شبكة الإمامين الحسنين عليهما السلام الثقافية

لا صبرَ يا ابن العسكريّ فشرعةُ الـ

هادي النبيّ استنصرت أنصارَها

وإلى م تغضي والطغاة تحكّمت

في المسلمين وحكّمت أشرارها

ثارت على أبناءِ آلِ محمدٍ

في كربلا حتى أصابت ثأرها

سلّوا سيوف البغي حتى جدّلوا

فوق الصعيد صِغارها وكبارها

وغدا فريدُ المجدِ ما بين العدى

فراد يوبِّخ ناصحا أشرارها

فهناك هزَّ من الوشيجِ مثقفا

واستلَّ من بيض الضبا بتّارها

فكأنه تَجِذَ الكريهةَ روضةً

تزهو ونقع الصافنات غرارها

لو شاء ما أبقى من الأعداء ديّا

را وعفّى بالحسام دِيارها

لكن تجلّت هيبةً الباري له

فهوى كليما حين آنس طورها

فهوى على حرِّ الظهيرة بالعرا

وارِي الحشا وظماه زاد أوارها

لم تُروَ غلةُ صدرِهِ لكنما الأ

سيافُ روَّت من دماهُ شِفارها

رضّت صدورَ بني النبيّ وصيّرت

ظلما على صدرِ الحسين مَغارها

وودايعُ الرحمنِ صِيحَ برحلِها

نهبا ولم تَرعَ الطغاةُ ذمارها

وكرائمُ التتريلِ أضحت كالإما

حسرى تطوف بها العدا أمصارها

تدعوا بهاشمِها ولم ترَ مُنعما

منهم وتندبُ فِهرَها ونِزارها

وترى الرؤوسَ على الرماحِ وقد علا

رأسُ الحسينِ من القفا خَطّارها(١)

الله ايساعد السجاد صبره

مريض او محني امن الگيد ظهره

يشوف الحرم فوگ النوگ يسره

او عن اوجوهها تستر بديها

نوب اللي يصد ليها او تصد ليه

اولا يگدر يحاچيها او تحاچيه

عليها امن السياط ايخاف واعليه

تخاف او بس هلوحيّد وليها

مِنِّ ايروح عنها اشلون تالي

تخاف اتضل حريم ابغير والي

عشيره او منها ظل البيت خالي

اشيضل بالله المثلها حيل بيها

هاي الربت بالعز والجلاله

وابجدها انختم عقد الرسالة

تالي المصطفى تمشي عياله

سبايه والعدو يحدي ابسبيها

جدُّ هذا صدرُ الحسينِ فقد ديـ

ـس عناداً له بقُبِّ البطون

رضضوه بغير افراض غُسلٍ

جامعٍ للحنوط والتكفين

جدي هذا كريمُه فوق سنانٍ

وسنانٌ يَغُلُّه باليمين

جدُّ هذي سكينةٌ اسكنوها

بعد دار الإعزاز في دار هُون

والسبايا على المطايا عرايا

مبدياتٍ لكلِّ وجهٍ مصون

أعاتب هلي ولا واحد ايگوم

او عن الحراير يجلي الهموم

چن طابت الهم لذة النوم

او من هو اليرد اسياط هلگوم

هاي العلينه گامت اتحوم

او طايح ذخر زينب او كثلوم

فوگ الهظم والهم والاحزان

وامصابنه او ذبحة الوليان

صار الرفج ويَّه العدوان

عگب اخوتي او جملة الشبان

واحسين اخوي المات عطشان

راسه يلوح براس السنان

وايرتل ابآية القرآن

او علحرم عينه او عله الرضعان

تركوا جسمه ثلاثا وعلَّوا

رأسَه في رؤوس سمرِ الصعادِ

وسرَوا في نسائه حاسراتٍ

يالَقومي بين الرجال بوادِ

هذا محرمُ قد أطلّ هلالُه

شهرٌ به وُتِرَ النبيُّ وآلُه

شهرٌ به سُفكتْ دماءُ محمدٍ

واُبيحَ دينُ اللهِ جلَّ جلالُه

شهرٌ به بيتُ النبوةِ هُدِّمت

منه القواعدُ وانمحتْ أطلاله

شهر به قُتل الحسينُ بكربلا

ظامي الحشى وسُبينَ فيه عياله

شهر به عينُ السماءِ بكت دما

وبكى البسيطُ سهولُه وجباله

شهر به ثفلُ النبيِّ مضيعٌ

وابنُ النبيِّ به نُهبْنَ رحاله

شهر على سبط النبي محرَّمٌ

فيه الورودُ وقد اُبيح قتاله

يا يومَ عاشوراءَ كم لك في الحشى

ضَرَمٌ يزيدُ على المـَدى إشعاله

الدين بعد ابن النبي تقطّعت

أوصالُه مذ قُطّعتْ أوصاله

ما ذنب أطفالِ أضرَّ بها الظما

تُسقى الردى ما ذا جنت أطفاله

كم من رضيعٍ ما استتمَّ فِصالُه

أمست سهامُ القومِ وهي فِصاله

سُبيت نساءُ محمدٍ وبناتُه

من بعد ما قُتلتْ هناك رجاله(١)

زينب على الناگه يبو الحسنين تنخاك

انهض يبو الشيمه او خلصها امن اعداك

زينب يحيدر ترتجي منك الجيه

او شنهو الذي امْأخْرك يبو النفس الأبيه

ليتك تراها بين عدوانك سبيه

للشام شالت عن وليها وهي ابرجواك

ما هي المصونه اللي تربَّت وسط الخدور

واليوم مسبيه الرحيم الله على كُور

اتعاين على العسَّال راس احسين مشهور

لا من سمعها اتنوح منها الدمع سفّاك

بعد الأساور أصبِح او أمسي ابگيدي

يا بوي من عضَّ الحبل ورْمت ازنودي

يوم انكتل حيدر مضى عني سعودي

ذبحوك يلوالي او ذبحوا جملة ابناك

اتمنيت لا عشنه ولا شفنه ابن ازياد

يومِ مع الأيتام دخلونه بالأگياد

واضيعتي يا بوي شمتتْ بيَ الحسَّاد

ترضى يدخلوني المجلس معْ يتاماك

واتذكِرَتْ بالأمس جيتها الكوفه

فرسان هاشم حول هودجها تحوفه

في اظلال حيدر صاحب النفس العطوفه

واليوم ضاعت يا علي ما بين أعداك

گصد ظعن الحرم كوفان والشَّام

او سوط الشمر منها المتن وشَّام

ضمير العدو منه مات والشَّام

بلا رحمه سباها الفاطميه

ولم أنس مظلوما ذبيحا من القفا

وقد كان نورَ الله في الأرض يلمعُ

بقبّلُه الهادي النبيُّ بنحره

وموضعُ تقبيلِ النبيِّ يُقطَّع

إذا حزَّ عضوا منه نادى بجده

وشمرٌ على تصميمه ليس يرجع

يا جد ذا نحرُ الحسين مضرجٌ

بالدم والجسم الشريف مجرَّدُ

يا جدُّ حولي من يتامى إخوتي

في الذلّ قد سُلبوا القناعَ وجُرّدوا

يا جدُّ من ثكلي وطولِ مصيبتي

ولِما اُعانيه أقوم وأقعد

يا طارشي احتزم عجلان

لهل المعالي او رفعة الشان

او حشِّم بني هاشم او عدنان

او گلهم احسين انذبح عطشان

او تلعب عليه الخيل ميدان

او راسه يلوح ابراس السنان

ببونه احنه تنخّينه وجدنه

او نِكرَوا طيبنه اوياهم وجدنه

لون حاضر ابعملتنه وجدنه

ابخيمنه النار وحسينك رميه

بيني او بين اخوي الگوم حاله

يجدي اتعال شوف احسين حاله

گطع راسه عليه الشمر حاله

وهو عطشان ما شرِّبه اميه

أيا جدُّ عاينتَ سبطَك بالعرا

قتيلا بأرض الطفِّ وهو عفيرُ

أيا جدُّ لو عاينتنا ورأيتنا

سبايا إلى نحو الشئامِ نسير

فردٌ يكُرُّ على الألوف فتنتحي

طرقَ الفرارِ وفي القلوب وجيبُ

ويشدُّ فيهم مُقدِما فتخالُهُم

مِعزى هناك يشد فيها الذيب

منعوه وردَ الماءِ ما رقّت على

أطفالِ أحمدَ للطغاةِ قلوب

ليت الفراتَ غَدا اُجاجا بعده

وعراه من بعدِ الحسين نُضوب

يلقى كتائبهم بجأش طامنٍ

والصدرُ في ضيقِ المجال رحيب

حتى هوى فوق الصعيدِ وحان من

بدرِ التمامِ عن الأنامِ غروب

في درعه بَنَتِ السهامُ بناءَها

وعليه من قصد الرماح كعوب

تكسوه سافيةُ الرماح ملابسا

من نسجها قصدُ الرماح كعوب

وترضُّه للصافنات سنابكٌ

منها فتذهب فوقَه تؤوب

ورجالُه مقتولةٌ وعيالُه

بيد السباءِ ورحلُه منهوب

خُمشت وجوهٌ عند ذاك وشُقِّقَتْ

للطاهرات على الشهيد جيوب

يندبنه بمدامع مسفوحةٍ

بأبي وأمي ذلك المندوب

بأبي الغريبَ وإنّ صبريَ بعده

لو كنت قد حاولته لغريب(١)

راسك مشه ويه الحرم للشام يحسين

او جسمك يظل ابكربله من غير تكفين

اشذنبك يخويه اتموت ظامي الگلب مذبوح

او تبگه ثلثتيام فوگ الثرى مطروح

ايحگلي يخويه على امصابك اتلف الروح

غصبن عليه رايحه للشام يحسين

عنك مشينه يالذي جثه بلا راس

راسك معانه او جثتك بالخيل تنداس

وابجنبه الظامي اخوك البطل عباس

و ابنك علي او جسام هلتوهم امعرسين

گلّي يخويه طفلك المذبوح وينه

يمك دُفن لو ابعيد عنك دافنينه

ويلي عليه وكت الذبح زراگ ابعينه

والله لغسلنَّك يخويه ابمدمع العين

الرباب اشحال يوم الدر لبنها

تعنت يهل مدمعها لبنها

ماتم الك يوليدي لبنها

او ذكرك كل صباح او كل مسيه

عزيز على الكرار أن ينظرَ ابنَه

ذبيحاً وشمرُ ابنُ الضبابي ذابحُهْ

طوّل الغيبه بالنجف حيدر الكرار

لو ما درى بحسين مرمي فوگ الاوعار

انهض يبو الحسنين برض النجف لَتْنام

تنخاك زينب والعليل او ذيچ الايتام

ترضى يبو الحملات زينب تمشي للشام

ما هي العزيزه اللي تخدِّرها بالاخدار

يمشيّد الاسلام والدين ابيمينه

واللي كشف كرب النبي راعي السكينه

في كربله شبلك يحيدر ذابحينه

گوم اسرج اليمون حيدر واطلب الثار

بويه علي شَلهاك عني

وآنه المصايب داهمني

ابن والدي هلراح مني

او ذبحة احسين الصوبتني

(يا ريت ذباحه ذبحني)

(او لا شوف هلهضمه اللفتني)

(النزلت على اعيوني او عمتني)

هاي الاعادي اميسرتني

واسياطهم ورُّمت متني

او روس اخوتي هلجدمتني

طالما حجبوكِ خيرُ رجالِ

وحموكِ بمرهفاتٍ صِقالِ

لا ترجِّين بعدهم حسنَ حالِ

أنتِ مسبيةٌ على كل حالِ

لقد ضربت فوقَ السماءِ قِبابَها

بنو مَن سما فخرا لقوسين قابَها

فكانت لعلياها الثريا هي الثرى

غداة أناخت بالطفوف ركابها

وثارت لنيل العز والمجد وامتطتْ

من العاديات الضابحاتِ عِرابها

سطت وبها ارتجّتْ بأطباقها الثرى

وكادت رواسي الأرض تُبدي انقلابها

فكم أطعمتْ ارماحُها مهجَ العدا

فما كان أقرى طعنَها وضرابها

إلى أنْ بقرْعِ الهامِ فَلّتْ شبا الظُبا

ودَقَّت من الأرماح طعنا حِرابها

هوتْ وبرغمِ الدينِ راحت نحورُها

تُعدّ لأسيافِ الظَلالِ قرابها

قضت عطشا ما بَلَّ حَّر غليلِها

شرابٌ وفيضُ النحرِ كان شاربها

فتلك بأرض الطف صرعى جسومُهم

وارؤُسُها بالمـِيدِ تَتلو كتابها

ورأسُ ابنِ بنتِ الوحي سار أمامَها

وشيبتُه صار النجيعُ خضابها

وأعظمُ خطبٍ للعيونِ أسالها

كما سال يمٌّ والقلوب أذابها

ركوبُ النساءِ الفاطمياتِ حسّراً

على النِيب إذ رُكّبن منها صعابها

إذا هتفت تدعو بفتيانِ قومِها

فبالضرب زجرٌ بالسياط أجابها

تعاتيهم والعين تُهمي دموعُها

فياليت كانوا يسمعون عتابها

وهاتيكمُ من آلِ أحمدَ صبيةٌ

رأت من عداها بعدكم ما أشابها(١)

يوم اگشر بيوم امصيبة الشام

الشام الشام ما هي بلدة اسلام؟(٢)

ثلث ساعات وگفت ذيج الايتام

تتفرج عليها الناس صوبين

بعد ما وگّفوهم نزلوهم

جابوا حبل واحد ربَّطوهم

ما بين الخلايگ سيّروهم

زينب صارخه گوموا ينفلين

صاحت وين أبو الحسنين وينه

گوم ابشيمتك ولْحگ علينه

لأرض الشام يا بويه مشينه

دنهض گوك جر مرهف الحدين

يعد ما صاحن او ندبن وليهن

لن الروس مروهن عليهن

صاحن وين يا هلناس بيهن

ابروس اهلي دگولوا وين ماشين

كيف صبرُ المحبِ وهْوَ يَرى

الأحبابَ من بعد عزةٍ وجلالِ

وحيبب الحبيبِ بين قتيلٍ

وجريحٍ وموثّقٍ بالحبال

ووجوها لا تنظر الشمس إلا

حذرا أن يفوت وقتُ الزوال

مسفراتٍ من بعد سترِ حجابٍ

مبدياتٍ من سُجفِ بعدَ حِجال

يخايب ما جرت والله مثل هاي

حرمه او راس اخوي بين عيناي

آيا ضيم گلبي او جور دنياي

ايموت احسين واحنه نظل عدلين

آيا ذلة اسكينه او هضمها

يحاچيها يزيد او لوَّع امها

ما تحچين يا خيرة حرمها

عليمن هبطيتي الراس تبچين

بچت سكنه يويلي او بچَّت الناس

بعد بيمن يخايب أرفع الراس

انا ايحگلي ليهم او ما علي باس

يرحمني اليگلي لا تسكتين

مثل گلبي گلب لا تضن يرحن

وشفرات النوايب بيه يرحن

اشلون الحرم للشامات يرحن

وأهلها اعله الترب تبگه رميه

أبرزوها حسرى ولكنْ عليها

أسدلَ النورُ حُجْبَه والجلالُ

فتشاكينَ والقلوبُ حِرارٌ

وتنادبنَ والدموعُ تُذال(١)

وجهُ الصباحِ عليَّ ليلٌ مظلمُ

وربيعُ أيامي عليَّ محرمُ

والليلُ يشهد لي بأني ساهرٌ

إن طاب للناس الرُقادُ فهوَّموا

قلقا تُقلبني الهموم بمضجعي

ويغور فكري في الزمان ويُتهم

مَن لي بيوم وغىً يشبُّ ضرامه

ويَشيب فودُ الطفلِ منه فيهرم

فعسى أنالُ من التراث مواضيا

تُسدي عليهن الدهورُ وتُلحم

او موتةً بين الصفوف اُحبها

هي دين معشريَ الذين تقدموا

ما خلتُ أنَّ الدهرَ من عاداتِه

تُروى الكلابُ به ويُظمى الضيغم

ويُقدَّم الأمويُّ وهو مؤخر

ويؤخَّر العلويُّ وهو مقدَّم

ويُضيِّق الدنيا على ابن محمد

حتى تقاذَفَه الفضاءُ الأعظم

خرج الحسينُ من المدينةِ خائفا

كخروجِ موسى خائفا يتكتم

وقد انجلى عن مكةٍ وهو ابنُها

وبه تشرفتِ الحطيمُ وزمزم(١)

گوّض اضعونه امن المدينه بو علي اوشال

ويّاه صفوه من هله شيّالة احمال

گوَّض اضعونه امن المدينه اوشال بالليل

ويَّاه صفوه من هله شدَّت على الخيل

او زينب تعاين للوطن وادموعها اتسيل

اتنادي ابجمعنه انعود لو يتبدل الحال

اشمالچ يزينب عندچ ارجال او تخافين

گبل المصيبه بالهظم والذل تحسين

واشلون حالچ لو مشوا كلهم عن احسين

واحسين تالي السلف هم اتوسد ارمال

او صرت تنخّين ابهلچ ما ينتخولچ

اولا يستطيعون النهوض او يوصلونچ

واطفال عندچ والحريم اتلوع حوالچ

الله يساعد حالتچ ما بين الأنذال

الحرب شدّت يبو فاضل وحلها

او بعد ما ينطب امن الدم وحلها

الشريعه سيطر اعليها وحلها

يراعي الزود يالكلك حميَّه

لزينب بيده ابو فاضل دربها

كفيل او كامت ابعزمه دربها

اشلون ابكربله العسكر دربها

واخوها اعله النهر نايم رميه

ضمَّني عندك يا جدَّاهُ في هذا الضريحْ

علَّني يا جدُّ من بلوى زماني أستريحْ

ضاق يا جَدّاهُ من رحبِ الفضا كلُّ فسيحْ

فعسى طودُ الأسى يندكُّ بين الدكتينْ

جدُّ صفوُ العيشِ من بعدك بالأكدارِ شِيبْ

وأشاب الهمُّ رأسي قبل إبّان المشيبْ

فعلا من داخلِ القبرِ بكاءٌ ونَحيبْ

ونداءٌ بافتجاعِ يا حبيبي يا حسين

ستذوقُ الموتَ ظلما ظامياً في كربلا

وستبقى في ثراها ثاوياً مُنجدلا

وكأني بلئيمِ الأصلِ شمرِ قد علا

صدرَك الطاهرَ بالسيفِ يحزُ الودجينْ

وصل ويلي الگبر جده او بچه حسين

يودعه والدمع يهمل من العين

هوه فوگ الضريح وصاح صوتين

يجدِّي امفارجك غصبن عَليَّه

يجدي ابوسط لحدك ضمني اوياك

تراني الضيم شفته عگب عيناك

يگله يا حبيبي وعدك اهناك

تروح او تنذبح بالغاضريه

تروح او تنذبح يحسين عطشان

وتبگه اعلى الأرض مطروح عريان

ويظل جسمك لعند الخيل ميدان

ولا تبگه امن اضلوعك بجيه

أيُقتل السبطُ ظمآنا ومن دمِه

تُروى الصوارمُ والعسّالةُ الذُبُلُ

لهفي لزينبَ تسعى نحوَه ولها

قلبٌ تزايدَ فيه الوجدُ والوجلُ

يومَ ابنِ فاطمَ والرماحُ شوارعٌ

والبيضُ يرشَحُ حدُّها بمنونِ

يَثني مُكردسَها بأروعَ لم تَرُم

يمناه غيرَ السيف والميمون

خنت بصارمه يداه وإنه

بالنفس يوم الموت غير ضنين

وبقى ابنُ أمِّ الموتِ ثمةَ موقِدا

نارَ الوغى فردا بغير مُعين

يسطو فتنثال الجيوشُ كأنما

شاءٌ تنافرُ من ليوثِ عرين

ظامٍ يُروِّي من دماءِ رقابها

في الحرب حدَّ الصارمِ المسنون

حتى إذا سَئِمَ الحياةَ ونابَه

فقدانُ أكرمِ معشرٍ وبنين

وافاه سهمٌ كان مرماه الحشا

فأصاب قبلَ حشاهُ قلبَ الدين

فهوى فضجتْ في ملائِكِها السما

حزنا عليه برنةٍ وحنين

وثوى على المرضاءِ لا بمشيَّع

يوما لحضرته ولا مدفون

الله أكبرُ كيف يبقى في الثرى

ملقى بلا غسلٍ ولا تكفين

وامضُّ داءٍ في الحشا لو لامَسَ

الراهونَ ضعضعَ جانبَ الراهون

سبيُ الفواطمِ حسّراً ووقوفُها

في دار اخبثِ عنصرٍ ملعون

وقفتْ بمرأى من يزيدَ ومسمعٍ

ولهانةً تدعوا بصوت حزين

أحسينُ يا غوثَ الصريخِ وملجأَ

العاني وكنزَ البائسِ المسكين

أحسينُ يا عِزّي يعزُّ عليك أنْ

تَسْوَدَّ من ضربِ السياطِ متوني(١)

اهنا يلچنت عزنه او ولينه

تراهي الأعادي سالبينه

انهض او شوف الجره اعلينه

علهزل مسبيه اسكينه

واتصيح ابوي اليوم وينه

ما ينتهض مسرع يجينه

وايشوف حاله العلي العينه

بحبال خشنه امگيدينه

يفتِّ الصخر حزنه او ونينه

وللشام بويه امسيرينه

يحسين هذي سفرتك تصعب عليه

خوفي يذبحونك براضي الغاضريه

گلها الذبح معلوم النه ابوادي الطفوف

او فوگ الذبح تنگطع منّه حتى الچفوف

والحرم تغدي ضايعه ما بين الصفوف

لا خيم عدها لا ولي عند العشيه

واخيامُهُمْ بالنار ويلي يحرگوها

واطفالُهُم بالبر يويلي ايشتتوها

واعله الهزل من بعد عزها ايركّبوها

تصرخ صريخ ايفسّر اصخور القويه

واشلون من تنظر الجسمي امسلبينه

او فوگ السلب بالسيف هَمْ اموزعينه

زينب تنادي هذا اخونه بو اسكينه

مطروح عاري ويل گلبي ابن الزكيه

اويلي اعليك يلشيبك امخضّب

اويلي اعليك يلخدك امترّب

اويلي اعليك يلجسمك امسلّب

شفايف ذابله والگلب يسعر

على حسين الفرات انمنع مايه

او نخيت النصرته فزاع مايه

او عليه دم الدمع بالعين مايه

او ما مر مثل يوم الغاضريه

الله أكبر ما أجلَّ رزيةً

مضتِ الدهورُ وما مضت أيامُها

يومٌ به وِترُ النبيِّ وحيدرٍ

وبنو العواتكِ شيخُها وغلامها

ألِلبلايا وللأسقامِ تُبقيني

أمْ للرزايا وللآلامِ تُذريني

يا والدي مَن إذا سافرتَ يَرحمُني

ومن من الخوفِ والأهوالِ يحميني

وإن تعاظَمَتِ الحُمّى على جسدي

أغيرُ كفِّكَ ماءَ البُرءِ يَسْقيني

وأنتَ تدري بما في الروحِ يا أبَتي

فكيفَ يا مُبتَغى روحي تُخَلّيني

وَحْدي وَدارُكَ والأحبابُ موحِشَةٌ

وكلُّ زاويةٍ فيها سَتَسبيني

فَتِلك أركانُها فيكمْ تُذكّرُني

وتلك حيطانُها عنكمْ تُحاكيني

وتلكَ صورةُ عبدِ اللهِ في حَدَقي

كأنَّه يا أبي مِنْها يناغيني

فكيفَ أنساهُ ليتَ العينَ ما نَظرتْ

رحيلَكُمْ ليتني وُسِّدْتُ في حيني

وذي سكينةُ لا أنسى مودَّتها

وكيف كانت على البلوى تُواسيني

وكيف كانت على زنَدٍ تُوَسِّدُني

منها وعن ليلِ أوجاعي تُسلِّيني

وعمَّتي كيف أنساها وقد مَلَكَتْ

قلبيْ فإنْ رَحَلَتْ مَن ذا يُداويني

يا كربلاءُ أخذتِ الكلَّ في عَجَلٍ

منّي وما عادَ لي مَن كانَ يَبْكيني(١)

ركبوا لن عليله اتهدي ابرنه

دريضوا الظعن يالماشين عنه

اگفولي خل اودعكم يهلنه

ابشجه او كل السمعها الدمع ساله

بچت كل عين من شافت بچاها

او بچه حسين اعله حالتها او تناها

تگله ابجدك المختار طه

انه اريد الظعن حطت ارحاله

آمر بالنزول او تلگنها

خوات احسين رادن يهودنها

عن هاي المصايب يسلَّنها

فراگ احسين يو وحشة اعياله

تگللها الحرم للدار ردي

تگول اشلون ابگه بعد وحدي

عبد الله الطفل خلُّوه عندي

رضيع او خاف تتغير احواله

خذت منهم طفلهم وافرادت بيه

او عيَّت فاطمه للحرم تطّيه

اخوها امرادها سلوه تخلِّيه

خذن منها الطفل بت الرساله

صاحت آه يا بويه اتنوني

يبويه احسين ويّاكم اخذوني

وحيده او هم عليله تخلوني

فگدكم يا هلي العلتي اچماله

يگلها انچان حلّينه بالبلاد

نشوف اعراگها او يطّونه المراد

اخوچ ايجيچ متعني السجاد

تجين اوياه بالعز والجلاله

يبويه احسين ويّاكم اخذوني

عگبكم يا هلي يعمن اعيوني

وحدي ابها الوطن لا تخلّوني

عليله والجسم ينلضم بالسَم

ناداها الحسين ودمعته اتسيل

يبعد اهلي سفرنه دربه اطويل

يبويه انتي عليله او جسمچ انحيل

وعلى المثلچ يبويه السفر يحرم

او لا من ولي ينغر عليه

طفله ولا عندي تچيه

ياريت زارتني المنيه

او لتضَلْ منازلكم خليه

جد الضعن واگطع البيده

او شوفة هلي صارت بعيده

والگلب ملگاهم يريده

والحادي ما ريّض ابهيده

لوداعنه النوبه نعيده

راح او گطع گلبي او وريده

وين الذي ياخذلي اكتاب

بيه البواچي او بيه العتاب

للخلوا اعيوني على الباب

ما عَلَيْ ودّوا شنهي الأسباب

ظليت احسب مية احساب

مدري اشصار ابهلي الغياب

اشلون الدهر عن عيني بعدهم

عليله او ما يفل نوحي بعدهم

أريد أنشد هلي شالوا بعدهم

لو خلصوا چتل بالغاضريه

يبويه اعله الدرب عيني تربَّه

واريدك هم البگلبي تربّه

بتكم وبحضانتكم تربّه

وبگيت امحيره وانگطع بيه

يبويه امن البچه ما ظل ويهلي

يتيمه من زغر سني ويهلي

لونّي رايحه او ميته ويلهي

ولا ظل حايره واصفج بديه(١)

أحبايَ لو غيرُ الحمامِ أصابكم

عتبتُ ولكن ما على الموت معتَبُ

من الدمعِ في خدِّي خدَّ رشيحُه

لمولى أتى في الذكر نصّا مديحُه

تمكّن في الأحشاءِ صادقُ حبِّه

صحيحا وخيرُ الحبِّ منه صحيحه

سأبقى وحزني لا يزول فينتهي

عليه ولا طول الزمانِ يُزيحه

أبيت بقلب ملؤُه الهمُّ والأسى

ووجدي لمن لم يدر بادٍ وضوحه

سليلُ عليٍّ مهجةُ الطهرِ فاطمٍ

وَريحانةُ الهادي النبيّ وروحه

غداة أباحت قتلَه شرُّ عصبةٍ

وَيا ويلَ من قتلَ الحسين تبيحه

قضى بعد ما أمسى من الجور ضيّقا

على عينه رحبُ الفضا وفسيحه

فدمعي له وقفا متى مرَّ ذكرُه

سيبقى وجفني دامياتٍ قروحه

لَإنْ قصد الحجاجُ بيتا بمكةٍ

وطافوا عليه والذبيحُ جريحه

فإني بوادي الطف أصبحتُ محرما

أطوف ببيتٍ والحسينُ ذبيحه

وتسألني عن زمزم هاك أدمعي

أو الحجرِ الملثومِ هذا ضريحه(١)

لا وين شايل يا عزيز الروح يحسين

لتروح وادي كربله يبن الميامين

يحسين يبني شيلتك غصبن عليه

ريض الضعينه يا عزيز الهاشميه

لو رحت وادي كربله متردِّ ليه

عندي خبر من جدك الهادي يالحسين

لتروح وادي كربله يا نور عيني

خوفي يطول السفر يبني او لا تجيني

يا عيشة الگشره اعليه يا جنيني

اتروح او تخليها منازلكم ابهل حين

عندي الترابٍ من عهد جدك يمظلوم

اوصى او گلي هلترب يمتلي بدموم

يومٍ تسافر كربله يا بحر العلوم

تنذبح فيها او تندفن من غير تكفين

گلها مثل ما خبّرونك خبروني

لازم ابوادي الغاضريه يذبحوني

اعرف محلّي والذي هم ينصروني

عندي اسمهم بالعدد نيّف وسبعين

عندي اخبار الغاضريه يا حزينه

وانچان ودچ لا محالٍ تنظرينه

يومٍ اراها الطف صاحت وا ولينه

وا ضيعة الأيتام بعدم يا ضيا العين

يظل حزن الگلب للحشر ويتام

على العيلة البگت بس حرم ويتام

البدر هيهات يطلع بعد ويتام

عگب غيبة ابدور الهاشميه

وإن قتيلَ الطفِّ من آل هاشمٍ

أذلَّ رقاباً من قريشٍ فذلَّكِ