شبكة الإمامين الحسنين عليهما السلام الثقافية

صاح اباب المخيم الحادي

يالله الرچب يودايع الهادي

طلعت زينب او گامت تنادي

إبعدوا بالرچب احنه انتوزم

اشلون الغرب هاي ايركّبونه

او جدنه المصطفى او حيدر أبونه

إبعدوا اولا بعد تتگربونه

عليكم گرب هاي الحرم يحرم

لفت زينب لعد ذيچ المهازيل

تركب گامت اطفال او مداليل

لَمَن فرغت تعتب يم العليل

صات گوم اركبك يا مشيم

گاللها وهو يلگف بالأنفاس

اركبي انتي او خليني اويه هلناس

دارت عينها او صاحت يعباس

حادي اظعونه اعله السفر عزَّم

يخويه انته امن اهلنه اللي اكفلتني

او خذت منك بخت من ركبتني

ليش ابديرة الغربة عفتني

ابولية زجر واعليَّه ايتحكم

ماني اختك يراعي العلم والجود

خذت منك بخت والبخت مريود

عذرتك من شفت ما عندك ازنود

يخويه او بالعمد راسك امهشم

يا طارش عجّل ابمكتوب

لبونه الصميده داحي البوب

او من تصل گله اگعد يمندوب

ترضه ابعزيزك يظل مسلوب

عاري او لا خلَّوا عليه ثوب

او زين العباد ابحبل مسحوب

عادت زلم طالب او مطلوب

لاكن بناتك شهلن اذنوب

راحن سبايا او گطعن ادروب

والأطفال تشكي العطش وتلوب

ومدَّت إلى نحوِ الغريَّينِ طرفَها

ونادت أباها خيرَ ماشٍ وراكبِ

قِفْ بالطفوف وجُدْ بفيض الأدمعِ

إنْ كنتَ ذا حزنٍ وقلبٍ موجَعِ

يا سعدُ ساعدني على طولِ البكا

وأذِلْ دموعَك بين تلك الأربع

والبَس ثيابَ الحزنِ سودا واكتحِل

إنْ كنتَ مكتحلا بحرِّ الأدمع

أيبيتُ جسمُ ابنِ النبيِّ على الثرى

ويَبيتُ من فوق الحشايا مضجعي

تبّاً لقلب لا يُقطَّعُ بعده

أسفا بسيفِ الحزنِ أيَّ تقطّع

لم أنسه في كربلاءَ مخاطبا

من ليس يسمع ما يقول ولا يعي

سَفَهَاً لرأيكُمُ انسبوني تعلموا

أني ابنُ أكرمِ شافعٍ ومشفَّع

قالوا له هو ما تقول وإنما

ناديتَ يابنَ الطهرِ من لم يسمع

فغدا يَكُرُّ عليهمُ بحسامه

كرَّ الوصيِّ أبيه لم يتروع

حتى أتاح له القضا سهما قضى

فيه وغلةُ صدرهِ لم تُنقَع

سهمٌ أصاب حشاك يا ابنَ محمدٍ

ظلما أصاب حشى البطينِ الأنزع

لم أنس لا واللهِ زينبَ إذ مشت

وهي الوقورُ إليه مشيَ المسرع

تدعوه والأحزانُ ملأُ فؤادِها

والطرفُ يسفح بالدموع الهُمَّع

أأخيَّ مالكَ عن بناتِك معرضا

والكلُ منك بمنظرٍ وبمسمع

أأخيَّ ما عودتني منكَ الجفا

فعلام تجوفي وتجفو مَن معي

أنعِم جوابا يا حسينُ أما ترى

شمرَ الخنا بالسوط كسَّر أضلعي

فأجابها من فوق شاهقةِ القنا

قُضيَ القضاءُ بما جرى فاسترجعي

وتكفَّلي حالَ اليتامى وانظري

ما كنتُ أصنعُ في حماهمْ فاصعني(١)

(تگله) ابعيني لباري لك اعيالك

وابروحي لكستلك اطفالك

والبين لو يرضه ابدالك

رحنه يبو اليمه فدالك

تمنيت أبوك ايشوف حالك

مطروح محَّد تدنالك

يا خوي وامگطعه اوصالك

ويتاماك هلتلطم اگبالك

يا خوي توصيني بالايتام

وانه حرمه او طحت ما بين ظلام

لجاهد من بعد عينك وناضل

او لصيرن سور لعيالك وناضل

يوسفه اتموت يابن امي وناضل

گبلك ردت يا خويه المنيه

ريِّض يحادي الظعن خلنه انودع احسين

ما هيْ امروَّه يظل عاري ابغير تكفين

ما هي امروَّه انشيل عنه او ما نواريه

جسمه امرضض والترايب سافيه اعليه

نمشي بلا والي او والينه نخلّيه

بالضعن بالله خبّروني الگصد لا وين

ودعتك الله يا ذبيحٍ ما احتضى ابماي

عنك ينور العين سافرت ابيتاماي

يمگطَّع الأوصال لو يحصل على اهواي

ما فارگت جسمك يبو روح الحنينه

يا خوي دورات الدهر كلها عجايب

بالأمس حولي اشبول من فرسان غالب

واليوم راسي امن الهظم والظيم شايب

نمشي حواسر والولي يبگه رهينه

غدت زينب تنادي ابدمع جاري

يبو السجاد ودعتك الباري

يخويه كتفوا ايميني اليساري

او بمتوني الحبل يحسين وسّم

مشينه اعله الهزل وامكتفينه

او خذونه ابهاليسر غضبن علينه

اوياكم نظل لو يحصل بدينه

لمن يحسين يلفينه المحتم

خويه اوداعة الله رحنه عنك

حسره اولا گ ضينه اوداع منك

مرونه عله جسمك اولنَّك

عاري امسلب امخضب امعفَّر

اجروح الگلب يدَّن عيب يبرن

مبارد بالعظم يحسين يبرن

نشوف الروس فوگ السمر يبرن

ظعنه والجثث فوگ الوطيه

اَخي إن سرى جسمي فقلبي بكربلا

مقيمٌ إلى أنْ ينقضيْ منِّيَ العُمُرُ

تاللهِ لا أنسى ابنَ فاطمَ والعدى

تُهدي إليه بوارقا ورعودا

غدروا به إذ جاءهم مِن بعدِ ما

أسْدَوا إليه موثقا وعهودا

قتلوا به بدرا فأظلم ليلُهم

فغدوا قياما في الضَلال قعودا

للهِ مطروحٌ حوتْ منه الثرى

نفسَ العلا والسؤددَ المعقودا

ومجرّحٌ ما غيّرت منه القنا

حُسنا ولا اخلقن منه جديدا

قد كان بدرا فاغتدى شمسَ الضحى

مذ ألبستْه يدُ الدماءِ لُبودا

وتُظلِّه شجرُ القنا حتى أبت

إرسالَ هاجرةٍ إليه بريدا

وثواكلٍ بالنوح تُسعدُ مثلَها

أرأيتَ ذا ثكل يكون سعيدا

لا العيسُ تحكيها إذا حنَّتْ حسرةً

الورقاءُ تُحسنُ عندها الترديدا

إنْ تنعَ أعطت كلَّ قلبٍ حسرةً

أو تدعُ صدَّعتِ الجبالَ المِيدا

عبراتُها تُحيي الثرى لو لم تكن

زفراتُها تَدَعُ الرياضَ همودا

وغدت أسيرةَ خدرِها ابنةُ فاطمٍ

لم تُلفِ غير أسيرِها مصفودا

تدعو بلهفة ثاكلٍ لَعِبَ الأسى

بفؤاده حتى انطوى مفئودا

تُخفي الشجى جلداً فإنْ غلب الأسى

ضعُفتْ فأبدت شجوَها المكمودا

نادت فقطَّعتِ القلوبَ بشجوها

لكنما انتظم البيانُ فريدا

إنسانَ عيني يا حسينُ أخيَ يا

أملي وعِقْدَ جُمانيَ المنضودا

مالي دعوتُ فلا تُجيبُ ولم تكن

عوَّدْتَني من قبلُ ذاك صدودا(١)

ودعتك الله يا عيوني

يردون عنك ياخذوني

او زجر او خوله اليباروني

للكوفه انووا يمشوني

نخيت اخوتي اولا جاوبوني

وابغصب عنكم فارگوني

يحادي الظعن بالله الظعن ون بيه

لما شوفن عزيز الروح ون بيه

اخبرنَّه لبو السجاد ون بيه

ابيسر رحنه لعند ابن الدعيه

أيا جدُّ لو يُفدى من الموت ميِّتٌ

فديتُ حسينا من سهام المنيةِ

أيا جدُّ مَن لي بعد فقدِ مؤملي

ومن ارتجيه إنْ جفتْني أحبتي

أيا جدُّ عنا الصونُ هُتِّك ستره

وأوجُهُنا بعد الخدور تبدَّتِ

وسار ابنُ سعدٍ بالنساء حواسرا

وخلّف جثمانَ الحسينِ بقفرة

خويه لتگول ما عندچ امروَّه

او لتگول ضيَّعت الأخوَّة

أنه ماخوذه يحسين گوَّه

شوف الشمر بيَّه اشسوَّه

علجثث مرَّوا بالخواتين

عمدا او شافتهم مطاعين

واعله الوجه مطروح الحسين

زينب لخوها شبحت العين

رادت عليه فخر النساوين

من عله الناگه اتطيح بالحين

ناده الولي او ضنوة الطيبين

عمه عليهم من تطيحين

اشلون يا عمه تركبين

وانه عليل او بيه تدرين

والگوم إلي ابسلسله امگيدين

لاكن يعمه من تريدين

وانتي على الناگه تودعين

ونَّت ونين المرمر ايلين

منه او يصير الگلب نصين

حتى العساكر تبچي صوبين

نادت يبو السجاد هالحين

للكوفه بينه العده امعزمين

يحادي الظعن بالله الظعن وانه

ما تسمع ولينه كثر وانه

يظل عاري على التربان وانه

أروح ابيسر للطاغي هديه

فرأت سواعد عزِّها مقطعوعة

وحماتها قد رُضضت أجسامُها

تتمايل الأجساد عند ندائها

سكرى ولكنَّ الحمام مدامها

لم أنسها في الركب واضعةً على

أكبادها الأيدي فأين عِصامها

إنْ كان عندك عبرةٌ تُجريها

فانزل بأرض الطفِ كي نسقيها

فَعسى نَبُلُّ بها مضاجعَ صفوةٍ

ما بُلَّتِ الأكبادُ مِن جاريها

ولقد مررت على منازلِ عصمةٍ

ثقلُ النبوة كان اُلقي فيها

فبكَيتُ حتى خلتها ستجيبني

ببكائها حزنا على أهليها

وذكرتُ إذ وقفتْ عقيلةُ حيدر

مذهولةً تُصغي لصوت أخيها

بأبي التي وَرِثَتْ مصائبَ أمِّها

فغدت تُقابلُها بصبر أبيها

لم تُلهَ عن جمع العيالِ وحفظِهم

بفراق أخوتِها وفقدِ بنيها

لم أنس إذ هتكوا حماها فانثنت

تَشكوا لواعجَها إلى حاميها

هذي نساؤك مَن يكون إذا سرت

في الأسر سائقُها ومَن حاديها

أيسوقُها زجرٌ بضرب متونها

والشمرُ يَحدوها بسبِّ أبيها

عجبا لها بالأمس أنت تصونها

واليومَ آلُ أميةٍ تُبديها

حسرى وعزَّ عليك أنْ لم يتركوا

لك من ثيابك ساترا يكفيها

وسروا برأسك في القنا وقلوبُها

تسموا إليه ووجدُها يُضنيها

إنْ أخّروه شجاهُ رؤيةُ حالِها

أو قدموه فحاله يُشجيها(١)

يا مهجة الزهره او حشاها

ذخر الفواطم يا رجاها

منته الذي عزها او ذراها

او من عثرة الدنيه اتحماها

خواتك مشت محد اوياها

للكوفه يردوها عداها

ترضه الشمر يمشي وراها

او بسياط عگبك تولاها

يهلنا الخيم عگب احسين حرگوها

اجسوم اهلي ابحر الشمس خلوها

او هذي روسهم برماح شالوها

او حرايرها عگبها راحت ايساره

يهلنه اجسوم اخوتي ما دفناها

او نسوتها مشت والروس وياها

مشت يسره يهد الحيل ممشاها

شفه بيها العو گلبه وخذ ثاره

لا واحد بگه لبلادنه ايردنه

نمشي باليسر والمصطفى جدنه

چي ننظام والكرار والدنه

حامي الجار ما ذل الدهر جاره

شگبت فوگ جسمه او ظلت اتنوح

تشم صدره او دمع العين مسفوح

يصير امشي او تظل يا بوي مطروح

على التربان عاري موش مگبور

لنوحن واگضّي العمر بالنوح

واعمي اعيوني والتلف الروح

برضاك يو رغماً عليك

يجرني العدو من بين ايديك

وانا اصرخ وادير العين ليك

وأنا ادري ابحميتك ما تخلّيك

اشو شيمتك ما ثوّرت بيك

لچن معذور يالحزَّوا وريديك

دفعني الشمر عن جثتك ولي ساب

ابسوطه ورّم امتوني ولي ساب

ترضه اويه العده امشي ولي ساب

شفه غيضه يبويه او شمت بيه

يا ابنةَ الطهرِ مِنعةً لا ترومي

بعد أهل النَدى وأهلِ العلومِ

ما لهذا القعودِ حولَ الجسومِ

ذهب المانعونَ عنك فقومي

هذه كربلا فقف في ثراها

واخلعِ النعلَ عند وادي طُواها

فهي وادي القدسِ التي ودت الشهـ

ـبُ الدراري بأنها حصباها

حلَّ فيها النورُ الذي نارُ موسى

صاحبِ الطورِ مِن سناهُ سناها

قف بها واسكُبِ الدموعَ دماءً

وابكِ عمرَ المدى على قتلاها

أيُّ قتلى في اللهِ ما من نبيٍّ

أو وصيٍّ من قبلُ إلا بكاها

وبكت بالدم السماواتُ والأر

ضُ وقد قَلَّ بالدماء بكاها

أيُّ عينٍ في الناس تَخجَلُ بالدمـ

ـ ع وعينُ النبيِّ بادٍ قَذاها

فادحٌ هدَّ وقعُه عُمُدَ الديـ

ـنِ وشُلَّت من العلا يمناها

يومَ ثارتْ عصائبُ البغيِ بالديـ

ـن فنالت آمالَها ومُناها

فشفتْ بالحسين ضِغنَ قلوبٍ

كان في محوها الرشادُ شفاها

حلَّأتْه عن الورود وروَّتْ

من دِما نحرِه حدودَ ظُباها

وأحلَّتْهُ بالعراءِ فريدا

لا يُرى غيرُ قبضِها وقَناها

وقضى ظاميَ الحُشاشةِ مُضنىً

بأبي ظاميَ الحشا مُضانا

بأبي في الصعيد ملقىً ثلاثا

في جسومٍ يغشى العيون سناها

بأبي داميَ الوريدِ قطيعَ الر

أسِ يُهدى بغْيا إلى أشقاها(١)

اشلون ابن طه النبي ايذبحونه

او بالسيوف الجسمه ايگطعونه

گطعوا جسمه او بگه فوگ الثره

ابلا دفن مرمي او جثته امعفره

او زينب اتنخّي الدفنته او حايره

اتصيح ماكو اسلام وايدفنونه؟

او لن جواب الگوم ركبوا علخيول

او بالحوافر داسته لبن الرسول

او ظلت اخيول العده اتصول او تجول

واهل بيته ابحالته ايشوفونه

او من اجه زين العباد الدفنته

صاح يا بويه او هلت دمعته

يا بني سد عاينوها الجثته

اشلون ابن حامي الحمه ايوذرونه؟

تراكم عسكر اهمومي وصدراي

واكفكف دمعتي ابچفي وصدراي

الحوافر هشّمت صدرك وصدراي

صبح ميدان لخيول الرزيه

من آل النبي طفله صغيره

لچنها انهظمت ابهظمه چبيره

عگب احسين ابوها اضحت يسيره

بيد اجلاف لا ذمَّه ولا دين

او لمـّن للسبي ساگوها الأضعان

لن ذيچ اليتيمه الدمع غدران

تگلهم يم ابوي ابگه ابهل امچان

اموت ابكربله يم جسم الحسين

دفعها النذل عن جسم ابوها

او رادوا على الناگه ايركّبوها

تگللهم او ركضت صوب اخوها

خلّوني اودعنَّه ابهل حين

گالوا ودْعي اخيچ يا حزينه

اجت ليه ابگلب زياد ونينه

ابطوله نامت او حبت وتينه

اويلي اعليك محزوز الوريدين

علْناگه غصبن ركّبوني

اتمنيتهم لو خيّروني

كم هدمْنا من شاهق متعالِ

وشفَينا الحشا بخسفِ هلالِ

طالما في حِماكِ كان مُغالِ

أنتِ مسبيةٌ على كل حالِ

ألا إنَّ خطبا هائلا جل وقعُه

له تنثني الأيامُ وهي غياهبُ

بافلاذ قلبِ المصطفى قد تنشَّبتْ

مخالبُه والمدمياتُ المخالب

وقارع سبطُ المصطفى في صروفِه

وإقراعُ خَطِّيِّ الخطوب غوالب

عشيةَ جاءته يغصُّ بها الفضا

عصائبُ غدرٍ تقتفيها عصائب

فشمَّر للحرب الزبونِ طليقةً

نواجذه كالليثِ والليثُ غاضب

تحوط به فتيانُ صدقٍ تشوقُهم

حِسانُ المعالي لا الحِسانُ الكواعب

تتابعُ في الضرب الطِعانَ فلا تَرى

سوى طاعنٍ يقفوه في الطعن ضارب

إلى أنْ قضَوا حقَّ المعالي وشُيِّدَتْ

لهم في ذُرى سامي الثناءِ مضارب

وإن أنسَ لا أنسى عقائلَ أحمدٍ

وقد نَهبَت أحشاءَهن النوائب

تُقادُ برغم المجدِ أسرى حواسرا

وتطوي بها أدَمَ الفلاةِ النجائب

تحُنُّ حنينَ النيبِ وهي ثواكل

تُنازعُ منهن القلوبَ المصائب

وما بينها مقروحةُ القلبِ زينبٌ

تنادي وما غيرُ السياطِ مجاوب

وتدعو فتشجي الضمَّ زينبُ حسرةً

بسافح دمعٍ منه تُروى السحائب

أيا ثاويا لم تُرْوَ غُلَّةُ صدرِه

وقد نَهَلَتْ منه القنا والقواضب

أبعدك اجفاني يُمرُّ بها الكرى

ويهنأُ لي عيش وتصفو مشارب(١)

جمعه او سويه ابيت چنه

او تزهي الليالي چانت النه

تالي الدهر شتت شملنه

او بديار غربه النوب ذبنه

او مدّينه چفنه للسلبنه

نترجه گمنه الشمر منه

عنه يبعّد روس اهلنه

بلكن تكفّ النسا عنه

من شوفهم والله انفضحنه

واشحالها التفگد مثلنه

وأعظمُ شيءٍ أن ربةَ خدرِها

تَمُدُّ إلى أعدائها كفَّ سائلِ

تقول لشمرٍ والرؤوسُ أمامَها

وقد أحدقتْ بالسبي أهلُ المنازل

فلو شئتَ تأخيرَ الرؤوسِ عن النسا

وإخراجَها من بين تلك المحامل

ليشتغلَ النُظّار عنا فإننا

خُزينا من النظار بين القبائل

او زينب گامت اتوجهت ليزيد

تگله ابمجلسك هاي الأماجيد

او حريمك بالخدر تخدمها العبيد

اشتگل لله او حبيبه ابيوم تحشر

سبايا ابمجلسك سادات الأكوان

وانته اعله العرش گاعد او فرحان

او راس احسين يهدونه على الزان

الك وانته بخيال الفتح مستر

وأعظمُ خطبٍ لو يُصادفُه الصَّفا

لذاب أسىً من وقعه وتفجَّرا

عقائلُ آلِ اللهِ تَستافُها العدا

على هُزَّلٍ قد أنحلتها يدُ السُرى

ترى فوقَ أطرافِ القنا لحماتِها

رؤوسا كأمثالِ الكواكبِ نُضَّرا

ومروعةٍ تدعو ولا حامٍ لها

والقلبُ محتدمٌ وادمعُها دمُ

يا فاريا كَبدَ الفلاةِ بهوجَلٍ

هيماءَ من طول السرى لا تسأم

قل عن لساني للنبي مبلّغا

خبرا به أحشاؤه تتضرم

يا جدُّ أسواطُ العدى قد ألّمتْ

متني وشتمُهُمُ لحيدرَ أعظم

يا جدَّنا قد أضرموا بخيامنا

نارا وفي الأحشاء نارا أضرموا

يا جد ما من مُقلةٍ دَمِعَتْ لنا

إلا تُقنِّعنا السياطُ ونُشتَم

يا جد ذاب حشا الرضيعِ من الظما

وسقتْه عن ماءٍ دماهُ الأسهم

يا جد حُرمتِ المياهُ على أخي

واُبيح قسرا للظبا منه الدم

يا جد خلَّفنا حبيبَك عاريا

والصدرُ منه مرضَّضٌ ومهشَّم

يا جد غيَّرتِ الشموسُ وجوهَنا

في السبي والأعداءُ ليست تَرحم

أوَ تَصْبرنَّ وذي بنوك لحومُها

للسمر والبيض القواضب مطعم(١)

يجدي والحرم أمست يساره

او علخد الدمع منها ايتجاره

گوم الحگ عليها او سوي چاره

گبل ما تطب تاليها الدواوين

گوم الگ او حل گيده العَليِنه

اليبچي لو نظر لاخته اسكينه

او رقيه اتنادي ابوي احسين وينه

او كلها اتنوح يا جدي النساوين

يجدي امچتفه اعيالك بالحبال

واعله الهزل منها الدمع همال

او تعاين راس اخوها فوگ عسال

او هوه ينظر ابعينه الخواتين

مروا بهنَّ على القتلى مطرحةً

ما بين منعفرٍ في جنب مُصْطَلَمِ

فمذ رأت زينبٌ جسمَ الحسينِ على

البوغا خضيبا بدم النحرِ واللِمَمِ

من مروا او شافت الشبان

ضحايه امطرحه ابحومة الميدان

زينب تنوح ابگلب لهفان

والدمع منها صار غدران

او من شافت المذبوح عطشان

او جسمه خضيب او عله التربان

هاجت يويلي بيها الأحزان

او صاحت الحگوا يالعدنان

يحسين جيبوا گطن واكفان

او دفنوا ابگبره عالي الشان

هم َّ ت لتقضيَ من توديعِهِ وطرا

وقد أبى سوطُ شمرٍ أنْ تُودعَهُ

ففارقتْه ولكنْ رأسُهُ معها

وغابَ عنها ولكنْ قلبُها معه

گلب الحرم يم جسم الحسين

واحسين راسه اعله النساوين

واعليها تهمل دمعة العين

او گلبها الجثته يخفج امذعَّر

هوَّه ايفكّر ابحالة اعياله

اشلون اتطب لديوان النذاله

او هيَّ اتگول منهو التدناله

(او يلمه لا يظل جسمه امطشَّر)

يشمعة ناظري او للعين انسان

عفتني او عَلَي سيف الجور انسان

انتهب ما بعد من هلگوم انسان

يحاسب ذاته واتهزَّه الحميه

ذبل عود العمر يحسين وذّن

عليك او صاولتني المحن وذّن

الك راس اعله راس الرمح وذّن

او توضه جسمك ابدم المنيه

تنعى الحسينَ ودمعُها القاني همى

فوق الخدود كلؤلؤ وضّاءِ

تُهدى على عجف النياقِ حواسرا

نحو اللئامِ وزمرةِ الطلقاءِ

إلى مَ وقلبي من جفوني يُسكَبُ

ونارُ الأسى ما بين جنبيَّ تَلهبُ

لقتلى الأولى بالطف لما دعاهمُ

إلى الحرب سبطُ المصطفى فتأهبوا

ومذ سمعوا الداعي أتوا حومةَ الوغى

تعلّم أيديها الظبا كيف تضرب

مضوا يستلذون الردى فكأنه

رحيقُ مُدامٍ بالقوارير يُسكب

ومن بعدهم قام ابنُ حيدرَ والعدى

جموعٌ بما غصَّ الفضا وهو أرحب

فألبس هذا الأفقَ ثوبَ عَجاجةٍ

به عاد وجهُ الشمسِ وهو منقَّب

إلى أنْ أراد اللهُ بابنِ نبيِّه

يبيتُ بفيضِ النحرِ وهو مخضَّب

فأصبح طُعما للضُبا وهو ساغب

وأصبح رَيَّا للقنا وهو معطب

بنفسيَ إماما غسلُه فيضُ نحرهِ

وفي أرجل الخيل العتاق يُقلب

بنفسيَ رأسا فوق شاهقةِ القنا

تمر به الأرياحُ نشرا فتُعذب

فوا أسفي تلك الكماة على الثرى

ونسوةُ آلِ الوحي تُسبى وتُسلب

وراحت بعين اللهِ أسرى حواسرا

تُساق واستارُ النبوةِ تُنهب

فأين حماةُ الجارِ هاشمُ كي ترى

نِساها على عجفِ الأضالعِ تُجْلَب

وفي الأسر ترنو حجةَ اللهِ بينَها

عليلا إلى الشامات في الغلِّ يُسحب

سرت حسَّرا لكن تُحجِّبُ وجهَهَا

عن العين أنوارُ الإلهِ فتُحجَب

إلى أنْ أتت في مجلس الرجس أبصرتْ

ثنايا حسينٍ وهي بالعود تُضرب(١)

طبينه والديوان عاجد

او يزيد اعله تخت الملك گاعد

واحنه حرم كلنه فواجد

او مچاتيف من واحد الواحد

او ولينه من المرض راگد

او يزيد اعلى راس احسين عامد

يشيعي دمعك اعله احسين همله

اشعندك من رزايا الدهر همله

بس امصاب أبو السجاد همله

البگه عاري او هله راحت سبيه

بالحرم من مروا على احسين

او مطروحه يمه الهاشميين

او دمه ايتجاره من الوريدين

صاحت فرد صيحه النساوين

وام كلثوم اجرت دمعة العين

او ذبت نفسها فوگ الحنين

او گامت تشمه او تجذب اونين

او نادت يجدي وينك الحين

احضر أخيي الماله امعين

دمه الغسل والرمل تكفين

او لو شفت يا جدي الخواتين

تبچي على اظهور البعارين

ابعمّه احلفت والرحمن واسره

النبي عنده خبر من عرج واسره

اعياله تنسبي للشام واسره

او زجر يحدي ابضعون الفاطميه

أيا جدُّ لو عاينتَه وهو بالظَمى

يقاسي المنايا والقنا منه تنهلُ

وكيف عوادي الخيل تركُضُ فوقَه

فلم يبق منه مِفصَلٌ لا يُفصَّل

ليت الهلالَ هلالَ شهرِ محرَّمِ

عَجِلَ الخسوفُ له ولما يُتَمَّمِ

شهرٌ به من لم يُقَرِّحْ جفنَه

عُظمُ المصابِ فليس ذاك بمسلم

كم مدمعٍ فيه لآل محمدٍ

قد سال في يوم الطفوفِ ومن دم

شهر به أمسى الحسينُ مشردا

يطوي القِفارَ وكلَّ فجٍّ أعظم

قد حلّ من إحرامه خوفَ العدى

ونحى العراقَ فديُته من مُحرِم

تالله لا أنساه وهو بكربلا

شَبَحَ السهامِ وكلِّ رمحٍ أقوم

يرعى الخيام وتارةً يرعى الوغى

أبدا بَطرفٍ بينها متقسم

ويرى الأحبةَ صُرَّعا من حوله

فوق البسيطة كالنسور الجُثَّم

يدعوهمُ ما بالُكم عرضتمُ عني

وبيضُ الهندِ تَنْطِفُ من دمى

ثم انثنى نحو الخيام مودِّعا

أطفالَه توديعةَ المستسلم(١)

ودعا عزيزتَه سكينةَ قائلا

سيطول بعدي يا سكينةُ فاعلمي

واحطن فيه بناتُه وعيالُه

فكأنّه بدر يُحاطُ بأنجم

وأتته زينبُ والنساءُ صوارخا

والدمعُ معْ أجفانِها كالعَندم

يدعونه يا كهفَنا وعمادَنا

وملاذَنا في كلِّ خطب مؤلم(١)

بعدك يعزنه اشلون بينه

ترضه يسلبوها اسكينه

او ترضه زجر يبره الضعينه

واعداك خويه امسلبينه

وبحبال خشنه امچتفينه

واشلون ردتنه المدينه

والناس من تنشد تجينه

واتگول اخوچ احسين وينه

شنگول اخونه ذابحينه

او چان الأعادي اميسرينه

من ديره الديره انسبينه

هذا الأشد وأصعب علينه

خذونه للسبي او عنك بعدنه

او حزانه اعليك يا ابن امي بعدنه

عزه يحسين الك ننصب بعدنه

او نذكرك كل صباح او كل مسيه

أخي يا ابنَ أمي يا حسينُ أما ترى

نساءَك حسرى عزَّ عندهمُ السترُ

أخي بعدك السجادُ في قيد أسرِهم

فلهفي لمن قد مضَّه القيد والأسر

أخي لو ترانا فوق أقتاب هُزلِهم

يُسار بنا حسرى يعالجنا القهر

حگ لو بچيت واتهل العيون

زينب عليها لا تلومون

عافت احباب ابخطة الكون

بين الذي امطبر او مطعون

بيها الذي كانوا يحفّون

والصوتها دايم يلبون

هاذي ابجدها اتشرف الكون

تالي ابسبيها الگوم يحدون

مصايبنه اعلى كل امصاب يرهن

اشتكيت او معصبي للحشر يرهن

الشمر للشام بس نسوان يرهن

واصيح او يضرب ابسوطه عليه

أخي يا أخي يا خيرَ ذخرٍ فقدتُه

يا ضيعتي مَن ذا لظيمي أومِّلُ

أخي يا أخي ما كان أسرعَ فُرقتي

لديك فمن لي بعدك اليومَ يكفل

أخي يا أخي هلّا تعود لثاكل

تعلّ من الأحزان طورا وتنهل

أروحُكَ أم روحُ النبوةِ تَصعدُ

من الأرض للفردوس والحورُ سُجَّدُ

ورأسُكَ أم رأسُ الرسولِ على القنا

بآية أهل الكهفِ راح يُردِّد

وصدرُك أم مستودعُ العلمِ والحِجى

لتحطيمِه جيشٌ من الغدر يَعمد

وشاطرتِ الأرضُ السماءَ بشجوها

فواحدة تبكي وأخرى تُعدِّد

وقد نصب الوحيُ العزاءَ ببيته

عليك حدادا والمعزَّى محمد

يلوح له الثقلانِ ثقلٌ ممزقٌ

بسهم وثقلٌ بالسيوف مقدَّد

فعترتُه بالسيف والهسم بعضُها

شهيدٌ وبعضٌ بالفلاة مشرَّد

فأيُّ شهيدٍ أصلتِ الشمسُ جسمَه

ومنشهدُها من أصله متولِّد

وأيُّ ذبيحٍ داستِ الخيلُ صدرَه

وفرسانُها من ذكر تتجمَّد

ألْم تكُ تدري أنَّ روحَ محمدٍ

كقرآنِه في سبطه متجسِّد

فلو علمت تلك الخيولُ كأهلها

بأن الذي تحت السنابك أحمد

لثارت على فرسانِها وتمردت

عليهم كما ثاروا بها وتمرَّدوا

وأعظمُ ما يشجى الغيورَ حرائرٌ

تُضامُ وحاميها الوحيدُ مقيَّد

فمِن موثَقٍ يشكو التشدُّدَ مِن يدٍ

وموثَقةٍ تبكي فتلطمُها اليد

كأنَّ رسولَ اللهِ قال لقومه

خذوا وتَركم من عترتي وتشدَّدوا(١)

مشينه اعله الهزل وامچتفينه

او خذونه ابهاليسر غصبا علينه

اوياكم نضل لو يحصل بدينه

لَمَن يحسين يلفينه المحتَّم

مشت فوگ الظعن والحرم تنحب

او عليها اسياط شمر او زحر تلعب

حتى الظعن للكوفه تگرّب

لابن زياد المبشر تجدَّم

يحادي العيس بالله العيس ونهن

لمن يگضن خوات احسين ونهن

هذي الجثث گلي الروس ونهن

لابن ازياد ودوهن هديه