المنظورات الحسينية الجزء 1

مؤلف: الحاج ألشيخ كاظم منظور الكربلائي

المكتبة ›

مكتبة الرسول الأعظم صلى الله عليه وآله وأهل البيت عليهم السلام ›

الإمام الحسين عليه السلام

^{العربية} ^{2019-10-09 11:41:59}

بالدنيه لتظل تجر حبل آمالك		ما تنول آمالك
ينگطع خوفي وتعثر بآجالك		بين إيدك آجالك
مالك ثمر من غير حسن آجالك		والثمر بعمالك
إحسن أمورك		يالتريد الراحه
والنيه بفروض العمل صفيها		يالتريد الراحه

* * *

بسيف الحلم سدّر جبيلة دهرك		وأكتفي عن دهرك
وإشگف مواضيها إبتجلد صبرك		والنجاح إبصبرك
إقره إب «ألم نشرح»توسع صدرك		رحب يبگه صدرك
طالع ألآيه		يالتريد الراحه
يسر العسر يظهرلك إبتاليها		يالتريد الراحه

* * *

إبمنهج الباطل ميحَصًل مگصودك		لو ردت مگصودك
وبمنهج الحگ من تذب مجهودك		يحصل إبمجهودك
ميضيع أجرك لو فديت أوجودك		لليزكي إوجودك
إتبع الصفوه		يالتريد الراحه
دون الحسين أرواحها فاديها		يالتريد الراحه

* * *

من سگط مسلم منصرع عالغبره

إتچنه إبضعيف الصوت يابن الزهره

ما شاف لن واجف حبيب إبكتره

ومتخوصر إعليه حسين

والگامته محنيها

* * *

٨١

تگلط حبيب إو رفع راسه إبحجره

يطبج الطبره ويشم گام إبنحره

ويگله شوف حسين حاني ظهره

متخوصر وعينه إتفيض

من مصرعك جاريها

* * *

مصرعك مارِد چبدتي أو ماذيني

ومن عيني أهجس طايح إصبي عيني

شنهي يمسلم رادتك وصيني

بالجنه يالسابج فوز

والجنتي تانيها

* * *

صد ( لبن)(١) ظاهر مسلم إو يتناحب

وبضامره نار العطش يتلاهب

(هلّة إنهلّه)(٢) يا حبيب إبزينب

ولتگصر إبحگ حسين

والغربته راعيها

* * *

إبشر يمسلم جاوبه عد عيناك

ثابت تجدني عالعهد من بعداك

من بعد ساعه بالخلد وعدي إوياك

روحي تجدها لحسين

والزينب إمضحيها

* * *

(تمت)

____________________

(١) في النسخة القديمة (لبو) ج ٣.

(٢) في النسخة القديمة (هله) ج ٣.

٨٢

(١٤)

ساعات الفرج

«ميمر مذيل»

ساعاته ساعاته		والفرج ساعاته
بسم الحسين اموقته		والفرج ساعاته

* * *

ياصاح اخذ فكرة يقينك وارتاح		شملك يلمّه
واهتدي ابمصباح الهدى والمصباح		والد اليمه
والبحر جوده البالمچارم طفاح		اقصد ابهمه
عبراته عبراته		والكرم عبراته
تجري ابأنامل راحته		والفرج ساعاته

* * *

ياصاح لوشفت الدهر مايرعاك		ادرع ابصبرك
للفرج وجه وجهك اومد يمناك		واستلم يسرك
والباري بسم حسين يقبل دعواك		وايسهل أمرك
شداته شداته		والداعي شداته
حلهن ابذروة گبته		والفرج ساعاته

* * *

لوطحت باشراك العسر وانيابه		مالك قواها
اودينك ثجيل اوكثرت الطلابه		اورايد وفاها
امن الناس غير حسين لتدگ بابه		اوتطلب رجاها
جوداته جوداته		وحسين جوداته
من خزنة الله اورحمته		والفرج ساعاته

* * *

٨٣

يالروحك ابهم المرض مهتمه		اوحاير ابأمره
إگصد طبيب الحيه الدين ابدمه		والجبر كسره
واقسم على حسين ابكسر ضلع أمه		وامه الزهره
وصفاته وصفاته		روحيه وصفاته
اوروح الشفاء ابتربته		والفرج ساعاته

* * *

ياصاح لوشفت الفزع عم الكون		حافظ كيانك
ليكون تستقطع يصاحب ليكون		أطلب أمانك
لوذ إبضريح حسين حراو مأمون		عيش ابزمانك
ساحاته ساحاته		هالحرم ساحاته
تضمن أمان الطبته		والفرج ساعاته

* * *

(تمت)

٨٤

الفصل ألثاني

المنظورات ألأحمديه

ويشتمل على القصائد التالية:

١ - الرسول الخالدصلى‌الله‌عليه‌وآله «تمهيد ألأكوان بالهادي ومعانيه» (گعدة) ٨٧

٢ - عصمة النبي وآلهصلى‌الله‌عليه‌وآله «خمسه المحمد والعلي المعبود منطيها» (گعدة) ٩٢

٣ - مصباح ألإمامه «نور النبوة بمصابيح ألإمامه» (گعدة) ٩٨

٤ - الثقلان «يا صاح لو دارس إعلوم القياسه» (گعدة) ١٠٣

٥ - أهل البيتعليهم‌السلام «يا صاح دونك تواريخ المچارم» (گعدة) ١٠٩

٦ - يا خاتم الرسل «يا حبيب الباري يامن ختم بيك المرسلين» (گعدة) ١١٤

٧ - أصحاب الكساءعليهم‌السلام «وجدان هذا العالم وتكوينه للخمسه والخمسه وجود العالم» (لطم) ١١٧

٨ - ألآيات الواضحات «يهل تعرض من ألآيه إتگول سحرٍ مستمر» (لطم) ١٢٣

٩ - فتح مكة «تأيد بأنا فتحنا من فتح مكه الرسول» (لطم) ١٢٨

١٠ - يا طالب الجود«يا طالب الجودات خذها إمن أهلها» (لطم) ١٣٢

محمدصلى‌الله‌عليه‌وآله مصدر النور «مظهر النور النور من براهينه» (لطم) ١٣٥

١٢ - أسماء من نور«إقره إبجزو عمّه تجد أبجد إحروف إمقطعّه» (لطم) ١٣٩

٨٥

٨٦

(١)

الرسول الخالدصلى‌الله‌عليه‌وآله

«هجري»

تمهيد الأكوان		بالهادي ومعانيه
اورحمة الباري الواسعه وأسرار الأحكام		بالهادي ومعانيه

* * *

خاض عقلي ابلجج فكري ايريد منجي المذنبين

شاهدت آية الكبرى ابفضل سيد المرسلين

(وما أرسلناك إلا رحمة للعالمين)

أيه وعمت عين الحسد		نورت مصباح السعد
فاز التشاهد والشهد		وانكتب بالشاهدين
شوف السعد شوف		بالهادي ومعانيه
وآية الرحمه الساطعه وأسرار الأحكام		بالهادي ومعانيه

* * *

ابناظر اللي شفت باري الكون طالعت الكتاب

ابحثت عن آية العصمه وعگلي أبدالي الجواب

گلي العصمه ارادة اصدرت من رب الأرباب

يالجاحد اعدل وانعدل		واتمسك بسيد الرسل
اتمثل كتابك وامتثل		واحسب النفسك حساب

٨٧

والعصمه وجدان		بالهادي ومعانيه
عالبيت واهله اموزعه وأسرار الأحكام		بالهادي ومعانيه

* * *

عگلي وفكري تحاكم والحواس امحكمين

مستشار الهم دليلي المهتدي ابنور اليقين

قررت لي هالمحاكم معنه قرآن المبين

قرآن دستور العمل		آيات عالهادي نزل
والهادي بانواره شعل		للبشر مشعل الدين
حكمت القرآن		بالهادي ومعانيه
روح ومواعظ جامعه وأسرار الأحكام		بالهادي ومعانيه

* * *

عگلي ناشدني اعله فكري ايحوم شنهورادته

گتله رايد اسم الأعظم شنهو سره وعلته

گال هذا الاسم مختص بالإله وقدرته

او سراسم الأعظم موضعه		بالنبي ويزهي ابطالعه
والصدر حيدر مرجعه		سر مظاهر آيته
وعلوم الأسماء		بالهادي ومعانيه
عند الأمير امودعه وأسرار الأحكام		بالهادي ومعانيه

٨٨

صرت أفكر بالولايه وخضت بحر الاجتهاد

عگلي صاح اشبيك تايه آنه أدليك الرشاد

الباري ابعقد الولايه طوگ ارگاب العباد

ابطوگ الولايه امجمله		واتحلت أشراف المعاد
او حب الولايه منهله		كوثر ابيوم المعاد
امر الموالين		بالهادي ومعانيه
لاچن الحيدر مرجعه وأسرار الأحكام		بالهادي ومعانيه

* * *

فكري وعگلي تحاكم بحث عن الأوصياء

فكري ابآدم تبصر فضله إعلى الأنبياء

عگلي ناده فضل آدم ارض والهادي سماء

آدم توسل والتجه		بالهادي والعتره نجه
واسم الرسول اومنهجه		فتح بيبان الرجاء
آدم نجه وفاز		بالهادي ومعانيه
وانقبل من عنده الدعه وأسرار الأحكام		بالهادي ومعانيه

* * *

فضل إبراهيم فكري مستدل ابهل الدليل

قال هذا النجه من النار اوبنه بيت الجليل

جاوبه عگلي ابمحمد صار تأييد الخليل

إبراهيم على الباري قسم

باسم التشرف عالأمم

٨٩

واتنعم إبّرد أو سلم		وادركه حامي (الدخيل)(١)
والكعبه تنزار		بالهادي ومعانيه
وثبت حجرها ابموضعه وأسرار الأحكام		بالهادي ومعانيه

* * *

نوّر المعبود گلبي وانكشف عني الستار

استكشفت برج المعاني الغامضه وحجب الأنوار

دورت نور التجله او موسى من ضيه استنار

نور التجله اعله الجبل		مصباح قدسي امن الأزل
الظامن رسول الله انتقل		ودار بالكون المدار
والنور مصباح		بالهادي ومعانيه
چوچب (يلوح)(٢) ابطالع وأسرار الأحكام		بالهادي اومعانيه

* * *

للمسيح اندار فكري (واستحج)(٣) ابحجته

يبرأ الاكمه والأبرص يحي ميت ابحكمته

جاوبه عگلي ابمحمد عيسى صارت آيته

اوآية الحكمه الواضحه		سرها محمد وضحه
اوسورة الشمس والضحى		للرسول او عترته

____________________

(١) في النسخة القديمة ( الدليل) ج٦.

(٢) في النسخة القديمة (بلوح) ج٦.

(٣) في النسخة القديمة (وإستجج) ج٦.

٩٠

عيسى التجه اولاذ		بالهادي ومعانيه
الرابع سمه الباري ارفعه وأسرار الأحكام		بالهادي ومعانيه

* * *

الباري انطه الهادي خمسه وخمسه منطيها العلي

غيرهم ماملك منهن لا نبي أولا وصي

ونحل حيدر بأربع أشياء ومعناهن خفي

هاي المعاني بالدهر		مخفيه ظلت عالبشر
من البحار إخذ الخبر		واعرف الحگ واكتفي
حيدر علم صار		بالهادي ومعانيه
اوفضل الأشياء الأربعه وأسرار الأحكام		بالهادي أو معانيه

* * *

خلفوا بالمله عتره وصه بيها المصطفى

ومن عگب عيناه وافوا عترته ابسوء الوفه

والحسن من جرع سمهم بالطشت چبده اقذفه

ما رعوا لحسين		أُمة الهادي
من بگه ابلا عون		ظامى وينادي
امن العطش نيران		وجّر افادي

* * *

(تمت)

٩١

(٢)

عصمة النبي وآلهصلى‌الله‌عليه‌وآله

«هجري»

خمسه المحمد والعلي المعبود منطيها

علمه او قدرته اوحكمته او رضوانه

* * *

الباري إنطه الهادي خمسه او خمسه منطيها العلي

غيرهم ما ملك منهن لانبي ولا وصي

ونحل حيدر بربع أشياء اومعناهن خفي

وهاالأربعه ابنص الخبر		باللوح سرهن ما ظهر
عالملك والجن والبشر		حيدر ابها المعنه افتخر
بفتخر حيدر بالنبي		وللأمه بكفيها
وفضل الأشياء الأربعه		ابحيدراو عنوانه

* * *

غاص عگلي ابلجج فكري ايريد منجه المذنبين

شاهدت آية الكبره ابفضل سيد المرسلين

« وما أرسلناك إلا رحمة للعالمين »

وها الآيه من نص الوحي		تشهد ابتفضيل النبي
معناها ظاهر موخفي		وامة محمد تكتفي
آية الكبره بالنبي		تزهر معانيها
نور او تجلت ساطعه		بالنبي او برهانه

* * *

٩٢

ابناظر البي شفت باري الكون طالعت الكتاب

ابحثت عن آية العصمه او عگلي ابدالي الجواب

گلي العصمه إرادة اصدرت من رب الأرباب

من فم القدره صادره		اختصت لهل سيد الوره
العصمه بإراده امصوره		من التقدس جوهره
والعصمه جوهر بالنبي		صورها باريها
وعالبيت واهله اموزعه		ابتأويل قرآنه

* * *

عگلي او فكري تحاكم والحواس امحكمين

ومستشار الهم دليلي المهتدي ابنور اليقين

قررت لي هالمحاكم معنه قرآن المبين

القرآن للعالم رشد		بمنهج محمد منفرد
ناداني عگلي من تصد		ابناظر الإيمان اوتجد
القرآن روح او بالنبي		للخلگ يهديها
حكمه او مواعظ جامعه		للثبت إيمانه

* * *

صرت أفكر ( بالولايه ) وخضت بحر الاجتهاد

عگلي ناده اشبيك تايه آنه أدليك الرشاد

الباري ابعقد الولايه طوگ ارگاب العباد

معنه الولايه من الأزل		ونص الوحي بيها نزل
الدين ابمعانيها كمل		(حي على خير العمل)
معنه الديانه بالنبي		والنص شهد بيها
وسر الولايه او مرجعه		( الحيدر ) اوبرهانه

* * *

٩٣

عگلي ناشدني اعلى فكري ايحوم شنهي رادته

گتله رايد اسم الأعظم شنهو سره او علته

گال هذا الاسم مختص بالإله او قدرته

من القدره هل سر مظهره		وبيه الأمور امدبره
اختص ابمحمد مصدره		والباري خصه ( الحيدره )
سر اسم الأعظم بالنبي		كل حاجه يگضيها
وعند الأمير امودعه		سيطرة سلطانه

* * *

فكري اوعگلي تحاكم عن معاني الأصفياء

فكري بآدم تبصر فضله اعله الأنبياء

عگلي ناده فضل آدم أرض والهادي سماه

آدم انقبلت توبته		ابسر الرسول او عترته
لمن خرج من جنته		للباري وجه دعوته
آدم توسل بالنبي		او عترته او طاريها
الباري قبل منه الدعه		ابشاملة احسانه

* * *

فضل إبراهيم فكري مستدل ابها الدليل

گال هذا النجه من النار اوبنه بيت الجليل

جاوبه عگلي ابمحمد صار تأييد الخليل

إبراهيم بالهادي اقتده		والولد أيد والده
إبراهيم حصل مگصده		بالبيت لمن شيده
والكعبه گامت بالنبي		او شادت مبانيها
واثبت حجرها ابموضعه		والبيت واركانه

* * *

٩٤

نوّر المعبود گلبي وانكشف عني الستار

استكشفت برج المعاني الغامضه او برج الأنوار

دورت نور التجله او موسى ظن بالنور نار

للنور لمن دورت		بإيمان گلبي اتبصرت
ابسراعتقادي حصلت		غايتي اوبالغايه انجحت
والنور شفته بالنبي		كل حكمه يحويها
والحكمه آيه ابطالعه		او أيدت ثعبانه

* * *

للمسيح اندار فكري واستحج ابحجته

يبرئ الأكمه والأبرص يحيي ميت ابحكمته

جاوبه عگلي ابمحمد عيسى صار او آيته

عيسى ابمحمد مبدأه		تأيد وثبت منشأه
عيّن العيسى بارئه		يصير المحمد ملجئه
من راد عيسى بالنبي		النفسه ينجيها
الرابع سمه الباري ارفعه		او شبه العدوانه

* * *

كل نبي ولك وصي اتأيد منهجه المصطفى

ومن عگب عيناه وافوا عترته ابسوء الوفه

والحسن من جرح سمهم بالطشت جبده اقذفه

وما رعوا لحسين		أمة الهادي
من بگه ابلا عون		ضامي وينادي
من العطش نيران		حمست افادي
بالنبي للگوم يحلف بالنبي		والگوم چن ماتسمعه

* * *

٩٥

جاوبوه الگوم لاچن بالحجر دون الأفواه

صك جبهته او فاض جرحه وانصبغ شيبه ابدماه

رفع ثوبه اومسح دمه ولن سهم حامي إجاه

والسهم لحسين		مرد دلاله
رمل اعياله		او يتم اطفاله
وعين جده اعليه		بگت هماله
بالنبي والسهم جرحه بالنبي		ومن ظهر سبطه مطلعه

* * *

والتوه من اصواب گلبه او طاح ساجد للمجيد

من حدر راسه وساده يجمع اتراب الصعيد

ينادي ياربي ابسبيلك راح محبوبك شهيد

ضعف حيل حسين		شدة اصوابه
ومنصرع وجروح		جسمه سچابه
ماسوه الباري		حن على امصابه
بالنبي والحزن عجج بالنبي		والعرش ماج ابمصرعه

* * *

مغشي اعلى احسين والگوم بأمره اتحيرت

منها گالت بيه روح او منهم إلگالوا گضت

ابن سعد ناده الحرايب عالمخيم هاجمت

شاهد اعياله		حسين منهوبه
صاح هالنسوان		بيش مطلوبه
اترملت خل عاد		تظل محجوبه
بالنبي راعوها بالله او بالنبي		خلوا الفواطم هاجعه

* * *

٩٦

اشلون گومه الگام بيها حسين من وجه الثره

ايگوم ويطيح اوجبينه أمن التراب امعفره

استند بالسيف او توجه للمخيم ناظره

للفواطم صاح		لاتروعوها
نار فوگ النار		لا تزيدوها
عالمتن بالسوط		لا تضربوها
بالنبي هالسوط أثر بالنبي		والمتن زينب لوعه

* * *

ساعد الله حسين چم نار البگلبه مضرمه

ابكتر نار السهم تسعر وابكتر نار الظمه

وغدت بموسط دليله تشب نار امخيمه

منصرع والخيل		هشمت صدره
رضت اضلوعه		واسحنت ظهره
والسهام البيه		چنها بالزهره
بالنبي او كل هالمواضي بالنبي		والجسمه چنها اتگطعه

* * *

(تمت)

٩٧

(٣)

مصباح ألإمامه

« شيعتي»

نور النبوه بمصابيح الإمامه

يزهر ابمشكاة

قدسية الذات

اوذات القدس ذات الإمامه العبقريه

***

انفتنت ابها النور روحي		وانشغف گلبي ابوداده
فكري ماحلل المعنه		اشما بذل بيها اجتهاد
واكتشف هالنور عگلي		اوعلى الإيمان اعتقاده

إيماني نور ناظري

ابتأويل آيات الوحي

يبتدي النور او ينتهي

إوهالنور بيه الدجه استشكف ظلامه

إو بالعالم ينور

نور على نور

مبدئه الهادي او ينتهي با ( المهدي ) ضيه

***

سار بالإيمان عگلي اوطلب هالنور او ضياءه

ابّرج كل مشرق او مغرب ما لگه زهرة بهاءه

لچن شاف النور ساطع من سنه القدره سناءه

لا يأفل او لا ينخسف

ليغرّب او لا ينكسف

ابضيّه الضلاله تنكشف

هالنور بيه الهده اتأيد قوامه

٩٨

ابأفق الشرف لاح

هالنور مصباح

سرمدي او يزهر بالأنوار السرمديه

***

لعد هذا النور گلبي		شاهده ابناظر يقينه
ابكل نبي هالنور چوچب		سعد واينور ابجبينه
اوبيه برهانه او دليله		اوآيته اوسلطان دينه

هالنور تصديق الرسل

هالنور مرآة العقل

هالنور منهاج العدل

هالنور بهجة گلب روح الكرامه

هالنور قنديل

هالنورإكليل

هالنور زينه منظر اخلاق البهيه

***

لعد هذا النور لمن		تنظر ابناظر يقينك
ينكشف ياصاح منك		كل حجب واتنور عينك
يصير إلك مرآة بيها		اتشوف أصل او فرع دينك

هالنور مرآة الورع

هالنور بالحكمه سطع

هالنور بالرحمه انطبع

هالنور وابجبهة المؤمن علامه

هالنور إيمان

هالنور برهان

هالنور وجدان الأفلاك العالميه

***

٩٩

هذا النور اللي تجلت		بيه آيات الهدايه
هذ نور البيه سارت		على التوفيق البرايه
هذا نور البيه تشوف		العين (ديجور)(١) المنايه

هالنور للدارس بصر

هالنور للضامر نظر

هالنور نبراس الظفر

هالنور سايق العالم للسلامه

هالنور تهليل

هالنور (تنزيل)(٢)

هالنور شفره او تگص عود الجاهليه

***

شطر من نوره الباري		نور لرباب السياده
اوزين اربوطعش چوچب		بيه بسرار الإراده
ما برج لم هالچوا چب		ما عدا برج الشهاده

هاي الشهاده انصاغت امن التكوين

الله گوس الدهر حكم اسهامه

بگلب الموالين

الفگد الميامين

اوظل اليواليهم يجرونه خفيه

***

____________________

(١) في النسخة القديمة ج٣ (مجمور).

(٢) في النخة القديمةج٣ (تكبير ) ولتوحيد القافية وضعنا أعلاه.

١٠٠

شبكة الإمامين الحسنين عليهما السلام الثقافية

المنظورات الحسينية الجزء ١

المنظورات الحسينية الجزء 1

الفصل ألثاني