روزے کی قسمیں
مسئلہ 2121: روزے کی چار قسمیں ہیں:

الف: واجب روزہ

ب: مستحب روزہ

ج: حرام روزہ

د: مکروہ روزہ

لیکن واجب روزے کی چند قسمیں ہیں وہ من جملہ مندرجہ ذیل مقامات ہیں:

1۔ ماہ رمضان کا روزہ

2۔ قضا روزہ

3۔ کفارے کا روزہ

4۔ وہ روزہ جو نذر، عہد یا قسم کی وجہ سے واجب ہو ا ہو۔

5۔ وہ روزہ جو اجیر ہونے یا کسی عقد (معاملہ) کے ضمن میں شرط کرنے کی وجہ سے واجب ہو گیا ہے۔

6۔ وہ روزہ جو حج تمتع کی قربانی کے بدلے میں ہو جس کی تفصیل مسئلہ نمبر 2097 میں ذکر کی گئی۔

7۔ اعتکاف کے ایام میں تیسرے دن کا روزہ۔