سن رشد کی شادیاں تحریر علامہ محمد یوسف جبریلؒ عام خیال ہے کہ لڑکوں اور لڑکیوں کی شادی چھوٹی عمر میں نہیں کرنی چاہیئے اور یہ خیال اس لئے ہے کہ یورپ کے ڈاکٹروں اور سائنس دانوں کا فتوی ہے اور جو لفظ ان کے منہ سے نکلتا ہے یا ان کے قلم سے نکلتا ہے وہ گویا صحیفہء آسمانی ہے کہ جس میں شبہ کی گنجائش نہیں۔ اگر تو چھوٹی عمر سے مقصد سن رشد کو پہنچنے سے پہلے کی عمر سے ہے مثلاً جس طرح ہندئووں میں رسم تھی کہ بعض دفعہ بچہ ابھی ماں کے پیٹ میں ہوتا تو اس کی شادی کسی دوسرے ہونے والے بچے سے کر دیتے بشرطیکہ ایک ان میں سے لڑکی ہو اور دوسرا لڑکا تو ہم بھی کہیں گے کہ یہ رسم اچھی نہیں