسكتا ہے كہ اسلام كے احكام ميں سے كسى ايك بھى حكم كا تمسخر اڑانا دين كا مذاق اڑانے كا مصداق ہے اور اس كا حكم بھى وہى ہوگا يعنى اس سے روابط برقرار كرنا بھى حرام ہے _

۸_ نماز اور اذان، دين كے مقدس شعائر اور بنيادى اركان ميں سے ہيں _الذين اتخذوا دينكم هزوا و اذا ناديتم الى الصلاة اتخذوها هزواً و لعباً مورد بحث آيت نے نماز اور اذان كے تمسخر كو دين كا مذاق اڑانے كا ايك نمونہ قرار ديا ہے اور نماز و اذان پر دين كا اطلاق اس بات كى علامت ہے كہ يہ دو دين كے اساسى اركان ميں سے ہيں _

۹_ دين اسلام كے احكام اور شعائر كا مذاق اڑانے كى اصل وجہ كم عقلى ہے_اتخذوا دينكم هزوا ذلك بانهم قوم لا يعقلون

۱۰_ اہل كتاب اور دوسرے كفار دين اسلام اور اس كے احكام اور شعائر كا تمسخر اڑانے كى وجہ سے بيوقوف، نادان اور كم عقل لوگ ہيں _اتخذوا دينكم هزواً ذلك بانهم قوم لا يعقلون مذكورہ بالا مطلب اس مبنا پر اخذ كيا گيا ہے كہ جب ''لا يعقلون'' فعل لازم ہو، يعنى اہل كتاب اور كفار عقل اور كافى فكر سے عارى ہيں ، چنانچہ ''لا يعقلون ''كو ''قوم'' كى جانب كہ جو ان كے خاص سماجى تارو پود پر دلالت كرتا ہے اسناد دينا مذكورہ مطلب كى تائيد كرتا ہے_

۱۱_ كفار كى طرف سے دين اسلام كے احكام اور شعائر كا تمسخر اڑانے كى اصل وجہ ان كا احكام و شعائر دين ميں غور و فكر نہ كرنا ہے_اتخذوها هزواً و لعباً ذلك بانهم قوم لا يعقلون

مذكورہ بالا مطلب ميں '' لا يعقلون'' كو فعل متعدى ليا گيا ہے اور اس كا مفعول، محذوف فرض كيا گيا ہے يعني''لايعقلون الدين و الصلاة و ...'' وہ دين اور نماز و غيرہ ميں غور و فكر نہيں كرتے_

۱۲_ دين اور اس كے احكام و شعائر كى حقانيت كے بارے ميں غور و فكر اور تدبر نہ كرنے كى وجہ سے خداوند متعال نے اہل كتاب كى مذمت كى ہے_

ذلك بانهم قوم لا يعقلون

۱۳_ دين اسلام اور اس كے احكام و شعائر كى اساس و بنياد عقل اور منطق ہے_اتخذوها هزوا، لعبا ذلك بانهم قوم لا يعقلون

۱۴_ منطقى اور عقلى نگاہ سے دين اسلام كى طرف ديكھنا، اس كى حقانيت، لياقت اور ضرورى ہونے كے بارے ميں اطمينان كا موجب بنتا ہے_اتخذوا هزوا و لعبا ذلك بانهم قوم لا يعقلون

احكام: ۴، ۵، ۷احكام كا فلسفہ ۵;احكام كا مذاق اڑانا ۷، ۱۰;احكام كے تمسخر اڑانے كا سرچشمہ ۹احكام كے مبانى ۱۳

اذان:اذان كا مذاق اڑانا ۲، ۳، ۴، ۵;اذان كى اہميت ۸; اذان كے تمسخر اڑانے كا گناہ ۶

اسلام:اسلام كا تمسخر اڑانا ۱۰،۱۱;اسلام كا مقابلہ كرنا ۳; اسلام كى حقانيت ۱۴;اسلام كى خصوصيت ۱۴;صدر اسلام كى تاريخ ۱

اغياراغيار كے ساتھ تعلقات استوار كرنے كے اصول ۴، ۵

اللہ تعالى:اللہ تعالى كى طرف سے مذمتيں ۱۲

اہل كتاب:اہل كتاب اور اسلام ۳;اہل كتاب كى جہالت ۱۰;اہل كتاب كى سرزنش ۱۲; اہل كتاب كى طرف سے تمسخر ۱، ۲، ۳، ۵، ۱۰

تمسخر اڑانے والے:تمسخر اڑانے والوں سے دوستى ۴، ۷

ثقافتى نظام:۴

جہالت:جہالت كے اثرات ۹

جہلاء: ۱۰دوستي:حرام دوستى ۴، ۵، ۷

دين:دين كا مذاق اڑانے كا سبب ۹;دين كى حقانيت۱۲; دين كے اركان ۸;دين كے شعائر ۸;دين كے مبانى ۱۳;دين ميں غور و فكر ۱۱، ۱۲، ۱۴

شعائر:شعائر كا مذاق اڑانا ۷، ۱۰، ۱۱;شعائر كے مذاق اڑانے كا سرچشمہ۹; شعائر كے مذاق اڑانے كا

گناہ ۶

عقل:قل كا نقش و كردار ۱۳

غور و فكر:غور و فكر كے اثرات ۱۴;غور و فكر نہ كرنے كى مذمت ۱۲; غور و فكر نہ كرنے كے اثرات ۱۱

كفار:كفار اور اسلام ۳;كفار كى جہالت ۱۰;كفار كى طرف سے تمسخر ۱، ۲، ۳، ۱۰;كفار كى طرف سے تمسخر اڑانے كى اصل وجہ ۱۱;كفار كے ساتھ دوستى ۵

گناہ:بيرہ گناہ ۶

محرمات: ۴ ، ۵ ، ۷

معاشرت :معاشرت كے آداب ۷

معاشرہ:معاشرتى روابط كے اصول

نماز:نماز كا تمسخر اڑانے كا گناہ۶;نماز كا مذاق اڑانا ۱، ۳، ۴، ۵; نماز كى اہميت ۸

آیت ۵۹

( قُلْ يَا أَهْلَ الْكِتَابِ هَلْ تَنقِمُونَ مِنَّا إِلاَّ أَنْ آمَنَّا بِاللّهِ وَمَا أُنزِلَ إِلَيْنَا وَمَا أُنزِلَ مِن قَبْلُ وَأَنَّ أَكْثَرَكُمْ فَاسِقُونَ )

پيغمبر آپ كہہ ديجئے كہ اے اہل كتاب كيا تم ہم سے صرف اس بات پر ناراض ہو كہ ہم اللہ اور اس نے جو كچھ ہمارى طرف يا ہم سے پہلے نازل كيا ہے ان سب پر ايمان ركھتے ہيں اور تمہارى اكثريت فاسق اور نافرمان ہے_

۱_ اہل كتاب مسلمانوں پر بے جا تنقيد كرتے اور بلاوجہ ان سے ناراض ہوتے تھے_قل يا اهل الكتاب هل تنقمون منا الا ان آمنا بالله

۲_مؤمنين كے خداوند متعال ، قرآن كريم اورآسمانى كتب پرايمان كو تنقيد كا نشانہ بنانے كى وجہ سے خداوند متعال نے اہل كتاب كى مذمت كى ہے_قل يا اهل الكتاب هل تنقمون منا الا ان آمنا

بالله و ما انزل من قبل

۳_ خداوند متعال، قرآن كريم اور تمام آسمانى كتب پر مسلمانوں كے ايمان ركھنے كى وجہ سے اہل كتاب نے نماز اور دوسرے اسلامى شعائر كا تمسخر اڑايا_قل يا اهل الكتاب هل تنقمون منا الا ان آمنا بالله و ما انزل من قبل

مذكورہ بالا مطلب اس بنا پر اخذ كيا گيا ہے كہ جب، ''ان آمنا ''،محذوف لام كے ذريعے وہ علت بيان كررہاہو جس كى بناپر اہل كتاب مسلمانوں سے ناخوش اور ناراض ہوتے تھے، يعني''ما تنقمون منا ديننا و صلاتنا لشيء الا لايماننا بالله ''

۴_ پيغمبر اكرمصلى‌الله‌عليه‌وآله‌وسلم كو اہل كتاب كى طرف سے مسلمانوں كے خلاف اپنائي جانے والى خود غرضى پر مشتمل حكمت عملى كے خلاف مقابلہ كرنے كا حكم ديا گيا_قل يا اهل الكتاب هل تنقمون منا الا ان آمنا بالله

۵_ دشمنوں كى طرف سے اسلام و مسلمين كے خلاف ہونے والى پروپيگنڈا مہم كا صحيح طريقے سے مقابلہ كرنا چاہيئے_

قل يا اهل الكتاب هل تنقمون منا الا ان آمنا بالله

۶_ خداوندمتعال اور قرآن كريم پر ايمان لانے والوں كا فريضہ ہے كہ تمام آسمانى كتب پر ايمان لائيں _

هل تنقمون منا الا ان آمنا بالله و ما انزل الينا و ما انزل من قبل

۷_ قرآن كريم دوسرى آسمانى كتب سے افضل و برتر ہے_آمنا بالله و ما انزل الينا و ما انزل من قبل

اگر چہ آسمانى كتب زمانے كے لحاظ سے مقدم ہيں ليكن اس كے باوجود'' ما انزل الينا كو ما انزل من قبل'' سے پہلے ذكر كرنا مذكورہ بالا مطلب كى طرف اشارہ ہوسكتا ہے_

۸_ رسول خداصلى‌الله‌عليه‌وآله‌وسلم كے دور كے اہل كتاب اس بات كى اہليت نہيں ركھتے تھے كہ تورات اور انجيل كو ان كى طرف منسوب كيا جائے_و ما انزل من قبل عبارت كے سياق و سباق كا تقاضايہ تھا كہ ''ما انزل من قبل ''كے بجائے ''ما انزل اليكم'' كہا جاتا، ليكن بظاہر معلوم ہوتا ہے كہ اس تبديلى كا مقصد يہ حقيقت بيان كرنا تھا كہ اہل كتاب تورات اورانجيل كے مضامين و احكام كے پابند نہيں ر ہے، لہذا وہ اس بات كى اہليت نہيں ركھتے كہ آسمانى كتب كو كسى بھى طرح ان كى طرف منسوب كيا جائے_

۹_ چونكہ مسلمانوں كا ايمان اور عقيدہ تھا كہ اہل كتاب كى اكثريت فاسق ہے، لہذا يہ چيز باعث بنى كہ وہ اہل ايمان پر بے جا تنقيد كريں اور بلاوجہ ناراض

ہوں _هل تنقمون منا الا ان آمنا بالله و ان اكثركم فاسقون يہ اس احتمال كى بناپر كہ جب، ''ان اكثركم''، ''اللہ ''پر عطف ہو، يعنى آمنا بان اكثركم فاسقون

۱۰_ اكثر يہودى اور عيسائي اپنى آسمانى تعليمات سے بھٹكے اور ان سے كٹے ہوئے لوگ ہيں _و ان اكثركم فاسقون

عام طور پر فاسق اس شخص كو كہا جاتا ہے جو اپنے دين كے بعض يا تمام احكام كى پابندى نہ كرے_ (مفردات راغب)

۱۱_ اہل كتاب كا فسق و فجور اور گناہ ان علل و اسباب ميں سے ايك ہے، جو انہيں مسلمانوں كو تنقيد كا نشانہ بنانے پراكساتے تھے_قل يا اهل الكتاب هل تنقمون منا الا و ان اكثركم فاسقون

مذكورہ بالا مطلب اس بنا پر اخذ كيا گيا ہے جب ''ان اكثركم ...'' محذوف لام كے ذريعے ''ھل تنقمون'' كيلئے مفعول لہ ہو_ اس صورت ميں ''ان اكثركم ...'' محذوف پر عطف ہوگا، يعنى''انما تنقمون منا ايماننا بالله لكذا و كذا و لان اكثركم فاسقون يا پھر اسے ''ان آمنا ...'' پر عطف قرار ديا جائے البتہ يہ اس صورت ميں ہے جب ''ان آمنا'' خود علت بيان كررہا ہو، يعني'' ما تنقمون منا ديننا و صلاتنا الا لايماننا و لان اكثركم فاسقون''

۱۲_ دين اور شعائر الہى كا تمسخر اڑانے كى اصلى وجہ فسق ، (احكام خداوندى كو پس پشت ڈالنا ) ہے_

اتخذوا دينكم هزوا و لعبا و ان اكثركم فاسقون جملہ'' ھل تنقمون ...'' كا مصداق وہى نماز اور دينى احكام كا مذاق اڑانا ہے، لہذا فسق كہ جسے ''تنقمون ''كى علت قرار ديا گيا ہے، در حقيقت دين كا تمسخر اڑانے كى بھى علت ہے_

۱۳_ اكثر اہل كتاب انتہائي خود خواہ اور بے انصاف لوگ ہيں _هل تنقمون منا الا ان آمنا بالله و ان اكثركم فاسقون ممكن ہے جملہ'' و ان اكثركم ...'' جملہ حاليہ اور اس كا مقصد اہل كتاب كى انتہائي بے انصافى ثابت كرنا ہو، يعنى اے اہل كتاب جبكہ تم خود فاسق و فاجر ہو، اس كے باوجود برتر اقدار اور معقول ترين اعتقادات پر مشتمل ہمارے ايمان كى وجہ سے ہميں تنقيد كا نشانہ بناتے ہو؟

۱۴_ چند گنے چنے اہل كتاب ہى اپنے دين اور شريعت كے پابند تھے_و ان اكثركم فاسقون

آنحضرتصلى‌الله‌عليه‌وآله‌وسلم :آنحضرتصلى‌الله‌عليه‌وآله‌وسلم اور اہل كتاب ۴;آنحضرتصلى‌الله‌عليه‌وآله‌وسلم كى ذمہ دارى ۴

اللہ تعالى:اللہ تعالى كى طرف سے سرزنش ۲

اہل كتاب:اہل كتاب اور انجيل ۸;اہل كتاب اور تورات ۸; اہل كتاب اور مسلمين ۱، ۴، ۹، ۱۱; اہل كتاب اور مؤمنين ۲;اہل كتاب كا فسق ۱۱; اہل كتاب كا مقابلہ ۴;اہل كتاب كى اكثريت ۱۳; اہل كتاب كى اكثريت كا فسق ۹;اہل كتاب كى بے انصافى ۱۳; اہل كتاب كى پابند اقليت ۱۴;اہل كتاب كى تنقيد ۱، ۲، ۹، ۱۱;اہل كتاب كى حكمت عملى ۴;اہل كتاب كى خودخواہى ۱۳;اہل كتاب كى سرزنش ۲;اہل كتاب كى طرف سے تمسخر ۳;صالح اہل كتاب ۱۴;صدر اسلام كے اہل كتاب ۸

ايمان:آسمانى كتب پر ايمان ۲، ۳، ۶;ايمان كا متعلق ۲، ۳، ۶; خدا پر ايمان ۲، ۳، ۶;قرآن كريم پر ايمان ۲، ۳، ۶

تنقيد:ناپسنديدہ تنقيد ۱;ناپسنديدہ تنقيد كا پيش خيمہ ۹، ۱۱

ثقافتى يلغار:ثقافتى يلغار كا مقابلہ ۵

دشمن:دشمنوں كا مقابلہ ۵;دشمنوں كا پروپيگينڈا ۵

دين:دين كا تمسخر اڑانے كا سرچشمہ ۱۲

شعائر:شعائر كا تمسخر اڑانا ۳;شعائر كا تمسخر اڑانے كا سرچشمہ ۱۲

عيسائي:عيسائيوں كى اكثريت كا منحرف ہونا ۱۰

فسق:فسق كے اثرات ۱۱، ۱۲;فسق كا مفہوم ۱۲

قرآن كريم:قرآن كريم اور آسمانى كتب ۷;قرآن كريم كى فضيلت ۷

مسلمان:مسلمانوں كا ايمان ۳;مسلمانوں كا عقيدہ ۹

منحرفين: ۱۰

مؤمنين:مؤمنين كى ذمہ دارى ۶

نماز:نماز كا مذاق اڑانا ۳

يہود:يہود كى اكثريت كا منحرف ہونا ۱۰

آیت ۶۰

( قُلْ هَلْ أُنَبِّئُكُم بِشَرٍّ مِّن ذَلِكَ مَثُوبَةً عِندَ اللّهِ مَن لَّعَنَهُ اللّهُ وَغَضِبَ عَلَيْهِ وَجَعَلَ مِنْهُمُ الْقِرَدَةَ وَالْخَنَازِيرَ وَعَبَدَ الطَّاغُوتَ أُوْلَـئِكَ شَرٌّ مَّكَاناً وَأَضَلُّ عَن سَوَاء السَّبِيلِ )

كہہ ديجيئے كيا ہم تم كو خدا كے نزديك ايك منزل كے اعتبار سے اس سے بدتر عيب كى خبرديں كہ جس پر خدا نے لعنت اور غضب نازل كيا ہے اور ان ميں سے بعض كو بندر اور سوربنا ديا ہے اور جس نے بھى طاغوت كى عبادت كى ہے وہ جگہ كے اعتبار سے بدترين اور سيد ھے راستہ سے انتہائي بہكا ہوا ہے_

۱_ پيغمبر اكرمصلى‌الله‌عليه‌وآله‌وسلم كو حكم ديا گيا كہ وہ اہل كتاب كو ان كے ہم عقيدہ لوگوں كے گھٹيا ماضى كى طرف متوجہ كركے ان كے ننگ و عار والے ماضى كو فاش كريں _قل هل انبئكم بشر من ذلك

۲_ اہل كتاب خود اس سے بدترراستے پر گامزن تھے جسے وہ مؤمنين كيلئے ناروا خيال كرتے تھے_

قل هل انبئكم بشر من ذلك مثوبة عند الله ممكن ہے'' ذلك'' كا مشار اليہ تمام انبياء اور آسمانى كتب پر مومنين كا ايمان ہو كہ جس كا گذشتہ آيہ شريفہ ميں ذكر ہوا ہے، اس فرض كى صورت ميں قرآن كريم ان كا ساتھ دينے كيلئے كہتا ہے كہ اگر بالفرض مؤمنين كا قرآن كريم اور دوسري آسمانى كتب پر ايمان ناروا بھى ہو جب كہ ہرگز ايسا نہيں ہے، تو پھر بھى خود تمہارا اپنا كردار بہت زيادہ برا اور گھٹيا ہے، ذرا غور كرو تم نے كيا كيا فعل انجام نہيں ديئے؟

۳_ اہل كتاب كا ماضى ان كے فسق و فجور سے كہيں زيادہ گھٹيا اور ناپسنديدہ تھا_

قل هل انبئكم بشر: من ذلك مثوبة عند الله مذكورہ بالا مطلب اس مبنا پر اخذ كيا گيا ہے كہ جب ''ذلك ''اس فسق كى طرف اشارہ ہو جو'' ان اكثركم فاسقون'' سے حاصل ہوتا ہے_

۴_ اہل كتاب كى تاريخ ان كى طرف سے اہل ايمان پر

اعتراض كرنے كے گناہ سے كہيں زيادہ پليد گناہوں سے بھرى ہوئي تھي_قل هل انبئكم بشر من ذلك

يہ اس بناپر كہ جب ''ذلك'' اہل كتاب كى طرف سے مومنين پر كيے جانے والے اس اعتراض كى طرف اشارہ ہو جو جملہ'' ھل تنقمون'' سے استفاہ ہوتا ہے، يعنى اہل كتاب كا مومنين پر اعتراض انتہائي گھٹيا فعل اور گناہ ہے اور اس سے بدتر ان كے وہ اعمال ہيں جو مذكورہ آيت ميں بيان ہوئے ہيں _

۵_ بعض اہل كتاب خدا كى لعنت اور غضب كا شكار ہيں _من لعنه الله و غضب عليه

۶_ خداوند متعال نے بعض اہل كتاب كو بندر اور خنزير كى شكل ميں مسخ كرديا_و جعل منهم القردة و الخنازير

بہت سے مفسرين كا كہنا ہے كہ اصحاب سبت وہ يہودى ہيں جنہوں نے مختلف شرعى حيلوں بہانوں كے ذريعے ہفتے كے دن كى حرمت كو توڑا توبندر كى صورت ميں مسخ ہوگئے، اور وہ عيسائي جنہوں نے حضرت عيسيعليه‌السلام پر نازل ہونے والے كھانے كا انكار كيا تو خنزير ميں تبديل ہوگئے_

۷_ بعض اہل كتاب بت پرستى اور غير خدا كى عبات كى جانب مائل ہوگئے_و عبد الطاغوت

طاغوت كا مصدر طغى ہے، جس كا معنى سركشى اور تجاوز كرنا ہے اور اہل لغت نے اس كا شيطان، بت اور كفر و ضلالت و گمراہى كے رؤسا پر اطلاق كيا ہے_

۸_ بعض اہل كتاب كفر و ضلالت كے رؤساء كے مطيع و فرمانبردار تھے_و عبد الطاغوت

۹_ اہل كتاب كا خدا كى لعنت اور غضب ميں مبتلا ہونا، طاغوت كى پوجا ميں گرفتار ہونا اور ان كا بندر و خنزير كى شكل ميں مسخ ہونا ان كے ناروا اور گھٹيا افعال كى سزا ہے_هل انبئكم بشر: من ذلك مثوبة عند الله من لعنه و عبد الطاغوت كلمہ '' مثوبة '' (جزا و سزا )سے معلوم ہوتا ہے كہ غضب و ...كو ان برے نتائج اور عواقب كے طور پر بيان كيا گيا ہے، جو اہل كتاب كے ناروا اعمال كا تقاضاتھا_

۱۰_ عہد بعثت كے يہودى اور عيسائي اپنے بزرگوں كے ناروا اعمال پر راضى تھے_هل انبئكم بشر من ذلك مثوبة عند الله من لعنه الله و عبدالطاغوت گذشتہ ادوار ميں گذرنے والے يہوديوں اور عيسائيوں كے ناپسنديدہ اعمال كى وجہ سے عہد

آیت ۱۰۶

( يِا أَيُّهَا الَّذِينَ آمَنُواْ شَهَادَةُ بَيْنِكُمْ إِذَا حَضَرَ أَحَدَكُمُ الْمَوْتُ حِينَ الْوَصِيَّةِ اثْنَانِ ذَوَا عَدْلٍ مِّنكُمْ أَوْ آخَرَانِ مِنْ غَيْرِكُمْ إِنْ أَنتُمْ ضَرَبْتُمْ فِي الأَرْضِ فَأَصَابَتْكُم مُّصِيبَةُ الْمَوْتِ تَحْبِسُونَهُمَا مِن بَعْدِ الصَّلاَةِ فَيُقْسِمَانِ بِاللّهِ إِنِ ارْتَبْتُمْ لاَ نَشْتَرِي بِهِ ثَمَناً وَلَوْ كَانَ ذَا قُرْبَى وَلاَ نَكْتُمُ شَهَادَةَ اللّهِ إِنَّا إِذاً لَّمِنَ الآثِمِينَ )

ايمان والو جب تم ميں سے كسى كى موت سامنے آجائے تو گواہى كا خيال ركھنا كہ وصيت كے وقت دو عادل گواہ تم ميں سے ہوں يا پھر تمہارے غير ميں سے ہوں اگر تم سفر كى حالت ميں ہواو روہيں موت كى مصيبت نازل ہو جائے _ ان دونوں كونماز كے بعد روك كر ركھو پھر اگر تمہيں شك ہو تو يہ خدا كى قسم كھائيں كہ ہم اس گواہى سے كسى طرح كا فائدہ نہيں چاہتے ہيں چا ہے قرابتدارى كامعاملہ كيوں نہ ہو اور نہ خدا ئي شہادت كو چھپاتے ہيں كہ اس طرح ہم يقينا گناہگاروں ميں شمار ہو جائيں گے _

۱_ وصيت( موت كے بعد مال و غيرہ ميں تصرف كا تقاضا )ايك شرعى حكم، لازم الاجراء اور قانونى لحاظ سے معتبر امر ہے_شهادة بينكم حين الوصية اثنان ذوا عدل منكم

۲_ خداوند متعال نے ہر مسلمان كو تاكيد كى ہے كہ وہ دومسلمان اور عادل مردوں كى موجودگى ميں وصيت كرے_

يا ايها الذين آمنوا شهادة بينكم حين الوصية اثنان ذوا عدل منكم

۳_ موت كے آثار كا مشاہدہ كرنے كے باوجود وصيت كرنے ميں سہل انگارى اور سستى سے كام لينا اہل

ايمان كيلئے ايك ناروا اور ناپسنديدہ فعل ہے اگر چہ وہ حالت سفر اور ديار كفر ميں ہى ہو_

اذا حضر احدكم الموت حين الوصية ''حين الوصية'' ،'' اذا ''كيلئے بدل ہے، يعنى موت كے آثار كا مشاہدہ كرتے ہى كوئي اور كام انجام دينے كى بجائے وصيت كرنى چاہيئے، اور يہ اس بات كى ٹھوس دليل ہے كہ خداوند متعال نے وصيت كرنے كى بہت زيادہ تاكيد كى ہے_

۴_ وصيت اور اس كى حدود ثابت كرنے كيلئے دو مسلمان اور عادل مردوں كى گواہى ضرورى ہے_

شهادة بينكم حين الوصية اثنان ذوا عدل منكم

۵_ وصيت اور اس كى حدود ثابت كرنے كيلئے دو غير مسلم مردوں كى گواہى كافى ہے، بشرطيكہ وصيت كرنے والے كو سفر ميں موت آجائے اور وہ مرتے مرتے وصيت كرے_او آخران من غيركم ان انتم ضربتم فى الارض فاصابتكم مصيبة الموت

۶_ وصيت كے مسئلے ميں غير مسلم كى گواہى قبول كيے جانے كى ايك شرط يہ ہے كہ وہ خداوند متعال پر اعتقاد ركھتاہو_

فيقسمان بالله ان ا رتبتم لانكتم شهادة الله گواہوں كى شہادت اور گواہى قبول كرنے كيلئے ضرورى ہے كہ وہ اللہ كى قسم كھائيں ، اور اس سے معلوم ہوتا ہے كہ'' آخران من غيركم ''سے مراد وہ غير مسلم ہيں جو خداوند متعال پر ايمان ركھتے ہوں _

۷_ موت ايك سخت اور ناگوار سانحہ اور مصيبت ہے_مصيبة الموت

۸_ وصيت كے گواہوں كو قانونى اور معتبر شہادت دينے تك روكے ركھنا جائز ہے_تحبسونهما من بعد الصلاة فيقسمان بالله ممكن ہے جملہ ''تحبسونھما'' سے آيہ شريفہ كے آخر تك گواہى كى ادائيگى كى طرف اشارہ ہو، يعنى آيت كے اس حصے ميں بيان كى گئي شرائط، اثبات وصيت ميں دخيل ہيں ، اور يہ بھى ممكن ہے كہ شہادت كے بوجھ كى جانب اشارہ ہو، يعنى خداوند متعال نے وصيت كرنے والے كو ہدايت كى ہے كہ اگر اسے شك و ترديد ہو كہ گواہ اس كى وصيت صحيح طور پر بيان كريں گے يا نہيں ، تو اسے ان سے مطالبہ كرنا چاہيئے كہ نماز پڑھ كر قسم كھائيں كہ صحيح اور برحق گواہى ديں گے، مذكورہ بالا مطلب پہلے احتمال كى بناپر اخذ كيا گيا ہے_

۹_ اگر شك ہوجائے كہ غير مسلم نے صحيح گواہى دى ہے يا نہيں ؟ تو صرف اس كے قسم كھانے كى صورت ميں اس كى گواہى قابل قبول اور قانونى لحاظ سے معتبر سمجھى جائيگي_او آخران من غيركم تحبسونهما من بعد

الصلاة فيقسمان بالله ان ارتبتم ممكن ہے جملہ'' تحبسونھما ...'' گواہوں كے ہر دو گروہوں ''ذوا عدل منكم'' اور ''آخران من غيركم'' كى جانب اشارہ ہو، اور يہ بھى ممكن ہے كہ صرف دوسرے گروہ يعنى ''آخران من غيركم'' كى جانب اشارہ ہو، مذكورہ بالا مطلب اسى دوسرے احتمال كى بناء پر ليا گيا ہے_

۱۰_ جب وصيت كے گواہوں ( خواہ وہ مسلم ہوں يا غير مسلم )كى گواہى كے بارے ميں شك ہو جائے كہ صحيح ہے يا نہيں ؟ تو اس وقت ان كى گواہى كا معتبر اور قابل قبو ل ہونا قسم كے ساتھ مشروط ہے_

ذوا عدل منكم او آخران من غيركم تحبسونهما من بعد الصلاة فيقسمان بالله مذكورہ بالا مطلب اس اساس پر اخذ كيا گيا ہے، جب جملہ'' تحبسونھما'' وصيت كى گواہى دينے والے ہر دو گروہوں كى جانب اشارہ كررہاہو، اور ہر شاہد( خواہ وہ مسلم ہو يا غير مسلم) كى شہادت و گواہى كے معتبرہونے كو قسم سے مقيد و مشروط كرے_

۱۱_ وصيت كى گواہى دينے والے گواہوں كى قسم اس وقت معتبر ہوگى جب وہ نماز پڑھنے كے بعد قسم كھائيں _

تحبسونهما من بعد الصلاة فيقسمان بالله ان ارتبتم

۱۲_ نماز انسانى نفس كو پاك و منزہ كرنے ميں بہت مؤثر كردار ادا كرتى ہے، جس سے وہ جھوٹى قسميں كھانے اور شہادت و گواہى ميں خيانت كرنے سے اجتناب كرتا ہے_تحبسونهما من بعد الصلاة فيقسمان بالله

۱۳_ وصيت كى گواہى ديتے وقت صرف اللہ كے نام كى قسم ہى قابل قبول اور قانونى لحاظ سے معتبر سمجھى جائے گي_

فيقسمان بالله

۱۴_ وصيت كے گواہوں كيلئے قسم كھاتے وقت اس بات كا تذكرہ كرنا ضرورى ہے كہ وہ گواہى كو اپنے مالى مفادات كے حصول يا رشتہ داروں كو فائدہ پہنچانے كا وسيلہ قرار نہيں ديں گے_فيقسمان بالله ان ارتبتم لا نشترى به ثمنا و لو كان ذا قربي ''بہ ''كى ضمير سياق آيت سے حاصل ہونے والے كلمہ شہادت كى جانب اور'' كان'' كى ضمير مشہود لہ يعنى جس كے حق ميں گواہى دى جارہى ہے كى جانب لوٹ رہى ہے _

۱۵_ وصيت كے گواہوں كو اپنى قسم ميں اس بات كى وضاحت كرنا چاہيئے كہ انہوں نے وصيت ميں موجود كسى چيز كو نہيں چھپايا، بلكہ تمام كى تمام وصيت بيان كردى ہے_

فيقسمان بالله و لا نكتم شهادة الله

۱۶_ وصيت كے گواہوں كو اپنى قسم كے اختتام پر اس بات كى تاكيد كرنا چاہيئے كہ اگر وہ شہادت كى ادائيگى ميں خيانت كے مرتكب ہوئے ہوں تو ان كا شمار گناہگاروں ميں ہو_فيقسمان بالله انا اذا لمن الآثمين

۱۷_ گواہوں كو اپنے ذاتى يا رشتہ داروں كے مفادات كى خاطر گواہى ميں خيانت نہيں كرنا چاہيئے_

لا نشترى به ثمنا و لو كان ذا قربى انا اذا لمن الآثمين اگر چہ آيہ شريفہ وصيت كى گواہى كے بارے ميں آئي ہے ليكن پھر بھى وصيت كى شہادت ہو يا كسى اور كي، ان ميں خيانت سے اجتناب كرنا ضرورى ہے اور اس لحاظ سے ان ميں كوئي فرق نہيں ، لہذا يہ كہا جاسكتا ہے كہ شہادت ميں خيانت كرنے والا ہر شخص گناہگار ہے_

۱۸_ شہادت و گواہى ميں لغزش اور خيانت كے اسباب ميں سے ايك دولت پرستى اور رشتہ دارى ہے_

لا نشترى به ثمنا و لو كان ذا قربي

۱۹_ وصيت كى شہادت ايك عظيم كام ہے_و لا نكتم شهادة الله

''شہادة اللہ'' سے مراد وصيت كى شہادت و گواہى ہے، يعنى وصيت كى شہادت دينے والے در اصل شہادت خداوندى كا بوجھ اٹھائے ہوئے ہيں اور يہ وصيت كى شہادت كى عظمت پر دلالت كرتا ہے_

۲۰_ صحيح اور سچى گواہى دينا در حقيقت گواہوں اور شاہدين كے كاندھوں پر خداوند متعال كى طرف سے ڈالى گئي شرعى ذمہ دارى ہے_و لا نكتم شهادة الله شہادت كو اللہ كى جانب مضاف كرنے كا مقصد يہ حقيقت بيان كرنا ہے كہ شہادت اور گواہى حقوق اللہ ميں سے ہے اور خداوند متعال كے بندے اسے ادا كرنے كے پابند ہيں _

۲۱_ گواہوں كو يہ بات ملحوظ ركھنا ضرورى ہے كہ وہ جو بھى گواہى ديں گے خداوند متعال اس سے بخوبى آگاہ اور اس كا مشاہدہ كررہا ہے_و لا نكتم شهادة الله

۲۲_ مادى مفادات كى خاطر ميت كى وصيت چھپانے يا اس ميں تبديلى ايجاد كرنے والے گواہ گناہگاروں كے زمرے ميں آتے ہيں _لا نشترى و لا نكتم شهادة الله انا اذا لمن الآثمين

۲۳_ گواہى ميں خيانت كے ذريعے اپنے ذاتى مفادات كا حصول يا رشتہ داروں كو فائدہ پہنچانا گناہ ہے_

لا نشترى به ثمنا و لو كان ذا قربي انا اذا

لمن الآثمين

۲۴_ گواہى چھپانے كى صورت ميں گواہ باقاعدہ گناہگاروں كے زمرے ميں آتے ہيں _

و لا نكتم شهادة الله انا اذا لمن الآثمين

۲۵_ لوگوں كے حقوق ضائع كرنا بلا شك و شبہ گناہ ہے_لا نشترى به ثمنا و لو كان ذا قربى انا اذا لمن الآثمين

۲۶_ مادى مفادات كا حصول يا رشتہ داروں كو فائدہ پہنچانا دوسروں كے حقوق پامال كرنے كا جواز فراہم نہيں كرتا_

لا نشترى به ثمنا و لو كان ذا قربي

۲۷_ شہادت و گواہى ميں خيانت كرنا گناہ ہے_لا نشترى به ثمنا انا اذا لمن الاثمين

۲۸_ تمام اديان الہى ميں گواہى كو چھپانا يا اس ميں رد و بدل كرنا حرام اور ناروا فعل ہے_

لا نشترى به ثمنا و لو كان ذا قربى و لا نكتم شهادة الله انا اذا لمن الآثمين جملہ'' انا اذا ''وہ كلمات ہيں جو غير مسلم گواہوں كو بھى اپنى قسم كے اختتام پر ادا كرنے چاہئيں ، اور در حقيقت وہ يہ اعتراف كريں كہ شہادت و گواہى چھپانے كى صورت ميں وہ گناہگار ہيں ، اس سے معلوم ہوتا ہے كہ دوسرے اديان الہى كے پيروكار بھى جھوٹى گواہى كو حرام اور ناروا سمجھتے ہيں _

اديان:اديان ميں حرام چيزيں ۲۸

الله تعالى :الله تعالى كى گواہى ۲۱;الله تعالى كى نصيحتيں ۲

ايمان:خدا پر ايمان ۶

تزكيہ:تزكيہ كے اسباب ۱۲

حادثہ:سخت حادثہ ۷

عمل:ناپسنديدہ عمل ۳، ۲۸

قسم:جھوٹى قسم كھانے سے اجتناب ۱۲; خدا كى قسم كھانا ۱۳;قسم كا معتبر ہونا ۱۱، ۱۳;قسم كے اثرات ۹;قسم كے احكام ۱۱، ۱۳; وصيت ميں قسم كھانے كا طريقہ ۱۱

گناہ:گناہ كے موارد ۲۳، ۲۴، ۲۵، ۲۷

گناہگار افراد :۱۶، ۲۲، ۲۴

گواہ:گواہوں كو خبردار كرنا ۲۱;گواہوں كو محبوس كرنا ۸، ۲۰;گواہوں كى ذمہ دارى ۱۷; وصيت كے گواہ ۸، ۱۰، ۱۴، ۱۵، ۲۲;وصيت كے گواہوں كا قسم كھانا ۹، ۱۱، ۱۶

گواہي:غير مسلموں كى گواہى ۵، ۶، ۹، ۱۰;گواہى چھپانے كا گناہ ۲۴; گواہى چھپانے كى حرمت۲۸;گواہى دينا ۸، ۱۶، ۲۰;گواہى كا اعتبار ۹، ۱۰; گواہى كے آداب ۲; گواہى كے احكام ۸، ۹، ۱۰، ۱۷، ۲۰; گواہى كيلئے اسلام كى شرط ۱۲، ۴; گواہى كيلئے ايمان كى شرط ۶; گواہى كے معتبر ہونے كى شرائط ۶; گواہى ميں انصاف سے كام لينا۲، ۴; گواہى ميں خيانت كا گناہ ۲۷;گواہى ميں خيانت كرنا۱۲، ۱۶، ۱۷; گواہى ميں رد و بدل كى حرمت ۲۸; وصيت كى گواہى دينے كا طريقہ كار ۱۴، ۱۵، ۱۶

گھرانہ:گھريلو تعلقات ۱۸

لغزش:لغزش كے اسباب ۱۸

لوگ:لوگوں كے حقوق ضائع كرنا ۲۵، ۲۶

مال و دولت:مال و دولت سے محبت ۱۸

محبوس كرنا :محبوس كرنے كا جواز ۸

محرك :مادى محرك ۲۲

مفادات:مادى مفادات ۱۴، ۲۶

منفعت طلبي:منفعت طلبى كے اثرات ۲۶

موت:موت كى مصيبت ۷

مؤمنين:مؤمنين كى ذمہ دارى ۳

نماز:نماز كے اثرات ۱۲

وصيت:اثبات وصيت كا طريقہ كار ۴، ۵;حالت احتضار ميں وصيت ۵;سفر كے دوران وصيت ۳، ۵; وصيت كا اعتبار ۱;وصيت كو چھپانا ۲۲; وصيت كى اہميت ۳;وصيت كى گواہى دينا ۲، ۴، ۵، ۶، ۸، ۹، ۱۰، ۱۳، ۱۹;وصيت كى مشروعيت ۱;وصيت كے احكام ۱، ۲، ۴، ۵، ۶، ۹، ۱۱، ۱۳، ۱۴، ۱۵، ۱۶، ۱۹; وصيت كے مطابق عمل كرنا ۱;وصيت ميں رد و بدل كا گناہ ۲۲;وصيت ميں قسم كھانا ۱۰، ۱۴، ۱۵، ۱۶

آیت ۱۰۷

( فَإِنْ عُثِرَ عَلَى أَنَّهُمَا اسْتَحَقَّا إِثْماً فَآخَرَانِ يِقُومَانُ مَقَامَهُمَا مِنَ الَّذِينَ اسْتَحَقَّ عَلَيْهِمُ الأَوْلَيَانِ فَيُقْسِمَانِ بِاللّهِ لَشَهَادَتُنَا أَحَقُّ مِن شَهَادَتِهِمَا وَمَا اعْتَدَيْنَا إِنَّا إِذاً لَّمِنَ الظَّالِمِينَ )

پھر اگر معلوم ہو جائے كہ وہ دونوں گناہ كے حقدار ہو گئے ہيں توان كى جگہ دو دوسرے آدمى كھڑے ہوں گے ان افراد ميں سے جو ميت سے قريب تر ہيں اور وہ قسم كھائيں گے كہ ہمارى شہادت ان كى شہادت سے زيادہ صحيح ہے او رہم نے كسى طرح كى زيادتى نہيں كى ہے كہ اس طرح ظالمين ميں شمار ہوجائيں گے _

۱_ ناحق گواہياں ناقابل اعتبار اور ان پرقائم ہوئے احكام لغو اور ناقابل قبول ہوتے ہيں _فان عثر علي انهما استحقا اثما فاخران يقومان مقامهما ''عُثرص'' كا مصدرعثر اور عُثور ہے اور اس كا معنى آگاہ اور مطلع ہونا ہے اور ''استحقا'' باب استفعال سے ہے اور اس كى اصل ''حق '' ہے اور باب استفعال كے من جملہ معانى ميں سے، ايك چيز كو كچھ اور بناكر مثلا ناحق كو حق بناكر پيش كرنا ہے اور كہا جاسكتا ہے كہ استحقا سے يہى معنى مراد ليا گيا ہے، بنابريں جملہ''فان عثر ...'' كا معنى يہ ہوگا كہ اگر معلوم ہوجائے كہ گواہوں نے ايك گناہ (ناحق شہادت و گواہي) كو حق بناكر پيش كيا ہے

۲_ ناحق گواہى دينا اور جھوٹى قسم كھانا گناہ ہے_فان عثر علي انهما استحقا اثماً

''انا اذا لمن الآثمين'' كے قرينے كى بناپر ''اثما ''سے مراد جھوٹى شہادت و گواہى ہے_

۳_ شاہدين وصيت كى گواہى غلط اور نادرست ثابت كرنے كيلئے چھان بين نہ كرنا ايك اچھا اور پسنديدہ اقدام ہے_

فان عثر علي انهما استحقا اثما اگر چہ عثار وعثور كا معنى ساقط ہونا ہے، ليكن مجازاً اس شخص كے بارے ميں استعمال ہوتا ہے جو تحقيق و جستجو كے بغير كسى چيز سے آگاہ ہوجائے (ماخوذ از

مفردات راغب) فعل'' عثر'' كا مجہول ہونا بھى مذكورہ بالا مطلب كى جانب اشارہ ہوسكتا ہے_

۴_ جھوٹے شاہدين وصيت كى شہادت جن لوگوں كے نقصان ميں ہو ان ميں سے دو شخص ان شاہدين اور گواہوں كى جگہ شہادت دے سكتے ہيں _فاخران يقومان مقامهما من الذين استحق عليهم الاولين ''استحق'' كا مفعول كلمہ'' اثما '' ہے جو گذشتہ حصے كے قرينے كى بناپر حذف ہوگيا ہے، جبكہ ''اوليان''اس كا فاعل ہے، لہذا جو كچھ ''استحقا اثما'' كے بارے ميں كہا گيا ہے اسے مدنظر ركھنے سے ''من الذين استحق ...'' كا معنى يہ ہوگا كہ گواہى دينے والے نئے دو مرد ان افراد ميں سے ہونے چاہئيں جنہيں سابقہ شاہدين اور گواہوں نے اپنى جھوٹى اور غلط گواہى سے نقصان پہنچايا ہو_

۵_ اگر گواہوں كے علاوہ كچھ اور لوگ اثبات وصيت كيلئے بعض ثبوت پيش كريں توگواہوں كو ان پر اولويت اور ترجيح دينے كا معيار وصيت كے وقت گواہوں كا بنفس نفيس موجود ہونا ہے _من الذين استحق عليهم الاوليان

''اوليان'' تفضيل كا صيغہ اور اس كا معنى ''زيادہ موزوں افراد '' ہے، جبكہ يہاں پر اس سے مراد وہى پہلے گواہ ہيں ، اور ان كے اولى اور دوسروں سے زيادہ موزوں ہونے كى وجہ يہ ہے كہ خود وصيت كرنے والے نے ان سے گواہى دينے كا تقاضا كيا ہے اور انہيں اس كام كيلئے چنا ہے، اگر چہ دوسروں نے بھى يہ وصيت سنى ہو، اور يا پھر انہيں ترجيح دينے كى وجہ يہ بھى ہوسكتى ہے كہ يہ وصيت كے وقت بنفس نفيس موجود تھے، جبكہ دوسرے اس وقت موجود نہ تھے، بلكہ انہيں كسى اور طريقے سے وصيت ميں درج مطالب كا علم ہوگيا تھا، مذكورہ بالا مطلب اسى دوسرے احتمال كى جانب اشارہ كررہا ہے_

۶_ شاہدين وصيت كى جگہ كچھ اور لوگوں كى گواہى اس وقت معتبر اور قانونى سمجھى جائيگي، جب وہ اللہ كى قسم كھائيں _

فيقسمان بالله

۷_ شاہدين وصيت كى جگہ گواہى دينے والوں كو قسم كھاتے وقت اس بات كى تصريح كرنا چاہيئے كہ سابقہ شاہدين كى نہيں بلكہ ان كى گواہى صحيح و برحق ہے_فيقسمان بالله لشهادتنا احق من شهادتهما

''احق'' افعل تفضيل كا صيغہ ہے اس كا مقصد شاہدين وصيت كى حقانيت كى نفى اور ان كى جگہ گواہى دينے والے دوسروں لوگوں كى حقانيت ثابت كرنا ہے، نہ كہ ان كے درميان موازنہ كرنا كہ ان ميں سے كون صحيح اور كون زيادہ صحيح ہے جملہ ''فان عثر ...'' اس تفسير پر دلالت كرتا ہے_

۸_ شاہدين وصيت كى جگہ گواہى دينے والوں كو قسم

كھاتے وقت اس بات كى تصريح كرنا چاہيئے كہ انہوں نے اپنى گواہى ميں كسى پر ظلم نہيں كيا_

فيقسمان بالله مااعتدينا

۹_ شاہدين وصيت كى جگہ گواہى دينے والوں كو اپنى قسم كے اختتام پر اس بات كى تاكيد كرنا چاہيئے كہ اگر وہ شہادت اور گواہى ميں خيانت كے مرتكب ہوئے ہوں ، تو ستم كاروں ميں شمارہوں _فيقسمان بالله ...انا اذا لمن الظالمين

۱۰_ ناحق گواہى دينا اور جھوٹى قسم كھانا دوسروں كے حقوق پر تجاوز اور ان كے حق ميں ظلم ہے_

و ما اعتدينا انا اذا لمن الظالمين

جزا و سزا كا نظام: ۱

حقوق:حقوق كا اثبات ۴

ظالمين: ۹ظلم:ظلم كے موارد ۱۰

عمل:پسنديدہ عمل ۳

قسم:جھوٹى قسم ۱۰; جھوٹى قسم كا گناہ ۲;خدا كى قسم ۶;قسم كا اعتبار ۶;وصيت پرقسم كا طريقہ كار ۹

گناہ:گناہ كے موارد ۲

گواہ:وصيت كے گواہ ۴، ۵، ۶، ۷;وصيت كے گواہوں كى گواہى ۳

گواہي:جھوٹى گواہي۴;گواہى كے احكام ۱، ۴;گواہى ميں انصاف ۸; گواہى ميں ترجيح يا اولويت ۵;گواہى ميں خيانت ۹;لغو گواہى ۱;ناحق گواہى ۱، ۱۰;ناحق گواہى كا گناہ ۲;وصيت كى گواہى كا صحيح ہونا ۳; وصيت كى گواہى كا طريقہ كار ۶، ۷، ۸، ۹

لوگ:لوگوں كے حقوق پر تجاوز۱۰

وصيت:وصيت كا اثبات ۵;وصيت كے احكام ۳، ۴، ۵، ۶، ۷،۸، ۹;وصيت كے بارے ميں قسم كھانا ۷، ۸

آیت ۱۰۸

( ذَلِكَ أَدْنَى أَن يَأْتُواْ بِالشَّهَادَةِ عَلَى وَجْهِهَا أَوْ يَخَافُواْ أَن تُرَدَّ أَيْمَانٌ بَعْدَ أَيْمَانِهِمْ وَاتَّقُوا اللّهَ وَاسْمَعُواْ وَاللّهُ لاَ يَهْدِي الْقَوْمَ الْفَاسِقِينَ )

يہ بہترين طريقہ ہے كہ شہادت كو صحيح طريقہ سے پيش كريں يااس بات سے ڈريں كہ كہيں ہمارى گواہى كے بعدگواہى رد نہ كردى جائے اور الله سے ڈرتے رہو او راس كى سنو كہ وہ فاسق قوم كى ہدايت نہيں كرتا ہے_

۱_ وصيت كى گواہى كيلئے معين كى گئي شرائط اور قوانين مثلاً گواہوں كا عادل ہونا اور شك كے موارد ميں قسم كھانا و غيرہ صحيح اور سچى گواہى كے تحقق اور حصول كيلئے بہترين اور موزوں ترين قوانين اور شرائط ہيں _

ذلك ادني ان يا توا بالشهادة علي وجهها

۲_ وصيت كى گواہى كے بارے ميں وضع كيے گئے احكام اور قوانين (مثلاً جھوٹى گواہيوں كى نفى اور قسم كا حق دوسروں كى طرف پلٹانا و غيرہ) كو ملحوظ ركھنا، جھوٹى گواہى دينے سے گريز كرنے كا سبب اور سچى و صحيح گواہى دينے كى راہ ہموار كرتا ہے_او يخافوا ان ترد ايمان بعد ايمانهم'' يخافوا'' اور'' ايمانھم'' كى ضمير پہلے شاہدين

اور گواہوں كى جانب لوٹ رہى ہے، اور رد يمين (ترد ايمان ) سے مراد قسم كا حق دوسروں كو لوٹا دينا ہے، بنابريں '' او يخافوا ان ترد ...''كا معنى يہ ہوگا كہ _تا كہ پہلے گواہوں كو يہ ڈر ر ہے كہ ان كى قسم كو پس پشت ڈال كر يہ حق دوسروں كے حوالے كرديا جائيگا_

۳_ شاہدين وصيت پر خدا كى جانب سے شرعى ذمہ دارى عائد كى گئي ہے كہ وہ گواہى ميں خيانت كرنے اور دوسروں كے حقوق پر ڈاكہ ڈالنے سے گريز كريں اور يہ ان كے تقوي كى علامت ہے_ذلك ادنى ان يأتوا بالشهادة علي وجهها و اتقوا الله و اسمعوا

۴_ تقوي كى پابندى اور خوف خدا ،صحيح اور سچى گواہى

دينے كى ضمانت فراہم كرتے ہيں _ان يأتوا بالشهادة علي وجهها و اتقوا الله

۵_ خداوند متعال كى جانب سے اہل ايمان پر يہ شرعى ذمہ دارى عائد كى گئي ہے كہ وہ فرامين خدا كو غور سے سنيں اور ان كے سامنے سرتسليم خم كريں _واسمعوا

۶_ فرامين خداوندى كے سامنے سر تسليم خم كرنا تقوي اور خوف خدا كى علامت ہے_و اتقوا الله واسمعوا

۷_ اگر شہادات (گواہيوں ) كے احكام جارى كرنے والے، احكام خداوندى كے سامنے سر تسليم خم كريں اور تقوي اختيار كريں تو يہ چيز ان كيلئے لوگوں كے حقوق كے اثبات اور ان كى صحيح طور پر ادائيگى ميں ممد و معاون ثابت ہوتى ہے_

و اتقوا الله واسمعوا گذشتہ مطالب ميں '' اتقوا'' اور ''اسمعوا'' كا مخاطب گواہوں كو قرار ديا گيا ہے ليكن ايك اور احتمال بھى پايا جاتا ہے كہ ان دو جملوں ميں ان حكام اور قُضات كو مخاطب قرار ديا گيا ہو، جو احكام كے نفاذ پر مامور ہوتے ہيں _

۸_ احكام خداوندى كى پابندى سے ہميشہ اجتماعى حقوق كے صحيح اثبات اور درست ادائيگى كى راہ ہموار ہوتى ہے_

و اتقوا الله و اسمعوا

۹_ فاسق لوگ خدا كى خاص ہدايت سے محروم ہوتے ہيں _والله لا يهدى القوم الفاسقين

۱۰_ شہادت اور گواہى ميں خيانت كرنا اور جھوٹى قسم كھانا فسق ہے اور خداوند عالم كى خاص ہدايت سے محروميت كا باعث بنتا ہے_فان عثر علي انهما اسحقا والله لا يهدى القوم الفاسقين

۱۱_ تقوي كى پابندى نہ كرنا اور احكام خداوندى سے بے اعتنائي برتنا فسق كا موجب اور خداوند متعال كى خاص ہدايت سے محروميت كا باعث بنتا ہے_و اسمعوا والله لا يهدى القوم الفاسقين

۱۲_ انسان ارادہ خداوندى سے ہى ہدايت پاتے ہيں ، اور ان كى ہدايت اسى كے اختيار ميں ہے_والله لا يهدى القوم الفاسقين

۱۳_ تقوي اختيار كرنا اور فرامين خداوندى كے سامنے سر تسليم خم كرنا ہدايت الہى سے بہرہ مند ہونے كا باعث بنتا ہے_و اتقوا الله و اسمعوا والله لا يهدى القوم الفاسقين

۱۴_ گمراہ اور خدا وند متعال كى خاص ہدايت سے محروم لوگ خود ہى ہدايت خداوندى تك رسائي كى لياقت ختم كرنے كا باعث بنتے ہيں _والله لا يهدى القوم الفاسقين

اللہ تعالى:اللہ تعالى كا ارادہ ۱۲; اللہ تعالى كى خاص ہدايت ۱۰، ۱۱، ۱۴ ;اللہ تعالى كى ہدايت ۱۳;اللہ تعالى كے اوامر پرعمل كرنا ۸;اللہ تعالى كے اوامر سے روگردانى ۱۱;االلہ تعالى كے اوامركى اطاعت ۵

تحريك:تحريك كے اسباب ۲

تقوي:تقوي كى علامات ۳، ۶; تقوي كے اثرات ۴، ۷، ۱۳

خوف:خوف خداوندى ۶;خوف خداوندى كے اثرات ۴

خيانت: ۲خيانت سے اجتناب ۳

سرتسليم خم كرنا:اوامر خداوندى كے سامنے سر تسليم خم كرنا ۵، ۶، ۷، ۱۳; سر تسليم خم كرنے كے اثرات ۱۳

شرعى فريضہ:شرعى فريضہ پر عمل كا پيش خيمہ ۲ ، ۴

عدم تقوي:عدم تقوي كے اثرات ۱۱

علم:علم كے اثرات ۲

فاسقين:فاسقين كى محروميت ۹

فسق:فسق كے موارد ۱۰، ۱۱

قسم :جھوٹى قسم ۱۰

گمراہ:گمراہوں كى محروميت ۱۴

گواہ:وصيت كے گواہوں كى ذمہ دارى ۳

گواہي:برحق گواہى كا پيش خيمہ۱، ۲، ۴; جھوٹى گواہى كے موانع ۲;گواہى پر عمل درآمد كرانے والے ۷;گواہى كے احكام ۷;گواہى كيلئے عادل ہونے كى شرط۱;گواہى ميں خيانت۳، ۱۰; وصيت كى گواہى كى شرائط ۱

گواہى جارى كرنے والے : ۷

لوگ:لوگوں كے حقوق ادا كرنا ۷، ۸;لوگوں كے حقوق پر ڈاكہ ڈالنا ۳

محروم لوگ:خدا كى ہدايت سے محروم لوگ ۹،۱۴

مؤمنين:مؤمنين كى ذمہ دارى ۵;مؤمنين كے شرعى فرائض ۵

وصيت:وصيت كى گواہى ۲;وصيت كے احكام ۱، ۲;وصيت كے بارے ميں قسم كھانا ۱، ۲

ہدايت:ہدايت كا پيش خيمہ ۱۳ ; ہدايت كى استعداد اور لياقت كا زائل ہونا ۱۴;ہدايت كے اسباب ۱۲;ہدايت كے موانع ۹، ۱۰، ۱۱، ۱۴

آیت ۱۰۹

( يَوْمَ يَجْمَعُ اللّهُ الرُّسُلَ فَيَقُولُ مَاذَا أُجِبْتُمْ قَالُواْ لاَ عِلْمَ لَنَا إِنَّكَ أَنتَ عَلاَّمُ الْغُيُوبِ )

جس دن خدا تمام مرسلين كو جمع كركے سوال كرے گا كہ تمہيں قوم كى طرف سے تبليغ كا كيا جواب ملا تو وہ كہيں گے كہ ہم كيا بتائيں تو خود ہى غيب كا جاننے والا ہے _

۱_ خداوند متعال قيامت كے دن تمام انبياءعليه‌السلام كو اكٹھا كريگا_يوم يجمع الله الرسل

۲_ قيامت كے دن انبياءعليه‌السلام كو اكٹھا كيے جانے كا مقصد يہ ہے كہ امتوں كے دعوت انبياءعليه‌السلام كے حوالے سے سلوك كے بارے ميں سوال كيا جائے_يوم يجمع الله الرسل فيقول ماذا اجبتم

۳_ قيامت، امتوں سے حساب كتاب لينے اور دعوت انبياءعليه‌السلام كے مقابلے ميں ان كے رد عمل كے متعلق سوال جواب كرنے كا دن ہے_يوم يجمع الله الرسل فيقول ماذا اجبتم

۴_ قيامت ،انسانوں كے اعمال كے متعلق سوال و جواب كا دن ہے_يوم يجمع الله الرسل فيقول ماذا اجبتم

۵_ اہل ايمان كيلئے قيامت اور اس دن ہونے والے حساب وكتاب كے مناظر كو ياد كرنا لازمى اور ضرورى ہے_

يوم يجمع الله الرسل فيقول ماذا اجبتم اس احتمال كى بناپر كہ ''يوم ''،''اذكروا '' جيسے محذوف فعل كيلئے مفعول بہ ہو_

۶_ قيامت اور اس دن ہونے والے اعمال كى چھان بين كو ياد ركھنے سے تقوي كى پابندى اور خوف خداوندى كى راہ ہموار ہوتى ہے_واتقوا الله يوم يجمع الله الرسل اگر ''يوم''،'' اذكروا ''كيلئے مفعول ہو تو پھر'' اتقوا اللہ'' كے بعد جملہ'' اذكروا يوم ...'' لانا تقوي اور خوف خداوندى كے لازمى ہونے كى علل و اسباب ميں سے ايك علت كى جانب اشارہ ہوسكتا ہے_

۷_ قيامت اور اس دن ہونے والے حساب و كتاب سے ڈرنا ضرورى ہے_يوم يجمع الله الرسل

مذكورہ بالا مطلب اس بناپر اخذ كيا گيا ہے جب ''يوم'' گذشتہ آيت ''اتقوا اللہ'' ميں موجود كلمہ'' اللہ'' كيلئے بدل اشتمال ہو، يا پھر'' اتقوا'' يا ''احذروا'' و غيرہ جيسے فعل كيلئے مفعول ہو، كہ جو ''اتقوا اللہ'' كے قرينہ كى بناپر حذف كرديا گيا ہو_

۸_ قيامت كے دن فاسقين گمراہ و سرگردان ہوں گے_والله لا يهدى القوم الفاسقين _ يوم يجمع الله الرسل

مذكورہ بالا مطلب اس اساس پر اخذ كيا گيا ہے كہ جب ''يوم''، گذشتہ آيت ميں موجود'' لا يھدي ...'' كيلئے ظرف ہو_

۹_ رسالت انبياءعليه‌السلام كے سرفہرست اہداف اور اہم فرائض ميں سے ايك امتوں كو فرامين خداوند ى كى اطاعت و پيروى كى دعوت دينا ہے_يوم يجمع الله الرسل فيقول ما ذا اجبتم

۱۰_ امتيں انبيائے خدا كى دعوت قبول كرنے كى ذمہ دار ہيں _ماذا اجبتم

۱۱_ قيامت كے دن انبياءعليه‌السلام اس چيز سے لاعلمى كا اظہار كريں گے كہ ان كى امتوں نے ان كى دعوت كا كيا كيا؟

فيقول ماذا اجبتم قالوا لا علم لنا حضرت امام باقرعليه‌السلام مذكورہ آيہ شريفہ كے بارے ميں فرماتے ہيں : ان لھذا تاويلا يقول: (ماذا اجبتم فى اوصيائكم الذين خلفتموهم علي اممكم؟ فيقولون لا علم لنا بما فعلوا بعدنا )(۱) يعنى اس آيہ شريفہ كى ايك تاويل ہے اور وہ يہ كہ جب ان سے پوچھا جائے گا كہ تمہارے پاس ان لوگوں كے بارے ميں كيا جواب ہے، جنہيں تم اپنى امتوں ميں اپنا وصى بناكر آئے ہو؟ تو وہ جواب ديں گے كہ ہميں كوئي علم نہيں كہ لوگوں نے ہمارے بعد كيا كيا؟

۱۲_ دعوت انبياءعليه‌السلام كے متعلق امتوں كے حقيقى رد عمل سے آگاہي، علم غيب كے زمرے ميں آتى ہے_

____________________

۱) كافى ج۸ص ۳۳۸ ح ۵۳۵; نورالثقلين ج۱ ص ۶۸۸ ح ۴۲۷_

فيقول ما ذا اجبتم قالوا لا علم لنا انك انت علام الغيوب

۱۳_ خداوند متعال انبياءعليه‌السلام كى دعوت اور رسالت كے مقابلے ميں امتوں كے رد عمل سے مكمل طور پر آگاہ ہے_

فيقول ماذا اجبتم انك انت علام الغيوب

۱۴_ صرف خداوند متعال غيبى اور پنہاں امور سے مكمل اور مطلق طور پر آگاہ ہے_انك انت علام الغيوب

''الغيوب'' كى الف لام استغراق كيلئے ہے، جبكہ ''علام'' صيغہ مبالغہ ہے جو خداوند متعال كے كامل اور وسيع علم پر دلالت كرتا ہے_

۱۵_ غيب كے متعلق انبياءعليه‌السلام كا علم اور آگاہى خداوند متعال كے وسيع علم كے مقابلے ميں بہت ہى كم اور ناچيز ہے_قالوا لا علم لنا انك انت علام الغيوب

''لا علم لنا'' كے بعد جملہ'' انك '' اس بات كيلئے قرينہ ہوسكتا ہے كہ علم خداوندى كے مقابلے ميں انبياءعليه‌السلام كا علم كچھ بھى نہيں _

اللہ تعالى:اللہ تعالى سے مختص امور ۱۴;اللہ تعالى كا علم غيب ۱۳، ۱۴، ۱۵;اللہ تعالى كى اطاعت ۹; اللہ تعالى كے افعال ۱

امت:امتوں كا حساب كتاب ۳;امتوں كى دعوت ۹;امتوں كى ذمہ دارى ۱۰;امتيں اور دعوت انبياءعليه‌السلام ۲، ۳، ۱۰، ۱۱، ۱۲، ۱۳

انبياء:انبياءعليه‌السلام قيامت ميں ۱، ۲، ۱۱;ابنياءعليه‌السلام كا علم غيب ۱۵ انبياءعليه‌السلام كى ذمہ دارى ۹;انبياءعليه‌السلام كى رسالت ۹

تقوي:تقوي كا پيش خيمہ ۶

خوف:خوف خدا كا پيش خيمہ ۷;قيامت سے خوف ۶

ذكر :قيامت كا ذكر ۶;قيامت كے ذكر كى اہميت ۵

روايت: ۱۱

علم غيب:علم غيب كے موارد ۱۲

عمل:عمل كا اخروى حساب وكتاب ۶;عمل كا حساب كتاب ۴

فاسق:فاسق قيامت ميں ۸;فاسقوں كى اخروى سرگردانى ۸;فاسقوں كى اخروى گمراہى ۸

قيامت:قيامت كے دن سرگردان ہونا ۸; قيامت كے دن ہونے والا حساب كتاب ۳، ۶، ۷;قيامت كے دن ہونے والے سوال ۲، ۴ ;قيامت ميں ہونےوالے حساب و كتاب كى اہميت ۵

مومنين:مومنين اور قيامت ۵

آیت ۱۱۰

( إِذْ قَالَ اللّهُ يَا عِيسى ابْنَ مَرْيَمَ اذْكُرْ نِعْمَتِي عَلَيْكَ وَعَلَى وَالِدَتِكَ إِذْ أَيَّدتُّكَ بِرُوحِ الْقُدُسِ تُكَلِّمُ النَّاسَ فِي الْمَهْدِ وَكَهْلاً وَإِذْ عَلَّمْتُكَ الْكِتَابَ وَالْحِكْمَةَ وَالتَّوْرَاةَ وَالإِنجِيلَ وَإِذْ تَخْلُقُ مِنَ الطِّينِ كَهَيْئَةِ الطَّيْرِ بِإِذْنِي فَتَنفُخُ فِيهَا فَتَكُونُ طَيْراً بِإِذْنِي وَتُبْرِئُ الأَكْمَهَ وَالأَبْرَصَ بِإِذْنِي وَإِذْ تُخْرِجُ الْمَوتَى بِإِذْنِي وَإِذْ كَفَفْتُ بَنِي إِسْرَائِيلَ عَنكَ إِذْ جِئْتَهُمْ بِالْبَيِّنَاتِ فَقَالَ الَّذِينَ كَفَرُواْ مِنْهُمْ إِنْ هَـذَا إِلاَّ سِحْرٌ مُّبِينٌ )

اس وقت كو ياد كرو جب خدا نے كہا كہ اے عيسي بن مريم ہمارى نعمتوں كو ياد كرو جو ہم نے تم پر اور تمہارى والدہ پر نازل كى ہيں كہ روح القدس كے ذريعہ تمہارى تائيد كى ہے كہ تم لوگوں سے گہوارہ ميں او رادھيڑ عمر ميں ايك انداز سے بات كرتے تھے اور ہم نے تم كو كتاب ، حكمت ، او رتوريت و انجيل كى تعليم دى ہے اور جب تم ہمارى اجازت سے مٹى سے پرندہ كى شكل بناتے تھے او راس ميں پھونك ديتے تھے تو وہ ہمارى اجازت سے پرندہ بن جاتا تھا اور تم مادر زاد اندھوں اور كوڑھيوں كو ہمارى اجازت سے صحت ياب كرديتے تھے اور ہمارى اجازت سے مردوں كو زندہ كرليا كرتے تھے_ اور ہم نے تم سے بنى اسرائيل كے شركوروك ديا اس وقت جب تم معجزات لے كرآئے او رانكے كافروں نے كہہ ديا كہ يہ سب كھلا ہوا جادو ہے _

۱_ حضرت عيسيعليه‌السلام اور ان كى والدہ حضرت مريمعليه‌السلام خداوند متعال كى خاص نعمتوں سے بہرہ مند تھے_

اذ قال الله يا عيسي ابن مريم اذكر نعمتى عليك و علي والدتك

۲_ حضرت عيسيعليه‌السلام كا فريضہ تھا كہ اپنے اور اپنى والدہ حضرت مريمعليه‌السلام پر نازل ہونے والى نعمتوں كو ياد كريں _

اذ قال الله يا عيسي ابن مريم اذكر نعمتى عليك و علي والدتك

۳_ انسان كا فريضہ ہے كہ اپنے اوپر اور اپنے اقرباء پر نازل ہونے والى نعمتوں كو ياد كرے_

اذ قال الله يا عيسي ابن مريم اذكر نعمتى عليك و علي والدتك

۴_ خداوند متعال قيامت كے دن انبياءعليه‌السلام كے مجمع ميں حضرت عيسيعليه‌السلام اور ان كى والدہ حضرت مريمعليه‌السلام كو عطا كى جانے والى نعمتوں كى ياد دہانى كرائے گا_يوم يجمع الله الرسل فيقول يا عيسي ابن مريم اذكر نعمتى عليك و علي والدتك''اذقال الله '' ميں كلمہ ''اذ '' ''يوم ...''كيلئے بدل اشتمال ہے_

۵_ حضرت عيسيعليه‌السلام كو نعمتيں عطا كيا جانا ايسے ہى ہے جيسے ان كى والدہ حضرت مريمعليه‌السلام كو يہ نعمات خداوندى عطا كى گئي ہوں _اذكر نعمتى عليك و علي والدتك آيات قرآنى كے اس حصہ ميں صرف حضرت عيسيعليه‌السلام كو عطا كى گئي نعمتوں كا ذكرآيا ہے، جبكہ حضرت مريمعليه‌السلام كو خاص نعمات خداوندى عطا كيے جانے كے بارے ميں كچھ نہيں كہا گيا، لہذا يہ كہا جاسكتا ہے كہ حضرت عيسيعليه‌السلام كو نعمتيں عطا كرنا ايسے ہى ہے جيسے ان كى والدہ حضرت مريمعليه‌السلام كو عطا كى گئي ہوں _

۶_ حضرت عيسيعليه‌السلام خداوند متعال كے نہيں ، بلكہ حضرت مريمعليه‌السلام كے بيٹے ہيں _اذ قال الله يا عيسي ابن مريم

بظاہر معلوم ہوتا ہے كہ حضرت عيسيعليه‌السلام كو صراحت كے ساتھ حضرت مريمعليه‌السلام كا بيٹا قرار دينے كا مقصد عيسائيوں كے اس دعوي كو رد كرنا ہے كہ حضرت عيسيعليه‌السلام خداوند عالم كے بيٹے ہيں _

۷_ حضرت عيسيعليه‌السلام كو اپنى زندگى كے دوران خداوند عالم كى پشت پناہى اور تائيد حاصل رہي_

اذكر نعمتى عليك اذ ايدتك بروح القدس جملہ'' تكلم الناس ...'' اور'' ايدتك ...'' كو حرف عطف كے بغير آپس ميں متصل كرنا اس بات كا منہ بولتاثبوت ہے كہ جملہ'' تكلم الناس ...'' در اصل جملہ'' ايدتك ...''كيلئے تفسير ہے، اور اس بات كو واضح كرتا ہے كہ حضرت عيسيعليه‌السلام كو بچپن سے بڑھاپے تك خداوند متعال كى تائيد حاصل رہي_

۸_ خداوند متعال كى جانب سے جبرئيلعليه‌السلام نے حضرت

عيسيعليه‌السلام كى پشت پناہى اور مدد كي_اذ ايدتك بروح القدس تكلم الناس فى المهد و كهلاً

جملہ'' تكلم ...'' سے معلوم ہوتا ہے كہ حضرت عيسيعليه‌السلام نے اپنى زندگى كے دوران جو باتيں اور تعليمات بيان كيں وہ روح القدس كى مدد اور وساطت سے بيان كيں اور چونكہ تمام انبياءعليه‌السلام پر حضرت جبرئيلعليه‌السلام كے ذريعے وحى خدا نازل ہوتى تھي، لہذا يہ كہا جاسكتا ہے كہ روح القدس سے مراد حضرت جبرئيلعليه‌السلام ہى ہيں _

۹_ حضرت عيسيعليه‌السلام كا خداوند متعال كى تائيد اور حمايت سے بہرہ مند ہوناان خاص نعمات ميں سے ايك ہے جو انہيں عطا كى گئيں _اذكر نعمتى عليك اذ ايدتك بروح القدس

۱۰_ حضرت عيسيعليه‌السلام پيدائش كے وقت اوربچپنے كى ابتداہى سے بولنے اور باتيں كرنے كى قدرت ركھتے تھے_

تكلم الناس فى المهد

۱۱_ حضرت عيسيعليه‌السلام نے بچپن ميں جو باتيں كيں وہ بہت حكيمانہ اور ان كى ادھيڑ عمر اور مكمل رشد و تكامل كے زمانے ميں كى جانے والى باتوں كى ہم پلہ تھيں _اذ ايدتك بروح القدس تكلم الناس فى المهد و كهلا

يہ بات واضح و بديہى ہے كہ حضرت عيسيعليه‌السلام كا ادھيڑ عمرى ميں كلام كرنا ان كے ليے خاص نعمت شمار نہيں ہوتا، لہذا ''كھلا'' كو ''فى المھد'' پر عطف كرنا اس مطلب كى طرف اشارہ ہوسكتا ہے كہ پيدائش كے وقت ان كى باتيں مكمل رشد و تكامل كے زمانے ميں كى جانے والى باتوں كے ہم پلہ تھيں _

۱۲_ حضرت عيسي كو يہ قدرت روح القدس نے عطا كى جس سے وہ جھولے ميں اور جوانى اور ادھيڑ عمرى كے زمانے ميں لوگوں كے ساتھ كلام كرسكے_اذ ايدتك بروح القدس تكلم الناس فى المهد و كهلا

''كھل'' اس شخص كو كہا جاتا ہے جو جوانى كازمانہ گذار كر بڑھاپے ميں قدم ركھ رہا ہو، اور جملہ ''تكلم الناس ...'' جملہ'' ايدتك بروح القدس'' كا ايك مصداق بيان كررہا ہے_

۱۳_ حضرت عيسيعليه‌السلام كا بچپن سے لے كر ادھيڑ عمرى تك اپنى زندگى كے تمام مراحل ميں لوگوں كے ساتھ كلام كرنے پر قادر ہونا ان خاص نعمات ميں سے ايك ہے جو آپصلى‌الله‌عليه‌وآله‌وسلم كو خدا كى جانب سے عطا كى گئيں _اذكر نعمتى عليك تكلم الناس فى المهد و كهلا

۱۴_ حضرت عيسيعليه‌السلام كا جھولے ميں لوگوں سے كلام كرنا ان خاص نعمتوں كے زمرے ميں آتا ہے جو ان كى والدہ حضرت مريمعليه‌السلام كو خدا كى جانب سے عطا ہوئيں _

اذكر نعمتى عليك و على والدتك ...تكلم الناس فى المهد

۱۵_ حضرت عيسيعليه‌السلام اور ان كى واضح و و نماياں خصوصيات حضرت مر يمعليه‌السلام كيلئے خدا كى نعمت تھيں _

اذكر نعمتى عليك و على والدتك اذ ايدتك بروح القدس اذ جئتهم بالبينات بظاہر معلوم ہوتا ہے كہ اگرچہ''نعمتى عليك و على والدتك ''كا تقاضا يہ تھا كہ حضرت مريمعليه‌السلام كو عطا كى جانے والى نعمتوں كا بھى ذكر ہوتا ليكن ايسا نہ كرنا اس حقيقت كى جانب اشارہ ہے كہ خود حضرت عيسيعليه‌السلام اور ان كى مذكورہ خصوصيات ہى وہ نعمتيں ہيں جو خدا نے حضرت مريمعليه‌السلام كو عطا كيں _

۱۶_ حضرت عيسيعليه‌السلام كتاب، حكمت، تورات اور انجيل كا علم ركھتے تھے_و اذ علمتك الكتاب و الحكمة و التوراة والانجيل

۱۷_ خداوندمتعال حضرت عيسي كو علوم اور دينى تعليمات اور آسمانى كتابوں كا سكھانے والا ہے_

و اذ علمتك الكتاب و الحكمة و التورات و الانجيل

۱۸_ حضرت عيسيعليه‌السلام كى كتاب، حكمت، تورات اور انجيل سے آگاہي، انہيں عطا ہونے والى خدا كى خاص نعمتوں ميں سے ايك ہے_و اذ علمتك الكتاب والحكمة والتوراة والانجيل

۱۹_ تورات اور انجيل وہ عظيم الشان اور گرانبہا كتب ہيں جن كى حضرت عيسي كو تعليم دى گئي_و اذ علمتك الكتاب والحكمة والتوراة والانجيل ممكن ہے كہ'' الكتاب'' كے بعد تورات اور انجيل كو ذكر كرنے كے قرينہ كى بناپراس سے مراد تورات اور انجيل كے علاوہ دوسرى آسمانى كتب ہوں ، اس صورت ميں اگر چہ لفظ ''الكتاب'' تورات اور انجيل كو بھى شامل ہوسكتا تھا، ليكن اس كے باوجود انہيں صراحت كے ساتھ بيان كرنا ان كى خاص اور زيادہ اہميت پر دلالت كرتا ہے_

۲۰_ حضرت عيسيعليه‌السلام مٹى سے پرندے كى شكل كا ايسا مجسمہ بنانے پر قادر تھے جو ان كے پھونك مارنے سے اڑنے لگتا تھا_و اذ تخلق من الطين كهيئة الطير باذنى فتنفخ فيها فتكون طيرا باذني

۲۱_ بے جان موجودات كو زندگى عطا كرنا حضرت عيسيعليه‌السلام كے معجزات ميں سے ايك ہے_

و اذ تخلق من الطين كهيئة الطير باذنى فتنفخ فيها فتكون طيراً باذني

۲۲_بے جان مادى عناصر سے ذى روح اجسام كى خلقت كا جواز و امكان _و اذ تخلق من الطين كهيئة الطير باذني

۲۳_ حيوانات كا مجسمہ بنانا جائز اور مباح فعل ہے_و اذ تخلق من الطين كهيئة الطير

۲۴_ حضرت عيسيعليه‌السلام پيدائشى اندھوں كى بينائي واپس لوٹانے اور جذام اور كوڑھ ميں مبتلا افراد كو صحت ياب كرنے پر قادر تھے_و تبرى الاكمه والابرص باذني

۲۵_ حضرت عيسيعليه‌السلام منوں مٹى تلے دفن مردوں كو زندہ كرنے پر قادر تھے_و اذ تخرج الموتي باذني

مردوں كے اخراج،'' تخرج الموتي ''سے مراد انہيں زندہ كرنا ہے اور كلمہ اخراج استعمال كرنے كا مقصد يہ حقيقت بيان كرنا ہے كہ حضرت عيسيعليه‌السلام زمين ميں مدفون مردوں كو بھى زندہ كرنے اور انہيں زمين سے نكالنے پر قادر تھے_

۲۶_ حضرت عيسيعليه‌السلام ولايت تكوينى سے بہرہ مند تھے_و اذ تخلق من الطين و تبرى الاكمه والابرص باذنى و اذ تخرج الموتي

۲۷_ حضرت عيسيعليه‌السلام نے بہت سارے موقعوں پر بے جان اجسام كو زندگى عطا كرنے، اندھوں كو بينائي دينے، جزام اور كوڑھ ميں مبتلا افراد كو صحت ياب اور مردوں كو زندہ كرنے جيسے معجزات پيش كيے_اذ تخلق ...و تبرى الاكمه و الابرص باذنى و اذ تخرج مذكورہ بالا مطلب فعل مضارع ''تخلق''، ''تبري'' اور ''تخرج'' كو جو استمرار پر دلالت كرتے ہيں سے اخذ كيا گيا ہے_

۲۸_ انبياءعليه‌السلام صرف اذن خداوندى سے ہى معجزات دكھا سكتے ہيں _فتكون طيرا باذنى و اذ تخرج الموتي باذني

۲۹_ نظام ہستى (كائنات) پر اذن خدا حاكم ہے_و اذ تخلق من الطين كهيئة الطير باذنى و اذ كففت بنى اسرائيل عنك كلمہ '' اذني'' كو بار بار ذكر كرنا نيز بنى اسرائيل كى سازشوں كى ناكامى كو خدا وند عالم كى جانب نسبت دينا مذكورہ بالا مطلب پر دلالت كرتا ہے_

۳۰_ حضرت عيسيعليه‌السلام كے معجزات كے اذن خدا سے مربوط ہونے پر توجہ سے، ان كى الوہيت كے گمان كى بنياد باطل ہوجاتى ہے_اذ تخلق فتكون طيرا باذنى و تبرى الاكمه والابرص باذني

بے جان اجسام كو زندگى بخشنا اور مردوں كو زندہ كرنا ايسے معجزات ہيں جن سے معجزات دكھانے