امامين حسنين عليهما السلام ثقافتى اور فکر اسلامى - نيٹ ورک

تفسير راہنما جلد ۴

عيسائي:عيسائيوں كا ايمان ۱;عيسائيوں كى ذمہ دارى ۲

غم و اندوہ:غم و اندوہ سے نجات كے اسباب ۱;غم و اندوہ كے اسباب ۱۱

كفر :خدا كے بارے ميں كفر۱۱;قيامت كے بارے ميں كفر ۱۱

مسلمان:مسلمانوں كى ذمہ دارى ۲

مسيحيت:دين مسيحيت ۳

نجات:نجات كے عوامل ۹

يہود:يہود كا ايمان ۱;يہود كا دين ۳;يہود كى ذمہ دارى ۲

آیت ۷۰

( لَقَدْ أَخَذْنَا مِيثَاقَ بَنِي إِسْرَائِيلَ وَأَرْسَلْنَا إِلَيْهِمْ رُسُلاً كُلَّمَا جَاءهُمْ رَسُولٌ بِمَا لاَ تَهْوَى أَنْفُسُهُمْ فَرِيقاً كَذَّبُواْ وَفَرِيقاً يَقْتُلُونَ )

ہم نے بنى اسرائيل سے عہد ليا ہے او ران كى طرف بہت سے رسول بھيجے ہيں ليكن جب ان كے پاس كوئي رسول ان كى خواہش كے خلاف حكم لے آيا تو انھوں نے ايك جماعت كى تكذيب كى او ر ايك گروہ كو قتل كرديتے ہيں _

۱_ خداوند متعال نے بنى اسرائيل سے اپنے انبياءعليه‌السلام كى تصديق اور ان كى پيروى كا عہد و پيمان ليا_

لقد اخذنا ميثاق بنى اسرائيل و ارسلنا اليهم رسلا جملہ ''و ارسلنا اليھم رسلا'' سے معلوم ہوتا ہے كہ عہد و ميثاق كا مورد انبيائے خداكى تصديق ہے_

۲_ خداوند متعال نے بنى اسرائيل سے اپنے اور قيامت پر ايمان لانے اور نيك عمل انجام دينے كا عہد و

پيمان ليا_من آمن بالله و اليوم الآخر و عمل صالحاًً لقد اخذنا ميثاق بنى اسرائيل

مذكورہ آيت كے گذشتہ آيت سے پائے جانے والے ارتباط كو ملحوظ ركھتے ہوئے كہا جاسكتا ہے كہ خدا اور قيامت پر ايمان لانے اور نيك عمل انجام دينے كا عہد و پيمان ليا گيا_

۳_ خداوند متعال نے بنى اسرائيل كيلئے متعدد اور عظيم المرتبت انبياءعليه‌السلام مبعوث فرمائے_و ارسلنا اليهم رسلا

''رسلاً ''كى تنوين ،ان انبياءعليه‌السلام كى عظمت اور ان كے بلند مرتبہ كى جانب اشارہ ہوسكتا ہے_

۴_ انبياءعليه‌السلام كى تعليمات اور اہداف ،بنى اسرائيل كے نفسانى رجحانات كے ساتھ ہم آہنگ اور موافق نہيں تھے_

كلما جاء هم رسول بما لا تهوى انفسهم

۵_ رسالت انبياءعليه‌السلام كا نفسانى ميلان كے ساتھ منطبق ہونا يا نہ ہونا بنى اسرائيل كى جانب سے انبياءعليه‌السلام كى تصديق يا تكذيب كا باعث تھا_كلما جاء هم رسول بما لا تهوي انفسهم فريقاً كذبوا و فريقا يقتلون

۶_ خداوند عالم كے احكام اور تعليمات كو تسليم كرنا ہوس پرستى اور نفسانى خواہشات سے اجتناب كرنے سے وابستہ ہے_كلما جاء هم رسول بما لا تهوي انفسهم

۷_ بنى اسرائيل عہد شكن اور ہوس پرست لوگ تھے_لقد اخذنا ميثاق بنى اسرائيل كلما جائهم رسول بما لا تهوي انفسهم

۸_ خداوند عالم كے ساتھ كيے گئے عہد و پيمان كے توڑنے اور خواہشات نفسانيہ كى پيروى كى وجہ سے اہل كتاب كے پاس تورات، انجيل اور دوسرى الہى تعليمات كے قيام كيلئے كوئي مطمئن مركزنہ رہا _لستم على شيء لقد اخذ ميثاق بنى اسرائيل اس بناپر كہ جملہ '' لستم على شيء ...'' كا معنى يہ ہو كہ تمہارے پاس تو كوئي ايسا مركز نہيں ہے جس سے تورات اور انجيل كو نافذ كرسكو_ يہ معنى مد نظر ركھتے ہوئے كہا جاسكتا ہے كہ يہ آيت اس مركز اور ٹھكانے كى تفسير كررہى ہے يعنى اس سے مراد خداوند متعال كے ساتھ كيے گئے عہدكا پابند رہنا اور ہوا و ہوس كى پوجا سے اجتناب كرنا ہے_

۹_ انبياءعليه‌السلام كى تكذيب اور انہيں موت كے گھاٹ اتارنا بنى اسرائيل كا وہ و تيرہ تھا جو انہوں نے انبياءعليه‌السلام كے سلسلہ ميں اختيار كيا_كلما جاء هم رسول فريقا كذبوا و فريقا يقتلون

۱۰_ بنى اسرائيل، انبيائےعليه‌السلام خدا كى تكذيب اور انہيں قتل كر كے خدا وند عالم كے ساتھ كيے گئے عہد و پيمان سے بے اعتنائي برتنے كے مرتكب ہوئے_لقد اخذنا ميثاق بنى اسرائيل فريقا كذبوا و فريقا يقتلون

۱۱_ بنى اسرائيل كى ہوس پرستى نے انبياءعليه‌السلام كى تكذيب اور انہيں قتل كرنے كى راہ ہموار كي_

رسول بما لا تهوي انفسهم فريقا كذبوا و فريقا يقتلون

۱۲_ خدا كے عہد و پيمان كو توڑنے اور انبياءعليه‌السلام كى مخالفت اور ان سے نبرد آزما ہونے كى بنياد انسانوں كى ہوس پرستى ہے_كلما جاء هم رسول فريقا كذبوا و فريقا يقتلون

۱۳_ انبيائے بنى اسرائيل نے اپنى رسالت (ذمہ داري) كى انجام دہى ميں جام شہادت نوش كرنے تك استقامت و ثابت قدمى كا مظاہرہ كيا_فريقا كذبوا و فريقا يقتلون

۱۴_ بنى اسرائيل مسلسل پيغمبر اسلامصلى‌الله‌عليه‌وآله‌وسلم كو قتل كرنے كى كوشش ميں ر ہے_فريقا كذبوا و فريقا يقتلون

فعل مضارع'' يقتلون'' مذكورہ بالا مطلب كى طرف اشارہ ہوسكتا ہے_

۱۵_ دين يہود كى طرف منسوب ہونے كے باوجود ناروا كردار دليل ہے كہ اديان الہى سے ظاہرى نسبت انسان كى سعادت ميں مؤثر واقع نہيں ہوسكتي_ان الذين آمنوا و الذين هادوا فريقا كذبوا و فريقا يقتلون

گذشتہ آيت ميں بيان ہوا ہے كہ'' ان الذين ...'' اس حقيقت كى طرف اشارہ ہے كہ صرف اديان الہى سے نسبت انسان كى سعادت ميں مؤثر نہيں ہوتي_ يہ آيت اسى حقيقت كيلئے دليل كى حيثيت ركھتى ہے يعنى يہود و نصاري كا يہوديت ونصرانيت كى جانب منسوب ہونا كيونكر ان كى سعادت كا سبب بن سكتا ہے جبكہ انہوں نے انبيائعليه‌السلام كى تكذيب كى اور بعض نے انہيں قتل كيا_

۱۶_ خداوند متعال نے مسلمانوں كو اس خطرے سے خبردار كيا ہے كہ مبادا وہ بھى انہى لغزشوں كے مرتكب ہوں جن كے بنى اسرائيل مرتكب ہوئے: (خدا كے عہد و پيمان كو توڑنا، ہوا و ہوس كى پوجا، انبياءعليه‌السلام كى تكذيب اور انہيں قتل كرنا)_ان الذين آمنوا لا تهوى انفسهم فريقا كذبوا و فريقاً يقتلون ابتدائے كلام ميں ''ان الذين آمنوا'' كے ذريعے مسلمانوں كا تذكرہ اور پھر بنى اسرائيل كے برے انجام كا ذكر كرنے سے معلوم ہوتا ہے كہ ان آيات كا ايك ہدف و مقصد يہ ہے كہ مسلمانوں كو اس طرح كے انجام سے دوچار ہونے سے محفوظ ركھے اور انہيں اچھى طرح

سمجھادے كہ وہ بھى اس طرح كے ناروا اعمال سے آلودہ ہونے كے خطرے سے دوچار ہيں _

الله تعالى:الله تعالى كا بنى اسرائيل كے ساتھ عہد ۱، ۲; الله تعالى كا خبردار كرنا ۱۶; الله تعالى كا عہد ۱۲

انبياءعليه‌السلام :انبياءعليه‌السلام كى اطاعت ۱;انبياءعليه‌السلام كى بعثت ۳;انبياءعليه‌السلام كى تعليمات ۴، ۵;انبياءعليه‌السلام كو جھٹلانا ۵، ۹، ۱۶ ;انبياءعليه‌السلام كو جھٹلانے كا پيش خيمہ ۱۱;انبياءعليه‌السلام كى مخالفت ۱۲

انسان:انسان كى سعادت ۱۵

ايمان:انبياءعليه‌السلام پر ايمان ۱، ۵;ايمان كا متعلق ۲;خدا تعالى پر ايمان ۲; قيامت پر ايمان ۲

بنى اسرائيل:انبيائے بنى اسرائيل ۳;انبيائے بنى اسرائيل كى ثابت قدمى ۱۳;بنى اسرائيل اور آنحضرتصلى‌الله‌عليه‌وآله‌وسلم كا قتل ۱۴;بنى اسرائيل اور انبياءعليه‌السلام ۴، ۵;بنى اسرائيل اور انبياءعليه‌السلام كا قتل ۹، ۱۰، ۱۱، ۱۶ ;بنى اسرائيل اور انبياءعليه‌السلام كى تكذيب ۱۰;بنى اسرائيل اور انجيل ۸;بنى اسرائيل اور تورات ۸; بنى اسرائيل اور عہد خدا ۱۰;بنى اسرائيل كا دين ۱۵;بنى اسرائيل كا سلوك ۹;بنى اسرائيل كا ناپسنديدہ عمل ۱۵;بنى اسرائيل كى صفات ۷; بنى اسرائيل كى عہد شكنى ۷، ۸; بنى اسرائيل كى لغزش ۱۶;بنى اسرائيل كى ہوس پرستى ۷، ۸، ۱۱، ۱۶ ; بنى اسرائيل كے رجحانات۴، ۵

دين:دينى تعليمات پر عمل ۸;دينى تعليمات كا قبول كرنا ۶

دينداري:ديندارى كے اثرات ۱۵

سعادت:سعادت كے عوامل ۱۵

عمل:ناپسنديدہ عمل كے اثرات ۱۵;نيك عمل كى اہميت ۲

عہدشكن: ۷عہدشكني:عہد شكنى كا پيش خميہ ۱۲;عہد شكنى كے اثرات ۸

مسلمان:مسلمانوں ميں لغزش ۱۶;مسلمانوں كو خبردار كرنا ۱۶

ہوس پرست: ۷، ۱۱، ۱۶ہوس پرستي:

ہوس پرستى سے اجتناب ۶;ہوس پرستى كے اثرات ۸، ۱۱، ۱۲

آیت ۷۱

( وَحَسِبُواْ أَلاَّ تَكُونَ فِتْنَةٌ فَعَمُواْ وَصَمُّواْ ثُمَّ تَابَ اللّهُ عَلَيْهِمْ ثُمَّ عَمُواْ وَصَمُّواْ كَثِيرٌ مِّنْهُمْ وَاللّهُ بَصِيرٌ بِمَا يَعْمَلُونَ ) .

او ران لوگوں نے خيا ل كيا كہ اس ميں كوئي خرابى نہ ہو گى اسى لئے يہ حقائق سے اندھے او ربہرے ہو گئے ہيں _ اس كے بعد خدانے ان كى تو بہ قبول كرلى ليكن پھر بھى اكثريت اندھى بہرى ہو گئي او رخد ا ان كے تمام اعمال پرگہرى نگاہ ركھتا ہے _

۱_ بنى اسرائيل اس باطل وہم و گمان ميں تھے كہ وہ خداوند عالم كى آزمائشوں ميں مبتلا نہيں ہونگے_و حسبوا الا تكون فتنة ''فتنة''، آزمائش اور عذاب ہر دو معنى ميں استعمال ہوسكتا ہے مذكورہ بالا مطلب پہلے معنى كى بناپر اخذ كيا گيا ہے_

۲_ خداوند متعال كى جانب سے امتحان اور آزمائشيں تمام لوگوں كيلئے ہيں _و حسبوا الا تكون فتنة

الہى امتحان پر يقين نہ ہونے كى وجہ سے بنى اسرائيل كى سرزنش اس حقيقت كا منہ بولتا ثبوت ہے كہ تمام انسان بلا استثناء آزمائش ميں ڈالے جائيں گے_

۳_ بنى اسرائيل كا دينى افكار اور آراء ميں وہم و گمان پر اعتمادكرنا_و حسبوا الا تكون فتنة

۴_ انبياءعليه‌السلام اور ان كے دين سے نسبت كى بناپر خدا وند عالم كے امتحان اور عذاب سے محفوظ رہنا موہوم اور بے بنياد خيال ہے_ان الذين آمنوا والذين هادوا و حسبوا الا تكون فتنة اس آيہ شريفہ كے آيت ۶۹ سے پائے جانے والے ارتباط سے پتہ چلتا ہے كہ بنى اسرائيل كے خدا كے امتحان اور عذاب سے آسودہ خاطر ہونے كى وجہ ان كا اسرائيل اور دين يہود كى جانب منسوب ہونا تھا اور جملہ'' حسبوا ...'' اس خيال كے زعم باطل ہونے كى دليل ہے_

۵_ بنى اسرائيل اپنے دين اور نسل كے بارے ميں

گھمنڈ ميں مبتلا تھے_لقد اخذنا ميثاق بنى اسرائيل و حسبوا الا تكون فتنة

بہت سے مفسرين كا نظريہ ہے كہ بنى اسرائيل كے عقيدہ (خدا كے امتحان اور عذاب سے نجات) كى وجہ يہ تھى كہ وہ اسرائيل كى نسل سے تعلق ركھتے ہيں اور يہوديت يا نصرانيت كى طرف منسوب ہيں _آيت ۶۹جو صرف دين كى طرف نسبت كو سعادت كيلئے مؤثر و مفيد نہيں سمجھتى اس نظريہ كى جانب اشارہ ہوسكتى ہے_

۶_ بنى اسرائيل كا لاپروائي كے ساتھ عہد خداوندى كو توڑنا، انبياءعليه‌السلام كو جھٹلانا اور انہيں قتل كرنا اس وجہ سے تھا كہ ان كا يہ عقيدہ تھا كہ وہ ہر صورت ميں عذاب سے محفوظ ہيں _فريقا كذبوا و فريقا يقتلون_ و حسبوا الا تكون فتنة

۷_ بنى اسرائيل كے بے بنياد عقائد ميں سے ايك يہ وہم و گمان تھا كہ انہيں عہد شكني، انبياءعليه‌السلام كے جھٹلانے اور انہيں موت كے گھاٹ اتارنے پر كوئي سزا نہيں ملے گي_لقد اخذنا ميثاق بنى اسرائيل و حسبوا الا تكون فتنة

مذكورہ بالا مطلب ميں '' فتنة '' كو عذاب كے معنى ميں ليا گيا ہے_

۸_ بنى اسرائيل كے اس وہم و گمان نے كہ وہ خداوند عالم كے عذاب اور امتحان سے محفوظ رہيں گے ان ميں حق بات سننے كى صلاحيت اور دينى بصيرت كو بالكل ختم كرديا_فعموا و صموا

۹_ بنى اسرائيل كى جانب سے انبياءعليه‌السلام كو جھٹلانا اور انہيں موت كے گھاٹ اتارنا ان كيلئے حق كى پہچان اور دينى بصيرت سے محروميت كا سبب بنا_فريقا كذبوا و فريقا يقتلون فعموا و صموا جملہ'' عموا و صموا ''جملہ ''حسبوا ...'' پر متفرع ہونے كے علاوہ جملہ'' فريقا كذبوا ...'' پر بھى متفرع ہوسكتا ہے_

۱۰_ عمل اور فكر ايك دوسرے پر اثر انداز ہوتے ہيں _فريقا كذبوا و فريقا يقتلون _ و حسبوا الا تكون فتنة فعموا و صموا بنى اسرائيل كا سزا نہ پانے كا عقيدہ ان كى طرف سے لاپروائي كے ساتھ انبياءعليه‌السلام كو جھٹلانے اور انہيں قتل كرنے كا سبب بنا ( يہ فكر كے عمل ميں مؤثر ہونے كا نمونہ ہے )اور يہ ناروا عمل ان كے اندھے اور بہرے پن كا سبب بنا (يہ عمل كے فكر ميں مؤثر ہونے كا نمونہ ہے )_

۱۱_ بنى اسرائيل ايك زمانے ميں كچھ عرصہ كيلئے پسنديدہ عمل اور صحيح دينى فكر كى جانب مائل ہوئے_

ثم تاب الله عليهم

چونكہ گذشتہ آيات بنى اسرائيل كے ناروا عمل اور ناپسنديدہ كردار نيز غلط دينى افكاركى وضاحت كررہى تھيں لہذا اس سے معلوم ہوتا ہے كہ انہوں نے ہر دو جہات سے توبہ كي_

۱۲_ تاريخ كے ايك حصے ميں بنى اسرائيل توبہ كرتے ہوئے خداوند عالم كى جانب لوٹ آئے_ثم تاب الله عليهم

اہل لغت نے ''بندے پر خداوند عالم كى توبہ ''كا معنى توبہ كى توفيق كيا ہے_

۱۳_ خداوند متعال نے بنى اسرائيل كى طرف سے ناروا عمل اور كردار پر پچھتاوے اور غلط دينى افكار ترك كرنے كے بعد ان كى توبہ قبول كرلي_ثم تاب الله عليهم بندوں كو توبہ كى توفيق دينے كا لازمہ يہ ہے كہ ان كى توبہ قبول كى جائے_

۱۴_ بنى اسرائيل كى توبہ قبول كيے جانے كے بعد ان كى فكرو نظر ميں اصلاح ہوئي_ثم تاب الله عليهم ثم عموا و صموا جملہ'' ثم عموا و صموا'' ميں موجود كلمہ ''ثم'' سے معلوم ہوتا ہے كہ جب بنى اسرائيل پر رحمت خداوندى نازل ہوئي اور بارگاہ خداوندى ميں ان كى توبہ قبول ہوئي تو ان كى كھوئي ہوئي بصيرت واپس آگئي، اگر چہ ايك مدت كے بعد وہ دوبارہ اپنى بصيرت كھو بيٹھے اور ناروا اعمال كى جانب مائل ہوگئے_

۱۵_ صحيح فكر و بصيرت رحمت خداوندى كا ايك جلوہ ہے_فعموا و صموا ثم تاب الله عليهم مذكورہ بالا مطلب ميں بنى اسرائيل پر خدا وند عالم كى توبہ كا معنى ان پررحمت الہى كا نزول ليا گيا_

۱۶_ بہت سے بنى اسرائيل توبہ كى خلاف ورزى كركے حاصل كى ہوئي بصيرت كھو بيٹھے اور ناروا اعمال كے مرتكب ہوگئے_فعموا و صموا ثم تاب الله عليهم ثم عموا و صموا والله بصير بما يعملون

۱۷_ بہت سارے بنى اسرائيل نے توبہ كى خلاف ورزى كي_ثم تاب الله عليهم ثم عموا و صموا كثير منهم

۱۸_ ايك راہ پر گامزن لوگوں كى كثير تعداد اس راہ كى حقانيت كى دليل نہيں بن سكتي_ثم عموا و صموا كثيرا منهم

۱۹_ بعض بنى اسرائيل اپنى توبہ پر پابند رہنے كى وجہ سے صحيح دينى بصيرت اور افكارسے بہرہ مند ہوئے_

ثم عموا و صموا كثير منهم

۲۰_ خداوند متعال كى بنى اسرائيل كے اعمال و كردارپر ہمہ پہلو نظارت _والله بصير بما يعملون

۲۱_ خداوند متعال كى بنى اسرائيل كے ظالم و بد كردار لوگوں كو تہديد_ثم عموا و صموا كثير منهم والله بصير بما يعملون ظالم و گناہگار لوگوں كے اعمال و كردار سے خداوند متعال كى آگاہى كا تذكرہ كرنے كا ايك مقصد انہيں عذاب و غيرہ كى تنبيہ و تہديد كرنا ہے_

۲۲_ اعمال پر خداوند عالم كى نظارت اور آگاہى كو ملحوظ ركھنا جرائم اور ناپسنديدہ اعمال كے ارتكاب سے اجتناب كا پيش خيمہ ہے_والله بصير بما يعملون انسانوں كے اعمال اور كردار سے خدا وند عالم كى آگاہى كے ذكر كرنے كا ايك مقصد يہ ہے كہ انہيں خدا كى دائمى نظارت كى جانب متوجہ كيا جائے تا كہ وہ ناروا اعمال كے ارتكاب سے اجتناب كريں _

۲۳_ خداوند متعال نے پيغمبر اكرمصلى‌الله‌عليه‌وآله‌وسلم كے ہم عصر بنى اسرائيل كو خبردار كيا ہے كہ مبادا وہ بھى اپنے اسلاف كے نقش قدم پر چلتے ہوئے دوبارہ عہد شكني، انبياءعليه‌السلام كى تكذيب اور ان كے قتل جيسے ناروا اعمال كے مرتكب ہوں _

لقد اخذنا ميثاق بنى اسرائيل والله بصير بما يعملون گذشتہ افعال ميں ماضى (حسبوا ا،عموا و صموا )استعمال كرنے كے برخلاف يہاں پر فعل مضارع و ''يعملون'' لانے سے پتہ چلتا ہے كہ جملہ'' واللہ بصير ...'' پيغمبر اكرمصلى‌الله‌عليه‌وآله‌وسلم كے ہم عصر بنى اسرائيل كى طرف بھى ناظر ہے_

اصلاح:اصلاح كاپيش خيمہ ۱۴

اكثريت:اكثريت كى قدر و قيمت ۱۸

اللہ تعالى:اللہ تعالى كا خبردار كرنا ۲۳; اللہ تعالى كى جانب سے امتحان ۱، ۴;اللہ تعالى كى جانب سے عذاب ۴;اللہ تعالى كى دھمكى ۲۱;اللہ تعالى كى رحمت ۱۵; اللہ تعالى كى نظارت ۲۰، ۲۲; اللہ تعالى كے امتحان سے محفوظ رہنا ۸;اللہ تعالى كے امتحان كا عمومى ہونا ۲ ; اللہ تعالى كے عذاب سے محفوظ رہنا ۶، ۸

امتحان:امتحان سے محفوظ رہنا ۴

انبياءعليه‌السلام :انبياءعليه‌السلام كو جھٹلانا ۶;انبياءعليه‌السلام كو جھٹلانے كى سزا ۷; انبياءعليه‌السلام كو جھٹلانے كے اثرات ۹;انبياءعليه‌السلام كو قتل كرنے كى سزا ۷ ; انبياءعليه‌السلام كو قتل كرنے كے اثرات ۹;انبياءعليه‌السلام كى جانب منسوب ہونا ۴

بصيرت:بصيرت كا پيش خيمہ ۱۴;دينى بصيرت كے موانع ۸

بنى اسرائيل:بنى اسرائيل اور انبياءعليه‌السلام كا قتل ۶، ۷، ۹، ۲۳ ;بنى اسرائيل اور انبياءعليه‌السلام كو جھٹلانا ۹، ۲۳; بنى اسرائيل كا امتحان ۸;بنى اسرائيل كا اندھاپن ۸;بنى اسرائيل كا بہرہ پن ۸;بنى اسرائيل كا دين ۵; بنى اسرائيل كا رجحان ۱۱، ۱۶; بنى اسرائيل كا عقيدہ ۱، ۳، ۶، ۷;بنى اسرائيل كا كردار ۳، ۱۱;بنى اسرائيل كا عمل۲۰;بنى اسرائيل كا گھمنڈ ۵;بنى اسرائيل كا ناپسنديدہ عمل ۱۶;بنى اسرائيل كو خبردار كرنا ۲۳;بنى اسرائيل كو دى جانے والى دھمكى ۲۱;بنى اسرائيل كى اصلاح ۱۴;بنى اسرائيل كى اكثريت ۱۶، ۱۷ ;بنى اسرائيل كى بصيرت ۱۴;بنى اسرائيل كى تاريخ ۱۱، ۱۲;بنى اسرائيل كى توبہ ۱۲، ۱۳، ۱۴;بنى اسرائيل كى توبہ شكنى ۱۶، ۱۷;بنى اسرائيل كى سيرت۶;بنى اسرائيل كى عہد شكنى ۶، ۲۳;بنى اسرائيل كى محروميت ۹;بنى اسرائيل كى نسل پرستى ۵;بنى اسرائيل ميں وہم و گمان ۳;صدر اسلام كے بنى اسرائيل ۲۴; نيك و صالح بنى اسرائيل۱۹

توبہ:توبہ كى قبوليت ۱۳; توبہ كى قدر و قيمت ۱۹; توبہ كے اثرات ۱۴; ناپسنديدہ تعقل سے توبہ كرنا ۱۳; ناپسنديدہ عمل سے توبہ كرنا ۱۳

حق:حق كا معيار ۱۸;حق كى تشخيص كے موانع ۹

ذكر:خدا وند عالم كا ذكر ۲۲

سننا :سننے كے موانع ۸

عذاب:عذاب سے محفوظ رہنا ۴;عذاب سے نجات پانا ۷

عقيدہ:باطل عقيدہ ۱، ۴، ۶، ۷، ۸;صحيح عقيدے كا سرچشمہ ۱۵

علم:علم اور عمل ۲۲

عمل:عمل كے اثرات ۱۰;ناپسنديدہ عمل سے اجتناب ۲۲

عہد شكنى :عہد شكنى كى سزا ۷

غور و فكر:صحيح غور و فكر كا پيش خيمہ ۱۹; صحيح غور و فكر كا سرچشمہ ۱۵;غور و فكر كے اثرات ۱۰

متكبرين: ۵

آیت ۷۲

لَقَدْ كَفَرَ الَّذِينَ قَالُواْ إِنَّ اللّهَ هُوَ الْمَسِيحُ ابْنُ مَرْيَمَ وَقَالَ الْمَسِيحُ يَا بَنِي إِسْرَائِيلَ اعْبُدُواْ اللّهَ رَبِّي وَرَبَّكُمْ إِنَّهُ مَن يُشْرِكْ بِاللّهِ فَقَدْ حَرَّمَ اللّهُ عَلَيهِ الْجَنَّةَ وَمَأْوَاهُ النَّارُ وَمَا لِلظَّالِمِينَ مِنْ أَنصَارٍ

يقينا وہ لوگ كافر ہيں جن كا كہنا ہے كہ الله وہى مسيح بن مريم ہيں جبكہ خود مسيح كا كہنا ہے كہ اے بنى اسرائيل اپنے اور ميرے پروردگار كى عبادت كرو_ جو كوئي اس كاشريك قرار دے گا اس پر خدا نے جنت حرام كردى ہے اور اس كا انجام جہنم ہے او رظالموں كا كوئي مددگار نہ ہوگا_

۱_ بعض عيسائيوں كا عقيدہ تھا كہ الوہيت حضرت عيسيعليه‌السلام ميں منحصر ہے_لقد كفر الذين قالوا ان الله هو المسيح ابن مريم چونكہ بعد والى آيہ شريفہ حضرت عيسيعليه‌السلام اور ان كى الوہيت و خدائي كے بارے ميں عيسائيوں كا عقيدہ بيان كررہى ہے كہ خدائي حضرت عيسيعليه‌السلام ميں منحصر نہيں ہے_ اس سے معلوم ہوتا ہے كہ اس آيت ميں بيان ہونے والا عقيدہ تمام عيسائيوں كا نہيں بلكہ بعض كا عقيدہ تھا_ مجمع البيان ميں آيا ہے كہ يہ فرقہ يعقوبيہ كا عقيدہ تھا_ وہ معتقد تھے كہ

خداوندعالم اور حضرت مسيحعليه‌السلام ذات ميں متحد ہو كر ايك چيز بن گئے ہيں _

۲_ جو لوگ حضرت عيسيعليه‌السلام كو خدا خيال كرتے ہيں وہ بلاشك و شبہ كافر ہيں _لقد كفر الذين قالوا ان الله هو المسيح

۳_ حضرت عيسيعليه‌السلام كى خدائي اور الوہيت كا دعوي عيسائيوں كا خدا كے ساتھ عہد و پيمان توڑنے كا واضح اور روشن مصداق ہے_

لقد اخذنا ميثاق بنى اسرائيل لقد كفر الذين قالوا ان الله هو المسيح

۴_ حضرت عيسيعليه‌السلام نہ خداہيں نہ خدا كے بيٹے بلكہ حضرت مريمعليه‌السلام كے بيٹے ہيں _المسيح ابن مريم

۵_ عيسائيوں نے اعتراف كيا ہے كہ حضرت عيسيعليه‌السلام حضرت مريمعليه‌السلام كے بيٹے ہيں _قالوا ان الله هو المسيح ابن مريم

۶_ حضرت عيسيعليه‌السلام كا حضرت مريمعليه‌السلام كے بطن سے پيدا ہونا اس بات پر واضح اور روشن گواہى ہے كہ وہ خدا نہيں ہيں _لقد كفر الذين قالوا ان الله هو المسيح ابن مريم

حضرت عيسيعليه‌السلام كو صراحت كے ساتھ حضرت مريمعليه‌السلام كا بيٹا قرار دينا اس حقيقت پر واضح دليل ہے كہ اولاد (مخلوق)ہونا اور الوہيت آپس ميں متصادم ہيں _

۷_ بشر يا غيربشر سے پيدا ہونے والا كبھى بھى خدا نہيں ہوسكتا_لقد كفر الذين قالوا ان الله هو المسيح ابن مريم

۸_ حضرت عيسيعليه‌السلام خدا وند عالم كى جانب سے بنى اسرائيل كى طرف بھيجے گئے پيغمبر تھے_و قال المسيح يا بنى اسرائيل اعبدو الله ربى و ربكم

۹_ حضرت عيسيعليه‌السلام نے بنى اسرائيل كو خدائے واحد كى عبادت اور توحيد ربوبى كى دعوت دي_و قال المسيح يا بنى اسرائيل اعبدو الله ربى و ربكم

۱۰_ حضرت عيسيعليه‌السلام نے كبھى بھى لوگوں كو اپنى پوجا كرنے كى دعوت نہيں دى بلكہ وہ اس سے پاك و منزہ ہيں _

اعبدوا الله ربى و ربكم

۱۱_ حضرت عيسيعليه‌السلام كا خدائے واحد و يكتا كى عبادت كى دعوت دينا ان كے خدا نہ ہونے پر واضح دليل ہے_

قالوا ان الله هو المسيح ابن مريم و قال المسيح يا بنى اسرائيل اعبدوا ''و قال المسيح'' جملہ حاليہ ہے اور حضرت عيسيعليه‌السلام كى خدائي و الوہيت كى نفى پر ايك دليل ہے_

۱۲_ حضرت عيسيعليه‌السلام نے بنى اسرائيل كى موجودگى ميں اپنے آپ كو اور تمام انسانوں كو خدا كا مملوك، اس كا بندہ اور اسى كے تحت تدبير قرار ديا_يا بنى اسرائيل اعبدوا الله ربى و ربكم

۱۳_ حضرت عيسيعليه‌السلام كى خدائي كے قائل عيسائي در حقيقت ان كى تعليمات سے روگردان اور منحرف لوگ تھے_

لقد كفر الذين قالوا ان الله هو المسيح يا بنى اسرائيل اعبدوا الله

۱۴_ حضرت عيسيعليه‌السلام كى خدائي كے معتقد عيسائي كافر اور مشرك لوگ تھے_لقدكفر الذين قالوا ان الله هو المسيح ابن مريم انه من يشرك بالله

۱۵_ غير اللہ كى الوہيت اور ربوبيت كے قائل افراد كافر اور مشرك ہيں _لقد كفر الذين قالوا ان الله هو المسيح ابن مريم انه من يشرك بالله

۱۶_ خداوند عالم كے بارے ميں شرك كفر كے زمرے ميں آتا ہے_لقد كفر الذين قالوا ان الله هو المسيح من يشرك بالله

۱۷_ نصاري كا كفر و شرك كى طرف رجحان اس بات كى علامت ہے كہ اديان الہى كى طرف ظاہرى نسبت غير مفيد ہوتى ہے_ان الذين هادوا والصابئون والنصاري لقد كفر الذين قالوا ان الله هو المسيح

آيت ۶۹ ميں بيان ہوا ہے كہ صرف اديان الہى كى طرف نسبت انسان كى سعادت ميں مؤثر واقع نہيں ہوتى اور يہ آيہ شريفہ اس حقيقت كيلئے دليل و برہان كى حيثيت ركھتى ہے_

۱۸_ حضرت عيسيعليه‌السلام نے بنى اسرائيل كو شرك كے برے انجام سے خبردار كيا تھا_قال المسيح انه من يشرك بالله فقد حرم الله عليه الجنة بظاہر جملہ'' انہ من يشرك ...'' حضرت عيسيعليه‌السلام كے كلام سے اقتباس ہے_

۱۹_ خداوند متعال نے مشركين پر جنت كو حرام كر ديا ہے_انه من يشرك بالله فقد حرم الله عليه الجنة

۲۰_ مشركين كا ٹھكانہ دوزخ كى آگ ہے_انه من يشرك بالله مأواه النار

۲۱_ حضرت عيسيعليه‌السلام كى الوہيت و خدائي كے معتقد جنت سے محروم اور جہنم كى آگ ميں گرفتار ہونگے_

قالوا ان الله هو المسيح فقد حرم الله عليه الجنة و مأواه النار

۲۲_ ستم كاروں كے پاس جہنم كى آگ سے چھٹكارا پانے كيلئے كوئي يار و مددگار نہيں ہوگا_

و ما للظالمين من انصار

۲۳_ كفر اور شرك ظلم كے زمرے ميں آتے ہيں _انه من يشرك بالله و ما للظالمين من انصار

۲۴_ حضرت عيسيعليه‌السلام كى الوہيت اور خدائي كا عقيدہ ظلم ہے_ان الله هو المسيح و ما للظالمين من انصار

۲۵_ حضرت عيسيعليه‌السلام ہرگز اپنى امت كے مشركين كى شفاعت نہيں كريں گے_قالوا ان الله هو المسيح و ما للظالمين من انصار جملہ'' و ما للظالمين من انصار'' عيسائيوں كے اس عقيدہ كى طرف اشارہ ہوسكتا ہے كہ حضرت عيسيعليه‌السلام انہيں جہنم سے نجات دلانے كيلئے شفاعت كريں گے_

۲۶_ قيامت كے دن كچھ شفاعت كرنے والے موجود ہوں گے_و ما للظالمين من انصار

''للظالمين ''كومقدم كرناجو حصر پر دلالت كرتا ہے اس بات كى علامت ہے كہ قيامت ميں بعض مددگار اور شفاعت كرنے والے موجود ہوں گے اور صرف ظالمين ان كى مدد و شفاعت سے محروم رہيں گے_

۲۷_ شرك سب سے بڑا گناہ كبيرہ اور جہنم كے عذاب ميں گرفتارہونے كا باعث بنتا ہے_انه من يشرك بالله فقد حرم الله عليه الجنة و مأواه النار حضرت امام صادقعليه‌السلام سے روايت ہوئي ہے: (اكبر الكبائر الشرك بالله يقول الله عزوجل: ''انه من يشرك بالله فقد حرم الله عليه الجنة و مأوه النار .'')(۱) سب سے بڑا گناہ كبيرہ خدا كے بارے ميں شرك ہے_ چنانچہ ارشاد بارى تعالى ہے كہ جو بھى خدا كے بارے ميں شرك كا مرتكب ہو خدا وند عالم نے اس پر جنت حرام كردى ہے اور اس كا ٹھكانہ جہنم ہے_

الله تعالى:ا لله تعالى كى تدبير ۱۲

الوہيت:الوہيت كا معيار ۷;غير خدا كى الوہيت ۱۵

بنى اسرائيل:انبيائے بنى اسرائيل ۸;بنى اسرائيل كو خبردار كرنا ۱۸

بہشت:بہشت سے محروم ہونا ۱۹، ۲۱

____________________

۱) عيون اخبار الرضا، ج۱ ص ۲۸۵ ح ۳۳ ب ۲۸; بحار الانوار ج۷۹ص ۶ح ۷_

توحيد:توحيد ربوبى ۹;توحيد عبادى ۹

جہنم:جہنم سے نجات كے موانع ۲۲; جہنم كى آگ ۲۰; جہنم كے اسباب ۲۱، ۲۷

دين:دين قبول كرنے كا دكھاوا ۱۷

ربوبيت:غير خدا كى ربوبيت ۱۵

روايت: ۲۷

شرك:خدا كے بارے ميں شرك ۱۶;شرك كا انجام ۱۸; شرك كا ظلم ۲۳; شرك كا گناہ ۲۷; شرك كى طرف ميلان ۱۷

شفاعت كرنے والے:قيامت ميں شفاعت كرنے والوں كى موجودگى ۲۶

ظالم:ظالموں كا بغيرپناہ كے ہونا ۲۲ ;ظالمين جہنم ميں ۲۲

ظلم:ظلم كے موارد ۲۳، ۲۴

عبادت:عبادت خدا كى دعوت ۹، ۱۱

عذاب:عذاب كے اسباب ۲۷

عقيدہ:باطل عقيدہ ۱، ۲، ۱۳، ۱۴، ۱۵، ۲۴ ;باطل عقيدے كى سزا ۲۱

عہد شكنى :عہد شكنى كے موارد ۳

عيسيعليه‌السلام :حضرت عيسيعليه‌السلام اور بنى اسرائيل ۸،۹; حضرت عيسيعليه‌السلام كا بشر ہونا ۴،۵،۶;حضرت عيسيعليه‌السلام كا خبردار كرنا ۱۸;حضرت عيسيعليه‌السلام كى تعليمات ۱۲;حضرت عيسي كو منزہ قرار دينا ۱۰; حضرت عيسيعليه‌السلام كى الوہيت ۱،۲،۳،۱۳، ۱۴،۲۱،۲۴;حضرت عيسي كى الوہيت كى نفى ۴،۶ ، ۱۱; حضرت عيسي كى تعليمات ۲۶; حضرت عيسيعليه‌السلام كى دعوت ۹،۱۰،۱۱; حضرت عيسيعليه‌السلام كى رسالت ۸; حضرت عيسيعليه‌السلام كى شفاعت ۲۸;حضرت عيسيعليه‌السلام كى والدہ ۴; حضرت عيسيعليه‌السلام كى ولادت ۴،۶

عيسائي:عيسائيوں كا بھٹك جانا ۱۳; عيسائيوں كا عقيدہ ۱، ۵، ۱۴; عيسائيوں كا خدا كے ساتھ عہد ۳;عيسائيوں كا ميلان ۱۷;عيسائيوں كى عہد شكنى ۳; كافر عيسائي ۱۴;مشرك عيسائي ۱۴

قيامت:قيامت ميں شفاعت ۲۶

كفار: ۲، ۱۴، ۱۵

كفر:كفر كا ظلم ۲۳;كفر كى جانب ميلان۱۷;كفر كے موارد ۱۶

گناہ:گناہ كبيرہ ۲۷

مريمعليه‌السلام :حضرت مريمعليه‌السلام كا بيٹا ۴، ۵، ۶

مشركين:۱۴، ۱۵مشركين جہنم ميں ۲۰;مشركين كى شفاعت ۲۵; مشركين كى محروميت ۱۹

آیت ۷۳

لَّقَدْ كَفَرَ الَّذِينَ قَالُواْ إِنَّ اللّهَ ثَالِثُ ثَلاَثَةٍ وَمَا مِنْ إِلَـهٍ إِلاَّ إِلَـهٌ وَاحِدٌ وَإِن لَّمْ يَنتَهُواْ عَمَّا يَقُولُونَ لَيَمَسَّنَّ الَّذِينَ كَفَرُواْ مِنْهُمْ عَذَابٌ أَلِيمٌ

يقينا وہ لوگ كافر ہيں جن كا كہنا يہ ہے كہ الله تين ميں كا تيسرا ہے_ حالانكہ الله كے علاوہ كوئي خدا نہيں ہے او راگر يہ لوگ اپنے قول سے باز نہ آئيں گے تو ان ميں سے كفر اختيار كرنے والوں پر دردناك عذاب نازل ہوجائے گا_

۱_ بعض عيسائي الوہيت ميں تثليث كے معتقد _لقد كفر الذين قالوا ان الله ثالث ثلاثة

كلمہ'' ثالث ثلاثة'' كا مطلب تين ميں سے ايك ہے اور اس سے مراد اللہ تعالى، حضرت عيسىعليه‌السلام اور روح القدس ہيں _چونكہ وہ حضرت عيسيعليه‌السلام اور روح القدس كى الوہيت كے قائل تھے لہذا ''اللہ ثالث ثلاثة'' كا معنى يہ ہوگا كہ خداوند متعال تين اقنوم( باپ، بيٹا، اور روح القدس )ميں سے ايك

اقنوم ہے جسے الوہيت حاصل ہے اس عقيدہ كو اصطلاح ميں عقيدہ تثليث كہا جاتا ہے_

۲_ بلاشك و شبہ تثليث كے معتقد لوگ كافر ہيں _لقد كفر الذين قالوا ان الله ثالث ثلاثة

۳_ عيسائيوں ميں الوہيت كے بارے ميں مختلف عقائد پائے جاتے تھے_

قالوا ان الله هو المسيح لقد كفر الذين قالوا ان الله ثالث ثلاثة

۴_ خدائے واحد و يكتا كے علاوہ كوئي خدا وجود نہيں ركھتا_ما من اله الا اله واحد

۵_ الوہيت اور تعدد ميں تضاد پايا جاتا ہے_ان الله ثالث ثلاثة و ما من اله الا اله واحد

۶_ خداوند متعال نے مشركين اور تثليث كے معتقد لوگوں كو توحيد اور يكتاپرستى كى دعوت دى ہے_ما من اله الا اله واحد و ان لم ينتهوا عما يقولون

۷_ دردناك عذاب تثليث كے معتقد افراد كے انتظار ميں ہے_ليمسن الذين كفروا منهم عذاب اليم

۸_ تثليث كو شرك آميز سمجھنے كے باوجود يہ عقيدہ اختيار كرنا قيامت ميں دردناك عذاب كا باعث بنے گا_

ان لم ينتهوا عما يقولون ليمسن الذين كفروا منهم عذاب اليم

۹_ تثليث كے معتقد بعض افراد اس كے شرك آميز ہونے سے لاعلمى و ناآگاہى كى بناپر نہ كافر ہيں نہ مشرك_

ليمسن الذين كفروا منهم عذاب اليم بظاہر'' منھم'' كى ضمير تثليث كے معتقد افراد كى جانب لوٹ رہى ہے_ اس مبنا كے مطابق كلمہ''منھم'' كى بناپر تثليث كے قائل افراد دو حصوں ميں تقسيم ہوتے ہيں : كافر اور غير كافر_ يہ كہا جاسكتا كہ اس فرق كى اصل وجہ ان كا معني تثليث سے آگاہ يا ناآگاہ ہونا ہے_ يعنى جو لوگ اس حقيقت سے ناواقف ہيں كہ عقيدہ تثليث اور الوہيت (توحيد) آپس ميں ہم آہنگ نہيں ہيں انہيں كافر نہيں كہا جاسكتا اور وہ دردناك عذاب ميں مبتلا نہيں ہوں گے_

۱۰_ دردناك عذاب سے محفوظ رہنا،يكتاپرستى اور كفر آميز گفتگو سے اجتناب كا مرہون منت ہے_و ما من اله الا اله واحد و ان لم ينتهوا عما يقولون عذاب اليم

۱۱_ كسى بھى شخص كى گفتگو اس كے افكار و عقائد پر گواہى اور اسكے ايمان يا كفر كے اثبات كيلئے كافى ہوتى ہے_

لقد كفر الذين قالوا و ان لم ينتهوا عما يقولون كلمہ'' زعموا ''اور'' اعتقدوا'' كى بجائے كلمہ ''قالوا'' اور ''يقولون ''كا استعمال مذكورہ بالامطلب كى وجہ ہے_

الله تعالى:الله تعالى كى دعوت ۶

الوہيت:الوہيت كى خصوصيت۵;الوہيت ميں تثليث ۱

ايمان:ايمان كے تشخيص دينے كى روش ۱۲

تثليث:عقيدہ تثليث ۶، ۹;عقيدہ تثليث كا شرك ۸; عقيدہ تثليث كا كفر ۲;عقيدہ تثليث كى سزا ۷;

توحيد:توحيد ذاتى ۴;توحيد عبادى ۶;توحيد عبادى كے اثرات ۱۱; توحيد كى دعوت دينا ۶

جہالت:جہالت كے اثرات ۹

شرك:شرك كے موارد ۸;شرك كے موانع ۹

طرز عمل:طرز عمل كى بنياديں ۱۲

عذاب:عذاب سے نجات ۱۱; عذاب كے اسباب ۷، ۸; عذاب كے مراتب ۷، ۸، ۱۰، ۱۱

عقيدہ:عقيدے كى پہچان كا طريقہ ۱۲

عيسائي:الوہيت عيسائيوں كى نظر ميں ۳; عيسائيوں كا عقيدہ ۱، ۳; عيسائيوں ميں اختلاف ۳;

قدر و قيمت كا اندازہ لگانا:قدر و قيمت كے اندازہ لگانے كامعيار۱۲

كفار: ۲كفار پر عذاب ۱۰;كفار كا انجام ۱۰

كفر:كفر تشخيص دينے كى روش ۱۲;كفر كے موانع ۹

گفتگو:گفتگو كے اثرات ۱۲

مشركين:مشركين كا انجام ۱۰;مشركين كو دعوت۶;مشركين كو عذاب ۱۰

ناروا گفتگو كرنا:ناروا گفتگو كرنے سے اجتناب ۱۱

آیت ۷۴

( أَفَلاَ يَتُوبُونَ إِلَى اللّهِ وَيَسْتَغْفِرُونَهُ وَاللّهُ غَفُورٌ رَّحِيمٌ )

يہ لوگ خدا كى بارگاہ ميں توبہ اور استغفار كيوں نہيں كرتے جب كہ الله بہت بخشنے والااور مہربان ہے _

۱_ خداوند متعال نے تثليث اور حضرت عيسيعليه‌السلام كى الوہيت كے معتقد افراد كو استغفار كرنے اور اپنى جانب پلٹ آنے كى دعوت دى ہے_افلا يتوبون الى الله و يستغفرونه گذشتہ آيات(قالوا ان الله هو المسيح قالوا ان الله ثالث ثلاثة ) كے قرينہ كى بناپر'' يتوبون ...'' كا فاعل عيسائي ہيں اور توبہ و استغفار كا متعلق حضرت عيسيعليه‌السلام كى الوہيت اور تثليث كا عقيدہ ہے يعنى اس عقيدہ سے توبہ و استغفار كريں _

۲_ خداوند متعال نے عيسائيوں كى اپنے باطل عقيدہ (حضرت عيسيعليه‌السلام كى الوہيت اور تثليث )پر بضد اور ڈٹے رہنے كى وجہ سے مذمت و سرزنش كى ہے_لقد كفر الذين قالوا ان الله هو المسيح افلا يتوبون الى الله

''افلا يتوبون ...'' ميں تو بيخى استفہام عيسائيوں كى اپنے كفر آميز عقائد سے توبہ اور استغفار نہ كرنے كى بناپر سرزنش اور مذمت كيلئے استعمال كيا گيا ہے_

۳_ گذشتہ خطاؤں كى مغفرت طلب كرنے كے ساتھ ساتھ خداوند عالم كى جانب لوٹنا لازمى ہے_افلا يتوبون الى الله و يستغفرونه

۴_ مشركين كيلئے دردناك عذاب سے چھٹكارا پانے كى راہ يہ ہے كہ وہ توحيد كى جانب لوٹ آئيں اور خداوند متعال سے مغفرت طلب كريں _ليمسن الذين كفروا منهم عذاب اليم_ افلا يتوبون الى الله و يستغفرونه

۵_ خداوند متعال غفور (بہت بخشنے والا) اور رحيم (انتہائي مہربان) ہے_والله غفور رحيم

۶_ خداوند متعال كى رحمت و مغفرت كى وسعت كفار اور مشركين كى توبہ اور استغفار كے قبول كيے جانے كا پيش خيمہ ہے _افلا يتوبون و الله غفور رحيم

۷_ خداوند متعال كى مغفرت اور خاص رحمت سے بہرہ مند ہونے كى شرط توبہ و استغفار ہے_افلا يتوبون والله غفور رحيم

۸_ خطاكاروں كو توبہ اور استغفار كى ترغيب دلانے كيلئے انہيں خدا وند عالم كى وسيع رحمت و مغفرت كى جانب متوجہ كرنا لازمى ہے_افلا يتوبون و الله غفور رحيم خطاكاروں كو لوٹ آنے اور توبہ كرنے كى دعوت دينے كے بعد خدا كيلئے اس كى مغفرت اور وسيع رحمت جيسى صفات بيان كرنے كا مقصد انہيں استغفار كى ترغيب دلانا ہے اور يہ ان تمام لوگوں كيلئے درس ہے جو انسانوں كى توبہ اوران كے خدا تعالى كى جانب لوٹ آنے كے خواہاں ہيں _

اللہ تعالى :اللہ تعالى كا مذمت كرنا ۲;اللہ تعالى كى دعوت ۱; اللہ تعالى كى رحمت ۶، ۸;اللہ تعالى كى مغفرت ۵، ۶، ۸; اللہ تعالى كى مغفرت كى شرائط ۷; اللہ تعالى كى مہربانى ۵

استغفار:استغفار كى اہميت ۳; استغفار كى تشويق ۸;ا ستغفار كى دعوت ۱; استغفار كے اثرات ۴، ۷; استغفار كے قبول ہونے كاپيش خيمہ۶; شرك سے استغفار ۱

اسماء و صفات:رحيم ۵;غفور ۵بخشش خدا جن كے شامل حال ہے :۷

تثليث:عقيدہ تثليث ۱، ۲

تحريك:تحريك كے اسباب ۸

توبہ:توبہ كى اہميت ۳; توبہ كى تشويق ۸; توبہ كى دعوت ۱;توبہ كے اثرات ۷; توبہ كے قبول ہونے كا پيش خيمہ ۶;شرك سے توبہ ۱

توحيد:توحيد كے اثرات ۴

رحمت خدا جن كے شامل حال ہے: ۷

عذاب:عذاب سے نجات كے اسباب ۴;عذاب كے مراتب ۴

عقيدہ:باطل عقيدہ ۲

علم:علم اور عمل ۹

عيسيعليه‌السلام : حضرت عيسيعليه‌السلام كى الوہيت ۱، ۲

عيسائي:عيسائيوں كا عقيدہ ۲;عيسائيوں كو دعوت ۱; عيسائيوں كى سرزنش ۲

كفار:كفار كا استغفار ۶;كفار كى توبہ ۶

مشركين:مشركين كا استغفار ۶;مشركين كى توبہ ۶

مغفرت:مغفرت كى درخواست كرنا ۴

آیت ۷۵

( مَّا الْمَسِيحُ ابْنُ مَرْيَمَ إِلاَّ رَسُولٌ قَدْ خَلَتْ مِن قَبْلِهِ الرُّسُلُ وَأُمُّهُ صِدِّيقَةٌ كَانَا يَأْكُلاَنِ الطَّعَامَ انظُرْ كَيْفَ نُبَيِّنُ لَهُمُ الآيَاتِ ثُمَّ انظُرْ أَنَّى يُؤْفَكُونَ )

مسيح بن مريم كچھ نہيں ہيں صرف ہماے رسول ہيں جن سے پہلے بہت سے رسول گذر چكے ہيں او ران كى ماں صديقہ تھيں اور وہ دونوں كھانا كھا يا كرتے تھے_ ديكھو ہم اپنى نشانيوں كو كس طرح واضح كركے بيان كرتے ہيں او رپھر ديكھو كہ يہ لوگ كس طرح بہكے جار ہے ہيں _

۱_ حضرت عيسيعليه‌السلام حضرت مريمعليه‌السلام كے بيٹے اور خدا كے بھيجے ہوئے رسول تھے_ما المسيح ابن مريم الا رسول

۲_ حضرت عيسيعليه‌السلام نہ تو خدا ہيں اور نہ خدا كے بيٹے_ما المسيح ابن مريم الا رسول

جملہ'' ما المسيح ...'' ميں حصر اضافى ان باطل عقائد كى طرف اشارہ ہے جن كا عيسائي حضرت عيسيعليه‌السلام كے بارے ميں اظہار كرتے تھے اور ان ميں سے بعض كى جانب گذشتہ آيات ميں اشارہ ہوا ہے_

۳_ حضرت عيسيعليه‌السلام سے پہلے كئي ايك رسول مبعوث

ہوئے_ما المسيح ابن مريم الا رسول قد خلت من قبله الرسل

۴_ حضرت عيسيعليه‌السلام كا ماں سے پيدا ہونا ان كے خدا نہ ہونے پر واضح اور روشن دليل ہے_

قالوا ان الله هو المسيح ما المسيح ابن مريم الا رسول حضرت عيسيعليه‌السلام كى الوہيت كے دعوي كے بعد انہيں حضرت مريمعليه‌السلام كا بيٹا قرار دينا ان كے اس دعوي اور عقيدہ كو رد كرتا ہے_

۵_ حضرت عيسيعليه‌السلام گذشتہ انبياءعليه‌السلام كى مانند ايك نبى اور رسول ہيں جو نہ تو خدا تھے اور نہ اس كے بيٹے_

ما المسيح ابن مريم الا رسول قد خلت من قبله الرسل

۶_ دوسرے انبيائےعليه‌السلام خدا كى مانند حضرت عيسيعليه‌السلام بھى فانى انسا ن ہيں _ما المسيح ابن مريم الا رسول قد خلت من قبله الرسل حضرت عيسيعليه‌السلام كو رسول قرار دينے كے بعد گذشتہ تاريخ ميں انبياءعليه‌السلام كى موت اور رحلت كا تذكرہ اس بات كى طرف اشارہ ہے كہ حضرت عيسيعليه‌السلام كيلئے بھى موت ممكن ہے_

۷_ حضرت عيسيعليه‌السلام كيلئے موت كا ممكن ہونا ان كے خدا نہ ہونے كى علامت ہے_قالوا ان الله هو المسيح الا رسول قد خلت من قبله الرسل جملہ'' قد خلت من قبلہ الرسل ''جو حضرت عيسيعليه‌السلام كى رحلت اور موت كے ممكن ہونے كى طرف اشارہ ہے ايك برہان ہے كہ جو حضرت عيسيعليه‌السلام كى الوہيت كے عقيدہ كو رد كرتا ہے_

۸_ عدم سے وجود ميں آنا (حدوث) اور فناپذيري، الوہيت اور خدا ہونے كے ساتھ ہم آہنگ نہيں ہيں _

قالوا ان الله هو المسيح الا رسول قد خلت من قبله الرسل يہ بتانا كہ حضرت عيسيعليه‌السلام حضرت مريمعليه‌السلام كے بيٹے ہيں ان كے حادث ہونے يعنى عدم سے وجود ميں آنے كا بيان ہے اور گذشتہ انبياءعليه‌السلام كى موت كا تذكرہ حضرت عيسيعليه‌السلام كے فناپدير ہونے كى طرف اشارہ ہے ان دو صفات (حادث و فاني) كو بيان كرنے كا مقصد حضرت عيسيعليه‌السلام كے خدا نہ ہونے پر استدلال كرنا ہے يعنى حضرت عيسيعليه‌السلام حادث ہيں اور كوئي بھى حادث خدا نہيں ہوسكتا نيز وہ فانى ہيں اور فناپذير خدا نہيں ہوسكتا_

۹_ حضرت مريمعليه‌السلام حضرت عيسيعليه‌السلام كى والدہ انتہائي سچى خاتون ہيں _و امه صديقة ''صديق ''اس كو كہاجاتا ہے جو بہت زيادہ سچا ہو (مفردات راغب)

۱۰_ حضرت مريمعليه‌السلام كا كردار و گفتار (قول و فعل) ايك دوسرے كے ساتھ ہم آہنگ اور واقع كے ساتھ مطابقت ركھتا ہے_امه صديقة صديق اس شخص كو كہا جاتا ہے جس كى بات اور عقيدہ واقع كے مطابق ہو اور اپنى سچائي كو اپنے كردار سے ثابت كرے (يہ معنى راغب نے بعض اہل لغت سے نقل كيا ہے)_

۱۱_ حضرت مريمعليه‌السلام اپنے بيٹے عيسيعليه‌السلام كى رسالت پر عقيدہ ركھتے ہوئے ،نہ انہيں ابدى خيال كرتى تھيں نہ خدا كا بيٹا سمجھتى تھيں _امه صديقة جوہرى نے الصحاح ميں لكھا ہے كہ'' صديق'' اس شخص كو كہا جاتا ہے جو بہت زيادہ تصديق كرنے والا ہو اور صدر آيت كے قرينہ كى بناپر اس سے مراد حضرت عيسيعليه‌السلام كى رسالت، ان كے فانى ہونے اور خدا كا بيٹا نہ ہونے كى تصديق كرنا ہے_

۱۲_ ايك عورت معنوى اقدار اور كمال كے بلندترين درجات پر فائز ہونے كى صلاحيت ركھتى ہے_و امه صديقة

۱۳_ صداقت اور سچائي بلندترين اقدار ميں سے ہے_و امه صديقة

۱۴_ كھانا پينا حضرت عيسيعليه‌السلام اور ان كى والدہ حضرت مريمعليه‌السلام كى روزمرہ كى ضرورت تھي_

كانا يا كلان الطعام فعل مضارع'' يا كلان'' استمرار پر دلالت كرتا ہے اور اس بات كى علامت ہے كہ حضرت عيسيعليه‌السلام اور حضرت مريمعليه‌السلام كو ہميشہ غذا كى ضرورت تھي_

۱۵_ بعض عيسائي حضرت مريمعليه‌السلام ''حضرت عيسيعليه‌السلام كى والدہ'' كو خدا خيال كرتے تھے_كانا يا كلان الطعام

صراحت كے ساتھ يہ بيان كرنا كہ حضرت مريمعليه‌السلام غذاكھانے كى محتاج ہيں يہ چيز خدائي كے ساتھ ہم آہنگ نہيں ہے، اس سے معلوم ہوتا ہے كہ بعض عيسائي يہ عقيدہ ركھتے تھے كہ وہ مقام الوہيت پرفائز ہيں _

۱۶_ حضرت عيسيعليه‌السلام اور ان كى والدہ حضرت مريمعليه‌السلام كا غذا كھانے كا محتاج ہونا ان كے خدا نہ ہونے پر واضح و روشن دليل ہے_كانا يا كلان الطعام جملہ'' كانا ياكلان الطعام'' ايسى ٹھوس دليل ہے جو حضرت عيسيعليه‌السلام اور ان كى والدہ حضرت مريمعليه‌السلام كى الوہيت كے عقيدہ كو رد كرتى ہے يعنى چونكہ انہيں بھوك لگتى ہے اور وہ غذا كھانے اور اس كے فضلات كو دفع كرنے كے محتاج ہيں لہذا وہ خدا نہيں ہوسكتے_

۱۷_ صرف وہ ذات اللہ اور خدا ہوسكتى ہے جو ازلي، ابدى اور ہر قسم كى احتياج سے پاك و منزہ ہو_

ما المسيح ابن مريم الا رسول قد خلت من قبله الرسل كانا يا كلان الطعام

۱۸_ خدا كى وحدانيت اور تثليث كے بطلان پر قرآن كريم كے پيش كردہ دلائل انتہائي واضح اور غور و فكر كے قابل ہيں _ما المسيح انظر كيف نبين لهم الآيات

''الآيات ''كا الف لام عہدى ہے اور آيت ميں مذكورہ دلائل كى جانب اشارہ ہے_

۱۹_ يہ غور و فكر كرنا لازمى ہے كہ قرآن كريم نے كس طرح دلائل ديے ہيں _انظر كيف نبين لهم الآيات

كلمہ''نظر'' كا معنى گہرا غور و فكر كرنا ہے_

۲۰_ تثليث اور حضرت عيسيعليه‌السلام كى الوہيت كے بطلان پر قرآن كريم كے پيش كردہ واضح دلائل كے باوجود عيسائي اپنے عقيدہ پر بضد ر ہے_انظر كيف نبين لهم الآيات ثم انظر انى يؤفكون

''يوفكون'' كا مصدر'' افك'' ہے اور اس كا معنى لوٹانا ہے_ '' انى ''كا مطلب كہاں اور كيسے ہے، بنابريں جملہ'' انظر اني يوفكون'' كا معنى يہ ہوگا كہ غور كرو كہ تثليث اور حضرت عيسيعليه‌السلام كى الوہيت كے بطلان پر واضح و روشن دلائل بيان كرنے كے باوجود وہ كس طرح حق سے منحرف ہوئے اور كہاں جاكر اوندھے منہ گرے_

۲۱_ خداوند متعال نے مسلمانوں كو خبردار كيا كہ وہ انبيائعليه‌السلام اور اولياء اللہ كو خدا خيال كركے كہيں شرك كى طرف رجحان كے خطرے سے دوچار نہ ہوں _ما المسيح ابن مريم الا رسول انظر انى يؤفكون

چونكہ ہر مسلمان كيلئے بنى اسرائيل كے برے اور شرك آلود انجام كو مد نظر ركھنا ضرورى ہے لہذا اس سے معلوم ہوتا ہے كہ مسلمان بھى اسى طرح انبيائعليه‌السلام كو خدا سمجھ كر شرك كى طرف مائل ہونے كے خطرے سے دوچار ہيں اور اس فرمان ''انظر'' كا مقصد يہ ہے كہ اس ناروا اور ابتر صورتحال سے دوچار ہونے سے بچنے كيلئے احتياطى تدابير اختيار كى جائيں _

۲۲_ حق سے منہ موڑكر شرك آلود اور منحرف عقائد كى جانب مائل ہونے كے اصلى اسباب كوتلاش كرنا اور ان كا صحيح تحليل و تجزيہ كرنا ضرورى ہے_انظر كيف نبين لهم الآيات ثم انظر انى يؤفكون

بعض اوقات كلمہ '' اني''بمعني'' من اين'' يعنى ''كہاں سے''كے معنى ميں استعمال ہوتا ہے لہذا يہ جملہ'' ثم انظر ''بنى اسرائيل كے انحراف كے اصلى اسباب ميں غور و فكر كرنے كا فرمان ہوسكتا ہے_

۲۳_ اديان الہى كى تاريخ اور ان كے پيروكاروں ميں

آنے والے عقائدى تغير و تبدل كى تاريخ غور و فكر كے قابل ہے_لقد اخذنا ميثاق بنى اسرائيل ثم انظر انى يؤفكون

اديان:اديان كى تاريخ ۲۳

اقدار: ۱۳

ا لله تعالى:الله تعالى اور اولاد ۲;الله تعالى كا خبردار كرنا ۲۱

الوہيت:الوہيت اور تولد ۸;الوہيت اور موت ۸; الوہيت كا معيار ۸، ۱۷

انبياءعليه‌السلام :انبياءعليه‌السلام كا بشر ہونا ۶; انبياءعليه‌السلام كى موت ۶;انبياءعليه‌السلام كى الوہيت كى نفى ،۲۱;انبياءعليه‌السلام كے قصے ۳;حضرت عيسيعليه‌السلام سے پہلے كے انبياءعليه‌السلام ۳

اوليائے خدا:اوليائے خدا كى الوہيت كى نفى ۲۱

بے نياز:بے نياز ہونے كى قدر و قيمت ۱۷

تاريخ:تاريخ ميں غور و فكر ۲۳

تثليث:تثليث پر بضد رہنا ۲۰;تثليث كا بطلان ۱۸

تحقيق:پسنديدہ تحقيق ۲۲

توحيد:توحيد كے دلائل ۱۸

جاويداني:جاويدانى كى قدر و قيمت ۱۷

حق:حق سے بھٹك جانا ۲۲

شرك:شرك پر تحقيق كرنا ۲۲;شرك كى نفى ۲۱

صداقت:صداقت كى قدر و قيمت ۱۳

طعام :طعام كى ضرورت ۱۴

عقيدہ:باطل عقيدہ ۲۰

عورت:

عورت كا تكامل ۱۲;عورت كى صلاحيت ۱۲

عيسيعليه‌السلام :حضرت عيسيعليه‌السلام كا بشر ہونا ۱،۲،۴،۶; حضرت عيسيعليه‌السلام كى الوہيت پر اصرار ۲۰;حضرت عيسىعليه‌السلام كى الوہيت كى نفى ۲،۴، ۵ ، ۷ ،۱۶; حضرت عيسيعليه‌السلام كى رسالت ۱،۵; حضرت عيسيعليه‌السلام كى ضروريات ۱۱; حضرت عيسيعليه‌السلام كى غذا ۱۴; ۱۶; حضرت عيسيعليه‌السلام كى موت ۷; حضرت عيسيعليه‌السلام كى ولادت ۴

عيسائي:عيسائيوں كا عقيدہ ۱۵، ۲۰

قرآن كريم:قرآن كريم كا استدلال ۱۸، ۱۹، ۲۰ ;قرآن كريم ميں غور و فكر ۱۹

گمراہي:گمراہى ميں غور و فكر اور تحقيق كرنا ۲۲

مريمعليه‌السلام :حضرت مريمعليه‌السلام اور حضرت عيسيعليه‌السلام ۱۱;حضرت مريمعليه‌السلام عيسائيوں كى نظر ميں ۱۵; حضرت مريم كا بيٹا ۱، ۱۱;حضرت مريمعليه‌السلام كا عقيدہ ۱۱; حضرت مريمعليه‌السلام كا فعل ۱۰; حضرت مريمعليه‌السلام كا قول ۱۰; حضرت مريم كا مقام و مرتبہ ۹ ;حضرت مريمعليه‌السلام كى الوہيت ۱۵;حضرت مريمعليه‌السلام كى الوہيت كى نفي۱۶;حضرت مريمعليه‌السلام كى صداقت ۹،۱۰; حضرت مريمعليه‌السلام كى ضروريات ۱۴،۱۶; حضرت مريمعليه‌السلام كى غذا ۱۴،۱۶

مسلمان:مسلمانوں كو خبردار كرنا ۲۱

مؤمنين:مومنين كے عقائدى تغيرات و تبدلات ۲۳

آیت ۷۶

( قُلْ أَتَعْبُدُونَ مِن دُونِ اللّهِ مَا لاَ يَمْلِكُ لَكُمْ ضَرّاً وَلاَ نَفْعاً وَاللّهُ هُوَ السَّمِيعُ الْعَلِيمُ )

پيغمبر آپ ان سے كہئے كہ كيا تم الله كو چھوڑ كر ان كى عبادت كرتے ہو جو تمہارے لئے نفع او رنقصان كے مالك بھى نہيں ہيں او ر خدا سننے والا بھى ہے او رجاننے وا لا بھى ہے _

۱_ بعض عيسائي غير اللہ كى عبادت اور پرستش جيسى برائي ميں مبتلا تھے_اتعبدون من دون الله ما لا يملك

گذشتہ آيات كى روشنى ميں معلوم ہوتا ہے كہ جملہ

''اتعبدون ''كے مخاطبين عيسائي ہيں _

۲_ غير اللہ كى عبادت كرنے كى وجہ سے خدا نے عيسائيوں كى سخت مذمت كى ہے_قل اتعبدون من دون الله

۳_ بعض عيسائي حضرت عيسيعليه‌السلام اور ان كى والدہ حضرت مريمعليه‌السلام كى عبادت كرتے تھے_قالوا ان الله هو المسيح قل اتعبدون من دون الله گذشتہ آيات كى روشنى ميں '' من دون اللہ'' كے مورد نظر مصداق حضرت عيسيعليه‌السلام اور ان كى والدہ حضرت مريمعليه‌السلام ہيں _

۴_ خدا تعالى كے علاوہ كوئي بھى نفع يا نقصان پہنچانے پر قادر نہيں ہے_اتعبدون من دون الله ما لا يملك لكم ضرا و لا نفعا

۵_ حضرت عيسيعليه‌السلام اور ان كى والدہ حضرت مريمعليه‌السلام لوگوں كے كسى بھى نفع يا نقصان كے مالك نہيں ہيں _

اتعبدون من دون الله ما لا يملك لكم ضرا و لا نفعا

۶_ صرف وہى ذات عبادت كے لائق ہے جس كے ہاتھ ميں لوگوں كے نفع و نقصان كى باگ ڈورہو_اتعبدون من دون الله ما لا يملك لكم ضرا و لا نفعا

۷_ حضرت عيسيعليه‌السلام اور حضرت مريمعليه‌السلام كو لوگوں كے نفع و نقصان پر قادر خيال كرنا ان عوامل ميں سے ايك ہے جس كى بناپرعيسائي ان دو كى عبادت كرتے ہيں _قل اتعبدون من دون الله ما لا يملك لكم ضرا و لا نفعاً

حضرت عيسيعليه‌السلام اور حضرت مريمعليه‌السلام كى عبادت كے ناجائز ہونے پر استدلال كرتے ہوئے يہ كہنا كہ وہ نہ تو نفع پہنچانے كى قدرت ركھتے ہيں اور نہ نقصان ، نصاري كى جانب سے حضرت عيسيعليه‌السلام اور حضرت مريمعليه‌السلام كى عبادت كرنے كى بنياد اور وجہ كى جانب اشارہ ہوسكتا ہے_

۸_ شرك اور غير اللہ كى پرستش كى اصل وجہ، نفع و نقصان كے حقيقى مالك اور كائنات ميں سرچشمہ قدرت سے ناآگاہى ہے_اتعبدون من دون الله ما لا يملك لكم ضراً و لا نفعاً

۹_ عبادت كا اصلى محرك نقصان سے بچنا اور منفعت كا حصول ہے_اتعبدون من دون الله ما لا يملك لكم ضرا و لا نفعاً

۱۰_ صرف خداوند متعال سميع (سننے والا) اور عليم

(جاننے والا ) ہے_والله هو السميع العليم

۱۱_ صرف خداوندمتعال انسانوں كى درخواستوں ، كو سننے والا اور ان كے نفع و نقصان سے آگاہ ہے_

ما لا يملك لكم ضرا ولا نفعا و الله هو السميع العليم

۱۲_ بطور مطلق سميع اور عليم ہونا عبادت كے لائق اور شائستہ معبود كى خصوصيت ہے_قل اتعبدون من دون الله ...والله هو السميع العليم

۱۳_ بطور مطلق سميع اور عليم ہونا لوگوں كو نفع يا نقصان پہنچانے پر قادر ہونے كى لازمى شرط ہے_

ما لا يملك لكم ضرا و لا نفعا و الله هو السميع العليم بظاہر معلوم ہوتا ہے كہ جملہ '' واللہ ...'' آيت كے گذشتہ حصے ميں بيان ہونے والى ان دو حقيقتوں پر دليل و برہان ہے: ايك يہ كہ خداوند متعال نفع و نقصان پہنچانے پر قادر ہے اور دوسرى يہ كہ غير اللہ اس پر قادر نہيں ہے_

اسماء و صفات:سميع ۱۰;عليم ۱۰

الله تعالى:الله تعالى كا سننا۱۱;الله تعالى كا علم ۱۱; الله تعالى كى طرف سے سرزنش ۲; الله تعالى كى قدرت ۴

تحريك:تحريك كے اسباب ۹

توحيد:توحيد افعالى ۴

جہالت:جہالت كے اثرات ۸

سميع ہونا:سميع ہونے كى قدر و قيمت ۱۲، ۱۳

شرك:شرك عبادى ۱، ۲، ۳، ۷;شرك عبادى كا پيش خيمہ۸

عبادت:عبادت كا پيش خيمہ ۹;غير اللہ كى عبادت۱، ۲

عقيدہ:باطل عقيدہ ۷

علم:علم كى قدر و منزلت ۱۲، ۱۳

عيسيعليه‌السلام :حضرت عيسيعليه‌السلام كو معبود قرار دينا ۳;حضرت عيسيعليه‌السلام كى عبادت كا پيش خيمہ ۷; حضرت عيسيعليه‌السلام كى قدرت ۵، ۷

عيسائي:عيسائيوں كا شرك ۱، ۲، ۳;عيسائيوں كى سرزنش ۲

قدرت:قدرت كا سرچشمہ ۸;قدرت كے اثرات ۷

مريمعليه‌السلام :حضرت مريمعليه‌السلام كو معبود قرار دينا ۳; حضرت مريمعليه‌السلام كى پرستش كا پيش خيمہ ۷; حضرت مريمعليه‌السلام كى قدرت ۵، ۷

مشركين:مشركين كى سرزنش ۲

معبود:معبود ہونے كا معيار ۶، ۱۲

منفعت طلبي:منفعت طلبى كے اثرات ۹

نفع:نفع كا سرچشمہ۴، ۵،۶، ۸، ۱۱، ۱۳

نقصان:نقصان سے بچنا ۹;نقصان كا سرچشمہ ۴، ۵، ۶، ۸، ۱۱، ۱۳

آیت ۷۷

( قُلْ يَا أَهْلَ الْكِتَابِ لاَ تَغْلُواْ فِي دِينِكُمْ غَيْرَ الْحَقِّ وَلاَ تَتَّبِعُواْ أَهْوَاء قَوْمٍ قَدْ ضَلُّواْ مِن قَبْلُ وَأَضَلُّواْ كَثِيراً وَضَلُّواْ عَن سَوَاء السَّبِيلِ )

پيغمبر آپ كہہ ديجئے كہ اے اہل كتاب اپنے دين ميں ناحق غلو سے كام نہ لو اور اس قوم كے خواہشات كا اتباع نہ كرو جو پہلے سے گمراہ ہو چكى ہے او ربہت سے لوگوں كو گمراہ بھى كر چكى ہے اور سيدھے راستہ سے بہك چكى ہے _

۱_ اہل كتاب كے دينى عقائد غلو، ياوہ گوئي اور باطل امور پر مشتمل تھے_قل يا اهل الكتاب لا تغلوا فى دينكم غير الحق ''لا تغلوا'' كا مصدر'' غلو '' ہے اور اس كا معنى اعتدال كى حد سے خارج ہوكر افراط كى جانب مائل ہونا ہے جسے ياوہ گوئي سے تعبير كيا جاتا ہے_

۲_ پيغمبر اكرمصلى‌الله‌عليه‌وآله‌وسلم كو حكم ديا گيا كہ اہل كتاب كو اپنے دين ميں غلو كرنے اورفضول و بے سروپا باتيں كرنے سے منع كريں _قل يا اهل الكتاب لا تغلوا فى دينكم

۳_ دين ميں غلو كرنا (معارف الہى كو باطل اور فضول اموركے ساتھ ملانا) قابل مذمت اور حرام فعل ہے_

لا تغلوا فى دينكم

۴_ اديان الہى كے پيروكار اپنے دين ميں غلو كرنے اور اس سے منحرف ہوجانے كے خطرے سے دوچار ہيں _

يا اهل الكتاب لا تغلوا فى دينكم

۵_ تثليث اور حضرت عيسيعليه‌السلام اور ان كى والدہ حضرت مريمعليه‌السلام كى الوہيت و خدائي كا عقيدہ عيسائيوں كے اپنے دين ميں غلو اور ياوہ گوئي كا واضح و روشن مصداق ہے_يا اهل الكتاب لا تغلوا فى دينكم

گذشتہ آيات كى روشنى ميں عيسائيوں كى بے سروپا و فضول باتوں كے مورد نظر مصاديق ميں سے ايك ان كا تثليث اور حضرت عيسيعليه‌السلام اور ان كى والدہ حضرت مريمعليه‌السلام كى الوہيت و خدائي كا عقيدہ ہے_

۶_ دين ميں ہر قسم كا افراط اور غلو; باطل اور حقيقت سے خارج ہونا ہے_لا تغلوا فى دينكم غير الحق

''غير الحق'' محذوف كلمہ'' غلواً ''كى صفت ہے اور بظاہر صفت توضيحى ہے يعنى حدود الہى مت پھلانگو كہ يہ ايك باطل فعل ہے_

۷_ دين ميں غلو اورياوہ گوئي كا سر چشمہ آسمانى كتب سے بے اعتنائي ہے_يا اهل الكتاب لا تغلوا فى دينكم غير الحق

عيسائيوں كو اہل كتاب كے طور پر مخاطب كرنے كا مقصد اس حقيقت كى طرف اشارہ كرنا ہے كہ دين ميں غلو كرنا آسمانى كتب كى پيروى كے ساتھ ہم آہنگ نہيں ہے_ بنابريں پيروكاران اديان الہى كے غلو سے كام لينے كى اصل وجہ ان كا اپنى آسمانى كتب كى جانب توجہ نہ كرنا ہے_

۸_ اہل كتاب كے دين ميں غلو اور ياوہ گوئي سے كام لينے كا سرچشمہ ان كا اپنے گمراہ اور ہوس پرست اسلاف كى پيروى كرنا ہے _

يا اهل الكتاب لا تغلوا و لا تتبعوا اهواء قوم قد ضلوا من قبل چونكہ''يا اهل الكتاب'' كے مخاطب زمان پيغمبر اكرمصلى‌الله‌عليه‌وآله‌وسلم كے يہود و نصاري ہيں ، لہذا پتہ چلتا ہے ''قوم قد ضلوا من قبل ''سے مراد اہل كتاب كے اسلاف ہيں جبكہ اس قوم كى ضلالت اور گمراہى كا مورد نظر مصداق ان كا دينى مسائل بيان كرتے وقت غلو اور حد سے تجاوز كرنا ہے_

۹_ اہل كتاب كے ہوس پرست اور گمراہ غاليوں نے بہت سے لوگوں كو بھى گمراہ كيا_و لا تتبعوا اهواء قوم قد ضلوا من قبل و اضلوا كثيراً مذكورہ بالا مطلب ميں '' كثيرا'' كو'' اضلوا'' كيلئے مفعول بہ قرار ديا گيا ہے يعنى ''اضلواكثيرا من الناس''

۱۰_ اہل كتاب كے ناروا اور غلو آميز عقائد كا سرچشمہ گذشتہ ادوار كے گمراہ اور مشرك افراد كے باطل افكار تھے_

قل يا اهل الكتاب لا تغلوا فى دينكم ولا تتبعوا اهواء قوم قد ضلوا اس احتمال كى بناپر كہ ''يا اھل الكتاب'' ميں صرف پيغمبرصلى‌الله‌عليه‌وآله‌وسلم اكرم كے ہم عصر نہيں بلكہ تمام يہود و نصاري كو مخاطب كيا گيا ہو _ اس بنياد پر'' قوم قد ضلوا''سے مراد خود اہل كتاب كے اسلاف نہيں بلكہ مذاہب شرك كے پيروكار ہونگے_

۱۱_ انسان كو بہت سى اور مضبوط جڑوں والى گمراہياں ، گذشتہ ادواركے ہوس پرستوں كے عقائد و افكار سے ورثہ ميں ملى ہيں _و لا تتبعوا اهواء قوم قد ضلوا من قبل و اضلوا كثيراً

اس احتمال كى بناپر كہ جب كثيراً محذوف مفعول مطلق كى صفت ہو يعنى''اضلوا اضلالاً كثيراً''

۱۲_ اديان الہى كے پيروكار اپنے اسلاف كے بے معنى و بيہودہ عقائد اور ہوس پرستى پر مبنى رجحانات كى پيروى كے خطرے سے دوچار رہتے ہيں _و لا تتبعوا اهواء قوم قد ضلوا من قبل

۱۳_ غير مدلل اور نفسانى ميلانات پر مبنى افكار اور عقائد كى پيروى مذموم فعل ہے اور خداوند عالم نے اس سے منع كيا ہے_و لا تتبعوا اهواء قوم قد ضلوا

۱۴_ دين ميں غلو اور افراط كا سرچشمہ غير مدلل اور نفسانى ميلانات ہيں _لا تغلوا فى دينكم غير الحق و لا تتبعوا اهواء قوم قد ضلوا

۱۵_ ہوس پرستى اور نفسانى ميلانات كى بنياد پر دينى عقائد استوار كرنا اپنى اور دوسروں كى گمراہى كا باعث بنتا ہے_

و لا تتبعوا اهواء قوم قد ضلوا من قبل و اضلوا كثيرا

۱۶_ دينى عقائد ميں ميلانات اور نفسانى خواہشات كى پيروى حد اعتدال اور ميانہ روى سے خارج ہونے كا باعث بنتى ہے_و لا تتبعوا اهواء قوم وضلوا عن سواء السبيل

۱۷_ دين ميں غلو كرنا گمراہى ہے اور حد اعتدال اور ميانہ روى سے خارج ہونا ہے_

لاتغلوا فى دينكم غير الحق و لا تتبعوا اهواء قوم ضلواعن سواء السبيل

۱۸_ عہد پيغمبرصلى‌الله‌عليه‌وآله‌وسلم كے بعض يہودى اور عيسائي ہوس پرست اور گمراہ لوگ تھے اور اپنے ہم مذہب افراد كے درميان افراط اور غلو پر مبنى عقائد كى ترويج كرتے تھے_و لا تتبعوا اهواء قوم و اضلوا كثيراً و ضلوا عن سواء السبيل

كلمہ ''ضلوا'' كا آيہ شريفہ ميں دو مختلف جگہوں پر استعمال گمراہوں كے دو مختلف گروہوں كى طرف اشارہ ہوسكتا ہے، ايك آنحضرتصلى‌الله‌عليه‌وآله‌وسلم كى بعثت سے پہلے كا گروہ، جس پر جملہ'' قد ضلوا من قبل'' دلالت كررہا ہے اور دوسرا پيغمبر اكرمصلى‌الله‌عليه‌وآله‌وسلم كا ہم عصر گروہ كہ جس پر جملہ''ضلوا عن سواء السبيل'' دلالت كررہا ہے، واضح ر ہے كہ ايك حصہ ميں '' من قبل ''كى قيد لانا اور دوسرے ميں نہ لانا اس تفسير كى دليل ہے_

۱۹_ معاشروں كو ضلالت سے دوچار كرنا گمراہى و ہوس پرستى كا اثر اور اس كا نتيجہ اسلام كى جانب ہدايت سے محروميت ہے_و لا تتبعوا اهواء قوم قد ضلوا و اضلوا كثيرا و ضلوا عن سواء السبيل

''ضلوا'' كا دوبارہ استعمال ہوس پرست گمراہوں كى ضلالت كے مراحل كى طرف اشارہ ہوسكتا ہے كہ اس صورت ميں تينوں افعال ''قد ضلوا، اضلوا اور ضلوا'' كا فاعل ايك ہى گروہ ہوگا، بنابريں ''لا تتبعوا ...'' كا معنى يہ ہوگا كہ ان ہوس پرست گمراہوں كى پيروى نہ كرو جنہوں نے دوسروں كو گمراہى سے دوچار كيا اور اس كے نتيجے ميں '' سواء السبيل'' (اسلام)كى طرف ہدايت سے محروم ر ہے_

آسمانى كتب:آسمانى كتب سے روگردانى ۷

اديان كے پيروكار: ۴، ۱۲

اسلاف:اسلاف كا عقيدہ ۱۲

اطاعت:ناپسنديدہ اطاعت ۱۳

اعتدال:حد اعتدال سے خارج ہونا ۱۶، ۱۷

الله تعالى:الله تعالى كے نواہى ۱۳

انبياءعليه‌السلام :انبياءعليه‌السلام كى ذمہ دارى ۲

انحراف:انحراف كا خطرہ ۴; انحراف كے موارد ۱۷

اہل كتاب:اہل كتاب كا عقيدہ ۱، ۲، ۱۰;اہل كتاب كا غلو ۱، ۲، ۸، ۹، ۱۰;گمراہ اہل كتاب ۹;ہوس پرست اہل كتاب ۹

دين:دين كو لاحق خطرات كى معرفت ۳، ۴، ۱۰، ۱۱ ;دين ميں غلو ۲ ، ۴ ، ۵ ، ۷ ، ۱۴،۱۷;دين ميں غلو كا بطلان ۶;دين ميں غلو كا سرچشمہ ۱۸ ;دين ميں غلو كى حرمت ۳

عقيدہ:باطل عقيدہ ۱، ۳، ۱۰، ۱۲; باطل عقيدہ كا سرچشمہ ۱۳، ۱۵ ;باطل عقيدہ كى پيروى ۱۳;باطل عقيدہ كى ترويج كے عوامل ۱۸; عقيدہ ميں ہوس پرستى ۱۵، ۱۶

عيسيعليه‌السلام :حضرت عيسيعليه‌السلام كى الوہيت ۵

عيسائي:صدر اسلام كے عيسائي ۱۸;عيسائيوں كا عقيدہ ۵;عيسائيوں كا غلو ۵;عيسائيوں كى ہوس پرستى ۱۸

غلو:غلو سے نہى ۲; غلو كا خطرہ ۴; غلو كا سرچشمہ ۷ ، ۸ ، ۱۰ ،۱۴; غلو كے اثرات ۹،۱۷; غلو كے موارد ۵; ناپسنديدہ غلو ۳،۴

گمراہ: ۱۸گمراہوں كا عقيدہ ۱۰;گمراہوں كى اطاعت ۸

گمراہي:گمراہى كاسرچشمہ ۱۱;گمراہى كے اثرات ۱۹; گمراہى كے اسباب ۹، ۱۵، ۱۹;گمراہى كے موارد ۱۷

محرمات: ۳

مريمعليه‌السلام :حضرت مريمعليه‌السلام كى الوہيت ۵

مشركين:مشركين كا عقيدہ ۱۰

ہدايت:ہدايت سے محروميت كے عوامل ۱۹

ہوس پرست:ہوس پرستوں كا عقيدہ ۱۱;ہوس پرستوں كى پيروى ۸

ہوس پرستي:ہوس پرستى كے اثرات ۱۴، ۱۵، ۱۹

يہود:صدر اسلام كے يہود ۱۸;يہود كى ہوس پرستى ۱۸

آیت ۷۸

( لُعِنَ الَّذِينَ كَفَرُواْ مِن بَنِي إِسْرَائِيلَ عَلَى لِسَانِ دَاوُودَ وَعِيسَى ابْنِ مَرْيَمَ ذَلِكَ بِمَا عَصَوا وَّكَانُواْ يَعْتَدُونَ )

بنى اسرائيل ميں سے كفر اختيا ر كرنے والوں پر جناب داؤد اور جناب عيسي كى زبان سے لعنت كى جا چكى ہے كہ ان لوگوں نے نافرمانى كى اورہميشہ حدسے تجاوز كيا كرتے تھے _

۱_ بنى اسرائيل كے كفار حضرت داؤدعليه‌السلام اور حضرت عيسيعليه‌السلام كى نفرين كى وجہ سے لعنت خدا ميں گرفتار اور اس كى رحمت سے دور ہوگئے_لعن الذين كفروا من بنى اسرائيل علي لسان داوود و عيسي ''لعن ''كا محذوف فاعل حضرت داؤدعليه‌السلام اور حضرت عيسيعليه‌السلام ہيں ، بنابريں جملہ'' لعن ...على لسان داوود و عيسي'' كا معنى يہ ہوگا كہ بنى اسرائيل كے كفار حضرت داؤدعليه‌السلام اور حضرت عيسيعليه‌السلام كى جانب سے مورد لعنت قرار پائے، واضح ر ہے كہ جب كسى انسان كى زبان سے كلمہ لعنت جارى ہوتا ہے تو اس كا معنى ملعون شخص سے رحمت خدا كے انقطاع كى درخواست ہوتى ہے_

۲_ حضرت داؤدعليه‌السلام اور حضرت عيسيعليه‌السلام بنى اسرائيل كے كفار كيلئے خدا كى لعنت اور نفرين كاپيغام لے كر آئے_

لعن الذين كفروا من بنى اسرائيل على لسان داوود و عيسى ابن مريم اس احتمال كى بناپر كہ '' لعن'' كا محذوف فاعل اللہ ہو_ واضح ر ہے كہ بنى اسرائيل كے كفار پر خداوند عالم كى لعنت كا حضرت داؤد اور حضرت عيسي كى زبان سے ادا ہونے كا مطلب يہ ہے كہ خدا وند متعال كى لعنت ان انبياءعليه‌السلام كے توسط سے ان تك پہنچائي گئي_

۳_ انبياءعليه‌السلام كى زبان، نطق خداوند متعال كى تجلى كا ايك مظہر ہے_لعن الذين كفروا على لسان داوود و عيسي ابن مريم

۴_ حضرت داؤدعليه‌السلام اور حضرت عيسيعليه‌السلام اپنى قوم كے كفار كے ايمان لانے سے مايوس ہوچكے تھے_

لعن الذين كفروا من بنى اسرائيل على لسان داوود و عيسي ابن مريم حضرت داؤدعليه‌السلام اور حضرت عيسيعليه‌السلام كا كفار بنى اسرائيل پر لعنت كرنا اور انہيں دھتكارنااس بات پر دلالت كرتا ہے كہ وہ ان كے ہدايت پانے سے مايوس ہوچكے تھے_

۵_ كفار لعنت و نفرين كے مستحق اور رحمت خداوندى سے محروم ہيں _لعن الذين كفروا من بنى اسرائيل

۶_ بعض بنى اسرائيل كا كفر، ان كے دين ميں غلو كا نتيجہ تھا_لا تغلوا فى دينكم لعن الذين كفروا من بنى اسرائيل

اہل كتاب كى جانب سے دين ميں غلو كى طرف اشارہ كرنے كے بعد بعض بنى اسرائيل كے كفر كى طرف ميلان كو بيان كرنا اس بات كى دليل ہوسكتا ہے كہ ان كا كفر ان كے غلو كا نتيجہ تھا_

۷_ دين ميں غلو كفر كا باعث بنتا ہے_لا تغلوا فى دينكم لعن الذين كفروا

۸_ حضرت داؤدعليه‌السلام اور حضرت عيسيعليه‌السلام انبيائے بنى اسرائيل ميں سے ہيں _لعن الذين كفروا من بنى اسرائيل على لسان داوود و عيسى ابن مريم

۹_ حضرت داؤدعليه‌السلام حضرت عيسيعليه‌السلام سے پہلے مبعوث ہوئے تھے_على لسان داوود و عيسى ابن مريم

حضرت داؤدعليه‌السلام كو حضرت عيسيعليه‌السلام سے پہلے ذكر كرنا اس بات كى دليل ہے كہ وہ زمانے كے لحاظ سے حضرت عيسيعليه‌السلام سے پہلے مبعوث ہوئے تھے_

۱۰_ حضرت داؤدعليه‌السلام اور حضرت عيسيعليه‌السلام كے زمانے كے بعض بنى اسرائيل نافرمان اور متجاوز تھے_

لعن الذين كفروامن بنى اسرائيل ذلك بما عصوا و كانوا يعتدون

۱۱_ كفار بنى اسرائيل كا حضرت داؤدعليه‌السلام اور حضرت عيسيعليه‌السلام كى لعنت ميں گرفتار ہونے كا سبب ان كا عصيان اور تجاوز تھا_لعن الذين كفروا ...ذلك بما عصوا و كانوا يعتدون مذكورہ بالا مطلب ميں ''ذلك ''كو لعنت كيلئے اشارہ قرار ديا گيا ہے_

۱۲_ خداوند عالم اور انبياءعليه‌السلام كى نافرمانى ، حدود الہى سے مسلسل تجاوز اور لوگوں كے حقوق پر ڈاكہ ڈالنا، كفر اور لعنت خداوندى ميں گرفتار ہونے كا باعث بنتا ہے_

لعن الذين كفروا ذلك بما عصوا و كانوا يعتدون

۱۳_ اہل ايلہ (بنى اسرائيل كا ايك گروہ) كى جانب سے ہفتے كے دن كے بارے ميں آنے والے حكم خداوندى كى خلاف ورزى اور نافرمانى كى وجہ سے حضرت داودعليه‌السلام نے ان پر لعنت كي_لعن الذين كفروا من بنى اسرائيل على لسان داود

مذكورہ آيہ شريفہ كى وضاحت ميں حضرت امام باقرعليه‌السلام سے روايت ہے: (اما داؤد فلعن اهل ايلة لما اعتدوا فى سبتهم )(۱) اہل ايلہ كى جانب سے ہفتے كے دن كے بارے ميں آنے والے حكم كى خلاف ورزى كى وجہ سے حضرت داؤدعليه‌السلام نے ان پر لعنت كي_

۱۴_ آسمانى كھانا نازل ہونے كے بعد بعض بنى اسرائيل كے كفر اختيار كرنے كى وجہ سے وہ حضرت عيسيعليه‌السلام كى جانب سے مورد لعنت قرار پائے_لعن الذين كفروا من بنى اسرائيل عيسى ابن مريم مذكورہ آيہ شريفہ كى وضاحت ميں حضرت امام باقرعليه‌السلام سے روايت ہے:(... و اما عيسي فلعن الذين انزلت عليهم المائدة ثم كفروا بعد ذلك )(۲) حضرت عيسي نے ان لوگوں پر لعنت كى جنہوں نے اپنے اوپر آسمانى كھانا نازل ہونے كے باوجود كفر اختيار كرليا_

۱۵_ بعض بنى اسرائيل حضرت داؤدعليه‌السلام كى لعنت كے نتيجے ميں خنزير كى صورت ميں جبكہ بعض حضرت عيسيعليه‌السلام كى لعنت كے نتيجے ميں بندر كى صورت ميں مسخ ہوگئے_لعن الذين كفروا من بنى اسرائيل على لسان داؤد و عيسي

مذكورہ آيہ شريفہ كے بارے ميں حضرت امام صادقعليه‌السلام سے روايت ہے: (الخنازير على لسان داؤد و القردة على لسان عيسى ابن مريم)عليه‌السلام (۳) حضرت داؤد نے لعنت كى تو وہ مسخ ہوكر خنزير اور حضرت عيسي نے لعنت كى تو وہ مسخ ہوكر بندر كى شكل اختيار كرگئے_

اصحاب سبت:اصحاب سبت پر لعنت ۱۳;اصحاب سبت كا عصيان ۱۳

الله تعالى:الله تعالى كى حدود سے تجاوز ۱۲;الله تعالى كى رحمت سے محروم ہونا ۱، ۵; الله تعالى كى لعنت كے اسباب ۱۲;الله تعالى كى نافرمانى ۱۲;الله تعالى كے كلام كے مظاہر ۳

انبياءعليه‌السلام :انبياءعليه‌السلام كى زبان ۳;انبياءعليه‌السلام كى نافرمانى كرنا ۱۲

بنى اسرائيل:

____________________

۱) تفسير تبيان ج۳ ص ۶۰۹; نور الثقلين ج۱ ص ۶۶۱ ح ۳۱۵_۲) تفسير تبيان ج۳ ص ۶۰۹; نور الثقلين ج۱ ص ۶۶۱ ح ۳۱۵_

۳) كافى ج۸ص ۲۰۰ ح ۲۴۰; نورالثقلين ج۱ ص ۶۶۰ ح ۳۱۱_

انبيائے بنى اسرائيل ۸;بنى اسرائيل پر لعنت ۱۳،۱۴; بنى اسرائيل كا عصيان ۱۳; بنى اسرائيل كا كفر ۶; بنى اسرائيل كى تاريخ ۱۰; بنى اسرائيل كے تجاوز كرنے والے لوگ ۱۰،۱۱;بنى اسرائيل كے كفار ۱،۲،۱۱،۱۴; بنى اسرائيل كے معصيت كار ۱۰ ، ۱۱; بنى اسرائيل ميں مسخ ۱۵;

زمانہ داؤدعليه‌السلام كے بنى اسرائيل ۱۰;زمانہ عيسيعليه‌السلام كے بنى اسرائيل ۱۰

تجاوز:تجاوز كے اثرات ۱۱، ۱۲

داؤدعليه‌السلام :حضرت داؤدعليه‌السلام اور كفار ۴; حضرت داؤدعليه‌السلام كا قصہ ۹; حضرت داؤدعليه‌السلام كى بعثت ۹;حضرت داؤدعليه‌السلام كى لعنت ۱، ۲، ۱۱، ۱۳، ۱۵ ;حضرت داؤدعليه‌السلام كى مايوسى ۴; حضرت داؤدعليه‌السلام كى نبوت ۸

دين:دين كو لاحق خطرات كى پہچان۷;دين ميں غلو كے اثرات ۶، ۷;

روايت: ۱۳، ۱۴، ۱۵

عصيان :عصيان كے اثرات ۱۱، ۱۲، ۱۳

عيسيعليه‌السلام :حضرت عيسيعليه‌السلام اور كفار ۴; حضرت عيسيعليه‌السلام كى بعثت ۹; حضرت عيسيعليه‌السلام كى لعنت ۱، ۲، ۱۱، ۱۴، ۱۵ ;حضرت عيسيعليه‌السلام كى مايوسى ۴; حضرت عيسيعليه‌السلام كى نبوت ۸

كفار:كفار پر لعنت ۵

كفر:كفر كے اسباب ۷، ۱۲

لعنت:لعنت كے اثرات ۱۵;لعنت كے اسباب ۱

لعنت كے حقدار: ۵

لعنتى لوگ:۱

لوگ:لوگوں كے حقوق پر ڈاكہ ڈالنا ۱۲

مائدہ:مائدہ كا نزول ۱۴

مسخ:بندر كى شكل ميں مسخ ہونا ۱۵; خنزير كى شكل ميں مسخ ہونا ۱۵

آیت ۷۹

( كَانُواْ لاَ يَتَنَاهَوْنَ عَن مُّنكَرٍ فَعَلُوهُ لَبِئْسَ مَا كَانُواْ يَفْعَلُونَ )

انہوں نے جوبرائي بھي کي ہے اس سے بازنہيں آتے تھے اوربدترين کام کياکرتے تھے

۱_ بعض بنى اسرائيل كى نہى عن المنكر جيسے الہى فريضہ سے بے اعتنائي اور اپنے معاشرے ميں پھيلے ہوئے گناہ اور فساد سے لا تعلقي_كانوا لا يتناهون عن منكر فعلوه ''لايتناہون'' كا معنى ہے كہ وہ ايك دوسرے كو نہ روكتے تھے اور نہ ہى نہى عن المنكركياكرتے تھے_

۲_ بنى اسرائيل ميں فسق وفجور اور بہت سارى برائياں رائج تھيں _كانوا لا يتناهون عن منكر فعلوه

جملہ'' كانوا لا يتناہون'' دلالت كرتا ہے كہ وہ مسلسل نہى عن المنكر ترك كرتے تھے، اور يہ دليل ہے كہ ان ميں بہت سارى برائياں برى طرح رچ بس چكى تھيں _

۳_ نہى عن المنكر تمام لوگوں كالازمى فريضہ ہے_كانوا لا يتناهون عن منكر فعلوه

۴_ نہى عن المنكركا ترك كرنا بنى اسرائيل كے تجاوز كا واضح و روشن نمونہ ہے_و كانوا يعتدون _ كانوا لا يتناهون

جملہ '' كانوا لا يتناہون'' جملہ ''كانوا يعتدون'' كى تفسير ہے يا اس كے واضح و روشن مصداق كابيان ہے_

۵_ نہى عن المنكركا ترك كرنا اور معاشرے ميں پھيلنے والے گناہ اور فسق و فجور سے بے اعتنائي برتنا خداوند عالم اور اس كے انبياءعليه‌السلام كى لعنت ميں گرفتار ہونے كا موجب بنتا ہے_لعن الذين كفروا ذلك بما عصوا و كانوا يعتدون_ كانوا لا يتناهون

۶_ كفر كى جانب معاشروں كے رخ كرنے كا سبب نہى عن المنكر كو ترك كرنا ہے_لعن الذين كفروا ذلك بما عصوا و كانوا يعتدون _ كانوا لا يتناهون گذشتہ آيہ شريفہ ميں تجاوز اور تعدى كو كفر اور خداوند عالم كى لعنت ميں گرفتار ہونے كا سبب قرار ديا گيا ہے_ جبكہ مورد بحث آيہ شريفہ ميں نہى عن المنكر ترك كرنے كو تجاوز و تعدى كا واضح مصداق

شمار كيا گيا ہے، بنابريں نہى عن المنكر كا فريضہ انجام نہ دينا لوگوں كے كفر كى جانب رجحان اور لعنت خداوندى ميں گرفتار ہونے كا سبب بنتا ہے_

۷_ بنى اسرائيل برائيوں ميں گرفتار تھے اور دين كے نواہى اور محرمات كى بالكل پروا نہيں كرتے تھے_كانوا لا يتناهون عن منكر فعلوه اس احتمال كى بناپر كہ ''لا يتناہون'' كا معنى ''لا ينتھون'' ہو، يعنى بنى اسرائيل برے كاموں سے باز نہيں آتے تھے اور نواہى اور تنبيہات كى بھى پروا نہيں كرتے تھے_

۸_ نہى عن المنكر كا ترك كرنا بعض بنى اسرائيل كے انتہائي برے، اور ناپسنديدہ افعال ميں سے ايك ہے_

كانوا لا يتناهون لبئس ما كانوا يفعلون

۹_ نہى عن المنكر ترك كرنا ايك برا اور ناپسنديدہ فعل ہے_كانوا لا يتناهون لبئس ما كانوا يفعلون

۱۰_ بنى اسرائيل كے دو قسم كے لوگوں پر لعنت كى گئي ہے: ايك وہ جو نہى عن المنكر كا اثر قبول نہيں كرتے تھے، دوسرے وہ جو خود تو نہى عن المنكر كا فريضہ انجام ديتے تھے ليكن گناہگاروں كے ساتھ اٹھتے بيٹھتے اور ميل جول بھى ركھتے تھے_لعن الذين كفروامن بنى اسرائيل كانوا لا يتناهون عن منكر فعلوه حضرت علىعليه‌السلام سے روايت ہے(... و لما وقع التقصير فى بنى اسرائيل جعل الرجل منهم يرى اخاه على الذنب فينهاه فلا ينتهى فلا يمنعه ذلك من ان يكون اكيله و جليسه و شريبه حتى ضرب الله عزوجل قلوب بعضهم ببعض و نزل فيهم القرآن حيث يقول عزوجل لعن الذين كفروا من بنى اسرائيل كانوا لا يتناهون عن منكر فعلوه )(۱) جب بنى اسرائيل سے كوتاہى ہوئي اور ان ميں برائياں رچ بس گئيں تو ايك شخص ديكھتا كہ ميرا بھائي بھى ان برائيوں كا مرتكب ہوتا ہے، لہذا وہ اسے منع كرتا، ليكن وہ باز نہ آتا تھا تويہ بھى اس كے ساتھ كھانا پينا، اٹھنا بيٹھنا اور ميل جول ترك نہيں كرتا، يہاں تك كہ خداوند متعال نے ان كے دل آپس ميں ملا ديئے، اور ان كے بارے ميں قرآن كريم ميں فرمايا: بنى اسرائيل كے ان لوگوں پر لعنت كى گئي ہے جنہوں نے كفر اختيار كيا جن برائيوں كا ارتكاب كرتے تھے ان سے باز نہيں آتے تھے_

الله تعالى:الله تعالى كى لعنت كے اسباب ۵

انبياءعليه‌السلام :انبياءعليه‌السلام كى لعنت كے اسباب ۵

____________________

۱) ثواب الاعمال مترجصم، ص ۵۹۷ ح ۳; نورالثقلين ج۱ ص ۶۶۰ ح ۳۱۲_

بنى اسرائيل:بنى اسرائيل اور نہى عن المنكر ;بنى اسرائيل پر لعنت ۱۰;بنى اسرائيل كا تجاوز ۴;بنى اسرائيل كا سكوت ۱; بنى اسرائيل كا ناپسنديدہ عمل ۸;بنى اسرائيل كى نافرمانى ۷; بنى اسرائيل ميں برائياں ۲، ۷;بنى اسرائيل ميں گناہ و فساد ۱، ۲;بنى اسرائيل ميں نہى عن المنكر

روايت: ۱۰

عمل:ناپسنديدہ عمل ۹

عمومى ذمہ داري: ۳

كفر:كفر كا پيش خيمہ ۶

گناہگار:گناہگاروں كى ہم نشينى ۱۰

گناہ و فساد:گناہ و فساد كى جانب توجہ نہ كرنا ۵

لعنت:لعنت كے اسباب ۱۰

نہى عن المنكر:نہى عن المنكر ترك كرنا ۴، ۸، ۹;;نہى عن المنكر ترك كرنے كے اثرات ۵، ۶;نہى عن المنكر كى اہميت ۱، ۳;نہى عن المنكر كى جانب توجہ نہ كرنا ۱۰

آیت ۸۰

( تَرَى كَثِيراً مِّنْهُمْ يَتَوَلَّوْنَ الَّذِينَ كَفَرُواْ لَبِئْسَ مَا قَدَّمَتْ لَهُمْ أَنفُسُهُمْ أَن سَخِطَ اللّهُ عَلَيْهِمْ وَفِي الْعَذَابِ هُمْ خَالِدُونَ )

ان ميں سے اكثر كو آپ ديكھيں گے كہ يہ كفار سے دوستى كرتے ہيں _ انہوں نے اپنے نفس كے لئے جو سامان پہلے سے فراہم كيا ہے وہ بہت برا سامان ہے جس پر خدا ان سے ناراض ہے وہ عذاب ميں ہميشہ رہنے والے ہيں ۱_ عہد پيغمبرصلى‌الله‌عليه‌وآله‌وسلم كے بہت سے بنى اسرائيل مشركين مكہ كے ساتھ دوستانہ تعلقات ركھتے اور ان كى ولايت

قبول كرتے تھے _ترى كثيرا منهم يتولون الذين كفروا

بعض مفسرين كا كہنا ہے كہ'' الذين كفروا'' سے مراد مشركين مكہ ہيں _

۲_ بنى اسرائيل مسلسل اور آشكار طور پر مشركين مكہ كے ساتھ دوستانہ اور ولائي تعلقات ركھتے تھے_

ترى كثيرا منهم يتولون الذين كفروا كلمہ'' تري'' سے معلوم ہوتا ہے كہ بنى اسرائيل على الاعلان مشركين مكہ كے ساتھ دوستانہ تعلقات استوار كرتے تھے، جبكہ فعل مضارع ''يتولون '' تعلقات كے استمرار اور دوام پر دلالت كرتا ہے_

۳_ بعض بنى اسرائيل احكام الہى كے پابند اورمشرك كفار سے محبت اور دوستانہ تعلقات سے خود كو دور ركھتے تھے _

ترى كثيرا منهم يتولون

۴_ خداوند متعال اس بات كا خواہاں ہے كہ اديان الہى كے پيروكار كفار كا تسلط اور غلبہ قبول نہ كرتے ہوئے آزاد اور مستقل رہيں _ترى كثيرا منهم يتولون الذين كفروا

۵_ كفار كے ساتھ دوستى اور ان كى ولايت قبول كرنا حرام ہے_ترى كثيرا منهم يتولون الذين كفروا لبئس ما قدمت

۶_ مشركين كے ساتھ دوستى اور ان كى ولايت قبول كرنا ان ناپسنديدہ اعمال ميں سے ايك ہے جو عہد پيغمبرعليه‌السلام كے بہت سے يہوديوں كے ہاں رائج تھے_لبئس ما كانوا يفعلون _ ترى كثيرا منهم يتولون الذين كفروا

جملہ'' يتولون الذين كفروا'' جملہ''لبئس ما كانوا يفعلون ''كا ايك مصداق ہے، اور آيت (۸۲)(و لتجدن اقربهم مودة ...) كہ جو عيسائيوں كو مسلمانوں كا دوست بتاتى ہے كے قرينے كى بنا پر ان آيات ميں بنى اسرائيل سے مراد يہودى ہيں _

۷_ بنى اسرائيل اپنے ہم مسلك لوگوں كوكفار كى ولايت قبول كرنے اور ان كے ساتھ دوستى سے منع نہيں كرتے تھے_

لا يتناهون عن منكر فعلوه تري كثيرا منهم يتولون الذين كفروا مورد بحث آيہ شريفہ''منكر'' كا ايك مصداق بيان كررہى ہے جو گذشتہ آيت ميں گذرا ہے_

۸_ ايمانيمعاشرے كے تمام افراد كيلئے اغيار كے ساتھ تعلقات كے قائم كرنے پر نظر ركھنا اور مؤمنين كو كفار كى ولايت قبول كرنے اور ان كے ساتھ محبت كے رشتے بڑھانے سے روكنا ضرورى ہے_كانوا لا يتناهون عن منكر تري كثيرا منهم يتولون الذين كفروا

۹_ بنى اسرائيل كے كفر اور خدا و انبياء كى لعنت ميں گرفتار